ངོ་སྤྲོད་གསང་དོན་རབ་གསལ།

!ས་འཁོར་ཆོ ས་)ོ ར་། ༢༨

༄༅།།¢ངོ་'ོད་གསང་དོན་རབ་གསལ། ཇོ་ནང་&ོགས་ལས་*མ་,ལ།

ནང་བ/ན་རིག་མཛ3ད་ངེས་དོན་དཔེ་ཚ3གས་འ9ལ་དེབ་:ེ་གནས།

མཚན་byང་། ༄༅།།¢¢ཟབ་ལམ་1ོ་2ེའི་6ལ་འ7ོར་8ི་ངོ་'ོད་གསང་ དོན་རབ་གསལ་ཞེས་7་བ་བ:གས་སོ།།

ཇོ་ནང་&ོགས་ལས་*མ་,ལ།

བོད་,ལ་ལོ། ༢༡༤༢ &ི་ལོ། ༢༠༡༥ ལོར་འ9ལ་དེབ་A་ཕབ། ནང་བ/ན་རིག་མཛ3ད་ངེས་དོན་དཔེ་ཚ3གས་འ9ལ་དེབ་:ེ་གནས། གཙ*་sgr,ག་ཚ-གས་uང་།

Cོབ་/ོན་པ། མཁས་དབང་བདེ་ལེགས་རབ་,ས། མཁན་པོ་Eལ་Fིམས་དར་,ས།

འ9ལ་དེབ་གཙ3་Hིག་པ། བེ་རི་རིག་པའི་Iོ་Jེ། Kི་ནང་དLིངས་རིག བོད་,ལ་ལོ། ༢༡༤༢ &ི་ལོ། ༢༠༡༥ ལོར་འ9ལ་དེབ་A་ཕབ། ནང་བ/ན་རིག་མཛ3ད་ངེས་དོན་དཔེ་ཚ3གས་འ9ལ་དེབ་:ེ་གནས། དབང་ཚད། དེབ་འདིའི་དབང་ཚད་རིག་མཛ3ད་M་བར་ཡོད་པས། ཆོག་མཆན་མེད་པར་བPར་དཔར་དང་Qར་ བཅོས་སོགས་Lེད་མི་ཆོག་པ་,ལ་Sིའི་དཔེ་དེབ་Fིམས་Tགས་:ར་ཡིན། འUེལ་བ་Lེད་Vལ།

Tashi Choeling Buddhist Center 1889 Fiddlestick Ln Charlottesville, VA 22903 USA

Email: rigdor77@gmail.com Website: www.rigzod.org

ཆེད་བrjོད།

ཉེ་བའི་Xས་རབས་ནང་Yོ་གZ་བོར་གནས་ཤིང་Yོ་\ོས་]ི་ནོར་དང་^ན་པའི་Pེ་བོ་མི་ _ང་བ་ཞིག་གིས། ང་ཚ3་མིའི་རིགས་འདིའི་ཉིན་རེའི་འཚ3་བའི་ཐད། &ི་དངོས་པོའི་དགོས་མཁོ་ ལས་ནང་བསམ་Yོའི་དགོས་མཁོ་གལ་ཆེན་X་མཐོང་ནས། འདོད་bམ་ཅན་cི་དངོས་གཙ3་d་བའི་ :་eབ་དང་། རེས་འཇོག་ཅན་cི་ཚན་རིག་གི་ལག་Kལ་fབ་འཕེལ་cི་ཁོར་Vག་ལས་ཡོངས་g་ བhལ་ཏེ། བོད་]ི་ནང་བ/ན་རིག་པའི་གjང་Tགས་ལ། ཚད་ངེས་ཅན་cི་ཐོག་ནས་དོ་kང་ དང་གདེངས་འཇོག་Lེད་བཞིན་པའི་lབས་འདིར། ང་ཚ3་གཞན་ཕན་cི་mགས་Jེ་དང་Lམས་སེམས་]ི་ཞི་བདེས་mགས་nད་ཡོངས་g་ གཏམས་པའི་/ོན་པ་སངས་,ས་]ི་Jེས་འoག་དpས་མ་ཞིག་གི་ངོས་ནས། ཇི་lད་X། “མ་དར་ བ་*མས་g་དར་བར་Lེད་ཅིང་། དར་བ་*མས་དག་ཅིང་འཕེལ་བ་དང་། ཉམས་པ་*མས་གསོ་ qས་པར་rར་ཅིག” ཅེས་གgངས་པ་:ར། /ོན་པ་མཆོག་དེའི་བ/ན་པའི་sིང་པོའི་sིང་པོ། ཐེག་པ་ཐམས་ཅད་]ི་མཐར་mག ངེས་དོན་དt་མ་ཆེན་པོའི་རིང་Tགས་ལས་བKམས་པའི་ཆེས་ ངོ་མཚར་uད་X་vང་བའི་ལེགས་བཤད། ངེས་མདོ་བw། sིང་པོའི་མདོ་x་སོགས་དང་། Lང་ yབ་སེམས་དཔའི་འ\ེལ་བ་lོར་གgམ། ད་Xང་བསིལ་zོངས་{ན་མfེན་|ོན་པ་བཞི་^ན། Jེ་ བ}ན་ཐམས་ཅད་མfེན་པ་~་ར་•་ཐ། ཀu་པ་རང་vང་Iོ་Jེ། {ན་མfེན་•ོང་ཆེན་རབ་ འLམས། འཇམ་མགོན་Y་མ་ཙ3ང་ཁ་པ་ཆེན་པོ་སོགས་འཛམ་‚ིང་ƒིལ་བོའི་fོན་X་ཉི་„་:ར་ ཡོངས་g་\གས་པའི་འཕགས་བོད་མཁས་eབ་*མས་]ིས་མཛད་པའི་གgང་རབས་ཁག ༼ངེས་ དོན་sིང་པོའི་དཔེ་ཚ3གས་༽ཞེས་པའི་ཚན་Kལ་དཔེ་མཛ3ད་]ི་/ེགས་tར་བཀོད་དེ། འདོད་དང་ ཐར་བ་དོན་X་གཉེར་བའི་,ལ་Sིའི་ཤེས་^ན་མི་kའི་གཙ3ས། བོད་དང་བོད་ཡིག་ལ་དགའ་བའི་ Pེ་བོ་*མས་ལ་‡ག་བསམ་མཚ3ན་པའི་ལེགས་Pེས་g་ˆལ་བ་ཡིན། དཔེ་ཚ3གས་འདིའི་མ་ཡིག་ཁག་ཅིག་དཔེ་‰ིང་དཀོན་རིགས་ཡིན་/བས། མ་དཔེ་ལ་ལ་ ‰ིང་Šལ་X་སོང་བས་ཡི་གེ་མི་མཐོང་བ་དང་། མ་དག་པ་ཡང་གང་འཚམ་འXག་པས། ཡི་གེ་མ་

དག་པ་*མས་སོར་བཞག་Lས་ཏེ་‹ག་|གས་འདིའི་༼༽ནང་དག་བཅོས་Lས་པ་*མས་བཀོད་ ཅིང་། ད་Xང་གjང་གི་མཆན་t་*མས་]ང་གོང་བཞིན་|གས་དེའི་ནང་བཞག་ཡོད། འདིར་དམིགས་]ིས་j་དགོས་པ་ཞིག་ནི། ང་ཚ3འི་qས་བŒན་cིས་jས་དག་ཐེངས་འགར་ Lས་ཤིང་། •ོག་བདེའི་ཆེད་ས་བཅད་,ས་པ་གསར་བHིགས་jས་ཡོད་མོད། ང་ཚ3ར་འདིའི་ཐད་ ཉམས་•ོང་ཞན་པ་དང་། Xས་ཚ3ད་ཤིན་A་དཀོན་པའི་དབང་གིས། ད་Xང་Pོན་དང་ནོར་ འŽལ་མི་_ང་བ་ཞིག་ཡོད་པ་གདོན་མི་ཟ་བས། ཤེས་^ན་*མས་]ིས་དེ་Tགས་]ིས་དགོངས་Eལ་ ཐད་ཀར་གgང་ན། ང་ཚ3ས་འ•ལ་X་བPར་ཞིབ་དང་དག་བཅོས་j་nའི་ཁས་ལེན་ཡོད། གང་:ར་&ི་ནང་གི་མmན་‘ེན་wང་འཛ3མས་པའི་གོ་lབས་mང་mང་ཞིག་vང་བ་དེ་དམ་ འཛ’ན་Lས་ནས། དཀའ་བ་དང་Yངས་]ིས་/བས་བདེའི་འ9ལ་དེབ་k་མང་དེབ་གZགས་g་བཟོ་ བ“ན་Lས་ཏེ། རིག་མཛ3ད་M་བའི་ངོ་མཚར་འ9ལ་དེབ་A་བཀོད་ནས། fེད་ཚ3ར་རིན་མེད་X་ ˆལ་བ་ལགས་ན། Xས་རབས་འདིར་ཕན་”བས་ཤིན་A་ཆེ་བའི་བCབ་L་དང་ལེགས་བཤད་འདི་ དག་ལ་ཞིབ་ད•ོད་དང་། mགས་དམ་ཉམས་བཞེས་‡ོད་མེད་ཡོང་བའི་རེ་འXན་བཅས། ངེས་དོན་sིང་པོའི་དཔེ་ཚ3གས་]ི་གཙ3་Hིག་པ་བེ་རི་རིག་པའི་Iོ་Jེས། བོད་,ལ་ལོ། ༢༡༣༨ བོད་ „་ ༡༠ ཚ˜ས་ ༡༡ &ི་ལོ་ ༢༠༡༡ „་ ༡༢ ཚ˜ས་ ༦ ཉིན།

མཛད་པ་པ8་ང8་spr:ད།

ཆོས་rjེ་yོགས་ལས་rnམ་rgyལ་བ་ནི། མཚན་གཞན་ཆོས་kyི་rgyལ་པ5་ཞ6ས་པ་འruངས་ yuལ་[98A.5]མངའ་རིས་པ། མེ་ཕོ་rt་ལ་འruངས། གཞོན་པའི་duས་ནས་དbuས་su་ byོན་ནས་ཆོས་འཁོར་glིང་du་ཕར་ཚད་ལ་སོགས་པའི་མཚན་ཉིད་kyི་sdེ་snོད་ལ་sbyངས་པས་ མཁས་པ་ཆེན་པོ་gyuར་ཏེ། དbuས་[98A.6]གཙང་གཉིས་ཀར་gr་བskོར་ཡང་མཛད། gr་བskོར་gyི་ནང་ལ་kuན་མyེན་ཆེན་པོ་དང་མཇལ་བས་ཤིན་tu་དད་པས་ཇོ་ནང་ཉིད་du་

yག་ཕབ་stེ། kuན་མyེན་ཆེན་པ5འX་druང་du་duས་kyི་འཁོར་ལ5འX་དབང་[98B.1]rgyuད་ བཤད་མན་ངག་དང་བཅས་པ་དང་ཆོས་གཞན་ཡང་མང་du་གསན། མན་ངག་uགས་ ཉམས་su་བཞེས་པས་ཏིང་ངེ་འཛ]ན་བཟང་པོ་འruངས་ཏེ། bl་མ་ལ་ཡིད་ཆེས་བས་རང་གི་ bl་མ་ཐམས་ཅད་kyི་གཙa་[98B.2]བོར་འཛ]ན། kuན་མyེན་ཆེན་པ5འX་slོབ་མ་byང་པ་ ཏ་དབེན་པས་kuན་མyེན་ཆེན་པོ་དཔོན་slོབ་ལ་ཞལ་ཏ་uས་ཏེ་ངམ་རིངས་kyི་ཆོས་sdེ་ བཏབ། དེར་kuན་མyེན་ཆེན་པ5་ཉXད་kyིས་ཐོགས་ཤིག་བuགས། [98B.3]དེ་ནས་rjེ་ འདི་ལ་གཏད་ནས་ཇ5་མd་ནང་ཉིད་du་ཕེབས། rjེ་འདིས་kyང་ཕར་ཚད་གཙe་བfར་བཏོན་ པའི་sdེ་snོད་kyི་བཤད་པ་yuན་རིང་du་མཛད། slོབ་མ་blོ་གསལ་བ་ཡང་མང་du་འduས། yིས་བstན་པའི་rgyལ་[98B.4]མཚན་པ་ལ་གདན་ས་གཏད་ནས་ཞེ་དgu་པ་ལ་ཇ5་མd་ ནང་གི་གདན་ས་མཛད། ལོ་lŋ་ན་གདན་ས་དེ་ཡང་གཏད་ནས་དbuས་su་ཕེབས། ཚལ་ དbuས་glིང་du་duས་kyི་འཁོར་ལ5འX་དབང་rgyuད་བཤད་མན་ངག་གི་[98B.5]rིད་rnམས་ slོབ་མའི་sdེ་ཆེན་པོ་ལ་གsuངས། དེ་ནས་ཡར་kluངས་yོགས་ལ་ཕེབས། rdོར་ལ5་ཆ6ན་byང་ rʦེ་ལ་མཆོག་དབང་གོང་མ་གནང་། r་འbruག་ལ་སོགས་པར་བuགས་ཏེ་གduལ་by་དཔག་ [98B.6]tu་མེད་པ་ལེགས་པའི་ལམ་ལ་བཀོད། དེ་ནས་གཙང་ལ་ཐེགས་ཏེ་སེ་མཁར་ uང་du་བuགས། བstན་བཅོས་kyང་མང་du་མཛད། བrgyད་cu་rʦ་གཅི ག་པ་མེ་ཕོ་stག་ལ་ གཤེགས་སོ༎ བདག་[99A.1]ཉིད་ཆེན་པོ་འདི་ལ། འཇམ་དbyངས་ཆོས་མགོན་པ། rtོགས་ ldན་sŋོ་ཉལ་མ་ཡེ་ཤེས་rgyལ་མཚན། ཚལ་མིན་པ་བསོད་ནམས་བཟང་པོ། lh་ཁང་stེངས་ པ་སངས་rgyས་[99A.2]རིན་ཆེན། smན་u་བ་སངས་rgyས་bl5་grdས། ཤེས་རབ་rd5་rj6་

སོགས་duས་kyི་འཁོར་ལ5འX་མཁས་gruབ་kyི་slོབ་མ་མང་du་byuང་stེ། དེ་དག་ལས་ཆོས་མགོན་ པ་ནི་བཤད་ཟིན་ལ། sŋོ་ཉལ་མ་ནི། ཚལ་[99A.3]དbuས་glིང་du་བuགས་ནས་ཆོས་ འདི་དར་བར་མཛད་དོ༎ ༎ ཆོས་,ལ་&ོགས་ལས་*མ་,ལ་cི་*མ་ཐར་མདོར་བšས་འདི་ནི། ཆག་ལོ་ཆོས་Jེ་དཔལ་cིས་མཛད་པའི་ དཔལ་Xས་]ི་འཁོར་ལོའི་བnད་པ་རིན་པོ་ཆེའི་|ོགས་པ་བJོད་པ་དཔག་བསམ་cི་sེ་མ་ཞེས་པ་ལས་ཁོལ་A་vང་ བ་ཡིན་ལ། ‹ག་|གས་འདིའི་[]ནང་གི་ཨང་ཡིག་ནི་མ་&ི་ཡིག་‰ིང་གི་ཤོག་ཨང་དང་ཐིག་•ེང་ཡིན་ནོ།།

ཐོག་མར་དགེ་བ་klད། མཚན་byང་། ཟབ་ལམ་&ོ་(ེའི་,ལ་འ-ོར་/ི་ངོ་2ོད་གསང་དོན་རབ་གསལ་ཞེས་-་བ་ བ8གས་སོ།། yག་འཚལ་བ།

དཔལ་དུས་ཀྱི་འཁོར་ལོའི་ཟབ་ལམ་རྡོ་རྗེའི་རྣལ་འབྱོར་གྱི་ངོ་སྤྲོད་གསང་དོན་རབ་གསལ་ཞེས་བྱ་ བ། དཔལ་དུས་ཀྱི་འཁོར་ལོ་དང་གཉིས་སུ་མ་མཆིས་པའི་དཔལ་ལྡན་བླ་མ་དམ་པའི་ཞབས་ལ་གུས་ པས་ཕྱག་འཚལ་ལོ།། སེམས་ཀྱི་རང་བཞིན་བུམ་ནང་མར་མེ་ལྟར།། གདོད་ནས་འོད་གསལ་བདག་ཉིད་ལ་གནས་པ།།

གང་གི་དྲིན་གྱིས་མེ་ལོང་གཟུགས་བརྙན་བཞིན།། གསལ་མཛད་བླ་མའི་ཞབས་པད་ལ་བཏུད་དེ།།

བrʦམ་པར་དམ་བཅའ་བ།

རྣམ་པར་མི་རྟོག་ཏིང་འཛིན་དམིགས་པའི་ཡུལ།། རྣམ་ཀུན་མཆོག་ལྡན་སྟོང་ཉིད་ཕྱག་རྒྱ་ཆེ།། རྡོ་རྗེའི་རྣལ་འབྱོར་གསང་ཆེན་ལེགས་པའི་ལམ།། ངོ་སྤྲོད་གསང་དོན་རབ་གསལ་མདོར་བསྡུས་བྲི།།

བར་du་དགེ་བ་གuང་།

འདིར་ཐེག་པ་ཐམས་ཅད་ཀྱི་མཐར་ཐུག་བླ་ན་མེད་པའི་ཚུལ། བསྟན་པ་རབ་འབྱམས་རྒྱ་མཚོ་ ལྟ་བུའི་སྙིང་པོ། དུས་གསུམ་སངས་རྒྱས་ཐམས་ཅད་ཀྱི་བགྲོད་པ་གཅིག་པའི་ལམ་མཆོག རྣལ་ འབྱོར་བ་སྐལ་པ་བཟང་པོ་ཅན་རྣམས་ཀྱིས་སྐྱེ་བ་འདི་ལ་རྫོགས་པའི་སངས་རྒྱས་ཉིད་ཀྱི་འབྲས་བུ་ འཐོབ་པའི་ཉེ་ལམ་ཡིད་ཆེས་གསུམ་ལྡན་གྱི་ཕྱག་རྒྱ་ཆེན་པོ་ཟབ་ལམ་རྡོ་རྗེའི་རྣལ་འབྱོར། རྒྱུད་སྡེ་ ཐམས་ཅད་ཀྱི་རྫོགས་པའི་རིམ་པ་རྣམ་པར་མི་རྟོག་པའི་ཏིང་ངེ་འཛིན་གྱི་རྒྱལ་པོས་ཉམས་སུ་མྱོང་ པའི་དོན་ངོ་སྤྲོད་པ་ལ། བསྡུས་པའི་དོན་རྣམ་པ་བཞི་སྟེ། སྟོན་པ་བཅོམ་ལྡན་འདས་ཀྱིས་རྡོ་རྗེའི་རྣལ་འབྱོར་ཇི་ལྟར་གསུངས་པའི་ཚུལ། དེ་རྒྱུད་ཀྱི་ རྒྱལ་པོ་ཐམས་ཅད་ཀྱི་བརྗོད་བྱའི་སྙིང་པོ་ཡིན་པའི་ཚུལ། དེ་བསྒོམ་པའི་ལམ་འབྲས་བུ་དང་བཅས་ པའི་གནས་ལུགས་ངོ་སྤྲད་པ། བཀའ་རྒྱ་བཞིས་རྒྱས་བཏབ་ཅིང་བླ་མ་རིམ་པར་བརྒྱུད་པའི་ ཚུལལོ།།

༡༽rd8་rjHའི་rnལ་འbyོར་ཇི་ltར་གsuང་པའི་uལ།

དང་པོ་ནི་བདག་ཅག་གི་སྟོན་པ་བཅོམ་ལྡན་འདས་འདིས། སྔོན་བསྐལ་པ་དཔག་ཏུ་མེད་པའི་ སྔ་རོལ་ཏུ། ཟབ་ལམ་རྡོ་རྗེའི་རྣལ་འབྱོར་སྦྱོར་བ་ཡན་ལག་དྲུག་ཉིད་ཀྱི་ལམ་ལ་བརྟེན་ནས། དུས་སྦྱོར་ བཅུ་གཉིས་ཀྱི་རླུང་འགགས་པར་མཛད་ཅིང་། གནས་འོག་མིན་ནམ་ཆོས་ཀྱི་དབྱིངས་བདེ་བ་ཆེན་ པའི་གནས་སུ། ས་བཅུ་གཉིས་ཀྱི་དབང་ཕྱུག་སྐུ་བཞིའི་བདག་ཉིད་ཀྱི་སངས་རྒྱས་མཉེས་པར་མཛད་ ནས། ལས་ཀྱི་ས་འཛམ་བུའི་གླིང་ཆེན་པོ་འདིར་སྤྲུལ་པའི་སྐུས་འགྲོ་བའི་དོན་མཛད་པ་ཡིན་ཏེ། དཔལ་ དུས་ཀྱི་འཁོར་ལོའི་རྒྱུད་ཀྱི་རྒྱལ་པོར། འདི་རྣམས་དགྲོལ་བའི་སླད་དུ་སྲས་དང་བཅས་པ་རྒྱལ་བའི་ བདག་པོ་ལས་ཀྱི་སར་ནི་རབ་བཞུགས་ཏེ། །མངལ་ནི་རབ་ཏུ་བཟུང་བ་མཛད་ཅིང་མཆོག་གི་ཐུགས་རྗེ་ དག་གིས་བྱང་ཆུབ་བསྐྱེད་པ་མཛད་ནས་ནི། །ཉོན་མོངས་དང་ནི་བདུད་རྣམས་བཅོམ་ནས་ས་ཡི་སྟེང་ གི་གནས་སུ་ཆོས་ཀྱི་འཁོར་ལོ་རབ་བསྐོར་ཏེ། །སྤྲུལ་པ་སྒྱུ་མ་མཛད་ནས་སླར་ཡང་བཅོམ་ལྡན་ འདས་ནི་དག་པའི་སྐུ་ཅན་དེ་ཉིད་ཁོ་ནའོ། །ཞེས་གསུངས་ཤིང་འགྲེལ་ཆེན་དྲི་མ་མེད་པའི་འོད་ལས། སངས་རྒྱས་བཅོམ་ལྡན་འདས་སྔར་ས་བཅུ་གཉིས་ཀྱི་དབང་ཕྱུག་ཏུ་གྱུར་པ་མཁས་པ་སྒྱུ་འཕྲུལ་ ཆེན་པོ་འཆང་བ། སྒྱུ་འཕྲུལ་ཆེན་པོའི་མིག་འཕྲུལ་དང་ལྡན་པ། འཕགས་པའི་ཡུལ་ལུམྦི་ནིར་ཤཱཀྱའི་ རིགས་མིའི་དབང་པོ་ཟས་གཙང་མའི་ལྷ་མོ་སྒྱུ་འཕྲུལ་ཆེན་མོའི་ལྷུམས་ནས་བལྟམས་པ་ནི་གཞོན་ནུ་ དོན་གྲུབ་ཡིན་ལ་ཞེས་གསུངས་པ་ལྟར་རོ།། དེ་ཡང་བཅོམ་ལྡན་འདས་ས་ག་ཟླ་བའི་ཉའི་སྐྱ་རེངས་འཆར་བའི་ཚེ་མངོན་པར་རྫོགས་པར་སངས་ རྒྱས་པའི་ཚུལ་བསྟན་ཅིང་། དེ་ནས་ལོ་གཅིག་གི་བར་དུ་བྱ་རྒོད་ཕུང་པོར་ཆོས་ཀྱི་འཁོར་ལོ་བསྐོར་ཏེ་ ཐེག་པ་གསུམ་བསྟན་ནས། ཟླ་བ་བཅུ་གཉིས་པ་ནག་པ་ཟླ་བའི་ཉ་ནས་བཟུང་སྟེ། བྱ་རྒོད་ཕུང་ པོའི་རི་ལ་བཞུགས་ཏེ། ཕ་རོལ་ཏུ་ཕྱིན་པའི་ཐེག་པ་སྟོན་པ་དང་རྒྱ་གར་ལྷོ་ཕྱོགས་དཔལ་ལྡན་འབྲས་

ཕུང་གི་མཆོད་རྟེན་ཆེན་པོར་བྱོན་ནས་སྔགས་ཀྱི་ཐེག་པ་སྟོན་པའི་ཚུལ་གཉིས་སུ་མཛད་དེ། མཆོད་ རྟེན་ཆེན་པོའི་ནང་སྟེང་འོག་ཏུ་དཔག་ཚད་དྲུག་དང་རྒྱང་གྲགས་གཅིག་ཡོད་པར། འོག་ཏུ་ཆོས་ཀྱི་ དབྱིངས་གསུང་གི་དབང་ཕྱུག་གི་དཀྱིལ་འཁོར་དང་། སྟེང་དུ་དཔལ་ལྡན་རྒྱུ་སྐར་གྱི་དཀྱིལ་འཁོར་ཆེན་ པོ་སྤྲོས་ཏེ། སྟོན་པ་ཤཱཀྱ་ཐུབ་པ་བདེ་བ་ཆེན་པོའི་གནས། རྡོ་རྗེ་དབྱིངས་ཀྱི་དཀྱིལ་འཁོར་ཆེན་པོར་རྡོ་ རྗེ་སེངྒེའི་ཁྲི་ལ་བཞུགས་ནས་དུས་ཀྱི་འཁོར་ལོའི་ཏིང་ངེ་འཛིན་ལ་སྙོམས་པར་ཞུགས་པས། དཀྱིལ་ འཁོར་ལ་བཀོད་པའི་འཁོར་སངས་རྒྱས་དང་བྱང་ཆུབ་སེམས་དཔའ་དང་། ཁྲོ་བོ་དང་ལྷ་དང་ཀླུ་དང་ ལྷ་མོའི་ཚོགས་ཀྱིས་ཡོངས་སུ་བསྐོར་བ་ལ། ཞུ་བ་པོའི་འཁོར་ཕྱག་ན་རྡོ་རྗེའི་སྤྲུལ་པའི་སྐུ་ཤམ་བྷ་ ལའི་ཡུལ་གྱི་རྒྱལ་པོ་ཟླ་བ་བཟང་པོས་ཤམྦྷ་ལ་ནས་རྫུ་འཕྲུལ་གྱིས་བྱོན་ཏེ། གསོལ་བ་བཏབ་པ་ ལ་བརྟེན་ནས་ཉན་པ་པོའི་འཁོར་ཤམྦྷ་ལའི་ཡུལ་ཆེན་པོ་དགུ་བཅུ་རྩ་དྲུག་གི་སྤྲུལ་པའི་རྒྱལ་པོ་དགུ་ བཅུ་རྩ་དྲུག་དང་། ལྷ་དང་ལྷ་མ་ཡིན་ལ་སོགས་པའི་ཚོགས་དཔག་ཏུ་མེད་པ་ལ། འཇིག་རྟེན་དང་ འཇིག་རྟེན་ལས་འདས་པའི་དབང་བསྐུར་བ་གནང་ནས། དུས་ཀྱི་འཁོར་ལོའི་རྩ་བའི་རྒྱུད་མཆོག་ གི་དང་པོའི་སངས་རྒྱས་སྟོང་ཕྲག་བཅུ་གཉིས་པ་ལ་སོགས་པ་སྔགས་ཀྱི་ཐེག་པ་གསུངས་པ་ཡིན་ ཏེ། རྩ་བའི་རྒྱུད་མཆོག་གི་དང་པོའི་སངས་རྒྱས་ལས། སྟོན་པས་བྱ་རྒོད་ཕུང་པོ་རུ། །ཤེས་རབ་ཕ་ རོལ་ཕྱིན་ཚུལ་བཞིན། །ཆོས་བསྟན་དཔལ་ལྡན་འབྲས་དུ་སྤུངས་སུ། །དེ་བཞིན་གསང་སྔགས་ཚུལ་ རབ་གསུངས། །ཞེས་དང་དུས་ཀྱི་འཁོར་ལོའི་རྒྱུད་ཕྱི་མར། དཔལ་ལྡན་འབྲས་སྤུངས་ཆོས་ཀྱི་ དབྱིངས་སུ་སྟོབས་བཅུ་པ་ཡིས་སངས་རྒྱས་པའི་རྒྱུད་རྣམས་མཐའ་དག་བསྟན། །ཞེས་གསུངས་ཏེ། སྔགས་ཀྱི་ཐེག་པ་བསྟན་པར་གསུངས་པས་རྡོ་རྗེའི་རྣལ་འབྱོར་བསྟན་པར་གྲུབ་སྟེ། རྡོ་རྗེའི་རྣལ་ འབྱོར་ནི་གསང་སྔགས་ཀྱི་དོན་མཐར་ཐུག་པ་ཡིན་པའི་ཕྱིར་རོ།།

༢༽དེ་rgyuད་rgyལ་ཐམས་ཅད་kyི་བrjོད་byའི་sིང་པ8་ཡUན་uལ།

གཉིས་པ་དེ་རྒྱུད་ཀྱི་རྒྱལ་པོ་ཐམས་ཅད་ཀྱི་བརྗོད་བྱའི་སྙིང་པོ་ཡིན་པའི་ཚུལ་ནི། འཕགས་པ་ འཇིག་རྟེན་དབང་ཕྱུག་གི་ཞལ་སྔ་ནས། དཔལ་དུས་ཀྱི་འཁོར་ལོའི་རྒྱས་འགྲེལ་དྲི་མ་མེད་པའི་

འོད་དུ་རྡོ་རྗེའི་རྣལ་འབྱོར་ལ་མཆོད་པར་བརྗོད་ནས། བརྩམ་པར་དམ་བཅའ་བའི་སྐབས་སུ་དེ་ལྟར་ རྡོ་རྗེའི་རྣལ་འབྱོར་གང་ཞིག་དཔག་མེད་བདེ་གཤེགས་རྣམས་ཀྱིས་བསྟེན་ཅིང་བསྟན་པ་དང་། །བྱང་ ཆུབ་སེམས་དཔའ་རྡོ་རྗེ་མཆོག་འཛིན་གསང་སྔགས་རིག་པ་ཀུན་གྱིས་ཡང་དག་བརྗོད་གྱུར་པའི། ། འགྱུར་མེད་མཆོག་གི་བདེ་བ་རྣལ་འབྱོར་དེ་ནི་དུས་ཀྱི་འཁོར་ལོར་བླུན་པོ་བདག་བརྗོད་འདོད། །མཁའ་ ལ་མྱུར་འགྲོ་མཁའ་འགྲོའི་བདག་པོ་འགྲོ་ཡི་འདབ་ཆགས་གཞན་པ་འགྲོ་བ་མིན་ནམ་ཅི། །ཞེས་པ་ དང་ཡང་དེ་ཉིད་ལས། རྡོ་རྗེའི་རྣལ་འབྱོར་དོན་ཆེན་པོ་མཆོག་ཏུ་མི་འགྱུར་བ་དང་པོའི་སངས་རྒྱས་ རིས་མེད་པ་དུས་ཀྱི་འཁོར་ལོ་བཅོམ་ལྡན་འདས། རྡོ་རྗེ་སེམས་དཔར་རྒྱུད་གཞན་ཐམས་ཅད་དུ་རབ་ ཏུ་གྲགས་སོ། །ཞེས་པ་དང་དེ་བཞིན་དུ། རྒྱུད་གཞན་དག་ཏུ་ཡང་དེ་བཞིན་གཤེགས་པས་རྡོ་རྗེའི་ རྣལ་འབྱོར་ཕྱག་རྒྱ་ཆེན་པོའི་དངོས་གྲུབ་སྟེར་བར་བྱེད་པ་པོ་གསུངས་སོ་ཞེས་པ་དང་། མཆོག་གི་ དང་པོའི་སངས་རྒྱས་ཀྱི་རྣལ་འབྱོར་འདི་ནི་འདས་པའི་སངས་རྒྱས་རྣམས་ཀྱིས་བསྟན་ཏོ། །ད་ལྟར་ བྱུང་པ་རྣམས་ཀྱིས་སྟོན་ཏོ། །མ་འོངས་པ་རྣམས་ཀྱིས་ཀྱང་སྟོན་པར་འགྱུར་རོ། །འདས་པ་དང་ད་ ལྟར་བྱུང་བ་དང་མ་འོངས་པའི་དུས་དང་འདས་པ་དང་ད་ལྟར་བྱུང་བ་དང་མ་འོངས་པའི་དུས་ཀྱི་ འཁོར་རྣམས་ལ། མཐའ་ཡས་པ་མཐའ་ཡས་པའི་སངས་རྒྱས་ཀྱི་ཞིང་རྣམས་སུ་མཐའ་ཡས་པ་ མཐའ་ཡས་པའི་སེམས་ཅན་རྣམས་ལ། མཐའ་ཡས་པ་མཐའ་ཡས་པའི་དེ་བཞིན་གཤེགས་པ་ རྣམས་ཀྱིས་སངས་རྒྱས་ཉིད་ཀྱི་སླད་དུ། ཡང་དག་པར་བསྟན་ཏོ། །སྟོན་ནོ། །སྟོན་པར་འགྱུར་རོ་ ཞེས་གསུངས་ཤིང་། མཚན་ཡང་དག་པར་བརྗོད་པ་ལས། འདས་པའི་སངས་རྒྱས་རྣམས་ཀྱིས་ གསུངས། །མ་འོངས་རྣམས་ཀྱང་གསུང་འགྱུར་ལ། །ད་ལྟར་བྱུང་བའི་རྫོགས་སངས་རྒྱས། །ཡང་ ཡང་གསུང་པ་གང ་ཡིན་པ། །རྒྱུད་ཆེན་སྒྱུ་འཕྲུལ་དྲ་བ་འདིར། །རྡོ་རྗེ་འཆང་ཆེན་གསང་སྔགས་ འཆང་། །དཔག་མེད་རྣམས་ཀྱིས་དགྱེས་པ་ཡིས། །གང་ཡང་ཡང་དག་གླུར་བླངས་པ། །ཞེས་ གསུངས་པའི་དགོངས་པ་ཡང་རྡོ་རྗེའི་རྣལ་འབྱོར་དང་པོའི་སངས་རྒྱས་འདི་ཉིད་སངས་རྒྱས་ ཐམས་ཅད་ཀྱིས་སྔགས་ཀྱི་ཐེག་པར་བསྟན་པ་ཡིན་པར། འཕགས་པ་འཇིག་རྟེན་དབང་ཕྱུག་ གིས་གསུངས་སོ། །དེ་ལྟར་ན་རྡོ་རྗེའི་རྣལ་འབྱོར་འདི་སངས་རྒྱས་ཐམས་ཅད་ཀྱིས་སྔགས་ཀྱི་ ཐེག་པར་གསུངས་པའི་དོན་དམ་པའི་བདེན་པ། ཕྱག་རྒྱ་ཆེན་པོ་རང་བཞིན་གྱིས་འོད་གསལ་བ་ དང་པོའི་སངས་རྒྱས་དུས་ཀྱི་འཁོར་ལོ་རྡོ་རྗེ་སེམས་དཔའ་ཡིན་པར་གསུངས་པའི་ཕྱིར། རྒྱུད་ཀྱི་རྒྱལ་ པོ་ཐམས་ཅད་ཀྱི་བརྗོད་བྱའི་སྙིང་པོ་ཡིན་པར། རྣལ་འབྱོར་པ་རྣམས་ཀྱིས་ཤེས་པར་བྱའོ།།

༣༽དེ་བsgོམ་པའི་ལམ་འbrས་bu་དང་བཅས་པ་ངོ་sprད་པ།

གསུམ་པ་དེ་བསྒོམ་པའི་ལམ་འབྲས་བུ་དང་བཅས་པའི་གནས་ལུགས་ངོ་སྤྲད་པ་ལ་བཞི་སྟེ། སྒོམ་པ་པོ་རྣལ་འབྱོར་པའི་ངང་ཚུལ། བསྒོམ་བྱ་རྡོ་རྗེའི་རྣལ་འབྱོར་འོད་གསལ་གྱི་རང་བཞིན་ངོ་ སྤྲད་པ། འོད་གསལ་བསྒོམ་པའི་ཏིང་ངེ་འཛིན་ནི་ལམ་མཆོག་མཐར་ཐུག་ཡིན་པར་ངོ་སྤྲད་པ། བསྒོམ་ པའི་ལམ་གྱིས་འབྲས་བུ་ཐོབ་ཚུལ་རྣམ་པར་བཞག་པའོ།།

sgོམ་པ་པོ་rnལ་འbyོར་པའི་ངང་uལ།

དང་པོ་ནི། དེ་ལྟ་བུའི་རྡོ་རྗེའི་རྣལ་འབྱོར་དེ། ཕྱག་རྒྱ་ཆེན་པོ་མཆོག་གི་དངོས་གྲུབ་མྱུར་དུ་ཐོབ་ པར་འདོད་པའི་རྣལ་འབྱོར་པ་རྣམས་ཀྱིས་བསྒོམ་བྱ་བའམ་ཐོབ་བྱ་མཐར་ཐུག་པ་ཡིན་ལ། དེ་སྒོམ་ པར་བྱེད་པའི་གང་ཟག་གི་མཚན་ཉིད་ཀྱང་དཔལ་ལྡན་རྒྱུད་ཀྱི་རྒྱལ་པོ་ལས། ཟབ་ཅིང་རྒྱ་ཆེ་ལ་སེམས་ བླ་མའི་ངེས་པ་ལ་དགའ་སྟོང་པའི་ངང་ཚུལ་དང་ལྡན་ཡོན་ཏན་ཤེས། །ཐར་པ་དོན་གཉེར་རྒྱུད་ལ་ གུས་ཤིང་གཡོ་བ་མེད་པའི་སེམས་ལྡན་དེ་ཉིད་ཐོབ་པ་ཤིན་ཏུ་སྦེད། །གདུག་པ་རྣམས་ཀྱི་གྲོགས་ ཉམས་སློབ་མ་དེ་ཉིད་བླ་མ་ཤིན་ཏུ་མཁས་པ་རྣམས་ཀྱིས་བསྡུ་བྱ་བ། །ཤེས་རབ་དབང་ལ་སོགས་ པའི་རྒྱུར་ཏེ་གཞན་ཞེས་བྱ་བ་སླར་ཡང་འབྲིང་པོ་བསོད་ནམས་དག་གི་རྒྱུར། །ཞེས་གསུངས་ཏེ། ཕྱིར་སྔགས་ཀྱི་ཐེག་པའི་ཚུལ་ལ་རྣལ་འབྱོར་བསྒོམ་པའི་སློབ་མ་གཉིས་སུ་ཡོད་དེ། ཐུན་མོང་གི་ དངོས་གྲུབ་བསྒྲུབ་པའི་དོན་དུ། བསྐྱེད་པའི་རིམ་པ་བསྒོམ་པ་ལ་མོས་པ་དང་། མཆོག་གི་དངོས་གྲུབ་

བསྒྲུབ་པའི་དོན་དུ། རྫོགས་པའི་རིམ་པ་བསྒོམ་པ་ལ་མོས་པའི་གང་ཟག་གོ། །དེ་ལ་འདིར་རྡོ་རྗེའི་ རྣལ་འབྱོར་བསྒོམ་པ་པོ་ནི། མཆོག་དོན་དུ་གཉེར་བའི་གང་ཟག་སྟེ། དེའི་མཚན་ཉིད་ནི། ཟབ་ཅིང་ རྒྱ་ཆེའི་ཆོས་དམིགས་བཅས་སྟོང་པ་ཉིད་དང་དམིགས་མེད་སྙིང་རྗེ་བདེ་བ་ཆེན་པོ་དབྱེར་མེད་པའི་ བདག་ཉིད་ལ་སེམས་པ་སྟེ་མོས་པ་དང་། བླ་མའི་ངེས་པ་ལ་དགའ་ཞེས་པ་རྩ་བའི་ལྟུང་པ་བཅུ་བཞི་ དང་བྲལ་ཞིང་དགེ་བ་བཅུའི་ཆོས་ལ་དགའ་བ་དང་། གཏོང་པའི་ངང་ཚུལ་དང་ལྡན་ཞེས་པ་འཇིག་རྟེན་ གྱི་འདུ་འཛི་ཐམས་ཅད་སྤངས་ཤིང་ནོར་རྫས་དང་གཉེན་བཤེས་གང་ལ་ཡང་ལྟོས་ཆགས་མེད་པ་ དང༌། ཡོན་ཏན་ཤེས་པ་ནི། དཀོན་མཆོག་གསུམ་ལ་ཤེས་ནས་དད་པ་ཐོབ་པ་དང་། ཐར་པ་དོན་ གཉེར་ནི། ཐུན་མོང་འཇིག་རྟེན་པའི་དངོས་གྲུབ་དོན་དུ་མི་གཉེར་བར་མཆོག་ཁོ་ན་དོན་དུ་གཉེར་བ་དང་། རྒྱུད་ལ་གུས་པ་ནི། རྒྱུད་ལས་གསུངས་པའི་དམ་ཚིག་དང་སྡོམ་པ་རྣམས་ལེགས་པར་བསྲུང་བ་དང་། གཡོ་བ་མིན་པའི་སེམས་ལྡན་ནི། བསྐྱེད་རིམ་ལ་སོགས་པ་འཇིག་རྟེན་པའི་ལམ་ལ་སེམས་མི་གཡོ་ ཞིང་མི་འཇུག་པ་དང་། དེ་ཉིད་ཐོབ་པ་ཤིན་ཏུ་སྦེད་ཅེས་པ་ནི། དེ་ཁོ་ན་ཉིད་ཀྱི་གདམས་ངག་ཐོབ་པ་ འདི་ལྟ་བུ་དེ་རང་གིས་ལེགས་པར་ཉམས་སུ་མ་མྱོང་གི་བར་དུ་གཞན་ལ་ཤིན་ཏུ་སྦེད་ཅིང་གསང་བ་ དང་། གདུག་པ་རྣམས་ཀྱི་གྲོགས་ཉམས་ཞེས་པ་ནི། ནོར་དོན་དུ་གཉེར་བའི་ཁྱིམ་པའི་སློབ་དཔོན་ རྣམས་དང་དཀའ་ཐུབ་པ་ཡིན་ཡང་གང་ཟག་ཅིག་གིས་དགེ་འདུན་གྱི་བསྟི་གནས་དང་། གཙུག་ལག་ ཁང་གི་རྫས་ལ་ལོངས་སྤྱོད་པ་ནི་གདུག་པ་ཡིན་ལ། དེ་རྣམས་ཀྱི་གྲོགས་ནི་མི་དགེ་བ་བཅུ་ལ་བྱ་སྟེ་ དེ་ཉམས་པ་སྟེ་མི་དགེ་བ་བཅུ་སྤོང་པའོ། །དེ་ལྟ་བུའི་སློབ་མ་མཆོག་ལ་དབང་གོང་མ་རྣམས་བསྐུར་ ནས། དབང་བཞི་པའི་དོན་རྡོ་རྗེའི་རྣལ་འབྱོར་བསྒོམ་དུ་གཞུག་པར་བྱ་ཞེས་པ་སྟེ། སྒོམ་པ་པོའི་གང་ ཟག་ནི་དེ་ལྟ་བུའོ། །དེ་ལས་གཞན་པ་སློབ་མ་འབྲིང་པོ་ནི། དབང་འོག་མ་བདུན་གྱི་བསྡུ་བྱ་དང་ བསྐྱེད་རིམ་བསྒོམ་པའི་སྐལ་བ་དང་ལྡན་པ་ཙམ་ཡིན་ཞིང་། སློབ་མ་ཐ་མ་ནི། དབང་གི་བསྡུ་བྱ་མ་ཡིན་ གྱི། དེ་ལ་དགེ་བསྙེན་གྱི་སྡོམ་པ་ཙམ་སྦྱིན་པར་བྱ་བ་ཡིན་ནོ་ཞེས་དགོངས་པའོ། །དེ་བཞིན་དུ་ དཔལ་དྲི་མ་མེད་པའི་འོད་ལས། གང་ཞིག་སེམས་ཅན་རྣམས་ལ་བརྩེ་བ་ཡིས། །གཞན་དོན་དགེ་ ལ་རྟག་ཏུ་བརྩོན་པ་ཡིས། །སློབ་མ་དག་པ་རྣམས་ལ་ལམ་དག་ནི། །བླ་མ་དམ་པའི་དྲིན་ལས་ འབྱུང་པ་ཡིན། །ཞེས་པ་དང་དེ་ཉིད་ཀྱི་མཆོག་ཏུ་མི་འགྱུར་བའི་ཡེ་ཤེས་གྲུབ་པར། དེའི་ཕྱིར་འགྱུར་ བ་མེད་པ་ལས་སྐྱེས་པ་རྣམ་པ་ཐམས་ཅད་པའི་ཐིག་ལེ་ལྷན་ཅིག་སྐྱེས་པའི་སྐུ་མཐའ་དག་རྒྱལ་ བའི་བདག་པོ་སྣ་ཚོགས་སྒྱུ་མ་འཛིན་པ་འདི་ལ་ཕྱག་རྒྱ་ཆེན་པོའི་དངོས་གྲུབ་ཀྱི་དོན་དུ། རྟེན་དང་

བརྟེན་པའི་འབྲེལ་པ་མི་འདོད་དེ། ཇི་ལྟར་འཇིག་རྟེན་པའི་དངོས་གྲུབ་བསྒྲུབ་པའི་དོན་དུ་རྟེན་དང་ བརྟེན་པའི་འབྲེལ་པ་འདོད་པ་དེ་བཞིན་དུ། རྣལ་འབྱོར་པ་མཆོག་ཏུ་མི་འགྱུར་བའི་བདེ་བ་བསྒྲུབ་པ་ལ་ མངོན་པར་དགའ་བ་བླ་མ་དམ་པའི་མན་ངག་ཐོབ་པ། སྡུག་པའི་གྲོགས་ཏེ་མི་དགེ་བ་བཅུ་ཡོངས་ སུ་སྤངས་པ། དུ་བ་ལ་སོགས་པའི་མཚན་མ་བསྒོམས་པ་ལས་དང་པོ་པ་དབུ་མ་རྣམ་པར་སྦྱངས་པ། སེམས་ཅན་ཐམས་ཅད་ལ་བུ་གཅིག་པ་ལྟ་བུར་མཆོག་ཏུ་བརྩེ་བའི་སེམས་རྗེས་སུ་བཅིངས་པ། འཇིག་ རྟེན་དང་འཇིག་རྟེན་ལས་འདས་པའི་བདེན་པ་ལ་བརྟེན་པ། བུ་དང་ཆུང་མ་ལ་སོགས་པ་དང་རང་གི་ ལུས་ལ་ཡང་ལྟོས་པ་མེད་པ། ཚོགས་ཁང་དང་གཙུག་ལག་ཁང་དང་བླ་མའི་རྫས་ཉེ་བར་ལོངས་ སྤྱོད་པ་ལས་ཕྱི་རོལ་ཏུ་གྱུར་པ། སངས་རྒྱས་དང་བྱང་ཆུབ་སེམས་དཔའི་ལམ་ལ་བརྟེན་པ། བྱམས་པ་དང་སྙིང་རྗེ་དང་དགའ་བ་དང་བཏང་སྙོམས་ཏེ། ཚངས་པའི་གནས་བཞིས་རྣམ་པར་ གནས་པ། ཞི་བའི་ལས་ལ་སོགས་པ་འཇིག་རྟེན་པའི་དངོས་གྲུབ་བསྒྲུབ་པ་ལ་མངོན་པར་དགའ་ བ་སྤངས་པ། ཐམས་ཅད་མཁྱེན་པའི་རྐང་སྟེགས་ལ་འཛེག་པར་འདོད་པ། དཀྱིལ་འཁོར་ཀྱི་འཁོར་ལོ་ ལ་སོགས་པ་རྣམ་པར་རྟོག་པའི་སྒོམ་པ་ཡོངས་སུ་སྤངས་པ། ནམ་མཁའི་ཁམས་ལ་རྣམ་པ་ཐམས་ ཅད་པའི་སྟོང་པ་ཉིད་མེ་ལོང་ལ་པྲ་ཕབ་པ་བཞིན་དུ་སྐྱེ་བ་མེད་པའི་ཆོས་ངེས་པར་མཐོང་བ། རང་གི་ སེམས་ཀྱི་སྤྲོས་པའི་རབ་ཏུ་སྣང་བ་རྨི་ལམ་དང་མཚུངས་པའི་ཚུལ་དོན་དུ་སེམས་པ། རྡུལ་ཕྲ་ རབ་ཚོགས་པའི་བདག་ཉིད་ཀྱི་ཆོས་རྣམ་པར་དཔྱད་པའི་སྟོང་པ་ཆད་པའི་སྟོང་པ་ཉིད་ལས་རིང་དུ་ གྱུར་པ། ནང་གི་བདེ་བ་རང་རིག་པར་བྱ་བའི་ཆོས་ལ་རྗེས་སུ་ཆགས་པ། ཕྱི་རོལ་ཀྱི་དབང་པོས་རང་ རིག་པར་བྱ་བའི་བདེ་བའི་ཆོས་ཡོངས་སུ་སྤངས་པ་ཤེས་རབ་དང་ཐབས་ཀྱི་བདག་ཉིད་ཅན། བྱང་ ཆུབ་ཀྱི་སེམས་བརྟན་པར་བྱེད་པ་ལ་གཅིག་ཏུ་མཁས་པ། མཆོག་ཏུ་མི་འགྱུར་བའི་བདེ་བ་ཆེན་པོའི་ ཤེས་རབ་ཡེ་ཤེས་ཀྱི་ལམ་གྱི་མན་ངག་ཐོབ་པས་རྟེན་དང་བརྟེན་པ་མཚན་མ་དང་ཁ་དོག་དང་། ཕྱག་རྒྱ་ དང་། དབྱིབས་དང་། དཀྱིལ་འཁོར་གྱི་ལྷ་ཡོངས་སུ་བརྟགས་པའི་ཆོས་མི་འདོད་དོ་ཞེས་གསུངས་ ཤིང་། ཡང་དེ་ཉིད་ཀྱི་བསྒྲུབ་ལེའི་འགྲེལ་པར། ལུས་ཀྱི་ལོངས་སྤྱོད་ལ་ལྟོས་པ་མེད་པ་དང་། ངག་གི་ལོངས་སྤྱོད་ལ་ལྟོས་པ་མེད་པ་དང་། ཡིད་ཀྱི་ལོངས་སྤྱོད་ལ་ལྟོས་པ་མེད་པ་དང་། འཕོ་བའི་ བདེ་བ་ལ་ལྟོས་པ་མེད་པ་ནི་བསྙེན་པ་སྟེ། ལུས་དང་ངག་དང་སེམས་དང་ཚངས་པར་སྤྱོད་པའི་སྡོམ་ པའོ་ཞེས་པའི་དོན་ཏོ། ། འདིས་ལྷ་རྣམས་མཆོག་སྟེར་བར་འགྱུར་གྱི་སྲིད་པའི་ལོངས་སྤྱོད་ལ་ཞེན་ པས་ནི་མ་ཡིན་ནོ། །ཞེས་གསུངས་པ་དེ་ལྟ་བུའི་གང་ཟག་སྟེ་མདོར་ན་འཁོར་བའི་ཕུན་སུམ་

འཚོགས་པ་གང་ལ་ཡང་མ་ཆགས་ཤིང་། འཇིག་རྟེན་པའི་དངོས་གྲུབ་རྣམས་ལ་ཡང་རེ་བ་མེད་པར་ འདུ་འཛི་དང་རྣམ་པར་གཡེང་བ་ཐམས་ཅད་སྤངས་པའི་ལྟོས་པ་མེད་པ་རྣམ་པ་བཞི་རྟག་ཏུ་ལྷུར་ལེན་ པའི་སྒོ་ནས། སེམས་ཅན་ཐམས་ཅད་ཀྱི་དོན་དུ་ཕྱག་རྒྱ་ཆེན་པོའི་དངོས་གྲུབ་འབའ་ཞིག་དོན་དུ་ གཉེར་བའི་གང་ཟག་ནི་རྡོ་རྗེའི་རྣལ་འབྱོར་བསྒོམ་པ་པོའི་གང་ཟག་གི་ངང་ཚུལ་ལོ། །འོ་ན་གང་ ཟག་དེ་ལྟ་བུ་མ་ཡིན་པ་རྡོ་རྗེའི་རྣལ་འབྱོར་བསྒོམ་པ་པོར་མི་རུང་ངམ་སྙམ་ན་མི་རུང་སྟེ། སྐལ་བ་ དང་མི་ལྡན་པ་ལ་རྡོ་རྗེའི་རྣལ་འབྱོར་གྱི་ལམ་ཟབ་མོ་བྱིན་ཡང་བར་དུ་གཅོད་པའི་དབང་གིས་ལམ་ལས་ ཉམས་ཤིང་ཆོས་ཟབ་མོ་ཆུད་གསན་པར་འགྱུར་བའི་ཕྱིར་རོ། ། དེ་ཡང་འཕགས་པ་འཇིག་རྟེན་དབང་ཕྱུག་གིས་གསུངས་པ། ལམ་བཟང་རིན་ཆེན་འདི་ནི་བག་ མེད་པའི། །སེམས་ཅན་གཞན་པ་རྣམས་ལ་སྦྱིན་པ་ན། །རང་ཁྱིམ་དགོན་པ་དག་ཏུ་རབ་ཞུགས་ ལ། །ཡུལ་ངན་ཆོམ་རྐུན་རྣམས་ ཀྱིས་འཕྲོག་པར་བྱེད་། །ཅེས་གསུངས་ཏེ་ཡུལ་ངན་ནི་འདོད་ཡོན་ལྔ་ ལ་ཆགས་པའོ། །དེ་བཞིན་དུ། ཐེ་ཚོམ་འགྱོད་པ་དག་དང་གཉིད་དང་ནི། །ལེ་ལོ་རྒོད་པའི་ཆོམ་རྐུན་ རྣམས་ཀྱིས་ཀྱང་། །གཉེན་འདུན་ཐིབས་པོའི་ནང་དུ་ཞུགས་པ་ཡི། །ལམ་བཟང་རིན་ཆེན་འདི་ནི་ འཕྲོག་པར་བྱེད། །ཅེས་གསུངས་ཏེ། འདི་ལམ་རྣམ་དག་ཡིན་ནམ་མ་ཡིན་ནམ་སྙམ་པའི་ཐེ་ཚོམ་ དང་། བདག་གིས་ལས་ངན་པ་བྱས་པས་ལམ་མངོན་དུ་བྱ་མི་ནུས་སོ་སྙམ་པའི་འགྱོད་པ་དང་། ལུས་དང་ཡིད་ལས་སུ་མི་རུང་བར་འགྱུར་བའི་གཉིད་དང་། ཏིང་ངེ་འཛིན་བསྒོམ་པ་ལ་མི་སྤྲོ་བའི་ལེ་ལོ་ དང་། གྲོང་ལ་སོགས་པར་འཁྱམ་ཞིང་སེམས་རྣམ་པར་གཡེང་བ་རྒོད་པ་སྟེ་སྒྲིབ་པ་ལྔའི་ཆོམ་རྐུན་ གྱིས་ལམ་བཟང་རིན་པོ་ཆེ་ནི་འཕྲོག་པར་བྱེད་ཅེས་པའོ། །དེ་བཞིན་དུ།

(མཛོད་ལས། སྲོག་གཅོད་པ་ནི་

བསམ་བཞིན་དུ། །མ་ནོར་བ་ནི་གཞན་བསད་པའོ། །ཞེས་དང་)སྲོག་གཅོད་(མ་བྱིན་པར་ནི་གཞན་གྱི་ནོར། །མཐུ་དང་འཇབ་བུས་ བདག་གི་བྱེད)མ་བྱིན་གཞན་གྱི་(བགྲོད་མིན་འགྲོ་བར་འདོད་པ་ཡིས། །ལོག་པར་གཡེམ་པ་རྣམ་པ་བཞི།།ཅེས་པ)བུད་མེད་

དང་། །བརྫུན་(རྫུན་ཚིག་འདུ་ཤེས་གཞན་སྒྱུར་བའི།

།ཚིག་དོན་སྔོན་པར་གོ་བའོ།།ཞེས་པའོ)དང་ཚིག་རྩུབ་(ཚིག་ནི་མ་སྙན་

པ་ཞེས)རྣམས་དང་ཕྲ་མ་(ཕྲ་མ་ཕྱི་རོལ་དབྱེ་བའི་ཕྱིར།།)དང་།

།འཁྱལ་(ཉོན་མོངས་ཅན་ཀུན་ཀྱལ་པ་ཉིད།

།གཞན་ནི་དེ་ལས་

གཞན་ཉོན་མོངས། །ཁ་གསག་གླུ་དང་ཟློས་གར་དང་། །བསྟན་བཅོས་ངན་བཞིན་ཞེས་སོ། །པར་གྱུར་པའི་ཚིག་དང་ལག་པས་གཞན་གྱི་ནོར་ ལ་ཆགས་ཞེས་སོ།།)བརྣབ་སེམས་དང་།

།(གནོད་སེམས་སེམས་ཅན་ལ་སྡང་བ།

ཞེས་)གནོད་སེམས་ལྟ་(དགེ་དང་མི་

དགེ་མེད་ལྟ་བ། །ལོག་པར་ལྟ་བ་ཡིན་འདི་ལ། །གསུམ་མམ་བདུན་ནི་ལས་ཀྱང་ཡིན།།ཞེས་འབྱུང་བ)བ་ངན་པའི་ཆོམ་རྐུན་

དང་། ། ཡོད་པའི་སྡིག་དང་(ནི་ཚེ་གདང་བརྫུན་དང་འདོད་ལོག་དང་།

མ་བྱིན་ལེན་དང་ཁ་ན་མ་ཐོ་བ་དང་བཅས་པའི་ཆང་

འཐུང་བ)ཉེ་བའི་སྡིག་པ་(ནི་ཆོ་ལོའི་རྒྱན་སོགས་འགྱེད་པ་དང་ཁ་ན་མ་ཐོ་བ་དང་བཅས་པའི་ཤ་ཟ་བ་དང་། སྐྱེས་པ་དང་། བུད་ མེད་དང་རྒྱལ་པོ་དང་ཀུན་པོ་དང་། དམགས་ལ་སོགས་པའི་གཏམ་བརྗོད་པའི་ཚིག་ངན་ཀློག་པ་དང་། ཕ་མེས་ཀྱི་ཆེད་དང་། མཆོད་ སྦྱིན་གྱི་ཆེད་དུ་མཚུན་འཐོར་བ་ལ་སོགས་པ་བྱེད་པས་གྲོལ་བར་ལྟ་བ་རིག་བྱེད་ལས་བསྡད་པ་འབྱུང་པོའམ་ཡི་དྭགས་ཀྱི་ཆོས་དང་ཀླ་ ཀློ་སོགས་པའི་ཆོས་ལུགས་ལྷ་མིན་དབང་པོའི་ཆོས་སོ།།)དང་།

།གསོད་(པ་ནི་བ་གླང་དང་བྱིས་པ་དང་བུད་མེད་དང་སྐྱེས་པ་

གསོད་པ་སྟེ་དང་། སྐུ་གཟུགས་དང་མཆོད་རྟེན་འཇིག་པར་བྱེད་པ་ལྷ་མའི་བླ་མ་གསོད་པ་དང་འཁུ་)འཁུ་(བ་ནི་གྲོགས་དང་པོ་རྗེ་བོ་དང་། སངས་རྒྱས་དང་དགེ་འདུན་དང་དབུགས་འབྱིན་པའམ་ཡིད་བརྟན་པ་ལ་བ་དང་)དབང་པོ་མངོན་པར་ཞེན་པ་(ནི་གཟུགས་དང་ སྒྲ་དང་དྲི་དང་རོ་དང་རེག་བྱ་ལ་མངོན་པ་ཞེན་པ)སྟེ།

།ཆོམ་རྐུན་ལྔ་པ་ལྔ་པོ་འདི་རྣམས་ཀྱིས། །རིན་པོ་ཆེ་ནི་རྟག་ཏུ་

འཕྲོག་པར་བྱེད། །ཅེས་གསུངས་ཏེ་མི་དགེ་བ་བཅུ་དང་བརྟུལ་ཞུགས་ཉི་ཤུ་རྩ་ལྔ་ཉམས་པའི་ཆོམ་ རྐུན་གྱིས་ལམ་བཟང་རིན་པོ་ཆེ་འཕྲོག་པར་བྱེད་ཅེས་པའོ། །གཞན་ཡང་།

(ཤ་ལ་སོགས་པ)ཤིན་ཏུ་

བཟའ་དང་བཏུང་བ་(ཆང་ལ་སོགས་པ)སྣ་ཚོགས་དང་། །(ཕྲེང་བ་ཙན་དན་བུད་མེད་གོས་མལ་སྟན་སོགས)ལོངས་སྤྱོད་ དུ་མལ་ཆགས་པའི་ཆོམ་རྐུན་དེ་རྣམས་ཀྱིས། །(ལམ་སྒོམ་པའི)བརྩོན་འགྲུས་ལྡན་དུ་ཟིན་ཀྱང་(མི་དགེ་བ་ དང་འགྲོགས་པའི་དབང་གིས)བག་མེད་ཅིང་།

།བརྒྱལ་བ(སྟེ་དྲན་ཤེས་མེད་པ)ར་གྱུར་པ(འི་གང་ཟག)ཉིད་ལ་

འཕྲོག་པར་ན་མི་ལྡན་(ན་ལྟ་སྨོས་ཀྱང་ཅི་དགོས་ཞེས་དང་)བྱེད། །རང་ཉིད་(དོར་བའི་རྒྱུ)ཡོངས་སུ་(ལམ་རྣམ་དག་ཡིན་ མིན)རྟོག་པ་(མཁས་པ)པོ་མིན་(པའི)ར། (པའི) ཆེད་དུ།

།(ལམ་འདི་བསྒོམས་ན)རིན་ཐང་ཆེན་པོར་འགྱུར་རམ་(མི་འགྱུར)ཤེས་

།(མཁས་པ་ལྟར་བཅོས་པའི)གཡོན་ཅན་གཞན་ལ་(ལམ་རྣམ་དག་བསྒོམ་ཚུལ་དང་བསྒོམ་པའི་

ཉམས)སྟོན་(ཅི་འདྲི་བར་བྱེད)ཏེ་(གཡོན་ཅན་དེ)མི་འགྱུར་ཞེས(བརྗོད་པར)།

།དེ་ཡི་ཚིག་གིས་(ལམ་བཟང་)རིན་

ཆེན་འདོར་བར་བྱེད། །(ཐོས་བསམ་སྒོམ་གསུམ་གྱིས་ཕྱུག་པའི་གང་ཟག་ལམ)གང་དག་རིན་ཆེན་བཟང་པོ་རིག་ པ(འི་མཁས་སུ)རྣམས། །(ལམ་འདི་འམ་བཟང་)རིན་ཆེན་ཆེན་པོ་(རྣམ་དག་ཡིན་མིན)ཡོངས་སུ་རྟོག་ཏུ་ གཞུག(ཅིང་མཁས་པའི་གང་ཟག) །དེ་དག་རྣམས་ཀྱི་(ལམ)རྣམ་དག་(ཡིན་ཅེས་པའི)ཚིག་གིས་ནི། །རང་ (རྙེད་པའི་ལམ་བཟང་)གི་རིན་ཆེན་(འདིར་ནི་མཐར་ཐུག་གི་ལམ་ཡིན་པར)རྣམ་པར་ཤེས་པར་བྱ(ཅེས་གདམས་)སོ།

།

རྫོགས་སངས་རྒྱས་དང་བྱང་ཆུབ་སེམས་དཔའ་དང་། །ཕ་དང་མ་དང་བུ་མོ་སྲིང་མོ་དང་། །བུ་དང་ སྤུན་ཟླ་འདོད་པའི་ཆུང་མ་(ལ་སོགས་པ་བསླུ་ཞིང་ཕན་འདོགས་པ་ལྟ་བུ)ཡི། །གཟུགས་རྣམས་ཀྱིས་(ཏེ་དེ་རྣམས་ སུ་སྤྲུལ་པའམ་སྙིང་དུ་ཞུགས་ནས)ནི་བདུད་རྣམས་གེགས་བྱེད་དོ།

།དེ་ཕྱིར་བླ་མ་དམ་པས་གནང་པ་ཡི། །

ལམ་བཟང་རིན་པོ་ཆེ་ནི་སློབ་མ་ཡིས། །ཆོམ་རྐུན་རྩ་ལག་ཡོངས་སུ་སྤངས་བྱས་ཏེ། །འབད་པས་ ཤིན་ཏུ་ལེགས་པར་སྦ་བར་བྱ། །ཞེས་གསུངས་སོ།།

བsgོམ་by་rd8་rjHའི་rnལ་འbyོར་འོད་གསལ་gyི་རང་བཞིན་ངོ་sprད་པ།

གཉིས་པ་བསྒོམ་བྱ་རྡོ་རྗེའི་རྣལ་འབྱོར་འོད་གསལ་གྱི་རང་བཞིན་ངོ་སྤྲད་པ་ལ་གཉིས་ཏེ། ངོ་བོ་ ངོས་བཟུང་པ་དང་། དེའི་རང་བཞིན་གཏན་ལ་དབབ་པའོ།།

ང8་བ8་ང:ས་བzuང་བ།

དང་པོ་ནི། འདིར་རྡོ་རྗེའི་རྣལ་འབྱོར་ལ་གཞི་ལམ་འབྲས་བུ་གསུམ་དུ་ཡོད་པ་ལས། ཐོག་མར་ གཞིའི་ངོ་བོར་གྱུར་པའི་རྡོ་རྗེའི་རྣལ་འབྱོར་ངོས་བཟུང་པར་བྱ་སྟེ། དེ་ཡང་རྩ་བའི་རྒྱུད་མཆོག་གི་དང་ པོའི་སངས་རྒྱས་ལས། ཡོད་དང་མེད་ལས་རྣམ་པར་འདས། །གཉིས་མེད་དངོས་དང་དངོས་མེད་ཟད། །སྟོང་ཉིད་སྙིང་རྗེ་དབྱེར་མེད་པ། །རྡོ་རྗེའི་རྣལ་འབྱོར་བདེ་བ་ཆེ། །ཕྲ་རབ་རྡུལ་གྱི་ཆོས་ཉིད་འདས། ། སྟོང་པའི་ཆོས་ནི་རྣམ་པར་སྤངས། །རྟག་དང་ཆད་ལས་རྣམ་པར་གྲོལ། །རྡོ་རྗེའི་རྣལ་འབྱོར་རིས་མེད་ པ། །ཞེས་གསུངས་ཤིང་འཕགས་པ་འཇིག་རྟེན་དབང་ཕྱུག་གི་དྲི་མ་མེད་པའི་འོད་ལས། གང་དོན་ དམ་པའི་བདེན་པས་བསྟན་པ་དེ་ནི་འཇིག་རྟེན་ལས་འདས་པ་རྣམ་པ་ཐམས་ཅད་ཀྱི་མཆོག་དང་ ལྡན་པ་ཕྱག་རྒྱ་ཆེན་པོའི་དངོས་གྲུབ་བསྒྲུབ་པའི་སླད་དུ། རང་གི་སེམས་ཀྱིས་ཡོངས་སུ་བརྟགས་ པའི་ཆོས་དང་བྲལ་བ་གཞོན་ནུ་མ་རྣམས་ཀྱིས་མེ་ལོང་ལ་སོགས་པ་ལ་པྲ་ཕབ་པ་བཞིན་དུ། རྣལ་ འབྱོར་པ་རྣམས་ཀྱིས་རང་གི་སེམས་ཀྱི་འོད་གསལ་བ་མངོན་སུམ་དུ་ནམ་མཁའ་ལ་སྣང་བ་འདོད་ པའི་དོན་གྱི་འབྲས་བུ་སྟེར་བ་སྟེ། འབྲས་བུ་ནི་འགྱུར་བ་མེད་པའི་བདེ་བའི་ཡེ་ཤེས་ཀྱི་སེམས་སོ། ། སེམས་འདི་གཉིས་གཅིག་པ་ཉིད་ནི་ཤེས་རབ་དང་ཐབས་ཀྱི་བདག་ཉིད་རྡོ་རྗེའི་རྣལ་འབྱོར་དོན་ཆེན་པོ་ མཆོག་ཏུ་མི་འགྱུར་བ་དང་པོའི་སངས་རྒྱས་རིས་མེད་པ། དུས་ཀྱི་འཁོར་ལོ་བཅོམ་ལྡན་འདས་རྡོ་རྗེ་

སེམས་དཔར་རྒྱུད་གཞན་ཐམས་ཅད་དུ་རབ་ཏུ་གྲགས་སོ། །ཞེས་གསུངས་ལ། དེའི་དོན་ནི་འདི་ ཡིན་ཏེ། བཅོམ་ལྡན་འདས་ཀྱིས་སྔགས་ཀྱི་ཐེག་པར་བརྗོད་བྱ་ཀུན་རྫོབ་ཀྱི་བདེན་པ་དང་། དོན་དམ་ པའི་བདེན་པ་གཉིས་བསྟན་པ་ཡིན་ལ། དོན་དམ་པའི་བདེན་པ་ནི་རྡོ་རྗེའི་རྣལ་འབྱོར་ལ་བྱ་སྟེ། དེ་ ཡང་ཇི་ལྟ་བུ་ཞིག་ཡིན་ན་རྒྱུ་སེམས་ཀྱི་རང་བཞིན་འོད་གསལ་བ་སྟོང་པ་ཆེན་པོའི་སེམས་དང་། འབྲས་བུ་འགྱུར་བ་མེད་པའི་བདེ་བ་ཆེན་པོའི་ཡེ་ཤེས་ཀྱི་སེམས་ཏེ། དེ་གཉིས་ཤེས་རབ་དང་ཐབས་ ཀྱི་ངོ་བོར་ཡོད་ལ། ཐབས་ཤེས་དེ་དག་དབྱེར་མེད་ཟུང་དུ་འཇུག་པ་ལ་རྡོ་རྗེའི་རྣལ་འབྱོར་ཞེས་བྱ་ ཞིང་། སྟོང་པ་ཆེན་པོ་དེ་ཡང་ཅིར་ཡང་མ་གྲུབ་ཙམ་གྱི་ཆད་སྟོང་སྣང་མེད་ནི་མ་ཡིན་གྱི། མེ་ལོང་ལ་ སོགས་པ་ལ་པྲ་ཕབ་པའི་སྣང་བ་བཞིན་དུ་སོ་སོར་སྡུད་ཀྱི་ཏིང་ངེ་འཛིན་ལ་མཉམ་པར་བཞག་པའི་རྣལ་ འབྱོར་པས། མུན་ནག་གི་ནམ་མཁའ་དང་སྤྲིན་མེད་པའི་ནམ་མཁའ་ལ་མངོན་སུམ་དུ་མཐོང་བའི་དུ་བ་ དང་སྨིག་རྒྱུ་ལ་སོགས་པ་སྣ་ཚོགས་པའི་རྣམ་པ་སྟེ། དེ་ཉིད་ལ་སྟོང་པ་ཆེན་པོའམ་སྟོང་པ་ཉིད་ཀྱི་ གཟུགས་ཞེས་ཀྱང་བྱ། རྣམ་པ་ཐམས་ཅད་ཀྱི་མཆོག་དང་ལྡན་པ་ཞེས་པ་དང་ཕྱག་རྒྱ་ཆེན་པོ་ཞེས་ ཀྱང་བརྗོད་དེ་སེམས་ཀྱི་རང་བཞིན་འོད་གསལ་བ་ཉིད་ཡིན་ནོ། །དེ་ཉིད་ལྷན་ཅིག་སྐྱེས་པའི་བདེ་བ་ ཆེན་པོའི་ངོ་བོ་ཉིད་ཡིན་ལ། བདེ་སྟོང་དབྱེར་མེད་ཟུང་དུ་འཇུག་པ་དེ་ཉིད་ལ་དང་པོའི་སངས་རྒྱས་དུས་ ཀྱི་འཁོར་ལོ་རྡོ་རྗེ་སེམས་དཔའ་ཞེས་པ་ལ་སོགས་པ་རྣམ་གྲངས་དུ་མར་རྒྱུད་སྡེ་རིན་པོ་ཆེ་རྣམས་ སུ་གསུངས་སོ། །ཞེས་ཤེས་པར་བྱ་ཞིང་ཕ་རོལ་ཏུ་ཕྱིན་པའི་ཐེག་པར་ངོ་བོ་ཉིད་ཀྱི་སྐུ་ཞེས་ གསུངས་པའི་དོན་ཡང་དེ་ཉིད་ཡིན་པར་ཤེས་པར་བྱའོ། །ཡང་དེ་ཉིད་ལས། འདིར་རྣལ་འབྱོར་པ་ རྣམས་ཀྱི་ཕྱོགས་སུ་འཛིན་པ་ཐམས་ཅད་ཉམས་པར་བྱ་བའི་སླད་དུ་རྡོ་རྗེ་རྣལ་འབྱོར་རིས་མེད་པ། རྟག་པ་དང་ཆད་པ་སྤངས་པ་འཇིག་རྟེན་པའི་དཔེ་ལས་འདས་པ། ཡོད་པ་དང་མེད་པའི་བློ་ཡོངས་ སུ་སྤངས་པ། གཞོན་ནུ་མས་མེ་ལོང་ལ་པྲ་ཕབ་པ་བཞིན། རང་གི་སེམས་ཀྱིས་མ་བརྟགས་པ། མངོན་སུམ་དུ་མཐོང་བ་ཡིད་ཆེས་པའི་དོན་ཅན་རྣམ་པ་ཐམས་ཅད་པ་ནམ་མཁའ་ལས་བྱུང་བ། ཀུན་ཏུ་ བཟང་པོ་དབང་པོ་ཐམས་ཅད་པ་སེམས་ཅན་ཐམས་ཅད་ཀྱི་བདག་ཉིད་དུ་གནས་པ་ལྷན་ཅིག་སྐྱེས་པའི་ དགའ་བ་གཏན་ཚིགས་དང་དཔེ་སྤངས་པ་ཞེས་གསུངས་ཏེ། དེ་དག་གི་དོན་ནི། རྩ་བའི་རྒྱུད་ཀྱི་ དབང་མདོར་བསྟན་པར། དུ་བ་སྨིག་རྒྱུ་མཁའ་སྣང་དང་། །སྒྲོན་མ་འབར་བ་ཟླ་ཉི་མ། །མུན་ཅན་ཆ་ དང་ཐིག་ལེ་ཆེ། །སྣ་ཚོགས་གཟུགས་བརྙན་འོད་གསལ་བ། །ཞེས་གསུངས་ཏེ། མཚན་མོའི་རྣལ་ འབྱོར་གྱིས་མུན་ནག་གི་ནམ་མཁའ་ལ་ཁ་དོག་དཀར་པོ་དུ་བ་དང་སྤྲིན་ལ་སོགས་པའི་རྣམ་པ་

དང་། སྨིག་རྒྱུ་དང་ཆུ་ལ་སོགས་པའི་རྣམ་པ་དང་། མཁའ་སྣང་ཞེས་པ་སྲིན་བུ་མེ་ཁྱེར་གྱི་རྣམ་པ་ དང་། སྒྲོན་མ་སྟེ་མར་མེ་འབར་བའི་རྣམ་པ་མཐོང་བ་དང་། ཉིན་མོའི་རྣལ་འབྱོར་གྱིས་སྤྲིན་མེད་པའི་ ནམ་མཁའ་ལ། འབར་བ་ཞེས་པ་ཁ་དོག་དམར་པོའམ་སེར་པོ་མེ་འབར་བའི་རྣམ་པ་དང་། ཟླ་བའི་ རྣམ་པ་དང་ཉི་མའི་རྣམ་པ་དང་། མུན་ཅན་ཞེས་པ་སྒྲ་གཅན་ཏེ་རིན་པོ་ཆེ་ནག་པོ་ལྟར་སྣང་བ་དང་། ཆ་ཞེས་པ་གློག་ལྟ་བུ་དང་ཐིག་ལེ་ཆེ་ཞེས་པ་ཁ་དོག་སྔོན་པོ་ཟླ་བའི་དཀྱིལ་འཁོར་གྱི་རྣམ་པ་མཐོང་བ་ དང་། སྣ་ཚོགས་གཟུགས་བརྙན་ནི། ཤིན་ཏུ་དྭངས་ཤིང་གསལ་བ་བུམ་པ་དང་སྣམ་བུ་དང་བྲག་རི་དང་ ལྗོན་ཤིང་ལ་སོགས་པའི་རྣམ་པར་སྣང་པ་དང་མི་དང་དུད་འགྲོ་ལ་སོགས་པའི་རྣམ་པར་སྣང་བ་སྟེ། མདོར་ན་ཏིང་ངེ་འཛིན་ཁྱད་པར་ཅན་འདིའི་ཉམས་ཀྱི་སྣང་པ་འཁོར་འདས་ཀྱི་རྣམ་པ་བརྗོད་ཀྱིས་མི་ ལང་པ་སྣང་སྟེ། དེ་ཡང་རང་གི་སེམས་ཀྱིས་བརྟགས་པ་དང་འཁྲུལ་པ་ལ་སོགས་པ་མ་ཡིན་གྱི། རྣལ་འབྱོར་པའི་མངོན་སུམ་ལ་སྣང་བའི་སྟོང་གཟུགས་དང་། གཞོམ་མེད་ཀྱི་སྒྲ་བརྙན་ལ་སོགས་པ་ འདི་ཉིད་རྡོ་རྗེའི་རྣལ་འབྱོར་གྱི་ངོ་བོ་ཡིན་ནོ།།

དེའ་ི རང་བཞིན་གཏན་ལ་དབབ་པ།

གཉིས་པ་དེའི་རང་བཞིན་གཏན་ལ་དབབ་པ་ལ་གསུམ་ལས། འོད་གསལ་རྡོ་རྗེའི་རྣལ་འབྱོར་ཕྱོགས་ ཐམས་ཅད་དང་བྲལ་བར་བསྟན། རྡོ་རྗེའི་རྣལ་འབྱོར་གྱི་ངོ་བོ་སེམས་ཀྱི་རང་བཞིན་འོད་གསལ་གཏན་ ལ་དབབ་པ། སེམས་ཉིད་རང་བཞིན་འོད་གསལ་ཉིད་གཞི་བདེ་གཤེགས་སྙིང་པོ་ཡིན་པའི་ཚུལ་ ལོ།།

rd8་rjHའ་ི rnལ་འbyོར་yོགས་ཐམས་ཅད་དང་brལ་བར་བstན་པ།

དང་པོ་ལ། ཡོད་མེད་ཀྱི་ཕྱོགས་དང་བྲལ་བ་དང་། འཁོར་འདས་རྟག་ཆད་ཀྱི་ཕྱོགས་དང་བྲལ་ བ་གཉིས་ལས། དང་པོ་ནི། འདིར་རྣལ་འབྱོར་པ་རྣམས་ཀྱི་ཕྱོགས་སུ་འཛིན་པ་ཐམས་ཅད་ཉམས་པར་བྱ་བའི་ སླད་དུ་ཞེས་གསུངས་པས་ཕྱོགས་འཛིན་ནམ་མཐར་འཛིན་པ་ནི། གཟུང་འཛིན་གྱི་རྣམ་པར་རྟོག་པ་ ཐམས་ཅད་ཡིན་ལ་དེ་ནི་འཁོར་བའི་རྒྱུ་ཡིན་པས་ཉམས་པར་བྱ་དགོས་ཤིང་དེ་ལ་མཐའ་བྲལ་དབུ་མའི་ གནས་ལུགས་ཤེས་དགོས་ལ། མཐའ་བྲལ་གྱི་དོན་ལ་ཡང་ཀུན་རྫོབ་རྟེན་ཅིང་འབྲེལ་པར་འབྱུང་བའི་ ཆོས་རྣམས་ལ་ཡོད་མེད་རྟག་ཆད་སོགས་ཀྱི་མཐའ་དང་བྲལ་བའི་ཚུལ་ནི། ཕྱི་མཚན་ཉིད་ཐེག་པ་ དབུ་མ་པའི་གཞུང་ལུགས་རྣམས་སུ་གཏན་ལ་ཕབ་པ་ལྟར་ཤེས་པར་བྱ་ཞིང་། འདིར་ནང་སྔགས་ཀྱི་ ཐེག་པའི་ཚུལ་ལ་རྣལ་འབྱོར་པའི་བསྒོམ་བྱ་རྡོ་རྗེའི་རྣལ་འབྱོར་རམ་ཕྱག་རྒྱ་ཆེན་པོའི་གནས་ལུགས་ མཐའ་དང་བྲལ་བའི་དོན་བསྟན་པར་བྱ་སྟེ། དེ་ཡང་། དཔལ་ལྡན་དྲི་མ་མེད་པའི་འོད་ལས། འདིར་ ཡང་སྟོང་པ་ཉིད་དང་སྙིང་རྗེའི་བདག་ཉིད་ཀྱི་གཟུགས་རྣམ་པར་དག་པའི་སེམས། གཞོན་ནུ་མའི་པྲ་ཕབ་ པ་ལྟ་བུ་ནི་གཟུགས་ཀྱི་མཚན་ཉིད་མ་ཡིན་ཏེ་རྡུལ་ཕྲ་རབ་མེད་པའི་ཕྱིར་རོ། །གཟུགས་མེད་པའི་ མཚན་ཉིད་མ་ཡིན་ཏེ་སྟོང་པའི་གཟུགས་ཡོད་པའི་ཕྱིར་རོ། །ཞེས་གསུངས་ཏེ། སྟོང་པ་ཉིད་དང་སྙིང་ རྗེའི་བདག་ཉིད་རྣམ་པར་དག་པའི་སེམས་ཞེས་པ་ནི་རྡོ་རྗེའི་རྣལ་འབྱོར་ཡིན་ལ། གཟུགས་ཞེས་པ་ དང་པྲ་ཕབ་པ་ལྟ་བུ་ཞེས་པས་དེ་ཡང་དུ་བ་ལྟ་བུ་ལ་སོགས་པ་སྟོང་གཟུགས་འདི་ཉིད་ཡིན་པར་ ངོས་བཟུང་ནས། འོད་གསལ་སྟོང་གཟུགས་དེ་དུ་བ་ལ་སོགས་པ་གཟུགས་ཀྱི་རྣམ་པར་སྣང་ཡང་། དུ་ བ་ལ་སོགས་པ་གཟུགས་ཀྱི་རྡུལ་ཕྲ་རབ་ཏུ་གྲུབ་པ་མེད་པས་ན་གཟུགས་ཀྱི་དངོས་པོ་མ་ཡིན་ཞིང་། དེ་བཞིན་དུ་སྒྲ་ལ་སོགས་པ་ལ་ཡང་སྦྱར་ཏེ། དེ་ལྟར་ན་དངོས་པོའམ་ཡོད་པའི་ཕྱོགས་སམ་མཐའ་ དང་བྲལ་ཞིང་། སྟོང་པའི་གཟུགས་དང་སྒྲ་ལ་སོགས་པའི་རྣམ་པར་རྣལ་འབྱོར་པའི་སོ་སོ་རང་རིག་ ལ་གསལ་བར་སྣང་བས་ན་དངོས་པོ་མེད་པའམ་མེད་པའི་ཕྱོགས་སམ་ མཐའ་དང་བྲལ་བ་ཡིན་ནོ། །གཞན་ཡང་དཔལ་ལྡན་རྒྱུད་ཀྱི་རྒྱལ་པོར། ས་ཡི་རྣམ་པ་སྲ་བ་མིན་ཞིང་ཞུ་བ་ཆུ་ལུས་ཁུ་བ་མིན་ཏེ་ གཤེར་བ་ཉིད་མིན་ཕྱིར། ། མེ་ཡི་རྣམ་པ་མེ་མིན་གཡོ་བ་རླུང་གི་ལུས་ནི་གང་ཞིག་གཡོ་བ་མིན་པས་ རླུང་མ་ཡིན། །སྟོང་པའི་རྣམ་པ་ཡིན་ཡང་བལྟ་བྱ་དཀར་དང་ལྗང་དང་ཁ་དོག་སྣ་ཚོགས་ཆེན་པོ་ཁ་ དོག་མིན། །རྣམ་པ་ཀུན་ལྡན་ཡིན་ཡང་མཐོང་པ་མིན་ཏེ་རང་སྙིང་དྲི་མ་ཉོན་མོངས་བདུད་ཀྱི་མཐུ་ལས་ སོ། །ཞེས་གསུངས་ཏེ། རྣལ་འབྱོར་པ་རྟོག་པ་དང་བྲལ་ཞིང་མ་འཁྲུལ་བའི་ཤེས་པས་ས་དང་ཆུ་

དང་མེ་དང་རླུང་གི་རྣམ་པར་མཐོང་ཡང་། སྲ་བ་ལ་སོགས་པའི་མཚན་ཉིད་དང་རྡུལ་ཕྲ་རབ་ཀྱི་རྫས་ སུ་མ་གྲུབ་པའི་ཕྱིར། ས་ལ་སོགས་པའི་དངོས་པོ་མ་ཡིན་ལ། རྫས་སུ་གྲུབ་པ་མེད་པས་སྟོང་པའི་ རྣམ་པ་ཡིན་ཡང་རྣལ་འབྱོར་པའི་མངོན་སུམ་གྱིས་བལྟ་བར་བྱ་བ་ སྟེ་མཐོང་པ་ཡང་ཡིན་ཞིང་། དེ་ བཞིན་དུ་དཀར་པོ་ལ་སོགས་པའི་ཁ་དོག་དངོས་པོ་སྣ་ཚོགས་པའི་རྣམ་པར་སྣང་ཡང་དངོས་པོའི་ རྫས་སུ་མ་གྲུབ་པའི་ཕྱིར། ཁ་དོག་གི་དངོས་པོ་ཉིད་མ་ཡིན་ནོ། །རྣམ་པ་ཐམས་ཅད་དང་ལྡན་ཞིང་ སེམས་ཅན་ཐམས་ཅད་ལ་གདོད་མ་ནས་རྟག་ཏུ་གནས་པ་ཡིན་ཡང་སྤྱན་ལྔ་དང་མི་ལྡན་པའི་བྱིས་པ་ རྣམས་ཀྱིས་མི་མཐོང་སྟེ། དེའི་རྒྱུ་མཚན་རང་གི་སེམས་ཀྱི་གློ་བུར་གྱི་དྲི་མ་ཉོན་མོངས་པ་ཞེས་པ་ རྩ་གཡོན་ནས་རྒྱུ་བའི་རླུང་དང་། བདུད་ཅེས་པ་རྩ་གཡས་ནས་རྒྱུ་བའི་རླུང་མ་འགགས་པའི་སྟོབས་ ཀྱིས་སོ། །དེས་ན་གཡོན་དང་གཡས་ཀྱི་རླུང་དབུ་མའི་ནང་དུ་ཞུགས་པ་ལས་འོད་གསལ་སྟོང་པ་ ཉིད་ཀྱི་གཟུགས་མངོན་སུམ་དུ་མཐོང་པར་འགྱུར་རོ། །ཞེས་དགོངས་པ་སྟེ། སྲ་བ་ལ་སོགས་པའི་ རྡུལ་ཕྲ་རབ་ཀྱི་རྫས་སུ་མ་གྲུབ་ཅེས་པས་ནི། དངོས་པོའི་མཐའ་དང་བྲལ་བར་བསྟན་ལ། བལྟ་བྱ་ དང་ཁ་དོག་སྣ་ཚོགས་ཆེན་པོ་དང་རྣམ་པ་ཀུན་ལྡན་ཡིན་པས་ན། དངོས་པོ་མེད་པའི་མཐའ་དང་ བྲལ་བར་བསྟན་པ་ཡིན་ནོ། །གཉིས་པ་ནི། རྩ་བའི་རྒྱུད་ཀྱི་དབང་མདོར་བསྟན་པར། སྟོང་པ་ལས་ བྱུང་གཟུགས་བརྙན་རྒྱུ། །མི་འགྱུར་ལས་སྐྱེས་བདེ་བ་འབྲས། །རྒྱུ་ནི་འབྲས་བུས་རྒྱས་བཏབ་ པ། །འབྲས་བུ་རྒྱུ་ཡིས་རྒྱས་བཏབ་པོ། །སྟོང་ཉིད་གཟུགས་བརྙན་རྒྱུ་ཡིན་ཏེ། །སྙིང་རྗེ་འགྱུར་མེད་ འཛིན་པ་འབྲས། །སྟོང་ཉིད་སྙིང་རྗེ་དབྱེར་མེད་པ། །བྱང་ཆུབ་སེམས་ནི་མི་འཕོ་བའོ། །མྱ་ངན་ འདས་པ་བྲལ་བའི་གཟུགས། །འཁོར་བ་ལས་འདས་མི་འགྱུར་བ། །དེ་དག་སྦྱོར་བ་གཉིས་མེད་ མཆོག །རྟག་དང་ཆད་ལས་ངེས་པར་གྲོལ། །དངོས་མེད་ལས་བྱུང་མཚན་ཉིད་ཕྱིར། །གཟུགས་ནི་ དངོས་པོ་མེད་པ་མིན། །དངོས་པོ་ལས་བྱུང་མཚན་ཉིད་ཕྱིར། །འགྱུར་བ་མེད་པ་དངོས་པོ་མིན། ། དངོས་པོ་དངོས་མེད་ཡང་དག་སྦྱོར། །རྡོ་རྗེའི་རྣལ་འབྱོར་གཉིས་མེད་མཆོག །གཟུགས་དང་ གཟུགས་མིན་རྣམ་པར་གྲོལ། །པྲ་ཕབ་མེ་ལོང་ལ་བཞིན་ནོ། །གཟུགས་ནི་སྲིད་པར་མི་འོང་སྟེ། ། འགྱུར་མེད་མྱ་ངན་འདས་མི་འགྲོ། །ཕན་ཚུན་འཁྱུད་པ་ཞི་བ་སྟེ། །མ་ནིང་གི་ནི་གོ་འཕང་མཆོག ། ཅེས་གསུངས་ཏེ་དེའི་དོན་ནི། སྟོང་པ་ནི་ནམ་མཁའ་ཡིན་ལ་དེ་ལས་བྱུང་བ་ནི་རང་བྱུང་བ་སྟེ། ནམ་ མཁའ་ལས་བྱུང་རང་བྱུང་པ། །ཞེས་གསུངས་པའོ། །གཟུགས་བརྙན་ནི་དུ་བ་ལ་སོགས་པ་སྟོང་ གཟུགས་རྣམ་པ་ཐམས་ཅད་པ་སྟེ་རྒྱུ་ཡིན་ལ། ཐིག་ལེ་མི་འགྱུར་བ་ལས་སྐྱེས་པའི་ལྷན་ཅིག་སྐྱེས་

པའི་བདེ་བ་ནི་འབྲས་བུའོ། །རྒྱུ་སྟོང་གཟུགས་དེ་ཉིད་འབྲས་བུ་ལྷན་སྐྱེས་བདེ་བའི་ངོ་བོ་ཡིན་ཞིང་ འབྲས་བུ་ལྷན་སྐྱེས་བདེ་བ་ཡང་རྒྱུ་སྟོང་གཟུགས་ཀྱི་ངོ་བོ་ཡིན་པས། རྒྱུ་འབྲས་དེ་དག་མེའི་འོད་དང་ སྲེག་པར་བྱེད་པ་ལྟར་དབྱེར་མེད་གཅིག་ཏུ་གྱུར་པ་ནི་ཕན་ཚུན་རྒྱས་བཏབ་པའི་དོན་ནོ། །དེ་གཉིས་ ཀྱི་མཚན་ཉིད་ནི། དམིགས་པ་དང་བཅས་པའི་སྟོང་པ་ཉིད་གཟུགས་བརྙན་གྱི་ཚུལ་འཛིན་པ་ནི་རྒྱུ་ དང་། དམིགས་པ་མེད་པའི་སྙིང་རྗེ་འགྱུར་མེད་བདེ་བའི་ཚུལ་འཛིན་པ་ནི་འབྲས་བུ་སྟེ། སྟོང་པ་ཉིད་ དང་སྙིང་རྗེ་དེ་དག་དབྱེར་མེད་ཟུང་དུ་འཇུག་པ་དོན་དམ་བྱང་ཆུབ་ཀྱི་སེམས་གདོད་མ་ཉིད་ནས་ ཐིག་ལེ་མི་འཕོ་བ་སྟེ་དེ་ཉིད་རྡོ་རྗེའི་རྣལ་འབྱོར་རོ། །དེ་ཡང་འཁོར་འདས་རྟག་ཆད་ཀྱི་ཕྱོགས་དང་ བྲལ་བར་སྟོན་པ་མྱ་ངན་ལས་འདས་པ་ཞེས་པ་ལ་སོགས་པ་སྟེ། རྡོ་རྗེའི་རྣལ་འབྱོར་ནི་མྱང་འདས་ ཅི་ཡང་མེད་པའི་སྟོང་པ་དང་བྲལ་བ། དུ་བ་ལ་སོགས་པ་རྣམ་པ་ཐམས་ཅད་པའི་གཟུགས་སུ་ཡོད་ པ་དང་། འཁོར་བའི་ཐིག་ལེ་འགྱུར་བའི་བདེ་བ་ལས་འདས་པ་མི་འགྱུར་བའི་བདེ་བ་ཆེན་པོའི་བདག་ ཉིད་དུ་ཡོད་པ་ཡིན་ལ། དེ་དག་དབྱེར་མེད་པར་སྦྱོར་བ་ནི་གཉིས་སུ་མེད་པའི་དོན་དང་མཆོག་གམ་ ཕུལ་དུ་བྱུང་པ་རྟག་པ་དང་ཆད་པ་ལས་ངེས་པར་གྲོལ་བ་ཞེས་བྱའོ། ། དེའི་རྒྱུ་མཚན་ནི། དངོས་ མེད་ལས་བྱུང་ཞེས་པ་ལ་སོགས་པ་སྟེ་རང་གི་སེམས་ཀྱི་རང་བཞིན་འོད་གསལ་གྱི་སྣང་པ་སྟོང་ གཟུགས་རྣམ་པ་ཐམས་ཅད་པ་འདི་ནི། དངོས་མེད་ཅེས་པ་ནམ་མཁའ་དྲི་མ་མེད་པའི་མཐིལ་ཁོ་ན་ ལས་དུས་གསུམ་དང་ཁམས་གསུམ་པའི་རྣམ་པ་ཤིན་ཏུ་གསལ་བར་སོ་སོ་རང་རིག་པ་ཡིན་པའི་ ཕྱིར། དངོས་པོ་མེད་པ་ཆད་པའི་ཕྱོགས་སུ་ལྷུང་བ་མ་ཡིན་ཏེ། དེ་ཉིད་ལས། མོ་གཤམ་བུ་མོ་དང་ འགྲོགས་པས། །རྨི་ལམ་དུ་ནི་བདེ་འགྱུར་ལྟར། །ནམ་མཁའ་ལས་བྱུང་གཟུགས་བརྙན་ནི། ། བསྟེན་པས་བདག་ལ་དེ་བཞིན་ནོ། །ཞེས་རྣལ་འབྱོར་པས་གསལ་བར་ཉམས་སུ་མྱོང་བར་གསུངས་ སོ། །དེ་བཞིན་དུ། དངོས་པོ་ལས་བྱུང་མཚན་ཉིད་ཕྱིར། །ཞེས་པ་འགྱུར་བ་མེད་པའི་བདེ་བ་ནི་རབ་ ཏུ་གསལ་བར་གྱུར་པའི་སྟོང་གཟུགས་ཀྱི་དངོས་པོ་ལས་བྱུང་བའི་ཕྱིར། འདུས་བྱས་ཀྱི་དངོས་པོ་ ཡོད་པའི་ཕྱོགས་སུ་ལྷུང་པ་ཡང་མ་ཡིན་ནོ། །དེ་ལྟར་ན་སྟོང་པ་ཉིད་དང་སྙིང་རྗེ་ཆེན་པོ་ལ་དངོས་པོ་ དང་དངོས་པོ་མེད་པ་ཞེས་བརྗོད་པ་ཡིན་ལ། དེ་དག་ཡང་དག་པར་སྦྱོར་བ་སྟེ་དབྱེར་མེད་དུ་འདུས་ པ་ལས་རྡོ་རྗེའི་རྣལ་འབྱོར་ཞེས་བརྗོད་དེ། དེ་ཉིད་གཉིས་སུ་མེད་པ་དང་ཟུང་དུ་འཇུག་པ་དང་དེ་ཁོ་ན་ ཉིད་ཀྱི་དོན་ནོ། །ཞེས་པའོ། །དེ་ཉིད་ཀྱི་ཕྱིར་རྡོ་རྗེའི་རྣལ་འབྱོར་ནི་མེ་ལོང་ལ་པྲ་ཕབ་པའི་རྣམ་པ་ བཞིན་དུ་རྡུལ་ཕྲ་རབ་ཀྱི་རྫས་འདུས་པ་མེད་པའི་ཕྱིར། གཟུགས་ལས་རྣམ་པར་གྲོལ་ཞིང་མེད་དོ་

ཞེས་བསྙོན་པར་དཀའ་བ་མངོན་སུམ་དུ་དམིགས་པ་ཡིན་པའི་ཕྱིར། གཟུགས་མེད་པ་ལས་ཀྱང་རྣམ་ པར་གྲོལ་བ་ཡིན་ནོ། །དེའི་ཕྱིར་སྟོང་གཟུགས་ནི་སྲིད་པ་འཁོར་བར་མི་འོང་སྟེ། འཁོར་བ་རྟག་པའི་ མཐའ་ལ་མི་གནས་ཤིང་འགྱུར་བ་མེད་པའི་བདེ་བ་ནི་མྱ་ངན་ལས་འདས་པར་མི་འགྲོ་སྟེ། མྱང་ འདས་ཆད་པའི་མཐའ་ལ་མི་གནས་ལ་དེ་ཉིད་ཕན་ཚུན་འཁྱུད་པ་སྟེ། དབྱེར་མེད་པ་དང་དབང་པོའི་ རྣམ་འགྱུར་དང་བྲལ་བའི་ཕྱིར་ཞི་བ་དང་། ཐབས་འབའ་ཞིག་ཀྱང་མ་ཡིན་ཤེས་རབ་འབའ་ཞིག་ ཀྱང་མ་ཡིན་པ་ཐབས་ཤེས་གཉིས་ཀའི་བདག་ཉིད་ཡིན་པས་མ་ནིང་གི་གོ་འཕང་རྡོ་རྗེའི་རྣལ་འབྱོར་ རིས་མེད་པ་ཞེས་བྱ་ཞིང་། འགྲོ་བ་ཐམས་ཅད་དང་ཐུན་མོང་མ་ཡིན་པ་ཕུལ་དུ་བྱུང་བས་ན་མཆོག་ ཅེས་བྱ་སྟེ། ནཱ་རོ་པཎ་ཆེན་གྱི་བཞེད་པ་དང་འཐུན་པར་བཤད་པ་ཡིན་ནོ། །དེ་བཞིན་དུ། དཔལ་ལྡན་དྲི་མ་ མེད་པའི་འོད་ལས། དེའི་ཕྱིར་ཀུན་རྫོབ་སྟོང་པ་ཉིད་ཀྱི་གཟུགས་ཅན་དང་། སྟོང་པ་ཉིད་ཀྱི་ཀུན་རྫོབ་ ཀྱི་གཟུགས་ཅན་ཏེ་འཇིག་རྟེན་པའི་དཔེ་ལས་འདས་པ་ཉིད་ཀྱི་ཕྱིར་སེམས་གང་ཡོད་པའི་སེམས་དེ་ ནི་སེམས་མེད་པ། རྟག་པ་དང་ཆད་པའི་ཆོས་ཀྱི་མཚན་ཉིད་དང་བྲལ་བ་སྟོང་པ་ཉིད་དང་སྙིང་རྗེ་ དབྱེར་མེད་པའོ། །ཞེས་གསུངས་ཏེ། དེའི་དོན་ནི་དུ་བ་ལྟ་བུ་ལ་སོགས་པ་ཀུན་རྫོབ་ཀྱི་རྣམ་པར་ གནས་ཀྱང་སྟོང་པ་ཉིད་ཀྱི་གཟུགས་ཅན་ཏེ་སྟོང་པ་ཉིད་ཀྱི་ངོ་བོ་ཡིན་ལ། སྟོང་པ་ཉིད་ཡིན་ཡང་རྣམ་ པ་ཀུན་རྫོབ་ཀྱི་གཟུགས་ཅན་ཏེ། གཟུགས་བརྙན་དུ་ཡོད་པས་འཇིག་རྟེན་པའི་དཔེ་ལས་འདས་ཤིང་ འོད་གསལ་བའི་སེམས་གང་ཞིག་དོན་དམ་པར་ཡོད་པའི་སེམས་དེ་ནི་ཁམས་གསུམ་པའི་སེམས་ཀྱི་ དངོས་པོར་མེད་པ་སྟེ། དེ་ཡང་ཁམས་གསུམ་པའི་སེམས་ཀྱི་དངོས་པོ་མ་ཡིན་པས་རྟག་པའི་ མཚན་ཉིད་དང་བྲལ་བ་དོན་དམ་པར་ཡོད་པས་ཆད་པའི་མཚན་ཉིད་དང་བྲལ་བ་ནི། སྟོང་པ་ཉིད་དང་ སྙིང་རྗེ་དབྱེར་མེད་པའི་རྡོ་རྗེའི་[རྣལ་འབྱོར་གྱི་]གནས་ལུགས་ཡིན་ནོ་ཞེས་པའི་དོན་ནོ། །དེ་བཞིན་ དུ། རྡོ་རྗེའི་རྣལ་འབྱོར་རྣམ་པར་དག་པ་སྐད་ཅིག་གཅིག་གིས་མངོན་པར་རྫོགས་པ་སངས་རྒྱས་ པ་དམ་པའི་དོན་ཆེན་པོ་མཆོག་ཏུ་མི་འགྱུར་བ་ལྷན་ཅིག་སྐྱེས་པའི་དགའ་བ་འདི་ནི། འདོད་པའི་ སྲིད་པ་ལ་མི་གནས་ཞེས་པ་ལ་སོགས་པས་སྲིད་ཞིའི་མཐའ་གཉིས་ལ་མི་གནས་པར་གསུངས་ སོ། །དེ་ལྟར་ན་རྡོ་རྗེའི་རྣལ་འབྱོར་མཐའ་ཐམས་ཅད་དང་བྲལ་བར་གྲུབ་སྟེ་ཡང་དེ་ཉིད་ལས། ཕྱོགས་ ཞེས་བྱ་བ་ནི་དངོས་པོ་དང་དངོས་པོ་མེད་པ་དང་ཞེས་སོགས་རྣམ་གྲངས་མང་པོ་བསྟན་ནས་ ཕྱོགས་འདི་དག་དང་བྲལ་བ་ནི། སངས་རྒྱས་རྣམས་ཀྱིས་མི་གནས་པའི་མྱ་ངན་ལས་འདས་པ་རང་

བཞིན་མེད་པ་སྟེ། སྐད་ཅིག་གཅིག་དང་དུ་མ་དང་བྲལ་བའི་ཡེ་ཤེས་ནི་རྒྱལ་བ་རྣམས་ཀྱིས་དེ་ཁོ་ ན་ཉིད་ཅེས་གསུངས་སོ། །ཞེས་གསུངས་པ་ལྟར་ཤེས་པར་བྱའོ།།

དེའ་ི ང8་བ8་སHམས་kyི་རང་བཞིན་འོད་གསལ་གཏན་ལ་དབབ་པ།

གཉིས་པ་རྡོ་རྗེའི་རྣལ་འབྱོར་གྱི་ངོ་བོ་སེམས་ཀྱི་རང་བཞིན་འོད་གསལ་བ་གཏན་ལ་ཕབ་པ་ནི། རྒྱུད་ཀྱི་རྒྱལ་པོ་ཆེན་པོ་བརྟག་པ་གཉིས་པ་ལས། རང་དང་རང་གི་རྟོག་པ་ལས། །སངས་རྒྱས་མ་ ཡིན་སེམས་ཅན་ནི། །གཅིག་ཀྱང་ཡོད་པ་མ་ཡིན་ནོ། །དམྱལ་བ་ཡི་དགས་བྱོལ་སོང་དང་། །ལྷ་ དང་ལྷ་མིན་མི་རྣམས་དང་། །བཤང་བའི་སྲིན་བུ་ལ་སོགས་པ། །ལྷ་དང་ལྷ་མ་ཡིན་གྱི་ཡང་། ། བདེ་བ་གང་ཕྱིར་མི་ཤེས་པས། །རྟག་ཏུ་རང་བཞིན་བདེ་བ་ཅན། །འཇིག་རྟེན་ཁམས་ནི་གང་དུ་ཡང་། ། སངས་རྒྱས་གཞན་དུ་རྙེད་མི་འགྱུར། །སེམས་ནི་རྫོགས་པའི་སངས་རྒྱས་ཉིད། །སངས་རྒྱས་གཞན་ དུ་གཏན་དུ་མེད། །ཅེས་གསུངས་ཤིང་དཔལ་ལྡན་ས་ར་ཧ་པས་ཀྱང་། སེམས་ཉིད་གཅིག་པུ་ཀུན་ གྱི་ས་བོན་ཏེ། །གང་ལས་སྲིད་དང་མྱ་ངན་འདས་འཕྲོ་བ། །འདོད་པའི་འབྲས་བུ་སྟེར་བར་བྱེད་པས་ ཏེ། །ཡིད་བཞིན་ནོར་འདྲའི་སེམས་ལ་ཕྱག་འཚལ་ལོ། །ཞེས་གསུངས་པ་ལྟར་འཁོར་འདས་ཀྱི་ཆོས་ ཐམས་ཅད་ཀྱི་གཞིའམ་རྩ་བ་སེམས་ཉིད་ཡིན་པས། ཐར་པའི་མཆོག་ཕྱག་རྒྱ་ཆེན་པོའི་དངོས་གྲུབ་ ཐོབ་པར་འདོད་པའི་རྣལ་འབྱོར་པ་རྣམས་ཀྱིས་རང་གི་སེམས་ཀྱི་གནས་ལུགས་ངོ་ཤེས་པར་བྱ་ དགོས་ཤིང་། དེ་ལ་བླ་མ་དམ་པའི་གདམས་ངག་ཐུན་མོང་མ་ཡིན་པ་ལ་བརྟེན་ནས་ཉམས་སུ་མྱོང་ པའི་དོན། བཀའ་མདོ་རྒྱུད་བསྟན་བཅོས་དྲི་མ་མེད་པ་རྣམས་ཀྱི་ལུང་ལ་བརྟེན་པའི་རིགས་པས་ གཏན་ལ་དབབ་དགོས་པས་འདི་ལ་དོན་རྣམ་པ་གསུམ་སྟེ། རང་བཞིན་དང་བློ་བུར་གྱི་སེམས་གཉིས་སུ་དབྱེ་བ། རང་བཞིན་གྱིས་འོད་གསལ་བའི་དོན་ ངོས་བཟུང་བ། འོད་གསལ་གྱི་སྣང་བ་ལ་མི་འཐད་པའི་རྩོད་པ་སྤང་པའོ།།

རང་བཞིན་དང་blོ་buར་gyི་སེམས་གཉིས་su་དbyེ་བ།

དང་པོ་ནི། འདིར་སེམས་ནི་དབྱེ་གཞི་ལྟ་བུ་ཡིན་ལ། དེ་ལ་དབྱེ་བ་རྣམ་པ་གཉིས་སུ་ཤེས་པར་ བྱ་སྟེ། བློ་བུར་གྱི་དྲི་མས་བསྡུས་པའི་སེམས་དང་སེམས་ཀྱི་རང་བཞིན་འོད་གསལ་བའམ་རང་བཞིན་ གྱིས་འོད་གསལ་བའི་སེམས་སོ། །དེ་ཡང་། དཔལ་དུས་ཀྱི་འཁོར་ལོའི་རྒྱས་འགྲེལ་དྲི་མ་མེད་ པའི་འོད་དུ། དེ་ལྟར་འཁོར་བའི་སེམས་ཀྱི་རང་བཞིན་གྱིས་སད་པ་ལ་སོགས་པའི་དབྱེ་བས་རྣམ་པ་ བཞིར་ངེས་པའོ། །ཞེས་སེམས་ཅན་རྣམས་ཀྱི་སད་པ་དང་རྨི་ལམ་དང་གཉིད་འཐུག་པོའི་སེམས་དང་ བཞི་པའི་གནས་སྐབས་འཛག་བདེའི་སེམས་ཏེ་བཞི་པོ་འཁོར་བའི་སེམས་སུ་གསུངས་ཤིང་། རྒྱུད་ ལས། དེ་དག་དབུས་སུ་རྡོ་རྗེ་སྤྱན་ནི་རང་བཞིན་མིན་ཞིང་རྣམ་འགྱུར་མིན་ཏེ་ཁྱབ་བྱེད་རང་བཞིན་ མེད་པའོ། །ཞེས་པའི་འགྲེལ་པར་འཕགས་པ་སྤྱན་རས་གཟིགས་དབང་ཕྱུག་གི་ཞལ་སྔ་ནས། ས་ལ་ སོགས་པ་འདི་དག་གི་དབུས་སུ། རྡོ་རྗེ་སྤྱན་ནི་རང་བཞིན་མིན་ཞིང་རྣམ་འགྱུར་མིན་ཏེ་ཁྱབ་བྱེད་ རང་བཞིན་མེད་པའོ། །གང་གི་ཕྱིར་འཁོར་བའི་བག་ཆགས་ལས་གྲོལ་བའི་སེམས་ཀྱི་ཆོས་ཡིན་པ་ དེའི་ཕྱིར་གང་སེམས་ཡོད་པའི་སེམས་དེ་ནི་སེམས་མ་ཡིན་ནོ་ཞེས་འཁོར་བ་པའི་སེམས་དང་བྲལ་བ་མྱ་ ངན་ལས་འདས་པའི་སེམས་གཞན་ཡོད་པ་ནི་རྡོ་རྗེ་ཅན་གྱི་མིང་གིས་བཅོམ་ལྡན་འདས་ཀྱིས་གསུངས་ སོ། །ཞེས་གསུངས་ཏེ། ས་ལ་སོགས་པ་ནི་རང་བཞིན་དང་རྣམ་འགྱུར་ཞེས་བྱ་བ། མ་དག་པ་འཁོར་ བ་པའི་ཕུང་པོ་ལ་སོགས་པ་ཡིན་ནོ། །འདིས་ནི་འཁོར་བའི་སེམས་འདི་ལ་རང་བཞིན་འོད་གསལ་ མྱང་འདས་ཀྱི་སེམས་སྙིང་པོའི་ཚུལ་དུ་གནས་ཤིང་མྱང་འདས་ཀྱི་སེམས་དེ་འཁོར་བའི་སེམས་ དང་བྲལ་བར་བསྟན་པའི་ཕྱིར་གདོད་མ་ཉིད་ནས་རང་བཞིན་དང་གློ་བུར་གྱི་སེམས་ཆ་གཉིས་སུ་ གནས་པར་ཤེས་པར་བྱའོ།། གཞན་ཡང་དཔལ་དུས་ཀྱི་འཁོར་ལོར། བུམ་པའི་ནང་དུ་ཆུ་ནི་ལེན་པར་བྱེད་པ་ན་ཡང་ནམ་ མཁའ་འགྲོ་བ་མིན་པ་ཇི་ལྟར་བར། །མཁའ་ཁྱབ་མཁའ་ཡི་རྡོ་རྗེ་ཅན་ནི་ཡུལ་དང་རྣམ་པར་བྲལ་བ་ ལུས་ཀྱི་དབུས་སུ་དེ་བཞིན་ནོ། །ཞེས་གསུངས་པའི་འགྲེལ་པར་མྱ་ངན་ལས་འདས་པའི་སེམས་ འཁོར་བ་ལས་འདས་པ་ཐམས་ཅད་ཀྱི་ལུས་ལ་གནས་པ་ནི་གང་གིས་ཀྱང་མ་བཅིངས་ཤིང་མ་ བཀྲོལ་བའོ། །བུམ་པའི་ནང་དུ་ཆུ་ནི་ལེན་པར་བྱེད་པ་ན་ཡང་ནམ་མཁའ་འགྲོ་བ་མིན་པ་ཇི་ལྟ་བར།

།མཁའ་ཁྱབ་མཁའི་རྡོ་རྗེ་ཅན་ཞེས་པ་ནི་སྟོང་པ་ལ་སོགས་པའི་རྣམ་པར་ཐར་པས་རྣམ་པར་དག་ པའི་སེམས་ནི་མཁའི་རྡོ་རྗེ་ཅན་ནོ། །ཡུལ་དང་རྣམ་པར་བྲལ་བ་ཞེས་པ་ཡོན་ཏན་མེད་པ་སྟེ་དེ་ཙམ་ ལ་སོགས་པ་དང་སྙིང་སྟོབས་དང་རྡུལ་དང་མུན་པ་དང་བྲལ་བ་ནི་སད་པ་དང་རྨི་ལམ་དང་ཤིན་ཏུ་ གཉིད་ལོག་པ་དང་བཞི་པ་དང་བྲལ་བ་ཞེས་པའི་དོན་ཏེ། རང་བཞིན་མེད་པ་ལུས་ཀྱི་དབུས་སུ་དེ་ བཞིན་ནོ། །རྟག་པ་དངོས་པོ་དང་ཆད་པ་དངོས་པོ་མེད་པ་སྟེ་དེ་དག་གང་ལ་མེད་པ་དེ་ནི་རྡོ་རྗེ་ཅན་ཏེ། རྣམ་པར་དག་པའི་སེམས་སོ་ཞེས་པའི་དོན་ཏོ། །འཁོར་བ་དང་མྱ་ངན་ལས་འདས་པའི་སེམས་ངེས་ པའོ། །ཞེས་གསུངས་ཏེ། སྟོང་པ་ལ་སོགས་པའི་རྣམ་པར་ཐར་བས་རྣམ་པར་དག་པ། ཞེས་པ་ ནི་སྟོང་པ་ཉིད་དང་མཚན་མ་མེད་པ་དང་སྨོན་པ་མེད་པ་དང་མངོན་པར་འདུ་མི་བྱེད་པའི་རྣམ་པར་ ཐར་པ་སྟེ་རྣམ་པར་ཐར་པ་བཞི་ལ། གཞི་འབྲས་ཀྱི་རྣམ་ཐར་དང་ལམ་གྱི་རྣམ་ཐར་གཉིས་སུ་ཡོད་ པ་ལས། ལམ་གྱི་རྣམ་ཐར་རྣམས་ཀྱི་སྔར་མ་དག་པ་གསར་དུ་དག་པར་བྱས་པ་ནི་མ་ཡིན་གྱི། སེམས་ཀྱི་རང་བཞིན་འོད་གསལ་ལ་ཡེ་ནས་གནས་པའི་རྣམ་པར་ཐར་པ་རྣམས་ཀྱིས་འོད་གསལ་ གྱི་སེམས་ཉིད་གདོད་ནས་རྣམ་པར་དག་པར་གྱུར་པའོ། །དེ་ཙམ་ལ་སོགས་པ་དང་སྙིང་སྟོབས་དང་ རྡུལ་དང་མུན་པ་དང་བྲལ་བ་ཞེས་པ་ནི་ཟླ་བའི་ཡོན་ཏན་སྒྲ་དེ་ཙམ་ལ་སོགས་པ་ཡུལ་ལྔ་དང་། ཉི་མའི་ ཡོན་ཏན་སྙིང་སྟོབས་ཏེ་སད་པའི་གནས་སྐབས་དང་རྡུལ་ཏེ་རྨི་ལམ་གྱི་གནས་སྐབས་དང་། མུན་ པས་ཏེ་ཤིན་ཏུ་གཉིད་ལོག་པའི་གནས་སྐབས་གསུམ་དང་བྲལ་ཞིང་། བཞི་པའི་གནས་སྐབས་དང་ བྲལ་བའི་དོན་ནོ། །དེ་ལྟར་ན་མྱ་ངན་ལས་འདས་པའི་སེམས་ནི་རང་བཞིན་གཉུག་མར་གནས་པའི་ དོན་དམ་པའི་བདེན་པ་ཡིན་ལ། མྱ་ངན་ལས་འདས་པ་ཞེས་པ་ནི་རང་བཞིན་གྱིས་མྱ་ངན་ལས་ འདས་པ་ཡིན་ནོ། །འཁོར་བའི་སེམས་ནི་མདོ་ལས། ཁམས་གསུམ་པོ་འདི་དག་ནི་སེམས་ཙམ་མོ། ། ཞེས་པ་དང་དབུས་དང་མཐའ་རྣམ་པར་འབྱེད་པ་ལས། ཡང་དག་མ་ཡིན་ཀུན་རྟོག་ནི། །སེམས་ དང་སེམས་བྱུང་ཁམས་གསུམ་པ། །ཞེས་གསུངས་པ་ལྟར། ཁམས་གསུམ་པའི་སེམས་དང་ སེམས་ལས་བྱུང་པ་སེམས་ཀྱི་ཆོས་ཉིད་དམ་རང་བཞིན་དང་འབྲལ་དུ་རུང་ཞིང་། རྒྱུ་རྐྱེན་གྱིས་སྔར་མེད་ གསར་དུ་བསྐྱེད་པའི་བཅོས་མ་གློ་བུར་བ་སྟེ། རང་བཞིན་དང་གློ་བུར་གྱི་སེམས་གཉིས་སུ་གནས་པ་ ཡིན་ནོ། །དེ་ལྟར་སེམས་ལ་གཉིས་སུ་ཕྱེ་ཡང་རང་བཞིན་པའི་སེམས་ནི་ཆོས་ཉིད་དོན་དམ་པའི་བདེན་ པ་དང་། གློ་བུར་བའི་སེམས་ནི་ཆོས་ཅན་ཀུན་རྫོབ་ཀྱི་བདེན་པ་ཡིན་པས་ངོ་བོ་གཅིག་པ་དང་ངོ་བོ་ ཐ་དད་པ་གང་ཡང་མ་ཡིན་གྱི། མདོ་དགོངས་པ་ངེས་འགྲེལ་ལས། འདུ་བྱེད་ཁམས་དང་དོན་དམ་

མཚན་ཉིད་དག །གཅིག་དང་ཐ་དད་བྲལ་བའི་མཚན་ཉིད་དེ། །གཅིག་དང་ཐ་དད་ཉིད་དུ་གང་ རྟོགས་པ། །དེ་དག་ཚུལ་མིན་ལྟ་ལ་ཞུགས་པ་ཡིན། །ཞེས་གསུངས་པ་ལྟར། ངོ་བོ་དེ་ཉིད་གཞན་དུ་ བརྗོད་དུ་མེད་པ་ཡིན་ལ། སྤྱིར་ནི་གཅིག་པ་ཐ་དད་བཀག་ཙམ་གྱི་ཐ་དད་ཡིན་ནོ།།

རང་བཞིན་gyིས་འོད་གསལ་བའི་དོན་ངོས་བzuང་བ།

གཉིས་པ་རང་བཞིན་གྱིས་འོད་གསལ་བའི་དོན་ངོས་བཟུང་པ་ལ། ཕྱག་རྒྱ་ཆེན་པོ་པར་ཁས་ འཆེ་བ་མང་པོ་དག་རང་གི་སེམས་ལ་བལྟས་པ་ན་ཉམས་སུ་མྱོང་བའི་སེམས་ཉིད་གཟུང་འཛིན་དང་ བྲལ་བ་མ་བཅོས་པ་རིག་ཙམ་དུ་ ས་ལེ་བ་འདི་ཉིད་སེམས་ཀྱི་རང་བཞིན་འོད་གསལ་བ་ཡིན་ནོ་ ཞེས་སྨྲ་མོད། འདི་ནི་སེམས་ཙམ་པའི་གྲུབ་མཐའ་དང་རྗེས་སུ་འཐུན་པ་སྟེ། རེ་ཤིག་ཁམས་གསུམ་ པའི་སེམས་ཀྱི་གནས་ལུགས་དེ་ལྟར་ཡིན་ཡང་ཡང་དག་པར་ན་སེམས་ཀྱི་གནས་ལུགས་རིག་ཙམ་དུ་ ཡང་མ་གྲུབ་སྟེ། བཅོམ་ལྡན་འདས་ཀྱིས་དཀོན་མཆོག་བརྩེགས་པའི་མདོར། འོད་བསྲུངས་སེམས་ ནི་ཀུན་ཏུ་བཙལ་ན་མི་རྙེད་དོ། །གང་མ་རྙེད་པ་དེ་ནི་མི་དམིགས་པའོ། །གང་མི་དམིགས་པ་དེ་ནི་ འདས་པ་ཡང་མ་ཡིན་མ་འོངས་པ་ཡང་མ་ཡིན་ད་ལྟར་བྱུང་པ་ཡང་མ་ཡིན་ནོ། །གང་འདས་པ་ ཡང་མ་ཡིན་མ་འོངས་པ་ཡང་མ་ཡིན་ད་ལྟར་བྱུང་པ་ཡང་མ་ཡིན་པ་དེ་ལ་ངོ་བོ་ཉིད་མེད་དོ། །གང་ངོ་ བོ་ཉིད་མེད་པ་དེ་ལ་འབྱུང་པ་མེད་དོ། །གང་འབྱུང་པ་མེད་པ་དེ་ལ་འགག་པ་མེད་དོ། །ཞེས་དང་ ལང་ཀར་གཤེགས་པའི་མདོར། བཟུང་དང་འཛིན་པའི་དངོས་པོར་ནི། །གལ་ཏེ་སེམས་ནི་འཇུག་ འགྱུར་ན། །དེ་ནི་འཇིག་རྟེན་པ་ཡི་སེམས། །སེམས་ཙམ་དུ་ཡང་མི་རུང་ངོ་། །ལུས་དང་ལོངས་སྤྱོད་ གནས་འདྲ་བ། །གལ་ཏེ་རྨི་ལམ་འདྲར་སྐྱེས་ན། །སེམས་ནི་རྣམ་པ་གཉིས་སུ་འགྱུར། །སེམས་ལ་ གཉིས་ཀྱི་མཚན་ཉིད་མེད། །ཇི་ལྟར་རལ་གྲི་རང་སོ་དང་། །ཇི་ལྟར་འཛུབ་མོ་རང་རྩེ་ལ། །མི་གཅོད་ རེག་པར་མི་འགྱུར་བ། །དེ་བཞིན་སེམས་ཀྱིས་སེམས་མི་མཐོང་། །ཞེས་གསུངས་པ་ལྟར་ཅིར་ཡང་ མ་གྲུབ་ཅིང་གང་དུ་ཡང་མ་དམིགས་པའི་ཕྱིར་རོ། །འོ་ན་འཕགས་པ་བརྒྱད་སྟོང་པར། སེམས་ནི་ སེམས་མ་མཆིས་པ་སྟེ་སེམས་ཀྱི་རང་བཞིན་འོད་གསལ་བའོ་ཞེས་གསུངས་པ་ལྟར། སེམས་

འདིའི་ངོ་བོ་གང་དུ་ཡང་མ་གྲུབ་ཙམ་ཉིད་སེམས་ཀྱི་རང་བཞིན་འོད་གསལ་བའི་དོན་ཡིན་ནོ་སྙམ་ན། དེ་ནི་དགོངས་པ་མ་ཡིན་ཏེ་མཆོག་ཏུ་མི་འགྱུར་བའི་ཡེ་ཤེས་གྲུབ་པར། འདིར་དེ་བཞིན་གཤེགས་ པའི་ཡེ་ཤེས་ནི་ཆོས་ཐམས་ཅད་ཀྱིས་རང་བཞིན་མེད་པ་ཉིད་རྟོགས་པར་བྱེད་པ་ཞེས་བྱ་བ་སྟེ། དངོས་པོ་ཐམས་ཅད་མེད་པའི་མཚན་ཉིད་ཤིན་ཏུ་གཉིད་ལོག་པའི་སེམས་ནི་མ་ཡིན་ནོ། །ཤེས་རབ་ ཀྱི་ཕ་རོལ་ཏུ་ཕྱིན་པ་ལས་གསུངས་པ་ཡང་སེམས་གང་ཞིག་ཡོད་པའི་སེམས་དེ་ནི་སེམས་མ་ཡིན་ ཞེས་པ་སྟེ། སེམས་དེ་ནི་རང་བཞིན་གྱིས་འོད་གསལ་བ་ཞེས་བྱའོ་ཞེས་པ་དང་། གོང་དུ་དྲངས་པའི་ གང་སེམས་ཡོད་པའི་སེམས་དེ་ནི་སེམས་མ་ཡིན་ནོ། །ཞེས་འཁོར་བའི་སེམས་དང་བྲལ་བ་མྱ་ངན་ ལས་འདས་པའི་སེམས་གཞན་ཡོད་པ་ནི་ཞེས་སོགས་ཀྱིས་གནས་ལུགས་ལ་ཡོད་པའི་སེམས་དེ་ སེམས་ཀྱི་རང་བཞིན་འོད་གསལ་ཡིན་པར་གསུངས་པའི་ཕྱིར་རོ། ། དེས་ན་འོད་གསལ་བའི་དོན་ནི། སྣ་ཚོགས་གཟུགས་བརྙན་འོད་གསལ་བ་ཞེས་པ་དང་། རང་གི་སེམས་ཀྱི་འོད་གསལ་མངོན་སུམ་ དུ་ནམ་མཁའ་ལ་སྣང་བ་ཞེས་གསུངས་པ་ལྟར་སྟོང་པ་ཉིད་ཀྱི་གཟུགས་ཁ་དོག་སྣ་ཚོགས་པའི་རྣམ་ པར་གསལ་བ་དང་། འོད་འཕྲོ་བར་སྣང་པ་འདི་ཉིད་སེམས་ཀྱི་རང་བཞིན་འོད་གསལ་བའི་དོན་ཡིན་ལ། སེམས་ཀྱི་རང་བཞིན་ནམ་ཆོས་ཉིད་གདོད་མ་ནས་ཉེས་པའི་དྲི་མས་མ་གོས་པ་ཡང་འོད་གསལ་ བའི་དོན་ཡིན་ཏེ། ཐེག་པ་ཆེན་པོ་རྒྱུད་བླ་མ་ལས། སེམས་ཀྱི་རང་བཞིན་འོད་གསལ་གང་ཡིན་ པ། །དེ་ནི་ནམ་མཁའ་བཞིན་དུ་འགྱུར་མེད་དེ། །ཡང་དག་མིན་རྟོག་ལས་བྱུང་འདོད་ཆགས་ སོགས། །གློ་བུར་དྲི་མས་དེ་ཉོན་མོངས་མི་འགྱུར། །ཞེས་དང་མཆོག་གི་དང་པོའི་སངས་རྒྱས་ལས། ཆགས་སོགས་དྲི་མ་ལྡན་པའི་སེམས། །འགྱུར་བ་འཁོར་བའི་རྒྱུ་ཡིན་ཏེ། །དེ་དང་བྲལ་བས་རྣམ་ པར་དག །རང་བཞིན་དྲི་མེད་དག་པའོ། །ཞེས་དང་འཕགས་པ་ལྷས་ཀྱང་། དེ་བཞིན་རིན་ཆེན་ སེམས་འདི་ཡང་། །རྟོག་པའི་ཚོན་གྱིས་བསྒྱུར་བ་ཉིད། །ཐ་མལ་རྟོག་པའི་ཚོན་གྱིས་ནི། །རིན་ཆེན་ སེམས་འདི་དབེན་གྱུར་ན། །ཐོག་མ་ནས་དག་མ་སྐྱེས་པ། །གཉུག་མའི་རང་བཞིན་དྲི་མ་མེད། །ཅེས་ གསུངས་པ་ལྟར་རོ། །འོ་ན་སེམས་ཀྱི་རང་བཞིན་གདོད་མ་ནས་དྲི་མས་རྣམ་པར་དག་པ་ཡིན་ན་ གློ་བུར་གྱི་དྲི་མ་དང་བཅས་པ་མ་ཡིན་པར་འགྱུར་ལ། དེ་ལྟ་ན་ནི་ལམ་གྱིས་གློ་བུར་གྱི་དྲི་མ་དང་ བྲལ་བར་བྱ་མི་དགོས་པར་ཡང་འགྱུར་རོ་སྙམ་ན། སྐྱོན་མེད་དེ་དྲི་མ་སེམས་ཀྱི་རང་བཞིན་དུ་མ་ གྲུབ་ཅིང་། སེམས་ཀྱི་རང་བཞིན་དེ་དྲི་མ་དང་འབྲལ་དུ་རུང་བ་ཡིན་པའི་ཕྱིར། སེམས་ཅན་གྱི་ སེམས་ཀྱི་རང་བཞིན་གདོད་མ་ནས་རྣམ་པར་དག་ཅིང་འོད་གསལ་བ་ཡིན་ཡང་། ནམ་མཁའ་རྣམ་

པར་དག་པ་ལ་སྤྲིན་གནས་པའམ་ཉི་ཟླ་ཤིན་ཏུ་གསལ་བ་ཡིན་ཡང་སྤྲིན་གྱིས་སྒྲིབ་པ་བཞིན་དུ་གློ་བུར་ གྱི་དྲི་མ་དང་བཅས་པ་ཡང་ཡིན་ཏེ། ལངྐར་གཤེགས་པའི་མདོ་ལས། སེམས་ནི་རང་བཞིན་འོད་གསལ་ བ། །ཡིད་ལ་སོགས་པའི་ཉོན་མོངས་དང་། ། བདག་དང་ལྷན་ཅིག་ལྡན་པར་ནི། །སྨྲ་བའི་མཆོག་གིས་ རབ་ཏུ་བསྟན། །ཞེས་དང་རྒྱུད་བླར། དག་དང་ཉོན་མོངས་དང་ལྡན་ཕྱིར། །ཞེས་པའི་འགྲེལ་པར་དེ་ ལ་དྲི་མ་དང་བཅས་པའི་དེ་བཞིན་ཉིད་ནི་ཅིག་ཆར་དུས་གཅིག་ཏུ་རྣམ་པར་དག་པ་ཡང་ཡིན་ལ། ཀུན་ ནས་ཉོན་མོངས་པ་ཡང་ཡིན་པའི་ཕྱིར་གནས་འདི་བསམ་གྱིས་མི་ཁྱབ་སྟེ། ཞེས་དང་། འཕགས་པ་ཀླུ་ སྒྲུབ་ཀྱིས་ཆོས་དབྱིངས་བསྟོད་པར། དྲི་མེད་ཉི་མ་ཟླ་བ་དག །སྤྲིན་དང་ཁུག་སྣ་དུ་བ་དང་། །སྒྲ་ གཅན་གདོང་དང་རྡུལ་ལ་སོགས། །སྒྲིབ་པ་ལྔ་ཡིས་བསྒྲིབས་པར་འགྱུར། །དེ་བཞིན་འོད་གསལ་ བ་ཡི་སེམས། །འདོད་དང་གནོད་སེམས་ལེ་ལོ་དང་། །རྒོད་པ་དང་ནི་ཐེ་ཚོམ་སྟེ། །སྒྲིབ་པ་ལྔ་ཡིས་ བསྒྲིབས་པར་འགྱུར། །ཇི་ལྟར་མེ་ཡིས་དག་པའི་གོས། །སྣ་ཚོགས་དྲི་མས་དྲི་མ་ཅན། །ཇི་ལྟར་མེ་ ཡི་ནང་བཅུག་ན། །དྲི་མ་ཚིག་འགྱུར་གོས་མིན་ལྟར། །དེ་བཞིན་འོད་གསལ་བ་ཡི་སེམས། །འདོད་ ཆགས་ལ་སོགས་དྲི་མ་ཅན། །ཡེ་ཤེས་མེ་ཡིས་དྲི་མ་བསྲེག །དེ་ཉིད་འོད་གསལ་མ་ཡིན་ནོ། ། ཞེས་དང་། ས་ཡི་དཀྱིལ་ན་ཡོད་པའི་ཆུ། །དྲི་མ་མེད་པར་གནས་པ་ལྟར། །ཉོན་མོངས་ནང་ན་ཡེ་ ཤེས་ཀྱང་། །དེ་བཞིན་དྲི་མ་མེད་པར་གནས། །ཞེས་དང་དཔལ་བརྟག་པ་གཉིས་པར། སེམས་ཅན་ རྣམས་ནི་སངས་རྒྱས་ཉིད། །འོན་ཀྱང་གློ་བུར་དྲི་མས་བསྒྲིབས། །དེ་བསལ་ནས་ནི་སངས་རྒྱས་ ཉིད། །ཅེས་གསུངས་པ་བཞིན་ནོ། །སེམས་ལ་གློ་བུར་གྱི་དྲི་མ་གནས་པའི་ཚུལ་དང་། སེམས་གློ་ བུར་གྱི་དྲི་མ་དང་བྲལ་བར་འགྱུར་བའི་ཚུལ་ནི། དབང་མདོར་བསྟན་པ་ལས། སེམས་ལ་གློ་བུར་དྲི་ མ་མེད། །སེམས་ལས་ཡུན་རིང་དུས་ཅན་མིན། །སེམས་མེད་པར་ནི་སྐྱེ་བ་མེད། །སེམས་ལ་མི་ བཟད་གནས་པ་མིན། །གལ་ཏེ་འདི་ཉིད་གློ་བུར་བ། །དེ་ཚེ་སྔོན་དུ་སེམས་དྲི་མེད། །གལ་ཏེ་སེམས་ ལས་དུས་རིང་ཅན། །དེ་ཚེ་དེ་ནི་ཅི་ལས་སྐྱེ། །གལ་ཏེ་སེམས་མེད་པར་སྐྱེ་ན། །དེ་ཚེ་ནམ་མཁའི་མེ་ ཏོག་མཚུངས། །གལ་ཏེ་སེམས་ལ་རྟག་ཏུ་གནས། དེ་ཚེ་ཀུན་ཏུ་ཐར་པ་མིན། །ཇི་ལྟར་ཟངས་ཀྱི་དྲི་ མ་ནི། །རོ་ཡི་སྦྱོར་བས་ཉམས་པར་འགྱུར། །དེ་ཡི་ཡོད་ཉིད་ཉམས་པ་མེད། །དྲི་མེད་ཉིད་ཀྱིས་ཡང་ དག་གནས། །དེ་བཞིན་སེམས་ཀྱི་དྲི་མ་ནི། །སྟོང་ཉིད་སྦྱོར་བས་རྣམ་ཉམས་འགྱུར། །དེ་ཡི་ཡེ་ ཤེས་ཉིད་ཉམས་མེད། །དྲི་མེད་ཉིད་ཀྱིས་ཡང་དག་གནས། །ཞེས་གསུངས་ཏེ། རྐང་པ་སྔ་མ་བཞི་ ནི་དམ་བཅའི་དོན་ཡིན་ལ། དེ་ནས་བརྒྱད་ནི་འཐད་པ་རྒྱུ་མཚན་གྱི་དོན་དུ་སྦྱར་ཏེ། སེམས་ལ་

འདོད་ཆགས་ལ་སོགས་པའི་དྲི་མ་སྔར་མེད་པ་གློ་བུར་དུ་གསར་དུ་བྱུང་པ་ཡིན་ཏེ། གལ་ཏེ་ཡིན་ ན་ཕྱིས་དྲི་མ་དང་བྲལ་བར་གནས་གྱུར་པ་ན་ཡང་དྲི་མ་འབྱུང་བར་འགྱུར་ཏེ། སྔོན་དྲི་མ་མེད་པ་ལ་ དྲི་མ་གསར་དུ་བྱུང་པ་དང་རྒྱུ་མཚན་མཚུངས་པའི་ཕྱིར་རོ། །ཆགས་སོགས་ཀྱི་དྲི་མ་དེ་སེམས་ ལས་ དུས་ཡུན་རིང་པ་སྟེ་སྔ་མ་ཡང་མ་ཡིན་ཏེ། གལ་ཏེ་ཡིན་ན་དྲི་མ་དེ་རྒྱུ་མེད་པ་ལས་སྐྱེ་བའི་ སྐྱོན་དུ་འགྱུར་རོ། །དྲི་མ་དེ་སེམས་མེད་པར་སྐྱེ་བ་ཡང་མ་ཡིན་ཏེ། གལ་ཏེ་ཡིན་ན་ནམ་མཁའི་མེ་ཏོག་ ཀྱང་སྐྱེ་བའི་སྐྱོན་དུ་འགྱུར་རོ། །དྲི་མ་དེ་སེམས་ལ་རྟག་ཏུ་གནས་ན་སེམས་དང་འབྲལ་དུ་མི་རུང་བ་ ཡང་མ་ཡིན་ཏེ། གལ་ཏེ་ཡིན་ན་སེམས་དེ་དྲི་མ་དང་བྲལ་བའི་ཐར་པ་མི་སྲིད་པའི་སྐྱོན་དུ་འགྱུར་ རོ། །དེས་ན་སེམས་དང་སེམས་ཀྱི་དྲི་མ་ཐོག་མ་མེད་པའི་དུས་ནས་ལྷན་ཅིག་ཏུ་ནི་གནས་པ་ཡིན་ལ། དྲི་མ་དེ་སེམས་ཀྱི་རང་བཞིན་མ་ཡིན་པར་སེམས་དང་འབྲལ་དུ་རུང་པ་ཡིན་པས་ན་གཉེན་པོ་ལམ་ བསྒོམས་པས་སེམས་དྲི་མ་དང་བྲལ་བར་ཡང་འགྱུར་བ་ཡིན་ནོ། །འདིར་སེམས་ཞེས་པ་ནི་སེམས་ གཞན་སེམས་ཀྱི་རང་བཞིན་ཡིན་ལ། དེ་གཉེན་པོས་དྲི་མ་དང་བྲལ་བར་བྱེད་པའི་ཚུལ་དཔེའི་སྒོ་ ནས་སྟོན་པ་ནི། ཇི་ལྟར་ཟངས་དང་ཟངས་ཀྱི་དྲི་མ་ལྷན་ཅིག་ཏུ་སྐྱེས་པ་ཡིན་ཡང་། རོ་སྟེ་གསེར་འགྱུར་ གྱི་རྩིའི་སྦྱོར་བས་ཟངས་ཀྱི་དྲི་མ་ཉམས་པར་འགྱུར་གྱི། དེའི་ཡོད་ཉིད་ཉམས་པ་སྟེ་དངོས་པོ་ཅི་ཡང་ མེད་པར་མི་འགྱུར་བར་གསེར་གྱི་དངོས་པོ་དྲི་མ་མེད་པ་ཉིད་དུ་གནས་པ་བཞིན་དུ། སེམས་ཀྱི་དྲི་ མ་ནི་སྟོང་ཉིད་སྦྱོར་བ་སྟེ་དུ་བ་ལ་སོགས་པ་མངོན་སུམ་དུ་མཐོང་བའི་སྦྱོར་བ་ཡན་ལག་དྲུག་གི་ ལམ་གྱིས་ཉམས་པ་སྟེ་སྤོང་པར་བྱེད་ཀྱང་། སེམས་དེའི་ཡེ་ཤེས་ཉིད་ཅེས་པ་རང་བཞིན་འོད་གསལ་ ཉམས་པ་མེད་པར་དྲི་མ་མེད་པ་ཉིད་ཀྱིས་ཡང་དག་པར་གནས་སོ། །ཞེས་ཤེས་པར་བྱའོ།།

འོད་གསལ་gyི་snང་བ་ལ་མི་འཐད་པའི་rʦོད་པ་spང་པ།

གསུམ་པ་འོད་གསལ་གྱི་སྣང་བ་ལ་མི་འཐད་པའི་རྩོད་པ་སྤང་བ་ནི། རྨི་ལམ་གྱི་གནས་སྐབས་ སུ་བག་ཆགས་ཀྱི་དབང་གིས་བེམས་པོ་མ་ཡིན་པའི་སྣང་ཡུལ་མཐོང་པ་ཡོད་མོད། སད་པའི་ གནས་སྐབས་སུ་བེམས་པོའི་དངོས་པོ་མེད་པར་བེམས་པོ་མ་ཡིན་པའི་སྣང་ཡུལ་མཐོང་བ་མི་

སྲིད་པས་སོ་སོར་སྡུད་ཀྱི་རྣལ་འབྱོར་པས། ནམ་མཁའ་སྟོང་པ་ལ་དུ་བ་དང་སྨིག་རྒྱུ་ལྟ་བུ་ལ་ སོགས་པའི་སྟོང་གཟུགས་རྨི་ལམ་གྱི་སྣང་པ་དང་འདྲ་བ་བེམས་པོ་མ་ཡིན་པ་བློས་བརྟགས་ནས་ བསྒོམས་པ་ཡང་མ་ཡིན་པ། རྒྱུ་རྐྱེན་ལས་སྐྱེས་པ་ཡང་མ་ཡིན་པ། སེམས་ཀྱི་དངོས་པོ་ཅིར་ཡང་མ་ གྲུབ་པའི་ཆད་སྟོང་མ་ཡིན་པ། སེམས་ཀྱི་དངོས་པོ་ཡང་མ་ཡིན་པ་མངོན་སུམ་དུ་མཐོང་པ་ག་ལ་ སྲིད། ཏིང་ངེ་འཛིན་གྱིས་སྒྱུ་མ་ལྟ་བུ་མཐོང་བར་གསུངས་པ་ནི། གཟུགས་ལ་སོགས་པ་བེམས་ པོའི་དངོས་པོ་རྣམས་སྒྱུ་མ་དང་རྨི་ལམ་ལྟ་བུར་མཐོང་པ་ལ་དགོངས་པ་མ་ཡིན་ནམ་སྙམ་ན་དེ་ལྟ་ བུའི་དོགས་པ་སྤང་པའི་དོན་དུ། བཅོམ་ལྡན་འདས་ཀྱིས་པྲ་ཕབ་པའི་སྣང་པ་དཔེར་མཛད་པ་ཡིན་ཏེ། པྲ་འབེབས་པ་ལ་འཇུག་པའི་རྒྱུད་ལས། མེ་ལོང་མཐེ་བོང་སྒྲོན་མེ་ཟླ། །ཉི་མ་ཆུ་དང་རལ་གྲི་མིག ། པྲ་འབེབས་འཇུག་པ་བརྒྱད་རྣམས་ནི། །རྒྱལ་བ་རྣམས་ཀྱིས་པྲ་འབེབས་གསུངས། །ཞེས་གསུངས་ཏེ། སློབ་དཔོན་གྱི་སྔགས་དང་ལྷའི་བྱིན་བརླབས་ཀྱི་སྟོབས་ཀྱིས་པྲ་འབེབས་པའི་མེ་ལོང་ལ་གྲོང་པའི་ ཆོས་ཀྱིས་མ་གོས་པའི་གཞོན་ནུ་མས་རྐུན་པོ་ལ་སོགས་པ་དུས་གསུམ་གྱི་དངོས་པོའི་རྣམ་པ་ བེམས་པོ་མ་ཡིན་པའི་སྣང་ཡུལ་དུ་མ་མཐོང་པ་ཡིན་ལ། སྣང་པ་དེ་ལྟ་བུ་དེ་བེམས་པོའི་གཟུགས་བརྙན་ མེ་ལོང་གི་ནང་དུ་ཤར་བའི་སྣང་བ་ཡང་མ་ཡིན་ཞིང་གཞོན་ནུ་མས་བསམས་པ་ཡང་མ་ཡིན་པ་བཞིན་དུ། རྣལ་འབྱོར་པས་ཀྱང་རྣམ་པར་མི་རྟོག་པའི་ཏིང་ངེ་འཛིན་གྱིས་རང་གི་སེམས་བྱིན་གྱིས་བརླབས་པའི་ སྟོབས་ཀྱིས་ནམ་མཁའ་རྣམ་པར་དག་པ་ལ་བེམས་པོ་ཁམས་གསུམ་པའི་དངོས་པོ་མེད་བཞིན་ དུ། བེམས་པོ་མ་ཡིན་པའི་སྣང་བ་བསམ་གྱིས་མི་ཁྱབ་པ་མངོན་སུམ་དུ་མཐོང་བ་ཡིན་ཞིང་ཏིང་ངེ་ འཛིན་གྱིས་སྒྱུ་མ་ལྟ་བུ་མཐོང་བར་གསུངས་པའི་དགོངས་པ་ཡང་དེ་ཉིད་ཡིན་ཏེ། ཕྱི་ནས་སྒྱུ་མའི་ རྣམ་པ་སྟེ། །རྨི་ལམ་རྣམ་པ་སྐད་ཅིག་ལས། །ཞེས་གསུངས་པ་ལྟར་ཤེས་པར་བྱའོ། །འདི་དག་ནི་ འཕགས་པ་འཇིག་རྟེན་དབང་ཕྱུག་གིས། མཆོག་ཏུ་མི་འགྱུར་བའི་ཡེ་ཤེས་གྲུབ་པར་རྩོད་ལན་དུ་ བཀོད་པའི་དོན་བསྡུས་པ་ཡིན་ནོ།།

སེམས་ཉིད་རང་བཞིན་གཞི་བདེ་གཤེགས་sིང་པ8་ཡUན་uལ།

གསུམ་པ་སེམས་ཀྱི་རང་བཞིན་འོད་གསལ་བ་ཉིད་གཞི་བདེ་གཤེགས་སྙིང་པོ་ཡིན་པའི་ཚུལ་ ལ་གསུམ་སྟེ། བདེ་གཤེགས་སྙིང་པོ་ཡིན་པར་བསྟན་པ། དང་པོའི་སངས་རྒྱས་ཡིན་པར་བསྟན་པ། གཞིའི་གནས་ལུགས་ཡིན་པར་བསྟན་པའོ།།

བདེ་གཤེགས་sིང་པ8་ཡUན་པར་བstན་པ།

དང་པོ་ནི་དེ་ལྟ་བུའི་སེམས་ཀྱི་རང་བཞིན་འོད་གསལ་བ་རྡོ་རྗེའི་རྣལ་འབྱོར་བཅོམ་ལྡན་ འདས་རྡོ་རྗེ་སེམས་དཔའ་ངོ་བོ་ཉིད་ཀྱི་སྐུ་སེམས་ཅན་ཐམས་ཅད་ལ་ཡེ་གདོད་མ་ཉིད་ནས་བཞུགས་པ་ ལ་དེ་བཞིན་གཤེགས་པའི་སྙིང་པོ་ཞེས་བྱ་བར་གསུངས་པ་ཡིན་ནོ། །ལངྐར་གཤེགས་པའི་མདོར། སེམས་ནི་རང་བཞིན་འོད་གསལ་ཏེ། །དེ་བཞིན་གཤེགས་པའི་སྙིང་པོ་དགེ །ཞེས་པ་དང་དེ་བཞིན་ གཤེགས་པའི་སྙིང་པོའི་མདོ་ལས། རིགས་ཀྱི་བུ་དག་འདི་ནི་ཆོས་རྣམས་ཀྱི་ཆོས་ཉིད་དེ། དེ་བཞིན་ གཤེགས་པ་རྣམས་བྱུང་ཡང་རུང་མ་བྱུང་ཡང་རུང་སྟེ། སེམས་ཅན་འདི་དག་ནི་རྟག་ཏུ་དེ་བཞིན་ གཤེགས་པའི་སྙིང་པོ་ཅན་ཡིན་ནོ། །ཞེས་དང་རྒྱུད་བླ་མར། རྫོགས་སངས་སྐུ་ནི་འཕྲོ་ཕྱིར་དང་། །དེ་ བཞིན་ཉིད་དབྱེར་མེད་ཕྱིར་དང་། །རིགས་ཡོད་ཕྱིར་ན་ལུས་ཅན་ཀུན། །རྟག་ཏུ་སངས་རྒྱས་སྙིང་པོ་ ཅན། །ཞེས་སོ། །དེའི་དོན་ནི་སེམས་ཅན་ཐམས་ཅད་ལ་སངས་རྒྱས་ཀྱི་ཆོས་སྐུ་འཕྲོ་བ་སྟེ། ཁྱབ་ པར་ཡོད་པའི་ཕྱིར་དང་། སངས་རྒྱས་དང་སེམས་ཅན་གྱི་དེ་བཞིན་ཉིད་ལ་དབྱེ་བ་མེད་པའི་ཕྱིར་ དང་། སངས་རྒྱས་ཀྱི་སྟོབས་བཅུ་ལ་སོགས་པའི་རང་བཞིན་གྱི་རིགས་སེམས་ཅན་ཐམས་ཅད་ལ་ ཡོད་པའི་ཕྱིར་སེམས་ཅན་ཐམས་ཅད་རྟག་ཏུ་རྫོགས་པའི་སངས་རྒྱས་ཀྱི་སྙིང་པོ་ཅན་ཡིན་ནོ་ཞེས་པས་ སོ། །དེ་བཞིན་གཤེགས་པའི་གསང་བ་བསམ་གྱིས་མི་ཁྱབ་པའི་མདོར་ཡང་། ཞི་བའི་བློ་གྲོས་འདི་ ལྟ་སྟེ་དཔེར་ན། ནམ་མཁའ་ནི་གཟུགས་སུ་སྣང་བ་ཐམས་ཅད་དུ་ཞུགས་པའོ། །ཞི་བའི་བློ་གྲོས་དེ་ བཞིན་དུ་དེ་བཞིན་གཤེགས་པའི་སྐུ་ཡང་སེམས་ཅན་དུ་སྣང་བ་ཐམས་ཅད་དུ་ཞུགས་པའོ། །ཞི་བའི་ བློ་གྲོས་འདི་ལྟ་སྟེ་དཔེར་ན། ནམ་མཁའི་ནང་དུ་ནི་གཟུགས་སུ་སྣང་པ་ཐམས་ཅད་འདུས་སོ། །ཞི་བའི་ བློ་གྲོས་དེ་བཞིན་དུ་དེ་བཞིན་གཤེགས་པའི་སྐུའི་ནང་དུ་ཡང་སེམས་ཅན་སེམས་ཅན་དུ་སྣང་བ་

ཐམས་ཅད་འདུས་སོ་ཞེས་དང་། ཡུམ་མཆོག་དང་པོར་ཡང་། བྱང་ཆུབ་སེམས་དཔའ་ཀུན་ཏུ་བཟང་ པོ་སེམས་ཅན་ཐམས་ཅད་ནི་དེ་བཞིན་གཤེགས་པའི་སྙིང་པོ་ཅན་ནོ། །ཞེས་དང་རྡོ་རྗེ་རྩེ་མོའི་རྒྱུད་ དུའང་། དེ་བཞིན་གཤེགས་པའི་སྙིང་པོ་དགེ། །ཆོས་ཀྱི་དབྱིངས་ཀྱི་ཚུལ་ཅན་ཏེ། །ཉོན་མོངས་ འདམ་གྱིས་མ་གོས་པ། །རྡོ་རྗེ་པདྨའི་དབང་བསྐུར་ཡིན། །ཞེས་དང་། དག་པ་དེ་བཞིན་གཤེགས་ སྙིང་པོ། །སེམས་དཔའ་སྙིང་པོ་ཞེས་པར་བཤད། །ང་ནི་དེ་བཞིན་གཤེགས་སྙིང་པོ། །སེམས་ཅན་ ཐམས་ཅད་བདག་དང་མཚུངས། །ཞེས་གསུངས་སོ། །དེ་ལྟར་སེམས་ཅན་ཐམས་ཅད་ལ་དེ་བཞིན་ གཤེགས་པའི་སྙིང་པོའི་ཚུལ་དུ་བཞུགས་པར་གསུངས་པ་དེ། སེམས་ཅན་ལ་སངས་རྒྱས་ཀྱི་ས་ བོན་ཙམ་ཞིག་ཡོད་པ་ལ་དགོངས་པ་མ་ཡིན་ནམ་སྙམ་ན་དེ་ནི་མ་ཡིན་གྱི། ཡོན་ཏན་མཐའ་དག་ དང་ལྡན་པའི་ཆོས་ཀྱི་སྐུ་ཉིད་སེམས་ཅན་ཐམས་ཅད་ལ་ཡོད་པར་ཤེས་པར་བྱ་སྟེ། སངས་རྒྱས་ཕལ་ པོ་ཆེའི་མདོ་ལས། སྟོང་གསུམ་དར་ཡུག་ཆེན་པོའི་དཔེས་སེམས་ཅན་ཐམས་ཅད་ལ་དེ་བཞིན་ གཤེགས་པའི་ཡེ་ཤེས་མ་ཚང་བ་མེད་པར་བཞུགས་པའི་ཚུལ་རྒྱ་ཆེར་བསྟན་པའི་རྗེས་སུ། སྟོང་ གསུམ་ཚད་ཀྱི་རི་མོའི་གཞི་ཞིག་ཡོད་གྱུར་ལ། །རྡུལ་ཕྲན་མ་ལུས་ཀུན་གྱི་སྦུབས་ནའང་དེ་འདྲ་སྟེ། །སྐྱེས་བུ་མཁས་པ་མིག་ལྡན་ལ་ལས་རྣམ་ཕྱེ་ནས། །རི་མོའི་གཞི་དེས་འགྲོ་ཀུན་ཉེ་བར་འཚོ་བྱས་ ན། །བཅོམ་ལྡན་དེ་ཡང་དེ་བཞིན་སེམས་ཅན་ཀུན་གྱི་སེམས། །རིལ་གྱིས་བདེ་གཤེགས་མཁྱེན་ཡིན་ འདུ་ཤེས་སྒྲིབས་གྱུར་ཅེས། །རྒྱལ་བའི་ཐུགས་རྗེ་བསྐྱེད་ཅིང་འདུ་ཤེས་སྤོང་བར་སྟོན། །འདུ་ཤེས་ཡོངས་ སུ་ཤེས་ནས་རྒྱལ་སྲས་ཉེ་བར་འཚོ། །ཞེས་དང་རྒྱུད་བླར། ཉེས་པ་གློ་བུར་དང་ལྡན་དང་། །ཡོན་ ཏན་རང་བཞིན་ཉིད་ལྡན་ཕྱིར། །ཇི་ལྟར་སྔར་བཞིན་ཕྱིས་དེ་བཞིན། །འགྱུར་བ་མེད་པའི་ཆོས་ཉིད་དོ། །ཞེས་བདེ་གཤེགས་སྙིང་པོ་སྔར་གློ་བུར་གྱི་དྲི་མ་དང་བཅས་པའི་དུས་དང་། ཕྱིས་དྲི་མ་དང་བྲལ་ བར་གནས་གྱུར་པའི་དུས་ཀྱི་ཡོན་ཏན་ལ་ཁྱད་པར་ཅུང་ཟད་ཀྱང་མེད་པར་གསུངས་སོ།།

དང་པ8འU་སངས་rgyས་ཡིན་པར་བstན་པ།

གཉིས་པ་ནི་རྡོ་རྗེའི་རྣལ་འབྱོར་སེམས་ཀྱི་རང་བཞིན་འོད་གསལ་བ་འདི་ཉིད་ལ་རྒྱུད་སྡེ་ རིན་པོ་ཆེ་རྣམས་སུ་དང་པོའི་སངས་རྒྱས་ཞེས་པ་དང་རང་བྱུང་ལྷན་ཅིག་སྐྱེས་པའི་ཡེ་ཤེས་ཞེས་བྱ་ བར་གསུངས་ཏེ། སྔར་གྲངས་མེད་པའི་ལུང་རྣམས་ནའང་ཅི་རིགས་པར་གསལ་ཞིང་མཚན་ཡང་ དག་པར་བརྗོད་པ་ལས། རྣམ་པར་རྟོག་མེད་ལྷུན་གྱིས་གྲུབ། །དུས་གསུམ་སངས་རྒྱས་ལས་བྱེད་ པ། །སངས་རྒྱས་ཐོག་མ་ཐ་མ་མེད། །དང་པོའི་སངས་རྒྱས་རིས་མེད་པ། །ཡེ་ཤེས་མིག་གཅིག་དྲི་ མ་མེད། །ཡེ་ཤེས་ལུས་ཅན་དེ་བཞིན་གཤེགས། །ཞེས་དང་དཔལ་སཾ་བུ་ཊི་ལས། རང་གི་ལུས་ལ་སངས་ རྒྱས་བཞུགས། །གཞན་དུ་གང་ནའང་སངས་རྒྱས་མེད། །མི་ཤེས་མུན་པས་སྒྲིབ་པ་རྣམས། །ལུས་ ལས་གཞན་དུ་སངས་རྒྱས་འདོད། །རྟོག་པ་ཐམས་ཅད་རྣམ་སྤངས་པའི། །ཡེ་ཤེས་ཆེན་པོ་ལུས་ལ་ གནས། །དངོས་པོ་ཀུན་ལ་ཁྱབ་པ་སྟེ། །ལུས་ལ་གནས་ཀྱང་ལུས་མི་སྐྱེ། །ཞེས་གསུངས་ཏེ། དེའི་དོན་ནི་ རང་གི་ལུས་ཁོ་ན་ལ་སངས་རྒྱས་བཞུགས་ཀྱི་གཞན་གང་ནའང་མེད་ཅེས་པ་ནི་མ་ཡིན་གྱི། ལུས་ལ་ བཞུགས་པ་དེ་མ་ཡིན་པའི་སངས་རྒྱས་ཞིག་གཞན་ན་མེད་ཅེས་པ་སྟེ་སངས་རྒྱས་ཆོས་ཀྱི་སྐུ་ནི་ནམ་ མཁའ་ལྟར་ཀུན་ལ་ཁྱབ་ཅིང་འདུས་མ་བྱས་པའོ། །དཔལ་བརྟག་པ་གཉིས་པ་ལས་ཀྱང་། ལུས་ལ་ ཡེ་ཤེས་ཆེན་པོ་གནས། །རྟོག་པ་ཐམས་ཅད་ཡང་དག་སྤངས། །དངོས་པོ་ཀུན་ལ་ཁྱབ་པ་པོ། ། ལུས་ལ་གནས་ཀྱང་ལུས་སྐྱེས་མིན། །ཞེས་གསུངས་ཏེ། ལུས་ལ་གནས་པའི་ཡེ་ཤེས་ཆེན་པོ་ནི་ ཤེས་རབ་ཀྱི་ཕ་རོལ་ཏུ་ཕྱིན་པའི་ཡེ་ཤེས་རྟོག་པའི་དྲ་བ་དང་བྲལ་བ་ཡིན་པ་དང་། དེ་ཉིད་རྡོ་རྗེ་ སེམས་དཔའ་འཇིག་རྟེན་གསུམ་ཀུན་ཏུ་བསྐྱོད་པའི་ཧེ་རུ་ཀ་ངོ་བོ་ཉིད་ཀྱི་སྐུ་ཡིན་པར་འཕགས་པ་རྡོ་ རྗེ་སྙིང་པོའི་འགྲེལ་བར་གསུངས་སོ། །ཡང་དེ་ཉིད་ལས་སེམས་ཆེན་པོ་ཀུན་ཏུ་བཟང་པོའི་ ཐུགས་ཞེས་ཀྱང་གསུངས་ཏེ། དཔལ་གསང་བ་འདུས་པར། སེམས་ཅན་ཀུན་གྱི ་སེམས་ཆེན་པོ། ། རང་བཞིན་དག་ཅིང་དྲི་མ་མེད། །ཀུན་བཟང་ཐུགས་མཆོག་ཁ་ལོ་བསྒྱུར། ། དཀྱིལ་འཁོར་དམ་པ་ བཤད་དུ་གསོལ། །ཞེས་དང་དཔལ་བརྟག་པ་གཉིས་པར་ཡང་། སེམས་ནི་ཆེན་པོ་ཉིད་གཅིག་ ལ། །ལྔ་ཡི་གཟུགས་ཀྱིས་རྣམ་པར་མཚོན། །རིགས་ནི་ལྔ་པོ་དེ་ཉིད་ལས། །སྟོང་ཕྲག་དུ་མ་བསྐྱེད་ པ་ཉིད། །དེ་ཕྱིར་འདི་དག་རང་བཞིན་གཅིག །བདེ་ཆེན་མཆོག་ཏུ་ཕན་པ་ཉིད། །འདོད་ཆགས་ལ་ སོགས་སེམས་ལྔ་ཡི། །དབྱེ་བས་ལྔ་རུ་འགྲོ་བར་འགྱུར། །ཞེས་གསུངས་ཏེ། སེམས་ཀྱི་རང་བཞིན་ འོད་གསལ་བ་སེམས་ཆེན་པོ་གཅིག་ཉིད་རིགས་ལྔ་ལ་སོགས་པ་ལྷའི་དབྱེ་བ་དུ་མར་འགྱུར་ལ། ལྷ་དེ་ དག་ཐམས་ཅད་ཀྱང་ཆོས་ཀྱི་དབྱིངས་ཡིན་པས་ན་རང་བཞིན་གཅིག་པ་དང་བདེ་ཆེན་མཆོག་ཏུ་ཕན་

པའི་སྐུ་དང་འདོད་ཆགས་ཆེན་པོ་ལ་སོགས་པ་ཉོན་མོངས་པ་གཞན་ལྔའི་དབྱེ་བས་རིགས་ལྔའི་ངོ་ བོར་བཞུགས་ཞེས་པའོ།།

གཞིའི་གནས་luགས་ཡིན་པར་བstན་པ།

གསུམ་པ་ནི། བདེ་གཤེགས་སྙིང་པོ་དང་པོའི་སངས་རྒྱས་དེ་གཞི་ལམ་འབྲས་བུ་གསུམ་ ལས་གཞིའི་དོན་དུ་ཤེས་པར་བྱའོ། །དེ་ཡང་འཁོར་འདས་ཀྱི་ཆོས་ཐམས་ཅད་ཀྱི་གཞི་བྱེད་པས་ ན་གཞི་ཞེས་བྱའོ། །ཆོས་མངོན་པའི་མདོ་ལས། ཐོག་མ་མེད་དུས་ཅན་གྱི་དབྱིངས། །ཆོས་རྣམས་ ཀུན་གྱི་གནས་ཡིན་ཏེ། །དེ་ཡོད་པས་ན་འགྲོ་ཀུན་དང་། །མྱ་ངན་འདས་པའང་ཐོབ་པ་ཡིན། །ཞེས་ གསུངས་ཏེ། གནས་ཀྱི་དོན་ནི་འཕགས་པ་དཔལ་འཕྲེང་གི་མདོར། བཅོམ་ལྡན་འདས་དེའི་སླད་དུ་དེ་ བཞིན་གཤེགས་པའི་སྙིང་པོ་ནི་འབྲེལ་པ་རྣམ་པར་དབྱེ་བ་མེད་པ་བྲལ་མི་ཤེས་པ་འདུས་མ་བྱས་པའི་ ཆོས་རྣམས་ཀྱི་གནས་དང་གཞི་དང་རྟེན་ལགས་ལ། བཅོམ་ལྡན་འདས་དེ་བཞིན་གཤེགས་པའི་ སྙིང་པོ་ནི་མ་འབྲེལ་བ་རྣམ་པར་དབྱེ་བ་དང་བཅས་པའི་ཆོས་བྲལ་བ་ཤེས་པ། འདུས་བྱས་ཀྱི་ཆོས་ རྣམས་ཀྱིའང་གཞི་དང་གནས་དང་རྟེན་ལགས་སོ། །ཞེས་གསུངས་སོ། །རྒྱན་སྟུག་པོའི་མདོར་ ཡང་། ས་རྣམས་སྣ་ཚོགས་ཀུན་གཞི་སྟེ། །བདེ་གཤེགས་སྙིང་པོ་དགེ་བའང་དེ། །སྙིང་པོ་དེ་ལ་ ཀུན་གཞིའི་སྒྲས། །དེ་བཞིན་གཤེགས་རྣམས་སྟོན་པར་མཛད། །སྙིང་པོ་ཀུན་གཞིར་བསྒྲགས་པ་ ཡང་། །བློ་ཞན་རྣམས་ཀྱིས་མི་ཤེས་སོ། །ཞེས་གསུངས་ཏེ། འདིར་གསུངས་པའི་ས་ནི་ཆོས་ཀྱི་དབྱིངས་ ལ་གདོད་མ་ནས་ཚང་པའི་དོན་དམ་པའི་ས་ཡིན་ཞེས་གསུངས་སོ། །བདེ་གཤེགས་སྙིང་པོ་ལ་ཀུན་ གཞིའི་རྣམ་པར་ཤེས་པ་ཞེས་བཏགས་པ་ཡང་ཀུན་གཞིའི་རྣམ་ཤེས་ཀྱི་ཆོས་ཉིད་ཡིན་པ་དང་། འཁོར་འདས་ཀུན་ཀྱི་གཞི་ཡིན་པ་ལ་དགོངས་པ་ཡིན་ནོ། །རྒྱུད་བླར་ཡང་། ས་ནི་ཆུ་ལ་ཆུ་རླུང་ ལ། །རླུང་ནི་མཁའ་ལ་རབ་ཏུ་གནས། །མཁའ་ནི་རླུང་དང་ཆུ་དག་དང་། །ས་ཡི་ཁམས་ལ་ གནས་མ་ཡིན། །དེ་བཞིན་ཕུང་པོ་ཁམས་དབང་རྣམས། །ལས་དང་ཉོན་མོངས་དག་ལ་གནས། ། ལས་དང་ཉོན་མོངས་ཚུལ་བཞིན་མིན། །ཡིད་ལ་བྱེད་ལ་རྟག་ཏུ་གནས། །ཚུལ་བཞིན་མ་ཡིན་ཡིད་

བྱེད་ནི། །སེམས་ཀྱི་དག་པ་ལ་རབ་གནས། །སེམས་ཀྱི་རང་བཞིན་ཆོས་རྣམས་ནི། ཐམས་ཅད་ ལ་ཡང་གནས་པ་མེད། །ཅེས་གསུངས་ཏེ། སེམས་ཀྱི་དག་པ་དང་སེམས་ཀྱི་རང་བཞིན་ནི་བདེ་ གཤེགས་སྙིང་པོ་ཡིན་ལ། ཚུལ་བཞིན་མ་ཡིན་པའི་ཡིད་ལ་བྱེད་པ་ནི་བདག་དང་བདག་གིར་མངོན་ པར་ཞེན་པ་ལ་སོགས་པ་ཡང་དག་པ་མ་ཡིན་པའི་ཀུན་ཏུ་རྟོག་པའོ། །དཔལ་བརྟག་པ་གཉིས་པར་ ཡང་། ང་ལས་འགྲོ་བ་ཐམས་ཅད་འབྱུང་། །ང་ལས་གནས་གསུམ་པོ་ཡང་འབྱུང་། །ང་ཡིས་འདི་ ཀུན་ཁྱབ་པ་སྟེ། །འགྲོ་བའི་རང་བཞིན་གཞན་མ་མཐོང་། །ཞེས་ཏེ། ང་ཞེས་པ་ནི་སེམས་ཅན་ལ་ གདོད་མ་ནས་བཞུགས་པའི་ཆོས་ཀྱི་སྐུ་ཀྱེའི་རྡོ་རྗེ་ཡིན་ལ། དེ་ལ་འགྲོ་བ་ཐམས་ཅད་བྱུང་ཞེས་པས་ འགྲོ་བ་ཐམས་ཅད་ཀྱི་གནས་སམ་གཞིར་བསྟན་པ་ཡིན་ནོ། །འོ་ན་བདེ་གཤེགས་སྙིང་པོ་འདི་ཀུན་ གཞིའི་རྣམ་པར་ཤེས་པ་དང་དོན་གཅིག་གམ་སྙམ་ན་མི་གཅིག་སྟེ། བདེ་གཤེགས་སྙིང་པོ་ནི་འདུས་མ་ བྱས་པའི་དགེ་བ་ཡིན་པར་གསུངས་ལ། ཀུན་གཞིའི་རྣམ་ཤེས་ནི། སུམ་ཅུ་པའི་རབ་བྱེད་དུ། དེ་ནི་ མ་(ཞེས་པ་ཡིད་ཀྱི་ས་བའི་ཉོན་མོངས་གློ་བུར་བས་ཚུར་མ་སྒྲིབ་ཞེས་བློ་བརྟན་གྱི་འགྲེལ་བྱུང་།)སྒྲིབས་ལུང་མ་བསྟན། ཞེས་ ཐར་པ་ལ་མི་སྒྲིབ་པ་ངོ་བོ་ལུང་མ་(དགེ་མི་དགེ་གང་དུ་ཡང་ལུང་དུ་མ་བསྟན་པ་དང་ཟེར་བ་ཡང་འདུག་)བསྟན་ དང་། །དགྲ་བཅོམ་ཉིད་ན་དེ་ལྡོག་གོ། ཞེས་འགག་པར་གསུངས་པའི་ཕྱིར་རོ། ། དེས་ན་ཀུན་གཞིའི་རྣམ་ཤེས་ནི་ཀུན་རྫོབ་ཆོས་ཅན་གྱི་ཆ་ཡིན་ལ། བདེ་གཤེགས་སྙིང་པོ་ནི་ དེའི་ཆོས་ཉིད་དམ་བདེན་པ་ཡིན་པས་ཁྱད་པར་ཆེན་པོ་ཡོད་དོ། །ཐོག་མ་མེད་པའི་དུས་ནས་རྟག་ཏུ་ གཉུག་མར་གནས་པའི་དོན་ཡིན་པས་ན་ཡང་གཞི་ཞེས་བྱ་སྟེ། རྒྱལ་བའི་ཡུམ་ལས། དེ་བཞིན་ གཤེགས་པ་རྣམས་བྱུང་ཡང་རུང་དེ་བཞིན་གཤེགས་པ་རྣམས་མ་བྱུང་ཡང་རུང་ཆོས་རྣམས་ཀྱི་ཆོས་ ཉིད་དང་ཆོས་ཀྱི་དབྱིངས་དང་། ཆོས་ཀྱི་གནས་ཉིད་དང་ཆོས་སྐྱོན་མེད་པ་ཉིད་དེ་ནི་དེ་བཞིན་དུ་ གནས་པ་ཡིན་ཏེ། ཞེས་དང་འཕགས་པ་སྡུད་པར། ཤེས་རབ་ཕ་རོལ་ཕྱིན་པ་དེ་བཞིན་གཤེགས་ པས་མཁྱེན། །མཁས་པ་འཇིག་རྟེན་གནས་སམ་མྱ་ངན་འདས་ཀྱང་རུང་། །ཆོས་ཉིད་སྐྱོན་མེད་ ཆོས་རྣམས་སྟོང་པ་འདི་གནས་ཏེ། །བྱང་ཆུབ་སེམས་དཔའ་དེ་བཞིན་ཉིད་འདི་རྗེས་སུ་རྟོགས། ། ཞེས་གསུངས་ཤིང་། ཐོག་མ་ནས་དག་མ་སྐྱེས་པ། །གཉུག་མའི་རང་བཞིན་དྲི་མ་མེད། །ཞེས་ གསུངས་པ་ལྟར་རོ། ། རིགས་ཡིན་པས་ན་ཡང་གཞི་ཞེས་བྱ་སྟེ། བྱང་ཆུབ་སེམས་དཔའི་ས་ལས་ འདི་ལྟར། རིགས་འདི་ནི་གཞི་ཞེས་ཀྱང་བྱ། སྟོན་པ་དང་རྒྱུ་དང་རྟེན་དང་ཉེར་གནས་དང་སྔོན་དུ་ འགྲོ་བ་དང་གནས་ཞེས་ཀྱང་བྱའོ། །ཞེས་གསུངས་སོ། ། རིགས་ལ་ཡང་རང་བཞིན་དུ་གནས་པའི་

རིགས་དང་། རྒྱས་པའི་རིགས་གཉིས་སོ། །རྒྱུད་བླར། གཏེར་དང་འབྲས་བུའི་ཤིང་བཞིན་དུ། ། རིགས་དེ་རྣམ་གཉིས་ཤེས་བྱ་སྟེ། །ཐོག་མེད་རང་བཞིན་གནས་པ་དང་། །ཡང་དག་བླངས་པ་མཆོག་ ཉིད་དོ། །ཞེས་གསུངས་པ་ལས་འདི་ནི་རང་བཞིན་གྱི་རིགས་སོ། །གློ་བུར་གྱི་དྲི་མ་སྦྱང་པར་བྱས་ པའི་གཞི་ཡིན་པས་ན་ཡང་གཞི་ཞེས་བྱ་སྟེ། འཕགས་པ་ཀླུ་སྒྲུབ་ཀྱིས། གང་ཞིག་ཀུན་ཏུ་མ་ཤེས་ ན། །སྲིད་པ་གསུམ་དུ་རྣམ་འཁོར་བ། །སེམས་ཅན་ཀུན་ལ་ངེས་གནས་པའི། །ཆོས་ཀྱི་དབྱིངས་ལ་ ཕྱག་འཚལ་འདུད། །གང་ཞིག་འཁོར་བའི་རྒྱུར་གྱུར་པ། །དེ་ཉིད་སྦྱངས་པ་བྱས་པ་ལས། ། དག་པ་དེ་ ཉིད་མྱ་ངན་འདས། །ཆོས་ཀྱི་སྐུ་ཡང་དེ་ཉིད་དོ། །ཇི་ལྟར་འོ་མ་དང་འདྲེས་པས། མར་གྱི་སྙིང་པོ་མི་ སྣང་པ། །དེ་བཞིན་ཉོན་མོངས་དང་འདྲེས་པས། །ཆོས་ཀྱི་དབྱིངས་ཀྱང་མི་མཐོང་ངོ་། །ཇི་ལྟར་འོ་མ་ རྣམ་སྦྱངས་པས། ། མར་གྱི་སྙིང་པོ་དྲི་མེད་འགྱུར། །དེ་བཞིན་ཉོན་མོངས་རྣམ་སྦྱངས་པས། །ཆོས་ དབྱིངས་ཤིན་ཏུ་དྲི་མེད་འགྱུར། །ཞེས་ཆོས་ཀྱི་དབྱིངས་དྲི་མ་སྦྱང་པའི་གཞི་དང་ཉོན་མོངས་པ་སྦྱང་ བྱའི་དྲི་མ་ཡིན་པར་གསུངས་ཤིང་། དཔལ་ཀྱེའི་རྡོ་རྗེ་ལས། ཕུང་པོ་ལྔ་དང་དབང་པོ་དྲུག །སྐྱེ་ མཆེད་དྲུག་དང་འབྱུང་ཆེན་ལྔ། །རང་བཞིན་གྱིས་ནི་རྣམ་པར་དག །ཉོན་མོངས་ཤེས་བྱའི་སྒྲིབ་ སྦྱང་བྱ། །ཞེས་གསུངས་ཏེ། ཕུང་པོ་ལ་སོགས་པའི་རང་བཞིན་རྣམ་དག་ཆོས་ཀྱི་དབྱིངས་སྦྱང་བའི་ གཞི་དང་ཉོན་སྒྲིབ་དང་ཤེས་སྒྲིབ་སྦྱང་བྱའི་དྲི་མ་ཡིན་པར་བསྟན་ཏོ། །དེ་ལྟར་ན་དེ་བཞིན་ གཤེགས་པའི་སྙིང་པོ་དང་པོའི་སངས་རྒྱས་རྡོ་རྗེའི་རྣལ་འབྱོར་འོད་གསལ་ཆོས་ཀྱི་དབྱིངས་དེ་སེམས་ ཅན་ལ་བཞུགས་པའི་གནས་སྐབས་ན་ནི་དྲི་མ་དང་བཅས་ཤིང་སྦྱང་གཞི་ཡིན་ལ། སངས་རྒྱས་ཐོབ་ པའི་གནས་སྐབས་ན་ནི་དྲི་མ་མ་ལུས་པས་དག་པའི་སྦྱང་འབྲས་ཡིན་ཞིང་གཞི་འབྲས་གཉིས་ངོ་ བོ་གཅིག་ཡིན་པར་ཤེས་པར་བྱའོ། །དེ་ལྟར་གཞི་འབྲས་ཀྱི་ངོ་བོར་གྱུར་པའི་རྡོ་རྗེའི་རྣལ་འབྱོར་ནི་ བཅོམ་ལྡན་འདས་དུས་ཀྱི་འཁོར་ལོ་དང་པོའི་སངས་རྒྱས་ཉིད་ཡིན་ལ། དེ་ཡང་སྐུ་བཞི་དང་རྡོ་རྗེ་ བཞིའི་སྒོ་ནས་ཕྱེ་བས་རྡོ་རྗེའི་རྣལ་འབྱོར་རྣམ་པ་བཞིར་འགྱུར་ཏེ། འཕགས་པ་འཇིག་རྟེན་དབང་ཕྱུག་ གིས། དག་དང་ཡེ་ཤེས་གཅིག་སྦྱོར་རྒྱལ་བ་མཆོག་གི་འདུས་པ་ཐུགས་དང་ཆོས་ནི་གཅིག་ཏུ་སྦྱོར། ། གསུང་དང་ལོངས་སྤྱོད་རྫོགས་པ་གཅིག་སྦྱོར་སྲིད་གསུམ་གྱིས་མཆོད་སྐུ་དང་སྤྲུལ་པ་སྦྱོར་བ་སྟེ། ། ཤེས་དང་ཤེས་བྱ་གཉིས་མེད་སྲིད་བྲལ་སྲིད་གནས་འདི་ནི་རྡོ་རྗེ་སེམས་དཔའ་རྣམ་པ་བཞི། །རྡོ་ རྗེའི་རྣལ་འབྱོར་ཐབས་དང་ཤེས་རབ་བདག་ཉིད་ལྷ་མི་ལྷ་མིན་གྱིས་བསྟོད་དེ་ལ་འདུད། །ཅེས་ གསུངས་ཏེ། ངོ་བོ་ཉིད་ཀྱི་སྐུ་ལ་སོགས་པ་སྐུ་བཞི་དང་ཡེ་ཤེས་རྡོ་རྗེ་ལ་སོགས་པ་རྡོ་རྗེ་བཞི་དབྱེར་

མེད་གཅིག་ཏུ་སྦྱོར་བ་ལ་རིམ་པ་ལྟར་དག་པའི་རྣལ་འབྱོར་དང་ཆོས་ཀྱི་རྣལ་འབྱོར་དང་སྔགས་ཀྱི་རྣལ་ འབྱོར་དང་དབྱིབས་ཀྱི་རྣལ་འབྱོར་ཞེས་གསུངས་སོ། །དེ་ལྟར་ན་དང་པོའི་སངས་རྒྱས་རྡོ་རྗེའི་རྣལ་ འབྱོར་འདི་ཐོབ་པར་བྱེད་པའི་ཐབས་ལམ་རྡོ་རྗེའི་རྣལ་འབྱོར་དང་བཅས་པ་ནི་གསང་སྔགས་རྡོ་རྗེའི་ ཐེག་པའི་ངེས་པའི་དོན་མཐར་ཐུག་པ་ཡིན་པའི་ཕྱིར། ཐར་པའི་མཆོག་ཕྱག་རྒྱ་ཆེན་པོའི་དངོས་གྲུབ་ དོན་དུ་གཉེར་བའི་རྣལ་འབྱོར་པ་རྣམས་ཀྱིས་ཐོས་པ་དང་བསམ་པ་དང་བསྒོམ་པའི་སྒོ་ནས་ ལེགས་པར་ཤེས་པར་བྱ་དགོས་ཏེ། འཕགས་པ་འཇིག་རྟེན་དབང་ཕྱུག་གི་ཞལ་སྔ་ནས། གང་ གིས་མཆོག་གི་དང་པོའི་སངས་རྒྱས་མི་ཤེས་པ་དེས་མཚན་ཡང་དག་པར་བརྗོད་པ་མི་ཤེས་སོ། ། གང་གིས་མཚན་ཡང་དག་པར་བརྗོད་པ་མི་ཤེས་པ་དེས་རྡོ་རྗེ་འཛིན་པའི་ཡེ་ཤེས་ཀྱི་སྐུ་མི་ཤེས་སོ། །གང་གིས་རྡོ་རྗེ་འཛིན་པའི་ཡེ་ཤེས་ཀྱི་སྐུ་མི་ཤེས་པ་དེས་སྔགས་ཀྱི་ཐེག་པ་མི་ཤེས་སོ། །གང་ གིས་སྔགས་ཀྱི་ཐེག་པ་མི་ཤེས་པ་དེ་ཐམས་ཅད་ནི་འཁོར་བ་པ་སྟེ། བཅོམ་ལྡན་འདས་རྡོ་རྗེ་འཛིན་ པའི་ལམ་དང་བྲལ་བའོ། །དེ་ལྟ་བས་ན་མཆོག་གི་དང་པོའི་སངས་རྒྱས་ནི་བླ་མ་དམ་པ་རྣམས་ཀྱིས་ བསྟན་པར་བྱ་ཞིང་། ཐར་པ་དོན་དུ་གཉེར་བའི་སློབ་མ་དམ་པ་རྣམས་ཀྱིས་མཉན་པར་བྱའོ། །ཞེས་ གསུངས་སོ།།

ལམ་མཆོག་མཐར་uག་ཡིན་པར་ངོ་sprད་པ།

གསུམ་པ་འོད་གསལ་བསྒོམ་པའི་ཏིང་ངེ་འཛིན་ལམ་མཆོག་མཐར་ཐུག་ཡིན་པར་ངོ་སྤྲད་པ་ལ་ བཞི་སྟེ། ལམ་གྱི་རིམ་པ་བསྟན་པ། ལམ་རྡོ་རྗེའི་རྣལ་འབྱོར་གྱི་ངོ་བོ་ངོ་སྤྲད་པ། དེ་ལམ་མཆོག་ མཐར་ཐུག་ཡིན་པའི་ཤེས་བྱེད་དགོད་པ། སྲོག་རྩོལ་ལ་སོགས་ལ་ཡན་ལག་གཞན་བསྟན་པའོ།།

ལམ་gyི་རིམ་པ་བstན་པ།

དང་པོ་ནི་འདིར་ལམ་ཐམས་ཅད་ཀྱི་མཐར་ཐུག་འོད་གསལ་ཕྱག་རྒྱ་ཆེན་པོ་ཤིན་ཏུ་རྣམ་པར་དག་ པའི་ལམ་གྱི་རིམ་པ་བསྒོམ་པ་ནི་ཐེག་པ་གསུམ་ཅར་གྱི་ལམ་ལ་མཁས་པ་དང་། ཐེག་པ་འོག་མ་ རྣམས་ཀྱི་ལམ་ཅི་རིགས་པར་སྔོན་དུ་འགྲོ་བ་ཅན་ཡིན་ཏེ། དཔལ་བརྟག་པ་གཉིས་པར། དང་པོར་ གསོ་སྦྱོང་སྦྱིན་པར་བྱ། །དེ་རྗེས་བསླབ་པའི་གནས་བཅུ་ཉིད། །དེ་ལ་བྱེ་བྲག་སྨྲ་བ་བསྟན། །མདོ་སྡེ་ པ་ཡང་དེ་བཞིན་ནོ། །དེ་ནས་རྣལ་འབྱོར་སྤྱོད་པ་ཉིད། །དེ་ཡི་རྗེས་སུ་དབུ་མ་བསྟན། །སྔགས་ཀྱི་ རིམ་པ་ཀུན་ཤེས་ནས། །དེ་རྗེས་ཀྱེའི་རྡོ་རྗེ་བསྟན། །ཞེས་གསུངས་ཏེ། ཀྱེའི་རྡོ་རྗེ་ནི་གོང་དུ་བསྟན་ པའི་རྡོ་རྗེའི་རྣལ་འབྱོར་ཡིན་ལ། དེ་ཐོབ་པར་བྱེད་པའི་ཐབས་ལམ་རྡོ་རྗེའི་རྣལ་འབྱོར་དང་བཅས་པ་ བསྟན་པར་བྱའོ། །ཞེས་པའི་དོན་ཏོ། །འཕགས་པ་རྡོ་རྗེ་སྙིང་པོས་དཔལ་ཀྱེའི་རྡོ་རྗེའི་རྒྱུད་ཀྱི་འགྲེལ་ པར་ཡང་། དང་པོར་བསླབ་པའི་གཞི་ལྔ་རྣམས་། །གསོ་སྦྱོང་སོགས་དང་ཡན་ལག་ལྡན། །མི་དགེ་བཅུ་ པོ་ཡོངས་སྤོང་བ། །བྱིན་ནས་དགེ་བསྙེན་ཉིད་དུ་བྱ། །དེ་ནས་བསླབ་པའི་གཞི་རྣམས་ནི། །བཅུ་བོ་ བྱིན་ནས་དགེ་ཚུལ་བྱ། །དེ་ནས་བསླབ་གཞི་དབྱེ་བ་ནི། །བྱིན་ནས་དགེ་སློང་བརྟུལ་ཞུགས་བྱ། །དེ་ ནས་སོ་སོར་ཐར་ཤེས་ནས། །དེ་ནས་བྱེ་བྲག་སྨྲ་བའི་ལུགས། །དེ་ནས་མདོ་སྡེ་ཤེས་བྱས་ནས། །རྣམ་ ཤེས་སྨྲ་བ་རང་ཆོས་ལས། །དེ་ནས་ཤེས་རབ་ཕ་རོལ་ཕྱིན། །དགོངས་པ་དབུ་མ་ཤེས་བྱ་སྟེ། །དེ་ལྟར་ རྒྱུད་གཞན་མཉན་ནས་ནི། །དེ་ནས་ཀྱེ་ཡི་རྡོ་རྗེ་བྱ། །ཞེས་གསུངས་ཏེ། རྒྱུད་གཞན་ནི་རྒྱུད་སྡེ་འོག་ མ་རྣམས་ལ་དགོངས་པའོ། །དཔལ་དྲི་མ་མེད་པའི་འོད་ལས། སྔགས་ཀྱི་ཚུལ་འདི་ལ་སྔགས་པ་ ནི། ཐེག་པ་གསུམ་གྱི་ངེས་འབྱུང་ལ། །ཐེག་པ་གཅིག་གི་འབྲས་བུར་གནས་པར་བཅོམ་ལྡན་ འདས་ཀྱིས་གསུངས་ཏེ། གང་ཐེག་པ་གསུམ་གྱི་དགོངས་པ་མི་ཤེས་པ་དེ་ནི་ཐམས་ཅད་མཁྱེན་ པའི་ལམ་ལས་ཉམས་པར་འགྱུར་རོ། །ཞེས་གསུངས་སོ། །ཐེག་པ་གསུམ་ནི། ཉན་ཐོས་ཀྱི་ཐེག་ པ་དང་། རང་སངས་རྒྱས་ཀྱི་ཐེག་པ་དང་། ཡང་དག་པར་རྫོགས་པའི་སངས་རྒྱས་ཀྱི་ཐེག་པ་སྟེ་ གསུམ་མོ། །དེ་ཉིད་མཆོག་ཏུ་མི་འགྱུར་བའི་ཡེ་ཤེས་གྲུབ་པ་ལས་ཀྱང་། རྒྱུ་འདིས་སངས་རྒྱས་པ་ བཞི་པོ་རྣམས་ཀྱི་བག་ཆགས་ཀྱི་སྟོབས་ཀྱིས་བཅོམ་ལྡན་འདས་ཀྱིས་གང་ཟག་ཏུ་སྨྲ་བ་རྣམས་ལ་ གང་ཟག་མི་རྟག་པར་བསྒོམ་པ་གསུངས་སོ། །དོན་དུ་སྨྲ་བ་རྣམས་ལ་ས་ལ་སོགས་པའི་ཟད་པར་ བསྒོམ་པ་དང་། རྣམ་པར་ཤེས་པར་སྨྲ་བ་རྣམས་ལ་རྣམ་པར་རིག་པ་ཙམ་གྱི་ཏིང་ངེ་འཛིན་དང་། དབུ་མ་པ་རྣམས་ལ་རྨི་ལམ་ལྟ་བུར་འགྱུར་བ་མེད་ཅིང་གཉིས་སུ་མེད་པའི་ཡེ་ཤེས་བསྒོམ་པ་སྟེ། དེ་

ལྟར་གང་ཟག་ལ་བདག་མེད་པ་དང་ཆོས་ལ་བདག་མེད་པའོ། །ཞེས་གསུངས་པ་ལྟར་ལམ་གྱི་རིམ་ པ་འོག་མ་འོག་མ་རྣམས་བསྒོམ་པ་སྔོན་དུ་བཏང་ནས་ཟབ་ལམ་རྡོ་རྗེའི་རྣལ་འབྱོར་བསྒོམ་པར་བྱ་བ་ ཡིན་ནོ།།

rd8་rjHའི་rnལ་འbyོར་gyི་ང8་བ8་ང:་sprད་པ།

གཉིས་པ་ལམ་རྡོ་རྗེའི་རྣལ་འབྱོར་གྱི་ངོ་བོ་ངོ་སྤྲད་པ་ནི། སྤྱིར་སྔགས་ཀྱི་ཐེག་པའི་ཚུལ་ལ་ ལམ་རིམ་པ་གཉིས་གསུངས་ཏེ། དྲི་མ་མེད་པའི་འོད་དུ་ལུང་དྲངས་པ། རྡོ་རྗེ་ཅན་བདག་བསྟན་པ་ ནི། །རིམ་པ་གཉིས་ལ་ཡང་དག་བརྟེན། །གཅིག་ནི་བསྐྱེད་པའི་རིམ་པ་སྟེ། །གཞན་ནི་རྫོགས་པའི་ རིམ་པའོ། །ཞེས་གསུངས་པ་ལས། རྫོགས་པའི་རིམ་པའི་རྣལ་འབྱོར་ཐུན་མོང་མ་ཡིན་པ་ངོ་སྤྲད་ པར་བྱའོ། །དེ་ཡང་དཔལ་གསང་བ་འདུས་པའི་རྒྱུད་ཕྱི་མ་ལས། སོ་སོར་སྡུད་དང་བསམ་གཏན་ དང་། །དེ་བཞིན་སྲོག་རྩོལ་འཛིན་པ་དང་། །རྗེས་སུ་དྲན་དང་ཏིང་ངེ་འཛིན། །སྦྱོར་བ་ཡན་ལག་དྲུག་ ཏུ་འདོད། །ཅེས་གསུངས་ཤིང་། དཔལ་ལྡན་རྒྱུད་ལས། སོ་སོར་སྡུད་པ་རྒྱལ་བའི་དབང་པོར་ འགྱུར་ཞིང་རྣམ་པ་བཅུ་སྟེ་བསམ་གཏན་མི་བསྐྱོད་པ་ཉིད་དོ། །སྲོག་རྩོལ་དག་ཀྱང་རལ་གྲི་ཅན་ནོ་ སླར་ཡང་རྣམ་པ་བཅུ་སྟེ་འཛིན་པ་ཕྱག་ན་རིན་ཆེན་ནོ། །གཡུང་མོ་ལ་ནི་རྗེས་སུ་དྲན་པ་པདྨ་འཛིན་ པར་འགྱུར་ཏེ་དཔལ་ལྡན་ཏིང་འཛིན་འཁོར་ལོ་ཅན། །རེ་རེ་དབྱེ་བ་ལྔ་རྣམས་ཀྱིས་ཏེ་སླར་ཡང་གང་ ལས་ཨ་སོགས་ཀ་སོགས་རྣམས་ཀྱིས་ཕྱེ་བའོ། །ཞེས་སངས་རྒྱས་དྲུག་གི་མིང་ཅན་ཕུང་པོ་གཞན་ དྲུག་གིས་ཕྱེ་བ་སྦྱོར་བ་ཡན་ལག་དྲུག་པོ་རེ་རེ་ཡང་ཨ་སོགས་ཀ་སོགས་ཏེ་གཡོན་དང་གཡས་ཀྱི་ དཀྱིལ་འཁོར་ལྔ་ལྔའི་སྒོ་ནས་ཕྱེ་བ་བཅུ་བཅུར་འགྱུར་བར་གསུངས་ཤིང་། དཔལ་འཁོར་ལོ་སྡོམ་ པའི་རྒྱུད་ལས། སྔགས་བཟླས་པ་དང་བསམ་གཏན་དང་། །བདེ་བ་ཡིས་ཀྱང་འགྲུབ་པར་འགྱུར། ། ཞེས་ཡན་ལག་རེ་རེ་ཤུགས་ལ་བསྟན་པ་རིམ་པ་མིན་པས་གསུངས་ལ། དཔལ་ཀྱེའི་རྡོ་རྗེའི་རྒྱུད་ ལས་ཀྱང་། འདིས་ནི་འཁོར་ལོ་རྣམས་བསྒོམས་ན། །དངོས་གྲུབ་མྱུར་དུ་ཐོབ་པར་འགྱུར། །ཞེས་ པ་ནས། ཡན་ལག་དྲུག་བསྒོམས་རྣལ་འབྱོར་པས། །དགའ་བྲལ་མཐར་ཡང་དེ་བཞིན་ནོ། །ཞེས་པ་ལ་

སོགས་པ་རྣལ་འབྱོར་བླ་ན་མེད་པའི་རྒྱུད་ཀྱི་རྒྱལ་པོ་རྣམས་སུ་ལམ་གྱི་མཐར་ཐུག་རྫོགས་རིམ་ཐུན་ མོང་མ་ཡིན་པ་ནི་ཐོག་མཐའ་བར་གསུམ་དུ་དགེ་བ་སྦྱོར་བ་ཡན་ལག་དྲུག་གི་ལམ་ཉིད་ཡིན་པར་ གསུངས་པ་ལས། འདིར་རེ་ཤིག་ཐོག་མར་དགེ་བ་སོ་སོར་སྡུད་དང་བསམ་གཏན་གྱི་ཡན་ལག་ རྣམ་པ་གཉིས་ངོ་སྤྲད་པར་བྱ་ཞིང་། དེ་ཡང་དང་པོར་སོ་སོར་སྡུད་པའི་ཡན་ལག་ངོ་སྤྲད་པ་ལ་ གཉིས་ཏེ། སོ་སོར་སྡུད་པའི་མཚན་ཉིད་མདོར་བསྟན་པ་དང་། སོ་སོར་སྡུད་པའི་ཡན་ལག་རྒྱས་པར་ བཤད་པའོ།།

ས8་ས:ར་sduད་པའི་མཚན་ཉིད་མདོར་བstན་པ

དང་པོ་ནི། དཔལ་ལྡན་རྒྱུད་ལས། སོ་སོར་སྡུད་པ་ཡུལ་དང་ཡུལ་ཅན་བཅུ་པོ་རྣམས་ནི་རབ་ཏུ་ འཇུག་པ་མེད་པའོ། །ཞེས་གསུངས་ཏེ། དེའི་དོན་ནི་དྲི་མ་མེད་པའི་འོད་ལས། འདིར་སོ་སོར་སྡུད་ པ་ཞེས་བྱ་བ་ནི། ལུས་ལ་ཡུལ་དང་ཡུལ་ཅན་བཅུ་པོ་རྣམས་ཀྱི་འབྲེལ་པའི་རྣམ་པར་ཤེས་པ་རབ་ཏུ་ འཇུག་པ་མེད་པ་སྟེ། །སྟོང་པའི་གཟུགས་ཀྱི་ཡུལ་རྣམས་ལ་མིག་གཞན་ལ་སོགས་པ་རྣམ་པ་ལྔ་ པོ་རྣམས་ཀྱིས་རབ་ཏུ་འཇུག་པའོ། །ཞེས་གསུངས་ཏེ། དབང་པོའི་རྣམ་པར་ཤེས་པ་ལྔ། གཟུགས་ སོགས་ཡུལ་ལྔ་ལ་འཇུག་པ་སོ་སོར་བསྡུས་ནས་མིག་གཞན་ལ་སོགས་པ་དབང་པོ་གཞན་རྣམས་ སྟོང་པ་ཉིད་ཀྱི་གཟུགས་སོགས་ཡུལ་གཞན་ལྔ་ལ་འཇུག་པར་བྱེད་པས་ན་སོ་སོར་སྡུད་པ་ཞེས་བྱ་ སྟེ། དེ་བཞིན་དུ་སོ་སོར་སྤོང་བ་ཞེས་ཀྱང་བྱ་སྟེ། དཔལ་ལྡན་གསང་བ་འདུས་པའི་རྒྱུད་ཕྱི་མར་ཡང་། དབང་པོ་བཅུ་པོ་རྣམས་ཀྱིས་ནི། །རང་ལ་འཇུག་གནས་ཐམས་ཅད་ལ། །འདོད་པ་ཕྱི་ཕྱིར་སྡུད་པ་ནི། །སོ་སོར་སྡུད་པ་ཞེས་བརྗོད་དོ། །ཞེས་གསུངས་ཏེ་དབང་པོ་བཅུ་ཞེས་པ་ནི་མིག་ལ་སོགས་པའི་ དབང་པོ་ལྔ་དང་། གཟུགས་སོགས་ཡུལ་ལྔ་ལ་ཡང་དབང་པོ་ཞེས་བརྗོད་པའོ། །རྗེ་བཙུན་ཕྱག་ན་རྡོ་ རྗེས་བདེ་མཆོག་སྟོད་འགྲེལ་དུ་ཡང་། འདིར་སོ་སོར་སྡུད་པ་ཞེས་བྱ་བ་ནི་གཟུགས་ལ་སོགས་པ་ཕྱི་ རོལ་ཀྱི་ཡུལ་རྣམས་ལ་མིག་ལ་སོགས་པའི་དབང་པོ་རྣམས་ཀྱིས་མིག་གི་རྣམ་པར་ཤེས་པ་ལ་ སོགས་པ་རྣམས་མི་འཇུག་པར། ནང་གི་ཡུལ་རྣམས་ལ་ལྷའི་མིག་གི་དབང་པོ་ལ་སོགས་པ་རྣམས་

ཀྱིས་ལྷའི་མིག་གི་རྣམ་པར་ཤེས་པ་ལ་སོགས་པ་རྣམས་འཇུག་པ་སྟེ། ནང་དུ་སྟོང་པ་ཉིད་ལ་ དམིགས་པས། སྟོང་པ་ལ་མ་བརྟགས་པའི་དངོས་པོ་ཐམས་ཅད་མཐོང་བ་ནི་པྲ་ཕབ་པའི་མེ་ལོང་ལ་ གཞོན་ནུ་མས་མཐོང་བ་ལྟར། ཁམས་གསུམ་པའི་སངས་རྒྱས་ཀྱི་གཟུགས་བརྙན་མཐོང་པ་ལས་ སོ་སོར་སྡུད་པའི་ཡན་ལག་ཏུ་མཛད་དོ། །ཞེས་གསུངས་སོ། །དེ་ལྟར་ན། གཟུགས་སོགས་ཕྱི་རོལ་ ཀྱི་ཡུལ་རྣམས་ལ་རྣམ་པར་ཤེས་པ་རྣམས་མི་འཇུག་པར་ནང་དུ་བསྡུས་ནས་སྟོང་པ་ཉིད་ཀྱི་ཡུལ་སྣ་ ཚོགས་ལ་ཅིར་ཡང་རྣམ་པར་མི་རྟོག་པའི་ཚུལ་གྱིས་དམིགས་པ་ནི། སོ་སོར་སྡུད་པའི་མཚན་ཉིད་ ཡིན་ལ་དེ་ཉིད་སྒྲ་དོན་ཡང་ཡིན་ཞེས་གསུང་ངོ་། །དེ་ཡང་ལྟ་སྟངས་ཁྱད་པར་ཅན་ལ་རག་ལུས་པར་ ཤེས་པར་བྱ་སྟེ། དཔལ་ལྡན་རྒྱུད་ལས། བསྙེན་པ་ལ་ནི་དང་པོའི་རྣལ་འབྱོར་རྣམ་བཅུ་མཁའ་ལ་ འཁོར་ལོ་ཅན་གྱི་ཁྲོ་བོའི་ལྟ་བས་སོ། །ཞེས་པ་དང་དཔལ་གསང་བ་འདུས་པར་ཡང་། བསྙེན་པའི་དུས་ སུ་གཙུག་ཏོར་ཆེའི། །གཟུགས་བརྙན་འབད་པས་རྣམ་བསྒོམ་བྱ། །ཞེས་གསུངས་ཏེ། བསྙེན་པ་ནི། སོ་སོར་སྡུད་པའི་ཡན་ལག་ཡིན་ལ། གཙུག་ཏོར་འཁོར་ལོས་བསྒྱུར་བའི་ལྟ་སྟངས་ནི། མིག་མི་ འཛུམས་པར་སྟེང་གི་ཕྱོགས་སུ་བལྟ་བ་ལ་གསུངས་སོ།།

ས8་ས:ར་sduད་པའི་ཡན་ལག་rgyས་པར་བཤད་པ།

གཉིས་པ་སོ་སོར་སྡུད་པའི་ཡན་ལག་རྒྱས་པར་བཤད་པ་ལ། དཔལ་དུས་ཀྱི་འཁོར་ལོར་ གསུངས་པའི་ཚུལ་དང་། རྒྱུད་གཞན་ལས་གསུངས་པའི་ཚུལ་གཉིས་སོ།།

དཔལ་duས་kyི་འཁོར་ལོར་གsuངས་པའི་uལ།

དང་པོ་ནི། རྩ་བའི་རྒྱུད་ཀྱི་དབང་མདོར་བསྟན་པ་ལས། རྡོ་རྗེའི་རྣལ་འབྱོར་རྣམ་པ་བཞི། ། དུས་ཀྱི་འཁོར་ལོ་འདིར་བཤད་པ། །རྣལ་འབྱོར་པ་ཡི་ཐར་སྟེར་བྱེད། །འདི་ཉིད་ཀྱིས་ནི་བསྒྲུབ་པར་ བྱ། །རབ་གསལ་བསམ་གྱིས་མི་ཁྱབ་པའི། །དུ་སོགས་མཚན་མ་དེ་རྣམས་ཀྱིས། །ཤེས་རབ་ གཟུགས་བརྙན་ནམ་མཁའ་མཉམ། །ཡོད་དང་མེད་ལས་རྣམ་པར་འདས། །རང་གི་སེམས་ཀྱི་རྐྱེན་ ཀྱི་དོན། །རྡུལ་ཕྲན་ལས་སྐྱེས་ཚོགས་པ་རྣམས། །ཀུན་ནས་ཡོངས་སུ་དོར་བ་ཡིས། །དུ་བ་སྨིག་རྒྱུ་ མཁའ་སྣང་དང་། །སྒྲོན་མ་འབར་བ་ཟླ་ཉི་མ། །མུན་ཅན་ཆ་དང་ཐིག་ལེ་ཆེ། །སྣ་ཚོགས་གཟུགས་ བརྙན་འོད་གསལ་བ། །ཞེས་གསུངས་ཏེ། རྡོ་རྗེའི་རྣལ་འབྱོར་རྣམ་པ་བཞི་ནི་གོང་དུ་བཤད་པའི་ རྣམ་པར་དག་པའི་རྣལ་འབྱོར་ལ་སོགས་པ་རྣམ་པ་བཞི་ཡིན་ལ། བཞི་པོ་དེ་རྣལ་འབྱོར་པ་རྣམས་ ཀྱིས་བསྒྲུབ་པར་བྱ་བ་སྟེ་ཐོབ་པར་བྱའོ། །ཐབས་གང་གིས་ཐོབ་པར་བྱ་ན་དུ་བ་ལ་སོགས་པ་རྟགས་ བཅུ་དང་རྣམ་པ་ཐམས་ཅད་པའི་སྟོང་གཟུགས་འོད་གསལ་བའི་ལམ་གྱིས་ཐོབ་པར་བྱ་སྟེ། དུ་བ་ལ་ སོགས་པའི་སྟོང་གཟུགས་ཀྱི་མཚན་ཉིད་ནི། ནམ་མཁའ་སྟོང་པ་ལ་རབ་ཏུ་གསལ་ལ། རྟོག་པའི་ བློས་བསམ་གྱིས་མི་ཁྱབ་པ་ཕྱག་རྒྱ་ཆེན་པོའི་དངོས་གྲུབ་ཐོབ་པའི་མཚན་མ་སྟེ་སྔ་ལྟས་ཡིན་ལ། ཡུམ་ཤེས་རབ་ཀྱི་ཕ་རོལ་ཏུ་ཕྱིན་མའི་གཟུགས་བརྙན་ཡིན་པ་དྲི་མ་ཐམས་ཅད་ཀྱིས་མ་གོས་པ་ནམ་ མཁའ་དང་མཉམ་པ་སྟེ་མཚུངས་པ། ཡོད་མེད་ལ་སོགས་པ་རྣམ་པར་རྟོག་པའི་ཡུལ་ལས་འདས་པ། རྣལ་འབྱོར་པས་སོ་སོར་རང་གིས་རིག་པར་བྱ་བ་རྡུལ་ཕྲ་རབ་ཀྱི་ཆོས་ལས་འདས་པའོ། །དེ་བཞིན་ དུ་དཔལ་ལྡན་རྒྱུད་ལས། ནམ་མཁར་ཀུན་ནས་ཞེན་པའི་སེམས་དང་མིག་ནི་མི་འཛུམས་རྡོ་རྗེའི་ ལམ་དུ་རབ་ཏུ་ཞུགས་པ་ཡིས། །སྟོང་པ་ལ་ནི་དུ་བ་སྨིག་རྒྱུ་རབ་གསལ་དྲི་མ་མེད་པའི་མཁའ་ སྣང་ཉིད་དང་མར་མེ་དང་། །འབར་བ་དང་ནི་ཟླ་བ་ཉི་མ་རྡོ་རྗེ་རྣམས་དང་མཆོག་གི་ཆ་དང་ཐིག་ལེ་ མཐོང་བར་འགྱུར། །དེ་ཡི་དབུས་སུ་སངས་རྒྱས་གཟུགས་ནི་ཡུལ་དང་རྣམ་པར་བྲལ་བ་དུ་མ་ ལོངས་སྤྱོད་རྫོགས་པའི་སྐུ། །ནམ་མཁའ་ཆུ་འཛིན་བྲལ་བ་དག་ལ་རྣལ་འབྱོར་པ་ཡིས་བགྲད་པའི་ མིག་གིས་བལྟ་བར་བྱ་བ་སྟེ། །རེ་ཁཱ་ནག་པོ་དྲི་མེད་འོད་ཟེར་འཕྲོ་བ་དུས་ཀྱི་རྩ་ལ་མཐོང་བར་འགྱུར་ གྱི་བར་དུའོ། །དེ་ལ་ཀུན་མཁྱེན་གཟུགས་ནི་ཆུ་ལ་ཉི་མ་ལྟ་བུར་གོས་པ་མེད་པ་ཁ་དོག་སྣ་ཚོགས་ ཏེ། །རྣམ་པ་ཀུན་ལྡན་རང་སེམས་ཡུལ་དང་རྣམ་པར་བྲལ་བ་དག་གོ་གཞན་གྱི་སེམས་ནི་མིན་པ་ ཉིད། །ཞེས་གསུངས་ཏེ། ནམ་མཁར་ཀུན་ནས་ཞེན་པའི་སེམས་ཞེས་པས་སེམས་ཀྱི་འཇོག་ཚུལ་ བསྟན་ལ། མིག་ནི་མི་འཛུམས་ཞེས་པས་ལྟ་སྟངས་བསྟན་ཞིང་། ལུས་གནད་ཁྱད་པར་ཅན་ཡང་

ཤུགས་ལ་བསྟན་ཏེ། དེ་དག་ལ་བརྟེན་ནས་རླུང་སེམས་རྡོ་རྗེའི་ལམ་ཏེ་རྩ་དབུ་མའི་ནང་དུ་ཆུད་པ་ལས་ སེམས་ཀྱི་འོད་གསལ་ཕྱག་རྒྱ་ཆེན་པོ་མངོན་སུམ་དུ་མཐོང་བར་འགྱུར་ཏེ། མཐོང་པའི་ཚུལ་ནི། དང་ པོ་དུ་བའི་རྣམ་པ་དང་། དེ་ནས་སྨིག་རྒྱུའི་རྣམ་པ་དང་། དེ་ནས་རབ་གསལ་དྲི་མ་མེད་པའི་མཁའ་ སྣང་སྟེ། སྲིན་བུ་མེ་ཁྱེར་གྱི་རྣམ་པ་དང་། དེ་ནས་མར་མེའི་རྣམ་པ་མཐོང་བར་འགྱུར་ཏེ་དེ་དག་ནི་ མཚན་མོའི་རྣལ་འབྱོར་གྱི་རྟགས་རྣམ་པ་བཞི་ཡིན་ནོ། །དེ་ནས་ནམ་མཁའ་ཆུ་འཛིན་བྲལ་བ་ཞེས་ སོགས་རྐང་པ་གཅིག་གིས་ཉིན་མོའི་རྣལ་འབྱོར་བསྒོམ་པའི་ཚུལ་བསྟན་ཏེ། དེ་ལ་དང་པོ་མེ་འབར་ བའི་རྣམ་པ་སེར་པོ་འབར་བ་དང་། དེ་ནས་ཟླ་བའི་རྣམ་པ་དཀར་པོ་འབར་བ་དང་། ཉི་མའི་རྣམ་པ་ དམར་པོ་འབར་བ་དང་། རྡོ་རྗེ་སྟེ་སྒྲ་གཅན་གྱི་རྣམ་པ་ནག་པོ་འབར་བ་རྣམས་མཐོང་བ་ནི་ཉིན་མོའི་ རྣལ་འབྱོར་གྱི་རྟགས་རྣམ་པ་བཞིའོ། །དེ་ནས་མཆོག་གི་ཆ་སྟེ་གློག་འགྱུ་བའི་རྣམ་པ་དང་། ཁ་དོག་ སྔོན་པོ་དབྱིབས་ཟླ་བའི་དཀྱིལ་འཁོར་ལྟ་བུ་ནི་ཐིག་ལེ་སྟེ། རྟགས་གཉིས་མཐོང་པར་འགྱུར་རོ། །དེ་ ལ་རྟགས་སྔ་མ་བརྒྱད་ནི་ཁྱབ་བྱ་ཡིན་ཞིང་། ཕྱི་མ་གཉིས་ནི་ཁྱབ་བྱེད་ཡིན་ཞེས་བཞེད་ལ། ནཱ་རོ་ པའི་ཞབས་ཀྱིས་ནི། ཕྱི་མ་གཉིས་པོ་ཉིན་མོའི་རྣལ་འབྱོར་གྱི་རྟགས་ཡིན་པར་བཞེད་དོ། །དེ་ནས་ ཐིག་ལེ་དེའི་དབུས་སུ་སངས་རྒྱས་ཀྱི་གཟུགས་རྡུལ་ཕྲ་རབ་ཀྱི་རྫས་མེད་པ་ཡུལ་དང་བྲལ་ཞིང་བློས་ བཏགས་པ་མེད་པས་རྣམ་པ་དང་བྲལ་བ་དུ་མ་སྟེ། སྣ་ཚོགས་པ་ལོངས་སྤྱོད་རྫོགས་པའི་སྐུ་མཐོང་ བར་འགྱུར་རོ། །དེ་ནས་སྟོང་གཟུགས་ཀྱི་རྣལ་འབྱོར་གྱིས་གཞོམ་དུ་མེད་པའི་སྒྲ་སྙན་ཡང་ཐོས་ཏེ། དེ་ལྟར་གཟུགས་སྣང་པ་ལས་སྤྲུལ་པའི་སྐུ་དང་། སྒྲ་སྣང་པ་ལས་ལོངས་སྤྱོད་རྫོགས་པའི་སྐུའོ་ ཞེས་གསུངས་ཏེ། དེ་ལྟ་བུའི་རྣལ་འབྱོར་གྱིས་ཉི་མ་སོ་སོར་བལྟ་བར་བྱ་སྟེ། ཇི་སྲིད་དུ་བལྟ་ན་རེ་ཁཱ་ སྟེ་རི་མོ་ནག་པོ་སྦོམ་ཕྲ་སྐྲའི་ཚད་ཙམ་དྲི་མ་མེད་པའི་འོད་ཟེར་འཕྲོ་བ་ཞིག་དུས་ཀྱི་རྩ་སྟེ་ཨ་ཝ་དྷུ་ཏི་ ལ་མཐོང་བར་འགྱུར་གྱི་བར་དུ་བལྟ་བར་བྱའོ། །རེ་ཁཱ་ནག་པོ་དེའི་ནང་དུ་ཡང་ཀུན་མཁྱེན་གཟུགས་ ཞེས་པ་ཁམས་གསུམ་པོ་མ་ལུས་པའི་རྣམ་པ་ཅན་གྱི་སྟོང་པ་ཉིད་ཀྱི་གཟུགས་ཆུའི་ནང་དུ་ཉི་མའི་ གཟུགས་བརྙན་ཤར་བ་ལྟ་བུ་དྲི་མས་གོས་པ་མེད་པ། ཤིན་ཏུ་འོད་གསལ་བའི་ཁ་དོག་སྣ་ཚོགས་ པ་ཅན་མངོན་སུམ་དུ་མཐོང་བར་འགྱུར་ལ། རྣམ་པ་ཐམས་ཅད་པའི་སྟོང་གཟུགས་དེ་ནི་རང་གི་ སེམས་རང་བཞིན་གྱིས་འོད་གསལ་བ་ཡུལ་དང་རྣམ་པར་བྲལ་བའི་ངོ་བོ་ཡིན་གྱི་གང་ཟག་གཞན་ གྱི་སེམས་ནི་མ་ཡིན་ཏེ། དེ་མངོན་སུམ་དུ་མཐོང་བའི་རྣལ་འབྱོར་པ་དེ་ལས་དང་པོ་པ་ཡིན་པས་ན་ གཞན་གྱི་སེམས་ཤེས་པའི་མངོན་པར་ཤེས་པ་མེད་པའི་ཕྱིར་རོ། །དེ་ལྟར་རླུང་སེམས་རྩ་དབུ་མའི་ནང་

དུ་ཚུད་པ་ལས་འོད་གསལ་མཐོང་བར་འགྱུར་ལ། རླུང་དབུ་མའི་ནང་དུ་འཇུག་པའི་ཚུལ་ནི། གཡོན་ རྐྱང་མའི་རྩ་དང་། སྣ་བུག་གཡོན་ནས་ནམ་མཁའ་རླུང་མེ་ཆུ་སའི་རླུང་ལྔ་རྣམས་སྐྱེ་རིམ་གྱིས་རྒྱུ་ ཞིང་། གཡས་རོ་མའི་རྩ་དང་སྣ་བུག་གཡས་ནས་ས་ཆུ་མེ་རླུང་ནམ་མཁའི་རླུང་ལྔ་རྣམས་སྡུད་ རིམ་གྱིས་རྒྱུ་བ་ཡིན་ལ། རླུང་བཅུ་པོ་དེ་དག་བྱེད་པ་བཅིང་བའི་ཐབས་ཀྱིས་གཡས་གཡོན་རོ་རྐྱང་ གི་ལམ་ནས་རྒྱུ་བ་འགོག་ཅིང་། སའི་རླུང་ལ་སོགས་པ་ནས་སྡུད་རིམ་གྱིས་དབུ་མའི་ནང་དུ་ངང་ གིས་རྒྱུ་བར་བྱེད་ལ་དེ་ལ་བརྟེན་ནས་འོད་གསལ་མངོན་དུ་འགྱུར་བ་ཡིན་ཏེ། དཔལ་ལྡན་རྒྱུད་ལས། ས་ནི་ཆུ་ལ་རབ་ཏུ་འཇུག་ཅིང་ཆུ་ཡང་འབར་བྱེད་ལ་སྟེ་གཙང་བར་བྱེད་པ་རླུང་ལའོ། །རླུང་ནི་སྟོང་པ་ ལ་སྟེ་སྟོང་པ་ངེས་པར་མཚན་མ་རྣམ་པ་བཅུ་རུ་འགྱུར་ཞིང་མཚན་མ་ནི། །རྣམ་པ་ཐམས་ཅད་པ་རུ་ འགྱུར་ཏེ་མི་བཟད་མཆོག་གི་བདེ་བ་གཞོམ་དུ་མེད་པ་ཡེ་ཤེས་སྐུ། །ཡེ་ཤེས་ལས་ནི་རྫུ་འཕྲུལ་ དངོས་གྲུབ་ཏུ་འགྱུར་མི་བདག་སྐྱེས་བུ་རྣམས་ཀྱིས་སྐྱེ་བ་འདི་ཉིད་ལའོ། །ཞེས་གསུངས་ཏེ། དེའི་ དགོངས་པ་ནི་ཐོག་མར་སའི་རླུང་དབུ་མའི་ནང་དུ་ཆུད་ཅིང་གཡས་གཡོན་གྱི་རྩ་ལ་རྒྱུ་བ་མེད་པར་ གྱུར་པ་ལ་ས་ལ་ཆུ་ལ་འཇུག་པ་ཞེས་གསུངས་ཤིང་། དེ་བཞིན་དུ་མེ་ལ་འཇུག་པ་ལ་སོགས་པ་ཡང་ ཤེས་པར་བྱ་སྟེ། མཐར་སྟོང་པ་ངེས་པར་མཚན་མ་རྣམ་པ་བཅུ་རུ་འགྱུར་ཞེས་པ་ཡང་ནམ་མཁའི་རླུང་ ཉིད་དུ་བ་ལ་སོགས་པའི་རྟགས་བཅུར་འགྱུར་བ་ནི་མ་ཡིན་གྱི། སའི་རླུང་ལ་སོགས་པ་རིམ་པ་ ལྟར་དབུ་མའི་ནང་དུ་ཆུད་ཅིང་འགགས་པ་ལས་དུ་བ་ལ་སོགས་པའི་རྟགས་རྣམས་རིམ་པ་ལྟར་ མཐོང་ནས་ནམ་མཁའི་རླུང་དབུ་མར་ཆུད་པ་ན་རྟགས་བཅུ་པོ་རྫོགས་པར་མཐོང་པར་འགྱུར་ཞེས་པའི་ དོན་ནོ། །མཚན་མ་ནི་རྣམ་པ་ཐམས་ཅད་པ་རུ་འགྱུར་ཞེས་པ་ཡང་རྟགས་བཅུ་པོ་ཉིད་རྣམ་པ་ ཐམས་ཅད་པའི་སྟོང་གཟུགས་སུ་ཡོངས་སུ་འགྱུར་བ་འདུས་བྱས་ཀྱི་དངོས་པོར་འགྱུར་བ་ལྟ་བུ་ནི་ མ་ཡིན་གྱི། རྟགས་བཅུ་རྫོགས་པར་མཐོང་བའི་རྗེས་སུ་རྣམ་པ་ཐམས་ཅད་པའི་སྟོང་གཟུགས་ མཐོང་བར་འགྱུར་བ་ཡིན་ཏེ། དེས་ན་འདི་དག་རྣལ་འབྱོར་པས་མཐོང་བ་དང་ཉམས་སུ་མྱོང་བའི་ རིམ་པ་ཡིན་གྱི། དུ་བ་ལ་སོགས་པ་འོད་གསལ་གྱི་རང་གི་ངོ་བོ་འགྱུར་བ་དང་བཅས་པ་མ་ཡིན་ཏེ། ནམ་མཁའ་ལས་བྱུང་ཞིང་རང་བྱུང་པ་ཡིན་པར་གསུངས་པའི་ཕྱིར་རོ། །རྣམ་པ་ཐམས་ཅད་པའི་སྟོང་པ་ ཉིད་ཀྱི་གཟུགས་དེ་ནི། རྣམ་པར་མི་རྟོག་དབྱིངས་མི་ཟད་ཅེས་གསུངས་པ་ལྟར་མི་ཟད་པའི་ དབྱིངས་བདེ་བ་ཆེན་པོ་གཞོམ་དུ་མེད་པའི་ཡེ་ཤེས་ཀྱི་སྐུ་ཡིན་ལ། རྣལ་འབྱོར་པས་ཡེ་ཤེས་ཀྱི་སྐུ་ དེ་ཐོབ་པ་ལས་རྣམ་པ་ཐམས་ཅད་པའི་རྫུ་འཕྲུལ་དང་ལྡན་པ་ཕྱག་རྒྱ་ཆེན་པོའི་དངོས་གྲུབ་ཐོབ་

པར་འགྱུར་ཏེ། དུས་ཅི་ཙམ་ན་ཐོབ་ན་སྐྱེས་བུ་བརྩོན་འགྲུས་དང་ལྡན་པ་རྣམས་ཀྱིས་སྐྱེ་བ་འདི་ཉིད་ལ་ ཐོབ་པར་འགྱུར་ཞེས་པའི་དོན་ནོ། །ཆོས་རྗེ་བླ་མ་གོང་མ་རྣམས་ཀྱིས་རྟགས་བཅུ་པོ་འདི་རྣམས་ ངེས་པའི་མཐོང་ཉམས་ཞེས་བྱ་བར་བཞེད་ཅིང་། མ་ངེས་པའི་ཉམས་ལ་ས་རླུང་དབུ་མར་ཆུད་པའི་ མཐོང་ཉམས་ནི་རི་ཁང་ཁྱིམ་ལ་སོགས་པའི་རྣམ་པར་སྣང་བ་དང་ལུས་ཉམས་ནི་ལུས་ལྕི་བ་ལ་སོགས་ པར་འགྱུར་བ་དང་། སེམས་ཉམས་སམ་ཏིང་ངེ་འཛིན་གྱི་ཉམས་ནི་སེམས་གསལ་ཆ་དང་འཕྲོ་ཤས་ ཆུང་ཞིང་གནས་ཆ་ཆེ་བ་དང་། རྨི་ཉམས་ནི་ཐག་རིང་པོ་ལ་འགྲོ་མི་ནུས་ བཞིན་འགྲོ་བ་ལ་སོགས་པ་ རྨི་བའོ། ། ཆུ་རླུང་དབུ་མར་ཆུད་པའི་མཐོང་ཉམས་ནི་མཚོ་དང་འབབ་ཆུ་ལ་སོགས་པ་ཆུ་སྣ་ཚོགས་ སུ་སྣང་བ་དང་། ལུས་ཉམས་ནི་ལུས་གྲང་ཞིང་འཇམ་པ་དང་ཤེད་ཆུང་བ་ལ་སོགས་པ་དང་། སེམས་ཉམས་ནི་རིག་པ་ངར་ཆུང་ཞིང་རྟོག་མེད་དུ་གནས་པ་ལ་སོགས་པ་དང་། རྨི་ཉམས་ནི་ཆུ་སྣ་ ཚོགས་པ་བརྒལ་བ་དང་གྲུར་ཞུགས་པ་དང་། ཆུས་ཁྱེར་བ་ལ་སོགས་པ་རྨི་བའོ། །མེ་རླུང་དབུ་ མར་ཞུགས་པའི་མཐོང་ཉམས་ནི་མེ་འབར་བ་ལ་སོགས་པ་སྣང་བ་དང་། སེམས་ཉམས་ནི་སེམས་ ཅུང་ཟད་སྤུན་ཞིང་ཚིག་པ་ཟ་བ་ལ་སོགས་པ་དང་། ལུས་ཉམས་ནི་དྲོད་ཆེ་ཞིང་རྔུལ་བ་དང་། རྨི་ཉམས་ ནི་མེ་འབར་བ་དང་ཁང་པ་མེས་ཚིག་པ་རྨི་བ་ལ་སོགས་པའོ། །རླུང་གི་རླུང་དབུ་མར་ཆུད་པའི་ མཐོང་ཉམས་ནི་རླུང་འཚུབ་ལངས་པ་ལ་སོགས་པའི་སྣང་བ་དང་། ལུས་ཉམས་ནི་ལུས་ཡང་ཞིང་ མགྱོགས་པར་འགྲོ་བ་ལ་སོགས་པ་དང་། སེམས་ཉམས་ནི་སེམས་གསལ་ཞིང་འཕྲོ་རྒོད་དུ་འཆོར་བ་ དང་། རྨི་ཉམས་ནི་རྟ་ཞོན་ནས་རྒྱུག་པ་ལ་སོགས་པ་དང་འཕུར་བ་ལ་སོགས་པ་རྨི་བའོ། །ནམ་ མཁའི་རླུང་དབུ་མར་ཆུད་པའི་མཐོང་ཉམས་ནི། ནམ་མཁའི་བྱེ་བྲག་ཅི་རིགས་པ་དང་། རས་ཡུག་ སྔོན་པོ་བརྐྱང་པ་ལྟ་བུ་ལ་སོགས་པ་མཐོང་པ་དང་། ལུས་ཉམས་ནི་ལུས་ཡོད་པ་མི་ཚོར་ཞིང་མེད་ པ་སྙམ་བྱེད་པ་དང་། སེམས་ཉམས་ནི་སེམས་གསལ་ལ་མི་རྟོག་པར་གནས་པ་དང་། རྨི་ཉམས་ནི་ མཐོང་ཉམས་དང་མཐུན་པར་རྨི་བའོ། །སྤྱིར་རྨི་ཉམས་ལ་མཐོང་ཉམས་དང་འབྲེལ་བའི་རྨི་ཉམས་དང་། སེམས་ཀྱི་བག་ཆགས་དང་འབྲེལ་པའི་རྨི་ཉམས་དང་། ལུས་ཉམས་དང་འབྲེལ་པའི་རྨི་ཉམས་ཏེ་ གསུམ་ཡོད་པ་ཡིན་གསུང་ངོ་། །དེ་རྣམས་ནི་མཚན་མོའི་རྣལ་འབྱོར་གྱི་ཉམས་ཡིན་ནོ། །ཉིན་མོའི་ རྣལ་འབྱོར་གྱི་མཐོང་ཉམས་ལ་འབར་བ་ནི་སྦྲང་བཤོག་ལ་ཉི་ཟེར་ཕོག་པ་ལྟ་བུ་སྐྱ་ཁྱེམས་ཁྱེམས་ པར་སྣང་བ་དང་། ཟླ་བ་ནི་ཟླ་གམ་ལྕགས་སྒྲོག་ལྟ་བུའམ་ཟླ་བའི་འོད་ལྟ་བུ་དང་། ཉི་མ་ནི་གསོར་ མིག་ལྟ་བུ་སྔོན་པོ་ཁོང་སྟོང་འཁོར་བ་ལྟ་བུའམ་ཉི་མའི་འོད་ལྟ་བུ་དང་། སྒྲ་གཅན་ནི་ཤིང་སྡོང་གི་

གྲིབ་མ་ལྟ་བུ་དང་རི་མོ་ཕྲ་ནག་གི་རྣམ་པ་ཐུང་རིང་དུ་སྣང་བ་དང་། ཁ་དོག་ནག་པོ་ཁྲོ་བོའི་གསུས་ པ་དང་སླང་ངའི་རྒྱབ་ལྟ་བུའམ་ར་ཧུ་ལའི་དཀྱིལ་འཁོར་ལྟ་བུ་དང་། གློག་གི་རྣམ་པ་སྐྱ་ཁྱེམས་ ཁྱེམས་པ་བྱུང་ཞིང་མེད་པར་འགྲོ་བ་དང་། སོག་མདའ་འཕངས་པ་ལྟ་བུ་ལས་དང་བོ་པ་ལ་སྙིང་ དངངས་པ་ལྟ་བུ་འབྱུང་ངོ་། །ཐིག་ལེ་ནི་དང་པོ་ཁ་རླངས་ལྟ་བུའམ་བྱ་རྒོད་གཟན་ལ་འབབ་པ་ལྟ་ བུའམ། མིག་ལ་བསྐོར་བ་བྱེད་པ་ལྟ་བུ་ཁ་དོག་ལྗང་ཁུ་དང་། སེར་པོ་དང་། དམར་པོ་དང་། ནག་པོ་ དང་། དཀར་པོ་དང་། སྔོན་པོ་རིམ་གྱིས་མཐོང་བའམ་ཅིག་ཆར་དུ་མཐོང་བ་སྟེ། དེ་ཡང་དང་པོ་མི་ གསལ་ཞིང་རགས་པའི་རྣམ་པ་ལྟ་བུ་མཐོང་ཞིང་ཕྱི་ནས་གསལ་བའི་རྣམ་པར་མཐོང་ ངོ་། །རགས་ པའི་རྣམ་པ་དུ་བ་ལ་སོགས་པ་ཡང་དང་ཡང་དུ་བསྒོམས་པས་ཕྲ་སིལ་འགྲོ་སྟེ། དེའི་དུས་སུ་ རགས་པའི་སྣང་བ་ཡལ་ཕྲ་བའི་སྣང་པ་ངོས་མ་ཟིན་པའི་དུས་ན་བསྒོམ་འཆོར་སྲིད་པས་ངོ་སྤྲོད་གལ་ ཆེ་གསུང་ཞིང་། དེ་ནས་ཐིག་ལེ་འོད་ཟེར་འཕྲོ་བ་དང་། ཆ་ཕྲ་བ་དང་། འཚེར་བ་དང་། འདར་བ་དང་། གཞིག་པར་དཀའ་བ་སྟེ། ཆོས་ལྔ་ལྡན་མཐོང་བ་ན་བསམ་གཏན་མི་འགྲིབ་པའི་ཚད་དུ་ཕྱིན་པ་ཡིན་ ཞེས་གསུང་ངོ་། །དེ་ནས་ཐིག་ལེ་ངུར་དམར་རམ་ངུར་སེར་གྱི་རྣམ་པ་མཐོང་ནས་དེ་བཞིན་གཤེགས་ པའི་སྐུ་ཡང་རིམ་གྱིས་མཐོང་སྟེ། དེ་ཡང་དང་པོར་གཙུག་ཏོར་དང་ཞལ་ལ་སོགས་པ་ནས་རིམ་ གྱིས་ཕྱག་མཚན་དང་རྒྱན་ལ་སོགས་པ་ཡོངས་སུ་རྫོགས་པ་མཐོང་ངོ་། །དེ་ནས་ངེས་པ་གསུམ་ ལྡན་གྱི་སྐུ་མཐོང་སྟེ་ཡུལ་ངེས་པ་ཐིག་ལེའི་དབུས་དང་། དུས་ངེས་པ་མཉམ་རྗེས་ཀུན་ཏུ་དང་། རང་ བཞིན་ངེས་པ་མཚན་དཔེ་ལ་སོགས་པ་ཡོངས་སུ་རྫོགས་པ་མཐོང་པར་འགྱུར་རོ། །དེ་ནས་རེ་ཁཱ་ ནག་པོ་སྔར་བཤད་པ་ལྟར་མཐོང་བར་འགྱུར་ཞེས་གསུང་ངོ་། །དེ་ལ་འགྲོ་བ་རིགས་དྲུག་བརྟན་ གཡོའི་རྣམ་པ་སྣ་ཚོགས་པར་སྣང་བ་ནི་རྣམ་པ་ཀུན་ལྡན་གྱི་སྟོང་གཟུགས་དང་སངས་རྒྱས་ཀྱི་སྤྲུལ་ སྐུ་དང་། ལོངས་སྐུའི་རྣམ་པར་སྣང་བ་ནི། རྣམ་པ་མཆོག་ལྡན་གྱི་སྟོང་གཟུགས་ཞེས་བྱ་བ་ཡིན་ནོ་ ཞེས་བཞེད་མོད་ཀྱི། རྩ་བའི་རྒྱུད་དུ། ཁམས་གསུམ་པ་ནི་མ་ལུས་པའི། །སངས་རྒྱས་གཟུགས་ནི་ བསྒོམ་པར་བྱ། །ཞེས་དང་སེམས་འགྲེལ་རྣམས་སུ། ཁམས་གསུམ་པའི་སངས་རྒྱས་ཀྱི་གཟུགས་ ཞེས་གསུངས་པས་སྟོང་གཟུགས་ཀྱི་རྣམ་པ་ཐམས་ཅད་འོད་གསལ་ཆོས་ཀྱི་དབྱིངས་སུ་རོ་གཅིག་པ་ རྣམ་ཀུན་མཆོག་ལྡན་གྱི་སྟོང་པ་ཉིད་དུ་ཁྱད་པར་མེད་དོ། །ཞེས་དཔལ་ལྡན་བླ་མ་དམ་པ་ཆོས་རྗེ་ བཞེད་དོ། །ལས་དང་པོ་པའི་རྣལ་འབྱོར་པ་ལ་ཏིང་ངེ་འཛིན་སྐྱེ་བའི་ཚུལ་ནི། སྙན་བརྒྱུད་ལས། གཡོ་ ཐོབ་གོམས་བརྟན་མཐར་ཕྱིན་འཛིན། །ཏིང་འཛིན་ལམ་གྱི་སྐྱེ་ཚུལ་ཡིན། །ཞེས་འབྱུང་སྟེ། དང་པོ་

བསྒོམས་པའི་དུས་ན་སེམས་ཅུང་ཟད་ཀྱང་མི་གནས་པར་འཕྲོ་བ་རི་གཟར་ལ་ཆུ་འབབ་པ་ལྟ་ བུའམ། བྱ་ཙི་ཙི་མོ་ལྟ་བུའམ་དུ་བ་ལྟར་འགྱུ་བ་འབྱུང་སྟེ། དེའི་དུས་སུ་བདག་ལ་ནི་ཏིང་ངེ་འཛིན་མི་སྐྱེ་ བར་འདུག་སྙམ་ནས་ཚིག་པ་ཟ་བའམ་ཡི་ཆད་པའི་རྣམ་པ་འབྱུང་སྟེ། དེ་ནི་སེམས་བྱ་ར་ཆུད་པའམ་ རྣམ་རྟོག་ངོས་ཟིན་པའི་དུས་གཡོ་བའི་ཏིང་ངེ་འཛིན་སྐྱེ་བའི་དུས་ཡིན། དེ་ནས་སེམས་ཅུང་ཟད་རེ་གནས་ ཀྱང་དེ་མ་ཐག་ཏུ་རྟོག་པ་འཕྲོ་བ་ལྕགས་སྦུབས་སུ་ཆུ་ཚུད་པ་ལྟ་བུའམ་སེམས་ཆགས་སྡང་མི་སྐྱེ་ བའི་དུས་དེ་ཐོབ་པའི་ཏིང་ངེ་འཛིན་སྐྱེ་བའི་དུས་ཡིན། དེ་ནས་སེམས་ཅུང་ཟད་འཕྲོ་ཡང་དེ་མ་ཐག་ཏུ་ རྟོག་མེད་ལ་ལྷན་གྱིས་འཇོག་ནུས་པ་སྦུར་མའི་མེ་སྟག་གནམ་དུ་ཡར་བའམ་སྦལ་བ་མཆོང་པ་ལྟ་བུ་ འབྱུང་སྟེ། དེ་ནི་ཐོལ་སྐྱེས་རྦད་ཆོད་ཀྱི་དུས་ཏེ་གོམས་པའི་ཏིང་ངེ་འཛིན་སྐྱེ་བའི་དུས་ཡིན། དེ་ནས་ སེམས་འཕྲོ་བའམ་འགྱུ་བ་འདྲ་ཡང་རྟོག་མེད་དུ་ལྷན་ནེར་གནས་པ་རུས་སྦལ་འཁར་གཞོང་དུ་བཞག་ པའམ་རྒན་པོ་ལྟ་བུ་འབྱུང་སྟེ་དེ་ནི་བརྟན་པའི་ཏིང་ངེ་འཛིན་སྐྱེ་བའི་དུས་ཡིན། དེ་ནས་སེམས་བཞག་ ན་སྡོད་ཅིང་བཏང་ན་འགྲོ་བ་འབྱུང་སྟེ་ཏིང་ངེ་འཛིན་ལས་སུ་རུང་ཞིང་དགོས་དུས་སུ་སླེབ་པ་མཐར་ ཕྱིན་པའི་ཏིང་ངེ་འཛིན་སྐྱེ་བའི་དུས་ཡིན་ཞེས་གསུངས་ཏེ། དེ་ཕྱིན་ཆད་གཡང་ལ་ལྷུང་བ་ལ་སོགས་ པའི་རྐྱེན་བྱུང་སྲིད་ན་ཡང་ཏིང་ངེ་འཛིན་དང་འདུ་འབྲལ་མི་འབྱུང་སྟེ་འབྲས་བུ་འོད་གསལ་ལ་འབྱོར་ བ་ཡིན་གསུང་ངོ་། །དེ་ལྟར་རྣལ་འབྱོར་པ་ལ་ཉམས་མྱོང་གི་རྣམ་པ་དུ་མར་ཤར་བ་རྣམས་དང་ཡོན་ ཏན་གྱི་རྣམ་པ་སྐྱེས་པ་གང་ཡིན་པ་ཐམས་ཅད་ཡེ་ཤེས་སམ་རྡོ་རྗེ་ཕེབས་པ་ཡིན་པར་ཤེས་པར་བྱ་ སྟེ། རྩ་བའི་རྒྱུད་ལས། ཕྱག་རྒྱ་ཆེན་པོ་སྦྱོར་བ་ཡིས། །རྡོ་རྗེ་འབེབས་པས་བྱིན་གྱིས་བརླབས། ། ཞེས་དང་མཚན་ཡང་དག་པར་བརྗོད་པ་ལས། རྡོ་རྗེ་འབེབས་པ་འབེབས་པ་ཆེ། །ཞེས་གསུངས་པ་ བཞིན་ནོ། །ཁྱད་པར་དུ་ལུས་ཉམས་དྲག་པོ་འདར་བ་དང་གཡོ་བ་དང་འཕར་བ་དང་། རྒྱུག་པ་དང་ གར་བྱེད་པ་ལ་སོགས་པ་དང་། ངག་ཉམས་དྲག་པོ་སྨྲ་བ་དང་རྒོད་པ་དང་ངུ་བ་དང་གླུ་དང་སྔགས་ ཀྱི་ཚིག་ལྟ་བུ་འདོན་པ་ལ་སོགས་པ་དུ་མ་འབྱུང་སྟེ། འདི་དག་ལ་སྐྱེ་བོ་མང་པོ་འཁྲུལ་ཞིང་ལོག་ པར་རྟོག་པར་བྱེད་མོད་ཀྱང་། བླ་མ་དམ་པའི་གདམས་པ་ལ་བརྟེན་ནས་གནད་ལེགས་པར་ཤེས་པར་ བྱ་སྟེ་རླུང་སེམས་དབུ་མར་ཆུད་པའི་ཡོན་ཏན་ཡེ་ཤེས་ཀྱི་སྐུ་དང་གསུང་ཅུང་ཟད་ཕེབས་པའི་རྣམ་ འགྱུར་ཡིན་ནོ། །སྐྱེ་བོ་ལ་ལ་དག་ལ་གདོན་གྱིས་བརླབས་པར་བྱས་པ་ལས་འདི་དང་ཕྱོགས་ཙམ་ འདྲ་བའི་ལུས་ངག་གི་རྣམ་འགྱུར་འབྱུང་བ་ཡང་ཡོད་དེ། དེ་དང་འདི་གཅིག་ཏུ་འཁྲུལ་པར་མི་བྱ་

ཞིང་ཉམས་མྱོང་དང་ལྡན་པས་བརྟགས་ན་མི་འདྲ་བའི་ཁྱད་པར་ཤིན་ཏུ་ཆེ་བར་ཡོད་དོ། །ཡེ་ཤེས་ ཕེབས་པའི་ཚུལ་ནི་དཔལ་ལྡན་རྒྱུད་དང་། རྒྱས་འགྲེལ་ལས་ཤེས་པར་བྱའོ།།

rgyuད་གཞན་ལས་གsuངས་པའི་uལ།

གཉིས་པ་རྒྱུད་གཞན་ལས་གསུངས་པའི་ཚུལ་ནི། དཔལ་གསང་བ་འདུས་པའི་རྒྱུད་ཕྱི་མ་ ལས། འགོག་པ་རྡོ་རྗེ་བགྲོད་སེམས་ལ། །མཚན་མ་ཉེར་འཛིན་འབྱུང་འགྱུར་ཏེ། །མཚན་མ་དེ་ནི་ རྣམ་པ་ལྔར། །བྱང་ཆུབ་རྡོ་རྗེས་བཤད་པ་ཡིན། །དང་པོ་སྨིག་རྒྱུའི་རྣམ་པ་སྟེ། །གཉིས་པ་དུ་བའི་ རྣམ་པ་ཡིན། །གསུམ་པ་མཁའ་སྣང་རྣམ་པ་སྟེ། །བཞི་པ་སྒྲོན་མ་འབར་བའོ། །ལྔ་པ་རྟག་ཏུ་སྣང་ པ་ནི། །སྤྲིན་མེད་ནམ་མཁའ་ལྟ་བུའོ། །ཞེས་གསུངས་ཏེ། འགོག་པ་རྡོ་རྗེ་ཞེས་པ་ནི། ཨ་ཝ་དྷཱུ་ཏཱིའི་རྩ་ སྟེ། འདིར་རླུང་ཞུགས་པས་གཡོན་དང་གཡས་ཀྱི་རླུང་འགོག་པས་ན་འགོག་པའོ། །དེར་བགྲོད་ པའི་སེམས་ནི་རླུང་སེམས་དབུ་མའི་ནང་དུ་ཞུགས་པ་སྟེ། དེ་ལ་མཚན་མ་ཉེར་འཛིན་ཞེས་པ་དུ་བ་ ལ་སོགས་པའི་མཚན་མ་མངོན་སུམ་ལ་རབ་ཏུ་གསལ་བ་འབྱུང་བར་འགྱུར་ཏེ། འདིར་ནི་མཚན་མ་ ཡང་རྣམ་པ་ལྔར་བཅོམ་ལྡན་འདས་ཀྱིས་གསུངས་ལ། འདིར་དུ་བ་ལྟ་བུ་མཚན་མ་གཉིས་པ་དང་ སྨིག་རྒྱུ་ལྟ་བུ་མཚན་མ་དང་པོར་གསུངས་པ་ནི། བླ་མའི་ཞལ་ལ་རག་ལུས་པར་བྱ་བའི་ཕྱིར་དུ་ དཀྲུགས་ཏེ་གསུངས་པ་ཡིན་པར་དཔལ་ནཱ་རོ་པས་བཤད་པ་ལྟར་ཤེས་པར་བྱ་ཞིང་། ནམ་མཁའ་སྤྲིན་ མེད་པའི་རྣམ་པ་ནི་མཚན་མ་ལྔ་པ་ཡིན་པར་གསུངས་སོ། །དེ་བཞིན་དུ་མཁའ་འགྲོ་མ་རྡོ་རྗེ་གུར་ ལས་ཀྱང་། ཡན་ལག་དྲུག་བསྒོམས་དེ་ལས་ནི། །སླར་ཡང་རང་བྱིན་བརླབ་པ་སྟེ། །རྗེས་མཐུན་ཆོ་ གའི་རིམ་པ་ཡིས། །ཕྱི་ནས་མཚན་མ་མཚོན་པར་བྱ། །དང་པོ་སྤྲིན་དང་འདྲ་བ་སྟེ། །གཉིས་པ་དུ་བ་ ལྟ་བུའོ། །གསུམ་པ་སྲིན་བུ་མེ་ཁྱེར་འདྲ། །བཞི་པ་མར་མེ་འབར་བ་སྟེ། །ལྔ་པ་རྟག་ཏུ་སྣང་པ་ནི། ། སྤྲིན་མེད་ནམ་མཁའ་ལྟ་བུའོ། །ཕྱིས་ནས་སྒྱུ་མའི་རྣམ་པ་སྟེ། །རྨི་ལམ་རྣམ་པ་སྐད་ཅིག་ལས། །དེ་ ནི་ཐམས་ཅད་མཁྱེན་པའི་རྒྱུ། ། དངོས་གྲུབ་ཉེ་བར་གྱུར་པའོ། །ཞེས་གསུངས་ཏེ། འདིར་རང་བྱིན་ གྱིས་བརླབ་པ་ནི། སོ་སོར་སྡུད་ཀྱི་ཏིང་ངེ་འཛིན་བསྒོམ་པ་ཡིན་པར་དཔལ་ནཱ་རོ་བའི་ཞབས་ཀྱིས་

གསུངས་ལ། དངོས་གྲུབ་ཉེ་བར་གྱུར་པའི་དོན་ནི། ཕྱག་རྒྱ་ཆེན་པོ་ཆོས་ཀྱི་སྐུ་རྣལ་འབྱོར་པའི་ མངོན་སུམ་ལ་གསལ་བར་སྣང་བ་ལ་ཉེ་བར་གྱུར་པ་ཞེས་གསུངས་པ་ཡིན་ནོ། །དེ་ལྟར་དཔལ་ གསང་བ་འདུས་པ་དང་མཁའ་འགྲོ ་ མ་རྡོ་རྗེ་གུར་ལས། མཚན་མོའི་རྣལ་འབྱོར་གསལ་བར་ གསུངས་ཤིང་མཚན་ཡང་དག་པར་བརྗོད་པ་ལས། ཉིན་མོའི་རྣལ་འབྱོར་གསལ་བར་གསུངས་ཏེ། ཇི་སྐད་དུ། ནམ་མཁའ་ལས་བྱུང་རང་བྱུང་བ། །ཤེས་རབ་ཡེ་ཤེས་མེ་བོ་ཆེ། ། ཞེས་པའི་འབར་བའི་ རྣམ་པར་སྣང་པ་བསྟན་ཞིང་། འོད་ཆེན་རྣམ་པར་སྣང་པར་བྱེད། །ཡེ་ཤེས་སྣང་བ་ལམ་མེ་བ། །ཞེས་ པས་ཟླ་བ་དང་། འགྲོ་བའི་མར་མེ་ཡེ་ཤེས་སྒྲོན། །ཞེས་པས་ཉི་མ་དང་སྒྲ་གཅན་གཉིས་རིམ་པ་ ལྟར་བསྟན་ལ། གཟི་བརྗིད་ཆེན་པོ་འོད་གསལ་བ། །ཞེས་པས་གློག་དང་། སྔགས་མཆོག་མངའ་ བདག་རིག་སྔགས་རྒྱལ། །ཞེས་པས་ཐིག་ལེའི་རྣམ་པ་བསྟན་ཞིང་དེ་ནས། གསང་སྔགས་རྒྱལ་ པོ་དོན་ཆེན་བྱེད། །ཅེས་པས་རྣམ་པ་ཐམས་ཅད་པའི་གཟུགས་བརྙན་བསྟན་པར་འཕགས་པ་ འཇིག་རྟེན་དབང་ཕྱུག་གིས་གསུངས་སོ། །དེ་ལྟར་ཉིན་མཚན་གྱི་རྣལ་འབྱོར་རྒྱུད་སོ་སོ་ལས་ གསུངས་པའི་ཚུལ་ནི། དུས་འཁོར་ཞབས་ཀྱི་སྙན་བརྒྱུད་ལས་ཀྱང་། དེ་ལྟར་བསྒོམས་པས་ཡུལ་སོགས་ འགག །ནང་དུ་ཤའི་མིག་སོགས་ཀྱིས། །སྟོང་ཉིད་གཟུགས་ཏེ་དམིགས་བཅས་མཐོང་། །ཆོས་ལ་ཕར་ ཕྱིན་བཅུ་གནས་པ། །ལྷ་དང་ལྷ་མོ་བཅུ་ཤེས་བྱ། །རྟགས་སུ་ལམ་ལ་བཅུ་མཐོང་འགྱུར། །དུ་བ་སྨིག་རྒྱུ་ མཁའ་སྣང་དང་། །མར་མེ་འབྱུང་སྟེ་འབྱུང་རླུང་ཐིམ། །ཐ་མ་སྤྲིན་མེད་ནམ་མཁའ་ནི། །རྟགས་ཅན་ ཤེས་རབ་ཕ་རོལ་ཕྱིན། །འབར་བ་ཟླ་ཉི་གློག་སྒྲ་གཅན། །ཐིག་ལེ་དྲུག་སྟེ་ཐ་མ་ནི། །ཐམས་ཅད་བསྒྱུར་ མཐོང་རྟགས་ཅན་ཏེ། །འབྱུང་ལྔ་ཡེ་ཤེས་ཕུང་པོ་དྲུག །གསང་འདུས་མཚན་བརྗོད་ནས་ཕྱེད་ཕྱེད། ། ཅེས་གསུངས་སོ།།

དེ་ལམ་མཆོག་མཐར་uག་ཡིན་པའི་ཤེས་byེད་དགོད་པ།

གཉིས་པ་བསམ་གཏན་གྱི་ཡན་ལག་ངོ་སྤྲད་པ་ནི་འོག་ཏུ་བཤད་པར་བྱའོ། །གསུམ་པ་དེ་ ལམ་མཆོག་མཐར་ཐུག་ཡིན་པའི་ཤེས་བྱེད་དགོད་པ་ལ་བཞི་སྟེ། སེམས་ཀྱི་བཞག་ཐབས་གཏན་

ལ་ཕབ་པའི་སྒོ་ནས། དབང་བཞིའི་ལམ་ཡིན་པའི་སྒོ་ནས། ཡིད་ཆེས་པ་གསུམ་ལྡན་གྱི་ལམ་ཡིན་ པའི་སྒོ་ནས། ལམ་གྱི་རྣམ་པ་ཡོངས་སུ་རྫོགས་པའི་ལམ་ཡིན་པའི་སྒོ་ནས་ལམ་མཆོག་མཐར་ ཐུག་ཡིན་པར་བསྒྲུབ་པའོ།།

སེམས་kyི་བཞག་ཐབས་གཏན་ལ་ཕབ་པའི་sgོ་ནས་དེ་ཡིན་པར་བsgruབ་པ།

དང་པོ་ནི། དེ་ལྟར་རྟགས་བཅུ་ལ་སོགས་པ་འོད་གསལ་བསྒོམ་པའི་ལམ། སོ་སོར་སྡུད་པའི་ཏིང་ ངེ་འཛིན་འདི་ནི་ཅིར་ཡང་རྣམ་པར་མི་རྟོག་ཅིང་སེམས་ཀྱི་རང་བཞིན་འོད་གསལ་བ་མངོན་སུམ་དུ་ མཐོང་བའི་ལམ་ཡིན་པའི་ཕྱིར། ལམ་གྱི་མཆོག་མཐར་ཐུག་པའི་ལམ་ཡིན་པར་ཤེས་པར་བྱ་སྟེ། དཔལ་ཀྱེའི་རྡོ་རྗེའི་རྩ་རྒྱུད་ལས། ཀུན་མཁྱེན་གོ་འཕང་འདོད་པ་ཡིས། །རྟོག་པ་རྣམ་པ་སྣ་ཚོགས་པ། ། དེ་ཀུན་གང་ལ་མེད་གྱུར་པ། །དེ་ལ་རྟག་ཏུ་བརྩོན་པར་བྱ། །ཞེས་དང་དཔལ་སཾ་བུ་ཊི་ལས། རྣམ་ རྟོག་མ་རིག་ཆེན་པོ་སྟེ། །འཁོར་བའི་རྒྱ་མཚོར་ལྟུང་བྱེད་ཡིན། །མི་རྟོག་ཏིང་འཛིན་ལ་གནས་ན། ། མཁའ་བཞིན་དྲི་མ་མེད་པར་འགྱུར། །ཞེས་གསུངས་པས་སོ། །དེ་ཡང་སློབ་དཔོན་ཕྱོགས་ཀྱི་གླང་པོས། རྣམ་པར་རྟོག་ལས་མ་རྟོགས་པའི། །འཁོར་བ་ཞེས་བྱ་ཅི་ཡང་མེད། །རྣམ་རྟོག་དེ་དང་བྲལ་བས་ན། །ཁྱོད་ནི་རྟག་ཏུ་མྱ་ངན་འདས། །ཞེས་གསུངས་པ་ལྟར་འཁོར་བ་གཟུང་འཛིན་གྱིས་བསྡུས་པའི་ཆོས་ ཐམས་ཅད་མ་རིག་པ་ལས་བྱུང་བ་ཡིན་ཞིང་། མ་རིག་པ་ཡང་རྣམ་པར་རྟོག་པ་ལས་གཞན་པ་མེད་ ལ། རྣམ་པར་རྟོག་པའི་གཉེན་པོ་ཡང་རྣམ་པར་མི་རྟོག་པའི་ཏིང་ངེ་འཛིན་མ་རྟོགས་པ་གཞན་གང་ཡང་ མེད་པའི་ཕྱིར་རོ། །དེ་ལ་དགོངས་ནས་འཕགས་པ་འཇིག་རྟེན་དབང་ཕྱུག་གི་ཞལ་སྔ་ནས། བསྐྱེད་ པའི་རིམ་པར་གསུངས་པའི་ཧཱུཾ་དང་ནི། །ཕཊ་ཡིག་ལ་སོགས་རྟོག་པ་དང་བྲལ་བ། །རྫོགས་པའི་ རིམ་པའི་རྣལ་འབྱོར་དེ་ཉིད་དེ། །དེ་ཉིད་ཀྱི་ནི་སྒྲུབ་ཐབས་གཞན་ཡོད་མིན། །ཞེས་པ་དང་། སེམས་ རྣམ་པར་རྟོག་པ་དང་བྲལ་བར་བྱས་ནས་ཉི་མ་གཅིག་མཚན་མ་ཡོངས་སུ་བརྟག་པར་བྱའོ། །ཞེས་ གསུངས་སོ། །འོ་ན་བཅོམ་ལྡན་འདས་ཀྱིས་རྒྱུད་ཀྱི་རྒྱལ་པོ་རྣམས་སུ་རྣམ་རྟོག་གི་བསྒོམ་པ་ བསྐྱེད་རིམ་གྱི་རྣམ་རྟོག་ལམ་དུ་འགྱུར་བར་གསུངས་པ་དང་འགལ་ལོ་སྙམ་ན། རྒྱུད་ཀྱི་རྒྱལ་པོ་

རྣམས་སུ་བསྐྱེད་རིམ་གྱི་བསྒོམ་པ་གསུངས་པ་ནི་རྫོགས་རིམ་གྱི་ལམ་གྱི་རྟེན་དང་། བསོད་ནམས་ཀྱི་ ཚོགས་ཀྱི་དོན་དང་། ཐུན་མོང་བ་འཇིག་རྟེན་པའི་དངོས་གྲུབ་ཀྱི་སྒྲུབ་ཐབས་སུ་གསུངས་པ་ཡིན་ གྱི། ཕྱག་རྒྱ་ཆེན་པོ་མཆོག་གི་དངོས་གྲུབ་རྫོགས་པའི་བྱང་ཆུབ་ཀྱི་ལམ་གྱི་ངོ་བོ་ཡིན་པར་མ་ གསུངས་ཏེ། རྣམ་རྟོག་གི་བསྒོམ་པ་གང་གིས་ཀྱང་སེམས་ཀྱི་རང་བཞིན་འོད་གསལ་མཐོང་བར་མི་ ནུས་པའི་ཕྱིར་རོ། །ཇི་སྐད་དུ། འཇིག་རྟེན་དབང་ཕྱུག་གི་ཞལ་སྔ་ནས། ཇི་ལྟར་མེ་ནི་ཤིང་ལ་རྟག་ གནས་ཀྱང་། །བཅད་དང་དབྱེ་བའི་ཐབས་ཀྱིས་མི་མཐོང་སྟེ། ། རྩུབ་ཤིང་རྩུབ་བསྟན་ལག་པས་ བསྲུབས་པ་ལས། །དེ་ལ་གནས་པ་དག་ཀྱང་མཐོང་འགྱུར་བ། །དེ་བཞིན་སེམས་ཀྱིས་འོད་གསལ་ རྟོག་པ་ཡི། །བསྒོམ་པའི་ཐབས་རྣམས་དག་གིས་མི་མཐོང་སྟེ། །དེ་ཉིད་དྷུ་ཏི་རྐྱང་མ་དག་དང་ནི། ། རོ་མ་གཅིག་ཏུ་སྦྱོར་བས་མཐོང་བར་འགྱུར། །ཞེས་དང་། སྣ་ཚོགས་རྣམ་རྟོགས་ལ་སོགས་ལམ་ གྱིས་ནི། །དེ་ཉིད་དེ་བཞིན་གཤེགས་པ་གང་གསུངས་པ། །བཅུ་དྲུག་བཞི་ཡི་རབ་ཏུ་དབྱེ་བ་ཅན། ། ལམ་དང་བྲལ་པས་འཐོབ་པ་མ་ཡིན་ནོ། །ཞེས་པ་དང་། གཟུགས་ལ་སོགས་པར་རྟོག་པ་ དཀྱིལ་འཁོར་གྱི། །འཁོར་ལོ་བསྒོམ་པ་གོམས་པར་གྱུར་པ་ནི། །གྲུབ་པ་འཇིག་རྟེན་པ་རྣམས་ འགྲུབ་འགྱུར་གྱི། །འདོད་པའི་དངོས་གྲུབ་ཆེན་པོ་ག་ལ་ཞིག ཅེས་སོགས་རྒྱ་ཆེར་གསུངས་ཤིང་། (འཇམ་དཔལ་གྱི་ལྟ་བའི་འདོད་པ་མདོར་བསྟན་པ་ལས། ཕྱག་རྒྱ་དཀྱིལ་འཁོར་སྔགས་ལ་སོགས། །བསྒོམ་དང་བཟླས་པ་བསམ་ གཏན་གྱིས། །བསྐལ་པ་བྱེ་བ་དུ་མས་ཀྱང་། །དངོས་གྲུབ་ནམ་ཡང་ཐོབ་པ་མེད། །རྟོག་པ་ཐམས་ཅད་སྤངས་ནས་ནི། །གང་གིས་དེ་ ཉིད་ལ་གནས་ནས། །སྐྱེ་བ་འདིར་ཡང་བསྒྲུབ་པ་པོ། །དེ་ལ་བྱང་ཆུབ་མཆོག་རེག་པའོ། །དགེ་བ་དང་ནི་མི་དགེ་བའི། །རྣམ་པར་རྟོག་ པ་དབྱེ་བ་མེད། །དོན་མཆོག་རྣམ་པར་རྟོག་པ་ཡང་། །མཁས་པ་རྣམས་ཀྱིས་མི་བྱའོ། །མེ་ཡིས་རབ་ཏུ་བསྲེག་བྱེད་ཀྱང་། །རྟེན་གྱི་དབྱེ་ བས་དབྱེ་བ་མེད། །ཙན་དན་ལ་ནི་འབར་བས་ཀྱང་། །རེག་པར་གྱུར་ན་བསྲེགས་པའོ། །ཞེས་དང་འདི་དཔེ་ལ་ལར་དཀྱུས་སུ་ སྣང་)བདེ་མཆོག་རྩ་རྒྱུད་མངོན་པར་བརྗོད་པ་འབུམ་པའི་ལུང་བདེ་མཆོག་སྟོད་འགྲེལ་དུ་དྲངས་

པར་ཡང་། སྟོད་ཉིད་སྙིང་རྗེ་གཅིག་གྱུར་པ། །རྒྱུད་གང་དུ་ནི་རབ་བསྟན་ཞིང་། ། ཇིག་རྟེན་མགོན་པོ་བསྒྲུབ་ བྱེད་པ། །རྒྱུད་དེ་སངས་རྒྱས་ཀྱིས་བསྟན་པའོ། །འཇིག་རྟེན་ཀུན་རྫོབ་བདེན་པ་ཡིས། །འཇིག་རྟེན་དངོས་ གྲུབ་སྒྲུབ་པའི་ཕྱིར། །སྔགས་བཟླས་དེ་བཞིན་ཆོ་ག་དང་། །རྣམ་རྟོག་བསྒོམ་པ་རབ་ཏུ་གསུངས། ། དོན་དམ་བདེན་པ་གསུང་པ་ནི། །ཡེ་ཤེས་སྐུ་ནི་རབ་བསྒྲུབ་ཕྱིར། །ཀུན་རྟོག་ཐམས་ཅད་སྤངས་པ་ ཡི། །བསྒོམ་པ་དེ་བཞིན་གཤེགས་པས་གསུངས། །ཞེས་གསུངས་སོ། །ཤེས་རབ་ཀྱི་ཕ་རོལ་ཏུ་ཕྱིན་ པ་སྡུད་པ་ཚིགས་སུ་བཅད་པར་ཡང་། ཕུང་འདི་སྟོང་ཞེས་རྟོག་ནའང་བྱང་ཆུབ་སེམས་དཔའ་ནི། །

མཚན་མ་ལ་སྤྱོད་སྐྱེ་མེད་གནས་ལ་དད་མ་ཡིན། །ཞེས་དང་། སྐྱེ་བ་མེད་དང་སྐྱེ་བ་གཉི་གར་མི་ རྟོག་པ། །འདི་ནི་ཤེས་རབ་ཕ་རོལ་ཕྱིན་མཆོག་སྤྱོད་པ་ཡིན། །ཞེས་གསུངས་སོ། །དེ་ལྟར་རྣམ་ པར་རྟོག་པ་ཐམས་ཅད་དང་བྲལ་བའི་ངང་ལ་ཅུང་ཟད་ཀྱང་ཡེངས་པ་མེད་པ་ནི་བསྒོམ་པའི་མཆོག་ ཉིན་ཡིན་ཏེ། དཔལ་གསང་བ་འདུས་པར། དངོས་པོ་མེད་ལ་སྒོམ་པ་མེད། །བསྒོམ་པ་བསྒོམ་པ་ ཉིད་མ་ཡིན། །དེ་ལྟར་དངོས་པོ་དངོས་མིན་པས། །བསྒོམ་པ་དམིགས་སུ་མེད་པའོ། ། ཞེས་གསུངས་ ཏེ། དངོས་པོ་མེད་པ་ནམ་མཁའ་ལ་ལྟ་བའི་ཚུལ་གྱིས་བསྒོམ་པ་ནི་སོ་སོར་སྡུད་པ་སྟེ། དེ་ལ་རྣམ་པར་ མི་རྟོག་པའི་བསྒོམ་པ་དམིགས་སུ་མེད་པའོ་ཞེས་པའི་དོན་ནོ། །དཔལ་ཀྱེའི་རྡོ་རྗེའི་རྒྱུད་ལས་ཀྱང་། གང་དུ་ཡིད་ཀྱིས་མ་བསྒོམས་ན། །འགྲོ་བ་ཐམས་ཅད་བསྒོམ་འགྱུར་སྟེ། །བསྒོམ་པ་མེད་པའི་ བསྒོམ་ཉིད་ཀྱིས། །ཆོས་རྣམས་ཐམས་ཅད་ཡོངས་ཤེས་བྱ། །ཞེས་པ་དང་། སྒོམ་པ་པོ་མེད་བསྒོམ་ པའང་མེད། །ལྷ་མེད་སྔགས་ཀྱང་ཡོད་མ་ཡིན། །སྤྲོས་པ་མེད་པའི་རང་བཞིན་ལ། །སྔགས་དང་ལྷ་ནི་ ཡང་དག་གནས། །ཞེས་སོགས་གསུངས་སོ། །གཞན་ཡང་སོ་སོར་སྡུད་པའི་ཏིང་ངེ་འཛིན་ཅིར་ཡང་ རྣམ་པར་མི་རྟོག་ཅིང་ཡིད་ལ་མི་བྱེད་པ་ནམ་མཁའི་རྣལ་འབྱོར་འདི་ཉིད་ལམ་མཆོག་མཐར་ཐུག་ ཡིན་པར། རྣལ་འབྱོར་གྱི་དབང་ཕྱུག་ཆེན་པོ་རྣམས་ཀྱིས་ཀྱང་རབ་ཏུ་གསལ་བར་གསུངས་ཏེ། དཔལ་ནཱ་རོའི་ཞབས་ཀྱིས་དབང་མདོར་བསྟན་པའི་འགྲེལ་པར་ལུང་དྲངས་པ། འཕགས་པ་ཀླུ་ སྒྲུབ་ཞབས་ཀྱིས། གང་རྣམས་ཀྱི་བློ་རྟེན་དང་བྲལ། །ཡོད་དང་མེད་ལས་རྣམ་པར་འདས། །ཟབ་ མོ་དམིགས་མེད་དེ་རྣམས་ཀྱིས། །མཚན་མའི་དོན་ནི་རྣམ་པར་བསྒོམ། །ཞེས་དང་དཔལ་ལྡན་ དཔའ་བོ་ས་ར་ཧ་ཡིས་གསུངས་པ། རྨོངས་པ་ནམ་མཁའི་ཚད་མ་ནི། །གལ་ཏེ་ཤེས་ན་རྨོངས་ ཚོགས་གཅོད། །དང་པོར་རྣམ་དག་ནམ་མཁའ་ལ། །ལྟ་ཞིང་བལྟ་བས་མཐོང་པ་འགག །དེ་བཞིན་ དུ། མང་པོ་སྨྲ་བས་ཅི་ཞིག་བྱ། །ཆོས་ཀྱི་ཚད་ནི་འདི་ཡིས་མཆོག །མིག་ཕྱེད་གྱེན་དུ་བལྟ་བ་ན། ། མཐོང་བ་བརྟན་པ་ཉིད་ཀྱིས་ཤེས། །རྨད་བྱུང་ནམ་མཁའི་དཀྱིལ་ཤར་བྷུ་སུ་ཀུ། །སྟོང་པའི་ གཟུགས་མཛེས་ལྟོས་ཤིག་བྷུ་སུ་ཀུ། །དཔེ་མེད་མེ་ཏོག་རྒྱས་སོ་བྷུ་སུ་ཀུ། །རིན་ཆེན་རིན་ཐང་མེད་ པའི་མེ་ཏོག་ལོང་། །མེ་ཏོག་འདི་ནི་ཁ་དོག་སྣ་ཚོགས་ཅན། །མེ་ཏོག་འདི་ནི་སྟོང་པའི་དགོན་པར་ རྒྱས། །ཞེས་དང་། རྟོག་པ་ཉམས་པས་བློ་ཉམས་ཞེས། །བློ་ངན་རྗེས་སུ་རྟོག་བྱེད་ལོ། །འདི་ཉིད་ལས་ ནི་བློ་བཟང་ལ། །ནམ་མཁའ་ལས་ལྷག་ཅི་ཡང་འབྱུང་། །དངོས་མེད་དཔྱིད་འབྱུང་ནམ་མཁའི་མེ་ ཏོག་འབྲས། །ལག་པས་ཐོགས་རེག་བྱར་མེད་ས་བ་རི། །མིག་མི་འཛུམས་པ་བལྟ་དང་མི་བསམ་

པར། །རླུང་འགོག་པ་ནི་བླ་མ་དམ་པའི་གསུངས། །ཞེས་དང་གཞན་རྣམས་ཀྱིས་ཀྱང་གསུངས་པ། བར་སྣང་ལ་ནི་ཡིད་དང་རླུང་དང་མིག །དུས་གཅིག་དུ་ནི་གལ་ཏེ་ལེགས་སྦྱར་ན། །རིན་ཆེན་རྒྱལ་ བའི་ཡོན་ཏན་ངེས་པར་སྐྱེ། །འདི་རྣམས་མཐའ་དག་དེ་བཞིན་གཤེགས་པའི་གསུང་། །སྣ་ཚོགས་ རྣམ་རྟོག་བྲལ་ཞིང་མི་སེམས་པར། །གལ་ཏེ་བར་སྣང་ལ་ནི་མིག་གཏད་ནས། །ཕྱོགས་བཅུའི་ འཇིག་རྟེན་དག་ནི་ཡིན་ནམ་སྙམ། །རྣལ་འབྱོར་དབང་ཕྱུག་མཐའ་དག་འདི་ལས་ཐོབ། །དེ་བཞིན་དུ། རང་ཡིད་མཚན་ཉིད་མཐའ་དག་བྲལ་བ་ཡིས། །མིག་ཕྱེད་གྱེན་དུ་བལྟ་བ་དང་བཅས་པས། །གང་ ཚེ་དབུ་མར་རླུང་ནི་བུས་གྱུར་པ། །དེ་ཚེ་རྡོ་རྗེའི་མེ་དང་དུ་བ་འབྱུང་། །ཞེས་པ་དང་འཕགས་པ་ ལྷའི་ཞབས་ཀྱིས་ཀྱང་གསུངས་པ། བཅོམ་ལྡན་སྲོག་གི་ལྷག་པའི་བདག་པོ་རྗེ་བོ་བདག་ཉིད་ལ་ནི་ ཐིམ་འགྱུར་ཞིང་། །འཚོ་བའི་རླུང་ནི་རྒྱུ་བ་འབྱུང་དང་འཇུག་པའི་ཚོགས་རབ་ཞི་བར་གྱུར་པ་ནི། ། གང་ཞིག་རྣལ་འབྱོར་དབང་ཕྱུག་རྣམས་ཀྱི་འོད་གསལ་སྐར་མའི་སྣང་བ་རབ་འབྱམས་འདི། །རང་ ལུས་ཉིད་ལས་སེམས་འཐུན་མུན་པ་བཅོམ་ནས་འཇིག་རྟེན་གསུམ་པོ་གནོན་པར་བྱེད། །ཅེས་པ་ དང་ལ་བའི་གོས་ཅན་གྱི་ཞབས་ཀྱིས་ཀྱང་། སྣང་བ་ཐོབ་པའི་རྣལ་འབྱོར་པས། །གཞན་དུ་རྟགས་ནི་ ཤེས་བྱ་སྟེ། །གྲུབ་པའི་འཁྲུལ་པ་མེད་པ་རྣམས། །ལམ་ནག་གི་ནི་དུ་བ་བཞིན། །མིག་དག་རེངས་ པར་བྱེད་པ་དང་། །མགོ་བོ་དུད་པ་ཉིད་དང་ནི། །སེམས་དང་སེམས་བྱུང་ནུབ་པ་དང་། །སྟོང་ཉིད་མཐོང་ བའི་སྟོང་པ་ཉིད། ། ཅེས་པ་ལ་སོགས་པའོ། །གཞན་གྱིས་ཀྱང་། གང་དུ་དྲི་མ་མེད་པའི་མཁའ་ལ་ མིག་ཕྱེད་སྤྲུལ་བ་ན། །འཕོ་བ་ཆེན་པོའི་ཐུགས་རྗེ་བརླན་པ་བསམ་པའི་རྟེན་ཟ་ལས། །ཡོད་དང་མེད་ དང་གཉི་ག་དངོས་པོ་དངོས་མེད་འབྱེད་པ་བྲལ། ། སྟོང་པ་ཉིད་ཀྱི་རྗེས་འགྲོ་དུ་སོགས་མཐའ་དག་གློ་ བུར་འཆར། །ཞེས་སོགས་དྲངས་ནས་དེའི་ཕྱིར་སངས་རྒྱས་ཉིད་དོན་དུ་གཉེར་བས་ཐེ་ཚོམ་མེད་ པར་དུ་བ་ལ་སོགས་པའི་ལམ་བསྒོམ་པར་བྱའོ་ཞེས་གསུངས་སོ།།

དབང་བཞིའ་ི ལམ་ཡིན་པའི་sgོ་ནས་དེ་ཡིན་པར་བsgruབ་པ།

གཉིས་པ་དབང་བཞི་པའི་ལམ་ཡིན་པའི་སྒོ་ནས་ལམ་མཆོག་མཐར་ཐུག་ཡིན་པར་བསྒྲུབ་པ་ནི། དཔལ་དུས་ཀྱི་འཁོར་ལོར། ཤེས་རབ་ཡེ་ཤེས་དག་ནི་སེམས་དང་དེའི་སྣང་བ་དག་ཀྱང་རྣམ་པ་ བཅུ་པོ་ཉིད་དུ་འགྱུར། །དབང་བསྐུར་དྲི་མེད་རི་བོང་ཅན་མཚུངས་མེ་ལོང་གཟུགས་བརྙན་ལྟ་བུ་འདི་ལ་ ཞུགས་པ་གང་ཡིན་པ། །དེ་ལས་མྱ་ངན་འདས་པའི་བདེ་བ་འཕོ་མེད་ལྷན་ཅིག་སྐྱེས་པ་འགྱུར་མེད་ འདི་ཉིད་བཞི་པ་སྟེ། །སངས་རྒྱས་ཞལ་ནི་གང་གི་ཐུགས་དང་ཞལ་ལ་གནས་པར་གྱུར་པ་དེ་ནི་ དཔལ་ལྡན་བླ་མའོ། །ཞེས་གསུངས་ཏེ། ཤེས་རབ་ཡེ་ཤེས་ལ་དབང་གསུམ་པའི་ཤེས་རབ་ཡེ་ཤེས་ དང་དབང་བཞི་པའི་ཤེས་རབ་ཡེ་ཤེས་གཉིས་སུ་ཡོད་པ་ལས། ཕྱི་མ་ནི་འཛིན་པར་བྱེད་པའི་སེམས་ གཞན་བདེ་བ་ཆེན་པོ་དང་། ཡེ་ཤེས་ནི་དེའི་སྣང་བ་སྟེ་བཟུང་བར་བྱ་བ་གཞན་དུ་བ་ལ་སོགས་པ་ རྣམ་པ་བཅུ་པོས་ཉེ་བར་མཚོན་པ་རྣམ་པ་ཐམས་ཅད་པའི་སྟོང་པ་ཉིད་ཀྱི་གཟུགས་མེ་ལོང་ལ་པྲ་ཕབ་ པའི་གཟུགས་བརྙན་གྱི་སྣང་བ་ལྟ་བུ་སྟེ། དེ་ཉིད་དབང་བསྐུར་དྲི་མེད་རི་བོང་ཅན་དང་མཚུངས་པའི་ དོན་ཡིན་ལ། སོ་སོར་སྡུད་དང་བསམ་གཏན་དང་སྲོག་རྩོལ་དང་འཛིན་པ་བཞི་ནི་དབང་བཞི་པ་ལ་ ཞུགས་པ་ཞེས་བྱ་བར་གསུངས་ཤིང་། དེ་ལྟར་ཞུགས་པ་ལས་མྱ་ངན་ལས་འདས་པའི་བདེ་བ་བྱང་ ཆུབ་ཀྱི་སེམས་འཕོ་བ་མེད་ཅིང་ལྷན་ཅིག་སྐྱེས་པ་འགྱུར་མེད་ཉིད་ཐོབ་པ་ནི་དབང་བཞི་པ་ཐོབ་པ་ ཞེས་བྱ་བར་གསུངས་ཏེ། དེ་ཡང་རྗེས་དྲན་གྱི་དུས་སུ་ཐོག་མ་ཐོབ་ནས་ཏིང་ངེ་འཛིན་མཐར་ཕྱིན་པ་ ས་བཅུ་གཉིས་ཀྱི་དབང་ཕྱུག་ཐོབ་པ་ན་བཞི་པ་ཡོངས་སུ་རྫོགས་པར་ཐོབ་པ་ཡིན་པར་གསུངས་སོ། ། རྒྱུད་གཞན་རྣམས་སུ་ནི་དབང་བཞི་པའི་དོན་རྡོ་རྗེའི་ཚིག་ཏུ་སྦས་པར་གསུངས་ཏེ། དཔལ་ཀྱེའི་ རྡོ་རྗེར། སློབ་དཔོན་གསང་བ་ཤེས་རབ་དང་། །བཞི་པ་དེ་ཡང་དེ་བཞིན་ནོ། །ཞེས་གསུངས་ཤིང་ དཔལ་ལྡན་དྲི་མ་མེད་པའི་འོད་ལས། རྡོ་རྗེའི་ཐེག་པ་འདིར་སེམས་ཅན་གྱི་བསམ་པའི་དབང་གིས་ རྒྱུད་ཀྱི་རྒྱལ་པོ་ཐམས་ཅད་དུ་རྡོ་རྗེའི​ི ་ ཚིག་ཏུ་སྦས་ཏེ་བཞི་པ་དེ་ཡང་དེ་བཞིན་ནོ་ཞེས་དེ་བཞིན་ གཤེགས་པས་གསུངས་པའི་ཕྱིར་རོ། །བཞི་པ་ནི་གསུམ་པ་མ་ཡིན་ཏེ་བཞི་པ་ཞེས་གསུངས་པའི་ ཕྱིར་རོ། །དེ་ཡང་དེ་བཞིན་ནོ་ཞེས་གསུངས་པའི་ཕྱིར་བཞི་པ་དེ་ཉིད་ཤེས་རབ་ཡེ་ཤེས་སོ། །བཅོམ་ ལྡན་འདས་ཀྱི་གསུང་འདིའི་ཕྱིར་རྡོ་རྗེའི་ཚིག་ཏུ་སྦས་པ་ཡིན་ནོ། །ཞེས་གསུངས་ཤིང་དུས་ཀྱི་འཁོར་ ལོའི་རྩ་བའི་རྒྱུད་མཆོག་གི་དང་པོའི་སངས་རྒྱས་ལས་དབང་བཞི་པ་ཤིན་ཏུ་གསལ་བར་གསུངས་ཏེ། དྲི་མ་མེད་པའི་འོད་ལས། འདི་ཉིད་བསྒྲུབ་པ་ལ་ཕྱག་རྒྱ་ཆེན་པོ་བསྒོམ་པ་དུ་བ་ལ་སོགས་པ་མཚན་ མའི་ལམ་རབ་ཏུ་གསལ་བར་མཛད་དེ། སྟོང་པར་རྩེ་གཅིག་ཡིད་བྱས་ཏེ། །ཉི་མ་གཅིག་ནི་ཡོངས་

སུ་བརྟག །ཅེས་པའོ། །བཅོམ་ལྡན་འདས་ཀྱི་གསུང་འདིའི་ཕྱིར་མཆོག་གི་དང་པོའི་སངས་རྒྱས་སུ་རྡོ་ རྗེའི་ཚིག་ཕྱག་རྒྱ་ཆེན་པོ་བསྒོམ་པའི་ལམ་དུ་བ་ལ་སོགས་པ་རབ་ཏུ་གསལ་བ་ཡིན་གྱི། བླ་མ་བརྒྱུད་ པའི་རིམ་པས་འོངས་པ་མ་ཡིན་ལ་བླ་མའི་བཀས་བྱིན་གྱིས་བརླབས་པ་ཡང་མ་ཡིན་ནོ། །ལམ་འདི་ལ་ ཡིད་ཆེས་པ་ཡོད་དེ་ཉི་མ་གཅིག་ཡོངས་སུ་བརྟག་ཅེས་བཅོམ་ལྡན་འདས་ཀྱིས་གསུངས་པའི་ཕྱིར་རོ་ ཞེས་གསུངས་སོ།།

ཡིད་ཆེས་པ་གsuམ་ldན་gyི་ལམ་ཡིན་པའི་sgོ་ནས་དེ་ཡིན་པར་བsgruབ་པ།

གསུམ་པ་ཡིད་ཆེས་པ་གསུམ་ལྡན་གྱི ་ ལམ་ཡིན་པའི་སྒོ་ནས་ལམ་མཆོག་མཐར་ཐུག་ ཡིན་པར་བསྒྲུབ་པ་ནི། ལམ་རྡོ་རྗེའི་རྣལ་འབྱོར་སོ་སོར་སྡུད་པའི་ཏིང་ངེ་འཛིན་འདི་ནི་ཡིད་ཆེས་པ་ རྣམ་པ་གསུམ་ཚང་བའི་ལམ་ཡིན་པའི་ཕྱིར། ལམ་གྱི་མཆོག་མཐར་ཐུག་པའི་ལམ་ཡིན་པར་ ཤེས་པར་བྱ་སྟེ། དཔལ་ལྡན་དྲི་མ་མེད་པའི་འོད་ལས། སྔགས་ཀྱི་ཐེག་པ་འདི་ལ་ཡིད་ཆེས་པ་རྣམ་ པ་གསུམ་བཅོམ་ལྡན་འདས་ཀྱིས་གསུངས་ཏེ། དང་པོར་རེ་ཤིག་རྒྱུད་ལ་ཡིད་ཆེས་པ་དང་། དེ་ནས་བླ་ མ་ལ་ཡིད་ཆེས་པ་དང་། དེ་ནས་བདག་ཉིད་ལ་ཡིད་ཆེས་པ་སྟེ་ཡིད་ཆེས་པ་གསུམ་གྱིས་ཡང་ དག་པར་རྫོགས་པའི་སངས་རྒྱས་ཀྱི་ལམ་ཡོངས་སུ་དག་པར་འགྱུར་རོ། །རྣམ་པ་གཞན་དུ་ན་ ཡིད་ཆེས་པ་གསུམ་མེད་པར་ལམ་གང་བླ་མས་སློབ་མ་ལ་བསྟན་པ་ནི། རྫོགས་པའི་སངས་རྒྱས་ ཉིད་ཀྱི་འབྲས་བུ་སྟེར་བ་པོར་མི་འགྱུར་ཏེ། སློབ་མའི་བླུན་པའི་དད་པ་ཉིད་ཀྱི་ཕྱིར་ཀུན་རྫོབ་ཀྱི་ བདེན་པས་འཇིག་རྟེན་པའི་འབྲས་བུར་འགྱུར་རོ། །འདིར་རྒྱུད་དང་རྒྱུད་གཞན་དུ་བཅོམ་ལྡན་འདས་ ཀྱིས་དམ་བཅའ་བ་མཛད་དེ། སེམས་རྣམ་པར་རྟོག་པ་དང་བྲལ་བར་བྱས་ནས་ཉི་མ་གཅིག་མཚན་ མ་ཡོངས་སུ་བརྟག་པར་བྱའོ། །གལ་ཏེ་རྒྱུད་ལས་གསུངས་པའི་ཆོ་ག་དང་བླ་མའི་མན་ངག་གིས་ སློབ་མ་ཡིད་ཆེས་པར་མ་གྱུར་པ་དེ་ལྟ་ན་བཅོམ་ལྡན་འདས་རྫུན་གསུང་བར་འགྱུར་ཏེ། ཅི་སྟེ་བླ་མས་ རྒྱུད་ནས་གསུངས་པའི་ཆོ་གས་སློབ་མ་ལ་ལམ་སྟེར་བ་པོར་མ་གྱུར་པ་སྟེ་དེ་ལྟ་ན་བཅོམ་ལྡན་འདས་ཀྱིས་ དམ་བཅས་པ་རྫུན་དུ་མི་འགྱུར་ཏེ། བླ་མས་ལམ་ཡོངས་སུ་མི་ཤེས་པའི་ཕྱིར་དང་། ཕྱིན་ཅི་ལོག་དང་

རྣམ་པར་མ་དག་པའི་ལམ་བསྒོམ་པ་སྟོན་པར་བྱེད་པ་ཉིད་ཀྱི་ཕྱིར་རོ། །འདིར་དུ་བ་ལ་སོགས་པའི་ མཚན་མ་བོར་ནས་གཞན་དཀྱིལ་འཁོར་གྱི ་འཁོར་ལོ་བསྒྲུབ་པ་ནི་ཉི་མ་གཅིག་གིས་མཚན་མ་ ཡོངས་སུ་བརྟག་པར་བྱ་བ་མ་ཡིན་པར་བཅོམ་ལྡན་འདས་ཀྱིས་གསུངས་སོ། །ཞེས་གསུངས་ཏེ། དེའི་དོན་མདོར་བསྡུས་ན་མཆོག་དོན་དུ་གཉེར་བའི་རྣལ་འབྱོར་པས་བསྒོམ་པར་བྱ་བའི་ལམ་ མཐར་ཐུག་པ་ཡིན་པ་དེ་ལ། དང་པོར་ལམ་གྱི་རིམ་པ་དེ་བཅོམ་ལྡན་འདས་ཀྱིས་བླ་ན་མེད་པའི་ རྒྱུད་ཀྱི་རྒྱལ་པོ་རྣམས་སུ་གསུངས་པ་ཞིག་དགོས་ཏེ་དེ་ནི་རྒྱུད་ལ་ཡིད་ཆེས་པའོ། །དེ་ནས་བླ་མས་ ཀྱང་རྒྱུད་ལས་གསུངས་པའི་ངེས་པའི་དོན་གྱི་ཚུལ་ཇི་ལྟ་བ་བཞིན་དུ་ཐུགས་སུ་ཆུད་ཅིང་། རང་གིས་ ཐུགས་སུ་ཆུད་ཅིང་རྒྱུད་ཀྱི་དགོངས་པ་ལྟར་སློབ་མ་ལ་ལེགས་པར་སྟོན་པར་མཛད་པ་གཅིག་ དགོས་ཏེ་དེ་ནི་བླ་མ་ལ་ཡིད་ཆེས་པའོ། །དེ་ནས་སློབ་མ་རང་ཉིད་ཀྱིས་བླ་མ་དམ་པའི་ཞལ་གྱི་ གདམས་པ་ཇི་ལྟ་བ་བཞིན་དུ་ཉམས་སུ་བླང་དགོས་ཤིང་ཉམས་སུ་བླངས་པས་མདོ་རྒྱུད་ཟབ་མོ་ རྣམས་སུ་ཇི་ལྟར་གསུངས་པ་བཞིན་གྱི་ཉམས་སུ་མྱོང་བ་ཁྱད་པར་ཅན་རྒྱུད་ལ་སྐྱེ་བར་འགྱུར་ཏེ་དེ་ནི་ བདག་ཉིད་ལ་ཡིད་ཆེས་པ་སྟེ། དེ་ནི་སངས་རྒྱས་ཀྱི་ལམ་མཐར་ཐུག་པའོ་ཞེས་པའི་དོན་ནོ། ། བདག་ཉིད་ལ་ཡིད་ཆེས་པའི་ཚུལ་ཡང་དུས་ཡུན་རིང་པོར་བསྒོམ་པ་ལ་ལྟོས་པ་མ་ཡིན་གྱི། སོ་ སོར་སྡུད་པའི་ཏིང་ངེ་འཛིན་འདི་ཉི་མ་གཅིག་བསྒོམས་པ་ཉིད་ལས་ཡིད་ཆེས་པའི་རྟགས་མཐོང་ པར་འགྱུར་བ་ཡིན་ཏེ། རྩ་བའི་རྒྱུད་མཆོག་གི་དང་པོའི་སངས་རྒྱས་ལས། སྟོང་པར་རྩེ་གཅིག་ ཡིད་བྱས་ཏེ། །ཉི་མ་གཅིག་ནི་ཡོངས་སུ་བརྟག །ཅེས་དང་བདེ་མཆོག་སྟོད་འགྲེལ་དུ་ཡང་། འདིར་ བཅོམ་ལྡན་འདས་ཀྱིས་དམ་བཅའ་བ་མཛད་པ་ནི། བསམ་པ་ཐམས་ཅད་ཡོངས་སྤངས་ཏེ། །ཉི་ མ་གཅིག་ནི་ཡོངས་སུ་བརྟག །གལ་ཏེ་རྟགས་ནི་མ་བྱུང་ན། །དེ་ཚེ་ང་ཡི་རྫུན་ཚིག་ཡིན། །ཞེས་ པའོ། །འདིར་རྟགས་ནི་དུ་བ་ལ་སོགས་པའི་མཚན་མ་སྟེ་གཞན་སྔགས་ལ་སོགས་པ་ནི་མ་ཡིན་ ནོ། །གང་གིས་ཉི་མ་གཅིག་ཏུ་བསྒྲུབས་ན་སྔགས་པ་རྣམས་ལ་རྟགས་འབྱུང་པར་འགྱུར་བ་དེའི་ ཕྱིར། ཡོད་པ་དང་མེད་པའི་བློ་ཡོངས་སུ་སྤངས་ཏེ། ཞེན་པ་མེད་པར་བྱས་ནས་ཟབ་མོ་སྟོང་པ་ཉིད་ དམིགས་པ་མེད་པ་བསྒོམ་པར་བྱ་སྟེ། རྣལ་འབྱོར་པས་དུ་བ་ལ་སོགས་པའི་རྟགས་འབྱུང་བ་མཐོང་བར་ འགྱུར་རོ་ཞེས་པ་དེ་བཞིན་གཤེགས་པའི་ངེས་པའོ། །ཞེས་སོ། །དེ་བཞིན་དུ་དཔལ་ཀྱེའི་རྡོ་རྗེའི་རྒྱུད་ དུ་ཡང་། བསམ་གཏན་ཉོན་མོངས་འཇིག་བྱེད་པ། །རྡོ་རྗེ་སྙིང་པོ་ང་ཡིས་བཤད། །བརྩེ་བས་དངོས་ གྲུབ་དོན་དུ་ཡང་། །ཟླ་བ་ཕྱེད་དུ་ཡོངས་སུ་རྟོགས། །བསམ་པ་ཐམས་ཅད་ཡོངས་སྤངས་ནས། །ལྷ་

ཡི་གཟུགས་སུ་སེམས་པ་ཡིས། །ཉི་མ་གཅིག་ཏུ་མ་ཆད་པར། །བསྒོམ་པ་ཡོངས་སུ་བརྟག་པར་ གྱིས། །རང་གཞན་དོན་ནི་རབ་བསྒྲུབ་ཕྱིར། །འཁོར་བར་ཐབས་གཞན་ཡོད་མ་ཡིན། །ཞེས་ གསུངས་སོ། །དེ་ལྟར་ཡིད་ཆེས་པ་རྣམ་པ་གསུམ་ལས་ཀྱང་བདག་ཉིད་ལ་ཡིད་ཆེས་པའི་ཚུལ་ནི། ངེས་པའི་དོན་གྱི་མདོ་སྡེ་རིན་པོ་ཆེ་རྣམས་དང་ཁྱད་པར་དུ་རྒྱུད་སྡེ་ཟབ་མོ་རྣམས་ལས་འོད་གསལ་ ཆོས་ཀྱི་སྐུ་སེམས་ཅན་ཐམས་ཅད་ལ་གདོད་མ་ནས་རང་ཆས་སུ་བཞུགས་པར་གསུངས་པ་ཡིན་ལ། སོ་སོར་སྡུད་ཀྱི་ཏིང་ངེ་འཛིན་བསྒོམ་པའི་རྣལ་འབྱོར་པས། རྒྱུད་སྡེ་ཟབ་མོ་ལས་ཇི་ལྟར་གསུངས་པ་ ལྟར་འོད་གསལ་ཆོས་ཀྱི་སྐུ་དུ་བ་ལ་སོགས་པ་སྟོང་གཟུགས་ཀྱི་རྣམ་པ་ཅན་ཏེ་མངོན་སུམ་གྱིས་གསལ་ བར་དམིགས་པའི་སྒོ་ནས། ཕྱག་རྒྱ་ཆེན་པོའི་དངོས་གྲུབ་འོད་གསལ་ཆོས་ཀྱི་སྐུ་རང་ལ་རང་ཆས་ སུ་བཞུགས་པ་ལ་ཡིད་ཆེས་པར་འགྱུར་པ་ཡིན་ཞིང་། དེ་ཉིད་ཀྱིས་ན་སྦྱོར་བ་ཡན་ལག་དྲུག་གི་ཏིང་ ངེ་འཛིན་འདི་དག་ནི་ཡི་དམ་གྱི་ལྷ་མངོན་སུམ་གྱིས་བསྒོམ་པ་ཞེས་བྱ་བ་ཡིན་ཏེ། དཔལ་ལྡན་རྒྱུད་ ལས། ལྷ་ཡི་དམིགས་པ་གང་ཡིན་མངོན་སུམ་དང་ནི་རྗེས་སུ་དཔག་པ་རྣམ་པ་གཉིས་སུ་འགྱུར་ བ་སྟེ། །མངོན་སུམ་དག་ནི་དེ་ཉིད་སྦྱོར་བས་མཁའ་ལ་སྐར་མ་བཞིན་དུ་དུ་མ་ལོངས་སྤྱོད་རྫོགས་ པའི་སྐུ། །མངོན་སུམ་མིན་ན་རྗེས་སུ་དཔག་པ་ཤི་བའི་ལུས་བཞིན་དེ་ཉིད་མིན་པ་ཡིས་ནི་བརྟགས་ པ་གང་། །དེ་ནི་རི་མོ་སོགས་ལ་བལྟ་བྱ་ཡོངས་སུ་མ་སྨིན་བློ་ཅན་རྣལ་འབྱོར་རྣམས་ཀྱིས་བསྒོམ་པའི་ དོན། །ཞེས་གསུངས་ཏེ། དེའི་དོན་ནི་འཕགས་པ་འཇིག་རྟེན་དབང་ཕྱུག་གིས། འདིར་སེམས་ཅན་ རྣམས་ཀྱི་བསམ་པའི་དབང་གིས་རྣལ་འབྱོར་པ་རྣམས་ཀྱི་ལྷའི་དམིགས་པ་གང་ཡིན་མངོན་སུམ་ དང་ནི་རྗེས་སུ་དཔག་པ་རྣམ་པ་གཉིས་སུ་འགྱུར་བ་སྟེ། མངོན་སུམ་དང་རྗེས་སུ་དཔག་པ་དེ་དག་ ལས་མངོན་སུམ་གང་ཡིན་པ་དག་ནི། དེ་ཉིད་སྦྱོར་བས་མཁའ་ལ་སྐར་མ་བཞིན་དུ་འགྱུར་ཏེ། སྐར་ མའི་ཚོགས་བཞིན་དུ་མ་ལོངས་སྤྱོད་རྫོགས་པའི་སྐུ་ཞེས་པ་ནི་ཤ་ལ་སོགས་པའི་མིག་གིས་གཟུང་ བར་བྱ་བ་སྲིད་པ་གསུམ་དང་དུས་གསུམ་རྨི་ལམ་དང་སྒྱུ་མ་དང་མཚུངས་པའོ། །འདིར་དང་པོར་ ལས་དང་པོ་པའི་རྣལ་འབྱོར་པས་ མངོན་པར་ཤེས་པ་མེད་པར་ཤའི་མིག་གིས་སྣ་ཚོགས་མཐོང་ ངོ་། །དེ་ནས་མངོན་པར་ཤེས་པའི་འཚམས་ཀྱི་ དབང་གིས་ལྷའི་མིག་གིས་མཐོང་ངོ་། །དེ་ནས་ ཆགས་པ་དང་བྲལ་བའི་འཚམས་ཀྱི་དབང་གིས་སངས་རྒྱས་ཀྱི་སྤྱན་གྱིས་གཟིགས་སོ། །དེ་ནས་བྱང་ ཆུབ་སེམས་དཔའི་འཚམས་ཀྱི་དབང་གིས་ཤེས་རབ་ཀྱི་སྤྱན་གྱིས་གཟིགས་སོ། །དེ་ནས་ཡང་དག་ པར་རྫོགས་པའི་སངས་རྒྱས་ཀྱི་འཚམས་ཀྱི་ཐུགས་ཀྱི་དབང་གིས་ཡེ་ཤེས་ཀྱི་སྤྱན་གྱིས་གཟིགས་

ཏེ། ལྷག་མ་ཀུན་ལས་རྣམ་པར་ གྲོལ་ཞིང་ཞེས་སོ། །དེ་ལྟར་དེ་བཞིན་གཤེགས་པའི་ཤ་ལ་སོགས་ པའི་སྤྱན་ལྔ་པོ་འདི་རྣམས་ནི་སྟོང་པ་ཉིད་གཟིགས་པའི་སླད་དུ་སྟེ་སེམས་གཞན་རྣམས་ནི་སྟོང་པ་ཉིད་ ལྟ་བའི་ཡུལ་ལ་དམུས་ལོང་ངོ་ཞེས་དང་། དེ་ཁོ་ན་ཉིད་བསྒོམ་པའི་ངེས་པའོ་ཞེས་གསུངས་ཏེ། བསྐྱེད་རིམ་གྱི་བསྒོམ་པ་ནི་རྗེས་སུ་དཔག་པ་སྟེ་རྟོག་པས་བརྟགས་པའི་བསྒོམ་པ་ཡིན་ནོ། ། དཔལ་ ཀྱེའི་རྡོ་རྗེའི་རྒྱུད་ལས་ཀྱང་། དངོས་པོ་བསྒོམ་འགྱུར་ཤེས་རབ་ཅན། །དངོས་པོ་མེད་པ་ཡོངས་ཤེས་པས། ། དེ་ལྟར་ཧེ་རུ་ཀ་བསྒོམ་བྱ། །ལུས་ལ་ཡེ་ཤེས་ཆེན་པོ་གནས། །ཞེས་གསུངས་ཏེ། དེའི་དོན་ནི་ འཕགས་པ་རྡོ་རྗེ་སྙིང་པོས། འདིར་ནམ་མཁའ་ལ་དངོས་པོ་བསྒོམ་བྱ་བ་ནི་རྨི་ལམ་ལྟ་བུ་སྟེ་རྡུལ་ཕྲ་ རབ་ཀྱི་ཆོས་ཉིད་ལས་འདས་པའོ། །དེ་ཡོངས་སུ་ཤེས་པ་ནི་དངོས་པོ་མེད་པ་བསྒོམ་པར་བྱ་སྟེ། རྣམ་པར་རྟོག་པ་དང་བྲལ་བའི་སེམས་ཀྱིས་སྣང་བརྙན་མཐོང་པའོ། །རྟོག་པ་དང་བྲལ་ཞིང་མ་ འཁྲུལ་བ་ནི་མངོན་སུམ་ཞེས་བརྗོད་པར་བྱའོ། ། ཞེས་གསུངས་ཤིང་དཔལ་ཕྱག་ན་རྡོ་རྗེས། བདེ་ མཆོག་སྟོད་འགྲེལ་དུ་ཡང་། རྣམ་པ་ཀུན་ལྡན་རྣམ་པ་མེད། །ཅེས་པ་ལ་སོགས་པ་རྡོ་རྗེའི་ཚིག་གི་ ངེས་པའི་དོན་འདིར་རྣམ་པ་ཀུན་ལྡན་རྣམ་པ་མེད་པ་ནི་རྒྱུ་སྟེ་སོ་སོར་སྡུད་པས་གང་ཞིག་མཐོང་བ། དངོས་པོ་བུམ་པ་དང་སྣམ་བུ་ལ་སོགས་པ་པྲ་ཕབ་པ་དང་མཚུངས་པར་སྣང་པའོ། །རྣམ་པ་ཀུན་ལྡན་ ཞེས་པ་རྟོག་པ་དང་བྲལ་བ་མ་འཁྲུལ་བའི་མངོན་སུམ་གྱིས་མཐོང་པ་ལས་ཞེས་པའོ། །རྣམ་པ་ མེད་ཅེས་པ་རྡུལ་ཕྲ་རབ་ཀྱི་ཆོས་ཉིད་ལས་འདས་པ་རྟོག་པ་དང་བྲལ་བ་ཉིད་ལས་སོ། །གང་གི་ ཕྱིར་བཀབ་པ་དང་མ་བཀབ་པའི་མིག་གིས་རྟོགས་པ་དེའི་ཕྱིར་གཟུགས་མ་ཡིན་ཞིང་། གཟུགས་ ལས་གཞན་ཡང་མ་ཡིན་ལ་མིག་གིས་རྟོགས་པ་མ་ཡིན་ཞིང་མིག་མེད་པར་ཡང་རྟོགས་པ་མ་ ཡིན་ནོ། །ཞེས་གསུངས་སོ། །དེས་ན་རྡོ་རྗེའི་རྣལ་འབྱོར་གྱི་ཏིང་ངེ་འཛིན་འདི་ནི་རྣལ་འབྱོར་མངོན་ སུམ་ཡིན་པར་ཤེས་པར་བྱའོ།།

ལམ་gyི་rnམ་པ་ཡོངས་su་rdzོགས་པ་ཡིན་པའི་sgོ་ནས་དེ་ཡིན་པར་བsgruབ་པ།

བཞི་པ་ལམ་གྱི་རྣམ་པ་ཡོངས་སུ་རྫོགས་པའི་ལམ་ཡིན་པའི་སྒོ་ནས་ལམ་མཆོག་མཐར་ ཐུག་ཡིན་པར་བསྒྲུབ་པ་ནི། རྒྱལ་བའི་ཡུམ་གྱི་མདོ་ལས། ཤེས་རབ་ཀྱི་ཕ་རོལ་ཏུ་ཕྱིན་པའི་ལམ་ཁོ་ན་ ལམ་གྱི་མཆོག་ཡིན་པར་གསུངས་ཏེ། འཕགས་པ་སྡུད་པ་ལས། རྒྱལ་བ་འདས་དང་མ་བྱོན་ད་ལྟར་ གང་བཞུགས་པ། །ཀུན་ལམ་ཕ་རོལ་ཕྱིན་པ་འདི་ཡིན་གཞན་མ་ཡིན། །ཞེས་སོགས་གསུངས་པའི་ ཕྱིར། དུ་བ་ལ་སོགས་པའི་གཟུགས་བརྙན་བསྒོམ་པའི་ལམ་འདི་ལམ་གྱི་མཆོག་ཏུ་ཇི་ལྟར་འགྱུར་ སྙམ་ན། དུ་བ་ལ་སོགས་པའི་གཟུགས་བརྙན་བསྒོམ་པ་སོ་སོར་སྡུད་པའི་ཏིང་ངེ་འཛིན་འདི་ཉིད་ ཤེས་རབ་ཀྱི་ཕ་རོལ་ཏུ་ཕྱིན་པའི་ལམ་མཆོག་ཡིན་ཏེ། རྒྱལ་བའི་ཡུམ་ལས། དེ་ནས་ལྷ་རྣམས་ཀྱི་ དབང་པོ་བརྒྱ་བྱིན་གྱིས་ཚེ་དང་ལྡན་པ་རབ་འབྱོར་ལ་འདི་སྐད་ཅེས་སྨྲས་སོ། །འཕགས་པ་རབ་འབྱོར་ འདིར་གང་ཞིག་གིས་ཤེས་རབ་ཀྱི་ཕ་རོལ་ཏུ་ཕྱིན་པ་ལ་རྣལ་འབྱོར་དུ་བྱེད་པ་ཡིན། རབ་འབྱོར་ ཀྱིས་སྨྲས་པ། ཀོའུ་ཤི་ཀ་གང་ནམ་མཁའ་ལ་རྣལ་འབྱོར་དུ་བྱེད་པ་དེ་ཤེས་རབ་ཀྱི་ཕ་རོལ་ཏུ་ཕྱིན་པ་ ལ་རྣལ་འབྱོར་དུ་བྱེད་དོ། །ཀོའུ་ཤི་ཀ་གང་བླ་ཁབ་མེད་པ་ལ་རྣལ་འབྱོར་དུ་བྱེད་པ་དེ། ཤེས་རབ་ཀྱི་ ཕ་རོལ་ཏུ་ཕྱིན་པ་ལ་བསླབ་པར་བྱ་བར་སེམས་པའོ། །ཞེས་གསུངས་ཏེ་ནམ་མཁའ་ལ་རྣལ་འབྱོར་ དུ་བྱེད་པ་ནི། མཚན་མོའི་རྣལ་འབྱོར་ཡིན་ཞིང་། བླ་ཁབ་མེད་པ་ལ་རྣལ་འབྱོར་དུ་བྱེད་པ་ནི་ཉིན་མོའི་ རྣལ་འབྱོར་ཡིན་པར་འཕགས་པ་འཇིག་རྟེན་དབང་ཕྱུག་དང་། དཔལ་ཕྱག་ན་རྡོ་རྗེ་དང་། ཕྱག་རྒྱ་ ཆེན་པོ་གྲུབ་པའི་སློབ་དཔོན་དཔལ་ནཱ་རོའི་ཞབས་ཀྱིས་གསུངས་ཤིང་དེ་བཞིན་དུ། རྒྱལ་བའི་ཡུམ་ལས། རིན་ཆེན་སྣང་བ་ཞེས་བྱ་བའི་ཏིང་ངེ་འཛིན་དང་། རིན་ཆེན་སྒྲོན་མ་ཞེས་བྱ་བའི་ཏིང་ངེ་འཛིན་དང་། ཟླ་བ་ སྣང་བ་ཞེས་བྱ་བའི་ཏིང་ངེ་འཛིན་དང་། སྤྱི་གཙུག་རྣམ་པར་ལྟ་བ་ཞེས་བྱ་བའི་ཏིང་ངེ་འཛིན་དང་། འོད་ ཟེར་རྣམ་པར་འགྱེད་པ་ཞེས་བྱ་བའི་ཏིང་ངེ་འཛིན་དང་། བལྟ་བས་ཆོག་མི་ཤེས་པ་ཞེས་བྱ་བའི་ཏིང་ངེ་ འཛིན་དང་། ཕྱོགས་རྣམ་པར་བལྟ་བ་ཞེས་བྱ་བའི་ཏིང་ངེ་འཛིན་དང་། ནམ་མཁའ་རྒྱས་པར་ འགེངས་པ་ཞེས་བྱ་བའི་ཏིང་ངེ་འཛིན་དང་། རྒྱལ་མཚན་རྩེ་མོའི་དཔུང་རྒྱན་ཞེས་བྱ་བའི་ཏིང་ངེ་འཛིན་ དང་། དྲི་མ་མེད་པའི་སྒྲོན་མ་ཞེས་བྱ་བའི་ཏིང་ངེ་འཛིན་དང་། འོད་མཐའ་ཡས་པ་ཞེས་བྱ་བའི་ ཏིང་ངེ་འཛིན་དང་། འོད་བྱེད་པ་ཞེས་བྱ་བའི་ཏིང་ངེ་འཛིན་དང་། འོད་དྲི་མ་མེད་པ་ཞེས་བྱ་བའི་ཏིང་ངེ་ འཛིན་དང་། ཉི་མའི་སྒྲོན་མ་ཞེས་བྱ་བའི་ཏིང་ངེ་འཛིན་དང་། ཟླ་བ་དྲི་མ་མེད་པ་ཞེས་བྱ་བའི་ཏིང་ངེ་ འཛིན་དང་། སྣང་བ་གསལ་བ་ཞེས་བྱ་བའི་ཏིང་ངེ་འཛིན་དང་། སྣང་བ་བྱེད་པ་ཞེས་བྱ་བའི་ཏིང་ངེ་ འཛིན་དང་། དགེ་བའི་ལོ་ཐོག་རྒྱས་ཤིང་གསལ་བ་ཞེས་བྱ་བའི་ཏིང་ངེ་འཛིན་དང་། བརྡ་དང་སྒྲ་ལ་

འཇུག་པ་ཞེས་བྱ་བའི་ཏིང་ངེ་འཛིན་དང་། སྒྲ་དབྱངས་དང་ལྡན་པ་ཞེས་བྱ་བའི་ཏིང་ངེ་འཛིན་དང་། སྒྲོན་མ་འབར་བ་ཞེས་བྱ་བའི་ཏིང་ངེ་འཛིན་དང་། རྣམ་པའི་མཆོག་ཐམས་ཅད་ལྡན་པ་ཞེས་བྱ་བའི་ ཏིང་ངེ་འཛིན་དང་། ནམ་མཁའ་ དང་འདྲ་བ་ཞེས་བྱ་བའི་ཏིང་ངེ་འཛིན་དང ་། གློག་གི་སྒྲོན་མ་ཞེས་ བྱ་བའི་ཏིང་ངེ་འཛིན་ཡོད་དེ། ཏིང་ངེ་འཛིན་དེ་རྣམ་པར་སྤྱོད་པའི་བྱང་ཆུབ་སེམས་དཔའ་སེམས་ དཔའ་ཆེན་པོ་ནི་མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་ འཚང་རྒྱའོ། །ཞེས་གསུངས་ཏེ། ཏིང་ངེ་འཛིན་འདི་རྣམས་སོར་སྡུད་བསམ་གཏན་གྱི ་ ཏིང་ངེ་ འཛིན་དང་དོན་གཅིག་པར། འཕགས་པ་འཇིག་རྟེན་དབང་ཕྱུག་ལ་སོགས་པས་གསུངས་པའི་ཕྱིར་ ཡིད་ཆེས་པར་བྱའོ། །དེ་བཞིན་དུ། རྩ་བའི་རྒྱུད་མཆོག་གི་དང་པོའི་སངས་རྒྱས་ལས། ལས་ཀྱི་ཕྱག་ རྒྱ་བརྟགས་པ་ཡི། །ཡེ་ཤེས་ཕྱག་རྒྱ་ཡོངས་སྤངས་ནས། །མཆོག་ཏུ་མི་འགྱུར་སྦྱོར་བ་ཡིས། །ཕྱག་རྒྱ་ ཆེན་པོ་རྣམ་པར་བསྒོམ། །ཞེས་གསུངས་ཤིང་གཞན་ཡང་རྒྱུད་ཀྱི་རྒྱལ་པོ་དུ་མ་རྣམས་ལས་ཕྱག་རྒྱ་ ཆེན་པོ་བསྒོམ་པར་གསུངས་པའི་དོན་ཡང་སྟོང་གཟུགས་བསྒོམ་པའི་ཏིང་ངེ་འཛིན་འདི་ཉིད་ཡིན་ཏེ། བསྒོམ་བྱ་སྟོང་གཟུགས་འདི་ཉིད་ཕྱག་རྒྱ་ཆེན་པོ་དངོས་ཡིན་པའི་ཕྱིར་རོ། །དེ་ཡང་དཔལ་ལྡན་ རྒྱུད་ལས། ཕྱག་རྒྱ་སྒྱུ་མའི་རྗེས་སུ་མཐུན་པ་ཡིད་དང་ནམ་མཁའ་ལ་ནི་མེ་ལོང་དག་ལ་གཟུགས་ བཞིན་ཏེ། །འཇིག་རྟེན་གསུམ་པོ་སྣང་པར་བྱེད་ཅིང་དྲི་མེད་གློག་དང་མཚུངས་པའི་འོད་ཟེར་དུ་མ་ འཕྲོ་བར་བྱེད། །ཕྱི་དང་ལུས་ལ་དབྱེར་མེད་ཡུལ་དང་རྣམ་པར་བྲལ་བ་སྣང་བ་ཙམ་ནི་མཁའ་ལ་ གནས་པ་ཡིས། །སེམས་ལ་སེམས་དག་གིས་ནི་བདག་གིས་འཁྱུད་དེ་འགྲོ ་བ་དུ་མའི་གཟུགས་ཅན་ དེ་ནི་གཅིག་པུའོ། །ཞེས་པ་དང་། སེམས་ནི་རྙོག་པ་དང་བཅས་ལས་ཀྱི་ཕྱག་རྒྱ་འདི་དང་བརྟགས་ པའི་ཡེ་ཤེས་ཕྱག་རྒྱ་སྤང་བྱ་སྟེ། །ཡང་དག་རྫོགས་པའི་བྱང་ཆུབ་ཆེད་དུ་རྒྱལ་བ་མཆོག་གི་བསྐྱེད་ མ་མཆོག་གི་ཕྱག་རྒྱ་གོས་པ་མེད། །རྣམ་པར་འགྱུར་བ་མེད་ཅིང་མཁའ་མཉམ་མུན་བཅོམ་ཁྱབ་བྱེད་ རྣལ་འབྱོར་དག་གིས་བགྲོད་བྱ་ཐེར་ཟུག་གནས། །ཡེ་ཤེས་གཟི་བརྗིད་སྲིད་པའི་དྲི་མ་འཕྲོག་ཅིང་ དུས་ཀྱི་འཁོར་ལོའི་རྗེས་སུ་རིག་པ་བསྒོམ་པར་བྱ། །ཞེས་པ་དང་། སེམས་ཀྱི་སྣང་བ་ཙམ་ཏེ་རང་ གི་ཡིད་ལས་སྐྱེས་པ་མེ་ལོང་གི་ནི་གཟུགས་བརྙན་ལྟ་བུ་ཉིད། །གང་ཞིག་མཐའ་དག་རྒྱལ་བའི་སྲས་ དང་སངས་རྒྱས་རྣམས་ཀྱིས་བསྟེན་པ་རྣལ་འབྱོར་དབང་པོས་བསྟེན་བྱ་སྟེ། །ཡེ་ཤེས་མེ་ལྕེ་རབ་ཏུ་ རྒྱས་པ་དེ་ནི་བདུད་དཔུང་ཡུལ་དང་བཅས་པ་མཐའ་དག་བསྲེག་བྱེད་ཅིང་། །ལུས་ལ་ཆགས་པ་ལ་ སོགས་ཀྱང་ཏེ་རྣལ་འབྱོར་རྣམས་ལ་ལོ་ཡི་སྦྱོར་བས་བདེ་མཉམ་སྟེར་བར་བྱེད། །ཅེས་པ་དང་།

དཔལ་ལྡན་དྲི་མ་མེད་པའི་འོད་ལས། ཕྲ་རབ་རྡུལ་ཀྱི་ཆོས་ཉིད་འདས། །པྲ་ཕབ་པ་ཡི་རང་བཞིན་ ཅན། །རྣམ་པ་ཀུན་གྱི་མཆོག་ལྡན་མ། །ཕྱག་རྒྱ་ཆེན་མོ་དེ་ལ་འདུད། །ཅེས་དང་། གང་ཞིག་ཕུང་པོ་ ལ་སོགས་སྒྲིབ་པ་རབ་བཅོམ་ཡུལ་ནི་པྲ་ཕབ་བརྒྱད་ལྟ་བུ། །ཀུན་མཁྱེན་བདེ་སྟེར་དེ་ཉིད་གཅིག་པུ་ རྡོ་རྗེ་འཛིན་པའི་ཕྱག་རྒྱ་ཆེན་མོ་སྟེ། །ཞེས་པ་དང་། དེ་ཉིད་མཆོག་ཏུ་མི་འགྱུར་བའི་ཡེ་ཤེས་གྲུབ་ པར། སེམས་ཀྱི་སྣང་བ་ཙམ་ཏེ་ཞེས་སོགས་ལུང་དྲངས་པའི་རྗེས་སུ་བཅོམ་ལྡན་འདས་ཀྱི་ངེས་པ་ འདིའི་ཕྱིར་དབང་པོ་གཉིས་ཀྱི་སྙོམས་པར་འཇུག་པས་ཀྱང་། ཕྱི་རོལ་ཀྱི་དབང་པོ་ལས་སྐྱེས་པར་འགྱུར་ བའི་བདེ་བ་རྣམ་པ་སྤངས་ནས་བྱང་ཆུབ་ཀྱི་མཐར་ཐུག་པའི་བར་དུ་ཕྱག་རྒྱ་ཆེན་པོ་རང་གི་སེམས་ ཀྱི་སྣང་བ་ཙམ་འདི་རྣལ་འབྱོར་པས་བསྒོམ་པར་བྱའོ། །ཞེས་གསུངས་པའི་ཕྱིར། ཕྱག་རྒྱ་ཆེན་པོའི་ ངོ་བོ་ནི་རྣལ་འབྱོར་པའི་རང་གི་སེམས་ཀྱི་འོད་གསལ་མངོན་སུམ་དུ་ནམ་མཁའ་ལ་སྣང་བའི་དུ་བ་ལ་ སོགས་པ་འདི་ཉིད་ཡིན་ལ། དེ་ཡང་དབང་མདོར་བསྟན་པར། སྟོང་པ་ལས་བྱུང་གཟུགས་བརྙན་རྒྱུ། ། ཞེས་སོགས་གསུངས་པའི་དོན་གོང་དུ་བཤད་པ་ལྟར་སྟོང་གཟུགས་དང་ལྷན་སྐྱེས་བདེ་བ་ཕན་ཚུན་ རྒྱས་བཏབ་པ་ལ་ཕྱག་རྒྱ་ཆེན་ མོ་ཞེས་བྱའོ། །དེ་སྒྱུ་མ་དང་རྗེས་སུ་མཐུན་པའི་ཚུལ་ནི་འཕགས་པ་ རྡོ་རྗེ་སྙིང་པོས། སྣང་བརྙན་དེ་ཉིད་དཔེ་དགུ་རྣམས་ཀྱིས་བསྒྲུབས་ཏེ། འདི་ལྟ་སྟེ། མིག་ཡོར་དང་། སྤྲུལ་པའི་གྲོང་ཁྱེར་དང་། སྒྲ་བརྙན་དང་། རྨི་ལམ་དང་། སྒྱུ་མའི་འཁྲུལ་འཁོར་དང་། སྨིག་རྒྱུ་དང་། མེ་ལོང་གི་གཟུགས་བརྙན་དང་། ཆུ་ཟླ་དང་། ནམ་མཁའ་ཞེས་པའོ། ། ཞེས་གསུངས་པ་ལྟར་རོ། །དེ་ ཡང་འོད་གསལ་འདི་གཟུགས་སོགས་ཀྱི་རྣམ་པར་སྣང་ཡང་གཟུགས་སོགས་ཀྱི་དངོས་པོར་མ་ གྲུབ་པས་སྒྱུ་མ་ལྟ་བུ་ལ་སོགས་པ་ཡིན་གྱི། རྫུན་པ་ཡིན་པའི་རྒྱུ་མཚན་གྱིས་ནི་སྒྱུ་མ་ལྟ་བུ་ལ་ སོགས་པ་མ་ཡིན་ཏེ། རྣལ་འབྱོར་པའི་མངོན་སུམ་གྱི་དམིགས་ཡུལ་ཡིན་པའི་ཕྱིར་རོ། །དེ་ལྟར་ན་ འོད་གསལ་སྟོང་གཟུགས་འདི་ཉིད་ཡུམ་ཤེར་ཕྱིན་དང་ཕྱག་རྒྱ་ཆེན་པོ་ཡིན་པར་གྲུབ་ལ། འདི་ཉིད་ ནང་གི་རིག་པ་འགྱུར་བ་མེད་པ་ཞེས་བྱ་བ་ཡང་ཡིན་ཏེ། དཔལ་ལྡན་རྒྱུད་ལས། རིག་པ་ཞེས་པ་ ནང་རིག་འགྱུར་མེད་ཀྱང་སྟེ་འཇིག་རྟེན་འདིར་ནི་ཐུབ་པ་རྣམས་ཀྱིས་རབ་གསུངས་ཉིད་ཅེས་གསུངས་ པའི་དོན། དཔལ་ལྡན་དྲི་མ་མེད་པའི་འོད་ལས། རིག་པ་ཞེས་པ་རྣམ་པར་མི་རྟོག་པ་ནང་གི་རིག་པ་ སྟེ། རྣམ་པ་ཐམས་ཅད་དང་ལྡན་པའི་སྟོང་པ་ཉིད་དོ། །གཞན་ཡང་འགྱུར་མེད་ཀྱང་རིག་པ་སྟེ་དམིགས་པ་ མེད་པ་ཟག་པ་མེད་པའི་བདེ་བའི་བདག་ཉིད་ཅན་ནོ། །རིག་པ་ནི་རྒྱུ་དང་འབྲས་བུའི་བདག་ཉིད་ཅན་རྒྱུ་ དང་འབྲས་བུ་གཅིག་ཏུ་འདྲེས་པར་གྱུར་པ་སྟེ། མེའི་འོད་དང་སྲེག་པར་བྱེད་པ་གཅིག་ཏུ་འདྲེས་པར་

གྱུར་པ་བཞིན་ནོ། །འཇིག་རྟེན་འདིར་ནི་འདས་པ་དང་ད་ལྟར་བྱུང་པའི་ཐུབ་པ་ཆོས་ཀྱི་འཁོར་ལོ་ལ་ གནས་པ་རྣམས་ཀྱིས་རབ་ཏུ་གསུངས་པ་ཉིད་དོ་ཞེས་པ་དང་དེ་ཉིད་ཀྱི་མཆོག་ཏུ་མི་འགྱུར་བའི་ཡེ་ ཤེས་གྲུབ་པར། དེ་བཞིན་དུ་གཞན་ནང་གི་རིག་པ་ཤེས་རབ་ཀྱི་ཕ་རོལ་ཏུ་ཕྱིན་མ་རང་བཞིན་གྱིས་ འོད་གསལ་བ་ཕྱག་རྒྱ་ཆེན་པོ་ལྷན་ཅིག་སྐྱེས་པའི་དགའ་བའི་གཟུགས་ཅན་མ་ཆོས་ཀྱི་དབྱིངས་ཀྱི་ རྒྱུ་མཐུན་པར་རྫོགས་པའི་གནས་སྐབས་ཏེ། རྡོ་རྗེ་སེམས་དཔའ་དང་སངས་རྒྱས་ཀྱི་ཡུམ་རྟེན་ཅིང་འབྲེལ་ པར་འབྱུང་བའི་དབང་པོ་རྣམས་ཀྱི་སྤྱོད་ཡུལ་མ་ཡིན་པ་མཆོག་གི་དབང་པོའི་སྤྱོད་ཡུལ། མཆོག་ཏུ་མི་ འགྱུར་བའི་བདེ་བའི་རང་བཞིན་རྡུལ་ཕྲ་རབ་ཀྱི་ཆོས་ལས་འདས་པ་མེ་ལོང་གི་པྲ་ཕབ་པ་དང་། རྨི་ ལམ་དང་མཚུངས་པ་དེ་ནི་རྒྱལ་བ་རྣམས་ཀྱིས་ལྷན་ཅིག་སྐྱེས་པའི་སྐུར་གསུངས་ཏེ་མཆོག་ཏུ་མི་ འགྱུར་བའི་རང་བཞིན་གྱི་ཕྱིར་རོ། །ཞེས་པ་དང་། ཕྱག་རྒྱ་ཆེན་མོ་ནི་རང་བཞིན་མེད་པའི་ཆོས་ ཐམས་ཅད་ཀྱི་མཚན་ཉིད་རྣམ་པ་ཐམས་ཅད་ཀྱི་མཆོག་དང་ལྡན་པ་ཤེས་རབ་ཀྱི་ཕ་རོལ་ཏུ་ཕྱིན་མ། སངས་རྒྱས་ཐམས་ཅད་བསྐྱེད་པར་མཛད་མའོ། །ཆོས་འབྱུང་གི་སྒྲས་ཀྱང་དེ་བརྗོད་དེ་ཆོས་འབྱུང་ གང་ལས་རང་བཞིན་མེད་པའི་ཆོས་ཐམས་ཅད་འབྱུང་པར་འགྱུར་བའོ། །རང་བཞིན་མེད་པའི་ཆོས་ རྣམས་ནི་སྟོབས་བཅུ་དང་མི་འཇིགས་པ་ལ་སོགས་པ་ཆོས་ཀྱི་ཕུང་པོ་བརྒྱད་ཁྲི་བཞི་སྟོང་རྣམས་ སོ། །དེ་རྣམས་འབྱུང་པར་གྱུར་པ་ནི་ཆོས་འབྱུང་སྟེ་སངས་རྒྱས་ཀྱི་ཞིང་ངོ་ཞེས་དང་། དེའི་ཕྱིར་ཆོས་ འབྱུང་ནི་ཆོས་ཀྱི་དབྱིངས་ཀྱི་རང་བཞིན་ཅན་སྣ་ཚོགས་ཡུམ་བཅོམ་ལྡན་འདས་དུས་ཀྱི་འཁོར་ལོས་ འཁྱུད་པ། དུས་ཐམས་ཅད་དུ་སྒྲིབ་པ་ཐམས་ཅད་དང་བྲལ་བའོ་ཞེས་གསུངས་སོ། །དེ་ལྟར་ན་དུ་ བ་ལ་སོགས་པ་འོད་གསལ་རྣམ་ཀུན་མཆོག་ལྡན་གྱི་སྟོང་པ་ཉིད་འདི་ཉིད་ལ་རྒྱལ་པའི་ཡུམ་ཤེས་ རབ་ཀྱི་ཕ་རོལ་ཏུ་ཕྱིན་མ་ཞེས་ཀྱང་བྱ། ཕྱག་རྒྱ་ཆེན་མོ་ཞེས་ཀྱང་བྱ། ནང་རིག་འགྱུར་བ་མེད་པ་ ཞེས་ཀྱང་བྱ། ཆོས་ཀྱི་དབྱིངས་ཞེས་ཀྱང་བྱ། ལྷན་ཅིག་སྐྱེས་པའི་སྐུ་ཞེས་ཀྱང་བྱ་སྟེ། དེ་ལྟ་བུ་མངོན་ སུམ་དུ་བསྒོམ་པའི་ལམ་རྡོ་རྗེའི་རྣལ་འབྱོར་འདི་ནི་ལམ་གྱི་མཆོག་མཐར་ཐུག་པ་ཡིན་པར་ཡིད་ཆེས་ པར་བྱའོ། །དེ་བཞིན་དུ་རྒྱལ་བའི་ཡུམ་གྱི་མདོ་ལ་སོགས་པ་ངེས་པའི་དོན་གྱི་མདོ་སྡེ་རྣམས་དང་། རྒྱུད་སྡེ་རིན་པོ་ཆེ་ཐམས་ཅད་ལས་ཟབ་མོ་སྟོང་པ་ཉིད་བསྒོམ་པ་ལམ་གྱི་མཆོག་ཏུ་གསུངས་པའི་ དགོངས་པ་ཡང་། དམིགས་བཅས་སྟོང་པ་ཉིད་བསྒོམ་པའི་ལམ་འདི་ཉིད་ཡིན་པར་ཤེས་པར་བྱ་སྟེ། རྗེ་བཙུན་འཇམ་པའི་དབྱངས་ཀྱི། དུས་ཀྱི་འཁོར་ལོའི་རྒྱུད་ཕྱི་མར། སོ་སོར་སྡུད་སོགས་དྲུག་པོ་ རྣམས་ཀྱིས་སྟོབས་བཅུའི་སྟོབས་དང་ལྡན་པས་སྟོང་པ་ཉིད་ནི་བསྒོམ་པར་གསུངས། །མཚན་མོ་དུ་

བ་ལ་སོགས་རྣལ་འབྱོར་སླར་ཡང་ཉིན་མོ་མཁའ་ལ་འབར་བ་ལ་སོགས་རྣམས་ཀྱང་ངོ་། །སོ་སོར་ སྡུད་པས་རྣལ་འབྱོར་པ་ནི་ནམ་མཁའི་འཐིལ་དུ་སོན་པ་དུས་གསུམ་གཟུགས་རྣམས་མཐོང་བར་ འགྱུར། །དེ་ལ་བསམ་གཏན་གྱིས་སེམས་བརྟན་པར་ཡང་ནི་བྱེད་དེ་ཕྱི་རོལ་དངོས་པོ་རྣམས་ནི་རྣམ་པར་ སྤོང་། །ཞེས་སོགས་གསུངས་སོ། །དེ་ལ་སྟོང་པ་ཉིད་ནིདབུ་མ་བདེན་གཉིས་ལ་སོགས་པར། འདི་ ལྟར་སྣང་བའི་དངོས་པོ་ལ། །རིགས་པས་བརྟགས་ནས་འགའ་མི་རྙེད། །མ་རྙེད་པ་ནི་དོན་དམ་ སྟེ། །ཡེ་ནས་གནས་པའི་ཆོས་ཉིད་དོ། །ཞེས་གསུངས་པ་ལྟར། ཆོས་རྣམས་རིགས་པས་རྣམ་པར་ དཔྱད་ན་ཅིར་ཡང་མ་གྲུབ་པ་ཙམ་ཉིད་མ་ཡིན་ནམ། དུ་བ་ལ་སོགས་པའི་གཟུགས་བརྙན་བསྒོམ་པ་ འདི་སྟོང་པ་ཉིད་བསྒོམ་པ་ཡིན་པར་ཇི་ལྟར་འགྱུར་སྙམ་ན། དེ་ནི་རེ་ཞིག་ཕྱི་མཚན་ཉིད་ཐེག་པའི་ དབུ་མའི་གཞུང་ལུགས་རྣམས་སུ་གྲགས་པའི་སྟོང་པ་ཉིད་དེ། ཀུན་རྫོབ་ཀྱི་བདེན་པའི་གནས་ ལུགས་ཡིན་ལ། འདིར་སྔགས་ཀྱི་ཐེག་པའི་ཚུལ་ལ་ནི་སྟོང་པ་ཉིད་ཀྱི་མཐར་ཐུག་དོན་དམ་སྟོང་པ་ ཉིད་རྣམ་པ་ཀུན་གྱི་མཆོག་དང་ལྡན་པ་འདི་ཉིད་གསལ་བར་གསུངས་པ་ཡིན་ཏེ། འཕགས་པ་འཇམ་ དཔལ་གྱི་རང་གི་ལྟ་བའི་འདོད་པ་མདོར་བསྟན་པར། ཕུང་པོ་རྣམ་དཔྱད་སྟོང་པ་རྣམས། །ཆུ་ཤིང་ཇི་ བཞིན་སྙིང་པོ་མེད། །རྣམ་པ་ཐམས་ཅད་མཆོག་ལྡན་པའི། །སྟོང་ཉིད་དེ་ལྟར་འགྱུར་མ་ཡིན། །སྐྱེ་ བ་མེད་པ་འགག་མེད་པའི། །ཤེས་བྱ་གང་ཞིག་འདིར་མཐོང་བ། །སྟོང་པའི་དངོས་པོ་སྟོང་པ་ཉིད། ། ཕུང་པོ་རྣམས་རྣམ་དཔྱད་པ་མིན། །ཞེས་གསུངས་ཤིང་དཔལ་ལྡན་དྲི་མ་མེད་པའི་འོད་ལས། སྟོང་པ་ ཆེན་པོ་འགྱུར་མེད་ལྔ་དང་ཐིག་ལེ་སྟོང་པ་འགྱུར་མེད་དྲུག་བསྟན་པའི་སྐབས་སུ། ཡེ་ཤེས་ཀྱི་ཕུང་པོ་ དང་། རྣམ་པར་ཤེས་པའི་ཕུང་པོ་ལ་སོགས་པ་དྲུག་ཚན་རྣམས་བསྟན་ནས། འདི་རྣམས་སྒྲིབ་པ་ མེད་པ་ཉིད་དང་རོ་མཉམ་པ་ཉིད་དང་གཅིག་ཏུ་འདྲེས་པར་གྱུར་པ་ཉིད་ལ་སྟོང་པ་ཞེས་བརྗོད་དོ། ། ཐམས་ཅད་དངོས་པོ་མེད་པ་ནི་མ་ཡིན་ཏེ་རྣལ་འབྱོར་པས་རང་རིག་པ་ཉིད་ཀྱི་ཕྱིར་རོ། །ཞེས་དང་། དེ་ལྟར་ཝཾ་ཡིག་ནི་སྟོང་པ་ཆེན་པོ་འགྱུར་མེད་ལྔ་པ་དམིགས་པ་མེད་པའི་སྙིང་རྗེའི་བདག་ཉིད་རྡུལ་ཕྲ་ རབ་ཀྱི་ཆོས་ཉིད་ལས་འདས་པ་པྲ་ཕབ་པའི་རང་བཞིན་དང་མཚུངས་པ་རྣལ་འབྱོར་པས་རྟོགས་ པར་བྱ་བའོ། །ཞེས་དང་། སྟོང་པ་ཆེན་པོ་འགྱུར་མེད་ལྔ་ནི་སུམ་ཅུ་རྩ་དྲུག་གི་བདག་ཉིད་དེ་དེ་ཉིད་ རྒྱལ་བ་རྣམས་ཀྱིས་རྡོ་རྗེར་གསུངས་སོ། །དེ་འཛིན་པའི་ཕྱིར་རྡོ་རྗེ་འཛིན་པའོ། །ཞེས་དང་། དེ་ལྟར་ན་ ཐིག་ལེ་སྟོང་པ་འགྱུར་མེད་དྲུག་ནི་ཆོས་འབྱུང་རྡོ་རྗེ་འཛིན་པ་ཨེ་ཡིག་སྟེ། སྟོང་པ་ཉིད་དམིགས་པ་ དང་བཅས་པ་པྲ་ཕབ་པའི་རང་བཞིན་ཅན་ནོ། །ཞེས་པ་དང་བདེ་མཆོག་སྟོད་འགྲེལ་དུ་ཡང་། དེ་ལྟར་

རྣམ་པ་ཀུན་ལྡན་རྣམ་པ་མེད་ནི་རྒྱུ་སྟེ་ཤེས་རབ་ཀྱི་ཕ་རོལ་ཏུ་ཕྱིན་པ་ཆེན་པོ་སྟོང་པ་ཉིད་རྣམ་པ་ ཐམས་ཅད་ཀྱི་མཆོག་དང་ལྡན་པའོ། །ཡང་ན་སངས་རྒྱས་ཀྱི་གཟུགས་བརྙན་ཁམས་གསུམ་པ་མ་ ལུས་པ་ཞེས་པ་རྒྱུའོ། །དེ་ལས་སྐྱེས་པའི་འབྲས་བུ་མི་འགྱུར་བའི་བདེ་བ་བཅུ་དྲུག་ཕྱེད་ཕྱེད་ཐིག་ལེ་ འཆང་བ་སྟེ། དེ་བཞིན་གཤེགས་པ་རྣམས་ཀྱིས་ཤེས་རབ་ཡེ་ཤེས་ཆེན་པོའོ་ཞེས་བརྗོད་དོ། །ཞེས་ གསུངས་པ་ལྟར་ཤེས་པར་བྱའོ། །དེ་ལྟར་དམིགས་བཅས་སྟོང་པ་ཉིད་དང་དམིགས་མེད་སྙིང་རྗེ་མི་ འགྱུར་བའི་བདེ་བ་ཟུང་དུ་འཇུག་པའི་དེ་ཁོ་ན་ཉིད་འདི་ནི་དབུ་མ་ཆེན་པོའི་ལྟ་བ་དང་གྲུབ་མཐའ་ མཐར་ཐུག་པ་ཡིན་པར་ཤེས་པར་བྱ་སྟེ། དཔལ་ལྡན་རྒྱུད་ལས། གང་ཞིག་སྟོང་ཉིད་སྙིང་རྗེ་གཉིས་ སུ་མེད་པར་སྨྲ་པོ་ཕྱོགས་ཉམས་དེ་ནི་མ་ཉམས་པར་འགྱུར་རོ། །ཞེས་པའི་དགོངས་པ་འཕགས་པ་ འཇིག་རྟེན་དབང་ཕྱུག་ གི་འགྲེལ་པ་ན། ཡོད་མིན་མེད་མིན་ཡོད་མེད་མིན། །གཉིས་ཀའི་བདག་ཉིད་ མེད་པའང་མིན། །མཐའ་བཞི་རྣམ་པར་གྲོལ་བ་ཡི། །དེ་ཉིད་དབུ་མ་པ་ཡིས་རིག །ཅེས་སོ། །གང་ ཞིག་ཕྱོགས་ཉམས་དེ་ནི་མ་ཉམས་པར་འགྱུར་རོ། །དེ་གང་ཞེ་ན། གང་ཞིག་སྙིང་རྗེ་དང་སྟོང་ཉིད་ གཉིས་སུ་མེད་པར་སྨྲ་བ་པོ་སྟེ་འདིར་གང་གིས་སྟོང་ཉིད་སྙིང་རྗེ་དམིགས་པ་མེད་ཅིང་རྣམ་པར་རྟོག་ པ་དང་བྲལ་བ་དང་། སྟོང་པ་ཉིད་རྣམ་པ་ཐམས་ཅད་ཀྱི་མཆོག་དང་ལྡན་པ་དུས་གསུམ་ཡོངས་སུ་ ཤེས་པའི་སླད་དུ་ དུས་གསུམ་དུ་འཇུག་པའོ་ཞེས་པ་ནི། སངས་རྒྱས་པའི་གྲུབ་པའི་མཐའ་ངེས་པའོ་ ཞེས་གསུངས་པ་ལྟར་རོ། །དེས་ན་ཕྱི་མཚན་ཉིད་ཐེག་པའི་དབུ་མའི་གཞུང་ལུགས་ཙམ་ལ་བརྟེན་ནས་ དབུ་མ་ཆེན་པོའི་ལྟ་བ་དང་། གྲུབ་མཐའ་མཐར་ཐུག་པ་ཁོང་དུ་ཆུད་པར་མི་འགྱུར་བས། ལྟ་གྲུབ་ མཐར་ཐུག་པ་རྟོགས་ཤིང་ཁོང་དུ་ཆུད་པ་ལ་གསང་སྔགས་རྡོ་རྗེ་ཐེག་པའི་ལམ་ཟབ་མོ་འདི་བསྒོམས་ ཤིང་ཉམས་སུ་མྱོང་པ་དང་། རྒྱུད་སྡེ་ཟབ་མོའི་དགོངས་པ་ས་བཅུའི་དབང་ཕྱུག་ཆེན་པོ་རྣམས་ཀྱིས་ ལེགས་པར་བཀྲལ་བ་རྣམས་མང་དུ་ཐོས་པར་བྱ་དགོས་ཏེ། དཔལ་ལྡན་རྒྱུད་ལས། སྲིད་གསུམ་ ཕྲ་རབ་གཟུགས་མིན་འདིར་ནི་རྣམ་པར་ཤེས་པའོ་དེ་བཞིན་རྣམ་པར་ཤེས་པ་ཉིད་མེད་དེ། །སངས་ རྒྱས་ཤེས་རབ་གང་དུའང་གནས་པ་མ་ཡིན་ཞེས་པའི་ཚིག་ནི་སངས་རྒྱས་རྣམས་ཀྱིས་སྟོན་པར་ འགྱུར། །གང་གི་འགྱུར་མེད་དང་བྲལ་མི་རྣམས་ཀྱིས་ནི་སྟོང་པ་ཉིད་དེ་བཟུང་ནས་སྟོང་པར་ལྟ་བྱེད་ པ། །དེས་ན་གཙོ་བོས་གང་ཞིག་འཕོ་མེད་ལྷན་སྐྱེས་སྐུ་ཡི་བདེ་བ་དག་ནི་སྔགས་ཀྱི་ཐེག་པར་ བསྟན། །ཞེས་གསུངས་པའི་ཕྱིར་རོ།།

བསམ་གཏན་gyི་ཡན་ལག་ངོ་sprད་པ་མདོར་བsduས་པ།

དེ་ལྟར་སོ་སོར་སྡུད་པའི་ཡན་ལག་གཙོ་བོར་ངོ་སྤྲད་ནས། སྐབས་འདིར་བསམ་གཏན་གྱི་ཡན་ ལག་ངོ་སྤྲད་པ་མདོར་བསྡུས་པ་ཙམ་ཞིག་བཤད་པར་བྱ་སྟེ། དེ་ལ་བསམ་གཏན་གྱི་མཚན་ཉིད་ནི། དབང་མདོར་བསྟན་པ་ལས། བཀབ་དང་མ་བཀབ་མིག་དག་གིས། །སྟོང་པར་འདི་ནི་རྗེས་ བརྟགས་མིན། ། རྨི་ལམ་བཞིན་དུ་གཟུགས་མཐོང་འགྱུར། །རྟག་ཏུ་གཟུགས་དེ་བསྒོམ་པར་བྱ། ། ཞེས་གསུངས་ཤིང་དེའི་དོན་ནི་དཔལ་ནཱ་རོའི་ཞབས་ཀྱི་འགྲེལ་པར། བཀབ་དང་མ་བཀབ་མིག་ དག་གིས། །ཞེས་པ་བར་སྣང་ལ་དམིགས་པ་ཉིད་ཀྱིས་མིག་ཕྱེད་བཙུམ་པ་དག་གིས་སྟོང་པར་ཏེ་ ནམ་མཁའ་ལ་གཟུང་བ་དང་འཛིན་པ་དང་བྲལ་བ་འདི་ནི་རྗེས་བརྟགས་མིན་པར་རྨི་ལམ་བཞིན་དུ་ གཟུགས་རྣལ་འབྱོར་པས་མངོན་སུམ་དུ་མཐོང་པར་འགྱུར་རོ། །གཟུགས་ནི་སྣ་ཚོགས་གཟུགས་ཏེ་ བསྒོམ་པར་བྱ་བ་ནི་བསམ་གཏན་གྱི་ཡན་ལག་གིས་བརྟན་པར་བྱའོ། །ཞེས་པ་དང་དཔལ་ལྡན་དྲི་ མ་མེད་པའི་འོད་ལས། ཡུལ་དང་ཡུལ་ཅན་བཅུ་པོ་རྣམས་གཅིག་ཉིད་དུ་སྣ་ཚོགས་གཟུགས་ལ་ བསམ་གཏན་པའོ། །ཞེས་དང་དཔལ་ནཱ་རོའི་ཞབས་ཀྱིས་དབང་མདོར་བསྟན་པའི་འགྲེལ་པར། བསྙེན་པའི་དུས་སུ་གཙུག་ཏོར་ཆེའི། །གཟུགས་བརྙན་འབད་པས་རྣམ་བསྒོམ་བྱ། །ཞེས་པའི་དོན་ འཆད་པ་ན་འདིར་དགོངས་པའི་སྐད་གཞན་གྱིས་གཙུག་ཏོར་ཆེན་པོའི་གཟུགས་བརྙན་ནི་སངས་ རྒྱས་ཀྱི་གཟུགས་བརྙན་ཏེ་ཁམས་གསུམ་པ་མ་ལུས་པ་ནམ་མཁའ་ཆོས་འབྱུང་ལ་ཐུགས་རྡོ་རྗེ་རབ་ཏུ་ བཞག་ནས། བསྙེན་པའི་དུས་སུ་སྟེ་དུས་དང་པོར་སོ་སོར་སྡུད་པ་ཡིས་བསྒོམ་པར་བྱ་ཞིང་བསམ་ གཏན་གྱི་ཡན་ལག་གིས་བརྟན་པར་བྱའོ། །ཞེས་གསུངས་པ་ལྟར་རོ། །བསམ་གཏན་གྱི་ཡན་ལག་ནི། དཔལ་ལྡན་རྒྱུད་ལས། བསམ་གཏན་དག་ཀྱང་ཤེས་རབ་རྟོག་དང་དཔྱོད་པ་དགའ་དང་གཡོ་མེད་ བདེ་བ་རྩེ་གཅིག་སེམས་པའོ། ། ཞེས་གསུངས་ཤིང་། དེའི་འགྲེལ་པར། དེ་བཞིན་དུ་གཟུགས་དེ་ ཉིད་ལ་ཤེས་རབ་ཅེས་པ་ནི་ལྟ་བའོ། །རྟོག་པ་ཞེས་པ་ནི་དངོས་པོ་འཛིན་པའོ། །དཔྱོད་པ་ཞེས་པ་ནི་ དེའི་དོན་ངེས་པར་བྱེད་པའོ། །དགའ་བ་ཞེས་པ་ནི་གཟུགས་ལ་ཆགས་པའོ། །གཡོ་མེད་བདེ་བ་ཞེས་པ་ ནི་གཟུགས་དང་ལྷན་ཅིག་སེམས་རྩེ་གཅིག་ཏུ་བྱེད་པའོ། །དེ་ལྟར་གཟུང་བ་དང་འཛིན་པའི་དབྱེ་

བས་བསམ་གཏན་རྣམ་པ་བཅུའོ། །ཞེས་གསུངས་ཏེ་དེའི་དོན་ནི། སྟོང་གཟུགས་ལ་རྩེ་གཅིག་ཏུ་ གནས་པའི་བསམ་གཏན་དེ་ནི་སྟོང་གཟུགས་དེ་ཉིད་ལ་ལྟ་བ་སྟེ་མངོན་སུམ་དུ་མཐོང་བའི་ཆོས་ཉིད་ཇི་ ལྟ་བ་མངོན་སུམ་དུ་མཐོང་བ་ཡིན་པས་ན་ཤེས་རབ་དང་། སྟོང་གཟུགས་ཀྱི་དངོས་པོར་རགས་པའི་ རྣམ་པ་ཙམ་གསལ་བར་འཛིན་པས་ན་རྟོག་པ་དང་། སྟོང་གཟུགས་ཀྱི་དོན་བརྟན་གཡོའི་རྣམ་པའི་ ཁྱད་པར་རྣམས་ཞིབ་ཏུ་ངེས་པར་འབྱེད་པ་ན་དཔྱོད་པ། སྟོང་གཟུགས་ལ་སེམས་ཆགས་ཤིང་ གནས་པ་ལས་ཡིད་བདེ་བ་ནི་དགའ་བ། སེམས་སྟོང་གཟུགས་དང་གཅིག་ཏུ་བྱེད་པ་སྟེ་འདྲེས་པ་ ལྟ་བུར་གྱུར་པས་ལུས་ཤིན་ཏུ་སྦྱངས་པའི་བདེ་བ་ཐོབ་པ་ནི་བདེ་བ་སྟེ། དེ་ལྟར་ན་བསམ་གཏན་ནི་ ཡན་ལག་ལྔ་དང་ལྡན་པ་ཡིན་ལ། ཡན་ལག་ལྔ་པོ་དེ་དག་རང་རང་གི་ཡུལ་ལྔ་དང་བཅས་པས་ བསམ་གཏན་གྱི་དབྱེ་བ་བཅུར་ཤེས་པར་བྱའོ།།

srོག་rʦོལ་ལ་སོགས་པ་ཡན་ལག་གཞན་བstན་པ།

བཞི་པ་སྲོག་རྩོལ་ལ་སོགས་པ་ཡན་ལག་གཞན་བསྟན་པ་ནི། དཔལ་ལྡན་རྒྱུད་ལས། སྲོག་ རྩོལ་དག་ཀྱང་ལམ་ནི་གཉིས་པོ་དག་ནི་བསྒྱེལ་ཞིང་དབུ་མར་སྲོག་ནི་ཞུགས་པ་དག་ཏུ་འགྱུར། ། ཐིག་ལེར་སྲོག་ནི་རབ་ཏུ་ཞུགས་ཤིང་གཉི་གའི་བགྲོད་པ་བཅོམ་སྟེ་རྩེ་གཅིག་སེམས་པ་འཛིན་པའོ། ། གཏུམ་མོའི་སྣང་བར་གང་ཞིག་གྱུར་པ་ངེས་པར་ལུས་དང་ནམ་མཁའ་ལ་ཡང་རྗེས་སུ་དྲན་པར་ འགྱུར། །ཤེས་རབ་ཐབས་ཀྱི་བདག་ཉིད་ཀྱིས་ནི་འགྱུར་མེད་བདེ་བའི་དབང་གིས་ཡེ་ཤེས་ གཟུགས་ལ་ཏིང་ངེ་འཛིན། །ཞེས་དང་རྒྱུད་ཕྱི་མར། སྲོག་གི་རྩོལ་བས་རི་བོང་ཅན་དང་ཉི་མ་དང་བྲལ་ མུན་པར་སྲོག་གི་རླུང་ནི་འབབ་པར་བྱ། །འབྱུང་པ་དང་ནི་འཇུག་པས་དམན་པར་སླར་ཡང་བྱེད་དེ་ འཛིན་པའི་ཡན་ལག་གིས་ནི་ཐིག་ལེར་རོ། །རྗེས་སུ་དྲན་པས་མཁའ་ལ་རི་བོང་ཅན་བཞིན་རང་གི་ གཟུགས་ལས་འོད་ཟེར་ཆེན་པོ་ངེས་པར་རྒྱུ། །ཏིང་ངེ་འཛིན་གྱིས་ཁུ་བ་རྡོ་རྗེ་ལས་ནི་མགོ་བོར་ བགྲོ ད་བྱེད་དྲི་མེད་བདེ་བ་རབ་ཏུ་རྫོགས། །ཞེས་གསུངས་ཏེ། གཡོན་གྱི་རྩ་ལ་ལ་ནཱ་དང་། གཡས་ཀྱི་རྩ་ར་ས་ནཱ་གཉིས་ལས་ཀྱི་རླུང་རྒྱུ་བའི་ལམ་ཡིན་ལ་དེ་དག་བསྒྱེལ་བ་སྟེ་དེ་དག་ཏུ་

སྲོག་གི་རླུང་རྒྱུ་བ་བཀག་ནས་དབུ་མ་ཨ་བ་དྷཱུ་ཏཱིའི་ལམ་དུ་སྲོག་གི་རླུང་རྩོལ་བ་སྟེ། འབབ་པར་ བྱེད་ཅིང་རྣམ་ཀུན་མཆོག་ལྡན་གྱི་སྟོང་པ་ཉིད་བསྒོམ་པ་ནི་སྲོག་རྩོལ་གྱི་རྣལ་འབྱོར་རོ། །དེ་ལྟར་ སྲོག་རྩོལ་གྱི་རྣལ་འབྱོར་གྱིས་རླུང་ཐམས་ཅད་དབུ་མ་ཨ་བ་དྷཱུ་ཏཱིའི་ནང་དུ་ཞུགས་པར་བྱས་ནས། ལྟེ་བ་ནས་དཔྲལ་བའི་བར་དུ་དབུ་མར་ཞུགས་པའི་རླུང་དེ་ཉིད་གཉི་གའི་བགྲོད་པ་བཅོམ་པ་སྟེ། ཕྱི་ ནང་དུ་འགྲོ་འོང་མེད་པར་འཛིན་པའི་ཚུལ་གྱིས་ཕྱག་རྒྱ་ཆེན་པོ་སྟོང་པ་ཉིད་ཀྱི་གཟུགས་རྩེ་གཅིག་ཏུ་ བསྒོམ་པ་ནི་འཛིན་པའི་ཡན་ལག་གོ། །དེ་ནས་རྣལ་འབྱོར་པའི་སེམས་རྣམ་རྟོག་ཐམས་ཅད་དང་ བྲལ་བ་སྟོང་གཟུགས་ལ་དབྱེར་མེད་པ་ལྟ་བུར་འཁྱུད་པར་གྱུར་པ་ལས་གཏུམ་མོའི་སྣང་བ་སྟེ་རང་ གི་ལུས་ཀྱང་། སྟོང་གཟུགས་འོད་ཀྱི་དཀྱིལ་འཁོར་གྱི་རྣམ་པར་སྣང་ཞིང་བ་སྤུའི་ཁུང་བུ་རྣམས་ ནས་འོད་ཟེར་ལྔ་སྲིད་གསུམ་ཀུན་ནས་དང་བའི་རྣམ་པ་ཅན་གྱི་ནམ་མཁའ་ལ་འཕྲོ་བར་སྣང་བ་དང་། ལྟེ་བའི་གཏུམ་མོའི་ཨ་བ་དྷཱུ་ཏཱིའི་ཡེ་ཤེས་ཀྱི་རླུང་གི་མེས་སྤྱི་བོའི་ཧཾ་ཡིག་ཟླ་བའི་ཐིག་ལེར་བཞུ་བ་ ལས། ཐིག་ལེའི་རྒྱུན་འབབ་ཅིང་རྡོ་རྗེ་ནོར་བུ་ལས་ཕྱི་རོལ་ཏུ་མི་འཕོ་བའི་དགའ་བ་བཞི་ཉམས་སུ་ མྱོང་བ་ན་རྗེས་དྲན་གྱི་ཡན་ལག་གོ། འདི་ལ་གཏུམ་མོའི་རྣལ་འབྱོར་རམ་ཐིག་ལེའི་རྣལ་འབྱོར་ཞེས་ཀྱང་བྱ་སྟེ། རྩ་བའི་རྒྱུད་མཆོག་ གི་དང་པོའི་སངས་རྒྱས་ལས། ལྟེ་བར་གཏུམ་མོ་འབར་བ་ཡིས། །དེ་བཞིན་གཤེགས་པ་ལྔ་བསྲེག་ ཅིང་། །སྤྱན་མ་མིག་ལ་སོགས་པ་ཡང་། །བསྲེགས་པས་རི་བོང་ཅན་ཧཾ་འཛག །བདུད་རྩི་ ཞུ་བའི་ ཆོས་ཅན་ནི། །ཐིག་ལེའི་གཟུགས་ཀྱིས་འཛག་པར་བྱེད། །ཐིག་ལེའི་རྣལ་འབྱོར་ཞེས་པར་གྲགས། །ཞེས་གསུངས་སོ། །དེ་ནས་བྱང་སེམས་ཐིག་ལེ་དེ་ཇི་ལྟར་བྱོན་པ་དེ་བཞིན་དུ་སླར་སྟེང་དུ་གཤེགས་ པར་བྱེད་ཅིང་དེ་ལས་ཤེས་རབ་ཤེས་བྱའི་རྣམ་པ་སྟོང་གཟུགས་དང་། ཐབས་ཤེས་པའི་རྣམ་པ་རྣལ་ འབྱོར་པའི་བདེ་བའི་སེམས་གཅིག་ཏུ་འདྲེས་པར་གྱུར་པའི་འགྱུར་མེད་ཀྱི་བདེ་བ་ཐོབ་པའི་དབང་གིས། བདེ་སྟོང་གཉིས་སུ་མེད་པའི་ཡེ་ཤེས་ཀྱི་གཟུགས་ལ་སེམས་རྩེ་གཅིག་ཏུ་གནས་པ་ནི་ཏིང་ངེ་འཛིན་ གྱི་ཡན་ལག་གོ །འདི་ནི་ཕྲ་མོའི་རྣལ་འབྱོར་ཞེས་ཀྱང་བྱ་སྟེ། རྩ་བའི་རྒྱུད་མཆོག་གི་དང་པོའི་ སངས་རྒྱས་སུ། བཅུ་དྲུག་ཕྱེད་ཕྱེད་ཐིག་ལེ་འཆང་། །ཆ་མེད་ཆ་ལས་འདས་པ་སྟེ། །བསམ་གཏན་ བཞི་ཡི་རྩེ་མོ་འཆང་། །ཕྲ་མོའི་རྣལ་འབྱོར་ཞེས་པར་གྲགས། །རྒྱུ་མཐུན་ལ་སོགས་སྟེང་དུ་འགྲོ། ། ཞེས་གསུངས་སོ། །དེ་ལྟར་སྦྱོར་བ་ཡན་ལག་དྲུག་ལས། སོ་སོར་སྡུད་དང་བསམ་གཏན་གྱི་ཡན་ ལག་གཉིས་ནི་བསྙེན་པའི་ཡན་ལག་དང་། སྲོག་རྩོལ་དང་འཛིན་པའི་ཡན་ལག་གཉིས་ནི། ཉེ་བར་

སྒྲུབ་པའི་ཡན་ལག་དང་། རྗེས་དྲན་གྱི་ཡན་ལག་ནི། སྒྲུབ་པའི་ཡན་ལག་དང་། ཏིང་ངེ་འཛིན་གྱི་ ཡན་ལག་ནི་སྒྲུབ་པ་ཆེན་པོའི་ཡན་ལག་སྟེ། བསྙེན་སྒྲུབ་རྣམ་པ་བཞིར་འགྱུར་རོ། །དེ་ཡང་ དཔལ་གསང་བ་འདུས་པར། མི་སྣང་ལ་སོགས་དངོས་གྲུབ་རྣམས། །ཐུན་མོང་བ་ཞེས་གྲགས་པ་ སྟེ། །སངས་རྒྱས་ཉིད་སྒྲུབ་སངས་རྒྱས་ཀྱི། །དངོས་གྲུབ་མཆོག་ཅེས་གསུང་པ་ཡིན། །ཐབས་ནི་ རྣམ་པ་བཞི་པོ་དག །བྱང་ཆུབ་རྡོ་རྗེའི་གསུངས་པ་སྟེ། །རྣལ་འབྱོར་རྒྱུད་རྣམས་ཐམས་ཅད་དུ། །རྣལ་ འབྱོར་པ་ཡིས་རྟག་ཏུ་སྔགས། །བསྙེན་པའི་ཆོ་ག་དང་པོ་སྟེ། །ཉེ་བར་སྒྲུབ་པ་གཉིས་པ་ཡིན། །སྒྲུབ་པ་ ངེས་པར་གསུམ་པ་སྟེ། །སྒྲུབ་པ་ཆེན་པོ་བཞི་པའོ། །ཞེས་གསུངས་སོ། །དེ་ལྟར་སྦྱོར་བ་ཡན་ལག་ དྲུག་ཁོ་ན་ཕྱག་རྒྱ་ཆེན་པོའི་དངོས་གྲུབ་ཀྱི་སྒྲུབ་ཐབས་སམ་ལམ་ཐུན་མོང་མ་ཡིན་པར་ཤེས་པར་ བྱ་སྟེ། དཔལ་གསང་བ་འདུས་པར། ཡན་ལག་དྲུག་གི་རྣལ་འབྱོར་གྱིས། །བསྙེན་པ་བྱས་ནས་ མཆོག་སྒྲུབ་སྟེ། །གཞན་དུ་བསྒྲུབ་བྱ་དངོས་གྲུབ་མཆོག །འབྱུང་པར་འགྱུར་བ་མེད་པ་ཉིད། །ཅེས་ གསུངས་སོ། །དེ་ལྟར་ན་རྣལ་འབྱོར་པས་མཉམ་བཞག་ཏུ་རྫོགས་རིམ་རྣམ་པར་མི་རྟོག་པའི་ ཏིང་ངེ་འཛིན་བསྒོམ་པ་ནི་ཡེ་ཤེས་ཀྱི་ཚོགས་བསགས་པ་སྟེ། རྗེས་ཐོབ་ཏུ་བསོད་ནམས་ཀྱི་ ཚོགས་ལ་འབད་པར་བྱའོ། །དེའི་རྣམ་པ་ཡང་དཔག་ཏུ་མེད་མོད་ཀྱི་མདོར་བསྡུ་ན་དངོས་དང་ བརྒྱུད་པའི་སེམས་ཅན་ལ་ཕན་པར་བྱེད་པ་ཁོ་ན་ཡིན་ཏེ། དཔལ་ལྡན་རྒྱུད་ལས། སེམས་ཅན་ རྣམས་ནི་སངས་རྒྱས་ཡིན་ཏེ་སངས་རྒྱས་ཆེན་པོ་གཞན་འདིར་འཇིག་རྟེན་ཁམས་ན་ཡོད་མ་ཡིན། །དེ་ རྣམས་མཉེས་པར་བྱས་པས་དཔག་མེད་སྲིད་པ་གཅོད་པར་བྱེད་དེ་རྣམ་པར་མི་རྟོག་པ་ལས་སོ། ། རྣལ་འབྱོར་པ་ནི་འཁུ་བར་བྱེད་ན་དམྱལ་བ་ངུ་འབོད་ལ་སོགས་ཆེན་པོའི་མཐའ་རུ་འགྲོ་བར་འགྱུར། ། དེ་ཕྱིར་སེམས་ནི་དག་པ་ན་ཡང་མཁས་དང་མི་མཁས་སྐྱེ་བོ་རྣམས་ལ་འགལ་བ་མི་བྱའོ། །ཞེས་གསུངས་ ཤིང་། འཕགས་པ་འཇིག་རྟེན་དབང་ཕྱུག་གིས་མཆོག་ཏུ་མི་འགྱུར་བའི་ཡེ་ཤེས་གྲུབ་པར་དེ་ལུང་ དྲངས་ནས། དེའི་ཕྱིར་བསོད་ནམས་ཀྱི་ཚོགས་ཀྱི་དོན་དུ་སེམས་ལ་ཕན་པར་བྱའོ། །ཡེ་ཤེས་ཀྱི་ ཚོགས་ཀྱི་དོན་དུ་མཆོག་ཏུ་མི་འགྱུར་བའི་ཡེ་ཤེས་བསྒོམ་པར་བྱའོ། །སེམས་ཅན་གྱི་དོན་མ་ གཏོགས་པར་བསོད་ནམས་ཀྱི་ཚོགས་དང་མཆོག་ཏུ་མི་འགྱུར་བའི་ཡེ་ཤེས་སྒོམ་པ་མ་གཏོགས་ པར་ཡེ་ཤེས་ཀྱི་ཚོགས་སུ་འགྱུར་བ་མ་ཡིན་ནོ། །ཞེས་པ་དེ་བཞིན་གཤེགས་པའི་ཐུགས་སོ། །ཞེས་ གསུངས་སོ།།

བsgོམ་པའི་ལམ་gyིས་འbrས་bu་ཐོབ་uལ་rnམ་པར་བཞག་པ།

བཞི་པ་བསྒོམ་པའི་ལམ་གྱི་འབྲས་བུ་ཐོབ་ཚུལ་རྣམ་པར་བཞག་པ་ལ་གཉིས་ཏེ། གནས་ སྐབས་ཀྱི་འབྲས་བུ་ཇི་ལྟར་ཐོབ་པའི་ཚུལ་དང་། མཐར་ཐུག་གི་འབྲས་བུ་ཇི་ལྟར་ཐོབ་པའི་ཚུལ་ལོ།།

གནས་skབས་kyི་འbrས་bu་ཇི་ltར་ཐོབ་པའི་uལ།

དང་པོ་ནི། དཔལ་ལྡན་རྒྱུད་ལས། སོ་སོར་སྡུད་པས་རྣལ་འབྱོར་པ་ནི་ཡུལ་དང་རྣམ་པར་བྲལ་ བ་སྔགས་རྣམས་ཀུན་གྱིས་བྱིན་གྱིས་རློབས། །མངོན་པར་ཤེས་པ་ལྔ་ནི་ཐོབ་པར་འགྱུར་ཏེ་མི་ཡི་ བདག་པོ་བསམ་གཏན་སྦྱོར་བས་དག་པའོ། །སྲོག་རྩོལ་གྱི་ནི་དག་པ་རི་བོང་ཅན་དང་ཉི་མ་དང་ བྲལ་བྱང་ཆུབ་སེམས་དཔའ་རྣམས་ཀྱིས་མཆོད། །བདུད་དང་ཉོན་མོངས་ལ་སོགས་ཉམས་ཤིང་ སྟོབས་བཅུ་ལ་ནི་འཇུག་པར་འགྱུར་ཏེ་འཛིན་པའི་སྟོབས་ཀྱིས་སོ། །རྗེས་སུ་དྲན་པས་ལེགས་པར་ དག་པ་དྲི་མེད་འོད་ཀྱི་དཀྱིལ་འཁོར་དག་ཀྱང་ཡེ་ཤེས་གཟུགས་ལས་སོ། །དེ་ནས་ཏིང་ངེ་འཛིན་གྱིས་ དག་པ་ཉིན་ཞག་འགའ་ཞིག་རྣམས་ཀྱིས་ཡེ་ཤེས་སྐུ་ནི་འགྲུབ་པར་འགྱུར། །ཞེས་གསུངས་ཏེ། སོ་ སོར་སྡུད་ཀྱི་ཡན་ལག་གིས་སྟོང་གཟུགས་བརྟན་པར་གྱུར་ཅིང་། སེམས་རྣམ་པར་དག་པར་གྱུར་ པའི་རྣལ་འབྱོར་པ་ལ་སྔགས་རྣམས་ཀུན་གྱིས་བྱིན་གྱིས་བརློབ་པ་སྟེ་ཚིག་གི་མཆོག་སྦྱིན་པར་ནུས་པ་ ལ་སོགས་པ་འཐོབ་པོ། །བསམ་གཏན་གྱི་སྦྱོར་བས་དག་པར་གྱུར་པ་ན་མིག་མི་འཛུམས་པར་འགྱུར་ ཞིང་དེའི་ཚེ་ལྷའི་མིག་གིས་མངོན་པར་ཤེས་པ་དང་། ལྷའི་རྣ་བའི་མངོན་པར་ཤེས་པ་དང་། རྫ་ འཕྲུལ་གྱི་མངོན་པར་ཤེས་པ་དང་། གཞན་གྱི་སེམས་ཤེས་པའི་མངོན་པར་ཤེས་པ་དང་། སྔོན་གྱི་ གནས་རྗེས་སུ་དྲན་པའི་མངོན་པར་ཤེས་པ་སྟེ་མངོན་པར་ཤེས་པ་ལྔ་འཐོབ་པོ། །སྲོག་རྩོལ་གྱིས་

དག་པར་གྱུར་པ་ལས་བྱང་ཆུབ་སེམས་དཔའ་རྣམས་ཀྱི་མཆོད་ཅིང་བསྔགས་པ་འཐོབ་པོ། །འཛིན་ པའི་ཡན་ལག་གིས་དག་པ་ལས་སྟོབས་བཅུའི་རང་བཞིན་སྟོང་པ་ཉིད་ཀྱི་གཟུགས་ལ་སེམས་ འཇུག་པར་འགྱུར་རོ། །རྗེས་དྲན་གྱི་ཡན་ལག་གིས་དག་པ་ལས་རང་གི་ལུས་ཡེ་ཤེས་ཀྱི་སྐུ་འོད་ཀྱི་ དཀྱིལ་འཁོར་དུ་སྣང་ཞིང་། བ་སྤུའི་ཁུང་བུ་ནས་ཡེ་ཤེས་ལྔའི་འོད་ཟེར་ནམ་མཁའི་ཁམས་ཁྱབ་པར་ སྤྲོ་བར་འགྱུར་རོ། །ཏིང་ངེ་འཛིན་གྱི་ཡན་ལག་གིས་དག་པ་ལས་བདེ་སྟོང་གཉིས་སུ་མེད་པའི་ཏིང་ ངེ་འཛིན་འཐོབ་ཅིང་། ལོ་གསུམ་དང་ཕྱོགས་གསུམ་གྱིས་ཡེ་ཤེས་སྐུ་ཞེས་པ་དབང་བཅུ་ལ་སོགས་ པ་ཐོབ་པའི་བྱང་ཆུབ་སེམས་དཔའ་ཆེན་པོར་འགྱུར་རོ།།

མཐར་uག་གི་འbrས་bu་ཇི་ltར་ཐོབ་པའི་uལ།

གཉིས་པ་ལ་བཞི་སྟེ། འཁོར་བ་གློ་བུར་གྱི་དྲི་མ་ཟད་པས་འབྲས་བུ་འཐོབ་པའི་ཚུལ། བདེ་བ་ཆེན་ པོའི་སྐ་ཅིག་མ་རྫོགས་པས་འབྲས་བུ་འཐོབ་པའི་ཚུལ། འབྲས་བུ་ཕྱག་རྒྱ་ཆེན་པོའི་དངོས་གྲུབ་ཐོབ་ པའི་དུས་ཀྱི་ངེས་པ་བསྟན་པ། ཐོབ་པའི་འབྲས་བུ་ཕྱག་རྒྱ་ཆེན་པོའི་དངོས་གྲུབ་ཀྱི་ངོ་བོ་ངོས་བཟུང་ པའོ།།

འཁོར་བ་glོ་buར་gyི་drི་མ་ཟད་པས་འbrས་bu་འཐོབ་uལ།

དང་པོ་ནི་དཔལ་ལྡན་དྲི་མ་མེད་པའི་འོད་ལས། འཁོར་བ་སྙིང་པོ་མེད་དེ་ཟད་གྱུར་པ། །དེ་ ལས་སྐྱེས་བུའི་སངས་རྒྱས་ཉིད་འབྲས་ཏེ། །ཆུ་ཤིང་གི་ནི་འབྲས་བུ་སྨིན་པ་རྣམས། །ཆུ་ཤིང་ཉམས་ པས་ཡང་དག་འབྱུང་བ་བཞིན། །སྡིག་པ་དང་ནི་ཤིང་སྲིན་སེམས་ཅན་རྣམས། །གང་ལས་བྱུང་བ་ དེ་དང་དེ་ཉམས་བྱེད། །དེ་བཞིན་རྣལ་འབྱོར་རྣམས་ཀྱི་སེམས་དེ་ནི། །སྒྱུ་མ་རྣམ་པར་ཉམས་པར་

བྱེད་པ་ཡིན། །ཞེས་གསུངས་ཤིང་། འཕགས་པ་ཀླུ་སྒྲུབ་ཀྱི་ཆོས་ཀྱི་དབྱིངས་ཀྱི་བསྟོད་པར། ཇི་ ལྟར་སྦུན་པ་ལས་གྲོལ་ན། །འབྲས་ཉིད་སྣང་བར་གྱུར་པ་ལྟར། །དེ་བཞིན་ཉོན་མོངས་ལས་གྲོལ་ ན། །ཆོས་ཀྱི་སྐུ་ནི་རབ་ཏུ་གསལ། །ཆུ་ཤིང་སྙིང་པོ་མེད་དོ་ཞེས། །འཇིག་རྟེན་ན་ནི་དཔེར་བྱེད་ ཀྱང་། །དེ་ཡི་འབྲས་བུ་སྙིང་པོ་ཉིད། །དངར་པོ་ཟ་བ་བྱེད་པ་ལྟར། །སྙིང་པོ་མེད་པའི་འཁོར་བ་ལས། ། ཉོན་མོངས་གཟེབ་དང་བྲལ་གྱུར་ན། །དེ་ཡི་འབྲས་བུ་སངས་རྒྱས་ཉིད། །ལུས་ཅན་ཀུན་གྱི་བདུད་ རྩིར་འགྱུར། །ཞེས་གསུངས་པ་ལྟར། རྣལ་འབྱོར་པ་བདག་ཉིད་ཀྱི་མ་དག་པའི་ཕུང་པོ་དང་། ཁམས་དང་སྐྱེ་མཆེད་དང་རྟེན་འབྲེལ་ཡན་ལག་བཅུ་གཉིས་ཀྱིས་བསྡུས་པའི་འཁོར་བ་སྒྱུ་མ་ལྟ་བུ་ འདི་ཟད་ཅིང་། གློ་བུར་གྱི་སྒྲིབ་པ་མ་ལུས་པ་དང་བྲལ་བར་གྱུར་པ་ལས་རང་ལ་གདོད་མ་ནས་ བཞུགས་པའི་སངས་རྒྱས་ཆོས་ཀྱི་སྐུ་དེ་ཐོབ་པར་འགྱུར་བ་ཡིན་ནོ། །དེ་ལ་སྒྲིབ་པའི་ངོ་བོ་ནི། འཁོར་ བ་པའི་རྣམ་པར་རྟོག་པ་མཐའ་དག་ཡིན་ཏེ། སམྦུ་ཊི་ལས། རྣམ་རྟོག་མ་རིག་ཆེན་པོ་སྟེ། །འཁོར་ བའི་རྒྱ་མཚོར་ལྟུང་བྱེད་ཡིན། །ཞེས་དང་སློབ་དཔོན་ཕྱོགས་ཀྱི་གླང་པོས། འཇམ་པའི་དབྱངས་ལ་ བསྟོད་པར། རྣམ་པར་རྟོག་ལས་མ་གཏོགས་པའི། །འཁོར་བ་ཞེས་བྱ་ཅི་ཡང་མེད། །རྣམ་རྟོག་དེ་ དང་བྲལ་བས་ན། །ཁྱོད་ནི་རྟག་ཏུ་མྱ་ངན་འདས། །ཞེས་གསུངས་པ་བཞིན་ནོ། །དེ་ལ་དབྱེ་ན། རྗེ་ བཙུན་བྱམས་པ་མགོན་པོའི་དབུས་དང་མཐའ་རྣམ་པར་འབྱེད་པར། ཉོན་མོངས་པ་ཡི་སྒྲིབ་པ་དང་། །ཤེས་བྱའི་སྒྲིབ་པ་ཉིད་དུ་བསྟན། །དེར་ནི་སྒྲིབ་པ་ཐམས་ཅད་དེ། །དེ་ཟད་ནས་ནི་གྲོལ་བར་འདོད། ། ཅེས་དང་རྒྱུད་བླ་མར། འཁོར་གསུམ་རྣམ་པར་རྟོག་པ་གང་། །དེ་ནི་ཤེས་བྱའི་སྒྲིབ་པར་འདོད། །སེར་ སྣ་ལ་སོགས་རྣམ་རྟོག་གང་། །དེ་ནི་ཉོན་མོངས་སྒྲིབ་པར་འདོད། །ཅེས་གསུངས་པ་ལྟར་ལས་དང་བྱ་ བ་དང་བྱེད་པ་པོ་སྟེ་འཁོར་གསུམ་དུ་རྣམ་པར་རྟོག་པ་ནི་ཐམས་ཅད་མཁྱེན་པ་ལ་སྒྲིབ་པ་ཤེས་བྱའི་ སྒྲིབ་པ་དང་། ཕར་ཕྱིན་དང་པོ་ལྔའི་མི་མཐུན་ཕྱོགས་སེར་སྣ་ལ་སོགས་པའི་རྣམ་རྟོག་ནི་ཐར་པ་ལ་ སྒྲིབ་བྱེད་ཉོན་མོངས་པའི་སྒྲིབ་པ་སྟེ་གཉིས་སོ། ། དཔལ་དུས་ཀྱི་འཁོར་ལོར་ནི། འཁོར་བ་པ་ རྣམས་ཀྱི་དཔྲལ་བར་གནས་པའི་ལུས་ཀྱི་ཐིག་ལེས་བསྐྱེད་པ། རྣམ་རྟོག་སྣ་ཚོགས་པའི་འདུ་ཤེས་ སད་པའི་གནས་སྐབས་ཀྱི་སེམས་ནི། ལུས་ཀྱི་སྒྲིབ་པ་དང་། མགྲིན་པར་གནས་པའི་ངག་གི་ཐིག་ ལེ་དང་སྲོག་གིས་བསྐྱེད་པ་བག་ཆགས་སྣ་ཚོགས་ཀྱི་སྣང་བ་རྨི་ལམ་གྱི་གནས་སྐབས་ཀྱི་སེམས་ ནི། ངག་གི་སྒྲིབ་པ་དང་། སྙིང་ཁར་གནས་པའི་ཡིད་ཀྱི་ཐིག་ལེས་བསྐྱེད་པ། མུན་པས་ཟིལ་གྱིས་ མནན་པ་ཤིན་ཏུ་གཉིད་ལོག་པའི་གནས་སྐབས་ཀྱི་སེམས་ནི། སེམས་ཀྱི་སྒྲིབ་པ་དང་། ལྟེ་བར་

གནས་པའི་ཡེ་ཤེས་ཀྱི་ཐིག་ལེས་བསྐྱེད་པ་བཟློག་པར་དཀའ་བའི་འདོད་ཆགས་ཀྱི་དྲི་མ་བྱང་སེམས་ཀྱི་ ཐིག་ལེ་འཕོ་བ་བཞི་པའི་གནས་སྐབས་ཀྱི་སེམས་ནི། ཡེ་ཤེས་ཀྱི་སྒྲིབ་པ་སྟེ་དེ་དག་རིམ་པ་ལྟར་ ཕུང་པོའི་བདུད་དང་། ཉོན་མོངས་པའི་བདུད་དང་། འཆི་བདག་གི་བདུད་དང་། ལྷའི་བུའི་བདུད་ཡིན་པར་ གསུངས་ལ་དེ་དག་ལས་ཀྱང་སྒྲིབ་པའི་རྩ་བ་ནི། འཛག་བདེ་འཕོ་བའི་བག་ཆགས་བཞི་པའི་གནས་ སྐབས་ཉིད་ཡིན་པར་ཤེས་པར་བྱ་སྟེ། དབང་མདོར་བསྟན་པ་ལས། འཕོ་བ་ལས་ནི་ཆགས་བྲལ་ འགྱུར། །ཆགས་བྲལ་ལ་ཡང་སྡུག་བསྔལ་འབྱུང་། །སྡུག་བསྔལ་སྐྱེས་བུའི་ཁམས་ཟད་བྱེད། །ཟད་པ་ ལས་ནི་འཆི་བར་བརྗོད། །ཤི་ལས་སླར་ཡང་དེ་རྣམས་ཀྱི། །སྲིད་པའོ་སྲིད་ལས་སླར་འཆི་འཕོ། །དེ་ ལྟར་སེམས་ཅན་གྱི་སྲིད་པ། །ཆགས་བྲལ་ལས་བྱུང་གཞན་དུ་མིན། །དེ་ཕྱིར་འབད་པ་ཐམས་ ཅད་ཀྱིས། །འཕོ་བའི་ཆགས་པ་རྣམ་པར་སྤང་། །ཞེས་དང་། དཔལ་ལྡན་རྒྱུད་ལས། དེ་ལྟར་ སེམས་ནི་རྣམ་བཞི་སྲིད་པ་གསུམ་ལ་གནས་པའི་སྲོག་ཆགས་རྣམས་ཀྱི་ཐིག་ལེའི་དབུས་སུ་སྟེ། །རྣལ་འབྱོར་དབང་པོ་རྣམས་ཀྱིས་བདེ་མཉམ་འབྲས་སྟེར་ཁྱབ་བྱེད་དག་ནི་ཐར་པའི་སླད་དུ་བསྲུང་ བར་བྱ། །ཐིག་ལེ་བཏང་ན་རྣལ་འབྱོར་རྣམས་ཀྱི་མཆོག་གི་བདེ་བ་སྐྱེ་བའི་ས་བོན་སོང་ལ་ཐར་པ་ གང་། །དེ་ཕྱིར་འཁོར་བའི་བདེ་བའི་སྐ་ཅིག་འདི་ནི་སྡོམ་བརྩོན་རྣམས་ཀྱིས་ཐམས་ཅད་དུས་སུ་སྤང་ བར་བྱ། །ཞེས་གསུངས་སོ། །སྒྲིབ་པའི་རྩ་བ་ནི་མ་རིག་པ་ཡིན་གྱི་འཕོ་བའི་ཆགས་པ་ཡིན་པར་མི་ རིགས་སོ་སྙམ་ན། དེ་ལ་མ་རིག་པའི་དོན་ནི་སྤྱིར་ཁམས་གསུམ་པའི་མི་ཤེས་པ། ལས་འབྲས་དང་ དེ་ཁོ་ན་ཉིད་ལ་རྨོངས་པའི་ཕྱིན་ཅི་ལོག་གི་བློ་ཡིན་པར་བཤད་ཀྱང་། འདིར་ནི་དྲི་མ་མེད་པའི་འོད་ ལས། མ་རིག་པ་ནི་འདིར་སེམས་ཅན་ཐམས་ཅད་ཀྱི་ཐོག་མ་མེད་པའི་འདོད་ཆགས་ཀྱི་བག་ ཆགས་སོ། །དེ་འདོད་ཆགས་ལ་རབ་ཏུ་འཇུག་སྟེ་འདོད་ཆགས་ཀྱང་འགྱུར་བའོ། །འགྱུར་བ་ལས་ ཆགས་པ་དང་བྲལ་བ་སྟེ། ཆགས་པ་དང་བྲལ་བ་ཞེས་བྱ་བ་ནི་ཞེ་སྡང་ངོ་། །ཞེ་སྡང་གི་བདག་ཉིད་ ནི་བརྒྱལ་བ་སྟེ་བརྒྱལ་བ་ཞེས་བྱ་བ་ནི་གཏི་མུག་གོ། དེ་ལྟར་འདོད་ཆགས་དང་ཞེ་སྡང་དང་གཏི་མུག་གི་བདག་ཉིད་ནི་མ་རིག་པ་སྟེ། ནམ་མཁའི་ མེ་ཏོག་གི་ཕྲེང་བ་ནི་མ་ཡིན་ནོ། །ཞེས་དང་། འཕོ་བའི་བག་ཆགས་འདི་ནི་སེམས་ཅན་རྣམས་ཀྱི་ ཐོག་མ་མེད་པའི་དུས་ནས་གློ་བུར་གྱི་དྲི་མའི་རང་བཞིན་ཏེ་དེས་འཁོར་བའོ། །ཞེས་གསུངས་པས། འཕོ་བའི་ཆགས་པ་ཉིད་འགྱུར་བའི་མ་རིག་པ་ཞེས་བྱ་བ་ཡིན་ནོ། །དེ་ལྟ་བུའི་སྒྲིབ་པ་ཐམས་ཅད་ཀྱི་ རྩ་བ་ཡང་སེམས་ཅན་རྣམས་ཀྱི་རང་རང་གི་ལུས་ལ་སྲོག་དང་ཐུར་སེལ་གྱི་རླུང་རྒྱུ་བ་འདི་ཡིན་ཏེ།

དེ་ཡང་ལུས་ལ་ལྟེ་བའི་སྟེང་དུ་གཡོན་ན་ཟླ་བའི་རྩ་རྐྱང་མའམ་ལ་ལ་ནཱ་དང་། གཡས་ན་ཉི་མའི་རྩ་རོ་ མའམ་ར་ས་ནཱ་དང་། དབུས་ན་སྒྲ་གཅན་གྱི ་རྩ་དབུ་མ་ཨ་བ་དྷཱུ་ཏཱི་སྟེ་གསུམ་གནས་ལ། ལྟེ་བའི་ འོག་ཏུ་གསང་གནས་ཀྱི་བར་དུ་གཡོན་ན་བཤང་བའི་རྩ་དང་གཡས་ན་གཅི་བའི་རྩ་དང་དབུས་སུ་ དུང་ཅན་མ་གསུམ་གནས་ཏེ། ལྟེ་བའི་འཁོར་ལོའི་གནས་སུ་ནི་རྩ་གསུམ་པོ་ཁོག་འབྲེལ་བས་རྣམ་ པར་གནས་ཤིང་། གཡོན་དང་གཡས་ཀྱི་རྩ་ལ་རྒྱུ་བའི་རླུང་དབུ་མར་འཇུག་པ་ནི་ལྟེ་བའི་འཁོར་ལོའི་ དབུས་ནས་འཇུག་གོ། །དེ་ཡང་དབུ་མ་ལ་རྩ་འདབ་གྱེས་པ་མེད་ཅིང་རོ་རྐྱང་གཉིས་ལས་རྩ་འདབ་ གྱེས་པ་ལས་ལྟེ་བའི་འཁོར་ལོ་ལ་རྩ་འདབ་དྲུག་ཅུ་རྩ་བཞི་དང་། སྙིང་ཁའི་འཁོར་ལོ་ལ་རྩ་འདབ་ བརྒྱད་དང་། མགྲིན་པའི་འཁོར་ལོ་ལ་རྩ་འདབ་སུམ་ཅུ་རྩ་གཉིས་དང་། དཔྲལ་བའི་འཁོར་ལོ་ལ་ རྩ་འདབ་བཅུ་དྲུག་དང་། གཙུག་ཏོར་གྱི་འཁོར་ལོ་ལ་རྩ་འདབ་བཞི་དང་། གསང་གནས་ཀྱི་འཁོར་ ལོ་ལ་རྩ་འདབ་སུམ་ཅུ་རྩ་གཉིས་ཡོད་པར་གསུངས་ལ། འདི་རྣམས་ལས་ཀྱང་རྩ་འདབ་ཕྲ་མོ་དུ་མར་ གྱེས་པ་ལས་རྩ་སྟོང་ཕྲག་བདུན་རྩ་གཉིས་སུ་འགྱུར་བར་གསུངས་སོ། །དེ་ལ་ལྟེ་བའི་སྟེང་དུ་སྲོག་གི་ རླུང་དང་འོག་ཏུ་ཐུར་སེལ་གྱི་རླུང་རྒྱུ་ཞིང་། སྤྱིར་ཞག་རེ་ལ་དབུགས་འབྱུང་བ་དང་འཇུག་པ་ཉི་ཁྲི་ ཆིག་སྟོང་དྲུག་བརྒྱ་དང་དུས་སྦྱོར་བཅུ་གཉིས་དང་། དུས་སྦྱོར་རེ་རེ་ལ་དབུགས་སྟོང་བརྒྱད་བརྒྱར་ འགྱུར་ལ། དེ་ཡང་གཡོན་གྱི་རྩ་དང་སྣ་བུག་ནས་དུས་སྦྱོར་དྲུག་དང་། གཡས་ཀྱི་རྩ་དང་སྣ་བུག་ནས་ དུས་སྦྱོར་དྲུག་རྒྱུ་སྟེ། གཡོན་ནས་གཡས་དང་གཡས་ནས་གཡོན་དུ་འཕོ་བ་དུས་སྦྱོར་རེ་རེའི་ འཚམས་སུ་དབུགས་ལྔ་བཅུ་རྩ་དྲུག་བཞི་ཆ་གཅིག་དང་བཅས་པ་དབུ་མའི་ནང་དུ་འབབ་ཅིང་། དབུ་མ་ནས་རྒྱུ་བའི་ཚེ་སྣ་བུག་གཉིས་ལ་མཉམ་དུ་རྒྱུའོ། །དེ་ལྟར་ན་སྒྲིབ་པ་ཟད་པར་བྱེད་པ་ལ་ འཕོ་བ་བཅུ་གཉིས་ཀྱི་རླུང་དབུགས་ཉི་ཁྲི་ཆིག་སྟོང་དྲུག་བརྒྱ་འགག་པར་བྱ་དགོས་ཏེ། དཔལ་ ལྡན་རྒྱུད་ལས། དབུགས་ནི་གཅད་པའི་མཐའ་རུ་རྣམ་གསུམ་བགྲོད་པ་འདི་དང་རྣམ་པ་དྲུག་ཀྱང་ ཡོད་པ་མ་ཡིན་ཏེ། །ཐིག་ལེ་བཀག་པར་གྱུར་ན་ཀུན་ནས་མཆོག་གི་ཁྱབ་བདག་བདེ་བ་མཐའ་ཡས་ དུས་སུ་འཇུག་པར་འགྱུར། །འཁོར་བ་དག་གི་བདེ་བ་སྤངས་ནས་མཆོག་གི་བླ་མའི་ཞལ་ནི་རྣལ་ འབྱོར་པ་ཡིས་བསྒོམ་པར་བྱ། །སྤྱོད་པ་སྒེག་པའི་གཟུགས་དང་མཆོག་ཏུ་འཇིགས་པ་བྱེད་ལ་རྣལ་ འབྱོར་མ་རྣམས་དགྱེས་པ་མ་ཡིན་ནོ། །ཞེས་གསུངས་ཏེ། རྣམ་གསུམ་བགྲོད་པ་ཞེས་པ་ནི་གཡས་ གཡོན་དབུས་ཀྱི་རྩ་གསུམ་ལ་རླུང་རྒྱུ་བ་སྟེ་དེ་མེད་པར་གྱུར་པ་ན། འགྲོ་བ་རྣམ་པ་དྲུག་ཀྱང་ཡོད་ པ་མ་ཡིན་ཞེས་པའི་དོན་ཏོ། །དཔལ་གསང་བ་འདུས་པར་ཡང་། རླུང་ནི་ཐམས་ཅད་འགོག་པར་

ཡང་། །ཡང་དག་རིག་པ་བདག་གིས་བཤད། །ཅེས་དང་། རྣམ་པར་རྟོག་པའི་རླུང་གཉིས་ནི། །དེ་ ནས་རྣམ་པར་བཅད་ནས་འགྲོ། །རྣམ་རྟོག་མེད་པའི་རླུང་ཆེན་པོ། །སྐུ་གསུང་རྡོ་རྗེ་བཅད་ནས་ནི། ། རྣམ་རྟོག་མེད་པའི་བདེ་བ་སྟེ། །སྔགས་ཀྱི་དེ་ཉིད་ཀྱིས་ནི་ཐོབ། །ཅེས་གསུངས་སོ།།

བདེ་བ་ཆེན་པ8འU་skད་ཅིག་མ་rdzོགས་པས་འbrས་bu་ཐོབ་uལ།

གཉིས་པ་བདེ་བ་ཆེན་པོའི་སྐད་ཅིག་མ་རྫོགས་པས་འབྲས་བུ་ཐོབ་པའི་ཚུལ་ནི། དེ་ལྟར་སྒྲིབ་ པ་ཐམས་ཅད་ཀྱི་རྩ་བ་དབུགས་ཉི་ཁྲི་ཆིག་སྟོང་དྲུག་བརྒྱ་རྣམས་སྦྱོར་བ་ཡན་ལག་དྲུག་གི་ལམ་ གྱིས་འགགས་པར་བྱས་པ་འཕོ་བའི་བག་ཆགས་ཟད་པར་བྱེད་ཅིང་ལམ་གྱིས་བསྡུས་པའི་འགྱུར་ མེད་ཀྱི་བདེ་བ་ཆེན་པོའི་སྐ་ཅིག་ཉི་ཁྲི་ཆིག་སྟོང་དྲུག་བརྒྱ་རིམ་གྱིས་རྫོགས་པར་བྱེད་དོ། ། དེ་ཡང་ རླུང་དུས་སྦྱོར་རེ་རེ་འགགས་པས་རྟེན་འབྲེལ་ཡན་ལག་རེ་རེ་འགག་ཅིང་བདེ་བ་ཆེན་པོའི་སྐ་ཅིག་མ་ སྟོང་བརྒྱད་བརྒྱ་བ་རེ་རེ་རྫོགས་པས། ས་བཅུ་གཉིས་ཀྱི་ས་རེ་རེ་འཐོབ་པོ། །བདེ་བ་ཆེན་པོའི་སྐ་ཅིག་ ནི་རྗེས་དྲན་གྱི་སྐབས་ནས་མགོ་རྩོམ་ཏེ་ཏིང་ངེ་འཛིན་གྱི་བར་ལ་རླུང་དུས་སྦྱོར་གཅིག་འགག་ཅིང་ ཏིང་ངེ་འཛིན་གྱི་ཐོག་མ་ནས་མགོ་བརྩམ་ཏེ། རླུང་དུས་སྦྱོར་གཅིག་འགག་པས་གསང་གནས་ཀྱི་ འཁོར་ལོའི་ཕྱེད་དུ་རྗེས་དྲན་ཟུང་འཇུག་ཏིང་ངེ་འཛིན་གྱི་ཐོག་མ་ནས་མགོ་བརྩམས་ཏེ། གསང་ གནས་ཀྱི་འཁོར་ལོའི་ཕྱེད་དུ་རླུང་དུས་སྦྱོར་གཅིག་འགག་ཅིང་བདེ་བ་ཆེན་པོའི་སྐ་ཅིག་མ་སྟོང་བརྒྱད་ བརྒྱ་རྫོགས་ནས་ས་དང་པོ་འཐོབ་པར་འགྱུར་ལ། གསང་གནས་ཀྱི་འཁོར་ལོའི་རླུང་དུས་སྦྱོར་ གཉིས་འགགས་ཤིང་། བདེ་བའི་སྐ་ཅིག་མ་སྟོང་བརྒྱད་བརྒྱ་བ་གཉིས་རྫོགས་པས་ས་གཉིས་པ་ འཐོབ་སྟེ། དེ་ལྟ་བུའི་ཚུལ་གྱིས་ལྟེ་བར་ས་བཞི་པ་དང་། སྙིང་ཁར་དྲུག་པ་དང་། མགྲིན་པར་བརྒྱད་ པ་དང་། དཔྲལ་བར་བཅུ་པ་དང་། གཙུག་ཏོར་དུ་དབུགས་ཐམས་ཅད་འགགས་ཤིང་བདེ་བའི་སྐ་ ཅིག་མ་ཐམས་ཅད་རྫོགས་ཏེ་ཏིང་ངེ་འཛིན་གྱི་ཡན་ལག་མཐར་ཕྱིན་ནས་ས་བཅུ་གཉིས་པ་ཐོབ་པར་ གསུངས་སོ། །འདིར་ས་བཅུ་གཉིས་ཀྱི་མིང་ནི། ཀུན་ཏུ་འོད་ཉི་མའི་དཀྱིལ་འཁོར་ཆེན་པོ་མཛེས་ པའི་ས་དང་། བདུད་རྩིའི་འོད་ཟླ་བ་ཆེན་པོ་འོད་གསལ་བའི་ས་དང་། ནམ་མཁའི་འོད་ནམ་མཁའ་

ལྟར་རབ་ཏུ་གནས་པའི་ས་དང་། རྡོ་རྗེའི་འོད་ཡིད་དགའ་བའི་ས་དང་། རིན་ཆེན་འོད་མངོན་པར་ དབང་བསྐུར་བ་ལ་གནས་པའི་ས་དང་། པདྨའི་འོད་རང་བཞིན་གྱིས་དག་པའི་ཆོས་དྲི་མ་མེད་པ་ ཡོངས་སུ་འཛིན་པའི་ས་དང་། སངས་རྒྱས་ཀྱི་ལས་བྱེད་པའི་ས་དང་། དཔེ་མེད་པའི་ས་དང་། དཔེ་ ཐམས་ཅད་ཀྱི་དཔེ་རབ་ཏུ་རྟོགས་པར་བྱེད་པའི་ས་དང་། ཤེས་རབ་ཀྱི་འོད་བླ་ན་མེད་པའི་ས་དང་། ཐམས་ཅད་མཁྱེན་པ་ཉིད་འོད་གསལ་བ་ཆེན་པོའི་ས་དང་། སོ་སོའི་བདག་ཉིད་རིག་པ་རྣལ་འབྱོར་ པའི་ཡེ་ཤེས་ཡོངས་སུ་རྫོགས་པར་བྱེད་པའི་སའོ། །ཞེས་གསུངས་ཤིང་དེ་རྣམས་ལ་གནས་དང་ཉེ་ བའི་གནས། ཞིང་དང་ཉེ་བའི་ཞིང་། ཚན་དོ་ཧ་དང་ཉེ་བའི་ཚན་དོ་ཧ། འདུས་པ་དང་ཉེ་བའི་འདུས་པ། དུར་ཁྲོད་དང་ཉེ་བའི་དུར་ཁྲོད། འཐུང་གཅོད་དང་ཉེ་བའི་འཐུང་གཅོད་ཅེས་བྱ་སྟེ། མཆོག་གི་དང་ པོའི་སངས་རྒྱས་ལས། ཡན་ལག་བཅུ་གཉིས་འགགས་པ་ཡིས། །དུས་སྦྱོར་རྣམས་ནི་མི་འབབ་ ཕྱིར། །ས་རྣམས་བཅུ་གཉིས་ཞེས་གྲགས་པ། །གནས་ལ་སོགས་པ་དོན་དམ་མོ། །ཞེས་གསུངས་ ཤིང་དཔལ་ཀྱེའི་རྡོ་རྗེའི་རྩ་རྒྱུད་འབུམ་ཕྲག་ལྔ་པ་ལས། འགྱུར་བའི་མ་རིག་འགོག་པ་ཡིས། །འདུ་ བྱེད་ངེས་པར་འགག་པའོ། །ཞེས་པ་ནས། སྐྱེ་བ་འགོག་པ་ཡིས་ཀྱང་ནི། །རྒ་ཤི་ངེས་པར་འགོག་ པའོ། །ཕུང་པོ་ཁམས་རྣམས་ངེས་འགོག་པས། །དེ་ཉིད་ཉེ་བར་ཞི་བར་བཤད། །དེ་ལྟར་ལུས་ནི་ འགོག་པ་ཡིས། །སྲོག་རླུང་ཡང་ནི་འགོག་པའོ། །སྲོག་རླུང་ངེས་པར་འགོག་པ་ཡིས། །བྱང་ཆུབ་ སེམས་ནི་འགོག་པའོ། ། བྱང་ཆུབ་སེམས་ནི་འགོག་པ་ཡིས། །འཛག་པ་ངེས་པར་འགོག་པའོ། ། འཛག་པའི་སྐ་ཅིག་འགོག་པ་ཡིས། །རྣལ་འབྱོར་པ་ཀུན་སངས་རྒྱས་ཉིད། །ཅེས་གསུངས་སོ།།

yག་rgy་ཆེན་པ8འ་U དངོས་gruབ་ཐོབ་duས་kyི་ངེས་པ་བstན་པ།

གསུམ་པ་འབྲས་བུ་ཕྱག་རྒྱ་ཆེན་པོའི་དངོས་གྲུབ་ཐོབ་པའི་དུས་ཀྱི་ངེས་པ་བསྟན་པ་ནི། སྦྱོར་བ་ ཡན་ལག་དྲུག་གི་འབྲས་བུ་ས་བཅུ་གཉིས་པོ་དེ་དག་དུས་ཇི་ཙམ་ན་ཡོངས་སུ་རྫོགས་ཤིང་ཐོབ་པར་ འགྱུར་ན། རྣལ་འབྱོར་པ་བརྩོན་པ་ཆེན་པོ་དང་ལྡན་པས་ནི། མིའི་སྐྱེ་བ་གཅིག་ཉིད་ལ་ཐོབ་ཅིང་། བརྩོན་པ་དང་མི་ལྡན་དུ་ཟིན་ཡང་ལམ་རྣམ་པར་དག་པ་འདིའི་ཉམས་སུ་མྱོང་བ་རྒྱུད་ལ་སྐྱེས་ཤིང་

ལེགས་པར་ངོ་འཕྲོད་ནས་མི་དགེ་བ་བཅུ་དང་བྲལ་ན། མིའི་སྐྱེ་བདུན་ལས་མི་འདའ་བར་ཕྱག་རྒྱ་ ཆེན་པོའི་དངོས་གྲུབ་ངེས་པར་འཐོབ་པར་ཡིད་ཆེས་པར་བྱ་སྟེ། དཔལ་ལྡན་རྒྱུད་ལས། རྣལ་འབྱོར་ དབང་པོ་རྣལ་འབྱོར་མ་ཐོབ་རབ་ཏུ་གཡོ་བའི་ཡིད་ཀྱིས་གལ་ཏེ་ཤི་བར་གྱུར་པ་ན། །དཔལ་ལྡན་མི་ ཡི་འཇིག་རྟེན་དུ་ནི་རབ་མཆོག་ཐུབ་པའི་རིགས་སུ་རྣལ་འབྱོར་ལྡན་པར་སྐྱེ་བར་འགྱུར། །སྔོན་གྱི་ གོམས་པ་དེ་ཡིས་སླར་ཡང་ཡེ་ཤེས་རྣལ་འབྱོར་ཡངས་པ་དག་ནི་ཀུན་ཏུ་འཛིན་པར་འགྱུར། །ཡེ་ཤེས་ ཐོབ་ནས་མི་ཟད་མཆོག་གི་གནས་སུ་རབ་འགྲོ་སླར་ཡང་གང་དུའང་སྐྱེ་བ་ལྡན་པ་མིན། །ཞེས་དང་། རྫུ་འཕྲུལ་ཀུན་མཁྱེན་པ་དང་སྲིད་གསུམ་བླ་མ་ཉིད་ནི་རྣལ་འབྱོར་རྣམས་ཀྱིས་སྐྱེ་བ་འདི་ལ་སྟེ། །གལ་ ཏེ་ལམ་དུ་རབ་ཞུགས་ཤི་བར་གྱུར་ན་དེ་ཚེ་དེ་ཡི་འཛིན་པས་སྐྱེ་བ་གཞན་ལའོ། །ཞེས་གསུངས་ཤིང་ དེའི་འགྲེལ་པར། རྫུ་འཕྲུལ་དང་ཀུན་མཁྱེན་གྱི་ས་བཅུ་གཉིས་འཆད་པར་འགྱུར་བ་རྣམས་དང་། སྲིད་གསུམ་བླ་མ་ཉིད་ཅེས་པ་ཐམས་ཅད་མཁྱེན་པ་ཉིད་དང་། རྣམ་པ་ཐམས་ཅད་མཁྱེན་པ་ཉིད་ དང་། ལམ་མཁྱེན་པ་ཉིད་དང་། ལམ་གྱི་རྣམ་པ་ཐམས་ཅད་མཁྱེན་པ་ཉིད་ལ་སོགས་པའི་འབྱོར་ པ་ནི། རྣལ་འབྱོར་པ་བརྩོན་འགྲུས་དང་ལྡན་པ་རྣམས་ཀྱིས་སྐྱེ་བ་འདི་ལ་སྟེར་བར་བྱེད་དོ། །ཅི་སྟེ་ གང་གི་ཚེ་ལམ་དུ་རབ་ཏུ་ཞུགས་པར་གྱུར་པ་རྣལ་འབྱོར་མ་ཐོབ་པར་ཤི་བར་གྱུར་ན། དེའི་ཚེ་དེའི་ འཛིན་པ་སྟེ་བག་ཆགས་ཀྱི་སྟོབས་ཀྱིས་སླར་ཡང་མིའི་སྐྱེ་བ་གཞན་ལ་ཐམས་ཅད་ཐོབ་པར་འགྱུར་ཏེ། བརྩོན་འགྲུས་དང་མི་ལྡན་པར་གྱུར་ཅིང་ཡེ་ཤེས་མ་བསྒོམས་ཀྱང་སྐྱེ་བ་བདུན་གྱི་མཐར་ཐུག་པའོ་ཞེས་པ་ངེས་ པའོ། །ཞེས་གསུངས་སོ། །(མིའི་སྐྱེ་བ་གཅིག་པོའི་ནང་ནས་ཀྱང་སྐལ་བ་མཆོག་ཏུ་གྱུར་པའི་རྣལ་འབྱོར་པས་ལོ་བདུན་དང་ཟླ་ བ་གསུམ་ན་འགྲུབ་སྟེ། དྲི་མེད་འོད་དུ། སྟོང་གཟུགས་མ་རྟགས་པ་ལོ་ཕྱེད་དམ་ལོ་གཅིག་བླ་མའི་ངེས་པའི་དབང་གིས་སོར་སྡུད་ བསམ་གཏན་སོགས་སྲོག་རྩོལ་འཛིན་པ་བཞིས་རང་སེམས་བརྟན་པར་གྱུར་པ་དེ་ནས་ཕྱག་རྒྱའི་སྦྱོར་བས་ལོ་གསུམ་དང་ཕྱོགས་གསུམ་ གྱིས་སེམས་འགྱུར་བ་མེད་པར་འགྱུར། ཞེས་དང་། ཏིང་ངེ་འཛིན་གྱི་དག་པ་ལོ་གསུམ་དང་ཕྱོགས་གསུམ་གྱིས་ཉིན་ཞག་རྣམས་ཀྱིས་ ཡེ་ཤེས་སྐུ་འགྲུབ་པར་འགྱུར་ཞེས་པ་དབང་བཅུ་ལ་སོགས་པ་ཐོབ་པའི་བྱང་ཆུབ་སེམས་དཔར་འགྱུར་རོ་ཞེས་སོ། །འདི་དཔེ་ལ་ལ་ན་ དཀྱུས་ལ་འདུག)

འbrས་bu་yག་rgy་ཆེན་པ8འU་དངོས་gruབ་kyི་ང8་བ8་ང:ས་བzuང་བ།

བཞི་པ་ཐོབ་པའི་འབྲས་བུ་ཕྱག་རྒྱ་ཆེན་པོའི་དངོས་གྲུབ་ཀྱི་ངོ་བོ་ངོས་བཟུང་པ་ནི། དཔལ་ ལྡན་རྒྱུད་ལས། ཁྲོ་བོ་སངས་རྒྱས་ལྷ་མོ་དང་བཅས་ངེས་པར་རོ་ཡི་རྡོ་རྗེ་རྣམས་དང་ས་ཡི་སྙིང་པོ་ སོགས། །རབ་ཏུ་དགའ་བའི་ཐུགས་རྣམས་རྣལ་འབྱོར་པ་ལ་གྲུབ་པའི་དུས་སུ་ནམ་མཁའ་ལ་ནི་མངོན་ སུམ་འགྱུར། །དེ་ཡི་འདོད་པའི་དངོས་གྲུབ་རི་བོང་ཅན་གྱི་ཞག་གི་ཐོ་རངས་དང་ནི་མཚན་མོ་ཕྱེད་ལ་ འགྱུར། །རིན་པོ་ཆེའམ་མེ་ཏོག་ཆར་ནི་མཆོག་གྱུར་དུས་ཀྱི་སྦྱོར་བས་ས་ཡི་སྟེང་དུ་འབབ་པར་ འགྱུར། །ལུས་ནི་དྭངས་ཤིང་རྡུལ་ཕྲན་ཉམས་པ་ནམ་མཁའ་དང་མཚུངས་མཚན་ལ་སོགས་པ་རྣམས་ ཀྱིས་རབ་རྫོགས་འགྱུར། །སྣ་ཚོགས་འཇིག་རྟེན་གསུམ་པོ་ཉིད་ནི་དང་ཞིང་སྒྲིབ་པ་རྣམ་པར་བྲལ་བ་རྨི་ ལམ་བཞིན་དུ་སྣང་། །སྐད་ནི་ཀུན་ནས་ཆད་པ་མེད་ཅིང་དུ་མའི་སྐད་གཞན་དག་གིས་གཞན་གྱི་ སྙིང་ལ་འཇུག་པ་སྟེ། །སེམས་ནི་དམ་པའི་བདེ་བས་གང་ཞིང་མི་གཡོ་ཐམས་ཅད་དུས་སུ་ལྷན་ཅིག་ སྐྱེས་པས་འཁྱུད་པའོ། །ཞེས་གསུངས་ཏེ། རྣལ་འབྱོར་པས་ཕྱག་རྒྱ་ཆེན་པོའི་དངོས་གྲུབ་ཐོབ་པའི་ དུས་ནི་སྔོན་བཅོམ་ལྡན་འདས་ས་གའི་ཟླ་བའི་ཉའི་སྐྱ་རེངས་འཆར་ཁའི་ཚེ་མངོན་པར་རྫོགས་ པར་སངས་རྒྱས་པ་བཞིན་དུ། རི་བོང་ཅན་ཉ་གང་བའི་ཞག་གི་ཐོ་རངས་ཀྱི་ཆའམ་མཚན་ཕྱེད་ཀྱི་ དུས་སུ་ཕྱག་རྒྱ་ཆེན་པོའི་དངོས་གྲུབ་འཐོབ་ལ། ཐོབ་པའི་རྟགས་ནི་རྟག་ཏུ་ནམ་མཁའ་གང་བར་ བཞུགས་པའི་སངས་རྒྱས་སྲས་དང་བཙུན་མོར་བཅས་པའི་ཚོགས་ཐམས་ཅད་མངོན་སུམ་དུ་ མཐོང་ཞིང་རིན་པོ་ཆེ་དང་། གུར་གུམ་དང་མེ་ཏོག་གི་ཆར་ལ་སོགས་པའི་སྟེང་དུ་འབབ་པར་འགྱུར་ བ་དང་། རྣལ་འབྱོར་པ་དེའི་སྐུ་ནི་དོན་དམ་པའི་མཚན་དང་དཔེ་བྱད་མཐའ་ཡས་པས་བརྒྱན་པ། རྡུལ་མེད་རྡུལ་བྲལ་དྲི་མ་མེད་པ་ནམ་མཁའ་ལྟར་ཀུན་ཏུ་ཁྱབ་པ་སྒྲིབ་པ་དང་བྲལ་ཞིང་། རྨི་ལམ་ གྱི་སྣང་བ་དང་མཚུངས་པ་སྲིད་པ་གསུམ་ཀུན་ནས་དང་བའི་རྣམ་པར་འགྱུར་ལ། གསུང་ནི་སེམས་ ཅན་ཐམས་ཅད་ཀྱི་སྐད་ཀྱི་རྣམ་པ་ཅན་གཞོམ་མེད་ཀྱི་སྒྲ་རྒྱུན་མི་འཆད་པ་སེམས་ཅན་ཐམས་ཅད་ཀྱི་སྙིང་ ལ་རྟག་ཏུ་བཞུགས་པའི་ངོ་བོ་ཉིད་དུ་འགྱུར་ཞིང་། ཐུགས་ནི་དུས་ཐམས་ཅད་དུ་ལྷན་ཅིག་སྐྱེས་པའི་བདེ་ བ་ཆེན་པོས། དབྱེར་མེད་པར་འཁྱུད་ཅིང་གཡོ་བ་མེད་པ་སྐ་ཅིག་ལས་འདས་པའི་ངོ་བོ་ཉིད་དུ་ འགྱུར་ཏེ། དེ་ལྟ་བུའི་ངོ་བོ་རྣལ་འབྱོར་པ་བདག་ཉིད་ལ་གདོད་མ་ནས་དེ་བཞིན་གཤེགས་པའི་སྙིང་ པོའི་ཚུལ་དུ་བཞུགས་པ་དེ་མངོན་དུ་གྱུར་པ་ཡིན་པར་ཤེས་པར་བྱ་སྟེ། དེའི་ཚེ་ས་བཅུ་གཉིས་ཀྱི་དབང་ ཕྱུག་བཅོམ་ལྡན་འདས་དཔལ་དུས་ཀྱི་འཁོར་ལོའི་གོ་འཕང་ཐོབ་པ་ཞེས་བྱ་བ་ཡིན་ནོ། །དེ་ལ་

དཔལ་དུས་ཀྱི་འཁོར་ལོའི་གོ་འཕང་ནི། དཔལ་ལྡན་རྒྱུད་ལས། དུ་བ་ལ་སོགས་ལམ་གྱིས་ལྷན་ ཅིག་སྐྱེས་པའི་བདེ་བའི་གོ་འཕང་བསྒོམ་ན་དེ་ནི་འདིར། །འགྲོ་བའི་བླ་མ་སུམ་ཅུ་རྩ་གཉིས་མཚན་ ལྡན་སྐུ་འདི་ཆོས་ཀྱི་འཁོར་ལོར་ཡང་དག་གནས། །ལྷ་རྣམས་མགོ་ཡི་གཙུག་གི་ནོར་བུའི་འོད་ཟེར་ ཚོགས་ཀྱི་ཞབས་ཀྱི་པདྨ་ལ་གཏུགས་ཤིང་། །དམ་པའི་ལམ་ནི་སྟོན་མཛད་ཉིན་ཕྱེད་བཞིན་དུ་མུན་ པ་ཀུན་འཇོམས་དུས་ཀྱི་འཁོར་ལོར་འགྱུར། །ཞེས་གསུངས་ལ། དེ་ཡང་སྔར་བསྟན་པའི་རྡོ་རྗེའི་ རྣལ་འབྱོར་རྣམ་པ་བཞི་དང་སྐུ་བཞིའི་བདག་ཉིད་དོ། །དེ་ལ་སྤྱིར་སྐུ་ཡི་རབ་ཏུ་དབྱེ་བ་ནི། འཕགས་ པ་འཇམ་དཔལ་གྱི་རང་གི་ལྟ་བའི་འདོད་པ་མདོར་བསྟན་པར། སངས་རྒྱས་ཤཱཀྱ་སེང་གེ་ཡིས། ། སེམས་ཅན་བསམ་པའི་དབང་དག་གིས། །སྐུ་ནི་གཅིག་གཉིས་གསུམ་དང་ནི། །བཞི་དང་ལྔ་རུ་ གསུངས་པ་སྟེ། །སངས་རྒྱས་ཐོག་མ་ཐ་མ་མེད། །དང་པོའི་སངས་རྒྱས་རིས་མེད་པ། །ཡེ་ཤེས་མིག་ གཅིག་དྲི་མ་མེད། །དེ་བཞིན་གཤེགས་པ་ཡེ་ཤེས་སྐུ། །ཇི་ལྟར་གཟུགས་ཀྱི་སྐུ་དང་ནི། །དེ་ལྟར་ སངས་རྒྱས་ཆོས་སྐུ་སྟེ། །སེམས་ཅན་བསམ་པའི་དབང་གི་ཕྱིར། །བསྟན་བཅོས་སྐྱབས་གནས་གསུམ་པོས་ གསུངས། །ཐུགས་གསུང་སྐུ་ཡི་དབྱེ་བ་ཡིས། །སྐུ་གསུམ་དུ་ནི་རབ་ཏུ་བསྒྲགས། །ཆོས་དང་ ལོངས་སྤྱོད་སྤྲུལ་པ་རྣམས། །སྔགས་ཀྱི་ཚུལ་ལ་མི་ཡིས་སྒྲུབ། །ངོ་བོ་ཉིད་ལོངས་རྫོགས་བཅས་ དང་། །དེ་བཞིན་གཞན་པ་སྤྲུལ་པ་དང་། །ཆོས་སྐུ་མཛད་པར་བཅས་པ་སྟེ། །རྣམ་པ་བཞིར་ནི་ཡང་ དག་བཤད། །སངས་རྒྱས་སྐུ་ལྔའི་བདག་ཉིད་ཅན། །ཁྱབ་བདག་ཡེ་ཤེས་ལྔ་ཡི་བདག །སངས་ རྒྱས་མངའ་བདག་ཅོད་པན་ཅན། །སྤྱན་ལྔ་ཆགས་པ་མེད་པ་འཆང་། །གཟུགས་ཀྱི་ཕུང་པོ་མཐའ་ ཡས་པ། །བདག་གི་སྤྲུལ་བའི་སྐུ་མཆོག་གོ། །སྒྲ་ཡི་ཕུང་པོ་མཐའ་ཡས་པ། །བདག་གི་ལོངས་ སྤྱོད་རྫོགས་སྐུ་མཆོག །ཆོས་ཀྱི་ཕུང་པོ་མཐའ་ཡས་པ། །བདག་གི་ཆོས་ཀྱི་སྐུ་རབ་བསྒྲགས། །ཡེ་ ཤེས་ཕུང་པོ་མཐའ་ཡས་པ། །བདག་གི་ཡེ་ཤེས་སྐུ་རབ་བསྒྲགས། །བདེ་བའི་ཕུང་པོ་མཐའ་ཡས་པ། ། བདག་གི་བདེ་སྐུ་འགྱུར་མེད་མཆོག །བསྡུས་པ་ཕུང་པོ་དེ་བཞིན་སྐུ། །ཡང་དག་བསགས་པར་ ཡོངས་སུ་བསྒྲགས། །ཞེས་གསུངས་ཏེ། གཟུགས་ཀྱི་ཕུང་པོ་ནི་རྣམས་པ་ཐམས་ཅད་པའི་སྟོང་ གཟུགས་དང་། སྒྲའི་ཕུང་པོ་ནི་གཞོམ་དུ་མེད་པའི་སྒྲ་སྙན་དང་། ཆོས་ཀྱི་ཕུང་པོ་ནི་སྟོབས་བཅུ་དང་ མི་འཇིགས་པ་བཞི་དང་། མ་འདྲེས་པའི་ཆོས་བཅོ་བརྒྱད་ལ་སོགས་པ་ཡིན་ལ། ཡེ་ཤེས་ཀྱི་ཕུང་པོ་ ནི་འཇིག་རྟེན་ལས་འདས་པའི་གཟུགས་ཀྱི་ཕུང་པོ་མེ་ལོང་ལྟ་བུའི་ཡེ་ཤེས་དང་། ཚོར་བའི་ཕུང་པོ་ མཉམ་པ་ཉིད་ཀྱི་ཡེ་ཤེས་དང་། འདུ་ཤེས་ཀྱི་ཕུང་པོ་སོ་སོར་ཀུན་ཏུ་རྟོག་པའི་ཡེ་ཤེས་དང་། འདུ་

བྱེད་ཀྱི་ཕུང་པོ་བྱ་བ་གྲུབ་པའི་ཡེ་ཤེས་དང་། རྣམ་པར་ཤེས་པའི་ཕུང་པོ་ཆོས་ཀྱི་དབྱིངས་ཤིན་ཏུ་ རྣམ་པར་དག་པའི་ཡེ་ཤེས་ཏེ། ཡེ་ཤེས་ལྔ་ལ་སོགས་པའོ། །དེ་ལྟ་བུའི་གཟུགས་ལ་སོགས་པ་ ཡང་། དཔལ་ལྡན་རྒྱུད་ལས། གང་དུ་ངེས་པར་རིགས་ཀྱི་གཟུགས་ནི་ཉམས་པ་ཉིད་དུ་གྱུར་པ་དེ་ནི་ ཆེན་པོའི་གཟུགས་སུ་གསུངས། །གང་དུ་འཁོར་བའི་སྡུག་བསྔལ་ཉམས་པ་ཉིད་དུ་གྱུར་པ་དེ་ནི་ཚོར་ བ་ཆེན་པོར་གསུངས་པ་སྟེ། །གང་དུ་འཁོར་བའི་འདུ་ཤེས་ཉམས་པ་ཉིད་དུ་གྱུར་པ་དེ་ནི་རྡོ་རྗེའི་འདུ་ ཤེས་ཆེན་པོའོ། །གང་དུ་འཁོར་བའི་འཕེལ་བ་ཉམས་པ་ཉིད་དུ་གྱུར་པ་དེ་ནི་རྡོ་རྗེའི་འདུ་བྱེད་ཁོ་ནའོ། ། གང་དུ་གཉིད་ལ་སོགས་པའི་གནས་སྐབས་ཉམས་པ་ཉིད་དུ་གྱུར་པ་དེ་ཡང་རྣམ་པར་ཤེས་པར་ གསུངས། །གང་དུ་ཤེས་པ་མིན་པའི་དངོས་པོ་ཉམས་པ་ཉིད་དུ་གྱུར་པ་དེ་ནི་ཐུབ་པའི་ཡེ་ཤེས་ཉིད། །འདི་རྣམས་རྣམ་པར་སྣང་མཛད་ལ་སོགས་དམ་པའི་རྒྱལ་བ་མཆོག་ནི་རྣམ་པ་དྲུག་སྟེ་རིགས་ དྲུག་རྣམས། །གཞན་ནི་ཁམས་དྲུག་དབྱེ་བ་རྣམས་ཏེ་ས་དང་ཆུ་དང་མེ་དང་རླུང་དང་ནམ་མཁའ་ཞི་ བ་རྣམས། །ཞེས་གསུངས་པ་ལྟར་རོ། །བདེ་བའི་ཕུང་པོ་ནི། བདེ་མཆོག་ཉུང་ངུའི་རྒྱུད་ལས། ལྷ་དང་མི་ ཡི་བདེ་བ་ནི། །བསྡུས་བྱས་རྡོ་རྗེ་འཛིན་པ་ཡི། །བཅུ་དྲུག་ཆར་ཡང་མི་ཕོད་དོ། །ཞེས་གསུངས་པ་ལྟར་ རོ། །ཕ་རོལ་ཏུ་ཕྱིན་པའི་ཐེག་པ་ལས་ནི། རྒྱུད་བླར། བདག་ཉིད་ཀྱི་ནི་འབྱོར་པའི་གནས། །དམ་པའི་ དོན་གྱི་སྐུ་ཡིན་ཏེ། །དྲང་སྲོང་རྣམས་ཀྱི་བརྡ་ཡི་སྐུ། །ཕ་རོལ་ཕུན་སུམ་ཚོགས་པའི་གནས། །ཞེས་ དང་། འཕགས་པ་ཀླུ་སྒྲུབ་ཀྱིས། སངས་རྒྱས་རྣམས་ཀྱི་གཟུགས་སྐུ་འདིར། །བསོད་ནམས་ཚོགས་ ལས་འཁྲུངས་པ་སྟེ། །ཆོས་ཀྱི་སྐུ་ནི་མདོར་བསྡུ་ན། །རྒྱལ་པོ་ཡེ་ཤེས་ཚོགས་ལས་འཁྲུངས། ། ཞེས་ གསུངས་པ་ལྟར། རང་དོན་ཕུན་སུམ་ཚོགས་པ་ནི་དོན་དམ་པ་ཆོས་ཀྱི་སྐུ་དང་། གཞན་དོན་ཕུན་ སུམ་ཚོགས་པ་ཀུན་རྫོབ་གཟུགས་ཀྱི་སྐུ་སྟེ་སྐུ་གཉིས་དང་། མདོ་སྡེ་རྒྱན་ལས། སངས་རྒྱས་རྣམས་ ཀྱི་སྐུ་དབྱེ་བ། །རང་བཞིན་ལོངས་སྤྱོད་རྫོགས་པ་དང་། །གཞན་ནི་སྤྲུལ་བའི་སྐུ་ཡིན་ཏེ། །དང་པོ་ གཉིས་པའི་རྟེན་ཡིན་ནོ། །ཞེས་གསུངས་པ་ལྟར། སྐུ་གསུམ་དང་དབྱེ་བ་གཉིས་འབྱུང་ངོ་། །དེ་ལྟ་བུའི་ སྐུ་དང་ཡེ་ཤེས་ཀྱིས་སེམས་ཅན་གྱི་དོན་མཛད་པའི་ཚུལ་ནི། དཔལ་ལྡན་རྒྱུད་ལས། དཔལ་ལྡན་ ཟླ་བ་དང་ནི་ཟླ་བ་ཆུ་ཤེལ་རྣམ་རྟོག་མེད་པའི་རང་བཞིན་ལས་ནི་ཆུ་འབྱུང་བ། །དེ་བཞིན་འཇིག་རྟེན་དུ་ནི་ རྒྱལ་བའི་བདག་པོའི་ཕུང་པོ་ལ་བརྟེན་ཐམས་ཅད་མཁྱེན་པའི་ཆོས་འཛག་སྟེ། །ཆུ་ནི་ས་བོན་ ཁམས་ལ་ཀུན་ཏུ་བརྟེན་ནས་རོ་མཉམ་འགྱུར་བ་ཇི་བཞིན་ཉིད་དུ་ཆོས་དག་ནི། །སེམས་ཅན་ རྣམས་ཀྱི་དག་པའི་སེམས་ཀྱིས་རྣམ་པ་མང་པོར་འགྱུར་ཏེ་སྔོན་གྱི་ལས་ཀྱི་མཐུ་ལས་སོ། །ཞེས་

གསུངས་ཏེ། ཟླ་བའི་འོད་དང་ཟླ་བ་ཆུ་ཤེལ་དང་ཕྲད་པ་ལས་ཆུ་འབྱུང་པ་བཞིན་དུ་སངས་རྒྱས་ལ་ ཀུན་སློང་གི་རྟོག་པ་གང་ཡང་མི་མངའ་བཞིན་དུ་ཆོས་སྟོན་པར་མཛད་དེ། དཔེར་ན་ཆུའི་དངོས་པོ་ འདི་ས་བོན་སྣ་ཚོགས་དང་ཕྲད་ཅིང་འདྲེས་པ་ལས་མྱུ་གུ་སྣ་ཚོགས་པ་འབྱུང་པ་བཞིན་དུ་སངས་རྒྱས་ཀྱི་ ཆོས་ཀྱང་གདུལ་བྱ་སྣ་ཚོགས་ཀྱི་སྔོན་གྱི་ལས་ཀྱིས་བསྐྱེད་པའི་མོས་པའི་དབང་གིས་ཐེག་པའི་རྣམ་པ་ མང་པོར་འགྱུར་རོ་ཞེས་པའི་དོན་ནོ། །དེ་བཞིན་དུ་གསང་བ་བསམ་གྱིས་མི་ཁྱབ་པའི་མདོར་ཡང་། འཁྲུལ་འཁོར་ལས་བྱུང་སིལ་སྙན་ནི། །རླུང་གིས་བསྐྱོད་ན་སྒྲ་འབྱུང་བ། །དེ་ལ་འཁྲོལ་བྱེད་མེད་མོད་ ཀྱི། །འོན་ཀྱང་སྒྲ་དག་འབྱུང་འགྱུར་བ། །དེ་བཞིན་ལེགས་པར་སྔར་སྦྱངས་ཕྱིར། །སེམས་ཅན་ བསམ་པས་བསྐུལ་བས་ནི། །འོན་ཀྱང་སྒྲ་དག་འབྱུང་མོད་ཀྱི། །འདི་ལ་རྟོག་པ་ཡོངས་མི་མངའ། ། ཞེས་དང་རྒྱུད་བླ་མར་ཡང་། དེ་བཞིན་ཁྱབ་བདག་འབད་སོགས་དང་། །བྲལ་ཡང་འགྲོ་བ་མ་ལུས་པ། ། སངས་རྒྱས་གསུང་གིས་ཁྱབ་མཛད་དེ། སྐལ་ལྡན་རྣམས་ལ་ཆོས་སྟོན་ཏོ། །ཞེས་གསུངས་སོ། ། གཞན་ཡང་སངས་རྒྱས་ཀྱི་མཛད་པ་འཕྲིན་ལས་ཀྱི་ཚུལ་བརྗོད་ན་དཔག་ཏུ་མེད་མོད་ཀྱི། བསྡུ་ན་ལྷུན་ གྱིས་གྲུབ་པ་དང་། རྒྱུན་མི་འཆད་པ་གཉིས་སུ་འགྱུར་ཏེ། རྒྱུད་བླ་མ་ལས། གདུལ་བྱའི་ཁམས་ དང་གདུལ་བའི་ཐབས་དང་ནི། །གདུལ་བྱའི་ཁམས་ཀྱི་གདུལ་བའི་བྱ་བ་དང་། །དེ་ཡི་ཡུལ་དང་ དུས་སུ་གཤེགས་པ་ལ། །ཁྱབ་བདག་རྟག་ཏུ་ལྷུན་གྱིས་གྲུབ་པར་འཇུག། ཅེས་དང་། གཞན་གྱི་དབང་ གིས་ངེས་འབྱུང་དང་། །བདག་དང་སེམས་ཅན་མཚུངས་གཟིགས་དང་། །མཛད་པ་ཡོངས་སུ་མ་ རྫོགས་ཕྱིར། །འཁོར་བ་སྲིད་དུ་མཛད་མི་འཆད། །ཅེས་གསུངས་པ་བཞིན་ནོ།།

༤༽བཀའ་rgy་བཞིས་rgyས་བཏབ་ཅིང་bl་མ་རིམ་པར་བrgyuད་uལ།

བཞི་པ་བཀའ་རྒྱ་བཞི་ཡིས་རྒྱས་གདབ་ཅིང་བླ་མ་རིམ་པར་བརྒྱུད་པའི་ཚུལ་ལ་གཉིས་ལས།

གསང་བའི་བཀའ་rgyས་གདབ་པ།

དང་པོ་གསང་བའི་བཀའ་རྒྱས་གདབ་པ་ནི། ཆོས་རྗེ་ཀུན་སྤངས་ཆེན་པོའི་ཞལ་སྔ་ནས། ཐོག་ མར་དགེ་བའི་ཁྲིད་རིམ་གྱི་མཇུག་ཏུ། སྐབས་འདིར་བཀའ་རྒྱ་བཞི་ཡིས་རྒྱས་གདབ་པར་བྱའོ། །ཞེས་ གསུངས་པས་ཐུན་མོང་མ་ཡིན་པའི་སྔོན་འགྲོ་དབེན་པ་གསུམ་བསྟེན་པ་དང་། ལུས་གནད་ལྟ་ སྟངས་སེམས་ཀྱི་འཇོག་ཚུལ་དང་། ཉམས་སུ་མྱོང་བའི་འོད་གསལ་གྱི་སྣང་བ་འཆར་ཚུལ་དང་། ངོ་སྤྲོད་ ཟབ་མོའི་ཚུལ་ཐུན་མོང་མ་ཡིན་པ་ཐམས་ཅད་གསང་བ་ལས་ཀྱང་ཆེས་གསང་བར་བྱ་སྟེ། དཔལ་ ལྡན་རྒྱུད་ལས། དུ་བ་ལ་སོགས་རྣམས་ཀྱི་མཚན་མ་འཛིན་པ་དག་ཀྱང་གང་ཞིག་འདི་རྣམས་ཐམས་ ཅད་གསང་བར་བྱ། །ཞེས་གསུངས་པའི་འགྲེལ་པར། དུ་བ་ལ་སོགས་པ་རྣམས་ཀྱི་མཚན་མ་ ཞེས་སོགས་ནས། འདི་རྣམས་ཐམས་ཅད་གསང་བར་ བྱ་སྟེ་བྱིས་པའི་སྐྱེ་བོ་རྣམས་ལ་སྦ་བར་བྱའོ་ ཞེས་པ་ངེས་པའོ། །ཞེས་གསུངས་ཤིང་རྗེ་བཙུན་སྤྱན་རས་གཟིགས་དབང་ཕྱུག་གི་ཞལ་སྔ་ནས། དེ་ ཕྱིར་བླ་མ་དམ་པས་གནང་བ་ཡི། །ལམ་བཟང་རིན་པོ་ཆེ་འདི་སློབ་མ་ཡིས། །ཆོམ་རྐུན་རྩ་ལག་ ཡོངས་སུ་སྤང་བྱ་སྟེ། །འབད་པས་ཤིན་ཏུ་ལེགས་པར་སྦ་བར་བྱ། །ཞེས་གསུངས་པ་དང་། རྒྱུད་ཀྱི་ རྒྱལ་པོ་གཞན་ལས་ཀྱང་། དེང་ཁྱོད་ལ་དེ་བཞིན་གཤེགས་པ་ཐམས་ཅད་ཀྱིས་བྱིན་གྱིས་རློབ་པར་ འགྱུར་གྱི་ཁྱོད་ཀྱིས་ཀྱང་དེ་བཞིན་གཤེགས་པ་ཐམས་ཅད་ཀྱི་མཆོག་ཏུ་གསང་བའི་དཀྱིལ་འཁོར་ འདི། དཀྱིལ་འཁོར་དུ་མ་ཞུགས་པ་རྣམས་ལ་སྨྲ་བར་མི་བྱ་ཞིང་མ་དད་པར་ཡང་མི་བྱའོ། །ཞེས་ དང་། དེང་ཁྱོད་དེ་བཞིན་གཤེགས་པ་ཐམས་ཅད་ཀྱི་རིགས་སུ་ཞུགས་ཀྱིས། དེ་བས་ན་ངས་ཁྱོད་ ལ་རྡོ་རྗེའི་ཡེ་ཤེས་བསྐྱེད་པར་བྱ་སྟེ། ཡེ་ཤེས་གང་གིས་ཁྱོད་དེ་བཞིན་གཤེགས་པ་ཐམས་ཅད་ཀྱི་ དངོས་གྲུབ་རྣམས་ཀྱང་ཐོབ་པར་འགྱུར་ན། དངོས་གྲུབ་གཞན་རྣམས་ལྟ་སྨོས་ཀྱང་ཅི་དགོས། ཁྱོད་ ཀྱིས་དཀྱིལ་འཁོར་འདི་མ་མཐོང་བ་རྣམས་ཀྱི་མདུན་དུ་སྨྲ་བར་མི་བྱ་སྟེ། ཁྱོད་དམ་ཚིག་ཉམས་ པར་གྱུར་ཏ་རེ། ཞེས་གསུངས་ཏེ། འོད་གསལ་རྣམ་པ་ཐམས་ཅད་ཀྱི་མཆོག་དང་ལྡན་པའི་སྟོང་པ་ཉིད་ འདི་ཡང་དག་པའི་དཀྱིལ་འཁོར་ཡང་ཡིན་ལ་རྡོ་རྗེའི་ཡེ་ཤེས་བླ་ན་མེད་པ་ཡང་ཡིན་པའི་ཕྱིར། ཟབ་ ལམ་གྱི་འཁྲིད་ཐོབ་ཅིང་ཉམས་སུ་མྱོང་བ་འདི་རྒྱུད་ལ་སྐྱེས་ངེས་མ་ཡིན་པའི་སྐྱེ་བོ་རྣམས་ལ་སྨྲས་ན་ དམ་ཚིག་དང་འགལ་བར་འགྱུར་བས་ཤིན་ཏུ་སྦ་ཞིང་གསང་བར་བྱའོ།།

rjེ་བʦuན་bl་མ་རིམ་པར་བrgyuད་པའི་uལ།

གཉིས་པ་རྗེ་བཙུན་བླ་མ་རིམ་པར་བརྒྱུད་པའི་ཚུལ་ནི། ཡང་དག་པར་རྫོགས་པའི་སངས་ རྒྱས་ཤཱཀྱ་ཐུབ་པ། རྡོ་རྗེ་འཆང་ཆེན་པོ་ལ། ཕྱག་ན་རྡོ་རྗེ་རྒྱལ་པོ་ཟླ་བ་བཟང་པོས་རྡོ་རྗེའི་རྣལ་འབྱོར་ ཞུས་ཏེ། དེ་ནས་ཤམྦྷ་ལའི་ཡུལ་དུ་ཆོས་རྒྱལ་རིགས་ལྡན་བརྒྱུད་མར་བྱོན་པའི་ཚུལ་ནི། རྩ་བའི་ རྒྱུད་མཆོག་གི་དང་པོའི་སངས་རྒྱས་ལས། རྒྱུད་འདིར་དྲང་སྲོང་རིགས་སོགས་ལ། །སངས་རྒྱས་ ལམ་ནི་གསལ་བྱེད་པ། །ཟླ་བ་༡

(བཟང་པོ་)ལྷ་དབང་༢གཟི་བརྗིད་༣ཅན (དང་)།

།ཟླ་བས་བྱིན་

༤དང་ལྷ་དབང་ཕྱུག༥ །སྣ་ཚོགས་གཟུགས་༦དང་ལྷ་དབང་ལྡན༧དང་། །གྲགས་པ་༨(དང་)པད་ དཀར་༩(དང་)རིམ་པས་(དེ་དག་གི་གོང་དུ་)སོ། །འདས་པའི་རྒྱལ་པོ་ཉི་མའི་(ཞེས་རྒྱལ་པོ་ཟླ་བཟང་གི་ ཡབ་)འོད།

།དེ་ནི་བགེགས་དགྲའི་སྤྲུལ་པ་སྟེ། །ཕྱག་ན་རྡོ་རྗེ་ཟླ་བཟང་༡ཁྱོད། །༢ས་སྙིང་༣གཤིན་

རྗེ་མཐར་བྱེད་དང་། །༤སྒྲིབ་པ་ཐམས་ཅད་རྣམ་སེལ་དང་། །༥རྨུགས་བྱེད་༦ཁེངས་བྱེད་རིམ་པར་ཏེ། ། ནམ་མཁའི་སྙིང་པོ་༨འཇམ་དབྱངས་དང་། ། འཇིག་རྟེན་མགོན་པོ་༩གོ་རིམ་བཞིན། །གཤིན་རྗེ་གཤེད་ སོགས་ཁྲོ་བོ་བཅུ། །དེ་བར་བྱང་ཆུབ་སེམས་(ཁྲོ་བོ་བཅུ་ལས་)དཔའ་གཞན། །བཅུ་གསུམ་དེ་རྣམས་རིམ་ པ་ཡིས། །རིགས་ལྡན་རིགས་ལས་འབྱུང་བར་འགྱུར། །(རིགས་ལྡན་གང་ཞེ་ན་)༡ གྲགས་པ་རིགས་ལྡན་ རིགས་ཀྱང་སྟེ། །དེ་ནས་རིགས་ལྡན་༢པདྨ་དཀར། །བཟང་པོ་རིགས་ལྡན་གསུམ་པ་སྟེ། །དེ་བཞིན་ བཞི་པ་རྣམ་རྒྱལ་ལོ། །༥བཤེས་གཉེན་བཟང་(དང་)པོ་རིན་ཆེན་༦ཕྱག །བདུན་པ་ཁྱབ་འཇུག་སྦས་ པའོ། །༨ཉི་མ་གྲགས་དང་ཤིན་ཏུ་༩བཟང་། །རྒྱ་མཚོ་རྣམ་རྒྱལ་(དང་)༡༡རྒྱལ་དཀའ་དང་། ། རིགས་ལྡན་ཉི་མ་བཅུ་གཉིས་པ། །༡༣སྣ་ཚོགས་གཟུགས་དང་༡༤ཟླ་བའི་འོད། །༡༥མཐའ་ ཡས་དང་ནི་༡༦ས་སྐྱོང་དང་། །༡༧དཔལ་སྐྱོང་(དང་)སེངྒེ་༡༨(དང་)རྣམ་པར་གནོན༡༩(དང་)། ། སྟོབས་པོ་ཆེ་དང་མ་འགགས་༢༡པ(དང་)། །མི་ཡི་སེངྒེ་༢༢(དང་)དབང་ཕྱུག་༢༣ཆེ། །༢༤མཐའ་ ཡས་རྣམ་རྒྱལ་རིགས་ལྡན་དང་། །(སྔར་གྱི་)གྲགས་པ་རིགས་ལྡན་(ནི་)དེ་ནས་སླར། །(མཐའ་ཡས་ རྣམ་རྒྱལ་)དེ(འི)་སྲས་(སུ་)འཁོར་ལོ་ཆེན་པོ་ཅན།

།༢༥རིགས་ལྡན་དྲག་པོ་(ཞེས་པར་)འབྱུང་འགྱུར་ཏེ། །

སྨྲ་མཁས་རྟ་མཆོག་ཏིང་འཛིན་གྱིས

(སྤྲུལ་པའི་དམག་གིས)།

།ཀླ་ཀློའི་ཆོས་ནི་མཐར་བྱེད་པའོ། །ཉི་

མའི་ཤིང་རྟ་ལ་སོགས་ཀྱི། །སྟོན་པ་(ནི་)སྨྲ་མཁས་(གྲགས་པ་)འབྱུང་འགྱུར་གང་(ཡིན་པས)། །ཟླ་བཟང་ ཁྱོད་ནི་རྩ་བའི་རྒྱུད། །དེ་ནི་སྡུད་པར་བྱེད་པ་སྟེ། །(རྩ་རྒྱུད་སྡེའི་)རྒྱས་འགྲེལ་བྱེད་པ་པོ་ཡང་ཁྱོད། ཞིང་དེ་དག་གིས་)།འདིར་ནི་སེམས་ཅན་ཡོངས་སྨིན་བྱེད།

(ཡིན་

།འཇམ་པའི་རྡོ་རྗེ་བསྡུས་རྒྱུད་ལ། །རྒྱས་

འགྲེལ་བྱེད་པ་པད་འཛིན་རང་། །ཞེས་(དེ་ལྟར་སུམ་ཅུ་རྩ་གསུམ་ལ།

འཁོར་ལོ་ཕྱེད་ཅན་ཚངས་པ་དང་ལྷ་དབང་གཉིས་

མནན་ནས་ཆོས་རྒྱལ་སུམ་ཅུ་རྩ་ལྔ་ཟེར་རོ།།)གསུངས་སོ།།

དེ་ནས་རྒྱ་གར་འཕགས་པའི་ཡུལ་དང་། བོད་ཡུལ་དུ་བརྒྱུད་པའི་ཚུལ་ནི། འཇམ་དབྱངས་ཀྱི་ སྤྲུལ་པར་གྲགས་པ་གྲུབ་ཆེན་དུས་འཁོར་ཞབས་ཆེན་པོས། རིགས་ལྡན་དཔལ་སྐྱོང་ཚུར་བྱོན་པ་ ལ་གསན་པར་ཡང་འདོད། སྤྱན་རས་གཟིགས་ལ་གསན་པར་ཡང་འཆད་དོ། །རྭ་པའི་ལུགས་ཀྱིས་ ཙི་ལུ་པཎྚི་ཏས་འཇམ་དབྱངས་ལ་གསན། དེ་ལ་པི་ཏོ་བས་གསན། དེའི་སློབ་མ་དུས་འཁོར་ཞབས་ ཆེན་པོ་ཡིན་པར་འདོད་ལ། འབྲོ་བའི་ལུགས་ཀྱིས་ཙི་ལུ་པ་དང་དུས་འཁོར་ཞབས་ཆེན་པོ་གཅིག་པར་ བཞེད་དོ། །དེ་ནས་དུས་འཁོར་ཞབས་གཉིས་པ་རྒྱལ་སྲས་ན་ལེན་དྲ་པ་ཞེས་ཀྱང་གྲགས་པ། ཁ་ ཆེའི་པཎྚི་ཏ་ཟླ་བ་མགོན་པོ། འཕན་ཡུལ་གྲབ་ཏུ་སྐུ་འཁྲུངས་པ་བླ་མ་ལྷ་རྗེ་བསྒོམ་པ་དཀོན་མཆོག་ བསྲུངས། འཕན་ཡུལ་སྣོར་བཟངས་ཀྱི་བླ་མ་སྒྲོ་སྟོན་གནམ་ལ་བརྩེགས། གངས་ཏེ་སེའི་རྩ་བར་སྐུ་ འཁྲུངས་པ་བླ་མ་གྲུབ་ཆེན་ཡུ་མོ། དེའི་རིགས་ཀྱི་སྲས་བསྐྲུན་པའི་ཆོ་ག་མཛད་པ་ལས་འཁྲུངས་པ་ མཁས་པ་ཆེན་པོ་སྲས་མཆོག་དྷརྨེ་ཤྭ་ར། བླ་མ་མཁས་པ་ནམ་མཁའ་འོད་ཟེར། དྷརྨེ་ཤྭ་རས་ རིགས་ཀྱི་སྲས་བསྐྲུན་པའི་ཆོ་ག་མཛད་པ་ལས་འཁྲུངས་པ་བླ་མ་གྲུབ་ཐོབ་ནམ་མཁའ་རྒྱལ་མཚན་ སེ་མོ་ཆེ་བ་ཞེས་ཀྱང་གྲགས་པ། ཆོས་རྗེ་འཇམ་དབྱངས་གསར་མ། བླ་མ་ཀུན་མཁྱེན་ཆོས་སྐུ་འོད་ ཟེར། ཆོས་ཀྱི་རྗེ་ཀུན་སྤངས་ཆེན་པོ། ཆོས་རྗེ་བྱང་སེམས་ཆེན་པོ་རྒྱལ་བ་ཡེ་ཤེས། བླ་མ་མཁས་ བཙུན་ཡོན་ཏན་རྒྱ་མཚོ། རིགས་ལྡན་རྒྱལ་བའི་སྤྲུལ་པ་ཆོས་རྗེ་ཀུན་མཁྱེན་ཆེན་པོའོ། །བླ་མ་ཁ་ཆེ་ ཟླ་མགོན་གྱི་རྗེས་སུ། འབྲོ་སྟོན་ལོ་ཙཱ་བ་ཤེས་རབ་གྲགས་འཇུག་པ་ནི་བཀའ་དྲིན་ཆེ་བའི་སྒོ་ནས་ཡིན་ གྱི། བརྒྱུད་པ་ལ་མ་བགྲངས་ཀྱང་ཆོག་ལ། སྲས་དྷརྨེ་ཤྭ་རའི་རྗེས་སུ་མ་ཅིག་སྤྲུལ་སྐུ་འཇུག་པ་ནི་ ངོ་མཚར་ཆེ་བའི་སྒོ་ནས་སྨོས་པ་ཡིན་པས་བརྒྱུད་པ་ལ་མ་བགྲངས་ཀྱང་ཆོག་གོ། ཆོས་རྗེ་ཀུན་མཁྱེན་ཆེན་པོའི་ཞབས་ཀྱི་པདྨོ་དྲི་མ་མེད་པ་ལ། དུས་ཀྱི་འཁོར་ལོའི་རྣལ་འབྱོར་པ་ ཤཱཀྱའི་དགེ་སློང་མངའ་རིས་པ་ཆོས་ཀྱི་རྒྱལ་པོ་བདག་གིས་གུས་པས་གཏུགས་ནས། དཔལ་དུས་ཀྱི་

འཁོར་ལོའི་རྒྱུད་འགྲེལ་པ། དབང་གདམས་པ་ཡན་ལག་དྲུག་ཆ་ལག་དང་བཅས་པའི་བཀའ་དྲིན་ མནོས་པ་ཡིན་ཏེ། བཤད་སྒྲུབ་ལ་ལྷད་མ་ཞུགས་པར་ལུང་དང་མན་ངག་དང་དམ་ཚིག་རྣམ་པར་ དག་པའི་རིམ་པས་ལེགས་པར་བརྒྱུད་པ་ཡིན་ནོ།།

ཐ་མར་དགེ་བ་མjuག

མjuག་byང་།

སྤྲིན་མེད་མཁའ་ལ་གཟའ་སྐར་གསལ་བའི་གཟུགས།། རིང་པོར་གནས་ཀྱང་འཛུབ་མོས་སྟོན་པ་ལྟར།། གསང་ཆེན་འོད་གསལ་ཕྱག་རྒྱ་ཆེན་པོའི་ལམ།། བློ་ལས་འདས་ཀྱང་ཆ་ཙམ་གསལ་བར་བཤད།། བླ་མའི་གདམས་པ་འདོད་དགུའི་རིན་ཆེན་མཛོད།། རྣམ་དག་ལུང་རིགས་སྒྲོན་མེས་གསལ་བྱས་པའི།། དགེ་འདིས་འགྲོ་ཀུན་རེ་བ་ཀུན་རྫོགས་ཏེ།། ཟག་མེད་བདེ་ཆེན་དཔལ་ལ་སྤྱོད་གྱུར་ཅིག།

མཛད་byང་།

དཔལ་དུས་ཀྱི་འཁོར་ལོའི་ཟབ་ལམ་རྡོ་རྗེའི་རྣལ་འབྱོར་གྱི་ངོ་སྤྲོད་གསང་དོན་རབ་གསལ་ ཞེས་བྱ་བ་འདི། ཤཱཀྱའི་དགེ་སློང་དུས་ཀྱི་འཁོར་ལོའི་རྣལ་འབྱོར་པ། ཆོས་ཀྱི་རྒྱལ་པོ་མིང་

གཞན་ཕྱོགས་ལས་རྣམ་རྒྱལ་གྱིས་དབེན་གནས་དམ་པ་སེ་མཁར་ཆུང་དུ་སྦྱར་བའོ། ། འདི་ལ་བརྟེན་ ནས་སེམས་ཅན་ཐམས་ཅད་ཀྱིས་ཕྱག་རྒྱ་ཆེན་པོ་མངོན་དུ་བྱེད་པར་གྱུར་ཅིག། མངྒ་ལཾ་བྷ་ཝནྟུ།

མ་

ཡིག་ནི་འབྲས་དཔེ་རྙིང་བཞི་ཡོད་པ་ལས། ༼ཕྱི་ཀ༡༦༧༽ ༼ཕྱི་ཀ༢༩༢༽ ༼ཕྱི་ཀ༢༠༤༽བཅས་ཡིན་དཔེ་འདི་ལ་དཀར་ ཆག་ཏུ་བོ་དོང་ཕྱོགས་རྒྱལ་བས་མཛད་པར་གསལ་ཡང་དེ་མིན་པར་ངེས།༼ཕྱི་ཀ༡༧༩༽འདི་ལ་མཆན་ཡོད། །

sbyར་byང་

དགེ་འདིས་འgrོ་བ་kuན་gyི་ཉི་zl་ཡི།། rgyu་བ་rnམ་ཉམས་ལས་snང་འགགས་gyuར་ནས།། rd5་rj6་ཉི་zlའི་snང་བ་རབ་གསལ་བས།། stོང་གzuགས་ཆོས་sku་མཁའ་yབ་མངོན་gyuར་ཤོག། sན་བrgyuད་བཀའ་rgy་ཅན་ཞལ་ཤེས་kyི་གནད་ཟབ་མོ་དང་བཅས་པ་cuང་ཟད་གསལ་བར་ཡི་གེར་བཀོད་པ་ཡིན་ པས། དཔལ་ldན་bl་མ་དམ་པའི་ཞལ་gyི་བduད་rʦི་ལེགས་པར་མནོས་པའི་rnལ་འbyོར་པ་མ་ཡིན་པའི་གང་ཟག་གི་ལག་ tu་འrིད་ཡིག་མི་འyན་པར། ལེགས་པར་sb་བར་by་ཞིང་ཤནི ་tu་གསང་བ་ལས་kyང་གསང་བའི་rgyས་གདབ་པོ།། ཨ}་aཿhauྃ་ཧོཿ ཧཾ་ཀྵཿ། མŋg་ལཾ་བྷ་ཝ་tu། uབྷཾ།

དཔར་byང་smོན་ཚxག *མ་\ོལ་ཞི་བའི་,་མཚ3ར་རོ་གཅིག་A།། གཞོལ་བའི་མཐའ་ཡས་ཆོས་Eལ་དལ་འབབ་œང༌།། ཚ’ག་གི་གཟེགས་མ་རེས་]ང་Xག་གgམ་cི།། Mི་མ་ཡོངས་འŽད་ལེགས་བཤད་བXད་Kི་འདི།། དཔར་X་བ“ན་པའི་*མ་དཀར་ˆང་པོའི་མmས།། ཡང་དག་ཆོས་]ི་žོ་མོ་/ོང་•ག་བ,།།

གདངས་ཏེ་nད་xའི་འ\ོ་བ་མ་Tས་པ།། ངེས་ལེགས་ནོར་tའི་མཛ3ད་ལ་དབང་འLོར་ཤོག། ཅེས་འཛམ་‚ིང་ཡངས་པའི་fོན་ལ་འཚ˜་མེད་ཞི་བའི་ལམ་/ོན་*མ་འMེན་Ÿ]་སེང་གེའི་ རིང་Tགས་žོ་{ན་ནས་,ས་པ་སོགས་འ•ལ་Vན་ལེགས་ཚ3གས་X་མའི་ཆེད་X་དམིགས་ནས། ནང་བ/ན་eབ་མཐའ་རིས་མེད་]ི་གgང་རབ་*མས་དཔར་X་བ“ན་དང་བ“ན་འrར་གང་ལ་ འང་ ར་ཆོག་པའི་དགེ་བ¡ོའི་¢ོན་ཚ’ག་A་Ÿ]འི་དགེ་ ོང་ཆོས་d་བ་ངག་དབང་Yོ་བཟང་བ/ན་ འཛ’ན་,་མཚ3ས་ ར་བའོ།།