Cap. 2 Iskay rakiypi willakuykuna: ¿Pikunam maqanakuywan ñakariran?
Carcelpi wichqasqa subversivo nisqakunaqa iskay chunka watayuqmanta tawa chunka watayuqkamas karan hapisqanku punchawqa. Llapanmanta kuskannin hinataqsi universidadpi estudioyuq kasqaku.
Más de la mitad de los detenidos subversivos tenían entre 20 y 29 años al momento de ser capturados. 45 de cada 100 tenían estudios superiores.
Cap. 2 Iskay rakiypi willakuykuna: ¿Pikunam maqanakuywan ñakariran? Subversión nisqawan Estadopa maqanakuynin qallarisqan hawaqa, lliwmanmi tupawaranchik. Chaynapim wañuran machu paya, wayna sipas, warmakunapas warmi qari. Kayna achka wañuypa chawpinpipas, kallpayuq qarikunatam aswanta maskariq karan iskaynin maqanakuqkunaqa. Chayraykum, llapan wañuqmanta kuskannin hina wayna qari karanku, iskay chunka watayuqmanta tawa chunka watayuqkama, taytakuna, comerciante, autoridad, estudiante, campesino. Sapa pachak wañuq qarimantas, chunka iskayniyuq hina karan alcalde, regidor, subprefecto, gobernador, teniente gobernador, huchuy juez nisqanchikpas. Paykunatam Senderoqa nirqan wakcha runapa enemigonmi nispa. Chunka waranqas karan Senderopa sipisqan allpa llamkaq, uywa michiqpiwan. Chaymantas, sapa pachakmanta pichqa chunka qanchisniyuq hinaqa qarillataq karan. Senderoqa autoridadkunatam mancharichiyta munaran, renunciaptinku senderista masintaña paykunapa rantinta churarunanpaq. Chaypaqsi maskaranku estudioyuq campo waynakunata, autoridadtam churarusayki nispa. Hinapim waranqanpi wañuyta tariranku waynakunaqa.
Sapa pachak chinkaqkunamantas, qanchis chunka pichqayuq hina quechua rimaq runa masinchik karanku (75 de cada 100).
La lengua materna de 75 de cada 100 víctimas era el quechua.
Campopi aswan wakcha kaq runamantas Aswan achka wañuqkuna, chinkaqkuna, ñakariqpas. Sapa chunka wañuqmantas, tawa Ayacucho runa karanku. Sapa tawa sipisqamantas, kimsa quechua rimaq runa karan. Paykuna ukupiqa, manas pipas karanchu universidadpi estudioyuq, pisichallataqsi secundaria colegioyupas. Chaypim qawarinchik subversión nisqawan wañuqkunaqa yaqa llapallan aswan wakcha runa kasqanta. Soldadopas, guardiapas akllaqsi karanku sipinankupaq,
Cooperativa agraria Quisuni, en Orurillo, arrasada por Sendero Luminoso como parte de las acciones subversivas para conmemorar el noveno aniversario del inicio de la «Lucha Armada». Orurillo, Melgar, Puno, 16 de agosto de 1989. Orurillopi Quisuni campo runapa cooperativantam lliwta Sendero chaqurapurqan, chaywan «Lucha Armada» nisqankupa isqun wata huntayninta yupaychanankupaq. Puno-Melgar Orurillopi, 16 agosto, 1989 watapi.
16 24
Qayna ñakariyninchik, paqarintaq hawkalla kawsakuyninchik.
