Lezionar di Sanc y Santus 2 by UNIUN LADINS VAL BADIA

270

San Cornêl y san Ziprian

VAGNELE

Jan 17, 6a.11b–19

Dal vagnele do san Jan – Gloria a té, Signur! Te chël tëmp à Gejù alzè sü edli sö al cil y à perié: 6a Pere, i ti à revelè to inom a chi che te m’as dè fora dl monn. 11b Pere sant, custodësc te to inom chi che te m’as dè, che ai sides un sciöche nos. 12 Tan dî ch’i ê pro d’ëi ài custodì te to inom chi che te m’as dè. Y iö à ćiarè de d’ëi, y degügn ne n’é jüs pordüs, ater co le fi dla perdiziun, por che la Scritöra s’adempliss. 13 Mo śëgn vëgni da tè. Chësc indere diji ćiamò te chësc monn, por ch’ai ais te ëi instësc mia ligrëza deplëgn. 14 I ti à dè mia parora, y le monn ti à albü le sënn, deache ai n’é nia dl monn, sciöche iö ne sun nia dl monn. 15 I ne prëii nia che ai vëgnes tuć demez dal monn, mo che te i straverdes dal mal. 16 Ai n’é nia dl monn, sciöche iö ne sun nia dl monn. 17 Consacrëii tla verité; tüa parora é verité. 18 Sciöche tö m’as menè tl monn, insciö i ài inće iö menè tl monn. 19 Y iö me consacrëii por ëi, por che inće ëi sides consacrà tla verité. Parora dl Signur. – Lalt a té, Gejù Crist! Söles ofertes

Dî onipotënt, por festejé le martìre de tü sanć te portunse nostes ofertes sön to altè. Dala zelebraziun dl’eucaristia à i sanć Cornêl y Ziprian tut la forza por le tëmp dla proa. Chësc sacramënt nes dais inće a nos dorada tla tribolaziun. Do chësc te periunse por Crist, nosc Signur. – Amen.

Sant Andrè Kim, san Paul Chong y compagns

Antifona I sun esponüs ala mort por gauja de Gejù, dala comuniun por che inće la vita de Gejù vëgnes manifestada te nosta ćern mortala. Oraziun do la comuniun

271 2 Corinć 4, 11

Signur, nosc Dî, dasse, tres i misters ch’i ùn recioiü, le Spirit dla forza, ch’i stunse ite cun coraje sciöche san Cornêl y san Ziprian por la verité dl vagnele. Do chësc te periunse por Crist, nosc Signur. – Amen.

20 de setëmber

SANT ANDRÈ KIM TAEGON Y SAN PAUL CHONG HASANG Y COMPAGNS Antifona dal ingrès

Por amur a Gejù ài spanü so sanch; śëgn regnëii cun ël tl’eternité.

Oraziun dl dé

Periun! Oh Dî, creatur y salvëza de döta la jënt, che t’as cherdè i fis dla tera coreana a fà pert de to popul y che t’as incultè la somënza dla fede cristiana cun le sanch di màrtiri sant Andrè Kim, san Paul Chong y compagns, renovëia i mirachi de to Spirit y conzédesse inće a nos, por so ejëmpl y por süa interzesciun, la forza de t’ester fedei ćina ala mort. Por nosc Signur Gejù Crist, to Fi, che é Dî y vir y regnëia cun tè tl’unité dl Spirit Sant por düć i secui di secui. – Amen.

PRÖMA LETÖRA Letöra dal secundo liber di Macabês En chi dis 1 él sozedü, ch’an à pié set fredesc adöm cun süa uma.

2 Macabês 7, 1–2.7a.9–14

272

Sant Andrè Kim, san Paul Chong y compagns

Le re Antìocus orô i sforzè, cuntra la lege divina, da mangé ćern de porcel, y i à lascè ciavatè cun scoriades y juntles. 2 Un de chi à tut por i atri la parora y à dit: Ćî oste pa nes damanè y savëi da nos? Plülere moriunse, co jì sura la lege de nüsc peri fora. 7a Do che le pröm di fredesc ê mort, ài condüt le secundo ala tortöra. 9 Canche le secundo ê ti ultimi süsć, àl dit: Tö scelerè! Tö nes toles chësta vita; mo le re dl monn nes ressuscitarà a na vita nöia eterna, deach’i sun morć por sües leges. 10 Do da chël ài tortorè le terzo. Canch’ai orô süa lënga, l’àl atira petada fora y ti à tignì ia cun coraje les mans. 11 Laprò dijôl cun fremëza: Dal cil les ài ciafades, y por gauja de sües leges ne les sconi nia. Da d’ël speri de les ciafè indô derevers. 12 Ćinamai le re y süa jënt amirâ le coraje dl jonn, che ne se fajô nia d’infora dl mè. 13 Do ch’al ê mort, ài tichiné y maltratè le cuarto ala medema manira. 14 Chësc à dit, canch’al ê daimprò ala fin: Idî nes à dè la speranza, che al nes ressuscitarà indô. A chësc se confortunse, sc’i moriun por man de jënt. Por tè indere ne n’él degöna ressoreziun ala vita. Parora de Dî. – Rengraziun Idî! Salm de resposta

Ćiarćede y odede tan bun che le Signur é! – R

Salm 34 (33)

I ô aprijé demeztrù le Signur; * tres sides so lalt te mia boćia.

Mia anima se gloriëies tl Signur; * i püri dess l’aldì y se confortes. – R

Glorifichede cun mè le Signur, * i orun renomè so inom deboriada.

I à chirì le Signur y al m’à ejaudì, * al m’à tut vigni tëma. – R

(VIII)

Sant Andrè Kim, san Paul Chong y compagns

Atlamaziun dal vagnele

273

Ćiarede sö dal Signur y osc müs lominarà, * y i n’ëis nia bria de avëi dodanza.

Chilò él n püre; / al à cherdè y le Signur l’à ejaudì. * Al l’à daidé fora de döta süa meseria. – R

L’agno dl Signur ćiara de düć chi che le tëm y l’onorëia, * y al i delibrëia.

Ciarćede y odede tan bun che le Signur é; * bëgn se sta chël che pro d’ël s’un sciampa! – R

Temede le Signur, os sü sanć; * deache a chël che le tëm n’él nia che ti manćia.

I rić à da s’un stè fora y da se doré fan; * mo chël che chir le Signur n’à màngora de nia. – R

Alleluia. Alleluia. Matî 5, 10 Beâć chi che vëgn porseghità por gauja dla iustizia; deache de chi é le rëgn dl cil. Alleluia.

VAGNELE Dal vagnele do san Jan – Gloria a té, Signur! Te chël tëmp à Gejù dit a sü discepui: 18 Sce le monn ves à le sënn, spo desses savëi, ch’ai m’à bele albü le sënn denant co a os. 19 Sc’i descenesses dal monn, ves oress le monn bun sciöche süa proprieté. Mo deach’i ne descenëis nia dal monn y deach’i ves à chirì fora dl monn, porchël ves à le monn le sënn. 20 Ponsede ala parora ch’i ves à dit: Le stlâf ne n’é nia maiù co so patrun. Sc’ai à porseghité mè, ves porseghitarai inće os; sc’ai s’à tignì a mia parora, se tignarài inće a osta parora. 21 Döt chësc ves fajarài por gauja de mi inom; deach’ai ne conësc nia chël che m’à menè. Parora dl Signur. – Lalt a té, Gejù Crist!

Jan 15, 18–21

274

Söles ofertes

San Matî, apostul y vagnelist

Dî onipotënt, ćiara cun buntè sön l’oferta de to popul y por l’interzesciun di màrtiri coreans Andrè, Paul y compagns trasformëiesse inće nos te n sacrifize che te plej por la salvëza dl monn. Do chësc te periunse por Crist, nosc Signur. – Amen.

Antifona Chël che me reconësc dan dala jënt, dala comuniun chël reconesciarai inće iö dan da mi Pere tl cil. Oraziun do la comuniun

Matî 10, 32

Dî, nosc Pere, che te nes as nudrì cun le pan dl cil en chësc santù di màrtiri Andrè, Paul y compagns, dëidesse da ti jì do a to Fi cun le medemo ardur, ch’i colaurunse tla Dlijia ala salvëza dl monn. Do chësc te periunse por Crist, nosc Signur. – Amen.

21 de setëmber

SAN MATÎ, APOSTUL Y VAGNELIST Antifona dal ingrès

Insciö dij le Signur: Matî 18, 19–20 Jide da düć i popui y fajede fora de döta la jënt mi discepui; batiedi y insignedi da osservè döt ći ch’i ves à racomanè.

Oraziun dl dé

Periun! Dî misericordius, t’as menè to Fi a chirì y a salvè ći che ê pordü; te so amur misericordius àl cherdè le publican Matî a ester apostul dl vagnele. Dëidesse, por süa interzesciun, söl tru da ti jì do a Crist sciöche ël ti é jü dô. Do chësc te periunse por nosc Signur Gejù Crist, to Fi, che é Dî y vir y regnëia cun tè tl’unité dl Spirit Sant por düć i secui di secui. – Amen.

San Matî, apostul y vagnelist

PRÖMA LETÖRA

275 Efejins 4, 1–7.11–13

Letöra dala lëtra de san Paul ai Efejins Fredesc y sorus! 1 Iö, ch’i sun por gauja dl Signur te porjun, ves ejortëii de vire na vita che sides dëgna dla cherdada ch’i ëis ciafè. 2 Viede tla scemplité, chiride la pêsc y ede paziënza, soportésse un l’ater tl amur 3 y ćiarede de mantignì l’unité dl Spirit tres la pêsc che ves tëgn adöm. 4 Un n corp y un n spirit, sciöch’i sëis inće cherdà a öna na speranza dala vocaziun ch’i ëis deboriada; 5 un n Signur, öna na fede, un n bato, 6 un n Dî y Pere de düć che é sura döt y tres döt y te döt. 7 Mo vignun de nos à ciafè la grazia te chë mosöra che Crist ti l’à scincada. 11 Y al n’à metü n valgügn sciöche apostui, d’atri sciöche profeć, d’atri sciöche vagnelisć, d’atri sciöche famëis y maestri, 12 por arjigné i fredesc a so sorvisc, por l’edificaziun dl corp de Crist. 13 Insciö désson rové düć al’unité tla fede y ala conescënza dl Fi de Dî, por ch’i rovunse ala perfeziun do la figöra de Crist tla forma de döta süa plenëza. Parora de Dî. – Rengraziun Idî! Salm de resposta

Jide fora te döt le monn, y incundede le vagnel! – R

Salm 19 (18)

I cii renomëia la gloria de Dî, * (VIII) dl’opra de sües mans él le firmamënt che tlama.

N dé ti al dij al ater, * na nöt ti al cunta al’atra. – R

Zënza parores indere y zënza cuntìes, * süa usc degügn ne n’alda.

5ab

Mo süa noela va fora te döt le monn. * süa noela ćina söi confins dla tera. – R

276

Atlamaziun dal vagnele

San Matî, apostul y vagnelist

Alleluia. Alleluia. Tè, oh Dî, te laldunse, tè, oh Signur, t’aprijunse; tè te glorifichëia le cor glorius di apostui. Alleluia.

VAGNELE

Matî 9, 9–13

Dal vagnele do san Matî – Gloria a té, Signur! Te chël tëmp canche Gejù ê jü inant 9 àl odü n ël che â inom Matî, sentè pro le daz, y ti à dit: Vì do a mé! Dailò é Matî lovè sö y ti é jü do. 10 Y tratan che Gejù ê te süa ćiasa pro mësa, gnôl tröc publicans y pićiadus y mangiâ deboriada cun ël y cun sü discepui. 11 Canche i farisês â odü chësc, ti ài dit a sü discepui: Cô po pa osc maester mangé deboriada cun publicans y pićiadus? 12 Al â aldì chësc y à dit: Nia i sagns n’à debojëgn dl mede, mo i amarà. 13 Porchël imparede ći ch’al ô dì: Misericordia ôi, nia sacrifizi. Nia por cherdè i iüsć ne sunsi gnü, mo i pićiadus. Parora dl Signur. – Lalt a té, Gejù Crist! Söles ofertes

Dî, nosc Pere, en la festa de san Matî gnunse da tè cun nostes oraziuns y nostes scincundes. T’as fondè y renforzè la Dlijia tla fede cun la pordicaziun di apostui. Nudrësc to popul cun la parora dla verité y renfôrzele cun le pan dla vita. Do chësc te periunse por Crist, nosc Signur. – Amen.

Antifona dala comuniun

Nia por cherdè i iüsć ne sunsi gnü, mo i pićiadus – dij le Signur.

Matî 9, 13

San Pio da Pietrelcina

Oraziun do la comuniun

277

Dî onipotënt, te chësta zelebraziun nes daste inće a nos la ligrëza che le publican Matî à albü canche le Signur ê gnü a past te süa ćiasa. Làscesse dagnora ester ghesć pro la mësa de to Fi, che é gnü a ne cherdè nia i iüsć, mo i pićiadus. Do chësc te periunse por Crist, nosc Signur. – Amen.

23 de setëmber

SAN PIO DA PIETRELCINA Antifona dal ingrès Oraziun dl dé

Ćiantéi al Signur na ćiantia nöia, ćiodich’al à fat opres demorvëia!

Salm 98 (97), 1

Periun! Dî onipotënt y etern, te tüa grazia aste lascè tó pert san Pio da Pietrelcina ala crusc de to Fi. Cun so sorvisc aste renovè i mirachi de tüa misericordia. Liëiesse, por süa interzesciun, ala pasciun de Crist ch’i podunse rové confidënć tla gloria dla ressoreziun. Do chësc te periunse por nosc Signur Gejù Crist, to Fi, che é Dî y vir y regnëia cun tè tl’unité dl Spirit Sant por düć i secui di secui. – Amen.

PRÖMA LETÖRA Letöra dala lëtra de san Paul ai Gàlać Fredesc y sorus! 19 Tres la lege ti sunsi iö mort ala lege, por ch’i vires por Idî. I sun gnü metü sön la crusc cun Crist, 20 y i ne sun nia plü iö ch’i viri, mo Crist vir te mè. Tan inant ch’i viri śëgn ćiamò te chësc monn, viri tla fede tl Fi de Dî che m’à orü bun y che s’à dè ia por mè. Parora de Dî. – Rengraziun Idî!

Gàlać 2, 19–20

278

San Pio da Pietrelcina

Salm de resposta

Fortuné chël che va do i trus de Dî. – R

Salm 128 (127) 1

Fortuné l’ël che tëm le Signur y l’onorëia * y che va do sü trus sciöch’al alda.

(IV)

Ći che tües mans à laurè decà poste te gode; * fortuné, bun te jaràra. – R

Sciöche na planta frutuënta d’üa é tüa fomena * laìte te tüa ćiasa. Sciöche lëgns jogn d’orì * é tü mituns incër tüa mësa. – R

Atlamaziun dal vagnele

Insciö vëgn benedì l’ël, * che tëm le Signur y l’onorëia.

Al te benedësces le Signur da Sionn infora. * Por döta tüa vita désste odëi de Ierùsalem la fortüna. – R

Alleluia. Alleluia. Lüca 21, 36 Stede muntri y periede demeztrù, ch’i sciafiëise da ti sciampè a döt ći che sozedarà y ch’i podëise ves presentè dan dal Fi dl Om. Alleluia.

VAGNELE Dal vagnele do san Matî – Gloria a té, Signur! Te chël tëmp 24 ti à Gejù dit ai discepui: Chël che ô ester mi discepul, s’un desdijes de sè instës, toles süa crusc sön ël y me vëgnes do. 25 Deache chël che ô salvè süa vita, la pordarà; mo chël che perd la vita por mia gauja, la davagnarà. 26 Ćî ti jôl pa a n chestian, sc’al davagna döt le monn, y perd laprò süa vita? A ćî prîsc po pa n chestian cumprè derevers süa vita? 27 Le Fi dl Om gnarà cun sü agnui tla gloria de so Pere y ti retarà a vignun, sciöche sües opres s’al mirita. Parora dl Signur. – Lalt a té, Gejù Crist!

Matî 16, 24–27

San Claus da Flüe

279

Söles ofertes

Dî misericordius, les ofertes ch’i te portun dant, en chësc dé de recort de san Pio da Pietrelcina, dess ester n sëgn de tüa potënza y tüa grandëza. Le festejamënt de chësc sacrifize nes fejes dëgns di früć dla redenziun. Do chësc te periunse por Crist, nosc Signur. – Amen.

Antifona dala comuniun

Ćiarćede y odede tan bun che le Signur é. Beât le chestian che pro d’ël s’un sciampa.

Oraziun do la comuniun

Signur, nosc Dî, por le sorvisc fedel a süa comunité ti aste dè a san Pio da Pietrelcina la corona dla vita. Le sacramënt, ch’i ùn recioiü, nes dais la forza de operè zënza lascè do por le bëgn de nosc proscim. Do chësc te periunse por Crist, nosc Signur. – Amen.

Salm 34 (33), 9

25 de setëmber

SAN CLAUS DA FLÜE Antifona dal ingrès

Dër dalunc oressi m’un sciampè y palsè tl desert. Salm 55 (54), 8.10 Deache tla cité ne vëighi nia co violënza, tumult y stritaries.

Oraziun dl dé

Periun! Signur, nosc Dî, gnon do a tüa cherdada, à san Claus da Flüe lascè indô familia y avëi por jì a vire mâ por tè su tla surité; tö indere l’as lascè deventè n aconsiadù por tröc y n apajadù dla pêsc. Por süa interzesciun tol demez da nos ći che nes despartësc da tè y fà fora de nos stromënć de pêsc. Do chësc te periunse por nosc Signur Gejù Crist, to Fi, che é Dî y vir y regnëia cun tè tl’unité dl Spirit Sant por düć i secui di secui. – Amen.

280

San Claus da Flüe

PRÖMA LETÖRA

Romans 14, 17–19

Letöra dala lëtra de San Paul ai Romans Fredesc y sorus! 17 Le rëgn de Dî ne n’é nia mangé y bëre, al é iustizia, pêsc y ligrëza tl Spirit Sant. 18 Y chël che sorvësc Crist insciö vëgn reconesciü da Idî y stimé dala jënt. 19 I orun porchël tingé do ći che porta pro ala pêsc y al’edificaziun dla comunité. Parora de Dî. – Rengraziun Idî! Salm de resposta

Mia anima à sëi do tè, mi Dî. – R

Salm 63 (62)

Dî, tö mi Dî, i te chiri, * do tè à sëi mia anima.

(II)

Do tè süsta mi corp, * sciöche tera sëćia y süta zënza ega. – R

Atlamaziun dal vagnele

Porchël ôi jì a chirì to santuare, * por odëi tüa gloria y tüa potënza.

Deache tüa tlemënza vel deplü co la vita; * porchël él mi slefs che t’aprijëia. – R

I ô te renomè por döta mia vita, * te to inom ôi tignì mies mans alzades.

Chëra é mia ligrëza, * sce cun slefs iubilënć po te laldè mia boćia. – R

I pënsi a té de nöt ponü te mi let, * i sun surapinsier y ne ciafi nia tria.

Scê, tö es deventè mi aiüt; * iubilé poi tl’ambria de tües ares. – R

Alleluia. Alleluia. Salm 55 (54), 23 Sciüra tü fistidi sön le Signur, al te tëgn impé. Le iüst ne làscel mai ciancantè. Alleluia.

VAGNELE Dal vagnele do san Matî – Gloria a té, Signur! 27

Te chël tëmp ti à Pire dit a Gejù: Te sas ch’i ùn lascè döt y ch’i te sun gnüs dô.

Matî 19, 27–29

San Vinzënz de Paul

281

Ćî ciafunse pa porchël? 28 Gejù ti à respognü: Amen, i ves diji: Canche le monn vëgn cherié danü y le Fi dl Om se sentarà söl tronn dla gloria, se sentarëise os, ch’i me sëis gnüs dô, sön dodesc tronns y i iudicarëis les dodesc tribus de Israel. 29 Y vignun, che à, por gauja de mi inom, lascè indô o ćiases o fredesc, o sorus, o pere, o uma, o mituns, o ćiamps, ciafarà lassura cënt iadi tan y davagnarà la vita eterna. Parora dl Signur. – Lalt a té, Gejù Crist! Söles ofertes

Oh Dî, tol sö nosta oferta y làscesse esperimentè to amur ch’i te sorviunse do l’ejëmpl de san Claus da Flüe cun n cör nët y generus a lalt de to inom y ch’i ciafunse insciö i bëgns dla salvëza. Do chësc te periunse por Crist, nosc Signur. – Amen.

Antifona dala comuniun

Beâć chi che se dà da fà por la pêsc, deach’ai gnarà tlamà fis de Dî.

Oraziun do la comuniun

Dî onipotënt, che te chësc sacramënt nes daste la forza de to Spirit, insëgnesse, cun l’ejëmpl de san Claus da Flüe, da te chirì dan da dötes les atres cosses, ch’i podunse tó pert a tüa vita imortala. Do chësc te periunse por Crist, nosc Signur. – Amen.

Matî 5, 9

27 de setëmber

SAN VINZËNZ DE PAUL Antifona dal ingrès

Le Spirit dl Signur é sön mè, deache le Signur m’à unt. Lüca 4, 18 deache le Signur m’à unt. Al m’à menè a ti portè ai püri la noela dla salvëza y a varì düć chi che à le cör a tera.

282

San Vinzënz de Paul

Periun! Dî misericordius, t’as cherdè san Vinzënz de Paul a daidé i püri y a fistidié por la formaziun de proi lezitënć. Scìnchesse inće a nos ardur apostolich, fa ch’i odunse la meseria y i bojëgns di püri y ch’i sunse orentis da i daidé. Do chësc te periunse por nosc Signur Gejù Crist, to Fi, che é Dî y vir y regnëia cun tè tl’unité dl Spirit Sant por düć i secui di secui. – Amen.

Oraziun dl dé

PRÖMA LETÖRA

1 Corinć 1, 26–31

Letöra dala pröma lëtra de san Paul ai Corinć 26

Conscidrede pö osta vocaziun, fredesc! Danter os ne n’él nia tröc sapiënć do l’odüda dl monn, nia tröc potënć, nia tröc nobli, 27 mo Idî à chirì fora ći che é da tec tl monn, por mëte ala nia i sapiënć. 28 Idî à chirì fora ći che é debl tl monn, por mëte ala nia ći che é sterch. Dî à chirì fora ći che é da püch y desprijé tl monn, ći che ne n’é da nia, por desfà ći che é da val’, 29 por che degun chestian ne pois se glorié dan da Idî. 30 Da d’ël infora sëise os te Crist Gejù, che Idî à metü a ester por os sapiënza, iustizia, santificaziun y redenziun. 31 Chël che ô se glorié, se gloriëies tl Signur; insciö stal bele scrit tla Scritöra. Parora de Dî. – Rengraziun Idî! Salm de resposta

Fortuné chël che va do i trus de Dî! – R

Salm 112 (111) 1

Beât le chestian che tëm le Signur y l’onorëia * y che por sü comandamënć sint ligrëza.

Süa descendënza vëgn potënta söla tera, * la generaziun di iüsć vëgn benedida. – R

Bëgnester y richëza implësc süa ćiasa, * süa salvëza döra por dagnora.

(IV)

San Vinzënz de Paul

Atlamaziun dal vagnele

283

Ai iüsć tl scür na löm ti lomina: * le Dî dla grazia, dla misericordia y dla iustizia. – R.

Fortuné é le chestian de cör arjigné da sporje aiüt, * che tëgn sües cosses apost sciöch’al alda.

Mai ne ciancantaràle, * dl iüst se recordaran dagnora. – R

De gnì descredité ne n’àl degöna pôra; * so cör é frëm, tl Signur confìdel.

Al ti scinca cun mania leria ai püri, / süa iustizia döra por dagnora; * süa potënza vëgn onorada. – R

Alleluia. Alleluia. Jan 10, 14 Iö sun le bun famëi, iö conësci i mi y i mi conësc mè. Alleluia.

VAGNELE

Matî 9, 35–38

Dal vagnele do san Matî – Gloria a té, Signur! Te chël tëmp 35 rodâ Gejù fora por dötes les citês y i paîsc, insignâ tles sinagoghes, incundâ le vagnele dl rëgn y varî dötes les maraties y les soferënzes. 36 Canche Gejù odô na te’ meja de jënt, s’la menâl pićé; deache ai ê stanć y menà pro sciöche bisces che n’à degun famëi. 37 Dailò ti àl dit a sü discepui: La racoiüda é grana, mo al é mâ püć oras. 38 Periede porchël le patrun dla racoiüda, ch’al ürties lauranć por süa racoiüda. Parora dl Signur. – Lalt a té, oh Crist! Söles ofertes

Dî misericordius, to sorvidù Vinzënz de Paul ne n’à nia ma zelebrè i misters divins, mo al à inće tut d’infora la forza por vire. Conzédesse, cun chësc sacrifize, la grazia ch’i deventunse na oferta che te plej. Do chësc te periunse por Crist, nosc Signur. – Amen.

284

San Michil, san Gàbriel, san Ràfael

Antifona dala comuniun

I orun rengrazié le Signur por süa tlemënza, Salm 107 (106), 8–9 por sües opres demorvëia a bëgn dla jënt. Al pascentëia le dejier dl assetè y implësc de bëgns l’arfamè.

Oraziun do la comuniun

Signur, nosc Dî, to Fi é gnü a ti incundé ai püri la bona noela. La forza de to corp y de to sanch nes deures le cör por la meseria tl monn y nes dëides, do l’ejëmpl de san Vinzënz de Paul, da dè inant l’amur cun chël che tö nes as tut sö sciöche fis. Do chësc te periunse por Crist, nosc Signur. – Amen.

29 de setëmber

SAN MICHIL, SAN GÀBRIEL, SAN RÀFAEL; ARCAGNUI Antifona dal ingrès

Laldede le Signur, os sü agnui, os eroi gaierć, ch’i ademplis sü comani y ti olghëis a süa parora.

Oraziun dl dé

Periun! Oh Dî, che te chërdes i agnui y la jënt a cooperè te to dessëgn de salvëza, conzédesse a nos peregrins sön chësta tera la proteziuns di spirić beać, che sta tl cil dan da tè a te sorvì y a contemplè la gloria de to müs. Do chësc te periunse por nosc Signur Gejù Crist, to Fi, che é Dî y vir y regnëia cun tè tl’unité dl Spirit Sant por düć i secui di secui. – Amen.

PRÖMA LETÖRA Letöra dal liber dl profet Daniel 9

Iö, Daniel, à odü te na vijun de nöt: Al gnô metü sö tronns y n atempè s’â sentè lassura. So guant ê blanch sciöche la nëi, sü ćiavëis sciöche lana fina.

Salm 103 (102), 20

Daniel 7, 9–10.13–14

San Michil, san Gàbriel, san Ràfael

285

Flames de füch ê so tronn y les rodes ê sciöche flöta. 10 N rü de füch piâ ia da d’ël. Diescmile miriàdes le sorvî. La signorìa s’â sentè y al ê gnü daurì sö libri. 13 I â tres ćiamò vijiuns de nöt. Dailò nen gnôl un sön i nii dl cil, un sciöche n fi de jënt. Al ê rové ćina dal atempè y ê gnü condüt dan da d’ël. 14 Al ti ê gnü dè potënza, dignité y regnanza. Düć i popui, les naziuns y i lingac mëss le sorvì. Süa regnanza é na regnanza eterna che ne passa nia. So rëgn ne gnarà mai desdrüt. Parora de Dî. – Rengraziun Idî! o bëgn:

Letöra dala Revelaziun de san Jan 7

Tl cil él saltè fora n combatimënt: Michil y sü agnui s’à metü a combate cuntra le dragun. Le dragun y sü agnui combatô, 8 mo ai n’ê nia bugn da s’la fà varëi y à pordü so post tl cil. 9 Al é gnü scombatü, le gran dragun, la bisca vedla, che à inom malan y sàtann y mëna al mal döt le monn; le dragun é gnü sciuré söla tera, y cun ël él gnü sciuré jö sü agnui. 10 Dailò ài iö aldì cherdan dadalt na usc tl cil: Śëgn éra chilò la vitoria salvënta, la potënza y la regnanza de nosc Dî y la potesté de so Consacrè; deache rosedè é gnü l’acusadù de nüsc fredesc, chël che i plurâ dé y nöt dan da nosc Dî. 11 Ai l’à devënt cun le sanch dl Agnel y cun süa parora y testemonianza, y n’à tignì nia sön süa vita ćina ala mort. 12a Porchël iubilede, os cii, y düć chi che abitëia laìte. Parora de Dî. – Rengraziun Idî!

Revelaziun 12, 7–12a

286

San Michil, san Gàbriel, san Ràfael

Salm de resposta

L’inom dl Signur sides laldè śëgn y döta l’eternité. – R

Salm 138 (137) 1

De cör dilan te diji, * (III) i ô ćiantè y sonè a té dan dai agnui;

i ô me petè jö tl vers de to santuare* y rengrazié to inom por tüa fedelté y tlemënza. – R T’as aldì les parores de mia boćia. * Sura döt aste glorifiché to inom y tüa parora.

Atlamaziun dal vagnele

Te m’ejaudësces canch’i te chërdi; * a mia anima ti daste tröpa forza. – R

Le Signur é alangrana; / impò ćiàrel sön i püri * y dalunc conëscel fora i superbi.

Signur, tüa tlemënza döra por dagnora. * L’opra de tües mans no lascè sóra! – R

Alleluia. Alleluia. Laldede le Signur, dötes sües schires, sü sorvidus, ch’i fajëis süa orentè! Alleluia.

Salm 103 (102), 21

VAGNELE Dal vagnele do san Jan – Gloria a té, Signur! Te chël tëmp 47 à Gejù odü Natànael gnon pormez y à dit porsura ël: Chilò vëgnel n dër Israelit, n ël zënza falsité. 48 Natànael l’à damanè: Da olâ me conësceste pa? Gejù ti à respognü: Bele denant che Filipo t’ais cherdè, t’ài odü sot le lëgn da fighi. 49 Natànael ti à respognü: Rabbi, tö es le Fi de Dî, tö es le re de Israel! 50 Gejù ti à respognü: Tö crëies, deach’i t’à dit, ch’i t’à odü sot le lëgn da fighi? T’odaras ćiamò val’ de maiù. 51 Y al ti à dit: Amen, amen, i ves diji: I odarëis le cil davert y i agnui de Dî jon sö y jö sura le Fi dl Om. Parora dl Signur. – Lalt a té, oh Crist!

Jan 1, 47–51

San Iarone

287

Söles ofertes

Signur, nosc Dî, i te portun dant nostes ofertes por le sacrifize de lalt. Tü agnui dess les portè dan da to müs, azetëieles cun buntè y scìnchesse lassura tüa salvëza. Do chësc te periunse por Crist, nosc Signur. – Amen.

Antifona dala comuniun

Signur, i ô te dì dilan de döt le cör, y ćiantè y sonè a té dan dai agnui.

Oraziun do la comuniun

Dî misericordius, te nes as renforzè cun le pan dl cil. Làscesse, cun la forza de chësta spëisa y sot la proteziun de tü agnui sanć jì inant söl tru dla salvëza. Do chësc te periunse por Crist, nosc Signur. – Amen.

Salm 138 (137), 1

30 de setëmber

SAN IARONE Antifona dal ingrès

Le liber dla lege sides tres sön tü slefs; meditëia d’infora dé y nöt, por che t’ademplësces döt avisa ći ch’al sta scrit laìte. Spo araste fortüna y suzès sön to tru.

Oraziun dl dé

Periun! Dî onipotënt, t’as implì san Iarone cun n amur apascionè por la Sacra Scritöra. Dèuresse inće nosc cör a tüa parora ch’i ciafunse laìte la fontana dla vita. Do chësc te periunse por nosc Signur Gejù Crist, to Fi, che é Dî y vir y regnëia cun tè tl’unité dl Spirit Sant por düć i secui di secui. – Amen.

Iosia 1, 8

288

San Iarone

PRÖMA LETÖRA

2 Timòteus 3, 14–17

Letöra dala secunda lëtra a Timòteus Mi fi! 14 Sta pro ći che t’as imparè y pro ći che t’es sigü de savëi. Tö sas da chê che te l’as imparè; 15 deache te conësces da pice insö les sacres scritöres, che é bones da t’istruì, por che te vëgnes salvè, tres la fede te Crist Gejù. 16 Vigni scritöra ispirada da Idî é inće d’ütl por l’istruziun, la convinziun, la coreziun y l’educaziun tla iustizia. 17 Insciö sarà le chestian de Dî orentí y arjigné por vigni bona opra. Parora de Dî. – Rengraziun Idî! Salm de resposta

Signur, insëgneme tües leges! – R

Salm 119 (118) 9

Cô va pa n jonn por so tru zënza fal? * Sc’al se tëgn a tüa parora.

10 11

Atlamaziun dal vagnele

(II)

Cun döt le cör te chiri. * No me lascè jì demez da tües normes. – R I me tëgni tl cör tüa parora; * che cuntra tè pićé i ne fejes.

Aprijé sìdeste, Signur! * Insëgneme tües leges! – R

Cun mi slefs incündi * dötes les sentënzes de tüa boćia.

Da vire do tües leges * ài plü ligrëza co cun n gran avëi. – R

Alleluia. Alleluia. confr. Storia di Apostui 16, 14b Signur, dèuresse le cör, ch’i ascutunse les parores de to Fi. Alleluia.

San Iarone

289

VAGNELE

Matî 13, 47–52

Dal vagnele do san Matî – Gloria a té, Signur! Te chël tëmp ti à Gejù dit ala meja: 47 Cun le rëgn dl cil éra inće sciöche cun na rëi ch’an à sciuré tl mer por pié de vigni sort de pësc. 48 Canch’ara ê plëna, l’à i pesciadus trata sön spona; ai s’à sentè, à chirì fora i bugn pësc y i à metü te cësć, mo i stleć ài sciuré demez. 49 Insciö saràra inće ala fin dl monn: Al gnarà i agnui y cernarà i ri dai iüsć 50 y i sciurarà tl furn lorënt. Dailò tirarai ürli y rotarai i dënz. 51 Ëise capì döt chësc? Ai à respognü: Scê. 52 Spo ti àl dit: Vigni studié dla Scritöra, che é deventè n discepul dl rëgn dl cil, ti somëia a n patrun de ćiasa che tol fora de so gran avëi cosses nöies y cosses vedles. Parora dl Signur. – Lalt a té, Gejù Crist! Söles ofertes

Azeta, Signur, nostes scincundes y fa ch’i se lasciunse iluminé, do l’ejëmpl de san Iarone, tres indô danü da tüa parora, ch’i junse tres plü ion pormez a to altè a festejé le sacrifize dla salvëza. Do chësc te periunse por Crist, nosc Signur. – Amen.

Antifona dala comuniun

Sc’al gnô parores da tè, les dlotîi; tüa parora ê por mè fortüna y ligrëza tl cör; deache to inom é gnü tlamè fora sura mè, Signur, Dî dles armades.

Oraziun do la comuniun

Dî misericordius, en la festa de san Iarone unse ciafè tües scincundes. Cun süa forza dëidesse ascutè, capì y realisé tüa parora y insciö rové tres plü daimprò da tè. Do chësc te periunse por Crist, nosc Signur. – Amen.

Ieremia 15, 16

290

Santa Tarejia dl Bambin Gejù

1 de otober

SANTA TAREJIA DL BAMBIN GEJÙ Antifona dal ingrès

Le Signur s’un à tut sura y à ćiarè de d’ëra, cfr. Deutoron. 32, 10–12 sciöche la cogora de sü edli l’àl vardada. Sciöche n variöl àl destenü fora sües plömes, l’à tuta y l’à portada sön sües ares. Le Signur su l’à condüta.

Oraziun dl dé Periun!

Dî, nosc Pere, che te i deures les portes de to rëgn ai umii y ai pici: Mënesse por le tru dl’umilté y dla confidënza che te i as mostrè a santa Tarejia. Completëia, por süa interzesciun, inće nosta vita te tüa gloria y làscesse odëi to müs. Do chësc te periunse por nosc Signur Gejù Crist, to Fi, che é Dî y vir y regnëia cun tè tl’unité dl Spirit Sant por düć i secui di secui. – Amen. PRÖMA LETÖRA Letöra dal liber de Isaìa 10

Ralegrèsse cun Ierùsalem! Iubilede, os düć, ch’i ti orëis bun a nosta cité. Sëise ligri impara, os düć, ch’i ëis albü la ria por ëra. 11 Ciucede ćina ch’i n’ëis assà prò so piet consolënt, boiede y pascentésse pro süa richëza materna. 12 Deache insciö dij le Signur: Ćiarede: I ti oji pormez la pêsc sciöche na gran ega y la richëza di popui sciöche n rü rauscënt. Sü mituns portaran sön i brac y an i nainarà sön i jenëdli. 13 Sciöche na uma consolëia so möt, insciö ves consolëii iö os; te Ierùsalem ciafëise consolaziun. 14abc Canch’i odëis chësc, se ralegrarà osc cör, y i floriarëis sö sciöche erba frëscia. Insciö se manifestëia la man dl Signur a sü fanć. Parora de Dî. – Rengraziun Idî!

Isaìa 66, 10–14c

Santa Tarejia dl Bambin Gejù

291

Salm de resposta

Signur, tö es mia pêsc; pro tè me sinti bëgn. – R

Salm 131 (130) 1

Signur, mi cör n’é nia superbe, * nia altafora ne ćiara mi edli.

(VIII)

I ne branći nia do cosses dër demorvëia * y che é por mè massa altes. – R

Atlamaziun dal vagnele

I à lascè gnì mia anima calma y chîta; * ara é chîta sciöche n pice möt pro la uma.

Ìsrael spera tl Signur *

śëgn y dagnora. – R

Alleluia. Alleluia. confr. Matî 11, 25 Sìdeste aprijé, Pere, Signur dl cil y dla tera; te i as revelè i misters dl rëgn ai pici. Alleluia.

VAGNELE

Matî 11, 25–30

Dal vagnele do san Matî – Gloria a té, Signur! 25

Te chël tëmp à Gejù dit: I t’aprijëii, Pere, Signur dl cil y dla tera, ćiodiche döt cant chësc ti aste ascognü ai sapiënć y ai scicà y ti al as revelè ai pici. 26 Scê Pere, insciö t’àra plajü. 27 Döt m’é gnü surandè da mi Pere; degügn ne conësc le Fi, mâ le Pere, y degügn ne conësc le Pere, mâ le Fi y chël, a chël che le Fi ti l’ô revelè. 28 Gnide düć da mè, os ch’i se cruziëis y ch’i ëis tröp da portè. Iö ves darà palsa. 29 Tolede mi ju sön os y imparede da mè; deache iö sun bun y umil de cör; insciö ciafarëise tria por osta anima. 30 Deache mi ju ne drüca nia y mi pëis é lisier. Parora dl Signur. – Lalt a té, Gejù Crist! Söles ofertes

I t’aprijun, Signur, deache t’es gran te tü sanć. La vita de santa Tarejia t’à plajü te süa dediziun a to amur misericordius. Cun chëstes ofertes tol sö inće nosc sorvisc. Do chësc te periunse por Crist, nosc Signur. – Amen.

292

Agnui Custodi

Antifona dala comuniun

Sc’i ne dëis nia ota y ne gnëis nia sciöch’i mituns, Matî 18, 3 ne sciafiëise nia da rové tl rëgn dl cil.

Oraziun do la comuniun

Dî misericordius, chësc sacramënt descëdes te nos la forza dl amur da nes surandè deplëgn a té y da implorè, do l’ejëmpl de santa Tarejia, sön döta la jënt tüa misericordia. Do chësc te periunse por Crist, nosc Signur. – Amen.

2 de otober

I AGNUI CUSTODI Antifona dal ingrès

Aprijede le Signur, os agnui dl Signur; laldédele y renomédele tl’eternité.

Daniel 3, 59

Oraziun dl dé Periun!

Dî, te tüa providënza fistidiëieste por döt ći che t’as cherié. Mënesse tü agnui sanć a nes daidé, ch’ai ćiares de nos sön nüsc trus, y scìnchesse tl’uniun cun ëi tüa ligrëza eterna. Do chësc te periunse por nosc Signur Gejù Crist, to Fi, che é Dî y vir y regnëia cun tè tl’unité dl Spirit Sant por düć i secui di secui. – Amen. PRÖMA LETÖRA Letöra dal liber dl Èsod. Insciö dij le Signur: 20 I ortiarà n agno, che te jarà danfora. Al dess ćiarè de tè sön to iade y te condüje te chël post ch’i à destiné. 21 Mëti averda y ascuta süa usc! No te lascè sö cuntra d’ël! Al ne le soportass nia, sc’i se lascëis sö, deache te ël é mi inom presënt. 22 Sce t’ascutes süa usc y te fejes döt ći ch’i te diji,

Èsod 23, 20–23a

Agnui Custodi

293

spo sarài le nemì de tü nemisc y i tignarà jö düć chi che te tribolëia. 23a Mi agno te jarà danfora. Parora de Dî. – Rengraziun Idî! Salm de resposta

Al comana sü agnui de ćiarè de tè sön to iade. – R

Salm 91 (90)

Chël che abitëia al sigü pro l’Altiscim * y tl’ambria dl Onipotënt chir palsa,

chël ti dij al Signur: / "Tö es por mè assosta y fortëza, * mi Dî, te chël ch’i confidi." – R

Al te delibrëia fora dl lac dla ćiacia * y fora de vigni desgrazia.

Al te cür cun sües ares, / sot sües plömes poste t’ascogne, * süa fedelté é por tè scu y parëi. – R

Dal spavënt dla nöt n’aste nia bria de avëi pôra, * nia dala saìta che de dé jora,

nia dala möria che roda tl scür, * nia dales coies che de dé se sleria fora. – R

Al ne te sozed degun mal, * la desfortüna ne röia nia pormez a tüa tënda.

Deache al comana sü agnui, * ch’ai ćiares de tè sön to iade. – R

Atlamaziun dal vagnele

Alleluia. Alleluia. Laldede le Signur, dötes sües schires, sü sorvidus, ch’i fajëis süa orentè! Alleluia.

VAGNELE Dal vagnele do san Matî – Gloria a té, Signur! 1

En chë ora é gnüs i discepui da Gejù y à damanè: Chê é pa le maiù tl rëgn dl cil? 2 Dailò àl cherdè n möt adalerch, l’à metü amesa ëi 3 y à dit: Amen, chël ves diji: Sc’i ne dëis nia ota y ne gnëis nia sciöche i mituns, ne sciafiëise nia da rové tl rëgn dl cil.

(VI)

Salm 103 (102), 21

Matî 18, 1–5.10

294

San Francësch

Chël che é bun da ester pice sciöche chësc möt, chël é le maiù tl rëgn dl cil. 5 Y chël che tol sö n te’ möt te mi inom, chël tol sö mè. 10 Stravardesse da nen desprijé un de chisc pici! Deache i ves diji: Sü agnui tl cil vëiga demeztrù le müs de mi Pere tl cil. Parora dl Signur. – Lalt a té, oh Crist! Söles ofertes

Dî onipotënt, tol sö les ofertes ch’i te portun dant a onù de tü agnui sanć. Tres ëi conzédesse proteziun y aiüt ti prighi dl tëmp y làscesse arjunje la salvëza eterna. Do chësc te periunse por Crist, nosc Signur. – Amen.

Antifona dala comuniun

Signur, i ô te dì dilan de döt le cör, y ćiantè y sonè a té dan dai agnui.

Oraziun do la comuniun

Dî, nosc Pere, tö nes scinches tl sacramënt dl altè la spëisa por la vita eterna. Acompâgnesse cun l’assistënza di agnui söl tru dla salvëza y dla pêsc. Do chësc te periunse por Crist, nosc Signur. – Amen.

4 de otober

SAN FRANCËSCH Antifona dal ingrès

Francësch à lascè indô süa ćiasa y süa arpejun por tó pert al destin di püri. Le Signur indere l’à inalzè sö pro d’ël.

Oraziun dl dé Periun!

Dî, pere di püri, t’as chirì fora san Francësch d’Assisi a imité Crist tla poerté y tl’umilté.

Salm 138 (137), 1

San Francësch

295

Dëidesse, do l’ejëmpl de san Francësch, söl tru da ti jì do a Gejù Crist, por ch’i restunse tla ligrëza y tl amur tres unis a té. Do chësc te periunse por nosc Signur Gejù Crist, to Fi, che é Dî y vir y regnëia cun tè tl’unité dl Spirit Sant por düć i secui di secui. – Amen. PRÖMA LETÖRA

Gàlać 6, 14–18

Letöra dala lëtra de san Paul ai Gàlać Fredesc y sorus! 14 I ô fà le brau cun la crusc de Gejù Crist, nosc Signur, tres chëra che le monn é cruzifijé por mè y iö por le monn. 15 Deache al ne depënn nia, sce un é zircunzijé o nia zircunzijé, mo da chël, sc’al é na creaziun nöia. 16 Pêsc y misericordia vëgnes sura düć chi, che vir do chësc prinzip, y sura döt le Ìsrael de Dî. 17 Da śëgn inant ne dess plü degügn me dè de te’ fistidi. Deach’i porti i sëgns de Gejù sön mi corp. 18 La grazia de Gejù Crist, nosc Signur, sides cun osc spirit, mi fredesc. Amen. Parora de Dî. – Rengraziun Idî! Salm de resposta

Móstreme, Signur, le tru dla vita! – R

Salm 16 (15)

1 2

Ćiara de mè, oh Dî, a té t’ài crëta. / (III) I ti diji al Signur: "Tö es mi Signur; * tö su es döta mia fortüna."

Tö, Signur, me das l’arpejun y me sporjes le caresc; * te tües mans tëgneste le destin de mia vita. – R

Al Signur che m’à aconsié ti va mia lauda, * inće de nöt él mi cör che m’al recorda.

I à le Signur tres dan dai edli, * al sta a mia man dërta ch’i ne ciancantes. – R

Porchël se ralegrëia mi cör y mia anima esultëia; * inće mi corp é al sigü che palsa.

Tö me mostres le tru dla vita. / Dan da to müs regnëiel ligrëza en abondanza, * baldëza por düć i tëmps a tüa man dërta. – R

296

Atlamaziun dal vagnele

San Francësch

Alleluia, Alleluia. confr. Matî 11, 25 Sìdeste aprijé, Pere, Signur dl cil y dla tera; ćiodiche te i as revelè i misters dl rëgn ai pici. Alleluia.

VAGNELE

Matî 11, 25–30

Dal vagnele do san Matî – Gloria a té, Signur! 25

Pere tl cil, tol sö nostes ofertes. Scìnchesse chël amur a Gejù söla crusc che à implì la vita de san Francësch, y làscesse zelebrè degnamënter le mistêr dla crusc. Do chësc te periunse por Crist, nosc Signur. – Amen.

Antifona dala comuniun

Beâć chi che é püri dan da Idî, deache de chi é le rëgn dl cil.

Oraziun do la comuniun

Dî, nosc Signur, chësc sacramënt nes implësces de to amur y de fistide por la salvëza dla jënt. Làscesse ester, do l’ejëmpl de san Francësch, sorvidus dla ligrëza por nüsc fredesc. Do chësc te periunse por Crist, nosc Signur. – Amen.

Matî 5, 3

Santa Maria dl Rosare

297

7 de otober

SANTA MARIA DL ROSARE Antifona dal ingrès

Ave, Maria, plëna de grazia, le Signur é cun tè, t’es benedida danter les ëres, y benedì é le früt de to gremo.

Lüca 1, 28.42

Oraziun dl dé Periun!

Dî onipotënt, jüta ite tüa grazia te nüsc cörs. Cun l’anunziaziun dl agno, unse conesciü l’incarnaziun de Gejù Crist, to Fi. Fa ch’i gnunse dëgns, por i mirić de süa pasciun y mort, de tó pert ala gloria de süa ressoreziun. Por nosc Signur Gejù Crist, to Fi, che é Dî y vir y regnëia cun tè tl’unité dl Spirit Sant por düć i secui di secui. – Amen. PRÖMA LETÖRA Letöra dala Storia di Apostui 12

Do che Gejù ê gnü tut sö tl cil, é i apostui indô jüs a Ierùsalem, gnon dala munt ch’an ti dij dl Orì y che é n iade de n sàbat dalunc da Ierùsalem. 13 Canch’ai ê rovà tla cité, ési jüs tl salf sö alt tla ćiasa olach’ai abitâ śëgn. Al ê Pire y Jan, Iaco y Andrè Filipo y Tomesc, Berto y Matî, Iaco, le fi de Alfèus, Scimun le Zelot y Iüda, le fi de Iaco. 14 Düć chisc tignì pro y ê unis tl’oraziun, deboriada cun les ëres y cun Maria, la uma de Gejù, y cun i fredesc de ël. Parora de Dî. – Rengraziun Idî!

Storia di Apostui 1, 12–14

298

Santa Maria dl Rosare

Salm de resposta

De cör ôi me ralegrè por Dî, mia salvëza. – R

Lüca 1

Mia anima lalda * (VII) le Signur te süa grandëza,

y mi spirit iubilëia * por Dî, mia salvëza. – R

Al à ćiarè al’umilté de süa fancela. * Ćiarede dötes les generaziuns me dij da śëgn inant beata.

Te mè à fat l’Onipotënt de gran cosses, * y so inom é sant. – R

Da generaziun a generaziun va süa misericordia, * a düć chi che timur i porta.

Cun la forza de so brac al mostrè potënza; * al à sprigoré chi dal cör superbe. – R

Al à rosedè i gragn jö de trone * y à alzé sö i pici.

I arfamà àl implì de scincundes, * i rić àl lascè jì cun les mans ötes. – R

Al s’à cruzié de so fant Ìsrael, * recordan süa misericordia,

coch’al à albü impormetü a nüsc peri, * a Àbraham y a sü descendënć por dagnora. – R

Atlamaziun dal vagnele

Alleluia. Alleluia. confr. Ćiantia dles Ćianties 4, 12; 6, 9 N urt sighé ite este tö Maria, n urt sighé ite, na fontana sarada jö. Les generaziuns te tlama beata, döt le popul à metü adöm tües laudes. Alleluia.

VAGNELE

Lüca 1, 26–38

Dal vagnele do san Lüca – Gloria a té, Signur! 26

Santa Maria dl Rosare

299

Ara s’à spordü da gnì baiada ados insciö y ara ponsâ do, ći che chësc salüt dô significhé. 30 Ailò ti à l’agno dit: No te temëi, Maria; deache t’as ciafè grazia pro Idî. 31 Te ciafaras y metaras al monn n möt: a d’ël desste ti mëte inom Gejù. 32 Al sarà gran y gnarà nominé Fi dl Altiscim. Dî, le Signur, ti darà le tronn de so pere Davìde. 33 Al regnarà sura la ćiasa de Iàcob por dagnora y süa regnanza n’arà degöna fin. 34 Maria ti à dit al agno: Cô dess pa chësc sozede, deach’i ne conësci degun ël? 35 L’agno ti à respognü: Le Spirit Sant gnarà sön tè y la forza dl Altiscim destenarà süa ambria sura tè. Chël che nasciarà sarà porchël sant y gnarà nominé Fi de Dî. 36 Inće Elisabeta, tüa parënta, à ćiamò conzepì n fi te süa eté; scemìa ch’an aratâ ch’ara ne ciafass nia plü mituns, éra śëgn bele tl sesto mëis. 37 Pro Idî ne n’él nia de imposcibl. 38 Ailò à dit Maria: I sun la fancela dl Signur; al sozedes cun mè sciöche t’as dit. Spo s’un é l’agno jü demez da d’ëra. Parora dl Signur. – Lalt a té, Gejù Crist! Söles ofertes

Signur y Dî, dëidesse da deventè, söl tru da ti jì dô a to Fi, n’oferta che te plejes, y làscesse festejé indertöra i misters dla salvëza, ch’i ciafunse ći che Crist nes à impormetü, ël che vir y regnëia cun tè por döta l’eternité. – Amen.

Antifona dala comuniun

Te ciafaràs n möt, n fi metaràste al monn; a chël désseste ti mëte inom Gejù.

Lüca 1, 31

300

Oraziun do la comuniun

San Daniele Comboni

Signur, nosc Dî, festejan chësc sacrifize incundunse la mort y la ressoreziun de to Fi. Deach’i sun unis a d’ël tla pasciun, dëidesse lovè sö tla forza dla crusc y làscesse tó pert a süa gloria eterna. Do chësc te periunse por Crist, nosc Signur. – Amen.

10 de otober

SAN DANIELE COMBONI Antifona dal ingrès

Le Signur à manifestè süa salvëza, Salm 98 (97), 2–3 dan dai edli di popui àl desmostrè süa iustizia. Düć i confins dla tera à odü la salvëza de nosc Dî.

Oraziun dl dé Periun!

Dî y Pere de düć i popui, cun l’ardur apostolich dl vësco san Daniele Comboni aste deslarié fora tüa Dlijia inće danter i popui dl’Africa. Lasci, por süa interzesciun, crësce tla fede y tla santité y fa ch’al nen vëgnes tres deplü pormez y aldes y ti vais do a tüa cherdada. Insciö dess la jënt odëi tüa grandëza y tüa buntè. Do chësc te periunse por nosc Signur Gejù Crist, to Fi, che é Dî y vir y regnëia cun tè tl’unité dl Spirit Sant por düć i secui di secui. – Amen. PRÖMA LETÖRA Letöra dal liber dl profet Isaìa 1

Isaìa 61, 1–3a

San Daniele Comboni

301

por ch’i protlamëies n ann de grazia dl Signur y n dé de vendicaziun dl Signur, por ch’i consolëies düć chi che à la ria 3a y ralegrëies i sconsolà de Sionn, ti portes decoraziun impede umiliaziun, öre de ligrëza impede guant da plöra, iubilanza impede desperaziun. Parora de Dî. – Rengraziun Idî! Salm de resposta

Incundéi ai popui la gloria de Dî! – R

Salm 96 (95)

Ćiantedi al Signur na ćiantia nöia, * (II) ćiantedi al Signur, os düć paîsc dla tera!

Ćiantedi al Signur y aprijede so inom. * Incundede da dé a dé süa salvëza! – R

Cuntede de süa gloria pro i popui, * pro dötes les naziuns de sü mirachi!

Dedi al Signur, os tribus di popui, / dedi al Signur lalt y potënza, * dedi al inom dl Signur la gloria! – R

Portedi ofertes y jide ite te so santuare. / Te ornamënć sanć injenedlésse dan dal Signur, * tremorede dan da d’ël, os düć paîsc dla tera!

9 10

Atlamaziun dal vagnele

Incundedi a düć i popui: Le Signur regnëia! * Al iudichëia les naziuns do iustizia. – R

Alleluia. Alleluia. Jan 10, 14 Iö sun le bun famëi, iö conësci i mi y i mi conësc mè. Alleluia.

Jan 10, 11–18

302

San Daniele Comboni

Dî de buntè, tol sö les ofertes ch’i te portun dant tl recort de san Daniele Comboni. Trasformëieles cun to Spirit Sant ch’ares devëntes por nos fontana de salvëza y de pêsc. Do chësc te periunse por Crist, nosc Signur. – Amen.

Antifona dala comuniun

Ai se pascentëia pro les richëzes de tüa ćiasa; te i abëres pro le rü de tües delizies. Deache pro tè él la fontana dla vita, te to lominus odunse la löm.

Oraziun do la comuniun

Signur, nosc Dî, i ùn aldì tüa parora y i ùn partì deboriada le pan sant. Scìnchesse, cun chësta comemoraziun, la sapiënza dla crusc che à caraterisé la vita de san Daniele Comboni. Fa ch’i ti incundunse, do so ejëmpl, ala jënt de döt le monn l’amur infinì de Gejù mort söla crusc y ressorì, che vir y regnëia cun tè por döta l’eternité. – Amen.

Salm 36 (35), 9–10

Santa Tarejia d’Àvila

303

15 de otober

SANTA TAREJIA D’ÀVILA Antifona dal ingrès

Sciöche le cerf chir ega frëscia de fontana, insciö se dejidrëia mia anima do tè, oh Dî. Mia anima à sëi do Dî, do le Dî dla vita.

Salm 42 (41), 2–3

Oraziun dl dé Periun!

Dî onipotënt, t’as cherdè santa Tarejia d’Àvila tres to Spirit y te i l’as scincada a tüa Dlijia sciöche maestra dl tru che condüj ala perfeziun. Làscesse ciafè te sü insegnamënć nudrimënt por nosta vita spirituala. Dasse la convinziun che tö su nes bastes y impëia te nos le dejier do la santité. Do chësc te periunse por nosc Signur Gejù Crist, to Fi, che é Dî y vir y regnëia cun tè tl’unité dl Spirit Sant por düć i secui di secui. – Amen. PRÖMA LETÖRA Letöra dala lëtra de san Paul ai Romans Fredesc y sorus! 22 I savun che ćina al dedaincö él döta la creaziun che süsta y che é tles dorìes. 23 Mo inće nos, scebëgn ch’i ùn ciafè les primizies dl Spirit, sustunse te nosc cör y aspetun ch’i gnunse, cun la redenziun de nosc corp, manifestà sciöche fis de Dî. 24 Deache tla speranza sunse salvà. Mâ che la speranza, ch’an vëiga bele ademplida, n’é degöna speranza. Cô pon pa sperè te val’ ch’an vëiga? 25 Mo sc’i sperun te val’ ch’i n’odun nia, spo aspetunse cun dorada. 26 Laprò él le Spirit che s’un tol sura de nosta deblëza. Deache i ne savun nia do ći ch’i désson perié tla dërta manira; le Spirit instës sta ite por nos cun süsć gnanca da dì ne.

Romans 8, 22–27

304

Santa Tarejia d’Àvila

Y Dî che ejaminëia i cörs conësc l’intenziun dl Spirit: Al sta ite por i credënć, sciöche Idî l’ô. Parora de Dî. – Rengraziun Idî! Salm de resposta

Tö as parores de vita eterna. – R

Salm 19 (18)

La lege dl Signur é perfeta y bona, * ara dà forza de vita!

(II)

L’istruziun dl Signur é sigüda, * a chël che ne sa nia ti dara sapiënza. – R I comandamënć dl Signur é fać indortöra, * al cör ti dài ligrëza.

I prezeć dl Signur baia cun tlarëza, * lominus ti dài ai edli. – R 10

La parora de Dî é nëta, * ara döra por dagnora. Les sentënzes dl Signur é vëi y fedeles, * ares é dötes iüstes. – R

Atlamaziun dal vagnele

Ares vel deplü co or, plü co or fin en abondanza; * ares é plü duces co mil, plü co mil dales spalmes.

Inće to fant se lascia amonì da d’ëres; * n gran paiamënt à chël che les osservëia. – R

Alleluia. Alleluia. Jan 15, 9b.5b Romagnede te mi amur! Chël che romagn te mè y te chël che iö romagni, chël porta tröp früt. Alleluia.

VAGNELE Dal vagnele do san Jan – Gloria a té, Signur! Te chël tëmp à Gejù dit a sü discepui: 1 Iö sun le dër lëgn da üa, y mi pere é le vignadù. 2 Vigni rama che ne porta nia früt te mè tàiel ia y vigni rama che porta früt purifichëiel por ch’ara portes deplü.

Jan 15, 1–8

Santa Tarejia d’Àvila

305

Os sëis bele purificà cun la parora ch’i ves à dit. Romagnede te mè, spo romagni iö te os. Sciöche la rama da üa ne sciafia nia da portè früt da d’ëra instëssa, mo mâ sc’ara romagn pro le lëgn, insciö ne sciafiëise gnanca os da portè früt, sc’i ne romagnëise nia te mè. 5 Iö sun le lëgn da üa, os sëis les rames. Chël che romagn te mè y te chël che iö romagni, chël porta tröp früt; ćiodiche despartis da mè, ne sciafiëise da fà nia. 6 Chël che ne romagn nia te mè, vëgn sciuré demez sciöche la rama da üa y sëćia. An cöi adöm les rames, les sciüra te füch y ares verd jö. 7 Sce os romagnëis te mè y sce mies parores romagn te os, spo periede do döt ći ch’i orëis: i le ciafarëis. 8 Mi Pere vëgn glorifiché te chël, ch’i portëis tröp früt y ch’i deventëis mi discepui. 4

Parora dl Signur. – Lalt a té, Gejù Crist! Söles ofertes

Signur, nosc Dî, t’as azetè la dediziun y l’olghënza de santa Tarejia. Tol sö nostes scincundes y fa fora de nos n’oferta che te plej. Do chësc te periunse por Crist, nosc Signur. – Amen.

Antifona dala comuniun

Les opres de tüa buntè, Signur, Salm 89 (88), 2 ôi dećiantè por dagnora, y ćina al’ultima generaziun incundé dadalt tüa fedelté.

Oraziun do la comuniun

Dî de buntè, t’as renforzè tüa comunité cun le pan dl cil. Fa ch’i ne zedunse nia da te dì dilan y ch’i podunse aprijé cun santa Tarejia les opres de tüa misericordia tl’eternité. Do chësc te periunse por Crist, nosc Signur. – Amen.

306

Sant Ignaze d’Antiochìa

17 d’otober

SANT IGNAZE D’ANTIOCHÌA Antifona dal ingrès

I ne sun nia plü iö ch’i viri, mo Crist vir te mè. I viri tla fede tl Fi de Dî che m’à orü bun y che s’à dè ia por mè.

Oraziun dl dé

Periun! Dî onipotënt y etern, la testemonianza de tü màrtiri ti fej onur a döta la Dlijia. Fa che la pasciun gloriosa che à condüt sant Ignaze tla gloria eterna nes fejes stersc tla fede. Do chësc te periunse por nosc Signur Gejù Crist, to Fi, che é Dî y vir y regnëia cun tè tl’unité dl Spirit Sant por düć i secui di secui. – Amen.

SECUNDA LETÖRA

Gàlać 2, 19–20

Filipesc 3, 17 – 4, 1

Letöra dala lëtra de San Paul ai Filipesc 17

Fajédeme inće os do a mé, fredesc, y ćiarede sön chi che vir do l’ejëmpl ch’i ëis te nos. 18 Deache tröc, – de chi ch’i ves à cuntè gonot y de chi ch’i ves cunti śëgn cun leghermes – vir da nemisc dla crusc de Crist. 19 Süa fin é la perdiziun, so dî le vënter; ai brâ cun ći ch’ai dess se dodè y à mâ imënt cosses de chësta tera. 20 Nosta patria indere é tl cil. Da dailò aspetunse inće Gejù Crist, le Signur, sciöche salvadù, 21 che trasformarà nosc corp miserabl tla forma de n corp glorius, cun chë forza, cun chëra ch’al s’à sotmetü döt cant. 1 Porchël, mi fredesc bunorüs y tan dejidrà, mia ligrëza, mia corona d’onur, stede frëms tla comunité dl Signur, mi bugn fredesc. Parora de Dî. – Rengraziun Idî!

Sant Ignaze d’Antiochìa

307

Salm de resposta

Le Signur m’à tut vigni tëma. – R

Salm 34 (33)

I ô aprijé demeztrù le Signur; * tres sides so lalt te mia boćia.

Mia anima se gloriëies tl Signur; * i püri dess l’aldì y se confortes. – R

Glorifichede cun mè le Signur, * i orun renomè so inom deboriada.

I à chirì le Signur y al m’à ejaudì, * al m’à tut vigni tëma. – R

Ćiarede sö dal Signur y osc müs lominarà, * y i n’ëis nia bria de avëi dodanza.

Chilò él n püre; / al à cherdè y le Signur l’à ejaudì. * Al l’à daidé fora de döta süa meseria. – R

L’agno dl Signur ćiara de düć chi che le tëm y l’onorëia, * y al i fej lëdi.

Ćiarćede y odede tan bun che le Signur é; * bëgn se sta chël che pro d’ël s’un sciampa. – R

Atlamaziun dal vagnele

(VI)

Alleluia. Alleluia. dala lëtra de sant Ignaze ai Romans I sun formënt de Dî y i mëssi gnì majenè por deventè pan nët de Crist. Alleluia.

VAGNELE Dal vagnele do san Jan – Gloria a té, Signur! Te chël tëmp à Gejù dit a sü discepui: 24 Amen, amen, i ves diji: Sce le granel de formënt ne toma nia te tera y mör, romàgnel su; mo sc’al mör pôrtel tröp früt. 25 Chël che é tachè a süa vita, la perd; mo chël che arata püch süa vita te chësc monn, la mantignarà por la vita eterna. 26 Sce un ô me sorvì, déssel me gnì do; y olache iö sun, dailò saral inće mi sorvidù. Sce un me sorvësc, saral le Pere che l’onorëia. Parora dl Signur. – Lalt a té, Gejù Crist!

Jan 12, 24–26

308

San Lüca, vagnelist

Söles ofertes

Signur, nosc Dî, sant Ignaze orô ester formënt de Crist, y tö l’as tut sö tl sacrifize de süa vita sciöche pan nët. Azeta cun buntè inće nosta dediziun. Do chësc te periunse por Crist, nosc Signur. – Amen.

Antifona dala comuniun

I sun n granel de formënt de Crist; i dënz di tiers salvars mëss me fruzié ch’i devëntes pan nët.

Oraziun do la comuniun

Dî de buntè, le pan dl cil , ch’i ùn recioiü en la festa de sant Ignaze, nes fejes dëgns de avëi inom cristians y nes dais inće la forza de se deportè aladô. Do chësc te periunse por Crist, nosc Signur. – Amen.

18 de otober

SAN LÜCA, VAGNELIST Antifona dal ingrès

Bëgngnü é l’anunziadù de ligrëza che incünda la pêsc, che porta na bona noela y impormët la salvëza.

Isaìa 52, 7

Oraziun dl dé Periun!

Signur, nosc Dî, t’as chirì fora le vagnelist Lüca a incundé le mistêr de to amur ala püra jënt. Fa che düć chi che se nominëia cristians sides un n cör y öna n’anima, y lasci odëi a düć i popui dla tera la salvëza che tö i as arjigné. Do chësc te periunse por nosc Signur Gejù Crist, to Fi, che é Dî y vir y regnëia cun tè tl’unité dl Spirit Sant por düć i secui di secui. – Amen.

San Lüca, vagnelist

309

PRÖMA LETÖRA

2 Timòteus 4, 10–17b

Letöra dala secunda lëtra de san Paul a Timòteus Mi fi! 10 Dèmas m’à lascè por amur a chësc monn y é jü a Tessalònich; Crescënz é jü tla Galàzia, y Titus tla Dalmàzia. 11 Mâ Lüca é ćiamò pro mè. Tôlete Merch cun tè, deache chël sarà por mè n bun assistënt. 12 Tìchicus ài ortié a Èfesus. 13 Canche te vëgnes, tôlete le mantel, ch’i à lascè indô a Troas pro Carpus, inće i libri, dantadöt les pergamënes. 14 Alessander, le feur, m’à fat tröp de mal; le Signur ti al retarà sciöche sües opres s’al mirita. 15 Stravêrdete inće tö da chël, deach’al à combatü dassënn cuntra nosc insegnamënt. 17 Da mia pröma defenüda tl tribunal nen n’él antergnü degügn a m’assistì, düć m’à arbandonè. Al ne dess nia ti gnì aratè por mal. 17ab Mo le Signur m’à assistì y m’à dè forza, che l’incundaziun vëgnes completada tres mè y che düć i pagans l’aldes. Parora de Dî. – Rengraziun Idî! Salm de resposta

Tü sanć, Signur, incünda la gloria de to rëgn. – R

Salm 145 (144) 10

Rengrazié te dess, Signur, dötes tües creatöres * y t’aprijé te dess tü fedei.

Ai dess cuntè dla gloria de tüa regnanza, * y baié de tüa potënza. – R

Ai dess ti incundé ala jënt tües opres potëntes, * y le sflandur glorius de to domëne.

13ab

Tüa regnanza é na regnanza por tëmps eterns, * to domëne va da na generaziun al’atra. – R

Iüst é le Signur te döt ći ch’al fej, * plëgn de tlemënza él te dötes sües opres.

Le Signur ti sta dlungia a düć chi che le prëia, * a düć chi che cun cör sinzier le chërda. – R

(VIII)

310

Atlamaziun dal vagnele

San Lüca, vagnelist

Alleluia. Alleluia. I ves à chirì fora y destiné ch’i portëise früt y che osc früt romagnes. Alleluia.

VAGNELE

confr. Jan 15, 16

Lüca 10, 1–9

Dal vagnele do san Lüca – Gloria a té, Signur! 1

Te chël tëmp à le Signur chirì fora setantedui d’atri discepui y i à ortié dui a dui danfora te dötes les citês y ti posć olach’al ê por jì. 2 Al ti à dit: La racoiüda é grana, mo al é mâ püć lauranć. Periede porchël le patrun dla racoiüda ch’al mënes fora lauranć por süa racoiüda. 3 Jide! I ves ortiëii fora sciöche bisces danter i lus. 4 Ne tolésse degun tacuin, degöna sportula y degügn ćialzà! Ne saludede degügn sön tru. 5 Sc’i rovëis te na ćiasa, spo dijede por pröm: Pêsc a chësta ćiasa! 6 Y sc’al abitëia dailò n chestian dla pêsc, spo s’architarà la pêsc, ch’i ti audëis, sön ël; sce nia, gnaràra derevers sön os. 7 Romagnede te chësta ćiasa, mangede y boiede ći ch’an ves pîta; deache chël che laora, à n dërt sön so paiamënt. Ne jide nia da na ćiasa al’atra! 8 Sc’i rovëis te na cité y an ves tol sö, spo mangede ći ch’an ves tënn sö. 9 Varide i amarà che é dailò y dijedi ala jënt: Le rëgn de Dî é daimprò. Parora dl Signur. – Lalt a té, Gejù Crist! Söles ofertes

Signur, nosc Dî, te chësc sacrifize ch’i zelebrun en la festa de san Lüca varëscesse da nostes deblëzes, y dasse la forza de te sorvì tla liberté y de rové insciö tla gloria eterna. Do chësc te periunse por Crist, nosc Signur. – Amen.

San Scimun y san Jüda, apostui

311

Antifona dala comuniun

Le Signur à ortié danfora sü discepui tles citês y ti à dit de incundé: Le rëgn de Dî é daimprò.

Oraziun do la comuniun

Dî onipotënt, le pan dla vita, ch’i ùn ciafè da to altè, nes santifichëies. Al nes dëides tó sö cun crëta la bona noela che san Lüca à incundé. Do chësc te periunse por Crist, nosc Signur. – Amen.

Lüca 10, 1.9

28 de otober

SAN SCIMUN Y SAN IÜDA, APOSTUI Antifona dal ingrès

Chisc sanć él stè le Signur che à chirì fora por amur, al ti à dè süa gloria.

Oraziun dl dé Periun!

Dî onipotënt, tres l’incundaziun di apostui nes aste condüt ala conescënza de to inom. Aumentëia, por l’interzesciun de san Scimun y san Iüda, le numer di credënć y fa crësce tla Dlijia la crëta te to aiüt. Do chësc te periunse por nosc Signur Gejù Crist, to Fi, che é Dî y vir y regnëia cun tè tl’unité dl Spirit Sant por düć i secui di secui. – Amen. PRÖMA LETÖRA Letöra dala lëtra de san Paul ai Efejins Fredesc y sorus! 19 I ne sëis nia plü foresć zënza dërt de zitadinanza, mo conzitadins di sanć y familiars de Dî. 20 I sëis gnüs fać sö sön la fondamënta di apostui y di profeć; la pera de ćiantun é Crist Gejù instës. 21 Tres ël vëgn döt le fabricat tignì adöm y crësc insciö por deventè tëmpl sant tl Signur.

Efejins 2, 19–22

312

San Scimun y san Jüda, apostui

Tres ël gnëise inće os, adöm cun i atri, fać sö tl Spirit por ester abitaziun de Dî.

Parora de Dî. – Rengraziun Idî! Salm de resposta

Jide fora te döt le monn, y incundede le vagnel! – R

Salm 19 (18)

I cii renomëia la gloria de Dî, * (VIII) dl’opra de sües mans él le firmamënt che tlama.

N dé ti al dij al ater, * na nöt ti al cunta al’atra. – R

Zënza parores indere y zënza cuntìes, * süa usc degügn ne n’alda.

5ab

Mo süa noela va fora te döt le monn. * süa noela ćina söi confins dla tera. – R

Atlamaziun dal vagnele

Alleluia. Alleluia. Tè, oh Dî, te laldunse, tè, oh Signur, t’aprijunse; tè te glorifichëia le cor glorius di apostui. Alleluia.

VAGNELE Dal vagnele do san Lüca – Gloria a té, Signur! 12

En chi dis é Gejù jü sön na munt a perié. Y al à passè döta la nöt tl’oraziun a Dî. 13 Canch’al ê gnü dé, àl cherdè adalerch sü discepui y n’à chirì fora dodesc; a chisc ti dijôl inće apostui. 14 Al ê Scimun, a chël ch’al ti â inće dè l’inom de Pire, y so fre Andrè, Iaco y Jan, Filipo y Berto, 15 Matî y Tomesc, Iaco le fi de Alfeus, y Scimun, nominé Zelot, 16 Iüda, le fi de Iaco y Iüda Iscariot, che é deventè le traditur. 17 Gejù é jü impara jö dla munt. Tla planöra él stè chit cun na gran schira de sü discepui, y al gnô adalerch n gröm de jënt da döta la Iudea y da Ierùsalem y dal raiun dla spona de Tirus y Sìdonn.

Lüca 6, 12–19

San Scimun y san Jüda, apostui

313

Düć orô l’aldì y gnì varis da sües maraties. Inće chi che gnô tormentà da spirić impurs gnô varis. 19 Döta la jënt porvâ da l’aziché; deach’al jô da d’ël infora na forza che varî düć. Parora dl Signur. – Lalt a té, Gejù Crist! Söles ofertes

Dî, Signur sura döt, i esaltun tüa gloria che te i as dè ai apostui Scimun y Iüda. Tol sö nostes supliches y nostes ofertes y làscesse zelebrè cun dignité i misters divins. Do chësc te periunse por Crist, nosc Signur. – Amen.

Antifona dala comuniun

Insciö dij le Signur: Chël che m’ô bun, se tignarà a mia parora; mi Pere ti orarà bun, i gnarun da d’ël y abitarun pro d’ël.

Oraziun do la comuniun

Signur, nosc Dî, te chësta eucaristia unse recordè i apostui Scimun y Iüda y venerè süa pasciun. Le Spirit Sant che i à implì cun süa forza nes mantëgnes inće nos tla fedelté y tl amur a té ćina ala mort. Do chësc te periunse por Crist, nosc Signur. – Amen.

Jan 14, 23

314

Gnissant

1 de novëmber

GNISSANT Antifona dal ingrès

Ralegrésse düć tl Signur en chësc santù de düć i sanć. Cun nos se ralegrëia i agnui y ai lalda le Fi de Dî.

Oraziun dl dé

Periun! Dî onipotënt y etern, te nes das la ligrëza de zelebrè te chësta festa i mirić y la gloria de düć tü sanć. Por les supliches de tan de interzessurs, ademplësc nosta speranza y scìnchesse tüa misericordia. Do chësc te periunse por nosc Signur Gejù Crist, to Fi, che é Dî y vir y regnëia cun tè tl’unité dl Spirit Sant por düć i secui di secui. – Amen.

PRÖMA LETÖRA

Revelaziun 7, 2–4.9–14

Letöra dal liber dla Revelaziun de san Jan 2

Iö, Jan, à odü n agno che s’alzâ sö dal oriënt: al â le sigil dl Dî vi, y al ti scraiâ ia cun gran usc ai cater agnui, a chi ch’al ti ê gnü dè la potestè de desdrüje la tera y le mer: 3 No desdrujede la tera, le mer, i lëgns, ćina ch’i ne ti ùn nia druché sö ai sorvidus de nosc Dî le sigil söla frunt. 4 Spo ài aldì le numer de chi che ê signà cun le sigil: Al n’ê cënticarantecatermile fora de vigni tribù di fis de Israel che portâ le sigil. 9 Dedô ài odü na gran schira, fora de dötes les naziuns y tribus, de düć i popui y lingac; degügn n’ê bugn da i cumpedè. Ai stô vistis cun iestes blanćes impé dan dal tronn y dan dal Agnel y tignî rames de palmes tles mans. 10 Ai scraiâ dadalt: La salvëza vëgn da nosc Dî, che é sentè söl tronn, y dal Agnel.

Gnissant

315

Y düć i agnui stô incër le tronn ia y i plü vedli y i cater essënć viënć. Ai s’à sciuré söla müsa dan dal tronn y adorâ Idî 12 y dijô: Amen. Lalt y gloria, sapiënza y rengraziamënt, onur y potënza y forza a nosc Dî, por döta l’eternité. Amen. 13 Dailò m’à damanè un di plü vedli: Chê é pa chisc che é vistis a blanch y da olâ esi pa gnüs? 14 I ti à respognü: Mi Signur, tö le sas. Y ël m’à dit: Al é chi che vëgn dala gran tribolaziun; ai à lavè sües iestes y les à fates blanćes tl sanch dl Agnel. Parora de Dî. – Rengraziun Idî! Salm de resposta

Da dlunch i ast’ cherdè, Signur, chi che chir to müs. – R

Salm 24 (23)

Dl Signur é la tera y ći che la implësc, * le cërtl dla tera y chi che l’abitëia.

Deache söi mers l’àl fondada * y stabilida sura les eghes. – R

Chê po pa jì söla munt dl Signur, * chê po pa stè te to santuare?

Chël che à mans nëtes y n cör sinzier, * chël che ne dà nia juramënt falz y ne ingiana. – R

Al ciafarà benedisciun dal Signur, * iustizia da Idî, süa salvëza.

Chësta é la jënt che damana do d’ël, * che chir to müs, Dî de Iàcob. – R

SECUNDA LETÖRA Letöra dala pröma lëtra de san Jan Fredesc y sorus! 1 Ćiarede tan gran che l’amur é, che le Pere nes à scinché: I ùn inom fis de Dî, y i le sun. Le monn ne se conësc nia nos, ćiodich’al n’à nia conesciü ël.

(VI)

1 Jan 3, 1–3

316

Gnissant

Fredesc bunorüs, śëgn sunse fis de Dî. Mo ći ch’i sarun, n’é nia ćiamò gnü revelè. I savun ch’i ti somiarun, canch’al se manifestarà; ćiodì ch’i l’odarun, sciöch’al é. 3 Vignun che à chësta speranza te ël devënta sant sciöche ël é sant. Parora de Dî. – Rengraziun Idî! Atlamaziun dal vagnele

Alleluia. Alleluia. Gnide da mè os düć, ch’i se cruziëis y ch’i ëis tröp da portè. Iö ves darà palsa – insciö dij le Signur. Alleluia.

VAGNELE Dal vagnele do san Matî – Gloria a té, Signur! Te chël tëmp, 1 canche Gejù odô le gröm de jënt, él jü sön na munt. Al s’à sentè jö, y sü discepui ti é jüs pormez. 2 Spo àl metü man da baié y i istruî. 3 Al à dit: Beâć, chi che é püri dan da Idî; deache de d’ëi é le rëgn dl cil. 4 Beâć, chi che plüra; deache ai gnarà consolà. 5 Beâć, chi che é saurisc; deache ai arparà la tera. 6 Beâć, chi che à fan y sëi do la iustizia; deache ai gnarà pascentà. 7 Beâć, i misericordiusc; deache ai ciafarà misericordia. 8 Beâć, chi che à n cör nët; deache ai odarà Idî. 9 Beâć, chi che fej pêsc; deach’an ti dijarà fis de Dî. 10 Beâć, chi che vëgn porseghità por gauja dla iustizia; deache de d’ëi é le rëgn dl cil.

confr. Matî 11, 28

Matî 5, 1–12a

Gnissant

317

Beâć sëise os, sc’i gnëis dejonorà y porseghità y scraià fora a vigni manira por mia gauja. 12 Ralegrésse y iubilede: Osc paiamënt tl cil sarà gran. Parora dl Signur. – Lalt a té, Gejù Crist! Söles ofertes

Signur, nosc Dî, tol sö les scincundes ch’i t’ofriun en chësc dé de festa. I cherdun che tü sanć vir pro tè y che dolur y mort ne sciafia nia plü da i arjunje. Ascuta nosta oraziun y làscesse sintì ch’ai nes é dlungia y ch’ai sta ite por nos. Do chësc te periunse por Crist, nosc Signur. – Amen.

Antifona dala comuniun

Beâć chi che à n cör nët deach’ai odarà Idî. Beâć chi che fej pêsc, deach’ai gnarà tlamà fis de Dî. Beâć i porseghità por gauja dla iustizia, deache de d’ëi é le rëgn dl cil.

Oraziun do la comuniun

Dî, tö su es sant, veneran tü sanć, t’onorunse tè. Renforza te nos cun to sacramënt la vita dla grazia y mënesse, por le tru de nosc peregrinaje, al past etern olache tö instës es la perfeziun di sanć. Do chësc te periunse por Crist, nosc Signur. – Amen.

Matî 5, 8–10

318

Dé dles Animes - I

2 de novëmber

DÉ DLES ANIMES – I Antifona dal ingrès

Gejù é mort y ressorì, 1 Tess. 4, 14; 1 Cor. 15, 22 insciö él inće Idî che unësc cun ël chi che é morć te Gejù. Deache sciöche düć mör te Adam, insciö gnarà düć fać vis te Crist.

Oraziun dl dé

Periun! Dî onipotënt, I cherdun y professun che t’as ressuscité to Fi por pröm dai morć. Renforza nosta speranza che te ressuscitaras inće nostes sorus y nüsc fredesc defunć ala vita eterna. Do chësc te periunse por Crist, nosc Signur. – Amen.

PRÖMA LETÖRA

2 Macabês 12, 43–45

Letöra dal secundo liber di Macabês 43

En chi dis à Iüda, le Macabè, tignì na oferta a chëra che düć à tut pert, y à ortié incër duimile monëdes d’arjënt a Ierùsalem por che an portes dant dailò n sacrifize d’espiaziun. Insciö s’àl astilé te na manira bela y nobla, ćiodich’al ponsâ ala ressoreziun. 44 Sc’al ne n’ess nia sperè che i tomà ressorî dai morć, ne fóssel stè por nia y zënza significat perié por i morć. 45 Al â inće imënt le gran paiamënt che é arjigné por chi che mör tla pieté. Chësc so pinsier ê sant y devot! Porchël àl lascè ofrì chël sacrifize d’espiaziun por i morć, por ch’ai vëgnes delibrà dal pićé. Parora de Dî. – Rengraziun Idî! Salm de resposta

Signur, t’es tan bun y rich de salvëza. – R

Salm 130 (129) 1

Signur, dal sot te chërdi. * Mia usc, Signur, ascuta!

Deura tües orëdles * y intënn mies plüres! – R

(VII)

Dé dles Animes - I

319

Sce te ćiarasses, Signur, sön nostes colpes, * Signur, chê podess pa stè impé te tüa presënza?

Mo pro tè él pordenanza, * insciö poi te sorvì cun stima. – R

I speri tl Signur, mia anima spera, * i aspeti confidënt do süa parora.

Do le Signur mia anima speta * deplü co les verdes do l’alba. – R

Deplü co les verdes s’aôda l’alba, * dess Ìsrael s’audè le Signur, so Dî/i.

Al salvarà Ìsrael * da dötes sües colpes. – R

SECUNDA LETÖRA

1 Tessalonichesc 4, 13–18

Letöra dala pröma lëtra de san Paul ai Tessalonichesc 13

Fredesc y sorus, i n’orun nia ves lascè tl’ignoranza porsura i morć, por ch’i ne plurëise nia sciöche i atri, che n’à degöna speranza. 14 Sce Gejù – y chësta é nosta fede – é mort y ressorì, spo saral Idî, tres Gejù Crist, che condejarà inće i morć deboriada cun ël tla gloria. (15Deache chësc ves dijunse do na parora dl Signur: Nos, i vis, ch’i sun restà indô por canch’al vëgn le Signur, ne ti ùn nia danfora ai morć. 16 Ćiodiche le Signur instës gnarà jö dal cil, canch’al gnarà dè le comane, l’arcagno cherdarà y la possauna de Dî sonarà. Impröma ressoriaral chi che é morć te Crist, 17 spo gnarunse nos, i vis, ch’i sun restà indô, trasportà deboriada cun ëi söi niui adincuntra al Signur tl aier, y insciö sarunse tres pro le Signur. 18 Consolésse un l’ater cun chëstes parores!) Parora de Dî. – Rengraziun Idî! Atlamaziun dal vagnele

Crist triunfëia, Crist regnëia, Crist vir tl’eternité. – R o bëgn: Alleluia. Alleluia. Iö sun la ressoreziun y la vita. Jan 11, 25a.26b Vignun che crëi te mè, ne moriarà mai. – R

320

Dé dles Animes - I

VAGNELE

Jan 11, 17–27

Dal vagnele do san Jan – Gloria a té, Signur. Te chël tëmp 17 canche Gejù ê rové a Betània, àl ciafè Làzarus che ê bele cater dis te fossa. 18 Betania ê daimprò da Ierùsalem, incër chinesc stadi dainciarà. 19 Tröc iüdes ê gnüs da Marta y Maria a les consolè por so fre. 20 Canche Marta â aldì che Gejù ê tl gnì, ti éra jüda adincuntra, mo Maria ê romagnüda te ćiasa. 21 Marta ti à dit a Gejù: Signur, sce te fosses stè chilò, ne foss mi fre nia mort. 22 Mo inće śëgn sai: Döt, do ći che te prëies Idî, él ël che te darà. 23 Gejù ti à dit: To fre ressoriarà. 24 Marta ti à dit: I sa ch’al ressoriarà dala ressoreziun l’ultimo dé. 25 Gejù ti à respognü: Iö sun la ressoreziun y la vita. Chël che crëi te mè viarà, inće sc’al mör, 26 y vignun che vir y crëi te mè, ne moriarà mai. Crëieste tö chësc? 27 Marta ti à respognü: Scê, Signur, i crëii che tö es le Messia, le Fi de Dî, che dess gnì te chësc monn. Parora dl Signur. – Lalt a té, Gejù Crist! Söles ofertes

Signur, nosc Dî, ćiara cun buntè sön nostes ofertes. Tol sö nüsc fredesc y nostes sorus, che à lascè la tera, tla gloria de to Fi, a chël ch’i sun inće nos unis tl gran sacramënt dl amur. Do chësc te periunse por Crist, nosc Signur. – Amen.

Antifona dala comuniun

Iö sun la ressoreziun y la vita. Chël che crëi te mè viarà, inće sc’al mör, y vignun che vir y crëi te mè, ne moriarà mai.

Jan 11, 25–26

Dé dles Animes - II

Oraziun do la comuniun

321

Dî misericordius, i ùn festejé le recort dla mort y dla ressoreziun de Crist por i fredesc y les sorus che à tut comié da chësta tera. Condüji dala mort ala vita, dal scür tl lominus y dala tribolaziun te tüa pêsc. Do chësc te periunse por Crist, nosc Signur. – Amen.

DÉ DLES ANIMES – II Antifona dal ingrès

La vita eterna dài, Signur, y conforti cun to lominus.

Oraziun dl dé

Periun! Signur, nosc Dî, tö es la löm di credënć y la vita di sanć. Te nes as salvè tres la mort y la ressoreziun de to Fi. Sìdeste graziënt cun nostes sorus y nüsc fredesc defunć che à zelebrè cun fede le mistêr dla ressoreziun, y lasci odëi por dagnora tüa gloria. Do chësc te periunse por Crist, nosc Signur. – Amen.

PRÖMA LETÖRA Letöra dal liber de Iob 1

Iob à tut la parora y à dit: Che mies parores vëgnes pö scrites sö, ingravades ite te na iscriziun 24 cun n grifl de fer y cun plom mazades ite tl crëp por tres. 25 Iö sa che mi Redentur é vi, por ultimo lovaral sö sura le stöp. 26 Zënza mia pel, scrostada demez, y zënza mia ćern odarài Idî. 27 Iö l’odarà, iö instës, mi edli ne l’odarà nia plü da forest. Do chësc se dejidrëia mi cör te mi piet. 23

Parora de Dî. – Rengraziun Idî!

Iob 19, 1.23–27

322

Dé dles Animes - II

Salm de resposta

Mia anima à sëi do tè, mi Dî. – R

Salm 42 (41) y 43 (42) 2

Sciöche le cerf chir ega frëscia * (II) insciö él mia anima che chir do tè, oh Dî/i.

Mia anima à sëi do Idî, * do le Dî dla vita. – R Can poi pa gnì * a odëi le müs de Dî/i?

Le cör me va porsura canch’i pënsi: / sciöch’i jô adincuntra ala ćiasa de Dî tla fola da santù, * iubilan y rengrazian danter jënt da festa. – R

Mëna tüa löm y tüa verité che ares m’ acompagnes, * ares dess me condüje sön to crëp sant y te to santuare.

Insciö ôi jì dan l’altè de Dî, dal Dî de mia ligrëza. * Cigan, Dî, mi Dî, ôi te laldè cun l’erpa. – R

SECUNDA LETÖRA

Romans 8, 14–23

Letöra dala pröma lëtra de san Paul ai Romans Fredesc y sorus! 14 Düć, chi che se lascia condüje dal Spirit de Dî, é fis de Dî. 15 I n’ëis pö nia ciafè n spirit che fej stlâfs fora de os, a na manira ch’i messesses tres ćiamò se temëi, mo i ëis ciafè le Spirit, che fej fis fora de os, chël Spirit, te ch’ël ch’i cherdun: Abba, Pere! 16 Insciö ti testemoniëia le Spirit instës a nosc spirit, ch’i sun fis de Dî. 17 Mo sc’i sun fis, spo sunse inće arpadus; i sun arpadus de Dî y coarpadus de Crist; sc’i sofriun cun ël, spo inće por gnì glorificà cun ël. 18 I sun sigü che les soferënzes dl tëmp da śëgn ne n’é nia en confrunt ala gloria te chëra ch’i gnarun manifestà. 18 I sun sigü, che i patimënć dl tëmp da śëgn ne n’é bëgn nia en confrunt ala gloria che gnarà manifestada te nos. 19 Deache döta la creaziun aspeta ert do la revelaziun di fis de Dî. 20 La creaziun é sotmetüda ala despassënza, nia por süa orentè, mo por orentè de chël che l’à sotmetüda;

Dé dles Animes - II

323

mo tl medemo tëmp ti àl dè speranza. 21 Inće la creaziun dess gnì salvada dala stlavité y dala perdiziun por passè ala liberté y ala gloria di fis de Dî. 22 I savun pö che döta la creaziun süsta y patësc ćina al dedaincö tles dorìes. 23 Mo inće nos, scebëgn ch’i ùn ciafè sciöche pröma scincunda le Spirit, sustunse te nosc cör y aspetun che cun la salvëza de nosc corp gnunse manifestà sciöche fis. Parora de Dî. – Rengraziun Idî! Atlamaziun dal vagnele

Lalt a té Crist, re de gloria eterna. – R o bëgn: Alleluia. Alleluia. Tla ćiasa de mi Pere él tröpes abitaziuns. I gnarà indô a ves condüje da mé, por ch’i sëise inće os olache iö sun. – R

VAGNELE Dal vagnele do san Jan – Gloria a té, Signur! Te chël tëmp à Gejù dit a sü discepui: 1 Osc cör ne se lasces nia turbè. Cherdede te Dî y cherdede te mè! 2 Tla ćiasa de mi Pere él tröpes abitaziuns. Sc’ara ne foss nia insciö, ves essi dit dailò: I va a ves arjigné ca n post? 3 Canch’i sarun jü y ves arà arjigné ca n post, gnarài indô, y i ves tolarà cun mè, por ch’i sëise inće os, olache iö sun. 4 Y olache iö va – chël tru conescëise pö. 5 Tomesc ti à dit: Signur, i ne savun nia olache te vas. Cô désson pa spo conësce le tru? 6 Gejù ti à dit: Iö sun le tru y la verité y la vita; degügn ne röia dal Pere ater co tres mè. Parora dl Signur. – Lalt a té, Gejù Crist!

Jan 11, 25a.26b

Jan 14, 1–6

324

Dé dles Animes - III

Söles ofertes

Dî onipotënt y misericordius, t’as santifiché nüsc defunć cun l’ega dl bato. Purifichëii tl sanch de Crist da sü pićià y condüji te tüa buntè ala perfeziun. Do chësc te periunse por Crist, nosc Signur. – Amen.

Antifona dala comuniun

La löm eterna ti lomines, Signur, confr. 4 Esrs 2, 35–34 pro tü sanć tl’eternité; ćiodiche tö es nosc Pere. Signur, dài la vita eterna, y la löm eterna ti lomines pro tü sanć tl’eternité; ćiodiche tö es nosc Pere.

Oraziun do la comuniun

Signur, nosc Dî, i ùn tignì le past de to Fi, che s’à sacrifiché por nos y che é ressorì tla gloria. Alda nosta oraziun por nüsc fredesc y nostes sorus che s’un é jüs da chësc monn. Purifichëii tres le mistêr pascal de Crist y lasci ressorì ala ligrëza eterna. Do chësc te periunse por Crist, nosc Signur. – Amen.

DÉ DLES ANIMES – III Antifona dal ingrès

Dî, che à ressuscité Gejù dai morć, ti darà inće vita a nosc corp mortal, tres so Spirit, che abitëia te nos.

Oraziun dl dé

Periun! Dî onipotënt, t’as inalzé to Fi vitorius a tüa man dërta. Lascia tó nostes sorus y nüsc fredesc defunć a tüa vitoria sura la despassënza dl tëmp por ch’ai pois t’odëi da müs a müs, tö che te es so creatur y redentur. Do chësc te periunse por Crist, nosc Signur. – Amen.

confr. Romans 8, 11

Dé dles Animes - III

325

PRÖMA LETÖRA

Isaìa 25, 6–9

Letöra dal liber dl profet Isaìa En chël dé 6 tignarà le Signur dles armades sön chësta munt n past da festa cun spëises grassines por düć i popui, na marëna cun de bugn vins, cun spëises da saù y vins rafinà. 7 Al scarzarà indalater sön chësc crëp la cultrina che cür dötes les naziuns y la cutra che cür pro düć i popui. 8 Al tolarà demez la mort por dagnora. Idî, le Signur, terjarà jö les leghermes da vigni müs. Te döt le raiun tolaral demez le dejonur da so popul. Scê, le Signur à baié. 9 En chël dé dijaran: Ćiarede, chësc é nosc Dî, te ël unse sperè, ël nes salvarà. Chësc é le Signur, te ël unse metü nosta speranza. I orun iubilé y se ralegrè por süa aziun salvënta. Parora de Dî. – Rengraziun Idî! Salm de resposta Salm 23 (22)

Le Signur é mi famëi, al me condüj pro l’ega dla vita. – R

Le Signur é mi famëi, * al ne me manćia nia.

(VI)

Al me lascia pone sön pastöres ordiëntes * y me condüj ti armiris dlungia l’ega. – R

Al archîta ia mi dejier * y por les dërtes sëmenes fedel a so inom me mënel.

Inće sc’i mëssi passè por na val scöra, * da degun mal ne me tëmi; – R ćiodiche tö es cun mè, * tüa maza y to bastun me dà confidënza.

Tö me tënes sö la mësa * dan dai edli de mi nemisc che me sighita. – R Tö unjes cun öre mi će, * tö me jütes sö plëgn le caresc.

Blot grazia y buntè m’acompagnarà dagnora, * tla ćiasa dl Signur poi abité döta mia vita. – R

326

Dé dles Animes - III

SECUNDA LETÖRA

Filipesc 3, 20–21

Letöra dala lëtra de san Paul ai Filipesc Fredesc y sorus! 20 Nosta patria indere é tl cil. Da dailò aspetunse inće Gejù Crist, le Signur, sciöche salvatur, 21 che trasformarà nosc corp miserabl tla forma de n corp glorius, cun chë forza, cun chëra ch’al s’à sotmetü döt cant. Parora de Dî. – Rengraziun Idî! Antifona dal vagnele

Lalt a té Crist, re de gloria eterna. – R o bëgn: Alleluia. Alleluia. Gnide ca, os ch’i sëis benedis da mi Pere, Matî 25, 34 tolede le rëgn te osc avëi, che é destiné por os dala creaziun dl monn incà. – R

VAGNELE

Lüca 7, 11–17

Dal vagnele do san Lüca – Gloria a té, Signur. Te chël tëmp 11 é Gejù jü te na cité che â inom Nainn; sü discepui y na gran meja de jënt ti jô do. 12 Canch’al ê rové dan la porta dla cité, portân dër fora n mort. Al ê le fi su de süa uma, y chësta ê vëdua. Y n gröm de jënt dla cité l’acompagnâ. 13 Canche le Signur à odü l’ëra, àl albü compasciun impara y ti à dit: No pité! 14 Spo ti él jü pormez ala barela y l’à piada ite. I portadus s’à archité, y al à dit: Jonn, i te diji: Lê sö! 15 Dailò s’à le mort arvërt sö y à metü man da baié, y Gejù ti al à dè derevers a süa uma. 16 Düć â ciafè tëma; ai aprijâ Idî y dijô: N gran profet é lovè sö danter nos: Idî s’un n’à tut sura de so popul. 17 Y la notizia se slariâ fora indlunch tla Iudea y tl raiun incëria. Parora dl Signur. – Lalt a té, Gejù Crist!

San Carlo Borromeo

327

Söles ofertes

Signur, nosc Dî, tol sö l’oferta ch’i te portun dant por nostes sorus y nüsc fredesc defunć y por düć chi che é morć te Gejù Crist. Tres chësc sacrifize sant delibrëii dales ćiadënes dla mort y scinchi la vita eterna. Do chësc te periunse por Crist, nosc Signur. – Amen.

Antifona dala comuniun

I aspetun le Redentur, le Signur Gejù Crist, che trasformarà nosc püre corp do la somëia de so corp glorifiché.

Oraziun do la comuniun

Dî misericordius, i ùn portè dant chësc sacrifize y i periun che te l’azetes te tüa buntè. Mënete pićé de nüsc defunć. Tl bato i aste tut sö sciöche tü fis; scinchi la ligrëza dl cil y l’arpejun impormetüda. Do chësc te periunse por Crist, nosc Signur. – Amen.

Filipesc 3, 20–21

4 de novëmber

SAN CARLO BORROMEO Antifona dal ingrès

I chiriarà les bisces de mi pastorëc confr. Ezèchiel 34, 11.23.24 – dij le Signur – y i fajarà lovè sö n famëi che les condüj sön pastöra; iö, le Signur, sarà so Dî.

Oraziun dl dé

Periun! Dî y Signur, mantëgn vi te to popul le spirit che à animé le vësco san Carlo Borromeo y dài a tüa Dlijia la forza de se renovè inant. Fórmela do l’ideal dl vagnele ch’ara ti fejes conësce al monn Gejù Crist, nosc Dî y Signur, che vir y regnëia cun tè tl’unité dl Spirit Sant por düć i secui di secui. – Amen.

328

SECUNDA LETÖRA

San Carlo Borromeo Romans 12, 3–13

Letöra dala lëtra de san Paul ai Romans Fredesc y sorus! 3 Por la grazia che m’é gnüda dada ves diji a vignun de os: No tingede do deplü co ves speta, mo tingede da ester prudënć, vignun do la mosöra dla fede che Idî ti à dè. 4 Deache sciöch’i ùn pro un n corp tröc mëmbri, mo nia düć i mëmbri ne fej le medemo sorvisc, 5 insciö sunse inće nos, scemìa ch’i sun tröc, un n corp te Crist, mo vignun por süa pert sunse mëmbri un por l’ater. 6 I ùn scincundes desvalies, aladô dla grazia che nes è gnüda dada. Sce un à la scincunda dl baié profetich, spo déssel baié aladô dla fede; 7 sce un à la scincunda dl sorvì, spo déssel sorvì. Chël che é cherdè a insigné, dess insigné; 8 chël che é cherdè a consolè y a amonì, dess consolè y amonì. Chël che dà, dess dè zënza speculaziuns; chël che é surastant, dess se dè da fà cun lezitënza; chël che fej misericordia, la fejes cun ligrëza. 9 Osc amur sides zënza falsité. Desprijede le ri, tignìsse dassënn al bëgn! 10 Gnisse un cun l’ater te n amur fredejin, garejede tl respet un por l’ater. 11 Ne stede a lascè do te osta lezitënza, lascésse animé dal Spirit y sorvide Idî. 12 Sëise ligri tla speranza, paziënć tl’opresciun, tignide fora tl’oraziun! 13 Daidede i sanć (i fredesc) che é tl bojëgn; dedi dagnora ospitalité. 14 Benedide üsc porseghitadus; benedidi, no i maledide.

San Carlo Borromeo

329

Ralegresse cun i ligri y pitede cun chi che pita. 16 Jide inanter os a öna; ne stede a tingé altafora, romagnede ala buna. 17 No aratésse instësc sapiënć! Ne stede a ti rete a degügn le mal cun le mal. Defrunt a düć ede le bëgn imënt. 18 Tan inant ch’ara va viede cun düć en pêsc. Parora de Dî. – Rengraziun Idî. Salm de resposta

Dles opres de tüa buntè, oh Signur, ôi ćiantè por tres y dagnora. – R

Salm 89 (88)

Dles opres de tüa buntè, oh Signur, / (I) ôi ćiantè por tres y dagnora, * y incundé tüa fedelté da na descendënza al’atra.

Deache i diji: / Tüa buntè romagn por dagnora, * a tüa fedelté n post frëm tl cil i daste. – R

20a 4

T’as dit, Signur, te na vijiun a tü devoć: / "I à stlüt jö cun mi prelité n’alianza, * y ti à dè juramënt a mi fant Davìde:

A tüa ćiasa ti dài dorada por dagnora, * y da generaziun a generaziun sta impé to trone. – R

I à ciafè Davìde, mi fant, * y l’à consacrè cun mi öre sant.

Mia man le tignarà dagnora * y mi brac ti darà forza. – R

Mia fedelté y mia tlemënza l’acompagnarà, * y te mi inom alzaral le će.

Ël me cherdarà: Tö es mi pere, * mi Dî, le crëp de mia salvëza." – R

Atlamaziun dal vagnele

Alleluia. Alleluia. Iö sun le bun famëi. Iö conësci i mi y i mi conësc mè. Alleluia.

Jan 10, 14

330

San Carlo Borromeo

VAGNELE

Jan 10, 11–16

Dal vagnele do san Jan – Gloria a té, Signur! Te chël tëmp à Gejù dit: 11 Iö sun le bun famëi. Le bun famëi dà ia süa vita por les bisces. 12 Le fant tut sö a paiamënt indere, che ne n’é nia famëi y de chël che les bisces ne n’é nia, lascia les bisces sores y s’un sciampa canch’al vëiga gnon le lu; le lu les scherza y les sprìgora indalater. Al s’un sciampa, 13 ćiodì ch’al é mâ n fant a paiamënt y ćiodiche les bisces ne ti un vel nia. 14 Iö sun le bun famëi; iö conësci i mi y i mi conësc mè, 15 sciöche le Pere conësc mè y iö conësci le Pere; y iö dà ia mia vita por les bisces. 16 I à ćiamò d’atres bisces, che ne n’é nia fora de chësta stala; inće chëres mëssi condüje y ares ascutarà mia usc; spo saral mâ un n pastorëc y un n famëi. Parora dl Signur. – Lalt a té, Gejù Crist! Söles ofertes

Dî de buntè, tol sö les ofertes ch’i portun sön altè le dé de recort de san Carlo Borromeo. Por so fistide da famëi y por süa opera ti aste dè la corona dla vita. Por la forza de chësc sacrifize fa ch’i portunse inće nos tröp früt. Do chësc te periunse por Crist, nosc Signur. – Amen.

Antifona dala comuniun

I sun gnü ch’ai ais la vita y ch’ai l’ais en abondanza – insciö dij le Signur.

Oraziun do la comuniun

Signur nosc Dî, te nes as renforzè cun le pan de tüa mësa. Fa ch’i sunse sciöche san Carlo Borromeo fedei te to sorvisc y implis d’amur por i atri. Do chësc te periunse por Crist, nosc Signur. – Amen.

Jan 10, 10

San Linert

331

6 de novëmber

SAN LINERT Antifona dal ingrès

Tö, Signur, me das l’arpejun y me sporjes le caresc; Salm 16 (15), 5–6 te tëgnes mi destin te tües mans. Mia pert é tomada sön de bel ćiampoprè. Scê, mia arpejun me plej dër.

Oraziun dl dé

Periun! Dî misericordius, t’as metü l’eremit san Linert a delibré i sarà ia y a condüje i pićiadus sön le dër tru. Fasse lëdi dales ćiadënes dl pićé y mantëgnesse tla liberté a chëra che te nes as cherdè. Do chësc te periunse por nosc Signur Gejù Crist, to Fi, che é Dî y vir y regnëia cun tè tl’unité dl Spirit Sant por düć i secui di secui. – Amen.

PRÖMA LETÖRA

Filipesc 3, 8–14

Letöra dala lëtra de san Paul ai Filipesc Fredesc y sorus! 8 Döt, arati iö, che é da lascè ester, ćiodiche la conescënza de Crist Gejù, mi Signur, superëia döt. Por ël ài dè sö döt cant, aratan döt sciöche ciomënt, por davagné Crist 9 y por ester te ël. I ne chiri nia mia iustizia, che vëgn dala lege, mo chëra, che vëgn dala fede te Crist, la iustizia, che Idî scinca por gauja dla fede. 10 Crist ôi conësce tambëgn tla potënza de süa ressoreziun co tla partezipaziun a süa pasciun a na moda ch’i vëgnes conformè a süa mort. 11 Insciö speri inće, de rové ala ressoreziun dai morć. 12 Nia ch’i ais bele arjunt le pest o ch’i sides bele perfet. Mo i ćiari de l’abiné, deache inće iö sun gnü abiné da Crist Gejù. 13 Fredesc, i ne me mëti nia tl će, ch’i l’ais bele arjunt. Mo öna na cossa feji: I me desmëntii ći ch’i à do da mè, y me stëni adincuntra a ći ch’i à dan da mè.

332

San Linert

Cun la mira dan i edli, salti por davagné le pest dla cherdada divina che Idî nes scinca te Crist Gejù. Parora de Dî. – Rengraziun Idî! Salm de resposta

Móstreme, Signur, le tru dla vita! – R

Salm 16 (15)

1 2

Ćiara de mè, oh Dî, a té t’ài crëta. / (III) I ti diji al Signur: "Tö es mi Signur; * tö su es döta mia fortüna."

Tö, Signur, me das l’arpejun y me sporjes le caresc; * te tües mans tëgneste le destin de mia vita. – R

Al Signur che m’à aconsié ti va mia lauda, * inće de nöt él mi cör che m’al recorda.

I à le Signur tres dan dai edli, * al sta a mia man dërta ch’i ne ciancantes. – R

Porchël se ralegrëia mi cör y mia anima esultëia; * inće mi corp é al sigü che palsa.

Tö me mostres le tru dla vita. / Dan da to müs regnëiel ligrëza en abondanza, * baldëza por düć i tëmps a tüa man dërta. – R

Atlamaziun dal vagnele

Alleluia. Alleluia. Jan 15, 9b.5b Romagnede te mi amur! Chël che romagn te mè y te chël che iö romagni, chël porta tröp früt. Alleluia.

VAGNELE

Matî 13, 44–46

Dal vagnele do san Matî – Gloria a té, Signur! Te chël tëmp ti à Gejù dit ala meja: 44 Cun le rëgn dl cil éra sciöche cun n tesur che ê ćiavè ite te n ćiamp. N ël ê rové laprò, mo al l’à indô ćiavè ite. Te süa ligrëza él jü a vëne döt ći ch’al â, y à cumprè le ćiamp. 45 Cun le rëgn dl cil éra inće sciöche cun n marćiadënt che chirî de beles perles. 46 Canch’al â albü ciafè na perla dër preziosa, àl venü döt, ći ch’al â, y l’à cumprada. Parora dl Signur. – Lalt a té, Gejù Crist!

Segra dla basilica dl Lateran

333

Söles ofertes

Signur, recordan la dediziun de san Linert te portunse dant cun chëstes ofertes inće nos instësc. Tol demez da nos ći che nes despartësc da tè, por che te sides tö su nosta richëza. Do chësc te periunse por Crist, nosc Signur. – Amen.

Antifona dala comuniun

Ćiarćede y odede, tan bun che le Signur é; fortuné chël che s’ascogn pro d’ël.

Oraziun do la comuniun

Dî etern, tö fontana y plenëza dla santité, t’as condüt san Linert söl tru dla perfeziun. Cun la forza de chësc sacramënt làscesse crësce tl amur y completëia por le dé dl avënt de Gejù Crist l’opera dla grazia che t’as scomencè te nos. Do chësc te periunse por Crist, nosc Signur. – Amen.

Salm 34 (33), 5

9 de novëmber

SEGRA DLA BASILICA DL LATERAN Antifona dal ingrès

I à odü la cité santa, la Ierùsalem nöia, gnon da Idî jö dal cil. Ara ê arjignada sciöche na nücia, che s’à infornì sö por so nüc.

Oraziun dl dé

Periun! Dî alingrana, t’ôs te fà sö la ćiasa de tüa gloria cun peres vies y de pröma lîta. To Spirit, che te i as scinché a tüa Dlijia, la fejes rica de früć. Fa che i credënć crësces tla fede, tla speranza y tla ćiarité, che to popul röies ala perfeziun tla Ierùsalem dl cil. Do chësc te periunse por nosc Signur Gejù Crist, to Fi, che é Dî y vir y regnëia cun tè tl’unité dl Spirit Sant por düć i secui di secui. – Amen.

Revelaziun 21, 2

334

o bëgn: Oraziun dl dé

Segra dla basilica dl Lateran

Periun! Dî onipotënt, t’as orü che to popul ais inom Dlijia, deach’i sun la ćiasa olach’al abitëia tüa gloria. Fa che i credënć, che s’abina te to inom, te onorëies, te ôis bun y te stimes, por ch’ai arjunjes sot tüa proteziun l’arpejun eterna. Do chësc te periunse por nosc Signur Gejù Crist, to Fi, che é Dî y vir y regnëia cun tè tl’unité dl Spirit Sant por düć i secui di secui. – Amen.

PRÖMA LETÖRA

Ezèchiel 47, 1–2.8–9.12

Letöra dal liber dl profet Ezèchiel 1

L’ël, che m’acompagnâ, m’à condüt söl’entrada dl tëmpl y i odô ega sbrocan sot le limo dl tëmpl fora y rogoron cuntra oriënt; deache la falzada dant dl tëmpl ê ota cuntra oriënt. L’ega rogorô jö sot la pert dërta dl tëmpl dal altè cuntra misdé. 2 Spo m’àl condüt fora por la porta setentrionala y m’à fat jì defora ia ćina söla porta orientala defora. I odô l’ega sbrocan fora dala pert de misdé. 8 Al m’à dit: Chësta ega rogor tl raiun oriental y va jö tl’Àraba y fluësc tl mer, tl mer dal’ega sarada. Insciö vëgn l’ega sarada sana. 9 Olache le rü röia, dailò podarà vire düć i estri viënć, döt ći che büsia, y al sarà n gröm de pësc. Deache chësta ega röia ilò, devënta les ones sanes; olache le rü arjunj, dailò romagn döt en vita. 12 Da trames les perts crëscel de vigni sort de lëgns da ordöra, süa fëia ne vëgn nia flacia y ai ne sarà mai zënza früć. Vigni mëis porti früć frësć deache l’ega vëgn dal santuar. I früć sarà de spëisa y les fëies de medejina. Parora de Dî. – Rengraziun Idî!

Segra dla basilica dl Lateran

335 1 Corinć 3, 9c–11.16–17

o bëgn:

Letöra dala pröma lëtra de san Paul ai Corinć Fredesc y sorus! 9c I sëis na costruziun de Dî. 10 Aladô dla grazia de Dî, che m’é gnüda scincada, ài metü la fondamënta sciöche n bun muradù; n ater frabichëia lassura inant. Mo vignun dess mëte averda co ch’al frabichëia inant. 11 Deache n n’atra fondamënta ne sciafia degügn da mëte ater co chëra che é bele metüda: Gejù Crist. 16 Ne savëise nia, ch’i sëis tëmpl de Dî y che le Spirit de Dî abitëia te os? 17 Chël che rovina le tëmpl de Dî, chël él Idî che mët en roina. Deache le tëmpl de Dî é sant, y chël sëise os. Parora de Dî. – Rengraziun Idî! Salm de resposta

Amesa tüa Dlijia, Dî y Signur, ciafunse grazia surafora. – R

Salm 46 (45)

Dî é por nos proteziun y forza, * (V) tres arjigné da daidé te vigni meseria.

I n’un nia pôra inće sc’al trëmora la tera, / gnanca sce les munts tomass tl mer * y gniss curides pro dales eghes. – R

Rüs d’ega ralegrëia la cité de Dî, * l’abitaziun santa de Dî, l’Altiscim.

Amesa ëra é Idî, porchël mai ne ciancantaràra, * Idî la dëida bele canche la doman se descëda. – R

Le Signur dles armades é cun nos, * le Dî de Iàcob é nosta fortëza.

Gnide y odede les opres dl Signur, * cosses demorvëia fêjel sön la tera. – R

Atlamaziun dal vagnele

Alleluia. Alleluia. confr. 2 Cronica 7, 16 I à chirì fora chësta ćiasa y l’à santificada, por che mi inom sides chilò por dagnora. Alleluia.

336

Segra dla basilica dl Lateran

VAGNELE

Jan 2, 13–22

Dal vagnele do san Jan – Gloria a té, Signur. 13

La festa de Pasca di iüdes ê daimprò, y Gejù é jü sö Ierùsalem. 14 Tl tëmpl àl urté i sciacri de armënć, bisces y colombes y i ingiamiadus de scioldi, che ê sentà dailò. 15 Do ch’al â fat na scoriada de cordes i àl parè düć fora dl tëmpl adöm cun les bisces y i armënć; i scioldi di ingiamiadus àl juté fora, y sües mëses àl rosedè sotissura. 16 Ai sciacri dales colombes ti àl dit: Jide demez cun chësc patüc, ne stede a fà fora dla ćiasa de mi Pere n salf da marcé. 17 Sü discepui se recordâ dla parora dla Scritöra: La pasciun por mia ćiasa me consumëia. 18 Sön chësta l’à i iüdes tut a cunt: Ćî sëgn nes làsceste pa odëi por desmostrè che te pos fà chësc? 19 Gejù ti à respognü: Tirede jö chësc tëmpl, te trëi dis le fajarài indô sö. 20 Dailò à dit i iüdes: Carantessis agn alalungia él gnü frabiché pro chësc tëmpl, y tö ôs le fà sö te trëi dis? 21 Mo ël minâ le tëmpl de so corp. 22 Do ch’al ê ressorì dai morć, s’à sü discepui recordè ch’al â albü dit chësc, y ai ti cherdô ala Scritöra y ala parora che Gejù â albü dit. Parora dl Signur. – Lalt a té, Gejù Crist! Söles ofertes

Dî y Signur, tol sö nostes ofertes, scìnchesse cun tü sacramënć forza y crëta y ejaudësc düć chi che prëia te to santuar. Do chësc te periunse por Crist, nosc Signur. – Amen.

Antifona dala comuniun

Lascésse arcuncè sö sciöche peres vies por la costruziun de na ćiasa spirituala, por n sazerdoze sant.

1 Pire 2, 5

San Martin

Oraziun do la comuniun

337

Dî onipotënt, tla Dlijia söla tera nes daste le presentimënt dla Ierùsalem divina. Cun chësta comuniun santa fa fora de nos le tëmpl de tüa grazia y làscesse rové pormez al tronn de tüa gloria. Do chësc te periunse por Crist, nosc Signur. – Amen.

11 de novëmber

SAN MARTIN Antifona dal ingrès

Parora de Dî, le Signur: I metarà n prou de crëta a mi sorvisc, che se deportarà do mia orentè.

Oraziun dl dé

Periun! Dî onipotënt, le vësco san Martin t’à glorifiché te süa vita y te süa mort. Lascia che la potënza de tüa grazia operëies inće te nos por che no la vita, no la mort nes destaches da to amur. Do chësc te periunse por nosc Signur Gejù Crist, to Fi, che é Dî y vir y regnëia cun tè tl’unité dl Spirit Sant por düć i secui di secui. – Amen.

PRÖMA LETÖRA Letöra dal liber dl profet Isaìa 1

Le Spirit de Dî é sön mè, deache le Signur m’à unt. Al m’à unt, por ch’i ti portes ai püri na noela de ligrëza y varësces düć chi, che à le cör intoć, por ch’i ti incündes ai stlâfs la liberté y ai sarà ia la liberaziun, 2 por ch’i protlamëies n ann de grazia dl Signur y n dé de vendicaziun dl Signur, por ch’i consolëies düć chi che à la ria

1 Sàmuel 2, 35

Isaìa 61, 1–3a

338

San Martin

y ralegrëies i sconsolà de Sionn, ti portes decoraziun impede umilianza, öre de ligrëza impede guant da plöra, iubilanza impede desperaziun.

Parora de Dî. – Rengraziun Idî! Salm de resposta

Tüa fedelté, Signur, incündi al’indunanza. – R

Salm 89 (88)

Dles opres de tüa buntè, oh Signur, / (III) ôi ćiantè por tres y dagnora, * y incundé tüa fedelté da na descendënza al’atra.

Deache i diji: / Tüa buntè romagn por dagnora, * a tüa fedelté n post frëm tl cil i daste. – R

20a 4

T’as dit, Signur, te na vijiun a tü devoć: / "I à stlüt jö cun mi prelité n’alianza, * y ti à dè juramënt a mi fant Davìde:

A tüa ćiasa ti dài dorada por dagnora, * y da generaziun a generaziun sta impé to trone. – R

I sun rové pro mi fant Davìde, * y i l’à unt cun mi öre sant.

Demeztrù le tignarà mia man dërta * y mi brac ti darà forza. – R

Atlamaziun dla vagnele

Alleluia. Alleluia. N comandamënt nü ves dài: Sciöche iö ves à orü bun, insciö desses inće os s’orëi bun un al ater. Alleluia.

VAGNELE Dal vagnele do san Matî – Gloria a té, Signur! 31

Canche le Fi dl Om vëgn te süa gloria y düć i agnui cun ël, se sentaral söl tronn de süa gloria. 32 Y düć i popui gnarà cherdà adöm dan da d’ël, y ël i cernarà indalater, sciöche le famëi cern les bisces dai moć. 33 Al abinarà les bisces a süa man dërta, i moć indere a süa man ciampa.

Jan 13, 34ac

Matî 25, 31–40

San Martin

339

Dailò ti dijarà le re a chi a süa man dërta: Gnide ca, os benedis da mi Pere, tolede le rëgn, che é destiné por os dala creaziun dl monn incà. 35 Deachi i â fan, y i m’ëis dè da mangé; i â sëi, y i m’ëis dè da bëre; i ê forest y zënza tët, y i m’ëis dè alberch; 36 i ê desnü, y i m’ëis vistì; i ê amarè, y i sëis gnüs a me ciafè; i ê te porjun, y i sëis gnüs da mè. 37 Spo ti respognarà i iüsć: Signur, can t’unse pa odü arfamè y t’ùn dè da mangé o assetè y t’ùn dè da bëre? 38 Y can t’unse pa odü forest y zënza ćiasa y t’ùn tut sö, o desnü y t’ùn vistì? 39 Y can t’unse pa odü amarè o te porjun y sun gnüs da tè? 40 Sön chëra ti respognarà le re: Amen, i ves diji: Vigni ota ch’i ëis fat chëstes cosses inće mâ a un su de chisc mi mëndri fredesc, les ëise fat a mé. Parora dl Signur. – Lalt a té, Gejù Crist! Söles ofertes

Dî onipotënt, santifichëia les ofertes ch’i te portun dant cun ligrëza en la festa de san Martin. Fa che chësc sacrifize rovënes ti bugn y ti stleć dis nosta vita te tüa pêsc. Tol demez da nos ći che nes despartësc da tè, por che tö su devëntes nosta richëza. Do chësc te periunse por Crist, nosc Signur. – Amen.

Antifona dala comuniun

Ći ch’i ëis fat a un de mi mëndri fredesc,: chël ëise fat a mé – dij le Signur.

Oraziun do la comuniun

Signur, nosc Dî, te chësc past nes aste sport le pan sant sciöche sëgn de unité y de tüa buntè paterna. Dëidesse fà tüa orentè do l’ejëmpl de san Martin por ch’i aldiunse pro tè sciöche ël s’à metü da tüa pert. Do chësc te periunse por Crist, nosc Signur. – Amen.

Matî 25, 40

340

San Iósafat

12 de novëmber

SAN IÓSAFAT Antifona dal ingrès

Por so Dî à chësc sant combatü ćina ala mort. Al ne n’â degöna pôra, deach’al stô sön fondamëntes sigüdes.

Oraziun dl dé

Periun! Dî, tö Pere de düć i credënć, implì de Spirit Sant à le vësco y màrtire san Iòsafat dè ia la vita por so popul. Dasse por süa interzesciun inće a nos le Spirit dl amur ch’i sunse arjignà da stè ite cun la vita por nüsc fredesc. Do chësc te periunse por nosc Signur Gejù Crist, to Fi, che é Dî y vir y regnëia cun tè tl’unité dl Spirit Sant por düć i secui di secui. – Amen.

PRÖMA LETÖRA

Efejins 4, 1–7.11–13

San Iósafat

341

d’atri sciöche vagnelisć, d’atri sciöche famëis y maestri, 12 por arjigné i fredesc a so sorvisc, por l’edificaziun dl corp de Crist. 13 Insciö désson rové düć al’unité tla fede y ala conescënza dl Fi de Dî, por ch’i rovunse ala perfeziun do la figöra de Crist tla forma de döta süa plenëza. Parora de Dî. – Rengraziun Idî! Salm de resposta

Fortuné chël che va do i trus de Dî. – R

Salm 1

Beat le chestian che ne ti va nia do al consëi di ri, / (IV) che ne va nia por le tru di pićiadus, * che ne sta nia sentè tl cërtl di coienadures,

mo che à ligrëza cun le comandamënt dl Signur * y dé y nöt meditëia sön süa lege. – R.

Al é sciöche n lëgn sentè dlungia rüs d’ega, * che porta por tëmp sü früć y ne ciafa nia les fëies flaces. Döt ći ch’al fej, * ti gareta indortöra. – R

Atlamaziun dal vagnele

Nia insciö ne n’é i ri, * che vëgn soflà demez dal vënt sciöche zëmes. *

Deache le Signur conësc le tru di iüsć, * le tru di ri indere condüj tla roina. – R

Alleluia. Alleluia. Jan 15, 9b.5b Romagnede te mi amur! Chël che romagn te mè y te chël che iö romagni, chël porta tröp früt. Alleluia.

VAGNELE Dal vagnele do san Jan – Gloria a té, Signur! Te chël tëmp à Gejù alzè sü edli sö a cil y à perié: 20 Pere sant, i ne prëii nia mâ por chisc chilò, mo inće por düć chi che crëi te mè tres süa parora.

Jan 17, 20–26

342

San Iósafat

Düć dess ester un: Sciöche tö, Pere, es te mè y iö sun en tè, dessi inće ëi ester un te nos, por che le monn crëies che tö m’as menè. 22 Y iö ti à dè la gloria che tö m’as dè; deache ai dess ester un, sciöche nos sun un, 23 iö te ëi y tö te mè. Insciö dessi ester perfeć tl’unité, por che le monn reconësces che tö m’as menè y che tö ti as orü bun ai mi sciöche a mé. 24 Pere, i ô che düć chi che te m’as dè sides dailò pro mè, olache iö sun. Ai dess odëi mia gloria che tö m’as dè, deache tö m’as orü bun bele dan la creaziun dl monn. 25 Pere iüst, le monn ne t’à nia conesciü, mo iö t’à conesciü, y ai à conesciü che tö m’as menè. 26 I ti à fat conësce mi inom y le fajarà conësce, por che l’amur, cun chël che te m’as orü bun, sides te ëi, y por che iö sunse te ëi. Parora dl Signur. – Lalt a té, Gejù Crist! Söles ofertes

Dî de buntè, implësc chëstes ofertes cun tüa benedisciun. Dëidesse da ester fedei tla fede che san Iósafat à testemonié cun so sanch. Do chësc te periunse por Crist, nosc Signur. – Amen.

Antifona dala comuniun

Chël che ô gnì do a mé, s’un desdijes de sè instës, toles süa crusc sön ël; spo déssel me gnì do.

Oraziun do la comuniun

Di misericordius, to past sant nes scinches le Spirit dla forza y dl amur ch’i stunse ite cun nosta vita, do l’ejëmpl de san Iósafat, por la gloria y l’unité dla Dlijia. Do chësc te periunse por Crist, nosc Signur. – Amen.

Matî 16, 24

Segra dles basiliches de San Pire y San Paul

343

18 de novëmber

SEGRA DLES BASILICHES DE SAN PIRE Y SAN PAUL A ROMA Antifona dal ingrès

Te i as metü sciöche surastanć sura döta la tera. Salm 45 (44), 17–18 Ai renomarà to inom da generaziun a generaziun; porchël t’aprijarà i popui tres y dagnora.

Oraziun dl dé

Periun! Dî etern, ćiara de tüa Dlijia y mantëgnela sot la proteziun di apostui san Pire y san Paul, da chi ch’ara à ciafè la fede y la vita te Crist. Làscela crësce te tüa grazia ćina ala fin di tëmps. Do chësc te periunse por nosc Signur Gejù Crist, to Fi, che é Dî y vir y regnëia cun tè tl’unité dl Spirit Sant por düć i secui di secui. – Amen.

PRÖMA LETÖRA

Storia di Apostui 28, 11–16.30–31

Letöra dala Storia di Apostui 11

Trëi mëisc dedô sunse pià ia cun na barca alessandrina, che â passè l’invern söl’ijola de Malta y che portâ le sëgn di Dioscûrs. 12 I sun rovà a Siracusa, olach’i sun stà trëi dis; 13 da dailò sunse navigà inant do la spona y sun rovà a Reggio. Le dé dô àl metü man da gnì le vënt dal süd y insciö sunse rovà te dui dis a Pozzuoli. 14 Ilò unse incuntè i fredesc; ai s’à perié de stè set dis pro d’ëi. Y insciö sunse rovà a Roma. 15 Da dailò s’é gnüs adincuntra i fredesc, che â aldì de nos, ćina a Foro Appio y a Tre Taverne. Canche Paul i â odü, àl rengrazié Idi y à ciafè coraje. 16 Do ch’i ên rovà a Roma, à Paul ciafè l’autorisaziun de abité da su, adöm cun n soldà che ti fajò da verda. 30 Al é romagnü dui agn intiers te süa abitazun a d’infit y tolô sö düć chi che gnô da d’ël.

344

Segra dles basiliches San Pire y San Paul

Al incundâ le rëgn de Dî y portâ dant zënza impedimënć y cun franchëza l’insegnamënt de Gejù Crist, le Signur. Parora de Dî. – Rengraziun Idî! Salm de resposta

Düć i confins dla tera vëiga la salvëza de nosc Dî. – R

Salm 98 (97)

Ćiantedi al Signur na ćiantia nöia, * ćiodich’al à fat opres demorvëia!

(III)

Al à daidé cun süa man dërta * y cun la forza de so brac sant. – R 2

Le Signur à manifestè süa salvëza, * dan dai edli di popui demóstrel süa iustizia.

Al s’à recordè de süa fedelté y tlemënza * por la ćiasa de Ìsrael. – R Düć i confins dla tera * vëiga la salvëza de nosc Dî/i.

Atlamaziun dal vagnele

Cighedi al Signur, düć os paîsc dla tera, * confortésse, iubilede y sonede! – R

Sonedi al Signur cun l’erpa, * cun l’erpa pro ćianties ressonëntes!

Pro le sonn di corgn y dles possaunes * dan dal Signur, le re, cighede! – R

Alleluia. Alleluia. Tè, oh Dî, te laldunse, tè, oh Signur, t’aprijunse; tè te glorifichëia le cor glorius di apostui. Alleluia.

VAGNELE Dal vagnele do san Matî – Gloria a té, Signur! 22

Do che Gejù ti â albü dè da mangé ala meja, àl comanè i discepui de jì te barca y de jì danfora söl’atra spona. Tratan orôl ortié la jënt a ćiasa. 23 Do ch’al l’â albü desgorta, él jü sön na munt, por stè da su y perié. Da sëra tert êl ćiamò dötaurela ilò da su. 24 La barca ê bele cotan de milies dala tera demez y gnô sciurada ia y ca dales ones;

Matî 14, 22–33

Segra dles basiliches de San Pire y San Paul

345

deach’ai â vënt da rodus. 25 Dala cuarta verda de nöt él gnü Gejù da d’ëi; al jô sura ega ia. 26 Canche i discepui l’â odü gnon ca por lêch, s’ài spordü, ćiodich’ai minâ ch’al foss n fantasm, y ai scraiâ dala tëma. 27 Mo Gejù à metü man da baié impara y à dit: Ede confidënza, i sun iö; no se temede! 28 Sön chëra à respognü Pire: Signur, sce t’es tö, spo comana ch’i vëgnes da tè sura ega ia. 29 Gejù à dit: Vì! Dailò é Pire jü fora de barca y é jü da Gejù sura ega ia. 30 Mo canch’al â odü tan ri che le vënt ê, àl ciafè pôra y à metü man da jì sot. Al scraiâ: Signur, sâlveme! 31 Gejù à atira tignì fora la man y l’à pié y ti à dit: Chestian de pücia fede, ćiodî aste pa dubité? 32 Y canch’ai ê jüs te barca, s’à le vënt sbonè. 33 I discepui te barca s’à inslenè jö dan da Gejù y à dit: Veramënter, tö es le Fi de Dî. Parora dl Signur. – Lalt a té, Gejù Crist! Söles ofertes

Dî, nosc Signur, tol sö les ofertes ch’i te portun dant y fa ch’i se tignunse cun döt le cör al dër insegnamënt ch’i ùn ciafè dai apostui san Pire y san Paul. Do chësc te periunse por Crist, nosc Signur. – Amen.

Antifona dala comuniun

Signur, tö as parores de vita eterna. I ùn cherdü y reconesciü: tö es le Sant de Dî.

Oraziun do la comuniun

Dî onipotënt, i ùn recordè i apostui san Pire y san Paul y festejé la segra de sües dlijies. En chësta festa nes aste nudrì cun le pan dla vita; ascuta l’oraziun di surastanć di apostui y acompagnëiesse cun de bugn famëis ala salvëza eterna. Do chësc te periunse por Crist, nosc Signur. – Amen.

Jan 6, 68–69

346

Santa Elìsabet da Thüringen

19 de novëmber

SANTA ELÌSABET DA THÜRINGEN Antifona dal ingrès

Elisabet à lascè süa ćiasa y süa arpejun, por tó pert al destin di püri. Mo le Signur l’à inalzada sö da d’ël.

Oraziun dl dé

Periun! Dî, Pere di püri, te i as de a santa Elìsabet n cör davert por i püri te chi ch’ara à reconsciü y adorè Gejù Crist. Por süa interzesciun dasse inće a nos le Spirit de to amur y sbürlesse a daidé y fà dl bëgn olach’al é jënt tla meseria y tl bojëgn. Do chësc te periunse por nosc Signur Gejù Crist, to Fi, che é Dî y vir y regnëia cun tè tl’unité dl Spirit Sant por düć i secui di secui. – Amen.

PRÖMA LETÖRA Letöra dala pröma lëtra de san Jan. Fredesc bunorüs! 14 I savun, ch’i sun passà dala mort ia tla vita, deach’i ti orun bun ai püri. Chël che n’ô nia bun, romagn tla mort. 15 Vignun che ti à le sënn a so fre é n assassin, y i savëis: Degun assassin ne n’à te sè instës la vita eterna. 16 Da chël unse conesciü l’amur, che ël à dè ia süa vita por nos. Insciö messunse inće nos dè ia la vita por i fredesc. 17 Sce un à bëgns y stlüj so cör dan dal fre ch’al vëiga tla meseria, co sciafia pa da romagne l’amur de Dî te d’ël? 18 Mi mituns, i n’orun nia orëi bun cun les parores y la lënga, mo tles opres y tla verité. Parora de Dî. – Rengraziun Idî!

1 Jan 3, 14–18

347