SENDEIRO DE LEDICIA CEE MIﾃ前-VELLE
BOS DÍAS! PAIS, NAIS, FAMILIARES, AUTORIDADES E PERSONALIDADES QUE COLABORADES E COORDINADES O VOSO LABOR PROFESIONAL E PERSOAL CON NOS. BENVIDOS UN ANO MÁIS A ESTA FESTA DE FIN DE CURSO. ESTAMOS MOI AGRADECIDOS DE CONTAR COA VOSA COMPAÑÍA, POIS AS VECES NON RESULTA DOADO ACUDIR A NOSA CITA. TAMÉN AGRADECER, XA DENDE O INICIO, A COLABORACIÓN DE TODO O PERSOAL DO CENTRO PARA ESTE ACTO, ASÍ, É POR ÚLTIMO AO NOSO ALUMNADO, POIS COMA SEMPRE SEN ELES NADA DISTO SERÍA POSIBLE. NA ENTRADA XA COMPARTIMOS CON VOS OS TRES AUDIOVISUAIS REALIZADOS ESTE CURSO ESCOLAR: • 30 ANOS DE INTERVENCIÓN EDUCATIVA ESPECIALIZADA • VÍDEO PROMOCIONAL VELLE 2014 CONTINUIDADE DO VELLE 2012 • AS NOSAS MELLORES FOTOS DO CURSO 2013/2014 PASAMOS A PRESENTAR O NOSO FESTIVAL DESTE ANO TITULADO: “SENDEIRO DE LEDICIA”
OS NOSOS ALUMNOS E ALUMNAS NUNCA DEIXAN DE SORPRENDERNOS, DESPOIS DE TANTOS ANOS COMPARTINDO VIVENCIAS, INQUEDANZAS, DESVELOS E ÉXITOS, ELES SON COMA SEMPRE OS VERDADEIROS PROTAGONISTAS DA FESTA, GÚSTALLE PASALO BEN, BAILAR, CANTAR E COMO NON DIVERTIRSE, POLO QUE SEN MÁIS, VANNOS AGASALLAR COA SEGUINTE ACTUACIÓN TITULADA “A DIVERTIRSE”
DIVERTIRSE XOGANDO, DIVERTIRSE APRENDENDO, DIVERTIRSE COMPARTINDO…. ASÍ DEBERAN PASAR OS DÍAS DA INFANCIA E A NENEZ; TODOS NOS LEMBRAMOS OS XOGOS DAQUELES DÍAS NA RÚA, NA PRAZA, OU NO PARQUE, XOGABAMOS E ÍAMOS APRENDENDO, ENCHÍAMOS DE EMOCIÓNS E SENTIMENTOS AS NOSAS MENTES, ESTES XOGOS ÍAN MOITAS VECES ACOMPAÑADOS DE CANCIÓNS, TODOS LEMBRAMOS ALGUNHAS DESAS CANCIÓNS … AS CANCIÓNS QUE O PAPÁ, A MAMÁ, A AVOA, A SEÑORITA, … NOS CANTABAN E ASÍ ESTABAN UN ANAQUIÑO CON NOS XOGANDO… ESAS CANCIÓNS TAMÉN AS COÑECEN OS NOSOS ALUMNOS E ALUMNAS E AGORA AS IMOS LEMBRAR NA VOZ DE KEVIN AREÁN.
CANTAS LEMBRANZAS DAQUELES TEMPOS, NON SI? … QUE BONITO E TENRO O QUE VIMOS DE PRESENCIAR … CANTAS COUSAS SOMOS CAPACES DE FACER SE NOS SENTIMOS SEGUROS… E QUEN NOS PODE FACER SENTIR SEGUROS, POIS PRIMEIRO OS PAIS E NAIS, A FAMILIA MÁIS ACHEGADA, PERO DESPOIS E MOI CERCA ESTÁN OS AMIGOS, SOBRE TODO NA ADOLESCENCIA, TODOS AQUELES COS QUE ADEMAIS DE XOGAR COMPARTIMOS OS NOSOS SEGREDOS, AS NOSAS ALEGRÍAS, AS NOSAS AFECCIÓNS, OS NOSOS MALOS E BOS MOMENTOS, E PARA ISO ESTÁN OS AMIGOS PARA APOIARNOS E DARNOS SEGURIDADE.. POR ISO AGORA TEMOS NESTE NOSO ESCENARIO A: GABI, TIAGO, ELISA JORGE, ARTUR, SALVA, ANA, CLAUDIA, JOSÉ ANTONIO, LUCAS, KEVIN PRIETO, EMILIO ÁLVAREZ, ANTONIO MIRANDA, MARÍA ÁLVAREZ, KEVIN PAZ, HAMZA, EMILIO FERNÁNDEZ E ALBERTO QUE NOS OFRECEN A SÚA AMIZADE COA CANCIÓN “HAY UN AMIGO EN MI”.
AGORA TEMOS MOITOS AMIGOS … E SABEMOS QUE NUNCA NOS IMOS ATOPAR SOS … E QUE IMOS APRENDENDO A CEDER, A COMPARTIR, A QUERER, PERO TODOS SABEMOS QUE CON ISTO NON NOS CHEGA, COMO DI O POETA: “QUE SERÍA DESTE MUNDO INGRATO SEN ILUSIÓNS, SEN AMORES, TRISTE DESERTO SEN FLORES, CHEO DE SILVAS E MATO, É UN FEITIZO TAN GRATO AMARSE HOME E MULLER, AI! SI SE SABE QUERER FAN DA TERRA UN PARAÍSO, CON QUE AMIGOS É PRECISO ADORARSE ATA MORRER”. PARA TODOS NOS “O FEITIZO DE AÑÓN” CANTADO POR SALVADOR E ABRAHAM, ACOMPAÑADOS DE JESSICA, ISAAC, ADRIÁN ARCA, MINO, SERGIO, ALEX E MELY.
POIS ISO É O QUE HOXE PRETENDEMOS FACER CO NOSO FESTIVAL UN PARAÍSO DE LEDICIA, ONDE AS DISTINTAS MELODÍAS QUE ESCOITAMOS NOS LEMBRAN PERSOAS, LUGARES, SONS, MOMENTOS, … ESTAS SUCESIÓNS DE SONS MUSICAIS DE DISTINTA ALTURA QUE FORMAN UN CONXUNTO E POSÚEN UN SENTIDO MUSICAL VAN COMPOÑENDO AS NOSAS VIDAS. ESTAS MELODÍAS FORMADAS POR NOTAS FAN ESAS CANCIÓNS QUE SON TAN NOSAS E QUE ENTRE TODOS FACÉMOLAS SOAR EN PERFECTA HARMONÍA. SON MÚSICA PERO TAMÉN SON CANTO, MOVEMENTO,… SON OS NOSOS SONS E MOVEMENTOS, OS SONS E MOVEMENTOS DOS NENOS QUE NOS ADOZAN A VIDA COS SEUS DISTINTOS COMPASES E COS SEUS SILENCIOS…. SONS QUE FORMAN O INTERMINABLE CONCERTO DA VIDA AFINADO ENTRE TODOS , CADA UN COA SÚA TONALIDADE, COMO AGORA NOS VAI AMOSAR “A NOSA NOVICIA REBELDE” QUE CO SEU CANTO VAI ACOMPAÑAR A KEVIN PRIETO, SAMI, XOEL, PATRICIA, LUCAS, ALISTAIR, IRIA E ADRIÁN OUTOMURO.
AGORA XA TODOS COÑECEMOS A ESCALA MUSICAL, UNHA LINGUAXE MÁIS, A DA MÚSICA: CINCO RAIAS UN MONTÓN DE CÍRCULOS CON PAU OU SEN EL, ENTRE AS RAIAS OU POR RIBA DELAS, E DE DÚAS CORES BRANCAS OU NEGRAS… A SEGUINTE ACTUACIÓN PARTE PRECISAMENTE DESTA COR DA NEGRA. QUE INDA QUE PODE SER A COR DA ELEGANCIA TAMÉN O É DA TRISTEZA, DA PENA,… PERO A COR NEGRA DIN QUE ESTÁ FORMADA POR TODAS AS OUTRAS CORES, ASÍ QUE SE SOMOS CAPACES DE TRANSFORMAR A COR NEGRA EN AMARELO, ROSA, VERMELLO, AZUL,… TAMÉN SEREMOS CAPACES DE TRANSFORMAR AS NOSAS PENAS EN ALEGRÍAS TODO VAI DEPENDER DO PRISMA DENDE ONDE O MIREMOS. PRESENTOLLES “SENTIR”, CON ABRAHAM, ADRIÁN OUTOMURO, ELISA E ARTUR.
IMPRESIONANTE A CAPACIDADE DE TRANSFORMACIÓN QUE PODEMOS CHEGAR A TER, E ISO É O QUE BUSCAMOS HOXE NO NOSO FESTIVAL, CAMIÑAR POLO SENDEIRO DA LEDICIA, E CANDO ESTAMOS LEDOS TODO FLÚE AO NOSOS ARREDOR DUN XEITO DISTINTO, COMO O BAILE QUE A CONTINUACIÓN IMOS PRESENTAR, ESTA CANCIÓN É UNA DAS PREFERIDAS DOS NOSOS ALUMNOS E ALUMNAS TANTO POLO SEU RITMO COMO POLA SÚA MELODÍA, INVITA A BAILAR DENDE O PRIMEIRO COMPÁS, CON TODOS VOSTEDES: GABI, ELISA, ARTUR, SALVA E TIAGO BAILARAN “COSQUILLAS”.
AGORA IMOS PINTAR NESTES DOUS PANEIS. “QUE LLE VOU FACER SE EU AMO O DIMINUTO, SE EU NON QUERO QUE O OCÉANO SEXA TAN PROFUNDO, SE NO PEQUENO ATOPEI A FORZA DO MEU MUNDO, QUE LLE VOU FACER SE EU PENSO QUE ELES E NÓS SUMAMOS UN. SE UNHA GOTA SOBOR DE OUTRA GOTA SOMOS ONDAS QUE FAN MARES, GOTAS DIFERENTES PERO GOTAS TODAS IGUAIS. E VAI UNHA ONDA E DI: SOMOS UNHA MAREA DE XENTE TODOS DIFERENTES REMANDO AO MESMO COMPÁS.” POIS AO MESMO PANEL VAN SAÍR OS DIFERENTES PAÍS E IRMÁNS DE ALUMNOS E ALUMNAS PARA PINTAR MENTRES ESCOITAMOS A LETRA E A MÚSICA “MENSAJES DEL AGUA” DA QUE VEÑO DE LEMBRARLLES UN ANACO. A ACTIVIDADE REMATARÁ CANDO A MÚSICA DEIXE DE SOAR.
PARA REMATAR IMOS FACER ENTREGA DOS DIPLOMAS E AGASALLOS AO ALUMNADO
PARABÉNS AOS GRADUADOS E GRAZAS A TODA A COMUNIDADE EDUCATIVA