Mō te Pūtea a Marsden

E whakahaerehia ana te Pūtea Marsden e Te Apārangi mō te taha ki te kāwanatanga. E tautoko ana te Pūtea a Marsden i te hiranga i roto i ngā rangahau tino mātāmua rawa i Aotearoa. Ka tīpakohia ngā kaupapa i ia tau mā tētahi tukanga pakari e ngā rōpū whiriwhiri tekau e ārahina ana e ngā whakaaro o ngā kairangahau ā-ao, whakaihuwaka ā-ao hoki.

Ko te tikanga ka rato ngā pūtea ki te toru tau mō ia takuhe. E rua ngā momo takuhe: Ngā takuhe TīmataWawe $300 mano (kore GST) te wāriu i roto i te toru tau mā ngā kairangahau pūhou, ā, ka taea te tuku takuhe Aro Whānui atu ki te $960 mano (kore GST) mō te toru tau. Ka utua e ngā takuhe ngā utu ā-tau, ngā tūranga ākonga me te kairangi, me ngā taonga hoki. He kairapu te Pūtea a Marsden, ā, mō ngā kaupapa ā-kaitūhura, ka mutu kāore e herea ana ki ngā kaupapa matua a te kāwanatanga. E whakahaerehia ana e Te Apārangi, ā, nā te Kāwanatanga o Aotearoa te pūtea. He mea whakaingoa tēnei Pūtea ki te kaiahupūngao a Tā Ernest Marsden. He mea whakatū e te kāwanatanga i te tau 1994. E kīia ana ko te Pūtea a Marsden te taumata o te hiranga, e taea ai e ngā kairangahau toa rawa o Aotearoa te hōpara i ō rātau huatau.

MŌ TE APĀRANGI

He whakahaere huamoni-kore motuhake a Te Apārangi e tautoko ana i ngā tāngata o Aotearoa ki te hōpara, tūhura me te tuari mōhiotanga. Ka tuku pūtea mā ana kaupapa me te tuku whai wāhitanga akoranga ki ngā kairangahau, kaiako, ākonga kura, me rātau e pakiki ana ki te ao.

Hei whakanui i ngā tūhuratanga o ngā kairangahau o Aotearoa, ka whakawhiwhia e Te Apārangi ngā mētara me te tohu Pūkenga, he manukura nō ō rātau wāhanga. Ka āwhina ēnei tohunga i te Apārangi ki te tuku tohutohu motuhake ki ngā tāngata o Aotearoa me te kāwanatanga mō ngā take e arohia ana e te iwi whānui. He whānui te kōtuinga mema me ngā hoa o Te Apārangi puta noa i Aotearoa me te pōhiri i te hunga e kaingākau ana ki ngā mahi a ngā tāngata o Aotearoa ki te hōpara, tūhura me te tuari mōhiohio kia whakauru mai.

Mō ētahi atu kōrero anō haere ki royalsociety.org.nz