Pathian ang tura tihdanglamna
Home League Lesson 2017
INDEX 1. Pathian ang tura tihdanglamna - Commissioner Silvia Cox , World President of Women’s Ministries.
2. Thinlunga tihdanglamna – Commissioner Rosalie Peddle WSWM 3. Rilrua tihdanglamna – Commissioner Dorita Wainright. 4. Tawngkama tihdanglamna – Ms.Irini Pantelidou. 5. Nunphunga tihdanglamna – Major Agripia Gochez 6. Hmangaihna tihdanglamna – Captain Summra Nemat. 7. Rawngbawlna a tihdanglamna – Major Tracey Kasuso 8. Tawrhna a tihdanglamna – Major Heidrun Edwards. 9. Khawtlang dikna tura tihdanglamna – Captain Sandra Pawar 10.Thlarau zinkawnga tihdanglamna – Lieut Colonel Eva Danso. 11.Hriatpuitu nihna a tihdanglamna – Major Sara Tam 12.Thawhhona a tihdanglamna – Major Widiawati Tampai.
1
Bible Study 1 Pathian ang tura tihdanglamna Chutichuan keini chu kan zain hmai khuh lovin darthlalang anga Lalpa chhun enin, ropuina atanga ropui zelin, chu mi anpui ngeia awm turin tihdanglamin ka awm thin.. (v-18)
Bible chhiartur- 2 Korinth 3:17-18 Bible ah chuan Kan chang thlan hrethiam tur chuan chang 7-18 hi chhiar chhuah a ngai a, chu chuan thuthlung hlui ropui thai bova awm ta leh a aiawhtu thuthlung thar ropuina a rawn hrilhfiah a ni. Paula hian Mosia’n Thusawm pek la tura Pathian nen an in hmachhawn tum khan Mosia khan a hmai a khuh ani tih a sawi a, ‘Mosia hmel a ropui avangin Israel fate chuan a hmel an en reng thei lo va…’(v 7).Paula chuan chu khuhna chu ‘Kristaah’ chuan tihbovin a awm ta tiin a sawi . Pathian lam hawitute khuh a; an rilru tikhauhva an thinlung hliahkhuhtu, chanchintha ropui tak (thuthlungthar) hriatna daltu chu lak bovin a awm ta. Isua thihna leh thawhlehnain chu thil chu a rawn thlen a ni. Isua’n a thlarauvin zalenna thar a rawn thlen a, Johana 8:36 a a sawi angin ‘chutichuan fapain bawih a ban che u chuan in chhuak tak meuh ang.’ Mi bik te chauhvin a Pathian an biak theihna thuthlung hlui huambik nei chu a rawn paihbo ta a ni. Hmai khuhna tellova Lalpa lam kan en chuan a ropuina in min chhun eng anga, amah ang tura siam danglamin kan awm ang. Chun’g ang danglamna chu a lam kan hawi tik ni apiangah, Kan Pa Vana mi duhdan kan zawm zel a , a ropuina kaltlang nan a kan inhuamna leh Isua ang deuh deuh tura thlarau hruai theih a kan awm chuan a lo thleng dawn a ni. Tunlai nunnah Isua kaltlangin Lei leh Van siamtu nen hian inzawmna tha tak kan nei thei ani tih hi ringhet tlat la. Chu inzawmna chuan Mosia te ang mi bik chauh huam tawh lovin, mi tupawh Lalpa lam hawitu apiangte tan a ni. Isua zirtirte kan nih angin a zirtirna leh entirna pekte kan zir thin a. Amah ang tura beisei kan ni thin. Pathian nena inpawlna hun hman tam leh a thu nguntaka ngaihtuahna atangin chu amah 2
ang tura kan beiseina leh duhna chu a takin a thleng thei ani tih kan changthlan hian a sawi chiang hle awm e. Pathian eng chu kan in enna darthlalang ani a. Bible buatsaih hunlai chuan darthlalalng kan tih hi dar atanga siam a ni a, hmel fiah taka lang tur chuan hruk fai fo a tul thin. Chutiang chiah chuan tunlai nunah pawh ala pawimawh viau mai. Thlarau Thianghlim in kan nunah thu a neih kan remtih takzet a, min silfaitu leh thian thianghlimtu atana kan hmang anih phawt chuan Isua angin kan eng zel dawn tihna a lo ni. Tumah mi tha famkim kan awm lova. Kan zavai hian hmalam pan lai mek kan ni. A chang chuan Pathian enga in enfiah nachang kan hrelo thin . Vanram kan thlen hunah chauh danglamna famkim kan chang dawn a ni. Tunah erawh chuan a ropuinain kan puma min siam danglamnan leh kan chenna khawvel chhun engtu kan nih theihnan Isua kan rinna siamtu leh tifamkimtu lam chauh kan en tur ani a(Heb 12:2). Miten Pathian ta kan ni tih an hmu tur a ni a, kan eng chu mi mithmuh ah a eng se la. Mosia’n Pathian hmel a hmu a, a lo eng tle sar ta ang khan. Bible atang hian Isua kan an theih nan, Pathianin kan rilru, ngaihtuahna leh kan engkim min thlak danglam a duhzia kan hre thei awm e. Kan mawhphurhna chu Amah a awm leh A ropuina chhun en theiha awm hi a ni a. International Vision Statement a kan tarlan angin Isua danglamna thuchah chuan zalenna, beiseina leh nunna a thlen thei ani tih kan ring a, A thei ngei bawk a ni. Sawiho tur 1. I nitin nunah Pathian ropuizia I ngaihtuah reng theih nan eng thil nge I tih ang? 2. Pathian chenchilh a awm hlutzia engtin nge midangte hnenah I hrilh ang? 3. Engtinnge Pathian ropuina in I nun a tihdanglam ang? Tihdanglam tawhte anga awmin Karleh chhungin Pathian nena inpawl turin hun inpe la. A bul atanga a tawp thlengin a ke bulah kun ang che, tichuan thian dangte hnenah I hun tawn chu hrilh la. He khawvel buai takah hian Pathian eng chuan chhun eng mawlh che rawh se. Commissioner Silvia Cox – IHQ World President Of Women’s Ministries ni a rawng ka bawl hian, ka thiltum chu nitin Pathian ang tura tihdanglama awm zel hi a ni a; tin, Khawvel ram hrang hrang ka zinna a mitinte hnenah chu danglamna thu chu a tam thei anga puanchhuah a ni.
3
Bible Study 2 Thinlunga danglamna Thinlung thar ka pe ang che u a, in chhungah thlarau thar ka dah ang: in tisa ata thinlung, lung anga sak chu ka la bo ang a, thinlung, tisa anga nem ka pe zawk ang che u. (Ezekiela 36:26)
Bible chhiar tur : Ezekiela 36:26; Thufingte 4:23 Bible ah chuan ‘Thinlung’ tih thumal hi Bible ah hian vawi sangkhat chuang a inziak a, chu chuan Kristian nunah a pawimawh zia a lantir awm e. Kan taksa chhunga thil lianpui, thisen luan tlangna(muscular pumping thing) tura siam a ni ngawt lova, chu aia awmze thuk leh pawimawh zawk a nei a ni. Thinlung chu mize innghahna, ngaihtuahna hmun, duhthlana leh tihtur min khawhhmuhtu anih thu Bible in min hrilh a. I nihna diktak chu I thinlungah a innghat thin. I nihna hrang hrang dawhtheihna, duhna leh thutlukna te hi thinlung atanga chhuak vek an ni. Thinlung hian mihring a hmun pawimawh leh thuk ber a luah a. Pathianin a chenna tur a duh leh thlan awmchhun a ni nghe nghe. Taksa hriselna chu tisa thinlung a a inghat angin ngaihtuahna hrisel pawh thlarau thinlungah a inghat a ni. Bible ah hian thlarau lam nuna harsatna tinreng tarlan a ni a. Thinlung sakte leh thinlung buai ten a thlen thei fo thin. Chungte chu hmasialna, hranna, simduh lohna, bumna, itsikna, awhna leh rin harsa tihna thinlungte anni. Marka 21:7 ah chuan chiang takin ti hian a sawi a, ‘Kawchhung ami, mihring thinlung atangte chuan ngaihtuahna sualte a lo chhuak si thin…’ 1 Samuela 16:7 ah chuan Pathian chuan pawnlam landan nilovin kan thinlung a en zawk thin a ni tih kan hmu a. Davida’n Pathian hnena a in lamlet khan a mamawh ber chu thinlung thar a ni. Ezekiela chuan thinlung siam danglamna thu a sawi anih kha. Kan tihtheih a ni hauh lova, mahse Pathian chuan a thei a, a ti bawk ang. Kan thinlung lung anga sak chu tisa anga nem Pathian leh midangte hmangaih theitu ah a thlakdanglam theih a ni. Thianghlimna nun bul chu thinlung a danglamna atang a lo thleng thin. Isua chuan , ‘Lalpa I Pathian chu I thinlung zawng zawngin I hmangaih tur a ni..’(Matthaia 22:37) tiin a sawi anih kha. Tunlai nunah Engkim mai hi kan thinlung duhzawng ah hian a innghat vek a. Mihring nun phung pawh thinlung put hmangah a innghat ang hian thlarau lam dinhmun pawh hi thinlung tha leh tha lovin a hril a ni. Lal Solomona chuan thufing buah pawh venthat a tulzia in a tlip anih kha (Thufingte 4:23). Kan 4
hringnun zinkawng kan zawh mekah hian finna thinlung, nitin Isua nena lengdun leh a duhna zawm reng tur chu kan tuh a tul takzet zet a. Chu thinlung chu thlarau thianghlim pawlna leh chakna hmanga tih thar fo tur a ni. Kan thinlung hi kan vengtha em em tur a ni, a chhan chu kan rohlu ber ani tlat si a. Kan nunna laimu, kan suangtuahna, duhthusam leh chakna(passion) te inghahna a ni. Kan taksa peng ah chuan Pathian leh midangte thlunzawmtu ber a ni bawk. A khawngaihna in Pathianin thinlung thar min pe a, thianghlim taka vawn leh enkawl chu kan mawhphurhna pawimawh tak a ni. Kan thinlung ven a tulna dang leh chu nunna lo chhuahna/innghahna a nih vang a ni. Thinglunga luangliamte chu ngaihtuahna, thusawi leh thiltih hmangin a rawn langchhuak thin. A hrisello anih ngat chuan thildang tamtak – kan hna, chhungkua, nupa nun leh ro thil (legacy) thlengin nghawng thalo a nei thei a ni. Sualin min beih thinna hmun anih avangin kan thinlung venthat a tul em em bawk, Kan buaina tur ngaihtuah reng thin hmelma kan nei tih hi hria ila. Pathian chauh a do lova, Amah nena in kungkaihna nei tawh phawt , keimahni tiamin min do reng a ni. Hmelmapa chuan kan thinlung beihnan hmanraw chitin reng a hmang a, Beidawnna, natna leh hlauhthawnna min neih tir hi a tum ber chu a ni. He kan thinlung tluangtlam tak mai hi rinawmlohna te, ngaihdam theihloh nate, khawvel thila innghahna te, chapona te leh sual hnathawh tinreng hmangin tihtawpin a awm thei. Pathian hmangaihna thutak leh a thu nunga insiamtharna hi thinlung venna kawng hlawhtling tak ani a. A thinlung ang pu a hre tur leh midangte hnenah hriattir ve turin min ko a ni. Sawiho tur : 1. I thinlung a i ngaihtuahte kha Pathianin a ngaihven I ring em? Chu chuan eng ang takin nge nghawng a neih ang? Danglam bik taka tih tur tul a awmin I hria em? 2. Sualin I thinlung a beih hnuhnun ber tum I hrethei em? Engtinnge I lo beih let? 3. I thinlung ven nan eng thilte nge tha I tih le? Danglamna nun nei turin: Tun thla chhung hian I chhungril nun lam atangin I thinlung veng tha la. I nitin nunah Pathian nena lengdun turin in buatsaih la, Pathian thu ngun taka zirin, awmze nei takin tawngtai la. Thatna nun lanchhuah tirin, ngaihdamna leh khawngaihna chhawm nung zel ang che. Commissioner Rosale Peddle – IHQ, Canada & Bermuda territory atanga training a ni. World Secretary For Women’s Ministries ni a rawng ka bawl mek lai hian, remchanna ka neih ang zelin, Isua nun leh thinlunga danglamna thlentu tana awmzia ka neih ve theihnan, ka thlarau dinhmun ka ngaipawimawh em em a ni.
Bible Study 3 5
Rilrua tihdanglamna ‘He rilru,Krista Isua pawha awm bawk kha,nangmahniah awm rawh se’ (v5)
Bible chhiartur - Philipi 2:1-18 Bible in engtinnge a sawi ? Rilru hi thiltithei tak ani a. Kan ngaihtuahna, thusawi leh thiltih tinrengte kan thunun that chuan midangte fuihtu, tichaktu, thlamuantu leh damna hial thlentu a ni thei tih kan hre theuh in a rinawm. Chutihrualin, ngaihtuahna hmang lova tawngchhuah leh thiltih mai mai vangin nghawng thalo tak a thlen fo thin tih pawh kan hre awm e. Paula pawh khan he thil hi a hrechiang hle mai a, Rome mite hnena lehkha a thawnah pawh khan Pathian duhzawng hre reng chung si a, a duhloh zawnga a awm leh thin thu a sawi anih kha (Rome 7). ‘Chutichuan keimah tak chuan ka rilru chuanin Pathian dan rawng ka bawl thin, ka tisa erawh chuan sualna dan rawng ka bawl thin,’(v25) tiin a rawn tlip a. A rilruin Pathian duhdan hre reng mahse a chhungrila tibuaitu awm chu a hrefiah em em a ni! Paula lehkhathawn atang hian Philipi khuaa mite kha Isua rilru ang pu ve tura a duh nachhan kha kan hrethiam awm e. 2Korinth 4:4 ah chuan ti hian a ziak a ‘Krista,Pathian anpui, a ropuizia Chanchin Tha eng chuan anmahni a chhun en theih lohna turin chungahte chuan he khawvel pathian ring lote rilru a tidel ta a’. Isua Chhandamtu a pawmtute chuan ngaihtuahna thar an nei thin a. Chu chu Rome bung 8 ah khan Paula’n tisa duhdana awmte leh thlarau duhdana awmte chungchang ah khan a sawi chiang em em a ni. ‘Tisa dana awmte chuan tisa lam thilte an duh thin; Thlarau dana awmte erawh chuan Thlarau lam thilte an duh thin,’ (v-5), ‘….Thlarau lam thil duh erawh chu nunna leh thlamuanna a ni’(v-6). He rilru hi Kristiante chuan kan nei ngei ngei tur a ni- Isua rilru ang nunna leh thlamuanna petu ngei chu ! A lama rilru kan put chuan Pathianin a thlamuan thin. ‘I chunga rilru nghattu chu, nangmah a rin che avangin, thlamuang tak maia awm turin I veng ang ’(Isaia 26:3) Pharisai pakhat hnenah Isua’n ti hian a sawi a, ‘Lalpa I Pathian chu I thinlung zawng zawngin, I thlarau zawng zawngin, I rilru zawng zawng in, I hmangaih tur a ni (Matthaia 22:37).’Pharisaite hi mi rilru zim tak anni a. Isua nihna diktak hrefiah turin an rilru a zau tawk lo hle a ni. Isua hrefiah a, a ngaihtuahna ang nei a, a tih ang ti ve thei tura rilru zau tak pu tura kohte kan ni si a.
Tunlai nunah
6
Engtinge Isua rilru ang pu turin bul kan tan leh theih ang? Thlarau Thianghlim chu min hruaitu a ni ang a. Kan tawngtaiin Aman min tanpui dawn a ni. Pathian thu chhiarin Isua duhzawng, a tawngkam leh a nundante hmangin kan in enlet thin tur ani ang. Zan mutdawnah thil engemaw ngaihtuah zui veng veng I nei a, chu chu zing I thawh veleh I rilruin I suangtuah chhunzawm nghal thin a ni ti raw? I thanharh ruala I rilru a I ngaihtuah vung vung kha, zan mutdawn a I TV en ami emaw, I thiltih hnuhnun ber ami a ni ngei ang. Chu chuan rilru in thil a tihtheihzia a lantir chiang hle awm e. Kan thilhmuh leh hriatte hi rilruah a cham zui thin . A thamral mai lova, a tha lam emaw thalo emaw in kan nun a kaihruai thin a ni. Nitinin rilru thianghlim pu turin chona kan hmachhawn theuh a. Engtinnge kan tih thin le? Tunlaiah technology changkang tak tak a lo chhuak zel a, engtinnge kan tu leh fate hetiang thilah hian kan kaihhruai ang. Dik taka ti thei turin Thlarau Thianghlim chuan kan rilru min vensak thei a ni. ‘A tawp berah chuan unaute u, a dik apiang te, a zahawm apiangte, a fel apiangte, a thangmawi apiangte thatna reng a awm chuan – chung chu ngaihtuah rawh u,’(Philipi 4:8). Danglamna nun atangin rilru putdan thar kan nei thin. ‘He khawvel dan ang hian awm suh ula; Pathian duhzawng a tha leh lawmtlak leh, that famkim chu in hriatfiah theihnan, in rilru a thar awmin lo danglam zawk tawh rawh u.’ (Rom 12:2)
Sawiho tur 1. Isua rilru ang hi I put ve theih I ring em? 2. Engtin nge I nitin nunah Isua rilru hmangin I in enlet ang? 3. Krista rilru lantir turin nang leh Corps a member te hian enge thlen an mamawh? Tihdanglam tawhte anga awmin Tun thla chhung hian I rimawi ngaihthlak duhzawng, I thil chhiar duh zawng leh hmuhnawm I tihzawnten I rilru ah nghawng a neih dan ngaihtuah la. I lehkhabu chhiar thinte, I tv en thinte, Social media I hman dan leh I thian kawm thinte thlak danglam tulin in hria em ? Commissioner Dorita Wainwright – IHQ, United Kingdom Territory atanga training a ni a. Kenya,Zimbabwe leh Zambia ah te rawng a bawl tawh a ni. ZSWM, Europe Zone ni a rawng ka bawl mek na ah hian patling, nutling leh naupang tamtak Pathian thiltihtheihna in an nun a tihdanglam sak te ka hmu a. Ka ngaihtuahna, ka thiltih leh sawi tinrengah hian Isua rilru ang pu turin ka in buatsaih thin. Chu chu Thlarau Thianghlim puihna nen ka ti mek zel a ni. Bible Study 4 7
Tawngkama tihdanglamna “Thu thalo reng in ka an chhuak suh se, a tulzia ang zel a siam tha turin thu tha apiang chhuak zawk rawh se, a ngaihthlatute tan khawngaihna a lo nih theih nan,Khakna te, thinurna te, tauhna te, an na te, sawichhiatna zawng zawng chu bansanin awm rawh se, sualna zawng zawng nen.” Ephesi 4:29-31
Bible chhiar tur–Ephesi 4:29-31; Jakoba 3:1-12 Bible ah chuan: Tawngkamin thil a tihtheihzia kan hre theuh awm e, a chang chuan mite tawngkam avangin kan dam a, kan nat chang a awm bawk a. Zawite, fiah tak,theihnghilh theih miah siloh a Pathianin kan hnena thu a sawi changte pawh a awm thin ang. Bible ah hian Pathian leh a mite van leh khawvel inbiakna chungchang a chuang a. Thlipui nasa tak hmanga Pathianin Joba a biakna te; Mosia nen hmaichhan a an inbiakna te leh zanlaia Samuela a kohva, ‘Lalpa thusawi rawh, i chhiahhlawhin a ngaithla e,’(I Samuel 3:10) tia thuawih taka a lo chhanlet dante kan hmu awm e. Thuthlung Tharah pawh Aman a mite min hriatzia tihfiahnan, Isua in mimal a biakna hmuh tur a awm nual bawk a. Tuichhunchhuah kianga hmeichhia a fuihna thu te(Johana 4), Uirenu hnena a ngaihdamna thu te(Johana 8), leh Mari Magdalene-i hnena a inpuanna te(Marka 16) hi kan hre theuh in a rinawm. Kan ka hian thu tha leh tha lo sawitheihna a nei a, nitinin a thalo lamah sual chuan min thlem reng a ni. Ama ta kan nih avangin heng mite ang hian keini pawhin a aw’ kan hre ve thei. Isua chu kan Berampu tha a ni a; Amah ngeiin ‘Ka beramten ka aw an hre thin, keipawhin anni chu ka hria, anni chuan mi zui thin(Johana 10:27)’tiin a sawi a. Pathian fate, Berampu tha hnungzuitu kan nih ang ngei hian, kan nundan leh kan tawngkam hmandan kan uluk a tul hle a ni. Thu hmanga Pathian ropuizia kan puanchhuah theih laiin, thu hmang vekin Petera ang khan kan phatsan mawlh mawlh thei tho bawk. Pathian Chibai buknan leh midangte fuih chak tu atana a tangkai viau rualin midangte tibuai a, natna thlentu leh ti beidawngtu a nih ve theih thova. Jakoba chuan “Ka pakhat atangin fakna leh sawichhiatna a chhuah theih em ni?, engtinnge Tuikhur hna hmun khatah tui tui leh tuilo a tichhuak thin em ni?’, tiin a sawi a ni. Hrisello’ tih thumal hi tunlaiah chuan thil chhia emaw tawih lam emaw kan kawh tir ta deuh ber a. Thil tawih eiin kan taksa hriselna a ti chhia ang hian, tawngkam thalo hman fo hian thlarau lam nun hriselna a ti chhe thei a ni. Kan ka atanga tawngkam thalo kan chhakchhuak fo anih chuan, kan thinlung chhungril thianghlim lohzia tilangtu mai a ni a. ‘Thinlunga khatliam chu ka in a puangchhuak thin’(Luka 6:45) kan hmuh angin, kan thusawi duhzawng atang hian kan rilru put hmang a lang chiang em em a ni. Chuvangin Sam ziaktu chuan, ‘Ka ka a thu chhuakte leh ka thinlunga ngaihtuahnate hi, I mithmuhah lawmtlak takin awm rawh se’ (Sam 19:14) tiin a ziak anih kha. 8
Tunlai nunnah
Pathian nena inbiakna Pathianin mimal taka min be thin hi a ropui a ni tiraw u?, chumai nilovin keini pawhin kan be thei lehzel bawk a. Joba duhthusam ang a, ‘Engkimtitheia hnena sawi’ theihna remchang tak tawngtaina kan nei hi kan va vannei em !. Kan hamthatna dawn hi anih dan tur ve reng a ngai mai lovin, nitin a Pathian nena inbe turin kan inbuatsaih tur a ni. Tuichunchhuah kianga hmeichhe pakhat hnena a sawi ang khan, ‘a betu mek che hi a ni alawm’ tiin kan hnenah Isua’n a sawi a ni (Johana 9:37). Midangte nena inbiakna – Jakoba 3:9 ah chuan , ‘Chu chuan Lalpa leh Pa kan fak thin a; chu vek chuan Pathian anga siam mihringte chu anchhia kan lawh bawk thin a ni,’ tih ziak kan hmu a. Fuihna thu, hmangaihna, ngaihdamna leh kaihhruaina tawngkam te hian nun a thlakdanglamin beiseina min pe a, nun thar min neih tir thin. A lehlam zawngin sawiselna, phunnawina, dawt thu leh thinrima thusawi te hi mite thinlungah rei tak a cham bang a .Chawh reh a harsa tawh hle a ni. ‘Lei thiltihtheihnaah chuan thihna leh nunna a awm,’(Thufingte 18:21) tih hi kan pawmthiam mai awm e. Chuvangin, Chhandam tawhte angin thu sawi thin ila, midangte hnenah a tul ang zelin khawngaihna leh dawhtheihna nen Isua min kawhhmuh ang khan. Mahni inbiakna – Mahni leh mahni inbiakna hi infuihna tha tak ani tih ngaihdan Bible in min zirtir hi a tha hle mai. Sam ziaktu chuan, ‘Aw ka nunna engah nge i kun reng? Engah nge ka chhungah hian i buai ni? Pathian beisei rawh: Amah chu ka la fak dawn si a, Ka hmel tidamtu leh ka Pathian chu.’(Sam 43:5) tiin amah leh amah a infuih a. Hetiang chiah hian midangte kan fuih thei a, mahni ngei pawh kan infuih chak thei a ni. Mahni thiamloh inchantirna emaw, induhkhawplohna leh tihdiklohna lam kan thinlunga ngaihtuah lovin hmangaihna kan dawn nasatzia hi kan inhrilhnawn fo zawk tur a ni ang. ‘Lei diktak chu nunna thing a ni a, Luhlulna awmna erawh chu thinlung lungchhiatna a ni.’(Thufingte 15:4)
Sawiho tur
1. Mi tawngkamin i nunah a tha zawnga nghawng a neih tawh dan sawi tur i hria em? 2. Engtinnge anchhia min lawhtute tan malsawmna kan nih theih ang? (Luke 6:28)? 3. Sawitu ni lova ngaithlatu nih finthlak zawk chang a awm in i hria em?
Tihdanglam tawhte anga nungin Tun thla chhung hian kan tawngkamah tihdanglama kan awm theihnan thutlukna fim hmang ila, kan hmui kawngkhar min ven sak turin Lalpa i dil ang u. Thufingte bu ami Nupui fel nungchang , ‘Finnain a ka a ang a,A kaah chuan ngilneihna thu a awm’,(Thuf 31:26) tih hi kan zawm atan a tha hle mai. Ms Irini Pantelidou –IHQ, from Italy and Greece Command Midangte fuihna tawngkam tha chhak chhuah thin in nghawng a neihdan chu ka nunah hian a fiah khawp mai; thilthlawnpek hlu tak ava ni tehlul em.
9
Bible Study 5
Nunphunga tihdanglamna He khawvel dan angin awm suh ula; Pathian duhzawng, a tha leh lawm tlak leh, that famkim chu in hriatfiah theih nan, in rilru athara awmin lo danglam zawk tawh rawh u. (Rome12:2)
Bible chhiartur Rome 12:1-2, Kolossa 3:9-14, Ephesi 4:22-24, 1 Peter 1:14-15 Bible ah chuan Paula chuan Rome mite kha an nundan thlakdanglam turin a hrilh a. Mi tha tak anga an lan theihnan a midangte laka that chhuah hi Rome khaw mite chin than pakhat ani ve reng a ni. Mahse Paula chuan Pathian tanpuina nen a nun danglamna lam a zirtir a. Krista tel lo chuan a famkim thei tak tak lo va, chuvangin an ngaituahna hmandanah te, thusawi kawngah te, rilru puthmang leh an nungchangah te tihdanglama awm tur a fuih in. Kristaa nundanglam/ nunthar an neih theih nan a ngen a ni. Paula hian nundanglamna chungchang thu hi Rome mite chauh a zirtir lova, Kolosa mite pawh a zirtir nasa hle a ni (3:9-14). Krista neitu annih ang ngei a an nun hmang thiam tur a chah in, In bum tawn lo turin leh Pathian duhloh zawng a nung lo turin a zirtir a. Eng hnam a mi pawh ni sela Isua ta anni theuhva, chuvangin Pathianin an nunah hlutna a dah ang ngei a, an nun pawh uluk turin a zirtir a ni. Ephesi(Ephesi 4:22-24) khuaa mite hnenah pawh thu chahin, an hmanlai awmdan te ang a awmlo turin a hrilh a . An nunhlui ang a mahni inrawkna te bansanin, an rilru thlak danglam annih dan tur ang taka thilsiamthar, dikna leh thianghlimna nen a nung tura siam an nih thu a zirtir a ni. Paula angin Pathian chuan kan nundan te thlak a, A khawngaihna hmanga nun pumpui inthlakdanglamna nei turin min fuih a ni. Petera 1:14-15 kan hmuh ang in, Petera chuan fa thuawih te angin kan taksa hi sual duhdana awmtir kan remti tur a ni lova, Pathian kohna thianghlim ang zelin kan nung tur a ni,’ tiin min zirtir a ni.
Tunlai Nunah A tha zawnga inthlak hi thil awlsam tak a ni lova, mahse kan nun thlakdanglam tura thutlukna kan siam chuan, kan Chhandamtu nundan thianglim zir chungin, kan chin dan thalo te kan bansan thei a ni. Kan Pathian chuan kan nun hluite kalsan turin min ti a. Naupanlai atanga ringtu ni mah ila, kan mihringzia hian ngaihtuahna leh rilru puthmang hi Pathian duhloh zawngin a hruai ve reng thin a ni.
10
Pathianin nun danglam nei turin min kova; Pathian ngaihsak lo leh hrelote laka nun danglam nei turin min duh a. Fa thuawih kan nih angin, Isua Krista hmel keimahni a lanchhuah theihnan nundan thlakdanglam a mamawh. Amah ka hria a, Ama ta ka ni kan in ti anih chuan, Amah ang turin kan awm tur ani ang. Thlarau Thianglim chuan kan rilru, thusawi, thiltih leh nungchang thlak danglam turin min pui ang a. Kan nunin Pa ropuina leh zahawmna a puangchhuak ang. English novelist Charles Reade chuan ti hian a ziak a, ‘Ngaihtuahna tuh la, thiltih I seng ang. Thiltih chu tuh la, chindan tha I seng anga. Chindan tha I tuh chuan nunchang I seng ang a. Nungchang I tuh chuan chanvo I seng ang. ’ tiin. Fa thuawih, Thlarau thiltihtheihna a khat kan nih angin, kan nundan, ngaihtuahna, thiltih, nungchang leh tumdan te chu kan thlak thei a. A tha zawnga inthlakthlengna chu kan Chhandamtu leh thian Isua nen chuan a theih a ni.
Sawiho tur : 1. Bible chang tarlan takte atang khan engvangin nundan thlakdanglam a tul na chhan? 2. Belvawtu tehkhinthu Jeremia 18:3-6 leh Isaia 4:8 atang khan engtinnge kan Pathian hian min thlakdanglam turin a tih ang?
3. Sam 32:8 hian engtin nge Pathianin min thlakdanglam dawn a, thuawih taka kan pawm dan tur min zirtir?
Tihdanglam tawhte anga awmin Tun thla chhungin hengte hi han chhiar nawn leh la: • Aw Pathian, ka nunah hian eng hi nge thlak I duh? • Lalpa, I tanpuina in, a eng ber hi nge ka thlak ang,ka ngaihtuahna, ka thiltih leh chin than te? • Ka nunphung leh nunchang hi thlak danglam a ngai em? • Pathian tanpuina in I nundan thlakdanglamin chanvo tha zawk I nei thei tih ringhlel lo ang che. Major Agripina Gochez – IHQ, from Latin America North Territory (having served in Guatemala, Panama, Colombia, Dominican Republic and Costa Rica)
11
Officer ni a Under Seretary for Americas & Caribbean hna ka chelh chhung hian ka Lalpa Isua chu ka thian rinawm a ni a. Keimah ka rinawmloh lai pawhin Thlarau Thianghlim chuan ka thinlungah thu a sawi reng a, ka nun min kaihruai thin; ka ngaihtuahna, ka chetzia, ka nungchang leh tumdan te min thlakdanglam sak fo thin a ni.
Bible Study 6 12
Hmangaihnaa tihdanglamna In inhmangaih chuan mi zawng zawngin ka zirtirte in ni tih chu mi ah chuan an hria ang. (v35)
Bible chhiartur – Johana 13 Bible ah chuan
Kan chang thlan hrefiah thiam tur chuan changtluana chhiar a mamawh ang a. Kalhlen kut hma lawka thil thleng kha a ni a. Isua khan khawvel chhuahsan a a pa hnena a kal a hun dawn tawh tih a hria a .Hun khawhral a rem tawh lo a ni tih hriain Isua chuan a hun remchang neih chhun chu hmang tangkaiin, a thih tur thu leh thudik pawimawh em em mai a puangchhuak a ni. A zirtirte ke a sil a, Juda a chhuah hnuin Isua chuan, ‘Tunah chuan mihring fapa chawimawiin a awm ta, Amah avangin Pathian pawh chawimawiin a awm a ni. Pathianin Amahah chuan ani chu a chawimawi ang, a chawimawi nghal ang, (vv 31-32)’ tih thu a puang a. Isua chuan a pa in hna a pek a hlenchhuah avanga a pa chawimawi ani tih a sawi.(Johana 17:4) ‘Naute u’ tia a zirtirte a sawi nachhan chu a chhungte ang a a en vang a ni a, a khawngaihna dawngtute an ni a, inlaichinna tha tak an nei bawk . Isua thupek thar chu inhmangaih tawnna hmanga Pathian chawimawi a ni a.Ti hian a sawi a : ‘Thupek thar ka pek che u hi, inhmangaih ula; keiin ka hmangaih ang che u hian, nangni pawh in hmangaih ula’ (v 34). Inhmangaih tawn turin Isuan’ nang leh kei atan hian thupek a chhuah a ni. Hmangaihna thupek hi a rei tawh vei nen (Deut 6:5) Engvangin nge Isua hian ‘thupek thar’ ti a a sawi le? Hmangaihna hi Pathian mize nghet tak a ni a. 1Johana 4:7 ah chuan ‘Duhtakte u, inhmangaih tawn theuh ang u; hmangaihna hi Pathian laka chhuak a ni si a; mi tin hmangaihna nei apiang Pathian hrin anni tawh a, Pathian an hre bawk a,’ tiin kan hmu. Midang kan hmangaih hian keimahni kaltlangin Pathian hmangaihna kan dawn tir alo ni a. ‘Tuman englai mahin Pathian an hmu ngailo. Kan inhmangaih tawn chuan Pathian keimahniah a awm reng anga, a hmangaihna pawh keimahniah a famkim bawk ang.’(.v 12) ‘Keiin ka hmangaih ang che u hian nangni pawh in hmangaih ula’(Johana 13:34) tiin Isua’n a sawi a.Isua hian kan zawm ve tur hmangaihna dik min kawhhmuh a ni. Mitin a hmangaih a; amah nuihsawh tute, ringduhlo tute leh phatsantute nen lam khan; chutiang tur chuan keini pawh min beisei. Kan changthlan a Isua tawngkam tarlan te khian Hmangaihna hi Kristiante chhinchhiahna diktak a nihzia a nemnghet chiang hle a ni.
Tunlai nunah
Kan tunlai khawvel buai takah hian inhmangaih tur a thupek hi zawm harsa kan ti ta hle mai, min hmangaihtute chauh lo chu hmangaih harsa kan ti niin a lang. Engpawhnise, Pathian fate leh a hming 13
putute kan nih angin he thupek hi chuan min hmangaihtu chauh nilovin mitin hmangaih turin min ti a ni. Thil engmaw ti tura mahni leh mahni innawr luih hi thil awlai lo tak a ni a, mahse tu emaw hmangaih Iuih tumin I bei tawh ngai em le? Thil theihloh tluk ani ngei ang, nimahsela Pathian neitu kan nih chuan amahah kan intulut a, tichuan a hmangaihna chu lo luang lutin midangte nun a thleng phak thin a ni. ‘Hmangaihna chu induhna thuk tak, inpekna emaw inhlanna a ni’, tiin an hrilhfiah a. Hmangaihna chu ngaihtuahna chauh nilovin a chetzia/thiltih lam a ni zawk. Isua zirtirte kan nih chuan kan nunah Amah chu kan dah hmasaber ang a, tichuan a zirtirna kan zawm bawk ang. Chu chuan Amah an chakna min neihtir ang a, tichuan Thlarauvin hna rawn thawkin, mitin hmangaih thei turin min ti chak dawn a ni. Chu hmangaihna chuan Isua zuitute kan nihna a lantir ang a. Inhmangaih tawnna hmangin Kristaah kan rinna fiahin a awm dawn a ni. A zirtirte kan nih avangin ani chu kan hmangaih a, nimahse hmangaihna lanchhuah tirnan chuan Isua chu zuiin inzawmna nghet tak kan siam ang a, Amah an kan chak em em tur ani ang. Pathian chuan midangte hnenah A hmangaihna semchhuak a, A hming ti ropuitu ni turin min duh a ni. General John Gowans a hla fuihna tha tak a ni : Isua ang turin! Beiseina in min luahkhat, Ngaihtuahna leh chetze tinrengah, Hei hi ka tum, ka thutiam chu; Isua ang turin ! Beiseina in min luahkhat, A thlarauvin min tanpui, Amah ang ka ni ve ang.(SASB 328)
Sawi ho tur: 1. Hetiang ang hmangaihna hi kan nunah engtin nge kan thanlen tir theih ang? 2. Midangte hmangaih tura Isua thupek zawmna kawnga daltu che I nunah a awm em? 3. He thupek zawm tur hian engtin nge hma I lak ang le?
Tihdanglam tawh te anga nungin
Pathian chu keimahniah a cheng a. Thahnemngai taka Amah nen in pawl turin min duh a ni. Mahni in enfiah a, nitin A hnena kan tawngtai a tul a, A hmangaihna chu midangte nunah kan tuh zel theihnan Pathian kan dil thin ang. Isua an chakna kan nei tur a ni a, midangte hmangaih theihna nei turin Thlarau Thianghlim tanpuina kan dil ang a,midangte pawh he thupek hi zawm turin kan fuih ang. Captain Summra Nemat – IHQ, Pakistan Territory Assistant Under Secretary South Aisa Zone hna ka thawk thei hi vannei ka inti hle mai. Amah ang tura danglam tura inbuatsaih reng a tul a, tin, midangte hmangaih tura thupek hi Isua min duh dan ani tih ka hria a ni. Thlarau Thianghlim chuan keimah kaltlanga miten Pathian hmangaihna an dawn nan min awmpui reng thin.
14
Bible Study 7
Rawngbawlna a tihdanglamna Chutiang bawkin rinna chu thiltih nei lovin Amah chauhvin a awm chuan thi a ni. (v17)
Bible chhiar tur –Jakoba 2:17 Bible ah chuan
Thuthlung thar buah hian rinna chungchang ziakna a tam khawp mai. ‘Rinna chauh hi ka mamawh a ni’, ti a ngaih theih tur khawpin chang tamtakah hian tarlan a ni. Jakoba lehkhathawnah hian rinna leh thiltih chu inzawm tlat a nihzia a sawi uar viau a. Thiltih in a chhunzawm si loh chuan rinna ringawt chu a tawkloh thu a ziak a ni. Paula’n Galatia mite (Gal 2:16) leh Rome khua amite lehkha a thawnah (Rome 3:28) chuan rinna chauh chu a tawk tiin a sawi a, Jakoba ngaihdan nen chuan a inperhsan deuh niin a lang. Paula leh Jakoba ten rinna chungchang an hriatthiam dan hi a in ang lo reng em? Juda mite khan serhtan leh thuawihna mai hi Chhandam nan a tawk a ni tih ngaihdan an nei a, chumi chhanlet nan chuan Paula’n heti zawng hian a sawi a ni. Heng ziak pahnihte hi kan khaikhin chuan an ziak chhan a danglam hle ani tih kan hre thei ang. Chuvangin, Paula chuan Rome mite chu serhtan emaw dan zawm dik emaw ringawt hi ‘mi piangthar’ nih nan a tawk lova, chhandamna nei turin rinna an mamawh thu zirtir a tum a ni. Jakoba erawh chuan ngaihdan diklo awmthei chu rawn siamtha in, thiltih tel silo rinna ringawt chu a tawk lova, Pathian duhloh zawng takin an awm thei tho a ni tiin a sawi. Rinna avanga thiamchantirna’ tih thurin, mi thenkhatten ‘thiltih lam chu a pawimawh tawh lo ve’ ti a lakkawih theih lai te pawh a rawn sawifiah bawk a ni. Jakoba hian heng thil pahnih inkawp hi tihdanglama awm nan a pawimawh zia a sawi a. Thuthlunghlui hunlaia Abrahama leh Rahabi te nun atangin, thiltih hmanga rinna nemngheh a pawimawhna tehkhin thu ah a hmang nghe nghe a ni.
Tunlai nunah
Kan tunlai khawtlang nun hian danglamna nei Krisian diktak a zawng a. Kan thiltihin a chhunzawm siloh chuan rinna ka nei kan ti ngawt thei lo. Rinna kan nei phawt anga, chu chuan kan thiltih danah danglamna a thlen tur a ni ang. Jakoba’n thiltih a tih chu hmangaihna leh thuawihna a ni. Isua neitu kan nihna hian kan nun pumah nghawng a nei tur a ni. Kristiante chuan min mamawhtute hnena Pathian hmangaihna lantir na remchang kan nei a, tin, Kan nun chhungril a awm, midangte tana hman chhuahna remchang a awm hi a vanneihthlak hle in ka hria. Judate khan Juda dan anga Serhtan leh rinna neih mai kha Kristiante tan a tawk an ti a.He kan Rinna hi thiltih hmanga kan lanchhuahtir hian sual chu kan ngam ani mai lo va, Isuan hmangaihna hmanga rawngbawl hna a thawh thin, chhunzawmna remchang tak a ni. Thil liantham tak tih pawh a ni chuang lo. Damdawi In han tlawh (Hospital visit) ang chi te kha a tha em em a, mahse rinna chu thiltih a lantir anih loh chuan awmzia a nei lo a ni. Galatia 5:6 ah chuan ‘Krista Isuaah chuan Serh tan engmah a sawt lo, serh tan loh pawh engmah a sawt hek lo; rinna, hmangaihna a thawh erawh chu a sawt a ni,’ tiin kan hmu a. Chuvangin 15
hnathawh/thiltih tellova rinna dik a awm thei lo tihna a ni. Rinna chuan thiltha tih duhna a nei thin. Eng ang rinna nge I neih? tih chu I thiltih dan atangin a hriat theih ti pawhin a sawi theih ang. Ephesi 2:10 ah chuan , ‘Thil tha ti atan Krista Isua ah chuan siam a awmin, Ama kutchhuak kan ni si a; chu thil tha tih chu kan awmna turin Pathianin a buatsaih lawk a ni.’tiin a sawi a. Eng ang takin nge Pathian kan hmangaih tih chu kan thiltih hmangin kan lantir thin. Chhandam kan ni tih chu chuan a entir a. Eng ang taka tha in nge mite hnenah hmangaihna kan lantir theih tiin chona min hnutchhiah a ni. Entirnan: Chi hi tuifinriat mawngah awm ta reng se, kan chaw eiturah engmah danglamna a thlen lovang. Chumai nilovin danglamna thlen tur chuan kan chaw thlengah phul a ngai a ni. Khawvel a danglamna engemaw thlen tur chuan kan chetchhuah a tul a. Kan rinna pho lang turin hmangaihna kan neih si loh chuan, chu kan rinna ringawt chuan min chhandam dawn si lo. Kan thiltih chuan kan nihna a tarlang tur a ni.
Sawi ho tur : 1. Kan rinna dikzia mite hnenah engtin nge kan hrilh ang? 2. ‘Rinna chu thiltih tel lo chuan a thi a ni’ tih hi nangma tawngkam chhuak ngeiin engtin nge I sawifiah ang? 3. Thiltih nei miah silo rinna ringawt innghat Kristian a awm theih em?
Tihdanglam tawhte anga nungin Ti hian han ngaihtuah chhin teh le, mi tu emaw Kristian nih duh ang a in chhal, mahse engmah a nuna hmuhtur awm silo kha, engtin nge I tanpui ang?. Major Tracey Kasuso– Zimbabwe Territory (Southern Africa and IHQ thawk tawh) IHQ chaplain hna ka thawh lai khan, kan building a lokal thinte hnenah tihdanglam ka nihna thu sawi chhuahna remchang ka nei thin a. Tunah TSWM ni a Zimbabwe a ka thawh hian Isua’n mite nun a tihdanglam sakte nun ka hmu thin a ni.
Bible Study 8
Tawrhna a tihdanglamna 16
Tin, fate kan nih chuan roluahtute kan ni a; Pathian roluahtu, Krista roluahpuitute kan ni; a hnena chawimawiin kan awm ve theihna turin amah kan tuapui takzet chuan . (v17)
Bible chhiar tur – Romans 8:17-28 Bible ah chuan Isaia 53:2-4 chuan Isua chu hrehawm nasa tak tuartu angin a rawn tarlang a. A hmelah tawrhna a lang a ni. Hei vang hi ani mahna damdawi In a ward tinah pawh Isua tawrhna chhinchhiahna hi damlote thlamuantu atan tarlan anih thin ni. Khawvel a lenlai khan Isuan heng tawrhna hrang hrangte hi a hmachhawn a: - Ama mite ngeiin an hnawl (Matthaia 13:53-58) - A chhungten an hrethiamlo (Marka 3:21) - A laina hnai sunna avanga tawrhna (Johana 11:33) - Nghaisakna (Johana 5:16) - Damlohna leh taksa hliam (Bible ah tarlan fak ani lo na a, a hnathawh ngaihtuahin intihpalh chang te a nei ve tura ngaih a ni a. Chanchintha bute hian Isua nuna thil thleng langsar lutuk lo lam a phochhuak deuh anih hmel.) Isua khan mihringte tawrh ang zawng zawng hi chu a hrethiam vek a. Thil tinreng hi paltlang loh reng a nei lo. Isua hian a hrethiam a ni mai lova, entawn tur a hnutchhiah a thurawn a pe bawk a ni (Matthaia 5:39-42). Khawvel tluchhe mek sual a khat khawvelah kan cheng mek a(Rom 3:11-18). Kan chenna khawvel hi boral hun tur nei a ni a, a hun tak kan hrelo mai chauh a ni (Thupuan 21:1). Kristian kan nih vang hian Khawvel ata lak hran kan ni bik chuang lova(Johana 17:15), Isua Van atanga lei a a lo kal ang khan he khawvel mite zinga khawsa tura koh kan ni.
Tunlai nunah
Eve-i leh Adama’n Eden huan an chhuahsan atang khan leiah tawrhna a awm tan a. Thuhriltu 1:9 ah chuan ‘Ni hnuaiah hian thil thar reng reng a awm lo ve’ tiin kan hmu a. Isua khan a mihrinzia lantirnan tawrhna tinreng lawm takin a pawm thin. Amah zuitute kan nih angin tawrhna pumpelhna ringawt zawngin kan nung tur a ni lo. Kawng hrang hrangin kan nunah hian harsatna a lo thleng thei a, taksa,rilru, thinlung, ngaihtuahna leh thlarau nunah; tin, tawrhna ziaawm deuh emaw a thalo ber teh chhuah theih pawh a ni lo. Kan tawrhna aia midangte tawrhna hmuh nep sak mai lo turin kan fimkhur a tul hle a ni. Kan chenna khawvel hian rang taka hriatfiahna a phut thin a. Rang taka chinfel beiseina hi a nasa hle mai, chu chuan nasa takin ngaihtuahna a thunun thei a. A chang chuan mite hian eng vanga an harsatna hi tawp tawh se ti nge annih hriatthiam harsa ka ti thin. A chhan chu a tuartu (an chhungkaw member ) vang nge? Kha hun kha an ning ngawih ngawih zawk ni ? Harsatna lo thlen chhan hrefiah tura beih hi a pawimawh ber a, chu chuan tawngtaina nunah min ti chak thin a ni. Rang taka chinfel hi a awlsam lova, a chang phei chuan a theihloh hial a ni. ‘Tawrhchakna’ nei tura 17
kan in zir thar fo a pawimawh hle awm e. Tawrhna tih thupui hi ka tan chuan hriatfiah harsa a ni lem lo. Officer ni a ka rawngbawlna tam zawk hi hliam tuarte enkawlna hmun Social Institution ah ka hmang a. Ka nunah hun thim tak te tawkin ringtu puiten min hnawl changte pawh ka tawk hial a, mahse ka Lalpa hi a ropui ber ani tih min nemngheh sak zawk thin. Hnehna chu Lalpa ta a ni (Isaia 31:4-5). Harsatna ka tawh apiangin Bible chang pakhat hian min tichak fo thin. Rome 8:28 ah chuan ‘Tin, Pathian hmangaihtu , amaha ruat ang a a kohvate tan chuan an thatna turin engkimin a thawhsak hlawm thin tih kan hria’, tiin a ziak a. He thu in a sawi tum chu, Kristian kan nih avangin thil tha ringawt kan chungah a thleng dawn tihna a ni lova, Pathian chuan kan nuna thil duhawm lo(tawrhna) lo thleng chu kan tan leh midangte tana tha tur zawkin a siam tha thin a ni . Keimahni lam pawh kan inhawn viau a ngai a, a lan ang maia awlsam erawh a ni hauh lo. Pathian permission kan pek chuan kan nun tinrengah thu a nei dawn a ni a. Nimahsela harsatna zawng zawng min lakkian sak dawn tihna ni lovin, chu tawrhna ngei chuan kan nunah thil tha a thlen dawn a ni. Tawrhna hi kan pumpelh thei lo ngei mai, engemaw atana lo thleng fo turah erawh chuan kan ngai tur a ni lo. Tawrhna chuan he khawvel hi kan kumhlum tur anih lohzia min hriatnawn tir a. Thil tha zawk, mak tak mai chu a lo la thleng ngei dawn a ni. Kristian ten tawrhna kan pawmthiam dan hi kan khawtlang ang Thianghlimna nun (rilru leh taksaah) chawisanna hmunah hian puanchhuah tam a mamawh hle in ka hria.
Sawiho tur: 1.
Engtin nge tawrhna I hmachhawn thin?
2.
I hun tawn atangin tawrhna hian a tha zawng a thil a thlen tir tawh dan sawi tur i nei em?
3. He ka hrehawm tawrhna hmang hian ka nunah Isua’n thiltha a thlen ka phal reng em?
Tihdanglam tawh anga nungin
. Hun thim taka i awm laiin, engpawh hmachhawn la Pathian lam hawi tlat la, I nunah engemaw thiltha zawk a thlakdanglam remti ang che. Amah chu I ke vengtu leh Hnehna thlen tirtu lo ni ngei rawh se. Major Heidrun Edwards – IHQ, from Germany, Lithuania and Poland Territory Assistant Secretary, Europe Zone ni a ka thawh hian khawvel mite tawrhna nasa tak hi ka hmu a ni mai lova, a lam pantute Isuan an nun a thlakdanglam sak dan pawh ka hmu thin a ni.
Bible Study 9 18
Khawtlang dikna tura tihdanglamna Aw mihring, tha chu a entir tawh che a ni; LALPAN a phut che chu enge ni ? Dik taka tih leh khawngaihna ngainat leh I Pathian nena thuhnuairawlh taka len dun a ni lo vem ni? (Mika 6:8)
Bible chhiartur: Thufingte 31:8-9 Bible ah chuan
Kan chang thlan hi Pathian thupek Bible in a tarlan zingah chuan a hriatthiam awl ber te zing ami a ni hial awm e. Chutah chuan Mika’n zawhna mawlte a zawt a: Lalpan a phut che chu enge ni? Bung 6 na chang bul lamah chuan Israel mite khan Pathian hnena kaldan kawng dik leh tha chu thisen a inthawina nilovin mahni nun inthlakthlengna hi a ni tih an hriat loh thu kan hmu a.Chang 6 leh chang 7na ah chuan Israelte khan Pathian tihlawmnan leh inlaichinna tha nei tur chuan halral thil hlan hmanga inthawina a tul hle niin an ngai ani tih kan hmu thei awm e. Pathian tihlawmnan enge tha ber ang tih an ngaihtuah nasa hle a, an halral thilhlan khan a tihlawm ber an ring a ni. Mika chuan eng anga nasa pawn halral thilhlan emaw inthawina hlan mahse Pathian duhdan a an nun an hman loh chuan engmah lo mai anihzia a rawn sawi a. Mimal nuna Pathian nena inlaichinna tha neih aiin pawnlam sakhuana thil ngaihpawimawhna in an khat a ni. Mika khan ‘Lalpan a phut che chu enge ni?’ tiin zawhna a siam na in, hmun dangah tamtak ziahlan a nih tho vang leh an sawi chhuah fo thin avangin Pathian thilphut leh beisei chu an hre vek tho tih a hria a. Mika chuan Pathian duhdan diktak chu thinlung a danglamna te, ngaihtuahna thlak danglamna te leh Pathian leh midangte ngaihsakna thinlung neih ani tih chang 8 na ah a rawn tarlang a ni. Pathian nena inlaichinna chu mimal nunah niin, thinlung chhungrila inthlakdanglamna a kengtel a, inthawina leh uchuak taka in tarlanna lam a nilo ani tih hrethiam turin a duh a ni.
Tunlai nunah
‘Dik taka tih’ tih hian enge a tum ni ang le? Dikna lantir emaw thiltih tinreng dik leh fel taka tih tiin a sawi theih ang. A awmzia chu thil tha leh dik chauh tih a, Dikna atana huaisen taka midangte tana beih a ni. Kan tunlai nuna rorelna diklo mite chunga thleng mek atana huaisen taka hmachhawn leh anmahni tana dik taka nung turin kan inbuatsaih anga. Thufingte 31:8-9 : ‘Tawng thei lote tan I ka ang la, hnuchhawnho zawng zawngte chung thu-ah te. I ka ang la, fel takin ro rel la, Mi rethei leh renchhamte chungah ro rel rawh’, tia kan hmuh ang hian. Khawngaihna ngainat tih hian enge a kawh tum? Khawngaihna hrilhfiahna pakhat chu – Mi tu emaw hrem hmabak mek chunga lainatna leh ngaidamna lantir hi a ni. Khawvel ah hian nitinin nu, pa leh naupang, midangte avanga tuar kan hmu thin. An mahni tan mai nilovin a tawrh tirtu te tan pawh kan tawngtai thin tur a ni. Pawikhawih hmangte tan hian engtianga tam nge kan tawngtai thin le? Hmeichia leh naupang te hmanga sumdawng thinte tan hian kan dilsak ngai em? A harsa viau pawh ani mai thei, mahse Pathian rorelna dik a thlen theihnan chuan tuartute leh tawrhna thlen tir thintute tan pawh hian kan tawngtai fo a tul em em a ni. An inkarah 19
kan din a(Ezekiela 22:30) khawngaihna lantir chunga khawngaihna dila kan tawngtai chuan hnehna ropui tak a thleng ngei ang. Pathian nena thuhnuairawlh taka lendun tih hi enge a awmzia le? Kal tih chuan che tih a kawk a; chuvangin a awmzia chu Pathian neitu chu a awm hle hle tur a ni lova ,a thanglianin hma a sawn zel tur a ni. Thuhnuairawlh taka Pathian nena lendun tih chuan Pathian a intukluhna leh a duhna hmun apianga kal tura inpeihna a ni a. Pathian nena lengdun thin chuan dodalna leh rorelna diklo a thlen pawhin Pathian chu an kiangah a awm reng ani tih an hriat avangin hmalam panin an kal zel thin . Isaia 41:10 ah chuan: ‘Hlau suh u, kei in hnenah ka awm si a; mangang suh u, kei in Pathian ka ni si a: ka tichak ang che u a; a ni, ka tanpui ang che u; a ni, kut ding lamin ka chelh reng ang che u.’tiin a sawi a ni.
Sawiho tur: 1. Diklo taka rorelna tunlai khawvel a miten an tawrh thin pakhat tal sawi tur I hria em? I hria anih chuan chutiang ang chu dik taka I do let dan tur han ziak teh. 2. Chutiang ang rorelna diklo chu ngaihtuah chungin, engtinnge thilsual titute chungah khawngaihna I lantir ang? 3. Engtingnge dik taka tih leh khawngaihna lantir hian Pathian nena lengdun turin a tanpui ang che?
Tihdanglam tawh anga nungin Tun thla chhungin Thufingte 31:8-9 nitin chhiar la, chutianga tihtheihna hun remchang I neih theihnan Pathian hnenah dil ang che. Captain Sandra Pawar – Southwark Corps, UK, from USA Southern Territory Khawtlang thatna ( Social Justice )chungchang hi ka ngaihpawimawh em em a ni a. Isua nen kan len dun na ah Midangte hnena zahngaihna leh thatna lantir in danglamna nasa tak a thlen dan ka hmu tawh a, chu chuan rawng ka bawl dan a thlakthleng a ni.
Bible Study 10
Thlarau zinkawnga tihdanglamna 20
Amaherawhchu Amah chu engah a awm angin, keini pawh enga awm kan nih chuan kan in pawl tlang a,tin, a Fapa Isua thisenin kan sual zawng zawng min tlenfai sak thin a ni. (v7)
Bible chhiar tur – I John 1:7 Bible ah chuan Zinkawng zawh mek kan ni tih kan hre theuh awm e. Car a zin te ang mai kan nilova, chutiang anga zinte kawng kawhhmuhtu chu kawhhmuhna bu(Owner’s manual)a ni a. Thlarau zinkawng kan zawh mek a kan kawng min kawhhmuhtu(manual) erawh chu Bible hi a ni. Bible in nunna chi hnih leh nundan kawng hnih a sawifiah a. Tisaah emaw thlarauah emaw in awm a (Rome 8:9) tichuan tisa duhdanin emaw thlarau duhdanin emaw in nung a ni (Galatia 5:25). Ringlomite chu tisaah an nung a, tisa duhdanin an kal thin. Ringtute erawh chu thlarauvah an nung a, thlarau duhdanin an awm thin a ni. Mihring hlui tisa anga nun hman chu ringtute tih atan chuan atthlak tak a ni. Isua Lal leh chhandamtu a kan pawm veleh thil siam thar kan lo ni a.(2Korinth 5:17) Pathian thlarau chuan min siam thar a, kan thinlung lung anga sak Pathian duhlo zawng a awm thin chu paihchhuak in, Pathian tihna leh a hniakhnung zui duhna thinlung thar min pe ta a ni. Ezekiela a lo sawi angin ( Ezekiel 36:26-27) ‘Thinlung thar ka pe ang che u a, in chhungah thlarau thar ka dah ang, in chhungah ka thlarau ka dah ang a , ka dan siamah ka lentir ang che u a, ka thupekte chu in pawm ang a in zawm ang’.
Kan hringnun zinkawng kan zawh mek lai hian, kan thlarau nun chu a lo thanglian zel a. Isua ang tur a kal zelin, ngaihtuahna, thusawi leh thiltih kawngah Amah kan zui zel tur a ni. Isua pawh Pathian lawmzawng anga awmin thlarauvah a intichak thar zel thin anih kha. Thuawihna pumhlumin Isua chuan Pathian a en tlat a, tichuan Pathian duhsakna famkim a hlawh hial a ni. Vantlang nunah Isua chuan mihring duhzawng in a awm a. A nelawm a, hmangaihnain a khat a, ngaihsakna a nei a, mite a tanpui a, a hma a sial lova, a dik a, a inngaitlawm em em bawk a ni. A kianga awm chhungtin ten an lawm thin.
Tunlai nunah
Kan chaw ei te kan taksa a a bet thin ang hian kan thlarau zinkawng a kan sengluh apiang hi kan nunah kan senglut thin.(1Kor 3:2) Kawng thim zawh chu Pathian duhloh zawnga nun leh thiltih hi a ni. Isua khan kan sualte min silfai sak turin tisa leh thisen pu in a thi ani tih kan hre theuh awm e. A thisenin min lei a ni. Sualah awmin ka zinkawng tawp dan tur pawh hrethiam lovin ka awm thin, mahse Isua ka neih chinah chuan kawng dik min kawhhmuh a, sual awmzia min hriattir ta a ni. Tunah chuan Pathian fa ka ni tawh. A thlarau chuan ka nun kawngah min hruai thin. 21
Tunlai nunah hian Pathian fa Isua duhdan zawmtu tlem zia leh, thlarau nun thanlenna nei tak tak tlem zia hi kan hmu awm e. Mi tamtak chuan mi te tihdan zawmin Isua’n a tan a ding tura a sawmna an hnawl a. Nimahsela Pathian fate kan nih angin rinna kawng zawh zelin thlarauva hriatna ah hma kan sawn zel tur a ni a. Krista Engah kan kal zel tur a ni. Chanchin tha thutak leh engah chuan. Pathian leh midangte nen kan in pawl tlang thin tur a ni a. Pathian nen a inpawlna nun neih loh chuan Kristianna dik inpawl hona tha a awm thei lo. ‘Amaherawhchu amah chu engah a awm angin keini pawh enga awm kan nih chuan kan inpawl tlang a, tin, a Fapa Isua thisenin kan sual zawng zawng min tlenfaisak thin a ni’(1Johana 1:17). Engtin nge engah kan kal ang? Eng a kal chu tisa duhna zawm lova thlarau duhdan anga awm zelna hi a ni a. Chuvangin, Thlarau thianghlimin engemaw thil tih chakna kan chhungril lama a rawn tuh Pathian duhdan nen a inmil ni ngeia hriat kan tih thin hi enga kal dan chu a ni.
Sawi ho tur: 1. Thlarau hruaia awm tih hi enge a awmzia? 2. Bible-ah chutiang ang chu kan hmu em? 3. Engtin nge engah kan kal ang?
Tihdanglam tawhte anga nungin Thlarau rah chu eng a kan kal in kan nunah a lo lang thin. Isua chu a fing deuh deuh va, a lian telh telh a, Pathian leh mihring duhsakin a awm a tih Luka 2:52 ah kan hmu a. A zirtirte kan nih angin, Isua ang hian khawngaihna leh finna in kan thlarau nunkawng zawh mekah hian kan thanglian deuh deuh tur a ni. Pathian duhzawng ti turin thlarau hruai theihin kan awm em tih I inlet fo ang u. Pathian thu chu phurrit ni lovin lawmna min petu a ni tawh zawk ang. Lieut-Colonel Eva Danso – IHQ ( Ghana thawk ) Ka appointment tinreng leh tuna ka thawh mek na International Programme Coordinator ah te hian ka thlarau zinkawnga Isua nen danglamna nun neitu nih hi ka duh thin.
Bible Study 11 Hriatpuitu nihna a tihdanglamna In eng chu mi mithmuhin eng rawh se, chutichuan in thil tih thatte an hmu anga , in pa vana mi an chawimawi thei ang - v16 22
Bible chhiartur- Matthaia 5:13-16 Bible ah chuan He lai thuah hian Isuan he khawvel a Amah zuitute nihna leh mawhphurhna a rawn sawi a. An nihna hmasaber chu chi a ni. Chi hnathawh pawimawh tak chu vawnthat hna a ni a. Isua zuitute chuan khawvel kalsual tur ven hi kan hna pawimawh tak a ni. Khawvel duhdan zawmtute leh sual leh tha thliar thiamlo te tan kan nunah entawn tur kan hnuchhiah tur a ni. Chaw tuihnai tak ei kan duh thin a, chi hnathawh dang leh chu eitur ti tui tur a al a ni. Marka ziakah khan Isuan chi chungchang ti hian a sawi a, ‘nangmahni ngeiah chi nei ula, inngeih rawh u’ (Marka 9:50). Kolosa 4:6 ah khan Paula chuan chi chu tehkhin thu ah hmangin, piantharna chu ‘khawngaihna khat’ leh mitin nena inremna thlentu ani tur a ni tiin a sawi a. Remna siamtu ni tura zirtirna nen a in rem vek a ni. Zirtirte nihna dangleh chu Eng a ni a. Isua hnathawh chu midangten kan thiltih hmanga Pathian an fak theihna tura thil tha tih a nih thu fiah takin a sawi a ni. Matthaia chuan Isua zuitute tawrhna chungchang kha heng entirna thu chi hnih hian a rawn sawi chhunzawm a. Khang hunlai khan zirtirte khan hun khirh khan tak an tawk anih kha, nimahsela chi leh eng hmanga zirtirna khan harsatna hmachhawn dan a kawhhmuh a ni. Pathian mi annihna vawng nghet tlat tura fuih anni a, chutilo chu chi da tawh ang mai kha anih a hlauhawm a ni.
Tunlai nunah
Heng entirna pahnih te hian intarlanna leh inthupna chungchanga tunlai Kristiante nun tibuai em emtu a rawn phochhuak tha viau mai a. Stephen Dray-a chuan chi nihna diktak chu eitur ti tuitu leh lang lo lama tangkai taka thawktu ani tiin a hrilhfiah (Discovering Matthew’s Gospel). Inthup han tih hian nihna zahpui vanga inthup lam a kawk hranlo. Mi thenkhat chuan an Kristianna hi an zahpui fo thin a, a bik takin tunlai hun a khawvel pum dinhmun kan en thlir phei chuan, hailan kha an hlauh vang chu a ni lo vang a. Heng thilte hian Isua beiseina angin Pathian an chawimawi lo a ni. Kan thiltha tih hmanga miin Pathian lam an hawi theihnana mahni in thuhruk hi inthupna awmze dik chu a ni a. Thuhretu kan nihna hi miin an hmu hmasa ang a, tichuan kan nih chhan an hmu leh thei dawn a ni. Hei hian an rilru pekna a tidangam daih thei a ni. Kawng lehlamah eng chuan thil min hmuhtir thin a. Khawnvar kan ken chuan miin min hmu thei thin. Eng min petu Ni te kan en chuan a bul vel hmuh fiah a har viau mai a.
23
Khawtlang tana kan mawhphurhna kan hlen chhuah hian hleihlena te, mahni hmasialna te, inthliarna leh mihring puite tana chaklohna thlen thin sual inthupte chu khawvel hmaah kan hailang dawn a ni. Hmuhtheihin kan awm emaw awmlo emaw, Pathian tan khawvelah enna thlen turin Isua’n mawhphurhna min pe a. Harsatna emaw hun khirhkhan kan hmachhawn apiangin kan hmachhawn danin Pathian nihna a tarlang dawn a ni. Khawvel dan ang lo deuh a kan chet a tul chang a awm ang. Chungte pawh chu Pathian hnathawh danglama lang thin ani a. He danglamna hi Pathian thiltihtheihna hmanga thleng a ni.
Sawiho tur
1. In khawtlangah thil diklo thleng thin, siamthat ngai ni a I hriat han sawi teh? 2. Mite zingah/Vantlang nunah Pathian neitu I nihna lantir tura daltu che enge awm? 3. Min tina tu te lakah Pathian neitu kan nihna engtinnge a lan ang?
Tihdanglam tawh anga nungin Tun thla chhung hian I hmelma tan nitin tawngtai thin ang che. Major Sara Tam- IHQ (Hong Kong & Macau leh Taiwan ah te rawng a bawl tawh thin) Tunah hian IHQ ah Under Secretary for South Pacific and East Asia Zone niin ka thawk mek a. Buai taka hna thawk chung hian Pathian neitu ka nihna lantir reng turin chona ka hmachhawn reng a, mahse a thiltihtheihna hmangin nitin min tidanglam thin a ni.
Bible Study 12
Thawhhona a tihdanglamna 24
Tin,nangin ropuina mi pek kha anmahni ka pe ta; anni chu pumkhat an nihna turin, keini pumkhat kan ni ang bawk hian; kei anmahniah, nang keimahah, anni pumkhata an awm a, an famkim theihna turin; nangin kei mi tir tih leh, mi hmangaih angin anni hi I hmangaih tih , khawvelin an hriat theihna turin. (vv 22-23)
Bible chhiartur – John 17:22-23 Bible ah chuan
Isua a pa hnena a tawngtai hma khan a zirtirte nen inbiakna urhsun tak an nei hmasa phawt ani tih Johana 16 ah kan hmu. Thi a tholeh tur a nih thu Isuan sawifiah a tum a . Rei lo te ah a kalsan ang a, a Pa hnenah a kal dawn a, tichuan an hmu thei lo thuai dawn a ni. Chu thu chuan a zirtirte rilru a tibuai hle mai, ‘rei lo te’ tih chu ‘engtihna nge?’ tiin an zawt hial anih kha ! Johana bung 17 tir lamah khan ‘Isua chu thu a sawi zawh chuan van lam en in a tawngtai a’tih kan hmu a. Ringtu zawng zawngte tana a tawngtaina thu hian Isuan mitinte chu Pa leh amah an inpumkhat anga inpumkhat tura min duhzia kan hre thei ang (v22-23). Pa in a ropuina a pek ang chu ringtute hnenah pawh pek ve anih thu a sawi a. Amah leh Pa chu pumkhat anni ang khan zirtirte leh ringtute chu an inpumkhat vek ani tih Isuan a puang a ni. A tawp berah chuan Isuan Pathian hmangaihna kang ngailova ringtute nuna inpumkhatna Pa leh fapa leh a hming ringtute nunah hmuh a duh takzet a ni. Isua khan ringtute tan inpumkhat a tulzia a hrechiang hle a, a zirtirte ngei pawh kha rei lo te ah hmelma hlauh avangin an kal darh dawn a ni tih te pawh a hre vek a ni . Tihduhdahna lo thleng turte, Judate leh thuneituten an hnawl tur thute pawh a zirtirte hnenah a hrilh lawk vek nghe nghe anih kha. Chuvangin, ringtute tan a inpumkhatna pawimawh zia kan hrethiam awm e. Trinity (Pathian a mi pathum awm) hian Pathian nihphung a inpumkhatna chu a tarlang chiang viau mai. Hnialrual lohvin ringtute chu inpumkhat tura koh kan ni.
Tunlai nunah Isua tawngtaina hi a hriatrengtlak a, a mak a, thil ati thei a, thinlung a khawih thin. Chumai nilovin, a hmangaihna a ropui em em a, keini ringtute tan inpumkhatna kan neih a, a ropuina tarlan a nih theihnan a tawngtai a ni. Chhandamna chang tawh te chu pumkhat a nung tur kan nihzia Isuan a hrechiang a. Jerusalem a kohhran hmasate inpawh taka an inpawl hona te, Pathian an fakna te leh an neih apiang an intawm thin dan te kha min ngaihtuah chhuah tir a ni(Tirhkohte 2:41-47). Hei hian ringtute tana zirlai pawimawh tak, kan chhandamna fiahnan hian rinna leh chhandam nih inhriatna mai hi a tha tawk lova, kan nitin nundan te leh midangte kan pawm danin a lantir a ngai a ni tih min hriatnawn tir a ni. Hmangaihna a kan insuihkhawm si lo a nih chuan engtin nge Pathian hmangaihna chu he khawvel tluchhe mekah hian miten an hmuh theih ang? He thuchah hi kan khawvel leh kohhran hote hriat ngei tur leh zawm ngei tur a ni. In elna, mimal lansarh duhna leh huatna karah hian Pathian hmangaihna duhawm tak a mite inpumkhat tir thei khawp a chak hi lantir tura koh kan ni. Pathian mite an inpumkhat chuan thlarau takin an chak a, an hausa a, tlachhamin an awm ngailo. Ringtu inpumkhat te hnenah Pathian thlarau a awm thin! 25
International College for Officers atang tawnhriat hlu tak ka nei ve tawh a. Ram hrang hranga Officer te nen inpawlhona hun tha tak a ni.Tihdan hrang, tawng hrang, vun rawng danglam leh hmanraw hrangte khan inpawlhona hun nuam tak hmang turin min dal lova. Pathian hmangaihna in min phuarkhawm ani tih a chiang hle in ka hria. Pathian thuhmun bia kan ni tih inhria a lawm taka kan in pawm tlan chuan Kristaah kan inpumkhat a ni. Isua pawh khan a zirtirte leh ringtu zawng zawngte chu thlarau leh rilru a inpumkhat a, Kristaah Pathian hmangaihna a phuarkhawm a awm turin a duh em em ang tih a rinawm(Philipi 2:1-7). Inpumkhatna hi thil awlsam tak anilo tih erawh a chiang viau a ni. Engpawhnise, inngaihtlawmna nun nei a, mahni aia midangte dah chungnun thiam hi Krista a inpumkhatna nei tura thil pawimawh tak a ni.
Sawiho tur : 1. Ringtute emaw kohhrante inpumkhatna dal theitu hi enge ni ang? 2. I chenna hmunah inpumkhatna nun nei turin engtinnge mite I hneh ang? 3. Krista a inpumkhatna tha tak nei tura midangte nun thlakdanglam sak turin I in peih em?
Tihdanglam tawh ang a nungin. Ringtute nunah inpawlhona chak zawk leh tha zawk, Inpumkhatna kawnga danglamna thlen a nih theihnan Thlarau Thianghlim hruaina leh thuamchakna dilin tawngtai I la. Nangmah ngeiin ‘Lalpa keima nunah bul tan ang che’ tiin tawngtai ang che. Major Widiawati Tampai –IHQ,from Indonesia Territory Ringtu zawng zawng te tan inpumkhatna hi a pawimawh ber a ni tih leh chu mi chu Krista hmangaihna leh Thlarau Thianghlim thiltihtheihna kaltlanga tawn hriat theih chauh a ni tih hi ka ring tlat a ni.
26
27