Сочна печена мисирка Одмрзнете ја мисирката, премачкајте ја со зачин и толчен лук. Направете засеци по нејзината површина со помош на нож и наполнете ги засеците со сланина и лук. Потоа, мисирката ставете ја во огноотпорен сад, заедно со маслото, ловоровиот лист и белото вино. Оставете ја да отстои минимум 4 часа (пожелно е да ја оставите цела вечер) со повремено превртување, за рамномерно да впие од виното од сите страни. Внатре во мисирката ставете ја главицата кромид и исецканиот праз. Ставете ја да се пече во добро загреана рерна на 250 степени. По 15-тина минути, намалете на 150 и оставете да се пече околу 4 часа. Откако ќе испари целата течност, прелите ја со пиво и печете уште малку, односно додека не зарумени. Откако ќе ја извадите од рерната, пред да ја послужите можете да ги извадите кромидот и празот.Како прилог, најдобро би оделе печени компири. Со ова јадење Ви препорачуваме да се напиете Александриа Црвена Класик од Винарската визба Тиквеш.
1 мисирка од 4–5 кг Перутнина | неколку парчиња тенко исецкана димена сланина Римес | 1 главица кромид 1 праз | малку лук | сол | зачин био начин | 1dl масло за јадење Дијамант | 2–3dl бело вино Смедеревка 1чаша Пиво Скопско | 2 ловорови листови