ཕ་སྐད་གཙང་མའི་བྱ་འགུལ་སྐབས་གཉིས་པར་ཞུགས་པའི་དགེ་སློབ་ཡོངས་ཀྱི་མཉམ་པར།
སྡེ་བའི་བུད་མེད་ཅིག་ཕ་སྐད་གཙང་མའི་ཐ་སྙད་གསར་སློབ་ཀྱི་རྒྱུགས་ལ་ཞུགས་བཞིན་པ།
ན་གཞོན་བུད་མེད་ཅིག་གིས་ཕ་སྐད་གཙང་མའི་འགྲན་སྡུར་རྒྱུགས་ཤོག་འབྲི་བཞིན་པ།
བོན་སྐོར་སྡེ་བའི་ཕ་སྐད་གཙང་མའི་བྱ་འགུལ་སྐབས་དང་པོའི་སློབ་བུ་མཉམ་འཛོམས།
བོན་སྐོར་སྡེ་བའི་སྡེ་མི་ན་གཞོན་ཚོ་སྐབས་གཉིས་པའི་ཕ་སྐད་གཙང་མའི་རྒྱུགས་ལ་ཞུགས།
ཐེངས་འདིའི་བྱ་ཆུའི་འགྱུར་ཁུགས་པར་སྐྲུན་ཐད་ཧྭ་ཆོ་ཐེབས་རྩ་ཚོགས་པས་མ་དངུལ་བཏང་བར་ཐུགས་རྗེ་ཆེ་ཞུ། 本期《夏曲旋律》由华桥基金会资助出版，我们对此致以真诚的感谢！
We extend our sincere appreciation to HuaQiao Foundation for supporting this publication of The Rhythm of Byachu.
སྔོན་འགྲོའི་གཏམ།
དུས་རབས་ཉེར་གཅིག་ནང་ཕྱིའི་དཔལ་འབྱོར་འཕེལ་རྒྱས་མགྱོགས་པའི་འགྲོས་དང་བསྟུན་མི་རིགས་ཕན་ཚུན་ལ་སྔར་
ལས་ལྡབ་འགྱུར་གྱིས་འབྲེལ་འདྲིས་མང་དུ་བྱུང་། གཅིག་གྱུར་གྱི་འཕེལ་རིམ་ཞིག་ལ་ཐོན།
རྒྱུད་རིམ་འདིའི་ཁྲོད་དུ་ང་ཚོ་སུས་ཀྱང་འགོག་མི་ནུས་པའི་འཛམ་གླིང་ཁ་ཕྱོགས་
རྒྱུ་མཚན་འདིའི་སྟབས་ཀྱིས་མི་རིགས་མང་པོ་ཞིག་གི་སྐད་དང་རིག་གནས་ལ་ནུབ་ཕྱོགས་
དང་སྟོབས་འབྱོར་རྒྱལ་ཁབ་སྐོར་ཞིག་གི་རིག་གནས་ཀྱི་བཙན་འཛུལ་ཐེབས་ཀྱིན་འདུག
རང་མི་རིགས་ཀྱི་སྐད་དང་རིག་གནས་ལ་
ཡང་དེ་བཞིན་གྱི་ཉེན་ཁར་སླེབས་འདུག་པ་མངོན་གསལ་རེད། སྐད་ཡིག་དང་རིག་གནས་ནི་མི་རིགས་ཤིག་འཚོ་སྡོད་ཐུབ་པའི་སྲོག་ རྩ་ཡིན་པ་གནའ་དེང་གི་དམ་པ་མང་པོས་བློ་ཁ་གཅིག་ལྕོགས་ཀྱིས་འཆད།
དེ་བས་ང་ཚོས་བསམ་པ་གཅིག་གྱུར་གྱི་སྒོ་ནས་རང་གི་
སྐད་ཡིག་རྒྱུན་འཛིན་དང་དར་སྤེལ་བྱ་བའི་སྙིང་སྟོབས་དང་བརྩོན་སེམས་བསྐྱེད་དགོས་པ་ནི་ཐོག་མའི་འོས་འགན་གལ་ཆེན་རེད་ སྙམ། ཉེ་ལམ་སྐད་དང་རིག་གནས་སྲུང་སྐྱོབ་ཐད་ཀྱི་བགྲོ་གླེང་དང་ལག་ལེན་བྱེད་པའི་ཚོགས་པ་སོགས་མང་དུ་ཐོན་བཞིན་འདུག་མོད། ཚད་ལྡན་གྱི་ཐབས་ལམ་དང་ལག་ལེན་གང་ཞིག་བརྒྱུད་དེ་སྲུང་སྐྱོབ་བྱེད་རྒྱུ་ནི་ད་དུང་མུ་འཐུད་དུ་འབད་འབུངས་བགྱི་དགོས་བ་ཞིག་ རེད། ཉེ་བའི་ལོ་དུ་མའི་ནང་གསར་དུ་ཐོན་པའི་མིང་བརྡ་དག་ལ་ཡང་འགྱུར་མི་འདྲ་བ་ཧ་ཅང་མང་བ་དང་གཅིག་གྱུར་ཐད་རིན་ཐང་ ཡོད་མེད་གཉིས་ཀའི་རྩོད་གཞི་ཡང་མང་པོ་སློང་བཞིན་འདུག གསར་གཏོད་དང་སྙོམ་སྒྲིག ལག་ལེན་ཐད་ཀྱི་རྩུབ་སྡུར་ནི་ང་ཚོར་སུན་ སྣང་དང་སྐྲག་སྣང་སློང་དགོས་པ་ཞིག་གཏན་ནས་མ་རེད། གསར་བྱུང་བརྡ་དག་མང་པོ་ཞིག་ང་ཚོས་ཇི་ལྟར་གཏན་ལ་འབེབས་རྒྱུ་ནི་ དུས་ཚོད་ངེས་ཅན་གྱི་ལག་ལེན་ལ་ཐུག་ཡོད་པ་ལས་ཉིན་གཅིག་གཉིས་ཀྱི་བགྲོ་གླེང་ཙམ་གྱིས་ཐག་གཅོད་རྒྱུ་ནི་ཧ་ཅང་ཁག་པོ་འདུག གནའ་བོའི་རོ་མན་གོང་མའི་རྒྱལ་ཁབ་ཀྱི་སྡེབ་སྦྱོར་རིག་པ་སྨྲ་བ་མར་ཁུ་སུ(Marcus F. Quintilianus)ཡིས་སྐད་རིགས་ཤིག་ རྒྱུན་སྤྱོད་གཏོང་བ་ནི་སྐད་རིགས་དེ་ཉིད་རྒྱུན་འཛིན་དང་མིང་བརྡ་དག་གཏན་ཆགས་བྱེད་པའི་རྩ་བ་ཡིན་ཞེས་གསུངས་འདུག
དེ་
བས་སྐད་ཡིག་སྲུང་སྐྱོབ་སྐོར་ཀྱི་གནད་དོན་འདི་དག་ནི་སྐད་ཡིག་འཕེལ་རྒྱས་ཀྱི་དན་རྟགས་གལ་ཆེན་ཡིན་པས་ང་ཚོས་ནམ་ཡང་ རྒྱུན་འཁྱོང་བྱས་ཏེ་བེད་སྤྱོད་གཏོང་ཐུབ་ཐུབ་བྱེད་པ་ལས་མཐའ་གཅིག་ཏུ་རྒོལ་ན་མི་འོས་སྙམ། ནམ་ཞིག་ང་ཚོར་རྩོད་གཞི་དང་རྩུབ་ སྡུར་མེད་པ་ན་སྐད་རིགས་དེ་ཉིད་སླར་གསོ་བྱེད་པའི་དབུགས་ཀྱི་རྒྱུ་བ་ཡང་རང་བཞིན་གྱིས་ཉམས་འགྲོ་བ་ངང་གིས་བསྟན་ཡོད།
དེས་ན་དེང་སྐབས་བོད་ཀྱི་སྐད་ཡིག་དང་རིག་གནས་ཀྱི་ཚེ་སྲོག་གི་གནས་བབས་ལ་གཞིགས་ཏེ་ཐུགས་ཁུར་དང་རྒྱབ་
སྐྱོར། སྲུང་སྐྱོབ་དང་སྔོགས་འདོན་བགྱིད་པའི་བྱ་བཞག་གི་རླབས་ཆེན་པོ་ཆར་རྗེས་ཤ་མོ་བཞིན་ཕྱོགས་སོ་སོར་རྡོལ་པའི་དུས་འདིར། ངེད་བྱ་ཆུའི་འགྱུར་ཁུགས་དུས་དེབ་ཚོགས་ཆུང་གིས་ཀྱང་བྱ་བཞག་འདི་ཀའི་ཕྱོགས་ལ་ནུས་པ་གང་ཡོད་ཀྱིས་ཕ་སྐད་དང་འབྲེལ་ སློབ་ཆུང་དང་སློབ་འབྲིང་སློབ་མ་གཙོར་བྱས་པའི་སློབ་ཕྲུག་དག་ནས་འགོ་བརྩམས་ཏེ། སྐད་ཡིག་གི་ལས་དོན་དང་འབྲལ་ཏུ་མེད་པའི་ འབྲི་རྩོམ་ནུས་ཤུགས་ཐད་སྐུལ་མའི་རྒྱགས་ཕྱེ་ཙམ་དུ། བྱ་ཆུའི་འཁྱུར་ཁུགས་འདོན་ཐེངས་བརྒྱད་པ་འགྲེམ་སྤེལ་བྱེད་ཐུབ་པ་དགེའོ།།
གཙོ་སྒྲིག་པ་བྱ་གཞུང་སྙིང་ལྕགས་རྒྱལ་ནས། ༢༠༡༣ལོའི་ཟླ་༩ཚེས་༣༠།
དཀར་ཆག
སྲོལ་རྒྱུན་གངས་རིའི་ཆབ་རྒྱུན།
རྩྭ་ཐང་།་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་44 རེ་སྒུག་གི་ཉི་མ་སེར་པོ།་ ་་་་་་་་་་་་་་་་་་་་་་་་་་་་་་་་་་་་་་་་་་་་་་་་45
དྲིན།་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་2
ཕ་སྐད།་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་46
ང་ནམ་ཡང་ཁྱོད་ཀྱི་བདག་པོ་ཡིན།་་་་་་་་་་་་་་་་་་་་་་་་་་་་་་་་་་་་4
མང་ཆུའི་འགྲམ་གྱི་དྲན་པ།་་་་་་་་་་་་་་་་་་་་་་་་་་་་་་་་་་་་་་་་་་་་་་49
དྲན་པའི་སྨུག་སྤྲིན།་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་6
སྦྲ་ནག་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་52
ཕ་ཡུལ་དྲན་གླུ།་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་7
ངའི་མིག་ཆུ།་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་54
དགའ་སྐྱོ།་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་10
ལྷུག་རྩོམ་བྱ་ཆུའི་བཞུར་རྒྱུན།
དུས་གསུམ་གྱི་འཆར་སྣང་།་་་་་་་་་་་་་་་་་་་་་་་་་་་་་་་་་་་་་་་་་་་་་་11
ང་དང་བྱ་ཆུའི་འགྱུར་ཁུགས།་་་་་་་་་་་་་་་་་་་་་་་་་་་་་་་་་་་་་་་་་་་་56
མགྱོགས་བྲིས་ཁག་གཉིས།་་་་་་་་་་་་་་་་་་་་་་་་་་་་་་་་་་་་་་་་་་་་་་་13
ང་དང་ངའི་སློབ་གྲྭ།་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་57
མ་ཡུམ་ལ་བསྟོད་པ།་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་16
སྐད་དང་ཡི་གེ་ནི་མི་རིགས་ཀྱི་བླ་སྲོག་ཡིན།་་་་་་་་་་་་་་་་་་་་་་་་་་60
སྙན་ཚོམས།་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་19
དྲིན་ལ་དྲིན་དུ་གོ་བ།་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་62
སློབ་གྲོགས་ཚོ།་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་21
དུས་ཚོད་དང་ཤེས་ཡོན།་་་་་་་་་་་་་་་་་་་་་་་་་་་་་་་་་་་་་་་་་་་་་་་་་64
དུས་བཞིའི་འགྱུར་ཁུགས།་་་་་་་་་་་་་་་་་་་་་་་་་་་་་་་་་་་་་་་་་་་་་་་་23
སློབ་འབྲིང་གི་འཚོ་བ།་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་66
ཨ་མ་དྲན་གླུ།་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་25
སྐད་དང་ཡི་གེ་ནི་མི་རིགས་ཤིག་གི་བླ་སྲོག་ཡིན།་་་་་་་་་་་་་་་་་་་་68
ཐོལ་བྱུང་ངག་གི་སྐྱོ་འབོད།་་་་་་་་་་་་་་་་་་་་་་་་་་་་་་་་་་་་་་་་་་་་་་27
བྱ་ཆུ་དཀར་མོའི་འགྱུར་ལྡོག་་་་་་་་་་་་་་་་་་་་་་་་་་་་་་་་་་་་་་་་་་་་70
ཚིག་འདིར་གསོན།་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་29
བརྩེ་དུང་གི་མངར་ཁ།་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་72
འགྱོད་གདུང་དྲག་པོ།་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་32
རློམ་མི་ཐུབ་པའི་མི།་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་75
ཨ་ཕ་དྲན་གླུ།་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་33
རླུང་ཁ་ན་བསྐྱོད་པའི་ཨ་མ།་་་་་་་་་་་་་་་་་་་་་་་་་་་་་་་་་་་་་་་་་་་་་77
སློབ་དཔོན་ལ་བསྟོད་པ།་་་་་་་་་་་་་་་་་་་་་་་་་་་་་་་་་་་་་་་་་་་་་་་་་35
ངའི་སེམས་ནང་གི་རིག་པའི་དཔའ་བོ།་ ་་་་་་་་་་་་་་་་་་་་་་་་་་་་་་79
སྒོར་མོ།་ ་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་37
རྨོ་བོ་ལགས་ངས་ཁྱེད་རང་དྲན་ཐེངས་རེར།་་་་་་་་་་་་་་་་་་་་་་་་་81
འགྱོད་པའི་ཤུགས་རིང་།་་་་་་་་་་་་་་་་་་་་་་་་་་་་་་་་་་་་་་་་་་་་་་་་་3
སློབ་གྲོགས་ཚོ།་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་48
གྲོགས།་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་5
ཁྱོད་སོང་ཤུལ་དུ།་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་50
མགྱོགས་བྲིས་ཁག་གསུམ།་་་་་་་་་་་་་་་་་་་་་་་་་་་་་་་་་་་་་་་་་་་་་་་6
སློབ་གྲོགས་ཚོ། མཉམ་དུ་འགྲོ་་་་་་་་་་་་་་་་་་་་་་་་་་་་་་་་་་་་་་་་་་་53
སེམས་ཀྱི་འབོད་པ།་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་9
ཡུམ་ཆེན་ལ་མཆོད་པ།་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་10 དུས་བཞི།་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་12
བདག་གི་ཕ་ཡུལ།་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་57
མུ་འབྲེལ་དུངས་བརྗོད།་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་14
བརྩོན་པ་ནི་རྒྱལ་ཁའི་རྩ་བ་ཡིན།་་་་་་་་་་་་་་་་་་་་་་་་་་་་་་་་་་་་་་་59
སེམས་བསམ་པའི་མར་མེ་འོད་ཆེན།་་་་་་་་་་་་་་་་་་་་་་་་་་་་་་་་་་་17
རང་བྱུང་ཁམས་ཆེན་མོ།་་་་་་་་་་་་་་་་་་་་་་་་་་་་་་་་་་་་་་་་་་་་་་་་་61
གྱེས་བྲལ་གྱི་སྐྱོ་གླུ།་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་20
སྦྲ་ནག་གྲུ་བཞི།་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་63
མ་ཡུམ་སློབ་གྲྭ།་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་22
མ་ཡུམ་སློབ་གྲྭ།་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་65
དྲིན་ཆེན་ཨ་མ།་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་24
ཨ་མའི་བྱམས་བརྩེ།་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་67
མ་ཡུམ་སློབ་གྲྭ།་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་26
ཨ་མའི་བྱམས་བརྩེ།་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་69
མ་བཅོས་སེམས་ཀྱི་རང་སྒྲ།་་་་་་་་་་་་་་་་་་་་་་་་་་་་་་་་་་་་་་་་་་་་་28
དུས་ཚོད་དང་ཤེས་ཡོན།་་་་་་་་་་་་་་་་་་་་་་་་་་་་་་་་་་་་་་་་་་་་་་་་་71
མ་བཅོས་སེམས་ཀྱི་རང་སྒྲ།་་་་་་་་་་་་་་་་་་་་་་་་་་་་་་་་་་་་་་་་་་་་་30
ཕ་ཡུལ་གྱི་ལམ་ཕྲན་དེ།་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་73
དགེ་སློབ་དག་ལ་བརྗོད་པའི་སྙིང་གཏམ།་་་་་་་་་་་་་་་་་་་་་་་་་་་་་32
ལྷད་མེད་ཀྱི་བརྩེ་སེམས་དྭངས་མ།་་་་་་་་་་་་་་་་་་་་་་་་་་་་་་་་་་་་་75
ཕ་ཡུལ་ལ་བསྔགས་པ།་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་34
བདེན་དོན་གྱི་ཆེད་དུ།་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་78
སྟོན་གྱི་རང་མདངས།་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་36
བརྩོན་འགྲུས་ནི་གྲུབ་འབྲས་ཡིན།་་་་་་་་་་་་་་་་་་་་་་་་་་་་་་་་་་་་་་80
ང་ཚོའི་སློབ་གྲྭ།་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་38
བརྗེད་དཀའ་བའི་འདས་དོན་ཞིག་་་་་་་་་་་་་་་་་་་་་་་་་་་་་་་་་་་་་81
རང་མོས་སེམས་ཀྱི་གླུ་གཞས།
སྐད་ཡིག་ནི་མི་རིགས་ཀྱི་བླ་སྲོག་ཡིན།་་་་་་་་་་་་་་་་་་་་་་་་་་་་་་་་་82
པོ་ཏ་ལ། ལོ་རྒྱུས་ཀྱི་ཕ་མཁར།་་་་་་་་་་་་་་་་་་་་་་་་་་་་་་་་་་་་་་་་40 ངང་བ་ཞིག་འདི་ལྟར།་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་42
ངའི་ཕ་ཡུལ།་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་82 མི་རྟག་སྒྱུ་མའི་རང་མདངས།་་་་་་་་་་་་་་་་་་་་་་་་་་་་་་་་་་་་་་་་་་་86 ངའི་ཕུགས་བསམ།་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་87 བདག་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་88
དཀར་ཆག བདག་གི་ཨ་མ།་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་89 བདག་གི་དགེ་རྒན།་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་90 སློབ་ཐུན་གཅིག་གི་ཁ་དོག་ ་་་་་་་་་་་་་་་་་་་་་་་་་་་་་་་་་་་་་་་་་་་་་92 ང་རང་འགྲོ་འདོད།་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་96 ང་དང་ངའི་སློབ་གྲྭ།་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་97 ཚེ་སྲོག་གི་གཟུང་ཐག་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་98 བདག་གི་མ་ཡུམ།་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་99
ཨ་མའི་བྱམས་བརྩེ།་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་100 ཁེངས་སྐྱུང་བྱེད་པ་ནི་ཡ་རབས་སྤྱོད་བཟང་ཞིག་ཡིན།་་་་་་་་་་་་་101 མི་ལ་བརྩོན་འགྲུས་ལྡན་གྱུར་ན། ། ་ ་་་་་་་་་་་་་་་་་་་་་་་་་་་་་་་་་་་102 འཇིག་རྟེན་འདི་ན་དཀའ་བ་མེད། །་་་་་་་་་་་་་་་་་་་་་་་་་་་་་་་་་་་་102 སྐད་ཡིག་ནི་མི་རིགས་ཀྱི་བླ་སྲོག་ཡིན།་་་་་་་་་་་་་་་་་་་་་་་་་་་་་་་་་103 དྲི་ཆེན་ཕ་མ།་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་104 ང་ཡི་ཕུགས་བསམ།་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་105 བདག་གི་དྲིན་ཆེན་ཕ་མ།་་་་་་་་་་་་་་་་་་་་་་་་་་་་་་་་་་་་་་་་་་་་་་་་་106 སྐད་དང་ཡི་གེ་ནི་མི་རིགས་ཤིག་གི་བླ་སྲོག་ཡིན།་་་་་་་་་་་་་་་་་་་་107 སློབ་གྲྭར་བསྟོད་པ།་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་108 སྐད་རིགས་ཐམས་ཅད་ཤེས་ན་བཟང་མོད་ཀྱང་།་་་་་་་་་་་་་་་་་་་109 རང་གི་ཕ་སྐད་བརྗེད་ན་ངོ་ཚ་ཡིན།་་་་་་་་་་་་་་་་་་་་་་་་་་་་་་་་་་་་110 རང་བྱུང་ཁམས་ཀྱི་དྲིན།་་་་་་་་་་་་་་་་་་་་་་་་་་་་་་་་་་་་་་་་་་་་་་་་་111 རྩྭ་ཕྲན་ཞིག་གི་རང་གཏམ།་་་་་་་་་་་་་་་་་་་་་་་་་་་་་་་་་་་་་་་་་་་་་་111
སློབ་འབྲིང་གི་འཚོ་བ།་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་112 ཨ་མའི་བཀའ་དྲིན།་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་113 ཨ་མ་ལགས།་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་115 ངེད་ཚང་གི་སྒོ་ཁྱི།་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་116
སྒྲུང་གཏམ་འཚོ་བའི་མྱོང་བྱང་། ཁྱི་སྐྱག ་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་118
ཁ་པར་ནང་གི་བཙན་གཏམ།་་་་་་་་་་་་་་་་་་་་་་་་་་་་་་་་་་་་་་་་་་་123
བསྒྱུར་རྩོམ་དང་བཅར་འདྲི། ཚད་ལྡན་གྱི་གོ་རིམ།་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་126 བཅར་འདྲི།་ ་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་128 ཕྱི་གླིང་མཁས་པའི་ལེགས་བཤད་རྒྱ་མཚོའི་ཆུ་ཟིལ།་་་་་་་་་་་་་་་་136
ཡུལ་བསྐོར་ཟིན་ཐོ། གནའ་བོའི་གྲོང་།་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་138 ཁྱིམ་བདག་ལ་སྤྲིངས་བའི་ཕྲིན།་་་་་་་་་་་་་་་་་་་་་་་་་་་་་་་་་་་་་་་་139
ཚན་པ་དང་པོ།
སྲོལ་རྒྱུན་གངས་རིའི་ཆབ་རྒྱུན།
1
དྲིན། པདྨ་དོན་འགྲུབ།
མགོ་སྦྲ་སྨུག་པོའི་ཐུ་འོག་ནས།། འོ་ཞོ་མངར་བཅུད་ལྡན་པའི་གསོལ།། མ་ཡུམ་སློབ་གྲྭའི་སྐྱེལ་ཚལ་དུ།། མགོ་སྦྲ་སྨུག་པོའི་དུས་གསུམ་གླེང་།། དྲིན་ཆེན་ཕ་མའི་བུ་ལོན་དུ།། རིག་པའི་གནས་ལ་འབད་པར་གསན།། མ་འོངས་རང་གི་བགྲོད་ལམ་ནས། དྲིན་ཆེན་ཕ་མར་དྲིན་ལན་འཇལ།། བཤེས་གཉེན་དམ་པའི་མཛུབ་སྟོན་འོག། དབྱངས་གསལ་སོ་བཞིའི་ཀློག་སྟངས་ངེས།། དམིགས་ཡུལ་གཅིག་པའི་གྲོགས་དང་ལྷན།། བཤེས་གཉེན་དམ་པའི་རེ་འདོད་བསྒྲུབས།། རྟ་བདུན་དབང་བོའི་འོད་སྣང་གིས།། ཚེ་སྲོག་མང་པོ་བསྐྲུན་ཅིང་འཚོས།། མུན་ནག་སྟུག་པོའི་མཚན་ལྗོངས་ལ།།རྟ་བདུན་དབང་བོའི་ཐུགས་རྗེ་དྲན།། དྭངས་གཙང་རྫ་ཆུའི་བཞུར་འགྲོས་བསྟུན།། གསེར་མིག་ཉ་མོའི་གཤོག་རྩལ་ངོམས།། ཆུ་མོ་སྦག་གིས་ཁེངས་པའི་དུས།། རྗ་ཆུ་སྔོན་མོའི་དྭངས་གཙང་དྲན།། དབྱར་ཟླ་དྲུག་པའི་སྤང་ཐང་དུ།། མེ་ཏོག་ཉི་དགས་སོ་ཕྲེང་ངོམས།། སྟོན་ཟླའི་སད་ཆེན་ཐོན་པའི་ན།། དབྱར་ཟླ་དྲུག་པའི་དགེ་མཚན་རྟོགས།།
2
འགྱོད་པའི་ཤུགས་རིང་། གཡང་སྐྱབས་རྒྱལ། མང་རྫོང་མི་རིགས་སློབ་འབྲིང་དམའ་གསུམ་དང་པོ།
སེམས་པ་སྐྱོ་ཞིང་གདུང་བའི་གཏམ་ངན་ཞིག་ཐོས་པས།། ཡིད་སེམས་སྐྱོ་བའི་གཞུ་མོ་ནང་རོལ་དུ་བཀུག་བྱུང་།། འཆལ་གཏམ་སྣ་ཚོགས་བརྗོད་པའི་ཁ་སང་ནི་དེ་རིང་།། བསམ་ཞིང་མ་བཅོས་ཤུགས་ཀྱིས་དངན་པ་ཞིག་ཤོར་སོང་།། འབྱུང་གཞི་མཐུན་གྱིས་གྲུབ་པའི་སྣང་བ་ནི་ཕྲ་མོ།། འཇིག་རྟེན་བསོད་ནམས་ཕྲ་མོས་ལོངས་སྤྱོད་དུ་བསྒྱུར་ཀྱང་།། འབྱུང་གཞི་འཇིགས་པས་བསྣུབས་པའི་གྲོང་ཁྱེར་འདི་མཐོང་ན།། དབང་མེད་སེམས་པ་དམར་པོ་རབ་རབ་ཏུ་སྣང་བ།། ད་ལྟ་ལོངས་སྤྱོད་རྫོགས་མེད་དབྱར་གཞུང་གི་ཆུ་བོ།། ནམ་ཞིག་ཆད་པའི་ནམ་ཆོད་སུ་ཞིག་གིས་མི་ཟིན།། ད་ནི་ལོངས་སྤྱོད་ཕྱོགས་ལ་ཨ་ཐང་ནི་ཆད་ཅིང་།། མི་འཛིན་སྐྱོ་བའི་འཇིགས་པའི་རང་སེམས་ནི་བཀུག་བྱུང་།། འཇིག་རྟེན་འདི་ཡི་འདུན་མས་ལོ་དགུ་ལ་བརྒྱབ་པའི།། ལང་ཚོའི་འདུན་མ་མ་རྫོགས་བཅུ་དྲུག་གི་ལང་ཚོ།། ད་ནི་རྨི་ལམ་བཞིན་དུ་སྟོང་བསམ་དུ་གྲུབ་པའི།། མི་རྟག་སྐྱོ་བའི་རྩེ་དགུར་ཞེན་པ་ནི་ལོག་སོང་།།
3
ང་ནམ་ཡང་ཁྱོད་ཀྱི་བདག་པོ་ཡིན། ཐར་ཤུལ་འཕགས་པ།
བརྩེ་བ་དམར་པོས་བརྩེ་བ་དཀྲོགས་པའི་མཚན་མོ་ནས།། ཁྱོད་ཉིད་བསམ་ཞིང་ཁྱོད་ཉིད་བསྒོམ་བཞིན་གཉོམ་དུང་དུང་།། དུང་སེམས་འོ་སྤྲི་ཁྱོད་ལ་དྲངས་བཞིན་འཛུམ་དམུལ་དམུལ།། ཡ་ཆུང་སེམས་པ་ཁྱོད་ལ་སྟོན་བཞིན་སྤྲོ་ལྷང་ལྷང་།། ཁྱེད་དང་བདག་གི་སྙིང་གཏམ་དྲོན་མོ་གྲང་ངར་ཁྲོད་ཀྱི་མེ་ལྕེ་ཡིན།། ཁྱེད་དང་བདག་གི་བརྩེ་འདང་ཟབ་མོ་ཐོབ་པར་དཀའ་བའི་ནོར་བུ་བཞིན།། ཁྱོད་དང་བདག་གི་དམ་བཅའ་གསོན་པོ་གངས་དཀར་དབུས་ཀྱི་དྲན་ཤིང་ཡིན།། ཁྱོད་དང་བདག་གི་གསང་བ་དམར་པོ་མ་འོངས་གསར་བའི་དབུ་ཁྱུད་ཡིན།། སྙིང་ནས་བརྩེ་བའི་སྙིང་གི་དགའ་མར་བཅོས་མིན་སེམས་ནས་འཕྲིན་ཞིག་འབྲི། བཟང་རབ་རྒྱན་རབ་མང་བོ་མི་བརྗོད་རང་རང་སེམས་ན་གསལ་བོ་རེད། རེ་ཞིག་སྒུག་པའི་དུས་བཟང་དེ་ནི་ཁྱོད་དང་བདག་གི་ཕུགས་བསམ་ཡིན། སྨྱུག་རྩལ་སོ་ལྔའི་སྟངས་སྟབས་བར་ནས་རེ་ཞིག་རིང་ནས་བདེ་མོ་འཇོག
4
གྲོགས། སུམ་མདོ་མཆོག་གསུམ་རྒྱལ།
དང་བོ་འགྲོགས་པའི་མཛའ་བརྩེ་རྡོ་རྗེ་ཡི་མདུད་པ།། གཉིས་པ་ཁྱོད་དང་ལྷག་བསམ་འོ་མ་ཡི་ངང་ཚུལ།། གསུམ་པ་འབྲལ་བར་མི་ཕོད་མཛའ་བརྩེ་ཞིག་ཆགས་པས།། སྔོན་ཆད་ཁྱོད་དང་འུ་གཉིས་བརྩེ་བ་ནི་ཟབ་པ།། བར་དུ་འུ་གཉིས་མཛའ་བརྩེ་འོ་ཆུ་ཡི་ངང་ཚུལ།། རེ་ཞིག་བྲལ་བས་བདག་སེམས་རྨ་ཁ་རུ་གྱུར་བ།། དེ་ནས་ཁྱོད་ཀྱིས་ང་རང་སེམས་ནང་ནས་བོར་བས།། བདག་སེམས་ཨ་ཐང་ཆད་དེ་ཤུགས་རིང་ཞིག་འབྱིན་སོང་།། འབྱོར་ཚེ་ད་དུང་མདུན་དུ་བརྩེ་མཐུན་དེ་བསྟོན་པའི།། རྒུད་ཚེ་རིང་བའི་ས་ན་སྨད་ཚིག་གིས་དམོད་པའི།། དྲིན་བྱས་བརྩེ་བ་མི་ཤེས་གྲོགས་ངན་གྱི་གཤིས་ལ།། སེམས་པ་རབ་ཏུ་སྡུག་སྟེ་སྐྱོ་གཏམ་ཞིག་གླེང་འདོད།།
5
དྲན་པའི་སྨུག་སྤྲིན། ལྷ་འཚོ་སྒྲོལ་མ། མགོ་མང་གྲོང་བརྡལ་གློ་རྒྱ་སྡེ་བ།
གསལ་འཚེར་སྐར་མ་ཡི་ཁྲོད་ཀྱི།། དུང་མདོག་ཟླ་བ་ཡི་ཞལ་ནས།། གྲོགས་དང་འདྲ་འདྲ་ཞིག་བྱུང་བས།། སེམས་ཀྱིས་དྲན་དྲན་ཞིག་བྱས་སོང་།། ལང་ལོང་སྤྲིན་པ་དེ་འཁྲིགས་ཤིང་།། ལྡིར་ལྡིར་འབྲུག་སྒྲ་དེ་བཙན་དུས།། འཇམ་འཇམ་བལ་གོས་དང་འདྲ་བའི།། ཕ་མའི་བརྩེ་བ་དེ་དྲན་སོང་།། མཛེས་སོང་སློབ་རྭ་ཡི་ཚལ་ནས།། འདྲིས་སོང་སློབ་གྲོགས་དག་མཐོང་དུས།། གྱེས་སོང་ཡུན་རིང་ཞིག་འགོར་བའི།། ཕུ་ནུ་མིང་སྲིང་དག་དྲན་བྱུང་།། མཛེས་སོང་སློབ་རྭ་ཡི་ཞིང་འདི།། སྐྱིད་སོང་ལྷ་ཡུལ་དང་འདྲ་ཡང་།། དྲན་སེམས་མཐུར་མེད་ཀྱི་རྟ་ཕོ།། མ་ཁོག་ཡུལ་ཕྱོགས་ལ་བརྒྱུགས་སོང་།།
མགྱོགས་བྲིས་ཁག་གསུམ། བན་ཤུལ་སངས་རྒྱས་ཚེ་རིང་།
དགེ་རྒན། ཤེས་བྱ་ཡོན་ཏན་མཁས་པའི་རྩལ་ལ་འགྲན།། མཚན་སྙན་འབྲུག་སྒྲ་ཀུན་གསལ་ཡོངས་ཁྱབ་པའི།། སེམས་ཅན་མུན་པའི་དྲ་ལས་སྐྱོབ་མཁས་ཅན།། 6
དགེ་བའི་བཤེས་གཉེན་འཛམ་གླིང་གཙུག་གི་རྒྱན།།
ཕ་མ། ཁྱིམ་ལས་ཙག་ཙིག་ཁྲོད་ནས་མི་ཚེ་ཟད།། བུ་ཆུང་རྒྱང་ལ་མངགས་ནས་རེ་ལྟོས་བྱས།། ཨ་ཐང་ཆད་པའི་ཡིད་སེམས་སྐྱ་བོ་འདིས།། འོ་བརྒྱལ་དཀའ་ཚེགས་མྱོང་བ་སྙིང་རེ་རྗེ།།
སློབ་མ། སློབ་སྦྱོང་རྒྱང་དུ་དོར་ནས་དུ་ཆང་སྤྱོད།། ཟས་ཉལ་ཙམ་ལས་ཤེས་བྱ་མེད་ན་ཡང་།། དགྲ་སྐད་སྦྲགས་སྐད་གཞན་གྱི་རྗེས་བསྙེགས་པའི།། ཡ་མ་ཟུང་གི་སྤྱོད་པ་དགོད་བྲོ་བ།།
ཕ་ཡུལ་དྲན་གླུ། གནམ་བྱམས་རྒྱལ། མང་རྫོང་མི་རིགས་སློབ་འབྲིང་།
མཚན་སྙན་སྲིད་པའི་ཁྱོན་ན་གཡོ་བའི།། གནས་ལྔ་རིག་པའི་དགའ་ཚལ་དབུས་ནས།། སྔོན་བྱོན་མེས་པོའི་གསུང་འབུམ་ཀློག་དུས།། ལྟེ་ཁྲག་འཐོར་སའི་ཕ་ཡུལ་དྲན་བྱུང་།། ཕ་ཡུལ་དྲན་པའི་མིག་ཆུའི་ཐིགས་པས།། 7
མཁུར་ཚོས་དམར་པོ་བརླན་ཏུ་བསྒྱུར་ཚེ།། འདུག་རོགས་ཟླ་བོ་མང་པོ་ཞིག་གིས།། སེམས་ཀྱི་དྲི་བ་འདི་ལྟར་བཏོན་བྱུང་།། ང་རྒྱལ་ཕྲག་དོག་ཁྲག་ཏུ་ཁུར་ཞིང་།། ལྕགས་སྐོར་རལ་གྲི་གྲོགས་སུ་བསྟེན་ཏེ།། ཕན་ཚུན་ལུས་སྤྱང་འདྲ་བར་གྱུར་ཚེ།། སྤྱོད་ངན་དུག་འདྲའི་ཚུལ་དེ་དྲན་ནམ།། བསླབ་ལ་བརྩོན་པའི་སློབ་མ་ཉུང་ཞིང་།། ཕ་སྐད་སྨྲ་བའི་ལྗགས་རྩ་ཉམས་ཏེ།། མི་རིགས་ངོ་བོ་འགྱུར་ལ་ཉེ་བའི།། དད་བྲལ་སྐྱེ་བོ་དྲན་ནམ་ཟེར་བ།། ཅང་མེད་ས་མཐར་གནས་པའི་བུ་ལོས།། དུང་བའི་དབུགས་རིང་ཐེངས་རེ་འབྱིན་ནས།། ངོ་མཚར་ཕུལ་བྱུང་ཕ་ཡུལ་བོན་སྐོར།། ལོ་རྒྱུས་དྲང་མོ་འདི་ལྟར་བརྗོད་དེ།། ཕ་ཡུལ་འགངས་ཆེན་བོན་སྐོར་ཕྱུག་མོ།། སྐྱེས་མཆོག་དམ་པའི་འཁྲུངས་ཡུལ་ཡིན་ཞིང་།། བོན་སྐོར་ལོ་རྒྱུས་ཐེམ་སྐས་འཛེགས་ཚེ།། སྐྱེས་ཁུངས་སྤྲེའུ་རྒྱུད་ལ་ཐུག་ཡོད།། ཞེས་པར་མཚོན་པའི་བདེན་པའི་ཚིག་གིས།། ས་ལའི་སྨན་ལྗོངས་གཡང་ལྡན་བོན་སྐོར།། སྟོང་བའི་སྙན་གྲགས་ཚིགས་སུ་བཅད་དེ།། གོ་ལ་ཟླུམ་པོའི་ཡང་རྩེར་སྤུར་རོ།།
8
སེམས་ཀྱི་འབོད་པ། མགོ་མང་ཡུམ་ཆེན་མཚོ།
ཤེས་རིག་དྲི་བསུང་འཐུལ་བའི་སློབ་གླིང་གི་ཚལ་འདིར།། རྒྱལ་ཁབ་གཟིགས་སྐྱོང་ལེགས་པས་ཆ་རྐྱེན་རབ་བཟང་མོད།། ན་མཉམ་སྐལ་ལྡན་ལ་ལ་རྩེད་འཇོར་རང་གཡེང་ནས།། ཤེས་བྱའི་གནས་ལ་མི་བརྩོན་སྣང་ཚུལ་འདིར་སྐྱོ་བ།། སྐྱེ་འགྲོའི་མ་ཡུམ་ལྟ་བུའི་གོ་ལ་ཡི་ཟླུམ་པོར།། ཀུན་ཡིད་རབ་ཏུ་འགུགས་པའི་གནས་མཆོག་རང་མང་མོད།། འགྲོ་བའི་ཚོགས་ཀྱིས་ཚུལ་འདི་སྣང་མེད་དུ་བཞག་ནས།། ཁོར་ཡུག་སྲུང་སྐྱོབ་མི་བྱེད་སྣང་ཚུལ་འདིར་སྐྱོ་བ།། བསིལ་ལྡན་ཁ་བ་རི་བོའི་གངས་ཅན་གྱི་ལྗོངས་འདིར།། འཛམ་གླིང་སྔོན་གྲལ་ཚུད་པའི་ཡི་གེ་རང་ལྡན་མོད།། བོད་རིགས་ན་ཆུང་ལ་ལས་དུས་རབས་ཀྱི་རྐྱེན་པས།། རྒྱུད་འཛིན་དར་སྤེལ་མི་གཏོང་སྣང་ཚུལ་འདིར་སྐྱོ་བ།། དེང་རབས་དུས་སྐབས་བཟང་བོའི་སྤྱི་ཚོགས་ཀྱི་ཁྱོན་འདིར།། གོང་གི་སྣང་ཚུལ་འདི་འདྲ་མངོན་སུམ་དུ་ཡོད་པས།། སེམས་ཅན་སྐྱེ་འགྲོ་ཀུན་གྱིས་དོ་སྣང་རེ་བྱ་རྒྱུ།། ཉམས་ཆུང་སྐལ་ལྡན་ང་ཡི་རེ་བ་རང་ཡིན་ནོ།།
9
དགའ་སྐྱོ། གངས་དྲུང་སྨྱོན།
ལྷ་བྱ་ནགས་ན་འཛོམས་པའི་དགའ་སྣང་ཞིག། དགུན་ཟླ་བཅུ་བ་བསླེབས་པའི་སྐྱོ་སྣང་ཞིག། བྱ་ཁྱུའི་སེམས་ན་དགའ་སྐྱོ་ལྡོམ་པོ་ཞིག། ཉིན་རེ་བཞིན་དུ་ཁྱུ་རེ་ལྷོ་ལ་འཕུར།། ཁྱོད་དང་འུ་གཉིས་ཟེར་ནས་དགའ་སྣང་ཞིག། ཉིན་རེར་རྒྱང་དུ་གྱེས་པའི་སྐྱོ་སྣང་ཞིག། འུ་གཉིས་བར་ན་དགའ་སྐྱོ་འཁྱམས་པོ་ཞིག། ཉིན་མཚན་དབྱེ་བ་མེད་པར་རྒས་ཀྱིན་འདུག།
ཡུམ་ཆེན་ལ་མཆོད་པ། མགོ་མང་སྐལ་བཟང་རྡོ་རྗེ།
དྲི་མེད་ལྷག་བསམ་འཛུམ་དཀར་པདྨ་འབར།། ཕྱི་ནང་ལས་ཀུན་འགྲུབ་པ་འཕྲུལ་གྱི་ཕྱག། བླ་མེད་ཤེས་ལྡན་ཚེ་སྲོག་འབྱུང་བའི་ཁུངས།། ཁྱེད་སྐུའི་བྱིན་རླབས་དབྱངས་ཅན་མ་ལས་རྒྱལ།། རྣམ་དག་བྱམས་ཀྱིས་གཏེར་བའི་བརྩེ་བའི་ངག། ངག་གི་སྙན་འགྱུར་ཁུ་བྱུག་གདངས་ལས་རྒྱལ།། 10
རྒྱལ་བའི་གསུངས་བཞིན་འཁོར་བའི་ཆོས་ཀུན་སྨྲ།། སྨྲ་བའི་དབང་ཕྱུག་འཇམ་དབྱངས་གསུངས་ཀྱང་གནོན།། དྭངས་གསལ་ལྷ་ཡི་ལམ་ལས་ཀུན་ལས་ཡངས།། རྣམ་དཀར་དགེ་བའི་ལྷག་བསམ་ཕ་ལམ་བཞིན།། ཕྱོགས་མེད་སྤྱན་རས་གཟིགས་ཀྱི་བྱང་སེམས་ཅན།། རྒྱ་མཚོའི་འཇིངས་ལྟར་དཔག་དཀའི་ཡུམ་ཆེན་ཐུགས།། འཇིག་རྟེན་འབྱུང་བཞིས་གནོད་ཀྱང་མི་གཡོ་བའི།། ལྷད་མེད་ཡུམ་གྱི་བརྩེ་བར་གུས་བས་འཚལ།། བརྩེ་བའི་ཡུམ་གྱི་དྲིན་ལ་བདག་གིས་ནི།། འཇལ་ཐབས་བྲལ་ཡང་སྒོ་གསུམ་རྟག་གུས་མཆོད།།
དུས་གསུམ་གྱི་འཆར་སྣང་། མགོ་མང་སྐལ་བཟང་རྡོ་རྗེ།
འདས་སོང་ལོ་ཟླ་བྱིས་དུས་ཀྱི་རིང་ལ།། འདས་པ་གསེར་གྱི་རིན་ཆེན་རེད་མ་འདོད།། འདས་དོན་རེ་རེའི་བློ་བསྐྱེད་ཀྱི་དབང་གིས།། འདས་ཚར་དེ་ཚོར་ཕྱིར་འདང་རེ་རྒྱབ་བོ།། ད་ནི་ལུས་སེམས་འཚར་བོ་རང་བྱུང་སྟེ།། ད་སྐབས་རང་ཉིད་ཀུན་ལས་ནི་དམའ་བ།། ད་ལྟ་སེམས་ནས་ཤེས་བྱུང་བས་འགྱོད་པས།། ད་གཟོད་མ་འོངས་མདུན་ལམ་དེ་དྲན་ནོ།། མ་འོངས་ཀུན་གསལ་མདུན་ལམ་ཞིག་ཡོད་ཆེད།། 11
མ་རིག་མུན་སེལ་ཤེས་རིག་དེ་སྦྱང་ནས།། མ་ཡུམ་དྲིན་ཆེན་དྲིན་ལན་དེ་བསམ་བཞིན།། མ་སྐུལ་རང་མོས་བརྩོན་པ་དེ་སྤྱད་དོ།།
དུས་བཞི། ནོར་སྲུང་རྒྱལ།
དཔྱིད། གང་སར་རབ་དཀར་ཁ་བའི་ལྭ་བ་གྱོན།། སྒོ་ཕྱུགས་ཁ་ཟས་མེད་པར་སོ་སྒྲ་འཆའ།། ཐུལ་དཀར་འབྲི་མོ་བཞོ་བའི་གཞོན་ནུ་མར།། འོ་མའི་ངད་ཁ་མེད་པས་ཤིན་ཏུ་སྐྱོ།།
དབྱར། དབྱིག་འཛིན་སྒེག་མོས་ལྗང་མདོག་ལྭ་བ་བཀླུབས།། རྐང་དྲུག་གཡུ་སྦྲང་དགའ་བས་གླུ་དབྱངས་ལེན།། མེ་ཏོག་སྣ་བརྒྱ་སྐར་ཚོགས་བཞིན་དུ་བཀྲ།། ཨེ་མ་དབྱར་གྱི་དུས་འདིར་འབྱོར་ཕྱུག་ལྡན།།
སྟོན། བསིལ་རླུང་དལ་བར་ལྡིང་བའི་དུས་འདི་ལ།། ལོ་ཡག་སྙེ་མའི་མགོ་བོ་ལྡེམ་ལྡེམ་བྱེད།། ཞིང་གྲོང་མི་དམངས་དགའ་བའི་གླུ་དབྱངས་ལེན།། 12
སྟོན་གྱི་དུས་འདིར་ལོ་ཡག་འབྲུ་དྲུག་སྨིན།།
དགུན། ལྷགས་ལྡན་དཀར་མདོག་དགུན་གྱི་བུ་མོ་ཡིས།། ལུས་ལ་སྲིང་བལ་མཐུག་པོའི་མལ་གོས་གྱོན།། ཆུ་དང་མཚེའུར་རབ་དཀར་དར་རིམ་ཆགས།། དགུན་གྱི་དུས་འདིར་ཐམས་ཅད་དཀར་ལམ་ལམ།།
མགྱོགས་བྲིས་ཁག་གཉིས། དོན་འགྲུབ་ཚེ་རིང་།
ཐ་མག ཡུ་བའི་རྩེ་ནས་བཟུང་སྟེ་ཡར་བཀྱགས་ཏེ།། ཁ་ནས་འཐེན་ཏེ་གློ་བ་ཚ་བ་སོགས།། གནས་སྐབས་དུས་ཀྱི་བདེ་བ་ཙམ་པ་ལས།། རིང་དུ་བརྟེན་ན་རང་ཉིད་རྒུད་པའི་རྒྱུ།།
ཆང་། ཧུབ་ཀྱིས་ཁམ་གང་བཅས་དང་འཐུང་གྱུར་ཏེ།། རྣམ་ཤེས་བོར་ནས་གཟའ་རོར་གྱུར་བ་དང་།། ལུས་པོ་རུད་ནས་འཁྱམས་པོར་གྱུར་བ་སོགས།། རང་ཉིད་བརླག་པའི་རྒྱུ་རུ་མི་འགྱུར་རམ།། 13
མུ་འབྲེལ་དུངས་བརྗོད། ཟླ་ཚང་ཨོ་རྒྱན་ཚེ་རིང་།
བློ་སེམས་ཕར་ཕྱོགས་ལ་འཁོར་བས།། མིག་མདའ་ཚུར་ཕྱོགས་ལ་འཕངས་འོངས།། མི་རྟག་འཇིག་རྟེན་འདིའི་སྟེང་ན།། རྟག་པ་འུ་གཉིས་ལས་མི་འདུག། བཅུ་དྲུག་ལང་ཚོ་འདི་རྒྱས་པས།། འཇིག་རྟེན་འཁོར་བ་ལ་བསྙེག་འདོད།། དག་ཞིང་བོད་ཁམས་ཀྱི་ལྗོངས་ནས།། ཁྱེད་དང་ལྷན་ཅིག་ཏུ་འཛོམས་བྱུང་།། སྐྱིད་སྡུག་གནམ་རྒན་མའི་ལག་རེད།། ཅི་བྱེད་འུ་གཉིས་ཀྱི་དབང་རེད།། ཁྱེད་ལ་བརྟན་གཡོ་ཞིག་མེད་ན།། ང་ལ་འགྱུར་ལྡོག་འབྱུང་མི་སྲིད།། སྡེ་ཆེན་མྱི་ཁ་ཡི་གླིང་ནས།། ཉེས་མེད་ཉེས་འདོགས་ཡང་བྱས་ཆོག། འོན་ཀྱང་ངེད་གཉིས་ཀྱི་བར་ལ།། མི་དགོས་མདའ་མོ་དེ་མ་འཕེན།། མྱི་ཁ་རླུང་ནག་ལྟར་འཚུབ་ཀྱང་།། བློ་སེམས་ཁྱོད་ཕྱོགས་ལ་འཁོར་ཡོད།། ངོ་ཚ་ཅི་འདྲ་ཞིག་ཆེ་རུང་།། བཟོད་བསྲན་གསར་བུ་ངས་བྱེད་ཐུབ།། བདག་ལུས་སློབ་གྲྭ་ན་ཡོད་ཀྱང་།། བློ་སེམས་ཁྱོད་སྟེང་ལ་གནས་ཡོད།། ཁྱོད་རང་དྲན་ཐེངས་རེའི་སྐབས་དེར།། ངོ་གདོང་ན་བུན་གྱིས་བསྒྲིབས་འོངས་།། གཏི་མུག་ཞིང་ཁམས་དེར་སོང་ཚེ།། བྱམས་པའི་ཞལ་རས་དེ་མཐོང་ཞིང་།། གདོང་ལ་འོ་ཅིག་བྱེད་བསམ་དུས།། ལག་པས་རེག་རྒྱུ་ཞིག་མི་འདུག། དྲན་པའི་ན་ཟུག་དེའི་ཀློང་ནས།། མིག་མཐའ་མཆི་མ་ཡིས་བཀང་ཞིང་།། མཆི་རྡོག་རེ་རེ་ཡི་ནང་ནས།། ཁྱེད་ཀྱི་སྐྱེས་གཟུགས་དེ་ཤར་བྱུང་།། འདས་ཟིན་སྔོན་ཆད་ཀྱི་མཚན་མོར།། སྦྲ་ནག་གྲུ་བཞི་དེའི་ནང་ནས།། འུ་གཉིས་ལྷན་ཅིག་ཏུ་ཉལ་བ།། བློ་ནས་བརྗེད་ཐབས་ཤིག་མི་འདུག། འདས་སོང་དབྱར་གནང་གི་སྐབས་སུ།། སྔོ་ལྗང་ནེའུ་གསིང་དེའི་ཀློང་ནས།། ལྷན་ཅིག་སྙིང་གཏམ་རེ་བཤད་པ།། ཡིད་ལ་རྡོ་བརྐོས་བཞིན་ཆགས་འདུག། གནམ་གྱི་བཀོད་སྒྲིག་གི་དབང་གིས།། ཁ་ཐག་འདི་འདྲ་ཞིག་རིང་ཡང་།། 14
སེམས་དང་སེམས་པ་ཡི་འདོད་བློ།། འོ་ཆུ་གཅིག་འདྲིས་ལྟར་གྱུར་ཡོད།། བརྩེ་བར་འགྱུར་བ་རང་མེད་ན།། གླིང་དང་མྱི་ཁ་ཡིས་མི་ཁོག། སེམས་དང་སེམས་པ་འདི་མཐུན་ན།། དྲིན་ཆེན་ཕ་མས་ཀྱང་འགོག་དཀའ།། རོགས་ལོ་རྒྱང་རིང་ན་ཡོད་པས།། འཕྲད་རྒྱུའི་གོ་སྐབས་ཤིག་དཀོན་རུང་།། ཁོ་མོའི་མེ་ཏོག་གི་གང་བུ།། བདག་སེམས་སྙིང་ཁ་རུ་འཛུམ་འདུག། ཁོ་མོ་གཅིག་པུ་ལ་དུངས་ནས།། གསེར་གྱི་དུས་ཚོད་འདི་ཡལ་སོང་།། ཁྲེལ་མེད་འཁྱམ་པ་ཞིག་ཡིན་ཡང་།། ད་ལྟ་འགྱོད་སེམས་སྐྱེས་མི་སྲིད།། ཁོ་མོས་བུ་ཆུང་ང་འདོད་པ།། ལྟོགས་པས་ཟས་འདོད་ལས་བརྒལ་ཞིང་།། བུ་ངས་བུད་མེད་དེ་འདོད་པ།། སྐོམ་པས་ཆུ་འདོད་ལྟར་གྱུར་ཡོད།། བདག་སེམས་དྲན་མདུང་གི་ན་ཟུག། སྨྱུ་གུའི་སོར་རྩེ་རུ་བསྒྱུར་ནས།། མང་ཆུའི་བཞུར་སྒྲ་དང་ལྷན་དུ།། འཕྲིན་ཡིག་རོགས་ལོ་ལ་བསྐུར་ཡོད།། ཁྱེད་ནི་སུམ་རྩེན་གྱི་ལྷ་རེད།། ང་ནི་མི་ཡུལ་གྱི་མི་རེད།། སྔོན་བསགས་བསོད་ནམས་ཀྱི་མཐུ་ལས།། གནམ་གྱིས་ང་རང་ལ་གནང་བྱུང་།། སྒེག་ལྡན་མི་ཡུལ་གྱི་ལྷ་མོ།། བུ་ངའི་སྲོག་སྙིང་གི་ཕྱེད་ཀ། མ་འོངས་འཇིག་རྟེན་གྱི་བསྙེག་ས།། རིན་ཆེན་གསེར་དངུལ་ལས་གོང་ཆེ།། རེ་ཞིག་མཉམ་འཛོམས་ཀྱི་དུས་སུ།། ཕན་ཚུན་ལབ་གླེང་རེ་བྱེད་ཞོར།། བུ་ངའི་དབང་མེད་ཀྱི་འདོད་ཆགས།། ཁྱེད་ཀྱི་མྱོས་བུམ་ལ་གཏད་འདོད།། དྲན་པའི་ན་ཟུག་གི་སྐྱོ་གདུང་།། མཚན་མོར་སྟོབས་ཤུགས་སུ་བསྒྱུར་ནས།། རང་རང་ལུས་སྟེང་གི་ནུས་ཤུགས།། རྔུལ་ཆུ་ཡོད་རྒུའི་ངང་སྟོན་དགོས།། འཇིག་རྟེན་མི་ཆོས་ཀྱི་བརྩེ་དུང་།། ལག་པས་རེག་རྒྱུ་ཞིག་མེད་ཀྱང་།། སེམས་ལ་བཞག་པ་ཡི་དྲན་གདུང་།། ཡིད་ནས་བརྗེད་ཐབས་རང་མི་འདུག། སྐྱེས་གཟུགས་ཚིགས་དྲུག་གི་སྨྱུག་མ།། རྒྱང་རིང་ཕ་མཐའ་ན་ཡོད་ཀྱང་།། ཡིད་འོངས་དུང་མདོག་གི་ཞལ་རས།། དུས་རྒྱུན་མཐོང་ལམ་དུ་མངོན་འོངས།། ངས་ནི་ཁྱེད་རང་ལ་བཅིངས་པ།། མི་འགྱུར་རྟག་བརྟན་གྱི་བརྩེ་དུང་།། དུང་བའི་རླབས་རྒྱུན་གྱི་ཟེགས་མ།། ལང་ལོང་ནམ་མཁའ་རུ་འཕྱོ་སོང་།། རིག་པའི་སྐྱེད་ཚལ་གྱི་དབུས་ནས།། ལས་དབང་ཤེས་བྱ་ལ་བཅོལ་རུང་།། 15
ཉིན་མཚན་དུས་རྟག་ཏུ་དྲན་པ།། ཆུང་འདྲིས་བྱམས་པ་ལས་མ་འདས།། འུ་གཉིས་འགྱུར་མེད་ཀྱི་བརྩེ་དུང་།། ངང་བའི་ངང་ཁྱུ་དང་འདྲ་བར།། མཐོན་མཐིང་ཨ་སྔོན་གྱི་དབྱིངས་ནས།། གཤོག་རྩལ་གཉོམ་པའི་ངང་མདུན་བསྐྱོད།།
མ་ཡུམ་ལ་བསྟོད་པ། འཕགས་མོ་འཚོ།
བྱམས་བརྩེ་འབུམ་ལྡན་ཨ་མའི་རྟོགས་བརྗོད་དེ།། བདག་ཡིད་སེམས་འགྱུར་དམར་པོའི་གུར་ཁང་ལ།། ཚིག་གྲུབ་ཀྱ་ཀྱའི་ཉི་འོད་སྦྱིན་པའི་ཚེ།། འཇིག་རྟེན་ཧྲིལ་པོའི་མ་ཁྱེད་ཚུར་ལ་བྱོན།། ལུས་ཟུངས་མདངས་ཀྱི་མེ་ཏོག་རྙིད་པ་དང་།། ཟླ་དགུ་མངལ་དུ་བཟུང་བའི་སེམས་ཁྲེལ་དེ།། རང་སེམས་མ་བུའི་སྙེ་མ་མ་འཁྲུངས་ཕྱིར།། བྱམས་བརྩེ་སྐྱོང་བའི་ས་བོན་ཅི་ཡང་བཏབ།། ཕྱག་ཟུང་དཀའ་བའི་ལས་ལ་མི་ལྡོག་པའི།། འཚོ་གནས་ཧུར་གྱིས་བསྐྲུན་པའི་དང་བླངས་ཤིང་།། འཁོར་བའི་འཐབ་ར་བརྩེགས་པའི་གཡུལ་ས་ནས།། མ་ཡུམ་ཁྱེད་ཉིད་མར་མེ་བཞིན་དུ་ཟད།། ལང་ཚོའི་དབྱར་གཞུང་སད་དང་སེར་བས་བཅོམ།། འཚོ་བའི་ཁ་དོག་རྨི་ལམ་སྤྲིན་ལ་འདྲེས།། དགའ་སྐྱོ་སྨུག་ལོང་འཐིབ་པའི་སྡིངས་ག་ནས།། མ་ཡུམ་ཁྱེད་ནི་བདག་གི་མགོན་དུ་བཞུགས།། 16
སེམས་བསམ་པའི་མར་མེ་འོད་ཆེན། རང་སྡེ་བའི་མ་ཎི་འདུ་ཁང་དང་མ་ཎི་ལག་བསྐོར་ལ་བྲིས་ཏེ་དཀར་པོ་ཆོས་ཀྱི་དགེ་བ་རག་བཤད། བྱ་གཞུང་འབྲུག་ཐར་རྒྱལ།
གཡུ་སྔོན་མོ་གནམ་གྱི་འོག་གི། ས་པདྨ་གསེར་ཁྲིའི་སྟེང་ན།། སྐྱིད་འཛོམས་པོ་འཇིག་རྟེན་འཛམ་གླིང་།། ནང་སྒོས་སུ་བུ་ངའི་ཕ་ཡུལ།། གནས་ཨ་མདོའི་མཚོ་སྔོན་ས་ཆ།། ས་བྱ་དྲུག་གཡུ་གཞོང་གོར་མོ།། གཡུ་སྔོན་མོའི་མཎྡ་འབུལ་འདྲ།། ས་དགེ་བཅུའི་འོད་སྣང་འབར་ས།། ཆོས་དཀར་པོའི་བསྟན་པ་དར་ས།། མི་རྒན་གཞོན་ཆོས་ལ་དད་ས།། ཆོས་ཁ་བཏོན་ཆོས་སྐད་སྙན་ས།། མ་སེམས་ཅན་དད་པ་སྐྱེ་ས།། སྐྱེ་ཕོ་མོའི་ཕྱག་བསྐོར་བྱེད་ས།། མགོ་སྒུར་ནས་སྐྱབས་འཇུག་ཞུ་ས།། མི་སྡིག་ཅན་སྡིག་སྒྲིབ་དག་ས།། སྡུག་ན་བུན་མུན་པ་སེལ་མཁན།། སྐྱིད་ཉི་མ་རང་དབང་འདྲེན་མཁན།། མི་ཤི་བོ་ལམ་སྣ་དྲངས་ས།། ལུས་ཐར་བར་བགྲོད་པའི་ཐེམ་སྐས།། སེམས་སྡུག་བསྔལ་འཇོམས་པའི་བདུད་རྩི།། ཡིད་མུན་པ་སེལ་བའི་སྒྲོན་མེ།། ཆོས་ཟབ་མོའི་གཟི་འོད་འཕྲོ་ས།། ཆགས་མ་བཞག་གང་ཡིན་མ་ཤེས།། ཆགས་བཞག་ནས་འདང་ཞིག་བརྒྱབ་ན།། ས་འཛོམས་གསུམ་འཛོམས་པའི་ཞིང་ཁམས།། ཡུལ་སྐྱིད་པོ་བོན་སྐོར་སྡེ་རེད།། ངའི་ཕ་ཡུལ་བོན་སྐོར་སྡེ་བའི།། ཆོས་མ་ཎི་འདུ་ཁང་ཆེན་མོ།། དཔེ་བཞག་ནས་ཡི་གེར་བཀོད་ན།། གསེར་སེར་པོ་གཟི་འོད་འཁྱུགས་སེ།། ཆགས་འཇོག་ས་ཨ་སྔོན་དགུང་རེད།། མགོ་གསེར་ཏོག་ཉི་མ་ཤར་འདྲ།། སྐེད་དུང་ཕྲེང་ཟླ་བ་ཚེས་འདྲ།། འདབས་འཁོར་ཆེན་སྐར་ཚོགས་བསྒྲིགས་འདྲ།། ནང་སངས་རྒྱས་སྟོང་སྐུ་རང་བྱོན།། ཆོས་བཀའ་འགྱུར་ཕུགས་ན་བསྟན་འགྱུར།། བཀའ་བསྟན་འགྱུར་བྲག་རི་བརྩིགས་འདྲ།། ཆོས་ཡུམ་ཆེན་གདོང་དར་ཅན་པོ།། སེམས་ཁྲ་མོར་བརྒྱ་རེ་འཆར་གི། སྐྱིད་ཉི་མའི་དྲོད་ཁོལ་ལམ་ལམ།།
17
ཡིད་དགའ་སྤྲོའི་དགོད་སྒྲ་ལྷང་ལྷང་།། ངའི་ཡ་ཆུང་ཁོག་གི་མེ་ཏོག། མི་ཉམ་ཐག་མང་པོའི་དཔལ་འབར།། མགོ་ལྷ་རི་བུམ་པའི་སྟེང་ནས།། ཞྭ་ཕུད་ལ་ཕྱག་གསུམ་ངས་འཚལ།། དུས་སྤྱི་ལོ་ཉིས་སྟོང་བདུན་གྱི།། ཟླ་བདུན་པའི་ཚེས་པ་བཅོ་ལྔར།། མདོ་གདུགས་དཀར་སྒྲོལ་མ་སོགས་ཀྱི།། ཆོས་མ་ཎི་ཁྲི་འབུམ་མང་པོ།། དུས་ཉིན་མཚན་ཆུ་ཚོད་ཉེར་བཞིར།། བར་མ་ཆད་ཉིན་ནས་ཟླ་ལ།། ལོ་ནམ་ཟླའི་ཕྲེང་ཐག་བར་ནས།། ཞག་ཉི་མ་ཕྲེང་བ་འདྲེན་འདྲེན།། སེམས་བསམ་པ་དག་པས་བསྐོར་གི། ཆོས་ཟབ་མོའི་གཟི་འོད་འཕྲོས་པ།། ཕྱི་སྡེ་བ་ཀུན་གྱིས་ཤེས་ཡོད།། ནང་ཚོ་བ་ཀུན་ལ་ལོས་གསལ།། ལབ་བ་སྤུ་ཙམ་ཞིག་འདྲེས་མེད།། རྩོམ་འདི་འདྲ་འབྲི་བའི་དམིགས་ཡུལ།། སེམས་ཡ་ཆུང་གངས་དཀར་ཕྲ་མོས།། འདང་སུམ་བརྒྱ་དྲུག་ཅུ་བརྒྱབ་ན།། ཡུལ་འཇིག་རྟེན་ཡི་ག་གཏིང་ཆེད།། ལས་འཁོར་བར་ཞེན་པ་ཞེ་ལོག། དོན་དམ་པ་མཁོ་ནོ་ཆོས་ཡིན།། ཆོས་དཀར་པོའི་དགེ་རྩ་བསྒྲུབ་ན།། གསོན་འཇིག་རྟེན་ཁམས་ནས་བསྡད་ན།། སྐྱིད་རྔ་མ་ཡོད་ནོ་ཆོས་ཡིན།། ཚེ་ཕྱི་མའི་འཕྲང་ལམ་ཉུལ་ན།། ལམ་བྲོ་ཁ་བསྒྲིགས་ནོ་ཆོས་ཡིན།། སྐྱབས་བསླུ་མེད་དཀོན་མཆོག་གསུམ་ལ།། ལུས་གྲིབ་མ་ལྟར་དུ་ཉེ་དགོས།། སེམས་བསམ་པ་རྒྱུ་ལ་མ་འཁོར།། རྒྱུ་འབྱོར་བ་རྫ་ཁའི་སྨུག་ཡིན།། སྨུག་སྤྲིན་པ་རྟག་རྒྱུ་མི་འདུག། ལས་གཞོལ་མེད་མགོ་ནག་སྐྱིད་སྡུག། དུས་ནམ་ཐོན་ངེས་པ་མེད་པས།། དབྱར་འོ་མ་འདྲ་བའི་གཞུང་ནས།། སྐྱིད་ཉི་མ་འདྲ་བར་རེ་ན།། སོས་དལ་དུས་དྭངས་མོ་སེམས་ཀྱི།། ཁ་མི་དལ་མ་ཎི་འདོན་དགོས།། ལག་མི་དལ་ཕྲེང་བ་འདྲེན་དགོས།། སེམས་བསམ་པའི་གསོལ་བ་འདེབས་དགོས།། དགྲ་འཆི་བདག་གཤེད་མས་འདེད་དུས།། སེམས་འཇིགས་སྐྲག་སྐྱེས་ན་རང་ཡིན།། འདི་ཨེ་རེད་གངས་ཅན་བོད་པ།། སེམས་དྲན་ཤེས་གཞུ་མོ་བཀུག་ནས།། འདང་སུམ་བརྒྱ་དྲུག་ཅུ་ཨེ་བརྒྱབ།།
18
སྙན་ཚོམས། བོན་སྐོར་དཀར་མཚོ་སྐྱིད། མང་རྫོང་མི་རིགས་སློབ་འབྲིང་ལོ་རིམ་བདུན་པའི་འཛིན་གྲྭ་དྲུག་པ།
དགེ་རྒན། དབྱར་གསུམ་ཚ་གྲང་རྒོད་པའི་ཁྲིད་སྟེགས་ཀྱི་སྟེང་ནས།། ས་སྨྱུག་གྲོགས་པོར་བསྟེན་པའི་ལོ་ཟླ་ཡི་བར་ནས།། སློབ་བུའི་སྐྱིད་སྡུག་ཁྲོད་ན་བསམ་གཞིག་ཏུ་ལྷུང་བའི།། ང་ཡི་སློབ་དཔོན་དམ་པ་ལྔ་རིག་གི་དེད་དཔོན།།
ཕ་མ། རང་སྲོག་གཅོམ་པའི་འཇིག་རྟེན་ཡུལ་དུ་སྦྱིན་ཤིང་།། རང་ཟས་ཞིམ་པོ་ཁ་ལ་གང་འདོད་དུ་གནང་ནས།། རང་བྱུང་བོད་ཁམས་ཆེན་པོ་ཕ་ཡུལ་དུ་བསྒྱུར་མཁན།། རང་གི་ཡབ་ཡུམ་གཉིས་ལ་བསྟོད་གླུ་ཞིག་འབུལ་ལོ།།
དཔེ་ཆ། སྨྱུ་གུའི་སྟངས་སྟབས་བསྒྱུར་པའི་འཁྱུག་རྩལ་གྱི་ཁྲོད་ན།། ཆུང་བ་མི་བུ་ཞིག་གི་སེམས་གཏམ་དང་ཉིན་ཐོ།། ཆེ་བ་མི་རིགས་ཤིག་གི་ལོ་རྒྱུས་སུ་བཀོད་པས།། ལྔ་རིག་སྒོ་མོ་ཕྱེ་བའི་མི་ཡུལ་གྱི་སློབ་དཔོན།།
19
གྱེས་བྲལ་གྱི་སྐྱོ་གླུ། བསོད་ནམས་མཚོ། དམའ་གསུམ་འཛིན་གྲྭ་ལྔ་པ།
དཔྱིད་ཀྱི་དུས་ཚིགས་སླེབས་བྱུང་།། ས་གཞིས་གོས་ལྗང་བཀླུབས་འདུག། ལུག་རྫིའི་གླུ་སྐད་སྙན་ཡང་།། ཉན་པའི་སྤྲོ་བ་ང་མེད།། དབྱར་གྱི་དུས་ཚིགས་སླེབས་བྱུང་།། མེ་ཏོག་སྣ་བརྒྱ་བཞད་འདུག། ཕྱེ་ལེབ་གར་སྟབས་བསྒྱུར་ཀྱང་།། མིག་གིས་ལྟ་འདོད་ང་མེད།། སྟོན་གྱི་དུས་ཚིགས་སླེབས་བྱུང་།། ཁྲུང་ཁྲུང་ལྷོ་རུ་འཕུར་སོང་།། འཇོལ་མོའི་གྲེ་འགྱུར་རེ་རེ།། རྣ་བས་ཉན་འདོད་མེད་ཐལ།། དགུན་གྱི་དུས་ཚིགས་སླེབས་བྱུང་།། མཚོ་མོ་འཁྱག་གིས་བསྡམས་སོང་།། ཉ་མོས་གཤོག་རྩལ་རེ་རེ།། ལྡེམ་མྱུར་སྟོན་དབང་མེད་ཐལ།། ལས་འབྲས་ཁ་ཁར་གྱེས་ཡང་།། བརྩེ་སེམས་འབྲལ་ཐབས་མེད་ཐལ།། དུངས་བ་ན་ཟུག་ལྷག་མས།། སེམས་པར་རེ་ཐག་ཆད་ཐལ།། གྱེས་པའི་ལོ་ཟླ་འདི་དག། སེམས་ལ་སྡུག་གིས་མནན་སོང་།། སྐྱོ་བའི་དྲན་གདུང་རེ་རེ།། མིག་ཆུའི་ཕྲེང་ཐག་མ་ཆད།།
20
སློབ་གྲོགས་ཚོ། དགུ་ལྔའི་སློབ་བུ་དཔལ་མགོན་རྒྱལ།
ཀ་མད་སུམ་ཅུ་སྦྱངས་ནས་ཡུན་རིང་འགོར།། ཁ་བརྡ་ཉུང་ཙམ་བྱས་པ་རྒྱ་སྐད་ཡིན།། ག་ལེར་ཕ་སྐད་གཙང་མ་གསུངས་པར་གྱིས།། ང་ཚོའི་སྐད་རིགས་མ་བརྗེད་སློབ་གྲོགས་ཚོ།། ཐ་མག་འཐེན་སར་ཉི་མ་མི་གཏོང་བར།། སློབ་སྦྱོང་ཕྱོགས་ལ་འབད་བརྩོན་ལྷོད་མེད་གྱིས།། རང་རེའི་མི་རིགས་འདི་ལ་ཕན་པ་ཡི།། དོན་ཞིག་སྒྲུབ་རྒྱུ་ང་ཡི་རེ་བ་ཡིན།། ཕ་མའི་བཀའ་ཡིས་བསེགས་པའི་ནོར་བུ་དེ།། དོན་མེད་མ་བརླགས་སྙིང་གི་སློབ་གྲོགས་ཚོ།། སློབ་དཔོན་དམ་པའི་ཚིག་ལ་ཞིབ་ཏུ་ཉོན།། དེ་ནི་ཁྱེད་ལ་ཕན་པའི་སློབ་གསོ་ཡིན།། སྐབས་རེར་སྦྱངས་འབྲས་བཟང་པོ་ཐོན་པ་ན།། ང་རྒྱལ་མ་སྐྱེས་བདག་གི་སློབ་གྲོགས་ཚོ།། ང་རྒྱལ་སྐྱེས་ན་ཁྱེད་ལ་ཐོབ་པ་ནི།། རྗེས་ལུས་མ་གཏོགས་ཅི་ཡང་མེད་པ་རེད།།
21
མ་ཡུམ་སློབ་གྲྭ། འབྲུག་མོ་སྐྱིད།
ཤེས་བྱའི་གནས་ཀུན་འཛོམས་པའི་སློབ་གྲྭ་ལགས།། ཚིག་གི་བདུད་རྩི་འཛོམས་པའི་སློབ་གྲྭ་ལགས།། དགེ་སློབ་གཉིས་ཀ་འཛོམས་པའི་ཁྱིམ་གཞི་ཡིན།། ཤེས་བྱ་རིག་གནས་སློབ་པའི་སློབ་གླིང་ཡིན།། ཤེས་བྱ་རིག་གནས་སློབ་པའི་སློབ་གླིང་ན།། དྲིན་ཆེན་དགེ་རྒན་དམ་པའི་བརྩེ་སེམས་ཡོད།། ན་ཆུང་སློབ་གྲོགས་རྣམ་པའི་རོགས་རམ་ཡོད།། བརྩེ་སེམས་རོགས་རམ་འཛོམས་པའི་དགའ་སྐྱིད་ཡོད།། ཤེས་རིག་སློབ་གསོ་འཛོམས་པའི་སློབ་གླིང་ནས།། ང་རང་འོད་ཟེར་ལྡན་པའི་ལམ་ལ་བསྐྱོད།། ཀྭ་ཡེ་སེམས་ཀྱི་ན་ཆུང་སློབ་གྲོགས་ཚོ།། ཤེས་བྱའི་གནས་ཀུན་ཕྱོགས་ལ་འབད་ཅིག་དང་།། ཤེས་བྱའི་རིག་གནས་འཛོམས་པའི་སློབ་གླིང་ན།། སློབ་གྲོགས་རྣམས་ཀྱིས་རིག་པའི་སློབ་ལ་འབད།། དཔེ་ཁུག་ཆུང་ཆུང་བརྒྱབ་ལ་ཁུར་ནས་ནི།། མ་འོངས་མདུན་ལམ་ཕྱོགས་ལ་བསྐྱོད་བཞིན་ཡོད།།
22
དུས་བཞིའི་འགྱུར་ཁུགས། ཁམས་མཚོ་སྐྱིད།
དཔྱིད། སྐྱེ་དངོས་ཐམས་ཅད་གཉིད་ལས་སད་ལྟར་ཀུན་ལ་སྔར་ལས་གཟི་མདངས་རྒྱས།། ཉལ་འགྲོ་མ་རྣམས་འགྲམ་དར་ཞུས་ནས་གཤོག་དྲུག་ཉ་མོ་འཁྱུག་རྩལ་ངོམས།། དཔྱིད་ཀྱི་ཕོ་ཉས་སྐད་སྙན་སྒྲོག་བཞིན་གངས་ཅན་བོད་ལ་མགྲོན་དུ་ཕེབས།། དུས་བཞིའི་དང་པོ་དཔྱིད་དུས་སླེབས་ནས་མི་རྣམས་སེམས་པ་དགའ་ལྷང་ལྷང་།། དབྱར། མ་ཡུམ་གོ་ལའི་ཁ་མདོག་འགྱུར་ཏེ་སྔོ་ལྗང་གོས་ཞིག་བཀླུབས་པ་འདྲ།། ནམ་མཁའི་སྐར་ཚོགས་ཐང་ལ་ལྷུང་འདྲའི་ཁྲ་ཆེན་མེ་ཏོག་འཛུམ་མེར་དགོད།། དབྱར་སྐྱེས་རྔ་བས་སྒྲ་བརྒྱ་སྒྲོག་བཞིན་སྦྲང་ཆར་བསིལ་མའི་དངོས་གྲུབ་བསྩལ།། ཕ་མ་ལྟ་བུའི་དབྱར་གྱི་དུས་འདིར་ཀུན་གྱི་གདོང་ན་འཛུམ་མདངས་མངོན།། སྟོན། ནོར་འཛིན་སྒེག་མོས་ལྭ་ལྗང་ཕུད་དེ་ས་ལེ་སྦྲམ་གྱིས་ཤམ་ལྭ་མནབས།། འབྲུ་རིགས་སྣ་ལྔའི་འབྲས་བུ་སྨིན་ཞིང་ཞིང་བའི་གདོང་ལ་འཛུམ་གྱིས་བྱུགས།། རྩི་ལྗང་མེ་ཏོག་སད་ཀྱིས་བཅོམ་ཞིང་མི་འདོད་གྲང་རེག་ཁད་ཀྱིས་ལྡང་།། ཁུ་བྱུག་སྔོན་མོའི་གསུང་སྙན་འགག་ཅིང་ཁྲུང་ཁྲུང་དཀར་མོ་ལྷོ་རུ་འཕུར།། དགུན། སྔར་གྱི་མཛེས་སྡུག་ཁོང་དུ་སྦེད་དེ་རབ་དཀར་ཁ་བའི་གོས་དཀར་གྱོན།། ཉལ་འགྲོ་མ་རྣམས་འཁྱག་གིས་བསྡམས་ནས་གྲང་རླུང་རེག་བྱ་བཟོད་པར་དཀའ།། རྩི་ཤིང་ལྗོན་པའི་ལང་ཚོ་ཉམས་ཤིང་རླུང་བུ་ལྡོམ་པོས་ཤུགས་གླུ་ལེན།། གྲང་རེག་གདུག་རྩུབ་འགོག་ཐབས་མེད་པས་དགུན་གྱི་དུས་འདིར་སྤྲོ་བ་དབེན།།
23
དྲིན་ཆེན་ཨ་མ། བུན་ཁྲང་སྐྱིད། སྟོང་སྐོར་སྡེ་བ།
དང་པོ་རང་ལུས་སྦྱིན་མཁན་ཨ་མ་ཡིན།། ཀ་ཁ་ཀློག་ཏུ་འཇུག་མཁན་ཨ་མ་ཡིན།། ཁ་ལ་ཟ་མ་གནང་མཁན་ཨ་མ་ཡིན།། ག་ས་གང་དུ་ཁྲིད་མཁན་ཨ་མ་ཡིན།། ང་ཡི་ཨ་མའི་བཀའ་དྲིན་རི་ལས་མཐོ།། བདག་ལ་བདེ་སྐྱིད་སྐྲུན་མཁན་ཨ་མ་ཡིན།། བདག་ནི་སློབ་གྲྭར་བསྐྱལ་མཁན་ཕ་མ་ཡིན།། ལུས་ཀྱི་རྒྱན་ཆ་ཉོ་མཁན་ཕ་མ་ཡིན།། ཁ་ནས་སློབ་གསོ་མ་ཎི་འདོན་བཞིན་འདྲ།། གོམས་གཤིས་བཟང་པོ་ཉིན་རེར་སློབ་ཏུ་བཅུག། ཕ་མའི་དྲོད་འཇམ་ལྡན་པའི་རུམ་ཏུ་ཉལ།། ཁ་ལ་ཞིམ་མངར་ལྡན་པའི་ནུ་ཞོ་འཐུང་།། ཉིན་རེར་བསྡད་པར་རིམ་བཞིན་འཚར་ལོངས་བྱུང་།། ཞིམ་པ་སྙིང་སྟོབས་ལྡན་པའི་ཨ་ཕ་ལགས།། ཁྱིམ་གྱི་ལས་འགན་ལྕི་མོ་ཕྲག་ལ་ཁུར།། བྱམས་བརྩེ་ལྷག་བསམ་ལྡན་པའི་ཨ་མ་ལགས།། ཁྱིམ་གྱི་ཁྱིམ་ལས་ཐམས་ཅད་འགྲུབ་པར་བྱེད།། དྲིན་ཆེན་ཕ་མས་བདག་གི་བདེ་སྐྱིད་ཆེད།། རང་གི་རང་ལུས་སྐྱིད་པོ་མི་འཛེམ་པར།། མི་ཚེ་གང་པོ་འདི་ལྟར་འཕྲོ་བརླག་བཏང་།། བྱམས་བརྩེ་དུང་ལས་དཀར་པའི་བྱམས་ལྡན་མ།། 24
ལྷག་བསམ་དཀར་བའི་དྲིན་ལྡན་མ།། བརྩེ་སེམས་མཚོ་ལས་ཟབ་པའི་བརྩེ་ལྡན་མ།། བདག་གི་མདུན་དུ་སྐྱོད་པའི་སྙིང་སྟོབས་དང་།། བདག་གི་བླ་ན་མེད་པའི་བརྩོན་འགྲུས་དང་།། བདག་གི་ཞུམ་པ་མེད་པའི་དཔའ་ངར་དེ།། ཁྱེད་ཀྱིས་བདག་ལ་གནང་བའི་གཤིས་བཟང་ཡིན།། ཁྱེད་ཀྱིས་བདག་ལ་གནང་བའི་གོམས་གཤིས་ཡིན།། ཕ་མའི་དགུང་ལོ་ནམ་ཡང་མཐོ་བར་མཁྱེན།། བུ་མོ་ང་ཡི་ནམ་ཞིག་དྲིན་ལན་འཇལ།།
ཨ་མ་དྲན་གླུ། ལྷ་མཚོ་སྐྱིད།
མེ་ཏོག་བཞིན་དུ་བཞད་པའི་ཕ་ཡུལ་དང་བྲལ་ཏེ།། རྒྱང་རིང་ལེ་དབར་སྟོང་གི་ཡུལ་གྲུ་རུ་འགྲོ་དུས།། སྐྲ་མདོག་དཀར་པོར་འགྱུར་པའི་དྲིན་ཆེན་གྱི་ཨ་མས།། སེམས་སྡུག་སྐྱོ་བས་མ་བཟོད་མིག་ཆུ་ནི་ཤོར་སོང་།། མཛེས་ཤིང་ལྟ་ན་སྡུག་པའི་རྩྭ་ཐང་དེ་བརྒྱུད་ནས།། ནོར་ལུག་མ་བུ་བྱས་ནས་ཡོད་པ་དེ་མཐོང་ན།། ཆུང་དུས་མ་དང་མཉམ་དུ་ཡོད་པ་དེ་དྲན་ནས།། བུ་མོའི་མིག་ཆུ་དབང་མེད་སྤང་ཐང་ལ་འཐིམ་སོང་།། དྭངས་གཙང་ཆུ་མོ་དེད་ནས་འགྲོ་བ་ཡི་དུས་སུ།། ཆུ་མོའི་ནང་གི་ཉ་མོ་དེ་དག་ངས་མཐོང་ན།། 25
ཆུང་དུས་མ་དང་མཉམ་དུ་འགྲོ་བ་དེ་དྲན་བྱུང་།། སེམས་པ་སྐྱོ་བའི་མཆི་མ་གཙང་བོ་ལ་འདྲེས་སོང་།། མུ་མཐའ་མེད་པའི་ནགས་ཀླུང་སྟུག་པོ་དེ་རྒྱུད་ནས།། རི་སྐྱེས་སྲོག་ཆགས་མང་པོ་ཕ་བུ་དང་མ་བུ།། གང་དགར་རྒྱུ་བའི་ཚུལ་དེ་མཐོང་ཡི་མོད་ལ།། ཨ་མ་དྲན་པའི་མིག་ཆུ་ནགས་ཀླུང་དུ་འཐིམ་སོང་།།
མ་ཡུམ་སློབ་གྲྭ། བཙུན་མོ་མཚོ།
ཤེས་རིག་འོད་སྟོང་འབར་བའི་སློབ་གྲྭ་ལགས།། ཁྱེད་ཀྱི་པང་ནས་ང་ཡིས་རིག་གནས་སྦྱངས།། དྲིན་ཆེན་དགེ་རྒན་དམ་པ་ལ་བསྟེན་ནས།། ང་ཡིས་དབྱངས་གསལ་སོ་བཞི་ངག་ལ་གྱེར།། བྱམས་སེམས་ཆེ་བའི་སློབ་གྲོགས་མང་པོས་ནི།། དུས་རྒྱུན་ང་ལ་འདུག་རོགས་རྩེད་རོགས་བྱས།། གལ་ཏེ་ཧ་ཅང་གཅེས་པའི་སློབ་གྲྭ་འདི།། བསྐྱུར་ནས་གཞན་ཡུལ་ཞིག་ལ་འགྲོ་དགོས་ན།། ང་ཡི་སེམས་སྡུག་སྐྱ་མོ་ས་ལ་ལྷུང་།། མ་ཡུམ་སློབ་གྲྭའི་ཕྱོགས་ལ་ལྟ་ཞོར་དུ།། སློབ་གྲྭ་གཞན་ལ་སོང་ནས་སེམས་སྡུག་བྱས།། ནམ་ཡང་མ་ཡུམ་སློབ་གྲྭ་སྙིང་ནས་དྲན།། ང་ལ་ཧ་ཅང་གཅེས་པའི་དགེ་རྒན་རྣམས།། 26
ད་དུང་རྩེ་དགའ་ཆེ་བའི་སློབ་གྲོགས་རྣམས།། དེ་ལས་གཞན་ཞིག་དྲན་རྒྱུ་ང་ལ་མེད།།
ཐོལ་བྱུང་ངག་གི་སྐྱོ་འབོད། རྣམ་ཐར་ཚེ་རིང་།
བོད་ཡིག་མཁོ་མེད་སྲིད་ཇུས་གནམ་ན་མེད།། བོད་སྐད་མཁོ་མེད་བཅའ་ཁྲིམས་སྟེང་ན་མེད།། བོད་སྲོལ་མཁོ་མེད་སྨྲ་བ་གླིང་ན་མེད།། བོད་རིགས་ལས་བྱེད་སྐྲག་སྣང་སྐྱེ་དོན་ཅི།། རང་སྐྱོང་རང་ལ་བཏགས་ན་བོད་ཡིག་མེད།། རྒྱལ་དམངས་ཞབས་ཞུ་སྒྲུབ་སར་བོད་ཡིག་མེད།། གཅིན་གཏོང་སྤྱོད་སྒོ་ཙམ་ནའང་བོད་ཡིག་མེད།། མདོར་ན་བོད་ཡིག་དར་སྤེལ་ཅི་ཡིས་གཏོང་།། རྒྱལ་གཉེར་ཁེ་ལས་སྒྲུབ་ན་བོད་ཡིག་མེད།། ཁེ་སྤོགས་ཚོང་ལས་གཉེར་ན་བོད་ཡིག་མེད།། བོད་རིགས་རང་སྐྱོང་ཞེས་པའི་ཁྲིམས་ལུགས་འདི།། བོད་ཀྱི་ལས་བྱེད་ལག་ནས་སྟོང་བར་ཟད།། དེང་རབས་སློབ་མའི་མིག་ན་བོད་ཡིག་མེད།། དེང་རབས་གསར་བུའི་སེམས་ནས་བོད་སྲོལ་མེད།། དེང་རབས་འགྲོ་སྟངས་མགོ་མེད་གཞུག་རྡུམ་འདི།། དེང་གི་ལས་བྱེད་ལྟོ་འབུར་ཅན་ཚོས་བྱིན།།
27
མ་བཅོས་སེམས་ཀྱི་རང་སྒྲ། ལྷ་ལྕགས་རྒྱལ།
ཀ་བ་གདུང་ལྕམ་མེད་པའི་སློབ་ཁང་ནང་།། ཁ་བརྡ་མང་པོས་ཉི་མ་མི་འཁྱོལ་བར།། ག་བར་རྡུལ་བརྩེགས་གངས་རིའི་ལྗོངས་འདི་ལ།། ང་ཚོས་འབད་པས་སྲི་ཞུ་ཅུང་ཟད་སྒྲུབ།། ཅ་ཅོའི་འདུ་འཛི་ཆེ་བའི་སློབ་གླིང་ན།། ཆ་རྒྱུས་མེད་པའི་སློབ་གྲོགས་མང་ན་ཡང་།། ཇ་ཡུན་ལྟ་བུའི་དུས་ཚོད་འདིའི་ནང་དུ།། ཉ་ཉོའི་སྤྱོད་པ་སྤངས་ཏེ་སློབ་ལ་བརྩོན།། ཏ་ཀུར་བརྟེན་པའི་དགེ་བའི་བཤེས་གཉེན་དྲུང་།། ཐ་མག་ལ་སོགས་སྤྱོད་ངན་ཀུན་སྤངས་ནས།། ད་རེས་རང་རིགས་བོད་པའི་གཙུག་ལག་ལ།། ན་ཚོད་དབྱེ་བ་མེད་པར་སྦྱངས་རྒྱུ་གལ།། པ་དང་མ་ཡི་དངུལ་ལོར་མང་དུ་མཁོ།། ཕ་མའི་ཞལ་ཏ་རྣ་རྒྱབ་རླུང་བུ་བཞིན།། བ་གླང་ལྟ་བུའི་དམུ་རྒོད་སྤྱོད་པ་ཀུན།། མ་ལུས་ཡོངས་སུ་དོར་ནས་རིག་གནས་སྦྱོང་།། ཙ་ཙིག་ཁྱིམ་ལས་ཁྲོད་ནས་ཁོམ་ལོང་བྲལ།། 28
ཚ་གྲང་ནམ་ཟླའི་ཁྲོད་ནས་ཕྱུགས་ཟོག་འཚོ།། ཛ་ལང་ངལ་རྩོལ་ཁྲོད་ནས་མི་ཚེ་ཟད།། ཝ་ཡེ་འདི་དག་བསམ་བློ་ཞིབ་མོར་ཐོངས།། ཞྭ་མོ་ཟུར་དུ་གྱོན་ནས་དུ་ཆང་སྤྱོད།། ཟ་འོག་གོས་ཀྱི་གོན་པ་གྱོན་པ་ལས།། འ་འུར་འདུ་འཛི་ཆེ་བའི་སློབ་གླིང་ནས།། ཡ་མེད་དོན་ཞིག་བསྒྲུབ་པར་ཀུན་ནས་འབུངས།། ར་མ་ལུག་གི་སྐད་ཅིག་སྨྲ་ཞོར་དུ།། ལ་རྒྱའི་ཁུ་ཚུར་མཐོན་པོ་དགུང་ལ་འཕྱར།། ཤ་ཚའི་སྙིང་གཏམ་མགུར་མ་འདི་ཡིས་ནི།། ས་ཕྱོགས་ཀུན་གྱི་རེ་བ་སྐོང་མིན་ཀྱང་།། ཧ་ཧོ་དགོད་སྒྲའི་ཁྲོད་ཀྱི་ཀ་རྩོམ་འདི།། ཨ་མའི་བུ་ཚོར་སྤྲིངས་པའི་འཕྲིན་པ་ཉིད།།
ཚིག་འདིར་གསོན། ཚེ་ཐར་རྒྱལ། དམའ་གསུམ།
མདོག་ལྔའི་ཚོན་གྱིས་གནག་སྣུམ་བ་དོག་བསྒྱུར།། ཐ་མ་ཁ་ཡི་དུ་ནག་ཁ་རུ་འཕྱུར།། སྣ་ཚོགས་གོས་ཀྱི་གྱོན་ཆས་ལུས་ལ་བཀླུབས།། སྙིང་ལ་སྡུག་པའི་གནོད་ཚིག་ཁ་རུ་འབྱིན།། 29
དེ་འདྲའི་དོན་རྣམས་སྒྲུབ་པའི་སྐྱེ་བོ་སྟེ།། ཤེས་རིག་ལུས་ལ་བརྩོན་དགོས་ཟེར་ཞོར་དུ།། སྐྱིད་འདོད་ལེ་ལོས་འདའ་པའི་བློ་གསལ་ཚོ།། རང་རིགས་དོན་དུ་ཤེས་བྱར་བརྩོན་པ་གྱིས།། ལག་ཏུ་མཚོན་ཆ་རྣོན་ངར་ཐོགས་པ་ཡིས།། ཁ་རུ་རང་རིགས་ལ་རྒྱ་ཟེར་ཞོར་དུ།། སྤྱི་ཚོགས་ནང་དམེ་བྱེད་པའི་དོན་གྱིས་ནི།། ཀུན་ཡིད་སྐྱོ་བའི་གནས་སུ་བསྐྱལ་བར་གྱུར།། བོད་ཀྱི་ལ་རྒྱ་རྩོད་དགོས་ཟེར་ཞོར་དུ།། རང་རིགས་འཕེལ་རྒྱས་ལ་ནི་གནོད་བསྐྱལ་པའི།། སྐྱེས་པོས་བླུན་པོའི་རྟུལ་ཞུགས་མི་འཛིན་པར།། རང་རེའི་རིགས་ལ་ཕན་བདེའི་ལས་དོན་གྱིས།།
མ་བཅོས་སེམས་ཀྱི་རང་སྒྲ། ལྷ་ལྕགས་རྒྱལ། དམའ་གསུམ།
༡ འཛམ་གླིང་ཁྱོན་གྱི་གཙུག་ཏུ་མཛེས་པའི་གངས་རིའི་ལྗོངས་ཞེས་འབོད་པའི་གནས།། ཤ་རུས་ཟུངས་ཁྲག་གཅིག་ཏུ་རྒྱུ་བའི་མ་འོངས་གངས་རིའི་རྒྱུད་འཛིན་པ།།
30
ད་རེས་འཁྱམ་པོའི་རྟུལ་ཞུགས་མ་འཛིན་ཅོལ་ཆུང་བདག་གི་ཚིག་འདིར་གསོན།། མཁས་ཆེན་གསུང་གི་དོ་ཟླ་མ་ཡིན་རང་རིགས་རྗེས་སུ་སྐུལ་བའི་གཏམ།།
༢ གངས་ཅན་མེས་པོའི་ཆ་ལུགས་བཟང་པོ་སྒྲོ་ཡག་རྨ་བྱའི་ཚུལ་བཞིན་མཛེས།། དེང་དུས་རྗེས་རབས་བོད་མིའི་རྒྱུད་ནས་མི་མཁོ་ཁྱི་ལུད་བཞིན་དུ་འདོར།། ལྔ་བདག་ཡུལ་ནས་ཕ་མེས་ངུ་སྐད་གངས་ཅན་རི་བོའི་རྩེ་ལ་ཟུག། མི་རིགས་འདི་ཡི་ཆ་ལུགས་ཡག་པོ་རང་རིགས་བོད་མིས་འདོར་དོན་ཅི།།
༣ ཕ་སྐད་དག་མོའི་བཤད་ལུགས་ཡག་པོ་གཙང་ཆབ་སྔོན་མོའི་རྒྱུན་བཞིན་དྭངས།། ད་ལྟའི་དུས་ཀྱི་གངས་ཅན་བོད་མིས་ར་མགོ་ལུག་གི་ཚུལ་དུ་སྨྲ།། མཆུན་ལྟའི་དྲུང་ནས་གངས་ཅན་མེས་པོས་སྨྲས་པའི་ངག་གི་དབྱངས་རྟ་འདོན།། ཕ་སྐད་གཙང་མའི་བཤད་རྒྱུན་འདི་ཉིད་གངས་ཅན་བོད་མིས་བསྒྱུར་དོན་ཅི།།
༤ རང་སྲོལ་རང་གི་རྒྱུད་ནས་མི་འདོར་མ་ཉམས་གོང་དུ་སྤེལ་བ་གཅིག། རིག་གཞུང་རང་གི་སེམས་ནས་མ་འདོར་དད་པ་གཙང་མའི་སློབ་ལ་གཉིས།། རང་སྐད་རང་གི་ངག་ནས་མི་འདོར་ཕ་སྐད་གཙང་མ་བཤད་པ་གསུམ།། འདི་གསུམ་སྲུང་ན་གངས་ཅན་འགྲོ་བའི་མ་འོངས་མདུན་ལམ་ཡག་པོ་འབྱུང་།།
31
འགྱོད་གདུང་དྲག་པོ། ཉི་མ་ཚེ་རིང་།
ཕ་མ་ལྷན་དུ་འཛོམས་དུས།། དྲིན་ལན་འཇལ་དགོས་མ་བསམ།། རྒྱང་རིང་ཕྱི་མར་བཞུར་དུས།། འགྱོད་གདུང་དྲག་པོས་གཟུར་སོང་།། ཕྱུག་པོ་རྒྱུ་ནོར་ལྡན་དུས།། བདག་གཉེར་བྱེད་དགོས་མ་བསམ།། དབུལ་བོའི་གནས་སུ་ལྷུང་དུས།། འགྱོད་གདུང་དྲག་པོས་གཟུར་སོང་།། དགེ་སློབ་ལྷན་དུ་འཛོམས་དུས།། བཀའ་དྲིན་ཆེ་བ་མ་ཤེས།། སོ་སོར་བྲལ་བའི་དུས་སུ།། མིག་ཆུ་དབང་མེད་ཤོར་སོང་།། བཅུ་ཕྲག་རིག་པའི་གླིང་གི། བརྩེ་བའི་སློབ་གྲོགས་རྣམས་དང་།། འཐབ་རེས་རྩོད་རེས་བྱས་པ།། གངས་དཀར་སེམས་ནས་འགྱོད་སོང་།།
དགེ་སློབ་དག་ལ་བརྗོད་པའི་སྙིང་གཏམ། པདྨ་འཚོ།
མ་ཡུམ་སློབ་གྲྭའི་གླིང་གི། རྩ་བའི་དགེ་རྒན་ལྷན་རྒྱས།། གྱེས་ནས་ལོ་གསུམ་འགོར་སོང་།། ཁྱེད་ཅག་སྐུ་ཁམས་བདེ་འམ།། ཤེས་རིག་སྐྱེད་ཚལ་གླིང་ནས།། ཤེས་བྱ་སྣ་མང་སྦྱངས་ནས།། གྲུབ་འབྲས་རྡོག་པོ་ཐོབ་དུས།། བཀའ་དྲིན་ཡིད་ལ་དྲན་སོང་།། 32
སློབ་གྲྭའི་སྐྱེད་ཚལ་འགྲིམ་པའི།། རིག་བཟང་སློབ་བུ་ང་ཚོས།། ཁྱེད་ཅག་སྐུ་ལུས་བདེ་ཞིང་།། བསམ་དོན་ལྷུན་གྱིས་འགྲུབ་པའི།། བཀྲ་ཤིས་སྨོན་ལམ་འདེབས་སོ།། མ་ཡུམ་སློང་གྲྭའི་གླིང་གི།། སྙིང་གི་སློབ་གྲོགས་ལྷན་རྒྱས།། མ་འཕྲད་ལོ་ཟླ་རིང་མོར།། ཁྱེད་ཅག་སྦྱངས་འབྲས་ལེགས་སམ།། ལོ་དྲུག་ཡུན་ལ་འགྲོགས་པའི།། སློབ་ར་གཅིག་གི་སློབ་ཕྲུག། བྲལ་ནས་ལོ་གསུམ་འགོར་སོང་།། མཛའ་བརྩེ་སྔར་བཞིན་འགྱུར་མེད།། ཤེས་བྱའི་གླིང་ལ་འགྲིམ་པའི།། དམན་ཆུང་བུ་མོ་ང་ཡིས།། སྐལ་ལྡན་སློབ་བུའི་ཚོགས་ལ།། སློབ་ལ་ཧུར་བརྩོན་བྱེད་པར།། སྙིང་ནས་རེ་བ་ཞུ་ལགས།།
ཨ་ཕ་དྲན་གླུ། མགོན་སྐྱབས་ལྷ་མོ།
སློབ་རའི་ལྡིང་ཁང་ཁྲོད་ནས།། རྒྱང་རིང་ས་མཐར་བལྟས་ན།། མགོ་སྦྲ་སྨུག་པོའི་ནང་གི། ཨ་ཕའི་སྣང་བརྙན་དྲན་བྱུང་།། ཀློག་འདོན་འགྱུར་ཁུགས་ཁྲོད་ནས།། ཕ་སའི་ཕྱོགས་སུ་བལྟས་ན།། མ་ཎི་ཡིག་དྲུག་གྱེར་བའི།། ཨ་ཕའི་སྐད་ངག་དྲན་བྱུང་།། ས་སྲོས་མཚམས་སྤྲིན་ཁྲོད་ནས།། སྨད་ཀྱི་ཕྱོགས་སུ་བལྟས་ན།། དམར་པོ་ཉི་མའི་གོང་བུ།། ཨ་ཕའི་མཁུར་ཚོས་ཡིན་སོང་།། ལ་ལུང་འགྲིམས་པའི་དུས་ལ།། ཕ་ཡུལ་ཕྱོགས་ལ་ལྟས་ན།། 33
དཀའ་སྡུག་ལས་ལ་བརྩོན་པའི།། ཨ་ཕའི་རྔུལ་ཆུ་དྲན་སོང་།། མ་ཡུམ་སློབ་གྲྭའི་ཚལ་གྱི།། བཤེས་གཉེན་སློབ་དཔོན་དམ་པའི།། གཤིས་རྒྱུད་བལ་ལས་འཇམ་པའི།། ཨ་ཕ་ཡང་ཡང་དྲན་བྱུང་།།
ཕ་ཡུལ་ལ་བསྔགས་པ། འབྲུག་མོ་ཐར། དམའ་གཅིག
ཨ་སྔོན་དགུང་ནས་སྤྲིན་དཀར་ལང་ལོང་འཕྱུར།། དབྱིག་འཛིན་སྒེག་མོས་ལྗང་མདོག་གོས་ལྭ་མནབས།། གཞན་ཕྱུགས་རྫི་ནས་སྐྱིད་པའི་གླུ་རེ་ལེན།། བདེ་ལྡན་ཞིང་འདི་བདག་གི་ཕ་ཡུལ་ལགས།། ཨ་སྔོན་དགུང་ནས་གཡུ་འབྲུག་སིང་སིང་གྲགས།། སྤྲིན་དཀར་ཀློང་ནས་སྦྲང་ཆར་ཤག་ཤག་འབབ།། སོ་ནམ་ལས་ལ་བྲེལ་བའི་ཞིང་བ་དག། རི་བོ་སྟོང་ཕྲག་ཀློང་ན་དགའ་ལྷང་ལྷང་།། བདེ་ལྡན་ཞིང་འདི་བདག་གི་ཕ་ཡུལ་ལགས།། ཡངས་པའི་སྤང་ན་མེ་ཏོག་ཁྲ་ཆིལ་ཆིལ།། གནག་ཕྱུགས་འབྲི་མོའི་ངུར་སྒྲ་སྙན་ལྷང་ལྷང་།། གསོམ་དཀར་བཞོ་ཟེའུ་བཟུང་བའི་སྨན་ཤར་དག། དགོ་དགོ་བཞོ་གླུའི་ཀློང་ན་འཛུམ་དམུལ་དམུལ།། 34
བདེ་ལྡན་ཞིང་འདི་བདག་གི་ཕ་ཡུལ་ལགས། མཛེས་བའི་ཁང་བརྩེགས་མཐོན་པོ་སྟར་ལ་བསྒྲིགས།། དཀའ་གཙང་སློབ་ཁང་གྲུ་བཞི་གསལ་ལམ་ལམ།། བཤེས་གཉེན་དམ་པའི་གསུང་སྐད་སྙན་ལྷང་ལྷང་། ཤེས་བྱའི་གནས་ལ་འབད་པའི་སློབ་བུ་དག། སྦྱོང་ཀློག་དབྱངས་ལ་གྱེར་འདི་བདག་གི་ཡུལ།།
སློབ་དཔོན་ལ་བསྟོད་པ། འབྲུག་མོ་ཐར། དམའ་གཅིག
བྲག་རི་མདུང་རྩེ་ཞིབ་འདྲའི་ཟུར་ཁ་ན།། མཁའ་ལམ་འཕྲེད་ཀྱིས་གཅོད་པའི་རྒོད་པོ་ཞིག། རྐང་འཐུང་གཡུ་ལོ་རྒྱས་པའི་ལྗོན་གསེབ་ན།། འཕུར་ལྡིང་གར་ལ་རྩེན་པའི་བྱེའུ་ཆུང་ཞིག། སྤང་གཞུང་ཕ་མཐའ་བྲལ་བའི་ཁུགས་པ་ན།། བྱང་ལམ་ཐད་ཀྱི་གཅོད་པའི་རྟ་བོ་ཞིག། གཡའ་རི་མཎྡལ་སྤུང་འདྲའི་ཁོང་གསེང་ན།། རྩེད་འཇོ་གར་ལ་རྩེན་པའི་ཤེའུ་ཆུང་ཞིག། ཤེས་རིག་སྣ་བརྒྱ་བཞད་པའི་སློབ་ར་ན།། ཤེས་བྱའི་བཅུད་ཀྱི་གཏམས་པའི་སློབ་དཔོན་ཞིག། དཀར་ཞིང་གཙང་བའི་སློབ་ཁང་གྲུ་བཞི་ན།།
35
ཤེས་བྱའི་བཅུད་ལ་རྔམ་པའི་སློབ་མ་ཞིག།
སྟོན་གྱི་རང་མདངས། བསམ་འགྲུབ་བཀྲ་ཤིས། དམའ་གཅིག
མདའ་སྦྱིན་སྟོན་ཁ་སླེབས་བྱུང་།། སྡོང་ལོ་ས་ལ་འཐོར་སོང་།། ཁུ་བྱུག་མོན་ལ་བཞུད་སོང་།། དབྱིག་འཛིན་ན་བཟའ་བརྗེས་སོང་།། འབྲས་ལྡན་སྟོན་ཁ་སླེབས་སོང་།། ས་ནག་གྲུ་བཞིའི་ནང་ལ།། ལོ་ལེགས་སྙེ་མས་ཁེངས་སོང་།། མི་རྣམས་ལས་ལ་བྲེལ་སོང་།། སྟོན་རླུང་ལྷག་པར་ལྡང་ནས།། མཐའ་ཀླས་རྩྭ་ཐང་ཀུན་ཏུ།། མི་འདོད་རྡུལ་གྱིས་ཁེངས་སོང་།། ཆུ་བོའི་བཞུར་སྒྲ་འཇགས་སོང་།། འབྲས་ལྡན་དུས་ཀྱི་ཕ་ཡུལ།། ལྗང་མདོག་མཛེས་སྡུག་མེད་ནའང་།། ཕ་ཡུལ་དུངས་པའི་སེམས་པ།། ནམ་ཡང་འགྱུར་བ་མི་འདུག།
36
སྒོར་མོ། ཀུན་བཟང་སྒྲོལ་མ།
སྒོར་མོ་ཡིས་གཞན་ལ་བདེ་སྐྱིད་བསྐྲུན།། སྒོར་མོ་ཡིས་གཞན་ལ་རོགས་སྐྱོར་བྱས།། སྒོར་མོ་ཡིས་གཞན་ལ་དོན་དག་བསྒྲུབས།། འདི་དག་ཚང་མ་སྒོར་མོའི་དྲིན་ཡིན།། སྒོར་མོ་ཡིས་གཞན་ལ་གནོད་འཚེ་བཏང་།། སྒོར་མོ་ཡིས་གཞན་གྱི་སེམས་ཁ་དཀྲུགས། སྒོར་མོ་ཡིས་གཞན་མི་འཁོན་ལ་གཏུགས།། འདི་དག་ཚང་མ་སྒོར་མོའི་སྐྱོན་ཡིན།། སྒོར་མོ་ཡི་དོན་དུ་འཁོན་འཛིང་བྱས།། སྒོར་མོ་ཡི་དོན་དུ་བཟའ་འཁོན་བྱུང་།། སྒོར་མོ་ཡི་དོན་དུ་ནད་སོགས་བྱུང་།། འདི་དག་ཚང་མ་སྒོར་མོའི་ཆེད་ཡིན།། སྒོར་མོ་ནི་མི་ལ་བདེ་སྐྱིད་བསྐྲུན་མཁན།། སྒོར་མོ་ནི་མི་ལ་གནོད་འཚེ་གཏོང་མཁན།། སྒོར་མོ་ནི་བཟང་ཡིན་ནམ་ངན་ཡིན་ནམ།། བཟང་ངན་གཉིས་ཀ་གཞི་གཅིག་དུ་འདྲེས་ཡོད།།
37
ང་ཚོའི་སློབ་གྲྭ། དཔལ་སྐྱིད།
སྟོད་ན་ལྗང་ལྡན་གཡུ་ལོས་མགོ་ལྕོག་ལྡེམ།། སྨད་ན་མང་ཆུ་སྔོན་མོ་དལ་གྱིས་བཞུར།། བར་ན་སློབ་གྲྭའི་ཐོག་རྩེག་གྲལ་དུ་བསྒྲིགས།། ཨེ་མ་སློབ་གྲྭའི་ཁོར་ཡུག་ཇི་འདྲའི་མཛེས།། ཤེས་རིག་འོད་སྟོང་འཕྲོ་བའི་སློབ་གླིང་ན།། ཤེས་བྱའི་སྒོ་གླེགས་འབྱེད་པའི་དགེ་རྒན་མང་།། མ་རིག་མུན་པའི་སྨག་རུམ་བཅོམ་མཁན་ཚོས།། བསིལ་ལྡན་ལྗོངས་འདིར་ལྔ་རིག་སྒྲོན་མེ་འབར།། ཀ་ཁའི་དབྱངས་རྟ་གྱེར་སའི་སློབ་གླིང་ན།། བྱམས་ལྡན་སློབ་བུ་རྣམས་ཀྱིས་སློབ་ལ་བརྩོན།། གངས་རིའི་ལྗོངས་འདིའི་རིག་གཞུང་འབུམ་ཕྲག་ལ།། བརྩོན་འགྲུས་གཡུང་གི་རྟ་ཕོར་ལྕག་གིས་བསྐུལ།། ལང་ཚོའི་དབྱར་གྱི་འོད་སྟོང་འབར་བ་བཞིན།། བཟའ་བཏུང་གང་ལེན་འཚོ་བཅུད་ལྡན་པ་དང་།། ལྷག་བསམ་མཛེས་པའི་སློབ་འབྲིང་འཚོ་བ་འདི།། བསམ་བྱུང་བསམ་ན་མི་ཚེའི་སྤྲོ་སྣང་རེད།།
38
ཚན་པ་གཉིས་པ།
རང་མོས་སེམས་ཀྱི་གླུ་གཞས།
39
པོ་ཏ་ལ། ལོ་རྒྱུས་ཀྱི་ཕ་མཁར། སུམ་མདོ། བཙུན་ཐར་ཚེ་རིང་།
པོ་ཏ་ལ། གོ་ལ་ཡི་གཙུག་རྒྱན། གནའ་སྔ་མོའི་དཀའ་སྤྱད་ལས་འཁྲུངས་པའི་གསེར་མཁར། ལོ་ངོ་ཁྲི་ཕྲག་གི་ལོ་རྒྱུས་ལྷུམས་སུ་ཉར་ཏེ། འཛམ་གླིང་ཁྱོན་གྱི་དབུ་རྩེ་ན། ངོ་མཚར་གྱི་ལྟད་མོ་ངོམས། པོ་ཏ་ལ། བརྗིད་ཉམས་ཀྱི་རྡོ་རིང་། མེས་པོས་ཕྱག་རྗེས་སུ་བཏབ་པའི་སྒྱུ་རྩལ་གྱི་དྭངས་མ། ཆོས་སྲིད་འཕྲིན་ལས་ཀྱི་འོད་སྣང་རབ་ཏུ་འབར་ཏེ། རྒྱ་བོད་མཛའ་བཤེས་ཀྱི་དན་རྟགས་དཀར་པོ། བསྐལ་བ་སྟོང་དུ་ཟིན་ཐོ་དངོས་མ་ཞིག པོ་ཏ་ལ། ཤེལ་དཀར་གྱི་ཕོ་བྲང་། གངས་ཏི་སི་དང་ཁྲི་ཤོར་རྒྱལ་མོའི་ལོ་རྒྱུས་རླབས་ཕྲེང་དུ་བཀོད་དེ། ལྔ་རིག་པའི་བང་མཛོད་གཅིག་པུ་སྟེ། གནའ་དེང་གི་བདེན་དོན་མང་པོ་གླེང་བཞིན། དུས་རབས་ཀྱི་དཀྱོག་མཚམས་ན་བརྗིད་ཅིང་མཆིས། པོ་ཏ་ལ། ལས་དབང་གི་ཕོ་བྲང་། དངོས་གནས། མཚར་སྡུག་གི་ཉི་ཟླ་ཟུང་གཅིག ཁྱེད་རང་མཁའ་དབྱིངས་སུ་འཚེར་བས། 40
ས་ཆེན་པོ་འདི་ཉིད། གཞི་ནས་མཚར་སྡུག་ལྡན། པོ་ཏ་ལ། བརྗིད་ཉམས་ཀྱི་ཕ་མཁར། དབྱིག་འཛིན་གྱི་ཕུང་བ་རུ་རྔམ་བརྗིད་ལྡན། ཁྱེད་རང་ས་དབུས་འདིར་སྣང་བས། ཉི་མའི་གྲོང་ཁྱེར་འདི་ཉིད། སྔར་བས་བརྗིད་ཉམས་ལྡན། པོ་ཏ་ལ། ཁྱེད་མཆིས་པས། ང་ཚོའི་ཚན་རིག་གི་འཇིག་རྟེན་ཡོད་སྲིད། བདེན་ལགས། སྲོང་བཙན་གྱི་ཁྲི་རབས། ཁྱེད་ཀྱི་མདུན་ལྗོངས་སུ་སྦྲུམ་བས། སྙིང་དམར་པོ་འདི་ཉིད། ང་ཚོའི་བླ་སྲོག་གི་བཞུར་རྒྱུན་ཡིན་ལགས།
41
ངང་བ་ཞིག་འདི་ལྟར། སུམ་མདོ་པདྨ་རྟ་མགྲིན།
དུས་ཤིག་གི་དབུགས་རྒྱུ་སེར་བོ་ལྡང་འགོ་བརྩམས་བྱུང་། རི་འགྲམ་འདིར་མི་དགོས་མཁྲེགས་པས་བསྡམས། ལ་ལས་བཤད་པ་ལྟར་ན། རྫ་ཆུ་དང་ཉི་འོད་འཚེར་བའི་འདམ་གཞུང་དེར། མེ་ཏོག་གི་ལང་ཚོ་ཉོ་བའི་སྐུ་མགྲོན་སླེབས་བྱུང་། སྤྲིན་པ་དུམ་བུར་གཅོད་པའི་འུར་རྡོ་དཀར་པོས། ངང་བ་སེར་བོའི་བག་ཡངས་ཀྱི་འཆར་སྣང་དཀྲོགས་སོང་ཟེར། ང་ནི་གནས་འདིར་འདུག་པ་མ་ཡིན་པར། རྒྱང་སྐྱོད་ཀྱི་ལམ་ལ་ཆས་དགོས་པའི་སྣང་བ་ཟབ་མོ་ཞིག་སྐྱེས། ལྷོ་འཕུར་མཁས་མཛངས་ཀྱི་གྲོགས་པོ་ཡོངས་དང་ལྷན། སྟར་ཕྲེང་ཤར་མོས་སྐྱོད་མགོ་བརྩམས། དེ་ནས་བཟུང་། རི་འགྲམ་འདིར་ནམ་ཡང་སྐྱོ་གདུང་བཞག་ལ། ནམ་ཡང་བསམ་གཞིགས་སྤུངས། དེ་རྗེས། ངའི་མཁའ་དབུགས་ལ་ཁ་དོག་ཡོད་པ་གཞི་ནས་ཚོར།
42
དེ་དུས། ངས་ཉག་གཅིག་རྟོགས་པ་ནི། དུས་ཚིགས་ཤིག་གི་ཁ་དོག་དང་གཟི་འོད་རེད། ད་དུང་། གསེར་མདོག་དེ་སྟོན་ཟླ་ཞིག་གི་རམ་འདེགས་སམ་ཁ་དོག་ཁོ་ན་ཡིན་པ་ཚོར། དེ་རྗེས། ངས་མུ་མཐུད་ཁ་དོག་གི་ཁོང་གསེང་མྱུལ་བཞིན། ཚེ་སྲོག་གི་ཚ་དྲོད་འཁྱམ་པོས། དུས་འདིའི་ཁྱད་ཆོས་དང་ལྷན། བསམ་གཞིགས་མང་པོའི་ཞབས་རྗེས་འཇོག་བཞིན། དབྱར་ལྗོངས་ཤིག་གི་མཁས་མཛངས་ལ་བསམ་བློ་བཏང་། མེ་ཏོག་ཅིག་གི་མཚར་སྡུག་ལ་སྨོན་ལམ་བཏབ། དུས་ཚིགས་འདིའི་སྣང་བརྙན་སེར་བོ། ངའི་ཁེར་རྐྱང་གི་དྲན་པ་ཇི་བཞིན། མཛེས་ལྗོངས་མེད་པའི་འཇིག་རྟེན་ཞིག་གི་ཕམ་ཁ་འདྲ་ལ། བྲོ་བ་མེད་པའི་ཡུལ་ལྗོངས་འདིའི་བདག་པོ་འདྲ། དེ་ནས། མུ་མཐུད་དུ་སྨྲེ་ངག་དང་སྨྲ་བརྗོད་མེད་པར། སང་ལོའི་དུས་ཚིགས་ཤིག་ལ་རེ་བ་སྙེགས་བཞིན་མདུན་དུ་བསྐྱོད།
43
རྩྭ་ཐང་། ཀུན་ཐུབ་རྒྱལ།
རྩྭ་ཐང་གི་ལུག་ཁྱུ། སྤང་ཐང་གི་མེ་ཏོག་དང་། ལུང་གཞུང་གི་གཙང་ཆབ་སྒོམ་བཞིན། སུ་ཞིག་གི་ཡིད་ལ་དགའ་བ་སྟེར་བཞིན། གང་ཞིག་གི་ཡུལ་ལ་མཛེས་སྡུག་བསྐྲུན་བཞིན། ཁོད་ཡངས་པའི་སྤང་ཐང་ན། བག་ཡངས་དང་དལ་གྱིས་རྒྱུ། ཀྱ་ཀྱུ་ཡི་གཙང་བོའི་འགྲམ་ན། ཕང་ཕུང་གི་སྤྲིན་པའི་འོག་ན། ཀི་ཞིག་གི་དབང་སྒྱུར་ཁྲོད་ན། འདི་ལྟར། ཉིན་རྒྱུན་དུ། རྩྭ་ཐང་གི་རྫི་བོ། ཉི་མའི་ཁ་ལོ་དེ་འབོད་བརྡ་ལ་བསྟེན། ལུག་ཁྱུའི་རྨིག་རྗེས་དེ་ལམ་བུ་ལ་བསམ། ཡུལ་ལྗོངས་འདིའི་ཆེས་མཐོ་སའི་རི་རྩེ་ལ་བུད་དེ། ཀི་རིང་རེ་འདེབས་བཞིན། མ་ཎི་རེ་འདོན་བཞིན། ཕྲེང་རྡོག་རེ་བགྲང་། ལུག་ཁྱུ་དེ་ལྷས་རྭར་འཁོར་དུས། 44
ཉིན་གཅིག་གི་བྱ་བ་རྫོགས་ཟིན་ལ། དུས་ཚོད་ཀྱང་ཕལ་ཆེར།
རེ་སྒུག་གི་ཉི་མ་སེར་པོ། མཁའ་རྩེ་རྒྱལ།
དེ་རིང་། བདག་གི་སེམས་ཧ་ཅང་སྐྱོ། སྐྱོ་སྣང་གིས་ཁེངས་ཤིང་སྐྱོ་གདུང་གིས་མནར་བའི་ བདག་གིས་བསམ་གཞིགས་འཁྱམས་པོ་ཞིག་གི་ཁྲོད་དུ་ གློ་བུར་སེམས་ཁོང་གི་ཉི་མ་དྲན་བྱུང་། ཁྱེད་རང་དྲན་ཐེངས་རེར། ང་ལ་གླེང་མི་ཕོད་པ་དང་བརྗོད་མི་ཚར་བའི་སེམས་གཏམ་མོད་པོ་ཞིག ཡིན་ཡང་། རྒྱུ་རྐྱེན་མང་པོ་ཞིག་གི་དབང་གིས། ངས་བརྗོད་མི་ཚར་བའི་སེམས་གཏམ་རུམ་གང་བཟུང་སྟེ་ ཁྱེད་ཉིད་ཤར་བར་རེ་སྒུག་གི་མིག་ཟུང་ཡོད། ཉི་མ་སེར་པོ། ཁྱོད་ཉིད་ཕེབས་པར་རེ་སྒུག་བྱས་ཡོད། སེམས་ཁོང་གི་ཉི་མ་སེར་པོ་ལགས། ལམ་ཕྲན་དེ། སྤོ་བོར་ཕྱིར་དྲན་གྱི་ཚུལ་དུ། སུམ་མདོ་དངོས་གྲུབ་སྒྲོལ་མ། ཁ་སང་། 45
ངས་དཔེ་ཁུག་ཆུང་ཆུང་རྒྱབ་ཏུ་ཁུར་ནས་ སྤོ་བོའི་དྲོད་ཁོལ་གྱིས་ཕྱུག་པའི་ཕྱག་ཟུང་ལ་དམ་པོར་འཇུས་ཏེ་ སྦྲ་གུར་སློབ་ཆུང་དུ་བསྐྱོད། དེ་དུས། ལམ་ཕྲན་དེ། དབེན་ཞིང་འཇགས་པས། སྤོ་བོས་བཤད་པའི་བྱིས་སྒྲུང་རེ་རེ་ ལམ་ཕྲན་དང་ངེད་གསུམ་ག་མ་གཏོགས་ཉན་མཁན་མེད། དེ་རིང་། ངས་ལྗིད་ཏིག་ཏིག་གི་དཔེ་ཁུག་ཁུར་ནས་ སྤོ་བོའི་སྔོན་ཆད་ཀྱི་ཕྱག་ཟུང་ལ་རེ་སྨོན་གྱི་མིག་ཆུ་རྡོག་པོ་ཞིག་ མཁུར་མགོར་འགྲིལ་བཞིན་རྫོང་སློབ་འབྲིང་དུ་ཕྱིན། དུས་འདིར། ལམ་ཕྲན་དེ། ཅི་ལྟ་བུ་ཞིག་ཡིན་ནམ། ང་སྔར་བཞིན་ལམ་ཕྲན་དེར་དགའ་ཞིང་། ལམ་ཕྲན་དེར་དུངས། རྒྱུ་མཚན། ལམ་ཕྲན་དེར་ང་དང་སྤོ་བོ་གཉིས་མཉམ་འདུས་ཀྱི་སྤྲོ་སྐྱིད་དང་ ལྷད་མེད་ཀྱི་བརྩེ་འདང་མཆིས།
ཕ་སྐད། བྱ་མདོ་བསོད་ནམས་ཚེ་རིང་།
ཨེ་མ། གངས་རིས་མཐའ་བཞི་སྐོར་བའི་ཡུལ་གྲུ་འདིར།། རིགས་གནས་ཕྱོགས་བཞིར་ཁྱབ་པའི་ཡུལ་ལྗོངས་འདིར།། 46
བྱམས་དང་སྙིང་རྗེ་ལྡན་པའི་མི་རིགས་ཤིག། རྟག་བརྟན་ཡུལ་གྲུ་འདི་ཡི་རྒྱན་དུ་མཆིས།། གངས་རིའི་ལྗོངས་སུ་འོད་སྟོང་འབར་བའི་སློབ་དཔོན་ཐོན་མི་ཁྱོད་ཀྱིས། ཡུལ་འདིའི་མུན་པ་སེལ་ཕྱིར། དཀའ་ངལ་ལ་མ་འཛེམ་པར་རྒྱ་གར་ལ་ཆས་སྟེ། བརྩོན་པ་ཆུ་བཞིན་སྤྱད་ནས་རིག་པའི་གནས་ལ་སྦྱངས། མཐའ་མཇུག་བཀའ་དྲིན་རྒྱ་མཚོ་ལས་ཟབ་པའི་ ཁྱོད་ཀྱིས་དབྱངས་གསལ་སོ་བཞི་ལེགས་པར་བརྩམས། ཡིན་ནའང་། ད་ལྟའི་དུས་སུ་ང་ཚོའི་ཕ་སྐད་ནི་གཙང་ཞིང་དག་པའི་བོད་སྐད་དེ་མ་ཡིན། ད་ལྟ་ང་ཚོས་སྦྲགས་སྐད་ཕ་སྐད་ལྟར་བཤད་དེ། བོད་སྐད་ཕྱིར་མུན་པའི་ཁྲོད་དུ་ལོག་བཞིན་མཆིས། གསོན་དང་བོད་རིགས་སྤུན་ཟླ་ཚོ། ཁྱོད་ཚོ་ནི་བོད་མི་ཡིན། ཁྱོད་ཚོའི་ཕ་སྐད་ནི་བོད་སྐད་ཡིན། སྦྲགས་སྐད་མིན། སློབ་དཔོན་ཐོན་མིའི་བཀའ་དྲིན་དེ། ང་ཚོའི་སེམས་ན་ད་དུང་ཡོད་དམ། བོད་སྐད་གཙང་མ་འདི་ང་ཚོའི་སེམས་ནང་ན་ད་དུང་མཆིས་སམ། བོད་མཁས་པ་རྣམས་ཀྱིས། སྐད་རིགས་ཐམས་ཅད་ཤེས་ན་བཟང་མོད་ཀྱང་། རང་གི་ཕ་སྐད་བརྗེད་ན་ངོ་ཚ་ཡིན་ཞེས་བཤད་མྱོང་། དེ་བས། སྐད་རིགས་འདི་ང་ཚོས་མི་བཤད་སུས་བཤད། སྐད་ཡིག་འདི་ང་ཚོས་མི་སྦྱང་སུས་སྦྱང་། 47
བོད་རིགས་སྤུན་ཟླ་ཚོ། ཕ་སྐད་གཙང་མ་ཤོད་དང་། དེ་ནི་ང་ཚོའི་བླ་སྲོག་ཡིན།
སློབ་གྲོགས་ཚོ། འཕགས་མོ་འཚོ།
སློབ་གྲོགས་ཚོ། ང་ཚོས། དབྱངས་གསལ་སོ་བཞིའི་གསེར་སྐུད་ལས་གྲུབ་པའི་ གཤོག་ཟུང་དེ་ཤུགས་ཀྱིས་བརྐྱངས་ཞོར། དངོས་ལུགས་དང་རྫས་འགྱུར་གྱི་བཟི་ཁ་མངར་མོ་རེ་ཧུབ་ཀྱིས་བཏུང་ཞོར། རྒན་དམ་པའི་བསླབ་བྱ་དང་དྲིན་ཕ་མའི་ཁ་ཏ། གྲོགས་དམ་པའི་སེམས་གཏམ་སྙིང་ལ་བཅིངས་བཞིན། རྟོག་བཏགས་ཀྱི་དཔལ་འབར་མེ་རུ་སྒྲོན་བཞིན་མདུན་དུ་སྐྱོད་དང་། མདུན་ཕྱོགས་ན། ང་ཚོ་འགྲིམ་མ་མྱོང་བའི་ཤེས་རིག་གི་ཕ་ས་ཡོད་ལ། མཐོང་མ་མྱོང་བའི་ཕྱི་རོལ་གྱི་འཇིག་རྟེན་ཡོད། བཀླག་མ་མྱོང་བའི་ལོ་རྒྱུས་ཀྱི་དེབ་ཐེར་ཡོད། ཟས་མ་མྱོང་བའི་ཞིམ་མངར་གྱི་རྒྱགས་ཕྱེ་སྣུམ་པོའང་ཡོད། མདོར་ན། ང་ཚོའི་ཡོད་ཚད་ལ་སྒོ་མོ་ཕྱེ་བའི་ གསེར་མདོག་གི་ལྡེ་མིག་དེའང་མདུན་ན་ཡོད་ཕྱིར། སློབ་གྲོགས་ཚོ། ཉི་འོད་དང་ཟླ་ཟེར་མེད་པའི་རི་ཀླུང་དུ། མེ་ཏོག་དང་རྩྭ་ཕྲན་གྱི་བཀྲག་མདངས་རྒྱས་མི་ཐུབ་ལ། གངས་རི་དང་གཙང་བོ་མེད་པའི་ཡུལ་གྲུ་རུ། 48
བྱ་གླག་གི་གཤོག་འགྱུར་དང་ཉ་མོ་ཡི་འཁྱུག་རྩལ་ཇི་ལྟར་ངོམ། ངོ་མཚར་བའི་ཚན་རིག་གི་བག་མ་མེད་ན། ཁྱད་མཚར་བའི་དུས་རབས་ཀྱི་རྗེས་སུ་ཇི་ལྟར་བསྙེགས། དེ་བས། དུས་ད་ལྟ། ང་ཚོས་རྣམ་གཡེང་དང་ལེ་ལོ། བག་འཁུམས། ཡང་ན་ང་རྒྱལ་དང་ཕྲག་དོག་བཅས་ཀྱི་དུག་ངན་རིང་དུ་དོར་ནས། རི་ཆུ་སྟོང་ཕྲག་གི་ཕ་རོལ་ན་ཡོད་པའི་འཇིག་རྟེན་དེ། ང་ཚོའི་མི་ཚེ་ཡི་ཟློས་གར་འཁྲབ་སའི་སྟེགས་བུ་བྱེད་དགོས། སང་ཉིན་གྱི་འཚོ་བར་ཁ་དོག་བསྐྲུན་ཆེད། ང་ཚོས་ངེས་པར་དུ་ལྗིད་ཏིག་ཏིག་གི་གོམ་པ་བརྟན་པོར་སྤོ་དགོས། དེ་བས། སློབ་གྲོགས་ཚོ། འབད་བརྩོན་གྱིས་ཤིག འབྱུང་འགྱུར་གྱི་ཆེད་དུ། ང་ཚོས་མཉམ་དུ་ལག་རྡང་སྦྲེལ་ཏེ། མདུན་དུ་སྐྱོད་ཡ།
མང་ཆུའི་འགྲམ་གྱི་དྲན་པ། འཇིགས་མེད་རྡོ་རྗེ།
མང་ཆུ། གྱ་གྱུར་བཞུར་བའི་ཆུ་ཕྲན་ཞིག མང་ཆུ། བརྩེ་དུང་གི་གཏམ་རྒྱུད་མང་པོའི་ལྷ་སྒྲུང་གི་འཇིག་རྟེན་ཞིག འདི་ནས། ངས་ཁོ་མོ་དང་མཉམ་དུ་མི་ཚེ་ཡི་མ་འོངས་ལ་རེ་སྨོན་བྱས་མྱོང་། འདི་ནས། ངས་ཁོ་མོ་དང་མཉམ་དུ་བརྩེ་དུང་གི་རྣམ་ཐར་བྲིས་མྱོང་། ཟམ་པ་ཆང་ཆུང་། ལས་འབྲས་ཀྱི་གསེར་ཟམ་དཀར་པོ། ལྕུག་ཕྲན་ཆུང་ཆུང་། རེ་སྨོན་ལ་མྱུ་གུ་འབུས་པའི་བརྩེ་དུང་གི་སྡོང་ཕྲུག 49
མང་ཆུ་སྔོན་མོ། བརྩེ་བ་ཡིས་ཕྱུག་པའི་བདུད་རྩི་མངར་མོ། མང་ཆུ་སྔོན་མོ། དུང་བ་ཡིས་བརྟས་པའི་སྤྱན་ཆབ་གཙང་མ། འདི་ལྟར། ཁྱེད་ཀྱིས་སྟག་ཤར་ཞིག་གི་བརྩེ་བ་དང་། སྨན་ཤར་ཞིག་གི་དུང་བ། ཉམས་ཀྱིས་འཁྲབ་སྟེ། དལ་གྱིས་བཞུད་སོང་།
ཁྱོད་སོང་ཤུལ་དུ། སྔོན་སློབ་གྲོགས་ཡིན་ཞིང་ད་ལྟར་སློབ་གྲྭར་འགྲོ་བཞིན་མེད་པའི་གྲོགས་པོ་ཞིག་ལ། རྡོ་རྗེ་རྒྱལ་མཚན།
ཀ འགྲེལ་བཤད་དང་གནས་ལུགས་ཅི་ཡང་མེད་པར། ཁྱོད་སོང་ཤུལ་དུ། ང་རང་། ཁ་ཕྱོགས་མེད་པའི་མྱ་ངན་ཐང་དེ་ནས། ཕུགས་བསམ་དང་རེ་སྙེག་གི་ཁ་ཕྱོགས་བོར་ཏེ། མག་མོག་ཆེ་བའི་རྡུལ་འཚུབ་ཅིག་གི་འཁུར་ལ་ཉེ།
ཁ། ཁྱོད་སོང་ཤུལ་དུ། ང་རང་ཁེར་རྐྱང་གི་ཁང་མིག་དོག་པོ་དེའི་ནང་དུ། སྨག་ཆེ་བའི་མཚན་མོ་རེ་རེ་གྲོགས་སུ་བརྟེན་ཏེ། དྲན་གདུང་གི་སྙན་ངག་བར་མེད་དུ་བྲིས་ཤིང་། ངོ་གདོང་ན་ཟགས་བཞིན་པའི་མིག་ཆུའི་རླབས་རྒྱུན། 50
ཁེར་རྐྱང་གི་མཚན་ལྗོངས་འདི་རུ་ཆལ་ཆིལ་དུ་གཡོ།།
ག ཁྱོད་སོང་ཤུལ་དུ། ངས་དྲན་སྣང་གི་རྒུན་ཆང་འཐུང་། རྒུན་ཆང་དམ་པེ་གང་གི་བཟི་ཁ་དེས། རྡོ་ལེབ་ལྟར་འཁྱག་པའི་སེམས་པ་ཡང་ཡང་དུ་བསྲེས།
ང་། ཁྱོད་སོང་ཤུལ་དུ། ངའི་ལུས་ཟུངས་ན་རྒྱུ་བའི་ཟུངས་ཁྲག་འདིའི་རྒྱུན་ཆད་ལ་ཁད། ངས་ཡ་ཆུང་གི་སྙིང་ཆུང་དམར་པོ་འདིའི་ལྡིང་མཚམས་ཆད་ལ་ཁད། ཉམས་ཆུང་ངས་བཞུད་ཟིན་པའི་ཁྱོད། ངའི་སྙིང་ཆུང་གི་སེམས་པ་ཡ་གཅིག ཁྱེད་བཞུད་ཟིན་པའི་དུས་ནས་ད་ལྟ། ཁྱོད་མི་དྲན་པའི་ཉི་མ་ནམ་ཞིག
ཅ། སྔོན་གྱི་ལས་དབང་ལ་ཟློགས་ཐབས་མེད། ཐོད་པའི་རི་མོ་ལ་བསུབ་རྒྱུ་མེད། ཁྱོད་གནས་འདི་ནས་འཕུར་སོང་བ་ནི། རྒྱུ་མི་རྟག་རྩྭ་མགོའི་ཟིལ་བ། འཆི་མི་རྟག་ནམ་ཡོང་ཆ་མེད་དུ་གྲུབ་འདུག དེ་བས། ངས་རང་སེམས་རང་གིས་གསོས་ཏེ། གནས་འདི་ན་ཤུལ་ཙམ་ཡོད་པའི་ཁྱེད་དང་འུ་གཉིས་ཀྱི་དྲན་ཤིང་ལ། ཕྱིར་དྲན་བྱེད་པ་ལས།
51
སྦྲ་ནག ཚེ་རིང་སྒྲོལ་མ། དམའ་གསུམ་དང་པོ།
ཁ་སང་། ས་ཆེན་གྱི་གནས་འདི་ན་ཁྱེད་ཉིད་ལ་དབང་བའི་ས་རྒྱ་ཆེན་པོ་ཞིག ཁ་སང་། ཁྱེད་ཀྱི་འཚོ་བ་ལ་ངང་གིས་རོལ་བའི་མི་བུ་གྲངས་མེད་ཅིག ཁ་སང་། ཁྱེད་ལས་མཆེད་པའི་དུ་སྤྲིན་སྔོན་པོའི་འཇིག་རྟེན་ལ་བདེ་སྐྱིད་དྲོད་བསྩལ་འོངས། ཁ་སང་། ཁྱེད་ལས་བྱུང་པའི་གླུ་སྐད་སྙན་མོས་གངས་ལྗོངས་ལ་སྤྲོ་སྣང་སྦྱིན་སོང་། ཁ་སང་། གཡང་དཀར་ལུག་གི་འབའ་སྒྲ་དང་ནག་མོ་ནོར་གྱི་ངུར་སྒྲ། སྨན་ཆུང་བུ་མོའི་བཞོ་དབྱངས་དང་མཉམ་དུ་སྒོ་དར་གྱི་རིམ་པ་རེ་རེ། དྲི་བཞོན་གྱིས་བསྐྱོད་དུས་ངའི་སྙན་ངག་གི་མི་ཚེ་ལ་སྤྲོ་སྣང་གི་འདུན་པ་གཞི་ནས་སྦྱིན་ཐུབ། དེ་རིང་། ཁྱེད་ལ་སྔར་ལྟར་མཛེས་སྡུག་དང་བཀྲག་མདངས་མེད་ལ་སྔར་ལྟར་བདེ་སྐྱིད་ཀྱི་འཚོ་བ་མེད། དེ་རིང་། ཁྱེད་ཀྱི་རྩྭ་ཐང་ལ་བསྣན་པའི་མཛེས་སྡུག་དེ་གཞི་ནས་མེད་སོང་ལ། མེ་ཏོག་ལ་སྦྱིན་པའི་མཚར་སྡུག་ཀྱང་རླུང་ལྟར་ཡལ་སོང་། དེ་རིང་། སྦྲ་ནག་ཞེས་པའི་མིང་ཚིག་འདི་ཡལ་བར་དོར་བའི་སྐྱེ་བོ་མང་ལ། སྦྲ་ནག་ཞེས་པའི་ནང་དོན་རྟོགས་མཁན་དེ་བས་ཀྱང་དབེན། དེ་རིང་། ཁྱེད་ཉིད་སྨུག་སྤྲིན་གྱི་མཛེས་པར་རྒྱན་པའི་སྦྲ་ནག་དེ་མ་ཡིན་ལ། བཀྲག་མདངས་དཀོན་པའི་ཁང་མིག་ཅིག་གི་སྒོ་ན་གད་སྙིགས་ལྟར་འཕང་བའི་རས་སློག་དེ་ཡིན། དེ་རིང་། ཁྱེད་དཀོན་པའི་འཇིག་རྟེན་ནས་ངས་སུན་སྣང་གི་ལུས་པོ་རྒྱབ་དུ་ལུས་ཏེ་མི་ཡུལ་ལ་རྒྱང་ལྟ་བྱེད་ དུས། ངས་སྙན་ངག་གི་མི་ཚེ་ལ་སྔར་ལྟར་མཛེས་སྡུག་དང་བཀྲག་མདངས་ཤིག་གང་ན་ཡོད། རེད་ཡ། སྦྲ་ནག་གི་འཚོ་བ་ལ་སང་ནས་དར་ཞིང་དེ་རིང་འདིར་རྫོགས་དུས། ང་ལ་སྨྲ་མི་ཤེས་པའི་ན་ཟུག་ལྕི་མོ་ཞིག་གི་ཚོར་བ་དང་། བརྗོད་མི་ཤེས་པའི་སྙིང་གཏམ་རིང་མོ་ཞིག་གི་འབབ་རྒྱུན་ཡོད་པས་ ངས་འདི་ལྟར་ཐུང་ཞིང་གོ་འོས་པའི་སྙན་ངག་ཅིག་གི་མགོ་བརྗོད་གླེང་ན་འདོད། 52
སློབ་གྲོགས་ཚོ། མཉམ་དུ་འགྲོ འཕགས་པ་སྐྱབས། དམའ་གཅིག
སློབ་གྲོགས་ཚོ། མཉམ་དུ་འགྲོ ང་ཚོ་མུན་ནག་གི་ཞིང་ཁམས་འདི་ནས་ལམ་ལ་ཆས་ཏེ། ཤེས་རིག་གི་གནས་མཆོག་བརྒྱུད་ནས། ང་ཚོ་དང་བར་ཐག་རིང་བའི། མ་འོངས་ཕུགས་བསམ་དེ་འཚོལ་དུ་འགྲོ། སློབ་གྲོགས་ཚོ། མཉམ་དུ་འགྲོ། ང་ཚོ་ཀྱག་ཀྱོག་གི་ལམ་འཕྲང་བརྒྱུད་ནས་ལམ་ལ་ཆས་ཏེ། བཤེས་གཉེན་དམ་པའི་གསུང་ལ་ཉན་བཞིན། ང་ཚོ་དང་ཆེས་ཟབ་པའི། ཕ་མའི་དྲིན་ལན་དེ་འཇལ་དུ་འགྲོ། སློབ་གྲོགས་ཚོ། མཉམ་དུ་འགྲོ། ང་ཚོ་ཤེས་རིག་གི་སྐྱེད་ཚལ་ནས་ལམ་ལ་ཆས་ཏེ། སློབ་སྦྱོང་ལ་འབད་བརྩོན་བྱེད་བཞིན། མུ་མཐུད་སློབ་ཆེན་ལ་འགྲིམ་ནས། རུས་རྒྱུད་འདིར་ཞབས་འདེགས་ཞུ་རུ་འགྲོ།
53
ངའི་མིག་ཆུ། བསོད་ནམས་ཚེ་རིང་།
དེ་རིང་སྐྱོ་གླུ་ཐན་ཐུན་ཞིག་དང་ལྷན་དུ། ངའི་མིག་ཆུ་བཞུར། ངའི་མིག་ཆུ། མཐོ་སྒང་ནས་བཞུར་ཏེ། སྨད་ཀྱི་མཚོ་སྔོན་དུ་འདྲེས། མིག་ཆུ་འདི་སྐྱོ་བ་ཡིན་ལ་བརྩེ་བ་ཡང་ཡིན། སེམས་ཁམས་ཀྱི་བཀོད་སྒྲིག་འོག་ནས། སྨྲ་ཚོར་ཅི་ཡང་མེད་པར། མི་ཚེ་ཡང་རིམ་བཞིན་ཟད་བཞིན་འདུག མིག་ཆུ་འདི། སྐམ་ལ་ཉེ་བའི་ཆུ་ཕྲན་ཞིག་དང་འདྲ་བར། སྤྲེའུ་དང་བྲག་སྲིན་འཁོར་ཡང་འདུག་མ་ཕོད། མིག་ཆུ་འདི། འཇིག་ལ་ཉེ་བའི་ཕ་སྐད་ཞིག་དང་འདྲ་བར། རེ་བས་ཁེང་བའི་བོད་པ་ཚོ་ཡང་འདུག་མ་ཕོད།
54
ཚན་པ་གསུམ་པ།
ལྷུག་རྩོམ་བྱ་ཆུའི་བཞུར་རྒྱུན།
55
ང་དང་བྱ་ཆུའི་འགྱུར་ཁུགས། བོན་སྐོར་དཀོན་མཆོག་ཐར།
ཀ་ཁའི་དབྱངས་རྟ་སྙན་མོ་དེ་ངག་ལ་གྱེར་བ་ནས་བཟུང་། རྫི་བོ་དང་བླུན་པོ་ཡི་མིང་བྱང་དོར་
ལ། འོད་སྣང་ལ་འཇུས་ཏེ་མི་ཚེ་དོན་སྙིང་ལྡན་པར་བྱེད་པའི་བསླབ་བྱ་མང་པོ་ཞིག་བྱ་ཆུའི་འགྱུར་ཁུགས་ ལས་མཐོང་ཞིང་། དུས་དེ་ནས་བཟུང་ང་རང་བྱ་ཆུའི་འགྱུར་ཁུགས་ལ་དགའ་ཞིང་དཔེ་ཀློག་བསྐྱར་སྦྱོང་ ལ་དེ་བས་ཀྱང་སྤྲོ།
ཚིག་གི་སྦྱོར་བ་དང་སྒྲ་ངག་སོགས་ཀློག་བྱང་རེ་སོང་བ་ནས་བཟུང་། མཁྲེགས་འཛིན་གྱི་ལྟ་
བ་རིང་དུ་སྤངས་ཤིང་ཡ་རབས་སྤྱོད་བཟང་གི་ལས་ལ་ཞུགས་པའི་སྐལ་བ་བཟང་བོ་ཞིག བྱ་ཆུའི་འགྱུར་ ཁུགས་ལས་ཤེས། དུས་དེ་ནས་བཟུང་ང་རང་ཚོ་སློབ་ལ་དགའ་ཞིང་ཟང་ཟིང་གི་རྒྱལ་ཁམས་འགྲིམ་རྒྱུར་ དེ་བས་ཀྱང་དགའ།
ལེ་ལོ་དང་སྒྱུད་ལུགས་ཀྱི་རྣམ་ཐར་དེ་སྤངས་མཐར། སློབ་ལ་བརྩོན་པ་དང་རྒན་ལ་གུས་
བཀུར་བྱེད་རྒྱུའི་རེ་འདུན་ཞིག བྱ་ཆུའི་འགྱུར་ཁུགས་ལས་གནང་ཞིང་། དུས་དེ་ནས་བཟུང་། ང་རང་ བརྩོན་པ་ལ་དགའ་ཞིང་ཆུང་གྲོགས་ལ་དེ་བས་ཀྱང་བྱམས།
བོད་བཙན་པོའི་ལོ་རྒྱུས་ལ་བསམ་གཞིགས་རེ་བྱས་པ་ནས་བཟུང་། བཙན་པོའི་སྐབས་ཀྱི་ལོ་
རྒྱུས་མོད་པོ་ཞིག་ཡིད་ལ་ངེས་ཤིང་། སྔོན་བྱོན་མཁས་པའི་མཛད་རྗེས་དག བྱ་ཆུའི་འགྱུར་ཁུགས་ ལས་མྱོང་ཞིང་། དུས་དེ་ནས་བཟུང་ང་རང་ལོ་རྒྱུས་ལ་དགའ་ཞིང་ཕ་སྐད་གཙང་མ་རེ་གླེང་རྒྱུར་དེ་བས་ ཀྱང་སྤྲོ།
56
བདག་གི་ཕ་ཡུལ། བསོད་ནམས་རྒྱལ།
ང་རང་ཧ་ཅང་མཛེས་པའི་ས་ཆ་མང་པོར་སོང་མྱོང་ལ།
ཧ་ཅང་གཏིང་ཟབ་པའི་རྒྱ་མཚོར་ལྟ་
སྐོར་ཏུ་ཕྱིན་ནའང་། ངའི་སེམས་སུ་ངའི་ཕ་ཡུལ་གྱི་རི་ལུང་དང་རྩྭ་ཆུ། སྡོང་བོ་ལ་འགྲན་དོ་བ་ཞིག་མེད།
ངའི་ཕ་ཡུལ་གྱི་རི་ལུང་ཧ་ཅང་མཛེས། དབྱར་ཁའི་དུས་སུ་རི་ལུང་ཐམས་ཅད་གྱིས་གཡུ་མདོག་
གི་ལྭ་བ་གྱོན་པ་དང་མཚུངས་ཤིང་།
ནོར་ལུག་ཐམས་ཅད་ནི་རི་ལུང་དུ་བཀྲམ་པ་ན་རི་ལུང་ཐམས་ཅད་
མེ་ཏོག་གིས་ཕྲ་བརྒྱན་པ་དང་མཚུངས་ཞིང་ཧ་ཅང་མཛེས། ད་དུང་རྩྭ་དང་ཆུ་ཡོད། མུ་མཐའ་མེད་པའི་རྩྭ་ ཐང་ཏུ་མེ་ཏོག་ཁྲ་ཆེམ་མེར་བཞད་ཀྱང་མེ་ཏོག་ཐོག་ཏུ་ཕྱེ་མ་ལེབ་སྣ་ཚོགས་སྤྲོ་བའི་གར་ལ་རྩེན།
ད་དུང་
བྱེའུ་སྣ་ཚོགས་ཀྱིས་ནམ་མཁའི་དབྱིངས་སུ་གླུ་དབྱངས་ལེན་པ་དང་མཚུངས། ཆུ་བོ་གྱ་གྱུར་བབས་པ་གཡུ་ འབྲུག་དང་འདྲ། ཆུ་བོ་དྭངས་ཤིང་བསིལ་བས་ཆུ་མོའི་ཞབས་ཀྱི་ཉ་མོ་དང་། གསེར་ཉ། ཉ་ཕྲུག་ཆུང་ཆུང་ སོགས་གསལ་བོར་མཐོང་ཐུབ། དེ་བསིལ་བས་ཁ་ལ་ཞིམ་ཞིང་ཁོག་ལ་བདེ་བ། འཐུང་ན་སྐོམ་པ་སོད། ད་ དུང་སིལ་སྡོང་ཡོད་ལ། སྡོང་བོའི་མགོར་སིལ་ཏོག་ཐོགས་པ་ན་ཧ་ཅང་མཛེས་པ་སྡོང་མགོར་མེ་ཏོག་བཞད་ པ་དང་མཚུངས། དགུན་ཁ་སླེབས་བྱུང་། རི་ལུང་གིས་དཀར་བོང་བོང་གི་ལྭ་བ་གྱོན། ཆུ་བོ་ལ་དར་ཆགས་ ནས་ཤེལ་དང་མཚུངས། སྡོང་བོའི་ལོ་མ་སེར་པོར་གྱུར་ནས་ས་ལ་ལྷུང་།
ང་དང་ངའི་སློབ་གྲྭ། གནམ་འབྲུག་རྒྱལ། མང་རྫོང་མི་རིགས་སློབ་འབྲིང་དམའ་གསུམ་དང་པོ།
དྭངས་གཙང་གི་ཆུ་བོ་ལྷུང་ལྷུང་བཞུར་ཞིང་སྔོ་ལྗང་གི་ལྭ་བ་གོས་སུ་གྱོན་པའི་སྤང་ལྗོངས་ཀྱི་གཞི་ 57
དེ་རུ་ངའི་སློབ་གྲྭ་ཆགས་ཡོད།
སློབ་གྲྭ་འདི་བཙུགས་ནས་ལོ་ངོ་དེ་འདྲ་མང་པོ་ཞིག་འགོར་མེད་ནའང་། ཁོང་གི་བྱམས་བརྩེ་
དྲོད་ཁོལ་གྱི་འོག་ཏུ་ང་ཚོ་སློབ་མ་གྲངས་མེད་ཅིག་ཤེས་བྱའི་རྒྱ་མཚོར་འཇུག་པའི་གྲུ་གཟིངས་སུ་བསྡད་ ནས་ཤེས་རིག་གི་འཇིག་རྟེན་གཞན་དང་གཞན་དུ་བསྙེགས།
ང་དང་ངའི ་ སློ བ ་གྲྭའི ་ བར་ན་མངར་སྐྱུར་ཁ་གསུམ་གྱི ་ གཏན་རྒྱུད་གང་མང་ཞི ག ་ཡོ ད ་དེ །
མཚམས་ལ་ལར་སློབ་གྲོགས་ཚོས་འགྲན་རྩོད་དང་། སྐར་གྲངས་ཀྱི་གཡུལ་འགྱེལ། དགེ་རྒན་གྱི་བཀའ་ བཀྱོན་བཅས་ལས་སུན་སྣང་ཡང་སྐྱེས་མྱོང་། ཡིན་ནའང་། སློབ་གྲྭའི་བྱ་འགུལ་སྣ་ཚོགས་དང་། དགེ་ རྒན་གྱི་བྱམས་བརྩེ། སློབ་གྲོགས་ཚོའི་མཛའ་མཐུན་བཅས་ལས་རྒྱུན་ཆད་མེད་པར་ཤེས་བརྩོན་ཟུང་ འབྲེལ་གྱིས་ཤེས་བྱའི་མཁའ་དབྱིངས་སུ་རྩེན་ཏེ། ཤེས་རིག་གི་འོ་མའི་བཅུད་ལ་ནམ་ཡང་ཚིམ་མེད་དུ་ ལོངས་སྤྱོད་དུ་བྱེད་བཞིན་མཆིས།
ངའི་སློབ་གྲྭ་ནི་ང་རང་འཚར་ལོངས་འབྱུང་སའི་སྐྱེལ་ཚལ་ཏེ། ང་ནི་མཛེས་སྡུག་ལྡན་པའི་སྐྱེལ་
ཚལ་དེ་རུ་ལྷམ་མེར་འཛུམ་པའི་མེ་ཏོག་ཆུང་ཆུང་ཞིག་ཡིན། སློབ་གྲྭ་ནི་ངའི་ཤེས་རིག་གི་འོ་ཞོ་འཐུང་སའི་ ཁྱིམ་གཞི་སྟེ། ངའི་ཤེས་རིག་གི་གཤོག་ཟུང་གནས་འདི་ནས་རྒྱས་ཤིང་། དགེ་རྒན་ཚོའི་བྱམས་བརྩེ་དྲོད་ ཁོལ་ཡང་གནས་འདི་ནས་དངོས་སུ་མྱངས། སློབ་གྲྭ་ནི་ངའི་ཡིད་སེམས་གསོ་བའི་མེ་ལྕེ་སྟེ། བསྐྱལ་ དཀའ་བའི་དགུན་ཟླ་རིང་མོར་གྲང་རེག་གི་གདུག་རྩུབ་བཅོལ་ཞིང་། བྱམས་དང་བརྩེ་བའི་དྲོད་འཇམ་གྱི་ མར་ཁུ་འཁྱིལ། སློབ་གྲྭ་ནི་ངའི་དཔྱིད་དཔལ་སྟེ། ངའི་ཕུགས་བསམ་གྱི་ལང་ཚོའི་མྱུ་གུ་འདི་ནས་འབུས་ ཤིང་། བྱུང་འདས་ཀྱི་རེ་སྨོན་མཐའ་དག་ཀྱང་མེ་ཏོག་བཞིན་གནས་འདི་ནས་གསོན་ཤུགས་རྒྱས་ཤིང་། བཀྲག་མདངས་འཚེར།
སློབ་གྲྭ་ནི་ངའི་བློ་གཏོད་སའི་རྒྱབ་རི་གཉན་པོ་སྟེ། མ་འོངས་པའི་བགྲོད་ལམ་དཀའ་ངལ་དང་
ཀྱག་ཀྱོག་ཇི་འདྲ་ཆེ་རུང་། སློབ་གྲྭས་བདག་ལ་ཚད་མེད་པའི་སྤོབས་པ་དང་ངར་ཤུགས་གྲངས་མེད་ཅིག་ བསྩལ་བྱུང་། སློབ་གྲྭ་ནི་ངའི་ལམ་སྟོན་སྒྲོན་མེ་སྟེ། རྨོངས་མུན་གྱིས་གཡོགས་པའི་ལོ་ཟླའི་ནང་དུ་ང་ ལ་དྲང་ལྡོག་གི་ལམ་སྣེ་བསྟན་ཅིང་། མཐའ་མེད་པའི་ཤེས་རིག་གི་ལམ་བུའི་ཁྲོད་དུ་ང་ལ་ཤེས་རབ་ཀྱི་མིག་ ཟུང་སྦྱིན་ནོ།།
དེ་བས། ང་རང་ཉིད་ལ་དགའ་བ་ཇི་བཞིན་སློབ་གྲྭ་ལ་དགའ་སྟེ། སློབ་གྲྭ་ནི་ངའི་ཡོད་ཚད་
སྩོལ་བའི་མ་ཡུམ་ཡིན་ནོ།།
58
བརྩོན་པ་ནི་རྒྱལ་ཁའི་རྩ་བ་ཡིན། ཚེ་རིང་དབང་མོ། མང་རྫོང་མི་རིགས་སློབ་འབྲིང་དམའ་གསུམ་དང་པོ།
འཇིག་རྟེན་གྱི་བྱ་དངོས་གང་དང་གང་ཞིག་ཡིན་རུང་། དེ་དག་གི་མཐར་མཐུག་གི་རྒྱལ་ཁ་ནི་
བརྩོན་པ་ལ་རག་པས། གལ་ཏེ་མི་ཞིག་གིས་བརྩོན་འགྲུས་ཀྱི་རྔུལ་ཆུ་བཞུར་ནུས་ཚེ། ངེས་པར་དུ་ མཛེས་སྡུག་གི་འབྲས་བུ་ཞིག་ཐོབ་ངེས། ཡིན་ཡང་། ད་ལྟའི་སྤྱི་ཚོགས་འཚོ་བ་ཡར་ངོའི་ཟླ་བཞིན་དུ་ འཕེལ་བའི་དུས་རབས་ཉེར་གཅིག་གི་སྐབས་འདིར། ཕལ་ཆེར་ཟས་རང་འགྲུབ་དང་གོས་རང་འགྲུབ་ཀྱི་ སྤྱི་ཚོགས་སུ་གནས་པའི་རྐྱེན་གྱིས་མི་རྣམས་ཀྱི་རྒྱུད་ལ་དལ་བ་དལ་བུར་ལེ་ལོའི་སྨུག་པས་བསྒྲིབས་བཞིན་ མཆིས་ལ། མེས་པོའི་དཀའ་སྤྱད་སྡུག་རུས་ཀྱི་རླབས་ཆེན་གྱི་སྲོལ་བཟང་དེ་དག་ཡང་རིམ་བཞིན་ཡལ་ བཞིན་མཆིས།
ཁོ་ཚོའི་བསམ་པར་བྱ་བ་ཞིག་ལེགས་འགྲུབ་བྱུང་དགོས་ན། སྐྱེ་སྟོབས་ཀྱི་ཤེས་རབ་ལ་བརྟེན་
དགོས་པ་ལས། རང་དགར་འབད་བརྩོན་བྱེད་པ་ལས་བྱ་བའི་མཐའ་འཁྱོལ་མི་ཐུབ་སྙམ། ངའི་བསམ་པར་དེ་ནི་ནོར་འཁྲུལ་ཞིག་སྟེ། དོན་དག་ཞིག་ལེགས་འགྲུབ་བྱུང་དགོས་ན་གཙོ་བོ་བརྩོན་པ་ ལ་རག་པས། དཔེར་ན། རླབས་ཆེ་བའི་ཨ་རིའི་གློག་ཆས་གསར་གཏོད་མཁན་ཨན་ཏེ་ཧྲིན་ལ་མཚོན་ ན། ཁོང་གི་རིན་ཐང་བྲལ་བའི་གསར་གཏོད་ཀྱི་བྱ་གཞག་རེ་རེ་ནི་སྐྱེ་སྟོབས་ཀྱི་ཤེས་རབ་ལ་བརྟེན་ནས། སྐད་ཅིག་ཙམ་གྱི་རིང་ལ་ལེགས་འགྲུབ་བྱུང་བ་ཞིག་མ་ཡིན་པར། སྐོམ་པས་ཆུ་འདོད་དང་ལྟོགས་པས་ ཟས་འདོད་ལྟར་དུ་བྱ་གཞག་གི་གནས་ལ་འཇུག་ཅིང་། ཐ་ན་ཕམ་ཁའི་མཆི་མ་ཡང་དཀུ་མྱོང་ཡོད། ཡིན་ཡང་། བཟོད་དཀའ་བའི་སྡུག་ཚད་མེད་ཞིག་མྱང་རྗེས། ད་གཟོད་གཟི་བྱིན་གྱི་འོད་སྟོང་འབར་ བའི་གློག་ཆས་གསར་གཏོད་མཛད་ནས། མིའི་རིགས་ཀྱི་མུན་ནག་གི་འཇིག་རྟེན་ལ་འོད་སྣང་སྦྱིན་པ་རེད། ཁོང་གིས་གསུངས་རྒྱུར། རྒྱལ་ཁ་ནི་བརྒྱ་ཆའི་གཅིག་གི་སྐྱེ་ཐོབ་ཀྱི་ཤེས་བ་སྟེང་བརྒྱ་ཆའི་གོ་དགུ་ཡི་རྔུལ་ ཆུ་བསྣན་པས་གྲུབ་ཞེས་པ་ལྟར། འདི་ལྟ་བའི་རླབས་ཆེན་གྱི་ཚན་རིག་མཁས་པ་ཞིག་ཀྱང་དཀའ་ཚེགས་ དང་ཕམ་ཁ་གང་མང་ཞིག་བརྒྱུད་རྗེས་ད་གཟོད་ཡིད་འོང་གི་རྒྱལ་ཁ་ཐོབ་པ་ཡིན་པས། དཀའ་སྤྱད་ སྡུག་རུས་བྱེད་པ་ནི་རྒྱལ་ཁའི་རྨང་གཞི་ཡིན་པ་ང་ཚོས་རྟོགས་ཐུབ།
གཞན་ཡང་། གུང་ཐང་བསྟན་པའི་སྒྲོན་མེས། རྟག་གུས་བརྩོན་པ་མ་བཏང་ན།། མི་འགྲུབ་ 59
བྱ་བ་ཅི་ཡང་མེད།། ཆུ་ཐིགས་རྟག་ཏུ་འབབ་པ་ཡིས།། བྲག་གི་རི་བོ་འབིགས་ལ་ལྟོས།། ཞེས་གསུངས་ པ་ལྟར། བརྩོན་འགྲུས་ཀྱི་རྟ་ཕོར་ལྕག་གིས་སྐུལ་བའི་ཚེ། ད་གཟོད་རྒྱལ་ཁའི་ཐང་ཆེན་དུ་བགྲོད་ཐུབ་སྟེ། ཆུ་ཐིགས་ཉམས་ཆུང་ཡང་རྒྱུན་ཆགས་ཀྱི་བརྩོན་པས་བརྗིད་ཆགས་ཀྱི་རི་བོ་ཡང་འབིགས་ཐུབ། རེད་ཨང་ ། གནའ་ནས་ད་བར་དུ་བྱུང་བའི་མཁས་མཆོག་གང་མང་ཞིག་གི་མི་ཚེའི་བརྒྱུད་རིམ་ལ་ཕྱིར་མིག་གིས་ བལྟས་ཚེ། ཁོང་ཚོས་ནམ་རྒྱུན་དྲོད་ཁོལ་གྱི་བདེ་ལ་ཆགས་པ་ཞིག་མ་ཡིན་པར་དགུན་གསུམ་ཁ་བའི་ གྲང་ངར་དང་རྐང་ལ་ཟུག་པའི་འཁྱགས་རླུང་གི་འཁོར་ཡུག་ཁྲོད་དུ་ཧུར་བརྩོན་སྒོས་བྱ་གཞག་གི་གནས་ལ་ འཇུག་པ་བརྒྱུད་དེ། རང་ཉིད་ཀྱི་རྒྱལ་ཁ་ལ་རོལ་མྱོང་བྱས་ཡོད།
དེ་བས། ལྔ་རིག་སློབ་གླིང་དུ་གནས་པའི་སྐལ་ལྡན་པ་ང་ཚོར་རྒྱལ་ཁ་ནི་སྐྱེ་ཐོབ་ཀྱི་ཤེས་རབ་
ལ་བརྟེན་པའི་རྗེས་ལུས་ཀྱི་བསམ་བློ་དེ་རིང་དུ་སྤངས་ནས། རང་རྒྱུད་ཀྱི་བརྩོན་པ་བརྒྱུད་དེ་རྒྱལ་ཁའི་ རྗེས་སུ་སྙེག་དགོས་པ་དང་། བརྩོན་པ་ནི་རྒྱལ་ཁའི་རྩ་བ་ཡིན་པའི་རྣམ་ཐར་དེ་བསྐྱངས་དགོས།
སྐད་དང་ཡི་གེ་ནི་མི་རིགས་ཀྱི་བླ་སྲོག་ཡིན། གནམ་འཚོ་སྐྱིད། མང་རྫོང་མི་རིགས་སློབ་འབྲིང་དམའ་གསུམ་དང་པོ།
སྐད་དང་ཡི་གེ་ནི་མི་རིགས་ཤིག་ལ་མཚོན་ན་གལ་ཆེ་བ་ཡིན་ཏེ། དེ་ཡང་། བོད་གངས་ཅན་ གྱི་ལྗོངས་འདིར་ལོ་སྟོང་ཕྲག་དུ་མའི་ཡར་སྔོན་ནས་ཤེས་ཡོན་དང་ལྡན་པའི་མི་རིགས་གནས་ཤིང་། སྐད་ ཡིག་ནི་རིག་གཞུང་ཐམས་ཅད་ཀྱི་རྟེན་གཞི་ཡིན། འོན་ཀྱང་ད་ལྟ་ང་ཚོའི་ཐུན་མོང་མ་ཡིན་པའི་སྐད་ཡིག་ དེ་ཉམས་རྒུད་དུ་འགྲོ་བཞིན་ཡོད།
དཔེར་ན། རང་ཕ་ཡུལ་ཕྱོགས་ཀྱི་འབྲོག་ཁུལ་མང་པོ་དག་ཏུ་འབྲོག་པ་རྣམས་ཀྱི་སྐད་ཆའི་ནང་
དུའང་རྒྱ་སྐད་དུ་མ་རང་ཤུགས་ཀྱིས་འདྲེས་ནས་འདུག ཁོ་ཚོས་མིང་ཚིག་དེ་དག་རྒྱ་སྐད་དང་བོད་སྐད་ གང་ཡིན་གྱི་དབྱེ་བ་འབྱེད་མི་ཐུབ་པ་ཡིན་པས་ང་རང་ཡིད་མུག་པའི་གནས་སུ་འགྱུར་འགྲོ དེ་ལས་ཀྱང་ ཡིད་སྐྱོ་བ་ནི་གྲོང་ཁྱེར་གྱི་བོད་མི་མང་པོས་རང་གི་བྱིས་པར་རྒྱ་སྐད་ཁོ་ན་སྨྲ་རུ་འཇུག་པ་དང་། བྱ་སྤྱོད་ དང་གཤིས་ཀ་ཐམས་ཅད་བསྒྱུར་དུ་འཇུག་པ་དེ་གཟི་བརྗིད་དང་སྔོན་ཐོན་དུ་འཛིན་གྱི་ཡོད། ད་དུང་ 60
སློབ་མ་འགའ་ཞིག་གིས་བོད་ལྭ་གྱོན་པར་ངོ་ཚ་ནས་རྒྱ་ལྭ་གྱོན་པ་དང་། བོད་སྐད་བཤད་པར་ངོ་ཚ་ནས་ རྒྱ་སྐད་ཆ་མ་ཆོ་རིགས་བཤད་པ་ཡིན།
དེ་བས་ང་ཚོ་མི་སུ་ཞིག་ཡིན་རུང་པཎ་ཆེན་བཅུ་བས་ཁྱོད་ཀྱིས་བོད་སྐད་བཤད་པར་ངོ་ཚ་ན་མ་
བཤད་ན་ཆོག་ལ། བོད་ལྭ་གྱོན་པར་ངོ་ཚ་ན་མ་གྱོན་ནའང་ཆོག འོན་ཀྱང་ཁྱེད་ཀྱིས་ཤ་དང་རུས་པ་ཅི་ཞིག་ བྱེད་ཅེས་གསུངས་པ་བཞིན། རང་མི་རིགས་ཀྱི་སྐད་དང་ཡི་གེ་ལ་སྲུང་སྐྱོབ་དང་གཅེས་སྤྲས་བྱེད་དགོས། མི་རིགས་ཤིག་ལ་མཚོན་ན་སྐད་དང་ཡི་གེ་ནི་རང་ཉིད་འཕེལ་རྒྱས་འགྲོ་བའི་གཞི་མ་ཡིན། དེ་བས་སྐད་ དང་ཡི་གེ་ནི་མི་རིགས་ཤིག་གི་བླ་སྲོག་ཡིན་ཟེར།
ཀུན་དང་མཐུན་པ་རྩ་བ་ཡིན་མོད་ཀྱང་།།
ཐམས་ཅད་ལད་མོ་བྱས་ན་ཀླད་མེད་ཡིན།།
སྐད་རིགས་ཐམས་ཅད་ཤེས་ན་བཟང་མོད་ཀྱང་།།
རང་གི་ཕ་སྐད་བརྗེད་ན་ངོ་ཚ་ཡིན།།
རང་བྱུང་ཁམས་ཆེན་མོ། རིན་ཆེན་འཚོ། མང་རྫོང་མི་རིགས་སློབ་འབྲིང་།
ཆུང་དུས་ནས་ཨ་མས་ང་ལ་གཏམ་རྒྱུད་ཅིག་བཤད་མྱོང་། གཏམ་རྒྱུད་ཀྱི་ཁ་བྱང་ལ་མི་དང་རང་
བྱུང་ཁམས་ཆེན་མོ་ཟེར་ཞིང་།མི་ནི་རང་བྱུང་ཁམས་ཀྱི་མངལ་ནས་འཁྲུངས་པའི་གཅེས་ནོར་དང་། རང་ བྱུང་ཁམས་ནི་མིའི་རིགས་ཀྱི་འཚོ་གནས་ལ་དྲོད་ཁོལ་སྦྱིན་པའི་བྱམས་ལྡན་གྱི་མ་ཡུམ་ཡིན་པར་བཤད། དེ་བས་ང་རང་ཆུང་དུས་ནས་གཏན་རྒྱུད་འདི་ལ་ཉན་པར་ཧ་ཅང་དགའ་ཞིང་། ནམ་རྒྱུན་ཨ་མར་ བཤད་དུ་བཅུག
གནའ་སྔ་མོ་ཞིག་ནས་རང་བྱུང་ཁམས་ཀྱི་ཕང་བར་གནས་པའི་རྨ་འབྲི་རྫ་གསུམ་གྱི་རྒྱུན་བཟང་
གིས་མིའི་རིགས་ཀྱི་སྐོམ་གདུང་སེལ་ཞིང་། རྩི་ཤིང་དང་སྐྱེ་དངོས་ཀྱི་འདབ་རྒྱ་གྲོལ་ཏེ་མིའི་རིགས་ལ་ གཏན་སྡོད་ཀྱི་འཚོ་བ་བསྐྲུན་པས། མི་དང་རང་བྱུང་ཁམས་ཀྱི་བར་ལ་འབྲེལ་དཀའ་བའི་ལོ་རྒྱུས་ཀྱི་ གསེར་ཟམ་བཙུགས་ཤིང་། བརྗོད་དཀའ་བའི་བརྩེ་སེམས་ཀྱི་དབུ་ཁྱུད་བྲིས། 61
ཡིན་ནའང་། དུས་ད་ལྟ་འབྱམས་ཀླས་པའི་སྔོ་ལྗང་གི་རྩ་ཐང་སྐྱ་ཐང་ཐང་། དྭངས་ཤིང་གསལ་བའི་ ཆུ་བོ་ནག་ཤིག་གེ རྫབ་སྟུག་པའི་ནགས་ཀླུང་མགོ་རྗེན་དུ་འདུག་པ་ང་ཚོའི་སྤྱན་ལམ་དུ་བཤམས་ཟིན་ པ་རེད། ཁོ་ཚོས་ད་དུང་ངུ་འབོད་ཀྱིས་སྲོག་སྐྱོབ་རོགས་ཞེས་པའི་རྣམ་པ་ནི་དམར་རྗེན་དུ་ལུས་པའི་ལོ་ ན་ཆུང་བའི་བྱིས་པ་ཞིག་དང་ཀུན་ནས་མཚུངས་པས། དངོས་གནས་ཤ་གསེང་ནས་ཙག་ཤད་རྒྱུག་ཅིང་ མགྲིན་ལམ་ནས་མཆི་མ་བརྣངས་པ་ཞིག་རེད། ད་དུང་། མིའི་རིགས་ཀྱིས་སྡོང་བོ་གཅོད་པ་དང་། སྐྱེ་ ཁམས་ཁོར་ཡུག་ལ་གནོད་པ་ཚབས་ཆེན་བཟོས་ན་དོ་མཉམ་མེད་པ་ཁྱེད་ཚོས་བསམ་བློ་བཏང་ཨེ་མྱོང་།
དེར་བརྟེན། མི་རྣམས་ཀྱིས་སྐྱེ་ཁམས་ཁོར་ཡུག་སྲུང་སྐྱོབ་བྱེད་པའི་འཆར་གཞི་བཀོད་དེ། སྡོང་
འཛུགས་ནགས་སྐྲུན་དང་ཕྱུགས་བསྐྱུར་རྩྭ་འདེབས། སྐྱེ་ཁམས་ཁོར་ཡུག་སྲུང་སྐྱོང་བྱས་ཏེ། ནགས་ སྐྲུན་དང་སྐྱེ་དངོས་ལ་སྲུང་སྐྱོབ་བྱེད་པར་རྒྱུན་འཁྱོངས་བྱེད་དགོས།
དྲིན་ལ་དྲིན་དུ་གོ་བ། སྙིང་མོ་ཚེ་རིང་། མང་རྫོང་མི་རིགས་སློབ་འབྲིང་།
ཉི་མ་ནུབ་རིར་ཡོལ་ཟིན། ལྗོན་ཤིང་གི་ཡལ་གས་གོས་སུ་བཀླུབས་པའི་ཁ་བའི་འདབ་མ་རླུང་
གིས་སྐྱོད་བཞིན་འདུག ལྷས་འདབས་ཀྱི་ཆུ་ཕྲན་ལ་འགྲམ་དར་ཆགས་ཀྱང་། བཞུར་རྒྱུན་ནི་རྩྭ་སྦུབས་ ནང་གི་ཟུངས་ཁྲག་བཞིན་མྱུར་ཞིང་མྱུར་ལ་མདུན་ནས་མདུན་དུ་བསྐྱོད་བཞིན་མཆིས།
སྨག་ནག་པའི་མཚན་མོ་དེར། ཁ་བ་ཡིས་མི་ཡུལ་འདིར་ཆེས་དཀར་ཞིང་མཛེས་པའི་གོས་
དཀར་གྱི་ལྭ་བ་གྱོན་བཞིན་འདུག མཚན་མོ་དེར་ཕྱི་རོལ་དུ་གྲང་རླུང་འུར་འུར་དུ་ལྡང་བའི་འུར་སྒྲ་དང་སྒོ་ ཁྱི་ཡི་ཟུག་སྐད་མ་གཏོགས་ཅི་ཡང་ཐོས་རྒྱུ་མི་འདུག དེ་བས་ང་རང་ཉལ་ཐུལ་ནང་འཛུལ་ཏེ་གཉིད་ ལོག་པ་ཡིན། དུས་ཚོད་ཅི་ཙམ་འགོར་བ་མི་ཤེས་མོད། ང་གཉིད་ལས་སད་དུས་ནམ་ད་དུང་ལངས་ མེད་པ་རེད། དེ་ནས་ངའི་ལག་ལ་དཀར་མེ་བཟུང་ནས་ཕྱི་རོལ་དུ་སོང་བ་ན། ངེད་ཚང་གི་སྒོ་འགྲམ་ དུ་ཁྱི་ཕྲུག་ཆུང་ཆུང་ཞིག་གིས་ངུ་ཟུག་འདོན་བཞིན་འདུག འདི་འདྲའི་སྨག་ནག་པའི་མཚན་མོ་ཞིག་ལ་ ཁྱི་ཕྲུག་ཆུང་ཆུང་འདི་གནས་གང་ཞིག་ནས་ཐོན་པ་ཡིན་ནམ། ངས་དེ་ལྟར་བསམ་གཞིག་གི་ཀློང་དུ་ཚུད་ 62
ནས་འགྲོ་སྐབས། ཁྱི་ཕྲུག་དེའི་ངུ་ཟུག་གིས་ང་བསམ་གཞིག་གི་ཀློང་དེ་ནས་ཚུར་བཀུག་བྱུང་། ངས་ཁྱི་ ཕྲུག་དེ་ལ་ཞིབ་བལྟ་བྱས་པ་ན་དེ་ནི་ཇི་འདྲའི་ཉམ་ཐག་ཅིང་སྙིང་རྗེ་བ་ལའང་། ཁྱི་ཕྲུག་དེའི་མིག་ཟུང་ལ་ བལྟས་ན་ཅི་ཞིག་ལ་རེ་སྒུག་བྱེད་པ་དང་འདྲ་མོད། འོན་ཀྱང་རེ་སྒུག་ཁྲོད་ཀྱི་དུས་ཚོད་སྐར་ཆ་རེ་རེ་རྒད་ པོ་ནད་པ་ཞིག་དང་འདྲ་བར། མདུན་ཕྱོགས་སུ་དལ་གྱིས་ནུར་བས་ཁོས་རེ་ཞིག་སྒུག་པ་ནི་དོན་དངོས་ སུ་ཅི་ཞིག་ཡིན་ནམ།
ད་གཟོད། ངས་ཤེས་སོང་། ཧ་ཅང་འཁྱག་པའི་དགུན་གཞུང་གི་མཚན་མོ་འདིར། ཁོས་
རེ་ཞིང་སྒུག་པ་ནི་དྲོད་འཇམ་ལྡན་པའི་ཉི་འོད་མ་ཡིན་ནམ། དེ་བས། ངས་ཁྱི་ཕྲུག་དེ་པང་ནས་རང་ ཁྱིམ་ལ་ཁྱེར་བ་ཡིན། ཁོའི་ལུས་པོ་ཡོངས་ལ་ཁ་བས་བརླན་པར་བྱས་པས་འདར་སིག་སིག་བྱེད་བཞིན་ འདུག དེ་ནས་བཟུང་ངའི་ཁྱི་ཕྲུག་དེ་གཉོར་སྐྱོང་བྱས་ནས་ནར་སོན་དུ་བཅུག་པ་ཡིན། རྗེས་སུ། ཁྱི་ཕྲུག་དེ་ངེད་ཚང་གི་སྒོ་ཁྱིར་གྱུར་བ་དང་། ཚ་སྡུག་ཆེ་བའི་དབྱར་ཁ་དང་གྲང་ངར་ལྡན་པའི་དགུན་ཁ་ གང་ཡིན་རུང་ཁོ་དུས་དེ་ནས་བཟུང་ཚ་བ་དང་གྲང་ངར་ལ་མ་འཛེམས་པར་ངེད་ཚང་གི་གཞིས་ཁྱིམ་དྲོན་ མོ་དེར་ཁོའི་མི་ཚེ་འདིའི་ཡོད་ཚད་ཕུལ་བ་རེད། དེ་ལྟར་ཁོས་མི་ཡུལ་འདི་ལ་ལོ་རྒྱུས་ཀྱི་བརྒྱུད་རིམ་ ཞིག་བཞག་སྟེ། འཇིག་རྟེན་འདི་དང་གཏན་དུ་བྲལ་རེད། འདི་ནི་དྲིན་ལ་དྲིན་དུ་གོ་བའི་ངའི་ཁྱི་ཕྲུག་ ཆུང་ཆུང་དེ་ཡིན།
སྦྲ་ནག་གྲུ་བཞི།
གངས་ཅན་བོད་མིའི་ཁྱིམ་གཞིས་དྲོན་མོ། སྔོ་ལྗང་རྩྭ་ཐང་ངོས་སུ་ལྷུན་གྱིས་གྲུབ་པའི་སྦྲ་ནག་གྲུ་
བཞི། ངེད་གངས་ཅན་བོད་ཡུལ་གྱི་ཡུལ་གྲུ་འདིའི་བརྗིད་ཆགས་ཀྱི་ཕ་ཁྱིམ་དྲོན་མོ། ངའི་སེམས་ཁོང་ ན་ཁྱོད་ནི་ཇི་འདྲའི་གཟི་བརྗིད་ལྡན་པ་ཞིག་རེད་ཨང་།
སྦྲ་ནག་གྲུ་བཞི་ལགས། ཁྱོད་ནི་གཞན་མ་ཡིན་ཏེ། ཁྱེད་ནི་བོད་ཁ་བ་ཅན་གྱི་ཡུལ་གྲུ་
འདིའི་གངས་ཕྲུག་མང་པོའི་སྙིང་སྟོབས་ཀྱི་ཆེད་དུ་ཕུབ་པའི་སྦྲ་ནག་གྲུ་བཞི། ཁྱེད་ནི་ང་ཚོའི་བོད་བཙན་ པོའི་ཞབས་རྗེས་ཡིན་ལ། ངེད་བོད་པ་ཚང་གི་ཡོད་ཚད་ཀྱི་ཡོད་ཚད་ཁྱེད་རང་གཅིག་པུ་ཡིན། གདོང་ དམར་བོད་པའི་ཕ་ཁྱིམ་དྲོན་མོ་སྟེ་སྦྲ་ནག་གྲུ་བཞི་ལགས། འཇིག་རྟེན་འདིའི་བུ་ཕྲུག་གྲངས་མེད་ཅིག་ ཁྱེད་ཀྱི་རུམ་ནས་འཚར་ལོངས་བྱུང་བ་ཡིན། 63
དེ་བས་ང་ས་གང་དུ་སོང་ཡང་ལོ་ཟླ་བ་ཅི་ཙམ་འགོར་ནའང་། བརྗེད་དཀའ་བ་ནི་ཕ་ཁྱིམ་དྲོན་
མོ་ཁྱོད་ཡིན་ལ། དྲན་སླ་བའང་འཛམ་གླིང་གི་མཛེས་རྒྱན་ཏེ། ངའི་སེམས་ཁོང་ནས་ནམ་ཡང་བརྗེད་ ཐབས་བྲལ་བའི་སྦྲ་ནག་གྲུ་བཞི་ཁྱོད་ཡིན།
དུས་ཚོད་དང་ཤེས་ཡོན། སྤྲེལ་ནག་སྡེ་བ། འཇིགས་བྱེད་ཐར།
མཐའ་ཡས་པའི་འཇིག་རྟེན་ཁམས་འདིར་འཚོ་གནས་བྱེད་པའི་མི་ཞིག་ལ་མཚོན་ན་ཆུང་དུས་
ནས་དུས་ཚོད་དམ་འཛིན་དང་ཤེས་ཡོན་འགྲན་རྩོད་བྱེད་པའི་དབང་ཆ་ཡོད། ཡིན་ནའང་། འདས་ ཟིན་པའི་ལོ་ངོ་བརྒྱད་ཀྱི་སློབ་སྦྱོང་གི་འཚོ་བ་ནི་མིག་རྡེབ་དབང་ཙམ་ཅིག་ཡིན་པས། འབྲས་བུ་ལེགས་ པོ་ཞིག་ཀྱང་མ་བྱུང་ངོ་།། ཡིན་ནའང་། ད་ནི་ཡོད་ཚད་འདས་ཟིན་པས། དེ་ལ་འགྱོད་གདུང་སྐྱེས་ཀྱང་ འཕྱི་སོང་བས། ང་ཚོས་འདས་ཟིན་པ་དང་ཤོར་ཟིན་དུས་ཚོད་དང་ཤེས་ཡོན་ལ་ཁ་གསབ་བྱེད་པར་ད་ ལྟ་ཉིད་ནས་བརྩོན་པ་བྱ་དགོས།
དེ་བས་ལེགས་བཤད་ཅིག་ལས་རིག་པ་ནང་བར་འཆི་ཡང་བསླབས།། ཚེ་འདིར་མཁས་པར་
མ་གྱུར་ཀྱང་།། སྐྱེ་བ་ཕྱི་མར་བཅོལ་བ་ཡིན།། ནོར་ལ་རང་ཉིད་ལེན་པ་འདྲ།། ཞེས་གསུངས་ ཡོད་པ་ལ། དེའི་ནང་ཤེས་ཡོན་སློབ་དགོས་པའི་ཚུལ་བསྟན་ཡོད་དེ། ཐ་ན་སང་ཉིན་འཆི་དགོས་ཀྱང་ ད་དུང་དུས་ཚོད་དམ་འཛིན་བྱས་ཏེ་ཤེས་ཡོན་སྦྱངས་འདོད་མེད་པའི་མི་ནི་ནམ་ཡང་སྒྱིད་ལུག་གི་གྲོགས་ སུ་གྱུར་ཡོད་ལ་དེར་ནམ་ཡང་ཤེས་ཡོན་སྦྱངས་པའི་བསམ་བློ་མེད་པ་ཡིན། ད་ལྟའི་དུས་འདིར་སློབ་མ་ རྣམས་ཀྱི་ཤེས་ཡོན་སྦྱངས་པའི་དགེ་བ་ཁ་སྟོང་ནས་ཚིག་སྟོང་བཤད་པ་ཧ་ཅང་མང་མོད། དོན་དངོས་ ཐོག་ལག་ལེན་དུ་འདེབས་མཁན་ནི་ཧ་ཅང་དཀོན།
དེའི་ཕྱིར། ང་ཚོ་སློབ་བུ་རྣམས་ཀྱིས་དུས་ད་ནས་བཟུང་སྟེ་དུས་ཚོད་དང་ཤེས་ཡོན་གཉིས་
ཟུང་འབྲེལ་བྱས་ནས་རང་ཉིད་འཇོན་ཐང་ཅན་ཞིག་ཏུ་འགྱུར་བར་བརྩོན་ལེན་བྱེད་དགོས་སོ།།
64
མ་ཡུམ་སློབ་གྲྭ། བོན་སྐོར་སྡེ་བ། མཁའ་འབུམ་རྒྱལ།
སྤྱི ར ་ང་ནི ་ ཆེ ས ་དྭངས་གཙང་གི ་ ཡུལ་གྲུ་ཞི ག ་ན་འབའ་འབའ་ལུ་གུའི ་ རྗེ ས ་སུ་འབྲངས་པའི ་
གངས་ཕྲུག་ཅིག་ཡིན་པ་དང་། ནམ་རྒྱུན་དུ་གཡང་དཀར་ལུག་ཁྱུ་ཐང་མར་བརྡལ་བ་ནི་ངའི་བྱིས་དུས་ ཀྱི་རྣམ་ཐར་མཚར་བོ་ཡིན་པ་དང་། དུས་རབས་ཉེར་གཅིག་གི་སློབ་གསོའི་འཕེལ་རྒྱས་བཟང་བོའི་སྐུལ་ འདེད་འོག་དང་། དྲིན་ཆེན་ཨ་མའི་རྒྱབ་སྐྱོར་འོག་ཏུ་ལྔ་རིག་སློབ་གླིང་དུ་འགྲིམ་ནས་རིག་གནས་ལ་ སློབ་གཉེར་མཛད་དོ།།
བདག་གི ་ མ་ཡུམ་སློ བ ་གྲྭ་ནི ་ རང་སྡེ ་ བོ ན ་སྐོ ར ་སྡེ ་ བའི ་ དཀྱི ལ ་དབུས་སུ་ཆགས་ཡོ ད ་པ་དང་།
དེའི་འཛུགས་སྐྲུན་གྱི་བཟོ་དབྱིབས་ནི་རི་མོ་མཁན་གྱི་པིར་རྩེ་ལས་ཐོན་པ་ལྟ་བུ་ཞིག་ཡིན་པ་དང་། མ་ ཡུམ་སློབ་གྲྭས་ཤེས་ལྡན་པ་གང་མང་ཞིག་བསྐྱེད་སྲིང་བྱས་མྱོང་བའི་མཛད་རྗེས་ནི་བླ་ན་མེད་པ་ཞིག་ཡིན། ཆུང་དུས་སུ། ངས་དཔེ་ཁུག་ཆུང་ཆུང་དེ་ཕྲག་པར་ཁུར་ནས། ཐོ་རེངས་བྱ་ཕོའི་བྱ་སྐད་དང་མཉམ་དུ་ སློབ་གྲྭར་སོང་བ་དང་། སློབ་ཁང་དུ་སྐལ་ལྡན་ཚོ་དང་མཉམ་དུ་དབྱང་གསལ་སོ་བཞིའི་དབྱངས་རྟ་སྙན་མོ་ ངག་ལ་གྱེར། དུས་རབས་ཀྱི་འགྲོས་དང་བསྟུན་ནས་ང་རང་རང་སྡེའི་ན་མཉམ་བྱིས་པ་ཤེས་རིག་གི་གསུང་ ངད་ལྡན་པའི་མ་ཡུམ་སློབ་གྲྭའི་སྐྱེད་ཚལ་ནས་འཚར་ལོངས་བྱུང་བ་དང་ལང་ཚོ་ཡི་སྟོབས་ཤུགས་རྒྱས། ཀ་ཁ་སུམ་ཅུའི་དབྱངས་རྟ་ནི་ངག་ལ་སྤུར་བཞིན་ཤེས་རིག་དགའ་ཚལ་དུ་གོམ་ཁ་ཕྱོགས་པའི་བཞུད་ལམ་ རིང་མོའི་ཁྲོད་དུ་ང་དང་ན་མཉམ་སློབ་གྲོགས་ཚོས་བྱིས་བློ་མཐའ་དག་སློབ་གྲྭ་རུ་དོར་ཏེ། ཡོད་ཚད་ ལ་སྟོབས་ཤུགས་རྒྱས་ཤིང་བློ་སྤོབས་ཀྱིས་ཁེངས་པས། མ་ཡུམ་སློབ་གྲྭ་ནི་ང་ཚོ་འཚར་ལོངས་འབྱུང་ས་ ལགས།
རིག་གནས་ཀྱི་ནོར་བུ་འོད་དུ་འཚེར་ཞིང་ལྔ་རིག་གི་འོ་མཚོ་མཁའ་རུ་འཕྱུར་བའི་ལྡིང་ཁང་འདི་
རུ། ངའི་ཕུགས་བསམ་གྱི་རེ་སྨོན་ལ་སྔོན་འགྲོའི་སྐྱ་ཐིག་ཐོག་མར་ཕབ་ཅིང་། ངའི་བཅུ་དྲུག་ལང་ ཚོ་ལ་ཡིད་ཆེས་དང་སྤོབས་པའི་ས་བོན་ཐོག་མར་བཏབ་པ་ཡིན། དེ་བས་ཕ་ཡུལ་སློབ་གྲྭ་ནི་ངའི་མི་ཚེ་ཡི་ ལས་དབང་ལ་འགྱུག་ལྡོག་གཏོང་མཁན་ཡིན་པས། བདག་གིས་མ་ཡུམ་སློབ་གྲྭ་ལ་བཀའ་དྲིན་ཞུ་སླད་དུ་ བསྟོད་ཚིག་གི་མེ་ཏོག་ཕྲེང་བ་ཞིག་ཀྱང་འབུལ་བར་འདོད་དོ།། 65
སློབ་འབྲིང་གི་འཚོ་བ། བོན་སྐོར་འཇིགས་བྱེད་འབུམ།
ང་རང་སློབ་འབྲིང་གི་འཚོ་བ་ལ་གོམ་ཁ་ཕྱོགས་པའི་བརྒྱུད་རིམ་ཁྲོད་ནས་ཐོབ་ཤོར་གྱི་བརྒྱུད་
རིམ་གང་མང་ཞིག་དང་འཕྲད་མྱོང་། དམའ་འབྲིང་གི་སྐབས་སུ་སློབ་དེབ་ཧ་ཅང་མང་། དགེ་རྒན་གྱིས་ ང་ཚོར་དཔེ་དེབ་སྣ་མང་ཞིག་བྱིན་པས་ངའི་སེམས་ལ་སློབ་དེབ་འདི་འདྲ་མང་པོ་ཞིག་ངས་ཇི་ལྟར་སློབ་ བམ་སྙམ་བྱུང་། ཡིན་ནའང་། སྣ་མང་སློབ་དེབ་དེ་ཚོ་ངའི་མ་འོངས་པའི་མདུན་ལམ་འཚོལ་བྱེད་ཀྱི་ ལག་ཆ་མིན་ནམ།
ངས་འདི་ལྟར་བསམ་བློ་རེ་བཏང་ན་སློབ་འབྲིང་གི་དུས་སྐབས་འདི་ནི་ཆེས་གནད་འགག་གི་གོ་
སྐབས་ཤིག་ཡིན་པ་སྨོས་ཅི་དགོས། ངའི་སེམས་ལ་གལ་ཏེ་ངས་སློབ་འབྲིང་གི་འཚོ་བའི་གོ་སྐབས་འདི་ དམ་འཛིན་མ་བྱས་ན་ང་རང་མ་འོངས་པར་སློབ་གྲྭར་འགྲིམས་པའི་སྐལ་བ་མ་མཆིས་ལ། འོད་སྟོང་ལྡན་ པའི་མདུན་ལམ་ཡག་པོ་ཞིག་མེད་པར་འདོད་བཞིན་ཡོད། ད་ལྟ་འདས་ཟིན་པའི་དོན་དག་ལ་ཕྱིར་མིག་རེ་ བལྟས་ན་ང་རང་སློབ་གྲྭར་འགྲིམས་པའི་བརྒྱུད་རིམ་ཁྲོད་དུ་རྣམ་གཡེང་དང་ལེ་ལོའི་ངང་རྩེད་འཇོ་ལ་རོལ་ བ་མ་གཏོགས་བློ་སེམས་རྩེ་གཅིག་གིས་སྦྱོང་ཡག་པོ་ཞིག་བྱས་མ་མྱོང་བར་འདུག འདས་ཟིན་པའི་བྱ་བ་ དག་ལ་ཕྱིར་དྲན་ཁྲོད་ནས་འགྱོད་པ་སྐྱེས་ཀྱང་འཕྱི་སོང་། སློབ་གྲྭར་འགྲིམས་པའི་འཚོ་བ་འདི་ནི་ཆེས་ སྤྲོ་སྐྱིད་ལྡན་པའི་བརྒྱུད་རིམ་ཞིག་ཡིན་པས། ང་རང་འཚོ་བ་འདི་དང་ཁ་འབྲལ་འདོད་མི་ཐུབ། ང་ཚོ་ སློབ་གྲོགས་རྣམས་ཀྱི་སློབ་སྦྱོང་གི་འབྲས་བུ་ལ་གཞིགས་ན། ལ་ལ་ཞིག་གི་སྦྱངས་འབྲས་ཤིན་ཏུ་བཟང་བ་ དང་ལ་ལ་ཞིག་དེ་ལས་ལྡོག་སྟེ་དེ་འདྲ་བཟང་རྒྱུ་མེད། དེའི་རྒྱུ་རྐྱེན་ནི་ཐོག་མ་ཉིད་ནས་རྨང་གཞི་བརྟན་ པོ་ཞིག་མེད་པའམ། ཡང་ན་སློབ་སྦྱོང་བྱེད་པའི་གོ་རིམ་ཁྲོད་ནས་ལེ་ལོའི་དབང་དུ་ཚུད་ནས་སློབ་སྦྱོང་གི་ ཆུ་ཚད་ཇེ་ཞན་དུ་འགྲོ་བ་སོགས་འགྱུར་ལྡོག་འབྱུང་བཞིན་ཡོད། ཚད་ངེས་ཅན་ཞིག་གི་ཐོག་ནས་བཤད་ ན་འདི་དག་གིས་སློབ་མ་རང་ཉིད་ལ་བརྩོན་པ་ཤུགས་དྲག་ཅིག་དང་བློ་རྩ་བརྟན་པོ་ཞིག་མེད་པས་ལེན་པ་ རེད།
ད་ལྟ་ངས་ང་རང་གི་འདས་ཟིན་པའི་ལེ་ལོ་དང་རྩེད་གཡང་ལ་ལེ་བདའ་དང་། མ་འོངས་པའི་
66
མདུན་ལམ་ལ་བསམ་བློ་གཏོང་བཞིན་ཡོད། ངས་བསམ་གཞིགས་ཀྱི་ཁྲོད་ནས་མ་འོངས་པའི་མདུན་ལམ་ དེ་འཚོལ་སྙེག་བྱེད་བཞིན་ཡོད།
ཨ་མའི་བྱམས་བརྩེ། སྡོང་བོ་གཞུང་། རྣ་བྷེ།
དེ་ཡང་སྔོན་བསགས་ཀྱི་ལས་དབང་དང་། སྨོན་ལམ་བཟང་བོའི་ཐུགས་སྐྱབས་ཤིག་གིས་ཕྲན་
ཆུང་ང་རང་བྱ་ཆུ་སྔོན་མོ་ལྷུང་ལྷུང་འབབ་བའི་འགྲམ་རྒྱུད་ཀྱི་བྱ་མདོ་སྡོང་བོ་གཞུང་ནས་ལྟེ་ཁྲག་ས་ལ་ འཕོས་ཤིང་། བྱམས་ལྡན་མ་ལོའི་དཀའ་བ་རྒྱ་མཚོ་དང་བཀའ་དྲིན་རི་རབ་བཞིན་མཐོ་བའི་གཉོར་སྐྱོང་ དང་བྱམས་བརྩེ་འོག་རིམ་བཞིན་ལང་ཚོ་ཆེར་བསྐྱེད་པ་ཡིན།
རེད་ཡ། བུ་ངའི་བྱམས་ལྡན་མ་ལོས་ངེད་མིང་སྲིང་སློབ་གྲྭར་འགྲིམས་པའི་ཆེད་དུ་དབྱར་གསུམ་
ཚ་གདུག་གི་རྔུལ་ཆུ་ས་ལ་ཟགས་བཞིན། ཞིང་ལྷས་ར་གྲུ་བཞི་འདྲ་བའི་ནང་གི་ཡུར་མ་ཡུར་བཞིན་ཡོད་ ལ། དགུན་གསུམ་བུ་ཡུག་གི་ཁྲོད་ན་བཟོད་བསྲན་གྲང་ངར་ལ་འཐབ་བཞིན། གཡང་དཀར་ལུག་ཁྱུ་ཡི་ མཐའ་ནས་རྫི་བོ་བྱེད་བཞིན། ཡིན་ནའང་ལོ་ཟླའི་འཁོར་ཡུག་གི་ཁྲོད་ལུས་སྐྱེས་གཟུགས་དབྱངས་ཅན་ལྷ་ མོར་འགྲན་པའི་མཛེས་མ་དེ་རིམ་བཞིན་འགྱུར་སོང་ལ། འགྱུར་ནས་དཔྲལ་བའི་གཉེར་མ་ཆུ་ཡི་རྦ་རླབས་ བཞིན་ཡོང་ལ། འགྱུར་ནས་གནག་སྣུམ་གྱི་སྐྲ་ལོ་དཀར་པོར་གྱུར། དེ་ལྟར་དྲིན་ཆེན་མ་ལོས་ང་ཚོར་ དཔྲལ་བའི་མིག་དང་ཁོག་གི་སྙིང་ལྟར་གཅེས་པའི་འདི་ཡོད་ཚད་ངེད་མིང་སྲིང་སེམས་མེད་ང་ཚོའི་དོན་མ་ ཡིན་ནམ། ཁྱོད་ཀྱི་ལྷད་མེད་དྭངས་གཙང་གི་སེམས་པ་དཀར་བོ་ངེད་མིང་སྲིང་གསུམ་ལ་བཅིངས་པའི་ ཕུགས་འདུན་མ་ཡིན་ནམ། མདོར་བསྡུས་ན་འདི་ཡོད་ཚད་ངེད་མིང་སྲིང་གསུམ་གྱི་ཆེད་དུ་ཡིན་པ་མ་ ཤེས་སམ།
ཨ་མ། བྱམས་ལྡན་གྱི་ཨ་མ། ད་ནི་བུ་ཆུང་ང་རང་ཆེར་བསྐྱེད་བྱུང་། དེ་བས་ངས་ཁྱོད་ལ་དྲིན་
ལན་འཇལ་བའི་དུས་ལ་སླེབས་བྱུང་། གལ་ཏེ་བུ་ཆུང་ང་རང་དཀར་ངོགས་ཀྱི་འཇིག་རྟེན་ལ་མ་བྲལ་བར་ ཨ་མའི་བྱམས་བརྩེ་གཏན་ནས་མི་བརྗེད་ལ། ཨ་མར་དྲིན་ལན་འཇལ་བའི་བསམ་པ་གཏན་ནས་མི་དོར།
67
སྐད་དང་ཡི་གེ་ནི་མི་རིགས་ཤིག་གི་བླ་སྲོག་ཡིན། བོན་སྐོར་འཕགས་མོ་ཆོས་མཚོ།
དེ་ཡང་། བོད་རྒྱལ་སྲོང་བཙན་སྒམ་པོའི་སྐུ་རིང་ལ་བོད་ཀྱི་ལོ་ཙཱ་བ་ཐོག་མ་སློབ་དཔོན་ཐོན་མི་
སམ་བྷོ་ཊས་བོད་རང་གི་སྐད་དང་མཐུན་པའི་ཡི་གེ་གསར་བཟོ་བྱས་པར་མ་ཟད། ད་དུང་བོད་ཀྱི་ཆབ་ སྲིད་དང་དཔལ་འབྱོར། སློབ་གསོ་སོགས་ཕྱོགས་གང་ཐད་ནས་མངོན་སུམ་དུ་འཕེལ་རྒྱས་སོང་ཡོད་པ་ནི་ ལོ་རྒྱུས་ཀྱིས་ང་ཚོར་མངོན་སུམ་དུ་ར་སྤྲོད་བྱས་ཡོད། ད་དུང་ཡང་། སྔོན་གྱིས་ཡབ་མེས་དག་དང་མཁས་ ཆེན་སློབ་དཔོན་དག་གིས་ཧུར་ཐག་དང་མཐོང་ཆེན་བྱེད་པ་མ་ཟད་བོད་ལ་ལོ་རེ་ནས་ལོ་རེར་མཁས་ཆེན་ དམ་པ་མང་པོ་བྱུང་། ད་དུང་རྒྱལ་ཁབ་གཞན་གྱི་མདུན་ནས་ངོ་གནོངས་མི་དགོས་པའི་གསེར་ལས་ལྷག་ པའི་རིག་གནས་འདི་ཡོད་པ་རེད། དེ་ཡང་མཁས་པའི་དབང་བོ་ཞང་སྟོན་བསྟན་པ་རྒྱ་མཚོ་མཆོག་གིས་ སྐད་རིགས་ཐམས་ཅད་ཤེས་ན་བཟང་ན་མོད་ཀྱང་།། རང་གི་ཕ་སྐད་བརྗེད་ན་ངོ་ཚ་ཡིན།། ཞེས་གསུངས་ པ་ལྟར། མི་རིགས་གང་ཞིག་ཡིན་རུང་རང་གི་སྐད་དང་ཡི་གེ་བརྗེད་དུ་མི་རུང་བ་དང་། ཡང་ཁྲི་བཟང་ གུང་ཐང་བསྟན་པའི་སྒྲོན་མེ་ཚང་གིས་གཅིག་ཏུ་རིག་གནས་ཐད་ནས་མི་རིགས་གཞན་གྱི་རྗེས་སྙེག་ཐུབ་པ་ དང་གཉིས་ནས་དཔལ་འབྱོར་ཐད་ནས་མི་རིགས་གཞན་གྱི་རྗེས་སྙེག་ཐུབ་དགོས་ཞེས་རིག་གནས་ཀྱི་གལ་ ཆེ་ཚུལ་བརྗོད་ཡོད་པ་དང་། སྐད་དང་ཡི་གེ་ནི་མི་རིགས་དར་སྤེལ་དང་ཁྱབ་གདལ་གཏོང་བའི་རྨང་གཞི་ ཡིན་པས། ང་ཚོས་དེར་རྒྱུད་འཛིན་དང་དར་སྤེལ་བྱེད་དགོས། གལ་ཏེ། མི་རིགས་དེ་ནི་སྲོག་ཆགས་ཤིག་ ཏུ་དཔེ་བལྟས་ཚེ། སྐད་དང་ཡི་གེ་ནི་དེའི་ལུས་ཀྱི་རྩ་སྦུབས་ན་རྒྱུ་བའི་ཟུངས་ཁྲག་ལྟ་བུ་ཡིན་པས་ཟུངས་ ཁྲག་གི་རྒྱུ་བ་ཆད་སོང་ན་རྣམ་ཤེས་དེའང་བེམ་པོ་དང་བྲལ་འགྲོ་བས། རྒྱུ་མཚན་དེ་དང་མཐུན་པར་སྐད་ དང་ཡི་གེ་ནི་མི་རིགས་འདིའི་རྣམ་ཤེས་ཀྱི་བདག་པོ་དེའོ།།
དེ་བས། ང་ཚོས་མི་རབས་ནས་མི་རབས་བར་དུ་སྔོན་བྱོན་ཡབ་མེས་དག་གིས་ཤུལ་བཞག་རིག་
གནས་འདི་དག་འུ་ཅག་དང་ཡང་ན་རྗེས་རབས་པ་ དག་གིས་ཉམས་པ་སླར་གསོ་དང་མ་ཉམས་གོང་སྤེལ་ བྱེད་པ་ལས་ཉམས་རྒུད་དུ་གཏོང་མི་རུང་བར་མ་ཟད། བསྐལ་བ་འདི་མ་འཇིག་བར་དུ་རིག་གནས་སྲུང་ སྐྱོབ་བྱེད་པའི་རེ་བ་ཉག་གཅིག་གོ།
68
ཨ་མའི་བྱམས་བརྩེ། བོན་སྐོར་ཁོན་ཐར་མཚོ།
ས་ཆེན་གྱི་ཡང་སྟེང་འདི་ན་བྱམས་བརྩེ་དང་སྙིང་རྗེ་ཡི་དྲོལ་ཁོལ་སྦྱིན་མཁན་གྱི་བདག་གི་བྱམས་
ལྡན་ཨ་མ་ལགས། ཕྲན་ཆུང་ང་རང་འཇིག་རྟེན་མི་ཡུལ་འདི་ལ་སླེབས་དུས་ཁྱེད་ཀྱིས་བཅུད་ལྡན་ནུ་ཞོ་ ཡིས་བདག་གི་ཚེ་སྲོག་གི་སྐྱེས་སྟོབས་ལ་སྟོབས་ཤུགས་ཀྱི་མེ་དཔུང་སྦར་ལ། ཁྱེད་ཀྱི་པང་ནས་བདག་གིས་ ཤ་ཁྲག་གི་ཕུང་བོ་འདི་ལྗང་མྱུག་གི་ས་བོན་འབུས་པ་ཇི་བཞིན། ཨ་མ་ལགས་ཀྱི་བྱམས་བརྩེ་ཡི་གཉོར་སྐྱོང་ འོག་ནས་ང་རང་ནར་སོན་ཏེ། ཁྱེད་ཀྱི་ལྷད་མེད་ཀྱི་ལྷག་བསམ་དང་བཅོས་མིན་གྱི་བརྩེ་སེམས་དང་ལྷན་ དུ་བདག་གི་འཇིག་རྟེན་མི་ཡུལ་འདིའི་འཚོ་བ་ལ་རོལ་མྱོང་བྱེད་པའི་གོ་སྐབས་ལྡན་བྱུང་།
ལོ་ཟླ་ནི་ཆུ་བོ་ལྟར་བར་མཚམས་མེད་པར་འཁོར་བའི་ཁྲོད་དུ། ཁྱེད་ཀྱིས་བདག་གི་ཆེད་དུ་ཡོད་
ཚད་ཀྱི་ཡོད་ཚད་འབུལ་འདོད་ཀྱི་སེམས་པ་འདི་ཇི་འདྲའི་རླབས་ཆེན་ཞིག་རེད་ཨང་། འདས་སོང་གི་ལོ་ཟླ་ འདི་དག་ལ་ཕྱིར་འདང་ཞིག་བརྒྱབ་ཚེ། ངའི་ཁྲ་ཆུང་མིག་མཐའ་རུ་ཆུ་ཞགས་དབང་མེད་དུ་འཁོར་ཡོང་ ། དེ་ནི་ཁྱེད་ཀྱིས་བསྒྲུབས་པའི་གྲངས་མེད་ཀྱི་བྱ་བཞག་ཐམས་ཅད་ནི་ངའི་ཆེད་དུ་ཡིན་ལ། ངའི་དོན་དུ། ཁྱེད་ཀྱི་ཉམ་ཆུང་གི་ཚེ་སྲོག་དེ་མཐའ་ཡས་རྩྭ་ཐང་གི་རི་ལུང་ཐང་གསུམ་ནས་ཟད།
རེད་ཡ། འདི་དག་བསམ་ཚེ། ངས་ཁྱེད་ལ་དགའ་བ་ཞིག་བསྐྱེད་ཆེད་བདེ་ལྕུག་གི་ཉམས་འགྱུར་
མེད་ཀྱང་ལག་རྡང་གི་སྐོར་བྲོ་ཞིག་འཁྲབ་འདོད་ཀྱི་འདུན་པ་དྲག་ཏུ་འཕྱུར་ལ། རྩོམ་འབྲི་ཡི་ནུས་པ་ཞན་ ཡང་སྙན་མོ་ཚིག་གི་བསྟོད་གླུ་ཞིག་འབུལ་འདོད་ཀྱིས་བསམ་པ་ངང་གིས་སྐྱེས།
69
བྱ་ཆུ་དཀར་མོའི་འགྱུར་ལྡོག བོན་སྐོར་བཙུན་ཐར་རྒྱལ།
བདེན་དོན་དང་དྲང་བཞག་གི་གནས་ལུགས་བརྩི་བའི་བསིལ་ལྡན་གངས་རིའི་ལྗོངས་ཀྱི་ཡུལ་གྲུ་
འདིར་ང་ཚོ་འཚོ་སྡོད་ཀྱི་ལྟེ་བར་གྱུར་ཡོད་ལ།
དེ་ཡང་བྱ་ཆུ་དཀར་མོའི་རླབས་ཕྲེང་གར་ལ་རྩེན་པའི་བྱ་
ཆུའི་འགྲམ་རྒྱུད་ཀྱི་འབྲོག་ཁྱིམ་དཀྱུས་མ་ཞིག་ཏུ་སྦྲ་ནག་གྲུ་བཞི་དང་དྲི་བསུང་འཐུལ་བའི་རྩྭ་ཐང་ནས་ འཚར་ལོངས་བྱུང་བ་ཡིན་ཞིང་།
ལས་ཀྱིས་བསྡུས་པའི་སློབ་བུ་དག་དང་མཉམ་དུ་ཀ་ཁའི་བསྟར་ཕྲེང་གི་
དབྱངས་རྟ་ངག་ལ་གྱེར་བཞིན་ཤེས་བྱའི་ཐང་ཆེན་དུ་ཤེས་རིག་གི་མེ་ཏོག་འཐུ་བཞིན་མཆིས།
འདི་ལྟར་ལོ་ཟླའི་འཁོར་སྐྱོད་དང་མཉམ་དུ་རང་ཡུལ་ཕྱུག་མོའི་ཕྱོགས་ཀྱི་མར་དྲི་དང་རྩམ་དྲི་མ་
ཡལ་བའི་རྩྭ་ཐང་དེ་ནས་ཀྱག་ཀྱོག་གི་རྐང་ལམ་ཕྲ་མོ་དེ་བརྒྱུད་ནས་བྱ་ཆུ་དཀར་མོའི་ཉེ་འགྲམ་དུ་ནགས་ ཚལ་བརྒྱུད་ནས་འགྲོ་དགོས་ལ། དེར་བརྒྱུད་སྐབས་བྱ་བྱེའུ་ཡིས་གསུང་སྙན་སྒྲོག་བཞིན་ཨ་སྔོན་དབྱིངས་ སུ་ཐང་དཀར་རྒོད་པོས་ལྡིང་སྐོར་རྒྱག་བཞིན་འདུག་ལ། རྐང་དྲུག་བུང་བ་དགའ་བདེ་དཔལ་ལ་རོལ་ཞིང་ སེར་ཆེན་མེ་ཏོག་གི་འདབ་བརྒྱ་ཡོངས་སུ་གྲོལ་བའི་ངང་ཚུལ་ལ་རོལ་བ་དང་། ནགས་ཚལ་དེའི་མཐའ་ ནས་ལེ་བར་ཁ་ཤས་མཚམས་སུ་ཁེར་སྐྱེས་ལྗོན་ཤིང་ཞིག་གིས་ང་ཚོར་རེ་སྒུག་བྱེད་པ་ལྟར་ཡོད་ལ། དེ་ ནས་ང་ཚོས་ནམ་རྒྱུན་ངལ་གསོ་ཅུང་ཙམ་བྱས་རྗེས་རང་སྡེ་ཕྱུག་མོའི་ཉེ་འདབས་སུ་སླེབས་པ་ཡིན། དུས་ སྐབས་ཤིག་ནས་ས་དེ་གའི་ནགས་ཚལ་དང་རི་སྐྱེས་སྲོག་ཆགས་ལ་གནོད་པ་ཚབས་ཆེན་ཐེབས་པ་དང་། ལྗང་མདོག་གི་གཡུ་ལོ་རྒྱུས་པའི་ནགས་ཚལ་དེ་ཐར་ཐོར་དུ་གནས་ཤིང་ང་ཚོའི་ངལ་གསོ་བྱེད་སའི་གསོམ་ སྡོང་དེ་ཡང་རྩད་པ་མ་གཏོགས་གཅིག་ཀྱང་མ་ལུས་པར་བྱས་སོ།།
ངའི་ཕ་ཡུལ་གྱི་ཁོར་ཡུག་འདི་ལྟར་ལྗང་མདོག་གི་ཞིང་ཁམས་ནས་དམྱལ་བར་ལྷུང་བ་ལྟ་བུའི་
འགྱུར་ལྡོག་བྱུང་བ་རེད། དེའི་རྗེས་སུ་རང་རྒྱལ་གྱི་རང་བྱུང་ཁོར་ཡུག་སྲུང་སྐྱོབ་ཀྱི་ལས་ལ་གཉེར་བའི་ མི་ཁ་ཤས་ཀྱིས་རི་སྐྱེས་སྲོག་ཆགས་སྲུང་སྐྱོབ་དང་ཁོར་ཡུག་ལྗང་མདོག་ལྡན་པར་བྱ་རྒྱའི་འཆར་གཞི་དང་ ཇུས་འགོད་བྱེད་བཞིན། ས་ཡི་དཀྱིལ་འཁོར་འདི་མདངས་དང་ལྡན་པ་ཞིག་ཏུ་འགྱུར་བར་ཧུར་བརྩོན་བྱེད་ བཞིན་མཆིས།
70
དུས་ཚོད་དང་ཤེས་ཡོན། མགོ་མང་རྡོར་བྷ་སྐྱིད།
དེ་ཡང་དབུགས་ལྡན་སུ་ཞིག་ཡིན་རུང་། རང་རྒྱད་ལ་ཡོན་ཏན་ཞིག་འབྱོར་དགོས་བར་བསམ་
ཚེ། དེ་ནི་ཐོག་མར་དུས་ཚོད་དམ་འཛིན་དང་གཅེས་སྤྲས་བྱེད་དགོས་པ་དེ་ཡིན། དེ་བས། ང་ཚོ་སློབ་བུ་ རྣམས་ནི་ནམ་ཡང་དུས་ཚོད་དང་འགྲན་རྒྱུགས་བྱེད་དགོས་པས་སོ།།
ཡིན་ནའང་། དུས་ཚོད་ནི་ཇི་འདྲའི་རྩ་ཆེན་ཞིག་ཡིན་ཡང་། མིག་སྔར་དོན་དངོས་སུ་དུས་ཚོད་ལ་
གཅེས་སྤྲས་དང་བཀོལ་སྤྱོད་བྱེད་མཁས་པའི་མི་ནི་དེ་འདྲའི་མང་པོ་ཞིག་མེད།
སློབ་གྲོགས་ལ་ལས་དུས་
ཚོད་ནི་རྫོགས་མཐའ་མེད་པརའདོད་པ་ནི་མགོ་འཐོམ་པའི་རྨི་ལམ་རེད། ང་ཚོས་སློབ་གྲོགས་འདི་དག་ལ་ ཁྱོད་ཚོས་བསམ་ཚུལ་དེ་འདྲ་འཛིན་མི་རུང་ཞེས་གསལ་བརྡ་གཏོང་དགོས། ཁོང་ཙི་དྲག་ཏུ་རྒྱུག་བཞིན་ པའི་གཙང་འགྲམ་དུ་འགྲེངས་ནས་ཤུགས་རིང་འབྱིན་བཞིན་འདས་དོན་ནི་གཙང་བོའི་རྒྱུན་དང་འདྲ་ཞེས་ བཤད་མྱོང་།
དེའི་ཕྱིར། ཤེས་ཡོན་ཡང་དུས་ཚོད་ལྟར་དེ་འདྲའི་རྩ་ཆེན་ཞིག་ཡིན་ཡང་། འདས་ཟིན་པའི་ལོ་
ཟླའི་འཁོར་སྐྱོད་དང་དུས་འགྱུར་གྱི་ཀློང་ནས་དེ་ལ་སློབ་སྦྱོང་དང་འགྲན་རྩོད་བྱེད་ཐབས་མེད་པས་ངོ་མ་ ཡིད་རེ་སྐྱོ།
རྒྱུ་མཚན་དེ འི ་ དབང་གི ས ་སློ བ ་བུ་རྣམས་ཀྱི ་ དུས་ད་ནས་བཟུང་སྟེ ་ དུས་ཚོ ད ་དང་ཤེ ས ་ཡོ ན ་
གཉིས་ཟུང་དུ་འབྲེལ་ཏེ། རང་ཉིད་འཇོན་ཐང་ཅན་ཞིག་ཏུ་བསྒྱུར་དགོས།
ཡིན་ཡང་།
རང་ཉིད་འཇོན་ཐང་ཅན་དུ་བསྒྱུར་བའི་གོ་རིམ་ཁྲོད་དུ་དཀའ་ཁག་གང་མང་ཞིག་
དང་སྡུག་བསྔལ་གང་མང་ཞིག་ལའང་འཕྲད་སྲིད། འོན་ཀྱང་། ང་ཚོ་དཀའ་ཁག་དེ་དག་ལས་རྣམ་པར་རྒྱལ་ དགོས་ན། དུས་ཚོད་དང་ཤེས་ཡོན་གཉིས་ཟུང་འབྲེལ་བྱས་ཏེ། རང་ཉིད་འཇོན་ཐང་ཅན་ཞིག་ཏུ་འགྱུར་ བར་བརྩོན་ལེན་བྱེད་དགོས་སོ།།
71
བརྩེ་དུང་གི་མངར་ཁ། བོན་སྐོར་ལྕགས་བྱམས་རྒྱལ།
ངའི་ཡིད་འོང་གི་སྐྱེད་ཚལ་རྭ་བ་ན།
དུངས་སེམས་ཀྱིས་བསླུས་ཤིང་མཛེས་སྡུག་གིས་ཕྱུག་པའི་
ན་ཆུང་མ། གཞན་ཕན་ལ་བརྩོན་ཞིང་སྙན་ངག་ལ་དུང་བའི་སྙིང་སྡུག་མ། ལོ་ཟླ་ནམ་ཞིག་དང་དུས་ཚོད་ག་ ཚོད་ཡིན་པ་མི་དྲན་མོད། གང་ལྟར། ཁྱེད་ངའི་སྙིང་ཁོངས་ནས་ཆུ་བོ་བཞིན་ཤག་ཤག་བཞུར་ལ། མཁའ་ ནས་བརྡོལ་བའི་ཁ་བའི་མེ་ཏོག་ལྟར་ངའི་སེམས་ཁོང་ལ་བབས་དུས།
ངས་ཁྱེད་ལ་སྦ་གསང་མེད་པར་
སེམས་ཀྱི་སྙིང་གཏམ་ཡོད་ཚད་བཤད།
དུས་དེ་ནས་བཟུང་། ང་ཆེས་ཐོག་མའི་བརྩེ་དུང་གི་གར་སྟེགས་ཞིག་ལ་བུད་ནས། བརྩེ་དུང་ཞེས་
པའི་ཐ་སྙད་ཅིག་ལ་མནོ་བསམ་བཏང་བཞིན་བརྩེ་དུང་གི་ལེའུ་ཞེས་པའི་མུ་འབྲེལ་གཏམ་རྒྱུད་ཅིག་ལ་ དབུ་ཁྱུད་བྲིས། ཉིན་དེ་ནས་བཟུང་། ངའི་དྲན་ཤིང་གི་མེ་ལོང་ངོས་སུ་བཞད་ཡོད་པ་ནི་ཡིད་འོང་གི་མེ་ཏོག་ ཁྱེད་ཡིན་ལ། ངའི་དྭངས་གཙང་སེམས་ཀྱི་མཚོ་མོའི་ནང་གི་གསེར་མིག་ཉ་མོ་དེའང་ཁྱེད་ཡིན། ན་ཆུང་མ། ཁྱོད་ཀྱི་དུང་ཟླ་ལྟ་བུའི་འཛུམ་མདངས་དེས་ངའི་སྙིང་ཁོང་ལ་བརྩེ་དུང་གི་རྨ་ཁ་བཟོས་ལ། འོ་དྲི་ལས་མངར་ བའི་ལྷད་མེད་ཀྱི་མཛའ་བརྩེ་དེ་ཡིས་ངའི་སེམས་པའི་དྲན་ངོགས་སུ་བརྩེ་དུང་གི་སྙན་ངག་བྲིས།
ཕན་ཚུན་གཅིག་ཏུ་འདྲིས་པའི་ལོ་ཟླའི་བང་རིམ་ཁྲོད། ངའི་ཁྲ་ཆུང་མིག་གིས་བལྟ་ས་དང་། དར་
ལུང་རྣ་བས་ཉན་ས་ནི་འཕྱོར་སྒེག་གིས་སྤྲས་པའི་ན་ཆུང་མ་ཁྱེད་ཡིན་ལ། གངས་དཀར་སེམས་ཀྱིས་གཏད་ སའང་ན་ཆུང་མ་ཁྱོད་ལས་སུ།
72
ཕ་ཡུལ་གྱི་ལམ་ཕྲན་དེ། གནམ་ཕྱུག་འབུམ།
མདོ་དབུས་མཐོ་སྒང་སྟེང་འཚོ་བ་རོལ་བཞིན་པའི་མི་རྣམས་ལ་མཚོན་ན།
དབྱར་ཁའི་དུས་
ཚིགས་ནི་ལོ་རེའི་ཆེས་སྐྱིད་པའི་དུས་ཚིགས་ཤིག་ཡིན་ལ། དབྱར་དུས་སུ་ཕྱུགས་རིགས་ཀུན་ལ་ཤ་ཤེད་རྒྱས་ ཤིང་ཆར་ཆུ་དུས་སུ་བབས་ནས་ལོ་ལེགས་འབྱུང་བས་ཀུན་གྱིས་རེ་སྒུག་དང་རེ་སྨོན་བྱེད་པའི་དུས་བཟང་ ཞིག་ཡིན།
ལྷག་པར་དགེ་སློབ་གང་ལ་མཚོན་ནའང་དབྱར་གནང་གི་གོ་སྐབས་འདིར་སྐོམ་པ་ཆུ་འདོད་
བཞིན་རྒྱང་འབོད་དང་རེ་ལྟོས་བྱེད་བཞིན་བདའ།
ད་ལོའི་དབྱར་གནང་གྲོལ་མ་ཐག་ང་ཚོ་ནི་གཟེབ་ལས་ཤོར་བའི་བྱེའུ་ཇི་བཞིན་དགའ་སྤྲོའི་དགོད་
སྒྲ་གང་སར་ཁྱབ་ཅི ང ་རང་དབང་གི ་ གཤོ ག ་ཟུང་ལྷོད་པོ ་ ཤུགས་ཀྱི ས ་བརྡེ བ ས་ནས་མཐོ ང ་ཡངས་པའི ་ མཁའ་དབྱིངས་སུ་ལྡིང་སྐོར་བྱེད་མགོ་བརྩམས།
ང་རང་ཕ་ཡུལ་གྱི་ལམ་ཕྲན་དེ་དེད་ནས་ཕྱིར་ཕ་ཡུལ་ལ་
ལོག སྔོན་ཆད། ལམ་ཕྲན་དེ་ནི་འགྲིམ་འགྲུལ་སྟབས་མི་བདེ་བའི་ཀྱག་ཀྱོག་གི་ས་ལམ་སྐྱ་བོ་ཞིག་ཡིན་ལ། དེ་ དུས་ང་རང་ལམ་ཕྲན་དེ་བརྒྱུད་ནས་ཕྱུགས་རྫི་ལ་འགྲོ་བའམ་ཁྱིམ་མཚེས་རུ་སྐོར་ལ་རུ་ཉུལ་བྱེད་དུ་འགྲོ་ མྱོང་། ལམ་བར་དུ་ཧ་ཅང་ལྷིང་འཇགས་དང་བདེ་འཇགས་ཡིན། རྒྱུན་པར་སྐྱ་མི་དང་རྐང་ཐང་བ། ཤིང་རྟ་ སོགས་འགའ་རེ་བགྲོད་པ་ལས་གཞན་མི་འདུག འོན་ཀྱང་། བྱིས་དུས་ཀྱི་ལང་ཚོ་ནོར་གནག་དང་འགྲོགས་ ཏེ་རང་ལོ་དགུ་ལ་སོན་དུས།
ཚན་རིག་དང་སྤྱི་ཚོགས་ཞེས་པར་གོ་རྟོགས་དེ་འདྲ་མེད་ནའང་།
ཀྱི་བཟོ་སྐྲུན་ཞིག་ནི་ངས་ནམ་ཡང་བརྗེད་མི་ཐུབ།
དེ་དུས་
དེ་ནི་ཕ་ཡུལ་གྱི་ལམ་ཕྲན་སྐྱ་བོ་དེ་གཞི་ནས་འཛུགས་
བསྐྲུན་བྱས་ཏེ་ཁོད་ཞེང་ཆེ་བའི་ཟེགས་ལམ་ཞིག་ཏུ་བསྒྱུར།
དེ་ནི་སྔོན་ཆད་ཀྱི་ལམ་ཕྲན་ལས་བདེ་ཁོད་
སྙོམས་ཤིང་འགྲིམ་འགྲུལ་ཧ་ཅང་སྟབས་བདེ་བའི་གཞུང་ལམ་ཆེན་མོ་ཞིག་ཡིན། སྐབས་དེར། མཐའ་འཁོར་ གྱི་མི་ཚོགས་འུར་ཟིང་ཆེ་ཞིང་ཟེགས་སྐྱེལ་རླངས་འཁོར་དང་རྐང་གསུམ་འཁོར་ལོ་ལྟ་བུའི་འཕྲུལ་ཆས་ཀྱི་ ནུས་ཤུགས་ལ་ངོ་མཚར་སྐྱེས་ཤིང་ཡིད་སྨོན་བྱེད་ཀྱིན་འདུག ང་དང་བྱིས་པ་རྣམས་ཕར་ཞོག ཐ་ན་སྡེ་བའི་
73
སྡེ་དཔོན་སོགས་ཀྱང་རུབ་ནས་འདུག
དེ་ལྟར་ཟླ་ཕྱེད་ཅིག་འགོར་རྗེས་གཞུང་ལམ་དེ་ཡོངས་སུ་འཛུགས་
སྐྲུན་བྱས་ཚར། དུས་དེ་ནས་བཟུང་སྡེ་བའི་ནང་དུའང་འགྱུར་ལྡོག་ཅུང་ཟད་རེ་མངོན། དཔེར་ན། སྦྲ་ནག་ གི་གྲོང་ཚོའི་གསེབ་ཏུ་སྡོད་ཁང་འགའ་རེ་བཟོ་བསྐྲུན་བྱས། ད་དུང་གཞུང་ལམ་དེའི་སྟེང་དུ་ལྕགས་རྟ་དང་ འཕྲུལ་རྟ་འགའ་རེ་བསྐྱོད་པ་མཐོང་ཐུབ། དེ་དང་ཆབས་ཅིག ལོ་དེ་ནས་བཟུང་ང་དང་རྩེད་གྲོགས་དག་ ཀྱང་གཞུང་ལམ་དེ་བརྒྱུད་ནས་ལོ་དགུའི་འོས་འགན་སློབ་གསོའི་རྩ་ཁྲིམས་དང་ལེན་བྱེད་པའི་སློབ་བུ་ཞིག་ ཏུ་གྱུར། ནམ་རྒྱུན་གྱི་སྐྱ་རེངས་དང་ལྷན་དུ་ལམ་བུ་དེར་ཞུགས་ཤིང་དགོང་ཁའི་མཚམས་སྤྲིན་གྱི་ཡོ་ལངས་ རྒྱས་དུས་ཡང་བསྐྱར་ལམ་ཕྲན་དེ་བརྒྱུད་དགོས། དེ་ལྟར་ལམ་ཕྲན་དེ་ནི་ངའི་ཉིན་མོ་གཅིག་གི་ཟིན་བྲིས་སུ་ བཏབ་པའི་དབུ་ཁྱུད་ཅིག་གམ་བཞི་ཤད་ཅིག་ཏུ་གྱུར། གང་ལྟར་དེ་ནས་བཟུང་ང་དང་ལམ་ཕྲན་དེ་གཉིས་ བར་ངོ་མཚར་བའི་བྱིས་སྒྲུང་གང་མང་ཞིག་བྱུང་བ་ངས་ཀྱང་ཚོད་དཔག་བྱེད་དཀའ། ལམ་ཕྲན་དེ་བརྒྱུད་ ཐེངས་རེར་ང་ལ་སློབ་གྲོགས་ཚོར་བརྗོད་མི་ཚར་བའི་མཐོང་ཐོས་ཀྱི་གསར་འགྱུར་གང་མང་ཞིག་དང་སྨྲ་ མི་ཤེས་པའི་ངོ་མཚར་གྱི་གསང་བ་གང་མང་རེ་མཆིས། ལམ་འགྲམ་གྱི་སྦྲ་ནག་གི་ཚོགས་པ་དང་འོ་ཞོ་ཡི་དྲི་ ངད། ན་ཆུང་གི་རྫི་གླུ། ད་དུང་སྒེག་ལྡན་མའི་འཆོར་གོས་བསང་དད་ཀྱི་དུ་ཞགས་སོགས་ནི་ངའི་མཐོང་ཐོས་ སུ་གྱུར་བའི་གསར་འགྱུར་གྱི་རྒྱུ་ཆ་གཙོ་བོ་དག་རེད།
དེ་ལྟར་ང་རང་ལམ་ཕྲན་དེ་བརྒྱུད་པའི་དུས་ཡུན་
རིང་བས་རྐང་མཐིལ་ལ་ན་བའི་ཟུག་གཟེར་ལངས་ཀྱང་སློབ་གྲྭ་ཞེས་པའི་འཁོར་ཡུག་དེར་དུང་བའི་དབང་ གིས་ལོ་ཟླའི་འཁོར་བསྐྱོད་ཀྱི་བརྩེགས་རིམ་གང་མང་ཞིག་བརྩེགས་པའི་དེ་རིང་གི་དུས་ལ་འང་ང་སྔར་ བཞིན་ལམ་ཕྲན་དེར་ཞུགས་ཀྱིན་འདུག
འོན་ཀྱང་། ད་ལྟ་ང་ཞུགས་ཟིན་པའི་ལམ་ཕྲན་དེ་ནི་བདེ་ཁོད་སྙོམས་པའི་སྣུམ་ལམ་ཆེན་པོ་ཞིག་
ཡིན། དེ་རིང་ངས་མཐོང་བ་ནི་སྦྲ་ནག་གི་གྲིབ་གཟུགས་མིན་པར་ཁང་ཤར་གྱི་བསྟར་ཕྲེང་རེད། ད་དུང་ །
ངས་ཐོས་པ་ནི་ཆོས་དུང་གི་གསུངས་དབྱངས་མིན་པར་འཕྲུལ་འཁོར་གྱི་དུང་སྒྲ་རེད།
དེ་ལས་གཞན་
ངས་མཐོང་བ་ནི་གཞུང་ལམ་སྟེང་འགྱེལ་བའི་སྟག་ཤར་ཚོའི་བེམ་པོ་དང་འཁོར་སྒྲོམ་ལ་བཅུག་པའི་འབྲི་ གཡག་གི་ངུ་འབོད། དེ་མིན་རྫས་འགྱུར་གྱིས་མནར་བའི་རྩྭ་ཐང་གི་སྐྱོ་ཉམས་སོགས་ཡིན་ལ། ངས་ཐོས་པ་ ནི་སྦྲགས་སྐད་ཀྱིས་རྩོད་གླེང་གི་འཁོན་སྒྲ་ཡིན་པ་དང་ཁེར་རྐྱང་དུ་ལུས་པའི་དར་ལྕོག་གི་སྨེ་ངག
དེ་མིན།
མཚེར་ཤུལ་དུ་སྤྱུགས་པའི་རྟ་རྒན་གྱི་སྐྱོ་གླུ་སོགས་སྐྱོ་གདུང་གི་འཁུན་སྒྲ་གང་མང་རེད།
འདི་ལྟར། ལམ་ཕྲན་དེ་ནི་ངའི་དབྱར་ཟླ་ཞིག་གི་བསམ་གཞིགས་ལ་སྒོམ་ཞིང་མི་ཚེ་གཅིག་གི་ཚད་
ཐིག་ཏུ་གྱུར་ནས་མི་རིགས་ཤིག་གི་འབྱུང་འགྱུར་ལ་ཚོད་འཛིན་དང་བཀག་རྒྱ་ཐེབས་ཟིན།
74
རློམ་མི་ཐུབ་པའི་མི། བཀྲ་ཤིས་བཟང་མོ།
བདེན་རྫུན་གྱི་གསང་མིག་དེ་བརྟོལ་ཕྱིར་ང་རང་མུ་མཐུད་རྗེས་འདེད་བྱས། ཡུན་ཐུང་གི་མི་ཚེའི་
རྐང་ལམ་ཕྲ་མོའི་དེའི་ཆེད་དུ་ང་རང་ནམ་ཡང་མགོ་བོ་སྒུར་མི་སྲིད།
ཡིན་ནའང་།
རང་ཚུགས་ཀྱིས་མི་
ཐུབ་པའི་ཐེ་ཚོམ་ཞིག་སྐྱེས་ནས་ང་རང་གློ་བུར་འདུག་ཏུ་བཅུག དེ་དུས་མི་རྟག་ལོ་ཟླའི་འཁོར་བསྐྱོད་དེའི་ དབང་གིས་ཡང་བསྐྱར་ཡུད་ཙམ་ལ་རྗེས་འདེད་བྱས།
རློམ་མི་ཐུབ་པའི་མི་ངས་རློམ་མི་ཐུབ།
དབྱེ་འབྱེད་ཀྱི་ལྡེ་མིག་དེས་ང་རང་གང་དུ་སྒུག་ཡོད་པ་
ངས་མི་རྟོགས མགོ་བོ་མག་མོག་གི་ཀློང་རིམ་དུ་འཐོམས་པའི་བར་སྐབས་འདིར་ངས་ཅི་ཡང་མི་རྟོགས། ཅི་ ཡང་མི་རྟོགས་པའི་བགྲང་བྱ་བཞི་ཡི་ལོ་ཟླ་འདི་ལྟར་རྒྱང་དུ་བཞུད།
བཞུད་ཟིན་པའི་ལོ་ཟླའི་ནང་ན་ཟུག་
གིས་ཁེངས་པའི་སེམས་གཏམ་འདི་དག་སུ་ཞིག་གིས་ང་ལ་བསྩལ་བའི་སྐྱོ་སྣང་ཡིན།
དུས་ད་ལྟ་ང་རང་སྨག་རུམ་གྱི་བྱང་ཐང་ནས་སད་དེ།
སྟོབས་ཤུགས་ཀྱིས་ཁེངས་པའི་འོད་སྣང་
དེའི་ཕྱོགས་སུ་བསྐྱོད་འདོད་ལ། ད་དུང་གསང་མིག་དེ་བརྟོལ་འདོད་ཀྱི་འདུན་པའང་ངམ་ངམ་ཤུགས་སྐྱེས་ བྱུང་།
ལྷད་མེད་ཀྱི་བརྩེ་སེམས་དྭངས་མ། ཐར་ཤུལ་བདེ་མཆོག་སྐྱིད།
སྟོད་ཕྱོགས་ཕྱོགས་བཞིར་མུ་ཁྱུད་ཀྱི་བརྗིད་ཆགས་རི་བོས་བསྐོར་བའི་མཛེས་ལྗོངས་ཀྱི་པང་དུ་
ལང་ཚོའི་འདབ་མ་གྲོལ་བའི་ངའི་བརྩེ་ལྡན་གྱི་ཨ་མ་ལགས། ཁྱེད་ཀྱི་བརྩེ་སེམས་དྲོན་མོས་ང་ལ་འཛད་མེད་ ཀྱི་སྟོབས་ཤུགས་སྦྱིན་སོང་། སྨད་ཕྱོགས་མུ་སྦྲེལ་གྱི་ཁང་བརྩེགས་སུ་འགྲན་རྩོད་ཀྱི་མེ་ལྕེ་འབར་བ་དང་། ང་ རང་ཁང་བརྩེགས་མཐོན་པོ་ཞིག་གི་བར་གསེང་ཞིག་ནས་དཔེ་ཀློག་གི་དབྱངས་རྟ་གྱེར་དུས་ལན་རེར་ཁྱེད་ 75
ཀྱི་སྐུ་བརྙན་ངའི་དྲན་པའི་མེ་ལོང་ངོས་སུ་ཝ་ལེར་ཤར་བྱུང་། རེད་ཡ། གྲངས་མེད་ཀྱི་ལོ་ཟླའི་བར་ནས་ཁྱེད་ རང་ཡང་རྒས་ཀྱིན་འདུག ངོ་མ། རྒས་ཀྱིན་འདུག སྔོན་ཆད་ཁྱོད་ཀྱི་ལང་ཚོ་ནི་བཅུ་དྲུག་ལང་ཚོ་ཡི་འདབ་ ལག་རྒྱས་ལ། སེར་ཆེན་མེ་ཏོག་བཞིན་བཀྲག་མདངས་ལྡན་ལ་ཕྱེ་ལེབ་སྒེག་མོ་བཞིན་འཕྱོར་ཉམས་ལྡན། ངའི་མ་ཡུམ་ལགས། ཁྱེད་རང་སྦྲ་ནག་གྲུ་བཞི་ཡི་གཡས་གཡོན་ནས་གཡང་དཀར་ལུག་ཁྱུའི་འབའ་སྒྲ་དང་ ཐུལ་དཀའ་འབྲི་མོའི་བཞོ་དབྱངས་དང་མཉམ་དུ།
དབྱར་གཞུང་མཛེས་སྡུག་གི་ཀློང་ན་འཁྱམ་པའི་ཕུག་
རོན་དཀར་མོ་ལྟ་བུའི་བུ་མོ་ང་ལ་རེ་ལྟོས་ཀྱི་མིག་ཟུང་ཆེར་ཅེར་ནས་མི་ཚེ་ཡི་ཕྱེད་ཀ་འདས་ལ་ཟིན་འདུག རྟ་ནོར་ལུག་གསུམ་ཆུ་འཛིན་གྱི་ཡོ་ལང་དང་སྦྲ་གུར་ཚོམ་བུ་མེ་ཏོག་གི་ཕྲེང་བ་རུ་ཁྱེད་ཀྱིས་ནོར་ནག་གི་ རྗེས་འབྲངས་ནས་མི་ལོ་ཡི་ཕྱེད་ཀ་འདས་ཟིན། ཡིན་ནའང་། ཁྱེད་ཀྱི་ལྷད་མེད་ཀྱི་བརྩེ་སེམས་དྭངས་མ་ ཡིས་ང་ལ་ཞུམ་པ་མེད་པའི་སྙིང་སྟོབས་བསྩལ་སོང་།
ཁྱེད་ཀྱི་གསུང་སྐད་རེ་རེ་ནི་སྙན་འཇེབས་ཀྱི་པི་ཝང་དང་འདྲ་ལ། ཁྱེད་ཀྱི་འཛུམ་མདངས་རེ་རེ་
ནི་གསེར་མདོག་གི་ཉི་གཞོན་དང་འདྲ། ཁྱེད་ནི་ངའི་སེམས་ཁོངས་ཀྱི་ཁྲི་གདུགས་ཉི་མ་དང་འདྲ་ལ། དབྱར་ གསུམ་ཆར་ཆུ་དང་དགུན་གསུམ་གྲང་ངར་གྱི་བར་གསེང་ན་ཁྱེད་ནི་ནམ་ཡང་ཞི་ཞིང་དུལ་བ་ཞིག་རེད། དེ་ ལས་ང་ལ་ནག་ནོག་གི་དྲི་མས་མ་གོས་པའི་ལྷད་མེད་ཀྱི་བརྩེ་སེམས་ཤིག་སྦྱིན་སོང་། ལམ་རེར་དཀའ་ཁག་ ལ་ཕྲད་དུས་ཁྱེད་ཀྱིས་ང་ལ་དྲོད་ཁོལ་གྱི་ལག་པ་བརྐྱངས་ཏེ་རོགས་རམ་བྱེད་ངེས་ཡིན།
དེ་དུས་ཁྱེད་ནི་
ངའི་མི་ཚེ་ལ་སྣེ་ཁྲིད་བྱེད་པའི་ལམ་སྟོན་གྱི་སྒྲོན་མེ་བཞིན་ནམ་ཡང་འོད་སྣང་ལྡན། གལ་ཏེ་ཁྱེད་ནི་སྔོ་ལྗང་ གཡུ་ལོ་དེ་ཡིན་ན། དེ་ནི་བཀྲག་མདངས་རབ་ཏུ་རྒྱས་པའི་གཡུ་ལོ་ཡི་འདབ་མ་རེ་རེ་དང་མཚུངས། དྲིན་ཆེན་གྱི་ཨ་མ་ལགས། ཁྱེད་ཀྱིས་ང་ལ་སྦྱིན་པའི་ལྷད་མེད་ཀྱི་དྭངས་གཙང་གི་བརྩེ་སེམས་རེ་རེ་ནི་ཞིམ་ མངར་ལྡན་པའི་འོ་མ་དཀར་པོ་དང་འདྲ་ལ། དེ་མེད་ན་ངའི་མི་ཚེ་ཡི་སྤྲོ་སྣང་ཡལ་བ་དང་འདྲ།
76
རླུང་ཁ་ན་བསྐྱོད་པའི་ཨ་མ། མགོན་པོ་ཐར།
ཨ་མ་ནི་རླབས་ཆེན་གྱི་མགོན་སྐྱབས་དང་མི་ཚེ་འདིའི་དྲིན་ཆེན་ཡིན་ལ། འཇིག་རྟེན་འདིའི་སྟེང་
རིན་ཐང་བྲལ་བའི་ནོར་བུ་ལྟ་བུ་ཞིག་ཀྱང་ཡིན་ལ། མི་ཚེ་གང་གི་རིང་ལ་ཤེས་རིག་གི་འཇོན་ཐང་མེད་ཀྱང་ ལྷག་བསམ་དཀར་བོའི་རང་མདངས་དང་བྱམས་བརྩེ་དྲོན་མོའི་རང་ནུས་ཀྱིས་གཅེས་ཕྲུག་ངའི་ལང་ཚོ་ལ་ འབྲས་བུ་སྨིན་དུ་བཅུག ཁེངས་ལ།
ཁོ་མོའི་བརྩེ་སེམས་ཀྱི་ཁ་ཏ་སློབ་གསོ་དྭངས་མོས་ངའི་རེ་སྨོན་ལ་ཡིད་ཆེས་ཀྱིས་
འབྱུང་འགྱུར་ལ་ཁ་གཡང་བཀྲ་ཤིས་རེ་བོས་ཏེ།
ལམ་ཐག་རིང་བོ་ཞིག་ལ་བགྲོད་པའི་ཚེ་ཁོ་
མོས་ཕྱག་ཟུང་གིས་ངའི་མགོ་ལ་བྱིལ་བྱིལ་བྱེད་དུས། ངའི་བྲང་ཁོག་ལ་བྲེད་ཤ་ཞིག་ངང་གིས་སྐྱེས་བྱུང་ལ་ དོན་ལྔ་སྣོད་དྲུག་གི་བར་གསེང་དུ་འཁྱག་སིབ་སིབ་ཅིག་བྱས་སོང་། མ་གཞི་ཁོ་མོས་ང་ལ་སྙིང་གཏམ་ཅིག་ བརྗོད་བྱུང་མ་ཡིན་ནམ།
ང་རང་ཆུང་དུས་ནས་མཐོ་སྒང་གི་སུ་རུ་མེ་ཏོག་ཇི་བཞིན་ཨ་མའི་པང་རུམ་དང་མཐུ་འོག་ནས་
དཀའ་སྡུག་གང་མང་ཞིག་མྱང་ཞིང་ཁོ་མོ་དང་གཏན་དུ་གྱེས་ཐུབ་མེད་ནའང་སྤྱི་ཚོགས་ཀྱི་སྒུལ་ཤུགས་ དང་ཚན་རིག་གི་འཕེལ་རྒྱས་དང་བསྟུན་ནས་སློབ་གྲྭར་འགྲོ་བའི་འགོ་ཡང་བརྩམས་བྱུང་། ལུག་བལ་གྱིས་ བཅོས་པའི་ཉལ་ཐུལ་གཙང་མ་ཞིག་དང་བལ་གདན་འཇམ་པོ་བསྡུ་གསོག་བྱས་ལ་ད་དུང་ས་རྡུལ་གྱིས་ ཁེངས་པའི་སྟོད་གོས་ཧྲལ་ཧྲུལ་གྱི་ཨམ་ཕྲག་ལས་སྒོར་ལྡོག་འགའ་བླངས་ཏེ་ངའི་བྲང་ཁའི་ཨམ་ཕྲག་ཏུ་ བཅུག་ནས་ཁ་བཙེམ་བྱུང་། ད་དུང་ཆང་བ་ལིའི་སིལ་ཏོག་འགའ་དང་འོ་མའི་ཀ་ར་ཉུང་ཙམ་ཞིག་བླངས་ཏེ་ སྙིང་རྗེ་བའི་དཔེ་ཁུག་ནང་དུ་བཅུག་བྱུང་། ངས་ལམ་ཐག་རིང་བོའི་ཕ་རོལ་ནས་ཕྱིར་ཕ་ཡུལ་ལ་ལྟ་དུས་ཨ་ མས་ད་དུང་ཕྱག་ཟུང་གིས་བདེ་མོ་འཇོག་པའི་ངང་ཚུལ་དེ་སྟོན་བཞིན་མདུན་གྱི་དེའུ་འབུར་གྱི་སྟེང་དུ་ལྭ་ བ་རླུང་གིས་བསྐྱོད་བཞིན་འདུག་ལ་ཕལ་ཆེར་སེམས་སྡུག་བྱེད་བཞིན་ཡོད་པ་དང་འདྲ། སྐབས་དེར་ཁོ་མོའི་ ཞལ་གསུང་ལས་ང་ལ་བཤད་པའི་ཚིག་འབྲི་རེ་རེ་ཡིད་ལ་ཤར་འོངས་ལ། དུས་རྒྱུན་དེའུ་འབུར་དེ་ནི་རྒྱང་ ལྟ་བྱེད་སའི་རི་ཆུང་ཞིག་ཡིན།
དར་ལྕོག་བསྐྱོད་པ་ཇི་བཞིན་ལྭ་བ་རལ་བོ་དེ་ཡང་ཟད་ཀྱིན་ཡོད་པ་ཚོར་
འོངས། དེ་ནི་ངའི་དྲན་འཛིན་གྱི་མེ་ལོང་ངོས་སུ་ནམ་ཡང་བསུབ་ཐབས་བྲལ་བ་ཞིག་རེད།
ངས་དབྱངས་གསལ་འབྲི་ཀློག་གི་སྨྱུག་རྩེའི་བར་ནས་སྦྲ་ནག་དང་གུར་དཀར་འདྲེས་པའི་རུ་སྡེ་ཕྲ་ 77
མོ་དང་ལྷུག་ལྷུག་གི་དགོད་སྒྲས་ཁེངས་པའི་ངའི་གཞིས་ཁྱིམ་དྲོན་མོ།
ངོ་གདོང་འཛུམ་གྱིས་ཕྱུག་ཅིང་རླུང་
ཁར་བསྐྱོད་པའི་ཨ་མ་དེ་དུས་ཚིགས་བཞིའི་འགྱུར་ལྡོག་དང་བསྟུན་ནས་ཁོ་མོའི་བྱམས་བརྩེ་དྲོན་མོའི་སློབ་ གསོ་དེའང་ལྷང་ངེར་དྲན་བྱུང་། མུ་མཐའ་བྲལ་བའི་བུ་ཕྲུག་ངས་རྩྭ་ཐང་གི་ཡུལ་ལྗོངས་དང་སྤང་རི་ལུག་ཁྱུ་ གོར་མོའི་སྤྲིན་དཀར་ཚོམ་བུ་དེ་ཚོ་དྲན་དུས་ཨ་མའི་སྐྱིད་སྡུག་ལ་རེ་སྨོན་བྱས་པ་ཡིན།
ཤེས་མ་ཤེས་བར་ལོ་ཟླ་འདི་ལྟར་བུད་སོང་བས་ངས་སྙིང་རྗེ་བའི་དཔེ་ཁུག་དེ་རྒྱབ་ལ་ཁུར་ནས་
ཡུལ་ལ་ཐོན་སྐབས་རང་ལ་ཤ་ཚ་ཞིང་སྙིང་ཉེ་བའི་བྱམས་ལྡན་གྱི་མ་ལོ་སྔར་བཞིན་ལ་མགོའི་དར་ལྕོག་ཇི་ བཞིན་དེའུ་འབུར་དེའི་སྟེང་དུ་ངའི་ཕྱོགས་ལ་རྒྱང་ལྟ་བྱེད་བཞིན་ཡོད་ལ། སྔར་གྱི་ལྭ་བ་ཟད་པོ་དེ་རླུང་གིས་ བསྐྱོད་གྱིན་ཡོད།
འབད་པ་སྟོང་གིས་བསྒྲུབས་པའི་འབྲི་མོའི་འོ་ཞོ་དང་ལུག་ཤ་མངར་མོས་ང་ལ་སྟོན་མོ་
ཞིག་བཤམས་སོང་།
ཀྱེ་ཀྱེ།
བྱམས་ལྡན་མ་ཡི་བཀའ་དྲིན་ནི་རི་རབ་ལས་མཐོ་ཞིང་རྒྱ་མཚོ་ཇི་བཞིན་གཏིང་ཟབ་
པས། མི་ཚེ་འདིའི་སྡུག་བསྔལ་མང་པོ་ཞིག་ཁོ་མོའི་རྒྱབ་ཏུ་ཁུར་ཡོད་ལ། གྲང་རླུང་དང་བུ་ཡུག་ཁྲོད་དུ་ཟད་ བཞིན་ཡོད་པས་ཨ་མ་ལ་རང་སེམས་རི་རབ་ཁོང་གི་ཕུགས་བསམ་དང་འབྱུང་འགྱུར་གྱི་ཆེད་དུ་བརྩོན་ པའི་ཕྱག་ཟུང་དམ་དུ་སྦྲེལ་ཏེ་འབད་པར་འཚལ་ལོ།
བདེན་དོན་གྱི་ཆེད་དུ། མཁའ་ཡག་འབུམ།
ཟླུམ་པོའི་འཇིག་རྟེན་འདི་རུ་བདེན་དོན་འཚོལ་དཀའ།
དེའི་ཕྱིར་ང་རང་བདེན་དོན་གྱི་ཆེད་
དུ་བདེན་དོན་ཞིག་ཡོད་ན་ཅི་མ་རུང་སྙམ་པའི་རེ་སྨོན་ཞིག་ཡིད་ལ་སྒོམ་བཞིན་ཀྱག་ཀྱོག་གི་མི་ཚེ་འདི་ འགྲིམས་བཞིན་ཡོད།
ནམ་རྒྱུན་བདེན་དོན་གྱི་གནས་ལུགས་འཚོལ་བའི་མི་སྣ་ཇེ་མང་ནས་ཇེ་མང་རེད།
མི་རིགས་ཀྱི་
བདེན་དོན་འཚོལ་མཁན། རྒྱལ་ཁབ་ཀྱི་བདེན་དོན་འཚོལ་མཁན། རིག་གནས་ཀྱི་བདེན་དོན་འཚོལ་མཁན། ཆོས་ལུགས་ཀྱི་བདེན་དོན་འཚོལ་མཁན། སྐད་དང་ཡི་གེའི་བདེན་དོན་འཚོལ་མཁན། འཛམ་གླིང་འདིའི་ 78
བདེན་དོན་འཚོལ་མཁན། ཡོད་ཚད་ལ་རྡུལ་ཕྲན་གྱི་དྲག་ཆས་མ་བཀོལ་ན་བདེན་དོན་ག་ལ་ཡོད། རྒྱུ་འབྱོར་ གྱི་ཟིལ་ཤུགས་མེད་ན་བདེན་དོན་ག་ལ་ཡོད། རང་སྡོད་ཀྱི་རང་སྟོབས་མེད་ན་བདེན་དོན་ག་ལ་ཡོད། རིག་ གནས་ཀྱི་ཤེས་ཡོན་མེད་ན་བདེན་དོན་ག་ལ་ཡོད།
གསར་གཏོད་ཀྱི་སྙིང་སྟོབས་མེད་ན་བདེན་དོན་ག་ལ་
ཡོད།
དེའི་ཕྱིར། བདེན་དོན་གྱི་ཆེད་དུ་ཡོད་ཚད་ཕུལ་ཐུབ་དགོས་ལ། ཡོད་ཚད་བློས་ཀྱང་གཏོང་དགོས།
སྐབས་རེར་ངས་དྲན་འཛིན་གྱི་ནང་དུ་བདེན་དོན་མི་སྐྱོང་དང་། བདེན་དོན་གྱི་གནས་ལུགས་མི་ཤེས་སོགས་ སྨྲ་བ་མང་པོ་ཐོས། ད་དུང་མི་རིགས་ཤིག་དང་རིག་རྒྱུད་ཅིག རྒྱལ་ཁབ་ཅིག་གི་བདེན་དོན་མི་སྐྱོང་ཟེར། གང་ལྟར་ཀྱང་། ངས་ཟླུམ་པོའི་འཇིག་རྟེན་འདིར་ཞི་བདེར་སྨོན་ཡོད། ཞི་བདེར་སྨོན་ཡོད།
ངའི་སེམས་ནང་གི་རིག་པའི་དཔའ་བོ། བོན་སྐོར་སྟག་ལྷ་འབུམ།
རྣམ་གཡེང་དང་འཕྲུལ་སྣང་གི་དབང་དུ་འདྲེས་པའི་བུ་ཆུང་ངའི་སེམས་ཁོང་ན་ཡིད་སྨོན་དང་རྡོ་
བརྐོས་རི་མོ་བཞིན་བརྗེད་མི་སྲིད་པའི་སྐྱེ་བོ་མཆོག་ཏུ་གྱུར་བ་ཞིག་ཡོད་དེ། ཁོང་ནི་མཚན་སྙན་གྱི་བ་དན་ ཕྱོགས་བཞིར་ཁྱབ་པའི་ངའི་སེམས་ནང་གི་རིག་པའི་དཔའ་བོ་མཁས་དབང་དགེ་འདུན་ཆོས་འཕེལ་ཡིན། ཁོང་ནི་བོད་རང་མི་རིགས་ཀྱི་གཟི་བརྗིད་ཅིག་དང་།
འཛམ་གླིང་སྟེང་ཧ་ཅང་དཀོན་པའི་མཁས་པ་ཞིག་
ཡིན་པར་མ་ཟད། ལ་རྒྱའི་མགོ་འཕང་དགུང་དུ་བསྟོད་བཞིན་རང་གི་རིགས་རྒྱུད་ལ་སྙིང་ཁོངས་ནས་དགའ་ བ་ནི་ལ་རྒྱའི་མཚོན་རྟགས་ཤིག་ཡིན། ད་དུང་ཁོའི་བློ་རིག་ནི་འགྲན་ཟླ་བྲལ་ཞིང་། ལྷན་སྐྱེས་ཀྱི་ཤེས་རབ་ ཁྱད་དུ་འཕགས། གསར་གཏོད་ཀྱི་འཇོན་ནུས་བླ་ན་མེད་པས། ཁོའི་ཁོང་དུ་ཆུད་པའི་ཤེས་རིག་གིས་འཇིག་ རྟེན་གྱི་སྐྱེ་བོ་མཐའ་དག་གི་ཐེ་ཚོམ་དང་རྨོངས་པའི་མུན་པ་འཇོམས་པར་བྱེད་ཐུབ།
དེ་བས།
ཁོས་མི་རིགས་ཀྱི་ལ་རྒྱའི་ཆེད་དུ་ཐབས་ཤེས་ཡོད་ཚད་གཞི་གཅིག་ཏུ་སྦྲེལ་ཏེ་བོད་
མི་རིགས་འདི་ཡར་རྒྱས་གོང་འཕེལ་ལ་གཏོང་ཆེད་བོད་ཁམས་ཡོངས་ལ་འགྲིམས་ཏེ་མེད་དང་མུག་གིས་ ཁེངས་པའི་བདག་མེད་མི་རིགས་འདིའི་ཆེད་དུ་དཔའ་བོའི་མཛད་པ་རེ་རེ་ཡིག་འབྲུ་ཁྲི་བདུན་གྱིས་མངོན་ 79
པར་མཚོན་ཡོད། དེ་ལས་ཀྱང་ལྷག་པ་ནི་མི་རིགས་འདི་སྐྱོབ་ཆེད། རང་གི་བླ་ན་མེད་པའི་མི་ལུས་འདི་ཕུལ་ བ་དེ་ཡིན། དེ་བས། ཁོང་ནི་གནམ་གྱིས་ས་ཁེབས་པ་ལྟ་བུའི་མཁས་པ་ཡིན་ལ། ངའི་སེམས་ནང་གི་རིག་པའི་ དཔའ་བོའང་ཡིན།
བརྩོན་འགྲུས་ནི་གྲུབ་འབྲས་ཡིན། གདུགས་དཀར་སྐྱིད།
སློབ་གྲྭ་ཁུལ་བསྡུ་བྱས་པ་དང་བསྟུན་ནས་གཞི་རིམ་གྱི་སློབ་མ་རྣམས་ཀྱང་གྲོང་ཁྱེར་གྱི་སློབ་མ་
དག་དང་འདྲ་བར་གྲོང་ཁྱེར་གྱི་སློབ་གསོའི་མཁའ་དབུགས་ཁྲོད་སློབ་སྦྱོང་བྱེད་ཀྱིན་འདུག
ཡིན་ནའང་།
གཞི་རིམ་གྱི་སློབ་མ་ལ་ལས་དབྱིན་ཡིག་དང་རྒྱ་ཡིག་གི་སྦྱང་འབྲས་མ་བཟང་ཚེ་ཁོ་ལ་ཆུ་ཚད་མེད་ཅེས་ཁ་ གཡར་ས་ཞིག་འཚོལ་ཅི་ཐུབ་བྱེད། དོན་དངོས་ཐོག་རྨང་གཞི་ནི་ས་བོན་གང་ཞིག་གིས་བསྐྱེད་པའི་འབྲས་ བུ་ཡིན་པར་ཁྱོད་ཀྱིས་བསམ་བློ་བཏང་མྱོང་ངམ། མི་ལ་བརྩོན་འགྲུས་ལྡན་གྱུར་ན།། མི་འགྲུབ་བྱ་བ་ཅི་ཡང་ མེད།། ཅེས་པ་ལྟར། བརྩོན་འགྲུས་ནི་རྨང་གཞི་ས་བོན་དང་རམ་འདེགས་འཇའ་ཤིང་ཉིད། དེ་ཡང་རྗེ་བཙུན་ མི་ལ་རས་པས་ཀྱང་གཉིད་ཆགས་ཟས་བརྗེད་བརྩོན་པ་མང་པོ་བསྐྱེད་མཐར་ཚེ་གཅིག་ལས་གཅིག་ལ་ སངས་རྒྱས་པ་རེད།
དེའང་གོང་ཐང་བསྟན་པའི་སྒྲོན་མེ་མཆོག་གིས་ཉིན་རེའི་ཟས་ཀྱང་མི་དྲན་བརྩོན་འགྲུས་རྩོམ།།
ཞུགས་མ་ཐག་ནས་མཁས་པའི་གོ་འཕང་འདོད།། ཞག་གསུམ་འགོར་ཚེ་རྗེས་མེད་གཡེང་བས་ཁྱེར།། དེ་འདྲ་ དེ་ལ་ཅི་ཡང་མི་ཡོང་བས།། བརྩོན་པ་ཆུ་བོའི་རྒྱུན་བཞིན་བསྟེན་ཅིག་ཨང་།། ཞེས་པ་ལྟ་བུའི་ལེགས་བཤད་ ཀྱི་སྡོམ་ཚིག་ནང་བཞིན་ཨ་མ་དྲེད་མོང་གིས་འཕྱི་བ་བཟུང་ལྟ་བུའི་གཏམ་རྒྱུད་ཀྱི་མཇུག་འབྲས་ཀྱང་ཐོབ་ སྲིད།
དེ་བས། ང་ཚོས་ཀྱང་རྨང་གཞི་མེད་པ་ནི་མེད་པ་ལ་ཁ་གཡར་ས་ཞིག་ལ་མི་འཛིན་པར་བརྩོན་པ་
བསྐྱེད་པའི་ཕུགས་བསམ་དང་སྙིང་སྟོབས་དེ་དག་ནི་ཉིན་ཞག་འགའ་ཡི་ཕུགས་བསམ་དང་སྙིང་སྟོབས་མ་ ཡིན་པ། བསྐལ་བ་ཇི་སྲིད་ཀྱི་བར་ལརང་སེམས་ནས་སྐུལ་ཐབས་བྲལ་བའི་ཕུགས་བསམ་དང་སྙིང་སྟོབས་ 80
དེ་ཡིན་དགོས། སློབ་གྲོགས་ཚོ། བརྩོན་འགྲུས་ནི་གྲུབ་འབྲས་ཡིན་ལ། བརྩོན་འགྲུས་ནི་མ་འོངས་པའི་རྒྱགས་ ཕྱེ་ཡང་ཡིན།
རྨོ་བོ་ལགས་ངས་ཁྱེད་རང་དྲན་ཐེངས་རེར།
རྟ་མགྲིན་དབང་རྒྱལ།
རྨོ་བོ་ལགས། དྲན་མི་འདོད་པའི་ཕྱི་དྲོ་དེར་རྐྱེན་ངན་གྱི་འཆི་བདག་འདིས། འུ་ཚང་གི་ཁྱིམ་གཞི་
ལ་ཆག་སྒོ་བཟོས་སོང་། དེ་ནས་བཟུང་། ངའི་སེམས་ལ་སྐྱོ་གདུང་གི་རྨ་ཁ་བཟོས། ངའི་སེམས་པ་སྡུག་བསྔལ་ གྱི་མལ་སར་ལྷུང་། བཀྲ་མི་ཤེས་པའི་ཉིན་མོ་དེ་ནས། རྨོ་བོ་ལགས། ཁྱེད་ཀྱི་མི་ཚེ་རྫོགས་མཐའ་བཀོད་ཅིང་ ། ཁྱོད་འཇིག་རྟེན་འཁོར་བ་འདི་དང་གཏན་ནས་བྲལ། རྨོ་བོ་ལགས། ང་མཆོད་ཁང་ནང་དུ་སོང་ནས་ཁྱེད་ བོས་ཀྱང་ཁྱེད་ཀྱིས་ང་ལ་ཨ་ལན་མ་བཏབ།
མཆོད་མེ་ཡི་མདུན་ནས་ཡང་ཡང་བལྟས་ཀྱང་ཁྱེད་རང་མ་
མཐོང་། ཕྱི་དྲོ་དེར། མི་དམངས་ཀྱིས་ཁྱེད་ཀྱི་ཁང་བའི་ནང་དུ་མ་ཎི་བསྐོར་བཞིན་ཡོད། སྐྱོ་སྣང་གི་མིག་ ཆུས་ང་རང་གི་ངོ་ཐམས་ཅད་རློན་པར་གྱུར། ངའི་དམར་ཆུང་གི་སེམས་པ་སྐྱོ་སྣང་གིས་བཟི་ཐལ། ན་ཟུག་ གི་མདའ་མོ་སྙིང་གར་ཟུག ད་དུང་ཉིན་མཚན་གྱི་དབྱེ་བ་མི་ཤེས་ལ་བཟའ་བཏུང་བྲོ་བ་མེད། ངས་ཁྱེད་ དྲན་ཐེངས་རེ་རེར་སྐྱོ་སེམས་ཀྱི་མུན་པས་ཁེབས་ཡོང་ལ་མིག་ཆུ་ཡི་རྒྱ་མཚོ་འཁྱིལ་ཡོང་།
བརྗེད་དཀའ་བའི་འདས་དོན་ཞིག དར་མཚོ་སྐྱིད།
དོན་དག་ལ་ལ་ཞིག་ཡིད་ནས་བརྗེད་འདོད་ཀྱང་བརྗེད་དཀའ་བ་དང་། དོན་དག་ལ་ལ་ཞིག་ཡིད་
ལ་འཛིན་འདོད་ཀྱང་འཛིན་དཀའ་བ་ཞིག་རེད།
གནམ་ངོ་དྭངས་ཤིང་སྤྲིན་ཕུང་ལང་ལོང་ལྡང་བའི་ན་ནིང་གི་དབྱར་ཁའི་ཉིན་མོ་ཞིག་ལ། ང་དང་
ཕུ་བོ་ངེད་གཉིས་སྡེ་འདབས་ཀྱི་རྐང་ལམ་ཕྲ་མོ་བརྒྱུད་ནས་རྩྭ་ཐང་དུ་ཕྱེ་མ་ལེབ་འཛིན་དུ་སོང་།
81
ལམ་
འགྲམ་དུ་མེ་ཏོག་སྣ་བརྒྱ་བཞད་ཅིང་བསིལ་འཇམ་རླུང་བུས་བསིལ་བར་བྱེད། ངས་ཕར་ཕྱོགས་སུ་བལྟས་ མ་ཐག་ཕྱེ་མ་ལེབ་ཅིག་གིས་གཤོག་ལྡེབ་ཅིག་བྱས་ནས་མེ་ཏོག་སེར་པོ་ཞིག་གི་སྟེང་དུ་བབས།
ང་དགའ་
སྤྲོའི་ངང་ཕུ་བོ་ལ་ཕ་གི་ན་ཕྱེ་མ་ལེབ་ཅིག་འདུག་ཅེས་བཤད་མ་ཐག ཕུ་བོས་མགོ་ཡི་ཞྭ་མོ་བླངས་ནས་ཞི་ ལས་ཙི་གུ་བདའ་བ་བཞིན་འཇབ་ཀྱིན་འཇབ་ཀྱིན་སོང་ནས་ཕྱེ་མ་ལེབ་དེ་བཟུང་བ་རེད།
དེ་ལྟར་ཕྱེ་མ་ལེབ་འགའ་བཟུང་རྗེས་ཉི་མ་ཡང་ནུབ་ལ་ཉེས།
མེ་ཏོག་གི་དྲི་དང་གཡང་དཀར་
ལུག་ཁྱུའི་འབའ་སྒྲ་དང་ལྷན་དུ་ཕྱིར་རང་ཡུལ་དུ་ལོག
ངའི་ཕ་ཡུལ།
ཚེ་སྐྱིད།
ངའི་ཕ་ཡུལ་ནི་ལྷུང་ལྷུང་འབབ་པའི་བྱ་ཆུ་སྔོན་མོའི་འགྲམ་ངོགས་སུ་ཆགས་ཡོད་ལ།
སྔོན་མོས་བདག་གི་ཆེས་ཐོག་མའི་ངུ་སྐད་ལ་བསུ་མ་བྱས་ཤིང་།
བྱ་ཆུ་
བདག་གི་ཚེ་སྲོག་གི་དབྱངས་རྟ་རེ་རེར་
དབྱངས་སྙན་གྱི་པི་ཝང་དཀྲོལ། ང་ཡང་བོད་ཕྲུག་བྱིས་པ་གཞན་དག་དང་འདྲ་བར། ཐུལ་དཀའ་འབྲུ་མོའི་ ངུར་སྒྲ་དང་ལྷན་དུ་ལུག་ཆུང་འབའ་བའི་རྩེ་རོགས་བྱས་ཏེ། ཡུལ་འདིར་བདག་གི་ལང་ཚོ་ལ་མེ་ཏོག་བཞད་ ཅིང་། དྭངས་གཙང་གི་བྱིས་བློར་ཤེས་རིག་གི་འོད་སྣང་ཡང་འཕྲོ་མྱོང་།
དུས་ཚོད་ཀྱི་འཁོར་འགྲོས་སམ་ལོ་རབས་ཀྱི་འཕེལ་འགྱུར་ཞིག་གིས་ངའི་ཕ་ཡུལ་བོན་སྐོར་ལ་
འགྱུར་ལྡོག་རབ་དང་རིམ་པ་འབྱུང་བཞིན་ཡོད། དཔེར་ན། ཡབ་མེས་སྲོལ་རྒྱུན་དེ་དག་ཀྱང་ད་ལྟ་ཇེ་ཉུང་ཇེ་ ཉུང་དང་རང་ལུས་ཀྱི་ཆ་ལུགས་བསྒྱུར་མཁན་ཇེ་མང་ནས་ཇེ་མང་རེད། ཐ་ན་མི་རིགས་འདི་ལ་ཆེས་མེད་ དུ་མི་རུང་བའི་སྐད་དང་ཡི་གེ་ཡང་སྐད་རིགས་བསྲེས་མར་གྱུར་དང་འགྱུར་བཞིན་ཡོད། ཕ་ཡུལ་གྱི་འགྱུར་ ལྡོག་དེ་ཕྱུག་འགྱུར་གྱི་ལམ་ལ་བསྐྱོད་མོད། དེ་དང་ཆབས་ཅིག་སྲོལ་རྒྱུན་རྙིང་བ་དེ་དག་གད་སྙིགས་བཞིན་ དོར་བཞིན་ཡོད། དེ་ནི་སྤྱི་ཚོགས་འཕེལ་རྒྱས་སུ་འགྲོ་བའི་གོ་རིམ་ཞིག་ཡིན་ཡང་འདྲ། ཅི་ཡིན་འདི་ཡིན་མི་ ཤེས་པར་བོད་ཀྱི་རིན་པོ་ཆེ་ལྟ་བུའི་སྲོལ་རྒྱུན་དེ་དག་བོར་ནས་ཚར་ལ་ཉེ་བ་འདི་ཇི་འདྲའི་ཡིད་སྐྱོ་བ་ཞིག་ རེད།
ངའི་རེ་བར་ཕ་ཡུལ་ལ་འགྱུར་ལྡོག་བྱུང་ཡང་ཡུལ་སྲོལ་གོམས་གཤིས་དེ་དག་མ་ཉམས་གོང་འཕེལ་
དང་ཉམས་པ་སོར་ཆུད་བྱེད་པར་མཁྱེན།
82
སྐད་ཡིག་ནི་མི་རིགས་ཀྱི་བླ་སྲོག་ཡིན། ཨོ་རྒྱན་ཚེ་རིང་།
སྐད་དང་ཡི་གེ་ནི་མི་རིགས་ཀྱི་བླ་སྲོག་ཡིན་ལ། མི་རིགས་ཤིག་འཕེལ་རྒྱས་སུ་འགྲོ་བའི་གཞི་རྩའི་ ཆ་རྐྱེན་ཡང་ཡིན། སྐད་དང་ཡི་གེ་ནི་མི་རིགས་ཤིག་གི་བླ་སྲོག་ཡིན་ཟེར་དོན་ཡོད་དེ། མི་ཞིག་ལ་དཔེ་སྦྱར་ ནས་བཤད་ན། མི་དེའི་སྲོག་སྙིང་ལྟ་བུ་ཡིན་སྟབས་དེ་མེད་ན་གསོན་ཐབས་བྲལ། དེ་ལྟར་མི་རིགས་ཤིག་ འཇིག་རྟེན་འདིར་འཚོ་སྡོད་བྱེད་དགོས་ཚེ། ངེས་པར་དུ་སྐད་ཡིག་ལ་བརྟེན་དགོས། འོན་ཀྱང་དེ་ལས་ལྡོག་ སྟེ་རང་གི་རིན་ཐང་བྲལ་བའི་ནོར་བུ་བསྐྱུར་ནས། གཞན་གྱི་སྐད་དང་ཡི་གེ་ཤེས་ན་རང་གི་གཟི་བརྗིད་ཅིག་ ཏུ་བསམ་བཞིན་པ་དེ་ནི། སྔོན་བྱོན་མེས་པོ་དག་གི་བླ་ན་མེད་པའི་མཛད་རྗེས་སྟེང་གྲིབ་ནག་བྱུགས་པའི་ ནག་ཉེས་རེད།
སྤྱིར་མི་རིགས་གཞན་གྱི་སྐད་ཡིག་ལ་སྦྱངས་པ་བྱས་ན་བཟང་མོད།
འོན་ཀྱང་རང་གི་ཕ་སྐད་
བརྗེད་ན་ངོ་ཚ་རེད། དེ་བས། གནའ་དེང་གི་མཁས་པ་གང་མང་ཞིག་གིས་ཀྱང་། སྐད་ཡིག་ནི་མི་རིགས་ཀྱི་ བླ་སྲོག་ཡིན་ལ།
མི་རིགས་གང་དེའི་དར་རྒུད་ཀྱི་འབྱུང་རྩ་ཡང་སྐད་ཡིག་བཀོད་སྤྱོད་བྱེད་མིན་ལ་རགས་
ལས་པ་ཡིན། ཟེར་བ་ལ་སོགས་པའི་སློབ་གསོ་གང་མང་བཏང་ཡོད་ནའང་། རིག་གནས་ཆུ་ཚད་ཅུང་ཙམ་ ལྡན་པའི་མི་རྣམས་ཀྱི་སྣང་ངོར། རང་མི་རིགས་ཀྱི་སྐད་དང་ཡི་གེ་འདི་གཞན་གྱི་རིག་གནས་དང་བསྡུར་ན་ གནམ་སའི་ཁྱད་པར་ལྟ་བུ་ཡོད་པ་དང་། མི་རིགས་གཞན་ལས་རང་རིགས་རྗེས་ལུས་ཡིན་པ་དང་། ཁུ་སིམ་ མེར་རི་མགོ་ན་ཕྱུགས་ཟོག་འཚོ་བཞིན་པའི་ཡུལ་མི་དེ་དག ལྷག་པར་ཏུ་རྒན་པ་རྣམས་ཀྱིས་ནང་བ་སངས་ རྒྱས་པའི་ཆོས་ལུགས་ལ་དད་པ་བྱེད་ཀྱིན་པ་དེ་ཡང་རྨོངས་དད་ཅིག་ཏུ་བརྩི་བཞིན་འདུག
ལྷག་པར་ཏུ།
དེང་རབས་སྤྱི་ཚོགས་སྟེང་གི་ལས་བྱེད་འགའ་རེས་རང་གི་བུ་ཕྲུག་ལ་རང་མི་རིགས་ཀྱི་སྐད་ཡིག་སློབ་ཏུ་ མི་འཇུག་པ་མ་ཟད། རང་རིགས་ཀྱི་སྐད་ཡིག་འདི་སྦྱངས་ན་དགེ་མཚན་གང་ཡང་མེད་པ་དང་། ཐ་ན། མ་ འོངས་པའི་སྤྱི་ཚོགས་ཐོག་ཁ་གསོ་ཐབས་ཙམ་ཡང་བྱེད་མི་ཐུབ་པར་དགོངས། དུས་རྒྱུན། དགེ་རྒན་འགའ་ རེས་དང་སློབ་མ་འགའ་རེས། རང་ཉིད་རིག་གནས་ཆུ་ཚད་ཧ་ཅང་མཐོ་བའི་མཁས་པ་ཞིག་དང་འདྲ་བར་ མི་རྣམས་ཀྱི་སྔུན་ནས་རང་སྐད་ནང་དུ་གཞན་སྐད་བསྲེས་ནས་བཤད་ཀྱིན་འདུག འདི་ནི་མི་རིགས་ཉམས་ རྒུད་དུ་འགྲོ་བཞིན་པའི་སྔ་ལྟས་ཤིག་མ་ཡིན་ནམ། 83
རྒྱ་སྲང་དུ་སོང་ཚེ། རྐྱལ་སྟོང་མང་པོས་བཀང་འདུག་ལ། ལྷག་པར་ཏུ་སྟེགས་ཁྲི་སྤོ་ལོ་ཁང་ཟེར་
བ་ནི་བཙིར་སྒྲ་དང་ཀི་སྒྲས་གད་ལ་ཁད་བྱེད་ཀྱིན་འདུག ཁྱེད་ཚོས་འདི་ལྟར་ཉི་མ་གཏོང་ཐབས་བྱེད་པ་ ལས་ཡི་གེ་གཅིག་ཡིན་ཡང་ཨེ་ཤེས་བལྟས་ན་མི་བཟང་ངམ། གྲོང་ཁྱེར་ཆེ་འབྲིང་ཆུང་གསུམ་གྱི་གཞུང་ ལམ་སྟེང་ཕར་འགྲོ་ཚུར་འོངས་བྱེད་བཞིན་པའི་བོད་མི་དག་གིས་བཤད་ཀྱིན་པ་ནི་བསྲེས་སྐད་དག་དག་ རེད། བྱ་སྤྱོད་འདི་དག་ནི་རང་གི་རུས་རྒྱུད་དང་རིག་གནས་ལ་མཐོང་ཆུང་དང་དམའ་འབེབས་བྱས་པ་ རེད། ཀུན་གཟིགས་པཎ་ཆེན་རིན་པོ་ཆེ་མཆོག་ནས་ཁྱེད་ཚོས་བོད་སྐད་བཤད་པར་ངོ་ཚ་ན་མ་བཤད་ན་ ཆོག་ལ། བོད་ལྭ་གྱོན་པར་ངོ་གནོངས་ན་དེ་ཡང་མ་གྱོན་ན་ཆོག་མོད། འོན་ཀྱང་ཁྱེད་ཚོས་ཤ་དང་རུས་པ་ ཇི་ལྟར་བྱེད་རྒྱུ་ཞེས་པའི་གསུངས་བཞིན་ང་ཚོས་སྐད་དང་ཡི་གེ་བསྒྱུར་ཐུབ་རུང་ཤ་གསེང་རུས་གསེང་ན་ ལྷོག་ལྷོག་ཏུ་འཁོལ་བའི་ཁྲག་རྒྱུན་འདི་ཇི་ལྟར་བསྒྱུར། ཕ་མེས་ཡང་མེས་རྣམས་ཀྱིས་ང་ཚོར་ནག་ནོག་དྲི་ མས་མ་གོས་པའི་ཕ་སྐད་གཙང་མ་ཞིག་གནང་ཡོད་ལ། ལྷག་པར་ཏུ་སློབ་དཔོན་ཐོན་མི་སམ་བྷོ་ཊས་བོད་ ཡིག་གསར་བཟོ་མཛད་པ་དེས་གངས་ཅན་ཁ་བའི་ལྗོངས་ལ་འོད་སྟོང་འབར་བའི་མདུན་ལམ་ཡངས་པོར་ ཕྱེས་ཡོད་སྟབས།
འཛམ་གླིང་མི་རིགས་མང་བོའི་ཁྲོད་དུ་གདོང་དམར་བོད་པའི་ཟིལ་ཤུགས་མངོན་ཡོད་
ལ། མི་རིགས་གཞན་གྱི་རིག་གནས་ལ་སྐྱབས་བཅོལ་མི་དགོས་པར་རང་མགོ་རང་སྐྱོང་བྱེད་ཐུབ་པའི་ཚད་ ལ་སླེབས་ཡོད། འོན་ཀྱང་། ད་ལྟའི་གནས་བབས་འདིར་བལྟས་ན། ང་ཚོས་རིན་ཐང་བྲལ་བའི་ནོར་བུ་འདི་ ཉིད་མི་རིགས་གཞན་གྱི་ལག་ཏུ་ཤོར་རྒྱུ་རེད། སྐྲ་སེར་མིག་ལྗང་དེ་དག་རྒྱུན་མི་ཆད་པར་གནས་འདིར་ཡོང་ དོན་ནི།
རང་རེའི་བོད་ཀྱི་སྔོན་བྱོན་མཁས་པ་དག་གི་བརྩོན་པའི་དངུལ་ཆུ་ལས་འཁྲུངས་པའི་ཟུངས་ཁྲག་
གི་ཉིང་ཁུ་སྟེ་སྐད་ཡིག་འདིའི་ཆེད་ཡིན་པ་ལས། ང་ཚོ་བོད་མི་རྣམས་ཀྱི་གཟུགས་བྱད་མཛེས་པ་དང་། ཕོ་ སྒོ་དང་མོ་སྒོ་མཛེས་པས་ལྟད་མོར་བལྟ་རུ་ཡོང་བ་མ་རེད། འདི་ལྟར་རྒྱུན་བསྲིང་ཚེ། ནམ་ཞིག་གི་ཚེ། མི་ རིགས་འདི་ཉམས་ནས་མི་རིགས་གཞན་གྱི་གླེང་བརྗོད་དུ་གྱུར་འགྲོ་བར་མ་ཟད། མི་རིགས་གཞན་གྱི་འདོད་ ཐོག་ཏུ་རྟ་རྒྱུག་རྒྱུ་རེད། དེའི་ཚེ། རྒྱལ་དབང་སྐུ་ཕྲེང་དྲུག་པ་ཚངས་དབྱངས་རྒྱ་མཚོས་ནོར་བུ་རང་ལ་ཡོད་ དུས།། ནོར་བུའི་ནོར་ཉམས་མ་ཆོད།། ནོར་བུ་གཞན་ལ་ཤོར་དུས།། སྙིང་རླུང་སྟོད་ལ་འཚང་ཡོང་།། ཞེས་ གསུངས་པ་ལྟར་འགྱུར་རྒྱུ་རེད། དེ་བས་ན། ང་ཚོས་དབྱེ་འབྱེད་བརྡར་གཅོད་ཀྱི་འདུ་ཤེས་མཐོ་རུ་བཏང་ ནས། རང་མི་རིགས་ཀྱི་རིག་གནས་དག་ཉམས་པ་སླར་གསོ་དང་མ་ཉམས་གོང་འཕེལ་དུ་གཏོང་དགོས། ད་ ལྟའི་འཛམ་གླིང་གི་རྒྱལ་ཁབ་ཡོངས་ལ་རིག་གནས་ཆེ་ཆེར་དར་བཞིན་ཡོད་མོད། འོན་ཀྱང་རང་མི་རིགས་ ཀྱི་རིག་གནས་འདི་ལོ་རེ་ནས་ལོ་རེ་བཞིན་ཉམས་རྒུད་དུ་འགྲོ་བཞིན་པའི་ཚུལ་འདི་མཐོང་ན། བུད་ཤིང་མེད་ཀྱང་མེ་ལྕེ་འབར་བ་ཞིག་རེད་ཨང་། 84
སེམས་ན་
དེང་སྐབས་སློབ་གྲྭའི་ནང་དུ་འང་འགྲོ་ཐབས་འདུག་ཐབས་དང་ཉི་མ་འཁྱོལ་ཐབས་བྱེད་ཀྱིན་
པའི་སློབ་མ་མང་བ་ལས།
སློབ་སྦྱོང་ལ་བརྩོན་པ་ཆུ་བོའི་རྒྱུན་བཞིན་བསྟེན་གྱིན་པའི་སློབ་མ་ཉུང་ཉུང་
རེད། ནང་སྒོས་སུ་རང་ཅག་གི་བོད་སྐད་ཡིག་ཐད་མ་སྐུལ་དང་བླངས་སྒོས་སློབ་སྦྱོང་བྱེད་ཀྱིན་པ་ནི་ཧ་ཅང་ དཀོན་པོ་རེད། སྐད་ཡིག་ནི་མི་རིགས་གང་དེའི་མདུན་སྐྱོད་ཀྱི་རྨུ་ཐག་ཡིན་ལ། ང་ཚོའི་ཚེ་སྲོག་གི་གཏིང་ རིམ་ན་དྲག་ཏུ་འཕྱོ་བའི་ཟུངས་ཁྲག་གི་བཞུར་རྒྱུན་རིང་མོ་ཡང་ཡིན། གནའ་ནས་ད་ལྟའི་བར་དུ་གོ་ལ་ཟླུམ་ པོ་འདིའི་སྟེང་ན་འཚོ་བའི་མི་རིགས་མང་པོ་ཞིག་སྐད་ཡིག་ལ་བརྟེན་ནས་འཕེལ་རྒྱས་འགྲོ་བཞིན་ཡོད་ལ། མི་རིགས་འགའ་ཤས་ཀྱང་སྐད་ཡིག་ཉམས་ཀྱིན་པ་དང་བསྟུན་ནས་རྒྱ་མཚོའི་ནང་ལ་ཁ་བ་བབས་པ་ལྟར་ འགྱུར་བཞིན་ཡོད།
འདི་དག་བསམ་ན་རང་རིགས་ཀྱི་སྐད་ཡིག་འདི་མི་རིགས་རང་ཉིད་ལ་མཁོ་གལ་ཆེ་བ་དང་།
རིག་གནས་འདི་ཉམས་ཚེ། མི་རབས་རྗེས་མ་རྣམས་ལ་ཤིན་ཏུ་གནོད་པ་ཆེ་ཚུལ་སོགས་ཤེས་དགོས། རང་ མི་རིགས་ཀྱི་སྐད་ཡིག་སྲུང་སྐྱོང་བྱ་རྒྱུ་དེ་ང་ཚོ་མི་རེའི་ཕྲག་སྟེང་དུ་བབས་པའི་གཡོལ་ཐབས་མེད་པའི་ འོས་འགན་ཞིན་ཡིན་པས། ང་ཚོས་སྐད་ཡིག་འདི་སྲུང་སྐྱོང་གང་ལེགས་བྱེད་དགོས་ན། ཁ་གཡང་ཙམ་གྱིས་ མི་ཆོག་པར་དུས་རྒྱུན་གྱི་འཚོ་བའི་ཁྲོད་དུ་ལག་ལེན་དངོས་ནང་སྒྲུབ་ཐུབ་པ་བྱ་དགོས། བོད་རུས་ལས་ མཆེད་པའི་བོད་མི་དག་གིས་རང་ས་རང་ཡུལ་འདི་ནས། ཕ་སྐད་རྒྱུད་འཛིན་དང་བོད་ཡིག་དར་སྤེལ་བྱས་ ཏེ།
ང་ཚོ་བོད་ཀྱི་མ་འོངས་པའི་མཁའ་དབྱིངས་ལ་མཛེས་སྡུག་གི་ཉི་གཞོན་ཤར་དུ་འཇུག་དགོས་པ་དང་།
གངས་ཅན་གྱི་ཤེས་རིག་གི་དར་ཆ་མཐོན་པོ་དེ་འཛམ་གླིང་གི་ཡང་རྩེར་བསྒྲེངས་ཐུབ་པར་སྨོན།
རེད་ཡ། ཁྱེད་ཚོས་ཉམས་ཀྱིན་པའི་མི་རིགས་འདིའི་མ་འོངས་པར་རྒྱང་ལྟ་བྱེད་མྱོང་ངམ། ཁྱེད་
ཚོས་རྒུད་ཀྱིན་པའི་མི་རིགས་འདིའི་རྩ་བ་གང་ལ་ཐུག་ཡོད་པར་བསམ་བློ་བཏང་མྱོང་ངམ།
85
མི་རྟག་སྒྱུ་མའི་རང་མདངས། ལྷ་ལུང་སྒྲོལ་མ།
སྙིང་གཏམ་ཤག་ཤག་བརྡོལ་སའི་སྦྲ་ཁྱིམ་གྱི་དབུས་ན། མཛེས་སྡུག་ལང་ཚོ་དུས་རབས་ན་འབར་ བའི་ན་ཆུང་མ། ཁྱོད་ནི་སྦྲ་སྨུག་པོ་དེ་ཡི་གཏམ་རྒྱུད་ཡིན་ལ། ཁྱོད་ནི་སྤང་སྔོན་མོ་དེ་ཡི་མེ་ཏོག་ཀྱང་རེད། གནས་ཡུལ་འགྲིམས་པའི་ཨ་ཅེ་ལགས། ཉི་ཟེར་གྱི་བརྩེ་བ་དེ་ནི་ཁྱོད་ཀྱི་ཕུགས་འདུན་ཡིན་ནམ། ཡིད་རེ་སྐྱོ། ཉི་ཤུ་ཡི་ལང་ཚོ་དེ་ནི་ཁྱོད་ཀྱི་གནས་ཡུལ་ཡིན་ནམ། ཞེ་རེ་སྡུག
ཕ་དང་ཨ་ཁུའི་གྲོས་འཆམ་ཞིག་གིས་གནས་ཡུལ་འགྲིམ་པའི་གླེང་གཞི་བསྒྲིགས།
གཡུ་དང་བྱུ་
རུའི་རྒྱན་ཆའི་ཁུགས་ནས་མི་ཚེ་གང་བོ་དེ་ལྟར་རྫོགས། ནང་གི་གཤིས་རྒྱུད་བལ་སྐུད་བཞིན་འཇམ་ཞིང་ཕྱི་ ཡི་སྐྱེས་འབྲས་ཡིད་འཕྲོག་ལྷ་མོ་ལྟར་མཛེས་པའི་སྙིང་གི་ཨ་ཅེ་ལགས། ཁ་སང་ཁྱོད་དང་འུ་གཉིས་ལྷན་དུ་ འབའ་འབའ་གཡང་དཀར་འཚོ་རུ་རི་ལ་སོང་ཞིང་། དེ་རིང་ཁྱོད་ཀྱི་སེམས་པ་མིག་ཆུས་བརླན་ནས་གཞན་ ཡུལ་འགྲིམ་པས། སང་ཉིན་ཁྱེད་ཀྱི་པང་ནས་ཚེ་སྲོག་རྐང་གཅིག་གི་གཉོམ་ལག་རྒྱས་སྲིད། ཕ་ཡུལ་མ་གའི་ འབྲོག་སྡེ་གྲོང་ནས་འུ་གཉིས་བསྡད་པ་ལོ་མང་ཡིན། ཕྱིར་དྲན་སྤྱོད་ལམ་རེ་རེ་བརྗེད་མེད་བག་ཆགས་སྙིང་ ན་གསལ་ལེར་ཡོད། ང་ཡི་སེམས་ལ་བཞག་ཟིན་པའི་དྲན་ཤིང་དེའི་ཚུལ་བསམ་ན་བུ་མོ་ང་ཡི་ཁྲ་ཆུང་མིག་ མཐར་རང་དབང་མེད་པར་ཆུ་མ་ཞིག་འཁྱིལ།
ཆུང་བའི་དུས་སུ་ཤེས་རིག་གི་བདུད་རྩི་རོལ་བའི་བསྐལ་བ་མེད་རུང་། ཁྱོད་ལ་མ་རུང་རྫུན་དང་
དུས་རབས་ཀྱི་གཡོ་སྒྱུ་མེད་ཅིང་།
ཆགས་སྡང་སེམས་ཀྱི་རལ་གྲི་མེད་ལ་ཕྲག་དོག་ཚིག་རྩུབ་དེ་བས་ཀྱང་
མེད། ལྷག་བསམ་དཀར་བའི་ཨ་ཅེ་ཁྱེད་ནི་མེ་ཏོག་ཁྲོད་ཀྱི་པདྨ་ཡིན་ལ་རྒྱུ་སྐར་ཁྲོད་ཀྱི་ཟླ་བ་ཡང་ཡིན། ཕན་ ཚུན་སེམས་པ་གཅིག་ཏུ་སྦྲེལ་བའི་ང་ཡི་སྙིང་གི་ཨ་ཅེ་ལགས།
དེ་ནི་ཁྱེད་ཀྱི་ལང་ཚོ་དར་ནས་འཇིག་རྟེན་
གསར་བར་བཙན་གྱིས་ཞུགས། མཉམ་དུ་བསྡད་པའི་རྩེད་ར་དེ་ཡང་བྱེ་ཐང་སྐྱ་བོས་ཡོངས་སུ་བཏམས། དེ་ ལྟར་ངེད་གཉིས་ཀྱིས་ལུག་ཆུང་འཚོལ་སའི་ཕ་ཡུལ་གྱི་རྟ་ལྗང་ཆུ་བོའང་། ཁྱེད་རང་གནས་ཡུལ་འགྲིམ་པའི་ ཉི་མ་དེ་ནས་བཟུང་བཞུར་རྒྱུན་ཆད་ནས་ཨུ་ཤུ་མངན་པ་བར་མེད་འཐེན།
ཁྱེད་ཀྱིས་ཅིའི་ཕྱིར་རང་ཉིད་ཀྱི་འདོད་བློ་དང་མཐུན་པའི་འཚོ་བའི་རོལ་སྟངས་ཤིག་བཙལ་ན་
མི་ཆོག ཁྱེད་ཀྱིས་ཅིའི་ཕྱིར་རང་ཉིད་ཀྱི་བསམ་བློ་དང་བསྟུན་ནས་སྲོལ་རྒྱུན་རྙིང་བ་ཞིག་བསྒྱུར་ན་མི་ཆོག 86
ངའི་ཕུགས་བསམ། ཀླུ་མོ་བྱམས།
མི་སུ་དང་གང་ཞིག་ཡིན་རུང་མི་འདྲ་བའི་ཕུགས་བསམ་རེ་ཡོད་དེ།
གལ་ཏེ་ཕུགས་བསམ་མེད་
པའི་མི་དེ་གཤོག་ཟུང་མེད་པའི་བྱ་དང་མཚུངས་ཞེས་སྔོན་བྱོན་མཁས་པའི་གསུང་ལས་གསལ།
དེ་བས།
མིའི་བསམ་བློའི་འཁོར་རྒྱ་དང་ཆེ་ཆུང་གི་དབང་གིས་ཕུགས་བསམ་ལ་ཡང་འདྲ་མིན་སྣ་ཚོགས་ཡོད། དེ་ན་ང་ཚོ་སློབ་གཉེར་བ་རྣམས་ལ་མཚོན་ནའང་སློབ་སྦྱོང་བྱེད་པ་ནི་རང་གི་མ་འོངས་པའི་ཕུགས་བསམ་ གྱི་ཆེད་དུ་ཡིན་པ་ཤེས་རྟོགས་བྱུང་ནས་ཕུགས་བསམ་དང་ཁ་ཕྱོགས་ངེས་གཏན་ཞིག་དགོས་ལ། དེ་ནི་སློབ་ གཉེར་བ་ཞིག་ལ་ཚང་དགོས་པའི་ཆ་རྐྱེན་དུ་རྩིས་ཆོག་ཆོག་རེད།
སློབ་བུ་ང་རང་ལ་ཕུགས་བསམ་ཆེན་པོ་ཞིག་མེད་ཀྱང་། ང་རང་ཆུང་དུས་ནས་ཡིད་སྨོན་བྱེད་ས་
ནི་རླབས་ཆེན་གྱི་སློབ་དཔོན་དམ་པ་རེད། ཁོ་ཚོའི་རང་རང་གི་ཁེ་ཕན་དང་སྐྱིད་སྡུག་མ་བསམ་པར་དཀའ་ ཚེགས་ལ་མ་འཛེམ་པར་ནངས་སྔ་ལངས་དང་དགོང་འཕྱི་ཉལ་བྱས་ནས་སློབ་བུ་ང་ཚོའི་མདུན་ལམ་གྱི་ཆེད་ དུ་ཁོམ་གྱིན་མེད། ང་རང་གིས་བསམ་ན་སློབ་དཔོན་འདི་དག་གིས་སློབ་བུ་སྟོང་ཕྲག་དུ་མའི་མ་འོངས་པའི་ ཕུགས་བསམ་གྱི་ལམ་བུ་ལ་འོད་ཟེར་གྱི་མདུན་ལྗོངས་བསྐྲུན་པ་དང་།
སློབ་བུ་རྣམས་ཀྱི་མུན་པའི་གནས་
དེ་རྩ་མེད་དུ་བཏང་ནས་རྨོངས་མུན་གྱི་འཇིག་རྟེན་ལས་སྐྱབས་ནས་ཤེས་རིག་གི་མེ་ཏོག་འཐུ་རུ་འགྲོ་རུ་ བཅུག
དེ་སྟབས་ཀྱིས་ང་རང་གིས་སློབ་དཔོན་འདི་དག་གི་བླ་ན་མེད་པའི་མཛད་རྗེས་ལ་མཐོང་ཆེན་དང་
ཡི་རངས་བྱེད། ང་རང་ལ་ཤེས་རྒྱ་ཆེན་པོ་ཞིག་མེད་ཀྱང་། འོན་ཀྱང་ང་རང་གིས་རང་ནུས་ཡོད་དགུ་བཏོན་ ནས་སློབ་སྦྱོང་ལ་འབད་པ་ལྷུར་ལེན་བྱས་ནས་མ་འོངས་པའི་སློབ་བུ་རྣམས་ལ་ཤེས་རིག་གི་ལམ་སྟོན་པ་ ཞིག་བྱེད་རྒྱུ་ནི་ངའི་ཕུགས་བསམ་ཡིན།
87
བདག མཁའ་མོ་འཚོ།
བུ་མོ་ང་ནི་ཆུང་དུས་ནས་སྦྲ་ནག་གྲུ་བཞིའི་འདབས་རོལ་ནས་གཉོམ་ལག་རྒྱས་ཤིང་།
འབའ་
འབའ་ལུ་གུའི་རྗེས་སུ་འབྲངས་མྱོང་བའི་བུ་མོ་ཞིག་ཡིན། ཟས་སུ་སྦྲང་དཀར་རྩམ་པ་ཟ་བ་དང་། ལུས་སུ་ བོད་ལྭ་གྱོན་མྱོང་བའི་བྱིས་པ་ཞིག་ཡིན། ལོ་བདུན་གྱི་སྟེང་ཨ་མའི་བྲང་གི་ནུ་མ་དང་ཁ་བྲལ་ནས་ཤེས་རིག་ གི་སློབ་གླིང་དུ་བགྲོད་པ་ཡིན། ཆུང་དུས་སུ། དཔེ་ཆ་ལ་བལྟ་བར་ཧ་ཅང་དགའ་བ་དང་། རང་མི་རིགས་ཀྱི་ སྐད་དང་ཡི་གེ་ལ་ལྷག་ཏུ་དགའ། ལྷག་པར་དུ་བོད་རྩོམ་འབྲི་བར་ཧ་ཅང་དགའ་བ་དང་། རྩོམ་ཡིག་འགྲན་ སྡུར་ལ་ཞུགས་པར་ཡང་ལྷག་ཏུ་དགའ།
གོ་ལ་ཟླུམ་པོའི་ཡང་རྩེ་ནས། བུ་མོ་ང་ཡང་ཕ་ཡུལ་ལ་དགའ་ཞིང་ཕ་ཡུལ་ལ་དུང་། བུ་མོ་ང་རང་
ཕ་སྐད་གཙང་མར་དགའ་ཞིང་ཕ་སྐད་གཙང་མར་དུང་།
ཆུང་དུས་ནས། རྒྱུན་དུ་རྩོམ་ཡིག་བྲིས་པ་ཡིན་པས་སློབ་ཆུང་གི་སྐབས་སུ་བོད་རྩོམ་འགྲན་སྡུར་
ཞིག་ལ་ཞུགས་པ་ཡིན། རྗེས་སུ་རང་ཉིད་ལ་ཕུལ་དུ་བྱུང་བའི་བྱ་དགའ་ཐོབ་མྱོང་། དེའི་རྗེས་སུ། རང་ཉིད་ རྩོམ་ཡིག་འབྲི་བར་དེ་བས་དགའ་བ་རེད།
88
བདག་གི་ཨ་མ། ལྷ་རིག་ཐར།
བདག་གི་ཤ་ཁྲག་གི་ཕུང་བོ་འདི་དང་ཉམས་པ་མེད་པའི་སྙིང་སྟོབས་ཀྱི་ལས་ལ་བསྐྱེད་མཁན་ནི་
ཚེ་འདིའི་དྲིན་ཆེན་ཨ་མ་སྟེ། ཁོ་མོ་ནི་དཀའ་སྡུག་གི་ཁྲོད་ནས་འཚར་ལོངས་བྱུང་བའི་འབྲོག་མོ་རྣལ་མ་ཞིག་ ཡིན་ལ། དཀར་ནག་ནོག་གི་དབུ་སྐྲ་ནི་ཁ་ཆར་དང་བུ་ཡུག་གི་ཁྲོད་ན་བར་མེད་གཡོ། འཚོ་གནས་ཇི་འདྲ་ དམན་པའམ་དཀའ་སྡུག་ཁུར་བོ་ཇི་འདྲའི་ལྕི་ཡང་། ཁོ་མོའི་ཉམས་པ་མེད་པའི་སྙིང་སྟོབས་དང་བློ་སྟོབས་ ནི་ཇི་འདྲའི་ངོ་མཚར་ཞིང་ཇི་འདྲའི་རླབས་ཆེན་ཞིག་རེད་འང་།
དབྱར་གནང་གི་ཉིན་མོ་ཞིག་ལ། ང་རང་སྦྲ་གུར་ནང་གཉིད་ནས་ད་དུང་རྨི་ལམ་གྱི་ཞིང་ཁམས་
ན་མཆིས། བྱེ་རྡུལ་བསྲེས་མའི་རླུང་སྒྲས་གློ་བུར་དུ་ངའི་ངའི་རྨི་ལམ་དཀྲོགས་ཤིང་། ངས་གང་བྱུང་འདི་བྱུང་ མ་ཤེས་པར་ཨ་མ་ཞེས་ངུ་འབོད་ལན་གསུམ་བྱས།
ཁོ་མོ་ངའི་གམ་དུ་འོང་སྟེ་བྱམས་བརྩེ་ཡི་མགོ་ལ་བྱིལ་
བྱིལ་གཏོང་བཞིན། གཅེས་ཕྲུག་ད་ནི་རླུང་དྲག་ཆེ། ཕྱིར་གཉིད་དང་། རླུང་མཚམས་བཞག་རྗེས་ད་གཟོད་ཨ་ མས་ཁྱེད་ལ་ཁ་ཟས་ཞིམ་པོ་ཞིག་སྟེར་ཟེར། འོན་ཀྱང་རླུང་བུའི་ཤུགས་སྒྲ་ནི་ཇེ་ཆེར་གྱུར་བའི་དབང་གིས་ སྦྲ་གུར་སྐད་ཅིག་ཙམ་ལ་དྲག་རླུང་གིས་ཁུར། ངེད་མ་བུ་གཉིས་གྲང་ངར་གྱི་རླུང་ཤུགས་དྲག་པོའི་ཁྲོད་དུ་ འདར་སུག་སུག་བྱེད། སྐབས་དེར་བདག་གིས་གྲང་ངར་མ་བཟོད་པར་ངུ་འབོད་བྱས། བྱམས་ལྡན་གྱི་ཨ་ མས་བདག་གི་ལུས་པོ་ཤུགས་ཀྱིས་བྲང་ལ་སྦྱར་ཞིང་། ངའི་གཅེས་ཕྲུག་སྐྱོན་མི་འདུག་ཅེས་ཚིག་དེ་ལས་ཅི་ ཡང་གསུངས་རྒྱུ་མི་འདུག དུས་ཡུན་རིང་བོ་ཞིག་འགོར་རྗེས་གྲང་ངར་ཆེ་བའི་རླུང་བུ་རིམ་གྱིས་བཞག་ཅིང་ ། ཁྲི་གདུགས་ཀྱི་ཉི་ཟེར་རྣོན་པོ་ཞིག་ཀྱང་རིམ་གྱིས་མངོན་བྱུང་བས། ང་རང་ཨ་མའི་ཐུ་འོག་ནས་མགོ་ཕྱིར་ བུད་ཚེ་ངས་མཐོང་བའི་ཁོ་མོའི་ཞལ་ངོས་ནི་ཀུ་ཤུ་དམར་པོ་ཞིག་དང་འདྲ་བར་ཞལ་ངོས་ཧྲིལ་པོ་དམར་ པོར་གྱུར་ཞིང་། ལུས་ཡོངས་གྲང་ངར་གྱིས་མནར་ནས་འདར་སུག་སུག་བྱེད་བཞིན་ཡོད།
རེད་ཡ། སྐབས་འདིར་བདག་གིས་ཕྱིར་དྲན་ཞིག་བྱས་ཚེ། རླུང་ཤུགས་དྲག་པོའི་ཁྲོད་ཀྱི་ཨ་མའི་
རྣམ་པ་དེ་སེམས་ལ་ཝ་ལེར་ཤར་འོང་ལ།
ཁོ་མོས་བདག་ལ་བཅངས་པའི་བྱམས་བརྩེ་འདི་བསམ་ན།
འཇིག་རྟེན་གྱི་ཨ་མ་ཡོངས་ལ་རང་གི་ཤ་ལས་མཆེད་པའི་བུ་ཕྲུག་དེ་མ་གཏོགས་ཞེན་ཆགས་ས་ཅི་ཡང་ཡོད་ པ་མི་འདུག དེ་བས་སྐབས་འདིར་རྟོགས་བྱུང་བ་ནི་བདག་གི་འཇིག་རྟེན་འདིར་ཆེས་བཀའ་དྲིན་ཆེ་བའམ་ 89
ཆེས་བྱམས་སེམས་ལྡན་པ་ནི་ཨ་མ་ཡིན། དེ་བས་སེམས་ཅན་དགའ་ན་དགེ་བ་དང་ཕ་མ་དགའ་ན་དྲིན་ལན་ ཡིན་ཞེས་པའི་དཔེ་བཞིན་དུ་ང་ཚོས་རང་གི་དྲིན་ཆེན་གྱི་ཨ་མ་འདི་ལ་དྲིན་ལན་བཟང་པོ་ཞིག་འཇལ་མི་ ཐུབ་མོད། འོན་ཀྱང་། གཉོར་སྐྱོང་བཟང་བོ་ཞིག་དང་ཁ་ལེན་ཚིག་བརྩི་ཞིག་བྱེད་ཐུབ་པ་བྱུང་ན། དེ་ནི་ང་ ཚོས་ཕྱིར་དྲིན་ཆེན་གྱི་ཨ་མ་ལ་དྲིན་ལན་ཉུང་ཙམ་ཞིག་དང་ཡང་ན་ཕན་པའི་ལས་དོན་ཉུང་ཙམ་ཞིག་སྒྲུབ་ པ་མ་ཡིན་ནམ།
བདག་གི་དགེ་རྒན། ཨོ་རྒྱན་ཚེ་རིང་།
བདག་གི་དགེ་རྒན་གྱི་མིང་ལ་རྣམ་རྒྱལ་སྒྲོལ་མ་ཟེར་ཞིང་།
མོ་ནི་ང་ཚོའི་འཛིན་གྲྭའི་བོད་ཡིག་
དགེ་རྒན་ཡིན། ཁོ་མོའི་གཟུགས་གཞི་ཅུང་ཆུང་ཞིང་། ཞལ་རས་ནི་འཇོང་འཇོང་ཞིག་ཡིན། ནག་ཅིང་མཐུག་ ལ་ཐུར་དུ་རིང་བོར་དཔྱངས་པའི་སྐྲ་ལོ་ནི་རྒྱ་ལྕང་གི་ལོ་འདབ་ལྟར་སྣང་།
ང་རང་སློབ་སྐབས་དང་པོ་འཚོགས་དུས། སློབ་གྲྭའི་སྒོ་ཆེན་ནང་དུ་འཛུལ་མ་ཐག་མིག་མདུན་དུ་
དགེ་རྒན་བུད་མེད་ཅིག་གིས་ཕར་འགྲོ་ཚུར་འོངས་བྱེད་བཞིན་པའི་ཁྱིམ་བདག་དང་སློབ་མ་དག་ལ་འཛུམ་ མདངས་ཤིག་ཤིག་གིས་སྣེ་ལེན་བྱེད་བཞིན་པའི་ཚུལ་མཐོང་བྱུང་། དེ་དུས་ངའི་བསམ་པར། གན་ནི་ངའི་ དགེ་རྒན་ཡིན་ན་ཅི་མ་རུང་ཞེས་སྨྲ་མི་ཤེས་པའི་ཚོར་སྣང་ཡ་མཚན་ཞིག་སྐྱེས་བྱུང་།
ཕྱི་དྲོར་སློབ་ཁང་གསར་བའི་ནང་དུ་ཐོན་པ་ན། མ་གཞིར་ངས་སློབ་གྲྭའི་རྒྱ་སྒོ་ཁར་མཐོང་བའི་
དགེ་རྒན་བུད་མེད་དེ་ནི། ང་ཚོའི་བོད་ཡིག་དགེ་རྒན་ཡིན་པས། ང་རང་དགའ་སྤྲོ་ཚད་མེད་སྐྱེས། ཕྱི་ཉིན་སྔ་ མོར། ཁོ་མོས་ང་ཚོར་དག་ཡིག་གི་ཕན་ནུས་ཞེས་པའི་སློབ་ཚན་དང་པོ་དེ་ཁྲིད། སྐབས་འདིར། ང་དང་ང་ལྟ་ བུའི་སློབ་གྲོགས་རྣམས། ཁོ་མོའི་སློབ་ཁྲིད་ལ་ཉན་རྒྱུར་སྤྲོ་བ་ཆེན་པོ་ཡོད།
དུས་རྒྱུན།
ཕྱི་དྲོའི་སློབ་གསེང་གི་སྐབས་སུ།
ང་ཚོ་སློབ་མ་རྣམས་མོ་དང་མཉམ་དུ་སློབ་ཁང་
ནང་ནས་ཕན་ཚུན་ལ་ཁ་བརྡ་བྱེད་པ་དང་ཀུ་རེ་སོགས་དགོད་གཏམ་བཤད་ནས་བསྡད། དེ་ནས་ཁོ་མོས་ང་ ཚོར། ཁྱོད་ཚོས་སློབ་སྦྱོང་ལ་ཧུར་བརྩོན་བྱོས་དང་། ཐེངས་འདིའི་དཀྱིལ་རྒྱུགས་ལ་ཁྱོད་ཚོར་རྒྱལ་ཁ་ཡོད་ 90
པ་ང་ལ་ཡིད་ཆེས་བརྟན་པོ་ཡོད་ཟེར། དེ་ནས་ཉིན་ཁ་ཤས་སོང་ཚེ། རྒྱུགས་འབྲས་བུད་དེ་ང་ཚོའི་འཛིན་གྲྭ་ དམའ་གཅིག་སྡེ་ཁག་ནང་བོད་ཡིག་ལ་ཨང་དང་པོ་ཡིན་པས།
སློབ་གྲོགས་རྣམས་དང་ཁོ་མོ་ཡང་ཧ་ཅང་
དགའ་འདུག
དུས་དེ་ནས་བཟུང་སྟེ། ང་ཚོས་ཨང་དང་པོ་བླངས་པ་དེ་བསམ་ནས། སློབ་གྲོགས་འགས་སློབ་སྦྱོང་
ལ་ཧུར་བརྩོན་མ་བྱས་པར་རྩེད་འཇོར་གཡེང་བའི་རྐྱེན་གྱིས། ཁོ་མོས་ང་ཚོར། ཁྱོད་ཚོ་འབྲུག་ལྟ་བུ་ཞིག་ གྲགས་ནས། དབུགས་ལྟ་བུ་ཞིག་ཞུ་ན་མི་འགྲིག དེ་བས། སློབ་སྦྱོང་ལ་ཧུར་བརྩོན་བྱེད་རྒྱུ་ནི་ངའི་རེ་བ་ཡིན་ ཟེར།
ཁོ་མོས་དུས་རྒྱུན་ང་ཚོར། ཁྱེད་ཚོ་ནི་མེས་རྒྱལ་གྱི་མ་འོངས་པ་ཡིན་པས། ཁུ་སིམ་མེར་གནས་པའི་
རི་སྒང་དུ་ཕྱུགས་ཟོག་གི་རྗེས་བསྙེག་མི་རུང་བ་དང་འདུ་འཛི་ཆེ་བའི་རྒྱ་སྲང་དུ་མི་འཁྱམ་པར་བཅུ་ཕྲག་ རིག་པའི་དཔལ་བཅུད་འཛོམས་པའི་ལྔ་རིག་གི་སྐྱེད་ཚལ་འདིར་རང་ནུས་ཡོད་ཚད་བཏོན་ནས་བསླབ་པ་ ལ་བརྩོན་དགོས་པ་དང་། ང་ཚོ་བོད་ཀྱི་སྲོལ་རྒྱུན་རིག་གནས་དག་སྙིགས་དོར་བཅུད་ལེན་བྱས་ནས་ཉམས་ པ་སླར་གསོ་དང་མ་ཉམས་གོང་འཕེལ་གཏོང་དགོས་པའི་བསླབ་བྱ་གང་མང་ཞིག་ཀྱང་བཏང་། ཁོ་མོས་ང་ཚོར། རིག་གནས་ནི་མི་ཚེ་ཚད་འཇལ་གྱི་རྒྱ་མར་གྲུབ་པས། ཁྱེད་ཚོས་རིག་གནས་སློབ་པར་གུས་ བརྟག་བརྩོན་པ་ཆུ་བོའི་རྒྱུན་བཞིན་བསྟེན་དང་།
མ་འོངས་པ་ན་ཁྱེད་ཚོ་ནི་མི་དམངས་ལ་ཕན་ཐོགས་པ་
དང་མེས་རྒྱལ་ལ་དགོས་མཁོ་ཡོད་པའི་མི་ཞིག་ཏུ་འགྱུར་བར་གདོན་མི་ཟ་ཟེར། ཁོ་མོས་ད་དུང་ང་ཚོར། ཁྱེད་ཚོས་སློབ་སྦྱོང་བྱེད་པའི་བརྒྱུད་རིམ་ཁྲོད་དུ། བདེ་སྐྱིད་ཀྱི་འོད་སྣང་ཡོད་ལ་ སྡུག་བསྔལ་གྱི་མུན་པ་འང་ཡོད་ངེས། དེ་ལྟར་ཁྱེད་ཚོ་སྡུག་བསྔལ་དང་འཕྲད་སྲིད་པ་ནི་འཇིག་རྟེན་གྱི་ཆོས་ ཉིད་ཡིན་ལ། འོན་ཀྱང་དེ་ལས་རྣམ་པར་རྒྱལ་ཐུབ་པ་བྱ་རྒྱུ་ནི་དོན་གལ་ཆེན་ནང་གི་འགངས་ཆེན་ཞིག་ཡིན་ ཟེར།
དེའི་ཕྱིར། དགེ་རྒན་ལགས། གལ་ཏེ་ང་ནི་སྙན་ངག་པ་ཞིག་ཡིན་ཚེ། ངས་ཁྱེད་ཀྱི་བླ་ན་མ་མཆིས་
པའི་ཡོན་ཏན་དང་། མི་རིགས་ལ་བཅིངས་པའི་ཟོལ་མེད་རྣམ་དག་གི་ལྷག་བསམ་བཅས་ལ་སྙན་འཇེབས་ ཚིག་གིས་བསྟོད་སྲིད། དགེ་རྒན་ལགས། གལ་ཏེ་ང་ནི་རི་མོ་བ་ཞིག་ཡིན་ཚེ། ངས་ཁྱེད་ཀྱིས་བོད་པ་ཚང་གི་ བུ་ཕྲུག་ཚོའི་ཆེད་དུ་དཀའ་བ་ལྕི་མོ་ཕྲག་ཏུ་ཁུར་བཞིན་པའི་ཉམས་འགྱུར་རེ་རེ་རི་མོར་འགོད་སྲིད།
དགེ་
རྒན་ལགས། གལ་ཏེ་ང་ནི་གྲེ་འགྱུར་སྙན་པའི་གླུ་བ་ཞིག་ཡིན་ཚེ། ངས་གཞི་ནས་ཁྱེད་ཀྱི་དུང་ལྟར་དཀར་ བའི་ལྷག་བསམ་དང་། མདའ་ལྟར་དྲང་བའི་གཞུང་རྒྱུད་སོགས་ཁ་མཚར་གླུ་ཡིས་བསྟོད་སྲིད། ཁོ་མོས་དུས་རྒྱུན་དུ་ནངས་སྔ་ནངས་དང་དགོང་འཕྱི་ཉལ་བྱས་ཏེ། ཐ་ན་ཁྱིམ་གྱི་བྱིས་པའང་བསྐྱུར་ནས། ང་ 91
ཚོའི་ཆེད་དུ་གཉིད་ཆག་ཟས་བརྗེད་ཀྱིས་ང་ཚོར་སློབ་ཁྲིད་བྱས་པས། མོ་ནི་ང་ཚོར་ཤེས་རིག་གི་དངོས་གྲུབ་ བསྩལ་མཁན་དང་། ང་ཚོའི་བློ་རིག་གི་སྐྱེད་ཚལ་ལ་ཤེས་རིག་གི་མེ་ཏོག་བཞད་དུ་འཇུག་མཁན་ཡང་ཡིན། ང་ཚོ་སློབ་མ་རྣམས་ལ་མཚོན་ན། ཁོ་མོའི་བཀའ་དྲིན་ནི་རི་བོ་ལས་དཔངས་མཐོ་ཞིང་རྒྱ་མཚོ་ལས་གཏིང་ ཟབ་པ་ཞིག་ཡིན། དེ་བས། ང་ཚོའི་སེམས་ཁོངས་ན་ཉི་ཟླ་ལྟར་གསལ་ཞིང་རྟག་བརྟན་གྱི་མར་མེ་བཞིན་ ནམ་ཡང་ཡལ་མི་སྲིད་པ་ནི་ཁོ་མོ་ལགས།
སློབ་ཐུན་གཅིག་གི་ཁ་དོག ཀེ་བཀོལ་རྒྱལ།
སློབ་མ་ཚོའི་རྣ་བར་གཟན་ཞིང་ཉན་འདོད་མེད་པའི་གླུ་དབྱངས་དེ་ཡང་བསམ་དབང་གཟུར་
དབང་མེད་པར་གྲགས་བྱུང་ལ། དེ་དང་བསྡོངས་ནས་སློབ་གྲོགས་ཚོ་ཡང་ཆད་མ་ལྷོད་ཀྱི་ངང་གཅིག་འཕྲོར་ གཉིས་མཐུད་ཀྱིས་སློབ་ཁང་ལ་སོང་།
ང་ཚོ་འཛིན་གྲྭའི་སློབ་གྲོགས་འགས་ད་དུང་ཐེམ་སྐས་ན་ཕྱག་མ་
འགའ་ཕར་བསྐོར་ཚུར་གཡུགས་ཀྱིས་གཙང་སྦྲ་བྱེད་བཞིན་ཡོད།
ཅུང་ཙམ་ཞིག་འགོར་རྗེས། གླུ་དབྱངས་དེ་ལ་ཡང་གཞི་ནས་གྲགས་འགུལ་མེད་ཅིང་། བར་ཁྱམས་
ཀྱི་ག་ས་གང་དུ་དགེ་རྒན་བཟང་ཞེས་པའི་གུས་ཚིག་ཅིག་རིམ་གྱིས་གྲགས་འོང་པའི་མོད་ལ།
དགེ་རྒན་
དཔའ་ཐར་གྱིས་ཀྱང་རང་གི་ཇ་ཕོར་ནང་དུ་ཚ་དེམ་གྱི་ཆུ་ཁོལ་ཞིག་བླུགས་རྗེས། ལག་གཡས་པར་རང་ཉིད་ ཀྱི་ཕོར་བ་དེ་དང་། ལག་གཡོན་པའི་མཆན་འོག་ཏུ་སློབ་ཁྲིད་ཀྱི་བསླབ་དེབ་དེ། ད་དུང་ལག་གཡོན་པར་ས་ སྨྱུག་རྐང་མང་པོ་ཞིག་བསྡམས་ནས།
ཕར་བལྟས་ཚོད་ཀྱིས་སློབ་ཁྲིད་ཀྱི་ནང་དོན་མང་པོ་ཞིག་རྒྱ་ཆེ་བའི་
བརྗོད་པར་སྙམ་པའི་རྣམ་འགྱུར་ཞིག་དང་མཉམ་དུ། ཐག་ཐག་གི་གོམ་སྒྲ་དང་བསྡེབས་ནས་ང་ཚོའི་སློབ་ ཁང་གི་ཕྱོགས་སུ་འོང་གིན་མཆིས།
དགེ་རྒན་དཔའ་ཐར་ཡང་ནམ་རྒྱུན་དང་འདྲ་བར། སྟོད་དུ་མདོག་གསལ་ཞིང་སྐྱ་ནག་བསྲེས་སུ་
གྱུར་བའི་སྟོད་ཐུང་དེ་དང་། སྨད་ལ་ཡང་སྐྱ་མདོག་གི་དོར་མ་ཐགས་བབས་ཤིག་གྱོན་ཡོད་པ་དེ་ནི། ཁོས་ ལུས་དང་འཚམ་ཞིང་རན་པོ་ཞིག་འདུག་པས།
མཐོང་བ་ཙམ་གྱིས་ལུས་ཕུང་བདེ་ཐང་ཡིན་ཞིང་བློ་རིག་ 92
གྲིམ་པོའི་རང་བཞིན་ཞིག་མ་ཉམས་པར་ཤར་འདུག་པར་མ་ཟད།
མི་ཡག་པ་ལྭ་བའི་རྒྱན་ཞེས་པའི་དཔེ་
དང་མིང་མཚུངས་སམ་ཞེས་པའི་རྟོགས་པ་ཞིག་ཀྱང་ང་ཚོ་ལ་ངང་གིས་སྐྱེ་ངེས། དེ་ལས་ལྷག་པ་ནི་ཁོང་གི་ ཐང་དཀར་རྒོད་ཀྱི་གཤོག་ཟུང་རྣམ་པར་བརྐྱངས་པ་ལྟ་བུའི་སྨིན་མའི་འོག་ཏུ། རྣམ་རིག་གྲུང་ཞིང་བློ་རིག་ འཛོམས་པའི་མིག་དེ་གཉིས་ལན་རེར་ཀེམ་ཀེམ་དང་རིག་རིག་བྱེད་ལ། དེས་ཕ་རོལ་པོའི་ཡིད་ཀྱི་གསང་བ་ ཐམས་ཅད་སྐད་ཅིག་ལ་བརྟོལ་བའི་མཐུ་ནུས་དང་ལྡན་པའི་ཡོན་ཏན་ཞིག་ངོམ་པས།
ང་ཚོ་མི་རེ་རེའི་རྨི་
ལམ་ཡང་ཕལ་ཆེར་ཁོང་ལ་གསང་ཐབས་མེད་པ་འདྲ།
དགེ་རྒན་དཔའ་ཐར་སློབ་ཁང་དུ་འཛུལ་མ་ཐག་ཏུ་སློབ་ཁྲིད་ཀྱི་མགོ་བརྩམས་པས། མྱུར་བ་མྱུར་
བར་ཕོར་བ་དེ་མདུན་ཅོག་སྟེང་བཞག་ཅིང་།
སྐྱེ་དངོས་རིག་པའི་སློབ་དེབ་ཀྱི་ཁ་འབྱེད་བཞིན་སློབ་མ་
ཡོངས་ཐོན་ཡོད་མེད་ལ་མིག་འགྲེམས་ཐེངས་གཅིག་བྱས། ཁོང་གིས་སློབ་མ་སྐོར་ཞིག་ཡོང་མེད་པ་མཐོང་ འཕྲལ་དུ། སློབ་མ་འདི་དག་ལ་གནང་བ་ཞུས་པ་ཨེ་རེད་ཅེས་དྲིས་བྱུང་། སྐབས་དེར་ང་ཚོའི་མགྲིན་གཅིག་ ཏུ་དགེ་རྒན་ལགས། ཁོ་ཚོས་གནང་བ་ཞུས་པ་མ་རེད། ཁོ་ཚོས་ཕྱིའི་ཐེམ་སྐས་ན་གྲི་རུས (值日) བྱེད་ བཞིན་ཡོད་ཅེས་འཕྲལ་དུ་ལན་ལྡོན་པ་ཡིན། དགེ་རྒན་གྱིས་གོ་མ་ཐག་ཏུ་དང་ཐོག་དཔེ་ཆའི་ཁ་སུམ་ལ། དེ་ ནས་སྐད་ཆ་དེས་ཁོའི་ཡིད་མ་ཚིམས་པ་ལྟར། ས་སྨྱུག་རྐང་གཅིག་བླངས་ནས། ཁ་ཕྱིར་འཁོར་དེ་ང་ཚོས་ བཤད་པའི་སྐད་ཆ་དེ་ལ་ཡང་བསྐྱར་བསམ་བློ་ཞིག་བཏང་ཞིང་།
དེར་མཐུད་ནས་ཐེ་ཚོམ་སྤུ་ཙམ་ཡང་
མེད་པར་སྒོ་སམ་གྱི་དཀྱིལ་ལ་དགེ་རྒན་ལགས། ཁོ་ཚོར་གནང་བ་ཞུས་པ་མ་རེད། ཁོ་ཚོས་ཕྱི་ན་值日བྱེད་ བཞིན་ཡོད་ཅེས་པའི་བརྗོད་པ་དེ་མགྱོགས་མྱུར་གྱིས་གོ་རིམ་ཆ་ཚང་ཞིང་ཆད་ལྷག་མེད་པ་ཞིག་ཤར་མར་ བྲིས།
དེ་དུས་སློབ་གྲོགས་རྣམས་ཀྱིས་ཕལ་ཆེར་དགེ་རྒན་དཔར་ཐར་གྱིས་བྲིས་པའི་ཡིག་འབྲུ་དེ་ཚོ་ལ་
སྐྱོན་ཡོད་སྙམ་པ་ལྟར། ཡ་མཚན་པའི་ངང་ལན་རེར་སྒོ་སམ་ལ་བལྟ་ཞིང་། མཚམས་རེར་ཕན་ཚུན་གྱི་ངོ་ གདོང་ལ་བལྟ་བཞིན་ཡོད། ཏག་ཏག་སྐབས་དེ་རུ། དགེ་རྒན་གྱིས་ལག་པས་ཅོག་ཙེ་རྡུང་ཞོར་དུ་དྲང་མོར་ སྡོད།
ཅེས་བཤད་པ་དང་ཁ་ཕྱིར་འཁོར་ནས་ཚིག་གི་བརྗོད་པ་རེའི་ཞབས་སུ་ཚིག་ཕྲེང་གི་རིང་ཚད་དང་
མཉམ་པའི་ཐིག་ཅིག་བརྒྱབ་ནས་བཤད་རྒྱུར་སློབ་གྲོགས་ཚོ། ཁྱེད་ཚོས་ཚིག་ཕྲེང་གི་དོན་རྟོགས་སམ། དེར་ སྐྱོན་ཡོད་དམ་ཟེར།
སློབ་གྲོགས་ཚོས་དུས་རྒྱུན།
བོད་ཁམས་འདིས་སྨྱུ་གུའི་ཟློས་གར་སྒྱུར་བའི་རྩོམ་པ་པོ་དག་གིས་
བྲིས་པའི་དཔེ་དེབ་དང་། ཕ་མ་དང་དགེ་རྒན་དག་གིས་གནང་བའི་ཕུལ་བྱུང་གི་སློབ་གསོ་སྟེ། ཕ་སྐད་གཙང་ མ་ཅིག་བཤད་དགོས་ཤིང་འབྲི་ཡང་དགོས། ཞེས་འདི་ལྟ་བུའི་ཁ་ཕྱོགས་ཀྱི་ཁ་ཏ་སོགས་ལ་ཐེངས་མང་པོར་ 93
ཉན་པ་ཡིན་པས།
དགེ་རྒན་དཔའ་ཐར་གྱི་དྲིས་ལན་ལ་ཡང་དེ་དང་འབྲེལ་བའི་ལན་ཞིག་འདེབས་རྒྱུ་ནི་
དཔེ་རེད། དོན་རྟོགས་མོད། འོན་ཀྱང་སྐྱོན་ཡོད། ང་ཚོས་བོད་ཡིག་ནང་དུ་ཡིག་རིགས་གཞན་བསྲེས་པ་རེད་ ཟེར།
དེ་ནས་དགེ་རྒན་གྱིས་ཚིག་ཕྲེང་དེའ值 ི 日ཟེར་བའི་ཡིག་རིགས་འདི་གཉིས་ཁ་སྐོང་ཅིག་གི་བཞག་
རྗེས་ཧ་ཅང་གཟབ་ནན་ངང་རེད།
སློབ་གྲོགས་ཚོས་བོད་སྐད་ནང་དུ་ཡིག་རིགས་གཞན་བསྲེས་པ་རེད།
ཡིན་ཡང་ང་ཚོས་དེ་ལྟར་བོད་རང་གི་ཁུངས་བཙུན་ཞིང་ཐུན་མོང་མ་ཡིན་པའི་ཕྲད་དང་རྣམ་དབྱེ་དུ་མས་ གྲུབ་པའི་སྐད་ཆ་ཡོད་ཚད་ཀྱི་ནང་དུ་ཡིག་རིགས་གཞན་བསྲེས་ན་བོད་རང་གི་གཟི་མདངས་ཀྱི་ཆ་ཡོད་ ཚད་ཉམས་སྲིད་པ།
འཛམ་གླིང་ན་མིང་གི་རྒྱ་མཚོ་ཞེས་པའི་མཚན་སྙན་འཛིན་པའི་གངས་རིའི་ཁྱོན་འདི་
དུས་རབས་ཀྱི་ཚ་བ་ཞིག་གིས་རྒྱ་མཚོ་ཆེན་པོ་དེ་ཡང་ཆུ་ཕྲན་ཆུང་ངུ་ཞེས་གཞན་གྱིས་སྨད་པའི་གནས་སུ་ བྱ་ངེས། སྐད་ཡིག་ནི་མི་རིགས་ཚུགས་ཐུབ་ཀྱི་གདུང་མ་ལྟ་བུ་རེད་ཡ། ཞེས་རིམ་བཞིན་ཁོང་ཁྲོ་བླངས་ཤིང་ སློལ་མ་ལ་ལས་གཉིད་ཀྱང་དཀྲོགས་ནུས་པའི་སྐད་ཆ་དེ་གདངས་མཐོན་པོའི་ངང་ང་ཚོ་མི་རེ་རེའི་རྣ་ལམ་ དུ་བསྐྱལ།
དེ་དུས་ང་ཚོའི་སློབ་ཁང་ནི་ལྷང་ཞིང་འཇགས་པ། སྐབས་དང་སྐབས་ཀྱི་སློབ་མ་ཚོས་དབུགས་
ལེན་པ་ལས་ཅི་ཡང་ཐོས་རྒྱུ་མི་འདུག་པ་འདྲ། སྐབས་དེར། ཕྱི་ཡི་སློབ་མ་དེ་ཚོས་གང་ཞིག་ཐོས་པ་མི་ཤེས་ མོད། བྲེལ་བྲེལ་དང་འཚུབ་འཚུབ་ཀྱིས་འོང་ནས་ཀུབ་སྟེགས་རེ་རེར་ཕར་ལྡིང་ཞིག་གི་མགྱོགས་མྱུར་གྱིས་ བསྡད།
སྤྱིར་ན་དགེ་རྒན་དཔའ་ཐར་ནི་ང་ཚོ་འཛིན་གྲྭའི་སྐྱེ་དངོས་ཀྱི་དགེ་རྒན་དཔེ་མེད་ཅིག་ཡིན་མོད།
དེ་རིང་དགེ་རྒན་དཔའ་ཐར་གྱིས་སྐྱེ་དངོས་རིག་པ་ཞེས་པའི་དཔེ་དེབ་དེ་ལོགས་གཅིག་ནས་བཞག་སྟེ། སྒོ་ སམ་ངོར་བོད་ཡིག་གི་ཤེས་བྱ་དང་ངག་ན་བོད་ཡིག་གི་བསླབ་བྱ་རྫོགས་མེད་ཅིག་ཁྲིད་ཀྱིན་ཡོད།
དེ་ནས་དགེ ་ རྒན་དཔར་ཐར་གྱི ས ་སྔོན་གྱི ་ ཚི ག ་དེ ་ ལོ ག ས་སུ་ང་ཚོ ས ་རྒྱུན་པར་མཐོ ང ་བའི ་ ཐ་
སྙད་ཅིག་སྟེ། མཁའ་དབུགས་ཞེས་པ་དེ་ས་སྨྱུག་གི་འགུལ་སྟངས་ཤིག་གིས་བྲིས་ཚར་རྗེས། འདི་ནི་ཡང་ང་ ཚོས་རྒྱུན་པར་མཐོང་བའི་ཐ་སྙད་ཅིག་དང་རྒྱུན་པར་འབྲི་ནོར་བའི་ཡིག་ནོར་ཡང་ཡིན། ཅིའི་ཕྱིར་ཞེས་ན་ མཁའ་དབུགས་ཞེས་པའི་དབུགས་ནི་དབུཊ་ཅེས་འདི་ལྟར་བྲིས་པ་མ་ཡིན་པར། དབུཊ་ཅེས་པའི་ཡི་གེ་འདི་ ནི་ང་ཚོའི་མེས་པོ་གང་གིས་ཀྱང་བོད་རང་གི་སྐད་ཆར་མཁོ་བའི་ཡི་གེར་གཏན་ཁེལ་བྱས་མེད། འོན་ཀྱང་ང་ ཚོ་བརྒྱུད་ནས་བཟུང་ལོག་ཡིག་ཊ་ནི་ག་ས་གཉིས་ཀྱི་ཚབ་བྱེད་ཡི་གེར་གྱུར་བ་རེད་ཅེས་དམར་དམར་དུང་ དུང་གིས་སྐད་ཆ་དག་ཧ་ཅང་སྐྱོ་བའི་ཚུལ་གྱིས་ང་ཚོ་ལ་རེ་རེ་བཞིན་སྟབས་བདེ་ཞིག་འཆད་པ་ཡིན། དེ་ལྟར་ཁོང་གིས་བོད་ཀྱི་སྐྱོན་འདི་གླེང་རྗེས། དེ་མཐུད་ནས་སྐྱོན་གཞན་ཞིག་གླེང་ཞིང་། དེ་ནས་སླར་ཡང་ 94
དོན་གཞན་ཞིག་གླེང་བཞིན་གདའ་ལ།
མཚམས་རེར་ཁོང་གི་གདོང་སྒོར་ཞིང་སྨུག་པོའི་སྟེང་ན་ཆེ་ཞིང་
གསལ་བའི་མིག་འབྲས་ལས་གྲགས་འགུལ་མེད་པའི་མིག་ཆུ་ཞིག་རིམ་གྱིས་ཟགས་བཞིན་ཡོད།
འོན་ཀྱང་
ཁོང་གིས་མགོ་ཀླད་ལ་དགྱེ་སྟེ་ཧུར་བརྩོན་གྱིས་མིག་འབྲས་ཀེམ་ཀེམ་དུ་གཡོ་བར་བརྟེན་མིག་ཆུའང་ཇེ་ཉུང་ ནས་ཇེ་ཉུང་དུ་འགྲོ་བཞིན་བདོག
ང་ཚོ་ལ་སྒུག་མི་སྲིད་པའི་སློབ་ཐུན་གཅིག་གི་དུས་ཚོད་དེ་ཡང་དགེ་རྒན་དཔའ་ཐར་གྱི་མིག་ཆུ་
དང་འབོད་སྐུལ་གྱི་ཀློང་དུ་གར་སོང་ཆ་མེད་དུ་གྱུར་བར་བརྟེན།
འགྱུར་ཁུགས་ཀྱི་མཐོ་དམའ་མི་སྙོམས་
པའི་སློབ་ཐུན་གྲོལ་བའི་གླུ་དབྱངས་དེ་ཡང་། གང་ཞིག་ནས་མགོ་བརྩམས་པ་མི་ཤེས་མོད། གང་ལྟར་ཐོག་ ཁང་གི་བར་ཁྱམས་ཀུན་ན་རབ་རིབ་དང་མག་མོག་གིས་གྲགས་བཞིན་ཡོད། དེ་དུས་ངེད་འཛིན་གྲྭའི་གཡས་ གཡོན་གྱི་འཛིན་གྲྭ་དག་གི་སློབ་གྲོགས་རེ་འགས་ཡེ་ཡེ་ཞེས་འབོད་བཞིན་རང་རང་འཛིན་གྲྭའི་སྒོར་བུད། འོན་ཀྱང་ངེད་འཛིན་གྲྭ་བརྒྱད་པའི་སློབ་མ་རྣམས་ཀྱིས་སློབ་ཐུན་གྲོལ་བའི་སྒྲ་དེ་མ་གོ་བ་འདྲ་བར་གྲགས་ འགུལ་ཅུ་ཡང་མེད།
སློབ་ཐུན་གྲོལ་བའི་རྗེས་སུ་དགེ་རྒན་དཔའ་ཐར་གྱིས་ཁོས་རང་ཉིད་ཀྱིས་བཤད་པའི་སྐད་ཆ་
དག་ལ་ཕྱོགས་བསྡོམས་བྱས་པ་དང་འདྲ་བར་ཡང་ང་ཚོ་ལ་ང་ཚོ་བོད་འདིས་ཁ་སང་གི་ལོ་རྒྱུས་ནི་འཛམ་ གླིང་ན་སྙན་གྲགས་འབར་བའི་ཁྱད་པར་དུ་འཕགས་པའི་ནོར་བུ་ཞིག་ཡིན་ཡང་། དེ་རིང་གི་ཉིན་མོ་འདིར་ ང་ཚོའི་འཚོ་གནས་ཉེན་ཁས་ཀུན་ནས་བསྐོར་ཅིང་ཤུལ་བཞག་རིག་གནས་ཀྱི་དཔལ་ཡོན་ཡང་རིམ་བཞིན་ ཉམས་དམས་སུ་འགྲོ་བཞིན་ཡོད་པས། ང་ཚོས་ཕ་སྐད་གཙང་མ་བཤད་ཅིང་། བོད་ཡིག་དག་མོ་དང་ནོར་ སྐྱོན་བྲལ་བ་ཞིག་སྦྱང་ནས་ང་ཚོའི་ཉིང་བཅུད་ཕུན་སུམ་ཚོགས་པའི་སྐད་ཡིག་འདི་འཕེལ་རྒྱས་དང་གཅིག་ གྱུར་བཏང་ནས་མི་རིགས་འདིའི་ཁ་གཏད་དུ་བགྲང་བའི་ཆག་འཇིག་དང་དར་རྒུད་སྣ་ཚོགས་པ་ལ།
ལུས་
པོའི་ཟུངས་ཁྲག་དང་ལང་ཚོ་སྐམ་རག་བར་དུ་བསམ་གཞིགས་དང་འབོད་པ་གཏོང་དགོས། དེ་ན་སྐད་དང་ ཡི་གེ་གཙོ་བོར་བཟུང་ནས་དར་སྤེལ་དང་རྒྱུ་འཛིན་བྱེད་རྒྱུ་ནི་ང་ཚོ་མི་རིགས་འདིའི་མདུན་ལམ་ལ་བཀོད་ ཆོག་ཆོག་གི་གླེང་གཞི་ཡིན་ཞེས་དགེ་རྒན་དཔའ་ཐར་ལ་རང་དབང་མེད་པར་མིག་ཆུ་ཞིག་ཡང་བསྐྱར་དཀུ་ བ་དང་མཉམ་དུ།
ལག་རྒྱབ་ཀྱིས་མིག་གཉིས་ཀ་ཕུར་ཙམ་བྱས་ཏེ་ཕོར་བ་ཁྱེར་ནས་མྱུར་མོར་སྒོར་བུད།
སྐབས་དེར་ང་དང་གྲགས་འགུལ་ཅི་ཡང་མེད་པའི་སློབ་གྲོགས་ཡོངས་ལ་སེམས་འགུལ་ཐེབས་ཤིང་། རྒྱུན་ པར་བོད་སྐད་དང་རྒྱ་སྐད་མཉམ་བསྲེས་བྱས་ནས་བཤད་པའི་སློབ་མ་འགས་ཀྱང་ངོ་མ་བདེན་འདུག་ཟེར་ བ་དང་འདྲ་བར་མིག་ལ་མཆི་མ་གང་འཁྱིལ་བྱུང་།
སྤྱིར་ང་ཚོའི་འཛིན་གྲྭ་ནི་དགེ་རྒན་དཔའ་ཐར་གྱི་སློབ་ཁྲིད་ལ་དེ་འདྲའི་ཉན་འདོད་མེད་ལ་སློབ་ 95
ཐུན་ལ་གཉིད་ཀྱང་འགྲོ་མོད།
དེ་རིང་གི་སློབ་ཐུན་འདིའི་ཁ་དོག་གིས་ང་ཚོ་ལ་སྤོབས་པ་བསྩལ་ཅིང་གོ་
རྟོགས་སད་དུ་བཅུག་པས་ང་ཚོས་ཆེས་ཉན་འདོད་སྤྲོ་བའི་སློབ་ཐུན་ཉག་ཅིག་ཡིན། བྱུང་ལ།
སློབ་ཐུན་གཉིས་པ་ཚོགས་པའི་གླུ་དབྱངས་དེ་ཡང་བསམ་དབང་གཟུར་དབང་མེད་པར་གྲགས་ དེ་དང་བསྡོངས་པའི་སློབ་གྲོགས་ཚོ་ཡང་སྤོབས་སེམས་ཤིག་གི་ངང་གཅིག་འཕྲོར་གཉིས་མཐུད་
ཀྱིས་སློབ་ཁང་ལ་འགྲོ་བཞིན་ཡོད། དེ་དུས་ང་ཚོ་ནི་སྔོན་དང་འདྲ་བར་གཉིད་མ་སད་ཅིག་ཡིན་ཞིང་། བོད་ ཡིག་སློབ་ཐུན་ལ་ཉན་དགོས་པའི་སེམས་བྱུང་དང་སྒུལ་ཤུགས་ཀྱིས་ཡོངས་སུ་ཁེངས་ཡོད། ཅུང་ཙམ་ཞིག་ འགོར་རྗེས། གླུ་དབྱངས་དེ་ལ་ཡང་གཞི་ནས་གྲགས་འགུལ་མེད་ཅིང་། བར་ཁྱམས་ཀྱི་ག་ས་གང་དུ་དགེ་ རྒན་བཟང་ཞེས་པའི་གུས་ཚིག་ཅིག་རིམ་གྱིས་གྲགས་འོང་།
རེད་ཡ། དགེ་རྒན་གྱིས་ང་ཚོ་འཚར་ལོངས་བྱུང་བའི་བརྒྱུད་རིམ་ནང་སུས་ཀྱང་ཚབ་བྱེད་ཐབས་
བྲལ་བའི་ནུས་པ་བཏོན་ཡོད།
གསེར་ལྟར་བཟང་བའི་གཞན་ཕན་གྱི་བསམ་བློས་བྱུགས་པའི་དགེ་རྒན་ནི་
མི་རིགས་ཤིག་གི་བསམ་བློའི་བཟོ་བཀོད་པ་དང་། རིགས་དེའི་ཤེས་རིགས་ཁྱབ་མཆེད་གཏོང་མཁན་ཡིན། དེར་མ་ཟད་མི་རིགས་ཤིག་གི་བླ་སྲོག་རྒྱུན་འཁྱོངས་བྱེད་མཁན་གྱི་བཟུང་ཐག་གཙོ་བོའི་གྲས་ཀྱི་གཅིག་ ཡིན་ཞེས་ངས་མགྲིན་པ་གཟེངས་སུ་བཏེགས་ཏེ་སྨྲ་སྤོབས་ལ། དགེ་རྒན་དཔའ་ཐར་དང་ཁོང་འདྲ་བའི་བོད་ ཀྱི་རིག་གནས་སློབ་གསོའི་བྱ་བཞག་ལ་འབད་འབུང་བྱེད་མཁན་གྱི་དགེ་རྒན་མང་པོས་མཚམས་རེར་ཞལ་ ངོ་སྤྲིན་ནག་འཁྲིགས་འཁྲིགས་དང་སྤྱན་ཟུང་གློག་དམར་འཁྱུག་འཁྱུག་ལན་རེར་སྨྲེ་ལྷང་ལྷང་གི་ཤུགས་རིང་ དང་གྲང་ཤུར་ཤུར་གྱི་མིག་ཆུ་འདོན་ཞོར་མི་རིགས་འདིའི་མདུན་ལམ་ལ་ཕྱོགས་པའི་སློབ་གསོ་ག་གེ་མོ་ གཏོང་བ་ནི་ཁོ་ཚོས་མི་རིགས་ཤིག་ལ་བཅངས་པའི་ལྷག་བསམ་དྭངས་མོ་དང་མི་རིགས་འདི་ཉིད་གཉིད་ ལས་དཀྲོགས་ནུས་པའི་འབོད་བརྡ་རིང་མོ་མ་ཡིན་ནམ།
ང་རང་འགྲོ་འདོད། ཁོན་སྐྱབས་རྒྱལ། མང་རྫོང་མི་རིགས་སློབ་འབྲིང་དམའ་གསུམ་འཛིན་གྲྭ་གསུམ་པ།
ཟླ་འོད་མེད་པའི་དོ་དགོང་། ཡོད་ཚད་དལ་ཅག་གེར་སུ་ཞིག་ལ་ལེ་བདའ་བྱེད་པ་བཞིན། ཚེ་ 96
སྲོག་གི་དབྱངས་རྟ་གཉོམ་པའི་མཐོ་སྒང་འདིར། འཁྱར་འཁྱོར་གྱི་གོམ་ཁ་ལྕི་མོ་ཞིག་ལེན་ཞོར། རི་ཆུ་དང་རྩྭ་ ཐང་བརྒལ་ནས། ང་རང་འགྲོ་འདོད། གྲང་ངར་རྒོད་པའི་དགུན་གསུམ་དེ་ནས་བཟུང་། ཆུ་གཙང་པོའི་བཞུར་རྒྱུན་ཆད་ལ། སྤང་སྔོན་ པོའི་ཚེ་སྲོག་ཉམས།
ད་ནི་སེམས་ངལ་ལྷག་མ་ཞིག་གི་ཁུར་བོ་ཁུར་ནས་མནར་གཅོད་དང་མནོང་འགྱོད་ཀྱི་མི་ཡུལ་
འདིར་ལག་བརྡ་རེ་བྱེད་བཞིན། འཇིག་རྟེན་འདིའི་བདེན་དོན་འཚོལ་དུ་ཆས་སོང་།
གང་ལྟར། མི་ཡུལ་གྱི་སྐྱོ་གར་ལ་ཞེན་པ་ལོག་པས། བདག་འདི་ལྟར་དབྱར་གཞུང་གི་ཆུ་ཕྲན་ཇི་
བཞིན་དལ་བུར་རྒྱང་ལ་བཞུར་འགྲོ་བས་ཕྱི་མིག་དང་མིག་ཆུ་མེད་པར་མཛོད།
ང་དང་ངའི་སློབ་གྲྭ། མཁའ་མོ་ཡག མང་རྫོང་མི་རིགས་སློབ་འབྲིང་དམའ་གསུམ་འཛིན་གྲྭ་གསུམ་པ།
ངའི་སློབ་གྲྭ ངའི་ཕུགས་བསམ་གྱི་མེ་ཏོག་བཞད་པའི་ཞིང་ས་ཡིན། གནས་དེར་ཕ་མ་འདྲ་བའི་
བྱམས་ལྡན་གྱི་དགེ་རྒན་ཡོད།
ཁོང་རྣམ་པ་ཚོས་རྟག་ཏུ་ང་ཚོའི་བློ་ངོར་ཤེས་བྱའི་འོད་སྣང་འགྲེམ་བཞིན་
ཡོད།
ངའི་སློབ་གྲྭ གནས་དེར་མཛའ་བརྩེ་དང་མཐུན་སྒྲིལ་གྱི་དཔང་རྡང་སྦྲེལ་བའི་བརྩེ་ལྡན་གྱི་སློབ་
གྲོགས་ཡོད། ཁོ་ཚོས་བདག་ལ་རོགས་རམ་དང་བྱམས་བརྩེའི་དྲོད་ཁོལ་སྟེར། ངའི་སློབ་གྲྭ་ནི་ངའི་ཨ་མ་དང་མཚུངས། ང་རང་མོའི་བྱམས་བརྩེ་དང་དྲོད་ཁོལ་ལས་འཚར་ལོངས་འབྱུང་ བཞིན་ཡོད།
ངའི་སློབ་གྲྭས་ང་ལ་མ་གཅིག་གི་བྱང་ཁོག་བརྒྱུད་འདྲའི་གྲོགས་པོ་མང་པོ་ཞིག་ངོ་སྤྲོད་བྱས་
ཤིང་། ངའི་སློབ་གྲྭས་ང་ལ་བརྩེ་ལྡན་ཨ་མ་ལྟ་བུའི་བྱམས་བརྩེ་ཡིས་ཡང་ཡང་བསྐྱངས། དེ་བས། ངའི་བློ་ལ་ ཉི་མ་ལྟ་བུའི་ཤེས་རབ་རྒྱས།
ངའི་སློབ་གྲྭས་ང་ལ་དུས་རབས་ཀྱི་འབོད་སྐུལ་ཁྱེར་འོངས་བ་དང་། ངའི་སློབ་གྲྭས་ང་ལ་
རྨོངས་མུན་སེལ་བའི་སྒྲོན་མེ་གནང་། ངའི་སློབ་གྲྭ་ནི་ང་དང་འདྲ་བའི་སློབ་མ་བགྲང་ལས་འདས་པ་ཞིག་ 97
གི་བརྩེ་ལྡན་གྱི་ཨ་མ་སྟེ།
བྱམས་བརྩེའི་ཐུགས་ལ་སྤྲོ་བའི་འཛུམ་དཀར་གྱི་ཤེས་རིག་གི་སྦྲང་ཆར་ང་ཚོའི་
སྐྱེད་མོས་ཚལ་དུ་གཏོང་།
ངའི་སློབ་གྲྭས་ང་ལ་ཚེ་སྲོག་དང་མདུན་ལམ་གནང་ལ། འོད་སྣང་དང་བདེ་སྐྱིད་གནང་བྱུང་བས།
ང་ནི་ནམ་ཡང་རང་གི་བྱམས་ལྡན་མ་ལོ་འདིའི་ལག་ཟུང་ལ་འཇུས་ནས་མདུན་སྐྱོད་བྱེད་པར་མོས།
ཚེ་སྲོག་གི་གཟུང་ཐག ཚེ་ཡག་སྐྱིད། མང་རྫོང་མི་རིགས་སློབ་འབྲིང་དམའ་གསུམ་འཛིན་གྲྭ་གསུམ་པ།
སྐད་དང་ཡི་གེ་ནི་བོད་པ་ཚོའི་ཡ་ཆུང་ན་ལྷོག་ལྷོག་ཏུ་ལྡིང་བཞིན་པའི་སྙིང་ཆུང་དམར་པོ། མེས་ པོ་ཚོས་ང་ཚོ་ལ་བཞག་པའི་ཤུལ་བཞག་གི་གཅེས་ནོར་གཅིག་པུ། ཁྱེད་ནི་ངའི་ལྟེ་ཁྲག་ཐོག་མ་ས་ལ་འཕོས་ མ་ཐག་པ་ནས་བཟུང་ང་དང་མཉམ་དུ་ཡོད་ལ། ང་ཚོ་གངས་ཕྲུག་ཚོས་མཐུན་སྒྲིལ་གྱི་ལག་རྡང་སྦྲེལ་བྱེད་ ཀྱི་གཟུང་ཐག་ལྟ་བུ་ཡིན་པས་འཛམ་གླིང་འཛིན་མའི་ཁྱོན་ཡོངས་ན་ཁྱེད་ཀྱི་གསེར་མདོག་གི་འོད་ལམ་ལམ་ འཕྲོ་བཞིན་ཡོད་པས། རྒྱབ་ཁབ་དང་མི་རིགས་གཞན་དག་གང་མང་ཞིག་གི་ཡིད་སྨོན་བྱེད་སའི་གནས་ཡུལ་ དུ་གྱུར་ཡོད།
ཡིན་ན་ཡང་། དུས་རབས་ཉེར་གཅིག་གི་དུས་འདིར་ཁྱེད་རང་ང་ཚོ་དང་རིང་ནས་རིང་དུ་གྱེས་
བཞིན་ཡོད་ལ། ད་དུང་མི་ཁ་ཤས་ཤིག་གིས་རང་ཉིད་གང་དུ་གཏོགས་པའི་མི་རིགས་ཤིག་ཡིན་པ་ཡང་ཚོར་ གྱིན་མེད་པ་འདྲ་བར་གཞན་གྱི་སྐད་དང་བསྲེས་སྐད་ཐན་ཐུན་རེ་གླེང་པ་ནི་རང་ཉིད་ཀྱི་རྒྱན་ཞིག་ཏུ་རྩིས་ ནས་མཐར་འཁོར་གྱི་མི་མང་པོ་ཞིག་ལ་ཤུག་རྐྱེན་ཐེབས་དང་ཐེབས་བཞིན་པར་བལྟས་ན། ལོ་ངོ་སྟོང་ཕྲག་ དུ་མའི་ལོ་རྒྱུས་ལྡན་པའི་རིན་ཐང་བྲལ་བའི་སྐད་ཡིག་དང་ཡུལ་སྲོལ་གོམས་གཤིས་དག་ཉམས་རྒུད་དུ་ འགྲོ་བཞིན་པ་གསལ་བོར་ཤེས་ཐུབ།
དེ་བས། སློབ་གྲོགས་ཚོ། མི་རིགས་ཀྱི་རྗེས་ལུས་ཀྱི་རྣམ་པ་བསམ་ན་སྙིང་སྟོབས་ཀྱིས་མདུན་
དུ་བསྐྱོད། ནོར་ལུག་གི་སྨུག་རྗེས་བསྙེགས་པའི་བོད་རིགས་དག་བསམ་ན། ལ་རྒྱའི་དཔུང་རྡང་སྦྲེལ་བཞིན་ མདུན་ དུ་བསྐྱོད། རེད་ཡ། ང་ཚོས་དུས་ད་ནས་བཟུང་མི་རིགས་རང་གི་སྐད་དང་ཡིག་གེ ཡུལ་སྲོལ་གོམས་ 98
གཤིས་སོགས་ཉམས་པ་སླར་གསོ་དང་མ་ཉམས་གོང་འཕེལ་གཏོང་རྒྱུ་ནི་ང་ཚོའི་ལྡོག་མེད་ཀྱི་འོས་འགན་ ཉམ་ཐག་ཅིག་ཡིན།
དེའི་ཕྱིར། ང་ཚོ་ནི་ཁ་བའི་ལྗོངས་ལ་རྫོགས་ལྡན་བསུ་བའི་སྐྱ་རེངས་དེ་ཡིན་དགོས་ལ། རྗེས་ལུས་
བག་འཁུམ་གྱི་གཉིད་ལས་སད་པའི་གངས་ཕྲུག་ཅིག་ཅིས་ཀྱང་ཡིན་དགོས།
བདག་གི་མ་ཡུམ། ཚེ་རིང་སྒྲོལ་མ། མང་རྫོང་མི་རིགས་སློབ་འབྲིང་དམའ་གསུམ་འཛིན་གྲྭ་གསུམ་པ།
སྦྲ་ནག་གི་ནང་ན་གདོང་ལ་གཉེར་མས་ཁེངས་པའི་བདག་གི་རྒྱུན་དུ་གླེང་བཞིན་པའི་བྱམས་
ལྡན་གྱི་མ་ལོ། ཁ་བ་མེད་པའི་ལོ་ཟླ་འདི་དག་གི་རིང་ལ་ངས་ཁྱེད་རང་དྲན། ཁུ་བྱུག་མེད་པའི་དུས་ཚིགས་ འདི་ལ་ངས་ཁྱེད་རང་དྲན། ཨ་མ། གངས་ཕྲུག་སྟོང་གི་ཆེད་དུ་བརྩེ་བར་གས་ཆག་མ་གཏོང་། བུ་མོ་ང་རང་ བསམ་ནས་ལས་དབང་ལ་ལྷན་པ་མ་རྒྱག ཨ་མ། ངའི་རྟག་ཏུ་དྲན་བཞིན་པའི་ཉི་མ་སེར་པོ།
ཨ་མ། ཁ་བ་དང་བུ་གཡུག་འཚུབ་པའི་མཐོ་སྒང་གི་ཡུལ་གྲུ་དེ་ན། ཁྱོད་ཀྱི་མི་ཚེ་ནོར་ནག་གི་ནང་
ནས་ཚར་སོང་། ཁྱོད་ཀྱི་རྔུལ་ཆུ་ཁྱིམ་གཞིས་ལ་འདྲེས། ཨ་མ། ངའི་སེམས་ཁོང་གི་ནོར་བུ་དམ་པ། ཁྱོད་ཀྱི་ སྙིང་སྟོབས་དང་བྱམས་བརྩེ་རྫོགས་མཐའ་མེད་པའི་གཏམ་རྒྱུད་རིང་མོ་ཞིག ཁྱོད་ཀྱི་ལང་ཚོའི་འཇོ་སྒེག་ ནི་ཡིད་དུ་འོང་བའི་དྲི་ལྡན་གྱི་མེ་ཏོག སྐྱིད་སྡུག་འདྲེས་མའི་ལོ་ཟླའི་ནང་དུ་ཁྱེད་ཀྱིས་གསག་པའི་ཁ་ཟས་ མངར་མོ་འཕྲོག་མཁན་དེ་ང་ཡིན། ཁྱེད་ལ་གནང་པའི་ལང་ཚོའི་མེ་ཏོག་བཀྲག་མདངས་འཕྲོག་མཁན་དེ་ ང་ཡིན།
ཨ་མ་ལགས།
ཅི་ཡིན་མི་ཤེས་པའི་རླུང་འཚུབ་ཅིག་གིས་ཁྱེད་ཀྱི་བདེ་སྐྱིད་དང་ཁྱིམ་ཚང་འཕྲོག་
སོང་། གར་ཡོངས་མི་ཤེས་པའི་སེར་བ་ཞིག་གིས་ཁྱེད་ཀྱིས་ལང་ཚོ་བཅོམ་སོང་། ཨ་མ། ཁྱེད་ཀྱི་མདའ་ལྟར་ དྲང་བའི་སྐྱེས་གཟུགས་དེ་གཞུ་ལྟར་བཀུག་སོང་། ཁྱེད་ཀྱི་ནག་སྣུམ་གྱི་དབུ་སྐྲ་རིང་མོ་དེ་ཁ་བས་གཡོགས་ སོང་། ཨ་མ། ཁྱོད་ཀྱི་སྙིང་སྟོབས་གོ་ལ་ཧྲིལ་པོར་བཏུམས། ཁྱོད་ཀྱི་བྱམས་བརྩེ་མིའི་རིགས་ཡོངས་ལ་ཁྱབ། 99
བུ་མོ་ངས་ཁྱེད་ལ་ཡི་རངས་བྱེད་བཞིན་ཡོད། འོན་ཀྱང་ལོ་ཟླ་ཆུ་བོ་བཞིན་བཞུར་སོང་། དུས་ཚོད་རྒྱུན་མེད་ དུ་འཁོར་ཐལ། ཨ་མ་ཁྱེད་ཀྱི་ལོ་ནའང་དེ་དང་མཉམ་དུ་རྒས་སོང་།
ཨ་མ་ལགས། ཁྱེད་ནི་བདག་གི་ལམ་སྟོན་གྱི་སྒྲོན་མེ་དང་རྟ་བདུན་དབང་བོ་ཡིན། ཨ་མ། ཁྱེད་མེད་
ན་བདག་ལ་འཚོ་བ་མེད། འོད་སྣང་མེད། ཁྱེད་མེད་ན་བདག་ལ་ཡོད་ཚད་ཀྱི་ཡོད་ཚད་ཅི་ཡང་མེད།
ཨ་མའི་བྱམས་བརྩེ། ཁོན་ཐར་སྐྱིད། མང་རྫོང་མི་རིགས་སློབ་འབྲིང་དམའ་གསུམ་འཛིན་གྲྭ་བཅུ་གཉིས།
ཨ་མ་ལགས།
ཁྱེད་ནི་བུ་མོ་ང་རང་ཟླ་དགུ་ཞག་བཅུར་ལུས་ལ་ཁུར་ནས་འཇིག་རྟེན་འདིར་ཚེ་
སྲོག་གི་ངུ་སྐད་ཐོག་མ་སྒྲོག་ཏུ་འཇུག་མཁན་གྱི་དྲིན་ཆེན་མ་དེ་ཡིན་ལ་དཀར་ངོགས་མིག་གིས་མཐོང་དུ་ འཇུག་མཁན་ཡང་ཡིན་འདུག
ཨ་མ་ལགས། བཀའ་དྲིན་ཆེ། ཁྱེད་ཀྱིས་ང་ལ་བྲང་གི་ནུ་ཞོ་བསྣུན་ནས་ང་ཡི་ལྟོགས་སྐོམ་སེལ་
པའང་གྲངས་མེད་ཞིག་ཡིན་ལ་སྣབས་དང་གཅིན་སྐྱག་ཕྱིས་པའང་བགྲང་གིས་མི་ལངས། ད་དུང་ང་ལ་གྱ་ ཙེ་གོམ་ཙེ་ཁྲིད་མཁན་ཡང་ཨ་མ་ཁྱེད་ཡིན། ནམ་རྒྱུན་ཞིམ་མངར་ཟས་རིགས་ཅི་ཡོད་ཀྱང་བུ་ཕྲུག་ལ་སྟེར་ མཁན་དང་གྱོན་གོས་གང་ཡག་ཞིག་ཡོད་ཀྱང་བུ་ཕྲུག་ལ་བསྐོན་མཁན་གྱི་དྲིན་ཆེན་མ། དེ་བས། ཁྱེད་ནི་བུ་ མོ་ངའི་སེམས་ཁོང་ན་དགུང་གི་སྐར་ཆེན་བཞིན་འཚེར་ཞིང་ཉི་གཞོན་བཞིན་འཕྲོ་བའི་འོད་ཀྱི་གོང་བུ་དེ་ ཡིན།
ཨ་མ་ལགས། མི་ཚེའི་འཕོ་འགྱུར་ཁྲོད་དང་དུས་ཚིགས་རེ་རེ་འགྱུར་ལྡོག་ཁྲོད་ནས་ཀྱང་ཁྱོད་ཀྱིས་
རང་ཉིད་ཀྱི་བདེ་སྡུག་ཡོད་ཚད་རྒྱབ་ཏུ་བསྐྱུར་ནས་དགུན་རྒྱ་སྟག་འདྲ་བའི་གྲང་ངར་གདོང་གིས་བསུས་ ཤིང་དབྱར་དྲུག་པའི་ཆར་ཆུ་ལུས་ཀྱི་བཀག་ནས་སེན་མགོ་རྣག་དང་སེན་གཏིང་ཁྲག་བྱས་པས་ཡོད་ཚད་ གཞིས་ཁྱིམ་དྲོན་མོ་ཞིག་གི་ཆེད་དུ་ཕུལ་བ་ནི་ཇི་འདྲའི་རླབས་ཆེན་གྱི་སྙིང་སྟོབས་ཞིག་དང་། ཁྱེད་ཀྱི་ཡིད་ དུ་འོང་བའི་ལང་ཚོ་མེ་ཏོག་འདྲ་པོ་ཁྱིམ་ལས་ཙག་ཙིག་ཅིག་གི་ཁྲོད་ནས་ཤུལ་མེད་རྗེས་མེད་དུ་ཡལ་བ་ནི་ 100
ཇི་འདྲའི་རླབས་ཆེ་བ་ཞིག་རེད་ཡ།
ཨ་མ་ལགས། ཁྱེད་ཀྱི་བསླབ་བྱ་ནི་གྱང་སྟེང་ལ་འགོ་བྱེད་ཀྱི་ཐེམ་སྐས་ཤིག་དང་འདྲ་ལ་རྒྱ་མཚོའི་
ཕ་རོལ་ལ་བརྒལ་བྱེད་ཀྱི་གྲུ་གཟིངས་དང་གཉིས་སུ་མེད། ང་ཚོ་ནི་ཆུང་དུས་རྩེད་རྭ་གྲུ་བཞིའི་ནང་དུ་རྩེད་ འཇོ་ལ་རོལ་བའི་བསམ་མེད་ཀྱི་བྱིས་པ་དང་འདྲ་བར་གྱང་སྟེང་ལ་འགོ་མཁན་དང་རྒྱ་མཚོའི་ཕ་རོལ་ལ་ བསྐྱོད་པའི་ལམ་འགྲོ་བ་མཚུངས། གལ་ཏེ་ཐེམ་སྐས་མེད་ན་ང་ཚོ་གྱང་སྟེང་ལ་ཇི་ལྟར་འཛེགས། གལ་ཏེ་གྲུ་ གཟིངས་མེད་ན་ང་ཚོ་རྒྱ་མཚོའི་ཕ་རོལ་ཏུ་ཇི་ལྟར་བརྒལ། དེ་བས། ང་ཚོ་ལ་མཚོན་ན་ཨ་མ་ཁྱེད་ཀྱི་བསླབ་ བྱ་ནི་མེད་དུ་མི་རུང་བའི་ལག་ཆ་གལ་ཆེན་ཞིག ལྷག་པར་དུ་གནས་ལྔ་རིག་པའི་སློབ་གླིང་དུ་ཤེས་བྱའི་འོད་ སྣང་འཚོལ་བའི་སློབ་མ་ངེད་ཅག་ལ་མཚོན་ན་ཨ་མའི་བསླབ་བྱ་ནི་ཤེས་བྱའི་སྐྱེད་ཚལ་དུ་ཁྲིད་པའི་སྣེ་ཁྲིད་ པ་དང་འདྲ། ཆུད་དུས་སུ་ང་ཚོ་རྩེད་རྭ་གྲུ་བཞིའི་ཁྲོད་ཀྱི་བསམ་མེད་བྱིས་པ་ཡིན་དུས་ང་མཚོའི་ཨ་མས་ཁ་ ཏ་སློབ་གསོ་གཏོང་བ་ནི་རང་དབང་ལ་བཀག་འགོག་བྱེད་པའི་སྡོམ་དྲ་དང་མཚུངས་ཀྱང་དོན་ངོ་མ་དེ་འདྲ་ ཞིག་ག་ལ་ཡིན།
རེད་ཡ། ང་ཚོའི་མི་སུ་ཞིག་ཡིན་རུང་མི་ཚེའི་བགྲོད་ལམ་རིང་མོའི་ཁྲོད་ཆེས་གཟི་བརྗིད་ལྡན་པ་
ནི་བྱམས་ལྡན་ཨ་མའི་བྱམས་བརྩེ་ཡིན། ཆེས་གཞལ་པར་དཀའ་བའང་བྱམས་ལྡན་ཨ་མའི་བཀའ་དྲིན་ཡིན། དེ་བས། ང་ཚོས་དུས་ད་ནས་བཟུང་། མི་རང་ཉིད་ནས་བཟུང་། བྱ་བ་ཆུང་ངུ་ནས་བཟུང་མགོ་བརྩམས་ཏེ་ ཕ་མའི་རེ་བ་གཏོང་ཟད་དུ་མི་གཏོང་བར་ཁ་ལེན་ཚིག་བརྩི་བྱས་ནས་ཕ་མའི་དགོངས་པ་ཇི་བཞིན་བསྒྲུབ་ རྒྱུ་ནི་ང་ཚོས་བཀའ་དྲིན་རི་རབ་ལས་དཔངས་མཐོ་ལ་བརྩེ་བ་རྒྱ་མཚོ་ལས་ཀྱང་གཏིང་ཟབ་པའི་བརྩེ་ལྡན་ གྱི་ཕ་མ་གཉིས་ལ་བཅངས་པའི་དྲིན་ལན་ཡིན་ལ། ཨ་མའི་བྱམས་བརྩེ་ལ་ཕུལ་བའི་སེམས་པ་དཀར་པོའམ་ ཡང་ན་ལྷད་མེད་ཀྱི་ཁ་བཏགས་དཀར་པོ་ཞིག་ཀྱང་ཡིན།
ཁེངས་སྐྱུང་བྱེད་པ་ནི་ཡ་རབས་སྤྱོད་བཟང་ཞིག་ཡིན། རིག་འཛིན། མང་རྫོང་མི་རིགས་སློབ་འབྲིང་དམའ་གསུམ་འཛིན་གྲྭ་བཅུ་གཉིས་པ།
དེ ང ་སྐབས་ཀྱི ་ སྤྱི ་ ཚོ ག ས་སྟེ ང ་དུ་ཡ་རབས་ཚུལ་དང་ལྡན་ཞི ང ་ཀུན་གྱི ་ ཡི ད ་སྨོན་བྱེད་པའི ་ མི ་ 101
བཟང་ཤིན་ཏུ་དཀོན། དེའི་ནང་གི་མི་ལ་ལས་རང་ལས་མཐོ་བ་ཞིག་མེད་སྙམ་ནས་ང་རྒྱལ་དང་རང་སྣང་གི་ རྣམ་པས་ཁེངས་འདུག དེ་དག་ལ་ཕྱི་ཚུལ་དེ་འདྲའི་གཟི་ཉམས་ཆེ་ནའང་དོན་དངོས་ཐོག་ཁོ་ཚོར་དེ་འདྲའི་ རིག་གནས་ཤེས་བྱ་ཐམས་ཅད་ཁོང་དུ་ཆུད་པ་ཞིག་མ་ཡིན་པར་ཁོ་ཚོའི་སྤྱི་ཚོགས་གནས་བབས་སྟེང་གྲུབ་ འབྲས་ཅུང་ཟད་ཙམ་བླངས་པ་དེར་ང་རྒྱལ་དང་ཁེངས་དྲེགས་སྐྱེས་ནས་རང་ལས་ཆུང་བར་བྱམས་སྐྱོང་ཆེ་ བར་བརྩི་བཀུར་བྱེད་པའི་སྤྱོད་པ་ཅུང་ཙམའང་མཐོང་རྒྱུ་མེད་པར་མགོ་འཕང་སྟོད་ནས་ང་རྒྱལ་གྱི་ཉམས་ འགྱུར་སྟོན་པ་ཡིན། དེ་འདྲ་བྱས་ན་གཞན་གྱི་བརྩི་བཀུར་དང་ཡིད་སྨོན་བྱེད་པ་གཅིག་ཀྱང་མེད་པའི་རང་ རློམ་གྱི་བསམ་ངན་དེ་སྔར་ནས་དོར་ཏེ་རིག་པའི་གནས་ཐམས་ཅད་ལ་ལེགས་པར་སྦྱངས་ནས་ཁོང་དུ་ཆུད་ པར་བྱས་རྗེས་ད་གཟོད་དེ་འདྲའི་ང་རྒྱལ་གྱི་རྣམ་འགྱུར་སྟོན་ན་འོས་ཤིང་འཚམ།
ང་རྒྱལ་དང་ཁེངས་དྲགས་ཀྱི་སྤྱོད་ངན་དེ་སྔར་ནས་མ་བསྒྱུར་ན་མ་འོངས་བའི་སྤྱི་ཚོགས་འཚོ་
བའི་ནང་མི་སུ་ཞིག་ཡིན་རུང་དེ་ལ་བརྩི་བཀུར་དང་ཡིད་སྨོན་བྱེད་མཁན་གཅིག་ཀྱང་ཡོད་མི་སྲིད།
དེའི་
རྐྱེན་གྱིས་ང་ཚོ་སློབ་བུ་དག་གི་ད་ལྟ་ནས་རང་སྟེང་ན་དེ་འདྲའི་སྤྱོད་ངན་ཡོད་ནས་སྔར་ནས་སྤངས་ཏེ་ང་ རྒྱལ་དང་ཁེངས་དྲེགས་ཀྱི་བསམ་བློ་ལས་འགལ་ཏེ་ཁེངས་སྐྱུང་དང་ང་ཉིད་ལ་ཡིད་ཆེས་བརྟན་པོ་ཡོད་ པའི་སྒོ་ནས་མདུན་སྐྱོད་ཀྱི་ཁ་ཕྱོགས་མ་ནོར་བར་གོམ་གང་མདུན་སྤོས་ཀྱིས་མདུན་དུ་སྐྱོད་ནས་མ་འོངས་ པར་རང་རྒྱུད་ལ་ཤེས་ཡོན་ལེགས་པོ་ཞིག་འབྱོར་བར་གདོན་མི་ཟོའོ། །
དེའི་ཕྱིར་ང་ཚོ་སློབ་མ་དག་གིས་ཀྱང་ཁེངས་སྐྱུང་བྱས་ན་རྒྱུན་ཆད་མེད་པར་ཕྱོགས་སོ་སོའི་རང་
ཉིད་ལ་མཛུབ་སྟོན་དང་རོགས་རམ་བྱས་ཏེ་མུ་མཐུད་དུ་ཡར་རྒྱས་འགྲོ་ཐུབ།
མི་ལ་བརྩོན་འགྲུས་ལྡན་གྱུར་ན། །
འཇིག་རྟེན་འདི་ན་དཀའ་བ་མེད། ། ལྕགས་མོ་འཚོ། མང་རྫོང་མི་རིགས་སློབ་འབྲིང་དམའ་གསུམ་འཛིན་གྲྭ་བཅུ་གཉིས་པ།
བདག་ཆུང་དུས་ནས་ཨ་ཕའི་སློབ་གསོ་དང་ཨ་མའི་བྱམས་སྐྱོང་གི་ཐུ་འོག་ནས་འཚར་ལོངས་
བྱུང་བས། རང་གི་བློ་ངོར་ཡང་འཇིག་རྟེན་སྟེང་དུ་རང་ཉིད་ལས་ལྷག་པའི་བདེ་སྐྱིད་དྲོད་ཁོལ་ལྡན་པའི་མི་
102
གཞན་ཞིག་མེད་སྙམ།
དུས་ཚོད་ཀྱི་འཁོར་འགྲོས་ཐག་ཐག་དུ་འཁོར་བ་ལྷག་དུ་རང་ཉིད་ཀྱི་བསམ་བློའི་
འདུ་ཤེས་ཉིན་རེ་བཞིན་ཡར་ངོའི་ཟླ་ལྟར་རྒྱ་ཆེར་སོང་།
དེ་བས།
རིག་པའི་གནས་ལ་སྦྱངས་བའི་སླད་དུ་དྲིན་ཆེན་ཕ་མ་དང་ཁ་གྱེས་ཏེ་རིག་པའི་སློབ་
གླིང་འདིར་མ་འོངས་པའི་མདུན་ལམ་གྱི་ཁ་ཕྱོགས་འཚོལ་བར་འོངས། སྐབས་དེར། རང་ཉིད་ཀྱི་སེམས་ནས་ རྟོགས་པ་ཞིག་ནི་ལོ་ཆུང་དུས་སུ་ཕ་མ་གཉིས་བྱ་བཞག་གང་མང་ལ་འཕྲད་མྱོང་མོད། སྦྱིན་པའི་རྒྱབ་སྐྱོར་མཁན་མེད་པས་མགོ་བོ་མི་སྒུར་ཐབས་མེད་བྱུང་།
འོན་ཀྱང་ཁ་ཕྱོགས་
ལོ་དང་ཟླ་བའི་འཕགས་རིམ་དང་
བསྟུན་ནས། རང་ཉིད་ཀྱི་སྙིང་ཁོངས་དམར་བོའི་སྟེང་ལ་འཆར་ཀའི་ཉི་འོད་ཕོག་པ་བཞིན་དུ་སེམས་ཁོང་ གི་རྨོངས་བ་ཇེ་གསལ་དུ་བཏང་སྟེ། རང་ཉིད་ནི་མ་འོངས་བའི་མདུན་ལམ་གྱི་ཆེད་དུ་ཡོང་བ་ཡིན་ལ། དེ་ དག་ཐམས་ཅད་མངོན་འགྱུར་འབྱུང་དགོས་ན་དེ་ལས་ལྷག་པའི་བརྩོན་བ་བསྐྱེད་དགོས་བ་ཤེས་རྟོགས་བྱུང་ ། དེ་དང་ལྷག་དུ་རང་གི་བློ་ངོར་འཆར་བ་སློབ་དཔོན་ཐོན་མི་ལས་གཞན་མེད། རང་ཅག་ཁ་བའི་ལྗོངས་ ཀྱི་ཆེད་དུ། ཚ་གྲང་གི་དཀའ་ཚེགས་ལ་མ་འཛེམ་པར་ལེ་བར་ཁྲི་ཕྲག་བརྒལ་ཏེ་རྒྱ་གར་འཕགས་པའི་ཡུལ་ དུ་ཆས་ནས། གངས་ཅན་པའི་སྲོག་ཤིང་ལྡན་གྱུར་ན། འཇིག་རྟེན་འདི་ན་དཀའ་བ་མེད་ཟེར་བ་བཞིན་རང་ ཉིད་ཀྱི་ཡོད་ཚད་མེ་རུ་སྦར་ནས་ད་ལྟའི་ཕུགས་བསམ་དང་མ་འོངས་པའི་མདུན་ལམ་ཕྱོགས་སུ་བསྐྱེད་རྒྱུ་ ནི་གནད་ཀྱི་དམ་པའོ། །
དེ་བས། ང་ཚོ་ནི་བོད་གངས་ཅན་གྱི་རྒྱུད་འཛིན་གྱི་གོ་གནས་ཡང་རྩེར་སོན་པའི་གཟུང་ཐག་ལྟ་
བུ་ཡིན་པས།
དུས་ད་ནས་བཟུང་བསིལ་ལྡན་ཁ་བའི་ལྗོངས་ཀྱི་རྗེ་འབངས་ལ་ཤེས་རིག་གི་དོ་ཤལ་མགུལ་
དུ་དཔྱངས་ཏེ་རིག་པའི་ལེགས་སྐྱེས་གཅེས་སུ་འབུལ་ཕྱིར།
བརྩོན་པ་ཆུ་བོའི་རྒྱུན་བཞིན་བསྟན་རྒྱུ་ནི་ང་
ཚོའི་དམ་བཅའ་ཡིན།
སྐད་ཡིག་ནི་མི་རིགས་ཀྱི་བླ་སྲོག་ཡིན། གནམ་བྱམས་སྐྱིད། དམའ་གསུམ་བཅུ་གཅིག་པ།
དུས་རབས་ཉེར་གཅིག་གི་འགྲོས་དང་བསྟུན་ནས་ཚན་རིག་དང་དཔལ་འབྱོར་དབྱར་ཁའི་མཚོ་ 103
མོ་བཞིན་ཡར་རྒྱས་བྱུང་བ་འདིར་བལྟས་ཚེ། འོད་སྟོང་རྣམ་པར་བཀྲ་བའི་བོད་སྐད་ཡིག་སྣུམ་ཟད་སྒྲོན་མེ་ ཇི་བཞིན་ཚར་ལ་ཉེ་བ་དེས་ཀུན་གྱི་ཡིད་སེམས་སྐྱོ་བར་བྱེད།
མི་རིགས་རང་གི་སྐད་ཡིག་ནི་མི་རིགས་རང་གི་བླ་སྲོག་ཡིན་ལ།
མི་རིགས་ཤིག་གི་ཤེས་རིག་
ཀྱང་ཡིན། གལ་སྲིད་མི་རིགས་ཤིག་འཕེལ་རྒྱས་དང་དུས་ཡུན་རིང་བོ་ཞིག་ལ་འཚོ་གནས་བྱེད་དགོས་ན་མི་ རིགས་རང་གི་སྐད་ཡིག་ལ་བརྟེན་དགོས། མི་རིགས་རང་གི་ཕ་སྐད་མེད་ན་སྐད་ཡིག་ཀྱང་ཉམས་དམས་སུ་ འགྲོ་བ་རེད། དེར་བརྟེན་བོད་རང་གི་ཤེས་རིག་དེ་འཛམ་གླིང་གོ་ལ་ཟླུམ་པོའི་ཡང་རྩེར་སྙེག་འདོད་ན་ཐོག་ མར་མི་རིགས་རང་གི་སྐད་ཡིག་ལ་མཐོང་ཆེན་དང་སྲུང་སྐྱོབ་གང་ལེགས་བྱེད་དགོས། གལ་སྲིད་མཐོང་ཆེན་ དང་སྲུང་སྐྱོབ་མ་བྱས་ཚེ། མི་རིགས་འདིར་སྐད་ཡིག་མེད་ལ་ཕ་སྐད་ཀྱང་ཡོད་མི་སྲིད། དེ་བས་ཀྱང་ང་ཚོས་ གཙུག་ཏུ་འཛིན་པའི་པཎ་ཆེན་རིན་པོ་ཆེ་མཆོག་གིས་ཀྱང་འདི་ལྟར་གསུངས་ཡོད་དེ། ཁྱོད་ཚོས་བོད་སྐད་ བཤད་པར་ངོ་ཚོ་ན་མ་བཤད་ན་ཆོག་ལ། བོད་ལྭ་གྱོན་པར་ངོ་ཚ་ན་དེ་ཡང་མ་གྱོན་ན་ཆོག འོན་ཀྱང་གདོང་ དམར་དག་གི་ཤ་དང་རུས་པ་ཇི་ལྟར་བྱེད་རྒྱུ་ཡིན་ཞེས་པ་དང་།
གཞན་ཡང་།
སློབ་དཔོན་དོར་ཞི་རིན་
པོ་ཆེ་ཡིས་སྐད་ཡིག་ནི་མི་རིགས་ཀྱི་འབྲུ་རིགས་འཇོག་སའི་མཛོད་ཁང་ཡིན་ལ། ཕ་སྐད་ནི་མཛོད་ཁང་གི་ གསེར་གྱི་ལྡེ་མིག་ཀྱང་ཡིན། མི་རིགས་ཀྱི་རིག་གནས་ཚང་མ་སྐད་ཡིག་གི་སྟེང་ནས་བརྒྱུད་དགོས་ལ། སྐད་ ཡིག་ལ་བརྟེན་ནས་ཤེས་ཀྱང་དགོས་ཞེས་གསུངས་ཡོད། འོན་ཀྱང་། བོད་མི་ཁ་ཤས་ཤིག་གིས་བཤད་རྒྱུར། བོད་ཡིག་བསླབ་ན་མདུན་ལམ་མེད་ལ་དགོས་པའང་མེད་ཟེར་བཞིན་རང་གི་བུ་དང་བུ་མོ་ཚོར་སློབ་ཏུ་མི་ འཇུག རེད་ལགས། བོད་མི་རིགས་ཀྱི་ལ་རྒྱ་སྲུང་པའི་མི་ཞིག་ཡིན་ན། མི་རིགས་རང་གི་སྐད་ཡིག་སྟེང་ནས། དཔྱིས་ཕྱིན་པ་ཞིག་སྦྱངས་པ་མ་གཏོགས། སྐད་རིགས་གཞན་ལ་བརྟེན་ནས་རིག་གནས་སྦྱངས་རྒྱུ་ནི་འཕྲུལ་ སྣང་དང་ཧམ་སེམས་མ་ཡིན་ནམ།
དེ་བས། མི་རིགས་ལ་བརྩེ་སེམས་བཅངས་བའི་མི་ཞིག་ཡིན་ན། བོད་རང་གི་སྐད་ཡིག་ལ་མཐོང་
ཆེན་དང་སྲུང་སྐྱོབ་གང་ལེགས་བྱས་ཏེ་ཉམས་པ་སླར་གསོ་དང་མ་ཉམས་གོང་འཕེལ་བཏང་སྟེ་སྔར་བཞིན་ གངས་ཅན་གྱི་ལྗོངས་འདིར་འོད་སྟོང་ལྡན་པ་ཞིག་ཏུ་འགྱུར་རྒྱུ་དེ་ཡིན།
104
དྲི་ཆེན་ཕ་མ། མཁའ་འགྲོ་འབུམ།
འཇིག་རྟེན་སྟེང་ན་རང་ལ་ཤ་ཚ་ཞིང་སྙིང་ཉེ་བ་ནི་དྲིན་ཆེན་གྱི་ཕ་མ་གཉིས་ཡིན། ཁོང་གཉིས་ནི་
ཅི་འདྲའི་རླབས་ཆེ་ལ་བྱམས་བརྩེ་ལྡན་པ་ཞིག་རེད། ཁོང་གཉིས་ནི་བར་སྣང་ན་ཤར་པའི་རྟ་བདུན་དབང་ པོ་དང་འདྲ་བར་ང་ཚོར་དྲོད་ཁོལ་སྦྱིན་བཞིན་ཡོད།
ང་ཚོ་ཨ་མའི་ལྟེ་ཐག་དང་བྲལ་དུས་ཅི་ཡང་མི་ཤེས་པའི་ཤ་རྡོག་ཅིག་དང་གཉིས་སུ་མེད།
ཡིན་
ནའང་། ཁོང་གཉིས་ཀྱིས་རང་གི་ནུ་ཞོ་ལ་བསྟེན་ནས་ང་ཚོ་ལ་གཉོར་སྐྱོང་གང་ལེགས་བྱས། ང་ཚོ་ན་བའི་ སྐབས་སུ་ཡང་ཁོང་གཉིས་ཀྱིས་ཀྱང་སྔར་ལས་ལྷག་པའི་བདག་སྐྱོང་དང་སེམས་ཁུར་གང་ལེགས་བྱས་པ་ ལས་ད་ལྟའི་བདེ་སྐྱིད་ཀྱི་འཚོ་བ་འདིར་ཞུགས་ཐུབ་བོ།།
དེའི་ཕྱིར་ང་ཚོས་ཀྱང་བརྩོན་འགྲུས་ཀྱི་རྟ་ཕོར་ལྕགས་ཀྱིས་སྐུལ་བཞིན་རྒྱང་རིང་གི་ཡུལ་གྲུ་དེར་
བསྐྱོད་དགོས།
ང་ཡི་ཕུགས་བསམ། བོན་སྐོར་སྡེ་བ། ལྕགས་མོ།
ང་ནི་ཆུང་དུས་སུ་འབའ་འབའ་ལུ་གུ་དང་ཆབས་ཅིག་ཏུ་ནར་སོན་པའི་བྱིས་པ་ཞིག་ཡིན། དགའ་
འོས་པ་ཞིག་ནི་ང་ནི་ཆུང་དུས་ནས་སློབ་གྲྭར་འགྲོ་བའི་སྐལ་བ་ལྡན་པར་གྱུར། སློབ་གྲྭར་བསྐྱལ་བ་ཡིན།
ཕ་མ་གཉིས་ཀྱིས་ང་རང་
དུས་དེ་ནས་བཟུང་ང་རང་མ་ཡུམ་སློབ་གྲྭའི་ཐུ་འོག་ནས་གཉོམ་ལག་རྒྱས་ཤིང་
ཀ་ཁ་སུམ་ཅུ་ངག་ལ་གྱེར་བའི་སྐལ་བ་ལྡན་སོང་།
ངས་རང་ཉིད་ཀྱི་མ་འོངས་པའི་ཕུགས་བསམ་གྱི་ཆེད་དུ་དུས་ད་ལྟ་ནས་བཟུང་སྟེ།
གསེར་ལས་
དཀོན་པའི་དུས་ཚོད་ཀྱི་ཐག་སྒྲ་དང་ལྷན་དུ་ང་རང་ནངས་སྔ་ལངས་དང་དགོང་འཕྱི་ཉལ་བྱས་ཏེ་སློབ་སྦྱོང་ 105
ལ་འབད་པ་བྱས་པ་ཡིན། རང་ཉིད་ཀྱི་ཕུགས་བསམ་མངོན་དུ་འགྱུར་དགོས་ན། དཀའ་སྤྱད་འབད་པ་བྱས་ ནས་སློབ་སྦྱོང་བྱེད་དགོས།
ང་རང་གིས་མ་འོངས་པའི་ཕུགས་བསམ་བཟང་པོ་དེ་སེམས་ལ་བཅངས་ནས་
སློབ་སྦྱོང་ལ་ཧུར་བརྩོན་བྱེད་བཞིན་མ་འོངས་པར་སློབ་མ་རྣམས་ལ་ཕན་ཐོགས་ཆེ་པའི་བཀའ་དྲིན་ཅན་ གྱི་དགེ་རྒན་ཞིག་བྱ་རྒྱུ་ཡིན།
བདག་གི་དྲིན་ཆེན་ཕ་མ། བདེ་སྐྱིད་མཚོ།
ངའི་དྲིན་ཆེན་ཕ་མས་ང་ལ་བཅངས་པའི་བརྩེ་སེམས་ནི་དུས་རྒྱུན་དང་གནས་གང་དུ་སོང་ནའང་
བརྗེད་མི་སྲིད། ང་རང་འཇིག་རྟེན་འདིར་ཐོག་མར་ཐོན་དུས། ཆེས་ཐོག་མར་མཐོང་པ་ནི་དྲིན་ཆེན་ཕ་མའི་ འཛུམ་མདངས་དང་ཆེས་ཐོག་མར་ཐོས་བ་ནི་དྲིན་ཆེན་ཕ་མའི་སྐད་ངག་ཡིན། ཅུང་མ་འགོར་བར་ང་ཡང་ ལོ་དང་ཟླ་བའི་ཁྲོད་ནར་སོན་པ་དང་། རིག་པའི་འཆར་སྒོ་ཡང་ཇེ་ཆེར་གྱུར་ཏེ། རང་མི་རིགས་ཀྱི་སྐད་ཆ་ ཡང་སྨྲ་ཤེས་པར་གྱུར། དུས་གཅིག་ཏུ། བཀའ་དྲིན་ཅན་གྱི་ཕ་མས་ང་ལ་གཉོར་སྐྱོང་གང་ལགས་མཛད་དེ་ ང་རང་སློབ་གྲྭར་བསྐྱལ་དང་། ལུས་ལ་གང་གྱོན་འོས་པའི་ལྭ་བ་བསྐོན་ཤིང་། གང་ཞིམ་གྱི་བཟའ་བཏུང་ཅི་ ཞིག་ཡིན་རུང་ང་ལ་སྟེར། ངས་ཕ་མའི་བཀའ་དྲིན་ལ་ཕྱི་དྲན་ཐེངས་རེར། མིག་མཐར་རང་དབང་མེད་པར་ མིག་ཆུ་འཁོར་བྱུང་།
ངའི་དྲིན་ཆེན་གྱི་ཕ་མས་ང་ལ་གཞན་དང་མི་འདྲ་བའི་ལྷན་སྐྱེས་ཀྱི་ཤེས་རབ་ཞིག་
བྱིན་བྱུང་།
106
སྐད་དང་ཡི་གེ་ནི་མི་རིགས་ཤིག་གི་བླ་སྲོག་ཡིན། གཡང་སྐྱབས་རྒྱལ།
དེ་ཡང་མཁས་པ་ཞང་སྟོན་བསྟན་པ་རྒྱ་མཚོ་མཆོག་གིས་ཀྱང་སྐད་རིགས་ཐམས་ཅད་ཤེས་ན་
བཟང་མོད་ཀྱང་།། རང་གི་ཕ་སྐད་བརྗེད་ན་ང་ཚོ་ཡིན།། ཞེས་གསུངས་བ་ལྟར། མི་རིགས་གང་ཞིག་ཡིན་ རུང་སྐད་དང་ཡི་གེ་ནི་མི་རིགས་དེའི་བླ་སྲོག་ལྟ་བུ་ཡིན་པས།
གལ་སྲིད་མི་རིགས་ཞིག་གི་སྐད་དང་ཡི་གེ་
ཉམས་ཚེ། མི་རིགས་དེའི་འདུ་ཤེས་དང་སྤྱོད་ལམ་སོགས་ཕྱོགས་གང་ཅིའི་ཐད་ནས་རྗེས་ལུས་སུ་འགྲོ་བ་དེ་ ནི་ཆོས་ཉིད་ཡིན།
སྤྱི་ཚོགས་སྟེང་གི་མི་རིགས་གང་ཞིག་ཡིན་རུང་། རང་གི་སྐད་དང་ཡི་གེ་བསླབ་རྒྱུ་ནི་རང་རང་སོ་
སོའི་ཕྲག་སྟེང་དུ་བབས་པའི་ལྡོག་མེད་ཀྱི་འོས་འགན་ཡིན།
དེ་བཞིན་བོད་ཀྱི་རིག་གནས་འདི་འཛམ་གླིང་
སྟེང་ཆེས་སྙན་གྲགས་ཆེ་བའི་གྲས་སུ་ཆུད་ཡོད་པས་ན། ང་ཚོས་དེ་ལ་གཅེས་སྤྲས་དང་དར་སྤེལ་གཏོང་ བའི་ནུས་ཤུགས་མཐོ་རུ་གཏོང་དགོས།
མི་རིགས་ཤིག་ཡུན་རིང་དུ་གནས་ནས་གོང་འཕེལ་འགྲོ་དགོས་ན།
ཐོག་མར་དེའི་སྐད་དང་ཡི་གེ་གོང་འཕེལ་ཏུ་གཏོང་དགོས་པ་དང་དེ་ལས་ལྡོག་སྟེ་རྒུད་པའམ་རྨེག་མེད་དུ་ གཏོང་བར་བསམ་ན། ཐོག་མར་དེའི་སྐད་དང་ཡི་གེ་ཉམས་སུ་འཇུག་དགོས། གལ་སྲིད་ང་ཚོས་རང་གི་སྐད་ དང་ཡི་གེ་མ་སྦྱངས་ཚེ་མི་རིགས་འདི་རིམ་བཞིན་ཉམས་ངེས་ཡིན།
དེའི་ཕྱིར་ང་ཚོས་རང་ཉིད་ནས་མགོ་
བརྩམས་ཏེ་སྐད་དང་ཡི་གེ་སྦྱངས་ཏེ་གཞན་ལ་སྐུལ་འདེད་དང་རྗེས་རབས་ལ་ལམ་སྟོན་བྱ་དགོས། མེས་པོ་ ཚོས་ང་ཚོར་བཞག་པའི་ངོ་མཚར་བའི་རིག་གནས་འདི་གོང་འཕེལ་དུ་གཏོང་རྒྱུ་ནི་ང་ཚོ་བོད་མི་རིགས་ ཚང་མའི་འོས་འགན་ཡིན།
མདོར་ན། སྐད་དང་ཡི་གེ་ནི་ང་ཚོའི་མི་རིགས་འདིའི་ཚེ་སྲོག་གི་ཉིང་བཅུད་དང་། མདུན་སྐྱོད་ཀྱི་
གོམ་སྒྲ་དང་ང་ཚོ་མ་འོངས་པའི་འབྱུང་འགྱུར་ལ་སྙེག་བྱེད་ཀྱི་མཚོན་ཆ་གལ་ཆེན་ཞིག་ཡིན།
107
སློབ་གྲྭར་བསྟོད་པ། གཡང་མཚོ་སྐྱིད། དམའ་གསུམ།
ལོ་ཟླ་ནི་གཙང་པོ་ཐུར་དུ་བཞུར་བ་ཇི་བཞིན་སྐད་ཅིག་ཉིད་ལ་ལོ་ངོ་གསུམ་གྱི་སློབ་འབྲིང་གི་
འཚོ་བ་མཇུག་རྫོགས་ལ་ཉེ་ཞིང་། སློབ་གྲྭའི་གནས་མཆོག་འདིར་བཅུ་ཕྲག་རིག་གནས་ཀྱི་འདབ་བརྒྱ་བཞད་ ཅིང་བློ་གསལ་ལ་འགུགས་པའི་མཁས་དབང་གི་གསུང་རབ་རི་བོའི་གཏོས་དང་མཉམ། ང་དང་ང་ལྟ་བུའི་ སློབ་གྲོགས་ཚོས་བཅུ་ཕྲག་རིག་པའི་སྐྱེད་མོས་ཚལ་འདིར་བརྩོན་འགྲུས་ཀྱི་གཤོག་ཟུང་རིང་དུ་བརྐྱངས་ཏེ་ ཤེས་རིག་གི་ཟེའུ་བཅུད་ལ་རོལ་བཞིན་ཡོད།
ངའི་སློབ་གྲྭ་ནི་ངའི་བརྩེ་ལྡན་གྱི་ཨ་མ་དང་མཚུངས། ང་རང་མོའི་བྱམས་བརྩེ་དང་དྲོད་ཁོལ་ལས་
མཚར་ལོངས་འབྱུང་བཞིན་ཡོད། ངའི་སློབ་གྲྭ་ནི་ངའི་དྲོད་སྐྱིད་ལྡན་པའི་རྩེད་ར་བཞིན་ང་རང་དེའི་ནང་སྤྲོ་ སྣང་དང་རོལ་རྩེད་ལ་རོལ་བཞིན་ཡོད།
ངའི་སློབ་གྲྭས་ང་ལ་མ་གཅིག་གི་བྱང་ཁོག་མ་བརྒྱུད་པའི་གྲོགས་པོ་དང་ཕུ་ནུ་མིང་སྲིང་མང་པོ་
ངོ་སྤྲོད་བྱས་ཤིང་། ངའི་སློབ་གྲྭས་ང་ལ་བརྩེ་ལྡན་ཨ་མ་ལྟ་བུའི་བྱམས་བརྩེ་ཡིས་ཡང་ཡང་བསྐྱངས། དེ་བས། ངའི་བློ་ལ་ཉི་མ་ལྟ་བུའི་ཤེས་རབ་རྒྱས་ཤིང་། ངའི་ངག་ལ་ལེགས་བཤད་ཀྱི་རོལ་དབྱངས་འཛོམས། ངའི་ སློབ་གྲྭས་ང་ལ་དུས་རབས་ཀྱི་འབོད་སྐུལ་ཁྱེར་འོས་བ་དང་།
ངའི་སློབ་གྲྭས་ང་ལ་རྨོངས་མུན་སེལ་བའི་
སྒྲོན་མེ་གནང་།
དེ་བས། མ་ཡུམ་ལགས། སློབ་གྲྭ། ཁྱེད་ནི་ང་དང་ང་ལྟ་བུའི་སྨུག་རུམ་གྱི་ཞིང་ཁམས་མྱུལ་པའི་
བྱིས་པ་ཚོའི་ལམ་སྟོན་གྱི་སྒྲོན་མེ་ཡིན་ལ།
ཁྱེད་ནི་གངས་ཕྲུག་ཚོའི་མིག་ལམ་ན་འོད་དུ་འཚེར་བའི་ཉི་
གཞོན་ཡིན།
ཁྱེད་ནི་ང་ཚོའི་རྗེས་ལུས་ཀྱི་བསམ་བློ་ལ་སྔོན་ཐོན་གྱི་ལམ་སྣེ་སྟོན་པའི་བྱམས་ལྡན་གྱི་མ་མ་ཡིན།
ཁྱེད་ནི་ང་ཚོའི་ཚེ་སྲོག་གི་རིན་ཐང་ལ་ཤེས་རིག་གི་རྒྱགས་ཕྱེ་སྦྱིན་པའི་ལ་རྒྱའི་བདག་པོ་ཡིན།
མ་ཡུམ་
ལགས། གལ་སྲིད་ཁྱེད་མེད་ཚེ་ང་ཚོའི་མ་འོངས་པའི་མདུན་ལམ་ལ་འོད་ཟེར་གྱི་གཟི་མདངས་རྒྱས་མི་སྲིད་ པས། ངས་ལང་ཚོའི་མེ་ཏོག་རྙིད་ཅིང་མི་ཚེ་ལ་རྫོགས་ཚིག་འབྲི་རག་བར་དུ་ཁྱེད་ཀྱི་བླ་ན་མཐོ་བའི་མཛད་ རྗེས་ལ་བསྟོད་གླུ་འབུལ་ངེས་ཡིན། མ་ཡུམ་ལགས། སློབ་གྲྭ 108
སྐད་རིགས་ཐམས་ཅད་ཤེས་ན་བཟང་མོད་ཀྱང་། རང་གི་ཕ་སྐད་བརྗེད་ན་ངོ་ཚ་ཡིན། དཔའ་འབུམ་རྒྱལ།
མི་ཞིག་ཡིན་ན་སྐད་རིགས་ཐམས་ཅད་ཤེས་ན་བཟང་མོད་ཀྱང་། རང་ཉིད་འཚར་ལོངས་བྱུང་
སའི་ཕ་ཡུལ་དང་སྐད་རིགས། ད་དུང་རིག་གནས་སོགས་བརྗེད་ན་ངོ་ཚ་ཡིན།
གནའ་རབས་ཀྱི་བོད་མི་ཀུན་གྱིས་བོད་ཡིག་ལ་རྩིས་མཐོང་ཆེན་པོ་བྱེད་པ་དང་འབད་བརྩོན་
ལྷོད་མེད་སྒོས་བོད་ཡིག་སྦྱངས་བ་ཡིན་པས།
བོད་གངས་ཅན་གྱི་ལྗོངས་འདིར་མཁས་ཆེན་དམ་པ་ཡང་
གནམ་གྱིས་ས་བཀབ་པ་ལྟར་མང་པོ་ཞིག་བྱུང་བ་དང་། དེང་སྐབས་འཛམ་གླིང་མི་རིགས་ཀུན་གྱི་མདུན་དུ་ ངོ་གནོངས་མི་དགོས་པའི་འོད་སྟོང་འབར་བའི་རིག་གནས་འདི་ཡོད་པ་ཡིན། དེ་ཡང་མཁས་པའི་དབང་པོ་ ཞང་སྟོན་བསྟན་པ་རྒྱ་མཚོ་མཆོག་གིས་སྐད་རིགས་ཐམས་ཅད་ཤེས་ན་བཟང་མོད་ཀྱང་།།
རང་གི་ཕ་སྐད་
བརྗེད་ན་ངོ་ཚ་ཡིན།། ཞེས་གསུངས་པ་ཡིན། དེའི་རྐྱེན་གྱིས་ང་ཚོས་ནམ་ཡང་རང་མི་རིགས་ཀྱི་སྐད་དང་ རིག་གནས་ལ་གཅེས་སྤྲས་དང་རྒྱུད་འཛིན་བྱེད་རྒྱུ་མ་གཏོགས་དེ་ལས་ལྡོག་ཏེ་མི་རིགས་ཀྱི་ཞབས་འདྲེན་ པ་བྱེད་མི་རུང་། སྐད་དང་རིག་གནས་ནི་མི་རིགས་ཤིག་གི་ཟུངས་ཁྲག་ཡིན། ཟུངས་ཁྲག་གི་རྒྱུ་བ་འགག་ ཚེ་མི་རིགས་དེ་ནམ་ཡང་བེམ་པོ་ཡིན། དེའི་རྐྱེན་གྱིས་ང་ཚོས་ནམ་ཡང་མི་རིགས་ཀྱི་སྐད་རིགས་བཟང་པོ་ ཞིག་ཤེས་པའི་ཆ་རྐྱེན་འོག་ནས་མི་རིགས་གཞན་པའི་སྐད་རིགས་ཡང་བཟང་པོ་ཞིག་ཤེས་དགོས།
ང་ཚོ་
བོད་མི་རིགས་ཀྱི་རིག་གནས་ནི་ཧ་ཅང་རྩ་ཆེན་ཞིག་ཡིན། འཛམ་གླིང་ལོ་རྒྱུས་ཀྱི་ཁྲོད་ནས་རིག་གནས་འདི་ ལ་ཧ་ཅང་ཡུན་རིང་བ། སྦྱངས་ན་ནམ་ཡང་མཐའ་བརྟོལ་མི་ཐུབ་པ། རིག་གནས་ཀྱི་ཁོངས་ཧ་ཅང་ཆེ་བ་ བཅས་ཀྱི་ཁྱད་ཆོས་ལྡན། བོད་ཡིག་གི་ཕྱི་མོ་བོད་སྐད་ཡིན། ཡུལ་གྱི་ཁྱོན་ལ་མཚོན་ན་བོད་ཆོལ་ཁ་གསུམ་ ཡིན་ཞིང་།
ས་ཁྱོན་ཆེན་པོ་དེ་འདྲ་ཞིག་གི་ཐོག་ཏུ་བོད་སྐད་ཤོད་མཁན་གྱི་མི་གྲངས་ནི་ད་ལྟ་ཧ་ཅང་ཉུང་
ངུ་ཞིག་ལས་མེད་ཀྱང་ད་ལྟའི་བར་རང་ཉིད་ཀྱིས་སྐད་ཡིག་སྤྱད་དེ་གནས་ཐུབ་པ་རེད། མི་རིགས་གང་འདྲ་ ཞིག་ཡིན་རུང་སྐད་ཡིག་ནི་མི་རིགས་དེའི་སྲོག་རྩ་ཡིན་པས་ང་ཚོས་རང་གི་ཕ་སྐད་བརྗེད་མི་རུང་། གལ་ཏེ་ བརྗེད་སོང་ན་ཁྱོད་རང་ས་ཆ་གང་དུ་སོང་ནའང་ཁྱེད་ཀྱིས་རང་གི་ཤ་དང་རུས་པ་ཇི་ལྟར་བྱེད། དེ་བས་ང་ ཚོའི་སྐད་རིགས་མང་པོ་ཤེས་ཀྱང་རང་གི་ཕ་སྐད་བརྗེད་མི་རུང་། སྐད་རིགས་མང་པོ་ཤེས་ན་བཟང་ཆ་ཧ་ 109
ཅང་མང་སྟེ་རང་ཉིད་ས་ཆ་གང་དུ་སོང་ནའང་བརྡ་སྤྲོད་ཐུབ་པ་དང་། རང་ཉིད་ཀྱིས་ཚོང་ལས་དང་བྱ་བ་ ཅི་ཞིག་གི་ཐད་ནས་ཀྱང་འཕེལ་རྒྱས་ལ་རོགས་རམ་བྱེད་ཐུབ།
ང་ཚོ་མི་སུ་ཞིག་ཡིན་རུང་བདེ་སྐྱིད་ཀྱི་འཚོ་བ་ཞིག་ལ་རེ་སྙེག་བྱེད་བཞིན་ཡོད།
དེ་ན་དང་ཐོག་
རང་མི་རིགས་ཀྱི་སྐད་ཡིག་བྱང་ཆུབ་པ་ཞིག་ཤེས་དགོས་པ་མ་གཏོགས་མི་རིགས་གི་ཞབས་འདྲེན་པ་ཞིག་ བྱེད་མི་རུང་།
དེང་སྐབས་ཀྱི་སྤྱི་ཚོགས་སྟེང་དུ་སློབ་མ་དང་ཡུལ་མི་མང་པོ་ཞིག་གིས་རང་མི་རིགས་ཀྱི་
སྐད་དང་རིག་གནས་ལ་མཐོང་ཆེན་མི་བྱེད་པར་མི་རིགས་གཞན་པའི་སྐད་རིགས་ལ་མཐོང་ཆེན་དང་བརྩི་ འཇོག་བྱེད་བཞིན་ཡོད་པས། ང་ཚོ་མུ་མཐུད་དུ་འདི་ལྟར་སོང་ན་ནམ་ཞིག་ན་མི་རིགས་འདི་ཉམས་སྲིད། མི་རིགས་ཀྱི་སྐད་དང་རིག་གནས་ཉམས་སོང་ན་ནམ་ཞིག་ལ་རང་ཉིད་འགྲོ་སའི་ཡུལ་དང་འདུག་སའི་ གནས་མེད་པའི་ཁྱི་རྐྱང་སྡོམ་པོ་ཞིག་དང་མཚུངས་པས། ང་ཚོ་ནམ་ཡང་འདི་ལྟར་བསྡད་ན་ག་ལ་འགྲིག ང་ ཚོས་ཧུར་བརྩོན་ཆེན་པོས་རང་མི་རིགས་ཀྱི་སྐད་ཡིག་ལ་མཐོང་ཆེན་དང་གཅེས་འཛིན། དར་སྤེལ་དང་རྒྱུན་ འཛིན་བཟང་པོ་ཞིག་བྱེད་དགོས།
རང་བྱུང་ཁམས་ཀྱི་དྲིན། འབུམ་མཚོ།
རང་བྱུང་ཁམས་ནི་འགྲོ་བ་རིགས་དྲུག་གི་དྲིན་ཆེན་ཡིན་ལ། གལ་ཏེ་རང་བྱུང་ཁམས་འདི་མེད་ཚེ་
མི་དང་སྲོག་ཆགས་གང་མང་ཞིག་འཚོ་ཐབས་བྲལ། རང་བྱུང་ཁམས་འདིའི་སྟེང་དུ་མི་དང་སྲོག་ཆགས། སྐྱེ་ དངོས་སོགས་མང་པོ་ཞིག་འཚོ་གནས་བྱས་ཡོད་པས།
མི་ལ་ལས་རང་གི་མ་ཡུམ་ལྟ་བུའི་རང་བྱུང་ཁམས་
འདིའི་དྲིན་མ་ཤེས་པར་འདི་ལ་གཏོར་བརླག་བྱེད་བཞིན་ཡོད།
བདག་གི་ལྟེ་ཁྲག་ས་ལ་ལྷུང་བ་ནས་བཟུང་རང་བྱུང་ཁམས་ཞེས་པའི་དོན་མ་གོ འོན་ཀྱང་། ད་ལྟ་
ཕྲན་ཆུང་བུ་མོ་ངས་རང་བྱུང་ཁམས་ཞེས་པའི་དོན་དང་ཡང་ན་རང་བྱུང་ཁམས་སྲུང་སྐྱོབ་བྱེད་དགོས་བ་ ཤེས་ཡོད་ཀྱང་། ད་སྐབས་བུ་མོ་ང་ལ་དེ་ཡི་ནུས་པ་མེད་པས་དོན་དག་གཅིག་ཀྱང་སྒྲུབ་མི་ཐུབ། རང་བྱུང་ ཁམས་ལ་གཏོར་བརླག་བྱེད་པའི་མི་དེ་ཚོས་ལག་པ་བྲང་ཁར་བཞག་ནས་འདང་ཞིག་བརྒྱབ་ན་མི་ཆོག་ གམ།
110
ང་ཚོས་ངེས་པར་དུ་རང་བྱུང་ཁམས་ཀྱི་ཁོར་ཡུག་ལ་བདག་སྐྱོང་བྱེད་དགོས།
དུས་རྒྱུན་དུ་སྡོང་འཛུགས་
ནགས་སྐྲུན་དང་ས་ཆུ་སྲུང་སྐྱོབ་བྱས་ཏེ་མ་ཡུམ་ལྟ་བུའི་རང་བྱུང་ཁམས་ཆེན་མོར་ལྗང་མདོག་གི་ལྭ་བ་ཞིག་ བཟོ་དགོས་པ་མ་ཟད། རང་བྱུང་ཁམས་ཀྱི་རྩྭ་རྩི་ཤིང་དང་རི་སྐྱེས་སྲོག་ཆགས་སོགས་ལ་ཡང་སྲུང་སྐྱོབ་བྱེད་ དགོས། ང་ཚོས་དེ་ལྟར་རང་བྱུང་ཁམས་ལ་བདག་སྐྱོང་བྱས་ན། འུ་ཅག་གིས་མ་ཡུམ་རང་བྱུང་ཁམས་ཆེན་ མོར་འདི་ཉིད་ནམ་ཡང་བྱམས་ལྡན་མ་ཡུམ་ཞིག་ཡིན་པར་གདོན་མི་ཟ།
རང་བྱུང་ཁམས་ལ་སྲུང་སྐྱོ བ ་བྱེད་པ་ནི ་ མཐར་གཏུགས་ན་འགྲོ ་ བ་མི འི ་ རི ག ས་ལ་སྲུང་སྐྱོ བ ་
བྱེད་པ་ཡིན་པས། འུ་ཅག་གིས་མཉམ་གཅིག་ཏུ་མཐུན་སྒྲིལ་འབད་བརྩོན་བྱས་ཏེ་བྱམས་ལྡན་གྱི་རང་བྱུང་ ཁམས་ལ་སྔར་ལས་ལྷག་པའི་སྲུང་སྐྱོབ་དང་གཅེས་སྤྲས་བྱེད་དགོས།
རྩྭ་ཕྲན་ཞིག་གི་རང་གཏམ། ལྷ་རིས་འཚོ། དམའ་གཅིག་འཛིན་གྲྭ་དང་པོ།
ང་རང་སྟེ། རྩྭ་ཐང་ཨ་མའི་པང་ནས་ལང་ཚོའི་གསོན་ཤུགས་རྒྱས་པའི་རྩྭ་ཕྲན་ཆུང་ཆུང་ཞིག་ཡིན་
ལ། ང་རང་སྟེ། མ་ཡུམ་གངས་རིའི་ཐུ་འོག་ནས་སྲོག་རྒྱུན་ཕྲ་མོ་ཡུན་གྱིས་འཚོ་བའི་རྩྭ་ཕྲན་ཆུང་ཆུང་ཞིག་ ཀྱང་ཡིན།
ང་ལ་ཆུ་སྐྱེས་པདྨ་ལྟ་བུའི་ཡིད་འཕྲོག་གི་བཀྲག་མདངས་མེད་ལ།
ལྷ་ཤིང་ཙན་དན་ལྟ་བུའི་ལྷན་
སྐྱེས་ཀྱི་བསུང་ཞིམ་དེ་བས་ཀྱང་དབེན། དེར་བརྟེན། ང་རང་ནི་ཆེས་སྤྱིར་བཏང་གི་རྩྭ་ཕྲན་ཕལ་བ་ཞིག་ ཡིན་པས། སུས་ཀྱང་ང་ལ་དེ་འདྲའི་དོ་སྣང་དང་ཡིད་འཇོག་བྱེད་མ་མྱོང་། དེ་ལྟ་ནའང་། ང་རང་དུས་དང་ རྣམ་པ་ཀུན་ཏུ་རང་མཉམ་གྱི་རྩྭ་ཕྲན་ཕལ་བ་དག་དང་ལྷན་དུ་གནས་པར་དགའ་ཞིང་རང་གི་ཚད་ཡོད་ཀྱི་ ཚེ་སྲོག་ཕྲ་མོ་དེ་འཛད་མེད་ཀྱི་གཞན་དོན་ལ་འབུལ་བར་སྤྲོ། དེ་བས་ཀྱང་། ང་རང་ལ་གཞན་ལ་རང་ཉིད་ ཀྱི་ཆེ་བ་ངོམས་འདོད་ཀྱི་གཟི་ཉམས་མེད་ལ།
ཕྲག་དོག་གི་མཚོན་ཆས་གཞན་ལ་འཚེ་བའི་བསམ་པ་ཡང་
མེད། དེར་བརྟེན། ང་རང་དྲོད་ཁང་དང་མི་ལ་བརྟེན་ནས་སྐྱེ་མཚར་བྱེད་པའི་རྩི་ཤིང་གཞན་དང་བསྡུར་ན་ 111
བཀྲག་མདངས་དང་མཛེས་སྡུག་དབེན། ཡིན་ཡང་། ང་རང་མི་ཚེ་རྩྭ་ཐང་ལ་སྔར་མེད་ཀྱི་མཛེས་པ་བསྐྲུན་ པར་མོས་པས། ང་རང་ནི་རང་གཤིས་བརྟན་སྲུང་བྱེད་པའི་འགྱུར་མེད་ཀྱི་རྩྭ་ཕྲན་ཆུང་ཆུང་ཞིག་ཀྱང་ཡིན། རེད་ཡ། ང་རང་ནི་ཆེས་སྤྱིར་བཏང་གི་རྩྭ་ཕྲན་ཕལ་བ་ཞིག་ཡིན་པས། སུ་ཞིག་ཡིན་རུང་། ང་ལ་བསྟོད་ བསྔགས་ཀྱི་མཐེ་བོང་བསྒྲེངས་ཆོག་ལ།
དམའ་འབབ་དང་འཁང་ར་གང་མང་ཡང་བརྗོད་ཆོག་ཆོག་ཡིན།
འོན་ཀྱང་། ང་ལ་རེ་བ་ཉག་ཅིག་ཡོད་པ་ནི་མུ་མཐུད་དུ་རང་ཉིད་ཀྱི་ཚད་ཡོད་པའི་ཚེ་སྲོག་གི་རྒྱུན་ཐག་ཕྲ་ མོ་དེས་རང་ཉིད་འཁྲུངས་སའི་མ་ཡུམ་རྩྭ་ཐང་གི་ཆེད་དུ་སྔར་མེད་ཀྱི་མཛེས་སྡུག་གི་དཔལ་ཡོན་བསྐྲུན་རྒྱུ་ དེ་ཡིན་ནོ།།
སློབ་འབྲིང་གི་འཚོ་བ། གཡང་འཚོ་སྐྱིད། དམའ་གསུམ་བཅུ་བ།
བར་མེད་དུ་འཁོར་བའི་དུས་ཚོད་འཁོར་ལོའི་ཅོང་བརྡ་དང་སྡེབ་སྟེ་ད་ནི་སློབ་འབྲིང་གི་འཚོ་བ་
མཇུག་རྫོགས་ལ་ཉེ།
འདས་སོང་གི་འཚོ་བར་ཕྱིར་དྲན་གྱི་མདའ་མོ་རེ་འཕངས་ན།
དང་གཉིས་སུ་མ་མཆིས།
ཆུ་རྒྱུན་ལྟ་བུའི་ལོ་ཟླ་འདི་དག་གི་རིང་ལ།
དེ་ནི་ལོ་རྒྱུས་ཀྱི་ཟློས་གར་ཞིག་ འབྲལ་མེད་མཉམ་གཤིབ་ཀྱི་སློབ་
གྲོགས་དག་དང་སློབ་སྦྱོང་གི་སྤྲོ་བ་མཉམ་སུ་མྱངས་ཤིང་སློབ་ཁང་དུ་ཕར་བདའ་ཚུར་བདའ་དང་། གཏམ་ གླེང་ཀུ་རེ་སོགས་ལ་གཡེང་བའི་དུས་ཚོད་རེ་རེ། མཉམ་ཟ་མཉམ་འཐུང་དང་གཅིག་ལ་གཅིག་བརྟེན་གྱིས་ ཕན་ཚུན་རོགས་རམ་བྱས་པའི་སྤྱོད་བཟང་དག སྐབས་ལ་ལར། བྱ་བ་ཆུང་ངུ་ཙམ་ལའང་རྩོད་པ་བྱས་ཏེ་ ཁ་རྩོད་བྱུང་བ་དང་། སློབ་གྲོགས་ལ་ལས་ཕན་ཚུན་ལ་རྒྱུགས་སྐར་འགྲན་ཏེ་ཕྲག་དོག་དང་སྡང་སེམས་ སྐྱེས་པ། ལྐོག་ངན་ལབ་པར་མིག་སྡང་བགྲད་པ། ཕན་ཚུན་སྡིགས་མོ་བྱེད་པ་སོགས་དགའ་སྐྱོ་ཟུང་འབྲེལ་ གྱིས་གྲུབ།
དོན་དམ་དུ། ཤེས་བྱའི་དགའ་ཚལ་ལ་དུང་བའི་བདག་ལ་མཚོན་ན། སློབ་འབྲིང་གི་འཚོ་བ་ནི་ 112
དངོས་ནས་སྤྲོ་སྐྱིད་ལྡན་པ་དང་ཕྱིར་དྲན་བྱེད་འདོད་པ་ཞིག་རེད། གྲལ་འགྲིག་གཙང་དག་གི་སློབ་ཁང་ནང་ གསུང་དབྱངས་སྙན་པའི་རྒན་ལགས་ཀྱིས་སློབ་ཁྲིད་བྱེད་པ་དང་། བློ་རིག་གློག་དམར་འཁྱུག་འདྲའི་སློབ་ གྲོགས་ཚོས་ནན་གྱིས་ཉན་པ་ནི་ཉམས་དགའ་བ་ཞིག་རེད། ད་དུང་། དངོས་ལུགས་དང་རྫས་འགྱུར་ཚོད་ ལྟ་ཁང་དུ་བསྐྱོད་དེ་བྱ་དངོས་གསར་པ་དག་ལ་མྱོང་ཚོར་བྱེད་པ་ནི་སྤྲོ་བའི་ཁ་སྣོན་དང་ང་ཚོའི་བྱ་དངོས་ གསར་རྟོགས་ཀྱི་ནུས་པ་ཇེ་མཐོར་གཏོང་བའི་བྱེད་སྟེངས་དྭངས་མ་ཞིག་གོ།
སློབ་འབྲིང་གི་འཚོ་བའི་ཁྲོད། ངས་རང་ཉིད་ཀྱིས་དྲོད་ཅིང་ཡངས་པའི་མལ་ཁང་། ཆེ་ཞིང་མཛེས་
པའི་ཟ་ཁང་། བཅུད་ལྡན་ཞིམ་མངར་ཅན་གྱི་ཟས་རིགས་དག ཞིབ་ཏུ་བསམ་ན། ངའི་སློབ་འབྲིང་གི་འཚོ་ བ་ལྷ་ཡུལ་ལས་མཛེས་ཤིང་། ལོངས་སྤྱོད་ཀླུ་ཡུལ་ལས་རྒྱས། ཡིན་ན་ཡང་། ད་ལྟའི་ཕྱིར་དྲན་གྱི་ཀློང་ན། རང་ཉིད་ལ་འགྱོད་གདུང་དང་ངོ་གནོང་བའི་འདས་དོན་ཡང་ཡོད་དེ། དོན་མེད་ལོངས་སྤྱོད་ཕྱོགས་ལ་ཞེན་ ཆགས་ནས་གསེར་ལས་དཀོན་པའི་དུས་ཚོད་ཀྱང་མང་པོ་འཕྲོ་བརླག་ཏུ་བཏང་།
དགོས་མེད་རྩེད་མོའི་
ཕྱོགས་ལ་གཡེང་ནས་ཤེས་བྱ་མང་པོར་བརྩོན་ལེན་བྱས། གང་ལྟར། ངས་ནམ་སྤྲོ་སྐྱིད་གཉིས་འཛོམས་ཀྱི་ སློབ་འབྲིང་གི་འཚོ་བར་ཕྱིར་དྲན་འདོད་ལ།
དེ་ལྟ་བུའི་སྤྲོ་སྣང་དེ་ཀུན་ལ་བསྒྲགས་ཏེ་འཚོ་བར་དོན་སྙིང་
ལྡན་པ་ཤེས་སུ་འཇུག་འདོད།
ཨ་མའི་བཀའ་དྲིན། གནམ་མཚོ་སྐྱིད། དམའ་གསུམ།
ཨ་མའི་བྱམས་བརྩེ་ནི་བདུད་རྩི་ལས་ཞིམ་ཞིང་བལ་དཀར་ལས་འཇམ། སྣོད་བཅུད་ཚངས་པས་
བསྐྲུན་པར་མངོན་རྗེས་ཚད་མའི་རྒྱབ་ལྗོངས་མེད་ལ། ཏུ་འདོད་པའམ་ནོར་འཁྲུལ་རེད།
ང་དང་ཁྱོད་ཀྱི་འཚར་ལོངས་རང་བྱུང་ལྷུན་གྲུབ་
གནས་ལུགས་རྗེན་པ་ཞིག་དང་བསམ་གཞིགས་གཤའ་མ་ཞིག་གི་གོང་
ཁ་ནས་ལྷོད་ཀྱིས་བལྟས་ཚེ། ཨ་མ་ཁོ་ན་འཇིག་རྟེན་བསྐྲུན་པའི་བྱེད་པོ་དང་ང་ཚོ་སྐྱོང་བའི་དངོས་རྒྱུན་ མཐོང་བྱུང་།
བུད་མེད་གནམ་གྱི་ཕྱེད་ཀ་ཟེར་པ་ལས་ཨ་མ་གནམ་གྱི་ཕྱེད་ཀ་ཡིན་ཞེས་བརྗོད་ན་གནས་
ལུགས་སྟོང་གི་མཁར་རྫོང་བརྟན། 113
དེ་བས། བདག་གི་དྲིན་ཆེན་གྱི་མ་ལོ་ལགས། ཁྱེད་ཀྱིས་རང་གི་མཛེས་སྡུག་གི་ལང་ཚོ་མེ་ཏོག་འདྲ་
བོ་ངེད་སྤུན་མཆེད་ཚོའི་ཆེད་དུ་རྙིང་ཅིང་། ཕྲ་ལྡེམ་གྱི་སྐུ་ལུས་སྨྱུག་མ་འདྲ་བོ་ཡང་ངེད་སྤུན་མཆེད་ཚོའི་ དོན་དུ་འཁྱོག་ཅིང་སྒུར་བས། བརྩེ་བ་མུ་མེད་རྒྱ་མཚོའི་འགྲན་ཞིང་བཀའ་དྲིན་རི་རྒྱལ་ལྷུན་པོའི་སྤུན་ དུ་བཞེངས་པ་ནམ་ལངས་ཉི་ཤར་གྱི་ཚུལ་དུ་མཆིས། ཨ་མ་ལགས། ཁྱེད་ཀྱིས་དབྱར་ཟླ་གསུམ་གྱི་ཆར་ཆུ་ དང་ཚད་པ་ལ་མི་འཛེམ་པར།
དགུན་ཟླ་གསུམ་གྱི་གྲང་ངར་རྩུབ་མོའི་རྔམས་མཐུག་པའི་མཐོ་སྒང་གི་ལྟེ་
བ་རེ་ན་ཁྱེད་ནི་འབུ་མེ་ནང་ལ་ལྷུང་བ་ལྟ་བུའི་བྲེལ་འཚུབ་ཞིག་དང་ལྷན། རི་གྲོང་གི་ལྕི་འདམ་ཁྲོད་ནས་མི་ ཚེ་རླུང་ཁ་ན་བསྐྱོད་པའི་དར་ལྕོག་བཞིན་ཟད། ཡིན་ནའང་། ཨ་མ་ལགས་ཁྱེད་ཀྱིས་དཀའ་སྡུག་ཡོད་ཚད་ བདེ་སྐྱིད་ཞིག་ཏུ་བརྩི་བཞིན་རང་ཉིད་ཀྱི་མི་ཚེ་ནོར་ལུག་ལ་བསྟིམས་ཤིང་ཁྱིམ་གཞིས་ལ་འདྲེས།
མ་ཡུམ་
ལགས། ཁྱེད་ཀྱི་མི་ཚེ་འདིའི་སྟེང་སྐྱིད་ཀྱི་རྟ་ཕོ་མཉམ་ཞོན་དང་སྡུག་གི་ཁུར་བོ་མཉམ་ཁུར་བྱེད་རོགས་ཀྱི་ སྐྱ་ཡ་དེ་མེད་ན་ཡང་ཁྱེད་གཅིག་པུས་ཁྱིམ་གཞིའི་འདིའི་དོན་དུ་དཀའ་སྡུག་གི་ལོ་ཟླ་འདི་འདྲ་མང་པོ་ཞིག་ གི་ནང་སྡུག་བསྔལ་ཐམས་ཅད་རྒྱབ་ཏུ་བསྐྱུར་ཞིང་དཀའ་བ་ཡོད་ཚད་ཕྲག་ཏུ་བླངས་ནས་སེན་མགོ་རྣག་ དང་སེན་རྟིང་ཁྲག་བྱས་ནས་རང་ཉིད་ཀྱིས་ཁྱིམ་གཞིས་སྐྱོང་བའི་བདག་མོ་ཞིག་གི་འགན་འཁྲི་ལྕི་མོ་འདི་ ཁུར་དུ་བླངས།
ཁྱེད་ཀྱིས་ལྗང་མདོག་གི་རི་ཀླུང་འདི་ནས་ཅི་མི་སྙམ་པར་མ་ཎི་ཡིག་དྲུག་གི་དབྱངས་རྟ་
སྙན་མོ་འགྱུར་འགྱུར་ཁུགས་སུ་དྲངས་ཏེ་གསོལ་འདེབས་ཀྱི་ཐལ་མོ་སྙིང་ཁར་སྦྱར་ནས་ངེད་སྤུན་མཆེད་ ཚོ་རིམ་བཞིན་ཤེས་རིག་གི་ལྡིང་ཁང་དུ་སྐྱེས་མ་བྱས། ཡུམ་ཆེན་ལགས། དུས་དེ་ནས་བཟུང་ཁྱེད་ཀྱིས་རང་ གི་མི་ལོ་བཞི་བཅུའི་ཚེ་སྲོག་གི་དར་ཆ་དམར་པོ་འདི་ལྟར་ང་ཚོའི་ལྟོ་རྒྱབ་གྱི་ཆེད་དང་སློབ་རིན་གྱི་ཆེད། ཁྱིམ་གཞི་འདིའི་བྱ་བ་ཆེ་འབྲིང་ཆུང་གསུམ་གྱི་ཁྲོད་ནས་རྒས་ཟིན། མ་ཡུམ་ལགས་ཁྱེད་ནི་ང་ཚོའི་མི་ཚེའི་ སྨྱུ་གུ་འཛུགས་མཁན་གྱི་སོ་ནམ་པ་ཡིན་ལ། ཁྱེད་ནི་ང་ཚོའི་མུན་ནག་གི་འཇིག་རྟེན་ལ་འོད་ཟེར་གྱི་མར་མེ་ ཚེ་འབར་ཡིན། ཁྱེད་ནི་ང་ཚོའི་རྨོངས་སེམས་ཀྱི་འདོད་བློ་བསྲེགས་པའི་རྣམ་དཔྱོད་ཀྱི་མེ་ལྕེ་དམར་བོ་ཡིན། ཁྱེད་ཀྱིས་ང་ཚོའི་མི་ཚེའི་འདིའི་བདེ་སྡུག་དང་རྒྱང་རིང་གི་དམིགས་འདུན་འགྲུབ་ཆེད་དཀའ་སྡུག་གི་ཁུར་ བོ་རུམ་ལ་བཅུག་ཅིང་སྨྲེང་སེམས་ཀྱི་མིག་ཆུ་ས་ལ་གཏོར་བཞིན་གནས་འདི་ནས་ཁྱེད་གཅིག་པུ་འདི་ལྟར་ སྡོད་དགོས་བྱུང་། ཨ་མ་ཁྱེད་ཀྱི་སྙིང་སྟོབས་དང་ཡིད་ཆེས་ནི་རྫོགས་མཐའ་མེད་པའི་གཏམ་རྒྱུད་མཚར་བོ་ ཞིག ཁྱེད་ཀྱི་སྤོབས་པ་དང་བརྩེ་བ་ནི་འཛད་མེད་པའི་ཉི་གཞོན་དངོས་མ་ཞིག འོན་ཀྱང་། ང་ཚོས་ཁྱེད་ལ་ ལེ་བདའ་དང་འཁང་ར་ལས་ལྷག་བསམ་གྱི་བཀའ་དྲིན་ཞུས་མ་མྱོང་།
ཁྱེད་ཀྱིས་ཡོད་ཚད་ནས་ཡོད་ཚད་
ངེད་སྤུན་མཆེད་ཚོའི་དོན་དུ་ཤ་ཞེན་རུས་ཞེན་ལྟར་འབད་པ་བྱས་པའི་བཀའ་དྲིན་འདི་ཇི་ལྟར་གཞལ། ང་ ཚོའི་སློབ་སྦྱོང་གི་ཐད་ལ་བླ་མེད་ཀྱི་རྒྱབ་སྐྱོར་གནང་བཞིན་པ་ཇི་ལྟར་ཚོར། 114
ཡིན་ཡང་།
དུས་ད་ལྟ་ངས་གཞི་ནས་འདི་ཐམས་ཅད་ཨ་མ་ཁྱེད་ཀྱིས་ངེད་སྤུན་མཆེད་ཚོའི་ཆེད་དུ་མྱངས་
པའི་སྡུག་བསྔལ་དང་དཀའ་ངལ་ཡོད་ཚད་ཡིན་པ་གསལ་བོར་རྟོགས་སོང་། དེ་ཡང་མིག་རྡེབ་དབང་ཙམ་ གྱི་འཆར་སྣང་མ་ཡིན་པར་ཡུན་རིང་གི་བསམ་གཞིགས་དང་ཕྱིར་དྲན་ལས་བྱུང་བའི་ཚོར་རྟོགས་ཡིན། ཨ་ མ་ནི་ང་ཚོའི་སེམས་ཀྱི་བརྟེན་ས་དང་འོད་ཀྱི་འབྱུང་ཁུངས་ཡིན། ཨ་མས་ང་ཚོའི་ལ་ཟས་ཞིམ་པའི་ལོངས་ སྤྱོད་བསྩལ་ཅིང་འགྲོ་གོམ་པའི་གོམ་ཁ་བསླབས། ཆོས་མ་ཎི་འདོན་རྟ་ཁྲིད།
དྲིན་ཆེན་གྱི་མ་ལོ། བདག་གི་མིག་མདུན་ན་གསེར་འོད་ཀྱི་འཚེར་བའི་རྟ་བདུན་དབང་པོ། བདག་
གི་སྙིང་དབུས་ནས་རྟག་ཏུ་འབར་བའི་མེ་མེ་ཚེ་འབར། ད་ནི་ང་ནར་སོན་འདུག ངས་རང་ཚུགས་ཀྱི་ བསམ་བློར་བདག་འཛིན་ཐུབ་ཡོད། ངའི་ཡིད་ཆེས་ཀྱི་སྤོབས་པར་ལང་ཚོ་རྒྱས་ཡོད། ཨ་མ། ད་ལྟ་ཞིབ་ཏུ་ གཟིགས་དང་། མཚོ་སྔོན་པོའི་འགྲམ་ན་ཀོ་གྲུ་གཏོང་བཞིན་པ་དེ་ང་ཡིན། ཨ་མ། ད་ལྟ་གསན་པར་གྱིས་དང་ ། རི་མཐོན་པོའི་སྒང་ན་དུང་དཀར་འབུད་བཞིན་པ་དེ་ཡང་ང་ཡིན། ཨ་མ། འུ་ཚང་གི་ཕ་སར་གས་ཆགས་ མ་ཤོར་ན། འུ་ཚང་གི་འཚོ་བ་ཁ་བས་མ་གཡོགས་ན། ང་ཐང་དཀའ་རྒོད་པོའི་གཤོག་རྩལ་དང་ལྷན་དུ་ཡོང་ གིན་ཡོད། ང་གསེར་མིག་ཉ་མོའི་འཁྱུག་འགྲོས་དང་མཉམ་དུ་ཡོང་གིན་ཡོད། ཨ་མ། ཁྱེད་ཀྱིས་སེམས་བདེ་ མོའི་ངང་སྒུག་བྱས་དང་། ངའི་མདུན་ལམ་ལ་ཚང་ཚིང་གི་ནགས་ཀླུང་སྟུག་རུང་གདུག་རྩུབ་ཀྱི་གཅན་གཟན་ མེད་ན། ངའི་ལུས་པོ་རྣོ་ལྕགས་ཀྱིས་གྲུབ་པ་མིན་རུང་བགྲོད་ཐབས་བྱེད་ངེས། ངའི་ཕུགས་བསམ་ལ་ཀྱག་ ཀྱོག་གི་ལམ་ཕྲན་མང་རུང་ཇག་རྐུན་གྱི་འཇབ་རྒོལ་མེད་ན།
ངའི་སེམས་པ་རྡོ་ནག་མིན་རུང་བརྒྱུད་ཐུབ་
བྱེད་ངེས། ཨ་མ་བུ་མོ་ང་ཆེ་བ་རྒྱལ་ཁབ་ལ་ཕན་པའི་མི་ཞིག་མི་ཉན་རུང་། ཆུང་བ་མི་རིགས་འདིའི་ཆེད་ དུ་བཅོས་མིན་གྱི་བརྩོན་པ་བསྐྱེད་དེ་ནམ་ཞིག་པའི་མདུན་ལམ་ལ་འདབ་ལག་རྒྱས་ནས་ཕུགས་བསམ་ལ་ འབྲས་བུ་སྨིན་ན། ངས་ཁྱོད་ལ་ལྷག་བསམ་གྱི་དྭངས་མ་སྦྱར་ནས་དྲིན་ལན་འཇལ་ངེས།
ཨ་མ་ལགས། བཙུན་ཐར་སྐྱིད།
ང་རང་འཇིག་རྟེན་འདིར་ཚེ་སྲོག་གི་སྨྱུ་གུ་འབུས་བ་ནས་བཟུང་། ཨ་མས་ང་རང་དྲོད་ཁོལ་གྱིས་ 115
ཁེངས་པའི་རུམ་ཁོངས་ལ་བཅུག་ནས་ནུ་ཞོ་ཡིས་ངུ་ཁ་བླངས།
ཨ་མ་ལགས། ལོ་ཟླའི་གྲང་རླུང་གི་ཁྲོད་དུ། རྩིད་པས་བརྒྱུས་བའི་འུར་ཆ་དེ་བཟུང་ནས་གཡང་
དཀར་ལུག་གི་རྗེས་འབྲངས་བཞིན། རང་ཉིད་ཀྱི་ཡོད་ཚད་རི་ལུང་ནས་ཟད་སོང་། ཨ་མ་ལགས། ཁྱེད་ཀྱི་ འབད་བརྩོན་ཀྱི་སྟོབས་ཤུགས་ཀྱིས་འུ་ཚང་ལ་ཕྱུགས་གི་འཕེལ་ཁ་དར་ལ། བདེ་སྐྱིད་ཀྱི་དྲོད་ཁོལ་རྒྱས་སོང་
ཁྱེད་ཀྱི་སྐྱོ་སྡུག་གི་མི་ཚེ་རིང་མོ་འདིར།
ཁྱེད་ཀྱི་ངོ་གདོང་ལ་བསུབ་ཐབས་བྲལ་བའི་གཉེར་མ་
ཆགས་ལ། ཕྱག་ཞབས་ལ་བཟོད་ཐབས་བྲལ་བའི་རྨ་ཁ་བཟོས་སོང་།
ཨ་མ་ལགས། བདག་གི་ཡིད་སྐྱོ་བའི་ཚིག་ཕྲེང་བར་ནས་ངས་ཁྱེད་ཀྱི་དྲིན་རྟོགས་སོང་། ཁྱེད་ཀྱིས་
ང་ལ་ལྷག་བསམ་གྱི་འོ་མཚོ་སྦྱིན་ལ། རིག་གནས་ཀྱི་མདུན་ལམ་བཏོད་བྱུང་། དེ་བས། བདག་གིས་ཀྱང་སློབ་ སྦྱོང་ལ་ཧུར་བརྩོན་བྱས་ནས་དྲིན་ཆེན་གྱི་ཨ་མ་ལ་དྲིན་ལན་འཇལ་རྒྱུ་ཡིན།
ངེད་ཚང་གི་སྒོ་ཁྱི། གསེར་མོ་འཚོ།
ང་ཚོའི་ཕ་མེས་ཡང་མེས་རྣམས་ཀྱི་ཤུལ་བཞག་གི་གཅེས་ནོར་རྩ་ཆེན་སྟེ། ང་ཚོའི་སྒོ་ཁྱི། ཁྱེད་ནི་
ང་ཚོ་བོད་མི་རིགས་ཀྱི་འཚོ་བའི་རྟེན་སའམ་མགྲོན་པོ་སོགས་ཕེབས་དུས་ཀྱི་སྔོན་བརྡ་གཏོང་མཁན་ཡིན།
ངེད་ཚང་གི་སྒོ་ཁྱི་ལགས། ཁྱེད་ཀྱིས་རྐུན་ཇག་གི་འཇབ་རྒོལ་ལ་རྒོལ་ལན་བསློགས་ཐུབ་ལ།
མགྲོན་ཕེབས་ཀྱི་དུས་སུ་སྔོན་བརྡ་གཏོང་ཐུབ། ད་དུང་། རི་དྭགས་སོགས་ཟོག་རར་རྒྱུགས་དུས་ཁྱེད་ཀྱིས་ སྐད་བརྡ་བཏང་ནས་རྨི་ལམ་གྱི་ཞིང་ཁམས་ཀྱང་དཀྲོགས་ཐུབ། སྒོ་ཁྱི་ལགས། ཁྱེད་ཀྱིས་ཉིན་གཅིག་ལ་ཟ་ མ་ཐེངས་གསུམ་ལས་མ་ཟོས་ནའང་།
ཉིན་རྒྱུན་འགྲུལ་བ་སོགས་སླེབས་མ་ཐག་འུར་སྐད་རྒྱག་པ་དང་
། གནམ་ལྡིང་ས་ལྡིང་བྱས་ནས་རྩེད་པ་སོགས་བྱས་ན། ད་དུང་། ལྟོགས་སྐོམ་གྱིས་མནར་མི་ཐུབ། ཁྱེད་ཀྱིས་ ཉིན་མཚན་དབྱེར་མེད་དུ་རྒྱ་ལམ་ན་འཕྲུལ་འཁོར་སོགས་བགྲོད་བཞིན་པའི་སྒྲ་ཐོས་པ་ན་འུར་སྐད་རྒྱག་པ་ ཡིན།
116
སྒོ་ཁྱི་ལགས། ཁྱེད་ལ་ལྷད་མེད་པའི་ལུས་བོ་ཞིག་ཡོད་དེ། དབྱར་གྱི་ཆར་ཆུ་དང་སེར་བ། སྟོན་གྱི་རླུང་བུ། དགུན་ཁའི་གྲང་ངར་དང་ཁ་བ་བུ་ཡུག་ཇི་ལྟར་འཚུབ་ནའང་། ཁྱེད་ལ་ལོག་འདར་དང་མནར་གཅོད་མེད་ པར་དུས་ནམ་ཡང་གྲང་བཟོད་བྱེད་ཐུབ།
འཛམ་གླི ང ་གི ་ ཡང་རྩེ་ན་སྙན་གྲགས་ཀྱི ་ བ་དན་ཕྱོ ག ས་བཞི ར ་གཡོ ་ བའི ་ བསི ལ ་ལྡན་ཁ་བའི ་
ལྗོངས་ཀྱི་གཅེས་ནོར་རྩ་ཆེན་སྟེ་སྒོ་ཁྱི་ལགས།
ཁྱེད་ཀྱིས་འདས་མ་ད་གསུམ་གྱི་ང་ཚོའི་བོད་མི་རིགས་ཀྱི་
འཚོ་བ་ལ་བྱས་རྗེས་རླབས་ཆེན་བཞག་ཡོད།
117
ཚན་པ་བཞི་བ།
སྒྲུང་གཏམ་འཚོ་བའི་མྱོང་བྱང་།
118
ཁྱི་སྐྱག རྣམ་གླིང་རིན་ཆེན།
དེ་ནི་ཧ་ཅང་གྲང་ངར་ཆེ་བའི་དགུན་དུས་ཀྱི་ཉིན་མོ་ཞིག་སྟེ། ཕྱི་རོལ་ཏུ་ཁ་བ་སྐྱ་ལྷབ་ལྷུབ་ཏུ་
བབས་ཤིང་། གྲང་རླུང་འུར་འུར་དུ་ལྡང་བཞིན་འདུག སོ་ཕག་ལས་གྲུབ་པའི་ཁང་ཁྱིམ་གྱི་ཕྱོགས་བཞི་ མཚམས་བརྒྱད་སྐྱ་ཆིལ་ཆིལ་གྱི་ཁ་བའི་འདབ་མས་ཡོངས་སུ་བཏུམས་ནས་འདུག ཁྱིམ་མཚེས་བྱིས་པ་ ཚོས་མཐུག་ལ་དྲོ་བའི་སློག་པ་ཧྲལ་ཧྲུལ་རེ་ལུས་ལ་གྱོན་ཞོར། དགའ་བདེའི་སྣང་བས་རབ་ཏུ་མྱོས་ཏེ་ གངས་རླུང་གི་ཁྲོད་དུ་གངས་རྩེད་ལ་རོལ་བཞིན་མཆིས། དུས་རྒྱུན་ཁྱིམ་མཚེས་བྱིས་པ་ཚོ་སྒོ་ཁར་རྩེད་ མོར་གཡེང་ནས་སྡོད་པའི་རྣམ་པ་དེ་ངའི་འདྲེན་བྱེད་དབང་པོའི་ལམ་དུ་རྒྱུ་ཐེངས་རེར། ངས་ཁྱི་སྐྱག་གི་ རྒྱབ་གཟུགས་སྐྱ་བོ་དེ་ཡིད་ལ་དབང་མེད་དུ་དྲན་གིན་འདུག་ཅིང་། ཁོའི་ངུ་སྐད་ཀྱི་འཁུན་སྒྲ་དེ་རྣ་ཡི་བུ་ གར་ལྷང་ལྷང་དུ་ཐོས་ཀྱིན་འདུག
ཁྱི་སྐྱག་གི་སྔོན་ཆད་ཀྱི་དངོས་མིང་ལ་བཀྲ་ཤིས་ཟེར། འོན་ཀྱང་ཆུང་ངུའི་དུས་སུ་བཀྲ་ཤིས་ལ་
བཀྲ་ཤིས་པའི་བྱ་བ་འབྱུང་རྒྱུ་ལྟ་ཅི། ནད་དང་བར་ཆད་རྒྱུན་མི་ཆད་པར་འབྱུང་བས། ཁོའི་ཨ་མས་ཆག་ སྒོ་དེ་ལྡོག་ཆེད་ཁོ་ཡུལ་དེའི་རི་འདབས་སུ་ཆགས་པའི་དགོན་པའི་མཁན་པོ་རིན་པོ་ཆེའི་གམ་དུ་ཁྲིད་ནས་ རིམ་གྲོ་ཆོས་ཀློག་མང་དུ་མཛད་ཅིང་། མཁན་པོ་རིན་པོ་ཆེས་ཁོའི་བར་ཆད་ལྡོག་ཆེད་ཁོ་ལ་ད་ལྟའི་མིང་ གསར་བ་དེ་བཏགས་གནང་བ་ཞིག་རེད།
ཁྱིམ་མཚེས་རྨོ་བོ་ཚེ་རིང་སྐྱིད་ཀྱིས་ཞལ་ནས་མ་ཎི་ཡིག་དྲུག་བར་མེད་འདོན་ཞོར་ལྕགས་ཐབ་
ནང་ཚ་ཆིལ་ཆིལ་གྱི་མེ་དྲོན་མོ་ཞིག་བཏང་བས། ཁང་ཁྱིམ་ཡོངས་དྲོད་ཁོལ་གྱིས་ཡོངས་སུ་ཕྱུག་ཅིང་། གྲང་ཤུར་ཤུར་གྱི་སྣང་བ་གཏན་ནས་མེད་མོད། ཚ་བོ་ཁྱི་སྐྱག་གི་རྐང་མཐིལ་ནས་ཀླད་པའི་བར་གྱི་ཁྲག་ རྩ་ཚང་མ་འཁྱགས་པས་བསྡམས་པ་ཇི་བཞིན་གྲང་ཤུར་ཤུར་གྱི་ཚོར་བ་རྣོན་པོ་ཞིག་ངམ་ཤུགས་ངང་སྦྱིན་ གྱིན་ཡོད།
ཁྱིམ་མཚེས་རྨོ་བོ་སྔར་བཞིན་ལྕགས་ཐབ་ཀྱི་འགྲམ་དུ་མེ་གཏོང་ཞོར་མ་ཎི་ཡིག་དྲུག་བར་མེད་
འདོན་བཞིན་འདུག ཚ་བོ་ཁྱི་སྐྱག་གིས་མལ་ལས་གཅེར་བུར་ཐོན་ཡོང་སྟེ་རྨོ་བོའི་གམ་དུ་ཡོང་ནས། “ རྨོ་ བོ། མདང་ནུབ་ང་ལ་རྨི་ལམ་ངན་པ་ཞིག་རྨིས་བྱུང ” ཟེར། 119
“རྨི་ལམ་ག་རེ་རྨིས་བྱུང་ངམ། ” “ སྡེ་བའི་ཨ་མ་ཉི་མ་ཚང་གི་ཨ་མ་ཉི་མ་གྲོངས་འདུག ” ཅེས་བཤད། “ བདུད་ཕྲུག་དེ། ག་རེ་ཤོད་ཀྱི་ཡོད་དམ། ” “ངོ་མ་གྲོངས་འདུག”
རྨོ་བོ་ཚེ་རིང་སྐྱིད་ཀྱིས་ཁོ་ལ་འགྲམ་ལྕག་ཚ་བོ་ཞིག་གཞུས་ཏེ་སྔར་བཞིན་མ་ཎི་
འདོན་བཞིན་བསྡད།
ཚ་བོ་ཁྱི་སྐྱག་གིས་ཨམ་གཙིགས་ཤིག་བསྡམས་ཞོར་ཁུ་སིམ་མེར་རང་གི་མལ་ཆས་ཀྱི་གཏིང་དུ་
འཛུལ་ནས་ “ཧིན་ཧིན ”ཅེས་མིག་ཆུ་གཏོང་གིན་འདུག རྨོ་བོ་ཚེ་རིང་སྐྱིད་ཀྱིས་མ་ཎི་འདོན་མཚམས་ བཞག་སྟེ་ཚ་བོའི་གམ་དུ་ཕྱིན་ནས། “ ཁྱི་སྐྱག ད་ནས་སྐད་ཆ་གང་བྱུང་མ་ཤོད་ཨང་། གལ་ཏེ་ཨ་མ་ཉི་ མས་གོ་ན་ཚིག་པ་བཟའ་གི་མ་རེད་དམ།” ཞེས་བཤད།
ཚ་བོ་ཁྱི་སྐྱག་གིས་སྔར་བཞིན་ “ ཨ་མ་ཉི་མ་དངོས་གནས་གྲོངས་འདུག ཡིད་མ་ཆེས་ན་སྡེ་བའི་
མི་ལ་སྐད་ཆ་དྲིས་དང་། ” ཟེར།
རྨོ་བོ་ཚེ་རིང་སྐྱིད་ཀྱིས་ཁྱི་སྐྱག་གི་མགོ་ལ་བྱིལ་བྱིལ་གཏོང་ཞོར། “ཨ་མ་ཉི་མ་གྲོངས་པ་རེད་
སུས་ཟེར་གྱི་འདུག་གམ ” ཞེས་ཁྱི་སྐྱག་ལ་དྲིས་པས། “ ངའི་རྨི་ལམ་ནང་རྨིས་བྱུང་ ” ཞེས་ལན་བཏབ། རྨོ་བོ་ཚེ་རིང་སྐྱིད་ཀྱི་བསམ་པར། ཕྲུ་གུའི་ཁ་ལ་ཆ་འཇོག་བྱེད་ག་ལ་ཉན་སྙམ་སྟེ་ཁྱི་སྐྱག་གིས་བཤད་པའི་ སྐད་ཆ་རྣ་བའི་རྒྱབ་ཀྱི་རླུང་བུར་སྐུར་ནས་ཁ་ཡ་མ་བྱས་པར་སྐས་འཛེགས་ལས་མར་བབས་ཏེ་ལྷས་རའི་ ནང་ལྕི་བ་སྒྲུག་པར་ཕྱིན་སོང་།
ཉི་མ་བཞུད་ལ་ཉེ། རྨོ་བོ་ཚེ་རིང་སྐྱིད་ཀྱི་བུ་རྒན་པ་མར་ལོས་ལུག་ཁྱུ་རྣམས་ལྷས་རར་བཅུག་
ནས་ཕྱིར་ཁྱིམ་ལ་སླེབས་བྱུང་། ཁོས་གྲང་ཤུར་ཤུར་གྱི་རྣམ་འགྱུར་ཞིག་སྟོན་བཞིན། “ཨ་མ་ཉི་མ་གྲོངས་ འདུག་ཟེར་བ་ཧ་གོ་བྱུང་ངམ ”ཞེས་དྲིས། “རྨི་ལམ་ནང་རྨིས་བྱུང་ངམ ” རྨོ་བོ་ཚེ་རིང་སྐྱིད་ཀྱིས་མཆོད་མེ་རྐང་གཅིག་ལ་མེ་སྒྲོན་ཞོར་དེ་ ལྟར་བཤད། “ག་རེ། རྨི་ལམ། སྡེ་བའི་མི་ཚང་མ་ཁོང་ཚང་ལ་སྡུག་ཆང་འདྲེན་པར་འགྲོ་བཞིན་པ་མཐོང་མ་བྱུང་ངམ། ཉིན་གང་ཁྱིམ་དུ་འཛུལ་ནས་བསྡད་པས་སྡེ་བའི་གསར་འགྱུར་ག་ལ་ཧ་གོ ” ཞེས་ཁོས་ལེ་བདའ་ཞིག་བྱེད་ ཞོར་དེ་ལྟར་བཤད། རྨོ་བོ་ཚེ་རིང་སྐྱིད་ཡུད་ཙམ་ཞིག་རིང་ཧད་དེ་ལུས་ནས་རང་ཉིད་རྨི་ལམ་རྨི་བཞིན་ པའི་ཚོར་སྣང་ཞིག་བྱུང་།
ཚ་བོ་ཁྱི་སྐྱག་ཉིན་གང་མལ་སའི་ནང་ངུས་ནས་བསྡད་པས་མིག་གཉིས་པོ་དམར་པོར་གྱུར་འདུག
མར་ལོས་ཁྱི་སྐྱག་གི་མགོ་ལ་ལན་འགའ་བྱིལ་བྱིལ་གཏོང་ཞོར་ “བུ་ཁྱི་སྐྱག སུས་རང་ལ་འཕྱ་སྨོད་བྱས་བྱུང་ 120
ངམ ”ཞེས་དྲིས་པས། “ ཨ་མ་ཉི་མ་གྲོངས་སོང ” ཁོས་སྐྱོ་ཉམས་ཀྱི་ངང་ནས་དེ་ལྟར་བཤད། “ ཨ་མ་ཉི་ མ་གྲོངས་ན་རང་ངུ་རྒྱུ་ཅི་འདུག ཁོང་ང་ཚོའི་ཤ་ཉེ་ནི་མ་རེད ” ཞེས་སྨྲས་པས། ཁྱི་སྐྱག་གི་ངུ་སྒྲ་སྔར་བས་ ཇེ་ཆེར་སོང་། ཅི་ཤེས”
རྨོ་བོ་ཚེ་རིང་སྐྱིད་ཀྱིས་སུན་སྣང་དང་བཅས། “ ཁྱི་སྐྱག་ནི་ཁྱི་སྐྱག་རང་རེད། ངུ་རྒྱུ་མ་གཏོགས་ ཞེས་བཤད་ཞོར་བུ་རྒན་པ་མར་ལོའི་མིང་ནས་བོས་ཏེ་འདས་པོ་ཉི་མ་ཚང་ལ་སྡུག་ཆང་འདྲེན་
པར་འགྲོ་དགོས་པའི་སྐུལ་མ་བྱས། མར་ལོས་ཁྲོ་ཉམས་ཤིག་བསྟན་ཏེ། “སྡུག་ཆང་འདྲེན་པར་ང་འགྲོ་གི་ མིན། ཨ་མ་རང་སོང་ན་དགའ ”ཞེས་བཤད། “ག་རེ། ནམ་རྒྱུན་ཆང་འཐུང་དགའ་སྐྱིད་ལ་རོལ་དུས་ཁྱེད་ཚོ་གཅིག་ཤོར་གཉིས་ཤོར་རེད། ད་ལྟ་འུ་ཐུག་ དུས་མ་རྒན་ང་སྡུག་ཆང་འདྲེན་པར་གཏོང་རྒྱུ་ཡིན་ནམ ” ཞེས་བཤད་པས། ཁྱི་སྐྱག་གིས་ངུ་མཚམས་ བཞག་ནས་ “སྡུག་ཆང་འདྲེན་པར་ང་ཕྱིན་ཆོག ”ཅེས་སྨྲས། “བདུད་ཕྲུག་ཁ་ཚུམས་དང་།” “ང་བདུད་ཕྲུག་ཡིན་ན་པྰ་ཕ་རང་བདུད་ཀྱི་རྒྱལ་པོ་རེད ” ཁྱི་སྐྱག་གི་གཏམ་དེས་མར་ལོར་ཅི་ཡང་བཤད་ རྒྱུ་མེད་པར་ཁ་སྐྱེངས་པའི་ཚུལ་གྱིས་ཁུ་སིམ་མེར་མི་སྡོད་དཀའ་མེད་བྱུང་། འཇིག་རྟེན་གྱི་གཏམ་དཔེར། “ཐག་རིང་གི་གཉེན་ལས་ཁྱིམ་མཚེས་ཀྱི་དགྲ་དགའ། ཟེར་བ་མ་ཡིན་ནམ། ད་མྱུར་མོར་སྡུག་ཆང་འདྲེན་པར་རྒྱུགས ”ཞེས་སྐུལ་མ་བྱས། “སྡུག་ཆང་འདྲེན་པར་ཕྱིན་ན་ང་ལ་བར་ཆད་ འབྱུང་གི་མ་རེད་པས། གལ་ཏེ་འདས་པོ་ཉི་མའི་རྣམ་ཤེས་ངའི་རྗེས་དེད་ནས་ཁྱིམ་ལ་ཡོང་ན་ཅི་བྱ ” “ག་རེའི་བར་ཆད། ག་རེའི་རྣམ་ཤེས། གཅིག་བྱས་ན་བར་ཆད་སེལ་ཐུབ་ཀྱི་ཡོད་འགྲོ” “མི་ཚོས་སྡུག་ཆང་འདྲེན་པར་ཕྱིན་ན་འདས་པོ་དེའི་རྣམ་ཤེས་ལྷན་དུ་ཡོང་ནས་ཁྱིམ་ཚང་ལ་གནོད་པ་ འབྱུང་གི་རེད་ཟེར་གིས ” “གང་བྱུང་མ་ཤོད། ད་མྱུར་མོར་སོང” ཞེས་ཨ་མ་ཚེ་རིང་སྐྱིད་ཀྱིས་ཡང་ཡང་ཨུ་ཚུགས་བྱས་པས། ཁོ་ཡང་ བྱ་ཐབས་ཟད་དེ་ཆང་དམ་བི་གང་འཁྱེར་ནས་འདས་པོ་ཉི་མ་ཚང་ལ་མི་འགྲོ་ཐབས་མེད་བྱུང་། ཁྱི་སྐྱག་སྔར་བཞིན་ངུ་བཞིན་འདུག ཁོས་ངུ་སྒྲའི་ཁྲོད་གསལ་ལ་མི་གསལ་གྱིས། “ཨ་མ། ཨ་མ ”ཞེས་ འབོད་ཀྱིན་འདུག རྨོ་བོ་ཚེ་རིང་སྐྱིད་ཀྱིས་ཁྱི་སྐྱག་གི་ཨ་མའི་མིང་ནས་བོས་ཏེ། “བདེ་སྐྱིད་མཁའ་འགྲོ ཕྲུ་ གུར་ཁ་ཡ་གྱིས་དང་ ”ཟེར།
བདེ་སྐྱིད་མཁའ་འགྲོས་བུ་མལ་ལས་བཏོན་ཏེ་གོན་པ་བསྐོན་ཞིང་། འགྱིག་ཕོར་ནང་སྐྱོར་མ་ཞིག་
གཡོས་ཏེ་ཁོ་ལ་སྦྱིན། འོན་ཀྱང་། ཁྱི་སྐྱག་གི་སྔར་བཞིན “ཨ་མ། ཨ་མ ” ཟེར་བཞིན་ངུས་ནས་བསྡད། 121
“ཨ་མ་རང་གི་གམ་ན་མི་འདུག་གམ། ངུ་རྒྱུ་ག་རེ་འདུག ” ཅེས་ཨ་མ་བདེ་སྐྱིད་མཁའ་འགྲོས་ངག་འཇམ་ པོའི་སྒོ་ནས་དེ་ལྟར་བཤད། ཁྱི་སྐྱག་གིས་སླར་ཡང་ “ ངའི་ཨ་མ་གྲོངས་སོང ” ཞེས་སྨྲས། “ བདུད་ཕྲུག་ དེ། རང་སྨྱོ་གི་འདུག་གམ ” ཞེས་བཤད་ཞོར་ཁོ་ལ་འགྲམ་ལྕག་མེ་འབར་བ་ཞིག་གཞུས་སོང་། ཁྱི་སྐྱག་ དེ་མ་ཐག་མོའི་པང་ཁ་ལས་བབས་ཏེ་སྒོ་ཁར་བུད་ནས། “ ཨ་མ། ཨ་མ ” ཞེས་འབོད་ཞོར་ཤར་རེར་ འདས་པོ་ཉི་མ་ཚང་གི་ཕྱོགས་སུ་རྒྱུགས།
བདེ་སྐྱིད་མཁའ་འགྲོས་ཀྱང་ཁོའི་རྗེས་སུ་སྙེགས་ནས་རལ་བ་ཆགས་པའི་ཁོའི་སྐྲ་ལོ་ནས་འཇུས་
ཏེ་ཚུར་ཁྱིམ་དུ་དྲུད་བཞིན་ཁྲིད་བྱུང་། “ བདུད་མོ། བདུད་མོ། ཁྱེད་ངའི་ཨ་མ་མ་རེད། ངའི་ཨ་མ་གྲོངས་ སོང ” ཞེས་བཤད།
རྨོ་བོ་ཚེ་རིང་སྐྱིད་ཀྱིས་ཁྱི་སྐྱག་དྲུད་ནས་ཡོང་བ་མཐོང་མ་ཐག “ བདེ་སྐྱིད་མཁའ་འགྲོ། རང་
སྨྱོ་གི་འདུག་གམ། ཕྲུ་གུར་སྡུག་པོ་བཏང་ན་སྙིང་རྗེ་གི་མི་འདུག་གམ ” “ཕྲུ་གུ་དེ་ལ་བྱམས་པོ་བྱས་ན་སྐྱག་ལང་ལ་ཤོར་འགྲོ་གིས ”ཞེས་བཤད།
རྨོ་བོ་ཚེ་རིང་སྐྱིད་ཀྱིས་ཐབ་ཀའི་ནང་མེ་གཏོང་ཞོར་སེམས་ལ་ཁྱད་མཚར་བའི་དོགས་སྣང་ཞིག་
བྱུང་བ་སྟེ། སྔོན་ཆད་འདས་པོ་ཉི་མ་ཚང་ལ་བུ་གཅིག་བྱུང་ཡང་། སྟབས་མི་ལེགས་པ་ཞིག་ལ་ཁོ་ལོ་བཅུ་ གསུམ་ལ་ཐོན་དུས་རི་ལ་མེ་ཤིང་འཐུ་བར་ཕྱིན་ནས་ནམ་ཡང་ཕྱིར་ལོག་རྒྱུ་མ་བྱུང་བའི་གནས་ཚུལ་དེ་ ཡིད་ལ་འཁོར་ཞིང་། གཅིག་བྱས་ན་ཁོའི་རྣམ་ཤེས་དེ་ཁྱི་སྐྱག་ལ་འཕོས་པ་མིན་ནམ་སྙམ་བཞིན་སེམས་ལ་ དངངས་སྐྲག་ཞིག་དང་བྲེད་ཤ་ཞིག་ལངས།
ཁྱི་སྐྱག་ཉིན་རེ་ལས་མ་འདས་པར་འཚར་ལོངས་འབྱུང་གིན་ཡོད་ལ། ཁོའི་བྱེད་ལུགས་བྱེད་
སྟངས་ནི་ཆུང་
དུས་ཀྱི་འདས་པོ་ཉི་མ་ཚང་གི་བུ་འདས་པོ་དེའི་བྱེད་ལུགས་དང་ཧ་ཅང་འདྲ་བ་ཡིན་ཏེ།
དཔེར་ན། གཉིས་ཀ་དགུན་ཁ་འཁྱག་ཤུར་གློད་རྒྱུར་དགའ་བ་དང་། དབྱར་ཁ་ཆུ་རྐྱལ་ལ་རོལ་རྒྱུར་དགའ་ བ། ཁོ་གཉིས་པོ་སྐྲ་ལོ་རིང་པོར་འཇོག་རྒྱུ་དགའ་བ་གང་ཞིག གཉིས་ཀའི་སྐྲ་ལོར་རལ་བ་ཆགས་ཡོད་པ། གོང་མཛུབ་དང་དཀྱིལ་མཛུབ་གཉིས་ཁ་ནང་དུ་བཅུག་ནས་འཇིབ་རྒྱུར་དགའ་བ་སོགས་ཐུན་མོང་གི་ཆ་དུ་ མ་ལྡན་ཡོད་པ་རེད། དེ་ལས་ཡ་མཚན་སྐྱེ་དགོས་པ་ཞིག་ལ། ཁྱི་སྐྱག་གིས་ནམ་རྒྱུན་ཨ་མ་ཉི་མ་མིག་ལམ་ དུ་འཆར་ཐེངས་རེར་སེམས་ལ་དགའ་བ་དཔག་མེད་སྐྱེ་བཞིན་ཡོད། ལྷག་པར་དུ། ཨ་མ་ཉི་མ་འདས་ པའི་ཉིན་མོ་དེར་ཁོས་རྒྱུན་ལྡན་མིན་པའི་ངུ་སྐད་རྒྱག་ཅིང་། རང་ཉིད་ཀྱི་ཨ་མ་ངོ་མ་གྲོངས་པ་ལས་ལྷག་ པའི་སེམས་སྡུག་བྱེད་ཀྱིན་ཡོད་པ་རེད། དུས་དེ་ནས་བཟུང་། ཁོའི་ཁྱིམ་མི་ཚོས་འདས་པོ་ཉི་མ་ཚང་གི་ བུ་འདས་པོ་དེའི་རྣམ་ཤེས་ཁྱི་སྐྱག་ལ་འཕོས་པར་ཡིད་ཆེས་བྱེད་ཀྱི་ཡོད་ལ། ཁོའི་སྐྱེ་བ་ཕྱི་མ་ཁྱི་སྐྱག་ཡིན་ 122
པར་ཐེ་ཚོམ་གཏན་ནས་བྱེད་ཀྱི་མེད།
ལོ་ངོ་རེ་རེ་བཞིན་བུད་སོང་། ཁྱི་སྐྱག་ཡང་སྡེ་བའི་ན་མཉམ་གྲོགས་པོ་དང་འདྲ་བར་ད་ལོ་ལོ་
བཅུ་གསུམ་ལ་སླེབས། ཁ་བ་སྐྱ་ཆིལ་ཆིལ་བབས་པའི་དགུན་དུས་ཀྱི་ཉིན་མ་ཞིག་ལ། ང་རང་སློབ་གྲྭ་ནས་ ཕྱིར་ལོག་བྱེད་པའི་ལམ་བར་དུ་ངས་ཡང་སྐྱར་ཁྱི་སྐྱག་ཁོ་མཐོང་བྱུང་། དེ་དུས་ཁོས་ཚིལ་དྲེག་ཆགས་པའི་ ལྟོ་ཕད་ཆུང་ཆུང་ཞིག་སྒལ་བར་ཁུར་ནས་རི་ལ་མེ་ཤིང་འཐུ་བར་འགྲོ་བཞིན་འདུག ངས་ཡུན་རིང་བོར་ ཁོའི་རྒྱབ་གཟུགས་ལ་ཅེར་ནས་བསྡད།
བསམ་ཡུལ་ལས་འདས་པ་ཞིག་ལ། དེ་ནས་བཟུང་ངས་ཁྱི་སྐྱག་ཁོ་མཐོང་བའི་བསྐལ་བ་མ་བྱུང་།
སྡེ་པའི་མི་རྣམས་ཀྱི་ངག་སྒྲོས་ལ་ཉན་ན། ཁོ་མེ་ཤིང་འཐུ་བར་ཕྱིན་པའི་ཉིན་དེ་ནས་བཟུང་། ཁོ་ཕ་ཡུལ་ དུ་ཕྱིར་ལོག་རྒྱུར་མ་བྱུང་ཟེར། ངས་ཀྱང་མཆོད་མེ་རྐང་གཅིག་ལ་མེ་སྒྲོན་ཞོར་ཁོར་ཆེས་རྗེས་མའི་སྐྱེལ་མ་ དེ་བྱས་ཞིང་། མ་ཎི་ཡིག་དྲུག་བར་མེད་འདོན་བཞིན་སློབ་གྲྭར་འགྲོ་བའི་ལམ་ལ་བཞུད་པ་ཡིན།
123
ཁ་པར་ནང་གི་བཙན་གཏམ། བཀྲ་ཤིས་རྒྱལ། མཚོ་སྔོན་དགེ་ཐོན་སློབ་ཆེན་མི་གཞུང་སློབ་གླིང་།
བཅོ་ལྔའི་དུང་ཟླ་ནི་གསལ་ཞིང་སྒོར་ལ་མིའི་ཡིད་དབང་འཕྲོག་པ་ཞིག་རེད། རྩྭ་ཐང་གི་ཕོ་ཉལ་
བ་ཞིག་ལ་མཚོན་ན། དུས་འདི་ནི་ཁོ་རང་འགུལ་སྐྱོད་བྱེད་བདེ་བའི་གོ་སྐབས་ལེགས་པོ་ཞིག་དང་སློབ་ ཆེན་པ་ཞིག་ལ་མཚོན་ནའང་སྐབས་འདི་ནི་དུས་ཆད་ཀྱི་གོ་སྐབས་བཟང་བོ་ཞིག་ཅི་ལ་མིན། ལྷག་པར་དུ་ དེ་རིང་ནི་གཟའ་སྤེན་པར་འཁེལ་ཡོད་སྟབས། དུས་ཆད་ལ་སྤྲོ་བའི་སློབ་ཆེན་པའི་གསར་བུ་གསར་མོ་ཚོར་ མཚོན་ན་འདོད་ཐོག་ལ་རྟ་རྒྱུག་པ་མ་ཡིན་ནམ།
དོན་འགྲུབ་དང་སྒྲོལ་མཚོ་གཉིས་ནི་འདང་བརྩེ་ཅན་དེ་ཚོའི་ཁྲོད་ཀྱི་དཔེ་མཚོན་མི་སྣ་གཉིས་སུ་
བགྲང་ཆོག དོ་དགོང་དུང་མདོག་གི་ཟླ་བའི་འོག་ཏུ་ཁོ་གཉིས་ཀྱིས་བརྩེ་གཏམ་ལྷུག་པོར་བརྗོད་རྗེས། དོན་ འགྲུབ་ཀྱིས “ད་སློབ་གྲྭའི་མལ་ཁང་གི་སྒོ་གཏན་ཟིན་པས་འུ་གཉིས་སྲང་གི་མགྲོན་ཁང་དུ་འདུག་པར་འགྲོ” “ཆོག་གི ཁྱོས་བཤད་པ་བཞིན་དུ་སྒྲུབ ”སྒྲོལ་མཚོས་ཐེ་ཚོམ་མེད་པར་གོམས་ལོབས་སུ་སོང་བའི་སྐད་ཆ་ ཞིག་དེ་ལྟར་བཤད།
ཕྱི་ཉིན་ཞོགས་པའི་ཉི་ཟེར་མགྲོན་ཁང་གི་སྒེའུ་ཁུང་བརྒྱུད་ནས་ཁོ་ཉིས་ཀྱི་མལ་ཁྲིའི་སྟེང་འཕྲོ་
དུས། ད་གཟོད་ནམ་ལངས་ནས་ཅུང་འགོར་ཡོད་པ་རྟོགས། “ཨ་བ་ཨ་མ། སྒོར་བརྒྱ་ཡོད་པ་མགྲོན་ཁང་ལ་སྤྲད་ཟིན་པས། ད་ནི་ཟ་མ་ཟ་སྤྱད་ཅིག་མ་གཏོགས་ལྷག་མི་ འདུག” “གླེན་པ་ཁྱོད། ཡུལ་ལ་སྒོར་མོ་སྐུར་ཟེར་མི་ཤེས་སམ ”་སྒྲོལ་མཚོས་མ་དགའ་བའི་ཉམས་ཀྱིས་དེ་ལྟར་ བཤད། “འོ། བདེན་འདུག ཁྱོས་བཤད་པ་འགྲིག་འདུག ”དོན་འགྲུབ་མྱུར་དུ་ཚད་མཐོ་མགྲོན་ཁང་དེའི་སྤྱི་སྤྱོད་ཁ་ པར་གཏོང་དུ་སོང་། “ཝེ། ཨ་ཕ་ཡིན་ནམ། ང་བདེ་མོ་ཡིན། ངའི་ཟླ་འདིའི་ཟས་རིན་ཚར་གྲབས་ཡོད་པས། ཁྱོད་ཀྱིས་མྱུར་དུ་ སྒོར་སུམ་བརྒྱ་ལྷག་བསྐུར་དགོས། སྔོན་གྱི་སྒོར་ཉིས་བརྒྱ་བསྐུར་བ་དེ་སྔར་ནས་ཚར་ཟིན། ཁྱོད་ཀྱིས་ང་ ལྟོགས་ནས་འཆི་རུ་འཇུག་བསམ་མམ།”དོན་འགྲུབ་ཀྱིས་ཁ་པར་ཁྲོག་སེ་བཞག་རྗེས། རང་གི་མཛའ་མོའི་ 124
གམ་དུ་བཅར་སོང་།
ལོ་རྒན་ལྔ་བཅུར་ཉེ་བའི་ཨ་ཕར་དང་ཐོག་སྐྱོ་མདོག་ཅིག་མངོན་སོང་ནའང་། བུ་ཕྲུག་ལ་བཅངས་
པའི་བརྩེ་སེམས་ཀྱིས་ཁོས་སླར་ཡང་སྒོར་ཉིས་བརྒྱ་ལྷག་བསྐུར་གྲབས་མི་བྱེད་ཀ་མེད་དུ་གྱུར། སྒོར་དེ་ནི་ ཏག་ཏག་དེ་སྔོན་ཁོས་ཞོར་ལས་བྱས་ནས་བཙལ་བ་དེ་ཡིན་འདུག
125
ཚན་པ་ལྔ་བ།
བསྒྱུར་རྩོམ་དང་བཅར་འདྲི།
126
ཚད་ལྡན་གྱི་གོ་རིམ། 《 བདག་ལ་རེ་བའི་རྨི་ལམ་ཞིག་ཡོད་ 》 ཞེས་པའི་དཔེ་དེབ་བཀླག་པ།
བདེ་སྟོང་དབང་མོ།
ང་ཚོ་རྒྱུན་ལྡན་གྱི་མཚན་ཉིད་ལྡན་པའི་མི་ཞིག་བྱེད་དགོས། མཚན་ཉིད་ལྔ་ལྡན་དགོས་པའི་
གནས་ལུགས་འདི་ཀྲུང་གོའི་སྐད་གྲགས་ཅན་གྱི་སློབ་གསོ་བ་ཐའོ་ཞིན་ཀྲི [༡༨༩༩༡ - ༡༩༤༦] ཟེར་བ་དེས་ བཤད་འདུག
.
༡ དབང་བོ་སྐྱོན་ཅན་མ་ཡིན་པ། དབང་བོ་སྐྱོན་ཅན་ནི་ལུས་ཕུང་ལ་སྐྱོན་ཡོད་པས་མཚན་ཉིད་དང་ལྡན་ པར་བརྩི་མི་རུང་།
.
༢ རྒྱུན་དུ་གཞན་བརྟེན་རིང་ལུགས་པ་མིན་པ། གཞན་པར་བརྟེན་པ་ནི། རང་རྐྱ་འཕེར་བའི་འཚོ་བ་རོལ་ མི་ཐུབ་པས་སོ། །
.
༣ གཞན་པའི་ཡོ་བྱད་དུ་གྱུར་པ་མ་ཡིན་པ། གཞན་པའི་ཡོ་བྱད་དམ་རྩེད་ཆས་སུ་གྱུར་པ་ནི། རང་ཉིད་ ཀྱི་ཚེ་སྲོག་དང་བདག་དབང་མི་གཞན་པས་ཁ་ལོ་སྒྱུར་གྱིན་ཡོད་པས། རང་རྐྱ་འཕེར་བའི་མི་གཞི་འཁྲུངས་ མི་ཐུབ།
.
༤ གཞན་པའི་ཚོང་རྫས་ལྟ་བུར་གྱུར་བ་མ་ཡིན་པ། གཞན་གྱི་ཁེ་བསྲེང་གྱི་ཆེད་དུ་བེད་སྤྱོད་བྱས་པས། མི་ མཚན་ཉིད་དང་ལྡན་པའི་ལས་དོན་མི་འགྲུབ།
.
༥ བློ་སྣ་མང་པོ་ཅན་གྱི་མི་མ་ཡིན་པ། བློ་གཅིག་སེམས་གཅིག་གིས་བྱ་བཞག་སྒྲུབ་མི་ཐུབ་པས། སེམས་ ཤུགས་དང་མཇུག་འབྲས་ནི་ཧ་ཅང་ཐག་རིང་བོ་ཞིག་ཡིན། མི་ལ་ལྡན་དགོས་པའི་གནད་དོན་གསུམ་བཤད་འདུག
.
༡ ལུས་ཕུང་བདེ་ཐང་ཡིན་དགོས། ལུས་ཕུང་བདེ་ཐང་བྱུང་ན་དངོས་པོའི་འཇིག་རྟེན་དུ་བརྟན་པོར་འཚོ་ ཐུབ།
.
༢ རང་རྐྱ་འཕེར་བའི་བསམ་བློ་གཏོང་ཐུབ་དགོས། ཁེངས་སྐྱུང་དང་བློ་རིག་དྭངས་གསལ་ཡིན་དགོས་ལ། ཡིན་མིན་བླང་དོར་གྱི་བརྡར་ཤ་གཅོད་པའི་ནུས་པ་ཡོད་དགོས།
.
༣ གཞན་ལ་བརྟེན་མི་དགོས་པའི་ལས་ཀ་ཡོད་དགོས།
127
འདི་ནི་གཞན་ཕན་གྱི་ལས་ཀ་བྱེད་ཆེད་ཡིན།
གཞན་དོན་དང་གཞན་ཕན་གྱི་ལས་ཀ་བསྒྲུབས་ཚེ། སྤྱི་ཚོགས་ཀྱི་གླ་ཆ་འཐོབ་ངེས།
མི་ཉུང་ཤོས་ཀྱི་ལག་ཏུ་བཟུང་བའི་ལག་ཐབས་ དེ་ལ་དབང་ཆ་ཟེར། མི་དཀྱུས་མ་ཐམས་ཅད་
ལ་ཡོད་པའི་བདག་དབང་དེ་ལ་མིའི་ཐོབ་ཐང་ཟེར། དཔོན་ཆེན་དང་། སྐུ་དྲག སྐྱེས་པ། ཕྱུག་པོ་བཅས་ ལ་འཛམ་གླིང་སྟེང་དམིགས་བསལ་གྱི་དབང་ཆ་ལྡན་མཁན་དག་ཡིན། ཁྲིམས་དང་མཐུན་པའི་རྒྱལ་ཁབ་ དག་ཏུ་དམིགས་བསལ་གྱི་དབང་ཆ་འདི་དག་མེད་པར་བཏང་ནས་མི་རྣམས་འདྲ་མཉམ་ལྡན་པའི་འཚོ་བ་ ཞིག་རོལ་ཆོག་པ་དེ་ལ་ཡང་མིའི་ཐོབ་ཐང་ཟེར། མིའི་ཐོབ་ཐང་ནི་བཅའ་ཁྲིམས་ཀྱི་རྨང་གཞིའི་སྟེང་ཆགས་ དགོས་པ་ཞིག་ཡིན། དམངས་གཙོའི་ཆབ་སྲིད་ཐོག་མར་དར་རྒྱས་བྱུང་བའི་རྒྱལ་ཁབ་ནི་དབྱིན་ཇི་རེད། དབྱིན་ཇི་མི་སེར་མང་ཆེ་བ་མི་ཉུང་ཤོས་ཀྱི་གཉའ་གནོན་འོག་ཏུ་གནས་སྐབས། མཐའ་གཅིག་ཏུ་ངོ་རྒོལ་ བྱས་པའི་འབྲས་བུར་མིའི་ཐོབ་ཐང་ཐོབ་པ་རེད། མིའི་ཐོབ་ཐང་ནི་གཙོ་བོ། ༡
.
ལུས་ཕུང་གི་རང་དབང་། མི་དམངས་བཅའ་ཁྲིམས་དང་མི་མཐུན་པར་འཛིན་བཟུང་དང་། བཀག་
.
རྒྱུ་ནོར་གྱི་རང་དབང་། མི་དམངས་ལ་གཏོགས་པའི་རྒྱུ་ནོར་ཡོད་ཚད་མང་ཚོགས་ཀྱིས་རང་དབང་
སྐྱིལ། འདྲི་རྩད། ཆད་གཅོད་བྱས་མི་ཆོག་པ། ༢
ངང་བཀོལ་སྤྱོད་བྱས་ཆོག་པ་དང་། སྲིད་གཞུང་གིས་མི་དམངས་ལ་དཔྱ་ཁྲལ་བགོ་སྐབས་ཀྱང་སྤྱི་དམངས་ ཀྱི་འདོད་བློ་དང་བསྟུན་དགོས་པ།
.
༣ བསམ་བློའི་རང་དབང་། འདི་ནི་ལྷན་སྐྱེས་ཀྱི་རང་དབང་ཞིག་ཡིན། རྒྱུ་རྐྱེན་གྱི་རྩོལ་བར་བརྟེན་དགོས་ པ་བཤད་མ་དགོས་པ་ཞིག་རེད། དཔེར་ན། གཏམ་བརྗོད། དཔེ་ཆ་རྩོམ་པ། པར་སྐྲུན་བྱེད་པ་བཅས་ལ་ རང་དབང་ལྡན་དགོས་པ། རང་དབང་རིགས་འདི་གསུམ་ལྡན་ཚེ་དམངས་གཙོའི་ཆབ་སྲིད་ཞེས་བརྗོད་ ཆོག་ལ། འགྲོ་བ་མིའི་ཐོབ་ཐང་ཡོད་ཞེས་ཀྱང་བརྗོད་ཆོག
དབྱིན་ཇི་ནི་བུད་མེད་ལ་འདེམས་བསྐོའི་དབང་ཆ་སྩོལ་བའི་རྒྱལ་ཁབ་ཆེན་པོའི་དང་པོ་ཡིན།
སྐྱེས་པ་ཚོར་དྲང་བདེན་གྱི་འདུ་ཤེས་ཡང་དག་པ་ལྡན་ཞིང་བུད་མེད་ལ་རླབས་ཆེན་གྱི་བྱམས་བརྩེའི་རིན་ ཐང་ལྡན་པས་འདི་གཉིས་འཇིག་རྟེན་འདིར་མེད་དུ་མི་རུང་བའི་གནད་འགག་ཞིག་ཡིན། མི་སུ་དང་སུ་ ཡིན་ཡང་འགན་འཁྲིའི་འདུ་ཤེས་ཡོད་དགོས། འགན་འཁྲིའི་འདུ་ཤེས་ནི་མི་དེའི་སྙིང་སྟོབས་ཀྱི་ཉིང་བཅུད་ ལྟ་བུ་རེད། ང་ཚོ་ལ་འདི་ངེས་པར་ཏུ་ལྡན་དགོས།
128
བཅར་འདྲི། ཚབས་ཆེ་བའི་ནད་ཡམས་གྲགས་ཅན་ཨེ་ཙིའི་སྔོན་འགོག་སྐོར་གྱི་བཅར་འདྲི། དྲི་བ། ཨེ་ཙི་ལབ་ན་ག་རེ་ཟེར་གྱི་ཡོད་པ་རེད། ལན། དེ་ལ་དབྱིན་སྐད་དུ། ཚིག་འབྲི་རེ་རེར་འགྲེལ་བཤད་ཡོང་ཀྱང་། བོད་སྐད་དུ་མདོར་བསྡུས་ནས་ བཤད་ན། ང་ཚོའི་གཟུགས་པོའི་ནང་གི་ནད་རིགས་གཞན་འགོག་བྱེད་ཀྱི་ནུས་པ་ཉམས་ནས་ནད་རིགས་ འདྲ་མིན་ན་བ་ལ་ཨེ་ཙི་ཞེས་བཤད་ན་འགྲིག་ས་རེད། སྤྱིར་ཨེ་ཙི་ཞེས་པ་ན་ཚ་དེའི་མིང་ཡིན་པ་དང་། ན་ ཚ་དེ་སློང་བྱེད་ཀྱི་འབུ་དེའི་མིང་ལ HIV ཞེས་ཟེར་གྱི་འདུག དྲི་བ། ཨེ་ཙི་ཞེས་པ་དང་པོ་གང་ནས་བྱུང་བ་རེད། ལན། ཕྱི་ལོ༡༩༨༡ལོར་ཨ་རིའི་ San Francisco ཞེས་པའི་ས་ཆ་དེར་ཕོ་ཕོ་ལུས་འབྲེལ་བྱས་པའི་མི་ ཞིག་གི་ས་ནས་ཤེས་རྟོགས་བྱུང་འདུག་པ་དང་། རྒྱ་གར་གྱི་ནང་དུ་ལྷོ་ཕྱོགས་སུ་ཕྱི་ལོ༡༩༨༦ལོར་བྱུང་བ་ ཤེས་རྟོགས་བྱུང་འདུག ད་ལྟའི་ཆར་རྒྱ་ནག་གིས་མཚོན་པའི་འཛམ་གླིང་གང་སར་ཁྱབ་བསྡད་ཡོད་ས་རེད། དྲི་བ། HIVཞེས་པའི་འབུ་དེ་ག་འདྲ་བྱེད་ནས་ཁྱབ་ཀྱིན་ཡོད་པ་རེད། ལན ། འབུ་དེ་ཁྲག་གི་ནང་དུ་ཡོད་པ་དང། སྨན་ཁང་དུ་ཁྲག་སྦྱིན་གཏོང་བྱེད་སྐབས་བརྟག་དཔྱད་མ་བྱས་ པའི་ཁྲག་དེ་བརྒྱུད་ནས་ཕན་ཚུན་ལ་འགོ་གི་ཡོད་པ་རེད། དེ་མིན་ཁབ་གཅིག་མི་མང་པོས་བེད་སྤྱོད་བཏང་ ན་ཡང་འགོ་གི་རེད། གཞན་ཡང་མང་ཆེ་བས་འགྱིག་ཤུབས་བེད་སྤྱོད་མ་བྱས་པར་ལུས་འབྲེལ་བྱས་ནས་ འགོ་གི་ཡོད། དྲི་བ། གལ་སྲིད་ཨ་མ་ཨེ་ཙི་ན་ཚ་ཅན་ཞིག་ཡིན་ན་ཕྲུག་གུ་ལ་ན་ཚ་དེ་འགོ་གི་ཨེ་རེད།
.
ལན། འགོ་གི་རེད། འགོ་སྟངས་ག་འདྲ་ཞིག་རེད་ཞེས་བཤད་ན། ༡ ཕྲུ་གུ་དེ་མངལ་དུ་ཡོད་སྐབས།
.
.
༢ ཕྲུ་གུ་སྐྱེས་སྐབས། ༣ ཕྲུ་གུ་དེས་ཨ་མའི་ནུ་མ་ནུ་སྐབས་བཅས་ནས་འགོ་གི་ཡོད་པ་རེད། དྲི་བ། དེང་སང་མི་མང་པོ་ཞིག་གིས་ན་ཚ་དེ་ཅི་ཞིག་བརྒྱུད་ནས་འགོ་གི་ཡོད་མེད་མ་ཤེས་པར་ཐེ་ཚོམ་ཟ་ གི་ཡོད་ཚོད་རེད། ཁྱེད་རང་ཚོས་དེའི་སྐོར་ལ་གསལ་བཤད་ཅིག་བྱེད་ཐུབ་ས་ཨེ་རེད། ལན། རེད། བདེན་པ་རེད། ང་ཚོ་ཚང་མར་དོགས་པ་དེ་རང་བཞིན་གྱིས་ཡོང་གི་ཡོད་པ་རེད། ཡིན་ ན་ཡང་། མཉམ་བསྡོད་བྱེད་པ་དང་། ལག་འཇུ་བྱེད་པ། འཐམ་འཁྱུད་བྱེད་པ། གློ་རྒྱབ་པ། སྣོད་ཆས་ 129
གཅིག་དུ་ཟ་མ་བཟའ་བ། ཆུ་འཁོར་གཅིག་ཏུ་ཆུར་རྐྱལ་བ། འགྲིམ་འགྲུལ་མཉམ་དུ་བྱེད་པ། གསང་སྤྱོད་ དང་ཁྲུས་ཆས་སོགས་ཀྱིས་འགོ་གི་ཡོད་ས་རེད། གལ་སྲིད་ཁྱོད་རང་གིས་འདིའི་སྐོར་གསལ་བོ་ཤེས་འདོད་ ཡོད་ན། ད་ལོར་ང་ཚོས་བཏོན་པའི་《ཨེ་ཙི་ཞེས་པའི་ན་ཚ་ཤེས་རྟོགས་བྱུང་ཐབས 》ཞེས་པའི་དེབ་ཆུང་ དེར་གཟིགས་ན་གསལ་བོ་ཤེས་ཐུབ། དྲི་བ། གལ་སྲིད་མི་ཞིག་ལ་ན་ཚ་དེ་གློ་བུར་དུ་བྱུང་བ་ཡིན་ན། ག་འདྲ་བྱས་ནས་ཤི་གི་ཡོད་པ་རེད། ལན། ན་ཚ་དེ་གློ་བུར་དུ་བྱུང་རྒྱུ་ཞིག་མ་རེད། ན་ཚ་དེ་ཁྲག་གི་ནང་དུ་རྒྱུན་རིང་བོར་ཁྱབ་སྟེ་མི་དེའི་ གཟུགས་པོའི་ནུས་ཤུགས་ཚང་མ་ཉམས་ནས་ཕྱིའི་ན་ཚ་ཐམས་ཅད་འགོག་མི་ཐུབ་པར་དཀའ་ངལ་མང་པོ་ ཞིག་འཕྲད་ནས་ཤི་གི་ཡོད། དྲི་བ། གལ་སྲིད་ན་ཚ་དེ་འགོག་ཐབས་བྱས་ན་ག་འདྲ་བྱས་ནས་འགོག་དགོས་པ་རེད། ལན། སྤྱིར་བཏང་སྔོན་འགོག་བྱེད་སྟངས་ཁག་མང་པོ་ཞིག་ཡོད་པ་རེད། ཡིན་ན་ཡང་ཡག་ཤོས་ལ་ལུས་ འབྲེལ་མི་བྱེད་པ་དང་། གལ་སྲིད་བྱས་ན་ཡང་འགྱིག་ཤུབས་བེད་སྤྱོད་གཏོང་དགོས། གཞན་ཡང་ཁྲག་ཕན་ ཚུན་བརྗེ་བསྒྱུར་བྱེད་སྐབས་བརྟག་དཔྱད་བྱེད་དགོས། དེ་མིན་ཁབ་གཅིག་མི་མང་པོས་མཉམ་དུ་བེད་སྤྱོད་ བྱེད་མི་རུང་། གལ་སྲིད་བེད་སྤྱོད་བྱས་པ་ཡིན་ན་ཁབ་དེ་ཆུའི་ནང་དུ་སྐར་མ་ཉི་ཤུ་ཙམ་ལ་བཙོ་དགོས། དྲི་བ། གལ་སྲིད་མི་ཞིག་ལ་ན་ཚ་དེ་བྱུང་བ་ཡིན་ན་ནད་རྟགས་ག་རེ་བྱུང་གི་རེད། ལན། ནད་རྟགས་དེ་ལོ་ལྔ་ནས་བཅུ་བར་དུ་ཕྱིར་ཐོན་གྱི་མ་རེད། ན་ཚ་དེ་ཛ་དྲག་ཆགས་ནས་ནད་རྟགས་ དེ་ཕྱིར་ཐོན་དུས། དཔེར་ན། གཟུགས་པོ་ཐང་ཆད་སླ་བ། ལྗི་ཚད་ཉམས་པ། གློ་རྒྱག་པ། དྲོད་ཁོག་རྒྱུན་ རིང་པོར་བཤལ་བ། གཟུགས་པོའི་སྒང་ལ་སི་བིའི་ནད་འབུར་ཐོན་པ། རྒྱུན་རིང་བོར་ཚ་བ་འཕར་བ། ཁའི་ནང་དུ་རྨ་ཐོན་པ། ནད་ཐབ་ཀྱི་སྐྲང་འབུར་ཐོན་པ་སོགས་ནད་རྟགས་མང་པོ་ཡོད་པ་རེད། དྲི་བ། ཁྱོད་རང་ཚོས་མ་བསྐུལ་དང་ལེན་གྱིས་ཨི་ཙི་སྔོན་འགོག་གི་ཕྱག་ལས་གནང་བསྡད་ཡོད་དུས། གོང་ གསལ་དྲི་བ་དག་གི་ནང་དུ་མ་ཚུད་པའི་དམིགས་བསལ་བསམ་ཚུལ་འདྲ་ཡོད་དམ། ལན། སྤྱིར་བཏང་སྔོན་འགོག་ཅེས་པ་འདི་མི་སོ་སོ་ལ་རག་ལས་བསྡད་ཡོད་པ་ཞིག་རེད། ཡིན་ན་ཡང་ ང་ཚོས་བྱེད་བཞིན་པའི་སྔོན་འགོག་ཅེས་པ་འདི་ན་ཚ་དེ་མི་ཤེས་མཁན་རྣམས་ལ་ཤེས་རྟོགས་བྱུང་རྒྱུའི་ ཆེད་དུ་ང་ཚོ་ལྡི་ལིར་ཡོད་པའི་བོད་པ་སློབ་ཕྲུག་ཁག་ཅིག་གིས་མ་བསྐུལ་དང་བླང་གིས་ཁྱབ་བསྒྲགས་བྱེད་ དགོས་པ་འདྲ་བོ། དེབ་བཟོ་དགོས་པ་འདྲ་བོ། དེ་མིན་དབྱིན་ཡིག་ནས་བོད་ཡིག་ཏུ་བསྒྱུར་དགོས་པ་འདྲ་ བོ་གང་ཐུབ་ཐུབ་ཅིག་གིས་སོ་སོའི་མི་རིགས་ལ་ཞབས་ཕྱི་ཞུ་གི་ཡོད། ཡིན་ན་ཡང་ང་ཚོ་ད་ལྟའི་ཆར་སློབ་ ཕྲུག་རྐྱང་རྐྱང་ཡིན་དུས་དུས་ཚོད་ཀྱིས་མ་འདང་བ་དང་། དཔལ་འབྱོར་གྱིས་མ་འདང་བ་སོགས་དཀའ་ 130
ངལ་མང་བོ་ཞིག་ཡོད་ཀྱང་། སོ་སོའི་མི་རིགས་ཀྱི་ཛ་དྲག་གི་གནས་སྟངས་ལ་བལྟས་ཏེ་དཀའ་ངལ་ཅི་ཞིག་ འཕྲད་ན་ཡང་། ད་དུང་མུ་མཐུད་དེ་ན་ཚ་དེ་ཤེས་རྟོགས་བྱུང་ཐབས་དང་སྔོན་འགོག་བྱེད་ཐབས་ཀྱི་ཕྱོགས་ ལ་འབད་བརྩོན་བྱེད་རྩིས་ཡོད། གལ་སྲིད་ན་ཚ་འདི་སྔོན་འགོག་དང་ཤེས་རྟོགས་བྱུང་ཆེད་རོགས་པ་བྱེད་ འདོད་ཡོད་མཁན་ཡོད་ན། ང་ཚོ་ལ་འབྲེལ་བ་བྱེད་རོགས། ཐུགས་རྗེ་ཆེ།
དེང་རབས་གཞས་མ་ཆོས་སྐྱིད་ལ་བཅར་འདྲི། གསར་འགོད་པ། ཁྱེད་རང་གཞས་གཏོང་མཁན་ཞིག་ཡིན་དུས། ཕྱི་ནང་གི་སྒྲ་རྡུང་སྟངས་དང་གཞས་ གཏོང་སྟངས་ཀྱི་སྐོར་ལ་ཁྱད་པར་ཅི་ཞིག་མཐོང་སོང་། ཆོས་སྐྱིད། སྒྲ་ཚང་མ་ཏོ་རེ་མེས་ཧྥ་ཞེས་རྩི་སྟངས་བདུན་པོ་དེ་ཚང་མར་གཅིག་མཚུངས་རེད། སྐད་ཀྱི་ གདངས་ནི་མི་རིགས་ཚང་མར་འབྱིན་སྟངས་མི་འདྲ་བ་རེ་ཡོད་པ་བཞིན་ངས་ཀྱང་རང་སྐད་ཐོག་ནས་ གཞས་གཏོང་གི་ཡོད། དེ་བཞིན་གཞས་ཚིག་ཀྱང་ཚང་མ་བོད་ཡིག་ཐོག་ལ་འབྲི་ཐབས་བྱས་ཡོད། གསར་འགོད་པ།
ཉེ་ཆར་མགོན་པོ་ཟེར་བའི་ཚོང་བ་ཞིག་དང་ཁྱེད་གཉིས་ལ་སྒྲ་འཛིན་འོད་སྡེར་ཚོང་
འགྲེམས་བྱེད་སྟངས་ཀྱི་ཕྱོགས་ནས་ཅུང་མི་འགྲིག་པ་ཞིག་བྱུང་ཡོད་ཚོད། དེའི་སྐོར་འགྲེལ་བཤད་སྙིང་ བསྡུས་ཤིག་བྱས་ན་འགྲིག་གི་ཨེ་རེད། ཆོས་སྐྱིད། རེད། ངེད་གཉིས་ལ་རྙོག་དྲ་བྱུང་བ་བདེན་པ་རེད། དེ་ནི་ངས་སྤྱི་སེམས་ཤིག་ཁུར་ནས་རྙོག་ དྲ་བྱས་པ་ལས་སྒེར་གྱི་གནད་དོན་ཞིག་རྩ་བ་ནས་གླེང་མྱོང་མེད། གཞས་པ་ཞེས་པ་ནི་མི་རིགས་དང་དེའི་ རིག་གཞུང་གི་མཚོན་བྱ་ལྟ་བུ་ཡིན་དུས། གཞས་པ་རྣམས་ངེས་པར་དུ་འཚར་ལོངས་བྱུང་དགོས་ལ། དེ་ བཞིན་གཞས་པ་རྣམས་ལའང་དམིགས་བསལ་གྱི་འགན་ཞིག་ཡོད་པ་ནི་མི་རིགས་དང་དེའི་རིག་གནས་མ་ ལག་ཕུན་སུམ་ཇེ་ཚོགས་དང་། ལྷག་པར་དུ་སྒྱུ་རྩལ་རིག་གནས་ཀྱི་ངོ་བོ་གོང་འཕེལ་བཏང་ནས་འཛམ་ གླིང་སྔོན་ཐོན་མི་རིགས་ཀྱི་གྲལ་དུ་དཔུང་བ་མཉམ་གཤིབ་བྱེད་པར་འབད་དགོས། འོན་ཀྱང་རང་རེའི་སྤྱི་ ཚོགས་འདིར་མཚོན་ན་གཞས་པ་རྣམས་ཀྱི་སྐབས་ཐོག་གི་གཞས་གཅིག་གཉིས་རེར་དགའ་མོས་བྱེད་པ་ ཙམ་ལས་མཐར་ཐུག་གི་བསྒྲུབ་བྱ་མངོན་འགྱུར་གྱི་ཆེད་དུ་རྒྱབ་སྐྱོར་དང་གདེང་འཇོག་བྱེད་མཁན་ཧ་ཅང་ ཉུང་། དེའི་རྐྱེན་གྱིས་ང་ཚོའི་སྤྱི་ཚོགས་ཁྲོད་ཆེད་མཁས་གཞས་པ་དཀོན་ལ། མི་རིགས་གཞན་དང་བསྡུར་ ན་དེ་བས་དཀོན། མི་རིགས་གཞན་པ་རྣམས་ལ་གཞས་གཏོང་མཁན་དང་། དེ་ལ་འགྲོ་སོང་གཏོང་མཁན། 131
དེ་ཕྱི་ལོག་ལ་བཀྲམ་མཁན། དེར་གདེང་འཇོག་དང་ལེགས་ཉེས་འབྱེད་མཁན་གྱི་སྤྱི་ཚོགས་མི་འདྲ་བ་རེད་ ཡོད་མོད། ང་ཚོ་ལ་མཚོན་ན་དེ་ཚང་མ་སོ་སོ་གཅིག་པུས་སྒྲུབ་དགོས། སོ་སོ་གཅིག་པུས་སྒྲུབ་པ་ལ་དཀའ་ ངལ་གཞན་དག་ཕུད། སྒྲ་འཛིན་འོར་སྡེར་གཅིག་ཕྱིར་བཏོན་ན་ཧིན་སྒོར་འབུམ་གཉིས་ཙམ་གྱི་འགྲོ་སོང་ གཏོང་དགོས། འགྲོ་སོང་འདི་ཙམ་བཏང་བའི་སྒྲ་འཛིན་འོད་སྡེར་རྣམས་སྤྱི་ཚོགས་ནང་བཀྲམ་མ་ཚར་ གོང་ནས་གང་ཟག་གཉིས་པ་ཞིག་གིས་ཆོག་མཆན་དང་སྐད་ཆ་གཅིག་ཀྱང་མ་དྲིས་པར་དངུལ་ཁོ་ནའི་ཆེད་ དུ་ཟུར་ནས་རྫུན་མ་ཚོང་འགྲེམས་བྱས་ན། ནམ་ཞིག་གཞས་གཏོང་མཁན་རྣམས་ཀྱིས་སྒྲ་འཛིན་འོད་སྡེར་ དག་མ་ཕུད་འདོད་ཡོད་ཀྱང་། ཟུར་ནས་རྫུན་མ་ཡོང་བར་དོགས་ཏེ་རིག་གནས་སྒྱུ་རྩལ་འཕེལ་རྒྱས་ཀྱིས་ ལམ་བཟང་འདི་ཇེ་ཉུང་དང་། གལ་སྲིད་འདོན་སྤེལ་བྱས་པའི་འོད་སྡེར་རྣམས་ཀྱི་སྤུས་ཀ་ཇེ་ཞན་དུ་ཕྱིན་ སོང་བའི་ཉི་མ་དེ་ནས་ང་ཚོ་མི་རིགས་སྤྱིའི་གྱོང་གུད་རེད་མ་གཏོགས་གང་ཟག་གཅིག་གི་ཁེ་ཕན་དང་སྙན་ གྲགས་ལ་ནམ་ཡང་གནོད་མི་སྲིད། དེར་བརྟེན་ངས་སྐུ་ཞབས་མགོན་པོ་ལགས་ལ་ཡང་དེ་ལྟར་རྫུན་མ་ཚོང་ འགྲེམས་མི་བྱེད་པའི་རེ་བསྐུལ་དང་། མང་ཚོགས་ལ་ཡང་དེ་ལྟར་རྫུན་མ་མི་ཉོ་བའི་ཞུ་འབོད་ཐེངས་མང་ བྱས་ཡོད་ལ། དམིགས་བསལ་ད་ལོའི་དུས་དབང་སྐབས་ཞུ་འབོད་ཀྱི་ཤོག་བྱང་རེ་ཡང་བཀྲམ་ཡོད། གསར་འགོད་པ། ཉིད་ཀྱིས་བལྟས་ན་དེ་ལྟར་རྫུན་མའི་རིགས་མི་ཡོང་བར་ཐབས་ལམ་གང་འདྲ་ཞིག་ བཙལ་ན་ལེགས་སམ། ཆོས་སྐྱིད། ངས་བལྟས་ན་གཞས་པ་ཚང་མ་ཆིག་སྒྲིལ་བྱེད་དགོས་པ་འདྲ། འདི་སྔོན་གཞས་པ་རྒན་པ་ བཀྲས་ཆུང་དང་། ཚེ་རིང་འགྱུར་མེད། བསྟན་འཛིན་རྒྱལ་བོ་སོགས་ཀྱིས་མཚོན་པའི་གཞས་པ་རྒན་གཞོན་ མང་པོ་ཞིག་མཉམ་འཛོམས་བྱས་ཏེ་དེ་ལྟར་རྫུན་མའི་རིགས་མཚམས་འཇོག་ཐབས་ལ་གླེང་མོལ་རེ་བྱས་ མོད་ཀྱང་། དེ་ནི་ཁ་ཙམ་ལས་ལག་ལེན་བསྟར་ཡོང་དུས་ཁག་པོ་རེད། ཡིན་ན་ཡང་ད་རུང་མུ་མཐུད་དེ་ ཚང་མས་དེ་ལྟར་བྱེད་ཐུབ་ན་ཡག་པོ་རེད་བསམ་གི་འདུག གསར་འགོད་པ། ཉིད་ཀྱིས་བལྟས་ན་བོད་ཀྱི་སྲོལ་རྒྱུན་གྱི་གཞས་གཏོང་སྟངས་དང་དེང་རབས་ཀྱི་གཞས་ གཏོང་སྟངས་གཉིས་ལ་ཁྱད་པར་ག་རེ་འདུག ཆོས་སྐྱིད། ངས་དེ་གཉིས་ཀྱི་ཁྱད་པར་ཟེར་ནས་གསལ་བོ་འབྱེད་མི་ཤེས། ང་རང་དེང་རབས་ཀྱི་བོད་ གཞས་གཏོང་མཁན་ཞིག་ཡིན་དུས། སྲོལ་རྒྱུན་གྱི་གཞས་ལ་གང་བྱུང་ལག་པ་འཆང་མ་མྱོང་། གལ་སྲིད་ བོད་ཀྱི་སྲོལ་རྒྱུན་གྱི་གཞས་གཏོང་མཁན་ཞིག་ཡིན་ན། ཡང་མིན་ན་གནའ་བོའི་སྲོལ་རྒྱུན་རང་གི་མི་ཞིག་ ཚུར་ཡོང་ནས་གཏོང་དགོས་པ་དང་། དེ་མིན་ན་བོད་ཀྱི་ཐུན་མོང་མ་ཡིན་པའི་སྲོལ་རྒྱུན་གྱི་གཞས་གཏོང་ སྟངས་ལ་སྦྱང་བ་ཕུལ་དུ་ཕྱིན་པ་ཞིག་ཡིན་དགོས་པ་ལས། རང་སྣང་གང་དྲན་གྱིས་བོད་ཀྱི་ཐུན་མོང་མ་ 132
ཡིན་པའི་སྲོལ་རྒྱུན་གྱི་གཞས་གཏོང་སྟངས་ལ་ལག་པ་འཆང་སྟེ་མགོ་མེད་རྔ་མེད་ཅིག་བྱས་བཞག་པ་ཡིན་ ན་ནམ་ཞིག་ལག་པ་འཆང་ས་མེད་པ་ཞིག་ཆགས་འགྲོ་གི་རེད་བསམ་གི་འདུག གང་ལྟར་ངས་བལྟས་ན་ བོད་ཀྱི་སྲོལ་རྒྱུན་གྱི་གཞས་གཏོང་སྟངས་འདི་ཉིད་བརྩི་བཀུར་དང་། མཐོང་ཆེན། སློབ་སྦྱོང་། རྒྱུད་འཛིན། དར་སྤེལ་ བཅས་མ་ཐུབ་ཚེ་གང་བྱུང་ལག་པ་མ་འཆང་ན་ལེགས་པར་སེམས། གསར་འགོད་པ། ཁྱོད་ཀྱིས་སྒྲ་འཛིན་འོད་སྡེར《སེམས་པ》 མ་བཏོན་པའི་སྔ་ཕྱི་གཉིས་ལ་བསམ་བློར་ ཁྱད་པར་འདྲ་བྱུང་སོང་ངམ། ཆོས་སྐྱིད། ངས《སེམས་པ》 མ་བཏོན་པའི་སྔོན་ལ་འདི་འདྲའི་མང་ཚོགས་ཀྱིས་གདེང་འཇོག་བྱེད་ས་ཞིག་ ཡོང་བར་བསམ་བློ་འཁོར་མེད། དེ་ལྟ་བུའི་སྒྲ་འཛིན་འོད་སྡེར་ཞིག་འདོན་འདུན་གཅིག་པུས་ཀུན་ནས་ བསླངས་ཏེ་བཏོན་བཞག་པ་རེད། རྗེས་མར་མི་ཚང་མས་དགའ་བོ་དང་གདེང་འཇོག་བྱས་ཡོང་དུས། དང་ པོ་དགའ་བོ་བྱུང་སོང་ཡང་། རིམ་བཞིན་བསམ་དུས་རང་ཐོག་ལ་འགན་ཆེན་པོ་ཞིག་སླེབས་འདུག དེ་ནི་ མང་ཚོགས་ཀྱིས་དགའ་མོས་དང་གདེང་འཇོག་ཇི་ལྟར་བྱས་པ་བཞིན་ངས་ཀྱང་དེང་རབས་ཀྱི་གཞས་གཏོང་ སྟངས་འདི་ཉིད་སྔར་བས་ཡར་རྒྱས་གཏོང་ཕྱོགས་ལ་བསམ་བློ་ཞིག་མི་གཏོང་རང་གཏོང་ཡིན་དུས་ཅུང་བློ་ མི་བདེ་བ་འདྲ་བོ་ཆགས་སོང་། གསར་འགོད་པ། དེང་སང་གཞོན་སྐྱེས་མང་བོ་ཞིག་གིས་གཞས་མ་ཆོས་སྐྱིད་སྣང་བར་འགྲོ་གི་འདུག་ཅེས་ བརྗོད་ཀི་ཡོད་དུས། ཁྱེད་ཀྱིས་དེ་ལུགས་ཀྱིས་གཟུགས་པོའི་འཕྲོད་བསྟེན་ཏེ་ཉིན་རེར་གདོང་པ་ཐེངས་ཅི་ ཙམ་ཁྲུས་ཀི་ཡོད། ཆོས་སྐྱིད། （གད་མོ་བགད་བཞིན）མཚམས་རེར་ཁྲུས་ཀྱང་མེད། ཡིན་ན་ཡང་བསྡོམས་བརྩིས་བྱས་ན་ ཕར་ཆེར་ཉིན་རེར་ཐེངས་གཅིག་རེ་ཁྲུས་ཐུབ་ཀི་ཡོད་རྒྱུ་རེད། ཐུགས་རྗེ་ཆེ།
གློག་ཀླད་ཆེད་མཁས་བློ་བཟང་སྨོན་ལམ་ལགས་སུ་བཅར་འདྲི། གསར་འགོད་པ། ཁྱེད་རང་གིས་བཏོན་གནང་མཛད་པའི་ཡིག་གཟུགས་ཀྱིས་སྤྱི་ཚོགས་ནང་ཕན་ཐོགས་ བྱུང་བ་དང་དེའི་ཐོག་མི་མང་གིས་བསམ་ཚུལ་འདོན་མཁན་མང་པོ་འདུག་གམ། སྨོན་ལམ། སྨོན་ལམ་བོད་ཡིག་དང་པོ་བཀྲམས་ནས་ལོ་གཅིག་ལྷག་སོང་ཡོད་པ་རེད། ཕན་ཐོགས་གང་ ཙམ་བྱུང་ཡོད་པ་གསལ་བོ་རེད། བོད་ཡིག་དང་འབྲེལ་བའི་ལས་རིགས་མང་ཆེ་བར་སྨོན་ལམ་བོད་ཡིག་གི་ གཟུགས་དང་འབྲེལ་བ་ཆགས་བསྡད་ཡོད་པ་མཐོང་བཞིན་པའི་གནས་ཚུལ་རེད། བོད་ནང་ལ་བེད་སྤྱོད་
133
གཏོང་མཁན་མང་པོ་ཡོད་པ་རེད། དང་པོར་བོད་ནང་ལ་བེད་སྤྱོད་གཏོང་མ་ཤེས་པར་དཀའ་ངལ་འཕྲད་ པ་རེད། དེང་སང་བེད་སྤྱོད་གཏོང་ཤེས་ཀྱི་ཡོད་པ་རེད། གཙོ་བོ་བོད་ནང་ལ་དབུ་མེད་སྐོར་མེད་པ་ཡིན་ དུས་དོ་སྣང་ཆེན་པོ་གནང་གི་ཡོད་པ་རེད། གསར་འགོད་པ། ད་ལམ་གྱི་ཡིག་གཟུགས་རྒྱག་སྟངས་སྔོན་མ་དང་མི་འདྲ་བ་ཡིན་ནམ། དེའི་རྒྱུ་མཚན་ཅི། སྨོན་ལམ། རེད། མཛུབ་གནོན་བེད་སྤྱོད་གཏོང་ཡུལ་བརྗེ་བོ་རྒྱག་དགོས་བྱུང་། དེ་ནི་བོད་ནང་ནས་རྒྱ་ ཡིག་གི་འགྲོས་དང་བསྟུན་ནས་མཛུབ་གནོན་བཟོས་ཡོད། རྒྱ་གར་དུ་དབྱིན་ཇི་དང་བསྟུན་ནས་མཛུབ་ གནོན་བཟོས་ཡོད། མཛུབ་གནོན་འདི་ནི་ལས་སླ་བོ་དང་གསལ་བྱེད་དག་ལས་ནམ་རྒྱུན་བེད་སྤྱོད་མང་ པའི་རིགས་མཛུ་གུ་དང་བར་ཐག་ཉེ་སར་བཀོད་ཡོད། དེ་ཡང་དབྱིན་ཇིའི་ཀ་མད་ཀྱི་སྒྲ་གདངས་དང་ མཐུན་པ་བཅས་གཙོ་བོར་དམིགས་ནས་ཐག་གཅོད་བྱས་པ་ཞིག་ཡིན། གསར་འགོད་པ། ད་ལམ་གྱི་ཡིག་གཟུགས་སྔོན་མ་དང་མི་འདྲ་བ་མང་པོ་ཡོད་དམ། སྨོན་ལམ། སྨོན་ལམ་བོད་ཡིག་དང་པོའི་ཡིག་གཟུགས་ཁག་བརྒྱད་ཡོད་པའི་ནང་ནས་ཡིག་གཟུགས་བཞི་ གཞིར་བཞག་ཐོག་བཟོ་བཅོས་བྱས། སྔགས་ཡིག་ཡོད་པ་དབུ་ཅན་གཉིས་དང་སྔགས་ཡིག་ཆ་ཚང་མེད་ པའི་དབུ་ཅན་ཁག་གསུམ ། འབྲུ་ཚ། ཡིག་ཆུང། དཔེ་ཚུགས། ཚུགས་མ་འཁྱུག་དང་རི་མོ་སྣ་ཚོགས་ བཅས་ཀྱི་དབྱིབས་གཟུགས་ཁག་བཅུ་ཡོད་པ་མ་ཟད། ད་དུང་གློག་ཀླད་མ་ལག་ནང་དུ་བེད་སྤྱོད་ཆེད་ཡིག་ གཟུགས་ཁག་བདུན་བཅས་ཁྱོན་ཡིག་གཟུགས་ཁག་བཅུ་བདུན་ཡོད། གསར་འགོད་པ། ཁྱེད་རང་གི་ད་ལམ་བཏོན་གནང་མཛད་པའི་སྨོན་ལམ་བོད་ཡིག་མཉེན་ཆས་ལ་ཁྱད་ ཆོས་ཅི་ཡོད། སྨོན་ལམ། སྨོན་ལམ་བོད་ཡིག་གཉིས་པ་ནི་དང་བོ་ལས་ལྷག་པའི་ཁྱད་ཆོས་མང་བོ་ཡོད། དེ་ཡང་འཇིག་ རྟེན་གྱི་བྱ་དངོས་ཡོད་ཚད་འགྱུར་ནས་འགྲོ་གི་ཡོད་པ་བཞིན་འཕྲུལ་ཆས་ཀྱི་དངོས་བོ་རྣམས་ཀྱང་གསར་ ཐོན་བྱུང་དང་འབྱུང་བཞིན་པ་རེད།
དེར་བརྟེན་རང་རེ་རྣམས་ཀྱིས་ཀྱང་དེ་དང་མཐུན་པའི་རིག་
གནས་ཡར་རྒྱས་གཏོང་མ་ཐུབ་ཚེ། རིག་གཞུང་འདི་ནི་ངག་རྒྱུན་ཙམ་ཞིག་ཏུ་འགྱུར་བར་དུས་ཡུན་ མི་རིང་། དེས་ན་ཁོ་བོའི་སྙིང་ཁོང་ན་དྲག་ཏུ་འཕྱོ་བཞིན་པའི་བོད་མིའི་ཟུངས་ཁྲག་གི་ལར་ཞེན་དང་ཚོར་ འདུ་འདིས་འགོག་ཐབས་མེད་པའི་བསམ་གཞིགས་དང་རིག་རྩལ་ཡང་ཡང་བརྡར་ནས་འདི་ལྟར་ལམ་ལ་ ཆས། ཁོ་བོས་༢༠༠༥ལོར་སྨོན་ལམ་བོད་ཡིག་དང་བོ་བཟོས་ནས་རང་རིགས་རྣམས་ལ་རིན་མེད་དུ་ཕུལ་ བའི་གོ་སྐབས་བྱུང་། མི་མང་བོས་དགའ་བསུ་དང་ད་དུང་མུ་མཐུད་དུ་ཡར་རྒྱས་གཏོང་དགོས་པའི་སྐུལ་ མ་གནང་། ང་རང་གིས་ཀྱང་ཕན་ཐོགས་ཅུང་ཙམ་ཡོང་སྙམ་སྟེ་དགའ་སྤྲོའི་ངང་སྨོན་ལམ་གཉིས་པོའི་ལས་ 134
གཞི་གསར་འཛུགས་བྱས། དེ་ནས་བོད་ཕྱི་ནང་གཉིས་ནས་བསམ་ཚུལ་བསྡུ་ལེན་བྱས་རྗེས་ལྷན་ཁང་གིས་ གསར་ཐོན་མ་ལག་ནང་བོད་ཡིག་ནང་འཇུག་བྱེད་ཕྱོགས་བཅས་ལ་བསམ་གཞིགས་གང་ཐུབ་བྱེད་ཁུལ་ གྱིས་སྨོན་ལམ་བོད་ཡིག་གཉིས་པ་ཞེས་པའི་ཐོག་གཏན་ཁེལ་བྱས་པ་ཡིན། གསར་འགོད་པ། ཁྱེད་རང་གི་ཉི་མ་རེ་ལ་ཆུ་ཚོད་ག་ཚོད་ཅིག་བཏོན་ནས་གློག་ཀླད་ཐད་ལ་སློབ་གཉེར་ བྱེད་ཀྱི་ཡོད། སྨོན་ལམ། ང་ལ་མཚོན་ན་ཉི་མ་རེར་དུས་ཚོད་འདི་ཡིན་ཟེར་ནས་ངེས་གཏན་མེད། དུས་ཚོད་སྟོང་བ་ཡོད་ ལ་གློག་ཀླད་ཐོག་ལས་ཀ་བྱེད་ཀྱི་ཡོད། གསར་འགོད་པ། གློག་གླད་མཉེན་ཆས་ནང་དུ་བོད་ཀྱི་ཚིག་མཛོད་ཅིག་བཟོ་ཐུབ་པའི་རེ་བ་འདུག་གམ། གང་འདྲ་བྱས་ན་བཟོ་ཐུབ་པ་འདུག། སྨོན་ལམ། ཚིག་མཛོད་བཟོ་བར་མི་གཅིག་གི་ལས་ཀ་ཆ་ཚང་ཞིག་བྱེད་པར་དུས་ཡུན་མང་བོ་འགོར་ངེས་ རེད། གལ་ཏེ་མི་ལྷག་སྒྲིག་དགོས་ན་ཡང་འགྲོ་སོང་མང་བོ་གཏོང་དགོས་པ་རེད། ཡིན་ནའང་གལ་ཏེ་བཟོ་ བའི་དབང་དུ་བཏང་ན་བཟོ་ཐུབ་ངེས་རེད། ང་ལ་མཚོན་ན་དེ་འདྲའི་ལས་གཞི་འགོ་འཛུགས་པར་ཁོར་ ཡུག་དང་ཆ་རྐྱེན་ཚང་དགོས་པ་རེད། ལས་གཞི་མི་གཅིག་གིས་སླ་བོར་བཟོ་ཐུབ་ཀྱི་མ་རེད།
འཛམ་གླིང་ན་སྐད་གྲགས་ཆེ་བའི་ལག་རྩེ་སྤོ་ལོ་རྩེད་མཁན་སྟོབས་རྟགས་ཅན་གྱི་ཨ་ལེན་ཨེ་བར་སོན་ALLENIVERSONདང་གླིང་མོལ་བྱས་པ།
དྲི་བ། ཁྱེད་རང་གི་ལག་བའི་དཔུང་ངོས་སུ་བོད་ཡིག་སྟོབས་བྲིས་པའི་རྒྱུ་མཚན་ཅི། ལན། ང་རང་གི་འཛམ་གླིང་གི་ཡིག་རིགས་ནང་ནས་བོད་ཡིག་དེ་ཡག་པོ་མཐོང་བྱུང་། དེའི་རྒྱུ་མཚན་ལ་ བརྟེན་ནས་ངས་འདིར་བྲིས་པ་ཡིན། དྲི་བ། ཁྱེད་རང་གིས་སྟོབས་ཞེས་པའི་གོ་དོན་ཤེས་ཀྱི་ཡོད་དམ། ལན། ཤེས་ཀྱི་ཡོད། དེ་ནི་དབྱིན་སྐད་དུPOWER（པོ་བུར）ཞེས་པ་རེད། དྲི་བ། ཁྱེད་རང་བོད་ལ་འགྲོ་མྱོང་ངམ། ལན། མེད། འགྲོ་འདོད་ཡོད། ང་རང་བོད་རིགས་ལ་དགའ་བོ་ཡོད། ཆུ་ཚོད་ཡོད་ཚེ་བོད་ཁུལ་དུ་འགྲོ་ གི་ཡིན། དྲི་བ། ཁྱེད་རང་གི་ཆས་གོས་དགའ་ཤོས་གང་ཡིན། 135
ལན། ང་རང་གིསREEDOK （རས་པོག་གི་）གི་ལྷམ་མགོ་དཀར་པོ་གོན་གྱི་ཡོད། གཞན་ནི་ང་ཚོའི་ སྒྲིག་ཆས་ཀྱི་མཚོན་ཁྲ་རེད། དྲི་བ། ཁྱེད་རང་གི་སྤོ་ལོ་རྩེད་མཁན་རྣམས་ལ་དམིགས་བསལ་བསླབ་བྱ་འདྲ་བོ་ཤོད་ཀྱི་ཡོད་དམ། ལན། དམིགས་བསལ་ཅི་ཞིག་ཤོད། རྩེ་མོ་ག་འདྲ་ཞིག་རྩེད་ན་རེད། སྦྱོང་བརྡར་བྱེད་དགོས་པ་ཤིན་ཏུ་ གལ་ཆེན་རེད། དེ་དང་མཉམ་དུ་རྩེ་མོ་རྩེད་དུས་གདེང་ཚོད་དགོས་པ་གལ་ཆེ། དྲི་བ། ཁྱེད་རང་གི་བོད་པའི་བུ་མོ་ཚོ་མཛེས་མ་ཚོར་གྱི་ཡོད་དམ། སྣང་བ་འགྲོ་གི་འདུག་གམ། ལན། ང་རང་གིས་དམིགས་བསལ་བོད་པའི་བུ་མོ་མཐོང་མྱོང་མེད། ཡིན་ན་ཡང་ཨེ་ཤ་ཡའི་བུ་མོ་མང་པོ་ མཐོང་མྱོང་ཡོད། ཕལ་ཆེར་རྒྱ་ནག་གི་མི་རིགས་དང་སོག་པོ་འདི་རྣམས་ཀྱི་གདོང་མདངས་གཅིག་པ་འདྲ་ བོ་མཐོང་གི་འདུག སྣང་བ་འགྲོ་གི་འདུག་ཅེས་ལབ་ཆོག་གི་རེད། དྲི་བ། ཁྱེད་རང་ལ་བོད་པའི་བུ་མོ་ཞིག་གིས་སྙིང་སྲོག་བཞིན་རེ་བ་བརྒྱབ་ན་ཆང་ས་རྒྱག་གི་ཡིན་ནམ། ལན། དེ་ངས་བཤད་ཤེས་མ་སོང་། གང་ཡིན་ཟེར་ན་བུ་མོ་དེའི་རྣམ་པ་གཅིག་པུ་ལ་བལྟ་རྒྱུ་མེད། ང་རང་ གི་བྱ་བར་རྒྱབ་སྐྱོར་ཡོད་མཁན་ཞིག་དང་འགྲོགས་བདེ་བོ་ཞིག་བྱུང་ན་བཤད་ཤེས་ཀྱི་འདུག་ཡིན་ན་ཡང་ དེ་འདྲ་འབྱུང་མི་སྲིད་པ་ཞིག་རེད། དྲི་བ། ཁྱེད་རང་གིས་བོད་པའི་བུ་དེ་ཚོ་ག་འདྲ་མཐོང་གི་འདུག ལན། དགོངས་དག ང་ལ་དམིགས་བསལ་ཤོད་རྒྱུ་མེད། རྒྱུ་མཚན་ནི་ཁྱེད་རང་མ་གཏོགས་བོད་པའི་བུ་ ཞིག་སྔོན་མ་ནས་སྐད་ཆ་བཤད་མྱོང་མེད། དགོངས་དག དྲི་བ། ཐུགས་རྗེ་གཟིགས། དྲི་བ་མཐའ་མ་དེ་ཞུས་ཆོག་པ་གྱིས། ཁྱེད་རང་བུ་མོ་གང་འདྲ་ཞིག་སྣང་བ་ འགྲོ་གི་འདུག ལན། ང་རང་དང་འདྲ་བོ་ཞིག་མི་རིགས་གཅིག་པ་ཡིན་པ། OK ཨོ་ཀེ ད་འགྲིག་སོང་། Bye བྷ་ཡེ། ཞེས་སྟོབས་རྟགས་ཅན་ཡང་རྩེ་རའི་འཁྲུལ་ལམ་རྒྱུད་ནས་ཕྱིན་སོང་བས་ངའི་དྲི་བ་འདོན་མཚམས་མི་ འཇོག་ཁ་མེད་བྱུང་།
136
ཕྱི་གླིང་མཁས་པའི་ལེགས་བཤད་རྒྱ་མཚོའི་ཆུ་ཟིལ།
རྣམ་རྒྱལ་ཚེ་རིང་གིས་བསྒྱུར།
. ༢. སང་ཉིན་གྱི་ཆེད་ལ་གྲ་སྒྲིག་མི་བྱེད་པའི་མི་དེར་ནམ་ཡང་མ་འོངས་པ་མེད། [ཁ་ནེར་ཇེ།] ༣.ཉོ་ཚོང་བྱེད་སར་ཚོང་ཟོག་ཐམས་ཅད་ལ་ཁྱད་མེད་དུ་གྲུབ་པ་ནི་ཕན་ཚུན་ལ་སྤྱང་གྲུང་གི་བློ་རིག་ཉོ་
༡ ལྷག་བསམ་རྣམ་དག་གི་མི་དེའི་འཚོ་བ་ལ་ནམ་ཡང་བདེ་སྐྱིད་དང་དགའ་སྤྲོས་ཁེངས། ཐུ་ཨེར་ཟི་ཐེ།
ཚོང་བྱེད་རྒྱུ་དེ་ཉིད་ཡིན། [ཁ་སེ་ཨེར།]
.
༤ སང་ཉིན་གྱི་ཕུགས་སེམས་མངོན་འགྱུར་བྱུང་བའི་བཀག་རྡོ་ནི་དེ་རིང་གི་དོགས་ཚོམ་གྱི་བློ་དེ་ཡིན། [རོ་སི་ཧྥི།]
.
༥ འཚོ་རྟེན་ཡོད་པས་མིའི་རིགས་ད་གཟོད་འཚོ་སྡོད་བྱེད་ཐུབ་སོང་།
ཕུགས་འདུན་བཅངས་པར་བརྟེན་
མིའི་རིགས་ཀྱིས་ད་གཟོད་འཚོ་བ་རོལ་ཐུབ་པ་བྱུང་། འཚོ་སྡོད་དང་འཚོ་བ་རོལ་པ་གཉིས་ཀྱི་ཁྱད་པར་ཅི་ ཞེ་ན། དེ་ནི་དུད་འགྲོ་ཡིས་འཚོ་སྡོད་དང་། མིའི་རིགས་ཀྱིས་འཚོ་བ་རོལ་པ་དེའོ།། [ཡུ་གོ]
. ༧.མི་ཚེ་ནི་ཟློས་གར་ཞིག་དང་མཚུངས་ཏེ། ཆེས་གནད་འགག་ནི་གར་མཁན་གྱི་ཆུ་ཚད་ཡིན་པ་ལས་འཁྲབ་ ༦ རང་ཉིད་ཤེས་གྱུར་ན། ད་གཟོད་མི་ཚེ་ཞེས་པ་དེ་ཤིས་འགྲོ། [སུ་ཁི་ལ་ཏི།] གཞུང་གི་རིང་ཚད་མ་ཡིན་ནོ།། [སེ་ནེའུ་ཁ།]
.
༨ ཡང་དག་པའི་ལམ་ནི་འདི་ལྟ་སྟེ། སྔོན་བྱོན་དམ་པའི་དྲང་བདེན་དེ་མིག་དཔེར་བཟུང་ནས་མདུན་ལ་ བསྐྱོད། [ཐུ་ཨེར་ཟི་ཐེ།] ༩
.
མི་ཞིག་ལ་སློབ་སྦྱོང་གི་མཚན་གནས་མེད་ཀྱང་རུང་སྟེ། འོན་ཀྱང་སློབ་སྦྱོང་གི་འདུན་པ་ནི་མེད་དུ་མི་
རུང་བ་ཞིག་ཡིན།
. ༡༡. གསར་བཏོད་ནི་མི་རིགས་ཤིག་འཕེལ་རྒྱས་སུ་འགྲོ་བའི་རྣམ་ཤེས་ཏེ་རྒྱལ་ཁབ་ཅིག་དར་རྒྱས་སུ་ཕྱིན་
༡༠ འགྱོད་བཤགས་ནི་དྭངས་གསལ་གྱི་མེ་ལོང་ཞིག་སྟེ། སྔར་བྱས་ཉེས་པ་མ་ལུས་ཡོངས་སུ་རྟོགས། གོར་ཇི། པའི་འཛད་མེད་ཀྱི་སྒུལ་ཤུགས་སྟོབས་ཆེན་ཞིག [ཅིང་ཙི་མིན།]
. ༡༣. སློབ་གྲྭར་སྒྲིག་ལམ་ཞིག་མེད་ན། རང་འཐག་ལ་ཆུ་མེད་པ་དང་ཡོངས་སུ་མཚུངས། [ཁ་མེ་ནེའུ་ཟི།] ༡༤. བྱེད་ཐབས་བཟང་པོ་གང་ཞིག་ཡོད་པ་ཙམ་གྱིས་མི་ཆོག་ཅིང་། དེ་ངེས་པར་དུ་བེད་སྤྱོད་གཏོང་ཤེས་ ༡༢ ན་གཞོན་གྱི་སློབ་གསོ་ནི་རྒྱལ་ཁབ་ཀྱི་གཞི་རྩ་ཡིན། [ཧྥི་ལན་ཁེ་ལིན།]
དགོས། [ཏེ་ཏུའུ་ལོ།]
137
ཚན་པ་དྲུག་པ།
ཡུལ་བསྐོར་ཟིན་ཐོ།
138
གནའ་བོའི་གྲོང་།
ཏུན་ཧོང་བྲག་ཕུག་གི་མཐོང་ཐོས།
བྱ་མདོ་རིན་བཟང་།
༡ གནའ་བོའི་གྲོང་། བསྐལ་བ་མགོ་རྟིང་མ་བསློགས་པའི་ཡར་སྔོན་ཞིག་ལ་གནས་འདིར་ཧ་ཅང་ཕུན་སུམ་ ཚོགས་པའི་སྣང་བ་སྐྱིད་པོའི་འཇིག་རྟེན་ཞིག་ཆགས་མྱོང་ལ། མདུང་རྩེ་མང་པོ་བརྡར་སའི་གཡུལ་ས་ཞིག་ ཀྱང་ཡིན། གསོན་ཉམས་དོད་པའི་རི་མོ་དེ་དག་གི་མཚོན་དོན་ལ་ད་ལྟ་ཆག་འཇིག་དང་འགྱོད་སེམས་ཀྱིས་ བྲང་གཞུང་ལ་ལག་རྡུང་དང་རྐང་བྲོ་རྡུང་བཞིན་ཡོད། བྱེ་རླུང་འཚུབ་པའི་དོ་ར་དེར་རྡུལ་གྱིས་མ་གོས་པའི་ མགྲོན་པོ་དང་ཙག་རླུང་དང་འཐབ་པའི་ཡུལ་སྐོར་བའི་བརྒྱུད་ལམ་རིང་མོ། གནའ་བོའི་གྲོང་། ཏུན་ཧོང་ སྟེ་ལྷ་དང་ལྷ་མོ་འཁོར་གནས་དམ་པ། རོལ་དབྱངས་དང་རྐང་བྲོའི་འབྱུང་ཁུངས་ལྷད་མེད་ཡིན་ཟེར་བ་ལོ་ རྒྱུས་དང་རྒན་པོའི་ངག་རྒྱུན་ཆུ་རྒྱུན་རིང་མོ་ཞིག་འདུག ༢ བྱེ་ཐང་གི་ངོས་དག་ལ་ལོ་ངོ་སྟོང་གཅིག་གི་ཡར་སྔོན་གྱི་བྲག་ཕུག་ལས་བཞུར་བའི་རིན་ཐང་དེ་མི་རིགས་ མི་འདྲ་བའི་སེམས་ངོགས་སུ་རྒུམ་བཞིན་ཁོ་ཚོ་སླེབས་ཀྱིན་འདུག བྱེ་ཐང་གི་མཛེས་ལྗོངས་ལ་འཁྲེང་བའི་ ཞིབ་འཇུག་པའི་འཁོར་བསྐྱོད་ཡང་གནས་འདིར་ཡང་དང་བསྐྱར་བསྐོར་བྱེད་གྱིན་འདུག གནའ་བོའི་རྒྱ་ གར་དང་འབར་མའི་མཆོད་རྟེན། ལྷ་རིས་སྒྱུ་རྩལ་གྱི་ཞིང་ཁམས་ལ་གཟི་འོད་འཕྲོས་ཤུལ། བྲག་ཕུག་བརྒྱ་ རྩ་བདུན་དང་ལྷ་ཆེན་པོའི་ཞལ་ངོ་རེ་རེ་ན་གནའ་བོའི་གྲོང་གི་སྙིང་སྟོབས་དང་ད་ལྟའི་མི་ཡི་ཧམ་པ་རྡུལ་ དུ་ཆགས་འདུག གནའ་བོའི་གྲོང་གི་ཞུམ་པ་མེད་པའི་སྙིང་རུས་དང་ཉམས་པ་མེད་པའི་དཔལ་རྩལ་དེ་ལོ་ རྒྱུས་ཀྱི་དཔང་རྟགས་སུ་སྟོབས་ཀྱི་འགྱིང་འདུག ཕྱི་གླིང་བའི་རྐང་བྲོ་རྡུང་བའི་ཤུལ་དུ་ལུས་པའི་བྲག་ཕུག་ ལ་འབྱར་བའི་འདམ་རྩྭའི་རི་མོ་དག་རེད། ༣ རྒྱ་ཕུབ་བདུན་བརྩེགས་ཅན་གྱི་སྒོ་དབྱིབས་དེ་ནི་བྱེ་ཐང་གི་ངོས་ལ་བཞེངས་པའི་གནས་སྒོ་དང་བརྗིད་རྔམ་ ལྡན་པའི་གནའ་བོའི་གྲོང་གི་ཕེབས་བསུའི་བརྒྱུད་ལམ་རེད། གནའ་བོའི་དར་གོས་ཀྱི་འབྲེལ་ལམ་དང་ཚོང་
139
རའི་ཡོ་ལང་གི་ཁྲོམ་རའི་གནའ་ཤུལ། བྱེ་ཟེགས་ཀྱི་ཕུག་པ་དེ་དག་འདམ་རྩྭ་འདྲེས་མས་བཟུང་བའི་རི་མོ་ དང་ལྷ་སྐུའི་སྣང་བརྙན་མངོན་འདུག རིག་གསར་གྱི་དུག་རླངས་གིས་བཅོམ་ཤུལ་ན་མགོ་ཆག་ལག་ལྡུམ་གྱི་ ལྷ་སྐུ་འགའ་ལས་འདུག སྒྱུ་རྩལ་རི་མོའི་གཟི་བརྗིད་དང་མཛེས་སྡུག་རི་མོའི་འོད་མདངས་འཕྲོག་མཁན་གྱི་ ལག་དམར་ལྟ་བུའི་རྗེས་ཤུལ་དག་ད་དུང་ཡལ་མི་འདུག རིག་གཞུང་གི་སྲོག་རྩའི་རྒྱུ་བ་འགག་ཤུལ་བྲག་ཕུག་ཨང་རིམ༡༦དང་༡༧ལས་པོ་ཏི་ཁྲི་ལྔའི་རི་མོ་མངོན་ གསལ་དུ་ཡོད་ན་ཡང་། བང་རྒན་པོའི་ཧམ་པ་དང་ཕྱི་གླིང་བ་ཞིག་གི་རྩེད་ཆས་སུ་གྱུར་ནས་ད་ལྟ་དབྱིན་ ཇི་དང་ཉི་ཧོང་སོགས་ཀྱི་དཔེ་མཛོད་ཁང་དུ་འཇམ་གེར་བཞུགས་འདུག ༤ ད་ལྟ་བྲག་ཕུག་ཨང་རིམ་༡༦དང་༡༧ལས་གཏེར་ཡིག་གི་རྗེས་ཤུལ་ལྷ་སྐུ་ཞིག་གིས་སྲུང་འདུག གནས་འདི་ ནས་གནའ་བོའི་མཁར་གྲོང་དེའི་སྣང་བརྙན་ཡོད་ཚད་བྲིས་པའི་དཔེ་དེབ་དག་ཕྱི་ཕྱོགས་སུ་ཁྱེར་སོང་ལ། བོད་བཙན་པོའི་སྐབས་སུ་གནས་འདིར་ཕྱི་འབྲེལ་ནང་འདྲེན་བྱས་པའི་བརྙན་རིས་འགའ་མཚེར་ས་འདིར་ ལྷག་འདུག ཉི་གྲིབ་ཀྱིས་མ་རེག་པའི་ཆུ་མིག་ལྟ་བུའི་ལོ་རྒྱུས་ཀྱི་བརྒྱུད་རིམ་འདི་ཅི་འདྲའི་གཙང་མ་ཞིག་ ཨེ་ཡིན། ཨོ་རྒྱན་ཡུལ་གྱི་ལྷ་རིས་སྒྱུ་རྩལ་གསར་རྙིང་གི་གཉོམ་ལག་གི་རྩ་བ་འཛུགས་ས་དང་རྩེ་མོ་རྒྱས་ ས་ཡང་གནས་འདི་ཡིན་ཟེར། ཐང་རྒྱལ་རབས་དུས་ཀྱི་གྱང་རྩི་མ་ལྷུང་བའི་རི་མོའི་སྣང་བརྙན་དང་མཛེས་ རྩལ་གྱི་སྟེང་དུ། ཡང་བསྐྱར་སུང་རྒྱལ་རབས་དུས་ཀྱི་གྱང་རྩི་དང་འདམ་རྩྭའི་གདན་དང་པུར་གྱི་བྱང་རྩལ་ ལྡན་པའི་རི་མོའི་མཛེས་རྩལ་དག་ཚེ་སྲོག་ཅིག་གི་ཤི་གསོན་གྱི་བར་ནས་བྲིས་འདུག
ཁྱིམ་བདག་ལ་སྤྲིངས་བའི་ཕྲིན།
དཔའ་ལུང་ས་ཆར་རོགས་སྐྱོར་སློབ་ཁྲིད་དུ་ཕྱིན་པའི་མྱོང་ཚོར། བཀྲ་ཤིས་རྒྱལ། མཚོ་སྔོན་དགེ་ཐོན་སློབ་ཆེན་མི་གཞུང་སློབ་གླིང་།
མདོ་སྨད་དཔའ་ལུང་ནི་ཧེ་རིགས་རང་སྐྱོང་རྫོང་ཞིག་རེད། འོན་ཀྱང་འདིར་ཡོད་པའི་བོད་རིགས་
ཀྱི་མི་གྲངས་ནི་ཕལ་ཆེར་བོད་རིགས་རང་སྐྱོང་རྫོང་ཁྲོད་ཀྱི་བོད་རིགས་མི་གྲངས་དང་དོ་མཉམ་རེད། དེའི་ ཕྱིར་ང་ཚོ་མི་སྒེར་དང་ཐུན་མོང་གང་ཡིན་རུང་ཕྱོགས་ཆེ་མ་ཆུང་གསུམ་གྱི་སྒོ་ནས་ས་གནས་འདིའི་བོད་ཀྱི་ 140
སློབ་གསོའི་ལས་དོན་ཐད་དོ་ཁུར་དང་གཙིགས་ཆེན་བྱེད་རྒྱུ་ནི་མི་རིགས་ཀྱི་ཆ་ཡོངས་ནས་གླེང་ན་ཧ་ཅང་ གལ་ཆེན་པོ་ཞིག་ཏུསེམས།
སྤྱིར་དཔའ་ལུང་ནི་བོད་རིགས་འདུས་སྡོད་མང་ཡང་བོད་ཀྱི་རིག་གནས་དང་བྱེ་བྲག་ཏུ་སྐད་དང་
ཡི་གེའི་ཉག་ཧ་ཅང་ཕྲ་བའི་ས་ཆ་ཞིག་རེད། དེའང་སྡོང་བོར་རྩད་པ་ཡོད་པ་དང་ཆུ་ལ་འབྱུང་ཁུངས་ཡོད་ པ་ཇི་བཞིན་རྒྱུ་རྐྱེན་མེད་པ་ཞིག་མ་ཡིན་ཏེ། གཅིག་ནས་དཔའ་ལུང་ནི་ཧེ་རིགས་རང་སྐྱོང་རྫོང་ཞིག་ཡིན་ པས། གོང་རིམ་གྱིས་སློབ་ཆུང་དང་སློབ་འབྲིང་སོགས་སུ་མི་རིགས་ཀྱི་སྐད་ཡིག་ཁྲིད་པ་བཀོད་སྒྲིག་བྱས་ པ་ཧ་ཅང་ཉུང་ལ་དེར་དོ་སྣང་དང་བརྩི་མཐོང་བྱས་པའང་ཤིན་ཏུ་མི་འདང་བ་རེད། དཔེར་ན་སློབ་ཆུང་ རེ་འགར་མ་གཏོགས་བོད་ཡིག་ཁྲིད་ཀྱིན་མེད་པ་དང་། སློབ་འབྲིང་གསུམ་ཡོད་པ་ལས་གཅིག་གི་ནང་མ་ གཏོགས་བོད་ཡིག་བཀོད་སྒྲིག་བྱས་མེད་པ་རེད། གཉིས་ནས་ས་འདིའི་གཞི་རིམ་མང་ཚོགས་ལ་མཚོན་ ནའང་རྒྱ་དང་ཧེ་རིགས་ལ་བསྡེབས་ནས་བསྡད་ཡོད་པས་སྐད་ཆ་བསྲེས་མ་མང་ལ་རྒྱ་སྐད་ཀྱི་ཤན་ཞུགས་ པ་ཧ་ཅང་ཚབས་ཆེན་ཡིན་སྟབས། སྐད་ཆའི་མགོ་རྔ་ཆ་ཚང་བོད་སྐད་རྐྱང་བས་བཤད་ཐུབ་མཁན་ཕལ་ ཆེར་མེད་ཚོད་འདུག
དེ་བས་ཧ་ཅང་ཉམ་ཐག་པའི་ས་གནས་འདིའི་མི་རིགས་སློབ་གསོར་གཙིགས་ཆེན་དང་རོགས་
འདེགས་བྱ་ཕྱིར། མི་རིགས་ལ་དུང་བ་ཟབ་ཅིང་སློབ་གསོ་ལ་མཁྱེན་རྒྱ་ཡངས་པའི་མཚོ་སྔོན་མི་རིགས་སློབ་ གྲྭ་ཆེན་མོའི་དགེ་སློབ་སྐོར་ཞིག་དང་སེང་གེ་གཤོང་ཐེབས་རྩ་ཚོགས་པ་གཙོ་བྱས་པའི་མི་བུ་ལྷག་བསམ་ ཅན་སྐོར་ཞིག་གི་རྩ་འཛུགས་འོག་ལོ་འདི་གར་དབྱར་དགུན་གནང་གི་སྐབས་སློབ་ཆེན་སློབ་མ་སྐོར་ཞིག་ས་ གནས་འདིའི་སྡེ་བ་རེ་རེར་བསྐྱལ་ཏེ་བོད་སྐད་ཡིག་གསོ་སྦྱོང་འཛིན་གྲྭ་སྒྲུབ་དང་སྒྲུབ་མུས་སུ་མཆིས། འདི་ ནི་ཧ་ཅང་རང་གཞན་གཉིས་ཕན་གྱི་དཔེ་གསོན་པོ་ཞིག་ཡིན་པ་སུས་ཀྱང་ཤེས་ཚོད་རེད། ཁོ་བོའང་ཐེངས་ གཅིག་ལ་འདི་གའི་འབྲེལ་ཡོད་རྩ་འཛུགས་པའི་རེ་བ་ལྟར་དཔའ་ལུང་རྫོང་བྲག་དམར་སྡེ་བར་སློབ་ཁྲིད་ བྱེད་དུ་སོང་། ཐོག་དང་པོར་གནས་འདིར་སླེབས་དུས་ང་ལ་དགའ་སྐྱོ་ཟུང་གི་ཚོར་བ་ཞིག་སྦྱིན་ཡོང་། ང་ དགའ་བ་ནི་ཡུལ་འདིའི་མང་ཚོགས་རྣམས་ཀྱི་མི་རིགས་ཤིག་གི་སེམས་ཀྱི་འདུ་ཤེས་དང་སློབ་བུ་ཚོའི་རྒྱུད་ ན་ཡོད་པའི་རང་སྐད་རང་ཡིག་གི་བརྩེ་དུང་ཟབ་མོ་དེ་རེད། དེ་ལའང་རྒྱུ་མཚན་ཞིག་ཡོད་དེ། གཅིག་ནས་ གོང་དུ་བཤད་པ་བཞིན་སོ་སོའི་རྒྱུད་ན་མི་རིགས་ཀྱི་སེམས་ཁམས་ཤིག་གཏན་དུ་གྲུབ་ཡོད་ལ། གཉིས་ནས་ སློབ་མ་ཞིག་ལ་མཚོན་ན་འབྲིང་རྒྱུགས་དང་མཐོ་རྒྱུགས་ཀྱི་སྐབས་སུ་བོད་སྐད་ཡིག་གིས་གོ་གནས་གལ་ ཆེན་ཞིག་འཛིན་ཐུབ་པ་དང་།
ལྷག་པར་དུ་བོད་རིགས་ཀྱི་སློབ་ཆེན་ཁག་འགྲིམས་ན་དེ་ཧ་ཅང་གལ་ཆེན་
པོ་ཡིན་པའི་གནས་ཚུལ་བཅས་ལ་ཐུག་ཡོད་ཕྱིར་བཅས་རེད། ང་སྐྱོ་བ་ནི་མདོར་དྲིལ་ན་ཁོར་ཡུག་གིས་ 141
ཁོ་ཚོར་ཐེབས་པའི་ཤུགས་རྐྱེན་དེ་རེད། སྡེ་བའི་རྒན་དར་གཞོན་གསུམ་ཚང་མའི་ཁྲོད། མགོ་རྔ་ཚང་བའི་ བོད་སྐད་རྐྱང་བའི་ལམ་ནས་ཁ་བརྡ་བྱེད་ཐུབ་མཁན་ཞིག་མེད་ལ། རང་ཉིད་ཀྱི་སྐད་ཆ་དེ་བསྲེས་སྐད་ ཡིན་པའང་མི་ཤེས་པའི་ཚད་ལ་ཐོན་ཡོད། སློབ་མ་ཞིག་ལ་མཚོན་ན། མཐོ་གཉིས་མཐོ་གསུམ་གྱི་སློབ་ མར་དམའ་འབྲིང་བོད་སྐད་ཡིག་གི་ཆུ་ཚད་ཡོད་དཀའ་བ་དང་། དེ་གའི་དམའ་འབྲིང་གི་བོད་སྐད་ཡིག་གི་ ཆུ་ཚད་སློབ་ཆུང་ལོ་རིམ་གསུམ་པའི་ཚད་ཐིག་དང་འདྲ་བ་རེད། དེ་ནི་བོད་ཡིག་སྦྱངས་མྱོང་བ་དང་ཤེས་ པའི་སྐོར་རེད། གཏན་ནས་མི་ཤེས་པར་ཐོག་མར་ཀ་ཁ་ནས་མགོ་རྩོམ་དགོས་པའི་ལོ་རིམ་ཅུང་མཐོ་བའི་ སློབ་མའང་མི་ཉུང་ཞིག་ཡོད་པ་སོགས་ཀྱི་གནས་ཚུལ་རེད།
ཉིན་ཉི་ཤུ་ལྷག་གི་སློབ་ཁྲིད་ཀྱི་གོ་རིམ་ཁྲོད་དུ། ངས་རང་ཉིད་ལ་ཡོད་པའི་ཤེས་བྱ་དང་ཐབས་
སྣ་ཚོགས་ངའི་སྙིང་ཉེ་བའི་སློབ་ཕྲུག་ཚོའི་རྒྱུད་ལ་བཏོན་ཞིང་ཁོ་ཚོས་ཀྱང་ཁོ་བོར་མཉམ་འབྲེལ་བྱས་པ་ ཧ་ཅང་བཟང་། སྐད་ཡིག་ཅིག་སློབ་ཁྲིད་བྱེད་པ་དེ་དཔེ་དེབ་ཁོ་ན་ལ་ངོས་འཛིན་མི་རིགས་ཏེ། དེ་ནི་སློབ་ མའི་ཁ་ཡི་བཤད་དང་ལག་གི་འབྲི། ད་དུང་སྐད་རིགས་དེས་གྲུབ་པའི་མི་རིགས་ཀྱི་སྲོལ་རྒྱུན་རིག་གནས་ ཆེ་མ་ཆུང་གསུམ་རེད། དེ་བས་བདག་གིས་སློབ་དང་ཁྲིད་ཀྱི་གོ་རིམ་ཁྲོད་དུ། དུས་ནམ་ཡང་སློབ་བུ་ཚོའི་ ཁམས་དང་བསྟུན་ཏེ། སྤྱིར་བཏང་ངམ་རྒྱུན་ལྡན་གྱི་འཚོ་བའི་ཁྲོད་རྟག་ཏུ་རྒྱ་སྐད་བསྲེས་པའི་ཐ་སྙད་དག་ བོད་སྐད་དུ་བསྒྱུར་བ་དང་། ཉིན་ཐོ་སོགས་ཕྱོགས་ཆུང་ས་ནས་འབྲི་རྩོམ་ལ་སྐུལ་བ། ད་དུང་སློབ་ཁྲིད་ཀྱི་ བར་གསེང་གི་དུས་ཚོད་དང་དགོང་ཚོགས་ཀྱི་སྐབས་སུ་བོད་ཀྱི་གནའ་གཏམ་དང་ལོ་རྒྱུས་སོགས་བཤད་དེ་ ཕྱོགས་གང་ཅིའི་ཐད་སྐད་ཡིག་བླ་འགུག་གི་ནུས་པ་ཡོད་དགུ་བཏོན་ལ་འབྲས་བུའང་མི་དམན་པ་ཞིག་ཐོབ། མདོར་ན། ང་ཚོས་སེམས་ཤུགས་གཅིག་སྦྲེལ་དང་གོང་འོག་མཐུན་འབྲེལ་བྱས་ནས་མི་རིགས་ཀྱི་མ་འོངས་ པའི་རེ་ལྟོས་བཅོལ་ས་སྟེ། ན་ཆུང་གི་བྱིས་པ་དག་ལ་ཕ་སྐད་གཙང་མ་ཞིག་དང་ཕ་ཡིག་དག་མ་ཞིག་བསླབ་ ཏུ་བཅུག་ནས་མི་རིགས་རིག་གནས་རྒྱུད་འཛིན་དང་དར་སྤེལ་ཐད་དུ་ནུས་པ་ཡོད་ཚད་འདོན་རྒྱུ་ནི་གནད་ ཀྱི་དམ་པའོ། ། ཇི་སྐད་དུ། རྩ་བ་དོར་ནས་ཡལ་གར་འཇུས་པ་བླུན་པོའི་རྟགས་ཟེར་བ་བཞིན། རང་མི་རིགས་ཀྱི་རིན་ཐང་ བྲལ་བའི་རིག་གཞུང་དང་དེའི་ལག་ཆ་དག་ལོགས་སུ་བསྐྱུར་ནས་གཞན་མི་རིགས་ཀྱི་རིག་གནས་དང་ཡུལ་ སྲོལ་གོམས་གཤིས་ལ་ཨ་གསར་གྱིས་འཇུག་པའམ་མཐའ་གཅིག་ཏུ་གཞོལ་བ་ནི་གསེར་རུམ་ནས་འཕངས་ ཏེ་དངུལ་ཤུལ་དུ་འཇོག་པའི་ཚུལ་ལྟ་བུ་ཡིན་ཕྱིར། ང་ཚོས་ངལ་བ་འབྲས་ཆུང་དང་མིག་རྒྱང་ཐུང་བའི་བྱ་ སྤྱོད་འདིའི་རིགས་ཡལ་བར་དོར་ཏེ། གསེར་ངེས་པར་མཁོ་ལ་དངུལ་ཡང་དགོས་པའི་ད་ལྟའི་སྤྱི་ཚོགས་སུ་ བརྟན་པོས་ཚུགས་རྒྱུ་ནི་ལོ་རྒྱུས་དང་དུས་རབས་ཀྱི་གདམ་ག་ཡང་དག་ཅིག་ཏུ་འཁུམས་སོ། ། 142
མཇུག་བྱང་། དེ་ཡང་༧ཀུན་གཟིགས་པཎ་ཆེན་ཐམས་ཅད་མཁྱེན་པ་སྐུ་ཕྲེང་བཅུ་བའི་ཞལ་ནས། མི་རིགས་ཤིག་གི་སློབ་གསོ་གོང་ དུ་སྤེལ་དགོས་ན། ཐོག་མར་མི་རིགས་དེའི་ཕུལ་དུ་བྱུང་བའི་སྲོལ་རྒྱུན་རིག་གནས་རྒྱུན་འཛིན་བྱེ ད་དགོས་ཞེས་དང་ དེ་མཚུངས་སུ་སྤྱི་ལོ་༢༠༡༢ལོའི་ཟླ་༡པོར་ཨ་རིའི་སྲིད་འཛིན་ཨོ་བྷ་མས་ཨ་རིའི་མེ་ཧྲེ་གྷན་སློབ་ཆེན་དུ་སློབ་གསོའི་ གལ་ཆེན་རང་བཞིན་གླེང་དུས་གསུང་རྒྱུར། ང་ཚོས་ཅི་ལྟར་བྱས་ཏེ་མི་སྒེ ར་རང་ཉིད་ཀྱི་དགོས་མཁོ་སྐོང་ཐུབ་པ་མ་ ཟད་རྒྱལ་ཁབ་ཀྱང་བསྐྲུན་ཐུབ་པའི་སློབ་གསོ་དེ་སྤེལ་ཐུབ་བམ། དཔལ་འབྱོར་གྱི་དུས་རབས་འདིར་ཡང་སློབ་གསོ་ ལས་ལྷག་པའི་ཕུགས་བསམ་མངོན་འགྱུར་བྱེ ད་པའི་སྔོན་འགྲོའི་ཆ་རྐྱེན་ཞིག་ཡོད་པ་མ་རེད་ཅེས་མགྲིན་པ་གཟེངས་ སུ་བཏེགས་ཏེ་ནན་བཤད་བྱེད་པར་བལྟས་ནའང་སློབ་གསོ་ནི་ལོ་བརྒྱའི་ཇུས་ཆེན་ཡིན་ལ་ཀུན་གྱི་རྩ་བ་ཡིན་པ་ རྟོགས་ཐུབ། དེ་བས་ན་བྱ་ཆུའི་འགྱུར་ཁུགས་ཀྱི་རྩོམ་བསྡུ་བའི་ཁྱབ་ཁོངས་གཙོ་བོ་ནི་བོན་སྐོར་གྱི་སློབ་ཆུང་སློབ་མ་ དང་རྩོམ་འབྲི ར་དགའ་བའི་ན་གཞོན་དག་ཡིན་ལ་ རྩོམ་གྱི་ཁ་ཕྱོགས་གཙོ་བོ་ནི་ནང་དོན་སྲིད་འགལ་མིན་ལ་སློབ་ གསོར་ཁ་ཕྱོགས་ཤིང་སློབ་གསོའི་སྐོར་གྱི་བྲི ས་རྩོམ་ཡིན་དགོས། རྩོམ་པ་པོས་རང་གི་རྩོམ་ལ་དང་དོད་དང་ཞུ་དག་ གང་ལེགས་བགྱིས་རྗེས་ཧི་གཟུགས་གྱིས་གཏགས་ནས་གཤམ་གྱི་གླེང་མོལ་བྱང་བུའམ་གློག་རྡུལ་ཡིག་ཟམ་ལ་བསྐུར་ དགོས།
ཐེངས་འདིའི་རྩོམ་བསྡུའི་ཁྲོད་ངེད་རྩོམ་སྒྲིག་ཁང་དུ་ཕུལ་དུ་བྱུང་བའི་རྩོམ་ཡིག་མི་ཉུང་བ་ཞིག་འབྱོར་
ཡང་། བརྗོད་བྱ་དང་བརྗོད་དོན་ཐད་དུས་དེབ་ཀྱི་ཁ་ཕྱོགས་དང་མི་འཐུན་པ་འགའ་ཞིག་ཐེངས་འདིའི་དེབ་དུ་བཀོད་ ཐུབ་མེད་པས་ལྷག་བསམ་རྣམ་དག་གིས་དགོངས་དག་ཞུ་བ་ལེགས།
པར་དུ་བཀོད་ཟིན་པའི་དེབ་དག་ནི་གཤམ་གྱི་དྲ་བ་འདི་ལས་ཀློག་ཐུབ: http://www.digitalhima-
laya.com/collections/journals/rbc/
རྩོམ་བསྐུར་ཡུལ་ནི་(QQགླེང་མོལ 420686812 ཡང་ན་ཡིག་ཟམ་420686812@qq.com) དེ་མིན་
ད་དུང་རི་མོ་ཡག་པོ་དང་མཚོན་དོན་ཅན་འབྲི ་མཁན་ཡོད་ཚེ་བསྐུར་ཤོག་དང་དེབ་ཀྱི་བར་བཅུག་གི་རི་མོར་བཀོད་ རྒྱུ་ཡིན། ངེད་རྩོམ་སྒྲིག་ཚན་ཆུང་གིས་ལོ་རེའི་སྤྱི་ཟླ་གསུམ་པའི་ཚེས་མགོ་ནས་སྤྱི་ཟླ་བརྒྱལ་པའི་བར་རྩོམ་ཡིག་སྡུད་ རྒྱུ་ཡིན་པ་དང་། སྤྱི་ཟླ་དགུ་པ་ནས་བཅུ་གཉིས་པའི་བར་ནི་རྩོམ་སྒྲིག་གི་སྐབས་ཡིན་པས་རྩོམ་ཡིག་སྡུད་མཚམས་ འཇོག་རྒྱུ་ཡིན། རྩོམ་ལུས་ཀྱི་ཆ་ནས་སྒྲུང་གཏམ་དང་། སྲོལ་རྒྱུན། ལྷུག་རྩོམ། དཔྱད་རྩོམ། བསྒྱུར་རྩོམ་བཅས་གཙོ་བའི་ སློབ་གསོར་ཁ་ཕྱོགས་པའི་རྩོམ་ཡིག་གང་རུང་ལས་ཕུལ་བྱུང་རྩོམ་ཡིག་དག་གདམ་རྒྱུ་ཡིན།དེར་མ་ཟད་བོན་སྐོར་སྡེ་ བའི་ཕ་སྐད་གཙང་མའི་བགྲོ་གླེང་དང་ཕ་ཡུལ་ནང་མིའི་ལྷན་འཛོམ་གྱི་ལོ་སར་སྤྲོ་ཚོགས་དེ་ནམ་ཡང་གོང་ནས་གོང་ དུ་འཕེལ་བ་དང་ང་ཚོ་དུས་ལྟར་ལྷན་འཛོམ་ཐུབ་པའི་སྨོན་འདུན་ཞུ།
བྱ་ཆུའི་འགྱུར་ཁུགས་ཀྱི་རྩོམ་སྒྲིག་པས།
སྤྱི་ལོ་ 2013 ལོའ་ིཟླ་ 9 ཚེས་ 30 ཉིན།
143
དབྱར་གནང་གསབ་སྦྱོང་སྐབས་ཀྱི་དགེ་སློབ་ལྷན་འཛོམས།
སྡེ་བའི་གསབ་སྦྱོང་ལ་གྲུབ་འབྲས་འབུར་དུ་ཐོན་པའི་སློབ་མ།
བོན་སྐོར་སྡེ་བའི་དགུན་གནང་གསབ་སྦྱོང་ལ་ཞུགས་པའི་སློབ་བུ།
སྡེ་བའི་གསབ་སྦྱོང་ལ་ཞུགས་པའི་སློབ་མ།
144 བོན་སྐོར་སྡེ་བའི་ཆུང་འབྲིང་སློབ་མ་དག་དབྱར་དགུན་གནང་གི་བོད་རྒྱ་དབྱིན་གསུམ་གྱི་གསབ་སྦྱོང་ལ་ཞུགས་པ།
སྡེ་བའི་གསབ་སྦྱོང་སྐབས་ཀྱི་སློབ་ཆུང་སློབ་མ།
བྱ་ཆུའི་འགྱུར་ཁུགས་དེབ་གྲངས་བརྒྱད་པ། THE RHYTHM OF BYACHU (Issue 8) ༢༠༡༣ (སྤྱིའི་དེབ་གྲངས་བརྒྱད་པ།)
2013年（总第八期）
གཙོ་གཉེར་སྡེ་ཁག བྱ་གཞུང་བོན་སྐོར་སྡེ་བ།
主管: 沙沟乡汪什科村
གཙོ་སྒྲིག་སྡེ་ཁག བྱ་ཆུའི་འགྱུར་ཁུགས་རྩོམ་སྒྲིག་ཚན་ཆུང་།
主办: <<沙曲旋律>> 编辑部
གཙོ་སྒྲིག་པ། བྱ་གཞུང་སྙིང་ལྕགས་རྒྱལ། རྩོམ་སྒྲིག་ཁོངས་མི། འབྲུག་ལྷ་རྒྱལ། ཚེ་དཔལ་རྒྱལ།
主编: 夏雄娘吉加
དྲ་ཚིགས། 网址： http://www.digitalhimalaya.com/collections/journals/rbc/ Email: 420686812@qq.com
编辑员: 周拉加 才华加