!ས་འཁོར་ཆོ ས་)ོ ར་། ༢༧
༄༅།།¢ཟབ་ལམ་ཐ་མར་དགེ་བའི་0ིད། ཇོ་ནང་&ོགས་ལས་*མ་,ལ།
ནང་བ/ན་རིག་མཛ3ད་ངེས་དོན་དཔེ་ཚ3གས་འ9ལ་དེབ་:ེ་གནས།
མཚན་byང་། ༄༅།།¢¢ཟབ་ལམ་ཐ་མར་དགེ་བའི་0ིད།
ཇོ་ནང་&ོགས་ལས་*མ་,ལ།
བོད་,ལ་ལོ། ༢༡༤༢ &ི་ལོ། ༢༠༡༥ ལོར་འ9ལ་དེབ་A་ཕབ། ནང་བ/ན་རིག་མཛ3ད་ངེས་དོན་དཔེ་ཚ3གས་འ9ལ་དེབ་:ེ་གནས། གཙ*་sgr,ག་ཚ-གས་uང་།
Cོབ་/ོན་པ། མཁས་དབང་བདེ་ལེགས་རབ་,ས། མཁན་པོ་Eལ་Fིམས་དར་,ས། འ9ལ་དེབ་གཙ3་Hིག་པ། བེ་རི་རིག་པའི་Iོ་Jེ།
Kི་ནང་དLིངས་རིག བོད་,ལ་ལོ། ༢༡༤༢ &ི་ལོ། ༢༠༡༥ ལོར་འ9ལ་དེབ་A་ཕབ། ནང་བ/ན་རིག་མཛ3ད་ངེས་དོན་དཔེ་ཚ3གས་འ9ལ་དེབ་:ེ་གནས། དབང་ཚད། དེབ་འདིའི་དབང་ཚད་རིག་མཛ3ད་M་བར་ཡོད་པས། ཆོག་མཆན་མེད་པར་བPར་དཔར་དང་Qར་ བཅོས་སོགས་Lེད་མི་ཆོག་པ་,ལ་Sིའི་དཔེ་དེབ་Fིམས་Tགས་:ར་ཡིན། འUེལ་བ་Lེད་Vལ།
Tashi Choeling Buddhist Center 1889 Fiddlestick Ln Charlottesville, VA 22903 USA Email: rigdor77@gmail.com Website: www.rigzod.org ཆེད་བrjོད།
ཉེ་བའི་Xས་རབས་ནང་Yོ་གZ་བོར་གནས་ཤིང་Yོ་\ོས་]ི་ནོར་དང་^ན་པའི་Pེ་བོ་མི་ _ང་བ་ཞིག་གིས། ང་ཚ3་མིའི་རིགས་འདིའི་ཉིན་རེའི་འཚ3་བའི་ཐད། &ི་དངོས་པོའི་དགོས་མཁོ་ ལས་ནང་བསམ་Yོའི་དགོས་མཁོ་གལ་ཆེན་X་མཐོང་ནས། འདོད་bམ་ཅན་cི་དངོས་གཙ3་d་བའི་ :་eབ་དང་། རེས་འཇོག་ཅན་cི་ཚན་རིག་གི་ལག་Kལ་fབ་འཕེལ་cི་ཁོར་Vག་ལས་ཡོངས་g་ བhལ་ཏེ། བོད་]ི་ནང་བ/ན་རིག་པའི་གjང་Tགས་ལ། ཚད་ངེས་ཅན་cི་ཐོག་ནས་དོ་kང་ དང་གདེངས་འཇོག་Lེད་བཞིན་པའི་lབས་འདིར། ང་ཚ3་གཞན་ཕན་cི་mགས་Jེ་དང་Lམས་སེམས་]ི་ཞི་བདེས་mགས་nད་ཡོངས་g་ གཏམས་པའི་/ོན་པ་སངས་,ས་]ི་Jེས་འoག་དpས་མ་ཞིག་གི་ངོས་ནས། ཇི་lད་X། “མ་དར་ བ་*མས་g་དར་བར་Lེད་ཅིང་། དར་བ་*མས་དག་ཅིང་འཕེལ་བ་དང་། ཉམས་པ་*མས་གསོ་ qས་པར་rར་ཅིག” ཅེས་གgངས་པ་:ར། /ོན་པ་མཆོག་དེའི་བ/ན་པའི་sིང་པོའི་sིང་པོ། ཐེག་པ་ཐམས་ཅད་]ི་མཐར་mག ངེས་དོན་དt་མ་ཆེན་པོའི་རིང་Tགས་ལས་བKམས་པའི་ཆེས་ ངོ་མཚར་uད་X་vང་བའི་ལེགས་བཤད། ངེས་མདོ་བw། sིང་པོའི་མདོ་x་སོགས་དང་། Lང་ yབ་སེམས་དཔའི་འ\ེལ་བ་lོར་གgམ། ད་Xང་བསིལ་zོངས་{ན་མfེན་|ོན་པ་བཞི་^ན། Jེ་ བ}ན་ཐམས་ཅད་མfེན་པ་~་ར་•་ཐ། ཀu་པ་རང་vང་Iོ་Jེ། {ན་མfེན་•ོང་ཆེན་རབ་ འLམས། འཇམ་མགོན་Y་མ་ཙ3ང་ཁ་པ་ཆེན་པོ་སོགས་འཛམ་‚ིང་ƒིལ་བོའི་fོན་X་ཉི་„་:ར་ ཡོངས་g་\གས་པའི་འཕགས་བོད་མཁས་eབ་*མས་]ིས་མཛད་པའི་གgང་རབས་ཁག ༼ངེས་ དོན་sིང་པོའི་དཔེ་ཚ3གས་༽ཞེས་པའི་ཚན་Kལ་དཔེ་མཛ3ད་]ི་/ེགས་tར་བཀོད་དེ། འདོད་དང་ ཐར་བ་དོན་X་གཉེར་བའི་,ལ་Sིའི་ཤེས་^ན་མི་kའི་གཙ3ས། བོད་དང་བོད་ཡིག་ལ་དགའ་བའི་ Pེ་བོ་*མས་ལ་‡ག་བསམ་མཚ3ན་པའི་ལེགས་Pེས་g་ˆལ་བ་ཡིན། དཔེ་ཚ3གས་འདིའི་མ་ཡིག་ཁག་ཅིག་དཔེ་‰ིང་དཀོན་རིགས་ཡིན་/བས། མ་དཔེ་ལ་ལ་ ‰ིང་Šལ་X་སོང་བས་ཡི་གེ་མི་མཐོང་བ་དང་། མ་དག་པ་ཡང་གང་འཚམ་འXག་པས། ཡི་གེ་མ་ དག་པ་*མས་སོར་བཞག་Lས་ཏེ་‹ག་|གས་འདིའི་༼༽ནང་དག་བཅོས་Lས་པ་*མས་བཀོད་ ཅིང་། ད་Xང་གjང་གི་མཆན་t་*མས་]ང་གོང་བཞིན་|གས་དེའི་ནང་བཞག་ཡོད། འདིར་དམིགས་]ིས་j་དགོས་པ་ཞིག་ནི། ང་ཚ3འི་qས་བŒན་cིས་jས་དག་ཐེངས་འགར་
Lས་ཤིང་། •ོག་བདེའི་ཆེད་ས་བཅད་,ས་པ་གསར་བHིགས་jས་ཡོད་མོད། ང་ཚ3ར་འདིའི་ཐད་ ཉམས་•ོང་ཞན་པ་དང་། Xས་ཚ3ད་ཤིན་A་དཀོན་པའི་དབང་གིས། ད་Xང་Pོན་དང་ནོར་ འŽལ་མི་_ང་བ་ཞིག་ཡོད་པ་གདོན་མི་ཟ་བས། ཤེས་^ན་*མས་]ིས་དེ་Tགས་]ིས་དགོངས་Eལ་ ཐད་ཀར་གgང་ན། ང་ཚ3ས་འ•ལ་X་བPར་ཞིབ་དང་དག་བཅོས་j་nའི་ཁས་ལེན་ཡོད། གང་:ར་&ི་ནང་གི་མmན་‘ེན་wང་འཛ3མས་པའི་གོ་lབས་mང་mང་ཞིག་vང་བ་དེ་དམ་ འཛ’ན་Lས་ནས། དཀའ་བ་དང་Yངས་]ིས་/བས་བདེའི་འ9ལ་དེབ་k་མང་དེབ་གZགས་g་བཟོ་ བ“ན་Lས་ཏེ། རིག་མཛ3ད་M་བའི་ངོ་མཚར་འ9ལ་དེབ་A་བཀོད་ནས། fེད་ཚ3ར་རིན་མེད་X་ ˆལ་བ་ལགས་ན། Xས་རབས་འདིར་ཕན་”བས་ཤིན་A་ཆེ་བའི་བCབ་L་དང་ལེགས་བཤད་འདི་ དག་ལ་ཞིབ་ད•ོད་དང་། mགས་དམ་ཉམས་བཞེས་‡ོད་མེད་ཡོང་བའི་རེ་འXན་བཅས། ངེས་དོན་sིང་པོའི་དཔེ་ཚ3གས་]ི་གཙ3་Hིག་པ་བེ་རི་རིག་པའི་Iོ་Jེས། བོད་,ལ་ལོ། ༢༡༣༨ བོད་ „་ ༡༠ ཚ˜ས་ ༡༡ &ི་ལོ་ ༢༠༡༡ „་ ༡༢ ཚ˜ས་ ༦ ཉིན།
མཛད་པ་པ8་ང8་spr:ད།
ཆོས་rjེ་yོགས་ལས་rnམ་rgyལ་བ་ནི། མཚན་གཞན་ཆོས་kyི་rgyལ་པ5་ཞ6ས་པ་འruངས་ yuལ་[98A.5]མངའ་རིས་པ། མེ་ཕོ་rt་ལ་འruངས། གཞོན་པའི་duས་ནས་དbuས་su་ byོན་ནས་ཆོས་འཁོར་glིང་du་ཕར་ཚད་ལ་སོགས་པའི་མཚན་ཉིད་kyི་sdེ་snོད་ལ་sbyངས་པས་ མཁས་པ་ཆེན་པོ་gyuར་ཏེ། དbuས་[98A.6]གཙང་གཉིས་ཀར་gr་བskོར་ཡང་མཛད། gr་བskོར་gyི་ནང་ལ་kuན་མyེན་ཆེན་པོ་དང་མཇལ་བས་ཤིན་tu་དད་པས་ཇོ་ནང་ཉིད་du་ yག་ཕབ་stེ། kuན་མyེན་ཆེན་པ5འX་druང་du་duས་kyི་འཁོར་ལ5འX་དབང་[98B.1]rgyuད་ བཤད་མན་ངག་དང་བཅས་པ་དང་ཆོས་གཞན་ཡང་མང་du་གསན། མན་ངག་uགས་ ཉམས་su་བཞེས་པས་ཏིང་ངེ་འཛ]ན་བཟང་པོ་འruངས་ཏེ། bl་མ་ལ་ཡིད་ཆེས་བས་རང་གི་
bl་མ་ཐམས་ཅད་kyི་གཙa་[98B.2]བོར་འཛ]ན། kuན་མyེན་ཆེན་པ5འX་slོབ་མ་byང་པ་ ཏ་དབེན་པས་kuན་མyེན་ཆེན་པོ་དཔོན་slོབ་ལ་ཞལ་ཏ་uས་ཏེ་ངམ་རིངས་kyི་ཆོས་sdེ་ བཏབ། དེར་kuན་མyེན་ཆེན་པ5་ཉXད་kyིས་ཐོགས་ཤིག་བuགས། [98B.3]དེ་ནས་rjེ་ འདི་ལ་གཏད་ནས་ཇ5་མd་ནང་ཉིད་du་ཕེབས། rjེ་འདིས་kyང་ཕར་ཚད་གཙe་བfར་བཏོན་ པའི་sdེ་snོད་kyི་བཤད་པ་yuན་རིང་du་མཛད། slོབ་མ་blོ་གསལ་བ་ཡང་མང་du་འduས། yིས་བstན་པའི་rgyལ་[98B.4]མཚན་པ་ལ་གདན་ས་གཏད་ནས་ཞེ་དgu་པ་ལ་ཇ5་མd་ ནང་གི་གདན་ས་མཛད། ལོ་lŋ་ན་གདན་ས་དེ་ཡང་གཏད་ནས་དbuས་su་ཕེབས། ཚལ་ དbuས་glིང་du་duས་kyི་འཁོར་ལ5འX་དབང་rgyuད་བཤད་མན་ངག་གི་[98B.5]rིད་rnམས་ slོབ་མའི་sdེ་ཆེན་པོ་ལ་གsuངས། དེ་ནས་ཡར་kluངས་yོགས་ལ་ཕེབས། rdོར་ལ5་ཆ6ན་byང་ rʦེ་ལ་མཆོག་དབང་གོང་མ་གནང་། r་འbruག་ལ་སོགས་པར་བuགས་ཏེ་གduལ་by་དཔག་ [98B.6]tu་མེད་པ་ལེགས་པའི་ལམ་ལ་བཀོད། དེ་ནས་གཙང་ལ་ཐེགས་ཏེ་སེ་མཁར་ uང་du་བuགས། བstན་བཅོས་kyང་མང་du་མཛད། བrgyད་cu་rʦ་གཅི ག་པ་མེ་ཕོ་stག་ལ་ གཤེགས་སོ༎ བདག་[99A.1]ཉིད་ཆེན་པོ་འདི་ལ། འཇམ་དbyངས་ཆོས་མགོན་པ། rtོགས་ ldན་sŋོ་ཉལ་མ་ཡེ་ཤེས་rgyལ་མཚན། ཚལ་མིན་པ་བསོད་ནམས་བཟང་པོ། lh་ཁང་stེངས་ པ་སངས་rgyས་[99A.2]རིན་ཆེན། smན་u་བ་སངས་rgyས་bl5་grdས། ཤེས་རབ་rd5་rj6་ སོགས་duས་kyི་འཁོར་་ལ5འX་མཁས་gruབ་kyི་slོབ་མ་མང་du་byuང་stེ། དེ་དག་ལས་ཆོས་ མགོན་པ་ནི་བཤད་ཟིན་ལ། sŋོ་ཉལ་མ་ནི། ཚལ་[99A.3]དbuས་glིང་du་བuགས་ནས་ ཆོས་འདི་དར་བར་མཛད་དོ༎ ༎
ཆོས་,ལ་&ོགས་ལས་*མ་,ལ་cི་*མ་ཐར་མདོར་བšས་འདི་ནི། ཆག་ལོ་ཆོས་Jེ་དཔལ་cིས་མཛད་པའི་ དཔལ་Xས་]ི་འཁོར་ལོའི་བnད་པ་རིན་པོ་ཆེའི་|ོགས་པ་བJོད་པ་དཔག་བསམ་cི་sེ་མ་ཞེས་པ་ལས་ཁོལ་A་vང་ བ་ཡིན་ལ། ‹ག་|གས་འདིའི་[]ནང་གི་ཨང་ཡིག་ནི་མ་&ི་ཡིག་‰ིང་གི་ཤོག་ཨང་དང་ཐིག་•ེང་ཡིན་ནོ།།
ཐོག་མར་དགེ་བ་klད། མཚན་byང་། ཟབ་ལམ་&ི་ཐ་མར་དགེ་བའི་.ིད་ཡིག་བ1གས། yག་འཚལ་བ།
ༀ་ཨཱཿཧཱུྃ་ཧོཿ ན་མོ་གུ་ར་ཝེ། ན་མཿཤྲི་ཀ་ལ་ཙ་ཡ། ཆགས་དང་ཆགས་བྲལ་ཕྱོགས་གཉིས་དང་བྲལ་ཞིང་།། ཡོད་དང་མེད་སོགས་མཐའ་བཞི་ལས་འདས་པ།། སྐུ་གསུང་ཐུགས་དང་ཡེ་ཤེས་ཐིག་ལེ་རྣམས།། འཕོ་མེད་བདེ་ཆེན་སྐུ་ལ་ཕྱག་འཚལ་ཏེ།།
བrʦམ་པར་དམ་བཅའ་བ།
སྒྲུབ་པ་དང་ནི་སྒྲུབ་པ་ཆེན་པོ་ཡི།། ཡན་ལག་རྗེས་སུ་དྲན་དང་ཏིང་ངེ་འཛིན།། ཐུགས་དང་ཡེ་ཤེས་རྡོ་རྗེའི་རྣལ་འབྱོར་དག། རབ་གསལ་ཐ་མར་དགེ་བའི་ཁྲིད་རིམ་བྲི།།
བར་du་དགེ་བ་གuང་།
uགས་rd8་rjGའི་rnལ་འbyོར་ཐ་མར་དགེ་བའི་rིད།
གསུམ་པ་རྗེས་དྲན་སྒྲུབ་པའི་ཡན་ལག་ཐུགས་རྡོ་རྗེའི་རྣལ་འབྱོར་དང་། ཏིང་ངེ་འཛིན་སྒྲུབ་པ་ ཆེན་པོའི་ཡན་ལག་ཡེ་ཤེས་རྡོ་རྗེའི་རྣལ་འབྱོར་ཐ་མར་དགེ་བའི་ཁྲིད་ལ་གཉིས་ཏེ། རྗེས་སུ་དྲན་པ་ སྒྲུབ་པའི་ཡན་ལག་གཏུམ་མོ་དང་ཐིག་ལེའི་རྣལ་འབྱོར་ཐུགས་རྡོ་རྗེའི་རྣལ་འབྱོར་དང་། ཏིང་ངེ་ འཛིན་སྒྲུབ་པ་ཆེན་པོའི་ཡན་ལག་བྱང་སེམས་ཐིག་ལེ་ཇི་ལྟར་བྱོན་པ་དེ་བཞིན་སྟེང་དུ་གཤེགས་པར་བྱེད་ པ་ཡེ་ཤེས་རྡོ་རྗེ་ཕྲ་མོའི་རྣལ་འབྱོར་རོ།།
༡༽rjེས་drན་sgruབ་པའི་ཡན་ལག་uགས་rd8་rjGའི་rnལ་འbyོར།
དང་པོ་ལ་དྲུག་སྟེ། རྗེས་དྲན་གྱི་མཚན་དོན། བསྒོམ་པའི་དུས་མཚམས། སྒོམ་ཚུལ་གྱི་ཡན་ ལག བསྒོམས་པའི་རྟགས་ཚད། དག་བྱ་དང་དག་བྱེད་ཀྱི་དབྱེ་བ། བསྒོམས་པས་ཐོབ་པའི་འབྲས་ བུའོ།།
rjེས་drན་gyི་མཚན་དོན།
དང་པོ་ནི། དཔལ་དུས་ཀྱི་འཁོར་ལོའི་རྒྱུད་ཀྱི་སྒྲུབ་ཐབས་ཀྱི་ལེའུ་ལས། གཏུམ་མོའི་སྣང་བར་ གང་ཞིག་གྱུར་པ་ངེས་པར་ལུས་དང་ནམ་མཁའ་ལ་ཡང་རྗེས་སུ་དྲན་པར་འགྱུར། །ཞེས་པའི་འགྲེལ་ བར། གཏུམ་མོའི་སྣང་བ་གང་ཞིག་སྲིད་པ་གསུམ་གྱི་ནམ་མཁའ་ལ་གྱུར་བ་དེ་ནི་རྗེས་སུ་དྲན་པ་ སྟེ་རྣམ་པ་བཅུར་སྔར་གསུངས་སོ། །ཞེས་པའི་དོན་སྲོག་ཐུར་སེལ་ལྟེ་བར་གཅིག་ཏུ་སྦྱོར་ཞིང་ དབུ་མར་ཡེ་ཤེས་ཀྱི་རླུང་གཡོ་མེད་དུ་གནས་པའི་གཏུམ་མོའི་སྣང་བ་ཞེས་པ་རང་གི་ལུས་སྟོང་ གཟུགས་འོད་ཀྱི་དཀྱིལ་འཁོར་གྱི་རྣམ་པར་སྣང་ཞིང་། བ་སྤུའི་ཁུང་བུ་རྣམས་ནས་འོད་ཟེར་ལྔ་སྲིད་ གསུམ་ཀུན་ནས་དྭངས་པའི་རྣམ་པ་ཅན་གྱི་ནམ་མཁའ་ལ་འཕྲོ་བར་སྣང་ཞིང་ལྟེ་བའི་གཏུམ་མོའི་ མེས་སྤྱི་བོའི་ཧཾ་ཡིག་ཟླ་བའི་ཐིག་ལེ་བཞུ་བ་ལས། དབུ་མའི་རྩ་ལ་ཐིག་ལེ་འབབ་པའི་བདེ་བ་རྗེས་ སུ་དྲན་པའམ་རང་གི་འདོད་པའི་ལྷ་སྟོང་གཟུགས་ལ་རྗེས་སུ་ཆགས་པས་ན་རྗེས་སུ་དྲན་པ་ཞེས་བྱ་ སྟེ། འདོད་པའི་གནས་སྐབས་རྣམ་པ་བཅུ་ཉམས་སུ་མྱོང་བའོ། །རྒྱུད་ཕྱི་མ་ལས་ཀྱང་། རྗེས་སུ་དྲན་ པས་མཁའ་ལ་རི་བོང་ཅན་བཞིན་རང་གི་གཟུགས་ལས་འོད་ཟེར་ཆེན་པོ་ངེས་པར་རྒྱུ། །ཞེས་དང་བདེ་ མཆོག་སྟོད་འགྲེལ་ལས་ཀྱང་། དེ་ནས་རྗེས་སུ་དྲན་པ་ཞེས་བྱ་བ་ནི་རང་གི་འདོད་པའི་ལྷ་མཐོང་བ་ སྟེ་གཟུགས་བརྙན་གྱི་རྣམ་པ་རྣམ་པར་རྟོག་པ་དང་བྲལ་བའོ། །དེ་ལས་འོད་ཟེར་དུ་མ་འཕྲོ་བའི་རང་ བཞིན་འོད་ཀྱི་དཀྱིལ་འཁོར་ཏེ་དེ་ལས་རྣམ་པ་དུ་མ་འཕྲོ་བའི་གཟུགས་ཁམས་གསུམ་པ་སྤྲོ་བ་ ཞེས་པ་རྗེས་སུ་དྲན་པའི་ཡན་ལག་ཏུ་བརྗོད་དོ། །ཞེས་གསུངས་སོ། །འབྲོ་བའི་ཆོས་རྗེ་གོང་མ་ དག་ནི་དཔེར་ན། ལྟོགས་ན་ཟས་དང་སྐོམ་ན་བཏུང་བ་ལ་སོགས་པ་དྲན་པ་ལྟར་དུས་མེར་སྲོག་རླུང་ ཞུགས་པའི་སྟོབས་ཀྱིས་ལྟེ་བར་གཏུམ་མོའི་མེ་འབར་བས་སྤྱི་གཙུག་གི་ཧཾ་བཞུ་བའི་བྱང་སེམས་དུས་ མེར་འཛག་པའི་བདེ་བ་སྐྱེས་པའི་རྗེས་སུ་ཕྱག་རྒྱ་དྲན་པས་ན་རྗེས་དྲན་ཞེས་གསུང་ངོ་།།
བsgོམ་པའི་duས་མཚམས།
གཉིས་པ་བསྒོམ་པའི་དུས་འཚམས་ནི། ལྟེ་བའི་སྟེང་དུ་སྲོག་གི་རླུང་དབུ་མར་གཡོ་མེད་དུ་ གནས་ཤིང་འོག་ཏུ་ཐུར་སེལ་གྱི་རླུང་དུང་ཅན་མར་གཡོ་མེད་དུ་གནས་པས་ལྟེ་བར་སྲོག་ཐུར་སེལ་ གཅིག་ཏུ་སྦྱོར་བའི་ཡེ་ཤེས་ཀྱི་རླུང་རྩའི་འཁོར་ལོ་ཐམས་ཅད་དུ་ཁྱབ་ཅིང་། རླུང་ཕྱི་ནང་དུ་འགྲོ་འོང་ མེད་པ་བུམ་པ་ཅན་གྱི་གནས་སྐབས་དུས་ཇི་ཙམ་དུ་འཆིང་བར་འདོད་པ་དེ་སྲིད་དུ་འཆིང་བར་ནུས་ པ་རླུང་ལ་དབང་ཐོབ་ཅིང་། དེའི་སྟོབས་ཀྱིས་བྱང་སེམས་ཐིག་ལེ་འཛིན་འདྲེན་ཇི་ལྟར་འདོད་པ་ བཞིན་བྱེད་ནུས་པ་རླུང་སེམས་ལ་དབང་ཐོབ་པ་འཛིན་པའི་ཡན་ལག་ཤིན་ཏུ་བརྟན་པར་གྱུར་པ་ན་རྗེས་ དྲན་གྱི་ཡན་ལག་བསྒོམ་མོ། །སྙན་བརྒྱུད་ལས། འདུ་ཤེས་ཡེ་ཤེས་རླུང་རྒྱུའི་དུས། །ཞེས་གསུངས་ པའི་དགོངས་པ་ཡང་འདི་ཡིན་པར་གསལ་ལོ།།
sgོམ་uལ་gyི་ཡན་ལག
གསུམ་པ་བསྒོམ་ཚུལ་གྱི་ཡན་ལག་ལ། རྗེས་དྲན་བསྒོམ་པའི་གནས་དང་། རྗེས་དྲན་བྱ་བའི་ ཡུལ་དང་། རྗེས་དྲན་བསྒོམ་པའི་དགོས་པ་དང་། རྗེས་དྲན་དུས་ཅི་ཙམ་བར་དུ་བསྒོམ་པ་དང་། རྗེས་ དྲན་ཇི་ལྟར་བསྒོམ་པའི་ཚུལ་དང་ལྔའོ།། དང་པོ་ནི། རྒྱུད་ཀྱི་རྒྱལ་པོའི་ཡེ་ཤེས་ལེའུ་ལས། འགྱུར་བ་མེད་པའི་བདེ་བའི་འབྲས་སྟེར་ ཕྱག་རྒྱ་བཞི་པོ་འདི་རྣམས་གྲོང་དང་འབྲོག་དགོན་དུར་ཁྲོད་དང་། །མི་གཙང་བ་དང་གཙང་བའི་ གནས་དང་ཁྱིམ་དང་ལྷ་ཡི་ཁང་པ་ཐམས་ཅད་དུ་ནི་དུས་ཀུན་ཏུ། །ཤིན་ཏུ་དགའ་བའི་དགའ་བ་ལ་ གནས་འཇིག་རྟེན་ལམ་ལས་རབ་གྲོལ་རིགས་དང་རིགས་མིན་མངོན་སྤྱོད་ཅིང་། །ལུས་སྟོབས་ བདེ་སྟེར་བཟའ་བ་བཏུང་པ་ལ་སོགས་ལོངས་སྤྱོད་དང་ལྡན་རྣལ་འབྱོར་རྣམས་ཀྱིས་བསྒོམ་པར་བྱ། ། ཞེས་གསུངས་ཏེ། འདིས་ནི་རྗེས་དྲན་བསྒོམ་པའི་གནས་དང་གང་ཟག་གཉིས་ཀ་བསྟན་ནོ། །དེ་ལ་
ཕྱག་རྒྱ་བཞི་ནི། སྒྲུབ་ཐབས་ཀྱི་ལེའུ་(སྦྱིན་བྱའི་ཕྱག་རྒྱ་བཞི་)ལས། སྨད་འཚོང་དམ་པ་(ནི་སྐྱེས་པ་ཀུན་ལ་ བསྙེན་བཀུར་གྱི་ལས་བྱེད་པ་)ལས་ཀྱི་ཕྱག་རྒྱར་འགྱུར་ཞིང་གསང་(དགོས་)བའི་མི་མོ་(སྐྱེས་པ་)གཞན་གྱི་
བུད་མེད་(ནི་གསང་དགོས་པ་)དམ་ཚིག་(གི་ཕྱག་རྒྱ་)སྟེ། །རང་དབང་(བ་རང་གི་བུ་མོ་ནི་གཞན་གྱི་དབང་མ་བྱས་ པས་)ཆོས་ཀྱི་ཕྱག་རྒྱ་(སྟེ་)ཡུལ་ནི་མང་པོ་ལ་དགའ་རང་གི་ཆུང་མ་(ནི་རང་གི་སེམས་དང་འདྲ་བས་)ཡེ་ཤེས་
ཕྱག་རྒྱའོ། །(དེ་རྣམས་ཀྱི་ལོ་གྲངས་སྦྱར་ན་)སྨད་འཚོང་དམ་པ་(ལས་ཀྱི་ཕྱག་རྒྱ་ནི་)བཅུ་གཉིས་ལོ་ལོན་(མ་ སྟེ་)མཆོག་གི་བདེ་བ་ལ་དགའ་གཞན་གྱི་བུད་མེད་(དམ་ཚིག་གི་ཕྱག་རྒྱ་ནི་)བཅུ་དྲུག་(ལོན་མའི་)ལོ།
།རང་
དབང་མཛེས་པའི་བུ་མོ་(ཆོས་ཀྱི་ཕྱག་རྒྱ་ནི་)ཉི་ཤུའི་ལོ་ལོན་(མ་)དང་ནི་རང་གི་ཆུང་མ་(ཡེ་ཤེས་ཀྱི་ཕྱག་རྒྱ་ ནི་)སུམ་ཅུའི་ལོ་རུ་འགྱུར།
།ཞེས་གསུངས་པའོ།།
གཉིས་པ་ནི། སྙན་བརྒྱུད་ལས། ཡུལ་ནི་བདེ་བ་ཉིད་ཡིན་ཏེ། །བདེ་བ་རྒྱུད་ལ་དྲན་པའོ། ། ཞེས་གསུངས་ཏེ། ལྟེ་བར་གཏུམ་མོའི་མེ་འབར་བས་སྤྱི་བོའི་བྱང་སེམས་ཐིག་ལེ་ཞུ་བའི་རྒྱུན་ འཁོར་ལོ་བཞིའི་ལྟེ་བར་འབབ་པའི་བདེ་བ་དགའ་བ་བཞི་ནི་རྗེས་དྲན་བྱ་བའི་ཡུལ་ལོ།། གསུམ་པ་ནི། སྙན་བརྒྱུད་ལས། དེ་ནས་བདེ་བ་སྤེལ་སྦྱང་ཕྱིར། །རྗེས་སུ་དྲན་པའི་ཡན་ལག་ བསྒོམ། །ཞེས་གསུངས་པས། བྱང་སེམས་ཐིག་ལེའི་རྒྱུན་དཔྲལ་བ་ནས་རྡོ་རྗེ་ནོར་བུའི་བར་དུ་བྱོན་པ་ དེ་ཕྱིར་རོལ་ཏུ་མི་འཕོ་ཞིང་། ཇི་ལྟར་བྱོན་པ་དེ་བཞིན་དུ་སྟེང་དུ་གཤེགས་པར་བྱེད་པའི་དོན་དུ་བསྒོམ་ པའོ།། བཞི་པ་ནི། རྗེས་དྲན་གྱི་སྐབས་འདིར་བདེ་བ་སྐྱེ་བ་ལས་ཀྱི་ཕྱག་རྒྱ་ལ་བརྟེན་པར་གསུངས་ པས་ལས་ཀྱི་ཕྱག་རྒྱ་ལ་བརྟེན་ནས་གཏུམ་མོའི་མེ་དཔྲལ་བའི་ཧཾ་ཡིག་བྱང་ཆུབ་ཀྱི་སེམས་ཀྱི་ཐིག་ ལེ་བཞུ་བ་ན། དང་པོ་ཐིག་ལེ་བསླ་བའི་ངོ་བོ་རྡོ་རྗེ་ནོར་བུའི་བར་དུ་འཛག་པའི་བགྲོད་པར་གནས་པ་ ལས་ཐིག་ལེ་ཅུང་ཟད་བསྐ་བའི་ངོ་བོར་གྱུར་པ་གཡོ་བའི་བགྲོད་པར་མ་གྱུར་གྱི་བར་དུ་རྗེས་དྲན་ བསྒོམ་མོ། །དེ་ནས་ཐིག་ལེ་ཅུང་ཟད་བསྐ་བའི་ངོ་བོར་གྱུར་པ་གཡོ་བའི་བགྲོད་པ་དང་། དེ་ལས་ ཀྱང་ཐིག་ལེ་ཤིན་ཏུ་བསྐ་བའི་ངོ་བོར་གྱུར་པའི་ཐིག་ལེ་མི་གཡོ་བའི་བགྲོད་པར་གྱུར་པ་ན། ལས་ཀྱི་ ཕྱག་རྒྱ་དང་སྦྱོར་བའི་རྗེས་དྲན་གྱི་རྣལ་འབྱོར་ངེས་པར་བསྒོམ་མི་དགོས་ཤིང་། བདེ་བ་ཆེན་པོ་མྱུར་ དུ་རྫོགས་པར་བྱ་བའི་དོན་དུ་བསྒོམ་ཀྱང་འགལ་བ་མེད་དོ། །དེ་བཞིན་དུ་རྗེས་དྲན་གྱི་སྐབས་སུ་ འདོད་པའི་གནས་སྐབས་རྣམ་པ་བཅུ་འབྱུང་བར་འགྱུར་ཞིང་། གནས་སྐབས་བཅུ་པོ་དེ་དག་པར་གྱུར་ གྱི་བར་དུ་རྗེས་དྲན་བསྒོམ་པར་བྱ་སྟེ། འདོད་པའི་གནས་སྐབས་བཅུ་ནི། རྒྱུད་ཀྱི་རྒྱལ་པོ་ལས།
(འདོད་པའི་གནས་སྐབས་བཅུ་ནི་དང་པོ་ཆགས་ཡུལ་ལ་)བསམ་(པ་)དང་(དེ་ནས་དེ་ལ་)འདོད་(པ་དེ་)དང་(དེའི་དབང་ གིས་)ལུས་ལ་རིམས་(ཏེ་དྲོད་སྐྱེ་བ་)དང་(དེའི་དབང་གིས་)ཁ་མཆོག་པདྨ་སྐམ་(པས་སྐོམ་པ་)དང་ཟས་ལ་
རབ་ཏུ་མི་འཇུག་(པ་སྟེ་མི་འདོད་པ་)དང་། །(ལུས་)འདར་དང་(སེམས་རང་བཞིན་དུ་མི་གནས་པས་)སྨྱོ་དང་རབ་ཏུ་ རྨོངས་པར་འགྱུར་དང་ཡིད་ནི་རྣམ་པར་འཁྲུལ་དང་(འཛག་བདེས་)དྲག་ཏུ་བརྒྱལ་བ་དག །(རིམ་གྱིས་ འབྱུང་བས་བདེ་བ་རབ་ཏུ་གསལ་བ་དེ་བཞིན་དུ་)རྡོ་རྗེ་ཅན་གྱི་དུ་བ་ལ་སོགས་(རྟགས་བཅུ་རིམ་པར་)རབ་གསལ (བྱས་པའི་ རྗེས་དྲན་)རྣམ་པ་བཅུ་སྟེ་སྲོག་ཆགས་ལུས་ལ་འཇིག་རྟེན་དུ།
།རབ་ཏུ་གསལ་ཞིང་ངེས་པ(འི་གནས་
སྐབས་བཅུ་པོ་)དེ་རྣམས་ཡིད་སྲུབ་(ཀྱི་)གནས་སྐབས་(བཅུ་སྟེ་གང་ཟག་)སུ་ཞིག་(འདོད་པའི་གནས་སྐབས་བཅུ་པོ་དེ་ ལ་)རྒྱལ་བ་འདོད་པ་དེ་ནི་(རྡོ་རྗེ་རྣལ་འབྱོར་པ་ལས་གཞན་པ་)སུ།
།ཞེས་གསུངས་པའོ། །
ལྔ་པ་རྗེས་དྲན་ཇི་ལྟར་བསྒོམ་པའི་ཚུལ་ལ་གསུམ་སྟེ། སྤྱིར་ཕྱག་རྒྱ་གསུམ་ལ་བརྟེན་ནས་ བདེ་བ་ཆེན་པོ་བསྒྲུབ་པའི་ཚུལ་དང་། བྱེ་བྲག་ཏུ་ལས་ཀྱི་ཕྱག་རྒྱ་ལ་བརྟེན་ནས་རྗེས་དྲན་བསྒོམ་ པའི་ཚུལ་དང་། ལས་ཀྱི་ཕྱག་རྒྱ་ལ་བརྟེན་ནས་བདེ་བ་བསྒྲུབ་པ་གསང་ཆེན་གྱི་ལམ་དུ་བསྟན་ པའོ།། དང་པོ་ནི། རྒྱུད་ཀྱི་རྒྱལ་པོའི་སྒྲུབ་ཐབས་ཀྱི་ལེའུ་ལས། འདི་རྣམས་དམན་པ་ལ་སོགས་དབྱེ་ བ་རྣམས་ཀྱིས་སྣ་ཚོགས་གཙོ་བོའི་བསྒྲུབ་ཐབས་རྣམ་པ་གསུམ་དུ་འགྱུར། །ཕྱག་རྒྱ་གསུམ་དང་ གནས་སྐབས་གསུམ་ནི་རྣམ་གསུམ་བགྲོད་པའི་དབང་གིས་ལས་དང་ཀུན་རྟོག་མཆོག་རྣམས་ སོ། །ཞེས་གསུངས་པའི་དོན། འགྲེལ་ཆེན་ལས། འདི་རྣམས་དམན་པ་ལ་སོགས་དབྱེ་བ་རྣམས་ ཀྱིས་སྣ་ཚོགས་གཙོ་བོ་དུས་ཀྱི་འཁོར་ལོའི་བསྒྲུབ་ཐབས་རྣམ་པ་གསུམ་དུ་འགྱུར། ཕྱག་རྒྱ་ གསུམ་དང་གནས་སྐབས་གསུམ་ཞེས་པ་ནི་རྣམ་པ་གསུམ་བགྲོད་པའི་དབང་གིས་ཞེས་པ་སྟེ། འདིར་ བྱང་ཆུབ་ཀྱི་སེམས་འཛག་པའི་བགྲོད་པ་ནི་དམན་པའི་གནས་སྐབས་དང་གཡོ་བའི་བགྲོད་པ་ནི་ འབྲིང་པོའི་གནས་སྐབས་དང་མི་གཡོ་བའི་བགྲོ ད་པ་ནི་མཆོག་གི་གནས་སྐབས་སོ། །འདི་ རྣམས་ལས་ལས་ཀྱི་ཕྱག་རྒྱ་ནི་འཛག་པའི་བདེ་བ་སྦྱིན་པ་མོ་དང་། ཡེ་ཤེས་ཀྱི་ཕྱག་རྒྱ་ནི་གཡོ་ བའི་བདེ་བ་སྦྱིན་པ་མོ་དང་། ཕྱག་རྒྱ་ཆེན་མོ་ནི་མི་གཡོ་བའི་བདེ་བ་སྦྱིན་པ་མོའོ། །དེ་ལྟར་སྦྱོར་བ་ ཡན་ལག་དྲུག་ལ་ཕྱག་རྒྱ་གསུམ་བསྒོམ་པར་བཅོམ་ལྡན་འདས་ཀྱིས་གསུངས་པའི་ཕྱིར་རྣལ་འབྱོར་ པས་སངས་རྒྱས་ཉིད་ཀྱི་སླད་དུ་སྦྱོར་བ་ཡན་ལག་དྲུག་བསྒོམ་པར་བྱའོ། །ཞེས་དང་། བྱིས་པའི་ སྐྱེ་བོ་རྣམས་ལ་ལས་ཀྱི་ཕྱག་རྒྱ་དེས་བདེ་བ་སྒྲུབ་པར་བྱེད་པར་གསུངས་སོ། །འབྲིང་པོ་རྣམས་ལ་
ཡེ་ཤེས་ཀྱི་ཕྱག་རྒྱས་སོ། །མཆོག་གི་རྣལ་འབྱོར་པ་རྣམས་ལ་ཕྱག་རྒྱ་ཆེན་མོས་སོ། །ཞེས་ གསུངས་ཏེ། འདི་དག་གི་དགོངས་པ་ལ་འབྲོ་བའི་ཆོས་རྗེ་གོང་མ་དག་གི་བཞེད་པས། དབང་པོ་ རྟུལ་པོས་ལས་ཀྱི་ཕྱག་རྒྱ་མཚན་ལྡན་ཇི་ལྟར་རིགས་པ་བསྟེན་པ་ཕྱག་རྒྱ་བཞི་སྦྱོར་སྤྲོས་བཅས་ཀྱི་ སྤྱོད་པ་དང་། དབང་པོ་འབྲིང་པོས་ཡེ་ཤེས་ཀྱི་ཕྱག་རྒྱ་དཀྱིལ་འཁོར་གྱི་ལྷ་ཡབ་གྲངས་དང་མཉམ་ པ་བསྟེན་པ་ཕྱག་རྒྱ་གསུམ་སྦྱོར་སྤྲོས་པ་མེད་པའི་སྤྱོད་པ་དང་། དབང་པོ་རྣོན་པོས་ཕྱག་རྒྱ་ཆེན་མོ་ སྟོང་གཟུགས་རི་རབ་ཀྱི་རྡུལ་དང་མཉམ་པ་བསྟེན་པ་ཕྱག་རྒྱ་གཅིག་སྦྱོར་ཤིན་ཏུ་སྤྲོས་པ་མེད་པའི་ སྤྱོད་པ་བྱ་བ་སྟེ། དོན་གསུམ་དུ་མཛད་ནས་གང་ཟག་དབང་པོ་རྟུལ་པོ་དང་འབྲིང་པོ་དང་རྣོན་པོ་རྒྱུད་ ཐ་དད་པ་གསུམ་ལ། དབང་པོ་རྟུལ་པོས་མི་འཕོ་བའི་བདེ་བ་ཆེན་པོ་སྒྲུབ་པ་ལས་ཀྱི་ཕྱག་རྒྱ་ལ་བརྟེན་ དགོས་ཤིང་། དབང་པོ་འབྲིང་པོས་ལས་རྒྱ་ལ་མི་ལྟོས་པར་ཡེ་ཤེས་ཀྱི་ཕྱག་རྒྱ་ལ་བརྟེན་ནས་མི་འཕོ་ བའི་བདེ་བ་ཆེན་པོ་འགྲུབ་ལ། དབང་པོ་རྣོན་པོས་ཕྱག་རྒྱ་གཉིས་པོ་དེ་ལ་མ་ལྟོས་པར་ཕྱག་རྒྱ་ཆེན་ མོ་ཁོ་ན་ལས་མི་འཕོ་བའི་བདེ་བ་ཆེན་པོ་བསྒྲུབ་པ་དང་། ཕྱག་རྒྱ་བཞི་སྦྱོར་ནི། གཞི་འཛག་མེད་དམ་ ཚིག་གི་ཕྱག་རྒྱ་དང་། དཔེ་ལས་ཀྱི་ཕྱག་རྒྱ་དང་། ལམ་ཡེ་ཤེས་ཀྱི་ཕྱག་རྒྱ་དང་། འབྲས་བུ་ཕྱག་ རྒྱ་ཆེན་མོ་སྟེ་བཞི་པོ་སྦྱོར་བ་དང་། ཕྱག་རྒྱ་གསུམ་སྦྱོར་ནི། ལས་ཕྱག་མ་གཏོགས་གསུམ་པོ་སྦྱོར་ བ་དང་། ཕྱག་རྒྱ་གཅིག་སྦྱོར་ནི། ཕྱག་ཆེན་དང་འཛག་མེད་རོ་གཅིག་པ་ལ་བཞེད་ནའང་། རྒྱུད་དང་ འགྲེལ་པའི་དགོངས་པ་རྣལ་འབྱོར་པ་དབང་པོ་རྟུལ་འབྲིང་རྣོན་པོ་རྒྱུད་ཐ་དད་པ་གསུམ་གྱིས་མི་ འཕོ་བའི་བདེ་བ་བསྒྲུབ་པའི་དོན་དུ་ལས་ཀྱི་ཕྱག་རྒྱ་སོགས་གསུམ་རིམ་པ་ལྟར་བསྟེན་པ་ལ་སྦྱོར་ བ་མ་ཡིན་གྱི། ཕྱག་རྒྱ་གསུམ་དང་གནས་སྐབས་གསུམ་ཞེས་གསུངས་པའི་ཕྱིར་རྣལ་འབྱོར་པ་ གཅིག་ཉིད་ཀྱི་གནས་སྐབས་གསུམ་ལ་ལས་ཀྱི་ཕྱག་རྒྱ་ལ་བརྟེན་དགོས་པ་དང་མི་དགོས་པ་ རིམ་པ་ལྟར་སྦྱར་དགོས་ཏེ། འདི་ལྟར་འཛིན་པའི་ཡན་ལག་ཐོབ་ནས་རྗེས་དྲན་ལ་འཇུག་པའི་དུས་ སུ་རྣལ་འབྱོར་པ་དམན་པའི་གནས་སྐབས་ཏེ། དེས་རྗེས་དྲན་གྱི་རྣལ་འབྱོར་བསྒོམ་པ་དང་བྱང་ སེམས་ཐིག་ལེ་མི་འཕོ་བར་འཆིང་ཞིང་འཕེལ་བར་བྱེད་པ་ལས་ཀྱི་ཕྱག་རྒྱ་ལ་ངེས་པར་བརྟེན་ དགོས་ཏེ། རྒྱུད་ཀྱི་རྒྱལ་པོ་ལས། རྒྱལ་བ(རྡོ་རྗེ་སེམས་དཔའ)འི་(འོད་གསལ་སྟོང་གཟུགས་)དང་ལྷན་(ཅིག་)སྐྱེས་ (པའི་)བདེ་བ་འདི་(གཞི་འབྲས་ཀྱི་ངོ་བོ་)ནི་འཕེལ་བའི་(སྟེ་ཐོབ་)པ་དོན་སླད་(རྣལ་འབྱོར་པའི་ལུས་ལ་བྱང་སེམས་ ཐིག་ལེ་བརྟན་ཞིང་འཕེལ་བའི་དོན་དུ་)དང་པོར་(རྗེས་དྲན་གྱི་དུས་སུ་)ལས་ཀྱི་ཕྱག་རྒྱ་བསྟེན་པར་བྱ།
།ཞེས་དང་།
མེ་ནི་དངུལ་ཆུའི་དགྲ་ཉིད་ཡིན་ཏེ་མེ་དང་རྣམ་པར་བྲལ་ན་ནམ་ཡང་དངུལ་ཆུ་འཆིང་བ་མེད། །མ་
བཅིངས་ན་ནི་གསེར་བྱེད་མེད་དེ་གསེར་དང་བྲལ་ན་སྨྲ་པོ་རྣམས་ལ་ལོངས་སྤྱོད་མེད་པ་ཉིད། །དེ་བཞིན་ (རྗེས་དྲན་གྱི་དུས་སུ་)བུད་མེད་སྦྱོར་བ་བྲལ་ན་རྟག་ཏུ་རྣལ་འབྱོར་པ་རྣམས་དག་གི་(བྱང་)སེམས་(ཐིག་ལེ་)ནི་
འཆིང་མི་འགྱུར། །བཅིངས་པ་མེད་ན་(རྣལ་འབྱོར་)པའི་ལུས་(བདེ་བ་ཆེན་པོས་)འབིགས(་པ)་མེད་དེ་མ་ ཕུག་(ན་)ལུས་ཀྱིས་(རྡོ་རྗེ་ཐེག་པའི་ཉེ་ལམ་གྱི་གནས་སྐབས་)འདིར་ནི་(རྒྱལ་བའི་)ལྷན་སྐྱེས་བདེ་བ་སྟེར་བ་(སྟེ་ཐོབ་ པ་)མིན།
། ཞེས་དང་འགྲེལ་ཆེན་ལས། ཇི་ལྟར་རྡོ་དྲེགས་སྐུད་པའི་གོས་དག་ནི། །མེ་ཡིས་བསྲེག་
པ་ཉིད་ཀྱིས་དག་འགྱུར་བ། །དེ་བཞིན་སྐྱེས་བུ་(མཆོག་གི་རྣལ་འབྱོར་པ་)རྣམས་ཀྱི་(བདེ་བ་)དམ་པ་ཡི། ། སེམས་ནི་(ལས་ཀྱི་ཕྱག་རྒྱ་ལ་བསྟེན་པའི་)ཤེས་རབ་ཡེ་ཤེས་དག་གིས་སོ། །ཇི་ལྟར་དངུལ་ཆུ་མེ་ཡིས་རེག་ པ་ལས། འབྲོས་པར་བྱེད་ཀྱི་གཡོ་བ་མེད་མི་འགྱུར། །དེ་བཞིན་(སྦྱོར་བ་ཡན་ལག་དྲུག་གི་)ཐབས་དང་ བྲལ་བའི་ཁུ་བ་ནི། །རྟག་ཏུ་(ལས་ཀྱི་ཕྱག་རྒྱའི་)སྐྱེ་གནས་(ལ་)རེག་པ་དག་ལས་(ཉི་མས་)སོ། །ཇི་ལྟར་ གཡོ་བ་དེ་ཡང་སྨན་སོགས་ཀྱི། །སྟོབས་ཀྱིས་མེ་དང་ཕྲད་པས་ཡང་དག་འཆིང་། །(རྣལ་འབྱོར་པའི་)དེ་ བཞིན་ཁུ་བ་ཤིན་ཏུ་རྣལ་འབྱོར་(ཡན་ལག་དྲུག་གི་ཐབས་)གྱིས། །ཤེས་རབ་(ལ་)དག་དང་ཡང་དག་ ཕྲད་པས་(འཆིངས་)སོ། །ཞེས་དང་། དཔལ་དོན་དམ་པའི་བསྙེན་པ་ལས། བུད་མེད་སྦྱོར་བས་ དམན་པས་ཐར་པའི་བདེ་བ་མེད། །བུད་མེད་སྦྱོར་བས་དམན་ན་སྲིད་མེའི་སྡུག་བསྔལ་མེད། །དེ་ བས་རང་གི་བློ་ཡིས་ལེགས་པར་དཔྱད་ནས་ནི། །སྔགས་པས་གང་ལ་མོས་པ་ཡང་ནི་བླང་བར་ གྱིས། །ཞེས་དང་། སྦྱོར་བ་མ་གཏོགས་གཡོ་བའི་སེམས་ནི་མི་འཆིང་སྟེ། །སེམས་མ་བཅིངས་པ་ ཡིས་ནི་ལུས་ལ་འབིགས་པ་མེད། །མ་ཕུག་པ་ཡི་ལུས་ལ་དག་པའི་སྤྱོད་པ་མེད། །མ་དག་པ་ཡི་སྤྱོད་པ་ ཡིས་ནི་བདེ་བ་མི་སྟེར་རོ། །ཞེས་གསུངས་སོ། །དེས་ན་རྗེས་དྲན་གྱི་སྐབས་འདིར་ལས་ཀྱི་ཕྱག་རྒྱ་ ལ་སྙོམས་པར་ཞུགས་ཤིང་ལྟེ་བའི་གཏུམ་མོའི་མེས་དཔྲལ་བའི་ཧཾ་ཡིག་བྱང་སེམས་ཐིག་ལེ་བཞུ་བ་ བྱང་སེམས་སླ་བའི་ངོ་བོ་རྡོ་རྗེ་ནོར་བུའི་བར་དུ་ཡང་དང་ཡང་དུ་འཛག་པར་བྱེད་ཅིང་། རྡོ་རྗེ་ནོར་བུ་ ལས་ཕྱིར་མི་འཕོ་བར་འཛིན་པའི་གནས་སྐབས་ལ་རྣལ་འབྱོར་པ་དམན་པའི་གནས་སྐབས་ཞེས་བྱ་ ཞིང་། ལས་ཀྱི་ཕྱག་རྒྱ་ནི་འཛག་པའི་བདེ་བ་སྦྱིན་པ་མོ་ཞེས་གསུངས་སོ། །དེ་ནས་བྱང་སེམས་ ཐིག་ལེ་ཅུང་ཟད་སྐ་བའི་ངོ་བོར་གྱུར་པའི་ཚེ་ལས་ཕྱག་རྒྱ་ལ་མ་སྦྱར་ཡང་ལྷ་ཡབ་ཡུམ་སྙོམས་པར་ ཞུགས་པར་བསྒོམ་པ་ཡེ་ཤེས་ཀྱི་ཕྱག་རྒྱ་ལ་བརྟེན་ནས། བྱང་སེམས་ཐིག་ལེ་གཡོ་བའི་གནས་ སྐབས་སུ་གྱུར་པ་ན། རྣལ་འབྱོར་པ་འབྲིང་གི་གནས་སྐབས་ཞེས་བྱ་སྟེ། ཡེ་ཤེས་ཀྱི་ཕྱག་རྒྱ་ནི་གཡོ་ བའི་བདེ་བ་སྦྱིན་པ་མོ་ཞེས་གསུངས་སོ། ། དེ་ནས་བྱང་སེམས་ཐིག་ལེ་ཤིན་ཏུ་བསྐ་བའི་ངོ་བོར་གྱུར་
པ་ན་ལས་རྒྱ་དང་ཡེ་ཤེས་ཀྱི་ཕྱག་རྒྱ་མ་བསྒོམས་ཀྱང་ཕྱག་རྒྱ་ཆེན་མོ་ཁོ་ན་བསྒོམས་པས། ཐིག་ ལེ་གཡོ་བ་མེད་པའི་ཚུལ་གྱིས་བདེ་བ་ཆེན་པོ་རྫོགས་པར་བྱེད་པ་ན་རྣལ་འབྱོར་པ་མཆོག་གི་གནས་ སྐབས་སུ་གྱུར་པ་ཞེས་བྱ་སྟེ། ཕྱག་རྒྱ་ཆེན་པོ་ནི་མི་གཡོ་བའི་བདེ་བ་སྦྱིན་པ་མོའོ་ཞེས་གསུངས་སོ། ། དེ་ཡང་གནས་སྐབས་གསུམ་པོ་རྣམས་སུ་ཕྱག་རྒྱ་ཆེན་མོ་ངེས་པར་བསྒོམ་དགོས་ཤིང་། འབྲིང་པོ་དང་ མཆོག་གི་གནས་སྐབས་སུ་ཡང་བདེ་བ་ཆེན་པོ་མྱུར་དུ་རྫོགས་པར་བྱ་བའི་དོན་དུ་ལས་དང་ཡེ་ཤེས་ཀྱི་ ཕྱག་རྒྱ་བསྒོམ་པར་བྱ་བ་ཡང་ཡིན་ལ་ངེས་པར་བསྒོམ་དགོས་པ་ཡང་མ་ཡིན་ནོ།། གཉིས་པ་བྱེ་བྲག་ཏུ་ལས་ཀྱི་ཕྱག་རྒྱ་ལ་བརྟེན་ནས་རྗེས་དྲན་བསྒོམ་པའི་ཚུལ་ལ་གསུམ་སྟེ། སྔོན་དུ་བྱང་སེམས་ཐིག་ལེ་འཛིན་འདྲེན་ནུས་པར་བསྒྲུབ་པ་དང་། གྲུབ་ནས་ཕྱག་རྒྱའི་རྣལ་འབྱོར་ བསྒོམ་པ་དང་སྤོགས་པའི་ཆོ་གའོ།། དང་པོ་ལ། ལུས་རྩའི་འདུག་སྟངས་དང་ལྟ་སྟངས། ངག་རླུང་གི་འཁྲུལ་འཁོར། སེམས་ཀྱི་གཞག་ ཐབས་དང་གསུམ་ལས། དང་པོ་ལ། ཆོས་སྐུ་ཁྲོ་བོ་སེངྒེའི་འདུག་སྟངས་ནི། སྒལ་ཚིགས་བསྲང་རྐང་པ་གཉིས་བཤང་ སྒོར་བསྣོལ་ནས་པུས་མོ་བསླང་བའི་སྟེང་དུ་ལག་པ་གཉིས་བསྣོལ་བའི་གྲུ་མོ་བཞག་ནས་ལག་པས་ དཔུང་པ་གཉིས་དམ་དུ་བསྡམས་པའོ། །དེ་བརྐྱང་བ་ནི་པུས་མོ་གཉིས་བཀུག་པ་གདན་ལ་བཙུགས་ ཏེ་ཅུང་ཟད་འགྱེལ་ནས་སྒལ་ཚིགས་འཕྲེད་ལ་བསྲང་བའོ། ། ལོངས་སྐུ་ཞི་མ་ཁྲོ་གླང་པོའི་འདུག་སྟངས་ནི། པུས་མོ་གཉིས་བཀུག་ཅིང་གཤིབས་པ་སྟན་ ལ་བཙུགས་ནས་མདུན་དུ་ཅོག་ཙེ་ལ་སོགས་པའི་སྟེགས་མཐོ་བ་ཅིག་གི་སྟེང་དུ་གྲུ་མོ་གཉིས་ བཙུགས་ཏེ་ལག་པ་བསླང་བའི་རྡོ་རྗེ་ཁུ་ཚུར་གཉིས་ཀྱི་བར་དུ་ཀོ་སྐོ་བཞག སྒལ་ཚིགས་དྲང་བོར་ བསྲང་བའོ། །དེ་བརྐྱང་བ་ནི་པུས་མོ་སྟན་ལ་བཙུགས་པ་བགྲད་ནས་ལག་པ་གཉིས་རྡོ་རྗེ་ཁུར་ཚུར་ བཅས་པས་རྐེད་པའི་རྒྱབ་ནས་བརྟེན་ཏེ། ཅུང་ཟད་འགྱེལ་ཏེ་སྒལ་ཚིགས་དྲང་པོར་བསྲང་བའོ། ། སྤྲུལ་སྐུ་ཞི་བ་དྲང་སྲོང་གི་འདུག་སྟངས་ནི། སེངྒེའི་འདུག་སྟངས་གཞིར་བཞག་པ་ལ་ལག་པ་ གཉིས་རྡོ་རྗེ་ཁུ་ཚུར་བཅས་པ་སྙིང་ཁར་བསྣོལ་བའོ། །དེ་བརྐྱང་པའང་ཆོས་སྐུ་དང་འདྲ་བ་ལ་ལག་པ་ གཉིས་རྡོ་རྗེ་ཁུ་ཚུར་བསྣོལ་བའོ།། ལྟ་སྟངས་ཀྱང་མིག་བགྲད་པ་སྟེང་དུ་ལྟ་བ་ཁྲོ་བོ་དང་། ཐད་ཀ་ ལས་ཅུང་ཟད་མཐོ་བར་ལྟ་བ་ཞི་མ་ཁྲོ་དང་། ཐད་ཀ་ལས་ཅུང་ཟད་དམའ་བར་བལྟ་བ་ཞི་བའི་ལྟ་ སྟངས་སོ། །ལུས་གནད་འདི་དག་མན་ངག་གཞན་དང་སྒོ་བསྟུན་དུ་མཛད་པ་སྟེ། འདིར་འཛིན་པ་
གྲུབ་པའི་སྐབས་ཡིན་པས་འདི་དག་མ་བྱས་ཀྱང་འགལ་བ་མེད་ལ། དཀྱིལ་དཀྲུང་བཅས་ནས་རྡོ་རྗེ་ཁུ་ ཚུར་སྙིང་ཁར་བསྣོལ་བའི་སྟེང་ནས་འཛིན་འདྲེན་བྱས་པས་ཆོག་ཅེས་ཆོས་རྗེ་ཀུན་སྤངས་ཆེན་པོ་ཉིད་ བཞེད་པ་ཡིན་ཞེས་གསུངས་སོ། །ངག་རླུང་གི་འཁྲུལ་འཁོར་ནི་འཛིན་པའི་སྐབས་ཀྱི་དེ་ཉིད་གཞིར་ བཞག་པ་སྟེ་གོང་གི་ལུས་གནད་བཅས་ནས། རླུང་མཉམ་རྒྱུའམ་བུམ་པ་ཅན་གྱི་རྗེས་སུ་འོག་སྒོ་ དྲག་ཏུ་ཡར་འཐེན་ཏེ། ཕྱི་རླུང་ཧཱུཾ་རིང་ཀྱིས་རླུང་ཕྱིར་རིང་དུ་གཏོར་ནས་ནང་རླུང་ཛཿཧཱུཾ་བཾ་ཧོཿ ཧིས་ ཡེ་ཤེས་པ་ཐིག་ལེ་དགུག་གཞུག་བཅིང་མཉེས་རོ་མཉམ་པར་བྱས་ལ། གསང་རླུང་ལཱི་ཨཱུ་རཱི་ཨཱིའི་ གླུས་ལྟེ་བ་དང་སྙིང་ཁ་དང་མགྲིན་པ་དང་དཔྲལ་བར་དྲངས་ཏེ། འོག་ཏུ་སྔར་བཞིན་མནན་ནས་ཕྱི་ རླུང་འདྲའོ། །གཞན་ཡང་ཕྱི་ནང་གི་རླུང་སྦྱོར་སྔར་བཞིན་བྱས་ནས་གསང་རླུང་ལི་ལུ་ལིར་ལི་ལ་ལཾ་ ལཿ ལཾ་ལ་ཞེས་པས་ལྟེ་བར་དང་། ཨུ་ཝིལ་ཝིར་ཝི་ཝ་ཝཾ་ཝཿ ཝཾ་ཝ་ཞེས་པས་སྙིང་ཁར་དང་། རྀ་རླྀ་ རུ་རྀ་ར་རཾ་རཿ རཾ་ར་ཞེས་པས་མགྲིན་པར་དང་། ཨི་ཡྀལ་ཡུ་ཡྀར་ཡ་་ཡཿ ཡཱཾ་ཡ་ཞེས་པས་ དཔྲལ་བར་དང་། ཨ་ཨལ་ཨོ་ཨར་ཨེ་ཨཾ་ཨཿ ཨཱཾ་ཧ་ཞེས་པས་གཙུག་ཏོར་གྱི་བར་དུ་དྲངས་ཏེ། འོག་ཏུ་སྔར་བཞིན་མནན་པས་རོ་མཉམ་དུ་བསྲེས་ནས་ཕྱི་རླུང་འདྲའོ། །ཡང་ན་རླུང་འོག་ཏུ་ཛཿཧཱུཾ་ བཾ་ཧོཿ ཧིས་སྔར་བཞིན་མནན་པས་རོ་མཉམ་དུ་བསྲེས་ནས་ཨཾ་མླི་མུ་མྲི་མི་མཾ་མཿ མཱཾ་མ་ཞེས་པས་ ལྟེ་སྙིང་དང་། ཨཱཿརླྀ་རུ་རིར་རི་ར་རཾ་རཿ རཱཾ་ར་ཞེས་པས་མགྲིན་པར་དྲངས་ཏེ། ཧ་་ཧུ་ཧྲི་ཧྀ་ཧ་ཧཾ་ ཧཿ ཧཱཾ་ཧ་ཞེས་པས་ཕྱིར་རིང་དུ་བཏང་ངོ་། །རླུང་སྦྱོར་འདི་གསུམ་རླུང་རིང་ཁུག་པ་རེ་ལ་བྱེད་པ་ཡིན། གནད་འཆོལ་ན་གེགས་འོང་བས་འདི་བཞིན་མཁས་པ་གལ་ཆེ་ཞིང་འདི་རྩ་སྦྱོང་ཡིན་པས་ཉིན་ མཚན་རེ་ལ་རླུང་ཁུག་པ་ཐུན་ཆུང་རེ་རེ་གཉིས་གཉིས་པས་མང་པ་མི་བྱ་གསུང་ངོ་།། [སྔགས་ཀྱི་ ཡི་གེ་འདི་རྣམས་རླུང་འཛིན་འདྲེན་དང་ལྷན་ཅིག་ཡིད་ལ་དྲན་པ་ཙམ་བྱའོ།། ངག་ཏུ་བརྗོད་པར་བྱ་ བ་ནི་མ་ཡིན་ནོ།།] གཞན་ཡང་ཡི་གེ་འདི་རྣམས་རིང་པོ་དང་ཤིན་ཏུ་རིང་པོ་རྣམས་ཀྱིས་བདེ་སྟོང་གཉིས་སུ་མེད་ པའི་ཡེ་ཤེས་སྤྱི་གཙུག་བདེ་ཆེན་གྱི་འཁོར་ལོར་བསྡུ་བར་བྱ་སྟེ། དེ་ལྟར་ཡི་གེ་ཐུང་ངུ་རྐང་བཅས་ལྔ་ བཅུ་རྩ་དྲུག་(བྱིས་པ་མ་སྐྱེས་པའི་དུས་ཀྱི་)དབུ་མའི་དབུགས་ཀྱི་ས་བོན་རྣམས་ཀྱིས་བདེ་སྟོང་གཉིས་སུ་ མེད་པའི་ཡེ་ཤེས་གསང་གནས་བདེ་སྐྱོང་གི་འཁོར་ལོར་བསྐྱེད་ཅིང་། དེ་དག་གི་གནད་རྣམས་དཔལ་ ལྡན་བླ་མ་མཉེས་པར་བྱས་པའི་ཞལ་ལས་ཤེས་པར་བྱའོ། །འདིར་ཉམས་རྟགས་ལྔ་སྐྱེ་ཚུལ་ཡང་བླ་ མའི་ཞལ་དང་རང་གི་ཉམས་སུ་མྱོང་བ་ལས་ཤེས་པར་བྱའོ། །འདི་ནི་རྒྱུད་ཀྱི་རྒྱལ་པོའི་ཡེ་ཤེས་ཀྱི་
ལེའུ་ལས། ཡེ་ཤེས་དགུག་པར་བྱེད་པ་འདི་ནི་སླར་ཡང་ཤིན་ཏུ་སྟོབས་ཏེ་དེ་ནི་གཞུག་པ་རྨུགས་ བྱེད་ཀྱིས། །དེ་ནི་བཅིངས་པ་རེངས་བྱེད་ཀྱིས་ཏེ་ངེས་པར་མཆོག་བདེའི་དབང་གིས་ཁེངས་བྱེད་ ཀྱིས་ནི་མཉེས་པ་ཡང་། །ཡེ་ཤེས་འཁོར་ལོ་དག་ལ་འཁོར་ལོར་རོ་ནི་མཉམ་པར་བྱེད་པ་རྡོ་རྗེ་ཤུགས་ ཀྱིས་བྱེད་པ་སྟེ། །དེ་བཞིན་ཁྲོ་བོའི་ལྷ་མོ་རྣམས་ནི་རབ་གསལ་ངེས་པར་རྣལ་འབྱོར་མ་ཡི་རྒྱུད་ཀྱི་སྐུ་ ལའོ། །ཞེས་གསུངས་པའི་དོན། ནང་དུ་རྫོགས་རིམ་ལ་སྦྱར་བའི་དགོངས་པ་ཡིན་པར་ཆོས་རྗེ་གོང་ མ་དག་བཞེད་དོ། །ཡི་གེ་འདི་རྣམས་ནི་ཡེ་ཤེས་ལེའུར། ལྀ་སོགས་དབྱངས་བརྒྱད་གང་དག་ཡུལ་ དང་ཡོན་ཏན་དུ་གྱུར་དབྱངས་ཕྱེད་ཀྱིས་ནི་རྣམ་པར་དམན་པ་རྣམས། ། ཕན་ཚུན་དབྱེ་བས་ཕྱེ་བ་རྐང་པ་དང་ བཅས་རོ་དང་མདའ་རྣམས་དབུ་མའི་དབུགས་ནི་འབབ་པ་སྟེ། །ཞེས་གསུངས་པའི་དོན། བྱིས་པ་སྐྱེས་ མ་ཐག་པའི་དབུ་མའི་དབུགས་རྐང་བཅས་ལྔ་བཅུ་རྩ་དྲུག་གི་ས་བོན་གྱི་ཡི་གེ་རྣམས་སོ། །སྙན་ བརྒྱུད་ལས་ཀྱང་། དྷཱུ་ཏིར་རླུང་ནི་ཚུད་པ་ནི། །ལམ་དུ་མི་འགྱུར་ཐིག་ལེར་གཞུག །ལུས་སོགས་ ཐིག་ལེ་བཞི་པོ་ལ། །རིམ་དང་གཅིག་ཅར་རླུང་སེམས་ནི། །ངེས་པར་བཙུད་ནས་མི་གཡོར་བྱ། །དེ་ལ་ མི་གཡོ་བརྟན་གྱུར་པས། །ཐིག་ལེར་ཆགས་པའི་བདེ་བ་སྐྱེ། །བུད་མེད་ཀུན་ལ་སྙོམས་ཞུགས་ཀྱང་། །ཐིག་ལེ་ལྟུང་བར་མི་འགྱུར་རོ། །ལུང་སྟོན་བདེ་སྐྱེ་ལུས་བརྟན་འགྱུར། །ཞེས་དང་། རླུང་སེམས་ དྲག་ཏུ་ཐིག་ལེར་གཞུག །ཅེས་གསུངས་པའི་དགོངས་པར་བཞེད་དོ།། གཉིས་པ་གྲུབ་ནས་ཕྱག་རྒྱའི་རྣལ་འབྱོར་བསྒོམ་པ་ལ། སྙོམས་འཇུག་བྱ་བའི་ཡུལ་ལས་ཀྱི་ ཕྱག་རྒྱ་དང་། སྙོམས་འཇུག་གི་རྣལ་འབྱོར་ཇི་ལྟར་བསྒོམ་པའི་ཚུལ་དང་། སྒོམ་ཐབས་ཤེས་མ་ཤེས་ ཀྱི་སྐྱོན་ཡོན་དང་། ཀུན་སྤངས་ཀྱི་རྣལ་འབྱོར་པའི་བྱ་བ་དང་བཞི་ལས། དང་པོ་ནི། ཀྱེའི་རྡོ་རྗེ་ལས། དལ་ཞིང་མི་གཡོ་མ་ཉིད་དང་། །སྙན་པར་སྨྲ་ཞིང་ཡིད་འོང་མ། ། སྐྲ་བཟང་དབུས་ན་གཉེར་མ་གསུམ། །ཕལ་བས་པདྨ་ཅན་དུ་བརྗོད། །ལྷན་ཅིག་སྐྱེས་པའི་གཟུགས་ ཅན་མ། །དེ་རྙེད་ནས་ནི་དངོས་གྲུབ་འགྱུར། །ཞེས་དང་། ཤིན་ཏུ་བཞིན་བཟང་མིག་ཡངས་མ། ། རང་གིས་དབང་བསྐུར་སྙིང་རྗེ་ཅན། །རྡོ་རྗེ་བུ་མོ་འདི་ཁྱེར་ནས། །སྤྱོད་པ་བྱ་བ་རྟོགས་པར་གྱིས། ། ཞེས་གསུངས་ཤིང་རྒྱུད་འགྲེལ་ཆེན་པོ་ལས། ཕོ་ཉ་མོའི་དབྱེ་བ་ལྔ་གསུངས་ཏེ། གླ་རྩིའི་དྲི་དང་། པདྨའི་དྲི་དང་། གཅི་བའི་དྲི་དང་། ཉའི་དྲི་དང་། རྣག་གི་དྲི་དང་ལྡན་པ་དང་། སྐྱེ་བའི་གནས་ལྔ་ རྣམས་སུ་ཁ་དོག་ལས་རྡོ་རྗེ་དང་། རལ་གྲི་དང་མདའ་འམ་རིན་པོ་ཆེ་དང་པདྨ་འདབ་མ་བརྒྱད་པ་དང་ འཁོར་ལོའི་མཚན་མ་དང་ལྡན་པ་དང་། ལག་པ་དང་རྐང་པའི་མཐིལ་ལ་མཚན་མ་དེ་དག་གི་རི་མོ་ཡོད་
པ་ནི་རིམ་པ་ལྟར། རྡོ་རྗེ་དཔལ་ལྡན་བཟང་མོ་དང་། པདྨ་ཅན་དང་། དུང་ཅན་མ་དང་། སྣ་ཚོགས་མ་ དང་། གླང་ཆེན་མ་ཞེས་བྱ་སྟེ། རྡོ་རྗེ་དབྱིངས་ཀྱི་དབང་ཕྱུག་མ་དང་། སྒྲོལ་མ་དང་། གོས་དཀར་མོ་ དང་། མཱ་མ་ཀི་དང་། སངས་རྒྱས་སྤྱན་མའི་རིགས་ཅན་དུ་ཤེས་པར་བྱ་ཞིང་། རྒྱུད་འགྲེལ་ལས། གང་གི་གནས་སུ་མེ་ཏོག་བཟང་པོ་ཡི་གེ་གསུམ་གྱིས་མངོན་པར་བསྔགས་པ་ལྟུང་བ་དེར་གནས་པའི་ ལྷ་ནི་དེའི་རིགས་ཀྱི་ལྷར་འགྱུར་ཏེ། དེའི་ལས་ཀྱི་ཕྱག་རྒྱས་འགྲུབ་པོ་ཞེས་པ་ནི་ངེས་པའོ། །ཞེས་ གསུངས་པ་ལྟར་དབང་བསྐུར་བའི་དུས་སུ་མེ་ཏོག་གང་ལ་ཕོག་པའི་ལྷ་དེའི་ཡུམ་གྱི་རིགས་ཅན་ དེ་བསྟེན་པར་བྱ་བའི་ཕྱག་རྒྱ་ཡིན་ལ། དེ་ལྟ་བུ་མ་རྙེད་ན་དགེ་བསྙེན་མའི་བསླབ་པ་དང་། དབང་གིས་ སྨིན་པར་བྱས་པའི་ལས་རྒྱ་ཅིག་ལ་བརྟེན་ནོ།། གཉིས་པ་ནི། རྩ་བའི་རྒྱུད་ལས། བཅུ་དྲུག་ལོ་ལོན་རིགས་ཅན་མ། །གཟུགས་དང་ལང་ཚོས་བརྒྱན་ པ་ལ། །དང་པོར་ལེགས་པར་བསླབ་བྱས་ནས། །དབང་བསྐུར་ནས་ནི་བསྒྲུབ་པ་བརྩམ། །སྐུ་གསུངས་ ཐུགས་དང་ཆགས་པ་ནི། །དཔྲལ་བ་ལ་སོགས་རྣམས་ལ་དགོད། །སྭཱ་ཧཱ་གསང་བ་གཙུག་ཏོར་ཆེ། ། དེ་ནས་པདྨ་རྣམ་པར་སྦྱངས། །ཨཱཿལས་པདྨ་འདབ་བརྒྱད་པ། །ཧཱུཾ་ཡིག་གི་ནི་རྡོ་རྗེར་ལྡན། །དེ་ལྟར་ རྡོ་རྗེ་དང་བཅས་པའི། །ཤེས་རབ་པདྨ་བསྐྱོད་རྒྱུ་ལས། །ཧཱུཾ་གིས་རང་གི་རྡོ་རྗེ་ནི། །རྩེ་མོ་ལྔ་པ་རྣམ་ པར་བསྒོམ། །དེ་དབུས་པདྨ་འདབ་བརྒྱད་པ། །ཨཱཿཡིག་གིས་ནི་རབ་ཏུ་བརྟག །དེ་ལྟར་རྡོ་རྗེ་པདྨ་ དང་། བཅས་པ་བྱས་ནས་པདྨར་གཞུག །དེ་ནས་རྡོ་རྗེ་འཛིན་པའི་སྙེམས། །འཛིན་ཞིང་རྣལ་འབྱོར་ ཧཱུཾ་ཕཊ་བྱ། །བྷ་གར་ལིང་ག་རབ་བཀོད་ནས། །བྱང་ཆུབ་སེམས་ནི་སྤྲོ་མི་བྱ། །ཁམས་གསུམ་པོ་ནི་ མ་ལུས་པའི། །སངས་རྒྱས་གཟུགས་ནི་བསྒོམ་པར་བྱ། །ལྟེ་བར་གཏུམ་མོ་འབར་བ་ཡིས། །དེ་བཞིན་ གཤེགས་པ་ལྔ་བསྲེགས་ཅིང་། །སྤྱན་མ་མིག་ལ་སོགས་པ་ཡང་། །བསྲེགས་ནས་རི་བོང་ཅན་ ཧཾ་འཛག །བདུད་རྩི་ཁུ་བའི་ཆོས་ཅན་ནི། །ཐིག་ལེའི་གཟུགས་ཀྱིས་འཛག་པར་བྱེད། །ཐིག་ལེའི་ རྣལ་འབྱོར་ཞེས་པར་གྲགས། །ཞེས་གསུངས་པ་ལྟར་ཉམས་སུ་བླང་བ་ནི། རིག་མ་མཚན་ཉིད་དང་ ལྡན་པ་དགེ་བསྙེན་མའི་བསླབ་པ་དང་ལྡན་ཞིང་། སློབ་དཔོན་རང་ཉིད་ཀྱིས་དབང་བསྐུར་བས་རྒྱུད་ སྨིན་པར་བྱས་པ་དང་ལྷན་ཅིག་ཏུ། རྗེས་དྲན་གྱི་རྣལ་འབྱོར་བསྒོམ་པར་བྱ་སྟེ། དང་པོར་ཐབས་རང་ ཉིད་ཡབ་དུས་ཀྱི་འཁོར་ལོ་དང་། ཤེས་རབ་སྣ་ཚོགས་ཡུམ་དུ་བསྐྱེད་པའི་དཔྲལ་བ་མགྲིན་པ་སྙིང་ ཁ་ལྟེ་བ་གསང་གནས་གཙུག་ཏོར་རྣམས་སུ་ༀ་ཨཱཿཧཱུྃ་ཧོཿསྭཧཱ་རྣམས་བསྒོམས་ཤིང་། ཤེས་རབ་ ཀྱི་པདྨ་སྭ་བྷ་ཝས་སྟོང་པར་སྦྱངས་པའི་ངང་ལས་ཨཱཿལས་པདྨ་འདབ་མ་བརྒྱད་པ་ཟེ་འབྲུ་ལ་ཧཱུཾ་
ཡོངས་སུ་གྱུར་པའི་རྡོ་རྗེ་རྩེ་ལྔ་པས་མཚན་པ་དང་། ཐབས་ཀྱི་རྡོ་རྗེ་སྟོང་པའི་ངང་ལས་ཧཱུཾ་ལས་རྡོ་རྗེ་རྩེ་ ལྔ་པའི་དབུས་སུ་ཨཱཿ ལས་བྱུང་པའི་པདྨ་འདབ་མ་བརྒྱད་པས་མཚན་པར་བསྒོམས་ནས་ སྙོམས་པར་ཞུགས་ཤིང་། རྡོ་རྗེ་འཛིན་པའི་ང་རྒྱལ་དང་བཅས་པའི་ངང་ནས། ངག་རླུང་གི་འཁྲུལ་ འཁོར་ཧཱུཾ་ཕཊ་གོང་དུ་བསྟན་པ་བཞིན་བྱ་ཞིང་། སྦས་པ་མིག་འབྱེད་ལས། ཡང་བཙན་ཐབས་ཀྱི་ སྦྱོར་བ་གཉིས་པ་བརྗོད་པར་བྱ་སྟེ། སྟོང་པ་ཉིད་ཀྱི་རང་བཞིན་ཤེས་རབ་མ་དང་སྙོམས་པར་ཞུགས་ ཤིང་མཉམ་པར་འཇོག་པའི་དུས་སུ་སྙིང་རྗེའི་བདག་ཉིད་ཀྱི་གསང་བའི་གནས་ཐུར་སེལ་གྱི ་ སྒོ་ གཡའ་བའམ། ལུས་བེར་བ་ལངས་པའི་དུས་དེ་ཉིད་དུ། རྡོ་རྗེ་ནོར་བུའི་རྩ་བར་ལག་པ་གཡས་ པའི་འཐེབ་སོར་སྦྱར་བས་མནན་ཅིང་། ལུས་མི་གཡོ་བར་སེམས་བདེ་བ་ལ་གཏད་ཅིང་ཡར་དྲང་བ་ དང་རྒྱུ་ཞབས་ཀྱི་ཤ་ཚིགས་པ་ལ་སྦྱར་བ་དང་མིག་བགྲད་པ་དང་རྐང་པའི་མཐེ་བོང་ནང་དུ་བསྐུམ་པ་ དང་། རྟིང་པ་ཕྱིར་བརྐྱང་པས་ཤེས་རབ་མ་དང་ཐབས་གཉིས་ཅར་ཡང་མི་འགུལ་མི་གཡོ་བར་བདེ་བ་ ལ་སེམས་གཏད་ཅིང་གནས་པ་ནི་བཙན་ཐབས་ཀྱི་སྦྱོར་བ་གཉིས་པའོ། །ཞེས་བཤད་པ་ལྟར་བྱ་ཞིང་། བྱང་སེམས་ཐིག་ལེ་མི་འཕོ་ཞིང་བརྟན་པར་བཟུང་སྟེ། སེམས་སྟོང་པ་ཉིད་ཀྱི་གཟུགས་ལ་རྩེ་ གཅིག་ཏུ་ལྟ་བའི་ཏིང་ངེ་འཛིན་བསྒོམ་པར་བྱའོ། །དེ་ལྟར་བསྒོམས་པ་ལས་ལྟེ་བར་སྟེང་སྲོག་དང་ འོག་ཐུར་སེལ་གྱི་རླུང་གཅིག་ཏུ་སྦྱོར་ཞིང་རྩ་དབུ་མར་ཡེ་ཤེས་ཀྱི་རླུང་གཡོ་བ་མེད་ཅིང་། སྟོབས་ དང་ལྡན་པའི་གཏུམ་མོའི་མེ་འབར་བ་ཡིས་དེ་བཞིན་གཤེགས་པ་ལྔའི་མིང་ཅན་རྩ་གཡོན་གྱི་ཕུང་ པོ་ལྔའི་རླུང་བསྲེགས་པ་སྟེ་འགག་ཅིང་། སྤྱན་མ་སོགས་དེ་བཞིན་གཤེགས་མ་ལྔའི་མིང་ཅན་ རྩ་གཡས་ཀྱི་ཁམས་ལྔའི་རླུང་དང་། མིག་ལ་སོགས་པའི་དབང་པོ་ལྔ་ཡུལ་ལ་འཇུག་པ་ཡང་ བསྲེགས་པ་སྟེ། འགགས་ནས་སྤྱི་བོའི་ཧཾ་གི་ས་བོན་ཅན་གྱི་རི་བོང་ཅན་ཞེས་པ་བྱང་སེམས་ཐིག་ལེ་ ཞུ་བ་ལས་བདུད་རྩི་ཁུ་བའི་ཐིག་ལེ་དཔྲལ་བ་ནས་མགྲིན་པར་བྱོན་པ་དགའ་བའི་དགའ་བ་དང་། མགྲིན་པ་ནས་སྙིང་ཁར་བྱོན་པ་མཆོག་དགའ་དང་། སྙིང་ཁ་ནས་ལྟེ་བར་བྱོན་པ་ཁྱད་པར་གྱི་དགའ་ བ་དང་། ལྟེ་བ་ནས་གསང་གནས་དང་རྡོ་རྗེ་ནོར་བུའི་བར་དུ་བྱོན་པ་ལྷན་ཅིག་སྐྱེས་པའི་དགའ་བ་སྟེ། བྱང་སེམས་ཕྱི་རོལ་ཏུ་མི་འཕོ་བའི་དགའ་བ་བཞི་ཉམས་སུ་མྱོང་བ་ནི་རྗེས་དྲན་གྱི་རྣལ་འབྱོར་ཏེ་འདི་ ལ་གཏུམ་མོའི་རྣལ་འབྱོར་དང་། ཐི ག ་ལེའི་རྣལ་འབྱོར་ཞེས་ཀྱང་བྱའོ། །དེ་ལྟ་བུའི་སྙོམས་ འཇུག་གི་རྣལ་འབྱོར་བྱེད་པ་ན། བྱང་སེམས་ཐིག་ལེ་འཛིན་པའི་ཐབས་ནི། སྙན་བརྒྱུད་ལས། ཆགས་ཅན་སྦྱོར་དྲུག་མན་ངག་ནི། །དབབ་དང་གཟུང་དང་བཟློག་པ་དང་། །གནས་སུ་བསྐྱལ་དང་
རྩ་མིག་གདབ། །རླུང་བསྲེ་སྦྱོར་བ་དྲུག་པོས་བྱ། །ཞེས་པ་སྟེ། འདིར་སྦྱོར་བ་དྲུག་ནི། སྲིན་ཞལ་ (འོག་སྒོ)་བཙུམ་པ(དྲག་ཏུ་བསྡམས་པ)།
རྒྱ་མཚོ་(ལྟོ་བ་)རི་(སྒལ་ཚིགས་)ལ་སྦྱར་བ། གླང་(རྐང་ལག་བཞི་)གཞི་
བཅུད་པ(ལག་པ་ཁུ་ཚུར་དང་རྐང་སོར་ནང་དུ་བསྐུམ་པ)། དར་པོ་ཆེ་(ལྕེ་)འཕྱར་བ་(རྐན་ཕུགས་སུ་བཟློག་པ་)བྱ་རྒོད་ཟུང་ (མིག་གཉིས་)གཅིག་གནམ་དུ་སྤུར་བ(ལྟ་སྟངས་གྱེན་ལ་བཟློག་པ)།
ཤེས་པ་དཔྲལ་བ(འི་ཧཾ་ལ)ར་གཏད་པ་
དང་དྲུག་གོ། །ཉི་ཟླ་སྒྲུབ་པ་ལས་ཀྱང་། ཆགས་ཅན་བདེ་སྟོང་སྤེལ་འདོད་ཀྱིས། །ཁ་སྦྱོར་རླུང་ བཅིངས་འཛིན་བསྒྲུབས་ཏེ། །རྡོ་རྗེ་ཆུ་འཐུངས་བསླབ་སྦྱངས་ནས། །མཚན་ཉིད་ལྡན་པའི་བུ་མོ་ ལ། །སྐྱབས་འགྲོ་དབང་བསྐུར་སྣོད་དུ་བྱ། །གཟུགས་སྒྲས་ཆགས་པ་རྒྱས་པར་བྱ། །སྤྱོད་དེས་ དྭངས་མ་གཡོ་བར་བྱ། །སྔོན་འགྲོ་གསུམ་གྱིས་སྦྱང་བྱས་ནས། །འདུ་ཤེས་གསུམ་ལྡན་བསྒོམ་པ་ ཡིས། །ལུས་ལ་རིགས་དྲུག་ས་བོན་དགོད། །བསྐྱེད་དང་སྡུད་པའི་རིམ་པ་ཡིས། །རྡོ་རྗེ་པདྨ་བྱིན་ གྱིས་བརླབ། །དངོས་གཞི་སྙོམས་འཇུག་སྦྱོར་བ་ཡིས། །དབབ་གཟུང་བདེ་སྟོང་རོ་མཉམ་བྱ། ། རྗེས་སུ་བཟློག་ཅིང་གནས་སུ་བསྡུ། །དགྲམ་བྱས་གཉིས་མེད་བསྲེས་ལ་བསྒོམ། །རུས་སྦལ་ འགྲོས་སུ་དལ་བུས་དབབ། །དགོས་པ་གཉིས་ལ་མཁས་པར་བྱ། །ཐུར་སེལ་རླུང་ནི་གསུམ་དུ་ འགྱུར། །བདེ་འཕེལ་རྒྱུན་འགྲོགས་རབ་འཇུག་དང་། །ཁྱབ་བྱེད་རྒྱས་པའི་རླུང་གིས་གཟུང་། །རྒྱུན་ འགྲོགས་བསྐྱོད་པའི་སྦྱོར་བ་ཡིས། །ཟླ་བ་འཛིན་ལ་མཁས་པ་ཡིན། །ཐུར་སེལ་དབང་དུ་འདུས་པ་ ན། །བདེ་འཕེལ་ཆོས་འབྱུང་གཉིས་མེད་བསྲེས། །རབ་འཇུག་རླུང་གིས་གནད་དུ་གཟུང་། །རྒྱུན་ འགྲོགས་ཀྱིས་ནི་ཉི་འོད་འདྲེན། །ཟླ་བ་རྒྱུན་འགྲོགས་གྱིས་འདྲེན་ནི། །ཡི་གེ་གསུམ་གྱིས་གྱེན་ལ་ ཟློག །ཚངས་པར་ལྷན་སྐྱེས་མྱོང་བསྡུས་པས། །མགོ་བོ་ན་ན་དགྲམ་པར་བྱ། །སེམས་དང་རླུང་ གཉིས་རིམ་གྱིས་དགྲམ། །ཉི་ཤུ་རྩ་གཅིག་རིམ་པས་སོ། །རླུང་སེམས་གཉིས་སུ་མེད་བསྲེས་ ལ། །ཞེན་པ་ཡེ་ཤེས་གཉིས་མེད་བྱ། །བདེ་སྟོང་ཟུང་འཇུག་ཏིང་འཛིན་བསྒོམ། །དྭངས་མའི་དྭངས་ མ་འདྲེན་པ་དང་། །དྭངས་མས་བདེ་བ་བསྐྱེད་པ་དང་། །བདེ་བ་རྩལ་སྦྱངས་ཐབས་ལ་མཁས། །དེ་ ནི་རྣལ་འབྱོར་ཆེན་པོར་འགྱུར། །ཞེས་འབྱུང་བ་ལྟར་ཉམས་སུ་བླང་བར་བྱ་སྟེ། རྗེས་སུ་བཟློག་པ་ དང་། གནས་སུ་བསྡུ་བ་དང་། དགྲམ་པ་དང་། རླུང་དང་བསྲེ་བའི་གནད་ནི། སྟག་མོའི་སྐྱུགས་ སྟངས། གླང་པོའི་འགྱིང་སྟངས། ཝའི་སྣོམ་ཚུལ་གྱིས་སྤྱི་བོའི་ཧཾ་དུ་བསྐྱལ། སེངྒེའི་རྣམ་གྲོལ། གཡང་མོའི་ཁོང་སྤྲུགས། པྲེ་ཏ་ཀ་ཡི་དྭགས་ཀྱི་འདུག་སྟངས་ཀྱིས་དགྲམ། རླུང་བུམ་པ་ཅན་བཟུང་
ལ་རླུང་དང་བསྲེ་བའོ། །དེ་ལྟ་བུ་ལ་སོགས་པ་འདི་དག་གི་གནད་ནི་བླ་མའི་ཞལ་ལས་ཤེས་པར་ བྱའོ། ། གསུམ་པ་བསྒོམ་ཐབས་ཤེས་མ་ཤེས་ཀྱི་སྐྱོན་ཡོན་ནི། མདོ་ལས། ཐབས་ཆེན་རྣམས་དང་ལྡན་པ་ ལ། །ཉོན་མོངས་བྱང་ཆུབ་ཡན་ལག་འགྱུར། །སྔགས་ཀྱིས་བསད་པའི་དུག་བཞིན་དུ། །འཁོར་བ་ཞི་ བའི་བདག་ཉིད་དོ། །ཞེས་དང་འདུལ་བ་དོན་ཡོད་པར་གྲུབ་པའི་རྒྱུད་ལས། གང་གིས་བླུན་པོ་ འཆིང་འགྱུར་བ། །དེ་ཡིས་མཁས་པ་ཡོངས་སུ་གྲོལ། །ཞེས་དང་དཔལ་དོན་དམ་པའི་བསྙེན་པ་ ལས། འདོད་ཆགས་གང་ཉིད་ཀྱིས་ནི་སེམས་ཅན་ལྷུང་བྱེད་པ། །དེ་ཉིད་ཀྱིས་ནི་རྣལ་འབྱོར་ཕ་རོལ་ འགྲོ་བར་འགྱུར། །གང་ཞིག་དུག་ཉིད་ཀྱིས་ནི་སེམས་ཅན་འཆི་བྱེད་དེ། །དུག་སྔགས་ཤེས་པ་དེ་ཉིད་ ཀྱིས་ནི་ནད་འཇོམས་བྱེད། །ཅེས་སོགས་གསུངས་པ་དང་རིམ་ལྔ་ལས། སྒྱུ་མ་དག་ནི་ཐམས་ཅད་ ལས། །བུད་མེད་སྒྱུ་མ་ཁྱད་པར་འཕགས། །ཡེ་ཤེས་གསུམ་གྱི་དབྱེ་བ་ནི། །གསལ་བར་འདི་ལས་ མཚོན་པར་འགྱུར། །ཞེས་དང་ཀྱེའི་རྡོ་རྗེ་ལས། སྐྱེ་བོ་མི་ཟད་པ་ཡི་ལས(བུད་མེད་ལས་སྦྱར་བ)། །གང་ དང་གང་གིས་(སྐྱེས་བོ་ཕལ་པ་འཁོར་བར་)འཆིང་འགྱུར་བ(ཡིན་ལ་། (ལས་རྒྱ་ལ་སྦྱོར་བ་)དེ་ཉིད་ཀྱིས།
།རྡོ་རྗེ་རྣལ་འབྱོར་གྱི)ཐབས་དང་བཅས་ན་
།(རྣལ་འབྱོར་པ་)སྲིད་པའི་འཆིང་བ་ལས་གྲོལ་འགྱུར། །ཆགས་པས་འཇིག་
རྟེན་འཆིང་འགྱུར་བ། །འདོད་ཆགས་ཉིད་ཀྱིས་རྣམ་གྲོལ་འགྱུར། ། བཟློག་པའི་བསྒོམ་པ་འདི་ཉིད་ནི། །སངས་རྒྱས་མུ་སྟེགས་ཀྱིས་མི་ཤེས། ། ཞེས་གསུངས་ཏེ། བྱང་ཆུབ་ཀྱི་སེམས་འཆིང་བའི་ཐབས་ ཀྱིས་མ་ཟིན་པའི་ལས་ཀྱི་ཕྱག་རྒྱ་ལ་སྦྱོར་བ་ནི། འཁོར་བ་དང་ངན་སོང་གི་རྒྱུ་ཉིད་ཡིན་ལ། བྱང་ཆུབ་ཀྱི་ སེམས་འཆིང་བའི་ཐབས་ཀྱིས་ཟིན་པའི་ལས་ཀྱི་ཕྱག་རྒྱ་ལ་སྦྱོར་བ་ནི། ཐར་པའི་མཆོག་ཕྱག་རྒྱ་ ཆེན་པོའི་དངོས་གྲུབ་ཐོབ་པའི་ཐབས་དམ་པ་ཉིད་དུ་ཤེས་པར་བྱའོ།། བཞི་པ་ཀུན་སྤངས་ཀྱི་རྣལ་འབྱོར་པའི་བྱ་བ་ནི། ཀུན་སྤངས་ཀྱི་རྣལ་འབྱོར་པ་ལྟ་བུས་ལས་ཀྱི་ ཕྱག་རྒྱ་མ་རྙེད་པའམ། སོ་སོ་ཐར་པའི་སྡོམ་པའི་ངེས་པ་ལ་གནས་པའི་རབ་བྱུང་གི་རྣལ་འབྱོར་ པས་བྱང་སེམས་བརྟན་པར་བྱ་བའི་དོན་དུ། རང་ལུས་ཐབས་ལྡན་གྱི་རྣལ་འབྱོར་ལ་བརྟེན་པའི་ཚུལ་ ནི། རྒྱུད་ཀྱི་རྒྱལ་པོ་ལས། བསྟེན་པའི་དོན་དུ་ལག་པའི་ཕྱག་རྒྱ་རང་གི་སྙིང་གི་དབང་སོན་སྐྱོན་ རྣམས་ཀུན་ལས་རྣམ་པར་གྲོལ། །ཞེས་གསུངས་པའི་འགྲེལ་བར། དེ་ལ་བརྟེན་པའི་དོན་དུ་ལས་ ཀྱི་ཕྱག་རྒྱ་མེད་པར་གྱུར་ན་ལག་པའི་ཕྱག་རྒྱ་སྦྱིན་པར་བྱ་སྟེ། རང་གི་སྙིང་གི་དབང་སོན་ལག་ པའི་ཕྱག་རྒྱ་ནི་སྐྱོན་རྣམས་ཀུན་ལས་རྣམ་པར་གྲོལ་བ་སྟེ། བྱང་ཆུབ་ཀྱི་སེམས་བརྟན་པར་བྱེད་པའི་
ཆེད་དུའོ་ཞེས་པ་ངེས་པའོ། །ཞེས་དང་ཡེ་ཤེས་ཀྱི་ལེའུ་ལས། པདྨར་རྡོ་རྗེའི་སྒྲའམ་རང་གི་ལག་པའི་ཆུ་ སྐྱེས་དག་གིས་གསོར་བ་བདེ་བའི་སླད་དུ་སྟེ། །ས་བོན་གཏོང་བ་མིན་པའི་བདེ་བ་དེ་ནི་འཆི་བའི་ འཇིགས་འཕྲོག་འདི་ནི་དཔལ་ལྡན་བླ་མའི་ཞལ། །ཞེས་པའི་འགྲེལ་པར། ཅི་སྟེ་གཟུགས་ཀྱི་སྒོ་ ནས་དགའ་བར་མ་གྱུར་ན་དེའི་ཚེ་པདྨར་རྡོ་རྗེའི་སྒྲའམ་ཞེས་པ་དལ་བུ་དག་གིས་བྱའོ། །ཅི་སྟེ་བུད་ མེད་མ་རྙེད་ན་དེའི་ཚེ་རང་གི་ལག་པའི་པདྨས་གསོར་བར་བྱའོ། །བདེ་བ་འཕེལ་བའི་སླད་དུ་སྟེ་ལྟུང་ བའི་སླད་དུ་ནི་མ་ཡིན་ནོ། །དེ་ལྟར་ས་བོན་གཏོང་བ་མིན་པའི་བདེ་བ་དེ་ནི་འཆི་བའི་འཇིགས་འཕྲོག་ཏུ་ འགྱུར་ཞིང་། འདི་ནི་དཔལ་ལྡན་བླ་མའི་ཞལ་བཞི་པ་སྟེ་ཡེ་ཤེས་རྡོ་རྗེའོ་ཞེས་པ་རྣལ་འབྱོར་གོམས་ པའི་ངེས་པའོ། །ཞེས་གསུངས་པ་ལྟར་ཉམས་སུ་བླང་བར་བྱ་སྟེ། དེ་ཡང་རང་ཉིད་ལྷག་པའི་ལྷ་ ཡབ་ཡུམ་དུ་བསྒོམས་ཏེ། ལུས་ཀྱི་གནས་དྲུག་ཏུ་སྔར་བསྟན་པའི་ཡི་གེ་རྣམས་བཀོད་ཅིང་ མཁའ་གསང་བྱིན་གྱིས་བརླབ་པ་གོང་བཞིན་བྱས་ནས། ལུས་ནི་པདྨའི་འདུག་སྟངས་སམ། ། བརྐྱང་བསྐུམ་གྱི་ནི་འདུག་སྟངས་བཅའ། །ལྟ་སྟངས་གསང་འདུས་ལས། སྔགས་པ་ཆོ་ག་ཤེས་པ་ ཡིས། །སྒྲུབ་པ་ལྷ་ཡི་སྦྱོར་བས་བལྟ། །ཞེས་དང་། སྙན་བརྒྱུད་ལས། ལྟ་སྟངས་རང་ལྷའི་ལྟ་བ་སྟེ། །འདུ་ཤེས་ཕུང་པོ་མཐེ་ཆུང་གཞུག། ཅེས་པས་འདིར་ལྟ་སྟངས་ཅུང་ཟད་དམའ་བར་བྱ་ཞེས་ གསུངས། ངག་རླུང་གི་འཁྲུལ་འཁོར་ནི། བདེ་སྟོང་དབྱེར་མེད་བྱང་སེམས་ཐིག་ལེ་ཡེ་ཤེས་པ་ དགུག་གཞུག བཅིང་། མཉེས། རོ་མཉམ་པ་དང་། གླུ་ཡིས་སྟེང་དུ་བསྐུལ་བ་སྔར་བཞིན་བྱའོ། ། སམ་བྷུ་ཊི་ལས་ཀྱང་། བསྟན་པ་ལ་སྨོད་པའི་འཇིགས་པ་དང་། སྐྱེ་བོ་གདུག་པ་ཅན་གྱི་ནང་དུ་རྣལ་ འབྱོར་པ་རང་གི་སེམས་འབའ་ཞིག་དེར་བསམ་ལ། དེ་ལ་ལྷག་པར་མོས་པ་སྔོན་དུ་བྱའོ་ཞེས་ གསུངས་པའི་དོན་ཡང་ཡིན་ནོ། །སྙན་བརྒྱུད་ལས། དབྱེ་བ་གསུམ་སྟེ་བསྒོམ་སྟོབས་དང་། །ལག་ པ་བུད་མེད་སྦྱོར་བ་ཡིས། །འཁོར་གསུམ་དཔྲལ་གནས་བྱང་སེམས་དབབ། །རྡོ་རྗེ་ནོར་བུ་རབ་ གཟུང་བ། །དངུལ་ཆུའི་དཔེ་ཡིས་ཤེས་བྱས་ལ། །སྟེང་ནས་འོག་ཏུ་རྡོ་རྗེ་གཅིག །དེ་འདྲར་རླུང་ སེམས་གཏད་པས་ནི། །དགའ་བ་བཞི་ལས་བཅུ་དྲུག་སྐྱེ། །ཡར་ངོ་ཆགས་ཅན་མཚན་ཉིད་དོ། ། ཞེས་འབྱུང་ངོ་།། གསུམ་པ་ལས་ཀྱི་ཕྱག་རྒྱ་ལ་བརྟེན་ནས་བདེ་བ་སྒྲུབ་པ་གསང་ཆེན་གྱི་ལམ་དུ་བསྟན་པ་ནི། རྒྱུད་ཀྱི་རྒྱལ་པོ་ལས།
(བྱེད་པ་བཅིངས་པའི་)ཐབས་ཀྱིས་དབུས་སུ་སྲོག་ནི་རབ་ཏུ་ཞུགས་པ་(ན་)ཡུལ་
དང་རྣམ་པར་བྲལ་བ(ཡང་ཡུལ་དུ་ཡེ་ཤེས་ལ་སྣང་བ)འི་སྣ་ཚོགས་ཡུམ་(སྟོང་གཟུགས་)ལ་འཁྱུད་པ་སྟེ། །(རྩ་
འཁོར་ལོ་དྲུག་གི་)པདྨར་ཞུགས་པའི་རང་གི་རྡོ་རྗེ་(བྱང་ཆུབ་སེམས་ཀྱི་ཐིག་ལེ་)སྤྲོ་བ་དག་ཀྱང་དེ་བཞིན་ཟླ་
ཉིའི་(རླུང་)དབུས་སུ་རབ་ཞུགས་པའོ། །(ཕྱག་རྒྱ་དང་འགྲོགས་ཀྱང་)བདེ་བའི་ས་བོན་མ་ལྷུང་པ་ལ་རབ་
དགའི་དགའ་བར་གནས་པ་རྣལ་འབྱོར་པ་ཡི་(རྡོ་རྗེའི་)རྣལ་འབྱོར་འདི(ནི)། །ཕྱག་(རྒྱ་ཆེན་པོ)འི་
དངོས་གྲུབ(་ཀྱི་)དོན་(གྱི་)སླད་(དུ་)ཁྱབ་བདག་གི་སངས་རྒྱས་(ཀྱི་)ནི་དཔལ་ལྡན་གསང་བ་ལས་ཀྱང་ མཆོག་ཏུ་གསང་(ཆེན་དུ་འགྱུར་)བའོ། །ཞེས་གསུངས་པའོ།། གསུམ་པ་སྤོགས་པའི་ཆོ་ག་ནི། སྙན་བརྒྱུད་ལས། རླུང་སེམས་དྲག་ཏུ་ཐིག་ལེར་བཟུད། ། ཆགས་པས་ལས་རྒྱ་མང་ལ་སྦྱར། །བདེ་ཆེན་རོ་མཉམ་དག་ཏུ་བྱ། །ཞེས་དང་། ལུས་གཟི ར་
འཕགས ་ (གྲགས་ཟེར) ལ་ཕྱག་རྒྱས་གསལ། །དེ་ནས་(གསང་སྤྱོད་རིགས་སྤྱོད་ཕྱོགས་ལས་རྣམ་པར་རྒྱལ་ བ་)སྤྱོད་པ་(ནི་སྤྲོས་བཅས་ཀྱི་སྤྱོད་པ་དང་། སྤྲོས་མེད་ཀྱི་སྤྱོད་པ་དང་། ཤིན་ཏུ་སྤྲོས་མེད་ཀྱི་སྤྱོད་པ་དེ་དེ་དག་)གསུམ་བྱས་
པས། །དག་པའི་སྐུ་བཞི་ཡེ་ཤེས་དྲུག །སྟོབས་སོགས་ཡོན་ཏན་ཀུན་རྫོགས་པ། །ཚེ་འདིར་ངེས་པར་ ཐོབ་འགྱུར་བའོ། །ཞེས་འབྱུང་བ་ལྟར་བྱའོ། །དེ་ལྟར་རྗེས་དྲན་གྱི་སྐབས་སུ་ལས་ཀྱི་ཕྱག་རྒྱ་ལ་ བརྟེན་ནས་ལྟེ་བར་གཏུམ་མོའི་མེ་འབར་བས་སྤྱི་བོའི་ཧཾ་ཡིག་བྱང་ཆུབ་སེམས་ཀྱི་ཐིག་ལེ་བཞུ་ ནས། འཁོར་ལོ་རྣམས་སུ་འབབ་པའི་དགའ་བ་བཞི་ཉམས་སུ་མྱོང་པ་ལ་ཡེ་ཤེས་ཀྱི་ཕྱག་རྒྱའི་ དམིགས་པ་དང་འབྲེལ་དགོས་ཤིང་། ཕྱག་རྒྱ་ཆེན་མོ་འོད་གསལ་སྟོང་གཟུགས་རྣམ་ཀུན་མཆོག་ལྡན་ གྱི་སྟོང་པ་ཉིད་དང་མཚུངས་ལྡན་དུ་བསྒོམ་པ་ནི་ཤིན་ཏུ་ཡང་གནད་ཆེའོ།།
བsgོམས་པའི་rtགས་ཚད།
བཞི་པ་བསྒོམས་པའི་རྟགས་ཚད་ལ་གཉིས་ལས། རྗེས་དྲན་གྱི་ཉམས་རྟགས་ཇི་ལྟར་འཆར་ བའི་ཚུལ་ནི། གཏུམ་མོའི་མེ་འབར་བས་བྱང་སེམས་བདེ་བ་ཆེན་པོ་ཇི་ཙམ་ཕབ་ཀྱང་རྡོ་རྗེ་ནོར་བུ་ ལས་ཕྱིར་མི་འཕོ་བའི་བདེ་བ་ཁྱད་པར་ཅན་ཉམས་སུ་མྱོང་ཞིང་། རང་གི་ལུས་ཀྱང་སྟོང་གཟུགས་ འོད་ཀྱི་དཀྱིལ་འཁོར་དུ་སྣང་ཞིང་། བ་སྤུའི་ཁུང་བུ་རྣམས་ནས་ཡེ་ཤེས་ཀྱི་འོད་ཟེར་ལྔ་ནམ་མཁའ་ ཁྱབ་པ་ལྟ་བུར་འཕྲོ་བའི་སྣང་བ་དང་། ཡོངས་སུ་དག་པ་དང་མ་དག་པའི་སངས་རྒྱས་ཀྱི་ཞིང་གི་
རྣམ་པ་ལྟ་བུའི་འོད་གསལ་གྱི་སྣང་བ་དང་། དག་མ་དག་ཀྱི་ཞིང་དངོས་ཀྱི་རྣམ་པ་དུ་མ་ཡང་མཐོང་ བ་འབྱུང་ངོ་། །རྗེས་དྲན་གྱི་ཏིང་ངེ་འཛིན་འདི་ཚད་མ་གང་ཡིན་པའི་ཚུལ་ནི། །སྙན་བརྒྱུད་ལས། རང་ རིག་མངོན་སུམ་དུ་ནི་འདོད། །ཅེས་གསུངས་པས་རྣལ་འབྱོར་པའི་རང་རིག་མངོན་སུམ་ཚད་མས་ ཉམས་སུ་མྱོང་བ་གཙོ་ཆེ་བར་བལྟའོ། །ཞེས་གསུང་ཡང་མངོན་སུམ་བཞི་ཆར་ཚང་བར་ཤེས་པར་ བྱའོ།།
དག་by་དང་དག་byེད་kyི་དbyེ་བ།
ལྔ་པ་དག་བྱ་དང་དག་བྱེད་ཀྱི་དབྱེ་བ་ལ། དག་པར་བྱ་བའི་གཞི་ནི་སེམས་ཅན་ཐམས་ཅད་ལ་ གདོད་མ་ནས་བཞུགས་པའི་དང་པོའི་སངས་རྒྱས་ཡེ་ཤེས་ཀྱི་སྐུའི་འདུ་ཤེས་ཀྱི་ཕུང་པོ་གཞན་རྒྱལ་ བ་སྣང་བ་མཐའ་ཡས་(དང་) ལ་སོགས་པ་(ཆུའི་ཁམས་གཞན་མཱ་མ་ཀི་དང་།
ལྕེའི་དབང་པོ་གཞན་འཇིག་རྟེན་དབང་
ཕྱུག་དང་། གཟུགས་གཞན་གཟུགས་རྡོ་རྗེ་མ། ལས་དབང་རྐང་པའི་དབང་པོ་གཞན་ཁྲོ་བོ་པདྨ་མཐར་བྱེད། ལས་དབང་གི་བྱ་བ་ལེན་པ་ གཞན་ཁྲོ་མོ་ཁེངས་བྱེད་མ་སྟེ་)ཆུ་ཁམས་པ་དྲུག་ཚན་གཅིག་ཡིན་ལ།
དག་བྱ་ནི་མ་དག་པ་འཁོར་བ་བའི་འདུ་
ཤེས་ཀྱི་ཕུང་པོ་ལ་སོགས་པ་དྲུག་ཚན་གཅིག་ཡིན་ཞིང་། དག་བྱེད་ནི་རྒྱལ་བ་འོད་དཔག་མེད་ཀྱི་ རིགས་ཀྱི་ཏིང་ངེ་འཛིན་རྗེས་སུ་དྲན་པའི་ཡན་ལག་སྟེ། འདི་ལ་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའི་ ལམ་ཞེས་བཞེད་དོ། །དག་བྱེད་ལ་དབྱེ་ན། རྩ་དབུ་མར་རླུང་སེམས་འདུས་པ་འདོད་པའི་གནས་ སྐབས་བཅུ་དག་བྱེད་ཀྱི་དབྱེ་བས་རྣམ་པ་བཅུའོ།།
བsgོམས་པས་ཐོབ་པའི་འbrས་bu།
དྲུག་པ་བསྒོམས་པས་ཐོབ་པའི་འབྲས་བུ་ནི། རྒྱུད་ཀྱི་རྒྱལ་པོ་ལས། རྗེས་སུ་དྲན་པས་ ལེགས་པར་དག་པ་དྲི་མེད་འོད་ཀྱི་དཀྱིལ་འཁོར་དག་ཀྱང་ཡེ་ཤེས་གཟུགས་ལས་སོ། །ཞེས་དང་ དེའི་འགྲེལ་པར། རྗེས་སུ་དྲན་པས་ལེགས་པར་དག་པ་ཞེས་པ་ལ་འདིར་རྗེས་སུ་དྲན་པ་ནི་ གཟུགས་ལ་འཁྱུད་པའི་སེམས་རྣམ་པར་རྟོག་པ་ཐམས་ཅད་དང་བྲལ་བའོ། །དེའི་ཕྱིར་གང་གི་ཚེ་ དག་པར་གྱུར་པ་དེའི་ཚེ་དྲི་མེད་འོད་ཀྱི་དཀྱིལ་འཁོར་དུ་འགྱུར་རོ། །ཀྱང་གི་སྒྲ་ལས་བ་སྤུའི་ཁུང་བུ་ ནས་འོད་ཟེར་ལྔ་འཕྲོ་ཞིང་ངེས་པར་རྒྱུའོ། །ཡེ་ཤེས་གཟུགས་ལས་སོ་ཞེས་པ་སྟོང་པའི་གཟུགས་ལས་ སོ་ཞེས་གསུངས་ཏེ། གནས་སྐབས་ཀྱི་འབྲས་བུ་ནི། གོང་དུ་བསྟན་པའི་ཉམས་རྟགས་དང་དོན་ གཅིག་ཅིང་རྫུ་འཕྲུལ་དང་མངོན་པར་ཤེས་པ་ལ་སོགས་པའི་ཡོན་ཏན་དུ་མ་ཐོབ་ཅིང་། མཐར་ཐུག་གི་ འབྲས་བུ་རྣལ་འབྱོར་པའི་སྒྲིབ་བཅས་ཀྱི་འདུ་ཤེས་ཀྱི་ཕུང་པོ་དང་ཆུའི་ཁམས་ལ་སོགས་པ་འགགས་ ནས། གཞི་ལ་གདོད་མ་ནས་བཞུགས་པའི་འདུ་ཤེས་ཀྱི་ཕུང་པོ་གཞན་རྒྱལ་བ་སྣང་བ་མཐའ་ཡས་ (དང་)ལ་སོགས་པ་(ཆུའི་ཁམས་གཞན་མཱ་མ་ཀི་དང་། ལྕེའི་དབང་པོ་གཞན་འཇིག་རྟེན་དབང་ཕྱུག་དང་། གཟུགས་གཞན་ གཟུགས་རྡོ་རྗེ་མ། ལས་དབང་རྐང་པའི་དབང་པོ་གཞན་ཁྲོ་བོ་པདྨ་མཐར་བྱེད། ལས་དབང་གི་བྱ་བ་ལེན་པ་གཞན་ཁྲོ་མོ་ཁེངས་བྱེད་མ་ སྟེ་)དྲུག་ཚན་གཅིག་སྒྲིབ་པ་དང་བྲལ་བར་གནས་གྱུར་པའི་འབྲས་བུ་ཐོབ་པར་འགྱུར་རོ།
།དེ་ནི་སྙན་
བརྒྱུད་ལས། སྒྲུབ་པ་ཞེས་ནི་གསུངས་པའོ། །ཞེས་གསུངས་པའོ།། གཉིས་པ་ཏིང་ངེ་འཛིན་བསྒྲུབ་པ་ཆེན་པོའི་ཡན་ལག་བྱང་སེམས་ཐིག་ལེ་ཇི་ལྟར་བྱོན་པ་དེ་ བཞིན་སྟེང་དུ་གཤེགས་པར་བྱེད་པ་ཡེ་ཤེས་རྡོ་རྗེ་ཕྲ་མོའི་རྣལ་འབྱོར་ལ་དྲུག་སྟེ།
༢༽ཏིང་ངེ་འཛYན་sgruབ་པ་ཆེན་པ8འZ་ཡན་ལག
ཏིང་ངེ་འཛིན་གྱི་མཚན་དོན། བསྒོམ་པའི་དུས་མཚམས། བསྒོམ་ཚུལ་གྱི་ཡན་ལག བསྒོམ་ པའི་རྟགས་ཚད། དག་བྱ་དང་དག་བྱེད་ཀྱི་དབྱེ་བ། བསྒོམས་པས་ཐོབ་པའི་འབྲས་བུའོ།།
ཏིང་ངེ་འཛYན་gyི་མཚན་དོན།
དང་བོ་ནི། དཔལ་དུས་ཀྱི་འཁོར་ལོའི་སྒྲུབ་ཐབས་ཀྱི་ལེའུ་ལས། ཤེས་རབ་ཐབས་ཀྱི་བདག་ ཉིད་ཀྱིས་ནི་འགྱུར་མེད་བདེ་བའི་དབང་གིས་ཡེ་ཤེས་གཟུགས་ལ་ཏིང་ངེ་འཛིན་ཞེས་པའི་འགྲེལ་ བར། ཤེས་རབ་ཐབས་ཀྱི་བདག་ཉིད་ཀྱིས་ནི་ཞེས་པ་ཤེས་བྱ་དང་ཤེས་པ་གཅིག་ཏུ་འདྲེས་པར་གྱུར་པ་ སྟེ། འགྱུར་མེད་བདེ་བའི་དབང་གིས་ཡེ་ཤེས་གཟུགས་ལ་ཏིང་ངེ་འཛིན་ནོ། །དེ་ཡང་སྲོག་ལ་སོགས་ པ་རྣམས་མེད་པ་ལས་རྣམ་པ་བཅུའོ། །ཞེས་པའི་དོན་ཤེས་བྱའི་རྣམ་པ་སྟོང་གཟུགས་དང་ཤེས་པ་ རྣལ་འབྱོར་པའི་བདེ་བའི་སེམས་གཅིག་ཏུ་འདྲེས་པར་གྱུར་པས། ཐིག་ལེ་འགྱུར་བ་སྟེ་འཕོ་བ་མེད་ པའི་བདེ་བ་ཐོབ་པའི་དབང་གིས་བདེ་བ་ཆེན་པོའི་ལམ་གྱི་སེམས་ཡེ་ཤེས་ཀྱི་གཟུགས་འོད་གསལ་ སྟོང་གཟུགས་ལ་རྩེ་གཅིག་ཏུ་གནས་པས་ན་ཏིང་ངེ་འཛིན་ཞེས་བྱ་སྟེ།
(ལྟེ་བ་ནས་སྟེང་དུ་རྒྱུ་བའི་)དེ་ཡང་
སྲོག་(འོག་ཏུ་རྒྱུ་བའི་)ཐུར་སེལ་(སྙིང་ཁའི་རྩ་འདབ་བརྒྱད་ལ་རྒྱུ་བའི་)མཉམ་གནས་གྱེན་རྒྱུ་ཁྱབ་བྱེད་ཀླུ་རུས་ སྦལ་རྩངས་པ་ལྷས་སྦྱིན་ནོར་ལས་རྒྱལ་བ་སྟེ་རླུང་བཅུ་འགགས་པའི་སྒོ་ནས་དབྱེ་བ་རྣམ་པ་བཅུ་ ཡིན་ནོ། །འདི་ཏིང་ངེ་འཛིན་གྱི་མཚན་ཉིད་ཡིན་པར་རྒྱུད་འགྲེལ་ལས་གསུངས་སོ། །རྒྱུད་ཕྱི་མ་ ལས་ཀྱང་། ཏིང་ངེ་འཛིན་གྱིས་ཁུ་བ་རྡོ་རྗེ་ལས་ནི་མགོ་བོར་བགྲོད་བྱེད་དྲི་མེད་བདེ་བ་རབ་ཏུ་ རྫོགས། །ཞེས་དང་བདེ་མཆོག་སྟོད་འགྲེལ་ལས་ཀྱང་། དེ་ནས་ཏིང་ངེ་འཛིན་ཞེས་བྱ་བ་ནི་འདོད་ པའི་ལྷ་ལ་རྗེས་སུ་ཆགས་པ་ལས་གང་ཞིག་འགྱུར་བ་མེད་པའི་བདེ་བ་ཐོབ་པ་སྟེ། དེ་ལ་གཅིག་ཏུ་ གྱུར་པའི་སེམས་གཟུང་བ་དང་འཛིན་པ་དང་བྲལ་བ་ནི་དེ་བཞིན་གཤེགས་པ་རྣམས་ཀྱིས་ཏིང་ངེ་ འཛིན་གྱི་ཡན་ལག་ཏུ་བརྗོད་དོ། །ཞེས་གསུངས་སོ།།
བsgོམ་པའི་duས་མཚམས།
གཉིས་པ་བསྒོམ་པའི་དུས་མཚམས་ནི། སྙན་བརྒྱུད་ལས། ཡེ་ཤེས་རླུང་རྒྱུའི་དུས་སུའོ། ། ཞེས་གསུངས་ཤིང་། རྗེས་དྲན་གྱི་ཡན་ལག་གིས་ལྟེ་བར་གཏུམ་མོའི་མེ་འབར་བས་སྤྱི་བོའི་བྱང་ སེམས་ཐིག་ལེ་ཞུ་བའི་རྒྱུན་འཁོར་ལོ་བཞིའི་ལྟེ་བར་འབབ་པའི་བདེ་བ་དགའ་བ་བཞི་རྫོགས་པའི་ དུས་ནས་བསྒོམ་མོ།།
བsgོམ་uལ་gyི་ཡན་ལག
གསུམ་པ་བསྒོམ་ཚུལ་གྱི་ཡན་ལག་ལ། ཏིང་ངེ་འཛིན་བསྒོམ་པའི་གནས་དང་། བསྒོམ་པར་བྱ་ བའི་ཡུལ་དང་། བསྒོམ་པའི་དགོས་པ་དང་། དུས་ཅི་ཙམ་བར་དུ་བསྒོམ་པ་དང་། ཏིང་ངེ་འཛིན་ཇི་ ལྟར་བསྒོམ་པའི་ཚུལ་དང་ལྔའོ།། དང་པོ་ནི། སྔར་གྱི་ཉིན་མཚན་གྱི་རྣལ་འབྱོར་བསྒོམ་པའི་གནས་དང་རྗེས་དྲན་བསྒོམ་པའི་ གནས་སུའོ། །གཉིས་པ་ཡུལ་ནི། སྙན་བརྒྱུད་ལས། ངོ་བོ་བདེ་སྟོང་གཉིས་མེད་དེ། །དེ་ལ་རྩེ་ གཅིག་གནས་པའོ། །ཞེས་གསུངས་པས་རྣམ་ཀུན་མཆོག་ལྡན་གྱི་སྟོང་པ་ཉིད་དང་། བྱང་སེམས་ ཐིག་ལེ་བརྟན་པའི་བདེ་བ་ཟུང་དུ་འཇུག་པའོ།། གསུམ་པ་དགོས་པ་ནི། སྙན་བརྒྱུད་ལས། དེ་ནས་མི་འགྱུར་བདེ་སྒྲུབ་ཕྱིར། །ཏིང་ངེ་འཛིན་ནི་ ངེས་པར་བསྒོམ། །ཞེས་གསུངས་པས་བྱང་སེམས་ཐིག་ལེ་རྡོ་རྗེ་ནོར་བུའི་རྩེ་མོར་བརྟན་པའི་བདེ་བ་ ཆེན་པོའི་སྐད་ཅིག་མ་གཅིག་ནས་བརྩམས་ཏེ། གཙུག་ཏོར་དུ་བྱང་སེམས་ཐིག་ལེ་བརྟན་པའི་བར་མི་ འགྱུར་བའི་བདེ་བ་ཆེན་པོ་གོང་ནས་གོང་དུ་འཕེལ་བར་བྱ་བའི་དོན་དུ་བསྒོམ་པའོ།། བཞི་བ་དུས་ཅི་ཙམ་བར་དུ་བསྒོམ་པ་ནི། ཏིང་ངེ་འཛིན་གྱི་ཐོག་མ་མི་འགྱུར་བའི་བདེ་བའི་ སྐད་ཅིག་མ་གཅིག་ཐོབ་པ་ནས་བདེ་བའི་སྐད་ཅིག་ཉི་ཁྲི་ཆིག་སྟོང་དྲུག་བརྒྱ་ཡོངས་སུ་རྫོགས་པར་ ཐོབ་པའི་བར་དུ་བསྒོམ་མོ།། ལྔ་པ་ཏིང་ངེ་འཛིན་ཇི་ལྟར་བསྒོམ་པའི་ཚུལ་ལ། སྒོམ་ཚུལ་དངོས་དང་། སྤོགས་པའི་ཆོ་ག་ དང་། ས་རྣམས་ཇི་ལྟར་ཐོབ་ཅིང་ཡོན་ཏན་ཇི་ལྟར་སྐྱེ་བའི་ཚུལ་དང་གསུམ་མོ། །
དང་པོ་ལ། ལུས་རྩའི་འདུག་སྟངས་དང་། ལྟ་སྟངས། ངག་རླུང་གི་འཁྲུལ་འཁོར། སེམས་ཀྱི་ བཞག་ཐབས་དང་གསུམ་ལས། དང་པོ་ནི། རྐང་པ་རྣམ་སྣང་གི་འདུག་སྟངས་སམ། མཉམ་པའི་ འདུག་སྟངས་བཅའ་ཞེས་གསུངས་ཡང་གཙོ་བོ་རྡོ་རྗེ་དཀྱིལ་དཀྲུང་ངམ་དཀྱིལ་དཀྲུང་ཕལ་པ་གང་ བདེ་བཅའ། སྒལ་ཚིགས་དྲང་པོར་བསྲང་ཞིང་ལག་པ་ཏིང་ངེ་འཛིན་གྱི་ཕྱག་རྒྱ་བཅའ། ལྟ་སྟངས་ མིག་སྣ་རྩེར་ཕབ་པའི་ཚུལ་གྱིས་བལྟ་སྟེ། གསང་འདུས་ལས། བསྒྲུབ་པ་ཆེན་པོའི་དུས་སུ་ནི། ། སངས་རྒྱས་གཙོ་བདག་གཟུགས་སུ་བལྟ། །ཞེས་དང་སྙན་བརྒྱུད་ལས། སངས་རྒྱས་ཞི་བའི་ལྟ་ སྟངས་ཏེ། །ལག་པ་ཏིང་འཛིན་ཕྱག་རྒྱའོ། །ཞེས་གསུངས་པའི་དགོངས་པར་བཞེད་ན་ཡང་། སྲོག་ རྩོལ་གྱི་སྐབས་ལྟར་བདུད་རྩི་འཁྱིལ་པའི་ལྟ་སྟངས་ཉིད་བྱ་དགོས་པར་སེམས་སོ།། གཉིས་པ་ནི། རྡོ་རྗེའི་བཟླས་པ་དང་ལྕེ་གསུམ་གྱི་རླུང་སྦྱོར་དང་། སྟེང་འོག་གི་རླུང་དབང་དུ་བསྡུ་ བའི་རླུང་སྦྱོར་བར་རླུང་འཛིན་པ་མ་ནིང་གི་རླུང་སྦྱོར་ཙམ་ལས་རླུང་སྦྱོར་གཞན་མི་བྱ་ཞེས་གསུང་ངོ་། ། གསུམ་པ་ནི། སོར་སྡུད་དུས་སུ་མཐོང་བའི་ཡུལ་འོད་གསལ་སྣང་སྟོང་དང་། སྲོག་རྩོལ་དུས་ སུ་ཤར་བའི་ཤེས་པ་གསལ་སྟོང་དང་། རྗེས་དྲན་དུས་སུ་མྱོང་བའི་ཉམས་མྱོང་བདེ་སྟོང་དབྱེར་མེད་ ཟུང་འཇུག་རྟོག་པ་མེད་པའི་ཏིང་ངེ་འཛིན་གྱི་རྒྱལ་པོ་ཉིན་དང་མཚན་དུ་མཉམ་བཞག་རྗེས་ཐོབ་མེད་ པར་སེམས་མི་གཡོ་ཞིང་བརྟན་པར་གནས་པས་བསྒོམ་པར་བྱ་སྟེ། རྒྱུད་ཀྱི་རྒྱལ་པོ་ལས། བདེ་བ་ མ་ཉམས་གཅིག་པུ་ཞི་བ་ལྷན་སྐྱེས་ཡེ་ཤེས་རྣལ་འབྱོར་འདིར་ནི་བསྒྲུབ་པ་ཆེན་པོ་ལ། །ཞེས་པའི་ འགྲེལ་བར། བདེ་བ་མ་ཉམས་གཅིག་པུ་ཞི་བ་ཞེས་པ་ལ་འདིར་བདེ་བ་མ་ཉམས་པའི་བྱང་ཆུབ་ཀྱི་ སེམས་སྐད་ཅིག་གཅིག་པུ་གང་ཡིན་པ་དེ་ནི་ཞི་བ་ཞེས་གསུངས་ཏེ་ལྷན་སྐྱེས་ཡེ་ཤེས་རྣལ་འབྱོར་ འདིར་ནི་བསྒྲུབ་པ་ཆེན་པོ་ལ། ཞེས་པ་ནི་སེམས་འགྱུར་བ་མེད་པའི་བདེ་བ་དང་ལྷན་ཅིག་གཅིག་པ་ ཉིད་དོ། །ཞེས་བསྒྲུབ་པ་ཆེན་པོའི་ཡན་ལག་བཞི་པའོ། །ཞེས་དང་སྙན་བརྒྱུད་ལས། བསྒོམ་པ་དམིགས་ བཅས་སྟོང་གཟུགས་དང་། །དམིགས་མེད་བདེ་བ་རོ་མཉམ་ལ། །སེམས་ནི་མི་གཡོ་བརྟན་པར་ གནས། །དངོས་པོ་ཐམས་ཅད་བདེར་འཆར་རོ། །ཞེས་དང་དབང་མདོར་བསྟན་པ་ལས། ཆགས་ བྲལ་ལས་གཞན་སྡིག་པ་མེད། །བདེ་བ་ལས་གཞན་བསོད་ནམས་མེད། །དེ་ཕྱིར་འགྱུར་མེད་བདེ་ བར་སེམས། །མི་བདག་རྟག་ཏུ་གནས་པར་བྱ། །གཞོན་ནུ་མ་ཡི་དགའ་བ་ནི། །མེད་པར་བདེ་བ་སྨྲ་ མི་ནུས། །ལང་ཚོའི་དགའ་བ་ཐོབ་པ་ན། །བདེ་བ་ཆེན་པོ་རང་གིས་རིག །དེ་བཞིན་ཏིང་འཛིན་དང་བྲལ་ བའི། །བདེ་བ་སྨྲ་བར་ནུས་མ་ཡིན། །འགྱུར་མེད་ཏིང་འཛིན་ཐོབ་པ་ན། །རྣལ་འབྱོར་པ་ཡིས་རང་
རིག་འགྱུར། །འགྱུར་མེད་ལས་སྐྱེས་བདེ་རིག་པ། །ཐམས་ཅད་མཁྱེན་ལའང་(འདི་ལྟ་བུའི་ཡོད་དམ་མེད་ སྙམ་དུ་)ཐེ་ཚོམ་ཟ།
།དེ་ལྟ་ན་ཡང་(རྣལ་འབྱོར་པའི་ལུས་ལ་ཁམས་དངས་མ་བརྟན་པའི་བདེ་བ་ཡིན་གྱི་ལུས་ལ་མ་བརྟེན་
པའི་)ཡིད་(ཀྱི་)བདེ་(བ་ཙམ་)མིན།
།(དེས་ན་ཐིག་ལེ་ཉམས་པའི་)ཆགས་བྲལ་ཉིད་དུ་མི་བྱའོ། །འཕོས་པ་
ལས་ནི་ཆགས་བྲལ་འགྱུར། །ཆགས་བྲལ་ལ་ཡང་སྡུག་བསྔལ་འབྱུང་། །སྡུག་བསྔལ་སྐྱེས་བུའི་ ཁམས་ཟད་བྱེད། །ཟད་པ་ལས་ནི་འཆི་བར་བརྗོད། །ཤི་ལས་སླར་ཡང་དེ་རྣམས་ཀྱི། །སྲིད་པ་སྲིད་ ལས་སླར་འཆི་འཕོ། །དེ་ལྟར་སེམས་ཅན་གྱི་སྲིད་པ། །ཆགས་བྲལ་ལས་བྱུང་གཞན་དུ་མིན། །དེ་ ཕྱིར་འབད་པ་ཐམས་ཅད་ཀྱིས། །འཕོ་བའི་ཆགས་པ་རྣམ་པར་སྤངས་། །ཞེས་དང་རྒྱུད་ཀྱི་རྒྱལ་པོ་ ལས། སད་པ(འི་གནས་སྐབས་)དང་ནི་རྨི་ལམ་གྱི་(གནས་སྐབས་)རང་བཞིན་(དང་)སླར་ཡང་གཞན་པ་ འདི་ནི་གཉིད་(མཐར་ཐུག་པའི་གནས་སྐབས་)དང་བཞི་པའི་རང་བཞིན་རྣམས(ལས་སད་པའི་གནས་སྐབས)། །ལུས་ ལ་གནས་(པ་སྟེ་དཔྲལ་བར་གནས་པའི་ལུས་ཀྱི་ཐིག་ལེ་སྐྱེད་པ་)དང་(རྨི་ལམ་གྱི་གནས་ནི་)དབུགས་ལ་ཞེན་པ་(སྟེ་ མགྲིན་པར་གནས་པའི་ངག་གི་ཐིག་ལེས་བསྐྱེད་ལ་གནས་སྐབས་དེ་གཉིས་ཀའང་སྣང་པའི་)
ཡུལ་རྣམས་(ལ་)རྣམ་པར་
དཔྱོད་ཅིང་(གཉིད་འཐུག་པའི་གནས་སྐབས་ནི་)གཡོ་མེད་སེམས་ལ་ཞེན་པ་(སྙིང་ཁར་གནས་པའི་ལྷན་ཅིག་ཀྱི་)སྟེ། ། ཡེ་ཤེས་ལ་གནས་(ནི་ལྟེ་བར་གནས་པའི་ཡེ་ཤེས་ཀྱི་ཐིག་ལེ་དང་སད་པའི་གནས་སྐབས་)བུད་མེད་རབ་ཏུ་འགྲོགས་ ལས་བྱང་ཆུབ་སེམས་ནི་ཞུ་བ་ལ་ཡང་(ཐིག་ལེ་འཕོ་བའི་)སྐད་ཅིག་(དེ་ལྟར་འཁོར་བ་པའི་སེམས་ཀྱི་གནས་སྐབས་ བཞི་པོ་དེ་འགགས་པ་ལས་ལུས་ཅན་རྣམས་ཀྱི་)འགྱུར།
།སྤྲུལ་པ་ལ་སོགས་(སྐུ་བཞི་པོ་)དག་གི་སེམས་ཀྱི་རྡོ་རྗེ་
(ཞེས་པ་ཕྱག་རྒྱ་ཆེན་པོ་མི་འགྱུར་བའི་བདེ་བའི་འབྲས་བུ་སྟེར་བ་བདེ་བ་ཆེན་པོའི་)རྣམ་པ་བཞིར་ནི་རིམ་པས་ངེས་པར་
རབ་ཏུ་(ཐོབ་པར་)འགྱུར། །དེ་ལྟར་(འཁོར་བ་པའི་)སེམས་ནི་རྣམ་བཞི་(ནི་)སྲིད་པ་གསུམ་ལ་གནས་ པའི་སྲོག་ཆགས་རྣམས་ཀྱི་ཐིག་ལེ(བཞི)འི་དབུས་སུ་(གནས་ཤིང་ཐིག་ལེ་བཞི་ལས་སྐྱེས་པ་)སྟེ། །རྣལ་ འབྱོར་དབང་པོ་རྣམས་ཀྱིས་བདེ་མཉམ་འབྲས་སྟེར་ཁྱབ་བྱེད་(དེ་རྒྱུ་ཐིག་ལེ་)དག་ནི་ཐར་པའི་སླད་དུ་ བསྲུང་བར་བྱ། །ཐིག་ལེ་བཏང་(དེ་བདེ་བའི་རྟེན་ལྷུང་བར་གྱུར་ན་)ན་རྣལ་འབྱོར་(པ་)རྣམས་ཀྱི་མཆོག་གི་ བདེ་བ་སྐྱེ་བའི་ས་བོན་(རྟེན་)སོང་ལ་(བརྟེན་པ་)ཐར་པ་གང་། །དེ་ཕྱིར་འཁོར་བའི་(འཛག་པའི་) བདེ་བའི་ སྐད་ཅིག་འདི་ནི་སྡོམ་བརྩོན་རྣམས་ཀྱིས་ཐམས་ཅད་དུས་སུ་སྤངས་བར་བྱ། །ཞེས་གསུངས་པ་ ལྟར་བསྒོམ་པར་བྱའོ།། གཉིས་པ་སྤོགས་པའི་ཆོ་ག་ནི། སྙན་བརྒྱུད་ལས། རླུང་སེམས་དྲག་ཏུ་ཐིག་ལེ་བཟུད། ། ཆགས་པས་ལས་རྒྱ་མང་ལ་སྦྱར། །བདེ་ཆེན་རོ་མཉམ་དག་ཏུ་བྱ། །ཞེས་གསུངས་པས་རྗེས་དྲན་
གྱི་སྐབས་སུ་བཤད་པ་ལྟར་ཕྱག་རྒྱ་བཞི་སྦྱོར་སྤྲོས་བཅས་ཀྱི་སྤྱོད་པ་བྱ་བའི་སྒོ་ནས། བྱང་སེམས་ ཐིག་ལེ་སྤྱི་བོ་ནས་རྡོ་རྗེ་ནོར་བུའི་བར་དུ་ཇི་ལྟར་བྱོན་པ་དེ་བཞིན་དུ་སྟེང་དུ་གཤེགས་པར་བྱེད་པས་ མི་འགྱུར་བའི་བདེ་བ་ཆེན་པོ་མྱུར་དུ་འཕེལ་བར་བྱའོ།། གསུམ་པ་ས་རྣམས་ཇི་ལྟར་ཐོབ་ཅིང་ཡོན་ཏན་ཇི་ལྟར་སྐྱེ་བའི་ཚུལ་ལ། བདེ་བ་ཆེན་པོའི་སྐད་ ཅིག་མ་འཕེལ་བས་ས་རྣམས་ཐོབ་པའི་ཚུལ་དང་། ས་རྣམས་ཀྱི་ཡོན་ཏན་གྱི་ཁྱད་པར་དང་། གཉིས་ལས། དང་པོ་ནི། རྒྱུད་ཀྱི་རྒྱལ་པོ་ལས། ཆགས་དང་ཆགས་བྲལ་མཐའ་ཐོག་ལ་ གནས་སྐད་ཅིག་མ་ཡང་ཁྱབ་བདག་གི་ནི་དབུགས་ཀྱི་གྲངས་འཕེལ་ལོ། །ཞེས་པའི་འགྲེལ་པར། དེ་ནས་སྐད་ཅིག་གཅིག་གིས་མངོན་པར་རྫོགས་པར་བྱང་ཆུབ་པའི་མཚན་ཉིད་ནི། ཆགས་དང་ ཆགས་བྲལ་མཐའ་ཐོག་ལ་གནས་སྐད་ཅིག་མ་ཞེས་པ་ལ་ཆགས་པ་ཞེས་པ་ནི་དཀར་པོའི་ཕྱོགས་ཏེ། དེའི་མཐར་གནས་པ་ནི་ཆ་བཅུ་དྲུག་པའི་མཚན་ཉིད་དོ། །ཆགས་བྲལ་ནི་ནག་པོའོ། །དེའི་དང་པོ་ལ་ གནས་པ་ནི་ནག་པོའི་ཕྱོགས་ལ་མ་ཞུགས་པ་སྟེ་མངོན་པར་རྫོགས་པར་བྱང་ཆུབ་པའི་དུས་ཀྱི་མཚན་ ཉིད་དོ། །སྐད་ཅིག་མ་དེ་ཉིད་ཀྱང་དབུགས་ཀྱི་གྲངས་ཞེས་པ་ཉི་ཁྲི་ཆིག་སྟོང་དྲུག་བརྒྱའི་གྲངས་འཕེལ་ ལོ། །གསང་བར་རྡོ་རྗེ་ནོར་བུའི་རྩེ་མོ་ལས་སྐད་ཅིག་མ་བརྒྱ་ཕྲག་སུམ་ཅུ་རྩ་དྲུག་གིས་འཕེལ་ཏེ། དེའི་གྲངས་ཀྱི་སྲོག་རྣམས་བསད་ནས་གསང་བའི་པདྨར་ཕྱིན་པ་དེས་ས་གཉིས་སུ་འགྱུར་རོ། ། དེ་བཞིན་དུ་ལྟེ་བ་དང་སྙིང་ཁ་དང་མགྲིན་པ་དང་དཔྲལ་བར་བཞི་དང་དྲུག་དང་བརྒྱད་དང་ས་ བཅུ་རྣམས་སུ་འགྱུར་ཞིང་གཙུག་ཏོར་དུ་སྲོག་ཐམས་ཅད་ཟད་པས་ས་བཅུ་གཉིས་སོ། །ཞེས་གསུངས་ ཏེ། ལྟེ་བའི་གཏུམ་མོའི་མེས་སྦྱི་བོའི་ཧཾ་ཡིག་བྱང་ཆུབ་སེམས་ཀྱི་ཐིག་ལེ་ཞུ་བར་གྱུར་པ་རྡོ་རྗེ་ནོར་ བུའི་བར་དུ་བྱོན་པ་ནི་ཆགས་པ་དཀར་པོའི་ཕྱོགས་ཏེ་དཀར་ཕྱོགས་རྫོགས་པའི་མཐའ་ནི། ཆ་བཅུ་ དྲུག་པ་ལྷན་ཅིག་སྐྱེས་པའི་དགའ་བ་ཡིན་ལ། ཆགས་བྲལ་ནི་བྱང་སེམས་རྡོ་རྗེ་ནོར་བུ་ལས་ཕྱིར་ འཕོས་པ་ནག་པོའི་ཕྱོགས་ཏེ། དེ་ལ་མ་ཞུགས་པ་བྱང་སེམས་ཐིག་ལེ་རྡོ་རྗེ་ནོར་བུའི་རྩེ་མོར་བརྟན་ པ་ནི་མཆོག་ཏུ་མི་འགྱུར་བའི་བདེ་བའི་སྐད་ཅིག་མ་དང་པོ་ཡིན་ལ། དེ་ཐོབ་པ་ན་ཏིང་ངེ་འཛིན་གྱི་ ཐོག་མ་ཐོབ་པ་ཡིན་ཏེ། དེའི་དུས་སུ་དབུགས་འབྱུང་བ་དང་འཇུག་པ་གཅིག་འགག་ཅིང་། དེ་ལྟ་བུའི་ དབུགས་སྟོང་དང་བརྒྱད་བརྒྱ་དུས་སྦྱོར་གཅིག་གི་རླུང་འགགས་པ་ན་བདེ་བ་ཆེན་པོའི་སྐད་ཅིག་མ་ སྟོང་བརྒྱད་བརྒྱ་འཕེལ་ཞིང་། གསང་གནས་ཀྱི་འཁོར་ལོའི་ཕྱེད་དུ་བྱང་སེམས་ཐིག་ལེ་བརྟན་ཞིང་ས་ དང་པོ་ཐོབ་པོ། །དེ་ནས་དུས་སྦྱོར་གཉིས་ཀྱི་རླུང་འགགས་ཤིང་། མི་འགྱུར་བའི་བདེ་བའི་སྐད་ཅིག་
མ་སྟོང་བརྒྱད་བརྒྱ་པ་གཉིས་འཕེལ་ཏེ། བྱང་སེམས་ཐིག་ལེ་གསང་གནས་ཀྱི་འཁོར་ལོར་བརྟན་ པས་ས་གཉིས་པ་ཐོབ་ལ། དེ་ལྟ་བུའི་ཚུལ་གྱིས་ལྟེ་བར་ས་བཞི་པ་དང་། སྙིང་ཁར་དྲུག་པ་དང་། མགྲིན་པར་བརྒྱད་པ་དང་། དཔྲལ་བར་བཅུ་པ་དང་། དེ་ནས་དབུགས་ཉི་ཁྲི་ཆིག་སྟོང་དྲུག་བརྒྱ་ དུས་སྦྱོར་བཅུ་གཉིས་ཀྱི་རླུང་ཐམས་ཅད་འགགས་ཤིང་མི་འགྱུར་བའི་བདེ་བའི་སྐད་ཅིག་མ་ཉི་ཁྲི་ ཆིག་སྟོང་དྲུག་བརྒྱ་རྫོགས་ཏེ། བྱང་སེམས་ཐིག་ལེ་གཙུག་ཏོར་གྱི་འཁོར་ལོ་བརྟན་པ་ཐོབ་པ་ན་ ཏིང་ངེ་འཛིན་གྱི་ཡན་ལག་མཐར་ཕྱིན་ནས་ས་བཅུ་གཉིས་ཀྱི་དབང་ཕྱུག་ཐོབ་པར་འགྱུར་རོ། །འདིར་ ས་བཅུ་གཉིས་ཀྱི་མིང་ནི་ཀུན་ཏུ་འོད་ཉི་མའི་དཀྱིལ་འཁོར་ཆེན་པོ་མཛེས་པའི་ས་དང་། བདུད་རྩིའི་འོད་ ཟླ་བ་ཆེན་པོ་འོད་གསལ་བའི་ས་དང་། ནམ་མཁའི་འོད་ནམ་མཁའ་ལྟར་རབ་ཏུ་གནས་པའི་ས་ དང་། རྡོ་རྗེའི་འོད་ཡིད་དགའ་བའི་ས་དང་། རིན་ཆེན་འོད་མངོན་པར་དབང་བསྐུར་བ་ལ་གནས་པའི་ ས་དང་། པདྨའི་འོད་རང་བཞིན་གྱིས་དག་པའི་ཆོས་དྲི་མ་མེད་པ་ཡོངས་སུ་འཛིན་པའི་ས་དང་། སངས་རྒྱས་ཀྱི་ལས་བྱེད་པའི་ས་དང་། དཔེ་མེད་པའི་ས་དང་། དཔེ་ཐམས་ཅད་ཀྱི་དཔེ་རབ་ཏུ་ རྟོགས་པར་བྱེད་པའི་ས་དང་། ཤེས་རབ་ཀྱི་འོད་བླ་ན་མེད་པའི་ས་དང་། ཐམས་ཅད་མཁྱེན་པ་ཉིད་ འོད་གསལ་བ་ཆེན་པོའི་ས་དང་། སོ་སོའི་བདག་ཉིད་རིག་པ་རྣལ་འབྱོར་པའི་ཡེ་ཤེས་ཡོངས་སུ་ རྫོགས་པར་བྱེད་པའི་སའོ། །ཞེས་གསུངས་ཤིང་། དེ་རྣམས་ལ་གནས་དང་ཉེ་བའི་གནས། ཞིང་ དང་ཉེ་བའི་ཞིང་། ཚན་དོ་ཧ་དང་ཉེ་བའི་ཚན་དོ་ཧ། འདུས་པ་དང་ཉེ་བའི་འདུས་པ། དུར་ཁྲོད་དང་ཉེ་ བའི་དུར་ཁྲོད། འཐུང་གཅོད་དང་ཉེ་བའི་འཐུང་གཅོད་ཅེས་བྱ་སྟེ། མཆོག་གི་དང་པོའི་སངས་རྒྱས་ ལས། (སྦྱོར་བ་ཡན་ལག་དྲུག་གི་ལམ་བསྒོམ་པས་རྟེན་འབྲེལ་)ཡན་ལག་བཅུ་གཉིས་འགགས་པ་ཡིས། །(ལུས་ལ་ རླུང་)དུས་སྦྱོར་(བཅུ་གཉིས་པོ་)རྣམས་ནི་མི་(སྟེ་འགགས་པའི་)འབབ་ཕྱིར།
།(གོང་དུ་བཤད་པའི་)ས་རྣམས་བཅུ་
གཉིས་ཞེས་གྲགས་པ། །གནས་(དང་ཉེ་བའི་གནས་)ལ་སོགས་པ་(བདེན་པས་བསྡུས་པ་རྣམས་ཐོབ་པོ)དོན་ དམ་མོ། །ཞེས་གསུངས་སོ། །བདེ་བ་ཆེན་པོའི་ཏིང་ངེ་འཛིན་བསྒོམ་པའི་ཚུལ་འདི། རྩ་བའི་རྒྱུད་ མཆོག་གི་དང་པོའི་སངས་རྒྱས་ལས། བཅུའི་མཐར་སྣ་ཚོགས་སྟོང་གཟུགས་)
(དང་པོ་སོ་སོར་སྡུད་པའི་ཡན་ལག་གིས་)དུ་བ་ལ་སོགས་(མཚན་མ་
བསྒོམ་བྱས་ཤིང་། །
(བསམ་གཏན་གྱིས་)སེམས་ནི་གཡོ་བ་མེད་བྱས་
ཏེ། །(སྲོག་རྩོལ་གྱི་)དབུ་མ(འི་ལམ་)སྦྱང་བ་བྱས་ནས་ནི། །(འཛིན་པས་རླུང་གཡོ་བ་མེད་པར་བྱས་ནས་ཕྱག་རྒྱ་ཆེན་ པོ་)མཆོག་ཏུ་མི་འགྱུར་(བའི་ཡེ་ཤེས་)བསྒོམ་པར་བྱ(འོ)། (ཏུ )བཀོད་ནས།
།
(རྗེས་དྲན་གྱི་དུས་སུ་ཤེས་རབ་ཀྱི)པདྨར་རྡོ་རྗེ་རབ་
།(གཏུམ་མོའི་མེ་འབར་བའི་ཕྱིར་)སྲོག་(དང་ཐུར་སེལ་གཅིག་ཏུ་སྦྱར་བ་)ནི་(སྤྱི་བོའི་ཧཾ་ཡིག་)ཐིག་
ལེར་(ཟིན་པའི་ཚུལ་གྱིས་ཨ་བ་དྷུ་ཏིར་)གཞུག་པར་བྱ། །(དེ་ལྟར་གཏུམ་མོའི་མེས་སྤྱི་བོའི་བྱང་སེམས་ཧཾ་གིས་ཐིག་ལེ་ཞུ་བ་ བྱས་ནས་)འཁོར་ལོ་ཐིག་ལེ་(རྣམས་ཀྱི་ལྟེ་བར་ཐིག་ལེ་བྱོན་པའི་)ཐིག་ལེ་ཡི།
།གཡོ་བ་རྡོ་རྗེ(ནོར་བུ)ར་དགག་
པར་བྱ། །(དེ་ལ་བརྟེན་ནས་)རྟག་ཏུ་རྟགས་རེངས་(པའི་)རྣལ་འབྱོར་པས། །(ཏིང་ངེ་འཛིན་གྱི་)རྟག་ཏུ་(རྡོ་རྗེ་ནོར་བུ་ ནས་གསང་གནས་ལ་སོགས་པ་)སྟེང་དུ་ཁུ་བར་(གཤེགས་པ་)འགྱུར(བར་བྱའི)།
།(དེ་ལྟ་བུའི་)ཕྱག་རྒྱ་ཆེན་པོའི་
སྦྱོར་བ་ཡིས། །(བདེ་བ་ཆེན་པོའི་ཡེ་ཤེས་)རྡོ་རྗེ་འབེབས་པས་(རྣལ་འབྱོར་པ་རང་ཉིད་)བྱིན་གྱིས་བརླབས(ནས་ དབུགས་ཉི་ཁྲི་ཅིག་སྟོང་དྲུག་བརྒྱ་རིམ་གྱིས་ཟད་པར་བྱས་ནས)།
།མཆོག་ཏུ་མི་འགྱུར་(བའི་བདེ་བའི་)སྐད་ཅིག་ནི། །
སྟོང་ཕྲག་ཉི་ཤུ་རྩ་གཅིག་དང་། །དྲུག་རྒྱ་(གཙུག་ཏོར་གྱི་འཁོར་ལོར་)རྫོགས་པས་རྒྱལ་པོ་ཆེ(ཞེས་པ་བོད་པ་ སྟེ)།
།རྡོ་རྗེ་སེམས་དཔ(རྣལ་འབྱོར་པ་སྟེ)ར་རང་ཉིད་འགྱུར(རོ)། །ཞེས་གསུངས་ཤིང་སྙན་བརྒྱུད་ལས།
དཔལ་ལྡན་མི་འགྱུར་བདེ་བ་སྐྱེ། །སངས་རྒྱས་དངོས་སུ་ཡང་དག་མཐོང་། །དེ་ལ་བརྟན་པར་གྱུར་ པ་དེས། །ཐིག་ལེ་གྱེན་ལོག་སྤྱི་བོར་འགྲོ །རྡོ་རྗེ་ནོར་བུར་ངོ་བོ་ཉིད། །ཐོབ་ནས་ཆོས་དང་ལོངས་སྐུ་ དང་། །སྤྲུལ་སྐུ་གནས་བཞིར་ཐོབ་པར་འགྱུར། །རྡོ་རྗེ་བཞི་དང་རྣམ་ཐར་དང་། །བྱང་ཆུབ་བཞི་ཡང་ རྟོགས་པར་འགྱུར། །གསང་གནས་སྤྱི་བོར་རླུང་དག་ནི། །སྟོང་དང་བརྒྱད་བརྒྱ་འགགས་པ་ ཡིས། །ས་ནི་བཅུ་གཉིས་རིམ་པས་ཐོབ། །སྐུ་ནི་བཅུ་དྲུག་དག་པར་འགྱུར། །ཐིག་ལེ་སྤྱི་བོ་རྡུལ་ ནོར་བུ། །མི་གནས་མྱ་ངན་འདས་པར་བརྗོད། །ཡོན་ཏན་ཐམས་ཅད་རྫོགས་པར་འགྱུར། །ཏིང་ འཛིན་དབང་བསྐུར་ཙམ་གྱིས་ནི། །སྒྲིབ་པ་ཐམས་ཅད་བྲལ་གྱུར་ནས། །དྲི་མ་མེད་པར་སངས་རྒྱས་ འགྱུར། །ཞེས་གསུངས་སོ།། གཉིས་པ་ས་རྣམས་ཀྱི་ཡོན་ཏན་གྱི་ཁྱད་པར་ནི། ས་དང་བོ་ཐོབ་པ་ལས་ཕྱོགས་བཅུའི་འཇིག་རྟེན་ གྱི་ཁམས་གཅིག་གི་མཐར་ཐུག་པར་མ་མཐོང་བའི་དོན་ཡང་དག་པར་མཐོང་བ་དང་། དེ་བཞིན་དུ་ས་ གཉིས་པ་ནས་ས་བཅུ་གཅིག་པའི་བར་དུ་ས་འོག་མ་ལས་ཉིས་འགྱུར་གྱི་འཇིག་རྟེན་ཁམས་ཀྱི་གྲངས་ མཐོང་སྟེ། ས་བཅུ་གཅིག་པར་ཕྱོགས་བཅུའི་འཇིག་རྟེན་གྱི་ཁམས་ཉི་ཤུ་རྩ་བཞི་ལྷག་པའི་སྟོང་ཕྲག་ གཅིག་གི་མཐར་ཐུག་པར་ལྐོག་ཏུ་གྱུར་པའི་དོན་ཡང་དག་པར་མཐོང་བར། མཆོག་ཏུ་མི་འགྱུར་བའི་ ཡེ་ཤེས་གྲུབ་པའི་མདོར་བསྡུས་ལས་གསུངས་སོ། །ཕྱོགས་བཅུའི་འཇིག་རྟེན་གྱི་ཁམས་ནི་མི་ མཇེད་ཀྱི་འཇིག་རྟེན་གྱི་ཁམས་དབུས་སུ་བཞག་པའི་སྟེང་འོག་སོགས་ཕྱོགས་བཅུར་མི་མཇེད་ཀྱི་ འཇིག་རྟེན་གྱི་ཁམས་ལྟ་བུ་སྟོང་ཕྲག་རེ་རེ་བགྲངས་པ་ལ་བྱ་སྟེ། དེ་ལ་སྟོང་གཅིག་གི་འཇིག་རྟེན་གྱི་ ཁམས་ཞེས་གསུངས་སོ། །སངས་རྒྱས་ཀྱི་ས་བཅུ་གཉིས་པ་ཐོབ་པ་ལས་སྟོང་ཆེན་པོ་ཞེས་བྱ་བ་
ཕྱོགས་བཅུར་གྲངས་མེད་པ་ཆེན་པོའི་འཇིག་རྟེན་གྱི་ཁམས་རྣམས་སུ་སྔར་མ་མཐོང་པའི་དོན་ ཡང་དག་པར་མཐོང་བ་ཡིན་ནོ། །ཡོན་ཏན་གྱི་ཁྱད་པར་གཞན་ནི། ཡི་གེ་མངས་ཀྱིས་དོགས་ནས་ མ་བྲིས་སོ། །ལམ་དང་འབྲས་བུའི་རྣམ་པར་བཞག་པ་ཅུང་ཟད་རྒྱས་པར་ནི། ཁོ་བོས་རྣམ་པར་སྦྱར་ བའི་རྡོ་རྗེའི་རྣལ་འབྱོར་གྱི་ངོ་སྤྲོད་ཡང་དག་དོན་གསལ་དང་གསང་དོན་རབ་གསལ་གཉིས་སུ་བལྟ་ བར་བྱའོ།།
བsgོམ་པའི་rtགས་ཚད།
བཞི་པ་བསྒོམ་པའི་རྟགས་ཚད་ལ་གཉིས་ལས། ཉམས་རྟགས་ཇི་ལྟར་འཆར་བའི་ཚུལ་ནི། རྣལ་འབྱོར་པའི་ལུས་སེམས་དང་སྣང་བ་ཐམས་ཅད་བདེ་སྟོང་གཉིས་མེད་དུ་འཆར་བ་ལ་སོགས་པ་ ཡོན་ཏན་གྱི་ཁྱད་པར་དཔག་ཏུ་མེད་པ་ཐོབ་པར་དཔལ་དུས་ཀྱི་འཁོར་ལོ་ལ་སོགས་པ་བླ་ན་མེད་པའི་ རྒྱུད་ཀྱི་རྒྱལ་པོ་དུ་མ་ལས་གསུངས་སོ། །ཏིང་ངེ་འཛིན་གྱི་ཡན་ལག་འདི། ཚད་མ་གང་ཡིན་པའི་ ཚུལ་ནི། སྙན་བརྒྱུད་ལས། བསྒྲུབ་པ་ཆེན་པོ་ཞེས་བཤད་དེ། །རྣལ་འབྱོར་མངོན་སུམ་ཡིན་པར་ འདོད། །ཅེས་གསུངས་པས། རྣལ་འབྱོར་འཕགས་པའི་མངོན་སུམ་ཚད་མས་མཁྱེན་པ་གཙོ་ཆེ་བར་ བལྟའོ། །ཞེས་གསུངས་ཡང་། ས་མ་ཐོབ་བར་གྱི་ཏིང་ངེ་འཛིན་གྱི་ཡན་ལག་ནི། རྣལ་འབྱོར་མངོན་ སུམ་ཡིན་ཡང་འཕགས་པའི་རྣལ་འབྱོར་མངོན་སུམ་མ་ཡིན་ལ། སྤྱིར་ནི་སོར་སྡུད་བསམ་གཏན་ གྱི་ཡན་ལག་དང་འདྲ་བར་མངོན་སུམ་བཞི་ཆར་ཚང་བར་ཤེས་པར་བྱའོ།།
དག་by་དང་དག་byེད་kyི་དbyེ་བ།
ལྔ་པ་དག་བྱ་དང་དག་བྱེད་ཀྱི་དབྱེ་བ་ལ། དག་པར་བྱ་བའི་གཞི་ནི། སེམས་ཅན་ཐམས་ ཅད་ལ་གདོད་མ་ནས་བཞུགས་པའི་དང་པོའི་སངས་རྒྱས་ཡེ་ཤེས་ཀྱི་སྐུའི་གཟུགས་ཀྱི་ཕུང་པོ། གཞན་རྒྱལ་བ་རྣམ་པར་སྣང་མཛད་ལ་སོགས་པ་སའི་ཁམས་པ་དྲུག་ཚན་གཅིག་ཡིན་ལ། དག་བྱ་ ནི། མ་དག་པ་འཁོར་བ་པའི་གཟུགས་ཀྱི་ཕུང་པོ་ལ་སོགས་པ་དྲུག་ཚན་གཅིག་ཡིན་ཞིང་། དག་ བྱེད་ནི། རྒྱལ་བ་རྣམ་པར་སྣང་མཛད་ཀྱི་རིགས་ཀྱི་ཏིང་ངེ་འཛིན་གྱི་ཡན་ལག་སྟེ། འདི་ལ་སྦྱིན་པའི་ ཕ་རོལ་ཏུ་ཕྱིན་པའི་ལམ་ཞེས་བཞེད་དོ། །དག་བྱེད་ལ་དབྱེ་ན་སྲོག་དང་ཐུར་སེལ་ལ་སོགས་པ་རླུང་ བཅུ་འགོག་པའི་དབྱེ་བས་རྣམ་པ་བཅུ་སྟེ། རྒྱུད་ཀྱི་རྒྱལ་པོ་དང་འགྲེལ་བར། དཔལ་ལྡན་ཏིང་ངེ་ འཛིན་གྱི་འཁོར་ལོ་ཅན་ཞེས་པ་རྣམ་པར་སྣང་མཛད་དེ། ཏིང་ངེ་འཛིན་རྣམ་པ་བཅུ་ནི་རླུང་བཅུ་པོ་ རྣམས་འགོག་པའི་ཕྱིར་རོ། །ཞེས་གསུངས་སོ།།
བsgོམས་པས་ཐོབ་པའི་འbrས་bu།
དྲུག་པ་བསྒོམས་པས་ཐོབ་པའི་འབྲས་བུ་ནི། རྒྱུད་ཀྱི་རྒྱལ་པོ་ལས། དེ་ནས་ཏིང་ངེ་འཛིན་ གྱིས་དག་པ་ཉིན་ཞག་འགའ་ཞིག་རྣམས་ཀྱིས་ཡེ་ཤེས་སྐུ་ནི་འགྲུབ་པར་འགྱུར། །ཞེས་གསུངས་ ཏེ། གནས་སྐབས་ཀྱི་འབྲས་བུ་ལོ་གསུམ་དང་ཕྱོགས་གསུམ་གྱི་ཉིན་ཞག་རྣམས་ཀྱིས་ཡེ་ཤེས་སྐུ་ ཞེས་པ་དབང་བཅུ་ལ་སོགས་པ་ཐོབ་པའི་བྱང་ཆུབ་སེམས་དཔར་འགྱུར་ཞིང་། མཐར་ཐུག་གི་འབྲས་ བུ་རྣལ་འབྱོར་པའི་སྒྲིབ་བཅས་ཀྱི་གཟུགས་ཀྱི་ཕུང་པོ་དང་སའི་ཁམས་ལ་སོགས་པ་འགགས་ནས། གཞི་ ལ་གདོད་མ་ནས་བཞུགས་པའི་གཟུགས་ཀྱི་ཕུང་པོ་གཞན་རྒྱལ་བ་རྣམ་པར་སྣང་མཛད་(དང་)ལ་ སོགས་(སའི་ཁམས་གཞན་སངས་རྒྱས་སྤྱན་མ་དང་།
ལས་ཀྱི་དབང་པོ་གཞན་སྒྲིབ་པ་རྣམ་སེལ་དང་། དྲི་གཞན་དྲི་རྡོ་རྗེ་མ། ལས་
དབང་བཤང་ལམ་གྱི་དབང་པོ་གཞན་ཁྲོ་བོ་གཤིན་རྗེ་མཐར་བྱེད། ལས་དབང་གི་བྱ་བ་བརྗོད་པ་གཞན་ཁྲོ་མོ་རེངས་བྱེད་མ་སྟེ་)པ་དྲུག་
ཚན་གཅིག་སྒྲིབ་པ་དང་བྲལ་བར་གནས་གྱུར་པའི་འབྲས་བུ་ཐོབ་པར་འགྱུར་རོ། །དེ་དག་ནི་སྙན་བརྒྱུད་ ལས། བསྒྲུབ་པ་ཆེན་པོ་ཞེས་བཤད་དེ། །དེ་གཉིས་ཐ་མར་དགེ་བའོ། །ཞེས་གསུངས་པའོ། །རྗེས་ དྲན་གཏུམ་མོ་དང་། ཐིག་ལེའི་རྣལ་འབྱོར་གྱི་མན་ངག་གིས་རྣལ་འབྱོར་པའི་སེམས་ཉམས་མྱོང་བྱང་
སེམས་ཐིག་ལེ་ཡས་བབས་ཀྱི་དགའ་བ་བཞིའི་བདག་ཉིད་ལ། རྩེ་གཅིག་ཏུ་གནས་པའི་རྟོག་པ་མེད་ པའི་ཏིང་ངེ་འཛིན་གྱི་རྒྱལ་པོ་བསྒོམ་པ་བསྒྲུབ་པའི་ཡན་ལག་ཐུགས་རྡོ་རྗེའི་རྣལ་འབྱོར་དང་། ཏིང་ངེ་ འཛིན་ཕྲ་མོའི་རྣལ་འབྱོར་གྱིས་རྣལ་འབྱོར་པའི་སེམས་བྱང་སེམས་ཐིག་ལེ་ཇི་ལྟར་བྱོན་པ་དེ་བཞིན་དུ་ སྟེང་དུ་གཤེགས་པས། འགྱུར་མེད་ཀྱི་བདེ་བ་ཆེན་པོ་ལ་རྩེ་གཅིག་ཏུ་གནས་པའི་རྟོག་པ་མེད་པའི་ ཏིང་ངེ་འཛིན་གྱི་རྒྱལ་པོ་ལྷུན་འགྲུབ་རྩོལ་མེད་དུ་བསྒོམ་པ། བསྒྲུབ་པ་ཆེན་པོའི་ཡན་ལག་ཡེ་ཤེས་ རྡོ་རྗེའི་རྣལ་འབྱོར་ཐ་མར་དགེ་བའི་ཁྲིད་ཡིག་ཆོས་རྗེ་ཡབ་སྲས་གོང་མ་རྣམས་ཀྱི་ཞལ་གྱི་གདམས་པ། རྒྱུད་འགྲེལ་ཆེན་པོའི་ལུང་རྣམ་པར་དག་པ་དང་ཉེ་བར་སྦྱར་ཞིང་ཞལ་ཤེས་སུ་མཛད་པ་རྣམས་ཀྱང་ ཅུང་ཟད་གསལ་བར། དུས་ཀྱི་འཁོར་ལོའི་རྣལ་འབྱོར་པ་དགེ་སློང་ཆོས་ཀྱི་རྒྱལ་པོ་མིང་གཞན་ ཕྱོགས་ལས་རྣམ་རྒྱལ་གྱིས་རྣམ་པར་སྦྱར་བ་རྫོགས་སོ།། །། (ཆོས་རྗེ་ཀུན་སྤངས་ཆེན་པོའི་གསུང་གིས་)འདིར་སྦྱོར་བ་ཡན་ལག་དྲུག་པོ་རེ་རེ་ལའང་།
མཚན་དོན།
ཡན་ལག། དག་དབྱེ། འབྲས་བུ་སྟེ། དོན་བཞི་བཞིས་ཁྲིད་ནས། སྦྱོར་བ་རེ་རེ་ལའང་ཡན་ལག་དྲུག་ དྲུག་ཚང་བར་བསྒོམ་ཞིང་། རེས་འགའ་སྟན་ཐོག་གཅིག་གི་སྟེང་དུ་ཡང་སྦྱོར་བ་ཡན་ལག་དྲུག་ཀ་ ཐུན་གཅིག་ལ་ཡང་ཚང་བར་བསྒོམས་ཏེ། སྙན་བརྒྱུད་ལས། དེ་ལྟར་ཡན་ལག་དྲུག་པོ་ལ། །ལོ་ གསུམ་ཟླ་ཕྱེད་གསུམ་གྱིས་ནི། །སངས་རྒྱས་འདྲ་བར་འགྱུར་བ་སྟེ། །ས་དང་ཐོབ་པ་ཞེས་ཀྱང་ འདོད། །ཁམས་དྲུག་སྦྱངས་པས་ཡེ་ཤེས་དྲུག །རིགས་དྲུག་ཕ་རོལ་ཕྱིན་པ་དྲུག །མངོན་ཤེས་ དྲུག་དང་རྗེས་དྲན་དྲུག །རླུང་དྲུག་ཡེ་ཤེས་བླ་མ་གསུང་། །ཞེས་དང་། འདི་མིན་མཆོག་ནི་མི་ འགྲུབ་ཅེས། །གསུངས་པས་ངེས་པར་འདི་བསྒྲུབ་བྱ། །རྟོག་ལམ་འཇིག་རྟེན་འཁོར་གསུངས་པས། །བསྐྱེད་རིམ་ལས་སོགས་ཅི་ཞིག་བྱ། །ཞེས་དང་། སྦྱོར་དྲུག་མན་ངག་ཡོད་པ་དག །མ་བསྒོམས་ན་ ཡང་སྐྱེ་བདུན་འགྲུབ། །ཅེས་པའི་དོན་འདི་ནི། བརྗོད་མི་དགོས་པར་ཤེས་པར་བྱའོ། །ཞེས་གསུང་ངོ་། ། (སྐབས་འདིར་ཡང་ཆོས་རྗེ་ཀུན་སྤངས་པ་ཆེན་པོའི་གསུང་གིས་)ཁྲིད་ཡིག་འདི་ནི།
སངས་རྒྱས་རྡོ་རྗེ་འཆང་ནས་
ཆོས་རྒྱལ་རིགས་ལྡན་དང་། དཔལ་དུས་འཁོར་ཞབས་ཡབ་སྲས་ནས། པཎ་ཆེན་ཟླ་བ་མགོན་པོ་ ལ་སྙན་དུ་བརྒྱུད་པའི་སྔོན་ཆད་ཡི་གེ་མེད་པའི་བཀའ་རྒྱ་ཅན་ལ་གཞི་བྱས། ཐོག་མར་དགེ་བའི་ ཁྲིད་དཔལ་ཤཱ་བ་རི་དབང་ཕྱུག་ནས་པཎ་ཆེན་བི་བྷུ་ཏ་ཙནྟྲ་ལ་སྙན་དུ་བརྒྱུད་པ་བཞིན་བྲིས། བར་དུ་ དགེ་བའི་ཁྲིད་པཎ་ཆེན་ཤཱཀྱ་ཤྲཱི་ནས་ཆོས་རྗེ་ས་སྐྱ་པཎ་ཆེན་ལ་སྙན་དུ་བརྒྱུད་པ་བཞིན་བྲིས། ཐ་མར་ དགེ་བའི་ཁྲིད་རྒྱུད་འགྲེལ་མན་ངག་ནས་ཇི་ལྟར་གསུངས་པ་བཞིན་དུ་བྲིས་པ་ཡིན་ནོ་ཞེས་
གསུངས་པ་རིགས་ལྡན་ས་བཅུའི་དབང་ཕྱུག་ཆེན་པོ་རྣམས་ཀྱི་སྤྲུལ་པའི་སྐུ་ཆོས་ཀྱི་རྗེ་ཀུན་སྤངས་ ཆེན་པོའི་ཞལ་སྔ་ནས་མཛད་པའི་ཁྲིད་ཡིག་གཞིར་བཞག་ནས། ཆོས་རྗེ་དཔལ་ལྡན་བླ་མ་དམ་པ་ ཐམས་ཅད་མཁྱེན་པའི་ཞལ་གྱི་གདམས་པ་ཅི་རིགས་པ་རྣམ་པར་སྦྱར་ཞིང་། རྒྱུད་འགྲེལ་ཆེན་པོའི་ དགོངས་པ་ཟབ་མོ་རྣམས་ཀྱང་ལེགས་པར་དཔྱད་དེ། རྒྱུད་འགྲེལ་ཆེན་པོའི་ལུང་སྦྱོར་རྣམས་ཀྱང་སྔར་ འགྱུར་གྱི་མ་བདེ་བ་རྣམས་སྤངས་ནས་ཤོང་འགྱུར་གཞིར་བཞག་པའི་སྟེང་དུ་སླར་ཡང་(དཔལ་འཇིག་རྟེན་ དབང་ཕྱུག་གི་སྤྲུལ་པའི་སྐུ། ཆོས་ཀྱི་རྗེ་རིན་པོ་ཆེ་ཀུན་མཁྱེན་ཆེན་པོའི་ཞལ་སྔ་ནས་དོན་གྱི་ཆ་ལ་དཔྱད་པ་མཛད་ཅིང་། དཔལ་ལྡན་བླ་ མ་དམ་པ་ལོ་ཙཱ་བ་བློ་གྲོས་རྒྱལ་མཚན་དཔལ་བཟང་པོ་པ་དང་། དཔལ་ལྡན་བླ་མ་དམ་པ་ལོ་ཙཱ་བ་བློ་གྲོས་དཔལ་བཟང་པོའི་ཞལ་སྔ་ ནས་རྒྱ་དཔེ་དག་པ་ལ་གཏུགས་ནས་)དག་པར་བྱས་པ་ལྟར་བྲིས་པ་ཡིན་ནོ།།
ཐ་མར་དགེ་བ་མjuག
མjuག་byང་།
རྒྱལ་དང་རྒྱལ་བའི་སྲས་རྣམས་ཀུན་གྱིས་རྣམ་པ་ཀུན་ཏུ་ཉེར་བསྟེན་ཞིང་། །རྣལ་འབྱོར་ དབང་ཕྱུག་ཆེན་པོ་རྣམས་ཀྱིས་ཉམས་བླངས་གྲུབ་པའི་མཆོག་བརྙེས་པ། །ཟབ་ཡངས་རྒྱུད་སྡེ་རྒྱ་ མཚོའི་སྙིང་པོ་ལམ་བཟང་རིན་ཆེན་དབང་གི་རྒྱལ། །གུས་པས་ཉེར་བསྟེན་སྲིད་དང་ཞི་བའི་རྒུད་པ་ ཀུན་ཏུ་རྣམ་སེལ་བ། །གང་དེ་ཉམས་སུ་བླང་བའི་རིམ་པ་ཐོག་མཐའ་བར་དུ་དགེ་བ་ཡི། །ཁྲིད་རིམ་ ཐར་ལམ་གསལ་བྱེད་གང་འདི་དུས་ཀྱི་འཁོར་ལོའི་རྣལ་འབྱོར་པ། །དགེ་སློང་ཆོས་ཀྱི་རྒྱལ་པོ་ཞེས་བྱ་ དཔལ་ལྡན་མི་བསྐྱོད་རྡོ་རྗེ་ཡིས། །ཟབ་ལམ་དོན་གཉེར་སྐལ་ལྡན་སློབ་མ་བློ་ལྡན་དུ་མས་བསྐུལ་ བའི་ངོར། །རྒྱུད་དང་རྒྱ་འགྲེལ་དགོངས་པ་ཇི་བཞིན་རྗེ་བཙུན་བླ་མ་བརྒྱུད་པ་ཡི། །རབ་ཟབ་མན་ ངག་རྣམ་མང་རྟོགས་པའི་བློ་ཡིས་གཞན་ལ་ཕན་སླད་དུ། །རྣམ་དག་ལུང་གི་ཤེས་བྱེད་དང་ལྡན་ ཆོས་ལ་དཔེ་མཁྱུད་དང་བྲལ་ཞིང་། །ཚིག་འབྲུ་ལ་རྟོན་རྣམ་པར་སྤངས་ཏེ་དོན་ལ་རྟོན་པས་གསལ་ བར་སྦྱར། །དེས་བསྐྲུན་དགེ་བ་རྣམ་པར་དཀར་བའི་མཐུས། །སྐྱེ་བ་དང་ནི་ཚེ་རབས་ཀུན་ཏུ་བདག །
རིགས་ལྡན་དཔལ་ལྡན་བླ་མས་རྗེས་བཟུང་སྟེ། །འགྲོ་ལ་རྣམ་དག་ལམ་བཟང་སྟོན་གྱུར་ཅིག །སྙན་ བརྒྱུད་ཞལ་ལས་ཞེས་པའི་ཟབ་དོན་གང་། །བདག་གི་དགེ་བའི་བསམ་པས་ཡི་གེ་ཡི། །རིས་སུ་བྲིས་ ལ་ཉེས་པ་གང་མཆིས་རྣམས། །བཀའ་སྲུང་མཁའ་འགྲོའི་ཚོགས་ལ་བཟོད་པར་གསོལ། །རྒྱལ་ བའི་དབང་པོས་སེམས་ཅན་བསམ་པ་ཡི། །དབང་གིས་རྒྱུད་གཞན་རྣམས་སུ་རབ་སྦས་པ། ། འཇིག་ རྟེན་ལས་འདས་དབང་མཆོག་བཞི་པའི་དོན། །དུས་འཁོར་རྒྱུད་དང་འགྲེལ་པར་གསལ་མཛད་ པའི། །རྡོ་རྗེའི་རྣལ་འབྱོར་ལམ་གྱི་ཡན་ལག་དྲུག །ཉམས་ལེན་རིམ་པ་གསལ་བའི་ཁྲིད་ཡིག་ འདི། །ཟབ་ལམ་ཁྲིད་མ་ཐོབ་ལ་མི་བསྟན་ཞིང་། །འབད་པས་ཤིན་ཏུ་ལེགས་པར་སྦ་བར་བྱ། ། གཞན་ཡང་གང་དག་ཉམས་མྱོང་སྐྱེས་ཁྲིད་དུ། །ཉམས་སུ་མི་ལེན་ལུང་ཐོབ་ཙམ་བྱེད་ན། །ལེན་ དང་ཀློག་པ་པོ་དག་གཉི་ག་ཡང་། །སྲུང་མ་མཁའ་འགྲོའི་ཚོགས་ཀྱིས་ཚར་གཅོད་གསོལ། །
མཛད་byང་།
རྣལ་འབྱོར་བླ་ན་མེད་པའི་རྒྱུད་ཀྱི་རྒྱལ་པོ་ཐམས་ཅད་ཀྱི་རྫོགས་པའི་རིམ་པ། དཔལ་དུས་ཀྱི་ འཁོར་ལོའི་གདམས་ངག་ཕྱག་རྒྱ་ཆེན་པོ་ཤིན་ཏུ་རྣམ་པར་དག་པའི་ལམ་གྱི་རིམ་པ། ཟབ་ལམ་རྡོ་རྗེའི་ རྣལ་འབྱོར་ཟབ་པ་ལས་ཀྱང་ཆེས་ཟབ་པ། སྦྱོར་བ་ཡན་ལག་དྲུག་གི་ཁྲིད་ཡིག་ཐར་ལམ་གསལ་ བྱེད་ཅེས་བྱ་བ་རིགས་ལྡན་འཇིག་རྟེན་དབང་ཕྱུག་གི་སྤྲུལ་པའི་སྐུ་ཆེན་པོ། ༧ ཆོས་ཀྱི་རྗེ་རིན་པོ་ཆེ་ ཐམས་ཅད་མཁྱེན་པའི་ཞབས་ཀྱི་རྡུལ་སྤྱི་བོས་ལེན་ཅིང་། གསུང་གི་བདུད་རྩི་དྲི་མ་མེད་པའི་རོ་ མྱངས་པ་དུས་ཀྱི་འཁོར་ལོའི་རྣལ་འབྱོར་པ་དགེ་སློང་རྡོ་རྗེ་འཛིན་པ་ཆོས་ཀྱི་རྒྱལ་པོའམ་མིང་གཞན་ ཕྱོགས་ལས་རྣམ་རྒྱལ་གྱིས། དཔལ་ཇོ་མོ་ནང་གི་དབེན་གནས་རི་ཁྲོད་ཆེན་པོར་རྫོགས་པར་སྦྱར་ བའོ། ། འདིའི་མཐུས་ནམ་མཁའི་མཐའ་དང་མཉམ་པའི་སེམས་ཅན་ཐམས་ཅད་ཀྱི་ཕྱག་རྒྱ་ཆེན་པོ་ མཆོག་གི་དངོས་གྲུབ་སྐུ་བཞིའི་བདག་ཉིད་དཔལ་དུས་ཀྱི་འཁོར་ལོའི་གོ་འཕང་མྱུར་དུ་ཐོབ་པར་ གྱུར་ཅིག། ༀ་ཨཱཿཧཱུྃ་ཧོ་ཧཾ་ཀྵཿ བྷཱུར་བྷུ་ཝ་སྭ་ཧཱ
(ས་འོག་དང་ས་སྟེངས་སུ་གཞི་ཚུགས་ཤིག།) དགུ་རྣམས་ལཿ)
ན་མོ་དེ་ཝ་བྷྱ(མཆོད་པ་ལྷ་རྣམསཿ)སྭ་སྟི་པྲ་ཛྭ་བྷྱ(བདེ་ལེགས་སྐྱེ་
སཱཧཱ་རཱ་ཛ་བྷྱ(གཞི་ཚུགས་པའི་རྒྱལ་པོ་རྣམསཿ) སྭཱ་དྷཱ་པ་ཏྲི་བྷྱ(གཞི་བསྲུང་བ་མ་མོ་རྣམས་ལཿ )ཨ་
ལཾ་ཚིམ་པ་བྷཱུ་ཏེ་བྷྱ (འབྱུང་པོ་རྣམསཿ) བ་ཥ་ཌིཎ་ཏྲཱ་ཡ(གཞི་མི་འགྲུབ་པ་དབང་པོ་རྣམས་ལ། )མངྒ་ལཾ་བྷ་ཝན་ ཏུ། ཤུབྷཾ། (དཔེ་དཔང་དག་པ་གཅིག་ལ་གཏུགས་ནས་དག་པར་ཞུས། གསུམ་ཞུས་གྲུབ།) མ་ཡིག་ནི་འབྲས་དཔེ་རྙིང་༼ ཕྱི་ཀ ༢༠༤ ༽དང་། ༼ ཕྱི་ཀ ༡༤༨ ༽གཉིས་ལ་བརྟེན་པ་ཡིན།
sbyར་byང་།
དགེ་འདིས་འgrོ་བ་kuན་gyི་ཉི་zl་ཡི།། rgyu་བ་rnམ་ཉམས་ལས་snང་འགགས་gyuར་ནས།། rd5་rj6་ཉི་zlའི་snང་བ་རབ་གསལ་བས།། stོང་གzuགས་ཆོས་sku་མཁའ་yབ་མངོན་gyuར་ཤོག། sན་བrgyuད་བཀའ་rgy་ཅན་ཞལ་ཤེས་kyི་གནད་ཟབ་མོ་དང་བཅས་པ་cuང་ཟད་གསལ་བར་ཡི་གེར་བཀོད་པ་ཡིན་ པས། དཔལ་ldན་bl་མ་དམ་པའི་ཞལ་gyི་བduད་rʦི་ལེགས་པར་མནོས་པའི་rnལ་འbyོར་པ་མ་ཡིན་པའི་གང་ཟག་གི་ལག་ tu་འrིད་ཡིག་མི་འyན་པར། ལེགས་པར་sb་བར་by་ཞིང་ཤནི ་tu་གསང་བ་ལས་kyང་གསང་བའི་rgyས་གདབ་པོ།། ཨ}་aཿhauྃ་ཧོཿ ཧཾ་ཀྵཿ། མŋg་ལཾ་བྷ་ཝ་tu། uབྷཾ།
དཔར་byང་smོན་ཚYག *མ་\ོལ་ཞི་བའི་,་མཚ3ར་རོ་གཅིག་A།། གཞོལ་བའི་མཐའ་ཡས་ཆོས་Eལ་དལ་འབབ་œང༌།། ཚ’ག་གི་གཟེགས་མ་རེས་]ང་Xག་གgམ་cི།། Mི་མ་ཡོངས་འŽད་ལེགས་བཤད་བXད་Kི་འདི།། དཔར་X་བ“ན་པའི་*མ་དཀར་ˆང་པོའི་མmས།།
ཡང་དག་ཆོས་]ི་žོ་མོ་/ོང་•ག་བ,།། གདངས་ཏེ་nད་xའི་འ\ོ་བ་མ་Tས་པ།། ངེས་ལེགས་ནོར་tའི་མཛ3ད་ལ་དབང་འLོར་ཤོག། ཅེས་འཛམ་‚ིང་ཡངས་པའི་fོན་ལ་འཚ˜་མེད་ཞི་བའི་ལམ་/ོན་*མ་འMེན་Ÿ]་སེང་གེའི་ རིང་Tགས་žོ་{ན་ནས་,ས་པ་སོགས་འ•ལ་Vན་ལེགས་ཚ3གས་X་མའི་ཆེད་X་དམིགས་ནས། ནང་བ/ན་eབ་མཐའ་རིས་མེད་]ི་གgང་རབ་*མས་དཔར་X་བ“ན་དང་བ“ན་འrར་གང་ལ་ འང་ ར་ཆོག་པའི་དགེ་བ¡ོའི་¢ོན་ཚ’ག་A་Ÿ]འི་དགེ་ ོང་ཆོས་d་བ་ངག་དབང་Yོ་བཟང་བ/ན་ འཛ’ན་,་མཚ3ས་ ར་བའོ།།