Bydd yn Ailgylchwr Gwych

Wyddech chi mai cyfradd ailgylchu gwastraff cartref Cymru yw’r drydedd uchaf yn y byd?

Llwyddwyd i wneud hyn oherwydd cefnogaeth preswylwyr ledled y wlad sy’n sicrhau bod eitemau ailgylchadwy’n cael eu rhoi yn y bagiau neu’r sachau cywir ar ymyl y ffordd, yn lle eu rhoi mewn sachau du sy’n cael eu hanfon i safle tirlenwi.

Mewn gwirionedd, rhwng mis Ebrill a mis Mehefin, yn ystod anterth cyfyngiadau symud COVID-19, roeddem yn casglu mwy o ailgylchu ar ymyl y ffordd nag erioed o’r blaen, felly hoffem DDIOLCH i’n holl breswylwyr! Ond nid dyna’r cyfan... mae Ailgylchu dros Gymru newydd lansio ymgyrch Bydd yn Ailgylchwr Gwych’, er mwyn ceisio sicrhau bod Cymru’n cyrraedd brig y tabl ailgylchu! Er mwyn cyflawni’r uchelgais hwn, mae angen i’n HOLL breswylwyr ailgylchu a sicrhau nad ydym yn colli deunyddiau ailgylchadwy yn y sachau du.

Ni ddylid rhoi unrhyw un o’r eitemau canlynol yn eich sach ddu ar ymyl y ffordd gan y gellir eu hailgylchu yn y cynhwysydd priodol, fel a restrir:

Caniau a thuniau sach werdd

Poteli a jariau gwydr sach werdd

Papur a chardbord sach werdd

Poteli, tybiau a hambyrddau plastig bag pinc

Gwastraff bwyd gan gynnwys cig, esgyrn, bwyd wedi’i goginio a heb ei goginio bin bwyd

Cofiwch roi papur a chardbord gyda’i gilydd mewn sach werdd ar wahân i’r sach sy’n cynnwys gwydr a chaniau, a cheisiwch gadw’r holl bapur a chardbord mewn sach sydd wedi’i chlymu’n dda er mwyn eu cadw mor sych â phosib.

Er y gellir ailgylchu’r rhan fwyaf o’ch gwastraff cartref, nid yw pob eitem yn ailgylchadwy felly rhowch y rhain yn eich sachau du. Mae’r rhain yn cynnwys:

Hancesi a thywelion papur wedi’u defnyddio

Bagiau plastig meddal, deunydd lapio a haenen lynu blastig

Pecynnau creision, bisgedi a phapurau losin

Cewynnau a deunyddiau mislif Hancesi sychu Polystyren Cartonau bwyd a diod

Gallwch gasglu sachau a biniau ailgylchu am ddim o fannau lleol ar draws Abertawe - mae rhestr gyfredol lawn ar gael yn www.abertawe.gov.uk/mwyosachau Gallwch ddilyn y tîm ailgylchu ar gyfryngau cymdeithasol i gael arweiniad ac awgrymiadau defnyddiol a’r wybodaeth ddiweddaraf am unrhyw newidiadau i wasanaethau yn:

@recycle4swansea Recycle For Swansea

Os oes gennych unrhyw gwestiynau am y gwasanaeth gallwch hefyd gysylltu â’r tîm rheoli gwastraff yn: 01792 635600 evh@abertawe.gov.uk