DEOSINA

Democracia-my rybe rỹimyhỹre wna, kiamy iny boho idi rõhõtiny myhỹrenyre anõbo iny tarabromy ritrasadỹkỹny myhỹremy. Tai tahe iny bute mahãdu ixyby iruru ihakukõre-my idi nõhõti rỹimyhỹre.

Tahe democracia heka iny dkeremy anõtyhy rare. Iwerbi-ki rybe roimyhỹre iny wii rityhynymyhỹkremy, anõbo kobitimy rỹimyhỹre tule iny bute werbi-kò ire awityhy. Tai tahe iny sõe mahãdu rotakahyky rỹirakre iny dkereny bde kywidkỹ-my. Urile tahe iny bute werbikò retehehyky rỹira-kre.

Kaa tykyrti Justiça Eleitoral heka ijõ kiele ratxireri, iny dkereny ròkywidkỹmyhỹre, timybo kobitimy relekremy tuu tahe iny dkereny tykyrti-ki rarybereri butudke, tocantinense mahãdu dke.

Kaa tykyrti relera heka inakubikòwa-my rybe sõe (Karajá, Xerente, Apinajé, Krahô), myhe sõe, tahe rawahikre butumy iny mahãdu dke, mõtyhytyhybo votadu-my rỹimyhỹre mahãdu-kò, timybo kobiti-my