1. Hadis Vaziri Sproak un Tokunft

Hadis Vaziri (12 Jahre, Prenzlau)

sProak un tokunft

Spräken? Toerst künn ik dat goar nich. Denn künn ik bloot mien Muddersproak Persisch. Erst poar Joahr doarnoa künn ik Hochdütsch vertellen. Dat weer keen eenfach Sach. Inglisch hebb ik näbenbi ook mitkreegen. Nu ler’ ik doarto Plattdütsch.

Dat kast du ook, wenn du dat wisst. Wat ik seggen mücht is, wenn man will kann man väl schaffen. Ik wull all ümmer väl Sproaken spräken koen. Wenn ik dat schafft hebb, kast du dat ook. Allest! Glöw mi dat!

Wenn ik groot bün, mücht ik Schauspälerin warn. Dat is mien anner Droom. Ik denk miene Grootöllern in Afganistan warn mächtig stolt up mi sind. Wenn se mi in väl Film sehn koen un marken wi väl Sproaken ik kann.

Ik hoff ook foer di, dat du allst erreeken deist, ejoal wat du di voernimmst!