YS October Quiz ______________________________________________________16

The Young Salvationist OCTOBER 2022 7

8. Hla Bu : August ni 29, 2022 Zan khan Aizawl Temple Corps-ah Congress Hla Bu hi Colonel Lalhlimpuii, TPWM-in a tlangzarh. Hla Bu ah hian Sipai Hla/Zaipawl/Khuanghnih/Fakna Hla 53, Hindi hla 3, Hla tawi 5 a awm a ni. Hla Bu hi Rs 60/- man a ni a, a duh tur chuan Pre-order tur a ni.

9. Fund Raising: TSAYC buatsaih Short Film Competition-ah Congress puala sumtuakna atan Advertisement zawn a ni a, sum eng emaw zah hmuhchhuah a ni. Sumtuak nan Congress T-shirt siam a ni a, a man hi Rs 300/- a ni. Heng bakah hian sumtuakna tur kawng hrang hranga hmalak mek a ni a, IET chhunga SAY member Online hnatlang Runpui pawh la koh leh tur a ni ang.

10. Organising Council : Sub Council te khaikhawmtu an ni a, vawi eng emawzah Council ko tawhin hmalakna hrang hrangte thlirhoa ruahmanna siam thin a ni. Organising Council hian Leisekawt Field bulah Congress inpuahchah chhung leh neih chhung zawnga hman tangkai turin In an luah a ni.

SAY Congress hlawhtling taka hman a niha, thlarauah leh tisaah hlawkna tamtak kan chan theih nan Pathian hnenah I dil theuh ang u.

Pathian hla (gospel songs) leh Pathian hla ni lo (secular songs) tih hian Mizo tawngin awlsam takin hla te hi thuang hnih lianpuiin han dah hrang ta hlawk ila kan thu ziak tur atan hian, hriatthiam a awlsam phah mai awm e. Pathian hla han tih chuan mihring te'n Pathian kan chawimawina hla te, Amah kan fakna hla te, A hnena kan tawngtaina hla te, van ngaih hla te leh Ama hnena kan inhlanna hla te ni ta se la, Pathian hla ni loah chuan lengzem, lenglawng, ram ngaih hla te leh hla dang reng reng Pathian hla ni lo zawng hi khung khawm leh ta mai bawk ila a tha awm e. He thuziakah hian an danglamna leh kan hman dan tur ni a ka ngaihpawimawhte ka rawn tarlang dawn a ni. Music genre hrang hrang emaw Mizo zai hrang hrang emaw chhui leh bihchian tumna lam a ni lo.

P A T H I A N H L A L E H P A T H I A N H L A N I L O

~ Dr. Henry Lalmawizuala, JSS Aizawl Temple Corps, CSD

Pathian Hla: Pathian Hla hi ziah dan phung chi hrang hrang a tam hle. Pathian kan chawimawina leh fakna hla te, Amah Pathian hnena kan inhlanna hla te, tanpui kan dilna hla te leh a hnena kan intukluhna hla te hi a ni chawk. Tin, van ngaih hla kan tih te pawh hi Pathian hla huang chhung ami vek a ni a, vanram awm kan rinna chhan leh chu vanram kan ngaihna chhan chu Amah Pathian kan rin vang a ni. Hetiang hian awmze nei taka kan Pathian tana siam a nih avang hian thildang emaw tul dang emaw atana sak/hman hi a rem tehchiam lo. Pathian hla kan tih hrim hrim te hi kan sakna hmun chu biak in chauh a ni hran lo, mahse, rawngbawlna kaihnawih emaw Amah Pathian biakna lamah a ni tlangpui.

Pathian hla ni lo: Pathian hla ni ve lo hi chi tam tak a awm, a then lianpui puite chu:

* Lengzem: Nula leh tlangval inlemna hla tiin awlsam takin a sawifiah theih mai awm e. Mihring leh mihring inkara hmangaihna lo chhuak atanga siam a ni tlangpui. Kan lunglenna te, kan ngaihzawng kan duhna te leh thupha chawina lam thlengin a leng vek a ni.

* Lenglawng: Khuarel lam hawi hla a ni tlangpui. Kan awmna khawvel mawi kan tih thu te, tha kan tih thu te a ni tlangpui.

8 The Young Salvationist OCTOBER 2022

* Hnam hla: Mahni ram leh hnam hmangaihna lam hla tiin a dah theih mai awm e. Hnam siam that a tulzia te, nunzia leh hnam ze mawi infuihna lam hla te.

Pathian hla ni lo, hla dangte hi chu khawi hmunah pawh sak theih mai a ni. Puipunna-ah a ni emaw, Intihsiakna atana hman pawh ni se, tu pawi mah a sawi lo va, inhmeh lohna pakhatmah a nei hran lo. A sak dan phungah malzai a ni emaw, zaipawl a ni emaw, mi pahnih, pathum emaw a aia tam deuh pawhin sa sela engmah a pawina a awm hran lo. Pathian hla ni ve lo hla dang reng reng hi chu, mihring leh mihring inkar ami a ni tlangpui a, kan mihringpuite lo ngaihthlak atana tih a ni tlangpui bawk.

Pathian hlate erawh hi chu puipuinna satliah emaw intihsiaknaa sak atana siam a ni lo. Intihsiakna atan kan hmang a nih chuan a tum a ?helh nasa hle ang. Kan zaithiam zia leh zairual zia te, a thu kan lam rik dan dik leh dik lo te, a solfa dik leh dik loh te leh zai dan dik tehna hrang hrang a?ang tea teh tura siam a ni tlat lo. Pathian hla thenkhat te phei chu, Pathian rawngbawlna atana siam te a ni a, ringlo mi te'n Pathian an lo rin theihna tur atana siam te a ni thin. Sak nawmnah mai mai chi a ni lova, Pathian thlarauvin a chenchilh tlat hla te phei chu uangthuang emaw, tum dang neia lo hman chi a ni lo reng reng a ni. Pathian hla thenkhat chu Bible-a thu awmsa a thluk han pek tak mai te a ni a, a thianghlimna leh zahawmna vawnhim tlat a tul hle a ni a, a satute pawhin zah takin an sa thin tur a ni.

Hla hrim hrim hi, hla phuahtu te'n an thinlung chhungril an phawrh chhuahna te, an thahnemngaihna an ziah chhuah te, an lungngaihna leh lunglenna an tarlanna te a ni chawk. Awmze neia phuah vek a ni ti ila kan sawi sual lo vang. Chuvang chuan, hla (eng hla pawh) kan sak dawn hian, a hun leh hmun te pawh ngaihtuah uluk a pawimawh hle. Pathian hla ngat phei chu a hla thu leh thluk, eng ang taka phuah nge a nih tih te hi uluk lehzuala ngaihtuah a pawimawh. Lengkhawm hlaa intihsiakna a ni emaw, Zaipawl hlaa intihsiakna a ni emaw, Pathian hla kan hmang a nih chuan, a hla phuahtuin a phuah chhan a thelh chiang bang tihna a ni.

Mizote hi zai leh Rimawi lama tui tak hnam kan ni a, mahse, kan tui viau e tilo hian kan ngaihtuah thuk tawk lo fo thin. Kan mi hmasa te kha chuan hla an phuahin hla thu an uluk em em a, tin, hnam changkang zawk kan tih sapte pawh hian rhyme scheme te leh meter te nei thlapin hla an phuah thin. Tunlaiah erawh hi chuan a hman hmanin an ziak emaw tih mai tur hi a ni a! Kan fimkhur deuh a tha mang e. 'Hla hi a phuahtu bik awm rawh se' ka tihna a ni lo va, mahse, hla kan phuah dawn a nih chuan uluk taka, hla phuah dan kalhmang te kan zir ve hi a tul a ni. Chutiang bawkin, hla satute pawhin hla an sak dawnin, an hla sak turah an chiang em em tur a ni. A phuahtu rilru hrethiam ngeiin an sa thin tur a ni.

A tawp berah chuan, Pathian hla leh Pathian hla ni lote hian danglamna lian tak a nei a ni tih kan sawi tawh ang khian hre tlang ila. Kan duh ang anga, kan duh hun huna kan hman liam mai mai a thiang lo. Pathian hla bik ngat phei chu dawngdah tak leh duhdah taka sak liam mai mai tur a ni lo va, urhsun takin, Amah Pathian kan biakna a ni tih hriain i sa thin ang u.

The Young Salvationist OCTOBER 2022 9

N A W H C H I Z U A R N U P U I A N E I H ; P A T H I A N H M A N G A I H N A ; Z A W L N E I H O S E A

~ Lalnghahchhana Aizawl Bazar CorpsCorps

Tun tum kan thupui hi chu a mak niai nuai in ti ve em? Kan thupuia kan sawi lan thil pathum te khi kan bible hian bu khatah zu han ziak khawm tlat a! "Thil mak tak a ni, Zawlnei Hosea Bu hi." Hosea bu pum han chhiar hian thil mak tak infinkhawm hi in hmuthiam ve ngei ang - Pathian tih tauhna; Amah ringtu tan tihtur khirh tak a pe; Pathian hmangaihna thukzia leh zau zia (Hosea bu-a Pathian hmangaihna hi ka ngaihtuah chian hian, ka lungno a chhuak deuh tlat a, ka hnuk a ulh dawn dawn mai.)

Hei ngei hi a ni ang, Pathian hmangaihna ropui lutuk ngei mai hi, Hmuchhuaktu William Booth-a pawhin a lo hmuh! Kum 100 chuang kalta khan he hla thu hi a lo phuah chhuak a, tun thlenga kan la sak thin ngei pawh hian Pathian hmangaihna hi a lo sawi thiam khawp mai. Mihring tawng chuan hei aia sawifiah lehzual dan pawh hi a vang ve viau ang. "Chhandamna tuipui thuk leh hmangaihna zau,

Krista'n van atangin a rawn thlen ta a;

Khawvel pum tlan nan a thlawnin A pe ta,

Tunah a luang mek e, min lo bual ve la."

Pathian hmangaihna chu Tuifinriat thuk leh zau em em nen a tehkhin a. Tuifinriat hi a thuk lai ber chu 200 kilometer vel a ni a, a zau zawng hi square kilometre 361,000,000 a ni, an ti a. Aizawl atanga Silchar hi kilometre 180 vel a ni, an ti bawk a. Lirthei chuan darkar engemaw zat kal a ni bawk a. Chutiang chuan, tuifinriat thuk lai ber thleng tur chuan zin vang vang tham a thuk a ni a, darkar 4 velah an thleng thei a. A thuk lai berah hian mi 4 chiah an la lut a nia. Chutichuan, Pathian hmangaihna tehkhin chhuak tur chuan khawvelah chuan tuifinriat aia remchang hi a awm kher lo ang. A nihna takah chuan Pathian hmangaihna chu kan hmuchhuaktu hla pawh hian a lo phawkchhuak zo lo nasa em em! tih chu kan hre theuh awm e.

Pathian hmangaihna hian A mite nen inremna a siam a, inremna a buatsaih sak a ni. Zawlnei Hosea bu kan chhiar chuan Pathianin Zawlnei Hosea chu tihtur khirh tak a pe. Nawhchizuar nupuia nei turin thu a pe a, Nawhchizuar laka fa nei turin thu a pe a ni. Hei hi hetia han chhiar mai ai hian a khirh ngei ang le. Keini Pathian rawngbawltute hian hetiang thupek hi dawng ta ila, zawm harsa kan ti viau mai lo'ng maw? Miten engtinnge min sawizui ang, Corps a kan rawngbawlpuite kan ngaihtuah ang a, kan mawhphurhna te kan ngaihtuah ang a, "Lalpa he No hian min pel lul rawh se" tiin kan tawngtai ve ngar ngar mai lo'ng maw? Zawlnei Hosea chuan Pathian thupek zawmin nawhchizuar chu nupuiah a nei ta! Fapa a nei a, keini hun ang ni se chu an thenawmten an lawmpui ang a, an ensak laih laih ang a, "Tunah chuan pa tak tak I ni ta, fapa I nei ta" an ti ngei ang. Mahse, Pathian thupekin a hming ah 'Jezreela' tia sak a ni a. Chumi awmzia chuan'phuba lakna leh ram tihchhiatna' a kawk a.

Chumi hnuah fanu an nei a, Pathianin thu a pek angin a fanu hmingah 'Lo-ruhamai' tih an sa a, chumi awmzia chu "Lainatlovi / Ngaihdamlovi" tihna a ni tawp mai. Fapa a nei leh a. A hmingah 'Lo-ammia' tih chu Pathian thupek angin a hming an sa leh a. A awmzia chu "In Pathian ka ni lo a, ka mite pawh in ni lo" tihna a ni leh bawk.

Hosea bu hi kan chhiar zel chuan Pathian hmangaihna lo lang tur chu kan hmu ta, Lei leh Van inremna - Pathian leh Israel fate inremna chu - A entir, Pathian leh Mihring inremna chu. Inremna tur chu hringfate pek an ni a, an sim chuan chu inremna chu a lo famkim thei ang.

Pathian hmangaihna leh chhandamna lo thleng ta avang chuan inremna a lo awm a. Hosea fate hming

10 The Young Salvationist OCTOBER 2022

chhia leh duhawm lo tak tak te chu hming thar an lo pu thei ta. 'Lainatna-dawngi' te, 'Ka-mi-i-ni-ta-a' te an lo ni ta.

Zawlnei Hosea chet dan, nawhchizuar a neih dan, a fate hming chhe tak tak a put tir dan, a hnua hming tha taka a thlak leh dan zawng zawng hi Pathian leh Israel fate inkar chungchang entirna vek a ni a. Tunah chuan, keini ringtute leh Pathian inkar entirtu a ni bawk. Keini pawh Isua krista thisen hmanga min silfai tak avangin hming thar kan lo nei ta. Piangthar kan lo ni ta. Nun thar kan lo nei ta a ni. Kristian nun - Piantharna avangin nun inlet, hming thar nei kan lo ni ta. Hming duhawm tak tak kan lo nei thei ta, Chhandamtu zarah chuan. Setana bawih a tang chu Pathian fa kan lo ni ta a. Fapa dik tak, ro luahtu tur chu kan chanpual a lo ni ta. Rom 9:25&26 -ah chiang takin kan hmu a -

Chang 25-ah chuan Hosea lehkhabuah hetianga a sawi kha: "Ka mi ni ngai lote chu 'Ka mite,' ka ti ang a, Hmangaihngailohvi chu 'Hmangaihi,' ka ti ang. Chang 26-ah chhunzawmin 'Ka mite in ni lo ve,' an tihna hmunah ngei chuan

Pathian nung fate vuah in ni ang,"tiin.

Pathian khawngaihna avangin 'Pathian nung fate' tia vuah kan lo ni thei ta a ni. Hei ngei hi a ni lo'm ni Pathian hmangaihna lo luang chhuak, Pathian leh mihring inremna kan chan chu William Booth-a hlaphuah ah chuan heti hian kan hmu a " Tunah a lo luangin tuifawn ka thleng a, 'Chhandamtu chak' tiin au aw ka hria a;

Ka rin a thang lian, Chhandam ka lo ni a,

Tui chhungah ka bual a, min lo tleng ta a"

Pathian chhandamna chan a, nun thar neih, mi thar lo nih a, hming thar vuah lo ni tak chu a va hlu em! Hei vang hian a lawm kan thuhriltu tam tak te pawhin an nunhlui sual, an lo kalsan tawh te chu pulpit tlang atanga huai taka an lo sawi theih tak thin ni. Misual ber pawhin ngaihdamna an lo chan theihna chu! Pathian hmangaihnain danglamna (change) a thlen tir theihna hi a lawm Speaker leh rawngbawltu tam takin chhuang taka an sawi theih phahna chhan chu! Dum pawh vara thlak theitu chu Isua chhandamna hi a ni.

Hmuchhuaktu hian a la duh tawk mai lo. A tih theih tawk sang ber nia a hriat chu a rawn chham chhuak zawm ta "Tunah, 'Halleluiah!' ka hun la awm chu,

Lawm takin a hming fak nan ka hmang tawh ang; " tiin a rawn au chhuak ta. He hla a phuah lai hi hmu ta ila, helai changah hian William Booth-a hi a thu mai mai theiin ka ring lo tlat, lawm avangin a zuang nasa viau emaw, a lam emaw, a au emaw ngeiin ka ring tlat a ni.

Mihringte chuan kan nunhlui hi kan inphawrhsak fo mai a, "Hepa hi a fel a sin / He nu hi a fel a sin," kan ti zo chauh a; awki zawi zawk hian "Hmanah chuan a rui thei a sin, a sual thin a sin, thil a ru thin a sin, a KS thin asin " tiin an chanchin chhe zawk hi kan sawi chhunzawm fo mai. Hei hi Pathian chhandamna ah hi chuan a awm ve lo, Pathianin amah duhtu, Amah thlangtu hun hmasa lam a thlir ve lo. Hei tak hi a sin hlu leh ropui chu! Lal Isua'n tehkhin thu a sawi ah khan a chiang a sin. Mathaia bung 20 ah kan hmu a, lo chhiar chhunzawm ula. Hnathawk tura hma taka tirhchhuah leh tlai taka tirhchhuahte khan 'Duli' vek an hlawh a sin.

Mihring thufing pakhat chu 'A bul tan that chu a zahve zo ang an ni' kan ti thin tiraw? Pathian chhiarkawp ah chuan A bul tanna lam chu engpawh lo ni tawh mahse, a tawp kharna hi a pawimawh hle a ni. A nih leh a tawp a pawimawh viau chuan, a bul tan tha sa ten an thawk chhe tur a ni em? Ni chuang lo, Mathaia ziaka kan hmuh angin, Chawhma lama tirhchhuah te, Chhuna tirhchhuah te, tlai lama tirhchhuahte khan inanna nei a. Chu chu 'a tawp an thleng theuh' tih hi a ni. A tawp thleng ve lo tan lawmman a awm ve tlat lo.

A nih leh kawng laka tlu te tan, kawng laklawha tawpsan te tan beisei tur a awm tawh lo em ni, chance an la nei thei em? A chhanna chu "Aw nei e" tih hi a ni. Hosea Bung 3 ah kan hmu a. Pathianin zawlnei Hosea chu 'Kal leh ta la' tiin Pathianin a tir nawn a ni. 'Leh ta

The Young Salvationist OCTOBER 2022 11

la' tih hi mizo tawngah chuan thil a ti nawn (a repeat) tihna a ni. Kan Bible-ah hian hemi bung uluk taka han chhiar hian Hosea nupui hi a hna ngai (nawhchizawrhna) ah a kir leh ni ngeiin a lang a (Bible zirtu thenkhat chuan 'nawhchizuar dang a ni mai thei' an ti a. Mahse, kan Bible-a kan hmuh ang hi kan rin zawk tur a ni ang chu) Tichuan, Zawlnei Hosea chuan a nupui nawhchizuar chu a va nei nawn leh a, hautak leh insengso takin a va khul chhuak leh ta a ni. Hosea bung 14 hi lo chhiar chhunzawm ila "Aw Israel, Lalpa I Pathian lamah chuan Kir leh rawh,

I khawlohna avang ngeiin I tluk tak hi,

Thu keng chungin Lalpa lamah kir leh la,

A hnenah chuan heti hian sawi rawh;

Khawlohna zawng zawng chu la bo la,

A tha apiang chu pawm ang che"

Hosea chuan Israel te chu Pathian hnena kir turin a sawm a. An kir ta a ni ngei ang. Pathian hmangaihna chuan a lo ngaidam nasa a, ngaihdamna thu lo thleng hi a ropui a sin -

Hosea bung 14:4 ah "An hnungtawlhna hi ka tidam ang a,

An lak atanga ka thinrimna chu a kiang tak avangin, Anni chu ka hmangaih hrim hrim dâwn a ni, Israel lakah chuan daifim ang ka ni ang a; Anni chu Lili angin an lo vul ang…."

Pathian hmangaihna chu mihringte tan teh phak rual a ni lo, Isaia 55:6 - 9 ah chuan heti hian kan hmu Hmuh awla a awm lai hian LALPA chu zawng ula, a hnaih lai hian ko rawh u: mi suaksual chuan a awm dan chu bansan sela, mi fel lo chuan a ngaihtuahnate chu bansan bawk rawh se: LALPA hnênah kir leh rawh se, tichuan Ani'n a lo khawngaih ang; kan Pathian hnênah kir leh rawh se, Ani'n a ngaidam nasa khawp dawn si a. "Ka ngaihtuahte hi i ngaihtuahte a ni si lo va, i awm dante chu ka awm dan a ni hek lo," LALPAN a ti. "Van khi lei aia a sâng zawk angin, ka awm dante hi in awm dante aiin a sâng zawk si a, ka ngaihtuahte pawh hi in ngaihtuahte aiin a sâng zawk bawk a ni." "Remna Pathian ngei chuan in pumin tithianghlim che u rawh se; tin, in thlarau leh, in rilru leh in taksa chu kan Lalpa Isua Krista lo kal hunah chuan, sawisêl bovin a puma humhimin awm rawh se. A kotu che u chu a rinawm a, tih pawh a ti bawk ang." (1 Thessalonika 5:23& 24)

Pathianin malsawm che u rawh se, Amen.

TSAY SHORT FILM COMPETITION

Territorial Salvation Army Youth Council buatsaih Short Film Competition chu Result puanna leh Lawmman semna ni 12.8.2022 khan Booth Mansion Conference Hall-ah neih a ni. He inelna-ah hian Corps 17 telin Lawmman dawngtute chu : Pakhatna : Bethlehem Corps SAY ( Trophy/Cash Prize Rs 50000/Citation) Pahnihna : Khatla Corps SAY ( Trophy/Cash Prize Rs 30000/Citation) Pathumna : Zemabawk Corps SAY ( Trophy/Cash Prize Rs 20000/Citation) Best Actor : Lalmalsawma. Khatla Corps. ( Cash Prize/Trophy) Best Actress : RuthiLalnunfeli, Ramthar Corps. ( Cash Prize/Trophy) Best Director : F Vanlalhlimpuia, Bethlehem Corps. ( Cash Prize/Trophy) Best Videography : Osiama Picture, Bethlehem Corps. ( Cash Prize/Trophy) Best Script : Lalbiakzuala, Khatla Corps. ( Cash Prize/Trophy)te an ni. He inelna a tel Corps Sawmpali (14)-te hnenah Participation Prize pek vek bawk a ni. Short film te hi IET Youtube channel-ah thlirtheihin dah vek a ni bawk.

12 The Young Salvationist OCTOBER 2022

R e p o r t Division

CENTRAL NORTH DIVISION

Armed Veng South Corps - Feed The Need

Dt 6/08/2022 zan khan Feed the need kalpui niin, hemi zan hian Armed Veng South Corps SAY te nen hun hman niin dar 10:00pm ah biakin ah hunserh te hmangin 11:00 pm velah ruahsur nasa tak hnuaiah chhuah a ni. Ruah sur pawh pawisa lo in members mi 33 lai mai an thawkchhuak thei a a ropui tak zet a ni. He hun hlu takah hian Division Council a?angin DYS ho in member ?henkhatin an ?awiawm mai bakah, Durtlang Corps CO Capt Ronald VL Ruata'n a ?awiawm bawk a ni. Bul ?an nan Canteen kual ah hun hman phawt a ni a, sawhchiar te sem leh niin, dar 12:00 (Mid night) vel ah Chanmari lam Hotel Regency kawt ah insawn lehin, ruahsur nasa tak hnuaiah Pathian fakhla te sa a inpawl hona te nei a ni. Bazar puiah lut lehin, hetah hian eitur (Sawhchiar, Artui, Thingpui) te sem zawh niin zing dar 2:46 ah huntawp siam in an tin ta a ni.

Armed Veng Society - Feed The Need

Dt 12/08/22 Zan khan feed the need kalpui niin, Armed Veng Society SAY member mi 18 te leh Division Street ministry member te DYS ho in zan dar 9:30 ah biakin ah hunserh hmangin dar 10 velah an chhuaj. Hotel Regency kawtah hun hman niin he mi zawhah hian bazar ah te hun hman leh a ni a. Sawhchiar Plate 200 vel sem zawh a ni. Lalpan mamawh tute a hruai khawm ?hin. Armed Veng Society SAY memberte ruah sur hnuaiah hrehawm pawh pawisa lo in mamawh tute tan an inpek na te Lalpan mal a sawm ngei ang. Dar 12:30 am ah an tin a ni. FEED THE NEED pual hian i kal chhuak ve theilo ani maithei mahse i awmhmun a?ang khan vawikhat tal ?awng?aina ah lo hre ve ngei ang che.

Hermon Corps - Feed The Need

Ni 19.08.2022 zan khan Central North Division SAY council remruatnain Division Street ministry te kaihhruaina nen feed the need kalpui niin, Hemi zan hian Division Street Ministry cell te leh Hermon Corps SAY hun an hmang a ni. Zan dar 9 ah Biak in a?anga chhuah niin Canteen kual ah hun hman phawt a ni. Thenkhat ten Pathian fakna hla an sak chhungin mamawh tute hnenah eitur te sem a ni a, mamawhtu tamtak an kalkhawm a ni. He hun hi Division Council member ?henkhat te'n DYS ho in an ?awiawm bawk. Canteen kuala hun hman zawh hian Civil hospital Casualty ah te leh Aizawl Police Station-ah te hun hman leh a ni a, zan lai dar 12 velah ?awng?aina a khar niin an ?in ta a ni.

Bethel Corps - Feed The Need

Ni 26.08.2022 khan Feed the Need chu kalpui niin, Territorial Street Mission Cell, SAY Bethel Corps leh Tlangnuam Unit ?KP te leh Samaritan Society te nen hun hman niin Pathian hnathawh nasa tak a langa a lawmawmin a ropui tak zet a ni. Zan dar 10 atangin Can?een Kual ah programme ?an niin Central North Division SAY Council hnuaia Street Mission Cell Secretary in hun kaihruaiin TYS, DYS leh ?KP hruaitu te hnen a?angin Pathian thuchah nung tak ngaihthlak a ni a, a kar lak ah Solo SAY leh TKP lam a ?angin ngaihthlak a ni bawk. Khawlai mi (an mahni sawidan) ?halai naupang tak tak zirtawp zan apianga Pathian faka zai tlaivar ?hin ho ten an telpui bawk a, lungrual takin Pathian fakna sakho a ni. Tlangnuam TKP te'n chaw leh chawhmeh tuihnai tak tak an ken chu sem a ni. Zanlai dar 12:00 ah hun tawp te siam in TKP te leh midang te nen a hun hman ho chu tih tawp phawt a ni. Rawngbawpui thenkhatte an tin hnuah, Aizawl Bethel Corps-te eitur siam sawhchiar tui tak chu Bazar puia tlaivara chawhmeh ?hutpui ?hin te hnenah sem leh a ni a, zing dar 2:00am ah hun tawp te siamin an tin ta a ni. Zuangtui Corps 6.8.2022 (Inrinni) kha Zuangtui Corps SAY rising day vawi-33na a nih angin,hemi ni pual hian Zuangtui thlanmual samfai/tihfai a ni a, khawtlang hruaitute leh Y M A hruaitute an lawm hle. He hunah hian SAY member thawkchhuak an thahnem hle

DSAYC ten Durtlang CO Bial SAY te an tlawh

August ni 22, 2022 khan DSAYC te chuan Durtlang CO bial SAY te an tlawh a, Durtlang Corps ah inkhawm niin, items tha tak tak, Bial Songster, Solo, Live band, Timbrel display, Corps Band te neih a ni a, DSAY lam atangin fuihna thu tha tak ngaihtlak a ni bawk. Report benglut tak ngaihthlak a ni. DSAY Secy

The Young Salvationist OCTOBER 2022 13

RK Hnuna hnen atangin Pathian thuchah nung tak ngaihthlak a ni a, SAY member ten hlawk thlak an ti hle.

WESTERN DIVISION

Vairengte Corps: Ni 7 August 2022 (Pathianni) khan Vairengte Corps SAY chuan an partner Lalpani Corps SAY tlawhin an fehchhuak a, mi 22 an chhuak a, hun hlimawm tak an hmang ho a ni.

NORTHERN DIVISION

DSAYC Visit: Ni 22 August, 2022 SAY Meetingah khan Division SAY Council Member te chuan C o r p s / S o c i e t y t l a w h c h h u a h A c t i o n P l a n c h u chhunzawm zelin Sawleng Corps tlawhin hun an hmang.

Tv Lalmalsawma Leader, SAY Sawleng Corps-in inkhawm a kaihruai a, Capt Laldawngliana CO, Darlawn Bial, DSAYC Officer Represent hnen a?angin Pathian thuchah ngaihthlak a ni.

Territorial Street Mission Board Visit: Ni 20 & 21 August, 2022 chhung khan Territorial Street Mission Board te chuan Northern Division-ah campaign programme an nei a, member 13 an thawkchhuak.

Ni 20.08.2022 ah Zohmun Corps tlawh niin zanriah kil ho a ni a, ?awng?ai Inkhawm hun hman a ni bawk.

Ni 21.08.2022 ah hian Sakawrdai ah tuk?huan ei ho niin Thianghlimna Inkhawm hun hman nghal a ni bawk. Chawhnu lamah hian DYS Quarters ah Division SAY hruaitu te, Division Street Mission Cell hruaitu te leh Territorial Street Mission Board te inkawmhona hun hman niin zanriah kilho nghal a ni a, Chhandamna Inkhawm-ah hian Darlawn Corps-ah hun hman ho leh bawk a ni.

Zohmun Corps: Ni 29 August 2022 SAY Meetingah SAY buatsaihin 'Fak leh Dil zan' hman a ni a, Lieut Michelle V Lalrinsangi CO-in kaihhruaiin SAY, Corps Cadet leh YP naupang te nên hun hman niin Praise and Worship hlimawm tak bakah ?awng?ai rualna ?um li neih a ni a, sharing ngaihthlak a ni bawk a, hun hlawk tak hman a ni.

SOUTHERN DIVISION

Lunglei Bazar Corps: Dt. 21.08.2022.PM khan Nehemia Prayer Mountain Zobawk ah Lunglei Bazar Corps SAY te chuan ?awng?aia Pathian pawlna Bethel hun himawm tak an hmang.

Zobawk Corps: Ni 29.8.2022 kha Zobawk Corps SAY Rising Day vawi 46-na a nih angin hun hlawk taka hman a ni a. Rising Day pual hian chhunlamah infiamna hun hman niin Pu C. Lalhluta QM., Senior Advisor-in Pathian hnenah inkawl tirin hunserh a hmang a. Brigade pathum ten Sport items hrang hrang hmangin inelna an nei a ni. Tlai lamah chawhlui kilho a ni bawk. Zan lamah Rising Day pualin SAY meeting neih leh a ni a. Meeting ah hian Brigade Quiz Competition neih niin Captain Vanlalthlamuanzela CO hnen atangin '?anrual chu chakna' tih thupui hmangin Pathian thuchah ngaihthlak a ni bawk.

EASTERN DIVISION

Division SAY Council Visit: DSAY Action plan Corps leh Society hrang hrang tlawh programme in August ni 23 zanah Saikawt Corps tlawh a ni. Town area Corps & Society SAY member ten he visit hi tawiawmin inkhawm an thahnem thei hle. Inkhawm banah TSAY Congress item tur zir thin a ni.

Bethel Corps: Division Street Mission Board ruahmanna in thlatin Street Ministry neih tum a ni a, a hmasa ber atan Bethel Corps SAY te bultumin August 25 Ningâ zanah street ministry an nei.

CENTRAL SOUTH DIVISION

DSAYC Blood Donation Camp: September ni 3, 2022 Inrinni khan Central South Division SAY Council buatsaih Blood Donation Camp chu Chhimphei Area te tan Tachhip Corps ah neih niin ZMC tan Aibawk CO Bial, Falkawn CO Bial leh Tachhip CO Bial ten Thisen Unit -- (Mipa - & Hmeichhia - an pe. Heti hian City Area hmun thum bakah Midland Area leh Tuichangral Area a pek tawhte nen a vain Thisen Unit - 191+ an pe tawh a ni. ITI Corps ITI Corps SAY te chuan August ni 30 zan khan Member Inkhawm That Zan an hmang a, member 101 an inkhawm. Hun hlimawm tak an hmang ho a ni. Tin, August ni 15 zan khan DYS hovin Leader Training an nei bawk.

Republic Corps:August ni 19 World Photography Day denchhenin Republic Corps SAY te chuan Mobile Photography Competition an buatsaih a member ten an hlut hle.

14 The Young Salvationist OCTOBER 2022

Ebenezer Corps: August ni 15 India Independence Day pualin SAY Meeting ah hun hman niin hetah hian member te chu Indian Dress a in dress in Item dangdai tak tak te neih a ni a, member ten nuam an tiin an hlut hle.

Thalaite u, in that lai chen ula, in la naupan viau lai hian hlim rawh u; in thinlung duh zawng chu zawm ula, in mitin a hmuh chak zawng nen chuan; Amaherawhchu, chungah chuan Pathianin ro a rel dawn tih hre reng ang che u. Engmah engto nei suh ula, in pang tinatu awm hek suh se, in that lai hun a rei dawn lo-Thuhriltu 11:9-10 Tunlai khawvela thalai te hunk an hman mekah hian hetiang hian i han thlir zau teh ang u -

P A T H I A N T A N T H A L A I T E I N H M A N G I L A

~ Eva Lalduhawmi Ramhlun Vengthar Corps, CND

SAKHAW LAM LO THLIR ILA: The World Religious Statistics in a tarlan danin khawvela sakhaw lianber chu Kristian Sakhua hi a ni. Khawvel mihring 33% vel chu Kristian te kan ni. Muslim sakhua chu pahnihna niin 22% vel an ni. Mahse Kristian te punna aiin muslim te pun chakna chu a sang daih zawk a ni. Pathumna chu Pathian awm ringloho (non-religious group) te an ni. Pathian awm ringlo ho hi khawvel mihring 16% lai an tling. Bible chuan " mi a chuan a rilruin Pathian reng a awm lo a ti a" a lo ti (Sam 14:1). Mahse chutiang ho chu an pung chak ber tlat mai. Kristian te hian tan lak kan ngai nasa hle mai.

THALAI THLUAK A CHAK: Thalai tisa chak lai te thluak hi a chak em em a. Hetiang hian i han chhut teh ang. Mithiamte chhut dan chuan mihring pakhat vanglai thluak ah hian hriatna (neuron cell) hi tluklehdingawn billion 100 chuang a awm an ti. Chu neuron cell tam em em ah chuan kan mit te, lei te, hnar leh vun atanga hriatna (information) kan lakluh chu a lo khawl ta char char mai a ni. Chuvangin music thalo, media thalo hman leh information diklo en leh ngaihthlak te chu a pawm em em a ni. Nun dik lova min hruaitu an ni.

Mi pakhatin neuron cell tluklehdingawn 100 nei siin Atom bomb hmuchhuaktu Albert Einstein a khan a thluak hriatna neuron cell 20% pawh a hmang phaklo an ti a ni. 50% pawh hmang ila mihring te hi kan va ropui dawn em! Pathian hian min lo siam ropui tak zet zet a ni. Pathian thu tak leh nung chhut nan hian kan thluak hi tun aia nasa fe hian i hmang teh ang u. Pathian hian talent ropui leh tam tak min kawltir a, chu chu kan hman peih thin loh avang hian chaklohnain min phuar vel mai thin a lo ni.

ISUA NEN NUN HMANG ILA: Khawvelah hian nun beidawng, mahni intihlum hial duha depression nei thalai zingah an pung nasa ta hle mai. Kan Bible chang tarlanin a sawi angin thalaite hian hunt ha rei tak kan neilo tih hriain kan Pathian hi i bel zel ang u. Pathian thu chhut nan kan thluakte hi i hmang nasa ang u. Chu chu Pathian duh dan a ni.

THALAI TE TAN PATHIAN HMUH A SAM Thailai nih lai hi rilru chak leh rilru inthlak zung zung awlsam lai a ni. Pianthar pawh a awlsam lai ber a ni. Khawvela Pathian thuhriltu lar ber Billy Graham-a khan a thusawi atanga piangthar reng reng a tam ber chu kum 30 hnuailam niin a sawi a. Chung ho zingah pawh chuan kum 25 hnuailam an la tam leh ber niin a sawi a ni. Kan thatlai hun, kan vanglai hun ngei hian Lalpa Pathian tan kan talent te i hmang ang u. "Nimahsela, tleirawl chakna te chu tlansan la, thinlung thianghlima Lalpa lam apiangte zingah chuan felna te, rinna te, hmangaihna te, remna te um ve rawh" Bible chuan a ti a ni (II Tim 2:22)

Kan hun hlu tak hi Lalpa Pathian tan hmang ila, nitinin a thu te chhut nan kan thluak te hi hmang ila, a va tha dawn em! Kan rilru leh thinlung te, kan thluak te hi Lalpa thu ropui tak tak chhut nan hmang ila, thangthar nihlawh kan ni mai dawn a ni.

The Young Salvationist OCTOBER 2022 15 ACTIVITIES

R e p o r t

CORPS HMING - RAMTHAR CORPS Bial - HERMON CO BIAL Din Kum - 1995 SAY Member - 115 COUNCIL MEMBER - 17 YS LAKZAT - 20 CHANCHINBU - TRUMPET MISSIONARY CHAWM ZAT - 1

OFFICE BEARER Leader - Pu J. Lalfamkima Asst. Leader - Pu Laldawngkima Secretary - Pu B. Lalrinchhana, CCG Asst. Secy - Tv. Lallawmzuala, ACCG Treasurer - Tv. KC. Lalremruata, CCS Fin. Secy - Nl. Catherine Lalnunmawii SUM HMUHNA 1. Faith Promise 2. Sumtuakna chi hrang hrang THIL TIH BENGLUT 1. SAY kum over tawh thlahna hun hman thin a ni. 2. SAY Yearbook siam thin a ni. 3. Sub Committee peng pawimawh panga siam niin member te a tamzawka chhawr an ni. 4. Cashbook, Attendance, Faith Promise, Activities

Record etc. te Google Spreadsheet hmanga enkawl a ni. 5. SAY Inkhawm hi thawh?an zan karthlaka neih ?hin a ni a. Inkhawm loh zanah Council leh Activities dang neih ?hin a ni. 6. SAY Member atangin Territorial Staff Songsters member pakhat neiin Central North Division

Songsters ah member pathum kan thawh bawk. Tin.

Hermon C.O. Bial Songsters ah member pakua an tel bawk. 7. SAY Council hmalakna in Sound System Setup &

Control Training neih a ni a, a hlawkthlak hle.

ACTION PLAN 1. March Ni 5-6 khan Serchhip Corps, CSD te nen Joint Fellowship hmangin Serchhipah hun hman a ni. 2. May Ni 14-15 khan Lily Veng leh Ramhlun Vengthar

Corps Pual

SAY te nen Joint Sports and Meet hun hman a ni bawk. 3. Kutziaka Holy Bible siam tum a ni a. Ziah mek niin kumin chhung zawh hman ngei tum a ni. 3. CNDSAY buatsaih QUIZ COMPETITION a tel turin inbuatsaihna kalpui mek a ni. 4. TSAYC buatsaih Short Film Competition ah tel a ni. 5. TSAY CONGRESS Serchhip 2022 a neih turah Items atan Timbrel chu pek kan nih anga tha taka tihhlawhtlin tum a ni.

CORPS HMING : PAWLRANG CORPS Bial : Hliappui C.O. Bial Division : Central South Division S.A.Y din kum : 1982 S.A.Y. member zat : 56

2022 OFFICE BEARER Leader : Lalhmunsanga Asst. Leader : Lalthatluanga Secretary : Lalthafela Asst. Secretary : Zothansanga Treasurer : Darchhingpuii Fin. Secretary : Lianhmingthangi Council member zat: 15

SUM HMUHNA TLANGPUI 1. S.A.Y Meeting Collection 2. Faith Promise 3. Hnatlang ACTION PLAN : 1. Sound Box lei. 2. Rulchawm Corps tlawh. 3. Arvulh. THILTIH BENGLUT : 1. Khawtlanga miharsa te leh damlo tan pui ngai an awmintanpui thin an ni. 2. Zirlai tithe te hnenah Lawmpuina thilpek hlan thin a ni. 3. Ram, khawtlang leh kohhran tan tawngtaina karkhatah vawihnih neih thin a ni a, zan chanve tawngta ineih thin a ni bawk. Young Salvationist lakzat : 7 copies.

16 The Young Salvationist OCTOBER 2022

Y S S e p t e m b e r 2 0 2 2 Q u i z

SA - GK SA - GK SA - GK SA - GK SA - GK

Zawhna chhangtu te hriat tur :

1) Chhanna hi Mobile No.8132811419-ah hian answer paper thlalak whatsapp in, fiahfai tak, chhiar theih ngei turin Ni 31.10.2022 aia tlai lovah thawn theih a ni ang.

2) Hming, Corps, Division leh Contact No. hi ziah lan ngei tur a ni.

3) Quiz hi SAY member te chhan tura buatsaih a ni.

4) Lawmman hetiang hian siam a ni ang : i) Zawhna chhang dik vek mi pakhat aia tam an awm chuan thumvawr a ni anga, a vanneih berin Rs.500/a dawng ang. ii) Zawhna chhang dik vek an awmloh pawhin mark hmu sang berin Rs.500/- a dawng ang.

Hming : ______________________________________

Corps : ______________________________________

Division : ______________________________________

Contact No :___________________________________

1. Chief of the Staff hming? = ________________________________________________________________________________

2. South Asia Zone-a kan International Secretary (I.S) hming? = ________________________________________________________________________________

3. November thlaa India Eastern Territory SAY Congress, Serchhipa neih tur hi Thalai Khawmpui (IET pum huap) vawi engzat kan neihna tur nge? = ________________________________________________________________________________

4. SAY Congress 2022 Thupui hming? = ________________________________________________________________________________

5. SAY Congress, 2022 neihna tur Field hming? = ________________________________________________________________________________

6. October 21-24 chhunga India pum Thalai Khawmpui, National Youth Congress neihna tur hmun hming? = ________________________________________________________________________________

7. India Eastern Territory aiawha National Youth Congress palai kal tur zat? = ________________________________________________________________________________

8. TSAY Short Film Competition, 2022 Winner Corps? = ________________________________________________________________________________

9. India Eastern Territory, Territory puitling nih kum? = ________________________________________________________________________________

10. Territorial SAY Finance Secretary hming? = ________________________________________________________________________________