IPER XÀ

Democracia ita, mã mẽ ihcunẽa te ajpẽn kôat mẽ amjĩ kãm mẽ hapac pejti caxuw mã, quê mẽ hõhkêat hêmpej xàh nã catyt kãm ampo ipah caxuw. Pean mẽ ihkwỳ incrêre mã mẽ ampo jahkre keatre atajê, quê nẽ mẽ hõhkêat jipôc ri mẽ hõmpũn xàj nare.

Democracia ita mã hakraj catea mã. Democracia ita kre kãm mã respeito pupũn xàh catea mã, principalmente, pom nẽ mẽ cumã hõmpũn xàj nare atajê catêjê caxuw. Ita kôt mã, mẽ hohtôa atêjê ihtỳj mẽ incrêre atajê pê mẽ homtàr to mẽ ipa nẽ nẽ mẽ hõ direito rũmpê mẽ ihcaakôc pej to mẽ ipaj nare.

Ita pupun xàh kôt mã justiça eleitoral apu Cartilha ita to, ihkre kãm hopên xàh jarẽn cunẽa, xàm ta mã ihkrãri hakràj cati, ta mã apu processo eleitoral to hopên to ipa, nẽ ta mã hanẽa nẽ, mẽ pa cunẽa mã mẽ pa japac kre to ipa, democracia to mẽ pa jõ pên caxuw, mẽ pa pê Tocantinense catêjê cunẽa mã.

Cartilha ita mã krĩ xààre jarkwa te cwat kãm mã, (Karajá, Xerente, Apinajé mẽ Krahô) ita kôt, quê ha eleitor catêjê cunẽa ihtỳj amẽ cahyt nẽ mẽ kãm mẽ ampo jahkre pej peaj to mẽ hanẽ, processo eleitoral jopên xà cunẽa nã, quêr ihtỳj mẽ to participar to mẽ impej pej caxuw.

Ita cukwa kãm, quê Estado do Tocantins kre kãm, ihtỳj mẽhĩ cunẽa urna caxuw mẽ amjĩ kãm mẽ hapac pej to hanẽ, quê ihtỳj mẽ hõ representante pejti atajêh nã mẽ awcapi, pom mẽ cumã ampo jahkrepejti atajê nã.

Mẽ cahyt pej!

Desembargador EURÍPEDES LAMOUNIER Presidente