InLatynVerseël

Korrupte Latyn was die algemene taal vir alle westerse gedeeltes van Europa toe Christenskap aanvanklik deur wetgewing daar ingestel is Daarom was die diens van die kerk, asook die vertaling van die Bybel, wat in kerke voorgelees is, in hierdie korrupte Latyn gewees. Ná die inval van die barbaarse nasies wat die Romeinse ryk omgekeer het, het die gebruik van Latyn as die taal van enige gedeelte van Europa algaande afgesterf. Die eerbied van die mense behou egter die vasgestelde vorme en formaliteite van geloof lank ná die aanvanklike bekendstelling van die omstandighede, wat as aanneemlik bestempel was, nie meer daar is nie. Alhoewel Latyn oral nie meer langer deur die oorgrote meerderheid van die mense verstaan is nie, is die algehele werksaamhede van die kerk steeds in hierdie taal aangebied. Twee verskillende tale is gevolglik op dieselfde wyse as in antieke Egipte in Europa gevestig: ‘n taal van die priesters, en ‘n taal van die mense; ‘n heilige en ‘n goddelose, ‘n geleerde en ‘n ongeleerde taal. Dit was egter nodig dat die priesters iets van daardie heilige en geleerde taal verstaan om op die regte manier te bedien; en die bestudering van die Latynse taal het gevolglik van die begin af ‘n integrale deel van universeitsopleiding geword.

Dit was nie die geval met óf die Griekse óf Hebreeuse taal nie. Die onfeilbare dekrete van die kerk het die Latynse vertaling van die Bybel, algemeen bekend as die Latynse Vulgaat, gekonstateer as gelyktydig deur teopneustie gedikteer ... Die eerste hervormers het die Griekse teks van die Nuwe Testament, en selfs die Hebreeuse teks van die Oue meer gunstig tot hul menings as die vulgate vertaling gevind en wat as natuurlik bedoel word, is algaande geakkommodeer om die dogma van die Katolieke Kerk te ondersteun. Hulle het hulself dus ingestel om die menigte foute van daardie vertaling bloot te stel, wat die Romeinse Katoliek-geestelikes gevolglik onder dwang geplaas het om dit te verdedig of te verduidelik.

Boek V. Hoofstuk I. Oor die Uitgawes van die Soewerein of Statebond

Seksie: Van die openbare Werke en Instelling wat nodig is om spesifieke Handelstakke te fasiliteer.

DEEL III. Van die Uitgawes van publieke Werke en publieke Instellings.

‘n Ondersoek na die Aard en die Oorsake van die Rykdom van Nasies, 1776

Adam Smith

Hierdie bladsy is opsetlik leeg gelaat

Hierdie boek is opgedra aan die Here God.