Atuarfimmi Timersorneq Meeqqat inuusuttullu aalanerulernissaannik timersornerulernissaannillu aqutsissiuussisoq
Timip aalatittuarnissaa, pinnguarnerlu taassaaput ineriartortuarnissamut tunngaviliisuusussat!
�Atuarfik tassaavoq timersornerulernissamik siuarsaavissaq qitiusoq� Ilisimatuussutsikkut misissuinerit takutittualersimavaat meeqqat timimikkut atuinerisa annertussusaat aallaavigalugu ulluinnarni inuunerannut annertoorujussuarmik inuunerannut sunniuteqarsinnaasoq. Timip atornerulerneranut piffissaq sivikinnerusoq eqqarsaatigalugu meeqqat timersorneq aqqutigalugu soqutigisaqartut piuminarnerusumik oqinnerusumillu inoqatiminnut akuunerusalersarput, ilikkajanerusalersarput atuarnissamullu soqutigisaqarnerulerlutik, kiisalu nappaatinut assigiinngitsunut akuttunerusumik
aqqusaagaqartarlutik. Taamaasilluni pingaaruteqarluinnarpoq piaartumik siunissaq eqqarsaatigalugu qanoq inooriaaseqarnissap peqqinnarnerusumut sunniuteqarfiginissaa pingaaruteqarlunilu meeqqat timi atorlugu inuuneqarlarnissaannik sunniiniaqataanissaq, soorlu atuarfimmi timersornerulernissaq aqqutigalugu. Taamaasillunilu inuiaqatigiit siunissami napparsimaveqeqarnermut aningaasartuutigisinnaasaai aammalu inuup peqqinnerusumik siunertaqarluni inuujuartuarnissaa aqqutissiuunneqarsinnaavoq,
pualavallaanernissat, uummatip taqaasgut milittoornerit, saarngit sananeqaataasigut kiisalu sukkornermik nappaateqalersinnaanerit ungalassimaarniarlugit pinngitsoorniarlugillu. Atuarfik tassaavoq timi aalatillugu annertusaavissatut siuarsaavissat tulluunnerpaajusoq piuminarnerpaajusorlu, ullummi tamaasa meeqqat atuarfik najortarpaat ornittagaralugu. Timersorneq meeqqat tiimitut nuannarinerpaasarpaat, kisiannilu atuarfippassuit tamanna ajoraluar-
tumik pitsaasumik tunniussinnaaneq ajorpaat, timersortitsinermi atortorineqartut amigaatigineqarpallaarneri pisooqataasunut ilaammata. Massakkullu Atuarfimmi Timersornerup siammartiterlugit suliniutigiligaai piuminartuupput aallartikkuminartut atuarnerup nalaanni meeqqat aalanerulernissaannik siuarsaasut. Suliniutit assigiinngitsut kommunit peqqinnerulernissamik suliniuteqarnerannut tapertaalluarsinnaapput.
�Atuarfimmi timersornerup� iluaniipput sulinitissat assigiinngitsorpassuupput, massakkuugallartorlu Legepatruljen (Pinnguartitsisut), IdrÌtskasser (Karsit timersuutillu) kiisalu SKOLESPORT (Atuarnerup kingorna timersorneq) allallu pilersaarusiorneqaleruttorlutik. Suliniut Legepatruljen, Pinnguartitsisut (Pinku), anitsiarfinni pinnguarnerit, aalanerillu atorlugit timip aalatinnissaanut siuarsaasuusvoq. Atuartut angajulliit 6.-9. Klassit pinnguartitsisutut ilinniattinneqassapput Atuarfimmi Timersorneq aqqutigalugu, tassaasassapput anitsiarfinni pinnguartitsinissanik aallartitsisartussat aaqqissuisullu. Pinnguartitsisut tassaapput meeqqanik tunuarsimaarnerusunik aammalu timimut atuinermut tunuarsimaartunut ammartitsisartut ukiut, niviarsiaraaneq nukappiaaraanerluunniit kiisalu ukioqqortussutsit akimorlugit apeqqutaatinnagillu qiimmassaasartut.
Atuarfimmi timersorneq sunaana? Pinnguartitsisoqartarnermi saniatigut pissarsiaqaataasartut Pinnguartitsisoqartarneranik nalilersuinerit takutittarsimavaat atuarfinni pinnguartitsilluni aammalu aalanerulersitsisalernerit kingunerisarsimagaat, meeqqat tunuarsimaarnerusut aammalu timersornermullu tunuarsimaarnerusut kiisalu oqimaannerulaartut nuannaarlutik peqataasalersimammata, taamaasillutillu atuaqatiginngisat ilagineqartalersimapput
aammalu qinngasaarisarnerit malunnaatilimmik tammartarsimallutik. Pinnguartitsisoqarneq ataatsimuulersitsisarnermik tunngaviliisuusarpoq, atuarfimmilu atuartut amerlanerusut aalanerulernissaminnut pinnguaqataanissaminnullu periarfissittarpaa. Atuartut angajulliit akisussaaqataaneq pinnguartitsisuunissarlu pigiliuttarpaat, ersarilluinnartumillu atuartut mikinerusut pinnguarusuttuaannarnerat ersarilluartoq takuneqartarpoq, naak tammari-
artorneranik oqaluttoqartaraluartoq. Nuannersortarivaalu qiimmaallannartortaraluguli atuarfiit Pinnguartitsisunik aaqqissuiviusut qinngasaarisarnerit annikillerujussuartarsimammata. Soqutiginnittunut nittartagaq www.legepatruljen.dk aqqutigalugu suliniutit pillugit atuartoqarsinnaavoq.
Karsit timersuutillu Atuarfimmi Timersornerup (Grønlandsk Skoleidræt) karsit timersornernik atortunik imallit timersuutinillu assigiinngitsorpassuarnik periarfissallit neqeroorutigisinnaavai, taakku nunaqarfinni tiimelærenit imalluunniit allat meeqqanut inuusuttunullu timersortitsinissaminnut soqutiginnittut piuminartumik periarfissarisinnaallugit. Karsit timersuutinik imallit nunaqarfinni illoqarfinnilu timersorneq timersuutillu atorlugit timersornerup nuannersortaai pitsaaqutaalu aqqutigalugit taamaasilluni atuartunut mikinerusunut ineriartortitseqataasinnaammata. Siunnersorne-
qarneq annikitsoq atorlugu karsit taakku timersortitsinerup pitsanngoriarujussuarneranut aqqutissiuusisinnaapput, soorlu atuartut ilikkarnissaanut atuartinneqarneranullu pitsaalluinnartumik ineriartortitseqataasinnaallutik. Taamaasilluni karsit timersuutinik imallit ukiunut tulliuttunut timersornermik timersornerulernissamillu ineruartortitseqataanermik aallartiutitut ineriartortitseqataalluarsinnaapput.
Atuareernerup kingorna timersorneq Atuareernerup kingorna timersorneq tassaavoq kommunip aammalu timersortartut peqatigiiffiisa akornanni suleqatigiilluni meeqqat atuarfik qimanngikkaluarlugu timersorfiat. Atuarfimmi Timersornerup (Grønlandsk Skoleidræt) kommune suleqatigalugu atuarfiiit suleqatissat nassaarissavaat, tassanilu kommunimi ataqatigiisaarisussaq nassaarineqassalluni.
Meeqqanut mikinerusunut neqeroorutaassaaq, minnerpaamik sap.ak. marloriarluni ingerlanneqartarnissaa siunnerfigineqartassalluni. Atuarfiit taamatut pilersitseqataasut peqatigiiffilerinerup atuartuaqqanut ilisaritikkiartuaarneqarnnissaa aammalu qanoq atorneqarnissaanut periarfissat kiisalu atuarfiup illoqarfiullu nammineq tulluusagaanut aqqissugaasinnaalluni. Kommuninut tamanut Atuareernerup kingorna timersorneq peqqinnerulernissamut suliniuteqareernermut pitsaalluinnartumik tapertaasinnaavoq illersorneqarluarsinnaallunilu.
Atuareernerup kingorna timersornerummi iluaniipput qasujaallisarnerit, nerisat pillugit ilinniartsitsinerit kiisalu ataatsimut akisussaaqataaneq. Atuarfimmi Timersornerup (Grønlandsk Skoleidræt) illoqarfigisami atuartut angajulliit (Juniortræner) ilinniartinneqarnissaat aaqqissussavai, ukiullu ingerlanerani piukkunnarsaanerit pikkorissartitsinerillu ingerlanneqartarnissaat ikisussaaffigissallugu. Tamannalu pitinnagu kommunip Atuarfimmilu Timersornerup timersornermik ilinniartitsisut pikkorissartinneqar-
nissaat ingerlanneqassaaq, atuartut angajulliit timersortitsisutut ilinniartitsinneqarnissaat isumagisussaammassuk. Ilinniartitsisut ilinniartinneqarnissaat Atuarfimmi Timersornermiit neqeroorutigineqartassaaq piumasaqaataallunilu. Atuartut angajulliit ilinniartsinneqalernerat ataatsimut illoqarfigisami ”kick off-day”-tut taallugu aallartinneqassaaq. Soqutiginnittunut nittartagaq www.skolesport.com aqqutigalugu suliniutit pillugit atuartoqarsinnaavoq.
Qanoq ilissi kommunissinnut atuarfimmi timersorneq aallartinneqarsinnaava? Ilissi kommunissinni atuarfimmi timersorneq pillugu suliniutivut pillugit attaveqarfigersuppatsigit suleqatiseralusilu. Pitsaasumik ataavartumillu atuarfimmi timersorneq pitsaasoq ingerlanneqassappat pisariaqarluinnarpoq ilinniartitsisut atuartullu suleqatigiilluarnissaat. Pitsaasumik angusaqartoqarnera ingerlaannartumik malugineqarsinnaasarput takuneqarlutillu, aningaasat annikitsuinnaat tapiisutit atorlugit Atuarfimmi Timersornerup (Grønlandsk Skoleidræt) suleqatigineratigut kommunimi atuarfiit malunnaatilimmik suliniummut pissarsiaqarsinnaapput. Atuarfimmilu Timersorneq (Grønlandsk Skoleidræt) piareersimavoq qanoq atuarfinni timersornerup ineriartortinneqarsinnaaneranut siunnersuissalluni, tiimit piureersut saniatigut timersornerulersinnaaneq
eqqarsaatigalugu, aammalu qanoq ineriartortitsisinnaaneq atuarfinni pitsaasumik aaqqissorneqartalernissaa eqqarsaatigalugu.
Quppersakkap siunertaraa Atuarfimmi Timersornerup (Grønlandsk Skoleidræt) tunuliaqutaai suliniutaasalu ersarissarnissaai kiisalu kommunissinni aallarniinissassinnut sakkussanik aallerfissiaq.
Grønlandsk Skoleidræt
H.J. Rinksvej 10, Blok 1-101, 3900 NUUK Tel. +299 32 66 66, Mobil +299 48 52 33 info@timi.gl www.timi.gl