Polynewlife by ng ka ki

Polynewlife.indd 3

2012/8/3 11:26:55

目錄 CONTENTS 1 編者的話 2-3 校園地圖 4-5 Poly 路路通理人「俚」語 6-13 Poly 路路通設施全面睇 14-20 食得玩得大寶鑑食 21-22 食得玩得大寶鑑玩 23-26 理大宿舍 27-29 學生經驗分享 30-31 理大FAQ 擁有人： 4

Polynewlife.indd 4

2012/8/3 11:26:56

Polynewlife.indd 1

過去的十餘年，我們大部份都是溫室裡的小花。由幼稚園到中學，每一上課日都有固定的時間表，出外總有老師工友帶領，回到家裡亦有父母在旁。不論外面風吹得多狂，雷打得多響，玻璃牆還是把我們保護得妥妥當當，免受干擾。

將至的九月，玻璃將會換上赤磚，磚頭不高，只能抵住你的根。莖與葉的保護雖少了，但趁此機會去接觸雨水，感受微風吧！經過了洗禮，才能令你的葉更翠綠，令你的果更甜蜜。

安全，使我們不善應變，忘記了時間在流，而植物終會有成熟的一刻，那個安全的溫室將會騰出來，培育新一批的種子。

最後，恭喜各位新生成為理大的一份子，祝福你未來數年能在理大中找到寶貴的回憶。

四十一屆學生報編輯委員會總編輯嚴梓澄

2012/8/3 11:26:56

Polynewlife.indd 2

CAMPUS MAP 2

2012/8/3 11:26:57

Polynewlife.indd 3

2012/8/3 11:26:57

理人「俚」語

一場入到嚟Poly，梗喺要學下大學話啦，以下喺一啲你地以後會成日聽到嘅術語：

讀書篇

※輔學 $50一個course，有好多選擇，想畢業就一定要讀！

※Reg 科即喺Subject Registration，宜家都喺去eStudent度reg，記住準時去上堂呀！ ※GE 全名:General Education，分China Studies同Broadening，唔修晒兩個唔準畢業㗎! ※天地堂 2個隔好多個鐘頭嘅堂。 ※Sem 即Semester(學期)，全年有3 個。Sem1、Sem2有15個星期，而 Summer Sem有7個星期。 ※Sembreak Sem與Sem中間嘅假期。 ※Mid-Term Sem中間嘅測驗，有啲分會計埋落 final㗎，小心啲呀！ ※過3爆4 理大學生嘅共同願望，GPA過4.0，但喺好鬼難！ ※FYP Final Year Project

Polynewlife.indd 4

地方篇 ※ Hall 理工大學學生宿舍。 ※ Libra Library嘅簡稱。 ※ 24 指圖書館嘅24小時溫習室，記住喺要由E Core入去呀！ ※ 半圓泛指VA 3樓嘅成堆莊房，佢地統稱半圓。 ※ 火車橋連接理大同紅磡火車站果條橋。 ※ 鐘樓喺M Core對面果座，因為外型顯眼，所以喺約人見面嘅好地方。 ※ CILL 位於A Core 3 樓嘅語文自學中心，一個學習英文嘅好地方。 ※ 民主牆 Library 隔離果個board，喺學生直接向學校表達意見嘅好地方。

2012/8/3 11:26:58

語：

組織篇

O-Camp篇

※ SAO Student Affairs Office，位於 ST314，處理有關學生資助計劃、提供獎學金、輔學等課程資料。 ※ 編委會全名喺學生報編輯委員會，莊房喺 VA301，負責出版PolyLife。 ※ Exco 理大學生會幹事會。 ※ Fac/ Dept Soc Fac=Faculty Dept=Department 前者為學院會，後者為學系會。 ※ UC 理大學生會評議會 ※ UJC 理大學生會仲議會

※ 大O 由學生會所搞的Ocamp，歡迎任何學系嘅同學。 ※ 中O 由Faculty所搞，同學要根據自己所屬的Faculty去番自己嘅Ocamp。 ※ 細O 由Department所搞，同學要睇吓自己屬於邊個department，再去番果個Ocamp。 ※ 暗O 冇經過評議會審批的非法迎新營。

動作篇 ※ 上莊 (動詞)去成為某學會幹事的一個步驟，籌備下一年嘅活動。 (名詞)上一屆的莊員。 ※ 頹飯當你冇錢嘅時候屈就去食新舊can嘅果啲飯。 ※ 屈蛇形容果啲冇宿位又去咗學校宿舍過夜嘅人。 ※ 摺唔參加任何活動嘅表現。 ※潛極人渣嘅行為。就喺承擔咗職務後唔見咗果啲人，要其他人同佢執手尾，總之可恥啦!!

Polynewlife.indd 5

人物篇 ※ 老鬼 n年前的莊員。(n > 1) ※ Freshman/蕃薯民剛入Polyu嘅新生，即喺你地囉！

其他 ※ 紅磚理大學生會官方刊物，由學生會幹事會出版部出版，主要報導理大學生會消息。

2012/8/3 11:26:58

Polynewlife.indd 6

尋找「理」的課室相信大家一入到嚟理工大學，睇完個上課時間表之後，都會發現有好多上課地點，但係又唔知佢講咩。不過唔駛擔心，等我係度教吓你地點樣搵課室啦!! 例子一：FJ302 F = F Core，J = J Core => FJ = F Core同J Core之間 302 => 即係3樓嘅302號課室例子二：R1007 R = R Core 1007 = > 即係10樓嘅1007號房。特例：ST111 S = S Core ，T = T Core => ST = S Core 同 T Core 之間但留意 ST111 只可以由S Core 進入，由T Core 入唔到去㗎。睇完上面果個例子，我相信大家都應該識搵我地理大既課室喇，咁就開開心心去上堂啦！

2012/8/3 11:26:58

設施全面睇溫書

大家一入到嚟Poly，面對偌大嘅校園，想印notes去玩去hea都唔知應該去邊度。不過大家唔駛驚，有我喺度，宜家我就為大家介紹吓Poly裡面唔同嘅地方啦！

包玉剛圖書館圖書館每層都安排咗好多嘅位置俾大家去溫習。不過呢度每逢mid－term同final都會特別多人，大家果時搵位就要趁早喇！

24小時溫習室(24) ★晚上11時後從E Core入。圖書館為了配合學生嘅需要，特登開咗個 area俾大家溫書溫通頂，佢就喺我地平時成日講開嘅廿四喇！呢度唯一嘅特別之處就喺可以傾計，所以喺度開會傾project喺完全冇問題嘅。

電視房（Ｓ２１１）地址：文康大樓Podium 一個非常正嘅地方。有舒服嘅沙發、電視、電腦、雜誌、報紙……總之喺度Hea就正啦！

Polynewlife.indd 7

2012/8/3 11:27:01

做運動年青人，除咗溫書去玩之外，都要周不時做吓運動，正所謂日日運動身體好，以下喺我地polyu一啲體育館嘅資料，咩都有得玩㗎！

邵逸夫體育館地址： VS Core (可由舊can正門側邊入) 開放時間： Mon-Fri 08：30 – 21：30 Sat- Sun 09：30 – 21：30 Public Holidays Closed

聯校運動中心聯校運動中心由香港城市大學、香港浸會大學及香港理工大學共同管理及使用。地址：九龍塘聯福道36號電話： 27941168 網址： http://www.hkbu.edu.hk/~jsc/

廣安金禧體育中心地址：文康大樓地下及1樓

Polynewlife.indd 8

2012/8/3 11:27:03

去hea～～莊房(半圓) 開放時間：24小時(註：大前提要果間莊房有人) 地址：VA 3樓 VA 3樓冇野多，最多㗎就喺莊房喇！上面有唔同嘅莊房啦，你地其實可以隨時上去搵吓你地啲組爸媽傾吓計，re吓u咁都幾開心㗎！喺呢度要順便講吓，我地Presscom嘅莊房就喺 VA 301，記住得閒過嚟吹水啦～

校徽廣場呢度個名好鬼好聽，其實呢度只喺一個印咗個校徽嘅露天空地。但喺呢如果果日天氣好，藍天白雲嘅話，坐喺呢度傾吓計吹吓水又真係唔錯嘅。

M Core 電腦中心 (李嘉誠樓) 除咗Print notes，M Core裡面有好多電腦，可以盡情咁用。但喺記住記住記住呀，一定要帶學生證，否則你地喺入唔到去㗎！

Polynewlife.indd 9

2012/8/3 11:27:05

睇醫生大學生通常都日理萬機㗎啦！但喺日日日理萬機，再好嘅身體都可能支持唔住啦！所以病咗有時都無可厚非嘅~~Polyu喺會俾睇醫生嘅優惠你：

Polynewlife.indd 10

大學醫療保健處

理大中醫診所

地址：A001 電話：2766 5433 網址：http://www.polyu.edu. hk/~uhs/index_chi.php （上網book完之後，去到俾＄15蚊就得㗎喇，不過要帶學生證喎記住！）

地址：A Core地下（用番book西醫個網，都可以用嚟 book中醫㗎。中醫啲藥你可以揀藥粉，飲用起上嚟都好方便㗎！）

牙醫診所

眼科視光學中心

地址：GH020 電話:：2330 9414 網址：http://www.polyu.edu. hk/~uhs/chi_05_01.php

地址： A034 電話：2766 5225 網址： http://www.polyvision. com.hk/

2012/8/3 11:27:08

買野褔利專門店(褔記) 開放時間： Mon－Fri 09：15 － 18：00 Sat 09：30 － 12：00 Sun & Public Holidays Closed 地址: VA 1樓簡介：呢個喺由學生會幹事會褔利事務委員會管理，文具同小食都比出面平㗎！但喺要出示番會員證先買得！

便利店(7仔) 開放時間： Mon－Sun 07：00 － 23：00 地址：VA平台簡介：早餐９蚊連野飲，有時亦都會有平價零食野飲賣，平時買野靠晒佢㗎啦！

書店開放時間： Mon－Fri 1000 － 1930 Sat 1000 － 1700 Sun & Public Holidays Closed 地址：VA平台簡介：ＰＯＬＹ入面嘅書店，上堂參考書、交Project嘅光碟、文具等等都可以係度買到。

Polynewlife.indd 11

2012/8/3 11:27:12

Print Notes 其實本身print notes都可以喺自己系房度搞掂埋，通常每個系都會俾啲唔同嘅優惠你嘅，但喺每個系房嘅位置都唔同，有啲都真喺幾偏僻吓。如果一時急起上嚟，都真喺唔知點算，所以宜家我就介紹啲地方俾大家啦！

包玉剛圖書館開放時間： Term Time Exam Period Mon－Fri 08：30 － 23：00 08：30 － 23：00 Sat 08：30 － 23：00 08：30 － 23：00 Sun 12：00 － 22：00 08：30 － 23：00 Public Holidays Closed 08：30 － 23：00 電話: 27666863 其實喺我地嘅圖書館，層層都可以print notes㗎!! 黑白列印/影印每版 $0.2 彩色列印/影印 A4/A3 每版 $3

褔記影印場開放時間: Mon－Fri Sat Sun & Public Holidays 地址: VA 1樓

Polynewlife.indd 12

09：15 － 18：00 09：30 － 12：00 Closed

2012/8/3 11:27:14

M Core 電腦中心 (李嘉誠樓) 3樓開放時間： Mon－Fri 08：30 Sat、Sun & Public Holidays 09：00 4樓開放時間： Mon－Fri 08：30 Sat 09：00 Sun & Public Holidays Closed

－ 23：30 － 23：30 － 23：30 － 23：30

常用網頁入到嚟大學，除咗上述嘅野外，最緊要嘅就喺內聯網。因為Poly有好多唔同嘅內聯網，用起上嚟都幾混亂嘅，所以以下我就會為大家簡單咁介紹吓咁多個內聯網啦！ Polyu Connect 網址：http://www.polyu.edu.hk/connect/ 理工大學學生Check e-mail嘅一個網址，activate咗個account 就入得㗎喇!

Web CT System 網址：http://webct2.polyu.edu.hk/webct/public/home.pl 學校啲Professor好鍾意將啲course information同notes放上去，同埋有時考試出grade都可以睇呢個網㗎!!

Learn@PolyU(理學網) 網址：https://learn.polyu.edu.hk/ 呢個網同web CT嘅作用差唔多，不過有時啲professor都會用呢個網嚟放notes 㗎!!

eStudent 網址：https://www38.polyu.edu.hk/eStudent/ 個網前身喺AS student Page。呢個網喺用嚟add/drop科目，睇上堂時間表，睇 exam timetable同result等等..

Student Account Enquiry 網址：https://www40.polyu.edu.hk/fosae/pages/login.jsf 呢個account喺用嚟紀錄番一啲喺學校嘅交易紀錄，例如俾學費、hall Fee等

Polynewlife.indd 13

2012/8/3 11:27:15

食-校內 LibCafe(Pacific Coffee) 地址：包玉剛圖書館 P/F 平日營業時間：08：30－22：45 如果你鐘意一邊睇書一邊飲番杯香濃嘅咖啡的話，包玉剛圖書館就岩曬你啦！因為包玉剛圖書館一大特色就喺入面開左一間咖啡店，俾大家喺寧靜的環境下感受到被書本同咖啡香包圍嘅幸福感覺。而且，價格亦比出面嘅平！

舊can、新can 新can地址：文康大樓3樓

舊can地址： VA G樓平日營業時間：07：30 －20：30 舊can即喺我地平時食開嘅大家樂而新 can就喺由美心集團所經營，兩個can嘅食物款式都好豐富，包括唔同嘅中西式美食，選擇多之外仲又平又大碟。一到lunchtime同下午茶時間都會比較多人，所以一落堂就最好去霸定位先啦。不過，新can有一個特別之處就喺我地要拎左食物同飲品之後先去俾錢。

Polynewlife.indd 14

2012/8/3 11:27:26

南北小廚地址：文康大樓 4樓平日營業時間： 10：30 －20：30 如果想同一班同學re-u或者想揾地方嘆個悠閒嘅下午茶，南北小廚就岩曬你地啦。事關南北小廚就喺poly嘅一個小茶樓，可以俾大家去嘆番吓一盅兩件。不過，要留意嘅喺下午茶時段喺由2：30開始，採自取形式，先到先得。愈早去就有愈多款式可以選擇，每人二十幾蚊就可以食到飽一飽，真喺好抵食咖！

Ol iver’s Super Sandwiches 地址：N core 平日營業時間：07：30 －21：00 如果想試下喺比較大自然嘅地方食個靚飯嘅話可以到位於草地嘅super sandwiches. 有兩層嘅super sandwiches,無論你坐喺上層還是下層，你都可以望到poly果個綠油油嘅草地。佢最出名嘅焗薯同咖啡，喺度食野可以感受到一種寧靜同悠閒感。

caff è HABITŪ 地址: FGHJ四個CORE中央平日營業時間： 08：00 －22：00 如果飲悶左室內嘅咖啡店,大家不妨可以去試下露天嘅咖啡店，感受一下外國風。事關poly新開左一個玻璃屋式咖啡店(habitu),個度正正開喺天幕下，玻璃屋裡面有少量座位，而主要座位都喺室外，可以搵埋班知己良朋一齊去食，都幾有Feel。

Polynewlife.indd 15

2012/8/3 11:27:34

靚can（Theatre Lounge）地址：A Core 地下

平日營業時間：10：30 - 20：30 靚can嘅位置比較遠而且價錢唔平，所以一般都比較少人去食。不過，靚can嘅裝修同佈置的確喺唔錯，環境清幽。如果想感受下喺高雅啲嘅canteen食飯，大家不妨可以去食set lunch同下午茶，人少少嘅感覺有時都真喺唔錯咖！

食-校外時新快餐店地址：紅磡黃埔街1A地下

電話：2362 1279 價錢：約$20 營業時間：06：00-21：00 推介食品：港式漢堡包位於Poly附近嘅呢間地道快餐店同其他連鎖快餐店好唔同。呢到所點嘅漢堡包全都喺即叫即做，絕對喺新鮮熱辣出爐。食落去洋蔥爽脆有汁，而且漢堡扒有牛肉味，令人食慾大增！除咗漢堡包外，即叫即炸嘅雞脾都有肉汁，值得一試。

Polynewlife.indd 16

2012/8/3 11:27:38

聯記川王涼粉地址：紅磡黃埔街1號地下

電話：2127 7559 價錢：約$40 營業時間：12：00－2：30 （每月21至27號休息）推介食品：酸辣粉、蒜泥白肉假如大家喜歡食辣嘢的話，一定要試試聯記川王涼粉。酸辣粉辣度十足，粉質爽滑。薄薄嘅豬肉片再加上厚厚嘅蒜泥，食落好濃嘅蒜香，而且盒中亦有口感清爽嘅青瓜，令整道菜油而不膩。

媽咪雞蛋仔地址：紅磡黃埔街2號A地下

價錢：$15 推介食品：原味雞蛋仔、朱古力雞蛋仔喜歡食小食嘅你，行過紅磡橋時一陣芳香撲鼻嘅雞蛋仔氣味必定吸引你走到呢間雞蛋仔舖到。呢到嘅雞蛋仔咬落香脆，食落軟糯，真喺有十五元嘅水準。必食嘅仲有朱古力雞蛋仔。蛋漿入面嘅朱古力正處於半融狀態，而且朱古力味唔會太搶，勁夾！

美味佳地址：紅磡寶其利街2號

電話：9235 7213 價錢：約$24 營業時間：11：00－03：30 推介食品：燒烤雞全翼時間表有天地堂或者住Hall想揾宵夜食，你可以選擇美味佳。間舖營業時間長，可以咩時候嚟食下嘢都得。呢度出名嘅喺即叫即燒孜然烤雞全翼。食落皮脆肉嫩之餘仲有肉汁，真喺值得一試！如果只喺食烤全翼唔夠的話，仲可以叫多碗車仔麵食！

Polynewlife.indd 17

2012/8/3 11:27:43

百景好餐廳地址：紅磡黃埔街

電話：2333 3029 價錢：約$40 推介食品：小菜客飯如果經常食茶餐廳午市套餐大家都應該會頹。但百景好餐廳除咗普通午市套餐，呢到嘅小菜客飯都好有香港味道。每次幫襯，筆者都會點咕嚕肉同西檸雞。兩道小菜都喺用炸粉炸嘅，而可喜嘅喺炸粉並唔厚，味道又恰到好處，排骨同雞球都頗多，完全能夠滿足份量同味道嘅要求！

越南亞呂地址：紅磡寶其利街12A與黃埔街42A

交界電話：2334 5818 價錢：約$30 營業時間：11:00-22:30 推介食品：生熟牛肉河、扎肉湯河、越式春卷想經濟啲食下越南粉的話，行過條紅磡橋有間做街坊生意嘅越南菜館。呢到嘅套餐包括有一碗精緻而足料嘅越南粉同一杯飲品。所有食品都喺新鮮做起！越式春卷亦鬆脆可口，喺小食嘅必然之選！

潤一潤甜品屋地址：紅磡湖光街1-7號聯盛大廈10F地

舖電話：2365 9068 價錢：約$20 營業時間：15:00-02:00 住Hall晚上悶悶哋想同朋友坐下食糖水同吹水的話，潤一潤甜品屋就可以滿足呢個要求。樓面本身唔算大，但勝在舖外有摺檯可以坐低傾下計。呢到嘅綠茶雪花冰都幾有綠茶味，大約二十蚊算喺抵食！ 18

Polynewlife.indd 18

2012/8/3 11:27:49

生記滷味地址：紅磡蕪湖街62號地下

電話：2382 5269 價錢：約$35 營業時間：09:00-21:00 推介食品：滷水鵝、鵝腸、鵝肝若果大家唔想成日去快餐店或茶餐廳食晏的話，以下介紹嘅老字號潮州滷味店會喺個好選擇。滷水鵝固然喺滷味店必賣嘅，但呢間店選用嘅獅頭鵝肉質肥美，而且滷水又浸得嫩滑，甘香可口。另外，滷水鵝腸同鵝肝亦都喺唔錯嘅小食。鵝腸入味，口感爽脆，鵝肝質感較粉。

詠藜園四川擔擔麵地址：紅磡德安街7號黃埔新天地

黃埔花園8期102-103&105號舖電話：2320 6430 價錢：約$40 營業時間：06:00-22:30 推介食品：擔擔麵、窩貼正宗四川擔擔麵以細滑麵條同分別以芝麻醬、辣椒油同肉碎等材料製成嘅醬料而聞名。今次介紹呢間餐廳雖然比較遠，但呢到嘅四川擔擔麵就有齊以上賣點，而且喺葱花嘅配搭下，醬料非常香濃。而且窩貼皮脆多汁，同麵一齊食真喺絕配！

Polynewlife.indd 19

2012/8/3 11:27:55

美味軒美食地址：尖沙咀科學館道14號新文華中心地下17-20號舖價錢：約$20 營業時間：06:00-04:00 推介食品：肥牛米線除咗學校canteen外，如果想揾間抵食而又飽肚嘅餐廳，美味軒美食喺個唔錯嘅選擇。外賣只要廿二蚊就可以食到鋪滿面又大大碗嘅叉燒、切雞、燒肉或肥牛米線。如果大家喜歡食辣的話，呢到嘅酸辣辣度恰到好處，一定啱食！

好時沙嗲地址：尖沙咀麼地道63號好時中心144-

148號舖電話：2739 9808 價錢：約$40 營業時間：12:00-22:00 推介食品：海南雞飯、喇沙鍾意食東南亞菜嘅各位一定要試下呢間餐廳喇！因為好多人都為左呢到嘅海南雞飯、油飯同串燒慕名而來。但筆者今次唔只重點介紹剛才兩款菜色，而喺想推介下呢到嘅喇沙。佢嘅湯底十分香濃同口感豐富，加上麵條同配料入味程度剛剛好，令到碗喇沙層次倍增！

BIG PIZZA 地址：尖沙咀科學館道14號新文華中心

B座地鋪電話：3622 3622 價錢： $40以下營業時間： 11:00-03:00 推介食品：串燒雞肉薄餅薄餅唔只喺個幾間大型連鎖店有得食。正正位於尖東橋下面嘅呢間BIG PIZZA可以話又大又好食。款式有磨菇火腿、夏威夷批、辣肉腸批等等。

Polynewlife.indd 20

2012/8/3 11:27:59

Polynewlife.indd 21

玩口痕痕，想做歌神？尖沙咀有兩間KTV可以比你同班fd過足癮！

Neway 經火車橋尖東方向，一落橋就可以見到港晶Neway。K-lunch絕對喺大學生渡過天地堂嘅不二之選。學生仲免加一添，55 蚊就可以唱到四點。地址：九龍尖沙咀東部加連威老道100 號港晶中心3字樓電話：2196 2196

Red MR Red MR 嘅歌手選擇就冇咁多，但勝在有四大唱片公司嘅新歌。Lunch set豐富，包湯、前菜、主菜、甜品同飲品，都喺 60蚊有找。但喺呢間分店門面極度隱蔽，大廈門外不設指示牌！建議從尖沙咀站N2出口直行50米，Rolex店旁邊果座唔起眼嘅商業大廈上一樓就到。地址：尖沙咀加拿分道25-31號 1-2樓 (K-11旁) 電話：3125 3125

2012/8/3 11:28:00

Polynewlife.indd 22

黃埔吉之島 Shopping魔想穩shopping mall？吉之島你點可以錯過！入面仲有平靚正嘅十蚊店。男同學唔想行街都有計，落吉之島底層2樓打機就岩晒你。地址：紅磡黃埔花園德安街30號

雷霆保齡球場手fing fing 不如齊齊去轆ling！雷霆保齡球場除保齡球之外，更設有英式桌球室同飛鏢機。玩攰左仲可以去免費上網區hea翻下。地址：紅磡黃埔花園第八期蔡瀾美食坊地庫B1 電話：2122 9822 價目：每局$26（平日），$42（假日）夏天熱辣辣，搞到人頭噩噩，唔想四圍度？咁就坐定定睇翻場戲啦。

嘉禾黃埔戲院黃埔戲院由嘉禾接手後新開幕不足三年，場地寬敞舒適，影廳内喺全新嘅紅色Sinomax座位，更有高清嘅新放映機及銀幕，絕對喺殿堂級享受。地址: 紅磡德安街7號黃埔花園第8期黃埔廣場2 樓電話: 2622 6688

華懋廣場戲院華懋戲院則有二十幾年歷史，如今工作人員零丁，影廳嘅梯級座位傾斜度不足，銀幕清晰度亦欠奉。惟獨經典裝潢能予人懷舊感，可謂另有一番風味。地址: 九龍尖沙咀東麼地道77號華懋廣場地下電話: 2311 3004

2012/8/3 11:28:02

入得嚟大學，住hall可以話喺不可缺少嘅一部份。一嚟可以盡快融入大學生活，二嚟又多ｄ機會識到志同道合嘅朋友。不過講到住Hall，望住五花八門嘅宿舍堂，一時三刻真喺唔知點揀好。喺度就俾各堂簡介同埋特色比大家參考下啦。

民殷堂樓層：3-4/F 聯絡方法：66853126 (Susanna， IVP) 特色：位於三同四樓嘅民殷堂，可以話喺處於Hall 嘅黃金地段。返學高峰期可以直接行樓梯去一樓，方便快捷。唔講唔知，民殷全堂分左四村－梅、蘭、菊、竹。雖然名為四村，每年過時過節，民殷堂都會兩次大型年度節目，名為春秋二祭，到時四村嘅民殷人都會聚首一堂，互相競技表演，鐘意熱鬧嘅新生就岩哂啦。

利生堂樓層：5-6 /F 特色：如果你中學時期喺校隊或者自問體育方面不俗，咁利生堂就絕對喺你嘅首選了。五六樓嘅利生堂，喺理大８Hall 之中嘅體育霸主，已經連續十年榮獲聯堂體育比賽總冠軍。各位熱愛運動嘅新生一定可以喺利生堂識到好多志同道合嘅戰友！！

Polynewlife.indd 23

2012/8/3 11:28:06

Polynewlife.indd 24

學敏堂樓層：7-8 /F 特色：有人話住Hall 嘅生活一定喺好chur，咁又未必嘅，學敏堂就喺一個好例子啦！作為紅磡宿舍唯一一個女Hall，學敏堂可以為各位文靜嘅女番薯民提供一個舒適嘅宿舍生活。而且，學敏堂仲喺一個溫馨嘅家庭嚟。當你悶果陣，出去Ｃommon搵個姊妹整下野食，睇下電視，或者傾下計都話咁易啦。

勵志堂樓層：9-10 /F 特色：充滿住青春活力嘅勵志堂，唔鐘意自成一角，好鐘意搵埋其他Hall 一齊搞活動嘅。好似Ocamp咁，一直以嚟嘅傳統都會聯同成德舉行跳舞競技。而今年勵志將會聯同開元，學敏及成德堂合辦情人節晚宴添。而且勵志堂仲有特色活動－勵志請客，會搵齊其他7堂同學聚首一堂，絕對喺一個廣結好友嘅好機會。自問鐘意玩，又唔想剩喺局限喺自己個ｈａｌｌ，勵志堂幫到你！！

2012/8/3 11:28:10

Polynewlife.indd 25

務賢堂樓層：11-12/F 聯絡方法： 97058890(嘉琪， IVP) 特色：如果你自問好鐘意玩，務賢堂就岩哂你啦。務賢堂一直致力舉辦最多，最潮嘅活動，務求做到總有一個活動岩返務賢堂嘅宿生。好似以前曾經搞過製皮活動同舞龍。而且，務賢堂嘅年度大型節目－務賢祭，會一連舉辦幾日，到時會約埋一齊玩war game、 BBQ、攤位遊戲、巴士TOUR，甚至有BUFFET同埋浮潛添。貪玩貪食嘅你咪錯過啦！

成德堂樓層：13-14 /F 聯絡方法： 61946464 (高野，President）特色：成德堂一直強調無為而治，喺自由嘅環境下，好多宿生都鐘意拎住個結他喺度練習表演，互相切磋。嚟緊成德堂仲會舉辦名為「成德音樂節」嘅大型活動，邀請各界音樂發燒友一齊同場表演。另外不得不提嘅喺，成德堂內有一個名為「爛玩團」，專門組識對郊遊活動有興趣嘅成德人四圍去，以往曾經去過下白泥，東龍島，甚至遠到雲南同桂林添。

2012/8/3 11:28:15

Polynewlife.indd 26

物華堂樓層： 15-16/F 聯絡方法：62802128 (Amanda， President) 特色：提到物華堂，首先一定要提雜耍啦。物華堂嘅雜耍文化去到今時今日已經有差唔多十年嘅歷史啦。到左依家，物華堂嘅老鬼依然逢星期二返去開班授徒，對雜耍有興趣嘅番薯民不容錯過啦。「食」亦喺物華堂嘅另一特色文化。一眾物華人特別鐘意相約埋喺廚房食番幾味，中餐又得，西餐又得，得左！唔識整野食嘅番薯民去到物華堂就唔駛怕無人教啦。而且經過現莊「昇華」嘅昇華之後，物華堂將會更多元化，更上一層樓，大家記得留意啦！

開元堂樓層： 17-18/F 特色：位處十七十八樓既開元堂，別有一番中國傳統風格。一入到去common 就見到一個寫住開元堂既中國古代牌匾就已經猜到一二了。開元既年度節目－開元清礁係玩之餘，亦不忘祈求宿生成績過三爆四，國泰民安，充滿著中國節目既特色啦。希望各位番薯民都可以感受到開元大家庭既歡樂。

2012/8/3 11:28:20

Polynewlife.indd 27

學業各位番薯民，以往中學老師或你的親戚都會營造大學喺一個學業壓力少嘅「天堂」。堂可以任走，Professor根本都唔記得你，一年又只喺得幾份功課。但喺，趁悲劇未發生，小編喺到奉勸一句，及早清醒。畢竟，身為二年級生嘅我，只會講一句「大學喺天堂其實只喺一個神話」，喺用黎呃你努力讀書升Ｕ。因為仲有一樣野，你未來三 or 四年都要計算住，佢就喺傳說中嘅GPA。所謂 GPA 就姐喺Grade Point Average，由各科成績決定。而各科成績則只由兩至三份Present 同埋Written Report 加埋Mid-Term同埋 Final Exam嘅成績決定，當去到sem中同sem尾果陣，六至七科嘅功課考試一齊黎，都唔喺小兒科啊，而且真喺死一份成千古恨！！佢會決定你去Exchange嘅機會同畢業時嘅Hons 等等。值得一提嘅喺，咪以為升到上大學就喺神仙，事關喺Polyu依到，假如你連續兩個學期GPA唔過2，被Quit U喺絕對有可能嫁! 所以各位最好都比心機讀書吧﹗

－呀然

2012/8/3 11:28:20

Polynewlife.indd 28

上莊有人話：「上莊喺大學必做五件事之一。」某程度上，我都同意嘅。因為上莊識到好多人既同時，又仲可以學到好多喺書本得唔到嘅野。由In-con(內部諮詢大會) 、O-con (公開諮詢大會)、投票期、理燃薪希(上莊慶祝會)去到籌辨迎新營等等嘅活動，每一樣野都係你以前未經歷過嘅。不過在此奉勸一句，上莊前請三思。各位番薯民唔好對上莊有任何誤解，莊喺做某一個組織嘅成員或幹事，而唔喺上興趣班。上一支莊，要對你自己同埋你嘅前輩，俗稱「老鬼」負責任，承諾做好莊期內應有嘅工作。假如你無心無時間付出嘅，都喺去做其他野啦。

－迪加

Exchange 如果屋企無錢或者成績未如理想，去唔到外國升讀大學嘅你，唔駛灰心住。事關去exchange 都可以解你心頭之痕。俾返Polyu一個學期嘅學費（約＄２１０００）到，就可以去到外國讀返一個學期，都咪話唔正。Polyu嘅 exchange programme都提供唔少地方嫁，由亞洲到歐陸北美各國都任君選擇。不過當然要睇下你咩成績啦。一般去歐洲嘅話，GPA過3都喺基本要求黎嫁啦，就算去亞洲各國都要過2.75，所以美好生活嘅背後係要付出嘅。－高飛

2012/8/3 11:28:21

Polynewlife.indd 29

工作恭喜各位番薯民，你地已經成為PolyU嘅一份子。至於搵工，大家亦唔需要擔心，因為PolyU提供好多唔同嘅工作機會，俾大家好好利用假期，累積工作經驗，充實自己嘅履歷表﹗ 以小妹為例，喺PolyU短短兩年，就有幸參與過兩次唔同嘅實習：第一年，我去左北京實習，實習機構正喺大名鼎鼎嘅新浪微博。我負責微博唔同版本嘅翻譯工作，雖然只喺一個小小嘅翻譯員，貢獻唔算多，但有份加入微博團隊令我畢生難忘；至於第二年，我到左本地科學園實習，今次情況岩岩相反，實習嘅公司規模較小，全公司只得五個人﹗我地由草擬產品功能、製作產品的實體、到設計網頁、甚至與客人傾談合作細則，每個環節都參與其中。兩份工作，得到嘅經驗截然不同，大家都可以按照自己嘅喜好，去參加唔同嘅實習計劃。唔知點參加？去你地嘅院系辦公室或者SAO度問下啦﹗ 最後提番一句，大學嘅運作其實好簡單，機會同GPA成正比，GPA高嘅，選擇自然多，相反GPA低嘅，選擇就可能冇咁多囉。所以，大學五件事喺要做的，但做還做，唔好唔記得你嘅GPA呀！－DIA

2012/8/3 11:28:22

Polynewlife.indd 30

理大FAQ 歸納左幾種大家經常會問嘅問題，雖然有部份前面都講過，不過不嫌其煩係度再講多次啦。

想買紙筆文具去邊度？可以去VA 2樓既書店或者VA 1樓既福利專門店，不過記得帶學生證同埋學生會會員證。順帶一提，呢兩間野買到既唔止文具咁簡單：福利專門店固然有零食、雪糕賣，有時做Project 要燒光碟交softcopy比 professor，VA 2樓既書店就有光碟可以散賣。

幾時可以入學會? 開學後幾個星期會開始招人，到時會喺Podium度放攤位宣傳，有機會需要入會費。

幾時可以上莊? 大約由10月中旬開始，各組織都會開始招莊活動，到時可以留意下 MailBox，理大正門展示版及校內各組織的海報。

Lec/Tut/Sem有咩分別? Lec = Lecture，喺一大班人一齊上堂，包括同學系不同科的，少至六七十人，多至百幾個人，通常唔會點名。 Tut =Tutorial ，通常係自己班上，會教書、做習題同埋匯報。由於人數較少，多數要點名。 Sem =Seminar，短過Lecture，有陣時會邀請到Guest 做講座。

2012/8/3 11:28:23

Polynewlife.indd 31

學生證有咩用? 一、二、三、

證明自己喺POLY學生入閘要用(如：M Core , Library, 邵館, 文康大樓) 去指定店舖出示會有大學生優惠

學生會證有咩用? 一、二、三、

喺福記買野要出示學生會證成為組織會員或上莊時都要用可以拎到福袋及學生會記事本

理大嘅Wifi點樣搞？憑Poly學生嘅身份，你可以用兩種唔同嘅wifi，一種喺Poly專用嘅PolyUWLAN，只有校內接收得到，可以用以下帳戶登入：用戶名 = 學生證號碼密碼 = Net Password

(e.g. 12345678D) (可以上網Set番)

另一種喺校外都可以用嘅大學wifi，例如「Universities WiFi」或者「eduroam」，詳情可以參考： http://www.polyu.edu.hk/its/services_facilities/LAN_Config/ 都喺唔明嘅話，可以去M core一樓，有專門負責呢方面嘅技術人員解答你問題。

理大校長係邊個？呢個唔識真係抵打，自己填。 _ _ _

2012/8/3 11:28:24

一張紙

一枝筆

無限可能！

招募HELPERS ！編輯－撰寫文章記者－採訪攝影美術－排版設計電郵： 41stpresscom@gmail.com 地址：香港理工大學邵逸夫樓VA301室

Polynewlife.indd 32

2012/8/3 11:28:25

總編輯嚴梓澄

編採部謝卓健黃浩然黃永驄曾國勁伍進權吳美琼黃遠文陳潤珠曾曉晴徐嘉偉黃君榑葉詩韻

美術部李彤蕭嘉燕聲明：學生報編輯委員會(Press Committee) 盡力確認本刊物內容之正確性，對於內容之正確性不負任何相關的法律責任。承印：陳湘記圖書有限公司

Polynewlife.indd 33

秘書趙儷璇林冠志譚葭康吳家麒

2012/8/3 11:28:28

Polynewlife.indd 34

2012/8/3 11:28:28