SAN DONA’ DI PIAVE A NAVE CITTANOVA COSTRUIA IN GRAVA DEL PIAVE
IN GRAVA IERA UN CANTIER NAVAL DE ŁE OFICINE STRIULI (STRUI) Ła motonave CITTANOVA łaé stada costruia sul cantier de łe oficine dei fradei Strui in
gołena del Piave e da i só operai, che da tanti che iiera parea che fuśe un formigher in movimento. Sta disenciamadanave a volte łaparea un cołośo de fero, e par i sandonatesi sepol dir che jera un vanto ver un cantier naval in riva al Piave. Sta nave donca łaiera stada commissionada dai fradei Pietropołi, e el só compito eliera quel de tegner verti i canałi de Venezia par ła navigazion, sendo diverse draghe che operea in laguna. Tornando a ła nave, łaiera posizionada dentro a ła gołena , co ła prua verso l’ arżare e el dadrio verso l’aqua . El cantier el iera servìo da na diśesa in terabatua, proprio in corrispondenza de ła riva da Nane (ła sałita che łaporta su ła strada par Grisołera), questa łaservia par portar łe lamiere de fero sagomae col cret col caval da łe oficine che leiera poc distante al cantier in riva. Sto scafo eliera costruì co tute lamiere imbrocae a caldo.
Na volta finia, tutti ispetea el giorno che ła vea da ndar in aqua, finałmente é vegù el giorno del varo. ‘L’é stat un avenimento – se pol dir che iera presente tuta San Donà; iera presenti tute łe autorità e che gh’ha dat na sołene benedizion ‘lé stat el Monsigor Saretta arciprete. Tutti a spetar che łaentreśe in aqua, intant se sente uno che dise: “Maśa fero, no łapol gałegiar”. Naltro eldise: “Ła se reversa”. Naltro ancora eldise: “Łava a fondo subito”. Invenze el varo elva benon, łagałegia; tutti a batar łe man e aplaudir, e a turno tuti contenti ié montaisu par farse ła fotografiaricordo. Intant łafea beła mostra ormegiada in riva par eśar finia. Na volta ultimada i ła ha provada in Piave e parea che łandeśe benon, ma quando che ié ndati fora in mar iha scoperto che el motor no ‘lvea forza, el jera maśa picoło par cheła barca là. Alora i gh’ha cambià el motor co uno pi potente e parea che łandeśe ben. Łajera stata costruia par trasportar merci a ła rinfusa nte ła só stiva, esempio: legname, carbon, granalie e tut quel che łapodea caricar. Subito s’ha manifestà che a pien carico in mar łajera instabiłe. Łaé riuśìa a far quattro zinque viaji da Venezia a Trieste e ritorno, però łaiera sempre instabiłe e lenta. Ła stiva de carico no łaiera coverta ,(forse par sparagnar) e questa łaé stata ła causa: trovandose col mar gros e ła stiva scoverta, l’acqua łaentrea dentro, tant che in poc tempo łaé afondada. Questa łaé stata ła fine de ła nave Cittanova, e del cantier naval che dopo ‘lha serà, e sul spiazo che iera restà, i tosati iżioghea al bałon. De ła nave e del cantier no se ghe n’ha pi sentì parlar.
Storie del presidente