Part 2 - Tawen 2004

Ti barang-ay demo farm ket maysa a programa ti probinsya tapno agbalina show-window dagiti nadumaduma nga natnateng wenno pinakbet vegetables, fruit trees, pagay, ken pagtaraknan daguiti dingnguen nga padakkelenbabaen dagiti organic nga pagpakan.

“Dagitoy mulmulatayo ditoy Barangay Demo Farm ket agbalin nga pagtuladan dagiti barbarangay tapno sumayaat ken umadu ti apit.

Makaawis pay iti imatang daguiti turista Gob.

Adalenyo a nalaing ti panagmula ken panangtaraken tapno umadu ti mapastrekyo. Napintas unay daytoy nga programayo Apo Gob. Maysa kadagiti kangrunaan a dingnguen iti demo farm ket dagiti nangato ti kalidadna a kalding ken baka tapno ngumato ti kalidad dagitoy ken adadu met laeng ti masapulan. Ikalikagumko nga dagiti native stocks ti kalding ken baka ket iyegyo ditoyfarm wenno ipanyo diay kaasitgan nga ayan ti breeder stocks tapno mapatakalan ket ngumato ti kalidadda”

Maysa pay a naigannuat iti demo farm ket isu ti maitutop a wagas ti panagraep tapno manamnama ti adadu nga apit a pagay.

Aramiden tayo daytoy rumbeng a wagas ti panagraep tapno ti kasta ket adda tuladen dagiti mannalon ditoy probinsya

Wen Sir ket napintas daytoy nga aramidtayo tapno maguyugoy dagiti pada a mannalon nga tumulad kadaytoy araramidentayo.

Ti demo farm ket addaan pay ti 24 oras a serbisyo ti beterinaryo tapno adda madadaan nga agserbi kadagiti agkasapulan.

No adda agsakit a dingnguenyo, wayayo nga iyeg ditoy demo farm tapno maikkanda ti umno nga agas Wen kadi ah Apo Gob tapno saan kamin nga mapan agbirok iti beterinaryo iti sabali nga lugar.

Tapno agsardeng ti panagraira ti illegal a klase ti panagkalap iti kabaybayan ken dadduma pay a bagi ti danum iti Ilocos Sur, pinagsanay ni Gob DV daguiti pannakabagi ti. tunggal barangay ken uray pay dagiti army reservists para iti deputized fish wardens. Dagitoy ti natudingan a mangpaksiat kadagiti agus-usar iti illegal a pagkalap. Ti asinoman a makaibaga iti ayan dagiti agar-aramid iti maikaniwas, maikkan iti P5,000 nga gunggona apaman a makemmeg ti suspetsa.

Aramidentayo daytoy a trabaho nga agpaay met laeng kadatayo ken ti kaadduan nangruna dagiti mangngalap.

Tapno masupusopan ti panagkurang ti lames iti probinsia, inrugi ni Gob DV ti Ilocos Sur Development of Aquamarine wenno ISDA project. Rinibu a tilapia fingerlings ti naibulos kadagiti karayan, waig ken dadduma pay a bagi ti danum dagiti barangay nga addaan ti ordinansa a mangsalaknib kadagiti lames. Kalpasan ti tallo a bulan, masolbar ti parikut iti food production ken nutrision iti probinsia ken umadu metten ti lames a makalapan.

Awatenyo dagitoy tilapia fingerlings tapno adda padakkelen ken pa-adduen tapno umadu ti kalapenyo. Agyamankami Gob ket namnamaenyo ti panangaywanmi kadagitoy impaayyo nga fingerlings. Babaen ti panangilaban ni Gob DV iti nainkalintegan a presio ti tabako, naingato iti P10 ti fl oor price ti tabako idi 2007, kangatuan a nakaingatuan ti presio iti pakasaritaan ti tobacco tripartite. Itay met napalabas a Pebrero 2010, naingato manen iti P5 ti tobacco fl oor price a mangipasigurado iti nangato a presio daytoy maysa kadagiti kangrunaan a produkto ti probinsia.

Dakkel a banag ti maitulong daytoy naituding a fl oor prices ti tabako kadagiti mannalon ket ipanamnamak kadakayo nga aramidek amin a kabaelak tapno maipangaton to manen ti presyo kadagiti masungad a tawen. Dakkel a banag kadakami daytoy pannakaipangato ti presyo ti tabako Sir agyaman kami unay kadakayo.

Aramidek amin a kabaelak a tumulong kadakayo tapno sumayaat ti panagbiagyo. Agmula kayo ti mais ta adda ti National Food Authority a madadaan a gumatang ti apityo iti napintas a presyo. Iti ayatna a matulungan dagiti mannalon iti mais, inrugina ti Grain Marketing Assistance in Ilocos Sur wenno (GMAIS). Ti gobierno probinsial ti naggatang iti produkto a mais dagiti mannalon ket isun ti mangbirok iti gumatang kadagitoy. Nairugi pay idi 2007 ti katulagan iti nagbaetan ti NFA ken ni Gob DV a panaggatang iti mais. Itoy a katulagan, ninayunan ni Gob DV iti P6 ti sigud a P7 a supporting price ti NFA tapno agbalin a P13/ kilo ti panaggatangda iti mais.

Agyaman kami Gob DV ta inaramidyo amin a kabaelanyo tapno adda gumatang ti apitmi a mais.

Tapno maaddaan met iti alternatibo a mula dagiti umili iti upland municipalities, nagiwaras ni Gob DV iti saplings ti cacao ken kape tapno isu ti imula dagiti lumugar.

Wen Gob, bagayna nagmin ditoy lugarmi dagita nga mula gapu ta nalamiis bassit ti klimami ditoy aparte ti probinsya Dito’y ngato nalamlamiisti klima isu nga ikkankayo ti kapen ken cacao nga imuila ken padakkelen gapu la ammoknga inton agbunga, addanto met laeng gunggona ti bannogyo.

Saan met a nalipatan ni Gob Dv dagiti agmulmula iti lasona ken bawang. Inangayna ti Onion and Garlic Summit apaman a nakapagtugaw kas gobernador idi 2007 tapno tratarenna dagiti isyu mainaig kadagiti nadakamat a produkto. Napaayaban ditoy dagiti eksperto tapno mangted iti singasing kadagiti mannalon tapno umadu ken dumadakkel dagiti apitda a lasona ken bawang.

Babaen daytoy Onion and Garlic Summit, namnamaek nga adu ti masursuroyo ket makatulong dagitoy iti inkayo panagmula ti lasona ken bawang. Agyaman kami Sir ket dakkel a banag daytoy a tulongyo kadakami tapno umadu ti apitmi. Para iti pannakatigibi dagiti kabakiran, inrugi ni Gob. DV ti Tri-sectoral Responsibility Engendering Environmental Sustainability wenno (TREES) project babaen iti panangidaulo ti Environment and Natural Resources Office. Iti TREES project, naguyugoy dagiti agad-adal nga agipatubo kadagiti bukel ti prutas kadagiti pagadalan. Maiyawat met ti P60,000 iti DepEd Ilocos Sur kas insentibo iti suportada iti proyekto.

Tapno sumayaat ti aglawlaw, isurotayo dagiti ubbing nga agpatubo ti bukel ti prutas ken agmula ti kaykayo gapu ta dagitoy ket agpaay met laeng kadakuada ken ti masakbayanda.

Iti met pannakaprotekta ken pannakapapintas dagiti igid ti baybay, nagpamula ni Gob DV iti magroove kadagiti coastal barangays a mabalin a mamulaan iti mangrove. Babaen itoy a wagas, malappedan ti pannakadadael dagiti lote iti igid ti baybay. Dawatek kadakayo nga opisyales ti barangay kadagiti igigid ti baybay nga idauluanyo koma dagiti kalugaranyo nga agmula ti mangrove tapno malapdan ti pannakadadael dagiti daga iti igid ti baybay.

Namnamaenyo ti suportami iti daytoy a gannuatyo Gob.

Gapu iti panangbasnot ti bagyo Pepeng iti probinsia, nakikammayet ni Gob DV iti NFA tapno mairugi ti Palay Assistance for Local Government Units (PALGU) wenno PALGU a namagtalinaed ti napintas a presio ti pagay.

Saankayo a madanagan ta adda ti National Food Authority a madadaan a tumulong kadakayo nangruna dagiti naapektaran ni bagyo Pepeng ta ti NFA met laeng ti gumatang ti irikyo iti napintas nga presyo. Namnamaenmi a kasta Sir ket dakkel unay a tulong kadakami daytoy nga inaramidyo.

Inrugi pay ni Gob DV ti Barangay Intensive Gardening (BIG) project wenno panagmula iti natnateng iti paraangan ti tunggal balay. Itoy a proyekto, nagiwaras ti gobierno probinsial iti bukel ti agduduma ti klasena a natnateng kas iti paria, sili, kamatis, tarong, karabasa ken dadduma pay. Naikkan amin a pamilia iti 768 a barangay iti Ilocos Sur. Babaen itoy a proyekto, saanen a kasapulan a gumatang dagiti umili iti nateng.

No maimulayo dagita a bukbukel, padakkelenyo ket siguradoak nga inton agbunga, saankayonton a gumatang ti nateng no di pay ket addanto payen. ilakoyo a nayon ti masapulanyo. Wen Sir, taraknenmi dagitoy ket agyaman kami unay iti adu. Indauluan ni Gob DV ti nainsaknapan a panagmula iti marunggay ken agduduma a herbal plants kas maysa kadagiti back to basic projects ti gobierno probinsial. Maysa daytoy a wagas tapno maaddaan dagiti umili iti libre a nateng ken madadaan nga agas a saanen a masapul ti aggasto.

Wen Sir, aramidenmi dayta gapu ta ammomi a makatulong kadakami dayta.

Agmulatayo ti marunggay gapu ta daytoy ti kasustansyaan a nateng ken mabalin a sidaen ti bulong ken bungana ken mkaagas pay iti sakit dagiti bukel ken ukis ti kayona. Kasta met nga iramanyo pay nga imula dagiti herbal plants wenno dagitay makaagas a mulmula tapno adda madadaan nga usarenyo no agkasapulankayo.

Tapno malapdan ti pannakadadael dagiti sustansia ti daga, inyestablisar ni Gob. DV ti D Demo on V Vermicomposting utilizing B Biodegradable S Substrate iti Barangay Demo Farm. Babaen iti rugit ti alinta a mataraken kadagiti plots, maaddaanen iti organiko nga abono para iti nasalun-at a panagtalon.

Dawatenmi koma Apo Gob ta maikkan kami koma ti gundaway nga agsursuro ti wagas nga panagaramid ti vermicomposting. Daytoy vermicomposting ket maysa nga kapintasan a wagas ti panagtalon tapno malapdan ti pannakadadael ti daga

Naggatang ti probinsya ti napintas ti pulina a baka tapno ti kasta adda mangpa-upgrade ti puli dagitoy native nga bakatayo. Wayayo nga ipan idiay demo farm dagita babai a bakayo tapno mapapintas ti pulida. Malaksid iti kalding, naggatang ni Gob DV iti Brahman a baka tapno pumintas ti puli dagiti large ruminants iti probinsia.

Agyamankami Apo Gob. kadagitoy a programayo a pagimbaganm a mannalon.

Tapno saanyo unay nga problemaen ti danum a pagsibug dagiti mulayo, agaramidtayo ti water impounding system nga pagurnongantayo ti danum tapno adda madadaan a pagsibugyo inton agkurang ti danum ditoy lugaryo. Babaen ti inisiatibo ni Gob DV napaadda ti maysa a water impounding system iti ili ti a Suyo a mangpasayak kadagiti inek-ektaria a talon saan laeng nga iti nadakamat nga ili no di pay ket kadaditi kaparangetna a lugar.

Agyamankami Sir ti panangiturturongyo ti pagimbaganmi a mannalon. Maysa pay kadagiti paggugusto a proyekto ni Gob DV ti D Development of V Various B Biological S Scheme wenno panagmula iti dragon fruit. Masarakan ti demo farm daytoy a proyekto iti Ilocos Sur Polytechnic State College iti ili a Sta. Maria.

Nairugi daytoy nga program sadiay Ilocos Sur Polytechnic State College ken adda metten madadaan a cuttings idiay demo farm, isu a gugugoyenkayo ti nga agmula dragon fruit gapo ta nadaras laeng a taraknen daytoy ket inton agbunga nangina ti pakailakuanna tapno adda nayon ti matgedanyo.

Ipakaamok kadakayo nga adda ordinansa ti probinsya a mangiparit ti agusar ti compressor a pagkalap isu nga ikkankayo laengen ti iket ken tali ken dadduma pay nga usarenyo nga agkalap. Padasenmi ngarud ti agmula sir

Tiniliw dagiti fish wardens dagiti pagbatok a compressor dagiti mangngalap nga agus-usar iti illegal a pagkalap. Kas wagas ti rehabilitasion, sinukatan ni Gob DV iti iket ken tali dagiti nakumpiska tapno adda pangrugian dagiti mangngalap iti legal a wagas.

Dispensarendakami laengen Apo Gob ket namnamaenyo nga saankaminton nga agaramat ti illegal a gamit a pagkalap.

Nagiwaras pay ni Gob DV iti fish boxes, naduma-duma ti klasena nga iket ken payaw kadagiti agduduma a fishermen associations manipud kadagiti nasurok a 100 coastal barangays iti probinsia.

Dios ti agngina Apo Gob. kadagitoy a tulongyo kadakami. Nalawa ti kabaybayantayo nga pagkalapan yo, isu nga ikkankayo ti payaw nga ipakatyo a pagaponan ti ikan iti baybay ken iket a pagkalapyo tapno ti kasta adda pagbiaganyo. Dawatek pay nga aywanan yo a naimbag dagitoy a gamit tapno agpaut nga usarenyo.

Tapno malapdan ti panagraira iti sakit dagiti dingo kasta metten a maduktalan dagiti agipuslit iti kontaminado a dingo iti Ilocos Sur, linukatan ni Gob DV ti animal quarantine checkpoints iti nagbeddengan ti Tagudin ken Sudipen, La Union iti abagatan ken Sinait ken Badoc, Ilocos Norte iti amianan. Aramidenmi amin a kabaelanmi Sir. Kadakayo nga agay-aywan kadagitoy quarantine checkpoints, dawatek koma ti panagalibtakyo tapno awan ti maipuslit a sumrek nga dinguen nga agsakit ken malapdan ti pannaka-apektar dagiti dinguentayo ditoy probinsya.

O

rganizational Reforms Initiative

Tapno maaddaan ti probinsya ti naannayas a programa kasapulan ti Executive - Legislative Agenda formulation wenno ELA formulation nga inatenderan amin nga opisyales ken pangulo ti opopisina ti probinsya ken gobyerno national. Daytoy ket naaramid idiay Taal Vista Hotel iti Tagaytay City.

Namnamaem ti presensya ken suportami iti daytoy nga aramid ken dagiti mapagtutulagan a programa nga agpaay kadagiti tattao Sir. Kasapulan nga atenderan tayo amin daytoy nga ELA formulation tapno sangsangkamaysa tayo nga ayusen dagiti maiyanatup a programa ken proyekto a mainaig met laeng iti sangsangkamaysa a sirmata tayo nga agpaay iti probinsya nga Ilocos Sur.

Gapu iti kaadayo ti opisina ti Department of Foreign Affairs a pagalaan ti passport ken tapno matulongan dagiti OFWs ken dadduma nga agkasapulan, dinawat ti opisina ti gobernador ti pannakaiyeg ti serbisyo ti DFA ditoy kabsat probinsya.

Adu ti matulongantayo no adda mobile passporting ditoy Ilocos Sur. Mapalaganan payen ti gastos ti pletemi Gob.

Indauluan ni Gob DV ti delegation manipud Ilocos Sur tapno makipartisipar iti Hunan Forum relationships for Sister-Cities Cooperation idi June 2010 diay Hunan, China. Ditoy a sinaksian ni Gob. ti pannakipinnirma ni Mayor Eva Medina ti Vigan City ti Letter of Intent nga agpaay iti pannakaestablisar ti Sister City Relations ti Siyudades ti Vigan ken Changsha.

Ditoy pay a pinasyar ni Gob DV ti paktorya ti sigarilyo iti pagilian a China ket nakitana sadiay no kasano ti pagaramid ti sigarilyo. Ditoy a simken iti panunutna nga ti Ilocos Sur ti kadakkelan ti produkto a Virginia tobacco nga mangipapaay ti progreso ken napintas nga ekonomya iti probinsya. Kanayon pay nga angayen ni Gob DV ti meeting a kaduana dagiti directors ti rehiyon tapno pagtutungtunganda dagiti programa a pakaseknan ti departamentoda nga agpaay iti probinsya ti Ilocos Sur.

Kayatko met nga ipakaammo kadakayo nga ti probinsya ti Ilocos Sur ket napnuan kadaguiti adu a kinabaknang a mabalin a parungbuen a negosyo tapno maaddaan ti adadu pay a pagsapulan dagiti tao ken pagrang-ayan ti lugar.

Adu ti produkto tayo nga tabako ket no igaedtayo tapno umadu ti apit a tabako, siguradoak nga adadu pay ti maragpattayo a ginawa. Dawatek koma ti tulong ti tumunggal maysa kadakayo nabaen ti panangtedyo kadagiti napinpintas a programa ken proyekto a pagrang-ayan ti probinsyami” Namnamaenyo ti pannakikaysami kadakayo Gob.

Maragsakanak iti panagbisitayo kadakami ditoy probinsyami.

One-on-one meeting with regional directors

Indauluan pay ni Gob DV dagiti mayores ken miyembros ti junta probinsyal a nagbisita kadagiti nadumaduma a nasyon kas koma ti China, Australia, Macau ken Korea tapno idiayda a makita dagiti napipintas a programa ken proyekto nga namagbalin kadagitoy a narang-ay.

MACAU AUSTRALIA

Sisasagana kami a sumurot kenka Gobernor. Intayon agpasiar iti sabali a nasyon tapno makita ken maadaltayo dagiti nadumaduma a programada a mabalintayo met nga aramiden ditoy il-ili ken probinsya nga Ilocos Sur gapu ta ammok nga makaited dagitoy ti napintas a pagtuladan tapno agrang-ay tayo.”

CHINA TAIWAN

KOREA

Napirmaan ti maysa a katulagan ti panaggayem ti gobierno probinsyal ti Ilocos Sur nga indauluan ni Gob DV Savellano ken Vice Director General Yan Chung’e iti biang ti Hunan Provincial Foreign Affairs Office a nangpatalged ti langen-langen ti dua a probinsya kalpasan a nakitaripnong ni Gob. DV kadagiti lideres ti nadakamat a probinsya.

Director, namnamaek a babaen iti daytoy a napatalgedan a panaglangen, magun-od tayo ti kalkalikaguman a rang-ay iti benneg ti agrikultura, siyensya ken teknolohiya, kultura ken edukasyon ken dadduma pay.

Wen Gob., aramiden tayo a kasta kas napagtutulagan.

Kadua ni Gob DV ti League of Municipalities of the Philippines Ilocos Sur Chapter a nangbisita kadagiti kataltalonan iti Hunan, China tapno obserbarenda dagiti teknolohia nga ipakpakatda tapno dakdakkel ti apit iti tunggal ektaria a mamulaan iti pagay.

Wen Gob, babaen iti daytoy a panagbisita tayo, addan maiyadal tayo kadagiti mannalon idiay probinsya tayo. Adalen tayo a nalaing dagiti wagas nga araramidenda tapno adda tuladen tayo ken tapno umadu ti apittayo a pagay idiay Ilocos Sur.

Nakipatang pay ni Gob DV iti Deputy Chief Mission of USA to the Philippines program para iti pannakaipaay dagiti tulong a proyekto iti probinsia.

Sapay koma ta suportaranyo ti Ilocos Sur tapno agrang-ay kami. Namnamaenyo ti tulongmi Gob.

S

ustaining Health and Social Services

Kas paset ti programa-pangsaluad salun-at dagiti tattao, naangay ti Barangay Health Workers (BHW) Congress nga addaan iti tema a “Kalusugan Iuna Para Buhay ay Guminhawa, Bayan Kumilos Ka” tapno mapasayaat ti pannaka-aywan ti salun-at dagiti tattao.

Dakayo nga BHWs ti maysa kadagiti boluntaryo a tulongan ti gobiyerno a mangaywan ti salun-at dagiti tattao, isu nga inangay tayo daytoy a BHW Congress tapno maaddaan kayo ti naananay a panagsursuro kadagiti umanatup nga aramid maipapan iti trabahoyo. Ayamanen mi dayta a talek Gob. Aramidenmi amin a kabaelanm ti trabaho a naipakumit kadakami”.

Nakita ni Gob. DV nga babaen iti Ilocos Sur Medical Society, nakikammayet ni Gob DV kadakuada babaen ti Memorandum of Agreement ti pannakitinnulong daytoy tapno aramiden daytoy nga asosasyon ti binulan a forum ken medical missions tapno matulongan dagiti agkasapulan nga masakit ken masaluadan ti salun-at dagiti tattao.

Dakayo ti kangrunaan a kadua ti gobiyerno a mangaywan ti salun-at dagiti kaprobinsyaan tayo.

Nagiwaras pay ni Gob DV kadagiti weighing scales kadagiti barbarangay tapno adda usaren dagiti Barangay Nutrition Scholars (BNS) iti panagmonitorda ti timbang dagiti ububbing.

Namnamaenyo dayta nga aramidenmi Sir Gob. Ikkankayo ti timbangan tapno adda usarenyo a pagtimbang kadagiti maladaga ken ububbing ta daytoy ti maysa a kangrunaan a gamit nga pangkita ti maiyanatup nga timbang dagiti ububbing ken tapno makitayo dagiti malnourished a rebbengna nga ikkan ti atensyon.

Agyamanak unay iti impaayyo a medical/ dental mission, libre a chech-up ti mata, agagas ken dadduma pay nga impaay-yo kadakami ket mangnamnama kami nga sapay koma ta addanto manen kastoy nga aramid iti masakbayan nga aldaw. Nakikammayet pay ni Gob DV kadagiti kameng ti RP-US Balikatan kabayatan ti pannakaaramid ti nagtipon a military exercises sadiay Quimmallogong, Sinait idi March 11, 2010.

Agyaman kami met iti nabara a panangsaraboyo kadakami Gob. Naangay met ti Barangay Nutrition Congress tapno mapapintas ti serbisyo dagitoy a boluntaryo nga agserserbi iti barbarangay.

Dawatek nga inayonyo pay nga ikampanya ti panagmula ti marunggay iti liklikudan ti balbalay, igid ti kalsada wenno uray sadino a lugar nga mabalin a pagmulaan tapno adda madadaan nga nasustansya a nateng para iti pamilya. Wen Sir, aramidenmi kas imbilinyo.

Naaddaan ti probinsya ti Ilocos Sur ti lima (5) nga Stimulation and Therapeutic Activity Centers a pakatamingan dagiti ubbing nga addan diperensya ti bagi tapno ditoyda a mataming. Daytoy ket proyekto ti Breaking Barriers for Children (BBC) nga indauluan ti Kapisanan ng may Kapansanan ng Pilipinas (KAMPI).

Dakkel ti maitulongna daguitoy nga STAC centers nga agpaay kadaguiti ubbing nga agkasapulan. Sinuportaran ti gobierno probinsyal daytoy a proyekto ket sapay kpma ta adu ti maserbian nga agkasapulan iti daytoy a serbisyo nangruna dagiti ubbing.

Nagiwaras pay ni Gob DV ti bukel ti natnateng kadagiti barbarangay tapno mapapigsa ti kampanyana maipanggep ti Barangay Intensive Gardening wenno (BIG) projectna.

Dakkel ti maitulongna dagitoy no adda gasatmi Gob. Dios ti agngina iti daytoy nga impaay yo. Agmula kayo ti natnateng tapno apitenyo nga agpaay iti pamilyayo iti masanguanan nga aldaw.

Maysa pay a kangrunaan a programa a naipaay kadagiti pamilya ti OFWs ket isu ti free overseas calls kas paset ti KABSAT program ti probinsya.

Ayamanenmi unay Gob ket dakkel a lumag-anan mi daytoy libre a tawag. Tulong ti probinsya daytoy libre a tawag kadagiti annakyo/kakabsatyo iti adayo a daga tapno saan kayon nga agbayad pay iti long distance. Nabenepisyaran pay ti Ilocos Sur ti sangapulo (10) nga ambulansya manipud iti PCSO-LGU procurement program under a cost sharing scheme tapno maiwaras kadagiti hospital ti gobiyerno ditoy probinsya.

Awatenyo dagitoy nga ambulansya tapno adda madadaan nga usarenyo ken pumintas ti serbisyo dagiti hospitaltayo. Agyaman kami manen kadagitoy ambulansya nga intedyo Gob.

Masaluadan ti salun-at dagitoy maladagayo babaen dagitoy libre a vitamina a maipatedted kadakuada babaen daytoy Libreng Patak program. Dakkel ti maitulongna daytoy Gob. nangruna kadakami a nakurkurapay ti panagbiagna.

Iti liderato ni Gob DV in-inut a napasayaat dagiti kuatro, laboratory, ramit, instrumento ken dadduma pay a pasilidad ti Gabriela Silang General Hospital. Babaen iti daytoy a naaramidan ni Gob DV pimmintas ti maipaay a serbisio kadagiti masakit a mapan agpaagas iti ospital ti probinsia. Dakkel ti maitulongna daytoy Gob nangruna kadakami a nakurkurapay ti panagbiagna.

Nataming ken nabagbagaan pay dagiti babbai nangruna dagiti masikog.

Dakkel a banag kadakami doktor. daytoy proyekto ni Gob DV ta matulongannakami a masikog. Makaadal kami pay kadagiti kangrunaan nga bambanag tapno masaluadan ti salun-at mi ken daytoy babymi. Iti pannakikammayet ni Gob DV iti Ilocos Sur Medical Society, agduduma a klase ti medical mission dagiti naisayangkat iti kapitolio. Maysa ditan ti libre a pannakakugit dagiti babbarito.

Agyamantayo ken Gob DV ta babaen daytoy a Project Kugit, naikkan dagitoy ubbing a lallaki ti libre a serbisyo ken amin pay a programa ti benneg ti salun-at ket maiserbi amin kadagiti tattao babaen ti pannaki-kammayet ni Gob iti Ilocos Sur Medical Society. Libre met a consultasion ken agas ti naipaay kadagiti agsagsagaba iti sakit iti puso, angkit, diabetes ken dadduma pay a klase ti sakit. Sinolbar ni Gob DV ti problema iti panagkurang ti agas kadagiti ospital ti gobierno babaen ti panangipatakderna iti Botika ti Probinsia. Iti daytoy a wagas, diretson a ti gobierno probinsial ti gumatang iti agas direkta kadagiti pharmaceutical companies tapno sigurado a dagiti de kalidad ken nalaka nga agas ti maited kadagiti agkasapulan.

Addaan tayon ti adu ken nalaka nga agas a kasapulantayo.

Nakita dagiti mata dagiti pasiente nga addan iti agduduma a sakit iti mata ken naibaga dagiti rumbeng nga aramidenda tapno masalbar ti panagkitada. Malaksid iti dayta naikkan pay dagitoy iti libre nga agas ken eye drops. Tapno maikabassit ti kaso ti rabies, gimmatang ni Gob DV iti antirabies vials ket dagitoy ti nausar iti pannaka-injection dagiti aso iti tunggal barangay babaen iti tulong dagiti Municipal Agriculturists ken Municipal Livestock Inspectors. Dakkel ti maitulong kadakami daytoy sir.