Кытчы пагӟаен уд тубы? (Инме.) Музъем вадьсы кымамын лыз тэркы. (Инбам.) Йыр вадьсын чагыр шобрет, Басьты вал но — ки уг сузь. (Инбам.) Одйг тылскем быдэс дуннеез шунтэ. (Шунды.) Шырт но уз кары, шарт но уз кары, Корка пыроз, шулдыртоз. (Шунды.) Горд скал султэ, вань изисез сайкатэ. (Шунды.) Сое витиськом, Инме учкылйськом, Дорамы лыктэ ке, Синмес ватйськом. (Шунды.) Котьмалэсь шуныт, котьмалэсь югыт. (Шунды.) Нуназе табань, ӝытазе лемлет кыстыбей. (Шунды.)
• • • •
Пиштэ ке но, уг шунты. (Толэзь.) Уй инмын азвесь табань. (Толэзь.)
Тылыз ӧвӧл, киез сутэ. (Пушнер.) Вож дэремен лек кышно куртчылйське. (Пушнер.) Векчи кук йылын тӧдьы шар. (Пуныжильы.) Сюреслэсь ӝужыт, кызлэсь лапег. (Турын.) Сылэ, ӵаштыртэ, чиньыоссэ шеръя. Кин ке кутскиз — бӧрдыса кошкоз. (Кыйбоды.) Кыӵе боды кый кадь лек? (Кыйбоды.) Сикъёс усизы, гурезьёс султйзы. (Турын, чумолёос.) Картофка бакчаын вож солдат сылэ, йӧтскиськод ке бордаз — бышкаськылэ. (Йӧны.) Корка котырын ӝабырес бирдыос. (Люгы.) Отын-татын ӟег лудын лызак пиштэ тюрагай буртчин. (Лызсяська.) Возь выл тыр нылпи такъя ӵуж ялтыр. (Италмас.)
Быгылес ке но, шар ӧвӧл, быжо ке но, шыр ӧвӧл. (Сяртчы.) Улласянь тӧдьы, вылласянь вож. (Сяртчы.) Кышетэз кырын, ачиз муын, быжыз пыдло пыремын. (Сяртчы.) Улласянь горд, вылласянь вож. (Гордкушман.) Музъем пушкын горд атас. (Гордкушман.) Бамыз ӵыжыт, нош ныл ӧвӧл. (Гордкушман.) Мугорыз горд, кышетэз вож. (Гордкушман.) Мугорыз ӵуж, йырсиез вож: кытчы пукто, отын ик пуке. (Ӵужкушман.) Чебер ӵуж апаез йырсиетйз кыскало, гутёысьтыз поттыло. (Чужкушман.) Ӵуж апайлэн нырыз кузь. (Чужкушман.) Кос куазен, зоро куазен ялан сю полэс дйсен. (Кубиста.)
Тӧлпери кадь со ворттэ, ыбылэм кадь тачыртэ. (Мотоцикл.) Бусымес со котыръя, ю-няньме ӵышке-ара, дугдылэ но — муръётйз ю тысез ваське етйз. (Комбайн.) Кымессэ лэзе, пуктэ, куаразэ гудыръятэ, сапкытэ со сюй люкез, волятэ музъем бамез. (Бульдозер.)
/^ р )
ПУШТРОСЭЗ
ИНКУАЗЬ СЯРЫСЬ .....................................................................3 ТУРЫН-КУАРЪЁС, ПИСПУОС НО КУАКЪЁС СЯРЫСЬ...... 11 БАКЧА СИЁНЪЁС НО ЕМЫШЪЁС СЯРЫСЬ........................ 17 ПУДО-ЖИВОТЪЁС НО ПӦЙШУРЪЁС СЯРЫСЬ.................. 27 ГУРТ НО КЫР ТЫЛОБУРДООС СЯРЫСЬ............................37 КОРКА НО КОРКА ПУШКЫСЬ АРБЕРИОС СЯРЫСЬ........47 МУГОР ЛЮКЕТЪЁС СЯРЫСЬ .................................................55 МАШИНАОС СЯРЫСЬ .............................................................59
\