Skýrsla st jórnar

Skýrsla stjórnar og forstjóra Skýrsla stjórnar og forstjóra

Samstæðuárshlutareikningur Íslandspósts ohf. fyrir tímabilið janúar til júní 2020 er gerður í samræmi við alþjóðlega reikningskilastaðla IAS34 um árshlutareikninga. Árshlutareikningurinn hefur að geyma samandreginn samstæðureikning Íslandspósts ohf og dótturfélags þess Trana ehf.

Tilgangur félagsins er að veita hvers konar póstþjónustu á grundvelli laga og reglugerða sem þar um gilda. Íslandspóstur ohf., gegnir veigamiklu hlutverki í því að tengja fólk, fyrirtæki og samfélög með því að miðla mikilvægum upplýsingum, gögnum og vörum til allra landsmanna og viðskiptavina þeirra hvar sem þeir eru á landinu.

Um starfsemi á tímabilinu:

Tap samstæðunnar á tímabilinu samkvæmt rekstrarreikningi nam...................................................................................... Eignir samstæðunnar í lok tímabils samkvæmt efnahagsreikningi námu............................................................................. Bókfært eigið fé í lok tímabils samkvæmt efnahagsreikningi nam........................................................................................ Eiginfjárhlutfall samstæðunnar í lok tímabils samkvæmt efnahagsreikningi nam................................................................ Fjöldi stöðugilda á tímabilinu nam........................................................................................................................................... (164.793) 6.966.540 3.037.940 43,6% 599

Ílok tímabilsins var einn hluthafi í Íslandspósti ohf.

Y firlýsing stjórnar og forstjóra Á reglulegum fundum hafa stjórnendur fjallað um stöðu félagsins vegna COVID‐19. Áherslur og aðgerðir hafa einkum beinst að öryggi og velferð starfsmanna í því skyni að halda uppi þjónustu við viðskiptavini. Einnig hefur vinnan miðað að því að fylgjast með flutningaleiðum og eftir fremsta megni bregaðst við breytingum þar að lútandi.

Stjórnendur félagsins hafa unnið að því að leggja mat á áhrif af COVID‐19 á fjárhag félagsins fyrstu sex mánuði ársins. Mikill samdráttur var í sendingum erlendis frá þar sem flutningaleiðir lokuðust ein af annarri frá janúar. Annar ársfjórðungur var þungur hjá félaginu en var 13% samdráttur tekna á milli ára og tap var af rekstri félagsins á því tímabili.

Ný póstlög sem tóku gildi 1. janúar 2020 gera ráð fyrir því að alþjónustuveitanda sé greitt fyrir þjónustu á óarðbærum svæðum. Íslenska ríkið hefur ákveðið að fela félaginu alþjónustuskyldu sem felst í því að tryggja öllum landsmönnum á jafnræðisgrundvelli aðgang að ákveðnum þáttum póstþjónustu, bæði innanlands og milli landa, með tilteknum gæðum á sama verði hvar sem er á landinu skv. 2. mgr.17 gr. laga nr. 98/2019. Á félaginu hvílir því alþjónustuskylda sem nær til sendinga allt að 10 kg. Með henni kemur sú kvöð að sinna þeim þáttum þjónustunnar sem ekki eru arðbærir. Ekki hefur verið gerður samningur um alþjónustu en félagið hefur verið tilnefnt tímabundið sem alþjónustuveitandi. Alþjónustan hefur verið fjármögnuð að hluta fyrir árið 2020 en enn hefur ekki verið gengið frá greiðslum á eftirstöðvum vegna þeirrar þjónustu. Unnið er að undirbúningi þess að gerður verði þjónustusamningur við alþjónustuveitanda.

Að áliti stjórnar og forstjóra Íslandspósts ohf koma fram í árshlutareikningi þessum allar upplýsingar sem nauðsynlegar eru til að glöggva sig á stöðu félagsins í lok tímabils, rekstrarárangri tímabilsins og fjárhagslegri þróun á tímabilinu.

Stjórn og forstjóri Íslandspósts ohf. staðfesta hér með árshlutareikning félagsins með undirritun sinni.

Reykjavík, 31. ágúst 2020

Í stjórn

Bjarni Jónsson

Auður Björk Guðmundsdóttir Thomas Möller

Jónína Björk Óskarsdóttir

F orstjóri Eiríkur Hauksson