Sivuliit Inuvialuit

tajvani unipkaami "Sivuliit Inuvialuit" Kenneth Peeloolook quliaqsimayuaq qanuq

Inuit inuguqtilaangitigun. Peelooloom quliangani tajva takupkaraatigut atautchim inuum nikaiqsuqtilaangatigun inuusiq nanginaraluaqtilugu. uvani quliaqtuami nakarnaituq tajva angayupta uqausiit malirutqaaratigit ilurilaitpangniqtuanni.

Una quliaqtuaq ingilraanitaq. Ingilraakaluk taunanikaluk Alaska-m sinaani tajva una quliaqtuaq aulaqiyuaq. Nuna taavangna tusarnaqtuq anguniarvigiktuaq, irrit qaningani.

Angunlu nulianilu irniqtiklu inuuniaqsimayuat inuuvium qaningani. Quviasuktut. Ublaasiami angun taamna nasilluni qirniqluni suna taima takutkara ungasiktuq taava. Unmun qiviarami nuna taunna qirniqtuq. Isumaaluakihlaqtuq iqsisaklunilu takumayaminik. Qiviatqikhluni qapirusukhluni, aglaan tajva ilumun nakarnaituq takumaniqtuaq.

Inuusirmini uliqpait takumavagait aglaan tajva silam nalunaqipkagaa taamna qirniqtuaq.

Nuliani quliutayaa takumayaminik.

Nuliangan kiuya tajva nalunaittuq sanaiyarnaqiniqtutin uliqpak tikitinagu.

Takumayan nalunaittuq, iqsinaqtuksaq.

Taima nuliariik tajvangaaniin qiyungnik pukuakiqtuak umiaksamingnik. Ulurianqtuamin inuutchimin akpautisukhlutik.

Ugyuit amiinnik akhlunaaliuqhlutik takiyukalungnik. Napaaqtut anginiqsat silingniqsat kibluqhlugit nunamun iliblugit, quliriilqhlugit sitamanik. Aklunaanik » qiliqsuqhlugit. Angun taamna qilamiiqsuqhluni savaksimyuq. Ami uva ilisimayuq sivikitumik savaktuksaq. Taavakaluk qirniqtuq qutchiksimun aulayuq, sila talumagaa. Ubluq tamaan aglimun igliqtuq.

Taamna angun ilisimayuq tajva yaragaluarluni savaktuksaq nutqalaittuq. Ikayuqubluni apiqsivakaluaqtuaq alanin aglaan iglautigiginaqpagaat. Uqalakhlutik tajva naluugaqhlutin taimaliukiqtutin.

Apiriyaat, “suuq uva angivalaaqtumik umialuikiqpit, nunami?” Kangiqsimangituq unniqhlugu, sukaitpalaariblugu.

Suuq uva qanusiugami inuk kangiqsimani. Tamapta uva ayupsangaittugut. Taima qaunagingitaat.

Niviaqsiraq, arnaq tajvatualuum ikayupaluksimayait taapkuat. Aapaituq, amaamaittuq, inungnun sanguugaqsinaqtuq.

Qaigami, umiaq takugamiung iqiasungituq, ikayuruktuq. Nuvuyaqhluit qirniqtut qutchiksimun igliqtut, sila daaqsivaliayuq: taapkuat inuit sitamauyut savaktut inirukhlugu. Qiyuit qilimariksimata, tuktut amingit tupiq napagaat. Ammit qinilaiyaqtat. Tupqum tuqhlugutait siliktut uvillut, qiyungnun qiliqtat. Uyaraq kisaksaq umiamun sanaiqhlugu. Silaluakihlaqtuq, nuvuyaqhluit daaqtut sila talublugu, nuna daaqsiblugu. Silaluataqhluni nuna taliktuq. Tamatkuat inuit tusaamasungituat qiagaluaqtut tajva suviittuq.

Sivituyukalungmik silaqhluktuaq. Nuna takunaiqhlugu. Silaluataqtilugu anuri palangaqsimaakiqtuaq. Ungiulikpait tinuuqsimagaat umiaqtik, inuit imaarnapitaqtut. “Uumaa iqsinak” angun uqalaktuq. “Imaalaitugut ilaptiktun”. Kiisaima irriraluat takunaiqtuat. Nuna kiviyuatun ilibluni.

Taapkuak nuliariik, irniqtiklu arnarlu taamna sinikpaktuat yaraiqsiqhlutik.

Tupahlaqtut umiaq nutqahlakman. Kisaq sumun naktiluni. Tupakamik ilitchuriyuat tajva imailaqsimaakirniqtuaq. Umiaq sayungituq. Utaqiugaqhlutik taimana nunamuhlaqtut. Annaktuatun iligamik iniksaliuqhlutik inuuniakihlaqtut nakuuyukkun.

Taimanaguuq tajva Inuvialuit tajvanga aulaqiyuat. Naublutik aasiin.

Taapkuak nuliariik nukatpiqat uqautivagait iluatun inuutqublugit, munaqiriqublugit.”

Unipkaaq una ingilraanitaq. Nakin aulaqitilaanga nalunaraluaqtuq tajva aglaan Inuvialuitguuq Alaska-m ungataanin tarium sinaanin qaimayut. Irrit qaangani atautchimi qilalukkalu iqaluillu saunrit takunaqtut suli qangma natirnamin silagingman.∞

Alici A l ennie we A ring

Muskox qiviut wool gloves.