SAS DLA CRUSC 2005 2/2 by UNIUN LADINS VAL BADIA

LUNGIARÜ

LUNGIARÜ • Giovanni Mischí y Mario Clara

L’lüch dl Tescere a Laguscel è aladô di documënć un di plü vedli dl paisc.

315

LUNGIARÜ

Movimënt dla popolaziun Nasciüs Te 7 families él rové ligrëza cun la nasciüda de na picia creatöra. Ai geniturs ti val les mius audanzes y che i pici crësces sagns intun. ANAFAL Anas

de Anafal Abdellah y Illoutatifa

ASCHBACHER David

de Dapoz Albina y Christian

COSTABIEI Mara

de Mischì Rita y Francesco

MISCHÌ Valentina

de Campei Karin y Pio

PELLEGRINI Alessio

de Clara Martina y Giulio

SCHANUNG Christian

de Valentini Monica y Egidio

SORÀ Nadine

de Sorà Wilma

Alessio

Valentina

316

Nadine

Christian

David

LUNGIARÜ

Morć Dala comunité à tut comié chëstes porsones: Serafin Canins (16.11.1920 – 5.2.2005)

Serafin de Ianesc, sciöch’al i gnô dit, é nasciü tla vila de Seres söl lüch de Ianesc da na familia de önesc mituns. Chilò àl inće passè gran pert de süa vita fajon le paur, adöm a so fre Carlo y süa so Regina, y – do che chisc ê gnüs a manćé – inant da su. Serafin n’ê nia maridé. I s’l’recordun sciöche na porsona da n bun cör y ch’â na gran pasciun por la natöra y i tiers. Süa vita é stada caraterisada dal laûr y dales bries por menè inant le lüch. Chësta tradiziun àl tignì ćina ch’al ê sté bun y che la sanité l’â daidé. Serafin ê na porsona contënta y che savô da nen gnì fora col püch, al viô te so pice monn do le moto “vire y lascè vire” zënza avëi de gran pretenjiuns. Serafin Clara (11.3.1908 -1.3.2005)

Al 1. de merz nes à lascè berba Serafin Clara de Col. Nasciü él sön Col (Planacer) sciöche cuinto de sies mituns. La vita scëmpla söl lüch da paur

y le tröp laûr à madorì te ël na personalité sterscia, orentida y sota tla fede. Ai 15 de forà dl 1944 àl maridé Emma Clara de Balzè y da chësta uniun él nasciü 7 mituns y trëi mitans. Serafin tignî dër söla familia y ne sconâ degönes bries y sacrifizi por i garantì le bëgnstè. Dlungia le laûr söl lüch ërt de Col sciacarâl ion de lignan y de tiers. Chësta, pon dì, ê na pasciun de familia: bele so pere y so nëine â lê sciacrè tl sanch. Degönes fadies ne ti ê demassa, degönes destanzes da na val al’atra massa lunges da jì a pe. Serafin ê conesciü sciöch’ “Serafin Planacer”, na porsona da umor y de compagnia che savô - cun döt le laûr ch’al â - impò da se tó la vita. Conesciüda ê lunc y lerch süa pasciun por le cartè. “I ne n’à nia albü bel tla vita, mo da vire m’àl dagnora sapü bel!” dijôle tres indô. Al ne s’à mai lascè sprigoré da desgrazies o desfortünes: “tl inom de Dî vara pa bëgn indo”, insciö se fajôl coraje a sè instes y ai atri. Al à mantignì na memoria tlera ćina inultima y ê romagnü da matades y de bun cör. Frida Dapoz (7.11.1921 – 24.03.2005) Mëda Frida é chersciüda sö söl lüch de Costa da na familia de sis mituns. Chilò ara passè le tëmp de süa pröma jonëza ćina ch’ara s’à spo lié tl matrimone cun Ivo Sorà de Frëina. Da chësta uniun él nasciü na möta. Deboriada âi laurè süa vita le pice lüch da paur tla vila 317

LUNGIARÜ

de Frëina. Tla recordanza de tröc resta mëda Frida por süa buna löna , ara â dagnora val’da cuntè y da dì canch’an la incuntâ por strada. Dër gonôt la incuntân söl tru da mëssa danter vila y Frëina. Chirida ê mëda Frida por i scofuns da paur che ara savô da fà. Tl ultimo tëmp i âra scechè cun la sanité, ćina che ara s’ê stodada ia por dagnora. Che ai pois palsè tla pêsc de Dî.

Dala cronica dl paîsc, mëis por mëis Jenà Ai 5 y 6 de jenà él gnü tignì sön la pista dles liöses “Do Juvel” i campionać talians de liösa sön pista naturala. Da alzè fora i bugn resultać di 3 atleć da Lungiarü: Hannes Clara (1.), Ma37. Campionato Italiano 37. Italienmeisterschaft risa Clara (2.), 05.-06.01.2005 Oscar Clara (3.) respetivamënter tla categoria relativa. di slittino su pista naturale

im Rennrodeln auf Naturbahn

Porsones gnüdes pormez Pellegrini Giulio Porsones jüdes demez Amchichou Brahim Amchichou Radouan Amchichou Rajaa Amchichou Siham

Longiarù Campill 2005

L’cuertl dl liber metü adöm por l’ocajiun.

Foto de grup, dmc: Tone Clara, Alfred Jud, i trëi atleć Florian Clara, Hannes Clara y Marisa Clara, l’ombolt Pepi Dejaco y le presidënt dl’Uniun dl sport Richard Nagler cun le möt Giordan.

318

LUNGIARÜ

N valgügn momënć tratan les gares di campionać talians de liösa sön pista naturala.

319

LUNGIARÜ

Aorì Ai 30 d’aurì él gnü inaudé l’ implant idroeletrich nü a Ghestan, na opera realisada sön iniziativa dla sozieté SEA (Sorvisc energia y ambiënt) da San Martin de Tor. Tl’ocajiun él inće gnü tignì la reunium anuala di sozi, olach’ al é gnü renové le Consëi d’ aministraziun por i proscimi trëi agn. Al é stè n dé de ligrëza por la sozieté, porchël él gnü adalerch na gran pert di 176 sozi ch’à dedô tut pert ala benedisciun y inaudaziun dl implant idroeletrich sistemé tl ex-depuradù tla localité “Rives”. Cun chësc implant à śëgn la

L’ implant idroeletrich nü a Ghestan. Na pert dl fabricat ti é gnü venü dal comun ala SEA por sistemé l’implant y l’atra pert é gnüda trasformada te na garasc de comun.

320

sozieté tan de forza a desposiziun da curì prësc döt le consum atual de sü sozi (1.300.000 kWh al ann) che ciafa le strom fora por les trëi fraziuns dl comun. La realisaziun de chësc implant à costè la soma de 755.000 Euro che dess gnì despaiada jö te ca. ot agn. Te so discurs à l’ombolt Pepi Dejaco cuntè sciöche ara é stada cun le depuradù da Lungiarü, che é stè un di pröms dla Val Badia. Do ch’al é jü en funziun la gran serenara te tera a San Laurënz é chësc implant gnü desmetü. Na pert dl fabricat ti é gnü venü dal comun ala SEA por sistemé chësc implant y l’atra pert é gnüda trasformada te na garasc de comun.

LUNGIARÜ

Mà Ai 17 de mà él gnü tignì la festa dla Crejima. Chisc é i jogn y jones de 1ª y 2ª mesana che à ciafè a San Martin le sacramënt: Michael Chiusura, Alan Clara, Alexander Liotto, Oswald Maieron, Andreas Mischì, Simon Mischì, Philip Moling, Elias Nagler, Lucas Pezzei, Heinrich Schanung, Mirco Schanung, Emil Sorà, Isabel Clara, Katja Clara, Noemi Clara, Sandra Clara, Alexa Fontanella, Ester Moling, Giulia Moling, Natalie Pezzei, Stephanie Pezzei, Marion Sorà, Cindy Tavella.

Les mius audanzes de forza spirituala y bun impëgn tla vita cristiana, inće ai toć y ales totes y düć chi de familia. Ai 8 de mà à la comunité festejé sot al tema “Pro mësa cun Gejù” la festa dla Pröma Santa Comuniun. 12 é stà i mituns che à ciafè le sacramënt (4 mitans y 8 mituns): Klaus Pezzei, Meicol Sorà, Roland Clara, Federico Clara, Alfons Pezzei, Noemi Mischì, Christian Liotto, Cindy Maria Costa, Nicolas Schanung, Christian Eichner, Yvonne Daporta, Angelica Schanung. La festa é gnüda abelida dala Musiga

I mituns dl Pröma Santa Comuniun cun les maestres y siur ploan. Da man ciampa: Bernardetta Miaschì, Cherubina Zingerle, Carla Piccolruaz, siur curat Iaco Willeit, Angelica Conrater, Fefa Schanung, Elisabeth Erlacher, Tania Pallestrong. I mituns do ia da m.c.: Federico Clara, Christian Eichner, Roland Clara, Alfons Pezzei, Christian Liotto. I mituns dancà da m.c.: Noemi Mischì, Klaus Pezzei, Angelica Schanung, Meicol Sorà, Cindy Maria Costa, Nicolas Schanung, Noemi Mischì.

321

LUNGIARÜ

sta de Paîsc), Richard Nagler, Dolorico Mischì y Roland Dapoz (Edlweiß).

Le placat dla Pröma Santa Comuniun tachè sön porta de dlijia é gnü realisé da Reinhold Daporta.

y dal bel ćiantè dl cor dles mitans insigné ite da Irene Clara y en chësc iade sot la bachëta de Sepl Pezzei. Sciöche por tradiziun é i mituns jüs dô mëssa te calonia a gustè cun siur curat y les maestres. En chësc iade tla bela stüa vedla, na recordanza dla calonia da denant.

Siur ploan Iaco Willeit lascia la ploania da Lungiarü Ai 22 de mà incundâ la plata dla cöra – zënza che an ess aldì val’denant – che siur ploan Iaco Willeit ess lascè les döes cöres da San Martin y Lungiarü por jì a Laifers. Chësc sön ordinn “dal alt” (le vësco). Do 18 agn de gran laûr y de n sorvisc dagnora dlungia la jënt à siur Iaco messü to a conescënza la cherdada de so patrun. La domënia do, ai 29 de mà, él aparì tla plata dla cöra na lëtra sotescrita dai Consëis de cöra da Lungiarü y San Martin, dales Uniuns di Jogn, dles Ëres y di Ëi de trami paîsc, dales uniuns di leturs, dai cors de dlijia y dala Musiga, te chëra che al gnô portè dant la preocupaziun y l’incherscimun por perde siur ploan. Siur Iaco Willeit é gnü invié da stè inant

Ai 8 de mà él inće gnü tignì da pert dl KVW n pice marćé di ciüfs en ocajiun dla Festa dla uma. Lîtes de Comun Ai 8 de mà é la popolaziun dl paîsc gnüda cherdada a lité sü rapresentanć tl Consëi de Comun. I litadus podô chirì fora danter döes listes (Lista de Paîsc y lista dl Edlweiß) sü candidać de crëta. Te Comun él rové por Lungiarü sis rapresentanć (trëi por lista): Clara Claudia, Giovanni Mischì, Martin Clara (Li322

Siur Iaco Willeit cun Hubert Pezzei tratan na festa te Chi Pinis.

LUNGIARÜ

ti dui paîsc San Martin y Lungiarü. La domënia, ai 5 de jügn respogn siur Iaco tres la plata dla cöra che la dezijiun de mudé cöra é bele tuta y ara ne depënd baldi nia da süa orentè. Al vëiga che la situaziun gnarà por i paîsc plü ria mo al lalda inće les döes cöres te chëres che al à passè 18 agn de süa vita da ploan. Sön la medema plata dla cöra é la popolazin spo inće gnüda informada che al sarà siur Paul Campei a sostituì le ploan Willeit. Dlungia Antermëia arà chësc da vardè inće les cöres da San Martin y Lungiarù. Le mudamënt é preodü por le 1. de setëmber 2005. Aziun “paîsc nët” Ai 28 de mà él gnü metü a jì sön invit dl’Uniun di Pëiapësc n’aziun da romenè sö le paîsc. Al é stè na bela iniziativa che jô debojëgn do cotan d’agn che al ne gnô plü fat nia te chësc vers. Tröpa jënt, gra-

gn y pici s’à abiné adöm y s’ à dè da fà por romenè sö de vigni sort de ciomënt sternü intoronn do rüs y trus. Ala fin à düć i partezipanć podü tó pert ala griliada tla ütia dl ćiamp dal sport ofrida dal Comun. Festa dles Antlês La prozesciun dles Antlês (29 de mà) à indô podü gnì tignida, do che ara ê l’ann passè tomada fora por gauja dl bur’tëmp. Le tëmp é stè dër bel y les uniuns dl paîsc s’à porve da chirì portadus por statues y confaruns. La prozesciun é gnüda tignida cun i dui vangeli dal Pech y te Chi Pinis cun la benedisciun y contlujiun finala te dlijia. Inće la Musiga da San Martin/Lungiarü à tut pert y à abelì la festa cun so bel sonn. Danter la jënt él la tëma che chësta prozesciun podess col tëmp por manćianza de n ploan gnì lasciada sö.

Le gran müdl de sać coiüs adöm dai tröć volontars ch’à daidé romenè sö l’paîsc.

323

LUNGIARÜ

La prozesciun dles Antlês: öna dles plü beles festes de dlijia.

324

LUNGIARÜ

Jügn Ai 2 de jügn él gnü tignì la festa dl Cör de Gejù. Danmisdè él stè la mëssa solenna ćiantada te dlijia. Da sëra à la Uniun di jogn metü a jì na festa cun griliada, füch y inće na ćiacia al tesur por i miutns. La festa é gnüda fata ite en Chi Pinis y le tëmp che parô plütosc da plöia s’à ala fin trat fora scialdi bun. La grupa “Jimmi” à fistidié por la cornîsc musicala. Tropa jënt dl paîsc é rovada adalerch por stè adöm y se devertì. Marëna di iagri Ai 12 de jügn à la Uniun di Iagri invié düć i patruns de bosc y pra a na marëna tla localité Chi Pinis. Le surastant dla Uniun di Iagri da Lungiarü Sepl Pezzei à splighé che chësta marëna é gnüda ofrida dal’Uniun por se mostrè reconescënć

Le füch impié te Chi Pinis fej ligrëza ćis pro i pici.

defrunt ai patruns di terac y por rengrazié de süa colaboraziun. Danter i invià él inće gnü l’ombolt Pepi Dejaco, siur ploan Iaco Willeit y berba Sepl Dejaco cun sü 101 agn.

I mituns ch’ à tut pert ala ćiacia al tesur.

325

LUNGIARÜ

I patruns di bosc y pra à tut sö bun l’invit di iagri.

Berba Sepl Dejaco cun sü 101 agn fej na viva cun i iagri Marino y Doro Clara.

326

LUNGIARÜ

Dër aprijada é gnüda la festa dal pan fata söl Lüch de Vanc.

Festa dl pan Ai 11 y 12 de jügn él gnü tignì söl Lüch de Vanc la festa dl pan. Pro la festa él gnü fat y cöt pan y crosti sciöch’an fajô dandaîa. Tröc curiusc é rovà adalerch por odëi, ćiarćè y cumpré pan da paur. Segra a Vila dessura La sabeda, ai 18 de jügn, él gnü invié ia por le secundo iade la Festa de Vila dessura. I organisadus à cherdè ite y les patrunes s’à dè da fà por che la festa garatass...y insciö era stada: tutres, fortaies, pësc y deplü sorts de ćern söla grilia figurâ danter les spezialités dla sëra. Sonadus de Gherdëna y da Lungiarü à daidé abelì la festa... ćina da doman! Cun le davagn dla festa gnaràl dortoré y comedé sö la “Grota” söl tru de Plaies.

Na raprejentanza de Vila dessura cun siür curat Iaco Willeit en la festa fata ai 18 de jügn.

327

LUNGIARÜ

Le davagn dla festa vëgn tut por dortoré sö “la Grota” l’anteriöl söl tru de Plaies.

Messè

Inće sce al manaciâ dassënn la plöia é i mituns arjignà por pié ia.

328

Gara dles rodes Ai 9 de messè él gnü tignì a Lungiarü la gara dles rodes “Trofê Rodes Val Badia”. Bëgn 37 concorënć à tut pert ala secunda ediziun dl “Trofê Rodes Val Badia-Raiffeisen” tl bosch de Chi Pinis. Le trofê vëiga danfora 4 proes ti paîsc d’Al Plan, Lungiarü, Corvara y La Ila. Bele dal program podôn odëi che la gara ê scialdi tecnica y che ara se damanâ dai atleć na buna condüta dla roda, laprò êl ćiamò stè la plöia che â fat deventè le percurs bindebò slisorënt. Por i pici ćina 6 agn él gnü fat n percurs de 200 metri che messâ gni fat plü iadi. I mituns dai 9

LUNGIARÜ

agn insö messâ bele rodè n maiù percurs de 1 km. N pü megra é stada la partezipaziun di mituns da Lungiarü, indöt 2, Andrea Agreiter (5 agn) y Ilaria Clara (6 agn). I atri ê düć da d’atri paîsc dla Val Badia. Naturatlon Ai 17 de messè él gnü tignì sön iniziativa dl Ofize Parcs Naturai y col aiüt dl’ AT da San Martin de Tor la manife-

Chi dl Ofize Parcs Naturai à sapü da arjigné ca na bela competiziun ch’à plajü a pici y gragn.

staziun “Naturatlon”. Ara se trata de na escurjiun fora por la contrada, danter viles y morins, olach’le partezipant mëss respogne a domandes y fà jüć d’abilité. La manifestaziun é inće en chësc ann indô dër garatada, chësc dantadöt por la buna preparaziun di organisadus y le beliscimo tëmp. 186 é sta indöt i partezipanć (cuntra i 120 dl 2004), despartis sö te 56 grups. 37 grups gnô da paîsc de Südtirol y 19 da paîsc foresć.

Pro i morins metô man les prömes proes d’abilité. Chilò se tratâra da lavè y tëne guant le plü debota poscibl.

La premiaziun dla gara é stada ite dai Lagac, olach’ al é inće gnü apratè liagnes.

329

LUNGIARÜ

L’Uniun di Ëi y dles Ëres à organisè ai 24 de messè n picnic, jüć y aurela cörta por families dl paîsc ite en Munt d’Adagn tl “Pre dl Feur”.

L picnic cun jüć y aurela cörta por families dl paîsc, organisè ite en Munt d’Adagn dal Uniun di Ëi y dles Ëres.

25 agn dl Uniun dl Sport da Lungiarü Por recordè i 25 agn dala fondaziun dl’Uniun dl Sport da Lungiarü él gnü organisè ai 31 de messè n torneo de “calcetto”. Bëgn 9 é stades les scuadres che s’à metü adöm cun chisc inoms: I pici, les ćiasarines, les malafemenes, le coro, i scauli, i stödafüch, i jogn, USA Lungiarü y i omi. Le troneo à metü man incër misdè y s’é trat fora ćina les 8 da sëra cun de pices partides da 20 menüć. Bel y interessant da odëi families intires che à tut pert y che s’incuntâ, mituns cuntra geniturs umes cuntra mitans y i.i. Ex sportifs y sportives che an n’odô bele dî nia plü à desmostrè ch’ai à ćiamò tröp talënt y forza tles iames. Al é gnü fistidié por le mangé y tröpa jënt é gnüda a ćiarè pro y fà tifo. Davagnè le torneo à la scuadra USA Lungiarü, le secundo post ti é jü ai omi, le terzo ai jogn y le cuarto al cor de dlijia.

Bel che l’usanza de tó l’guant da paur vëgn tignida sö. Söl retrat: Loise Clara, Annelies Schanung, Linda Moling y Maria Frenademez.

330

LUNGIARÜ

La scuadra USA Lungiarü à davangné l’torneo de “calcetto” en la festa di 25 agn.

La scuadra di pëiapësc.

La scuadra di pici.

La scuadra les malafemenes.

La scuadra di omi.

331

LUNGIARÜ

Agost Festa di morins Sciöche oramai por tradiziun él en domënia, ai 7 d’agost indô gnü tignì la festa di morins. Conzert te dlijia Ai 11 d’agost (sëra de San Laurënz) à cater cors dl paîsc invié a n conzert te dlijia. La dlijia oramai plëna de jënt à desmostrè che al é gran interès por la musiga sacra y chësc é stè por i cors le miù paiamënt por sües tröpes bries. La sëra s’à daurì cun le bel sonè dl orghe da pert de Irene Clara y dedô é spo le program jü inant cun ćianties di singui cors: Cor de dlijia cun le dirighënt Sepl Pezzei, Cor dles ëres cun le dirighënt

Tartan le conzert te dlijia.

332

Elio Clara, Cor di jogn cun la dirighënta Irene Clara, Cor “Hands” cun le dirighënt Sepl Pezzei. Indöt à tut pert incër 80 ćiantarines y ćiantarins. Da moderadù à fat siur ploan Iaco Willeit. Al à alzè fora y laldè le ćiantè y rengrazié dl tröp laûr y dles bries che vëgn investis tla musiga. Santa Maria dal Ciüf Öna dles plü beles festes da d’ isté é dessigü chëra de Santa Maria dal Ciüf (15 d’agost). Inće sce le tëmp n’é nia stè dër bel, él indô gnü portè tröc cësć de ciüfs dan altè y arcuncià incër la statua de Santa Maria ia. Cotan d’ëres se vist en chësta ocajiun ćiamo le bel guant da paur.

LUNGIARÜ

Les patrunes cun le bel guant da paur. Da mc: Anastasia Schanung, Emma Pezzei, Lena Pezzei, Ida Clara, Johanna Schanung.

La statua de Santa Maria infornida cun i cësć de ciüfs.

Comié da siur Iaco Willeit Ai 28 d’agost à la comunité da Lungiarü tignì la festa de comié da so ploan siur Iaco Willeit. Le medemo dé él inće gnü recordè i 40 agn de sorvisc da mone da pert de Franz Clara (Pech). I ministranć à portè dant te dlijia na bela rima metüda adöm aposta por l’ocajiun. Tratan mëssa ti él gnü surandè al mone Franz Clara y a süa fomena mëda Lidvina Costa da pert dl presidënt dl’Uniun di moni Lorenz Niedermair y inće da pert dl Consëi de cöra na onoranza por i 40 agn de sorvisc. Franz Clara à sorvì 5 ploans te so laûr da mone a Lungiarü. A siur Iaco Willeit él stè la presidënta dl Consëi de cöra che ti à sport de beles y sintides parores de rengraziamënt y da pert di rapresentanć dles 333

LUNGIARÜ

Siur Iaco Willeit y Siur Pire Irsara tratan la festa de comié.

I festejà dan altè. Da mc: Emma Clara, Iaco Willeit, Lidvina Costa, Franz Clara, Lorenz Niedermair y le portabandira dl’Uniun di moni.

334

LUNGIARÜ

Lidvina Costa, Franz Clara à sorvì 5 curać tratan sü 40 agn de sorvisc.

uniuns ti él gnü surandè scincundes. Do mëssa él gnü fat n renfrësch tl salf dla scora y al é inće rové adalerch siur degan y l’ ombolt. Setëmber Ai 4 de setëmber él gnü tut ite le ploan nü, siur Paul Campei. Te chësta ocajiun él inće gnü benedì le local ingrandì di Stödafüch. Sön plaza de scora é le ploan nü gnü saludé y spo acompagné te dlijia dala Musiga. Dan porta de dlijia àl podü pié do fora dles mans dl degan les tles de dlijia. Dlungia la cöra d’Antermëia à śëgn siur Paul inće la cöra da Lungiarü y San Martin sot a d’ël. Do mëssa s’à döta la comunité abiné dan le salf di Stödafüch, olach’ al é gnü benedì le magazinn ingrandì. Do le salüt dles autoritês (Assessur prov. Florian

Le degan Franz Sottara ti surandà les tlês de dlijia a siur ploan Paul Campei.

335

LUNGIARÜ

La jona Karina Chiusura ti suandà al ploan nü da per dla presidënta dl Consëi de Cöra Emma Clara n smaz de ciüf sciöche sëgn de bëgngnü.

I Stödafüch, la Musiga, les autoritês cun la popolaziun dan le magazinn amplié.

336

LUNGIARÜ

Tröpa jënt y autoritês é rovades adalerch ala festa dl’inaudaziun dl salf di Stödafüch amplié y restaurè.

337

LUNGIARÜ

Mussner y rapresentanć de Comun) a la jënt podü vijité la strotöra y stè adöm pro n bun buffet arjigné ca dales patrunes. Söles pedies dl Sant da Oies. Ai 10 de setëmber él por le secundo iade gnü tignì la prozesciun da Oies a Porsenù por recordè le iade che Sant Ojöp Frenademetz fajô canch’al ê studënt tl Vinzentinum y dedô tl seminar a Porsenù. Le iade en prozesciun é pié ia dales döes da doman da Oies cun chësta trassa: Juvel, Lungiarü, Furcela de Pütia, Ćialćiagn, la Val d’Eures por rové spo do oramai 13 ores a Miland y dedô tl seminar da Porsenù. Chilò él gnü tignì na mëssa y dedô à i pelegrins ciafè val’da cëna. Incër les 20.00 da sëra ruvâ i pelegrins indô derevers a Oies cun corieres. Indöt él stè incër 160 porsones, jogn y manco jogn, ch’à tut pert acompagnà da siur Pire.

Otober Festa dles bisces. Sciöch’oramai por tradiziun él inće en chësc ann indô gnü fat la festa dles bisces. Ai 2 d’otober é le pastorëc gnü derevers dala Munt d’Antersasc. Por gaujia dl bur’ tëmp (al à plovü oramai döt le dé) n’é la festa nia cis garatada.

Les bisces é indô gnüdes zeruch do n isté passè tla munt d’Antersasc.

Segra dl paîsc La segra da Lungiarü é en chësc ann gnüda organisada dala Uniun dl Sport da Lungiarü. Al é indô gnü metü sö le gran tendun tl ćiamp dal sport y la festa à bele metü man la sabeda sëra, ai 8 d’otober, cun na gran party, por jì spo inant por döta la domënia. La gran novité sön chëra che i organisadus à metü tröp pëis por reclamisè la festa é stada l’iniziativa de n shuttlebus che jô por la Val Badia a cöie adöm ghesć potenziai, che gno spo inće indô menà derevers a ćiasa. Dezëmber

I cinch da Lügiarü che à tut pert ala prozesciun da Badia a Miland.

338

Gara de Copa dl Monn Por le secundo iade à le paîsc da Lungiarü podü ospité na gara de Copa dl Monn de liösa sön pista naturala. La

foto: Wagner ÖRV

LUNGIARÜ

Momënć de festa, tensiun y festejamënc ti trëi dis de gares sòn la piasta Do Juvel.

Gara de Copa dl Monn: al ô ester tröpes porsones por che la manifestaziun garêtes.

339

LUNGIARÜ

San Micurà I jogn à invié ia tl paîsc ai 8 de dezëmber na festa de San Micurà. Olach’ al gnô damanè jôl sambëgn inće tles ćiases. San Salvester Sön scomenciadia dla Uniun di Jogn él en San Salvester gnü metü a jì tl salf dla scora na bela party.

taxi service 335 6114441

Bacolin & Momo

.it

s fe ni tl salf dles ma

L’placat fat dai jogn por la festa da San Salvester.

L’Uniun di Jogn s’à surantut de fà la festa de San Micurà y ai s’à porvè dassën.

340

Top DJo's

iu n

31.12.2005 Lungiarü

sd ales 21.00

ew w Year's YYe Eve Party Yea Year New ta z

manifestaziun sön la pista „Do Juvel“ é gnüda partida sö te trëi dis: 9-10-11 de dezëmber. I atleć è gnüs partis sö te trëi categories: la gara dl singul dles ëres é gnüda davagnada dala russa Ekatharina Lavrentieva; por le singul di ëi él stè l’atlet südtirolesc Patrick Pigneter che à podü jì sön le scalin plü alt; tla categoria dl dopl él stè i dui polacs Andrej Laszczak y Damian Waniczek che à arjunt le miù tëmp. La preparaziun dla pista y les condiziuns dl tëmp dër adatades à portè pro che le paîsc da Lungiarü y döt le comun da San Martin à podü se presentè da süa miù pert dan le monn dl sport y dan le publich rovè adalerch.

LUNGIARĂ&#x153;

UNIUNS Y ASSOZIAZIUNS Scora y scolina

La 1. tlassa cun la maestra Elisabeth Erlacher.

I 62 scolari dla elementara cun les maestres ala fin dl ann de scora 2004/2005.

341

LUNGIARÜ

Consëi de Cöra

Tröc geniturs é gnüs a ti ćiarè y a aplaudì sü pici aturs.

La scolina vëgn en chësc ann frecuentada da 22 mituns. La scora elementare cumpëda tratan l’ann de scora 2004/2005 endöt 62 mituns. Por ći che reverda l’ativité orunse chilò alzè fora le bel pice teater dal titul “Pippifilippi” gnü presentè ai 17 de novëmber. 342

Le Consëi de Cöra à tignì 6 reuniuns meton tresfora tl zënter le renovamënt tla fede y les vocaziuns. Pro vigni incuntada él gnü dè lerch al’oraziun y ala meditaziun. De plü iadi él gnü baié dl valur y dl’importanza che la Liturgia dla Parora à y ciafarà ti agn che vëgn, y al é gnü fistidié che n grup toles pert ales sëres d’informaziun y istruziun, por che an sides arjignà en cajo de bujëgn. Al ti é gnü splighé ala comunité le valur de chësta zelebraziun y tignì döes funziuns de Liturgia dla Parora assistides da siur Iaco, y d’Advënt spo, él gnü zelebrè vigni vëindres sëra chësta funziun. Tla riuniun cun les uniuns él gnü ponsè sura sön “Costruì deboriada nosta ćiasa dla Cöra” y programè iniziatives desvalies. Insciö: la sëra “Tan bel ch’al é da fà para te dlijia, sce…” tignida spo d’aisciöda da siur curat, la prozesciun

LUNGIARÜ

Le Consëi de Cöra: dmc: Emma Clara, Monica Clara, Hilda Dapoz, Carla Moling, Thomas Dapoz, siur Iaco Willeit, Martin Clara, Albina Mischì, Christian Clara y Berto Clara. (al manćia Nando Clara).

sö Oies por perié do vocaziuns la pröma domënia de mà, la novena por na buna lîta y por le Papa nü (dai 18.4.-24.4.), al è gnü fissé le dé da jì en prozesciun sö La Crusc y da fà deboriada le tru dles staziuns. Al é inće gnü portè dant i laûrs preodüs por le tru de cortina, gnüs realisà spo ala fin de jügn dala dita de Clara Walter. De mà, canch’an ê gnüs a conoscënza dl trasferimënt de siur Iaco y dla nezescité de mëte trëi cöres adöm, s’è la junta dl Consëi incuntada cun siur Degan por baié dla situaziun nöia. Plü sëres s’ éson spo inće abinà cun siur Paul Campei y cun i surastanć di Consëis da San Martin y Antermëia por chirì n’acordanza ti orars dles s.mësses a na maniera che vigni paîsc foss cuntënt. Cun la desponibilité de siur Vito Rubatscher de gnì a

daidé fora le fin dl’edema, é la situaziun miorada de cotan. Ai 25 de agost s’à le Consëi incuntè por ćiarè zeruch al’ativité di ultimi cin’ agn y fat n pinsier sura ći che n’é nia ćiamò gnü ralisé y rengrazié de cör siur curat dla gran desponibilité y comprenjiun ch’al à dagnora albü. Ai 28 de agost él gnü organisé la festa de 40 agn de sorvisc da mone de berba Franz Clara y mëda Lidvina y de comié da siur Iaco. Dötes les uniuns à contribuì a fà garatè le dé y i mituns Kevin Daporta, Mirco Schanung y Matthias Clara à saludé i festejà cun na bela rima. Tl rengraziamënt él gnü alzè fora i mirić dl sorvisc fat cun tröpa ligrëza y dediziun ti 40 agn de moniaria y aodè pro vigni bëgn, che ai fejes inant chësc sorvisc ala comunité tan dî che al i sa bel y ch’ai 343

LUNGIARÜ

Nando Clara ti surandà a inom dla cöra n sëgn de reconoscënza a siur curat Iaco Willeit por sü 18 agn de buna colaoraziun.

à sanité. Por l’ocajiun él inće gnü invié adalerch i surastanć dl’uniun di moni dla diozeja. “Dal cör vëgn l’rengraziamënt, a inom dla comunité, por i 18 agn de pastorala te nosta cöra, - 18 agn de buna colaoraziun, passà massa debota, - 18 agn agn vić cun

nos y por nos ..” ; cun chëstes parores à scomencè la surastanta dl C.d.C. Emma Clara le discurs de comié por siur Iaco Willeit, alzan spo inće fora les prioritês che à caraterisé la pastorala. Scioch’sëgn de n gran dilan él gnü scinché ai festejà n relief cun la dlijia dl paîsc, snizlé da Hubert de Ghestan. Dô la santa mëssa s’à spo la comunité cun i invià incuntè sön plaza de scora, ulà che les uniuns dles ëres y di ëi â arjigné ca n bel renfrësch y dè ocajiun da tó personalmënter comié da siur curat. Ai 5 de setëmber à l’Cunsëi adöm ai Stödafüch invié ia la festa de bëgngnü de siur ploan Paul Campei y dla benedisciun dl magazinn di Stödafüch amplié. Por l’ocajiun él gnü inivié plü autoritês, i familiars de siur ploan y la Musiga da San Martin. Sciöch’pro vigni festa de dlijia él stè le cor che à dè solenité al festejé. Les mitans Karin Chiusura, Mi-

La presidënta dl cunsëi de cöra Emma Clara ti dà le bëgngnü a siur ploan Paul Campei.

344

LUNGIARÜ

lena Schanung y Julia Pescoller à saludé siur ploan cun na rima y la surastanta dl C.d.C. à presentè la ploania y spôrt les aodanzes y i dejiers: “Chësta é nosta comunité unida, che se salüda y se dà le bëgngnü, plëna de aspetanza, de speranza y de soms. Che vëiga te Os n pere che dà sostëgn, n maester che istruësc ti dër valurs dla vita, n amich che se sta dlungia te vigni situaziun, n famëi che ćiara de tignì adöm so pastorëc…” Dô la santa mëssa à spo düć tut pert ala benedisciun dl magazinn di Stödafüch, y al agape arjigné por l’ocajiun, mumënt prezius da tó sö i pröms contać cun siur ploan nü. Ai 16 d’otober à le Consëi invié ala festa di iubilars. Düć i pers che gudô de buna sanité â tut pert. I 52 agn de matrimone à festejé Nagler Eusebio y Angela, i 45 agn: Mischì Giacomo y Regina, Liotto Gino y Angela, Pezzei Franz y Zilia; i 40 agn: Clara Albino y Flavia, Cla-

ra Vito y Anna; i 35 agn: Clara Agostino y Dorina; i 30 agn: Dapoz Carlo y Claudia, Dapoz Albert y Alma, Castlunger Giovanni y Valeria, Planatscher Carlo y Maria, Pescoller Pio y Waltraud, Sorà Angel y Maria; i 25 agn: Clara Albert y Lidbina, Clara Nazio y Loise, Clara Otto y Fefa. Ai 5 y 6 de novëmber él gnü tignì les lîtes dl Consëi nü dô che al ê gnü fat ai 15 y 16 de otober na prelita por mëter sö la lista. La majera crëta à ciafè Clara Emma cun 127 usc, Clara Christian 115 usc, Mischì Albina 83, Costa Klaus 70, Sorà Roberta 67, Mischì dr.Dolorico 66, Clara Isidoro 59. Dala sentada costituzionala ai 15.11. él spo gnü lité Clara Emma tl’inćiaria da presidënta, Clara Christian vizepresidënt, Mischì dr. Dolorico scrivan y al è gnü cooptè Moling Carla y Pezzei Hubert. Al é spo gnü partì sö i ćiamps de laûr y düć s’à surantut

Ai 16 d’otober à le Consëi invié ala festa di iubilars de matrimone.

345

LUNGIARÜ

cun responsabilité n impëgn. Por l’Consëi d’aministraziun ti él gnü dè la crëta a Dolorico Mischì y Nando Clara. Cun l’aodanza de na buna colaboraziun cun les Uniuns por realisé l’som de na comunité via y de fede sterscia, ti él gnü surandè da Nadè a düć i mëmbri dl Consëi l’ calënder “Hört auf Ihn”, che dess acompagné vignun dé por dé cun n bel pinsier fora dla Sacra Scritöra. Uniun di Stödafüch da Lungiarü L’uniun di Stödafüch dl paîsc à ala fin dl 2005 indöt 64 mëmbri: 51 stödafüch atifs, dui mëmbri d’onur, n mëmber fora de sorvisc y diesc mëmbri dl grup jonil. Ara se trata de na uniun bindebò jona: i Stödafüch atifs à na eté mesana de 31 agn y 4 mëisc.

En gaujiun dla reuniun generala dl ann él l’ann passè inće stè les lîtes di organns diretifs, olache al é gnü confermè tles inæiaries gran pert dles persones da denant y spo gnü injuntè valgügn por motifs de mudaziun tla organisaziun: al é gnü confermè oramai döta la junta (comandant Hermann Chiusura, vize-comandant Paul Clara, cassier Valire Clara, aconsiadù Elio Clara), i assistënæ dl grup jonil (Roland y Thomas Dapoz) y i surastanæ di dui grups d’aziun (aumentà da dui a trëi) pro i cater de denant (Eusebio Pezzei, Eduard Daporta, Alfred Moling y Reinhold Sorà) i nüs Roman Clara y Roland Dapoz. L’ann passè ne él por fortüna indô sozedü degöna desgrazia (medefüch y/o catastofa) te nosc paîsc, mo i sun gnüs cherdà foradecà por na luvina y na por-

Uniun di Stödafüch da Lungiarü en ocajiun dla festa d’inaudaziun dl salf nü.

346

LUNGIARÜ

vinziai a Obereggen (olache ai s’à inæe tlassifiché bun. La Festa di murins é stada l’ann passè en püch desfortunada por gauja dl tëmp (na bela dramada de plöia che à sprigoré demez tröpa jënt), mo an à impò podü spo fà inant y la festa é stada por val’. Uniun di ćiantadus

Stefo Moling, le portabandira dl’Uniun di Stödafüch da Lunguarü.

sona rovada laìte ia sura Ćialćiagn (ai 4 de jenà), olache i ne sciafian baldi nia da antergnì. L’ann passè unse podü fà festa por la benedisciun y daurida dl magazinn ingrandì (arlungé y restrotoré) en la pröma domënia de setëmber: le ploan nü, siur Paul Campei, l’à benedì y l’assessur ladin F. Mussner cun l’ombolt Pepi Deiaco l’à ofizialmënter surandè ai Stödafüch. L’magazinn é śëgn bel gran y contëgn deplü locai secundars (salf, fujina, magazinn dles massaries) y sambëgn i automesi. I laûrs é garatà y nos se stun saurì laìte y ùn ligrëza impara. Avenimënć plajors é stades les gares di schi a Rein y Speikboden, olache nüsc atleæ s’à tlassifiché dër bun y valgügn æinamai cualifiché por i campionać pro-

Mumënć de festa, de solenité, de plöra y adoraziun à cherdè gunot fora por chësc ann le cor de dlijia a tignì adöm, a ester lezitënt y a dè le miù de sè. Al infora dles solenitês regolares él ćiamò gnü ćiantè en la festa de 40 agn de sorvisc da mone de berba Franzl y mëda Lidvina y de comié de siur Iaco Willeit, en la festa de bëgngnü de siur Paul Campei,en la festa de iubileum de matrimone. Cun l’aziun di 3 rêsc, che vëgn purtada da ann a ann fora por nostes vijinanzes, incundan la buna noela y perian do solidarieté por popui sotsvilupà, à inće chësc ann le cor scomencè süa ativité. Por le ventejim ann à cater mëmbri dl cor de dlijia portè inant l’aziun dër bëgnuröda y aspetada dala comunité. Ai 25 de jenè é le cor gnü invié a abelì l’ora de meditaziun y oraziun en onur de S. Ujöp sö Oies; cun ligrëza al surantut chësc impëgn y ćiantè cun gran devoziun. Nia ma impëgns te dlijia, mo inće momënć de relassamënt y de gaudi à contribuì che le lian danter i mëmbri restes sterch. Öna de chëstes ocajiuns é stada la sëra de aurela cörta, cun la partida de broomball, spaghetada y jüch de furtüna i pröms dis de forà. La buna löna de düć 347

LUNGIARÜ

L’uniun di ciantadus in ocajiun dl conzert fat ai 10 de agost.

Onoranza a Giuvani Mischì, Frëina, (40 agn) y a Severina Costa (55 agn) pro le cor de dlijia.

i partezipanć à desmostrè che ai se stô saurì y che al ti savô bel. N apuntamënt sigü é deventada la griliada dl cor cun les families: chësc ann sun jüs ite en Munt d’Adagn pro la ćiasota de Nazio de Col, ulà che al é gnü pité na gran varieté de 348

spëisa, ćinamai crafuns da segra él gnü partì fora, crafuns garatà a Loise de Col y a Maria de Marino-Ties. Da aprijé inće l’iniziativa de Erwin, Claudia y Isidoro che à invié de süa buna a na party de cioce, party dër da saù y bun garatada. Ai 10 d’agost à i cors da Lungiarü: cor de dlijia, cor dles ëres, cor dles jones, cor di jogn dè n conzert de musica sacra, che à dè sodisfaziun sides ai ćiantarins co a düć chi che ê gnüs a ascutè sö. La jita ai 24 de setëmber à cundüt a Kaltern a ti ćiarè a na ćianô dal vin y a n gran magazinn dal’ordöra. Cun interès él gnü ascutè sö les spligaziuns dl “Kellermeister” y ćiarcé plü sorts de vin; spo inće amiré le gran laûr de partiziun y tlassificaziun di poms, döt fat a mascinn. Sön tru cuntra ćiasa é le cor stort pro a Vahrn a cëna y al é garatè na bela sëra … inće lungia. De otober à le cor de dlijia indô scomencè cun les proes y pudü saludé cun gran ligrëza trëi ćiantarines jones: Daniela Clara (alt), Melanie Clara y Doris Clara (soprann).

LUNGIARÜ

La junta dl cor da denant y da śëgn.

Ai 19 de novëmber sëra él gnü festejé la patrona S. Zezilia, impröma te dlijia y spo al Hotel Sanvì. En chësta ocajiun él inće gnü tignì la sentada generala, col resocunt finanziar, onoranzes y lites dla junta. Le presidënt Sepl Pezzei y siur ploan Paul Campei à surandè les onoranzes por le bun sorvisc fat tan de agn alalungia a: Giovanni Mischì (Frëina) 40 agn y a Severina Costa - 55 agn. Tles lites dla junta èl gnü confermè: Pezzei Sepl (presidënt, mo al à ma surantut por n ann), Clara Erwin, Clara dr.Vinzenz, Clara Karin y Clara Emma. Pro la junta alda de facto l’orghelist Pio Pescoller y le dirighënt ausiliar Clara Valerio. Inće en chësc ann él gnü organisé dal cor le

Siur Iaco en la griliada di ćiantadus. Olâ vëgn pa adalerch düć chi crafuns?

349

LUNGIARÜ

La griliada dl cor cun les families: chësc ann sun jüs ite en Munt d’Adagn pro la ćiasota de Nazio de Col.

marćé de S. Lizia che é dër garatè por la buna colaoraziun dla comunité. Dô l’ ultima proa dan Nadè él gnü tignì na bele picia festa y vigni mëmber dl cor à ciafè na bela stëra da Nadè. Le presidënt Sepl à fat les mius aodanzes por les festes, y aodè che al garetes le ćiantè tratan düć i santusc. Uniun dl sport L’Uniun Sport amatoriala Lungiarü à indô da mostrè sö n ann rich de avenimënć: L’ann 2005 à metü man cun na gara d’importanza nazionala söla pista dles liöses „Do Juvel“: le campionat talian de liösa sön pista naturala. Tröc é stà i atleć ch’à tut pert ai 5 y 6 de jenà ala gara, danter chisc inće 3 jogn da Lungiarü. Inscio s’à Clara Hannes plazé al 1. 350

post, Clara Marisa al 2. post y Clara Florian al 3. post tles categories respetives. Le sport dles liöses é al momënt tl zënter dl’ativité dl’uniun dl sport da Lungiarü. Chësc inće deache i atleć dl post à arjunt y arjunj tres inant de bugn plazamënć, inće a livel mondial. Insciö él da sotrissé la prestaziun de Clara Hannes che é deventè campiun europeich iuniores 2005” a Kandalakscha tla Ruscia. Inant él da dì che i 3 atleć da Lungiarü é gnüs tuć sö tla nazionala B dles liöses. Clara Andy é cun sü 9 agn l’atlet dl dagnì. De dezëmber él ćiamò gnü organisé na gara de copa dl monn söla bela pista da Lungiarü. Sabeda ai 9 d’aurì él stè l’uniun dl sport che à fat na cëna tl’ostaria Sanvì por düć chi che à daidè pro la pista dales lioses “Do Juvel”, pro la gara de copa dl

LUNGIARÜ

Clara Hannes é deventè campiun europeich iuniores 2005” a Kandalakscha tla Ruscia.

I trëi atleć dla liösa onorà dal umbolt Pepi Dejiaco: Florian Clara, Marisa Clara, Hannes Clara.

351

LUNGIARÜ

L’grup di mituns dla elementara c’à fat i alenamënć dl palê tratan l’isté.

monn 2004 y i campionać talians 2005. En la festa ti él gnü dè onoranzes ai mius atleć dla liösa dl paîsc Hannes Clara, Marisa Clara y Florian Clara. Por ći che reverda la liösa alta él da dì che deplü atleć tol pert a gares a livel provinzial y a livel dla Val Badia. Chiló él da alzè fora Clara Matteo che arjunj dër de bogn resultać. L’uniun spera che al sides ćiamó d’atri jogn/mituns che ciafes ligrëza cun

Le ćiamp por jadiné che vëgn aprijé dër tröp dai mituns dl paîsc.

352

le sport dala liösa. Porchël él gnü metü a jì tles vacanzes da Nadé 2005 y spo inant, n curs por mituns por imparè da jì cun la liösa. L’interès é stè gran: bëgn 14 mituns à tut pert al curs tignì da Clara Domenico. Por stlü jö ći che reverda le sport dla liösa él da dì che al é inće indô gnü organisé la gara “Ladinia Cup”. Inće chësta gara é dër garatada. Tratan l’invern él spo inće gnü organisé la gara dl paîsc de schi y snowboard a Antermëia. La partezipaziun é stada buna y al é stè n bel dé por düć i partezipanć. Por ći reverda i schi ćiara l’uniun três inant de organisé cursc por imparè da jì cun i schi y cun le snowboard. La seziun dlacia ćiara inće de arjigné vigni ann le ćiamp por jadiné che vëgn aprijé dër tröp dai mituns dl paîsc. Por i 3 d’aurì dl 2005 fóssel inće stè preodü na gara de schi d’alpinism söla Munt d’Adagn Chësta pröma ediziun à messü gnì desdita por manćianza de nëi.

LUNGIARÜ

D’isté él indô gnü fat alenamënć dl palê cun i mituns dla scora elementara, scora mesana y i maius s’indunâ inće n iade al’edema por śoghé n pü’. Ai 31 de messé él spo gnü organisé n torneo de calcetto dles uniuns dl paîsc. Deplü scuadres à tut pert: Uniun Sport Lungiarü, Omi, Jogn, Cor de dlijia, Scuali (Pëiapësc), Malafemenes, Pici (à davagnè le pozer), Stödafüch y Les ćiasarines. Le torneo é gnü davagné dala scuadra dl’uniun dl sport. Cun chësc torneo à l’uniun inće orü festejé i 25 agn de esistënza. Sport dla roda Le jonn da Lungiarü Sepl Clara (18 agn) se dedichëia al sport dla roda da munt y à bele arjunt de plü plazamënć de prestisc. Sepl, da l’ann passè incà scrit ite pro la sozieté Colnago Südtirol, é deventè campiun provinzial de roda da munt tla categoria dai 18 ai 23 agn te na gara dër tecnica y ria che à doré plü de döes ores. Sepl à insciö davagné por le terzo iade chësc titul important: Uniun di Jogn L’ann 2005 é stè n ann plëgn d’ativitês por i jogn da Lungiarü. Do les lîtes dl Consëi nü cuntra la fin de jenà röia ite sciöche surastanć Roman, Anika, Rainer, Claudia y Gabriel che s’à dè da fà por mëte a jì deplü robes. Ai 12.02.2005 él gnü formè döes scuadres por jì sö Antermëia al torneo de broomball. Por düć i partezipanć él stè dër na bela sëra de intrategnimënt. Ai 25.02.2005 él stè n pice grup che à tut pert al’incuntada cun i gherdënes

Sepl Clara, campiun provinzial de roda da munt 2000, 2002 y 2005.

sö “La Branćia” cun les pels. Inće sce l’temp ne n’ê nia l’mascimo, era impò jüda da se devertì. De merz, ai 12, él inće gnü fat tl paîsc na partida de broomball a scuadres. Tröc jogn y jones à partezipé ativamënter y dedô inće a na buna spaghetada. Mo nia ma canch’ara se trata de fa festa é i jogn presënć. Ala prozesciun sö Santa Berbura a La Val ai 18 de merz él stè tröc ch’à fat para. Ai 24 de merz él ste zacotanć che é jüs sö Oies ala Velia dla Jöbia Santa, organisada adöm ai grups di paîsc vijins. Ai 15 de aurì él stè da jì da Badia 353

LUNGIARÜ

sö Oies en prozesciun por rengrazié le papa da denant y por perié do n bun papa nü y por che al garatass sciöch’ toca ài ćiamò tignì na mes’ora d’adoraziun te dlijia en ocajiun dl conclave. Ai 12 de aurì s’à spo i jogn y jones conzedü na jita, organisada dal Sorvisc ai Jogn. Ai é jüs al Minimundus y al Wörthersee cun i atri grups dla valada. La prozesciun dles ćianderes tl mëis de mà fora Ćiastagnada sö Vanc. dala “grota” é inće gnüda organisada dal grup. Por la festa dl Cör de Gejù él gnü arjigné na picia griliada cun “ćiacia al tesur” por i pici ite en Chi Pinis. Le grup “Jimmy” à fistidié por la cornisc musicala. Ai 31 de messè à la jonëza tut pert cun döes scuadres al torneo de calcetto en ocajiun di 25 agn dl’Uniun dl Sport. I jogn (“I dürz”) é ruvà al 3. post y les jones (“Malafemmene”) al 6. Ai 21 de agost à i jogn programè de jì sön Pütia a ćiarè l’lové dl sorëdl, mo a gaujia de bur’ tëmp ne era nia jöda. Sciode!!! Por i 26 de setëmber él gnü organisé, adöm ai grups da S. Martin y La Val, la S. Messa de daorida dl’edema di jogn sö Oies. De novëmTröc jogn y jones à partezipé ativamënter ala partida de ber é düć i jogn gnüs invià broomball y dedô inće a na buna spaghetada. ala ćiastagnada sö Vanć. Por 354

LUNGIARÜ

l’mëteman dl advënt él gnü fat la gherlanda te dlijia. La usanza de S. Micurà é indô gnüda valorisada, y do ester jüs fora por les ćiases a ciafé i pici mituns, él gnü fat na bela sfilada fora por paîsc. Por stlü jö la festa él gnü pité vin cöt, tê y biscoti a düć chi ch’ é gnüs a ćiaré pró - dilan dla spënora de buna man!!! Sciöch’vigni ann él gnü organisé l’rorate y l’oferta che é gnöda trata ite tartan messa é jöda ala Lucia Verginer por so proiet Maxwell tla Zambia. Dedô é düć i jogn gnüs invià a na picia festa da Nadé. Por stlü jö l’ann à le grup organisé por le pröm iade la festa de S. Salvester, olach’al é stè na buna partezipaziun y na bela aorela cörta.

„Maria Luggau“, dailò unse adöm a Siur ploan Paul Campëi zelebrè la S. Mëssa. La marëna é stada te na ostaria a „Innenvillgratten“. Tratan l’ann él gnü metü a jì n curs sura le tema „mangé sann“. De novëmber à la uniun organisé n batadù, olache 24 per à tut pert. Al é inće stè de bi pesæ. De dezëmber - por stlüje jö l’ann – à la uniun zelebrè so rorate. Do le rorate à tröpes ëres dl paîsc tut pert ala picia festa d’Advënt che vëgn bele fata da tröc agn y vignöna à ciafè na picia scincunda fata dales surastantes. Invié él gnü Annamaria Fiung a se mostrè val’ dias sura le Camerun.

Uniun dles ëres da Lungiarü

La Uniun di Iagri da Lungiarü arcumpëda 19 mëmbri atifs. Cun gran desplajëi àn l’ann passè messü tó comié da Costa Goffredo “l’Gotele” de Badia, iagher da püć agn inca inće a Lungiarü, che é passè a miù vita. Tl mëteman dl ann 2005 é vigni uniun de iagri dla provinzia stada cherdada a lité danü so presidënt y comitê. Por la uniun di iagri da Lungiarü él gnü confermè inant sciöch’presidënt Pezzei Sepl de Ghestan. Mëmbri dl Cunsëi nü é deventà Pezzei Eusebio (vizepresidënt), Clara Claudio, Clara Isidoro y Sorà Francesco. Chëstes porsones é cherdades a rovëne la uniun por 4 agn. Insciö él gnü invié ia l’ativité cun gran ligrëza, orentè y iniziatives nöies. Por ći che reverda la salvarjina él da artè che al ne sides nia stè de gran variaziuns dai agn da denant. Rehli él intres ćiamó püć. Por porvè da miorè la cualité di bëć da rehl à i iagri da Lungiarü tut la dezijiun de stlopetè tratan l’ann 2005

La Uniun dles Ëres da Lungiarü à tl ann 2005 metü a jì de plü iniziatives: La pröma domënia de forà à la uniun festejé le dé dla vita. Bëgn 5 de piceres creatöres cun sü geniturs à tut pert ala picia funziun. De merz él gnü festejé tla æiasa de palsa la festa de complì di agn. Da Pasca à la uniun mostrè solidarieté ai amarà de crebesc y por sostëgn él gnü venü 70 röses sön plaza de dlijia. De messè à la uniun dles ëres adöm cun la uniun di ëi organisé na griliada por les families. Te „Munt de Vila“ él gnü zelebrè la Santa Mëssa da Sig. Robert Sottara. I stödafüch à prestè sorvisc cun i auti, por condüje la jënt te munt. De agost à la uniun adöm ala cöra daidé fà festa por tó comié da Siur Iaco Willeit. Do la Santa Mëssa à döta la popolaziun tut pert a n pice buffet tl salf dla scora. Tl mëis de setëmber à la uniun dles ëres podü organisé la gita. Le program à portè les ëres a

Uniun di iagri

355

LUNGIARÜ

L’ Uniun di Iagri à invié a marëna düć i paurs y proprietars de prà o bosc dl paîsc da Lungiarü.

dessigü gnü fat degun. Le numer di cerf

Le verdaćiacia Werner Clara cun so ćian “Luna”

356

nen stlopetan deplü y tulon fora dandadöt i plü vedli y i plü debli. La porsona che se da jö deplü por la ćiacia a bëgn di iagri y salvarjins é sambëgn l’verdaćiacia Clara Werner, che laôra cun gran ligrëza y savëi por i reviers da Lungiarü, San Martin de Tor y Rina. Te chësc ann al podü aprijé na ligrëza particolara. Cun so ćian da sanch “Luna” (che vëgn adurè por chirì tiers feris) él stè bun da fa l’ejam prinzipal arjunjon n pröm post cun n mascim de punc’. “Weidmannsheil!” Dartan l’ann s’incunta i iagri te plü ocajiuns. No ma por sües reuniuns, mo inće por stè adöm y n pü s’la cuntè. Insciö él gnü organisé le dé da purvè i sltops, por odëi sce la massaria va bëgn ćiamó bun o sce la man ne trëmura mino. Do ester stà a arcumpedè i ćiamurc röiun dagnora adöm pro na buna marëna. La festa a S. Hubertus por i iagri da Lun-

LUNGIARÜ

Dô avëi arcumpedè i ćiamurc se conzédon na buna marëna.

giarü, San Martin de Tor y La Val é en chësc ann gnüda inviada ia dal revier da San Martin – sö Jù. Por rengrazié dla buna colauraziun y raport cun i paurs, à la Uniun di Iagri invié da d’aisciöda düć i paurs y patruns de prà o bosc dl paîsc da Lungiarü adöm a sü familiars a na marëna alaleria. Passa 200 pursones à respognü al invit y à podü se gode de vigni sort de spezialitês arjignades dal cogo – iagher Franz Baco y da sü colauradus, cun l’aiüt sambëgn inće dles fomenes di iagri. Cun n rorate sonè dal Grup Sonadus Corn da Ćiacia Val Badia (musiga di iagri) y dedô na buna cëna deboriada, é spo l’ann 2005 gnü stlüt jö.

Laûrs publics y frabiché Tl mëis de merz y aurì él gnü trat jö la majun de Paul da Grones y tl medemo post n’un él gnü fat sö dal patrun jonn.

Le paur jonn Othmar Daporta fej sö na bela majun nöia.

357

LUNGIARÜ

Ćiases nöies a Tis.

Sistemaziun dl tru incër dlijia ia.

La ćiasa nöia zënter dl paîsc.

358

• Ai 17 de mà él gnü metü man da ćiavè grunt a Ties, atira sura strada. Al vëgn fat sö döes ćiases d’abitaziun da pert de Martina Clara y Ilse Tavella. • Ai 20 de jügn él gnü matü man cun la sistemaziun dl tru incër dlijia ia (tru de cortina). Al é gnü tut demez les vedles plates y metü jö n funz nü de dasc de granit. La domënia, ai 10 de messè ànse bele podü jì a mëssa passan söl salajè nü. Daite y defora dala cortina él gnü sistemè dui de bi fistis de pera. I laûrs é gnüs fać dala dita Walter Clara da Lungiarü. • Ai 20 de messè él gnü metü man i laûrs por realisé na ćiasa tl zënter dl paîsc. La “Ćiasa Pares”, sciöche an ti à metü inom, à de plü unitês abitatives che gnarà spo venüdes. Le proprietar dla costruziun é na sozieté da Bornech. • Ai 25 de messè él gnü metü man da asfaltè les döes ultimes strades che condüj pormez a lüsc da paur: al é la strada da Grones/Costa y la strada de Col. Asfaltè él inće gnü le tòch de strada che porta a Punt da Rü Fosch. • Danter i pici laûrs publics orunse inće recordè la sistemaziun dl urt dla scolina. L’entrada dla scolina (bel söla ota de strada) é gnüda spostada plü en fora y dlungia strada él gnü fat n marciapîsc. I laûrs é gnüs invià ia de messè. • Ai 29 d’agost à la dita Verginer da San Martin metü man cun la realisaziun dl punt defora dai Pinis. Le punt vedl ê strënt y n’ê nia colaudè por les esigënzes da incö. Al é gnü fat sö danü de petun. Le punt é gnü fat cun na bela lerch da passè a pé y n pü manco na gran lerch por chi che va cun i auti. Chësta soluziun é gnüda studaida por sensibilisé la jënt da jì plü plan cun i auti y a respetè chi che va a pe.

LUNGIARÜ

La strada da Grones/Costa y la strada de Col é gnüda asfaltada.

Tl bosch de Cëndles él gnü taié jö plü de 500 metri de lignan. Dötes les taies è gnüdes lascades jö dlungia le Feur cun na corda de ca. 1 km lungia metüda sö aposta. Les taies è spo gnüdes siades söl post da Roland Dapoz, propreietar dl bosch. Söla strada che porta da Vi sö cuntra Mesamunt él gnü corè ite ti posć plü ërć n let de petun. A chësta manira é i auti y les mascinn agricoles plü saurì bugn da s’ingrifé y ne rovina nia tan la strada. I laûrs é gnüs fać dal’interessënza dla strada.

Danter i pici laûrs publics orunse inće recordè la sistemaziun dl urt dla scolina.

L’punt nü defora dai Pinis.

L’gran ćiastel de brëies gnüdes fora dal bosch de Cëndles.

359

LUNGIARÜ

Desvalies Audanzes Le numer di academics de nosc paîsc é indô chersciü. De messè à Ivo Clara (Mair da Vi) stlüt jö sü stüdi d’architetöra tl’université da Desproch. I ti fajun les mius audanzes por chësc bel vare y i ti audun ligrëza y sosdefaziun por so dagnì. D’otober (2004) à stlüt jö sü stüdi tla facolté de Sciënzes dla Formaziun dl’université de Balsan la jona Veronica Clara. Por avëi arjunt chësc bel travert ti fajunse le mius audanzes y por le laûr che ara jarà a fà sodesfaziun y suzès.

Ai 11 de jügn à Irene Clara (Col) stlüt jö la scora de musiga de dlijia a Porsenù. Do trëi agn de impëgn e dediziun à la maestra Irene Clara podü pié do le diplom de chësta formaziun. Irene é bele impegnada te de plü cors dl paîsc: cor de dlijia, cor di mituns y cor dles jones “Hands”. Cun Irene él sëgn tl apîsc 5 porsones che à chësc diplom: Pio Pescoller, Sepl Pezzei, Elio Clara y Irene Clara. Ai 15 d’agost à Pire Castlunger (da Ties) podü pié do a Desproch la medaia de mirit dl Land Tirol. Por chësc reconoscimënt i val les mius audanzes.

Le laûr col ćiaval é oramai sparì daldöt. Mo te val’caje pêl che ara ne vais impò ne nia zënza...

360

LUNGIARÜ

Insciö ciafunse p.ej. söla pröma plata dl catalogh di prisc dl ann 2005 la bela ćiasa dl Longher a Vila dessura.

Por stlü jö n valgönes curiositês Le fistì de munt Le laûr col ćiaval é oramai sparì daldöt. Mo te val’caje pêl che ara ne vais impò ne nia zënza... Por rové pormez ala Munt de Funtanacia cun n vistì àn insciö messü damanè l’intervënt de Raimund Mühlmann, patrun dla stala di ćiavai “Sitting Bull Ranch”. Da passè col vistì ite por le tru strënt y da crignes jôra ma cun l’aiüt de n ćiaval. Vijita a so paîsc nadè Mëda Angela Clara (tlassa 1932) da Ties é gnüda a ciafè so paîsc y süa jënt da Lungiarü, do che ara roda dal 1964 incà le monn pro le movimënt di focolarins. Pro chisc àra fat volontariat a Balsan, Milan, Torino, Paîsc Todësc, Genova, New York, Cicago y da 7 agn incà era tles Filipines.

La bela ćiasa dl Longher söl catalogh dl’Alta Badia.

Marco soldà todësch dla Pröma Vera Tratan l’insté 2005 él gnü realisé n film-documentar söla Pröma Vera tl scenar di crëps incër Falzares. Marco Clara da Lungiarü é gnü chirì fora por interpretè n soldà todësch.

I dui fredesc Mariangel y Angela Clara.

L’erba dl vijin... Al é da osservè che i operadus turistics dl’Alta Badia ciütia tres indô sura Juvel ca y jö a Lungiarü, ćis canch’ai chir do de bi motifs por les revistes de reclam.

Marco Clara (tl cërtl) é gnü chirì fora por interpretè n soldà todësch tla realisaziun de n film-documentar söla Pröma Vera.

361

LUNGIARÜ

Plüdadî gnôle lascè stampè a Lungiarù santes (pilores) aposta por la Festa da Pasca. Chësta tradiziun vëgn incö ma plü tignida impé a La Pli de Mareo (siur Merch Graffonara).

N intervënt da laldè y n ejëmpl da fà do Tla localité “Punt da Rü Fosch” à Sisto dl Longher fat incër so pre ia na si de spelzes che passenëia ite extra bun ilò tla contrada naturala. Chësc intervënt demostra na gran sensibilité y respet por les carateristiches de nosc paîsc – inće sce ara se trata ma de na si! Stüde de registraziun Pezzei-Records Dan da n valgügn agn à Hubert Pezzei (Ghestan) metü sö n stüde de registraziun cun chël ch’al realisëia y dëida realisé a ćiantauturs produziuns de musiga. Deplü é bele stades les registraziuns passades por chësc stüde. Öna dles ultimes é stada la CD cun ćianties ladines dal titul „Dai Cörs na melodia“.

Santa da Pasca dl 1931.

La si de spelzes a Punt da Rü Fosch.

362

LUNGIARÜ

Hubert Pezzei (Ghestan) te so stüde de registraziun.

L’tëmp dl 2005 a Lungiarü L’ann passè é stè l’ann cun le plü bel tëmp (bel o alplü da nio) dal 1971 incà: al à albü 241 de bi dis y 29 da nio = 270 dis zënza prezipitaziuns y à ma albü 95 dis de bur tëmp (cun plöia, nëi, granijores). Le plü dis indolater bel tëmp él stè dal 1. al 18 de jenà (18 dis), dal 4 al 24 de merz (21 dis) y dal 7 al 24 de novëmber (18 dis). Tröc dis alalungia ne él mai stè bur tëmp, mo por n valgügn dis bëgn: dal 2 al 7 d’otober (6 dis) y dal 14 al 18 de mà (5 dis). Aladô ch’al é stè le tëmp (tröp bel) orésson dì che al foss inæe stè n ann æialt, mo al contrar: al é stè un di dui agn manco æialæ di ultims nü agn. La

temperatöra minima anuala é indô rovada sot ai zero degres (-0,2); la temperatöra mascima anuala é stada en confrunt a chëra di ultims nü agn amesaìte (+10,9); la temperatöra mesana anuala un en iade anfat (5,4) y i atri iadi plü bassa de chëra di ultims nü agn. Les nöts plü frëides é stades al 1. de merz (-22 degres) y ai 30 de dezëmber (-20 degres); i dis plü frëiæ é stà al 30.12.2005 cun na temperatöra mesana de -15 degres y al 1. de merz cun öna de -12. Ia por le dé le plü æialt él stè ai 29 y ai 28 de messè (+31 y +30 degres) cun na temperatöra mesana al dé de 22,5 y 21 degres. La temperatöra é aumentada le plü ia por le dé ai 20 y ai 26 de mà: de 363

LUNGIARÜ

bëgn 22 degres (da 0 a 22 y da 5 a 27 degres). Aladô di püæ dis de bur tëmp àl inæe tempié püch gonot y dassënn: l’ann passè é stè le terzo ann indolater cun na cuantité d’ega sot a 900 mm (=lt/mq) y cun la secunda mëndra cuantité d’ega dal 1978 incà (774 mm), portan la mesaria d’ega do l’ann 2000 a sot i 900 mm (882 mm) al post de 970 mm amesafora dal 1991 al 2000. Prezipitaziuns él stè extra püæes y de piceres tratan le pröm mez ann, mo particolarmënter tratan i pröms cater mëisc: 44 cm de nëi y 83 mm d’ega. Novü le plü àl de dezëmber (60 cm),

plovü le plü àl de agost (130 mm). Novü le plü al iade àl dai 22 ai 24 de novëmber (28 cm), dal 2 al 3 de dezëmber (25 cm) y dal 27 al 28 de dezëmber (21 cm). Plovü le plü al iade àl dal 2 al 7 d’otober (98 mm), dal 25 al 26 de jügn (42 mm) y al 7 y al 5 de messè (35,5 y 34,5 mm). La nëi tomada l’ann passè (i pröms cater y i ultims dui mëisc) – 139 cm – à ma portè 107 mm d’ega (apëna le 14% di 774 mm de döt l’ann). Tratan döt l’ann passè àl plovü 55 dis, novü 17 dis, novü y plovü 16 dis; temporai él stè tratan 15 dis da bur tëmp. (Dala staziun meteo de Albert Daverd Daverda).

L’tëmp a Lungiarü 2005 2005

Temperatöres

tëmp (dis)

Prezipitaziuns ( dis) nëi (cm)

Ega (mm)

11,7

9,6

12,9

48,8

130,8

11,6

95,9

12,1

7,1

-4,4

4,4

Dez.

-9,8

-1,5

-5,7

ann

-66

3994

1964

241

-0,2

10,9

5,4

Nr.

Mëis

Min.

Mass.

Med.

bel

nio

burt

Jenà

-10,3

-4,7

Forà

-10,7

1,1

-4,8

Merz

-5,5

7,5

Aurì

0,8

11,2

Mà

4,5

17,5

Jügn

7,8

20,6

14,2

Messè

21,6

15,3

Agost

7,8

18,9

13,4

Set.

6,5

16,6

10 Otober

2,1

Nov.

12 T

al dé/mens.

364

tp.

nëi

pl.

np.

gr.

79,1

83,7

119,9

101,9

39,5

37,8

139

774

64,5

ANTERMËIA

ANTERMËIA • Carlo Plazza y Renato Paratscha

La ćiasa plü vedla y abitada dl paîsc - La ćiasa dl Tulper (Pé d’Antermëia) La ćiasa dl Tulper (Pé d‘Antermëia) é, do les inrescides fates, la ćiasa plü vedla y ćiamò abitada dl paîsc. Sura la porta d’entrada él da odëi ziplé ite y depënt la data dl 1710, che podess corespogne a n ressanamënt o magari al fabricat nü. Te 295 agn de vita tla ćiasa él passè tröpes generaziuns, tan inant che an se recorda àl vit laite la familia de Giuvani Mateo Devall (Johann Mattheus) nasciü dl 1847, mort dl 1921. Dedô Lista Devall (Giovanni Evangelista) nasciü dl 1885 y mort dl 1942 y dedo sò möt Carlo Devall (nasciü dl 1922) cun süa gran familia. La ćiasa scëmpla da paur à trëi alzades, da jö da pé sö él les ćianos, öna por la mangiaria y n‘atra sciöche stala por les iarines y les alćes. Al n‘é degöna fundamënta, le funz é de tera. Tl’alzada a mez él na gran stüa, n stangode por i geniturs, la ćiasadafüch y le stangode dles farines. Dessura él trëi ćiamenes por i mituns y n somas por mëte le patüc nia plü adorè cun dui cuertli de lëgn un por pert sciöche finestra.

365

ANTERMËIA

MOVIMËNT DLA POPOLAZIUN Tl mëteman l’ann 2005 êl a Antermëia aćiasades 322 porsones, ai 31.12.2005 nen êl 325 (zënza les porsones aćiasades tl Comun de Marou che alda pro la cöra d’Antermëia - Alfarëi, Colac, Prebraié, Tru, Rü y Corjel).

Chisc é i nasciüs l’ann 2005 tla cöra d’Antermëia (al é gnü tut ite düć chi ch’à vit tl 2005 tla cöra d’Antermëia): Daverda Alissa de Daverda Georg y Kircher Annamaria - nasc. 29.12.2005 (1) Irsara Maria de Irsara Silvester y Erlacher Helene - nasc. 20.04.2005 (2) Promberger Lorenz Paul de Promberger Silvester y Craffonara Rita - nasc. 18.07.2005 (3) Winkler Tom de Winkler Ivo y Eppacher Michaela - nasc. 28.12.2005 (4) Tasser Kathrin de Tasser Giuseppe y Vigg Irma - nasc. 23.03.2005 (5) Irsara Emily de Irsara Gerd y Unterweger Margareth - nasc. 10.02.2005 (6)

1 366

ANTERMËIA

Recordanzes di morć sopolis tl 2005 a Antermëia Zelestin Alfarei

Al é nasciü ai 24 d’otober dl 1917 sön le lüch da Runch fora Rina. Sü geniturs ê Pire Alfarëi de Chissà y de Iule Pedevilla da Runch. Al ê möt su. Al é jü a scora ert a Rina y t a n’Antermëia. Süa familia ê tla ćiasa “de Zilia” a d’infit. Bëgn set agn de süa jonëza àl passè te vera y al ê un de chi dl paîsc che é stà le plü dî demez. Sön la frunt tl’Albania, tla Grecia, ti Paîsc Todësc (Berlin y Schlesien) y tla Iugoslavia (Montenegro) àl tignì fora i strabać dla secunda vera. Te vera s’àl tachè le marac y é stè n pez te n lazaret todësch. Do ch’al é rové a ćiasa s’àl maridé ai 24 d’otober dl 1947 cun Tarina Castlunger dl Ćiaratì; da chësta uniun n’él nasciü degügn mituns. Ai à fistidié y trat sö la fia d’adoziun Rita, che é bele rovada adora a Maran olach’ara

s’à maridé. Zelestin laurâ le pice lüch dl Ćiaratì, al â dër na bona man da fà cestuns, al mediâ y savô dër tröp dles erbes da medejina y liô dër tröp. Por vint agn àl laurè de lignan tl bosch dl vësco, al ê n bun laurant che laurâ avisa. Pro chësc laûr s’àl inće rot na iama. Dedô àl por valgügn agn fat le stradaröl dla strada da Antermëia a San Martin. Dl 1993 él mort la fomena y tl medemo ann ti àl inće a d’ël zinghiné le bot. Al s’à defata rometü y é jü a stè n pez a Maran pro süa fia. La cité, olach’al se sintî sciöche te na porjun, ne n’ê nia le dër ambiënt por Zelestin y porchël él indô gnü a stè ite dal Ćiaratì. Al fajô ion conferta cun i foresć che passâ dailò, al ê na porsona daverta y fajô inće ion val’ matada. Dl 1995 àl tut la dezijiun de jì tla ćiasa de palsa a San Martin, olach’al ê dër reconescënt y da düć dër bëgnodü. Por n’infeziun ai edli él rové t’ospedal, dedô s’àl rot n üf y à messü gnì operè deplü iadi. Al soportâ döt cun tröpa paiënza y speranza. Al é mort ai 20 de jügn tl’ospedal da Bornech tl’eté de 87 agn. Che al palses tla pêsc de Dî. 367

ANTERMËIA

Tavella Maria Winkler Ara é nasciüda ai 22 de forà dl 1941 sön le lüch de Fiung a San Martin. Le pere Sepl Tavella de Cëch y la uma Monica Planatscher da Prousc - Sorega laorâ n pice lüch da paur, Maria ê la plü vedla de cin’ mituns. La scora d’oblianza ara frecuentè a San Martin, dedo era jüda a patrun pro paurs. A Porsenù era rovada tl convënt dles „Englischen Fräulein“ chilò ara imparè bun da cujì. Ia en Gherdëna y tl conesciü „Hotel Greif“ a Balsan ara podü imparè dër bun da cujiné, che ê süa gran pasciun. Dedô àra laorè deplü sajuns te de plü ostaries dla Val Badia. Ai 25 de mà dl 1968 s’ àra maridé cun Alfred Winkler de Tru (Rina) y da chësta uniun él nasciü cinch mituns. Sön le lüch dla „Batistra“ (Mirì) ài fabriché ćiasa y majun; do n valgügn agn ai metü man da tó sciori y la ćiasa à ciafè l‘ inom de „Pension Frapes“. Maria â dër ligrëza da odëi i sciori contënć cun l‘alberch y cun la spëisa, danter le tröp laûr metôra dagnora la familia al pröm post. Ligrëza ara cun la natöra y cun i tiers, spazirâ fora por bosch y laûrâ t‘urt y cun i ciüf. Ara â na fede sterscia y confidâ sön l’aiüt de Chel Bel Dî y de Santa Maria; dër ion jora a santuars dedicà a Santa Maria. Ara baiâ der ion sura la religiun y la odô de gran importanza te familia. Püch dî ara podü se gode i pici nus cun chi ch’ara â na gran ligrëza; ara à laûrè y fistidiè ćina che les forzes 368

ti l’à impormetü. Do cörta y ria maratia s’ara lascè ai 30 de messè tl’eté de 64 agn confortada da sü familiars. Che ara palses tla pêsc de Dî. Zilia Deiaco Ara é nasciüda ai 24 de jenà dl 1912 sön le lüch da Larjëi, tla fraziun da Rina. Sü geniturs ê Angel Deiaco de Carlo y Maria Burkia de Michele. Mëda Zilia ê la secunda nasciöda, ara â n fre plü vedl Lois y döes sorus plü jones, Maria y Nina. La scora elementara ara frecuentè fora Rina; te chësc temp ti él mort le pere scialdi jonn por gauja che al ti ê rot fora le barotel. Insciö â i mituns bele te eté tëndra messü daidé la uma sön le pice lüch ërt y sfadius. Mëda Zilia à vit sön le lüch pro le fre Lois, dër tröp ara daidé la só Maria maridada sön le lüch da Ćiornadù (Mirì. Ara é stada de gran aiüt da trà sö la gran familia de diesc mituns. Tratan la secunda vera mondiala é resté le fre Lois ferì y stè dî demez da ćiasa, cun n brac stare ne sciafiâl nia da laûrè y indô à les ëres messü se arangé da trà inant le laûr sön le lüch da Larjëi. Mëda Zilia à dagnora laûrè der tröp por le bëgn de sü familiars, ara ê na porsona dër chîta, na bonacia, dër scëmpla y da na gran paziënza. Dër religiosa ne sconara nia le tru lunch da jì ite Antermëia ala santa messa. Problems de sanité cun le magun y n indeblimënt dles forzes ales iames l’à portada te ćiasa de palsa a San Martin tl’eté de 80 agn; chilò

ANTERMËIA

s‘ara fat orëi bun por ester dagnora contënta y avëi dagnora na parora de rengraziamënt por le personal y i vijitadus. Le dé ch’ara é passada a miù vita s’ara

ghiré le ploan y s’é indormedida ia por deblëza de süa bela eté. Ara é morta ai 25 d‘ otober tl‘eté de 93 agn. Che ara palses tla pêsc de Dî.

La popolaziun d’Antermëia tl 2005

Ćiasarines

Pensionà

Autonoms turism

Autonoms artejanat

Autonoms agricoltöra

Dependënc setur privat

Dependënc setur publich

Studënc Université

Studënc

Mituns dai 6 ai 14 agn

Mituns cina 5 agn

Ci laorâ pa chi d’Antermëia ai 31 de otober 2005

Olà é pa l’post de laur?

Dependënć setur publich

Dependënć setur privat Post de laur fora dl Comun Post de laur tl Comun

369

ANTERMËIA

De chi ch’à le post de laûr fora dl comun o dla Provinzia n’él tl pice paîsc d’Antermëia impò n valgügn. Sciöch’ejëmpl oressun cuntè en cört la cariera de laûr de Albert Kircher dl Mone: Do avëi studié a Graz y tla Svezia injinier de eletrotecnica y tecnica de biomedejina, àl impröma laorè por dui agn tla Svezia tratan le stüde de informatica tla medejina y por atri dui pro le Ministêr statal por mobilité y transport; d’agost dl 2003 él jü cun süa fomena Katja che spetâ te chël momënt le möt Iaco y la möta Sara de 8 mëisc a Mtwara tla Tansania tl’Africa. Sön inćiaria dl „deutsches Entwicklungsdienst“ él dailò consulënt por tecnica dla medejina; al laora te na fujina por tecnica dla medejina y ćiara che chësta sides buna da la trà inant

zënza spënores. Te na intervista publicada de messè dl 2005 sön la plata internet www.stol.it respógnel ala domanda ćiodich’al é rové avisa te chësc post, che al é stè en pert curiosité y en pert la vëia de ti jì do a n laûr cun significat, y por ël y süa fomena le dejîer da daidé jënt che n’à debojëgn. La Tansania é un di stać plü dala meseria söl monn, y tres porseghité da maraties, malaria y aids, cun de gragn problems cun la politiga; mo la Tansania é inće n stat da na beliscima natöra, cun parcs nazionai y de beles spones dl mer. Damanè inant sön sü planns ti proscims agn, dîjel che deache al n’é tl’Europa nia saurì da ćiafè n post de laûr che corespogn a sü stüdi, àl intenziun da jì indô tla Svezia a laorè pro sò datur de laûr da denant.

Albert dl Mone cun la fomena Katja y i mituns Sara y Iaco tla Tansania (Africa).

370

ANTERMËIA

D’atri ch’’ à laorè tl 2005 fora dla Provinzia é: • Plazza Felix – laora da n valgügn agn tl’Inghiltera dlungia Londra (*) • Winkler Ralf – laora a München • Tasser Reinhold – laora a München (*) • Tasser Katherina – é gnöda nominada ai 7 de novëmber 2005 direturia dl „Außenamt des Südtiroler Landesbetriebes“ a Roma; chësc ofize é punt de referimënt a Roma por i ofizi y les repartiziuns dla Provinzia ch’à val’da tratè tla capitala taliana o adora val’ dai singui Ministêrs; implü é chësc ofize inće zënter por i raporć di mëmbri dla junta provinziala cun istituziuns a Roma. (*) (*) alda pro chi d’Antermëia ’’Antermëia d’ia da rü da Colac, é residënć tl Comun de Marou y n’é porchël nia tuć ite ti diagrams dessura che contëgn ma chi d’Antermëia ’’Antermëia residënć tl Comun de San Martin La vita dla Cöra Cun le 1. de setëmber à le ploan d‘Antermëia y Rina siur Paul Campëi dè jö la cöra da Rina y surantut pro Antermëia inće les cöres da San Martin y Lungiarü; ala domanda sciöche ara jarà inant tles 3 cöres, respogn siur Paul ala redaziun dla La cöga de siur Paul - „Dolomiten“ de Maria dl Mair. setëmber 2005: i speri che le spirit de nosc sant da Oies, che é stè caplan a San Martin, restes tres vi tles cöres y nes dëides da fà fora de chësta situaziun sigü nia otimala le miù. Por Antermëia n’ él por intant nia

mudé tröp, deach’siur Vito Rubatscher s‘à metü a desposiziun por daidé fora les sabedes y domënies tles trëi cöres; ia por l‘edema él mâ plü mëssa l’mertesc y l’vëndres da doman. Mudé indere é bëgn val’ por la cöga de siur Paul, Maria dl Mair: ara é te n iade deventada cöga de n ploan de 3 cöres; le „cuartier prinzipal“ de siur Paul resta inant Antermëia. Sciöche öna dles ultimes dezijuns dan la fin dla legislatöra à le Consëi de cöra mudé jö te n valgügn punć le regolamënt dla cortina y punsè co ti jì adincuntra al problem dla lerch te cortina; an é rovà ala conclujiun de lascè demez dal 2006 inant les lades pro les fosses sciöche an les vëiga chilò tla fotografia dlungia da gnissant y de mëte pro vigni fossa ma plü na crusc y n ciüf dant, döt l‘ ater restass vërt; a chësta moda davàgnon lerch y la cortina é plü saurida da mantignì. 371

ANTERMËIA

Öna dles ultimes fotografies dles fosses cun lades?

Na gran ligrëza à albü le ploan siur Paul canch’an à aldì la notizia che le cardinal Josef Ratzinger ê gnü metü Papa: àl pö ël instëss albü l’onur de incuntè dan da 25 agn ca. en ocajiun dl “Heulager“ dla Schira Jonila sö Murac a Urtijëi le cardinal Ratzinger cun sò frè y siur Artur Vinatzer che ê laota regens dl seminar a Porsenù y de se bëre n bun gote de vin cun ëi.

Dmd: siur Paul, cardinal Ratzinger (Papa) y frè dl Papa.

372

Le lönesc, 03.01.2005, é indô jüs i trëi 3 Rêsc da ćiasa a ćiasa por ćiantè y petlè por

ANTERMËIA

les Misciuns; en chësc ann ti é les spënores – al é gnü trat ite la bela soma de 1.895,00 € - a families dala meseria tla Romania. La cöga Maria à vistì sö bel i Resc y i ostis dl Hotel Pütia y Pension Elisabeth ti à dè da marëna. Festa de patrozine de Sant Antone dles ćiampaneles ai 17 de jenà Danter les festes de dlijia, de patrozine che vegn festejades solenementer te nosta valada é chëra de Sant Antone dles ćiampaneles öna dles plü sintides. En chësc ann él tomè ite le 17 de jenà de lönesc, mo porchël él rovè impò adalerch tröpa jënt credënta. Dan jì te dlijia ti él gnü tachè sö ai fedei na picera ćiampanela, sëgn y recort che vëgn

benedì y portè a ćiasa por stravardè la ćiaussa y i fabricać dai prighi. Siur Paul Campei à zelebrè la Santa Messa solena y cun le salüt: „I sëis gnüs da dalunc y daimpò por perié jö la grazia sön ostes families, tiers, ćiasa y bosch da nost Sant protetur“ àl tut ite i fedei. Por renforzè le cor de dlijia te chësta ocajiun él gnü perié inće ćiantarins da foradecà, adöm ai dè en bel arichimënt ala Santa Messa. Tla pordica à Siur Paul recordè en cört les raîsc, la porsona y vita de Sant Antone. Jon plü sot sön i insegnamënć da inlaôta dan da plü de 1600 agn che po ciafè lerch plü co mai inće tla porsona moderna. La porsona é der dejorientada y plëna de confujiun, tröc jogn n’à plü degöna identité, al ti fala la pêsc y le spirit de sacrifize. La familia y i geniturs

Retrat de recordanza di mius dl batadù ediziun 2005: (en pé dmc): Lisl Rubatscher presidënta dl Consëi de Cöra, Edeltraud y Fritz Promberger, Heinrich Schuen, Siur Paul Campei. (cufà dmc) Roberto y Walter Castlunger, Sepl Frenses.

373

ANTERMËIA

vegn gonot ignorà, ai é ma plü bugn por la spëisa y l‘alberch. Nosc Sant é de direziun, al se dà l‘orientamënt tla oraziun se mostran la strada dal alt jö. Al s’à vit dant na vita de rinunzies materiales y tl desert al ciafè armonia y pêc che ti à dè la derta liberté te süa vita lungia. Siur Paul à sotrissé che valgönes de sües virtus dessun se tó impara inće por nosta vita, al nen va debojëgn. Cun le salüt y rengraziamënt ai presënć da pert dla presidënta dl Consëi de Cöra Lisl Rubatscher, la ćiantia de Sant Antone y la benedisciun solena s‘à tla ćiasa de Chel Bel Dî la festa stlüt jö. Da do marëna inant él gnü cartè pro le gran batadù de Sant Antone tl’ostaria dl „Pütia“. Caranta é stà i pers scrić ite, val’demanco co le ann da denant, rovà adalerch esi da feter düć i paîsc dla Val Badia. Fortüna, abilité y conësce bun le compagn é fondamentai por podëi davagné, val’sorpreja él vigni ann dan man. Te chësta ediziun dl batadù él stè i „ostis“ ch’à davagné döt adöm, Fritz y Edeltraud Promberger dla „Ütia de Börz“ à davagné por le pröm iade, dan da Sepl Frenes - Heinrich Schuen da La Val. Terzi é rovà i fredesc Walter y Roberto Castlunger da Rina. Le „pozer“ é inće gnü davagné da ostis, Max y Gerd Irsara d‘ Antermëia ti l’à sticada a Werner Valentin - Adalbert Frenner de Badia. Le terzo post é jü a Lukas Campei - Diego Tschaffert da La Val. Le davagn dla festa de patrozine é jü ala dlijia d‘Antermëia; rengraziamënć é jüs a düć i cartadus y a düć chi ch’à daidé por le bun garatè dla festa da pert dl Consëi de Cöra.

374

Ai 17 de forà él gnü recordè tla Mëssa i 60 agn dala mort de Vijo Alfreider dl Tisler che é mort ai 17 de forà dl 1945 tl ćiamp de conzentramënt a Buchenwald (cun 11 agn àl podü jì a studié tl Vi n z e n t i num, y al orô deventé prou. Mo tl 1943 é le Vinzentinum gnü stlüt por n pez, Vijo ê restè a ćiasa y ê d’istè dl 1944 gnü cherdè ite pro le regimënt de polizia a Schlanders. Tratan na vacanza àl tut la dezijiun de ne jì nia plü sot te vera, al n’orô nia plü sorvì al „Führer“, inće cun la speranza che la vera se rovass tosc; al s‘â lascè recoverè te spitol, y canch’al â indô podü jì a ćiasa, s’âle ascognü te sotletët impede jì indô te caserma; tosc é la polizia gnüda a le chirì, y deach’ai ne le ciafâ nia, ai manacè de condüje sü geniturs te n ćiamp de conzentramënt. Sön chësta ê Vijo jü de süa buna indô te caserma y spo gnü sarè ia y condüt ai 9 de jenà dl 1945 tl ćiamp de conzentramënt a Buchenwald, olach’ al é gnü burjé vì). Ala S.Mëssa à inće tut pert siur Merch Graffonara dl Mone che ê stè n bun compagn de Vijo tl Vinzentinum y dedô. Tla pordica à Siur Merch portè en bel recort dl püre Vijo, che sce nia „venü“ da nosta jënt podess ester ćiamò danter nos.

ANTERMËIA

En jöbia, ai 13 de otober 2005, él gnü fat le iade dla Comunité al santuar „Maria Waldrast“ dlungia Matrei am Brenner; an é pià dales 7.30 sön plaza de dlijia; söl Brenner éson stà chić a ti ćiarè ala dlijia „Maria am Wege“ fata sö da siur Merch canch’ al ê lassö ploan (incër i agn 60). A Maria Waldrast él stè la S. Mëssa y la marëna; domisdé éson ćiamò stà söl iade da gnì zeruch a ćiasa chić a Desproch (zënter da cumpré ite DEZ). En la domënia dles misciuns d’otober él gnü monies dl Camerun (Africa) a baié (dala pordica) sön n proiet che ares fej: „centro di cardiologia“. Les monies é gnödes menades dala monia da La Val

Sr. Monica Moling (Cestun) che à laorè dailò 8 agn. La oferta ti é gnüda dada ales monies por chësc proiet y indöt él jü ite € 1.108,0. Ai 6 de novëmber él stè la lîta dl Consëi de cöra. Por chirì fora i candidać che ess podü gnì lità él gnü fat la sabeda y domënia 22/23 de novëmber na prelîta. A chësta moda ésson orü arjunje che al röies sön lista ëi, ëres, jogn y jones ch’à la crëta di mëmbri dla cöra. Do les prelîtes él gnü damanè i candidać cun plü usc da stè sön lista, mo indöt s’à ma 8 porsones metü a desposiziun; insciö ne n’él gnanca plü gnü tignì la lita. Tl Consëi de cöra nü é rovà ite:

Do Messa s’ l’ài n pü cuntada cun Siur Merch chi dl medemo tëmp (agn) jö dal „Ostì“ pro n bun cafê. (dmc) Hones da Ghejenara, Angel fant de Jöpel, Sepl dl Tistler, Carlo dl Tulper, Siur Merch dl Mone, Mariangel da Plaza, Purga dl Tistler y Tio da Colmesan.

375

ANTERMËIA

Erlacher Lisl, Pepi Deiaco dl Mair, Chizzali Lucia, Irsara Kathi, Turnaretscher Marialuisa, Promberger Silvester, Rives Guido, Rubatscher Erika, Rubatscher Waltraud, Kircher Loise, Winkler Patrizia. Dl Consëi d’aministraziun nü fej pert Zingerle Gottfried, Dejaco Pepi y Chizzali Davide. En chësc ann é la festa dla 1. Santa Comuniun bele stada ai 1. de mà. Sot a sorëdl y bun ćialt é i 5 mituns dla 2. elementara Cindy, Sofia, Fabian, Silvia y Luca gnüs acompagnà dala Musiga da San Martin te dlijia; dailò s’ai instësc presentè, ai à lit instësc les supliches y portè sö les ofertes. Sciöche tema dla festa – inće le placat dan dlijia fat aposta

a tut sö chësc tema – él gnü chirì fora l’ergobando cun sü corusc che porta ligrëza y che fej da liàn danter cil y tera. I mituns dla 3°, 4° y 5° tlassa à abelì la mëssa cun de beles ćianties imparades ites por l’ocajiun cun le maester Alex. Tratan la mëssa y tla pordica ti à siur ploan plü iadi recordè y aodè ai mituns ch’ai capësces n pice püch l’significat dla festa y che ai se recordes inće ćiamó te n valgügn agn da jì a ciafè Gejù tla comuniun. do mëssa à ćiamó la musiga da San Martin tignì n pice conzert. Ai 17 de aurì à i mituns dla 1° y 2° mesana ciafè a San Martin le sacramënt dla crejima. Da Antermëia n’ele sté nü (Patrick, Daniel, Fabian; Julia, Martina, Angela, Manuel, Manuel, Fabian). La preparaziun di mituns é gnöda surantuta dales umes di mituns: al é gnü arjigné n bel placat por dan dlijia; i mituns à fat adöm na ćiandëra porom che é spo gnöda metöda sö dan alté a San Martin; un n domisdé esi jüs a ciafè na porsona vercia che ti à mostrè sciöche an pó superé tröpes dificultes cun tröpa orenté; sö da siur degan te calonia de Badia esi jüs a dì deboriade les staziuns che ëi â metü adöm; en la domënia dan la festa dla crejima à i mituns arjigné ca y daidé abelì la gran mëssa, y ai s’à presentè ala comunité. Stlüć jö é i laûrs de preparaziun ala crejima valgügn dis do la festa cun na incuntada di crejimanć y valgügn geniturs te calonia bas ite, olache i mituns à instësc cujiné na buna pasta por düc. Festa dl Cör de Gejù - Cun gran solenité y cun dötes les forzes a disposiziun él gnü festejé la festa dl Cör de Gejù.

376

ANTERMËIA

I confermanć d’Antermëia.

L‘ cor de dlijia à porvè ite ćianties solenes por abelì la S.Mëssa, y valgönes ćianties é inće gnödes acompagnades cun strumënć a flè da dui strumentalisć da Rina, cossa ch’an n’à nia aldì ti ultimi agn a Antermëia. Y l’tëmp à inće lascè fà la prozesciun cun i confaruns (jogn y omi), statues (Pice Bambim, Cör de Gejù, Angel Custode y S.Anna) y bandira di jogn. I moni à inće arjigné ca aposta l’anteriöl y n pice altè dan scora, olach’ al é gnü lit dui Vagneli. Tl dagnì sarâle da odëi sce chëstes prozesciuns va ćiamò da tignì regolarmënter sce le ploan à trëi cöres da sorvì. Y dassëra à le tëmp inće lascé impié i füć tradizionai; n bel gran n’él inće gnü fat amesa paîsc dlungia la scora.

377

ANTERMËIA

Chëres/chi che à daidè lavè la dlijia dan la festa dla 1. Santa Comuniun.

Uniun dles ëres

I surastancdla uniun che fej i coghi.

378

En la pröma domënia de forà él gnü festejé te dlijia le dé dla vita. Söl placat cun i 14 mituns nasciüs l’ann da denant êl la scrita „Gejù dij: Chël che é bun da ester sciöche chësc möt, chël sarà le plü gran tl rëgn dl cil“. En la domënia de Pasca à la uniun dles ëres indô venü röes a bëgn dla „Krebshilfe“. Por la domënia, ai 22 de mà él gnü organisé n iade a Freienbühel por düć; jü él val’ 35 porsones, scialdi families, valgügn mituns, jogn, manco jogn y inće plü de vedli. Da Palmschoß iaifora esun jüs en prozesciun y la Silvia à lit dant les staziuns; da gnì zuruch él gnü dit la corona. Al iade n’à nia sciafié da tò pert siur ploan. Söl trù da gnì zuruch a ćiasa esun stà chić ite n Ćialćiagn por la ütia de Corjel, olache al é gnü pratè liagnes y ater. Le bel tëmp,

ANTERMËIA

Valgügn di partezipanc al curs de ginastica da d´ainsciöda.

mo scialdi da vënt, à portè pro che düć à passè n bel domisdé deboriada. I mituns à ćianamai sciafié da soghé al palè söi prà de Ćialćiagn. Por en vëndres, ai 3 de jügn, à la uniun invié a n referat dal titul: „Selbstwert – das wertvollste im Leben“ cun le dr. Paul Hofer te palestra. Ca. 20 porsones à coiü sö l’invit a gnì a ascutè sö le psicologh y psicoterapeut che baiâ de n argomënt important por düć. Dr. Hofer à porvè da mostrè sö cun deplü ejëmpli fora de süa pratica da terapeut – al à 28 agn de esperiënza de laûr a Bornech y Sterzing – tan importanta che la dërta crëta te se instësc é tl raport cun i atri.Bele le vedl filosof à dit: „crëta te se instësc é la fondamënta dla vita; tolela demez, y la vita toma adöm.“ L’referënt n’à nia podü mëte sön mesa rezetes generales por düć, mo te sò referat àl porvè da splighé ch’ al ô ester

n’“iö“ sann te vignun por rovè a n „tö“. Da d’ainsciöda él gnü metü da jì te palestra de scora adöm cun le consëi de formaziun n curs de ginastiga por la sanité cun Markus Winkler da Longega; le curs é spo ćiamò jü inant da d‘altonn ćina do Nadè. En domënia, ai 09 de otober 2005, à la uniun dles ëres daidé organisé la mëssa de rengraziamënt dla racoiöda. Ai 8 de dezëmber él stè le Rorate dla uniun y domisdé unse fat na picera festa d’Advënt por les ëres dl paîsc. Siur Iaco Ploner é gnü a nes tignì en pü’ de reflesciun sön le tëmp d’Advënt y Nadè, y dedô sunse ćiamò stades adöm cun tê y biscoti. Stlüt jö l’ann unse cun la festa de compliagn ai berbesc y mëdes dla Ćiasa de Palsa a San Martin ai 19 de dezëmber. 379

ANTERMËIA

Club di seniors Sciöche vigni ann unse metü man nosta ativité cun n batadù y na piciamarëna ai 30 de jenà. Linda y Pire Sottrovisch à davagné le pröm post – n iade a Bad Tölz gnü ofrì dala Cassa dl Sparagn da Bornech. De forà él gnü Elzenbaumer Helmuth a nes mostrè diapositives sön la natöra; chëstes fotografies sön la natöra ti plej dër cis a chës porsones atempades che n’à nia plü l’ocajiun da odëi dal vì les belëzes de nostes munts. De merz él gnü siur Iaco Ploner a nes baié sura la carsëma cun parores che é jödes dër a cör y à lascè passè le tëmp tan snel. D‘aurì él stè Pepi dl Mair d’Antermëia che nes à lascè odëi diapositives sön la

Sicilia y la Sardegna; al cunta dagnora dër bel de sü iadi y dëida inće dër portè inant nosta ativité. En lönesc de Pasca s’un incuntè jö dal Hotel Pütia por sté en pü’ adöm y s’la cuntè. De mà unse fat n pelegrinaje a „Unsere Liebe Frau im Walde“; tröc à tut pert y al é sté n bel dé. Le dotur Massimo Bernardo da Balsan é gnü de jügn a nes tignì n referat „invecchiare serenamente“; al nes à dè de vigni sort y tröc de bugn consëis por tröc mais de nosta eté. D‘otober sunse jüs ite a Rein/Türesc a ćiaré ch’ai gnô de munt cun i tiers; an ê na coriera plëna y al ê propi n beliscimo tëmp. Impresciun nes à fat chël gröm de jënt de vigni pert de Südtirol che ê gnüs a ćiaré chësc pice paîsc de apëna 300 abitanc. D’otober

Döes ëres te salf dl dotur - la Martina jobelnëia n´ëra ala buna y püra, la Verena n´ëra moderna, fata sö y malcontënta.

380

ANTERMËIA

sunse indô jüs sciöche vigni ann sö da nosc sant da Oies a nes perié jö la sanité por nos y por nosc familiars; dedô sunse jüs sö dal Lêch da Sompunt a to la piciamarëna. De novëmber sùnse indô abiné sön Fornela ala ćiastegnada, olache i un ciafè tutres, panicia, liagnes cun craut y ćiastëgnes por düć assà. Ai 18 de dezëmber unse indô albü la marëna da Nadè y en chësta ocajiun se sunse abinà plü de 50. do marëna sun jüs ala festa da Nadè dl paîsc tl salf di Stödafüch, olach’ i un podü passè n beliscimo domisdé pro la rapresentaziun da pert dla scora dl musical „Il presepe di San Francesco“ y dl pice teater „Döes ëres desvalies“ metü adöm y jobelnè por le club di seniors da Frenner Verena y Prousch Martina.

Sportclub Amatorial Antermëia N program rich d’ativité à indô presentè l’SC Antermëia fora por l’ann 2005. Les ativitês dla uniun à pité a düć y dantadöt ai amanć dl sport, l’ocajiun da rové adöm, se mosoré y passè n valgönes ores de divertimënt cun spirit sportif. Al é gnü organisé gares de schi y snowboard, liösa, tornei de calcetto y de broomball. La partezipaziun a chëstes gares è stada valgamia buna; chësc ti fej sambëgn ligrëza nia ma ai organisadus mo porta inće vita y animaziun tla comunité de nosc pice paîsc. N gran avenimënt è dessigü stada en lönesc, ai 28 de forà 2005, la festa d’inauguraziun dles infrastrotöres spor-

Tratan la benedisciun dles infrastrotöres.

381

ANTERMËIA

tives por le turism y tëmp lëde fates sö te chisc ultimi agn: ćiamp dl sport cun d’invern plaza dla dlacia y ćiasa de sorvisc che alda laprò, pista dla liösa Börz Fornela, pista de paslunch Börz - Spütia, punt dla pista di schi sön Biëi, organisada dal Comun y le Sportclub Antermëia. Ghesć d’onur ala festa é stà le presidënt dla Junta provinziala de Südtirol Luis Durnwalder y l’assessur provinzial ai laûrs publics y ala scora y cultura ladina Florian Mussner. Cun n pice aperitif ite dal ćiamp dl sport y na picia cëna sö tla Ütia de Börz por düć chi che à daidè a val maniera realisé les strotöres y por i proprietars di grunć, an orü inaudé ofizialmënter chëstes infrastrotöres, perié jö dal cil la benedisciun sön les strotöres

Dô n gol tratan le torneo dles uniuns ...

382

y inće ti mostrè reconescënza ai paurs che à metü a desposiziun i grunć por les strotöres; ca. 70 porsones à azetè l’invit. I rapresentanć politics provinziai à laldè te sü discurs l’impëgn y i sforc che le comun y le paîsc d’Antermëia à suratut por realisé chëstes infrastrotöres che va a bëgn dla popolaziun intiera, mituns, jonëza, turism y economia, infrastrotöres che dëida tignì vì inće n pice paîsc sciöche Antermëia. L’Ombolt da San Martin Pepi Dejaco y l’assessur de comun Davide Erlacher y le presidënt dl’Uniun dl Sport Oswald Prada à da süa pert rengrazié la Provinzia che à suratut ca. le 66% dles spëises (indöt à döt costé ca. 1,1 mil. Euro); zënza l’aiüt finanziar dla Provinzia ne sciafiass de te’ infrastrotöres nia

ANTERMËIA

da gnì realisades te nosc comun. N apuntamënt a chël che al s’abina tres indô tröc jogn y jones dla Val Badia è l’tornê de broomball. Ai 12.02. s’à mosoré bëgn 10 scuadres söla dlacia, fajon goi cun la granara. Les mius granares à albü la scuadra Giać, che lascia la scuadra de ćiasa Sganghes al secondo post. Ai 13 de merz é le trofê Börz di schi rové a süa 21. ediziun: a chësta gara tol pert tröc abitanć dl paîsc y da foradecà. Le plü asvelt é sté Erlacher Armin d’Antermeia, che à podü pié do n beliscim trofè fat da Roman Castlunger. Al è inće gnü premié les mius scuadres: cun l’pröm post é gnödes premiades les gares di jogn dl paîsc d’Al Plan Pepi Comploj, Clara David y Clara Daniele. Pro les manifestaziuns da d’isté ciàfon de plü tornei de calcetto. Ai 5 de jügn s’ à mosoré les uniuns dl paîsc: jogn, cor de dlijia, stödafüch, SC Antermëia y ostis. Chi dales iames plü lisieres è stà i śogadus dl cor de dlijia. Mo denant co dè le via ala gran finala s’ à inće n valgügn mituns y mitans dl post mosoré: chisc à mostrè d’ avëi gran vëia da śoghé al palê. Ai 16 de messé à le ćiamp dl sport Antermëia ospité 10 scuadres dala Val Badia y inće foradeca, che s’à mosoré cun le palè. La devënta dl tornê è jöda ala scuadra Seleçao da Corvara. I Sganghes d’Antermëia s’à plazé al cuarto post. Sciöche dagnora él inće en chësc ann de novëmber indô gnü fat la riuniun de düć i soci dl’Sport Club Amatorial Antermëia y in chësta ocajiun él inće gnü organisé n batadù. Na disciplina sportiva, olach’ i atleć da Antermëia à arjunt a livel de valada de bì resultać tl 2005 é stada la liösa. La

scuadra d’Antermëia à davagné le Ladinia Cup, te chël che les scuadres d’Antermëia, Lungiarü, La Val, La Pli y Rina s’à mosoré te trëi gares – la pröma sön la pista Börz – Pé de Börz, la secunda a Lungiarü y la terza a La Val. Ala fin dles gares é Antermëia rovada al pröm post dan La Val y Lungiarü. Te bëgn 9 categories sön diesc é atleć d’Antermëia rovà sot i pröms trëi (Zingerle Philip, Erlacher Iris, Zingerle Martina y Erlacher Daniela à davagné te süa categoria; Erlacher Hannes, Erlacher Alex, Chizzali Miriam, Zingerle Sandra, Erlacher Alfred y Forer Armin é rovà secundi, Ferdigg René, Chizzali Patrick, Erlacher Pepi y Sottrovisch Ugo terzi te süa categoria). De bugn resultać cun la liösa à Daniela Erlacher inće arjunt ia por l’ann 2005 a livel provinzial tl „Südtirol Cup“, y insciö àra inće podü tó pert ai campionać europeics de liösa ai 5 de forà a Gallzein/ Tirol, olach’ ara à arjunt le terzo post ex equo cun na atleta dl‘Austria. N’atra manifestaziun sportiva a Antermëia é stada la gara di schi di artejans dla Val Badia, en domënia, ai 27 de forà sön la pista d’Antermëia. La gara é gnüda organisada dai artejana dl comun de San Martin de Tor, l’uniun dl sport à arjigné la pista y tut jö le tëmp. Incër 100 scrić ite à podü se mosoré te n slalom lerch sön na pista che à tignì dër bun por düć i concorënć. Te bëgn 5 categories é artejana y sü familiars d’Antermëia rovà danter i pröms trëi (Evelyn Erlacher 2°; Marion Erlacher 1° - Elisabeth Erlacher 2°; Erlacher David 2° - Erlacher Pire 3°; Helmuth Erlacher 1°; Armin Erlacher 1° - Elmar Erlacher 2°) y tla tlassifica dles mius dites é la firma Erlacher David sas rovada al 1° post. 383

ANTERMËIA

Stödafüch d’Antermëia tl 2005 Pro le Corp di Stödafüch Antermëia él atualmënter 36 mëmbri, 3 stödafüch é fora de sorvisc y 2 é mëmbri d’onur. Gnü pormez n’él tl ann 2005 degügn mëmbri nüs, un n mëmber à dè les dimisciuns volontares. Indöt él tl 2005 gnü fat set intervënć, cin’ intervënć tecnics y dui de pici intervënć por medefüch. Ai 12 de merz 2005 unse fat adöm cun l’aiüt di crëp San Martin de Tor tla zona Börz – Ćialćiagn na proa da chirì na porsona rovada sot na lovina. Ai 7 d’agost él gnü metü da jì sö Spütia na proa da chirì deboriada cun i corps di stödafüch dla Val Badia da

Tratan la proa d´evacuaziun dla scora.

384

San Martin, La Val, Al Plan de Marou, Rina y dl raiun dla Val d’Isarch Lijun y Funes. Al à inće tut pert l’Aiüt di Crëp San Martin, la Crusc Blanćia Al Plan y la Staziun Forestala. Indöt à tut pert ala proa 55 stödafüch. Ai 15 de otober él gnü metü da jì na proa d’evacuaziun tla scora d’Antermëia cun i scolars dla scora elementara y dla scolina. Al é inće rovè adalerch l’auto di Stödafüch d’Al Plan cun na litra aposta. Tl’edema dai 17 ai 22 de otober 2005 él gnü metü a jì na proa de nöt, pro chëra che l’alarm é gnü dè dala zentrala d’alarm provinziala. Sciöch’oget dla proa él gnü chirì fora la Ütia de Börz. Ai 28 de mà él gnü tignì n control di destodadus a man por düć i interessà tl magazinn da pert dla firma Rosenbauer. Les manifestaziuns plü importantes, a chëres che rapresentanć di Stödafüch d’Antermëia à tut pert ia por l’ann é stades: ai 19.02.05: gara di schi dl raiun al Speikboden; 5 stödafüch d’Antermëia à tut pert é à arjunt le cuinto post; ai 24.04.05 él gnü zelebré la festa de S.Florian cun la prozesciun; ai 10.07.05 él gnü organisé adöm cun le Sportclub Amatorial Antermëia la segra; ai 04.09.05 é na rapresentanza di stödafüch y dla bandira jüs a Lungiarü en ocajiun dle festa de benedisciun dl ingrandimënt dl magazinn di stödaüch. La reuniun generala anuala di Stödafüch d’Antermëia é gnüda tignida ai 3.12.2005 tl’ostaria Pütia; do le rorate por i Stödafüch s’à abiné 26 stödafüch ala riuniun; le stödafüch Prada Moritz é gnü onorè por sò 25 agn de sorvisc cun na crusc d’onoranza.

ANTERMËIA

Tratan la proa d´evacuaziun dla scora.

Gara da pié pësc N sabeda, ai 10 de setëmber éle gnü tigní la gara anuala da trá fora pësc dla uniun di pëiapësc; nia dër bel tëmp, plülere da plöia, mo porchël ne s´á valgügn nia lascè sprigoré y é jüs sö dal lè a porvè da trá fora i majeri pësc. 16 pesciadus á porvè te döes manches da mesora l´öna da trá fora 6 de bì pësc. Garatada i era l´plü a Gottfried da Gscnara, dan Rita y Pire dl Psciora. Dô la gara éle ciamò gnü fat por düc na buna griliada. L´lêch se presentâ en chësca ann dër bel cun püces alghes y de bì gran pësc. Vignun prô da tachè ite le miú romun... 385

ANTERMËIA

Scora elementara L’ann de scora 2005/2006 à metü man ai 12 de setëmber. Pro i maestri da l’ann passè Giuliana, Alex da Rina y Manuela da La Ila él rovè le maester

Martin da San Martin, la maestra Anita da Antermëia y maestra Edith da San Martin. Religiun vëgn inant insegné da siur Paul. Tl ann de scora él scrić ite 40 scolars, 8 de chisc é dla pert de Colac (comun de Marou); y chisc vëgn por

I dessëgns nüs söi mürs de scora.

L’Ombolt spliga ai mituns ci bela scora ch’ai á ...

386

ANTERMËIA

Chi dla pröma tlasse.

le pröm iade menà scora dal sorvisc de trasport aposta; n’atra novité é che cun chësc ann él gnü istituì scora domisdé inće la jöbia.

387

ANTERMËIA

Scolina Tla scolina él indô la maestra Brighitte da San Martin cun les assistëntes Hilda da Antermëia y Cristina da Rina. Ti locai dla scolina él gnü fat en chësc ann n valgönes mudaziuns por ti dè plü lerch ai 16 mituns scrić ite: la lerch atira daite da porta é gnüda destinada a garderoba, y por sconè chësc local dal rî tëmp y frëit él gnü instalè defora na veranda de spidl. L´entrada nöia dan la scolina.

N valgügn di mituns che à metü man l’ann de scolina 2005/2006 (sön la fotografia mancel Philipp Graefe y David Castlunger).

388

ANTERMËIA

D’ATRI AVENIMËNĆ: Al passa l’“Giro d’Italia“ - 21 de mà Dô da n valgügn agn él indô passè en chësc ann l“Giro d’Italia“ fora por le paîsc d’Antermëia; deache chi dala roda gnô da San Martin sö pert y jô cuntra le Jù de Börz al trat adalerch n gröm de spetadus; bele valgügn dis denant s’n an anadè che al passâ tröc amanć dla roda sö y jö por Börz. Le vëndres él passè döt le dé campers y roulottes, y por dassëra ê danter Antermëia y Börz scialdi vigni picia lerch dlungia strada ocupada dai tifosi y döt ći ch’ai s’â tut dô; sön Börz él dlunch dlungia strada campers y tendes. I tifosi s’à tut do döt ći ch’ai adorâ da stè sura nöt, dal’atrezatöra por scialdè ćina ales vëtes por se sighé ite sò tòch. Y ai à aspetè ćina la sabeda domisdé fajon festa dlungia y n pert inće sön strada. La sabeda incër les cater era spo tan inant: impröma vëgnel schires de auti y motors y auti y motors, spo chi dala roda, y tröc pêl che sides pormò pià ia da püch, tan saurì y

Sön Börz la sëra dan ch´al passes l´“Giro“.

debota pedalëia sö cuntra Börz; y atira do ch’al é passè l’ultimo cun la roda, mët i tifosi indô man da se cöie adöm süa pocaje, valgügn por s’un jì a ćiasa, d’atri por jì inant a aspetè sü atlêc le proscim dè t’n ater post. Le sorvisc d’ordinn tratan ch’al passâ la gara é gnü fat dai stödafüch y dai carabiniers. L’dè dô, canche döt é indô bel chît, veigon sambëgn inće ći che i tifosi à döt lascè zuruch; refodam él bëgn impü dlunch dlungia strada, alüsc bel metü a d’ingröm, te val’ posc’ ascognü sot val rëisc ite y te tröc posc’ sciuré dlungia strada. Mo les beles impresciuns de 2 de bì dis cun n beliscimo tëmp y temperatöres veramënter da d‘ainsciöda ti à sigü lascè a tröc tifosi de bì recorc de nosc bel paîsc. Festa dles stries - Sön Börz, la sesta ediziun dl „Bal dles stries“ ai 21 y 22 de messè L‘apuntamënt cun les stries é rovè in chësc ann te süa sesta ediziun, indô tröpa jënt dla valada y foresti é rovà sön Jù de Börz tolon sö l’invit dl Assoziaziun Tu-

Ciun la sa mo plü lungia söl „Giro“? - Sepl de Cristl o Carlo da Pedantermëia.

389

ANTERMËIA

I striuns dla „Crëpa dl Ostì“ begn nia da conesce senza descriziun: (dmc doia) Alfred de Gile, Hubert d‘ Antersis, Pepi dl Maier. (dmc dancà) Gaby da La Curt (la stria) y Alfred de Cantina.

I animadus che é stà impü i maestri dla manifestaziun: (dmc) Lois Kastlunger, Evelyn Vinatzer, Werner Pescosta, Giuliana Dejaco y Renato Paratscha.

390

ANTERMËIA

Le bal dles stries, n gran cërtl mistich, füch, tamperli y movimënć de liberté da pert dles stries modernes .....

ristica da San Martin y di patruns dles üties da munt. Dui dis de bel temp à daidé tröp por le garaté dla manifestaziun, la jöbia domisdé él stè n program por i mituns cun bai tirolej portà dant da na pert di mituns y mitans dla scora elementara d’Antermeia. Insignà esi indô gnüs dal professur Lois Kastlunger en chësc ann cun la colaburaziun dla maestra balerina Evelyn Vinatzer de Gardena. I pici à podü scuté sö stories, pastelnè ćiapì fosc da stria y ascuté sö trëi mituns da Vandoies che sonâ i orghi da man. Do n salüt de begnodü da pert de Edith Prousch da pert dl Assoziaziun Turistica é i animadus Werner, Giuliana y Renato pià ia y sö cuntra i prà de Spütia. Danter val descriziun y storia inventada o falza sön le tema dl „incuisiziun“ y les

stries éson rovà sö dan la „Crëpa dl Ostì“ che al ê oramai scür. Sön i conseis de le rejist Simon Kostner da Corvara à i cater striuns abiné y condüt al incuisiziun la malcapitada stria, condanada al füch ai fat na gran festa iluminan la nöt cun bales de füch. Sön le ritm dles percusciuns de Max Castlunger y compagns à bëgn dejedot stries balè incer le gran füch da flames altes te en gran certl. Döt chësc spetacl é gnü tut sö da bëgn trei televijiuns desvalies. Por le vendres él sön le program la demostraziun di laûrs da inlaota, al é gnü lascé odei sciöche fà ćialza, firé, pestè pavè, splomé alces y forlé. De atri laûrs sön le program é por deplü gaujes tomà· t‘ega. En marcé da paur él inće sté pité te chisc dui dis de spetacl sot Pütia. Do na secunda nöt 391

ANTERMËIA

de stries y liendes sa döt destudè ia, les stries prosses y ries po endo palsé inćina à en ater iade ........ Emma Prada la patruna y conesciöda cöga dla „Ütia Cir“ sön Jù de Börz taia sö y cujina döt l‘isté de dërtes munts de fonguns, é pö chisc le „taì“ plü damanè dai sciori talians. Tratan che ëra stà te ćiasadafüch ne n’ara sambëgn nia le tëmp da jì a chirì fonguns, porchël ôl ester d‘atres porsones che và ai chirì y ti ai porta. Mo canche la „Emma“ a tëmp vara pö ion a pé; do mez otober ara stlüt la ütia y é rovada a spazirè sön Costa da La Val. Fora por chi prà ara odü val‘ de blanch, cun curiosité era rovada dlungia, l‘ emoziun y l‘ amiraziun é stada grana tl odëi en fongun gigant blanch, en „bovist“ dala gran forma sciöche en palê. Na morvëia dla natöra. Cun l’aiüt di proprietars dl pre se l‘ara portè a ćiasa, chilò

l’ara pesè cun na gran staldira de n hotel; bel frësch pesâl bëgn 15,20 chili. Al ê n fongun conesciü y da mangé, chilò da nos él na rarité y la gran forma vëgn dant plü gonot. Da le cujiné panè déssel ester buniscim, dij la cöga.....mo do val retrat de recordanza él indô gnü retü ala natöra da d‘altonn. Fora por deplü folieć é jöda la notizia ch’al é gnü copè tl zënter dl paîsc 8 de pici iać danter 4 y 6 mëisc cun na massaria, bunamënter n badì. Dui turisć talians â odü chisc tiers morć y ti à atira scrit al Ombolt dl Comun da San Martin, al Presidënt dla Junta provinziala, a deplü assessurs provinziai, al sorvisc sanitar y ćiamò a d’atri. La crudelté dl fat n’é sigü nia da imité, mo al pê che les conseguënzes dl fat – da pert dl sorvisc veterinar provinzial él gnü apié deplü iać y sterilisà – ais portè prò che al sides impü demanco iać zënza patrun che roda fora por paîsc a chirì val’da mangé. La sozieté che gestësc les infrastrotöres invernales a Antermëia à metü da jì ai 29 de dezëmber na schi-show cun la scora di schi da La Ila. La pista d’Antermëia é por la lunghëza y la posiziun dër adatada por na te’manifesta-

„Emma“ mostra cun n pü de bravöra le fongun gigant y se pënsa „Tan de porziuns nen gnìssel pa fora sce i le cujinass?“

392

ANTERMËIA

ziun; sot ai comentars de Sepl Zingerle d’Antermëia y Leo Pitscheider da La Ila à i maestri de schi mostrè a tröc interessà tecniches desvalies da jì coi schi da zacan ćina incö y valgügn dl post valgügn laûrs da d’invern da plü dadî. Do la prejentaziun él ćiamò gnü lascè jì sö tröc füć pirotecnics che é gnüs amirà dî dai tröc spetadus.

Lites de Comun 2005 Por chirì fora les porsones dla fraziun d’Antermëia da mëte sön la lista por les lites dl consëi de comun él gnü tignì na prelita ai 6 de merz. 40 % de chi che à

Carnescè En lönesc, ai 7 de forà à i maestri de schi d‘Antermëia deboriada cun le schi-service Antermëia organisé n’domisdé n maschera por mituns. Le tëmp bun ćialt à lascè rové adalerch n gröm de Les 3 mascheres premiades. sciori y jënt dl post; al é gnü fat na gara cun ostacui sön pista, y ala fin n‘ ele nia gnü premié i plü snì, mo les trëi plü beles mascheres chirides fora da na jiuria de dui sciori y un dl post; les mascheres iudicades les plü beles é stades la fata (Silvia), le polizist (Andreas) y le vedl (Philip), y düć trëi à podü pié do dal maester di schi Davide n bel cëst cun duciaries. un di organisadus...

393

ANTERMËIA

le dërt da lité à tut pert; le plü usc dales prelites à ciafè Erlacher David (62), Prousch Edith (41), Castlunger Alfred (27), Irsara Gabi (22). Sön lista él spo stè sö chisc candidać che à ciafè chëstes usc: Erlacher David 96, Castlunger Alfred - 73, Irsara Gabi – 60, Prousch Edith - 56, Erlacher Günther – 52 y Castlunger Antonia – 27. A lité é jüs t’Antermëia le 81,1%. Deache deplü usc da Antermëia é jödes ales atres listes dl comun (10 a Lungiarü, 13 a San Martin, 14 ala lista SVP), é le paîsc d’Antermëia ma plü rapresentè ti proscimi 5 agn cun dui mandatars tl consëi di Comun: cun Erlacher David, che é inće vizeombolt por mesa la legislatöra, y Castlunger Alfred. FABRICHÉ Implant de scialdamënt zentralisé - sistemaziun dles plazes Bele da valgügn agn él gnü punsè de chirì na alternativa a le scialdè cun gasöre tl zënter d‘Antermëia; deache le paîsc é massa desman por gnì tachè ite ala rëi dl gas metan êle gnü punsè a na bot zentrala dal gas dlungia le paîsc, che 394

foss gnöda fata dala firma Liquigas spa; mo al é inće gnü tut en conscideraziun sciöche alternativa la realisaziun de n implant zentral de scialdamënt a ziples; ti ultimi agn él tla Provinzia gnü realisé bele valgügn de chisc implanc, y Antermëia arantân inće dër adatada por n te‘ implant deache le zënter é scialdi compat; por tó na dezijiun che ti vais bun ala maioranza él gnü damanè la jënt dl zënter do süa minunga, y la gran pert à dit de preferì n implant zentral de scialdamënt cun ziples; sön chësta él tosc gnü formè n comitê por invié ia la cossa, de chël ch’al fajô pert Erlacher David, Clara Carlo, Zingerle Albert, Winkler Ivo y Erlacher Günther. Chisc à tut sö contat cun porsones espertes y é jüs a se ćiaré jö n valgügn implanć; por dè valgönes informaziuns plü tl detail él gnü tignì ai 18 de merz na incuntada te scora cun le rag. Mayer Siegfried dl ofize provinzial por sparagné energia, dr. Alfred Jud che à bele proieté valgügn implanć, l’Ombolt, le presidënt dla SEA Clara Martin y le comerzialist Fortunato dr. Verginer. Da vigni pert él gnü laldè l’iniziativa y mostrè sö che al é atualmënter ma val‘ de davagné da realisé n te implant: sëgn dëida la man publica cun contribuc a costruì i implanc, respet al scialdè cun gasöre y cun gas se sparagna i zitadins val y le scialdamënt cun ziples é plü ecologich. Ai 17 de mà él gnü tignì na secunda incuntada olache al à bele podü gnì presentè informaziuns plü concretes ai presënc: por deplü gaujes dessel gnì formé na sozieté cooperativa danter düć chi che é interessà a se taché ite, che ciafarà la denominaziun „Termo Antermoia soc. Coop.“ ; la zentrala dl implant gnarà realisada tla ota dan le paîsc olache

ANTERMËIA

Tratan i laurs da bel y bur tëmp.

395

ANTERMËIA

al é atualmënter la baraca por i sać dal ciomënt; chësc post n’é nia massa danciarà dal zënter, impò n püch ascognü y i auti che condüjarà les ziples n’arà nia bria da passè fora por le zënter dl paîsc; la proietaziun dl implant ti gniss surandada al dr. Alfred Jud; y al é gnü fissé tl detail les condiziuns por podëi se tachè ite. Defata do ti él a dötes les families gnü menè fora i formulars por l’adejiun ala sozieté, y anter la fin de iuli à la maiù pert di proprietars di fabricać detlaré de sté ite tla sozieté; d’isté él spo gnü metü formalmënter impé la sozieté y laoré fora i pröms planns, y ai 19 de setëmber an podü mëte man cun i laûrs de costruziun dla rëi dl implant; na pert di laûrs vëgn fać adöm cun le Comun che à tl medemo tëmp invié ia i laûrs de sistemaziun dles plazes dl zënter dl paîsc; deache chisc laûrs preodô inće de ćiavè sö la strada jö por paîsc por mëte danü la condüta dal ega y toc dla canalisaziun, vëgnel a chësta maniera ma ćiavè sön un n iade la strada. I laûrs de ćiavamënt ti é gnüs surandà ala firma Verginer srl da San Martin, i ros por l’implant da scialdè vëgn metüs dala firma Integral dl’Austria. do valgügn intardiamënć da mëte man por gauja che i ros aposta ne é nia gnüs fornis adorassà, an podü laorè fora por l’altonn cun scialdi bel tëmp ćina ala fin de novëmber olache al é gnü jö la pröma nëi. Ressanamënt dla cortina

Laûrs pro la cortina.

396

Contemporaneamënter cun i laûrs de sistemaziun dles plazes incër la dlijia ia, à le consëi de cöra inće orü mëte da jì i laûrs de sistemaziun dla cortina y di mürs de dlijia; deache l’ega te cortina

ANTERMËIA

ne tirâ nia demez indortöra, êle d’adainsciöda dî de gran paltans incër dlijia ia y i mürs de dlijia ê scialdi danejà dal töme. I dis dan ferragosto él gnü metü man da pert dla firma Bioc Bau srl cun i laûrs de costruziun de drenajes incër dlijia ia; la malta di mürs é gnöda crazada jö ćina a na altëza de ca. n meter y smaltada sö danü. Dala pert de sot de dlijia él gnü deslarié la ponterina y fat sö danü la stiga de cortina. I atri laûrs preodüs ala pert dessura dla dlijia ne à nia podü gnì stlüć jö por la manćianza de na autorisaziun dl ofize provinzial dles strades y jarà porchël inant tl 2006.

fat danü fora por bosch; cun 4 otes y na pendënza mesana da 1 – 13 % él sëgn meso da arjunje Chi Jus y i bosc incëria cun mesi de trasport adatà; mo inće chi che va a pé se fej plü saurì da rové sö. Sön Biëi él gnü metü sö na ćiasa prefabricada de lëgn; sotite él n garasc agricul de mür. La strada da jì pormez dala strada de Börz demez é inće gnöda fata nöia.

Strada nöia sön Chi Jus La strada da Pedebörz sön Chi Jus â tl ultimo tòch dër na gran pendënza da 22 a 28 % y ê porchël dër rîa da mantignì. Porchël é le tòch de ca. 1 km gnü Sö Spütia él gnü fat sö danü la „Ütia Göma“. Inće chësc fabricat é n prefabricat de lëgn; al é gnü taié prò tl’Ungheria, menè cun camions ćina tla localité Crist de Risa, dailò ćiarié sön n mëinder camion y trasportè ćina sö Spütia olache al é indô gnü metü adöm tòch por tòch.

Tratan i laûrs de costruziun ....

397

ANTERMËIA

Ciasa nöia de Canal (Colac).

Söl lüch de Prebraié él gnü fat sö te cört tëmp danter aisciöda y sié fëgn danü la stala y majun. De messè ai metü man da dortorè sö la ćiasa vedla d’Al Bagn. Deache la ćiasa é sot a sconanza, mëss i laûrs de restrotoraziun gnì fać sot ala coordinaziun dl’ofize provinzial de sconanza di bëgns culturai; les perts carateristiches dl fabricat mëss tan inant ch’ara và gnì mantignides (la strotöra de lëgn surassö dl fabricat é gnüda trata jö y gnarà indô metöda sö).

Abitaziun + garage de Giovanni (Colac).

Ai metü man da dortorè sö la ćiasa vedla d’Al Bagn.

398

SAN MARTIN

SAN MARTIN • Tone y Magdalena Gasser

Tan dî ćiamò resta pa Picolin na pićia coa? La majun vedla dl lüch de Freyegg é gnüda trata jö!

399

SAN MARTIN

400

SAN MARTIN

Movimënt dla popolaziun

L’aministraziun comunala

Ala fin dl ann 2004 êl a San Martin 806 abitanć. Ia por l’ann 2005 n’él nasciü 13 y mort 5, y cun n pêr che é gnüs y che s’un é jüs altró a abité é San Martin rové ala fin dl 2005 sön 803 abitanć, laprò él 7 extracomunitars.

Le consëi de comun à aprovè ala fin dl ann 2004 le bilanz por le 2005 cun chëstes resultanzes: entrades ordinares 1.678.257 euro, entrades por investimënć 472.738 euro; spëises ordinares 1.625.730 euro, spëises por investimënć 464.265 euro y por amortisé debić 61.000 euro. Tla pert ordinara dl bilanz ne n’él por le 2005 nia de gran mudaziuns deache les tarifes dla cuta ICI, dl’ega da bëre, dles eghes pazes y dl ciomënt é restades anfat. Tla pert di investimënć por le paîsc da San Martin él söl program l’urbanisaziun dla zona artejanala d’Alfur y le ressanamënt dla zona artejanala da Picolin che é gnüda realisada ca. dan 25 agn. Le proiet che prevëiga l’ampliamënt dl fabricat dla scora mesana por tó ite inće la scora elementara é dötaurela tla fasa de stüde da pert dl professor inj. Joachim Moroder dl’université da Desproch che é stè chilò cun n grup de studënć d’architetöra a se studié jö le fabricat y süa ambientaziun. Ai 19 de merz él finalmënter gnü daurì la curt de reziclamënt de racoiüda dl refodam pesoch tla zona artejanala d’Alfur. L’implant vëgn manajè da Raimund Alfreider da Corvara y é davert le dedolönesc y la sabeda dales 9.00 ales 12.00. Tles fraziuns él mâ plü restè les bënes dal papier, dl spidl y di bossi de metal. Le cartun, contignidus de plastica, i gumi dles rodes d’auti, aparać eletrics y döt l’ater refodam, mësson y pon da śëgn inant dè jö tla curt nöia de reziclamënt, sambëgn paian intant. Insciö é la recoiüda dl refodam pesoch che gnô tignida vigni ann da d’altonn tomada de-

Nasciüs: Melanie Adang Maickol Bassutti Fabian Clara Daniel Clement Anna Ferdigg Alex Kastlunger Noah Pallestrong Celina Plaseller Chiara Ploner Iris Videsott Matthias Wasserer Matthias Zingerle Rafael Zingerle Maridà: Lucia Sorà y Karlheinz Tschaffert Maria Rubatscher y Stefan Planker Hans Prada y Claudia Palfrader Sonia Dejaco y Rudolf Daprà Sinn Morć: Fonjo Verginer (1920 – 14.01.05) Adolf Unterweger (1924 – 27.01.05) Siur Angel Morlang (1918 – 12.02.05) Albert Trebo (1925 – 22.03.05 Angel Ploner (1925 – 27.09.05) Siur Franz Aiarei (1943 – 07.11.05) Morć da San Martin foradecà: Siur Bertrand Vollmann (1921 – 08.01.05) a Porsenù

401

SAN MARTIN

mez. I paurs de döta la valada mess dè jö tl container aposta i cadavri de tiers y les boaces de bocaria. Le sorvisc de desparè la nëi ćina l’invern 2009/10 por San Martin y Antermëia é indô gnü dè ia ala firma Verginer srl al prisc anual fis de 11.816 euro y de 60 euro al’ora de laûr, y por Lungiarü ala firma Bauholz sas al prisc anual fis de 6.200 euro y de 60 euro al’ora de laûr. Le proiet de costruziun dla zona artejanala Alfur é gnü aprovè cun n costimënt preodü de 650.300 euro; por la realisaziun di laûrs él gnü formè na interessënza danter i proprietars di terac y le comun; i laurs ti é gnüs surandà ala firma Verginer srl. Por la proietaziun dl ressanamënt dl fabricat dla zona sportiva Pradel él gnü inćiarié l’arch. Karlheinz Castlunger. Ai 8 de merz él gnü tignì les prelîtes por la renovaziun dl consëi de comun.

402

Les lîtes dl ombolt y dl consëi de comun ai 8 de mà à portè, zënza ch’al ne foss stè na gran propaganda o descusciuns danfora, n valgönes mudaziuns. La fraziun de San Martin à indô davagné dui rapresentanć laprò sön i cinch ch’ara à albü tla legislatöra passada. L’ombolt Pepi Dejaco, candidat su da ombolt, à ćiafè 684 usc sön 1.293 che ess albü le dërt de lité y 1.093 che é jüs a lité. I atri aconsiadus da San Martin é Heinz Videsott cun 180 usc, Artur Conrater cun 158 usc, Zingerle Irene cun 149 usc, Graffonara Felix cun 118 usc, Giorgio Costabiei cun 113 usc y Pepi Videsott cun 105 usc. Nia candidé n’à plü Albert Moling che é stè assessur tl’ultima legislatöra. Da Lungiarü él rové ite sis aconsiadus: 3 dla lista zivica y 3 dla lista SVP y da Antermëia ma dui aconsiadus dla lista de paîsc.

SAN MARTIN

Nia suarida n’é stada la lîta dla junta: da öna na pert êl San Martin cun öna na lista y set rapresentanć che s’ess aspetè dui assessurs; dal’atra pert êl Lungiarü cun döes listes, vignöna cun trëi rapresentanć, sambëgn che trames orô inće avëi n assessur. Antermëia ne podô gnanca restè zënza. Por Lungiarü gnôl dit: “Giovanni Mischi (dla lista zivica) é l’aconsiadù da Lungiarü che à ciafè deplü usc.” Mo da lascè la lista dla SVP zënza n’assessur ne s’un fidâ l’ombolt por rajuns politiches bëgn nia. Insciö à l’ombolt formulé la proposta de lité tla junta: Heinz Videsott dla lista dl paîsc de San Martin, Davide Erlacher dla lista dl paîsc d’Antermëia, Giovanni Mischi dla lista zivica da Lungiarü y Richard Nagler dla SVP da Lungiarü. Chësta proposta é passada cun 9 usc y n’à nia ciafè le consëns di sis aconsiadus da San Martin che à lité decuntra. Sciöche vizeombolt à Pepi Dejaco nominé Davide Erlacher.

Cun l’aministraziun nöia à la comisciun por le fabriché ciafè chësta composiziun: Pepi Deiaco (presidënt), dr. Giuseppe Di Vendra (ofizial sanitar), arch. Michael Mahlknecht (nominé dala provinzia), geom. Felix Graffonara, Paolo Clara, Dr. Giovanni Mischi, Bino Erlacher, Gottfried Trebo, dr. Artur Conrater y Roland Dapoz. Por le personal de comun á l’ann 2005 portè n pêr de mudaziuns: Cun le 1 de jenà 2005 é le secreter dr. Tone Gasser é jü en pensiun; por curì la locia dl post restè öt àl ćiamò daidé fora ćina ala fin de jügn. Da messè ćina ala fin d’otober él gnü jö le secreter da La Val dr. Erich Pescollderungg y cun le 1 de novëmber él spo gnü tut sö sciöche secreteria dr. Roberta Comploj da La Ila a tëmp parzial de 75%. Cun le pröm de jenà 2005 é le personal che romëna sö les scores elementares passè dal comun ala provinzia; dal’ater

403

SAN MARTIN

vers mëss le comun fistidié, pian ia dal ann de scora 2005/06, por la netijia dles scolines. Da d’altonn é inće la cöga dla refeziun Zita Penazzi jüda en pensiun y impede ëra él gnü tut sö Clara Deiaco. Le consëi s’à abiné indöt a sis sentades y à tut 63 delibres. Les delibres de majera portada por le dagnì é gnüdes adotades dal consëi tl setur dl’urbanistica: - cun la delibra nr. 9/05 él gnü portè ite tla zona “Prè Nicl Dasser” na spersa de 1092 m² destinada a infrastrotöres publiches por la costruziun dla sënta nöia dl Istitut Ladin Micurà de Rü; - cun la delibra nr. 26/05 él gnü tut posiziun sön le tru dala roda dla Val Badia che vëgn da Longega ite por le tru de Plaies; a Picolin val do le rü de Corn jö y passa ia la Gran Ega, spo val do le tru de Vistles ite y passa ia por le punt da Lovara por jì altaìte a Pastrogn; - cun la delibra nr. 33/05 él gnü alzè tl vërt de ćiampoprè la poscibilité de fabri-

404

ché ćina a n’altëza de 8,5 m; mo chësta delibra n’à nia ćiamò ciafè le consëns da pert dla junta provinziala; - cun la delibra nr. 44/05 él gnü preodü tl plann urbanistich cin zones por infrastrotöres turistiches por restorantì sö por la pista da Ju (Ancona, Cir, Gran, Gran Ju y Fles); sön chëstes mudaziuns à la junta provinziala ćiamò da se pronunzié; - cun la delibra nr. 63/05 él gnü inserì na plaza dai auti publica de 4.645 m² tl pre dl Mair sura strada, che dess gnì realisada sön iniziativa privata, y na zona por infrastrotöres apé dl lift da Ju de 2.893 m²; lassura él preodü n bar, n apres-schi, n restorant, botëghes, n’abitaziun por le vardian y na scora dai schi. La jiunta de comun s’à abiné tratan l’ann 2005 indöt 36 iadi y à adotè 229 delibres.

SAN MARTIN

Costruziuns nöies: La sozieté Piculin ski srl à metü man da d’altonn cun i laurs por la pista dai schi dl’Ancona. Sura Ciablun y daìte da gran Ju él gnü fat i tunì por passè cun la strada sot la pista; i laûrs che n’é nia ćiamò rovà ti é gnüs surandà ala firma Bioch. Dala pert d’Al Plan él gnü fat sö danü le lift che röia sön col dl’Ancona. A Lovara à Sepl Frenner trat jö la ćiasa de “Paul Feur”. Ia Prousch Sorega à Christine Prousch trat jö la ćiasa vedla “dl Todësch” y n’à fat sö na nöia ćina a tët. A Pespach à Roman Tavella trat jö la ćiasa vedla de Nitlà y n’à fat sö na nöia ćina a tët. Insciö él indô gnü trat jö trëi ćiases vedles y la cultura da abité de nosc paîsc à insciö indô desdrüt y sopolì ne pert de süa storia seculara: baldi! A Picolin à Pepi Videsott messü trà jö la

majun vedla do ch’al nà fat sö na nöia. Sö Gran Ju à Albert Ferdigg fat sö na ćiasa nöia sciöche sënta nöia dl lüch da Verda. La ćiasa vedla ne n’é nia gnüda trata jö deach’ara taca pro chëra dl Feur. Sö Restalt à la sozieté Restalt srl trat jö la majun vedla dl Slosser y à fat sö tl medemo post na ćiasa, sfrutan insciö zënza respet vigni richëza imobiliara de nosc

405

SAN MARTIN

paîsc ti la don ia a mans forestes. Ia Coltlames à Pepi Flöss fat n garasc por mascinns da laurè le lüch y lassura apartamënć por l’ativité de agriturism. A Picolin él gnü ressanè la pröma y la secunda alzada dl’ostaria Posta.

Al n’ê bëgn cotanć che ne savô nia ći mëteman cun la gran tofla sot a strada apé dl prè dl Mair cun la scrita: BUN NADÈ – VATICAN 2007 sön le dessëgn dla plaza de San Pire y püch delà dala tofla n gran lëgn iluminé. Bele dl 2002 à l’ombolt presentè domanda al Vatican de podëi ofrì le lëgn da Nadè por la plaza de San Pire. Defata él inće gnü la resposta ti conzedon al comun de San Martin de Tor la ligrëza de podëi condüje a Roma tl zënter dla cristianité n lëgn por le Nadè 2007; inlaôta parôl n termo ćiamò scialdi dalunć mo che vëgn tres plü daimprò. Al sarà bëgn la verda forestala che ciafarà fora n bel lëgn bindebò alt, nia dalunc da strada, sc’an n’ô nia ester plü stleć co Oberösterreich che à condüt jö por l’ultimo Nadè n peció de 30 metri. Sambëgn él iadedô l’intenziun de sfruté chësta gaujiun por n bel retlam nia ma por San Martin y le lift da Ju sö, mo por döta la valada. 406

CÖRA L’ann nü é indô gnü inaudè cun la vijita di Trëi Resc fora por les ćiases che à coiü adöm na bela oferta de 5.732 €.por les misciuns Ai 12 de forà él stè siur Angel Morlang che nes à lascè. Süa sopoltöra é gnüda tignida cun solenité ai 15 de forà. Al s’à abiné döta la comunité da San Martin y cotan de jënt inće da foradecà che l’à acompagné sön so ultimo iade te dlijia cun siur ploan Iaco Willeit, le vësco Wilhelm Egger, siur degan Franz Sottara y tröc ploans y proi ladins y da foradecà che à conzelebrè l’eucaristia. Ai 17 d’aurì domisdé él gnü tignì la festa dla crejima por 49 jogn y jones dles trëi ploanies de San Martin, Lungiarü y Antermëia. Por la confermaziun él gnü inćiarié siur degan Franzl Sottara. Ai 22 de mà él gnü tignì la festa dla pröma comuniun por Felix Conrater, Heinrich Conrater, Daniel Crepaz, Matthias Trebo, Diego Verginer, Elmar Verginer, Emma Dejaco, Nathalie Dejaco, Chiara Tavella y Daniela Verginer. En vëndres sëra, ai 27 de mà, él gnü tignì do mëssa na prozesciun sön Tor olach’al é gnü benedì l’anteriöl dla familia Trebo fat sö danü; denant êl sura Tor olach’al é śëgn l’entrada tl garage dl museum. Dal Consëi de cöra infora él stè Maria Grazia Trebo che à organisé dai 16 ćina ai 21d’agost n marćé di libri veri. Al n’é stè tröc che n’à de jö, mo inće tröc che n’à cumprè; ala fin él rové ite de bona man 1.230 €, de chi ch’al n’é gnü dè inant 1.000 € a Magdalena Gasser che à fat sis mëiss de volontariat a Huaraz te n zënter dla OEW tl Perù.

SAN MARTIN

Jogn y jones di trëi paîsc de San Martin, Lungiarü y Antermëia s’à arjigné ca al dé dla confermaziun.

La comunité prëia ch’al vëgnes jö sön ëi le Spirit Sant.

407

SAN MARTIN

Sรถn tru, confidan tla forza dl Spirit Sant.

Na fotografia ala fin dla prozesciun dla Crusc.

408

SAN MARTIN

La monia Rita che à arjigné ca bel por chi dla pröma comuniun.

La monia Rita che à arjigné ca bel por la pröma comuniun.

409

SAN MARTIN

Tla plata dla cöra di 22 de mà é la popolaziun gnüda informada dl trasferimënt de siur curat Iaco Willeit a Leifers dër en cört cun chësc test: Do 18 agn tles ploanies da San Martin y Lungiarü é siur curat “por forza dal alt” gnü metü a surantó la ploania da Leifers. Ai adora n “ladin” te na cöra por trami i grups etnics. Tla plata dla cöra di 29 de mà é gnü publiché chësta lëtra scrita dai consëis de cöra da San Martin y Lungiarü y dales uniuns a siur Iaco Willeit, al Vësco y al Degan:

410

SAN MARTIN

Cun gran desplajëi, cun incherscimun y preocupaziun unse lit y tut sö la comunicaziun publicada tla plata dla cöra di 22 de mà. Sciöch’I ëis instës comentè la comunicaziun ch’i ne s’ésson nia aspetè, é chësta dezijiun definitiva, na dezijiun „gnüda dal alt“ ch’I ëis aratè dërt, inće sce nia ion, de azetè. Te Os unse n prou che é famëi, tres presënt, da orëi bun, cun döta süa bona orentè, döt so impëgn y süa dediziun a süa misciun y ala vita dles ploanies. I se stun saurì deboriada, y chësc é demostrè dala bona partezipaziun de tröc ala vita dles ploanies y dala frecuënza numeroja dles funziuns sacres sciöch’an ne vëiga nia plü indlunch. Dessigü, por obediënza y por nezescité, é bëgn Osta adejiun gnüda dada massa en prescia. I Ves periun de cör a inom dles comunitês de San Martin y Lungiarü de stè inant chilò deach’i Ves adorun y Ves ésson dër manćia. Inće por Osta funziun de ispetur de religiun él imortant ch’I restëis tla Val Badia. Implü à la Ćiasa de Palsa dër debojëgn de Osta presënza y assistënza spirituala. Tla plata dla cöra di 5 de jügn vëgnel dè la notizia che le ploan nü da San Martin sarà siur Paul Campei che arà spo les trëi ploanies San Martin, Antermëia y Lungiarü. A siur Iaco Willeit, che ne n’orô degöna festa particolara de comié, ti él gnü dediché en Santa Maria dal Ciüf la gran mëssa festejada te na forma dër solëna a chëra che döta la comunité à tut pert. Tl descurs de comié à le presidënt dl consëi de cöra recordè i 18 agn che siur Iaco à passè a San Martin, recordan ann por ann i maius avenimënć y les festes che siur Iaco à tignì cun la ploania da San 411

SAN MARTIN

Martin, olach’al ê gonot instës protagonist o olach’ al â albü da fistidié y datrai inće nia püch da se cruzié. Pro i gragn laûrs gnüs fać te chisc 18 agn él gnü recordè, le slariamënt dla dlijia, i orghi nüs, le scialdamënt dla dlijia, la calonia nöia y le restaur dla dlijia de Sant Antone. Le majer contignü dl’arpejun che siur Iaco Willeit ti à lascè indô a sües comunitês é bëgn chël de so ejëmpl, ch’ares fejes n sforz, ch’ares ne lasces nia löcher y ch’ares tëgnes la domënia impé sciöche dé dl Signur, che les comunitês ne se desfejes nia, mo sighites da s’abiné la domënia y les festes, sce nia incër la mësa dl pan, almanco incër la mësa dla parora Inće l’ombolt Pepi Deiaco à saludé siur Iaco sciöche chë porsona che à salpü da acompagné dër daimprò la vita dl paîsc y dles porsones ti alć y ti basc dala nasciüda ćina ala mort. Por chësc döt ti él gnü dit a siur Iaco dilan de cör y che Idî ti al paies! Sciöche recordanza ti él gnü surandè dal presidënt dl consëi de cöra n cheder de Hubert Prousch dl’incuntada y dla conferta cun chi da San Martin. Dô mëssa à la comunité acompagné siur Iaco sön la plaza dl paiun a n pice conzert cun la musiga y le cor de dlijia, stlujon jö la festa de comié pro na marëna cun i rapresentanć de comun y dla cöra y dles uniuns dl paîsc. Tla plata dla cöra di 21 d’agost pon lì do les parores de comié che siur Iaco cöi adöm te n pice testamënt a trames les cöres da San Martin y Lungiarü. “La vita va pa inant, mëss pa jì inant”, sighitâ siur Iaco da dì. Cun ligrëza é porchël gnü tut ite siur Paul Campei 412

SAN MARTIN

413

SAN MARTIN

en domënia ai 11 d’otober dan calonia cun le sonn dles ćiampanes y cun n inn dla musiga. Le salüt de bëgngnü ti é gnü sport dal presidënt dl consëi de cöra, dal ombolt y spo da n jonn y na jona cun na rima, ti portan dant les audanzes y inće i dejiers dla comunité. Siur degan, Franzl Sottara, che ti à surandè a siur Paul les tlês de dlijia y le liber dl vagnele, é spo do la sotescriziun dl protocol de surandada dla ploania jü ite tla pordica nia ma tla bela pert dla festa che San Martin ciafa n prou nü, mo inće tla pert inchersciora. Deperpo che nia tan dadî êl cin’ proi tles trëi cöres dl comun de San Martin, nen n’él incö indöt ma plü un. Siur Paul, da süa pert, à spo cun na bela zeremonia dër significativa, invié i rapresentanć di colauradus y dles uniuns dan altè, i perian do süa colauraziun y ti don n simbol a vignun sciöche sëgn dl’inćiaria che vignun é perié de surantò. Do la mëssa, zelebrada cun gran partezipaziun da pert dl cor y de düć, à la musiga acompagné siur Paul y siur Degan deboriada cun la comunité a n’agape ia dan le salf di stödafüch, olach’an podô aldì fora dla conferta dla jënt tröp otimism. Do l’orar nü dles funziuns de dlijia concordades cun Lungiarü y Antermëia resta la gran mëssa dla domënia dales 8.30, y la secunda mëssa dla domënia vëgn tignida la sabeda sëra sciöche mëssa prefestia. Ia por l’edema él mëssa le lönesc sëra y la jöbia da doman. Chësc orar dles mësses dla domënia à sciafié da gnì tignì impé deache le pater salesian, siur Vito Rubatscher, s’à detlarè desponibl de gnì la fin dl’edema da Balsan a daidé fora. An à podü constatè che siur Vito ti plej dër ala jënt, cis sües pordi414

ches, por süa manira scëmpla de splighé la buntè de Dî y da l’altra pert co che la porsona dess respogne al amur de Chël Bel Dî. Ai 15 d’otober él gnü tignì na prelita por mëte impé la lista di candidać por le consëi de cöra nü. En domënia ai 6 de novëmber él spo gnü lité le consëi de cöra nü. Por la lîta él gnü partì fora 630 zetoles y 387 n’él gnü dè jö (= 61,43%). Tl consëi él rové ite Tone Gasser cun 189 usc, Franzl Ploner cun 156 usc, Heinz Videsott cun 141 usc, Hilda Sottara Clara cun 118, Anelis Clara cun 94, Hildegard Tasser Zingerle cun 77 usc, Martin Kostner cun 77 usc y Sara Tavella cun 76 usc. Tl consëi él gnü cooptè Rosamunde Irsara Videsott che â 69 usc, Pasquale Schuen che â 53 usc, Michael Schuen che â 40 usc y la monia Rita Rubatscher Verginer che n’ê nia sön lista. Ai 7 de novëmber él mort a Porsenù tl’eté de 63 agn le miscionar siur Franzl Aiarei. Do so dejier él gnü sopolì a San Martin ai 11 de novëmber cun la partezipaziun de tröpa jënt, miscionars y proi. Tl tëmp cört de gnanca n ann él insciö mort trëi proi lià al paîsc de San Martin: ai 08.01.2005 siur Bertrand Vollman, prou dl convënt da Neustift, nasciü a San Martin ai 08.04.1921, ai 12.02.2005 siur Angel Morlang, curat a San Martin dal 1959 al 1987, y ai 7 de novëmber le miscionar siur Franzl Aiarei che à dit chilò mëssa noela y che conscidrà San Martin sciöche so daćiasa. Do che siur Iaco Willeit s’un é jü a Leifers é la plata gnüda cotan plü megra y ara ne porta nia plü le vagnele dla domënia. Ara vëgn metüda adöm y stampada da Christian Clara y dala fin

SAN MARTIN

dl 2005 inant él Tone Gasser che scrî la pert di orars dles funziuns de dlijia por les trëi ploanies. La plata dla cöra é inće da ciafè sön internet sot a “www.comun. sanmartindetor.bz.it”. Dles funziuns de dlijia plü importantes che vëgn tignides a San Martin él da recordè: la gran mëssa dla domënia dales 8.30, la mëssa dla domënia sëra che é cun siur Paul Campei gnüda spostada ala sabeda sëra, la mëssa dl lönesc dadoman che vëgn śëgn tignida dassëra, la mëssa di scolars che dal dedemesaledema é gnüda spostada ala jöbia dadoman, la mëssa dl vëndres sëra che é tomada demez y vëgn sostituida d’Advënt y de Carsëma cun na zelebraziun dla parora, la mëssa prefestiva la sabeda domisdé tla ćiasa de palsa. Vigni tan vëgnel inće dit mëssa fora por les capeles, dantadöt por recordè i santus de Sant Antone, San Berto, San Bostian y Santa Catarina a Picolin, Santa Maria da Lourdes a Bioch y Sant Ujöp da Oies sö Frëina. Uniun di jogn Les scomenciadies y les ativitês dl grup di jogn pon odëi da deplü perts. D‘un n vers podésson implì impara n dé intier: Na domënia do la gran mëssa ćiantada dai jogn unse fat da gostè tl salf di jogn, n iade unse organisé n batadù y dedô fat da marëna tl salf di stödafüch, n ater iade sunse jüs sö Cialneur, dailò unse cenè y sun stà a dormì te ütia, te tëndes y valgügn ćinamai sön Pütia aspetan che sorëdl lovass; insciö unse lié n dé adöm. Dal ater vers unse ponsè a destodé la fan y a parè ia la gola cun le gostè, la marëna y la cëna. 415

SAN MARTIN

416

SAN MARTIN

I jogn en compagnĂŹa.

417

SAN MARTIN

I ùn ćiarè dla compagnìa cun le batadù y cun le iade a Gardaland, spo cun la party da Carlascè y la ćiastagnada s’unse devertì bindebò. Jon sön Börz dal tëmp de löna y raitan cun la liösa unse fistidié por la sanité, cun le cor di jogn por la musicalité y l’armonia, y nia inultima, cun la partezipaziun ala vëia de Pasca sö Oies y cun le Rorate di jogn unse inće fat val’ por l’anima y le spirit. Uniuns dles ëres y di ëi Garatada é la festa d’Advënt por la comunité sot al tema “vire cun ligrëza”, metüda a jì dales uniuns dles ëres y di ëi. Do le rorate zelebrè cun siur Vito é spo la comunité jüda tl gran salf infornì da festa olach’ara é gnüda tuta ite cun n pêr de beles sonades dla Böhmische da San Martin. Por l’ocajiun s’à inće abiné mituns y mitans dla scora de musiga sonan y ćiantan ćianties d’Advënt sot la direziun de Bruno Rives. Te n bel recort ti él restè ales ëres le iade dla uniun söl Ritten. I ëi á metü a jì döes aziuns: öna da abiné mascinns por na scora profescionala tl’Albania y na sëra cun l’urologh Galmetzer da Porsenù che à tignì n referat. 418

SAN MARTIN

Chê ne ti consënt pa nia ales ëres n dé lëde da fistidi y bries? Da s’al gode, chël sares!

Sc’ares n’ess nia l’aiüt da lassö, chê les daidass pa cajö?

Da lavè la dlijia él inće i ëi che lobrësc ite les manies.

419

SAN MARTIN

Cor de dlijia Le Cor à indô portè pro süa pert tla zelebraziun dla gran mëssa dles domënies y dles festes y pro les funziuns sacres da Nadé y da Pasca. Implü àl ćiantè pro na noza y pro cater sopoltöres y pro les sopoltöres de siur Angel Morlang, gnü recordè sciöche gran sostignidù di cors de dlijia, y de siur Franz Aiarei. Ai 22 de mà à le cor tut pert al’incuntada di cors 420

SAN MARTIN

dl Südtiroler Sängerbund, jon domisdé a ćiantè ti vilins dl museum a Dietenheim. Aldefora di impëgns de dlijia, s’à le cor abiné ai 19 de forà tl local nü ala reuniun generala cun na cartada y na cëna dedô; en la festa dl Cör de Gejù s’à i ćiantadus cun i familiars abiné jö dal lech de Vistles a marëna y spo ai 2 de setëmber s’à le cor tut le tëmp por n iade de trëi dis a Viena, tla cité dla musiga classica. Cun desplajëi à le cor tut comié da siur Iaco Willeit, ti dedican la mëssa ćiantada y sonada en Santa Maria dal Ciüf y dedô n valgönes ćianties sön la plaza dl paiun. Cun siur Iaco Willeit à le cor ćiamò albü l’ocajiun da s’la cuntè sön le iade a Viena, inće sc’al ê bele formalmënter ploan da Lëifers; al ê bëgn stè ri da se despartì. Ai 11 de setember ê le cor indô ala pert da tó ite le ploan nü siur Paul Campei.

421

SAN MARTIN

KVW Le grup dl KVW da San Martin s’à dè dër da fà ia por l’ann. De forà él gnü invié le fisioterapist Pepi Costner a tignì n referat tl Istitut Ladin sura le mè de spiné y d’atres maraties reumatiches, sön les gaujes, la prevenziun y le tratamënt. Cun proieziuns y ejëmpli pratics à le referënt salpü da mostrè dër concretamënter co ch’an po prevegnì y alisiré chisc mai dla vita sedentara daincö. De mà él gnü tignì tl Istitut Ladin n’ater referat interessant dal titul “Ah, i sun tan desmentius/osa” cun le referënt Simon Kostner da Urtijëi. En Sant Antone él gnü organisé na mëssa por la jënt atempada tla capela a Picolin, zelebrada da siur Iaco Willeit, y dedô s’à düć abiné tla ćiasa de palsa vedla olache berbesc y mëdes é gnüs saludà da Pio Baldissera y é stà ćiamò n pez adöm. Le iade de peregrinaje de jügn à albü por travert le santuar dla Madonna di Caravaggio a Pinè tla Val Sugana. Do le

Chi dl KVW por sanć a Pinè tla Valsugana.

422

salüt da pert dl ploan tla dlijia de Montagnaga, à le bel grup de 45 porsones zelebrè cun siur Iaco Willeit na mëssa tla Conca della Comparsa. Do marëna éra jüda inant por la Val dei Moccheni y spo indô a ćiasa. Ai 12 de setëmber s’à abiné a Picolin i rapresentanć di consëis de düć i paîsc dla valada cun l’assistënt spiritual siur Vijo Pitscheider. Sot al tema “Se mëte al sigü adora assà” él gnü tratè le problem dles pensiuns nia plü assigurades dal fat ch’al é tres demanco lauranć y tres deplü pensionà. Al é gnü dit che vigni porsona é protagonista de süa vita y ch’ara mëss bele da jona s’arjigné ca al dagnì. Dai mëmbri él gnü tut l’ocajiun de damanè do spligaziuns y informaziuns plü avisa. La sentada é gnüda stlüta jö cun la renovaziun dl comitê dla valada ti don la crëta a Hilda Sottara, Stachio Erlacher, Albina Sottara, Iaco Clement y Lidia Zingerle. En gaujiun dl ann di andicapà él gnü tignì a San Martin ai 16 d’otober l’incuntada dles porsones andicapades acompa-

SAN MARTIN

gnades dai familiars y onorades inće dala presenza dles autoritês. Do na bela mëssa te dlijia é l’incuntada jüda inant cun discursc y cun musiga d’aurela cörta. L’ativité dla uniun dl paîsc é gnüda stlüta jö ala fin dl ann por i 107 scrić ite cun na liturgia dla parora y cun na festa pro ćianties y na rapresentaziun dl mistêr de Nadè.

Mituns che s’à ciafè n bel post da palsè dan la ćiasa de Martin Rives.

I mituns dla vijinanza de Prousc Tor.

423

SAN MARTIN

La Scolina Ia por l’ann de scora él stè 24 mituns y mitans che à frecuentè la scolina. Cotan de umes jones ne n’â degöna idea sciöch’ara jô pro cun tan de mituns te scolina y öna o l’atra ess propi orü ester na moscia por odëi sciöche n te dé foss passè ia te scolina. Da chësc dejier él pié ia l’idea de fà n proiet intitulè “Inće la mama po jì incö ala scolina” (vigni dé n’atra mama). Le fin de chësc proiet ê chël de portè les umes plü dlungia ala ativité dla scolina. Da odëi n iade l’andamënt de n dé intier tla scolina se fêjeres inće spo plü saurì a ćiasa da s’imaginé ći che sü pici fajarà por le momënt. I scolarins dijô: Ći bel, tan ch’i me conforti: inće mia mama vëgn incö ala scolina. Ala fin dl proiet àn podü aldì dales umes danter l’ater chëstes osservaziuns: - Al ê bel da odëi döt tan organisé ia por döt le dé, tres val’ da fà, i mituns tan tremëndi y spo indô bi chîć ch’ai ascutâ pro. - Al ê demorvëia sciöche i mituns se tignî ales regoles. - An à ciafè la sensaziun de ester presënć tla scolina inće sc’an é a ćiasa. - Al ê bel da odëi sciöche i mituns s’afezionëia, sciöch’ai se ciafa tla compagnia, cunta y rajonëia. - Pormò śëgn unse capì ći laûr ch’al é iadedô, sciöche les maestres mëss tres ester acortes da dè la dërta resposta, da consolè y capì i movënć, trasforman spo i problems di mituns te n jüch o te n teater rovan al punt che i mituns mët indô man da s’la rì. - Al foss bel sce na te esperiënza ti gniss pitada vigni ann ales umes, o so n’atra forma val’ ora cun le pere. 424

SAN MARTIN

Les educadësses à podü fà la bela esperiënza de odëi sciöche vigni scolarin ti mostrâ les cosses dla scolina. La uma ê en chël dé sciöche na möta dla scolina: I mituns podô ti mostrè y ti insigné sciöch’ara jô pro te scolina. Y tröp ânse indô podü imparè dala spontaneité di mituns.

425

SAN MARTIN

La Scora elementara L’ann de scora 2004/05 él stè 45 scolars che à frecuentè la scora elementara da San Martin; insigné à Angelina Sorà, Barbara Pallestrong, Angela Zingerle, Christina Clara, Gasser Martina, Bruno Kostner, siur Iaco Willeit (religiun) y Angelica Conrater (religiun). La jita da d’altonn é gnüda tignida tl respet dla natöra ia sön Col Cöce. Al ê feter deventè na usanza che siur Iaco se tolô en vëia de Gnissant i scolars dla terza y cuarta tlassa sön ćiampanin a odëi y aldì les ćiampanes che sona adöm. Danter ite n’êl bëgn de chi che se temô y orô atira s’un gnì jö pornanche les ćiampanes metô man da se möie. Interessantes é stades les diapositives de Iosafat Pezzedi da San Ćiascian ch’al à mostrè sön i tiers d’invern. Dles festes tratan l’ann de scora él da recordè San Micurà che é gnü a ćiafè i

426

scolars y che â te gofa le fonin che sonâ. L’ài mo albü manćia te paraîsc, ch’al ê tan dî sön tru? D’Advënt à i scolars daidé zelebrè n bel Rorate te dlijia y ala festa da Nadè él inće gnü invié i geniturs. Por le dé dla nëi é döta la scora jüda sön Börz a raité y spo a marëna tla ütia dla Emma. Dala jita de mà é i scolars jüs ia Spines, da Mühlbach sö a pé, a odëi olache Catarina Lanz s’â metü cun la furćia sön mür de cortina a defëne la dlijia dai soldas franzesc. Na gran impresciun ti à inće fat ai mituns la capela dla fossa santa. Pro le concurs de dessëgns dla Cassa Raiffeisen à davagné, Natalie Dejaco, Tobias Costalunga, Daniel Crepaz, Philipp Castlunger, Anna Zingerle y Simon Erlacher. Da recordè él inće le curs d’arjila cun Roberto Pallestrong y spo Simon Kostner y Licia Dragotto gnüs te scora a cuntè stories y a mostrè libri.

SAN MARTIN

La Scora mesana Ia por l’ann 2004/05 êl 126 scolars (70 mituns y 56 mitans) che frecuentâ la scora mesana: 24 da San Martin, 32 da Lungiarü, 13 da n’Antermëia, 55 da La Val y 2 da Rina; tles döes prömes tlasses êl indöt 40, tles trëi secundes 47 y tles döes terzes 39 scolars. Daimprò ia él gnü anotè sö tl diar dla scora danter l’ater chisc avenimënć sozedüs ia por l’ann. Ai 5 d’otober 2004 à les terzes tlasses tignì n “dé d’altonn” cun n referat da pert di verdabosć y na spazirada ti bosć incër le paîsc.

Dai 11 ai 16 d’otober 04 él gnü organisé cun la colauraziun de düć i insegnanć n’edema de movimënt y ecuiliber por döta la scora por ti dè ai scolars ligrëza de vire, cosciënza y crëta.

Ai 9 de novëmber 04 à les terzes tlasses tut pert ala rapresentaziun tla palestra dl teater “I crëps slauris”, n teater inscenè da auturs jogn talians y ladins. Ai 23 de novëmber 04 él gnü i carabinieri d’Al Plan a se presentè ales terzes tlasses, spligan che le laûr di carabinieri n’é nia chël de fà multes, mo chël de sconè i zitadins y de fà respetè la lege, cun d’atres parores, sigurté y liberté y nia straufunghes. Pro les aldiënzes di geniturs al 1 de dezëmber 04 él stè i scolars che ti à tenü sö da mangé y da bëre ai geniturs y cun les spënores che é gnüdes ite él gnü dè n’oferta por le “Kinderdorf” da Porsenù. Les terzes tlasses à tres indô podü alternè i dis de scora, n iade cun la vijita dles scores altes a La Ila, n ater iade cun la vijita dl distret sanitar a Picolin, spo cun la vijita dla stamparia dl foliet Alto Adige a Balsan y spo ćiamò cun la vijita dla mostra de mascores tl museum de Tor; val’ dër d’interessant é stè le iade deboriada cun les terzes tlasses da La Ila sön les “Cin Tors” ia n’Ampëz, olach’al é gnü cuntè dant dla pröma gran vera. I scolars à podü odëi concretamënter i posć de combatimënt y te ći condiziuns mìseres che i püri soldas messâ defëne la patria y dè ca süa vita. Le dé dla nëi al 1 de forà 05 é la gran pert di scolars stà cun la liösa o cun i schi da Piz Sorega sö y i atri cun i jadins sö Corvara. Por ćiarè inće dla sanité fisica é les prömes tlasses jüdes trëi dis a fa paslunch a San Ćiascian, y sciöche vigni ann à dötes les tlasses indô albü n curs da nodè ai pröms d’aurì tla nodadoia d’Al Plan.

427

SAN MARTIN

Dales jites ai 13 de mà é les prömes tlasses rodades sön le plateau dl Ritten, les secundes é jüdes a vijité i Movie Studios dlungia le lech de Garda y les terzes é jüdes a ti ćiarè ala cité de Verona. Pro le 35ejim concurs de dessëgn dles Casses Raiffeisen a livel provinzial él rové dui pesć tla scora mesana da San Martin. I concorënć ê partis sö te trëi grups y dl terzo grup fajô pert i

428

scolars dles scores mesanes. De chësc grup à David Moling ciafè le secundo y Alan Clara le terzo pest, trami scolars â ciafè süa formaziun dal insegnant d’ert Hubert Prousch. Pro le concurs de leteratöra ladina, metü a jì dal’Intendënza por les scores ladines, dal Istitut pedagogich ladin y dal Istitut Micurà de Rü, à Jasmin Widmann dla tlassa I B ciafè le pröm pest y Daniel Plazza dla tlassa I A le cuarto pest. La ultima manifestaziun alaleria dla scora mesana é stada le dé dl sport al pröm de jügn. Les gares da saltè cun i sać, da trà la corda, de stafëta y de biathlon é gnüdes tignides tl ćiamp dal sport de Pradel . L’ann de scora é gnü stlüt jö ofizialmënter ai 16 de jügn cun na mëssa tla dlijia da San Martin; deperpo che i scolars de terza à ćiamò albü i ejams ćina ai 24 de jügn, à i atri scolars podü s’un jì do mëssa a ćiasa.

SAN MARTIN

ISTITUT LADIN MICURÀ DE RÜ Le lingaz ladin descëda cotan de curiosité y d’interès por la jënt foradecà, tan ch’al n’é inće de chi che à la vëia da l’imparè. Insciö vëgnel damanè do vocabolars y libri por conësce le lingaz. Baldi êl ćina śëgn plütosc püch material pratich por imparè le ladin. Dala pert taliana é chësta locia śëgn finalmënter n pü’ gnüda stlüta. Al é le “Cufer de ladin” metü adöm da Daria Valentin y dè fora dal Istitut Micurà de Rü – n curs de ladin dla Val Badia por talians te önesc leziuns. Al contëgn n manual, n sföi de eserzizi, n glossar y dui CDs. Le glossar cun ca. 7000 parores po rapresentè öna dles fondamëntes dl vocabolar talian-ladin che vëgn laurè fora por le momënt dal Istitut. La novité dl glossar é che ara va da ciafè la parora taliana pian ia dal ladin. I dui CDs che completëia la publicaziun lascia aldì la pronunzia dles parores. Chësc dess spo inće gnì fora tla verjiun todëscia. Dles publicaziuns dades fora dal Istitut tl’ann 2005, interessantes por la Val Badia, él da nominé la biografia, scrita por talian, dl miscionar combonian J. Pasquale Crazzolara da San Ćiascian (1884 – 1976) scrita da Franz Vittur. N’atra publicaziun, scrita por todësch, é chëra sura le depenjadù todësch Alfred Roller (1864 – 1935), conesciü por sües inscenaziuns teatrales a Viena, che à albü contat inće cun le monn ladin, dantadöt cun l’ostaria Capela a Colfosch, y che nes à lascè indô te sües pitöres motifs dles Dolomites. Tl sföi periodich cultural “Ladinia” dl 2005 él gnü publiché n articul de Barba-

ra Kostner y Paolo Vinati scrit por talian sön le ćiantè a plü usc tla Val Badia, portan dant scialdi ejëmpli de ćianties talianes y todësces. Pro les mostres stades da odëi tl salf dl Istitut a San Martin él da recordè: - la mostra de fotografies de Gustav Willeit da Corvara dai 15 ćina ai 26 de messè. Gustav Willeit, che laora y sta a Turic (CH), à presentè de gran fotografies a blanch y fosch de situaziuns architetoniches. Lauran sön les images cheriëiel ambiënć nüs che ti deura al edl manires nöies de odëi la realté. - la mostra de Willy Verginer de Gherdëna dai 5 ai 16 d‘agost sot al tema „flëures tla flaura“ é stada n‘esposiziun de figöres depëntes de lëgn dl corp uman. - la mostra de Bruno Walpoth de Gherdëna dai 19 ai 30 d‘agost ti à presenté al publich chedri de scultura - la mostra de Franz Angelo Rottonara, nasciü a Corvara l‘ann 1848 y mort a Viena l‘ann1938, che à incantè i vijitadus dai 30 de setëmber ai 6 de novëmber, à recordè n artist ladin che à n iade dominé la scenografia di gragn teatri dl‘Europa zentrala y dl ost ćina tl‘Inghiltera y tl‘America. Sön chësc artist che é gnü desmentié ia tl secul passè él dessigü da lì deplü tla pert de Corvara. Do les lîtes di consëis de Comun vëgnel inće vigni iade renovè le consëi d’aministraziun dl Istitut Ladin, che vëgn nominé dala junta provinziala. Sciöche mëmbri efetifs dl consëi nü él gnü nominé Hugo Valentin sciöche rapresentant dla Junta provinziala, Bruno Senoner, Herwig Prinoth, Erika Castlunger y Tone Gasser sciöche rapresentanć dles assoziaziuns culturales de Gherdë429

SAN MARTIN

na y Badia, Nadia Nocker y Othmar Costabiei sciöche rapresentanć di comuns de Gherdëna y Badia, Roland Verra - intendënt dla Scora dles localitês ladines, Theodor Rifesser – diretur dl Istitut pedagogich ladin y Leander Moroder – diretur dl Istitut Ladin Micurà de Rü. Tla pröma sentada dl consëi nü ai 17 de setëmber él indô gnü confermè Hugo Valentin sciöche presidënt y sciöche vizepresidënt él gnü metü Bruno Senoner. Sciöche punt plü important él gnü aprovè le program d’ativité y le bilanz de previjiun por l’ann 2006, portan inant l’ativité dl istitut cun n valgönes de pices mudaziuns, mantignin le medemo numer de personal. Por curì i cosć dla gestiun prevëiga le bilanz 2006 na spëisa de 496.000 euro; te chësta soma ne n’é nia le personal che vëgn paié dala provinzia. Por ći che reverda plü daimprò sorvisc concreć ala popolaziun vëgnel laurè inant por pité cursc de ladin, por dè fora i vocabolars talian–badiot y talian–gherdëna, por le sorvisc de traduziun y la publicaziun de libri. Inće la formaziun y les manifestaziuns culturales tol ite na pert importanta dl program. L‘Istitut ćiararà tl dagnì de ester deplü presënt tla stampa, tl radio y tla televijiun. Por le svilup dl lingaz a livel danter les cin‘ valades ladines vëgnel coordiné tl proiet „volanet“ la formaziun de parores nöies che podarà gnì surantutes da vigni valada y adatades a so idiom. N’atra chestiun che é gnüda tratada é le lingaz standard. Le presidënt dr. Valentin à recordè ch’al é da tignì cunt che le consëi dl Istitut Ladin à tut l’ann 1988 la dezijiun de stè ala pert dl proiet dl 430

“Ladin standard”. Al é gnü osservè che la mendranza di ladins, picera sciöch’ara é, ne sciafiarà mai da jì plü dî inant cun döes variantes tl lingaz ofizial che dess varëi por i ladins de trames les valades. Al é gnü dit de studié inant, ponsan inće a n lingaz unifiché plü daimprò ai idioms de Badia y de Gherdëna o a n lingaz unifiché che pëia ia dal idiom plü sterch che dess ester davert a parores y formes plü ladines dl ater idiom. Ćina ch‘an ne röia nia a na majera azetanza tles valades de Badia y de Gherdëna ne vëgn le „Ladin standard“ nia adorè dala Provinzia y dal Istitut „Micurà de Rü“. En cunt dla costruziun dla sënta nöia dl Istitut Ladin a San Martin à l‘assessur dr. Mussner assiguré che la prozedöra burocratica va inant y an mina bëgn dessigü che la costruziun pois gnì metüda man d‘aisciöda dl 2006.

SAN MARTIN

431

SAN MARTIN

MUSEUM LADIN Tl ann 2005 à le Museum de Tor albü 22.699 vijitadus; danterite él vigni tant n vijitadù che se mirita na maiù atenziun. Insciö él passè fora por le museum ai 31 de merz öna dles porsones dl spetacul plü conesciüdes tl momënt tla Talia: Michelle Hunziker cun so compagn y söa möta Aurora che à demostrè tröp interès por la storia y la cultura ladina. L’aisciöda 2005 à metü man cun n raport dër intensif cun i jornalisć. Rovà adalerch é le corespondënt da foradecà dla Frankfurter Allgemeine y responsabl dla cultura dla Talia, jornalisć de Canale 5 y jornalistes americanes rovades tla Val Badia en gaujiun dla gara di vips tl’Alta Badia. Inće en gaujiun dla manifestaziun metüda a jì dal Audi a La Ila

à le museum arjigné ca material por la stampa a bëgn 70 jornalisć. Le Museum ladin Ćiastel de Tor à ćiarè de se möie, inće deach’al à i locai y les infrastrotöres aladô, nia mâ por fa conësce le museum instës, mo inće tolon sö contat cun les atres istituziuns de cultura ladina y colauran te deplü proieć. Ia por l’ann 2005 ti àn dè pëis al barat cultural cun d’atres realtês, dantadöt la Val de Fascia. Insciö él gnü a s’al dè por Carnescè na mostra de mascores cun Rinaldo Cigolla y d’otober na mostra de dessëgns de “Scedola”, de n personaje nasciü fora dla mënt y dl raisplais dl artist Manuel Riz de Fascia. Cun chësta mostra, acompagnada inće da na publicaziun, n’à le Museum orü nia ma ti dè da conësce al publich n artist jonn ladin, mo inće presentè n meso artistich

Les autoritês dl museum dala mostra de Rinaldo Cigolla.

432

SAN MARTIN

che é chël di comics. L’artist à demostrè de avëi le talënt de interpretè la sozieté d’aldedaincö cun na ironia sotida y fina, al é sterch tles espresciuns, mo simpatich y nia ofensif. Tla cornisc dles scomenciadies por intensivé i raporć culturai por rové inće a n barat cultural él gnü daurì ai 20 de mà tl areal dl museum ladin dl ćiastel de Tor le proiet «Tras(se) Nord-Süd» che à por chinescdé alalungia abiné adöm les döes vals a nord y a süd de Bornech a livel de mostres d’ert, serades de musiga, letöres de auturs tla cornisc de n barat soziocultural. Por l’inaudaziun sön ćiastel de Tor s’àl abiné artisć, amanć dl’ert, prominënza politica y culturala che é gnüda trata ite tl’atmosfera dla mostra di artisć dla uniun KUNSTMYST dal grup rock «Sense of Akasha» dal ritm melodius y fort. Ogeć d’ert de na desëna d’artisć da Türesc ê da odëi sides tla plaza dl ćiastel co inće ti salamënć d’esposiziun. Le presidënt dl’EPL Iaco Rigo, ideadù de chësc proiet, à saludé la jënt antergnüda y ti descursc él gnü alzè fora inće le com-

pit dl museum de induné y laurè adöm y de cherié lians y amizizies. Le proiet de barat s’à spo desfiré cun manifestaziuns desvalies te deplü paîsc de trames les valades. Na forma de comunicaziun danter realtês desvalies é inće stada la mostra “Hedonè” cun la partezipaziun de artisć ladins, talians y todësc. Al é gnü presentè formes desvalies d’espresciun sön le tema edonism. Les esposiziuns prinzipales dl 2005 é stades: “Na retrospetiva sön l’artist Otto Irsara”, olach’al ti é gnü mostrè ai vijitadus na vijiun generala sura sües scultöres y sües pitöres acompagnada da na publicaziun, y spo la mostra sön le “Troi Paian” inće cun n stüde scientifich “L Troi Paian: Mit o realtà?” Chësc ê le resultat de n’archirida scientifica söl Tru Paian che le museum 433

SAN MARTIN

à bele invié ia l’ann 2000. Al é gnü mostrè i reperć archeologics ch’an à ciafè do le tru y la recostruziun dl percurs dl tru. Tratan la sajun da d’isté él gnü tignì trëi conzerć: un cun l’orchestra d’ëres “La Valse”, und cun i “Ladiner” y un cun le “Unknown Brass Quintett”, y n teater alaleria “La liënda de Re Laurin y des süa fia Ladinia”. Al n’à nia manćé le contat dl museum cun les scores y cun l’ann 2005 él inće gnü stlüt jö l’elaboraziun de material didatich cun Erna Flöss che podarà gnì adorè tles scores de Badia y de Gherdëna.

Benedisciun dl anteriöl nü sön Tor.

STÖDAFÜCH Ai 26 de forà él gnü tignì la reuniun generala cun la lîta dla junta nöia. Sön 45 stödafüć n’êl 399 dde presënć. En chësta gaujiun él gnü tut sö trëi jogn che à dè jö juramënt: Manuel Pezzei, Stefan Ties y Hubert Verginer. Al post de Franz Zingerle che à detlarè de ne ester nia plü a desposiziun sciöche comandant él gnü lité so fi, Alex Zingerle. Franz Zingerle, 434

che é stödafüch cun cör y anima, é pro la uniun da 40 agn incà y de chisc 30 agn sciöche comandant. Alex, le comandant nü, po da jì inant se lascè sön l’aiüt y l’esperiënza de so pere. Sciöche vizecomandant él gnü lité Franz Trebo tl post de Werner Verginer che ne n’ê gnanca plü a desposiziun. Confermà tla junta é gnüs Giuvani Conrater sciöche cassier, Helmut Graffonara sciöche magazinêr y Christian Mühlmann sciöche scrivan.

SAN MARTIN

Franz Zingerle é rové l’ann 1964 cun 16 agn pro i stödafüch. Tl pröm manajâl la pumpa y por cin agn él stè comandant de grup. L’ann 1975 él gnü lité comandant di stödafüć y defata àn metü man da proietè a da fà sö n magazinn nü. Le Comun à paié le material y à metü a desposiziun le terać. Le laûr de costruziun é gnü fat a robot dai stödafüć tl tëmp lëde. Sot al comane de Franz él gnü cumprè sis auti, danter l’ater inće l’autobot. Chësc magazinn, gnü massa pice é gnü trat jö l’ann 2002 da d’aisciöda por ti dè lerch a n gran magazinn nü cun n salf altaìte. La festa d’inaudaziun d’otober 2004 é bëgn stada na gran sodesfaziun inće personala por le comandant che n’â mai lascè fora di edli l’andamënt dla costruziun.

Sciöche vigni ann la domënia incër San Florian él gnü tignì do la gran mëssa la prozesciun ia Picolin cun la uniun di stödafüch cun la bandira y la statua de so sant rapresentè te na bela statua baroca. Por ti dè n ornamënt ala falzada dl magazinn nü y mëte en mostra la crëta di stödafüch te so patronn à Carlo Castlunger albü la bela idea de modelè y bate, fora de na plata de ram, la figöra de San Florian cun le ćiastel de Tor. L’opera, realisada cun vëna artistica y förtl artejanal, é spo gnüda amirada do la prozesciun da Picolin da döta la comunité y benedida da siur curat Iaco Willeit. Te chësta bela gaujiun s’à Alex Zingerle podü presentè sciöche comandant nü, ti dijon a so pere Franz Zingerle a inom di 435

SAN MARTIN

stödafüć y bëgn inće de döta la popolaziun n gran dilan por i 30 agn ch’al é stè a će di stödafüć da San Martin, por la ligrëza y la pasciun ch’al à albü te süa inćiaria tignin adöm la uniun nia ma ti bi mo inće ti ri momënć. A Franz ti él spo gnü surandè na bela statua de san Florian y na onoranza cun chëra ch’al é gnü nominé mëmber d’onur di stödafüć da San Martin. Na bela iniziativa metüda a jì dai stödafüch é stè le curs da adorè i destodadus tles ćiases. Ai partezipanć ti él gnü dè informaziuns sura i prighi dl mèdefüch te ćiasa y al ti é gnü insigné concretamënter da pié ite y adorè i destodadus. Ti insignan ala jënt da intervenì adora assà tla dërta manira, pol gnì evité y limité cotan de danns a cosses y porsones.

436

ASSOZIAZIUN TURISTICA Ai 31 de merz à l’assoziaziun turistica tignì süa indunada generala. Reladus dla serada ê le presidënt dl’assoziaziun, l’ombolt Pepi Dejaco y le presidënt dla Crontour Franz Call. Sön 107 mëmbri n’él 33 che laora tl agriturism y al é mâ 17 eserzizi da hotel, pensiun o ostaria. Le presidënt dla Crontour Franz Call à baié dl gran potenzial turistich che é ćiamò da sfrutè. Gottfried Trebo, le presidënt dl’assoziaziun turistica deperpo à menè do che la lista di leć a desposiziun vëgnes tignida ajornada zënza ne porta le sorvisc dl internet a nia d’ater co a dessenè i foresć y ala roina dla imaja de döta l’assoziaziun turistica. L’ombolt à recordè les atraziuns turistiches naturales y culturales dl teritore dantadöt por i mëisc d’isté, mo ch’an rovarà inće a

SAN MARTIN

n’atraziun invernala cun le lift da Ju che dess gnì metü a jì bele por Nadè dl 2006. Important sarà n bun coliamënt cun le raiun turistich dla valada alta. I sciadus dess podëi passè te n tëmp cört y comot da n post al ater. Ma che cun le lift da Ju podess alzè i prisc à injuntè Franz Call. Dessigü por valgügn n bëgn, mo por d’atri inće n mal. Nia düć ne ciafarà n aumënt dl paiamënt por afruntè le majer cost dla vita. ECONOMIA Bele de dezëmber dl ann 2004 él stè n grup de 20 jogn y jones da San Martin, Lungiarü y Antermëia che s’à abiné y à metü sö n grup de jonëza da paur. Al é le cuarto grup de jonëza da paur tla Val Badia.

Tl comitê él gnü lité Max Verginer, Elisabeth Trebo, Alex Rungger, Karin Verginer, Reinhold Sorà, Martin Flöss, Roman Clara, Raimund Clara y Daniela Verginer. Le grup s’à tut dant da mëte a jì deplü sorts d’ativitês inće d’intratenimënt por renforzè la uniun. Ala uniun po inće se scrì ite jogn y jones danter i 14 y i 35 agn che ne n’à nia n lüch a ćiasa.

Les patrones da paur ne ti é nia massa ri: a ćiasa, te stala y te majun, te ćiampoprè, y cotantes ti va laprò ćiamô do a n’atra profesciun o a d’atri laûrs. Deplü iadi ia por l’ann s’à abiné le comitê por mëte en movimënt l’uniun jona, renforzè la uniun cun l’iscriziun de d’atres interessades, partì sö i laûrs y aldì i dejiers dles rapresentantes. La motivaziun y les informaziuns d’ütl é piades ia dala reuniun generala a Balsan y dala partezipaziun a n seminar a Dietenheim. Te vigni vers s’à les patrunes dé da fà, sides tla spiritualité cun n referat de Tone Fiung sön le conflit danter les generaziuns y cun na spazirada por le tru de meditaziun a San Ćiascian, sides ti laûrs da ćiasa. A Lungiarü él gnü metü a jì n curs da fà guant da zacan cun 10 partezipantes.

437

SAN MARTIN

Les patrunes é chëres che tëgn vies na les usanzes da zacan dla vita da paur; insciö s’à abiné bëgn 20 interessades, n iade it’a Bioch, ite da Carmela Erlacher, y n ater iade it’a Ties, ite da Maria de Marino, a fà crafuns. Le fat che i crafuns ti é tan garatà sta tl socrët che mâ les dërtes patrones conësc. Al n’à nia manćé l’alegria y la bona löna che ti à dè ai crafuns la dërta saù. Ares n’é nia stades bones da la fà ia adascusc deache le föm bröm che jô sö por ćiamin les à defata imbanides, y sciöche les mosces é i tlocheradures defata stà dan man.

Ai dij ch’i ëis fat crafuns da i’n dè a düć assà, porchël suns’ gnüs a odëi sc’ai é bëgn garatà!

438

SAN MARTIN

Ares é inće stades n pêr de iadi foradecà a fà tutres. Sön le marćé da San Scimun éres stades trëi dis a fà tutres y fortaies, y cun döt le förtl ch’ares â ados n’êres nia bones da nen fà a pënch, lauran sö nia manco co 140 chili de farina de formënt, 20 chili de farina de siara, 100 chili de spinot, 50 chili de ciote y 42 chili de craut. De novëmber à les patrones tignì süa reuniun generala olach’al ti é gnü surandè a na rapresentanta dles patrunes de Tirol dl Nord cun n scech le davagn che é gnü ite dal marćé da San Scimun sciöche sëgn de solidarité y de aiüt por i gragn danns che les rogossies à fat da Tirol fora. La reuniun é gnüda stlüta jö cun na picia marëna y na bela cartada. capades, protest cuntra l’iniustizia soziala, dla conzentraziun dla richëza, dl cost alt dla vita y dla svalutaziun dles pensiuns. Erwin Penazzi ne n’à nia ma le corajè da tó pert a desmostraziun por la iustizia soziala, mo al é sovënz inće laprò canch’al se trata de sorvisc de volontariat por la comunité.

I pensionà dl sindacat SGB/CISL s’à unì a düć i pensionà dla Talia te na manifestaziun ai 6 de dezëmber a Roma. La sfilada é piada ia da Plaza Venezia por se despartì fora por i gragn straduns dla cité. Ala manifestaziun à inće tut pert rapresentanć de nosta provinzia y danfora tla pröma ligna êl inće le rapresentant dla federaziun nazionala di pensionà por la Val Badia Erwin Penazzi da Picolin. La gran desmostraziun de forza y de unité â sön les bandires les ghiranzes di pensionà: sconanza dles porsones andi439

SAN MARTIN

Chê ess pa miné che chisc pecios sön Plan de Crosta ess messü la zede? Al dedaincö cun na corda röion inće sön Plan de Crosta.

440

SAN MARTIN

Gragn y pici da San Martin s’à trat da Tor sö a odëi le giro.

L’inaudaziun dla botëga Sport Kassl arjignada ite danü.

441

SAN MARTIN

LA MUSIGA Ai 11 de jügn s’à presentè la musiga da San Martin te n conzert d’aisciöda cun melodies nöies y plajores condejon i ascudadus te n monn plëgn de corusc y de fantasia sot ala direziun de Sepl Pezzei. Al ê 25 agn che Carlo Castlunger ê presidënt dla uniun: Al ti é gnü sport n gran dilan por döt ći ch’al à fat por la musiga, la condejon fora por alć y basc, ne sconan degönes bries y fadies; por n ann alalungia âl ćinamai tut instës la bachëta tla man, do che la musiga ê romagnüda zënza dirighënt. Na bela festa por la musiga é stada la noza de Lucia Sorà cun Karlheinz Tschaffert. Dal salüt de comié de siur Iaco Willeit en Santa Maria dal Ciüf sön la plaza dl paiun, àn odü tan che la musiga é buna te de te’ gaujiuns da ti dè espresciun ai sentimënć dla comunité y da cherié n’atmosfera 442

che unësc le paîsc. La musiga ê inće indô presënta da tó ite siur Paul Campei ai 11 de setëmber don dant le tact da jì cun confidënza tl dagnì. UNIUN GUANT DA ZACAN La Uniun Guant da Zacan da San Martin à complì 20 agn. Ara é gnüda metüda sö l’ann 1985 cun le fin de sensibilisé la jënt por le guant da zacan por che ëi y ëres, jogn y vedli s’al arjignes y le toles por ti dè solenité ales festes de dlijia y defora. Bele dui agn dan la fondaziun dla uniun êl gnü organisé cursc da fà trohts cun 30 partezipantes y te chisc agn él tres indô rové iestes nöies laprò. Tl’ultima sentada generala dl consëi de formaziun él gnü tut la dezijiun de mëte a jì n curs da fà guanć por mitans. La presidënta dla uniun Clara Castlun-

SAN MARTIN

ger s’à surantut la bria de tignì le curs a chël che ot ëres à spo tut pert. Al é garatè dodesc trohts che é gnüdes vistides por le pröm iade en la festa dl Cör de Gejù dales mitans che à portè la statua de santa Tarejia. TEATER Le grup dl teater da San Martin y Lungiarü s’à indô presentè cun n teater da rì “Jomelins” de Hans Lellis. La storia jobelnada ê indô n iade plëna de rampins, de travaioc y de malintenüdes. Na novité ê le scenar, nia plü formè sciöche zënza da na stüa danter cater parëis, mo da n per de möbli metüs sö dan les cultrines fosces che bastâ por cherié l’ambiënt dl teater. La presentaziun de n teater da rì, cis de n teater da paur, n’é nia saurida, al ô ester finëza tl jüch dles parores y di movimënć por reportè sön paladina

certes situaziuns dl monn da paur, ch’i ne conesciun y ne capiun baldi nia plü dër. Comedies da paur, che respidlëia n monn oramài passè, é tl prigo cun na certa fraseologia püch curada de tomè tla volgarité y de trà por le paltan y s’la rion porsura situaziuns tragiches de porsones y de families, che podess fà stè mal un o l’ater che ćiara pro. Mo i jobleri da San Martin y Lungiarü s’à dër porvè y à albü n bel suzès pro le gran numer de spetadus gnüs ales cin rapresentaziuns ala fin dl mëis d’otober. SPORT L’Uniun dl Sport da San Martin à metü a jì ia por l’ann 2005 cotan de ativitês ćiaran de ti portè le sport plü daimprò ala popolaziun. Tl mëis de jenà à la uniun metü a jì, sciöche vign‘ann, la gara dai schi dl paîsc 443

SAN MARTIN

444

SAN MARTIN

söla pista d‘Antermëia, a chëra ch‘al à tut pert sö por cincanta porsones. Le plü asvelt é stè Roberto Moling. Dedô s‘à i partezipanć abiné tl hotel Fontanela por la premiaziun y aurela cörta. Na sëra de jenà él gnü invié l‘alpinist Giovanni Pescoller por süa gran esperiënza a tignì n referat sura alpinism; n valgügn dis do àl spo fat na skitour cun i interessà sön Munt da Rina, jon ite ćiamò deplü sön la pert pratica. Por l‘otavo iade à l‘Uniun dl sport y le Grup di jogn da San Martin organisé en sabeda, ai 5 de forà, le bal da Carlascè. Por l‘intratenimënt musical él gnü invié adalerch le grup rock „Duccio on the rucks“ y di Tabba. Por ti sparagné bries ai jogn da jì a ćiasa él gnü organisé corieres da Colfosch jö y d‘Al Plan ite. Tl campionat dal palê de terza categoria 2004/2005 é la scuadra da San Martin gnüda alenada por le secundo ann indolater da Markus Winkler da Longega. Valgügn sogadus nüs, inće da d‘atri paîsc, é gnüs a renforzè la scuadra, forman cun i sogadus che ê bele laprò na formaziun valgamia competitiva. I resultać ch‘an s‘aspetâ, n‘é por n pü‘ de desfortüna y por d‘atres rajuns nia gnüs arjunć daldöt y a an à stlüt jö le campionat rovan al sesto post. Impò él gnü arjunt ći che é important pro na scuadra: le jüch deboriada, la compagnia, devertimënt y passè le tëmp lëde te na manira sana y ecuilibrada. Por le campionat de terza categoria 2005/2006 à la scuadra dal palê ciafè n alenadù nü, Oswald Prada d‘Antermëia, che é bele stè portier pro le San Martin. Valgügn śogadus, che â l‘ann denant soghé pro le San Martin, à baratè scuadra indeblin n pü‘ la formaziun. Do les parti-

des da d‘altonn é la scuadra di ćiastelans tl otavo post. La scuadra dal palè A.C. Legnano, che śüga tla seria „C2“ deboriada cun le FC Südtirol, é stada dai 18 de messè ćina ai 4 d‘agost a s‘alenè a San Martin. Le proprietar dla scuadra ê Marco Simone, n ex śogadù dl A.C. Milan. I śogadus à podü s‘alenè sön le bel ćiamp da erba, un di plü bì intoronn. Te chësc tëmp à le Legnano śughé döes partides, öna cuntra l‘U.S. San Martin, davagnada 11 : 0 y la secunda cuntra le Kallithea, na scuadra greca dla seria „A“ pordüda 0 : 2. L‘ann 2005 é gnü nominé dal‘Uniun Europea ann dl sport. Por chësta rajun él gnü organisé dala uniun n dé dl sport diletantistich por trà ite döta la popolaziun dl paîsc tl monn dl sport. Le dé, che é gnü organisé tla zona sportiva de Pradel, à metü man cun la secunda ediziun dl tornê dal palê sön jafa, a chël ch‘al à tut pert dodesc scuadres dla Val Badia. Por chësc evënt él inće gnü metü a jì n zënter sanitar, che à pité aiüt y informaziuns tl setur atletich-sanitar. La manifestaziun é gnüda acompagnada da jüć y devertimënć por düć. I dui grups da Badia „Enrosadira“ y „Innuendo“ à cun sües ćianties animé la festa ćina sö la duman. Por stlü jö l‘ann dl sport él gnü organisé n referat cun le diretur sanitar da Bornech Dr. Davide Willeit y le dotur dl sport Dr. Alex Mitterhofer; le contegnü dl referat é spo gnü traslatè (adöm cun le cunsëi de formaziun) y prejentè tl liber „Ativité de prevenziun por la sanité“. I mituns à śughé al palê tles döes scuadres di pići y à arjunt de bugn resultać. Öna na scuadra é gnüda alenada da Andrea Irsara y Erich Frenes y l’atra da 445

SAN MARTIN

Leo Crepaz, che s’à cun gran savëi metü sciöche vign’ann a desposiziun dl uniun dl sport por garantí ch’al vëgnes do ca mituns che śüga ion cun le palê. Bugn frecuentà é stà i cater cursc de ginastica tla palestra tignis da Markus Winkler y da Gertrud Oberbacher. Tla seziun atletica cun l‘alenadù Stefan Planker s‘à la Uniun inće dër dè da fà. Les eserzitaziuns da trà salć dl lunch y alalt y da saltè 80 metri a inciamps é gnüdes tignides ia por l‘isté n iade al‘edema tl ćiamp de Pradel. Pro i partezipanć él stè le möt Alex Verginer che à arjunt de bugn resultać a livel provinzial. Sciöch‘al é bele oramai tradiziun a San Martin, él inće en chësc ann gnü organisé ai 29 de dezëmber na chentlada da Tor jö te paîsc cun vin cöt y l‘estraziun di numri dla lotaria; chësta manifestaziun abina vigni agn cotan de jënt dl post y foresć adalerch. An vëiga insciö che la uniun dl sport é n fatur important dla vita dl paîsc, nia ma por le jüch dl palê mo inće n gröm de d‘atres ativitês a bëgn dla comunité. Le diretif tol l‘ocajiun da rengrazié düć chi che s‘à dè da fà tl ultimo ann. LIBRI Grana é por valgügn l‘ambiziun de rové tla televijiun, mo i libri resta impò ćiamò tres n meso pratich de informaziun y de comunicaziun ch’an po dè inant y tó tles mans, ti ćiarè y conscidré en pêsc y che à valüta y dorada tl tëmp. Val’ che é scrit, dessigné o fotografè te n liber é garanzia de na certa qualité y à inće n maiù valur, deach’an sa che iadedô él laûr y cosć.

446

L’inom de Pia Pedevilla é por le momënt da ciafè söinsom la lista di mius libri da pastelnè cun de vigni sort de tecniches y de materiai. Sü libri venüs ti ultimi 12 agn é rovà a n numer oramai da gnì ciurns de 1,5 miliuns, chësc ô dì che al dé él sö por 500 porsones che cumpra n liber de Pia Pedevila. Indöt à Pia cherié da sora, y en pert inće en colauraziun cun d’atri, sö por 70 libri. Sües ispiraziuns, idees tres indô nöies y les inovaziuns tla tecnica se tòlera sön les fieres internazionales y sön sü iadi por le monn, olach’ara se tol do l’aparat da fà jö. La forza por so laûr ciàfera dala ligrëza y dala contentëza che sü libri ti dà a tröpes porsones. La reconescënza y la simpatia che ti vëgn portada la motivëia y la porta sura les nöts de laur fora. Sü libri dà fora scialdi por todësch vëgn incö traslatà ćinamai tl ungaresc, tl franzesc y

SAN MARTIN

te d’atri lingac. Impò resta Pia, pro döt so laûr y sü terminns, la jona simpatica y valënta da dagnora. Ponsede che da d’aisciöda laórera bele por so proscimo liber da Nadè y defata dedô mëtera bele man cun chël da Pasca. Insciö porta Pia n gröm de ligrëzes ite tla vita da vigni dé: ales porsones che devënta instësses creatives y ales porsones che incunta sü bi motifs decoratifs da orëi bun sö por i vidri o i parëis, sön mësa o val’ möbl, o ascognüs te na scincunda. Sües figöres da belaìta é plënes de fantasia y de buna löna y alisirëia la vita da vignidé. Nia la creativité de idees tl dessëgn, mo la pasciun de cöie y de apaissé decà momënć de döt n’atra fantasia ch’i sciafiun ma da amiré y nia da capì y da splighé te süa grandëza y finëza, tles formes y ti corusc, chësta é la sbürla che Hans Pescoller ciafa da dè fora sü libri de fotografies. Le liber “Dolomites – Pizes Magiches” cun fotografies de Hans Pescoller y Alfred Erardi dè fora dal’EPL dl 2002, bele gnü fora te 6.000 toć, é rové ala terza ediziun cun d’atri 1.500 laprò. Chësc liber é dessigü un di libri plü venüs söla y dla Ladinia cun le lingaz ladin presënt dlungia le todësch, le talian y le inglesc. Sö por deplü milesc d’ejemplars é inće gnüs venüs sü libri dal titul “Val Badia – Retrać y impresciuns” y “Tera Ladina Dolomites” che contëgn inće retrać de Alfred Erardi y n valun de d’atri fotografs. Scialdi tl’ambiënt de dlijia resta les publicaziuns di libri de liturgia dà fora dala Uniun Ladins Val Badia y translatà da Tone Gasser en colauraziun cun Iaco Ploner, y po s’ascogne, sce nia tan por

le laûr iadedô, mo bëgn por numer, dan dales publicaziuns nominades dessura. Dan da chisc libra sta la jënt plütosc passiva y s’ai lascia lì dant te dlijia. Impò spéron che chëstes publicaziuns, nia tan interessantes por le marćé di libri, dëides tles ligrëzes y tles crusc dla vita, ch’ares ti dais forma y vita al lingaz y ala cultura dles comunitês dla valada.

DA FORADECÀ Tla Usc di Ladins dà Paul Flöss na intervista a Iaco Rigo. Paul é nasciü l’ann 1966. L’ann 1995 àl tut sö l’invit de jì a laurè te n restorant a New York. Do 18 mëisc, do che so contrat de laûr ê tomè, s’àl ponsè de stè inant tl’America, n pü por coriosité, por odëi tan inant ch’al foss stè bun da rové. Al é spo rové 447

SAN MARTIN

sciöche pröm cogo tl restorant “Bella Blu” olach’al é stè trëi agn ćina ch’al é jü a Atlantic City te na ćiasadafüch de n casinò. Propi le dé di atentać kamikaze ales tors jomelines dl world-trade center dô Paul indô jì derevers a tó ite so post da denant tl restaurant “Bella Blu”a New York, y insciö àl sciafié da mëte man pormò le dé do. Incö é Paul instës comproprietar al 25% dl restaurant “Bella Blu”, al à da 13 a 15 colauradus y süa funziun é chëra de manajè, ćiarè sura y tignì conferta cun i ghesć. Al é rové tl’America zënza savëi inglesc y l’à scialdi imparè da ćiarè la televijiun y lì “donald duck”. Paul mantëgn dötaurela en bun contat cun sü familiars y s’interessëia dles novitês dla Val Badia y vëgn bindićé en vacanza. A New York, olache döta la vita y l’atualité se svilupëia tla cité, él bëgn döt d’atres poscibilitês co te nüsc paîsc tles munts. So som é chël de daurì cun n compagn n restorant nü dal inom “Dolomiti” tl cuartier “Upper East Side” y de cherié l’aìte n’atmosfera de nostes munts y de pité cëis de nüsc raiuns. Sambëgn pënsa Paul a d’avëi indoman instës na ćiasa y inće a mëte sö familia. Che sü soms se realisëies defata ti aoda chi da San Martin.

448

SORVISC AI JOGN En sabeda ai 11 de messè él indô gnü tignì la festa di mituns te chi Pinis a San Martin sot al tema “La roda incër le monn”.

SAN MARTIN

Do cin agn de laûr cun la jonëza tl ofize dl sorvisc ai jogn a Picolin à Michi tut comié da so post de laûr, rengrazian düć i colauradus y i amisc ch’ara à incuntè y conesciü te döt chësc tëmp, aprijan nia tan le titul de stüde mo la bona orentè

che vignun demostra. So laûr vëgn portè inant da Christian Ferdigg. Ai 23 de novëmber 1985 él gnü sotescrit a San Linert tla presënza de n notar y de 15 porsones l’at de costituziun dl Sorvisc ai Jogn Val Badia. Dl pröm con-

449

SAN MARTIN

sëi fajò pert siur Sepl Granruaz sciöche surastant, Lois Kastlunger da Pliscia, siur Fonjo Clara, Christof Tamers y siur Franz Sottara. L’idea dl’istituziun de chësc sorvisc é piada ia dales vijiuns por i jogn che siur Sepl Granruaz â deboriada cun so compagn siur Leo Munter. Al ê i agn che i caplans metô man da manćé y che le laûr dla SKJ (jonëza catolica de Südtirol) â debojëgn de gnì ampliada. Al dô deventè na istituziun portada da deplü ploanies cun dependënć a tëmp plëgn y che dô inće sostignì le grup decanal di jogn, bele atif da denant. La istituziun nöia ne dô nia mâ elaborè les idees dl grup decanal, mo pié ia inće instëssa cun iniziatives, dagnora söla basa de valurs cristians y rajonan inće de fede. Defrunt a na istituziun nöia por i jogn ê la gran pert dla jënt dejinteressada y al à orü ester na gran opra de convinziun por abine dötes les cöres y i comuns che l’ess inće spo sostignida finanziariamënter. L’ativité dl Sorvisc ai Jogn é spo piada ia cun siur Sepl Granruaz fora por alć y basc y tröc jogn é chersciüs sö cun chësc sorvisc tles schires joniles, tl grup di jogn, cun cursc de formaziun y i.i. Cun le laûr tl ofize dl Sorvisc é pié ia Lois Kastlunger che ti à tl 1989 lascè lerch a Georg Kostner. Dl 1993 à Hubert Irsara surantut chësc laûr, che à ciafè l’ann do na colauradëssa cun Christa Pescollderungg. Dl 1995 é Hubert gnü remplazè da Franzl Frenes che à laurè trëi agn cun Christa. Le post de Christa é spo gnü dl 1998 tut ite da Silke Irsara. Dl 2000 é Franz gnü sostituì da Michi Taibon che ti á dl 2005 lascè le post a Christian Ferdigg. Inće i presidënć s’à baratè jö deplü iadi; do siur Sepl Granruaz él stè Lois Kastlun450

SAN MARTIN

ger, spo Paolo Anvidalfarei, Hubert Pescollderungg y Erich Frenademetz. Le Sorvisc à metü man te na sënta provisora a La Ila y dal 1993 él spo gnü spostè tl fabricat vedl dla ćiasa de palsa a Picolin, olach’an à podü arjigné ite i ofizi cun na picia biblioteca y n salf por incuntades y n magazinn. I 20 agn d’ativité é gnüs recordà la findledema, ai 19 y ai 20 de novëmber 2005: la sabeda cun n turnier de palè al jore tla palestra da La Val y la domënia cun na mëssa de rengraziamënt tla capela dlungia de Sant Antone a Picolin cun siur Eugen Runggaldier y n dé dla porta daverta.

451

SAN MARTIN

ĆIASA DE PALSA Do 22 agn de presidënza ti surandà Pio Baldissera les ausënes dla ćiasa de palsa tles mans a Hans Pescoller. Por düć chisc agn à Pio Baldissera veramënter vit cun la ćiasa de palsa, cun sü ghesć y cun chi che i sochedî, rodan fora por i porti y les ćiamenes s’interessan de vignun, fistidian dé por dé dles gran y dles pices cosses, menan sovënz instës i amarà t’ospedal y jon bëgn a vigni sopoltöra. Le consëi d’aministraziun nü s’à abiné ai 19 d’otober meton presidënt Hans Pescoller y vizepresidënt Angel Miribung. Bele da agn vëgnel studié y portè inant n proiet por dortorè sö la ćiasa oramai deplëgn. Le fabricat de apëna 20 agn n’é nia massa pice, mo les ćiamenes é massa angostes y basses, i üsc massa strënć, les alzades nia al medemo livel y massa stighes da passè da na pert al’atra. Canche la ćiasa ê gnüda fata sö i agn otanta jôra bun assà, deache la gran pert di ghesć ne

452

n’â nia debojëgn de guern. Incö deperpo él la gran pert di ghesć che à debojëgn de guern: an mëss podëi rodè cun i scagns da rodes y sburlé incërch i leć che à les medemes mosöres de chi t’ospedal. Al é preodü che l’alzada a tera cun ćiasadafüch y salf da past cun chë pert dl fabricat restass impé, deperpo che l’atra pert gniss trata jö y fata sö danü. Al é preodü trëi unitês te trëi alzades al medemo livel cun amesaìte n zënter da coordiné i sorvisc y locai de incuntada por i ghesć. L’aministraziun nöia ne l’à nia saurida, impröma de abiné adöm le finanziamënt dl proiet dal cost de feter ot miliuns de euro da pert dla provinzia, di comuns y dla ćiasa de palsa instëssa. Por secundo, inće sce i 30 ghesć da foradecà gnarà surantuć dales ćiases de palsa de provegniënza, réstel impò le gran problem de messëi chirì por le tëmp tratan la costruziun n post o deplü posć olà sistemè i atri 50 ghesć.

SAN MARTIN

MORĆ Fonjo Verginer é nasciü ai 1.11.1920 söl lüch de Pic’ Vijo sö Frëina. Ai ê ot mituns; la uma é morta ch’ai ê ćiamò scialdi jogn. Fonjo é defata pié ia a patrun sciöche fant y insciö él rové inće ia Fones a imparè todësch. Al ê dër apascionè ales usanzes de so tëmp. Spo él pié ia a fà le zumpradù. Dl 1952 s’àl maridé cun Tile de Canal d’Antermëia che à metü al monn na möta y cater mituns. Le pice lüch ne bastâ nia da trà sö la familia y porchël él jü a laurè cun chi dai rüs pro la provinzia, olach’al é stè por tröc agn caposcuadra. Al laurâ zënza sconè fadies y cun maestria y ê conesciü sciöche Fonjo dai Rüs nia ma tla valada mo inće fora por Puster. Grana é stada la crusc che ti é tomada ados cun la mort dla fomena l’ann 1971, canche i mituns â danter 9 y 17 agn. Mo cun gran amur y fede ti él tres sté dlungia a süa familia. Na gran ligrëza àl albü cun la medaia de mirit dl Land Tirol che ti é gnüda surandada l’ann 1980 a Desproch. Al à podü se gode i agn de pensiun sön so lüch y tl’ultimo tëmp de maratia àl salpü da aprijé le bun guern. Al nes à lascè ai 14 de jenà por jì ia tl ater monn a s’incuntè cun süa fomena che ti é jüda danfora. Ch’a pois deboriada palsè tla pêsc de Dî. Adolf Unterweger é nasciü ai 15 de jügn 1924 y ê le secundo di cater mituns (Maria, Dolfo, Fonjo, Tone) dla prö-

ma fomena de Tone Cajere, che é morta canche Dolfo â trëi agn. Cun 12 agn él rové d‘isté ia Fones a patrun y da d‘altonn spo sö La Val, sö da Fino de Fornacia, n so parënt. Dailò él gnü tut sö sciöche n fi y por dui agn él ćiamò jü a La Val a scora. Dolfo à laurè y sorvì cun gran pasciun te stala y majun, ti ćiampoprà, ti bosć y da Armentara sö. Al ê na porsona de conferta y ti baiâ ion ados a jënt. Do 40 agn de sorvisc pro le medemo patrun àl ciafè a Balsan n prosc d’or de reconescënza, cun chël ch’al â na gran ligrëza y ch’al mostrâ ca dër ion. Do indöt 60 agn de sorvisc, oramai stracè jö y zënza forzes, él gnü jö te Ćiasa de palsa a San Martin olach’al é mort ai 27 de jenà do 10 agn de palsa vion contënt y en pêsc cun düć. Ch’al ciafes da Chël Bel Dî le paiamënt che ti speta a n fant bun y fedel. Siur Angel Morlang é nasciü sö Miscì a La Pli y à studié tl Vinzentinum y tl Seminar a Porsenù, olach’al é gnü consacrè prou ai 29.06.1943. Al é stè caplan a Col de Santa Lizia, a San Linert, a Lungiarü y a La Val. Tl 1951 él rové ploan a Rina y dal 1959 al 1986 él stè ploan a San Martin. Dedô ti agn de palsa àl daidé fora, tan dî ch’al é stè bun, tles ploanies da San Martin y Lungiarü. Cun i talënć che siur Angel â ciafè dal Signur, laurâl por la zelebraziun solëna dla liturgia y insignâ y incundâ la paro453

SAN MARTIN

ra de Dî cun convinziun. Al sostignî les uniuns, i cors y la musiga sacra, inviâ la comunité, tignî alalt la ćiasa de Dî y portâ inant la reforma dl conzil. Al amirâ la natöra y ti orô bun a süa patria y a süa jënt ladina ch’al renforzâ te na fede frëma cun süa ert dl depënje y dl scrì, dantadöt cun le calënder ladin. Siur Angel é mort ai 12 de forà a San Martin tla ćiasa de palsa olach’al à passè sü ultimi mëisc de maratia. Te düć sü agn da curat y de palsa à siur Angel ciafè n gran aiüt da süa cöga Ida Deiaco, che le sochedî nia mâ te calonia, mo che fajô en gröm de sorvisc inće te dlijia y incër cortina. Süa sopoltöra é gnüda tignida ai 15 de forà cun solenité. Da süa abitaziun demez él gnü acompagné te dlijia da siur ploan Iaco Willeit che à presenzié le ritus de sopoltöra y dal vësco Wilhelm Egger, da siur degan Franz Sottara y tröc ploans y proi ladins y da foradecà che à conzelebrè impara l’eucaristia. Siur 454

Angel n’ê nia mâ na gran personalité tl monn dla cultura ladina mo al ê inće conesciü y aprijé por sü raporć umans da n gröm de porsones inće di paîsc incëria. Sön so ultimo iade ne manćiâ nia la musiga y le cor de dlijia che à albü da d’ël n gran sostëgn por l’amur che siur Angel â por le musiga sacra, y insciö s’à svilupé so ultimo salüt tla ligrëza dl Magnificat ćiantè da ćiantarines y ćiantadus de döta la valada. Por portè inant la cultura ladina y por sensibilisé la jënt por chësc so proiet à siur Angel Morlang, l’ann do ch’al é rové ploan a San Martin, abiné adöm n valgönes porsones che s’interessâ de leteratöra, ert y musiga. Por oramai 50 agn (dal 1958 al 1995) é siur Angel stè a će de chësta uniun dal inom “Ert por i Ladins” y al à salpü da descedè danter i artisć dla valada na cosciënza y na vijiun nöia che à portè sü früć. Cun l’aiüt de püć colauradus y cun püć y degügn contribuć àl dè fora le calënder ladin dal 1962 al 1996 y al é jü inant sön so tru zënza s’aspetè reconescënza dai atri. Dr. Franz Vittur scrî tla Usc di Ladins n. 7/05: “Siur Angel ê spo artist dl pinel, di corusc, che tolô dala natöra y dai sentimënć dla jënt la ligrëza da dè inant ligrëza ai atri. Sü acuarei, sües pitöres y ilustraziuns é plënes de serenité. Al n’à fat di cënć y en gran pert i àl scinché ia y i à partì fora por la ligrëza de i fà ligrëza a chi che viô impara. … Al à scrit y publiché libri ladins che ê por chi agn na gran rarité y che gnô lić cun coriosité y interès. Siur Angel ê n om de dlijia y de cultura, che savô da vire dër dlungia la jënt. … So temperamënt sterch deboriada cun süa natöra fina d’artist l’à acompagné ćina ch’al é rové a 86 agn a stlü

SAN MARTIN

jö le tru de süa vita por i la dè derevers a chël Patrun, ch’al à sorvì cun fedelté por tan de agn.” – Idî inviëies so sorvidù ala festa dl past tl rëgn dl cil. Siur Franzl é nasciü ai 22.04.1943 a n’Antermëia y ê un di 8 mituns de Iarone dl Anderle y de Ida Costabiei da Ćiampëi. Da pice él chersciü sö te na gran meseria, pordon süa uma bele cun 11 agn. So travert ê bele da scolar insö chël de gnì miscionar. Insciö él rové do i agn de scora a n’Antermëia ia tl Josefsmissionshaus a Porsenù, olach’al à fat matura tl Vinzentinum l’ann 1967. Dedô àl studié dui agn filosofia a Desproch y spo teologia a Mill Hill a Londra. Tratan i agn de stüde, y gonot inće dedô, gnôl a passè les vacanzes pro süa só Ida che ê maridada a Picolin. Ai 29 de jügn dl ann 1973 él gnü consacrè prou tl dom da Porsenù dal vësco Gargitter y al pröm de messè àl dit mëssa noela a San Martin. Bele de dezëmber dl medemo ann él pié ia tles misciuns tl Borneo tla regiun de Miri, impröma tla ploania de Tatau, spo a Long Loyan y inultima indô a Tatau. Por gauja dla lege statala dl Borneo âl ciafè le permès de podëi ma sté diesc agn tla misciun. Por süa manira de vita scëmpla y de pêsc ê Siur Franzl Aiarei dër bëgnodü pro sü confredesc y pro la jënt. Por jì a ciafè sü fedei che viô te na sort de “ćiases lunges” êl gonot sön tru da n paîsc al ater cun la barca fora por

rüs y eghes, se meton gonot al prigo inće deach’al ne savô nia da nodè. Dl 1985 él indô rové a Porsenù olach’al gnô sovënz cherdè a daidé fora tles ploanies y a pordiché por les misciuns. Por cotan de agn àl inće albü sura l’aministraziun dla ćiasa miscionara a Porsenù. Dan da n valgügn mëisc él gnü perié de surantó le sorvisc da caplan tl ospedal da Porsenù, mo por süa maratia él instës defata rové dailò sciöche paziënt, olach’al é mort dô 17 dis zënza s’la baudié o ti orëi ester de pëis a zacai, dagnora bel valënt y davert por i bojëgns di atri. Na bela reconëscenza por so sorvisc tl rëgn de Dî é stada la gran partezipaziun a süa sopoltöra a San Martin pro chëra che tröpa jënt, miscionars y proi à acompagné siur Franzl sön so iade ia tl ater monn. N bel dilan dala Ćiasa di Miscionars da Porsenù, dai fredesc, dales sorus y dai parënć a düć chi che ti à dè so salüt y che s’al recorda inant tla oraziun. Albert Trebo é nasciü ai 22 de setëmber 1925 y ê le secundo di dui mituns dl ostì dl Tasser, de Iaco Trebo y Maria Dasser. Tl tëmp cört de ot mëisc à trami i mituns, Sciandro cun trëdesc y Albert cun ot agn, pordü pere y uma, y insciö esi romagnüs susc cun mëda Nina, che ê na só de süa uma. Ai l’â albüda dër ria da trà inant le lüch y l’ostaria cun n gröm de debić. Nia ma Sciandro â messü jì cin agn te vera, mo inće Albert ê gnü cherdè ite por dui agn. 455

SAN MARTIN

Albert â na gran ligrëza cun la campagna y cun i tiers. Al jô do sü trus y laurâ cun ligrëza y pasciun. Al ê dër tachè ala familia y dantadöt ai mituns de so fre Sciandro. Albert à dagnora albü na gran pasciun por les ćiampanes y ê dagnora arjigné da daidé sonè. Do cotan de mëisc de maratia soportada cun rassegnaziun él mort ai 22 de merz 2005. Insciö àres inće sonè dër da festa le dé de süa sopoltöra, l’acompagnan sön so tru ia tl ater monn olach’al ne sarà nia plü soferënza, no mort y no legremes. Angel Ploner é nasciü ai 25 de merz 1925 sciöche secundo de trëi mituns y na möta dla familia de Andrè y Carolina Ploner sön le lüch dl Grata sön Costa a La Val. Do la scora elementara àl laurè impröma a ćiasa y é tosc pié ia a patrun sciöche pice fant y dedô gran fant sön deplü lüsc a La Val (Somaela, Jan y Ćiasper sön Costa) ćina ch’al à metü man la vera. Al é gnü cherdè ite sciöche soldà sot ai todësc y à passè deplü tëmp a Edolo dlungia Brescia. Do ch’al è gnü dala vera àl metü man da laurè ite le pice lüch de Nitlà a Pespach de süa mëda Purgl Ploner, restada vëdua, ch’al à spo arpè. Dailò àl laurè sön la picia crüzena da n valgügn tiers ćina 71 agn, canch’al è rové por maratia tla Ćiasa de palsa. Dailò àl passè sü ultimi nü agn de vita tl chît y scialdi cun la buna löna, olache al é mort ai 27 de setëmber. Al palses tla pêsc! 456

Siur Bertrand (Josef) Vollmann é nasciü ai 8 d’aurì 1921 tla ćiasa de Paul de Pire a Picolin. Al ê n möt de Franz Vollmann da La Plì y de Maria Gasser da San Martin Todësch che s’à maridé a Picolin y che é stè dailò dal 1918 al 1924 diretur dl ofize dla posta. Franz Vollmann ê un di pröms che ê gnü cherdè te vera y é gnü ferì ai 08.09.1914. Por trëi diss él restè zënza aiüt ćina ch’al é gnü ciafè da n ladin ai 12.09.1914. Al é gnü condüt te n lazaret a Viena. Sciöche invalid àl imparè le mistier da diretur dla posta. Do ch’al ê stè a sorvisc te deplü posć te Südtirol él rové ti pröms mëisc dl 1918 a Picolin. Dailò s’al maridé le dé de Santa Catarina tla dlijia de Sant Antone. Le möt Josef, che ê jü cun 17 agn pro i Agostinans da Neustift, é gnü consacrè prou l’ann 1946 y à dit a San Martin süa secunda mëssa noela. Al é stè caplan te deplü ploanies ćina ch’al é gnü ploan a Oberwielenbach, spo por 20 agn a Chiens y inultima por 17 agn a San Sigmund. Al ê n gran veneradù de santa Maria. Da prou àl studié inant a Roma stlujon jö cun le dotorat de mariologia. Dal 1950 inant, por 52 agn alalungia, àl dè fora cun l’aiüt de süa só Paula le “Lieb–Frauenbote”, portan la veneraziun de santa Maria te tröpes families. Pro döta süa soferënza ti ultimi agn, ne lasciâl nia fora la zelebraziun dl’eucaristia che ê la fondamënta de süa veneraziun por la Uma de Dî. Siur Bertrand é mort ai 8 de jenà a Porsenù. “Vergelt’s Gott” durch Maria – insciö stal scrit sön süa santa da mort.

RINA

RINA • Walter Castlunger

Öna dles ćiases plü vedles dl paîsc da Rina é la vedla ostaria da Janesc. Fata sö tl 18ejim secul, éra stada ostaria fina lánn 1968. Lánn 1923 à l‘ostaria, adöm ala dlijia, calonia y la botëga dÀngele, ciafé l´strom da Lungega sö. Tla gran majun dlungia ostaria él na chidlara de lëgn, un di püć passatomp da laôta. Ti ultimi agn é la ćiasa gnöda renovada daite fora y é abitada da Detto Gasser y söa familia.

457

RINA

Marion Doris

Lisa

Movimont dla popolaziun Ai 31 de dezëmber dl 2005 cumpëda le paîsc da Rina 483 abitanć, 2 deplü co dan da n ann. Nasciüs: Tl ann 2005 él nasciü: ai 9 de forà Marion Doris de Wilma y Harald Huber (Hones), ai 8 de mà Tatjana de Margot y Othmar Gasser (Grones) y ai 16 de messé Lisa de Irma y Hermann Gasser (Pescosta). Tatjana

458

RINA

Paolo y Sabine.

Maridà : Paolo Frenes à maridé Sabine Kostner (Bula) Othmar Untergassmair à maridé Evi Zingerle (Corvara) Ingrid Craffonara à maridé Manfred Irsara (Badia) Helga Ferdigg à maridé Iaco Granruaz (Badia)

459

RINA

Morć Giovanni Pedevilla

„Nani“ é nasciü sciöche möt plü vedl söl lüch de Fritz a Rina. Bele da pice àl messü fà l´famëi sön les pastöres de vijinanza. La meseria ê grana, gonot messâl s´acontenté de na pücia sećia y n pü‘ de lat por döt le dé. Inće söl lüch dër ërt messâl daidé porté ite le fëgn y la blâ con la cracia. Por plü agn àl inće daidé le famëi sön la munt de Trei Sasc. Inće pro i vijins jêl ion a daidé fora. Dô la mort di familiars che ê a ćiasa, él resté da su. Plü tert àl ciafé n daćiasa ite Gherjenara, olache al fajê de vigne sort de scüfs. Te söa semplizité y particolarité êl azeté da düć canć. Dô cörta maratia él roé te Ćiasa de Palsa a San Martin, olache al é passé a miù vita ai 27.01.2005. Teresa Ferdigg nasc.Craffonara Nasciöda y corsciöda sö tla gran familia da Rié, è mëda Teresa stada na porsona sciompla, da n gran bun cör, che à lauré der tröp y daidâ düć chi che â debojügn. Da amiré é so gran amur por la natöra, ailó se stêra saurì: te urt, te ćiamp, te bo460

sch y sön munt de Pré Rié. Gonot àra patì gran meseria, mo con bona man àra dagnora lauré y fistidié por le bëgn de söa familia. Da jona éra stada fancela sö dal Kostner y spo ara dagnora daidé fora sü fredesc y söes sorus, che ê bele maridà y â tröc mituns. Por 2 agn alalungia àra sochedì la uma da Costalungia, do che al ti â dé le bòt. Tla gran fede y tl perié ciafâra forza y ligrëza. Passada a miù vita ai 4 de jügn 2005, làscera zoruch tl dolur so om Iarone y 5 mituns. Paul Castlunger

Nasciü y corsciü sö söl lüch dl Surt, sciöche 6. de ot mituns. Do la scora elementara a Rina él roé fora n Puster (dal Eichholzer a San Laronz) a emparé todësch. D´isté podêl jì te munt sura Corvara a sochedì le famëi. Da jonn àl fat deplü laûrs, danter chisc moradù y zumpradù, raprejentant de draps pro la botëga dl Jobsteibizer a Bornech. Spo àl surantut le lüch dl Surt y l‘à laoré por tröc agn. Paul ne s’à nia maridé y al à vit pro söes 2 sorus. Al ê na porsona dla bona löna y al â dër ligrëza coi tiers. Por tröc agn él inće sté mëmber atif di stödafüs dl paîsc. Al é mort ai 22 d´agost dl 2005. Angelo Vigg Angelo Vigg é nasciü y corsciü sö jö Prestì. Al é l´6. de 10 mituns. A scora él jü a Rina, por deplü agn àl albü desche maester Ludwig Gasser da Janesc.

RINA

Da jonn él jü ia Naz a fà fant de stala, spo él roé fora Pescosta a daidé. Famëi de munt àl fat te deplü posć: ite n La Büja (Fodom), sön Plan Vestì (San Ćiascian), Sön Munt da Pré y sön Munt dl Astner (Onies). Por deplü agn àl spo fat ojeradù ite n Corjel y spo ite n Rü de Sot. Angelo ê na porsona sciompla, sácontentâ con püch, â dagnora la bona löna. I tiers ê söa gran ligreza. Al é mort te na desgrazia ai 7 de setëmber 2005. Marta Mellauner nasc. Pedevilla Ai 28 de dezëmber nes à lascé fora dén sarënch Marta Pedevilla. Dan 66 éra nasciöda tla ostaria dl Cargà, sciöchúltima de 6 mituns. Da jona àra laoré dër tröp a ćiasa y valgönes saisons te ostaries foradecà. Con 23 agn àra maridé Lois Mellauner dl Cöstner y al é nasciü 5 mituns. Söa vita àra laoré te ćiasa y à fistidié da bona uma por söa familia. Ara ê conesciöda por na porsona de pêsc y dla bona löna. Tl dolur làscera indô sü familiars, l´fre Zelestin y la só Alma.

Scolina 8 mituns pò jì vigne dé ala scolina. La maestra Ties Verena dÁl Plan adöm con lássistënta Elisabeth Rubatscher d´La Val sa dër da motivé chisc pici da fà de vigne sort de bel patüc.Te n pice paîsc desche Rina é na istituziun sciöche la scolina de gran importanza, él pö les poscibilitês por chisc pici mituns da se incunté y da sozialisé plütosc limitades. Porchël él da sáodé che la scolina vëgnes tignida inant, y che i competënć se dais da fà por che cösc sides meso. I mituns che vëgn do ca é plütosc püć, mo al foss dër dër sciode sce al gness a manćé cösta picia istituziun. Mo intant ti sal a düć dër bel, ai se divertesc y se conforta vigne dé da podëi jì y sté adöm con sü compagns. Lánn é spo implì fora de n gröm de te pices fe-

CHE AI PALSES TLA PÊSC DE CHËL BEL DIE! 461

RINA

stes y ligrëzes, ponsun por ejëmpl a San Martin, San Micorà, Nadé, Carlascé, le dé dla natöra y i.i. . Cöga Elke viziëia nüsc pici bele da tröc agn con n bun mangé lisier y sann. “Aspeté anse bëgn die, mo spo encër les döes él bëgn gnü. Al â n te bel guant de lüch cöce y na te gran berba blanćia, la ciüria da vësco y n te bel liber gros d´or y na te bela maza. Vignun de nos àl cherdé ia da ël. Al sa pa döt. Inće les maestres Verena y Elisabeth y la cöga Elke àl cherdé ia. Nos s´àn pa feter proé da ćianté bel y da ti dì sö na rima. San Micorà n´à nia podü sté die, deache al messâ ćiamó jì a ciafé n gröm de mituns. Tan sciode che Emma é püra, mo San Micorà à pa ben empormetü da jì sö ćiasa ala ciafé” (fora dla cronaca de scolina). 462

Scora elementara 16 scolari frecuentëia la scora elementara: 5 te pröma, 4 te terza, 4 te cuarta y 3 te cuinta tlassa. L´ann 2005 é sté n ann der atif y plëgn de manifestaziuns y proieć interessanć: de forà él gnü organisé le dé dla nëi sön Fanes. Roberto Pallestrong é gnü a se insigné da lauré con arjila y i àn fat n bel laûr por la festa dla uma. Lois Kastlunger s´à insigné de vigne sort de jüć y de pici bai popolars. Inće cösc s´à salpü dër bel. La cossa dessigü plü emozionanta por düć, ànse podü vire dai 23 ai 27 de mà. Döta la scora adöm con les maestres à podü jì a Lignano a tó pert al “progetto natura-scuola”. Danmisdé fajênse tröp sport desche nodé, volley-ball, tennis y de vigne sort de jüć. Domisdé spo gnêl organisé escursciuns y leziuns. Al s´à

RINA

Sön Fanes.

de San Martin con les linternes y dedô ćiastagnada. Dër interessant él inće sté canche l´jonn Max Castlunger da San Martin é gnü a se ciafé, a se mostré düć sü strumonć da percusciun, y a se insigné da soné. Do plü dis de proes àn spo podü fà aldì en ocajiun dla festa da Nadé ći che Max é ste bun da se insigné. Ploania:

salpü dër bel a düć y i àn emparé dër tröp. D´altonn sunse spo jüs sö dai Vìs a praté liagnes, spo ânse fat la bela festa

I laûrs pro la dlijia é jüs inant dër bun. La firma Decor dla Val à albü n gran laûr da crazé y sbujé jö le corù che se scrostâ jö. Dötes les falzades deforaìa y le ćiampanin é gnüs deponć da nü con corusc fins y lisiers. Inće les pitöres söl ćiampanin é gnödes restaurades con 463

RINA

l´aiüt de Hans Pescoller. La capela di morć é inće der garatada y le monumont ai tomà te vera à inće ciafé so post. La pitöra te capela é gnöda realisada dal’artista dl post Roberta Sottara. Dlungia la pitöra pon lì le pinsier : “ Tò cör à sëgn aldì che usc dijon che i ne sun nia susc tla vita y do la mort”, tut fora dla rima “Ala Santa Crusc” de Siur Iaco Ploner. Sëgn saràl ćiamó da fà n te pice laûr sö da alté y por dezëmber dl 2006 gnaràl finalmonter l´orghe nü. Le consëi de cöra é inće gnü lité da nü. Presidënt é indô Giovanni Craffonara de Joche, vize Gertrud Ellecosta. Al fej ćiamó pert dl consëi: Pallestrong Klaus, Sottsas Sieglinde, Sottsas Petra, 464

La pitöra tla capela di morć.

RINA

Moling Valeria, Rungger Maria, Craffonara Maria y Ellecosta Rosa. Col pröm de setëmber él sté bindebò de cambiamont por ći che reverda i curać te nostes cöres. Siur Paul Campei é gnü cherdé a surantó 3 cöres (San Martin, Longiarü y Antermëia), do che Siur Iaco Willeit é gnü trasferì ite Leifers. Siur Paul é sté a Rina por bëgn 12 agn. Fina al ann 1997 êl Siur Luije, curat en pensiun, che daidâ fora gonot. Mo do che al é roé ite n ćiasa de palsa, é la calonia restada öta, é pö Siur Paul aćiasé ite Antermëia. En domënia, ai 21 d´agost à la comunité fat na bela picia festa de comié a Siur Paul, abelida dai cors dl paîsc, dla musiga y dales atres uniuns. Siur Paul à

tla bela y sontida pordica te dlijia ćiaré zoruch a chisc 12 agn, à ringrazié düć i laics che à daidé te chisc agn y à slüt jö con les parores “ I ti aodi ala jont da Rina costanza tla vita relgioja, solidarieté y disponibilité tla vita soziala y la

Siur Paul en ocajiun dla festa di 100 agn de Sr. Agatha da Börz l´ann 2003.

465

RINA

Siur Iaco Ploner, bele curat sö La Val, é indô spo gnü a Rina, olache al é bele sté dal ann 1987 al 1993. Dal 93 al 95 él sté a Sinich dlungia Maran, dal 95 al 97 ite n Val d´Ega, y dal 1997 inant spo sö La Val. La manćianza de proi porta pro che plü paîsc mëss si partì y insciö mëss sëgn La Val se partì le curat con Rina. En sabeda, ai 28 d´agost él gnü spo tut ite ofizialmonter Siur Iaco acompagné da Siur degan Franz Sottara. Pröma comeniun:

benedisciun de Die sön döt le paîsc.” A Siur Paul ćiamó n dër bel dilan da döta la comunité.

I mituns dla pröma comeniun.

466

Ai 8 de mà, dé dla festa dla uma, à döta la comunité fat festa ai 4 mituns che à podü pié do por le pröm iade cösc sacramont. Al é na festa dër sontida te paîsc, olache düć fej para con ligrëza y devoziun.

RINA

La “ nonna “ à complì 100 agn Ai 20 de novëmber à mëda Maria da Janesc arjunt la straordinara eté de 100 agn. Promberger (Pastori) Maria é nasciüda a Tornarecia da berba Iaco y mëda Nane. Ara é la plü vedla de sis mituns: cater de chisc é bele morć atira do che ai é nasciüs y ensciö éra corsciöda sö con so fre Paul. Dai 6 ai 13 agn éra jöda a scora a Rina, l´ultimo ann de scora àra spo fat a San Laronz por emparé todësch. Propi cösc ann, l´1919, él mort so pere. Maria à roé l´ann de scora, spo àra messü gnì a ćiasa a daidé söa uma y so fre söl lüch da paur. Maria s´à dagnora dejidré da stüdié ennant por fa la efom, mo ara n‘â nia i mesi. So tot Lois da Grones l´à daida-

da spo con scioldi y con 25 agn àra spo podü jì inant con sü studi. Deache ara ne savê oramai degun talian, àra tut por 6 mënsc alalungia leziuns privates da na maestra taliana che insignâ a Rina, y insciö éra gnüda tuta sö tla gran scora a Padoa. Do 3 agn, dal 1934, àra spo fat léjam da efom y so pröm laûr é sté tla Val Rovina, dlungia Bassano del Grappa. Ai 1. de jügn dl 1936 àra spo ciafé por 3 agn l´laûr tl comun de Mareo. Tosc àra conesciü Iarone da Ianesc y s´à maridé ai 27 dáorì dl 1937. Ara à trat sö na gran familia: 5 mitans y 2 mituns. Lánn 1940 él gnü scrit fora n concurs tl Comun da San Martin, y cösc àra davagné. Döta la familia é spo jöda a vire a Picolin, dal 1940 al 1950. Lánn 1950 à Iarone arpé le lüch da Ianesc y con les 3 mitans plü

La nonna y sü mituns.

467

RINA

Maria da Ianesc à daidé gnì al monn danter 1.100 – 1.200 viadus: Paula Promberger da Tornarecia é stada la pröma (7.7.34) y Richard Ferdigg dl Mone l´ultim (7.6.69). Mëda Maria é sëgn bele 26 agn vedoa y vir con bona sanité te söa ćiasa pro söa fia Milia. Döt l bun da döta la popolaziun dl paîsc! Noza d´or

La nonna y söa nea Ingrid.

granes él indó gnü a Rina. Le raiun de laûr de Maria ê San Martin, Antermëia y inće Rina. Gonot gnêra inće cherdada a La Plì y a Al Plan, deache tröpes umes â plü ion na efom conesciüda y che baiâ so lingaz (a Al Plan êl na efom taliana). Mëda Maria jê laôta feter dagnora a pé, püć iadi col auto, un n iade col motor y n iade a ćiaval sö Alfarëi sura Antermëia. I iadi plü lunć ê da San Martin fina fora Ćiaseles (La Plì) , dínvern do strada fora, dísté fora por Plaies. Lánn 1961 à Maria podü jì en pensiun y con le rest dla familia éra inće éra gnöda zoruch a Rina. 468

Ai 2 de messé dl 1955, à Ferdigg Florino maridé Angela Huber de Moz. Y sëgn, do bëgn 50 agn de matrimone, à i iubilars podü fà festa adöm con sü 9 mituns, 13 nus y tröc parënć. Florino, nasciü dl 1926, é bele jü da jonn ia n Funes a imparé da fà le sartù. L´ann 1953, do la mort de so pere Carlo, àl spo tut sö le laûr da mone che al fej ćiamó dötaurela con ligrëza y scerieté. Fina al 1970 ne ciafâ le mone degun paiamont: ma le cuartier, la picia grüzena por na vaćia da lauré ite y l´orde ch‘ al â la rejun da trà ite dai paurs: ca. 200 chili al ann. Dl 1970 àl spo ciafé so pröm paiamont: 3.000 lires pro familia. Te chisc 52 agn de laûr da mone à Florino sochedì bëgn 5 ploans: Siur Angel Morlang, Siur Alvije Comploj, Siur Delazer Franz, Siur Iaco Ploner, Siur Paul Campei y sëgn indô Siur Iaco Ploner. Florino y Angela fistidiëia con gran savëi che la dlijia sides dagnora nëta y la cortina bun tignida. Da döta la popolaziun n fort dilan y ćiamó tröc agn de sanité y de vita deboriada.

RINA

469

RINA

Klaus Sottsas, studënt tl Seminar a Porsenù Klaus da Pecei, n jonn de nosc paîsc, é jü d altonn dl 2002 tl Seminar a Porsenù a stüdié. Sëgn él bele al cuarto ann y al ti sa der bel. Le mëteman é sté por Klaus dër impegnatif, deache al messâ se trà do i stüdi dla matura. Al é jü der tröp a Desproch a cursc de valgönes materies che al adorâ por podëi fà teologia. Klaus s´à der proé y dl 2004 àl roé i ejams fora Desproch. Le stüde de teologia döra 5 agn: i pröms dui ti vëgnel dé n gran pëis ala filosofia, i atri 3 agn ala teologia. Le sest ann é lánn pastoral sön val‘ ploania. Tl seminar a Porsenù él atualmonter dui teologs ladins, trëi taliagn, n rumenn y cin´todësc. Klaus gnarà (sce chel Bel Die ó ) consacré diaconn dl 2007 y prou dl 2008. Lúltima mëssa noela a Rina é stada chera de Pater Markus Ferdigg lánn 1949.

Volontariat Le jonn Ulrich Craffonara de Joche, de profesciun geometer, à tut la dezijiun da jì tl Africa a fà valgügn mënsc de volontariat. Al à aldì che te n paîsc jö tl Camerun (Africa Zentrala) gnêl chirì n geometer. Ai 6 de novëmber él spo pié ia se tolon do düć sü aparać. Le paîsc olache Ulrich é roé à inom Fontem, al é tla foresta. Dala cité söl mer Douala él zirca n dé de iade col auto, inće porćiodì che les strades é dër en malester y an röa plan inant. Te cösc paîsc vìrel la picia tribù di « Bongwa »,che manacia da morì fora, deache la mortalité di pici mituns é dër alta (90%). Le re de cösta tribu à damené al vësco de Buea do aiüt y ensciö àn metü man bele ti agn 70 da daidé cösta popolaziun. Suradöt n gröm de jogn da deplü perts d´Europa s´à tut a cör cösta tribù y se dà da fà por i daidé. Te chisc agn él gnü realisé deplü infra-

Klaus adöm a sü amisc teologs y valgügn professurs.

470

RINA

strotöres, desche n spitol, n berch dla löm, condütes dal‘ega, na scora. Sëgn él debojügn da mëte a post chisc frabicać, da moseré fora, da realisé na sort de cherta dl cataster. Cösc é y sarà ti proscimi mënsc le laûr impegnatif de Ulrich. Te chisc posc él na gran meseria, la jont vir gonot te situaziuns nia da crëie, mo öna na cossa dër fondamentala –dij Ulrich – che nos n‘àn nia plü y ëi bëgn, é le tomp. Laûrs publics I laûrs publics plü importanć che é gnü fać ia por l´ann: plü toć de strada é gnüs asfaltà da nü, la strada da Prestì é gnöda dorterada sö, la plaza dai auti sö Janesc é gnöda arjignada y le mür fat sö da nü, i laûrs pro la strada danter dlijia y ota dl Majira é gnüs portà a fin. Al é inće gnü fat n marciapé, bel bas, che al pó inće gnì nüzé desche lerch da

parché auti canche al é debojügn. I problems de töme y ega tl local dla musiga é inće gnüs sistemà. Deplü banć é gnüs metüs dlungia chi trus, ćinamai sön Col dal Lé. Ai pröms de mà él sté le lites de comun: por Rina él roé ite Winkler Fonjo con 198 usc, Ferdigg Florino con 152 usc y Craffonara Florian con 125 usc. Fonjo de Sciomun é inće roé te Junta con cöstes competënzes: interèsc dla fraziun da Rina, sconanza dl ambiont, racoiüda y asport dl ciomont, refeziun de scora y sport. En domënia, ai 20 de novëmber, él sté tl salf dles manifestaziuns na incuntada col assessur Dr. Mussner Florian por ascuté sö valgönes informaziuns por ći che reverda la strada Lungega – Rina. L´assessur à impormetü che al gnarà finalmonter metü man con le dorteré y deslarié la strada, tl 2006 l´pröm toch danter punt da Rina y Val Scöra.

Che al é debojügn da deslarié la strada da Rina él da odëi sön cösta foto. De gran auti se stonta dassënn, al n´é ćinamai de chi che ne röa nia plü inant.

471

RINA

Frabiché Sottrovich Albert da Plà à fat sö na na ćiasa nöa a pert de sorëdl dlungia la ćiasa vedla che gnarà spo trata jö. I fredesc Gasser Andreas y Sonia à frabiché fora tla vila da Tintal.

Ai pröms de setëmber, canche l’ultimo scior â lascé le paîsc, àl metü man da spizoré i funguns, tan tröc, desche an ne se recordà bele da tröc agn nia plü. Por döes edemes alalungia s´à descedé te tröc che veia da jì te bosch a cheie y spo sećé, mete sot öre y dlacé ite chisc früć dla natöra tan chirîs.

Ćiasa nöa ite Plà. Les granüjeres à fat de pici danns.

Ćiasa nöa a Tintal.

Paurs y natöra Por i paurs él sté n ann con püch fëgn, ćiamó demanco artigö. L´aisciöda é stada plütosc assöta, do le sié fëgn àl inće ploü massa püch por fà crësce n bel artigö. Ai 3 de setëmber domisdé àl dé ca na graniada demorvëia. Granüjeres granes desche chersces tomâ dal cil con bindebò de crabal fajon de pici danns ai urć y ai ciöfs. 472

N bel fungun.

Fonjo y söes bisces Fonjo de Sciomun à bele da tröc agn na gran pasciun da zidlé bisces blanćes da munt (Tiroler Bergschaf). Pro la mostra di zidladusc de bisces dla Val de Pu-

RINA

ster stada sö Toblach é na söa biscia de 2 agn adöm con i sü 3 agnì gnöda premiada desche la plü bela de dötes. (sön ca. 300 tiers). Na gran sodisfaziun por le zidladù. Por roé a avëi de te bi tiers ól sambëgn ester ligrëza, esperionza y bindebò de laûr. Les comisciuns che valutëia les bisces é metödes adöm da esperć dl setur che confrontëia la forma y la linea dl spiné dl tier, la müsa, la forma di pîsc, la cualité dla lana, le portamont dl tier y sambëgn inće la descendonza. Festa de 15 agn „Cor Mons Elina“ Storia dl cor Bele l´ann 1983 s´à metü adöm n grup de mitans che ćiantà der bel te dlijia pro nozes y conzerć te paîsc y inće foradecà. L´ann 1990 él spo gnü metü sö ufizialmonter le „Cor Mons Elina“ (Aelina Mons = Rina) por gran mirit de Werner

Rungger, che à inće albü la direziun dl cor fina lánn 1999. Defata él inće gnü tut sö jogn y ensciö él deventé n cor moscedé. Le cor à intres desmostré gran interèsc por la musiga dátres cultures: Gospels y Spirituals, ćianties spagnoles, rumenes, israelianes y inglejes. Lánn 1992 él ste Werner Rungger y Angelina Craffonara che à componü na bela mëssa ladina « Tö sas dé cösta tera”- parores y mujiga por usc d´ëres, chitara y percusciuns. Lánn 1995 à lćor Mons Elina registré la CD « O happy day » cun Spirituals y Gospels (Spiritual é le cianté religius dla popolaziun de corù che viê tl America dl Nord tles condiziuns de stlavité: früt dla fujiun dla religiun cristiana con la cultura africana. Gospel –vangele- é nasciü dal Spiritual ti agn tronta. L´Gospel é arichì da strumonć a percusciun). Les 12 ćianties dla CD é gnödes tutes sö dal vì tl conzert porté dant sön Badia ai 12 de merz dl 1995. Te cösc conzert unich à lćor albü l’ onur da ćianté adöm con i 2 ćiantadus professionisć americans Frank Castellano y Eddie Hawkins. Tl 1997 à le cor tut pert a n concurs a Rorëi y spo s’àl cualifiché por les finales a Roma. Cösta é sigü stada na bela esperionza y na gran sodisfaziun por düć i membri. Te chisc 15 agn à lĆor Mons Elina podü fà aldì söes beles usc te n gröm de posc, nia ma tla Val Badia, mo inće te paîsc foresc. Dal 1999 à Werner por motifs de laûr surandé le laûr da dirighënt a söa só Ruth. Al dédaincö cumpëda le cor 20 componënć. La festa di 15 agn de ativité à le Cor Mons Elina festejé en sabeda y domënia, ai 1. y ai 2 de otober. La sabeda él 473

RINA

gnü metü a jì n conzert te dlijia da Rina deboriada col Cor Kerygma de Badia, che à plajü der tröp. Le cor Mons Elina à porté dant ćianties che é gnödes imparades ite te chisc 15 agn. Le conzert é gnü slüt jö con n gospel ćianté da trami i cors. La domënia à spo le cor ćianté la gran mëssa. Al é inće gnü invié ćiantadus da n iade, che à daidé ćianté de plü toć. Dedô él gnü tignì na picia festa tl gran salf de scora. Sön 20 ćiantadùs n´él gnü

Da 15 agn incà pro le Cor Mons Elina.

474

RINA

onoré 5, por avëi 15 agn de ativité pro le cor da mostré sö. Onoré él inće gnü le fondadù dl cor, Werner Rungger. Al é sté por düć dër na bela festa , cösc fej sambëgn inće crësce la ligrëza dl ćianté y dl jì inant. 30 agn Cor di ëi „Cor Col dla Vedla“ Le Cor Col dla Vedla é gnü metü sö ai 22 de messé dl 1975. Te düć chisc agn é lćor gnü arvenü dala bachëta de Huber Lois de Hones. Presidënć te chis 30 agn é stà: por 15 agn Rungger Ludwig, por 9 agn Pepi Huber y dal ann 1999 Rungger Pire. Lr Cor Col dla Vedla é conesciü lunć y lerch por so bel ćianté, plü iadi él sté da odëi tla televijiun (inće tl Sonntagskonzert söl ZDF) . Na tradiziun é ormai gnöda la bela festa « Ćianté sön munt » che vëgn tignida sön Munt da Rina vigne 3 agn. 6 iadi éra bele gnüda organisada, tl 2006 saràl bonamonter la 7. encuntada. Cösc ann à le cor emparé na Messa nöa che é gnöda ćiantada le pröm iade en S. Maria dai Ciöf. Dartan lánn é le cor roé adöm 40 iadi, en ocajiun de proes, festes de dlijia y dátres ocajiuns. Dádvënt é le cor Col dla Vedla sté da aldì tla dlijia de S.Antone a Garmisch Partenkirchen. Lánn 2005 é sté n ann particolarmonter impegnatif olache i ćiantadus à fat para con ligrëza y lezitonza. Atualmonter cumpëda le cor 18 mëmbri. Musiga Tl 2005 él gnü pormez bëgn 9 musicontri jogn. Do plü agn de scora de

Cor di ëi „Cor Col dla Vedla“.

musiga ési gnüs tuć sö con gran plajëi. Na bela cossa por la musiga da Rina, podëi tó sö 9 musicontri nüs, n sëgn che l‘uniun florësc y che i surastanć laora bun y é bugn da descedé la ligrëza por la musiga. Endöt cumpeda sëgn la Musiga da Rina bëgn 53 musicontri y musicontres (11) y lété mesana é de 22 agn: an pò dì che al é na musiga der jona. Látivité ia por lánn é stada der rica, con tröpes proes (35) y deplü concerć (12) te paîsc y foradecà. Ai pröm de jené é la musiga da Rina jöda por le terzo iade a Lavagna, na localité tla Liguria, dlungia Genova. Le iade é sté dër bel, an à vijité lácuarium a Genova, citês famojes desche Portofino, Rapallo y Chiavari. Da sera à spo la musiga abelì 475

RINA

9 musicontri nüs.

la Santa Mëssa a Lavagna y dedô tignì n conzert tl Auditorim San Francesco a Chiavari. Ai 6 de jené (Santa Bogna) él spo gnü fat na defilada fora por les strades dla cité deboriada con la musiga de Lavagna. Sön plaza de Comun s´à spo inće lascé aldì i Cor da Munt da Rina, olache düć é gnüs salüdà dal Umbolt, che conësc inće personalmonter der bun nosc paîsc. Cösc iade é sté por düć indô na beliscima esperionza y al ne sarà sigü nia l´ultim iade. Ala fin de jügn, en ocajiun dla festa di patrons dla dlijia San Pire y San

La musiga da Rina por le terzo iade a Lavagna (Liguria).

476

Paul, à la musiga organisé la segra de paîsc. La festa à metü man con na Santa Mëssa alaleria abelida dai sonns fins di strumonć a fle con melodies der conesciödes dla “Deutsche Messe”. Dedô é spo la festa jöda inant con intratenimonć musicai, bal y jüć. Da recordé él inće le bel conzert dádvënt che é gnü tignì adöm ai cors de paîsc, conzert der garaté, a chël che la musiga à tut pert con deplü toć nüs. Consëi de formaziun Látivité dl Consëi de formaziun à indô florì. An à ćiaré da ti pité ala jont dl paîsc y sambëgn inće a chi foradecà de vigni sort de cursc y referać. Siur Iaco Ploner, ledotur Marco Pizzinini, l‘architet Marcello De Biasi, Siur Tone Fiung àn albü lónur da ascuté sö. Spo él gnü organisé n curs da cujiné jö dl Cargà coi coghi Emma y Albin, dáisciöda él gnü tignì la secunda pert (pratica) da lauré te bosch, spo n curs de ginastica y n curs da deponje sön peza por mituns.

RINA

I plomac é garatà.

Corp di stödafüch Por l´ uniun di stödafüs él indô sté n bun ann, n ann con püc intervenć. Mo porchël mëss na uniun de socurs desche chëra di stödafüs impó ester arjignada ca, jont y injins, 365 dis al ann, 24 ores sön 24. Les proes é porchël dër importantes. La partezipaziun ales proes d´aisciöda y d´altonn é stada dër bona.Tröc membri à sciafié da tó pert a dötes les proes con con- Florino y sü colauradusc. 477

RINA

zentraziun y vëia da mioré. L´ 2005 é indô sté n ann de lites: confermé él gnü le comandant Ferdigg Florino y le vize Pedevilla Albin. Tl comité é ćiamó gnüs lità: Ferdigg Angelo. Ferdigg Lois y Sottrovich Bruno. 2 membri à dé joramont y é gnüs tuć sö tla uniun di stödafüs: Sottsas Martin y Craffonara Alex. Sport-Jüch al palé Dal 1981 inant tol Rina pert ai campionać organisà dala “Federaziun taliana jüch al palé”. Te chisc 25 agn éra por la scuadra da Rina tres jöda sö pert. 5 agn alalungia à Rina soghé te 3. categoria, dedô 9 agn te 2. categoria denant che fà le salt tla pröma. Ti ultimi 10 agn à la scuadra de “Col dla Vedla” soghé te pröma categoria, à combatü

Memorial Giovanni Graffonara - la premiaziun.

478

cuntra de gran scuadres dla provinzia, desche Neugries, Sarnthein, Mühlbach, San Jöre, San Sciomun, Ridnaun, Tlüses y tantes dátres. Bel plan él da sáspeté che ara se cambiass. Sogadus jogn che vëgn do ca, vëgn tres a manco y porchël él por na uniun trés plü rie da fà na bona scuadra. Rina é lúltimo ann, inće con tröpa desfortüna, indô tomada zoruch tl secunda categoria. Al ti é insciö gnü fat post a valgügn sogadus dër jogn. Rina à indô en iade cambié alenadù. Pedevilla Karlheinz lascia sò paîsc, por alené lÀlta Badia, post olache al fej inće so laur da postin. So cogné Costisella Richard alenëia sëgn la scuadra da Rina. Te düć chisc 25 agn à Rina albü der püć alenadûs, vignun s´à ciafé dër bun. Lóbietif dla uniun é da tignì na scuadra dl palé tan die che al é meso tl pice paîsc

RINA

da Rina. Porchël proa Rina inće vigne ann da mëte adöm na scuadra di pici, che se combat valgamia bun. Tl dagnì gnaràl inće fat valgügn laûrs de resanamont ala strotöra sportiva a Rina. Tl ultimo isté à l´Uniun Sport Rina indô metü a jì l´turnier dl palé “Memorial Giovanni Craffonara” söl ćiamp a Rina, danter les 5 scuadres dla valada. Le trofê é resté cösc iade te ćiasa. Ala fin dl ultimo ann, à l´uniun dl sport organisé n iade a Verona, a odëi la partida de campionat talian Chievo Verona cuntra le Milan. Al ti à salpü a düć der bel, empü manco ai gran amisc dl Milan.

Iagri Tla ćiacia da Rina, con 1782 ha, la mendra dla valada, él 20 iagri. 9 abitëia tl paîsc y 11 foradecà, da Milan fina Regensburg. Sciöche vignánn mët man la ćiacia con la proa da slopeté, che mët man da porté sü früć: der püc iadi él gnü toché mal n salverjin. Al é inće na bona ocajiun da sábiné düć canć a s‘la cunté, s‘la rì y passé n bel domisdé dáurela cörta sön munt tla bela ücia. Da slopeté da lunć à toché le miù: Tasser Pepi, Mellauner Alfred y Castlunger Heinrich. La bela scëiba, deponta dal artist Wendelin Gamper, s´à Mellauner Alfred porté fora ti Paîsc Todësc (Regensburg). Ia por lánn, la gran pert da agost inant, él gnü slopeté:

Filippo y compagns sön Tonzené.

479

RINA

Herbert con sò cerf.

40 rehli: 17 bec y 23 müles o asôs 23 cerf : 8 manc y 15 vaćes o vidì 4 ćiamurc : 2 beć y 2 ćiores. La ćiacia di loi se destöda ia bel plan. Ma plü Filipo da Lungega à n cian y gran pasciun por cösta ćiacia, che â n iade gran importanza te nüsc raiuns. Ala fin oressi ćiamó der bel ringrazié düć chi che à colauré cun informaziuns y fotografies, y me scusé de val‘ desmonćianza. 480

AL PLAN

AL PLAN • Giuvani Pescollderungg

Ćiasa dl “Maier da Râs” o “Ćiastel” Frabica de interès storich. Al dedaincö na ćiasa da paur, mo en iade residënza di nobli de Rost. Le pröm patrun che vëgn nominé te n scrit é Hartwig de Puochenstein co ê gnü dl 1220 da Fodom fora a vire te Mareo. Fora dla familia de Rost él inće gnü Ioani de Rost co à fat sö dl 1505 la ćiasa dal Cone, ćiasa de signoria ćina al ann 1774. Canche la ligna de Rost é morta fora, é rové le ćiastel y le lüch da Râs tles mans dles monies de Ćiastel Badia, plü tert él gnü dè inant a paurs. La ćiasa da Râs é na ćiasa gotica de mür che vëgn datada incër le XIII-XIV secul. Plazores-Taibun Le lüch da Plazores vëgn bele nominé dl 1296 tl urbar plü vedl de Ćiastel Badia. Mo pro le lüch da Plazores aldî inće le „Lehengitl“ da Taibun. La ćiasa da paur da Taibun rapresentëia le tipo de ćiasa „fungun“ da döes perts. La pröma alzada é de mür y la secunda de lëgn. Chësta sort de frabica à döes funziuns: de abitaziun y de majun.

481

AL PLAN

Implanć nüs söla tëmpla de Ju: “Ćianros”, “Chi Ćianëis” y “Piz de Plaies”.

I viun tres deplü te n tëmp de prescia y de büsia, de agitaziuns, depresciuns y nervosité. Döt mëss jì debota y sambëgn cun l’auto, deache a pé ne pordüjon nia plü. An mëss se menè sö un cun l’ater, an mëss demeztrù superè l’ater. Tl ćiamp dl’economia dij le slogan modern: “Stè chić ô dì jì zoruch!” Olâ ési pa jüs chi tëmps da n iade, olache nosta jënt se tolô ćiamò dlaorela da stè plü adöm zënza messëi tres ćiarè söl’ora? Sambëgn, al jô püch trà ca ći co é stè, ti bradlè do cun incherscimun al tëmp passé. I tëmps s’à pa mudé, y dassënn inće, vëgnel dit, inće sc’i savun avisa ch’al é les porsones che müda i tëmps y fej la storia. Le tëmp é sciöche l’ega che rogor jöifora por les valades, atraversëia les gran planöres y va a se perde fora tles sperses infinides di gran mers y ozeanns. Y sciöche l’ega va sot i punć fora y ne vëgn nia plü zoruch, insciö s’un va inće le tëmp. I avenimënć, bi o inchersciors, che fej baié por le momënt n gromun de jënt, se desfrida plan plan, smarësc tres deplü y vëgn defata desmentià ia. Y por che chësc ne sozedes nia prôn da scrì sö i avenimënć plü significatifs y les cosses plü importantes y interessantes. Chësc é inće le pröm fin dl liber “Sas dla Crusc” che cun la cronica di paîsc dla Val Badia se tol dant bele da tröc agn da fermè na pert dl tëmp, sc’an po dì insciö, söl papier por che almanco na picera pert de ći che sozed te n ann ne vais nia a perde tl monn dla desmentianza. Ći ch’i podëis indô lì tla cronica dl ann 2005 é baldi ma n ressümé de ći ch’é sozedü fora por l’ann y vignun ne ciafarà pa magari nia döt ći ch’al s’aspetass. Mo 482

AL PLAN

impò fej fora chësc püch na certa richëza culturala y storica, dantadöt do da plü agn y por les generaziuns che vëgn do. Sce le 2005 é indô stè a livel mondial n ann de tröpes desgrazies, catastrofes naturales, veres y atentać co à somenè leghermes, dolur y mort te tröpes families, podunse rengrazié Chël Bel Dî che nosc paîsc é gnü sconè da desgrazies gaujades dal ri tëmp y dai caprizi dla natöra, sciöche rogossies, sëćiores, medefüch… Öna dles püćes ambries scöres co s’à lascè jö sön nosc paîsc y che n’à nia ma tochè la familia, mo döta la comunité, é stada la burta desgrazia che ti à costè la vita al jonn Matthias Call, de Hubert de Iosc. Les döes plü beles scincundes da Nadè por le paîsc d’Al Plan é stades zënzater la daurida dla strada nöia cun sü cin’tunì danter Mantëna Todëscia y Lungega y la sostituziun di vedli implanć portamunt de Ćianros, Chi Ćianëis y Piz de Plaies cun cabines nöies y ultramodernes che condüj sö n gröm de porsones te püć menüć. Cun chësta picera cronica dl paîsc sperunse da ves fà inće chësc iade n pü de ligrëza. Buna letöra a düć canć y avede comprenjiun, sce inće chësta cronica, co ne po nia ester plü co intan lungia, arà de vigni sort de loćes y manćianzes. Movimënt dla popolaziun Nasciü él dl 2005 19 viadus: 6 mitans y 13 mituns: Avkan Alhysa Serena Alessandri Alessio Palermo Gabriel Trebo Lara Ploner Martina Ties Manuel Ties Elena Obojes Alessandro Poladas Kevin Sorà Fabian Kaneider Emma Sógovka Matthias Willeit Simon Comploi Max Clara Moriz Videsott Sebastian Mutschlechner Caroline Plazza Daniel Oberrauch Maridé s’à 10 pêrs: Nadia Sorà Al Plan) cun Lo Re Eros (La Val) Pablo Palfrader (Al Plan) cun Margit Pallestrong (Rina) Carlo Comploi (Al Plan) cun Siglinde Kostner (Corvara) Ernesto Taibon (Al Plan) cun Gerda Peintner (San Laurënz) Roberto Palfrader (Al Plan) cun Alexandra Kanetscheider (Al Plan) Paul Videsott (Al Plan) cun Bettina Parissos (La Val) Valentina Kastlunger (Al Plan) cun Giorgio Alessandri (Milan) Werner Ties (Al Plan) cun Silvia Peccei (Al Plan) Michael Comploj (Al Plan) cun Marina Moscon (Badia) Silvia Agreiter (Al Plan) cun Fabio Rubagotti (Cassola – VI) 483

AL PLAN

Morć Dl 2005 él mort a Al Plan 15 porsones (5 ëres y 10 ëi): 01.01. Jan Vollmann, da Taibun 77 agn 13.01. Franz Willeit, dal Mone 79 agn 21.01. Giovanni Vollmann, Jan Iagher 65 agn 12.03. Giuseppe Ties, Epo de Ćiastel 75 agn 15.03. Loise Maneschg, da Ćianëi 68 agn 29.03. Albert Mutschlechner, dal Pech 85 agn 11.06. Rosa Giuliana Zannoni 78 agn 26.06. Matthias Call, de Iosc 23 agn 03.07. Luise Call nasc. Flöss, dal Bocà 87 agn 16.07. Canzio Giovanni Comploi, de Mano 95 agn 09.08. Olga Morlang, vëd. Cristofolini, de Pre 82 agn 06.09. Franz Trebo, dal Pesta 74 agn 15.09. Agnes Kircher, vëd. Vollmann 85 agn 05.12. Pire Kaneider, de Ianesc 81 agn 08.12. Hermann Craffonara, da Roalta 77 agn Ai 14 de dezëmber él mort a Gera, tla ex DDR, Bonifazio Oberbacher, dal Lehrer, al’eté de 89 agn. Bonifazio dal Lehrer ê un di 25 mituns dl maester Franz Oberbacher (conesciü sciöche „le Lehrer“). Pro la opziun dl 1939 àl lité forapert. Al à messü fà le soldà, olache al é gnü ofizier, al é gnü ferì y tla Sizilia él inće gnü fat prijonier. Plü tert àl studié chimica a Desproch y a Graz. Berba Bonifazio ê na porsona daverta y scicada. Al s’interessâ inće dër de filosofia, leteratöra y poesia. Al é stè maridé dui iadi. Do la mort de süa secunda fomena (1992) él stè süa neza Ida, de Metilde dal Lehrer, che ti à fat gonot le guern. Te nosta vita él de bi momënć, olache an é ligherzins y contënć y ch’an po fà festa, mo baldi inće de burć, canche an mëss se destachè y tó comié por dagnora da na porsona ćera, dantadöt sce chësc nosc familiar o compagn à mossü morì jonn te na desgrazia o por val’burta maratia ćiamò te sü plü bi agn. Plü saurì él da se rassegné, canche na porsona nes lascia do na vita implida fora, do avëi arjunt o superè la bela eté de 80-90 agn, ince sc’ara lasciarà dagnora n öt te nosc cör y na certa lerch te döt le paîsc. I mi484

stêrs dla vita é gragn, mo cun na fede sterscia sarunse bugn da azetè la orentè de Chël Bel Dî. La mort à albü prescia dl 2005. Bele le pröm dé dl ann, en Nanü, éra gnüda a se dô berba Jan da Taibun che viô ia Plazores te öna dles ćiases plü carateristiches d’Al Plan, te na ćiasa tipica a “fungun”, olache l’alzada de lëgn dessura passa fora chëra dessot co é de mür. Al é öna dles püćes frabiches, olache ćiasa d’abitaziun y majun taca adöm. Jan da Taibun ê na porsona dër alabuna, mo

AL PLAN

interessada, porchël baiâl ion cun jënt y savô da cuntè cosses interessantes. Al â n pice lüch da paur y ćina dan da püć agn âl ćiamò n pêr de vaćes. Berba Jan ê bele tröc agn vëdo, deache süa fomena à mossü morì da stè de pert. De jenà él spo ćiamò mort Franz dal Mone che n’ê nia maridé, y Giovanni Vollmann, conesciü miù sciöche Jan Iagher, che â impormò 65 agn. Al à laurè tröc agn sciöche funzist pro la dita Tamers y süa gran ligrëza y pasciun ê la musiga d’Al Plan. Sciöche benefatur êl inće gnü nominé mëmber d’onur. De merz s’un é jüs Epo de Ćiastel, Loise da Ćianëi y Albert dal Pech. Berba Epo viô adöm cun so fre Vighile, intrami nia maridà, ia Râs, te na ćiasa co ê n iade de gran interès storich, deache dailò â i nobli de Rost süa residënza. Loise da Ćianëi à messü morì por gauja de chë burta maratia che fej al dedaincö tan de vitimes. Ara â impormò 68 agn. Loise à laurè tröc agn tla lataria a Corvara adöm cun süa só Angela. I ultimi agn àra passè te so paîsc nadè, olache ara â fat sö adöm cun süa só y süa fia na ćiasa cun apartamënć da afité ia. Cun la mort de Albert dal Pech pon

Jan Vollmann

Franz Willeit

bëgn dì ch’al s’un é jü n tòch d’Al Plan. Al nes à lascè al’impreodüda zënza ester stè plü dî püre, zënza rové te ospedal y messëi patì. En Lönesc de Pasca él ćiamò jü a mëssa y dedô al’ostaria a baié y strambié cun deplü porsones. Le dé do danmisdé aldîn tiran ala fin. Degügn ne s’ess ponsè che chël sonn incherscior dla picia ćiampana ess podü ester le salüt de comié da chësc monn por berba Albert dal Pech. Da doman adora êl ćiamò lovè y ê jü a controlè le scialdamënt zentral, dedô s’un êl ćiamò jü n pü te let y ne s’à nia plü descedè. Nos recordun Albert dal Pech dantadöt sciöche ostì de munt sön Fodara Vedla, ćiamò tla picia ütia vedla. Al baiâ y fajô sües matades cun düć, al ê na porsona de buna vëia, stô ion en compagnia a ćiantè y sonè la chitara. Al jô tröp a pé sö por munt, osservâ y se godô les belëzes dla natöra. Al é inće stè un di pröms da jì d’invern sö por munt coi schi cun les pels. Albert dal Pech é stè na vita intiera ćiantadù tl cor de dlijia y plü agn inće pro le cor di ëi. Dales sopoltöres ne falâl mai. Ch’al pois ćiantè inant cun i cherubins y serafins ia en l’ater monn! Rosa Giuliana Zannoni à passè l’ultimo tëmp de süa vita pro süa fia Annalisa,

Giovanni Vollmann

485

AL PLAN

Giuseppe Ties

Matthias Call

Luise Flöss

486

Loise Maneschg

Albert Mutschlechner

fomena dl dotur Aldo Marcocci, a Al Plan, olache ara é inće morta ai 11 de jügn. Sopolida éra gnüda tl Trentin, olache ara ê da ćiasa. Na burta desgrazia cun l’auto ti à costè la vita al jonn Matthias de Hubert de Iosc la domënia, ai 26 de jügn. Bunamënter é stè n momënt de dejatenziun la gauja che l’auto é jü sö Sarjëi sura tru jö y brodorè jö por na para dër ërta. So compagn Tone de Willy dal Medo, co ê t’auto laprò, à albü n bun angel custode, inće sc’al é romagnü dassënn ferì y à messü stè plü dî te ospedal. Matthias n’â gnanca ćiamò complì i 24 agn. Al ê n jonn plëgn de vita y bëgnorü da düć. D’isté fajôl le paur y laurâ ite le lüch de Iosc y d’invern êl maester de schi. Chël Bel Dî s’l’à cherdè tl plü bel florì, canch’al â ćiamò döta la vita dan da d’ël. Söla santa da mort pon lì:

Canzio Giovanni Comploi

Agnes Kircher

AL PLAN

Olga Morlang

Franz Trebo

Viede ennant zonza bradlé, con ligrëza ài iu vit. Adora s’à mio cërtl slüt, dla vita é le fi taié. Sce da cösc monn iu m’an sun jü, dalunc da os ne sunsi nia. Tal aier ćialdin de cösc isté ves salüda de cör sën l’arma mia. Y canche le dé va cuntra sëra tal gran mistêr y tl’armonia, dal ci lomina spo mia stëra, jide ennant le tru con fede via. De messè él mort Loise dal Bocà y Canzio de Mano. Luise Flöss ê da San Martin y â maridé le bocà d’Al Plan Jep de Iosc. Ara ê na ëra de ćiasa dër lezitënta y na porsona plütosc chita. Berba Canzio de Mano ê la porsona plü vedla co é morta dl 2005. Al é rové ala bela eté de 95 agn. Al à fat tröc agn le mone, porchël podôn l’odëi vigni dé te dlijia incër altè y inće te cortina. Al à dagnora fat so laûr cun cosciënza y ligrëza por le bëgn dla comunité y a onur de Chël Bel Dî. Berba Canzio â inće n te’pice lüch da paur cun n pêr de vaćes. D’agost él mort Olga de Pre, vëdua

Pire Kaneider

Hermann Craffonara

Cristofolini, ostira dl Hotel Monte Sella. Mëda Olga ê na ëra de ćiasa y de familia y na porsona dër devota. Franz dal Pesta y Agnes Kircher é morć de setëmber. De mistier fajô Franz le tescere. Al â inće dër ligrëza cun les ês. Al é inće stè pro i stödafüch y por tröc agn presidënt dl Consorz dal’ega da bëre. Agnes Kircher ê la fomena de Angelo de Jan Iagher. De dezëmber nes à lascè i ultimi dui compaejagn: Pire de Ianesc y Hermann da Roalta co é stè a laurè tröc agn tla Germania. Che nüsc defunć pois palsè tla pêsc eterna de Chël Bel Dî! 487

AL PLAN

Lé de Limo à patì dassënn la sëćia.

Ći à pa fat le tëmp? Che ne baia pa nia dl tëmp? Le tëmp à dessigü süa influënza söla porsona, mo nia magari sön düć anfat. Valgügn é plü sensibli y patësc deplü la bassa presciun, le vënt, le ćialt o le frëit. Vëi él che düć à plü ion bel tëmp. Y sce le tëmp condizionâ plüdadî dantadöt la vita da paur por se fà ite de bun fëgn y avëi da d’altonn na buna racoiüda de blâ, àl al dedaincö inće na gran importanza por le turism, sides d’isté co d’invern. Le 2005 é stè n ann co à plütosc sparagné cun les prezipitaziuns. Al à novü plü gonot, mo dagnora ma püć zentimetri. Zënza la nëi stlopetada dai canuns ésson bëgn podü se desmentié la sajun da d’invern. Por gauja dla püćia nëi y dles plöies plütosc debles s’à arbassè dassënn le livel de tröc lêć de munt, dantadöt dl Lé de Limo te Fanes, y plü fontanes s’à assuié sö. L’ega de San Vi a Fodara Masaronn, che 488

de regola messass gnì incër mez jügn, à impormò metü man da rogore incër i 10 de messè. Le maiù frëit n’unse nia albü de jenà o de dezëmber, mo al pröm de merz, olache le termometer é jü jö a 23°. Y respetan la vedla regola dl tëmp che dij che le frëit é le pere dla nëi n’él i dis do belavisa gnü n pêr de zentimetri. Ai 17 de novëmber de nöt à i canuns dala nëi stlopetè le pröm iade chësc altonn. N’edema plü tert, ai 24 de novëmber él tomè la pröma nëi dal cil. Novü àl spo inće ćiamò i dis do, ai 25 y ai 26: apëna 20 cm indöt. Stlüjon jö podunse dì che le tëmp é stè valgamia bun sides por i paurs co por i operaturs turistics. Fora dl’aministraziun publica La domënia, ai 8 de mà, él indô stè lîtes de comun. Le paîsc d’Al Plan s’à presentè cun döes listes: “Lista Al Plan”

AL PLAN

y “Deboriada Sozial”. L’ombolt dles ultimes döes legislatöres, Albert Palfrader, de Iochele, n’é nia plü stè sön lista. Por la inćiaria da ombolt s’à metü a desposiziun le secretêr de comun en ponsiun, Fortunato Ferdigg, söla lista “Al Plan” y Stachio Erlacher, dal Stofl, bele da tröc agn incà aconsiadù, assessur y vizeombolt tla penultima legislatöra, söla lista “Deboriada Sozial”. La crëta da ombolt à ciafè Fortunato Ferdigg cun 866 usc (52,1%). Stachio Erlacher à ciafè 629 usc y Felix Ploner söla lista dla SVP d’La Pli 167 usc. Por la lista “Al Plan” (589 usc) él rové te comun cun l’ombolt ćiamò cater aconsiadus: le dotur Marco Pizzinini, Tone Maneschg, Walter Ties y Paul Vallazza. La Lista “Deboriada Sozial” (284 usc) à ciafè dui aconsiadus: Stachio Erlacher y Nicol Alberti.

La Pli (döes listes) à cin’rapresentanć te comun: Richard Erlacher, Felix Ploner, Giovanni Complojer, Davide Brandlechner y Jep Ellecosta. Le paîsc da Rina é rapresentè da trëi aconsiadus: Fonjo Winkler, Florino Ferdigg y Florian Craffonara. Le comun de Mareo é le su di cin’comuns dla Val Badia che n’à degüna ëra te consëi. Tl mëte adöm la junta de comun s’à tröc fat demorvëia ch’al n’é nia gnü tut ite Stachio Erlacher co â ciafè sciöche candidat da ombolt passa 600 usc. An à indô n iade odü che la politica à d’atres regoles. Al ne vëgn nia dagnora tignì cunt dla orentè dla jënt, mo an ti dà plü pëis ala conveniënza y al’oportunité. La junta de comun por i proscimi cin’agn é metüda adöm insciö: Fortunato Ferdigg, ombolt: urbanistica, scora, cultura, familia, jonëza, frabi-

Le comun de Mareo à ciafè n ombolt nü y na secreteria nöia: Fortunato Ferdigg y Verena Ellecosta.

489

AL PLAN

ché sozial, finanzes, assistënza soziala, uniuns y personal. Paul Vallazza, vizeombolt: economia, turism, artejanat, comerz, cortina d’Al Plan y lizënzes. Walter Ties, assessur: laûrs publics, cantier de comun y sorvisc da desparè la nëi. Fonjo Winkler (Rina), assessur: interesc dla fraziun da Rina, sconanza dl ambiënt, racoiüda y desfratada dl ciomënt, refeziun de scora y sport. Richard Erlacher (La Pli), assessur: interesc dla fraziun d’La Pli, bosc y agricoltöra, dërć de anuzada zivica y rëi stradala rurala. Le comun de Mareo à inće ciafè na secreteria nöia: Verena Ellecosta, de Lois de Colac. La jënt s’aspeta y s’aoda che l’aministraziun publica, ombolt, assessurs y aconsiadus laores por le bëgn de döta la comunité, de dötes les categories. L’ombolt à sotligné che te na buna democrazia dess litadësses y litadus portè dant sües propostes y gnì fora cun ći che ti druca. Te n tlima de colaboraziun y confrontaziun porvarà spo l’aministraziun comunala da fà le poscibl por ti jì adincuntra ala popolaziun. Le comun ô se tó plü a cör i mituns y les families cun deplü iniziatives: ćiasa di pici, scolines, aumentè y miorè les plazes da fà blëita, i trus da jì

a spazier cun banć da se sentè, ćiamps da soghé al palê y marciapîsc. Por garantì la segurëza val debojëgn da controlè miù la velozité di auti sön strada. La natöra y la contrada é na richëza por nos düć, porchël él da evité de maius intervënć, tan inant ch’ara va. Gran importanza ti déssel gnì dè al abelimënt y ala netijia dl paîsc. Inće sce Al Plan é deventè n zënter important por le turism, messunse ti dè le dër valur inće al’agricoltöra. Cun so laûr contribuësc i paurs dassënn ala sconanza dla natöra y dla contrada, porchël él important chirì y ciafè na buna colaboraziun danter turism y agricoltöra. Le frabiché mëss gnì controlè cun plü rigorosité. Dantadöt él gran ora da fà valch de concret cuntra la spicolaziun tl frabiché tiran fora düć i mesi legai ch’an à a desposiziun. Families jones y porsones sóres co à debojëgn de na ćiasa o de n cuartier dess gnì daidades. I cuartiers convenzionà y alisirà mëss gnì metüs a desposiziun de chi co chir cuartier tl comun y ne po nia gnì afità ia a foresć. De chësc vers él gnü controlè ćina sëgn trö’massa püch. L’ombolt nü à inće detlarè da orëi mantignì, promöie y sostignì la cultura ladina, le lingaz ladin y nostes tradiziuns. Chilò s’aspétel l’aiüt y impulsc nüs da pert dles scores, di artisć y auturs jogn y dles uniuns dl paîsc.

I laûrs plü importanć da realisé por Al Plan é: - rové la palestra de scora - realisé y sistemé la plaza dai auti publica do la ćiasa de comun - ressanè le frabicat dla scora mesana - realisé l’ultimo lot dla canalisaziun despartida (tòch La Bronta - Gran Pre) - fà le marciapîsc do la strada provinziala ćina ala localité Gran Pre - amplié l’ilominaziun publica, fà n marciapîsc y miorè l’azès sö Al Plan dessura 490

AL PLAN

- sistemé la strada da Pederü - realisé infrastrotöres tla vila Val dla Tor - mantignì y moirè la rëi stradala te y fora de paîsc. Tröc se dejidrass ch’al gnis sciuré d’invern manco sè söles strades. N problem é inće la scora vedla. Al mëss gnì chirì na destinaziun d’anuzada de chësc frabicat. Chilò dess inće la jonëza y les uniuns y assoziaziuns dl paîsc dì la süa. Inće sce le frabicat n’é nia sot a sconanza di monumënć, ti desplajéssel impò a tröc, sce la scora vedla gniss trata jö por ti fà lerch a valch de nü y de modern. Düć se conforta ala palestra nöia.

Ći sozédel mo cun la scora vedla?

La palestra nöia La palestra vedla ne corespognô nia plü ales esigënzes y ai debojügns de nüsc tëmps, porchël éra gnüda trata jö por ti fà lerch a na strotöra nöia cotan maiù cun na suraspersa de 3.553 m² y na cubatöra de 18.000 m³. La palestra gnarà anuzada dantadöt dai scolars dla elementara y dla mesana, mo sambëgn inće da grups sportifs y dala jënt dl post. Na novité sarà le local cun de vigni sort de aparać y injins por le fitness. La daurida ofiziala sarà bunamënter da d’aisciöda dl 2006. I cosć de chësta infrastrotöra, dessigü dër importanta por le paîsc d’Al Plan,

mo inće por les atres fraziuns dl comun de Mareo, amunta sö a oramai 2 miliuns de euro (228.000 euro de spëises tecniches y 1.746.000 euro de spëises artejanales). La palestra nöia po y dess gnì anuzada da düć, mo cun respet! Tan d’atres noeles y informaziuns interessantes po vignun ciafè tla plata d’informaziun dl comun de Mareo “Le Saltà”. L’ultima ediziun é rovada tles families de dezëmber, sciöche injunta al edemanal “La Usc di Ladins”. Fora dla vita dl paîsc: avenimënć, festes, manifestaziuns, ativitês de uniuns y assoziaziuns, sport Aziun di Trëi Resc Sciöche vign’ann é indô rodà danter Nanü y Santaguania deplü grups de resc cun süa acompagnadëssa o so acompagnadù fora por les ćiases y i hotì a portè tles families y inće ai foresć la buna noela dl nadè dl Salvatur y a pié do ofertes por n bun fin. I resc à lascè zoruch 491

AL PLAN

I Trëi Resc à indô portè la buna noela tles families.

te vigni ćiasa n pice carnì de inzënsc benedì y à scrit sura porta: *20 C + M + B 05* (Christus mansionem benedicat). En Santaguania àn podü odëi dala gran mëssa düć i pici resc cun sü guanć liciorënć, cun sües corones y stëres sö dan altè. Dala mëssa da sëra à ćiantè i gragn resc cun a će siur ploan. La soma de 8.250 euro che i resc à trat ite é gnüda menada tla Romania por daidé finanzié n proiet (scora, scolina…)

ries por cherié fora de gragn cadrì de nëi dlaciada operes d’ert interessantes ch’é gnüdes conscidrades, amirades, criticades y fotografades da n gromun de turisć y dala jënt dl post y di paîsc incëria. Por n mëis alalungia é stada la „Pinćia dal Cone“ n museum alaleria. Premiades é indô gnüdes les trëi statues plü litades dal publich. La scuadra

15. Festival internazional de scoltöres de nëi Dai 17 ai 19 de jenà él gnü fat por le 15.iade les scoltöres de nëi. Diesc scuadres de artisć de plü naziuns (Canada, Gran Bretagna, Italia, Ruscia, Svizera, Cehia, Bulgaria) à mazochè, taié, limé y sferié trëi dis cun de vigni sort de massa492

Secundo pest: “Elefanć” (Bulgaria).

AL PLAN

Pröm pest: “Ëra (Italia II).

Studënć dla Scora profescionala por l’artejanat artistich da Urtijëi à fat la “Vespa” y chi dla Scora profescionala por la lauraziun dl ermo da Laas à plajü cun “Le re dla nëi”. Defilada da carlascè

Terzo pest: “Pisa sumo” (Ruscia).

Italia II à trat le pröm pest cun l’opera “Ëra”. Al secundo post é gnüs lità i “Elefanć” di sculturs dla Bulgaria. Le laûr dla scuadra ruscia “Pisa sumo” é rové al terzo post. Dër plajü, dantadöt ai mituns, à inće la “Iarina” dla scuadra svizera.

La defilada tradizionala da carlascè, metüda a jì dal’Assoziaziun Turistica d’Al Plan, inzaridëia adalerch n gromun de jënt coriosa y interessada, inće dai paîsc incëria. Les mascheres s’abina dagnora söla plaza dan la nodadoia y la defilada pëia ia cun n grup dla musiga “Catarina Lanz” danfora cuntra la plaza de dlijia, olache i plü bi grups mascherà vëgn premià, olache al vëgn dè fora vin cöt por düć intratan che la musiga sona ćiamò codî inant söl pice paiun cherian n’atmosfera de buna vëia. 493

AL PLAN

La defilada en maschera é gnüda na tradiziun.

Implanć portamunt nüs y moderns söla pert de Piz de Plaies y Ju La gran novité por la sajun da d’invern 2005-06 é stada la sostituziun di vedli implanć (le lift Ćianros y i lifć da scagns Chi Ćianëis y Piz de Plaies) cun cabines ultramodernes che condüj i schiadus te cin’menüć sö Ju. Atira do la sajun da d’invern àn metü man da trà jö i implanć vedli y n elicoter svizer dër potënt portâ demez i gragn pilastri de fer sciöche al foss stè solprins. Al é gnü laurè dassënn döt isté y döt altonn por fà sö les staziuns a val y sönsom, por mëte impé i pilastri y trà les cordes y ćiamò dan Nadè éra jüda da colaudè y da mëte en funziun i implanć nüs por la gran sodesfaziun dla sozieté y la ligrëza di apascionà dl sport di schi. Inće i simpatisanć dla liösa à ciafè na pista nöia ia en Ćianros. 494

Le gran elicoter svizer porta demez i pilastri vedli sciöch’al foss solprins.

AL PLAN

L’implant a cabines nü “Chi Ćianëis”.

Cun l’implant a cabines da Picolin sö Ju, che sarà en funziun por la sajun da d’invern 2006-07, y cun n sorvisc de bus da Picolin sö tl’Alta Val Badia jaràra da fà la famoja Sela-Ronda coi schi da Al Plan demez. Fora dl monn dla scora

ratifs, danter chisc inće de chi co é gnüs desmentià ia al dedaincö, jüć mariziusc cun chertes o jüć de reaziun. Da d’aisciöda ti él gnü dè lerch al sport n’edema intiera. I scolars jô vigni dé a pé o cun la roda ite dal ćiamp dl sport, olache Simon i aspetâ por fà döes ores alalungia de vigni sort de

L’ann 2005 é stè l’ann dl sport, mo deache la scora n’â degüna palestra por gauja de restrotoraziun à le consëi de tlassa fat fora da fà jüć daite y defora. Tla sajun plü frëida s’à deplü geniturs metü a desposiziun da gnì n iade al’edema te scora a daidé fà para. Les tlasses gnô daurides sö y al gnô metü adöm deplü de te’pici grups de mituns y mitans dala pröma ala cuinta tlassa. Ai mituns ti él gnü dè la poscibilité da jì ite tla gran varieté dl monn di jüć. Al é gnü fat tröc jüć de compagnia coope-

Dé dla nëi dla scora elementara sön Fanes.

495

AL PLAN

movimënć y eserzizi cun ëi. L’edema de sport é gnüda stlüta jö cun deplü gares, olache i mituns à podü desmostrè sü talënć y sües abilitês y la desposiziun da stè a na matada. Dedô é mituns, geniturs y insegnanć ćiamò stà n pez adöm a se mangé y a se bëre valch ćina ch’ai é gnüs sprigorà dala plöia.

Escursciun di scolars sön Fodara Vedla.

I insegnanć se tol dër a cör le contat cun la natöra y prô da ti insigné ai scolars da l’aprijé y da la respetè. Por sotligné le valur y la richëza de nostes beles munts él gnü tradiziun por la scora elementara d’Al Plan da jì da d’altonn n iade sön Fodara Vedla y d’invern sön Fanes. I mituns y les mitans se conforta da n ann al ater y ciafa intres plü ligrëza y motivaziun da jì a pé. Cun la reforma dla scora él scolars che po se chirì fora n’ora y mesa al’edema ći ch’ai fej ion. Sëdesc mituns dala secunda ala cuinta tlassa à chirì fora da fà teater. Al é gnü insigné ite n teater da Nadè ćiantè, olache le grup dl teater joblenâ y düć i atri mituns ćiantâ les ćianties che aldî pro le teater. Ai 23 de dezëmber é spo i geniturs y düć i interessà gnüs invià tl salf dles manifestaziuns ala rapresentaziun teatrala y

N teater cun la cripele y i famëis ôl ester pro la festa da Nadè.

496

AL PLAN

musicala, a vire l’advënt, le tëmp de preparaziun al Nadè, n iade n pü atramënter. Sön proposta di insegnanć à i scolars renunzié da fà “Engele Bengele” sciöche vign’ann. Ai s’à metü adöm y à fat na buna aziun por mituns che vir te na gran meseria. Ai s’à porvè da ti ofrì al publich n bel momënt y na dërta atmosfera da Nadè. Ala fin dla picera festa da Nadè él gnü perié do na spënora de buna man por daidé de püri mituns tla Romania, dantadöt Florin, n möt co à assolutamënter debojëgn de na operaziun al os dl spiné por podëi suravire. Al é gnü trat ite la bela soma de 2.330 euro. La scora dij de cör dilan a düć canć. I scioldi ti é gnüs surandà cun sodesfaziun y ligrëza ala porsona responsabla. Sce tröpa de picia jënt, te tröc de pici posć, fej tröc de pici vari, pon mudé le monn! Cater statues de artisć ladins sön plaza de dlijia Por ti dè plü importanza al zënter dl paîsc à le comun y l’assoziaziun turistica abelì vign’ann deplü la plaza de dlijia, conesciüda miù sciöche plaza dal Ostì, cun lëgns, tröc ciüfs y banć. Tröc foresć aprijëia dassënn che la plaza vëgn stlüta jö al trafich d’isté ia por le dé. Chësta aisciöda él gnü metü sö te plaza cater statues de cater artisć conesciüs. “Figöra empé” é n’opera de Franz Kehrer, d’La Pli de Mareo, „Susanna“ é n laûr de Hans Rindler, d’Al Plan, „Zënza titul“ é na scoltöra astrata de Silvester Promberger, da Rina, y “Torso” n’opera de brom de Lois Anvidalfarëi, da Pedraces/Badia.

L’inaudaziun ofiziala söl program ai 3 d’aurì é gnüda desdita por gauja dla mort dl papa Jan Paul II. La plaza zentrala dl paîsc d’Al Plan é deventada insciö n pice museum alaleria. Les cater statues vëgn conscidrades, amirades y inće criticades, dantadöt le laûr de Lois da Ćiaminades (Badia). An vëiga che inće n artist cotan conesciü, inće sura i confins fora, n’é nia bun da ti fà ascüsa a düć. Da capì l’ert n’él nia saurì.

“Torso” de Lois Anvidalfarei

“Zonza titul” de Silvester Promberger

„Susanna“ de Hans Rindler.

„Figöra empè“ de Franz Kehrer.

497

AL PLAN

Ći sozédel mo cun la nodadoia curida? Da n chert de secul à Al Plan na nodadoia curida. L’infrastrotöra dessigü dër importanta por le paîsc y por döt le comun de Mareo, mo inće por le svilup dl turism, ê gnüda daurida ofizialmënter ai 24 de jenà 1980. La frabica de petun cun le tët de banda, fata sö te n stil n pü tröp modern, é gnüda tl pröm dassënn criticada. Önn o l’ater la confrontâ ćinamai cun l’arca de Noè. An aratâ inće che la nodadoia foss buna da se mantignì plü o manco sóra, mo de chësc vers él bëgn gnü fat i cunć zënza l’ostì. Le comun, l’assoziaziun turistica y la sozieté dai lifć à pumpè ite te düć chisc agn n stlafun de scioldi, mo an s’à dagnora stentè da stopè pro le büsc di debić. Sëgn pêl che la situaziun sides cotan critica. La nodadoia ess debojëgn de n ressanamënt total, ći che dlot sambëgn n

gromun de euro. Mo zënza n aiüt sostanzial da pert dla provinzia saràl imposcibl. Al é inće da dì che i gragn ambiënć turistics à al dedaincö la nodadoia y les saunes y döt ći ch’alda laprò te ćiasa. D’atra pert fóssel daspavënt sciode, sce chësta infrastrotöra publica tomass t’ega. La nodadoia curida é mefo impò n gran ütl por nosta jënt, dantadöt por les scores, y i sun sigü che l’aministraziun publica fajarà döt le poscibl por la salvè. N monn fantastich: les liëndes de Fanes Tru naturalistich cultural L’Assoziaziun Turistica d’Al Plan à realisé n bel tru naturalistich cultural che pëia dala Ostaria dal Bagn (Hotel Bad Cortina) demez, va do le Rü d’Al Plan ite cuntra Ćiamaor, passa ia söl’atra pert y röia zoruch dan la Ćiasa dl Parch Natural.

La nodadoia curida, la biscia rossa da imprömainsö.

498

AL PLAN

Tofla söl tru naturalistich-cultural che nes condüj tl monn dles liëndes.

Cun deplü tofles tematiches se tol dant chësc tru naturalistich-cultural da acompagné le viandant ite tl parch natural Fanes-Senes-Braies, da ti fà conësce les belëzes y les morvëies dla natöra

dles Dolomites, les raîsc culturales dla jënt ladina y le monn liendar plëgn de mistêrs dl Rëgn de Fanes. Le proiet y i dessëgns dles liëndes de Fanes é gnüs realisà dala Dr.Agr.Simonetta Varchetta. Le test é scrit te trëi lingac:ladin, talian y todësch. Pro le test y les traduziuns à inće laurè tröp le maester en ponsiun Giuvani Pescollderungg. Stè do ai laûrs ti é dassënn Lois Feichter che fej pert dla junta dl’assoziaziun turistica. Les diesc tofles ch’an incunta sön chësc tru - che va inće bun por jënt andicapada sön n scagn da rodes, deache al é gnü ingiarè cun saurun bel fin – à sciöche tema: Moltina y le rëgn dles muntagnoles. L’alianza dl ultimo re de Fanes cun le variöl. Le barat di jomelins.

Fora dles liëndes dl Rëgn de Fanes.

499

AL PLAN

Spina de Mul – Edl de Net. I zbergli y la scatora strinada. Dolasila incoronada soldatëssa sön Plan de Corones. Le tradimënt de Edl de Net. Le scudo striné y l’aleanza danter Dolasila y Edl de Net. Le tradimënt dl re de Fanes y la mort de Dolasila. Luianta y les muntagnoles che salva i ultimi Fanes. Implü ciafunse inće ćiamò d’atri argomënć naturalistics y culturai, sciöche la vita dles muntagnoles y di variöi, la morfologia di crëps, les usanzes y les tradiziuns plü conesciüdes, mistiers vedli co é en pert bele morć fora, les viles carateristiches te nosta valada … Tëmp de Misciuns a Al Plan Sot al motto “Atlò se stan saurì” à le Consëi de Ploania orü mëte da jì dai 18 ai 29 de mà l’edema dles Misciuns. Les beles parores dites da San Pire a Gejù é propi indicades por daidé aprijé nosc paîsc y ponsè do sura le bel post y sura la comunité. Inće i tröc foresć che vëgn te nosc paîsc a palsè y a se gode les belëzes

Le presidënt dl Consëi de Ploania Iaco Frontull salüda y rengraziëia i patri miscionars.

500

dla natöra dess podëi se stè saurì y ciafè ospitalité. Le Consëi de Ploania, cun a će le presidënt Iaco Frontull y siur ploan Heinrich Perathoner, à indô n iade orü tó sö la vedla tradiziun da tignì les misciuns por ponsè do plü a funz cun la comunité sura la Parora de Dî. Önesc miscionars dl zënter de evangelisaziun di capuzinri da Portogruaro y döes monies é gnüs a Al Plan en misciun a portè te nosta comunité la buna noela de Dî: fra Roberto Donà, coordinadù, fra Gianantonio, fra Lorenzo, fra Claude, fra Silvano, fra Luca, fra Marco, fra Stefano, fra Emilio, fra Oswald, suor Miranda y suor Anna. Les misciuns renovëia la Dlijia, renforza la fede y l’identité cristiana, descëda indô l’entusiasm y la motivaziun. Cun la santa mëssa de intronisaziun dla icona “Trasfiguraziun dl Signur” él pié ia ai 18 de mà le tëmp dles Misciuns. Te tröpes incuntades cun plü o manco düć i grups de ploania y de paîsc él gnü invié la jënt por diesc dis indolater da tó pert a funziuns, referać, santes mësses, öspi, confesciuns, incuntades d’oraziun y sura la Bibia y i.i. Gran importanza y tröpa lerch ti él gnü dè ales vijites fora por les families che i patri à fat cun gran impëgn y che la jënt à tut sö cun gran desponibilité. A vigni familia ti à i miscionars surandè n bel pice crist benedì. Inće les vijites tles scores é gnüdes aprijades dai mituns. La sabeda, ai 21 de mà, él gnü fat la prozesciun cun ćiandëres y chentli fora por paîsc por invochè la pêsc sura döt le monn. Dër tröpa jënt à tut pert, inće dedô te dlijia al’adoraziun en onur y afidamënt a Santa Maria, regina dla pêsc.

AL PLAN

La prozesciun solena d’Les Antlês cun i patri miscionars.

Le dé do, domënia, él spo stè la confermaziun cun le degan siur Franz Sottara. Dër plajü à inće les sëres cun la jonëza tla tenda metüda sö dan le paiun dla musiga. Chëstes incuntades jô sot l’inom “Esperienza del Roveto ardente”. Gran emoziun à descedè l’adoraziun dla Crusc le vëndres, ai 27 de mà. Na sëra plajora à podü passè la comunité, mo inće i patri miscionars, le dé do tl salf dles manifestaziuns, olache la musiga “Catarina Lanz”à tignì so conzert d’aisciöda. Le tëmp dles Misciuns é gnü stlüt jö en la Festa dles Antlês, ai 29 de mà, cun na mëssa solena de rengraziamënt, cun le “Te Deum” y l’afidamënt dla ploania a Santa Maria, a San Vighile y ai atri sanć proteturs dla dlijia d’Al Plan. La gran prozesciun dles Antlês é stada na testimonianza de fede y de nostes beles usanzes religioses.

Siur ploan à rengrazié le grup di miscionars dl laûr ch’ai à fat, dl gran impëgn por avëi somenè tla comunité la Parora de Dî. A inom dl Consëi de Ploania ti à surandè le presidënt Iaco Frontull na statua de Sant Ujöp da Oies sciöche sëgn de reconescënza. Parores de salüde, de lalt y rengraziamënt à inće albü l’ombolt de Mareo Fortunato Ferdigg. Les Santes Misciuns nes à animé y cherdè da aldì indô danü la usc dl Rëgn de Dî co nes dà energies nöies y convinziun de fede. I miscionars à indô renfreschè i valurs fondamentai dla vita y à porvè da nes daurì sö les portes al monn spiritual. Ai nes à stimulé da sintì i valurs dla fede y dla vita. “Coraje! Tres les Misciuns él gnü Chël Bel Dî a nes dè la man de salvëza”, à dit nosc ploan.

501

AL PLAN

Conzert d’aisciöda dla musiga “Catarina Lanz” Le conzert d’aisciöda dla musiga “Catarina Lanz” chërda vign’ann adalerch tröc compaejagn, dantadöt familiars y amisc di musiconć, él pö le conzert de süa musiga. Insciö ê ai 28 de mà le salf dles manifestaziuns tóch y plëgn. Le presidënt dla musiga Roland Daverda à saludé les autoritês, i mëmbri d’onur y i vedli musiconć, döta la jënt dl paîsc y da foradecà. Le conzert é gnü presentè da Georg Cristofolini. Sot ala direziun de Andrea Pisching à la musiga portè dant tòć en gran pert nüs, plajors y impegnatifs. Intratan le conzert él inće gnü onorè na musiconta y trëi musiconć. Le diplom por 15 agn d’ativité pro la musiga à podü pié do Noemi Frontull, Ivan Weiss y

Martin Trebo. Klaus Erlacher é gnü premié por 25 agn de fedeltè ala musiga. L’eté mesana di 56 componënć dla musiga “Catarina Lanz“ é incër i 27 agn y i jogn sona ion y cun entusiasm melodies n pü plü modernes. A d’ascutè la musiga d’Al Plan é inće jüs i patri capuzinri co ê chi dis te nosc paîsc a tignì les misciuns. Un di patri à rengrazié la popolaziun d’Al Plan dla buna colaboraziun y à laldè i musiconć y les musicontes aferman che sonè é inće na forma de laldè Chël Bel Dî. Ala fin él ćiamò gnü rengrazié düć chi co à portè pro te val’manira al bun garatè dl conzert d’aisciöda. De novëmber él stè lîtes nöies por curì les inćiaries por i proscimi trëi agn (2006-2008). Presidënt: Roland Daverda

Onoranza a na musiconta y a trëi musiconć dla musiga “Catarina Lanz”.

502

AL PLAN

Vizepresidënt y scrivan: Egon Pescollderungg Cassier: Roman Mutschlechner Aconsiadus: Silvia Call, Miriam Mutschlechner, Werner Ties y Ivan Weiss Dirighënt dla musiga „Catarina Lanz“ é bele da plü agn Andrea Pisching. Crusc Blanćia: Dé dla proteziun zivila y 4.Edema dla Sanité La pröma sabeda de jügn à la seziun d’Al Plan dla Crusc Blanćia invié al “Dé dla proteziun zivila” söles plazes dl sport a Ćiamaor. Por la tröpa jënt interessada y coriosa, dantadöt mituns, él stè n domisdé de informaziun y de desmostraziun cun i mesi de pröm aiüt ch’an à incö a desposiziun te nüsc paîsc de munt. I mituns à podü se lascè alzè sö cun les litres

di stödafüch ćina a 25-30 metri y se cunscidré jö i elicoters y i auti y i injins di stödafüch n iade bel daimprò. A Ćiamaor él rové rapresentanzes di stödafüch de plü paîsc dla Val Badia y de Puster, la Crusc Blanćia y la Crusc Cöcena, l’Aiüt Alpin de Mareo, i ćians da lovines, l’elicoter dla Crusc Blanćia y chël dla Verda de Finanza, i carabiniers y la polizia stradala. I salüdi ofiziai é gnüs portà dal assessur provinzial ladin Florian Mussner y dal ombolt de Mareo Fortunato Ferdigg. L’organisaziun dla manifestaziun ê tles mans de Gustl Kaneider, daidé da sü colaboradus. Le sorvisc pro la Crusc Blanćia é en gran pert n laûr de volontariat y cun sensibilisé la jënt cun de te’aziuns spéron da descedè l’interès te volontars nüs.

Dé dla proteziun zivila a Ćiamaor.

503

AL PLAN

La terza sëra à i referënć Erlacher Magdalena y Seeber Andreas splighé ći che l’ergoterapia é. Ai à portè n ejëmpl sciöche al é meso da gnì zoruch a na vita normala y autonoma do na burta desgrazia da arpizé. L’argomënt dl’ultima sëra é stè le dormì sann y sü desturbs, tratè dala dr.Frauscher Birgit. Düć i referać é gnüs tignis tl salf dla Cassa Raiffeisen. La partezipaziun é stada buna, tut fora la pröma sëra. Festa dl Aiüt Alpin a Pederü I ćians da lovines ti à bele salvè la vita a plü porsones.

En colaboraziun cun le Consëi de Formaziun à la Crusc Blanćia d’Al Plan tignì ala fin de novëmber la 4.Edema dla Sanité. Chësta manifestaziun é chersciüda da n ann al ater sides por ći che reverda l’organisaziun co por le numer de chi che tol pert. Le referat dla pröma sëra â sciöche tema la patologia: Ći po pa nes pité chësta materia tl y fora dl salf de sezionamënt”. Le referënt é stè le dr.Egarter Vigl, na porsona dër competënta sön chësc ćiamp. Al s’à fat dantadöt n inom da studié l’ ”Ötzi”, l’ël co é gnü ciafè söl dlacià dl Similaun y co à vit dan da 5.300 agn. La secunda sëra à le dr.Zingerle Helmut, che laora tl zënter de terapia Bad Bachgart a Redant, baié dla vita zënza droghes – y impò dependënt. La porsona po gnì dependënta da plü cosses: dal laûr, dal sès, dal cumprè, dal jüch, dal zelular, da internet … Al ne mëss nia dagnora ester alcol, nicotina o droghes pesoćes. 504

Ai 14 d’agost à l’Aiüt Alpin de Mareo tignì süa festa a Pederü cun na desmostraziun pratica da salvè n arpizadù ferì söl parëi dl crëp, cun l’intervënt inće dl elicoter dla finanza. Baldi à na dërta sdramada rüné n pü la manifestaziun y sprigoré en malora gran pert dl publich. Te chësta ocajiun él gnü onorè le mënacrëp Ernst da Majun (Obojes) por ester stè 40 agn mëmber dl Aiüt Alpin y inće Eduard da Taibun, tröc agn surastant dla seziun dl Aiüt Alpin de Mareo. A će de chësta uniun de salvamënt é sëgn Horst dal Postmeister (Valentin). 3.Ediziun di Jüć de Munt sön Fodara Vedla Do döes devëntes di maroi él stè chësc iade, ai 10 de messè, i ampezagn che ti l’à sticada por cinch a trëi. Chisc jüć de munt che vëgn tignis n iade sön Fodara Vedla y n iade jön Ra Stua é na buna ocajiun por maroi y ampezagn, ladins decà y delà dales munts, por chëres ch’ai à dan da cënć d’agn dassënn strité y combatü, da stè n dé adöm a se mosoré

AL PLAN

Les marores à messü ti la zede ales ampezanes da stricoré ega fora de linzos.

sportivamënter, mo inće a s’la gode y a fà damat y a se conësce miù danter fredesc ladins. I maroi à bëgn davagné da trà ala corda, da muje la vaćia de lëgn y da mazè ite agüs, mo i ampezagn ti é stà suraćé da sciuré lunc n mocolo, da sié jö na taia cun le sigun, da mazè ia na taia cun le manarin, da stricoré ega fora de linzos y da ćiarié ite n linzó da fëgn. Te n ann saràl indô da jì jön Ra Stua a s’la fà fora danü.

pert. Ara se trata de Fabiana Miano dla Pension Genziana. Ai 31 de messè éssel spo messü ester te plaza dal Ostì la finala regionala, mo por gauja dl bur tëmp àn messü spostè döt cun gra prescia tl salf dles manife-

Preseleziun provinziala y finala regionala dl concurs „Miss Italia“ Por le terzo ann indolater àn podü odëi inće chësc isté a Al Plan na schira de beles jones dla regiun Trentin-Südtirol. Ai 14 de messè él stè söl paiun dla musiga dan la scora vedla la preseleziun de “Miss Italia” a livel provinzial, a chëra che na jona d’Al Plan à inće tut

Sonja Capasso (2.da man dërta) é gnüda litada „Miss Wella Trentin-Südtirol“ (miss Italia 2005).

505

AL PLAN

staziuns. Por la juria n’él nia stè saurì da chirì fora la “Miss Wella Trentin-Südtirol” danter les 23 concorëntes, öna plü bela co l’atra. Le titul ti é jü a Sonja Capasso che vir a Urtijëi: na gherdëna cun raîsc napoletanes. La fortunada à insciö podü tó pert ala semifinala nazionala a San Benedetto del Tronto, ai pröms de setëmber. Interessant él che les prömes cater co à ciafè le plü usc ê dötes de scöres. La “Transalp Challenge” à indô fat tapa a Al Plan La gara por rodes da munt plü sfadiosa dales munts (Mittenwald) ćina al mer (Iesolo) à ai 20 de messè indô fat tapa a Al Plan. Te ot dis à fat i ziclisć 725 km y 22.300 m de deslivel. Tut pert à passa 500 copies de 27 naziuns. Tla categoria masters à davagné le südtirolesc Walter

La gran fadia é rovada… por incö.

506

Platzgummer por le terzo iade, chësta ota adöm cun le bavaresc Hans Grasegger. Bela figöra à inće fat i dui jogn d’La Pli de Mareo, Thomas Feichter y Gregor Pedevilla, dl team “San Vigilio”. Ala fin s’ài tlassifiché tla categoria “ëi” al 144. post sön 280 copies de süa categoria. I dui jogn maroi à podü jì debann, deache l’Assoziaziun Turistica d’Al Plan â n bonn sciöche organisadëssa de na tapa. Fora dl’ativité dl Consëi de Formaziun Deplü grups, uniuns y assoziaziuns à metü da jì referać, cursc y manifestaziuns adöm cun le Consëi de Formaziun. Dër ativa, sciöche dagnora, é indô stada l’Uniun dles Ëres co à invié ia referać sön co ch’an po se stravardè dala osteoporosa, söl’educaziun di mituns, sön nostes usanzes y tradiziuns y söi sorvisc dl

AL PLAN

zënter sozial da Picolin. Implü àra organisé n curs da se fà sö (Schmink-Kurs) y n curs de ginastica mediënta t’ega. La Ćiasa dl parch natural à invié a n referat söl variöl da sas ti parcs naturai dles Alpes, sön les laûrs dl parch natural Adamello-Brenta, sön la formaziun dles Dolomites y sön le frunt dla Pröma Vera tles Dolomites. Le Sorvisc ai Jogn à metü da jì i dis dla natöra “Isté deboriada” y n referat söi desturbs dl mangé. Les scores y la Crusc Blanćia s’à surantut da jì a romenè sö le paîsc. L’APCAT à invié ia n referat söles maraties da dependënzes y l’Uniun de San Vinzenz un söl aiüt ala jënt atempada. La Crusc Blanćia à organisé le Dé dla proteziun zivila a Ćiamaor y la 4.Edema dla Sanité, y le Consëi de Formaziun à invié a n referat söl’autostima, che po aumentè la cualité de vita. La Lia dai Crëp Mareo à fat na eserzitaziun pratica sön Fodara Vedla por imparè da adorè dërt le PIEPS y la sonda da lovina. Implü àra invié a na sëra de diapositives söl Nepal. L’Assoziaziun Turistica à metü da jì cursc de ladin por foresć y deplü rodes dl paîsc cun guida. L’ASC Mareo à tignì na eserzitaziun söl pröm aiüt tl sport.

Al é gnü menè fora tles families 1.172 zetoles y 665 é gnüdes dades jö tles urnes metüdes fora te dlijia. Chësc ô dì che le 56,56% dla popolaziun d’Al Plan sura i 16 agn à lité. Tl consëi de ploania nü él 14 porsones:

Lîtes dl Consëi de Ploania

Benedisciun dl monumënt di tomà a Pederü

Ai pröms de novëmber él gnü lité le consëi de ploania nü por i proscimi cin’agn. Le presidënt da denant, Iaco Frontull, y deplü aconsiadus n’à nia plü azetè da stè sön lista, porchël à ciafè la ploania d’Al Plan n consëi scialdi nü, inće cun tröc jogn laprò.

Pablo Palfrader (presidënt) Margot Pisching Kastlunger Verena Ellecosta (scrivana) Christian Agreiter Arcangelo Obwegs Erich Frenademetz (vizepresidënt) Herta Verra Feichter Clara Mühlmann Call Manuel Comploi Lois Promberger Karin Oberbacher Michaela Ferdigg Martin Comploi Maria Feichter Comploi La comunité d’Al Plan, cun a će le ploan siur Heinrich Perathoner, ti dij dër bel dilan al consëi da denant por le laûr de volontariat che düć à fat cun ligrëza, responsabilité y convinziun, y ti aoda al presidënt nü y a döt le consëi na buna colaboraziun cun siur ploan, tröp idealism y buna orentè. Che le Signur Idî ti recompensëies ći ch’ai fej por la comunité!

Por recordè i 25 agn dla refondaziun dla compagnia di Scizeri d’La Pli él gnü benedì en sabeda domisdé, ai 3 de setëmber, a Pederü, le monumënt renovè ai tomà dla Pröma Vera, y l’autur Günther Obwegs à presentè n bel liber 507

AL PLAN

Le monumënt ai tomà dla Pröma Vera é gnü dortoré.

storich söl bataliun di scizeri de Mareo: “Standschützenbataillon Enneberg”. Les melodies dla musiga d’Al Plan y les bandires da corusc de plü delegaziuns ti à dè n tonn da festa ala manifestaziun. Dan n publich numerus y cotan d’autoritês à le ploan siur Heinrich Perathoner zelebrè la mëssa y benedì le monumënt. Al à amonì ala pêsc y dit che les trohtes, les ermes y i monumënć nes dess al dedaincö fà ponsè sura tan burta che la vera é y tan de dolur y meseria ch’ara po portè. L’ombolt de Mareo Fortunato Ferdigg à rengrazié i scizeri d’La Pli de so ingajamënt cultural y sozial y à sotligné che laôta jôra da defëne nostes valades da invasurs foresć, mo che te nüsc tëmps moderns sunse plü co ater cherdà da defëne y tignì sö i valurs dla porsona, dla familia y de süa dignité. 508

L’idea da lascè dortoré le vedl monumënt di tomà, metü sö sön ur de strada dan Pederü bele dl 1916, é gnüda dal dotur y aconsiadù de comun Marco Pizzinini. Söla falzada dant pon lì: “Erinnerung an die Kriegsjahre 1914-18”. Da dortoré le monumënt, co à sëgn na picia si incëria por ne gnì nia roviné dai tiers sön pastöra, s’à cruzié la compagnia di Scizeri d’La Pli. Mëssa solena en Santa Zezilia cun la dirighënta nöia En domënia de Santa Zezilia, ai 20 de novëmber, à le cor de dlijia d’Al Plan ćiantè la mëssa solena cun la dirighënta nöia Irene Clara, da Lungiarü, y acompagnada dal orgo sonè da Renzo Huber. N valgügn tòć é inće gnüs acompagnà da n grup de stromënć a fle.

AL PLAN

Le cor de dlijia cun la dirighënta jona Irene Clara.

Do mëssa ti él gnü surandè sö dan altè le diplom de 15 agn de ativité pro le cor de dlijia ales jones Maria Trebo y Maria Loise Frontull. Maria de Cone da Val é inće presidënta dl cor de dlijia. Paul Vallazza dëida fora sciöche dirighënt pro les sopoltöres. Döes ćiantarines co à dediché na vita intiera al ćiantè te dlijia é jüdes en ponsiun. Al é Angela da Ćianëi (Maneschg) y Annamaria dal Bagn (Clara Pescollderungg). Ares é gnüdes inviades da daidé fora ćiamò te val’ocajiun, dantadöt dales sopoltöres. Tla Ostaria da Plazores à ciafè le cor de dlijia na buna marëna, dassënn miritada. Al é stè na buna ocajiun da stè n valgünes ores adöm a s’la cuntè, a recordè y sambëgn inće a ćiantè.

Le grup musical “Mosaic” festejëia i 20 agn d’ativité N grup de ćiantarines jones sot ala direziun de Herta Verra Feichter y cun l’incorajamënt y le sostëgn de siur Fonjo Clara, laôta ploan a Al Plan, à metü sö dl 1985 le grup musical “Mosaic”. Les ćianties, en pert scrites y componüdes da mëmbri dl grup y acompagnades da stromënć eletronics, ê laôta val’de nü y chësc stil de musiga moderna te dlijia ne ti plajô tl pröm nia a düć, mo tirâ d’atra pert tröpa jënt jona te dlijia. Te düć chisc agn n’à le Mosaic nia ma ćiantè te so paîsc, mo al é inće jü dër gonot foradecà a fà conzerć y dantadöt a ćiantè mësses da noza. Al é inće gnü tut sö na CD: “Na ćianćia vëgn realté. Le Mosaic à dagnora ćiantè te plü lingac: ladin, talian, todësch, inglesc … 509

AL PLAN

Le grup musical “Mosaic” à complì i 20 agn.

Te chisc vint agn él stè plü jones co à lascè por gaujes desvalies, mo al n’é intres gnü de nöies pormez. Le grup à inće albü sü momënć de crisa, mo la ligrëza da ćiantè y da stè adöm é stada buna da soflè demez les niores fosces. Tla mëssa iubilara te dlijia d’Al Plan él inće gnü recordè, impian na ćiandëra, cater mëmbri jogn dl grup co à messü lascè chësc monn massa adora: Paul Cristofolini dal Hotel, Walter Ties da Plazores, Bruna Trebo dal Sauter y Maria Clara de Guido dal Bagn. Indô n ann de sodesfaziuns por la Lia dai Crëp Mareo Lîtes nöies y confermaziun dles inćiaries plü importantes Rica y plëna de sodesfaziuns é indô stada l’ativité dla Lia dai Crëp Mareo. Cun passa 300 mëmbri, danter atifs y 510

simpatisanć, é la Lia dai Crëp Mareo la uniun cun le maiù numer de iscrić de döt le comun. Por gauja dles stletes condiziuns dla nëi àn podü fà püćes escursciuns schialpinistiches, mo porchël éson jüs sis iadi cun la liösa. Ala gara dla liösa sön Senes, co é inće n pü le dé dla nëi, à tut pert 54 porsones: mituns da scora, jonëza y jënt plü atempada. Le miù tëmp dl dé à fat Gustl dl Iagher (Winkler) y dles ëres é stada la miù Traudl Comploi. Se devertì àn podü en Domëgna Grassa te Üćia de comun ite ai Tamersc. Dër plajü à de merz la sëra de diapositives “Imajes dal Nepal” cun Wally Rubatscher. Les escursciuns da d’isté é piades ia cun la spazirada tradizionala da Mühlbach a Spines ala fin de merz y s’à stlü jö cun la roda incër Pütia ai 30 d’otober. Fajon spazirades saurides de mez en dé y escursciuns plü lunges y impegnatives

AL PLAN

La Lia dai Crëp Mareo fej Domënia Grassa.

de n dé intier sunse rovà n pü indlunch l’atmosfera ê plü da Nadè co da setëmintoronn. Bëgn 30 porsones à tut pert al ber. Val’60 porsones é gnüdes tla Ostaiade d’aisciöda cun escursciun tla Val ria da Runcac ala ćiastagnada cun orela de San Nicolò ia en Fascia. Dër garatè é cörta. inće le iade da d’altonn da Andrian a EpL’ann d’ativité dla Lia dai Crëp Mapan passan fora por vignes y urć de lëgns reo é gnü stlüt jö cun la riuniun generala da pom. Danter les escursciuns plü alpi- tl’Ostaria dal Cone, olache al é inće gnü nistiches él da recordè le Rammelstein, mostrè na seria de diapositives por docuPiz Duleda tl Grup de Puez, Setsas, la Amperspitze te Gsies y Pütia. Le grup di jogn à fat danter l’ater la ferata Merlone ti Cadini de Misurina, na roda tla Rieserfernergruppe y é inće jüs n pêr de iadi cun la roda da munt. Ala mëssa dla Lia dai Crëp tla capela de Sant Ujöp da Oies sön Fanes à tut pert incër 50 porsones, scemìa ch’al nevô y che Cun la liösa sö dla Rastnerhütte. 511

AL PLAN

Söl Ju de San Nicolò (Val de Fascia).

mentè l’ativité fata. Te chësta ocajiun él indô gnü lité le consëi nü por i proscimi trëi agn. Rové ite él chëstes porsones: Giuvani Pescollderungg Tresele Terrabona Planatscher Heinz Pitscheider Angela Feichter Ferdigg Hubert Frontull Hartmann Frontull Hildegard Ellecosta Tone Ellecosta (La Pli) Diego Clara Angelo Ferdigg (Rina) Jep Lanz (La Pli) Les inćiaries da presidënt, vizepresidënt y cassier é gnüdes reconfermades tles porsones de Giuvani Pescollderungg, Heinz Pitscheider y Hubert Frontull.

512

N pü de valch de sport Schi alpin y brëia (snowboard) Inće chëst ann à albü Al Plan trëi atleć de schi alpin te Copa dl Monn: Manuela y Manfred Mölgg y Alexander Ploner. De chisc trëi à Manfred arjunt i mius resultać. Bëgn ot iadi él rové pro i pröms diesc te na gara de Copa dl Monn: 10. tl slalom a Chamonix 6. tl slalom a Kitzbühel 7. tl slalom a Schladming 8. tl slalom lerch a Kranjska Gora 9. tl slalom a Kranjska Gora 8. tl slalom lerch a Lenzerheide 5. tl slalom a Lenzerheide 5. tl slalom lerch a Kranjska Gora Implü él rové 15. tl slalom lerch a Adelboden, 11. tl slalom a Wengen, 13. tl slalom lerch di Campionać dl Monn a Bormio y 16. tl slalom a Kranjska Gora.

AL PLAN

An po dì che Manfred Mölgg à albü dër na buna sajun 2004/2005 rovan al 8. post tla tlassifica finala de slalom, al 15. tl slalom lerch y al 19.post tla tlassifica finala de Copa dl Monn. N pü plü scechè ti àra a süa só Manuela co à arjunt so miù resultat de Copa dl Monn rovan 8. tl slalom lerch a Lienz, ai 28 de dezëmber 2005. Pro les prömes 20 éra ćiamò rovada tl slalom lerch a Santa Caterina Valfurva (17.), tl slalom a Zagreb (14.), tl slalom lerch a Maribor (19.) tl slalom lerch a Sölden (18.) y tl slalom lerch a Spindlermühle tla Cehia (20.). Manuela y Manfred Mölgg podarà oramai dessigü tó pert ai Jüć Olimpics da d’invern a Torino y chësc é n gran onur por n pice paîsc sciöche Al Plan. Düć sü fans, nia ma d’Al Plan, ti druca i poresc y spera te val’bun resultat. Nia cis bun ne ti éra jüda a Alexander Ploner. Do ch’al s’à fat mè n’él nia plü stè bun da rové al livel da denant y plü dessigü ne saràl nia bun da se cualifiché por les Olimpiades da Torino 2006.

Tl sport dla brëia (snowboard) à Meinhard Erlacher arjunt i mius resultać cun n 8.post tl slalom lerch paralel (ai 19. de jenà). Al 8.post s’àl inće plazè tl slalom paralel a Winterberg y so miù resultat àl arjunt tl slalom paralel de Copa dl Monn a Sungwoo tla Corea dl süd, olache al é rové söl podium (3.). Meinhard arà bunamënter inće la sodesfaziun da podëi tó pert ai Jüć Olimpics de forà 2006 tl Piemont. Ćiarè pro messarà baldi i atri dui atleć dla brëia de Mareo, Walter Feichter, d’La Pli, y Hannes Mutschlechner, d’Al Plan. Slalom lerch de Copa Europa söla “Ërta“ Finalmënter éra garatada! Bele l’ann passè êl söl program na gara de schi alpin söla pista „Ërta“ da Sarjëi jö, mo ara n’ê nia jüda da arjigné ca la pista adora assà y an â messü jì sön Pre da Peres. Chëst ann él gnü la nëi plü adora y al é inće stè frëit assà da podëi nen fà coi canuns y ai 14 de dezëmber, por la gara de slalom lerch de Copa Europa, ê la „Ërta“ tles mius condiziuns. La gara é gnüda davagnada da Florian Eisath (ITA). Al secundo y terzo post él rové Michael Gufler (ITA) y Thomas Fanara (FRA). Nos d’Al Plan sperân dassënn te nüsc dui atleć de Copa dl Monn, mo – nemo profeta in patria – Manfred Mölgg à messü s’acontentè dla 9.posiziun y Alexander Ploner é rové 16. Campionat dal palê

Manuela y Manfred Mölgg: n iade nia söi schi.

La scuadra dl Mareo de II categoria à stlüt jö le campionat 2004-05 al 9.post sön 12 scuadres, cun 25 punć. A chësta 513

AL PLAN

I trëi mius dl slalom lerch de Copa Europa söla “Ërta”: Florian Eisath, Michael Gufler y Thomas Fanarà.

Scuadra dal palê U9: i plü jogn, na speranza por doman.

514

AL PLAN

moda é le Mareo ćiamò romagnü te II categoria. La pröma pert dl campionat 2005-06 é jüda plütosc mal. Le Mareo é jü tla palsa da d’invern al penultimo post sön 12 scuadres raspan adöm 8 punć te 11 partides. Al é ma stè bun da davagné na partida sóra, 5 n’àl pordü y 5 é jüdes fora pêr. Do la sajun da d’invern metarà man la secunda pert dl campionat y an spera che la scuadra dl Mareo ais n pü plü fortüna y ch’ara sides almanco buna da restè te II categoria. La seziun dal palê dl Sport Club Mareo à ćiamò albü d’atres scuadres co à soghé ti campionać federai. La scuadra juniors à rové le campionat 2004-05 al 7.post sön 10 scuadres, cun 14 punć te 9 partides.

La scuadra aliefs à tut ite l’8. post sön 10 scuadres, cun 8 punć sön 9 partides. Tla categoria U13 é la scuadra marora rovada ultima sön 9 scuadres, cun n punt su te 9 partides. Dër bun s’à comportè la scuadra U11 co s’à davagné la 3.posiziun sön 9 scuadres, cun 31 punć te 16 partides. Plütosc mal ti éra inće jüda ala scuadra U10 co à messü s’acontentè dl penultimo post sön 9 scuadres abinan adöm 3 punć sön 8 partides. La scuadra di plü jogn U9 n’à nia tut pert al campionat, mo à ma fat alenamënt y val’partida amicala. Gran chidlada por le Sport-Club Mareo Chësc altonn él stè la seziun dal palê dl Sport-Club Mareo co à metü da jì tles

Gran chidlada: les trëi mius scuadres dles ëres.

515

AL PLAN

chidlares da Runcac la gran chidlada a scuadres por uniuns y assoziaziuns, clubs, dites y firmes dl comun de Mareo. Tut pert à 7 scuadres de ëres y 27 scuadres de ëi. Le dé de sport y orela cörta é stè la pröma domënia de novëmber. Na pert chidla por davagné o almanco por rové te tlassifica le plü poscibl dancà, mo tröc tol inće ma pert por se devertì y stè en compagnia.

Roland Daverda (161 chidli), Martin Ferdigg (207 chidli), Robert Palfrader (198 chidli), Giuvani Pescollderungg (233 chidli), Walter Weiss (200 chidli). N lalt y n dilan se mirita i organisadus dla gran chidlada, i patruns dles chidlares y i sponsors di trofei y dles medaies y di bi pesć por la ola dla fortüna.

Les trëi mius scuadres feminines é stades: 1. Ëres classe 1957 2. Les Montanares 3. Chëres dles pazionzes Dles scuadres di ëi à davagné: 1. Chi da Rina 2. Forza Inter 3. Club Excelsis Gobi Pro i partezipanć él inće chidladësses y chidladus profescionisć che chidla tles scuadres de campionat y i mius da chidlé é sambëgn dagnora chisc. Mo chëst ann él stè na dërta sensaziun. Sides pro les ëres co pro i ëi él stè i diletanć co à batü i profescionisć. Cun 233 chidli à le maester en ponsiun Giuvani Pescollderungg arjunt tla categoria sura i 60 agn le record di ultimi dodesc agn. La miù dles ëres é stada la ostira da Longega Annelies Complojer cun 176 chidli. Dagnora ne bàstel nia ma savëi da chidlé, al ô inće ester n pü de fortüna. Tles singoles categories à davagné: Anita Complojer (163 chidli), Karin Taibon (152 chidli), Dolly Mutschlechner (164 chidli), Annelies Complojer(176 chidli), Annamaria Ties (155 chidli); Gerda Complojer (175 chidli), Victor Obojes (180 chidli), Daniele Clara (184 chidli), 516

Giuvani Pescollderungg à metü sö n rècord nü rosedan 233 chidli.

LA PLI

Foto: Lois Ellecosta de Colac/Al Plan

• Iaco Rigo

La ćiasa da Peraforada de Sot, gnüda trata jö dal 2005 en gaujiun dal avanzamont dai laurs por la costruziun dai tonì dla strada nea. Con ëra s’an è jü en toch de storia de döta la Val Badia y inće la storia de na familia.

517

LA PLI

Movimont dla popolaziun I numeri en cört Al 1. de iener 2005 viêl a La Pli de Mareo 808 porsones, ai 31 de dezëmber 2005 814: le numer de abitanć è corsciü de sis unitês: önesc de nasciüs, set de morć, sis è gnüs a sté y cater è jüs a sté demez. Movimont dla popolaziun Bati, nasciüs dal 2005 co abitëia a La Pli Sofia Rigo, de Carlo y Maria, Ćiaseles, Samuel Rigo, de Martin y Bernardette, Alnëi, Alan Ellecosta, de Andrea y Christine, Rara, Carolin Willeit, de Walter y Carmen, La Pli, Pire Ellecosta, de Jep y Helene, La Costa, Filip Taibon, de Lukas y Barbara, La Pli, Ivan Trebo, de Gustl y Petra, Costamesana, Iulian Miribung, de Anita y Florian, Costamesana, Jan Burchia, de Siegfried y Rita, Val,

28-01-2005 28-01-2005 05-02-2005 15-04-2005 06-06-2005 10-10-2005 21-10-2005 26-11-2005 15-12-2005

Nozes de jogn y jones d’La ’’La Pli ia por l’’ann 2005 Luzia Maria Rindler y Karl Heinrich Nitz, Ingeborg Pedevilla y Nicola Liberati, Ellecosta Hubert y Margot Pezzei, Matthäus Taibon y Barbara Westermann, Markus Rindler y Maria Francesca Lo Feudo,

04-06-2005 11-06-2005 24-09-2005 01-10-2005 10-12-2005

Markus Rindler y Maria Francesca Lo Feudo s’à dit de sciö a Cosenza tla Calabria.

518

LA PLI

Morć

(düć nasciüs a La Pli, morć a La Pli y foradecà)

Jan Vollmann, Maria Kanetscheider Obojes, Lois Rigo, Signor Angelo Morlang, Emilia Peslalz Zippani, Anna Burchia, Angela Baldissera, Paul Astner, Heinrich Erlacher, Colomba Rigo Pallestrong, Angelo Astner, Maria Trebo Sottsass, Fortunato Agreiter, Maria Vitoria Trebo Erlacher,

01-01-2005 25-01-2005 27-01-2005 12-02-2005 27-02-2005 28-02-2005 23-03-2005 23-04-2005 13-05-2005 16-06-2005 19-07-2005 07-09-2005 05-11-2005 06-11-2005

Angelo Rastner, tlamé “Angelo De Zinto”. Nasciü êl ai 5 de setëmber 1937.

Fortunato Agreiter d’Alnëi è mort al’eté de 81 agn.

Lois dla Munt, nasciü êl ai 19 de mà 1935.

Vitoria Erlacher de Blaje ea nasciüda ai 28 d’aurì 1907.

519

LA PLI

Mëda Nane de Val ea nasciüda ai 25 de forà 1910 y è stada por trec agn cöga de calogna a La Pli de Mareo, denanco roé dal 1995 tla Ćiasa de Palsa a San Martin de Tor.

Colomba ea nasciüda ai 7 de setëmber 1913 tla ćiasa dal Roder a Brach, sopelida èsera gnüda a Porsenù.

Signor Angelo da Miscì nes à lascé “Signor Angelo ea nasciü a Miscì a La Pli de Mareo y â stüdié tal Vinzentinum y tal Seminar a Porsenù, olache al ea gnü consacré preo ai 29 de jügn dal 1943. Al ea sté capolan a Col de Santa Lizia, a San Linert, a Siur Angel Morlang i agn otanta, canche al ê Longiarü y a La ćiamó presidënt dl’EPL- Val. Tal 1951 Ert por i Ladins. êl roé ploan a Rina y dal 1959 al 1986 êl sté ploan a San Martin. Dedô tai agn de palsa âl daidé fora, tan dio che al ea sté bun, tles ploanies da San Martin y Longiarü. Con i talënć che Signor Angelo â ciafé dal Signur laurâl por la zelebraziun solëna dla liturgia y ensignâ y encündâ la parora de Dio con convinziun. Al sostignia les uniuns, i cors y la musiga sacra, enviâ la comunité, tignia alalt la ćiasa de Dio y portâ ennant la reforma

dal Conzil Vatican. Al amirâ la natöra y ti orea bun a söa patria y a söa jont ladina ch’al renforzâ te na fede frëma con söa ert dal deponje y dal scrì, dandadöt con le Calënder Ladin. Idio enviëies so sorvidù ala festa dal past tal rëgn dal ci.” Ensciö stàl scrit söla Santa da Mort. Signor Angelo è mort ai 12 de forà 2005 a San Martin de Tor. I ultimi agn àl passé tla Ćiasa de Palsa tal paisc. Ala festa de sopoltöra, stada ai 15 de forà a San Martin, à tut pert en gröm de jont dal paisc de Tor, dai paisc de döta la Val Badia, de Gherdëna y dales valades todësces de Südtirol. La jont n’â apëna lerch sontada y en pé te dlijia. Le vësco diozejan Wilhelm Egger, le degan Franz Sottara, le ploan da San Martin de Tor y Longiarü Signor Iaco Willeit, à zelebré con na desëna de ploagn y prei dla Val Badia y da foradecà la santa mëssa de comié al defunt. Le cor de dlijia da San Martin de Tor, sot ala direziun de Iarone Chizzali, à abelì la funziun con le bel ćianté solënn. La Musiga da San Martin, co â inće acompagné ćina te dlijia le scrin de Signor Angelo, à soné so adìo te

520

LA PLI

Signor Angel Morlang con Hugo Valentin, le presidënt dal Istitut Culural Ladin, en gaujiun dla mostra monografica por sü 80 agn, ann 1998 tal Istitut Cultural Ladin, organisada dal’EPL-Ert por i Ladins, la uniun dai artisć figuratifs, leterars y musicai dla Val Badia, motüda sö da Signor Angelo dal 1958. Signor Angelo è sté ćina al 1995 presidënt dal’EPL y redadù dal Calënder Ladin dal 1962 ćina al’ediziun por l’ann 1996.

cortina y le cor de dlijia, deboriada con ćiantarines y ćiantadus da dötes les cöres dla valada, à ćianté te cortina le Magnificat - desco orü da Signor Angelo. Al è sté na festa de comié solëna y sciompla, acompagnada dales uniuns dal paisc gnü en secundo daćiasa de Signor Angelo y da sü conoscionć, compagns, dai parënć, artisć y dala cöga de Signor Angel Ida Dejaco. Na porsona conesciüda desco scritur, om de cultura y artist, na porsona co s’à ’’à dé jö con convinziun por la “ “causa ladina” Önn dai gran merić de Signor Angelo

Morlang è dessogü sté chël da avëi motü sö, deboriada con en valgügn amisc de chi agn, la uniun culturala ”Ert por i ladins”. Al ea i agn cincanta. Le ladin y döta la ladinité metea bel plan man de se endespré. La Uniun di Ladins, fondada l’ann 1948, fajea sü pröms varesc y jea ennant con gran fadia, con degün aiüt da pert dles istituziuns y con le conribut de püć idealisć, che fajea ći ch’ai podea. Al manćiâ döt: scioldi, porsones, istituziuns. Y al manćiâ soradöt na legislaziun che ess valorisé y defonü la causa dai ladins. Te cösta situaziun à Signor Angelo, l’ann 521

LA PLI

1958, abiné adöm zacotan de porsones co s’enteressâ de leteratöra, ert, musiga y ćianté y à motü sö na assoziaziun por daidé i ladins dla Val Badia da jì ennant sön la strada de na cultura co chiria en so tru por i dé na identité ai ladins. Por oramai carant’ agn (dal 1958 al ’95) è Signor Angelo sté a će de cösta istituziun (denominada sön proposta dal dr. Lejio Baldissera ”Ert por i Ladins”) y desco so presidënt àl porté pro a endespré tal monn ladin na vijiun nea, ch’à spo con le tomp porté sü früć: tal ćiamp dal’ert, dla leteratöra y dal ćianté, spezialmënter por ći co reverda i cors de dlijia. Signor Angelo enstës à publiché, con l’aiüt de püć volontars, y con gran pecügna de scioldi, le Calënder Ladin dal 1962 al 1996. En contribut cösc che al fajea, t’en grömun de ores de laur, zonza avëi mai pretondü o ciafé na lira. Na porsona co à fat ”punć” y co è sté en pionier sön en tru, sön chël che al sâ da jì ennant, zonza s’aspeté reconoscionza dai atri. Al ea spo artist dal penel, dai corusc, che tolea dala natöra y dai sentimonć dla jont la ligrëza da dé ennant ligrëza ai atri. Sü acuarei, söes pitöres y ilustraziuns è plënes de löm, d’armonia y de serenité. Al nen à fat dai cionć y en gran pert i àl scinché ia y i à partì fora por la ligrëza da i fà ligrëza a chi co viea empara. So spirit ea chël dal artist co chir val’ co se manifestëia empormò do ch’an l’à arjunt. Mo al ea inće en bun organisadù. Na porsona pratica co sâ ći ch’al orea y co dijea ći che al ponsâ. Söa minunga ne messâ nia dagnora jì a öna con chëra dai atri y sce al orea arjunjer val’, sâl ći tru tó por roé a realisé sü proieć. Dal 1965 al ’74 èl sté mëmber y inće presidënt dla ”Consulta Ladina”. Al à 522

scrit y publiché libri ladins co ea por chi agn na gran rarité (al contrar d’al dédaincö) y co gnea lić con coriosité y con enteres. Signor Angelo è sté en om de dlijia y de cultura, co sâ da vire dër dlungia la jont, co conescea söes dificoltês y co proâ da capì inće chi co â n’atra vijiun dla realté. Inće sce al ea rio da i fà müdé idea, sâl da aprijé ći che i atri fajea. So temperamont sterch deboriada con söa natöra fina d’artist l’à acompagné ćina ch’al è roé a 86 agn a slü jö le tru de söa vita por i la dé zoruch a chël Patrun, che al à sorvì con fedelté por tan d’agn. Inće nos, che i àn lauré empara, orun i dì iolan a Signor Angelo y le recordé con reconoscionza por döt ći ch’al à fat por la cultura ladina y por söa jont. (hommaja de Franz Vittur) Fora dla ploania La Schira Jonila è jüda a fà tal mëterman dal ann i Trëi Resc, por perié do val’ spënora da ti mené ala püra jont. Les festes de dlijia è gnüdes zelebrades con solenité y è endô dër garatades; en contribut emportant à dé le cor de dlijia y la musiga, mo inće trepes d’atres uniuns dal paisc y nia en n’ultima à la comunité dé so contribut emportant. Le Sacramont dla Crejima Ai 15 dé mà àn endô tignì te nosc paisc la festa dla Confermaziun: 11 mituns y 7 mitans à ciafé da Signor degan le Sacramont dla Crejima. Söle placat por cösta ocajiun àn podü lì che ai s’à motü con ”Gejù Crist, Spirit Sant, pêsc, coraje, ligrëza, amur, responsabilité sön tru ala ćiasa dal pere”.

LA PLI

I crejimanć d’La Pli de Mareo dal 2005.

Le placat con le motto de mitans y mituns co à ciafé la pröma Santa Comegnun.

523

LA PLI

Perathoner y raprejentanć dal Consëi de Ploania a fà na meditaziun söle tru de San Francësch a Türesc. Pa na griliada tal urt dal Sorvisc ai Jogn da Türesc y na partida al palê cuntra i gragn s’ài divertì döt le domisdé. Referat söle Camerun Ai 7 de jügn à le consëi de ploania envié adalerch Annamaria Fiung a mostré diapositives sön en iade tal Camerun. Festa a Signor Tone

Mitans y mituns co à ciafé la Pröma Santa Comegnun.

Le Sacramont dla Santa Comegnun En n’edema do, ai 22 de mà, à podü jì sis mituns y cin’ mitans de secunda ala pröma Santa Comegnun. La Santa Mëssa è gnüda abelida, desche al è belo tradiziun, dal cor dai scolari. Le tema che i scolari s’à chirì fora por söa festa è sté ”Gejù, nosc ciafêr por la vita” Jita dai ministronć I ministronć è jüs ai pröms de mà, acompagnês da Signor ploan Heinrich 524

Ai 26 de jügn à la ploania d’La Pli motü da jì na festa por Signor Tone Fiung y sü 25 da preo. Signor Tone è gnü consacré ai 29 de jügn 1980 a Porsenù y à dit söa Mëssa Noèla a La Pli ai 6 de iuli 1980. Bel tomp por na bela ocajiun, chëra da fà festa por i 25 agn da preo de Signor Tone Fiung, de Deto da Longega. “Al è desche i ess tignì ennier la mëssa noèla”, è sté en comentar dal iubilar. Inće le paisc sontia la festa, les aries ê ralegrantes, sön ćiampanin bandorâ la bandira blanćia y ghela dla Dlijia y dan üsc de dlijia aspetâ en portal de triunf sön le iubilar y döta la comunité. Con l’ingres dla Musiga d’La Pli y so dirigënt Andrea Daverda à motü man söla Gran Plaza la festa por recordé i 25 agn de sacerdotium dal preo plü jonn d’La Pli, Signor Tone. La Musiga y le Cor de Dlijia à acompagné Signor Tone y Signor Merch da calogna jö te dlijia. Dan alté s’â arcuncé sö en cor de scolares y scolari dal paisc, por daidé abelì con les ćianćes ladines nasciüdes tla scora d’La Pli tal ultimo tomp sot al maester Ludwig Rindler la gran mëssa. “Al è sté mia

LA PLI

La Musiga d’La Pli röa adalerch por tó ete le iubilar. Signor Tone y Signor Merch vën tuć sö dal Cor de Dlijia dan Calogna.

aodanza da podëi festejé cösta mëssa con les usc dai mituns”, à dit Signor Tone. Inće le Cor de Dlijia sot ala direziun de Christian Ellecosta da Taibun à ćianté söa pert te Dlijia. Jep Agreiter de Brach, presidënt dal consëi de ploania, à salüdé dan mëssa sö da alté Signor Tone, le rengrazienn de so sorvisc a bën dla comunité y dal aiüt che al dà entres endô inće al paisc d’La Pli y ala comunité cristiana d’La Pli. Signor Merch, ploan en ponsiun a La Pli, à conzelebré con le iubilar la liturgia solëna. Plajor è sté l’enserimont dla letöra dla oma de Signor Tone, Maria de Deto, co à dagnora inće daidé la comunité dal paisc y s’à dër gonot dé da fà por la vita dla dlijia a La Pli. Signor Tone à enstës tla pordica cunté sön söa strada che al à fat te chisc ultimi vintecin’ agn, alzenn fora so engajamont por le laur dai jogn dla Diozeja de Balsan-Porsenù y chisc agn tla pastorala por les families. Al à cunté con gran sensibilité y inće sentimont tan emportanta che la familia è, ći müdaziuns che ara mëss afronté por crësce ennant. Ma i momonć sfadiusc ensëgna a crësce y a svilupé ennant la personalité y en liam sterch, al intern dai maridês, dai geniturs y dai mituns. Do la santa mëssa

Signor Tone dertan söa pordica.

Sön plaza à Signor Tone podü s’la cunté t’en clima familiar con sü parënć y compaejans.

525

LA PLI

à invié la ploania a na agape sön plaza, y la Musiga d’La Pli à salpü da ralegré i cörs dal iubilar, de sü parënć y de döta la jont. La festa è ensciö gnüda tignida t’en clima dër familiar, cösc è gnü orü ensciö dal iubilar enstës. L’uniun dles ëres à inće te cösta ocajiun motü do mëssa sön la gran plaza val’ da mangé y da bëre sön mësa: pa na duciaria o l’atra y en goto de bun vin à düć albü l’ocajiun da s’la cunté y fa na ”viva” o l’atra con le iubilar da Longega, al dédancö conesciü lunc y lerch y chirì en pü’ da düć por referać y consëis. La festa por la jont d’La Pli jüda a sté tal forest L’ativité dla ploania dal ann 2005 s’à spo conzentré sön la festa dla jont foradeca che le Consëi pastoral à motü da jì adöm al KVW. Düć i nasciüs a La Pli y jüs a sté foradeca è gnüs enviês da tó pert: a 412 porsones èl gnü mené fora l’invit da gnì en Segra dal Rosare, ai 2

d’otober 2005, a La Pli a fà festa deboriada. Do la mëssa solëna, ćiantada dal cor de dlijia, êl sté ponsé da tignì la prozesciun de Segra dal Rosare fora Brach, mo le tomp ne l’à nia empormetü. Le program è a cösta moda jü ennant te Ćiasa dles Uniuns, olache la musiga à soné y l’uniun dles ëres à arjigné ca val’ da mangé y da bëre. Les trepes porsones da deforadecà à atlò albü l’ocajiun da s’encunté y s’la cunté danter ëi y con la jont dal paisc; Berba Jep de Col, nasciü dal 1907, è sté le plü tai agn de chi co ea gnüs. Plü tert à spo düć i enviês ciafé te salf tultres y panicia da marëna, döt bel arjigné ca dales ëres. Endertant êl inće gnü daurì al publich la mostra de “cosses” fates a La Pli: trec se fajea demorvëia, inće de chi dal paisc, tan de bel patüc che al vën dötaorela ćiamò fat te paisc. Da amiré è incé stada la pasciun, la disponibilité y la ligrëza che les porsones co â porté le patüc â desmostré pal enfornì sö cösta mostra. La festa s’à slüt jö con i espi da festa. Trec se conforta ala proscima!

Con le tomp n’àn nia albü fortüna, belo da doman plöêl y do la gran mëssa, canche al foss sté da fà la prozesciun fo’ Brach, tignîl ennant. La prozesciun à mossü gnì desdita y inće le conzert dla Musiga sön plaza.

526

LA PLI

La Musiga s’à arcuncé sö sön scenar dal gran salf y à salüdé i compaejans da foradecà y la jont dal paisc con melodies popolares: en gran pert marces. L’agape à podü gnì tignida a cösta moda te salf, y la jont à salpü da aprijé le patüc che les volontares y i volontars à porté adalerch. La mesa dla öna à spo i ghesć da foradecà ciafé da marëna.

Berba Jep de Col, nasciü dal 1907, è sté le ghest antergnü manco jonn.

527

LA PLI

Na mostra de morvëia Nia da crëie ći che les mans jones y manco jones d’La Pli sa da fà! Te scora èl gnü motü fora, en gaujiun de cösta vijita dla jont dal paisc cola vita tal frostì, na mostra de “patüc” chirì adöm y realisé fora por les ćiases de paisc, ensciö: minerai, corëć, cadri, plomac, tovaies, crisć, ćiandëres, decoraziuns cujides, crìpeles, tofles de ocajiun desvalies, gherlandes de ćera, ez. Döt è gnü arcuncé sö te na bela cornisc envitanta. Te na tlassa a pert èl spo gnü motü fora duplicać de retrać vedli söle paisc, con ćiases y ciaradöres da zacan. La mostra

De vigne sort de tofles religioses vëgnel arjigné fora por chës ćiases a La Pli.

Odüda söle local con le bel patüc motü fora.

528

à tignì davert por döt le domisdé y trepa jont à tut l’ocajiun por odëi con morvëia ći bel patüc che al vën pastelnè y realisé a La Pli. Laprò èl inće sté lerch por cadri dai artisć d’La Pli plü renomês, inće foradecà, y por chëres y chi co fej ert dantadöt por chirì te formes y corusc la belté dla natöra dal paisc y dla vita en general. Laprò èl inće sté da odëi la leteratöra co vën scrita da plü jogn a La Pli y co è inće belo gnüda premiada foradecà. Berba Jep de Col: le ladin da Untertilliach Danter i trec ladins co s’an è jüs dala vera por gauja dla politica nazionalista taliana y dles empormetüdes de Hitler y co è romagnüs lafora èl inće berba Jep Palfrader. Por la Segra dal Rosare à la ploania d’La Pli envié alerch i ladins da foradecà. Che trec d’La Pli s’an è jüs demez por gauja de laur o de maridé èl düć che sa, mo che al foss plü co 400 porsones d’La Pli demez da so paisc nadé, n’ess degügn cordü. La gran pert è te Südtirol, mo al n’è inće sora döta l’Europa, tl’America y tl’Australia. Danter chi co è capità en Segra dal Rosare a La Pli èl inće sté berba Jep Palfrader de passa 90 agn. An i dij berba Jep de Col sora Curt. Le lü de Col ea jü vonü dala familia Rovara al paur Jan Palfrader de Pre. Baldi che dal 1898 êl vardü jö. Spo àn con le tomp fat sö ćiasa y majun. Le paur Jan â chisc fredesc: Florian co ea gnü preo, Jep co â cumpré la ostaria “Grüner Baum” a Bornech, Franz co â emparé tisler y fajea spiun dla ćiacia. I dui fredesc Jan y Franz n’â maridé döes dal Casun, sorus de Tone y Jepele Frontull, cösc ul-

LA PLI

I sonsì ala noza de Jep de Col y Nane da Ćianoré, a La Pli de Mareo dal 1941.

tim conesciü desco maester y musizist aprijé. Franz â podü arsì con la familia sön le lü de Col, mo patrun ea so fre. Dal 1930 êl mort le paur Jan de Pre y so möt Pire de 20 agn ciafâ le lüch de Col. La familia de so berba Franz à mossü lascé Col y s’à aćiasé a Ćianoré/La Pli. Franz â chisc mituns: Hubert co â ierpé da so berba Jep la ostaria “Grüner Baum” y à maridé Lena Pizzinini de Runch/Badia, Lisele co â maridé le tiscere Florian Nagler da La Val, Maria co ea jüda a Bornech a vire y Jep co ea roé forapert. Jep è nasciü ai 26 de novëmber dal 1908 sön le lü de Col, è jü a La Pli a scora da so berba Jepele Frontull. Laota jea i gran scolari empormó da Gnissant a scora y lasciâ do Pasca, deache ai

messâ daidé a ćiasa vardé y jì alaleria. Dal 1920 al 1927 à Jep lauré pa so berba paur; spo ti à so berba Jep chirì en post a Raiscia por emparé todësch sön le lü “Dreier”; le jonn Jep ea le prodadù. Laota êl tradiziun che la sorvidù gnea tuta sö da Santa Maria dai Poć y danlò inće lasciada jì. Dal 1928 à Jep de Col mossü jì a Livorno a fà le soldà, dedô àl lauré de taies a Schluderbach, spo àl daidé dal 1930 al 1932 so fre Florian. En ann à Jep de Col fat le fant a Costamesana pal paur da Iun, i agn 1933/34 èl sté fant a Sorafurćia pa Franz Unterhofer. Dui agn à Jep lauré pal ostì dal Cone a Al Plan y dal 1936 al 1939 èl sté gran fant a Aufkirchen pal Oberhammer co â 12 sorvidus. Pal Baumgartner da Toblach àl fat le fant dai ćiavai. Al messâ döt invern mené con 529

LA PLI

dui ćiavai taies sora le lé da Toblach ca. Dal 1939 à la familia Palfrader opté forapert. Dal 1940 à Jep de Col motü man da emparé da lauré da pinter a Valsperch por avëi na maestria. Da abité a Ćianoré à Jep Palfrader i ultimi agn. le jonn de Col emparé da conësce la jona Nane Erlacher, fia dal patrun da Ćianoré. Cösta â emparé dui agn êfom jö por la Talia, â dal 1939 opté forapert y â mossü taié ia le stüde y t’en mëns s’an jì iaifora; en ann àra ćiamó emparé a Elberfeld (Wuppertal tai Paisc Todësc); dal 1941 àra podü gnì alerch, mo n’â nia plü orü s’an jì, deache ara â odü lafora la borta situaziun politica. Sön cösta s’â Jep y Nane maridé ai sis de jügn, en dededolönesc do Pasca de Mà dal 1941. Nane da Ćianoré ê piada ia a chirì laur y â ciafé fora Untertilliach (Osttirol) le post da efom y inće laur por so om. Cösc messâl avëi por podëi jì forapert. D’agost dal 1941 èl gnü fat le poch. Jep fajea lafora lëgna por “Katz & Glump”. Sce an va do Sillian por la strada a man dërta röon tal Lesachtal con le rü Gail; al spìzora tosc le paisc Kartisch con söa forcela y ara ne döra nia dio che an vidlëia Obertilliach y spo Unter530

tilliach. Danlò demez röon tosc a Maria Luggau co fej belo pert dla Ćiarenćia. La dlijia è dedicada a Maria Schnee y dlungia èl la tlaustra dai Servić. Ai 26 de iener dal 1942 à Jep mossü jì sot a Graz, è roé a Wörgl pa na “Marschkompanie” y de jügn dal 1942 l’àn mené a Reval (Estonia), spo èl sté nö dis sön la barca ćina a Turku (Finlandia); sön le iade ea la barca gnüda tocada da en torpedo, mo Jep â albü na gran antöra. Da Turku è Jep de Col roé a Hyrynsalmi amez la Finlandia; ćina d’isté dal 1944 è nosc soldà mareo romagnü tal retrotera pai ćiavai, mo spo l’àn orcé sön le frunt pai canuns y pai spiuns dal telefonn; danlò èl resté ćina ala retrada d’otober dal 1944; al â endô ciafé ćiaval y ćiar por mené muniziun. Dala retrada è Jep de Col roé a Rovaniemi, ciüté capitala dla Laponia. Döta la ciüté ea en flamun; taché fü ala ciüté ti â i todësc. De iener dal 45 roâ la compagnia de Jep de Col a Murmansk y spo ennant ćina Narvik. A Trondheim à i soldas todësc mossü se dé sot. Jep de Col è gnü pié dai inglesc y è roé t’en logher. Al podea de dé lauré pai paurs por se davagné la mangiaria. Al 1. d’otober dal 1945 èl roé con la barca a Travemünde dlungia Oldenburg (Schleswig-Holstein); danlò fajêi por invern ćiases con ziedli d’arjila y stran. Nadé dal 1945 à nosc soldà festejé t’en gran stalot dles iarines. Ai 25 de iener dal 1946 è Jep de Col gnü lascé lëde dala prijonia a Villach (Ćiarenćia). Le dé do èl roé a ćiasa a Untertilliach. Söa fomena â araté che al foss tomé te vera, deache ara n’â dui agn alalungia ciafé degüna posta da so om. La ligrëza ea grana por fomena y mituns. Jep de Col â empröma lauré pala fa.

LA PLI

Atzwanger y d’aurì dal 1946 al 1953 àl ciafé laur pala mensa dal vësco co à danlò 400 ha de bosch; dedô àl lauré pal Plattschuster, pa “Brown-Boveri”; berba Jep è inće romagnü en ströf zonza laur. Dal 1954 encà ćina che al è jü dal 1973 en ponsiun à berba Jep de Col lauré pala siëia Goller. Jep de Col y Nane da Ćianoré à albü sis mituns; la fomena fajea da efom y l’â dër döra. Con de gran strabac messâra jì fora por chi lüsc dai paurs ala munt a daidé les ëres mëter al monn sü pici. Al ea da jì a vigne ora y da vigne tomp. I mituns à düć podü stüdié y se emparé na ert. Önn è tisler a Kematen, önn è diretur a Stams, en n’ater ensëgna a Rotholz, önn è gran scienzié dles medejines a Kundl, na möta è maestra de scora a Anras, l’atra a Lienz. Önn dai mituns à motü adöm le lën genealogich dai Palfrader y Erlacher co munta sö a plü co 30 plates, en laur da pazionza y ortü nia da crëie. Berba Jep è sté lafora pal cor de dlijia dal 1946 ensö y à fat l’orghelist. Deboriada con söa só Maria àl tut sö 100 cassëtes sonores con 400 ćianćes popolares todësces. Dal 1959 s’àl fat na ćiasa; berba Jep dij che al è dër gnü daidé lafora; les brëies, le legnan àl ciafé scinché. Dal 1987 è mëda Nane morta y gnüda sopelida a Untertilliach. Berba Jep è romagnü a Untertilliach; al s’la tripâ y fajea cortì con les andeles dles siëies. Da en ann encà vîrel a Sillian tla ćiasa dai sochedis. Chi d’La Pli ti aoda a berba Jep de Col ennant agn de sanité y fortüna y che al mantignes ennant söa bona löna y so gran otimism. Döt le bun por i 97 agn che al à complì ala fin dal ann 2005! (articul sön Jep de Col: Lois Trebo)

Les lites dal Consëi de Ploania Ai 5 de novëmber àn inće tignì a La Pli les liltes dal Consëi de Ploania. Le Consëi Pastoral por i agn 2005-2010 è motü adöm da cöstes porsones: Signor Heinrich Perathoner (ploan), Franz Rigo (presidënt), Michela Fiung (vizepresidënta), Lois Taibon (secreter), Emma Ellecosta, Oswald Ellecosta, Angelica Konrater, Rita Konrater, Jep Palfrader, Paul Pedevilla, Jan Willeit. Le Consëi de Formaziun Te söa ativité à incé en cösc ann endô le Consëi de Formaziun dandadöt ćiaré che al vëgni organisé cursc y referać te paisc. Emplü èl gnü slüt jö le laur con i ennoms dai posć. Por che plü porsones poi daidé chirì ennoms èl gnü partì sö le terac d’La Pli sön 25 de gran chertes ortografiches (tal raport de 1:2000). Zirca 10 porsones s’à spo parti sö cöstes chertes y è jüdes entoronn a damané do ennoms. I ennoms è empröma gnüs portês ete sön la cherta a man y tal medemo tomp scrić ete t’en sfëi. Canche dötes les chertes ea stades emplides de ennoms, èseres gnüdes abinades adöm y al è gnü dé ete i dać tal computer. Al è spo gnü stampé na cherta provisora y la lista dai ennoms. Cösc resultat i è gnü prejenté por plü domëgnes ala jont y düć è ćiamò en iade gnüs enviês da fà coreziuns o enjunté ennoms. Endöt à spo 40 porsones dé dant ennoms y al n’è roé adöm endöt 946. Trec è sambën ma na descriziun dal post, mo cotanć n’èl al dédancö nia plü saurì da capì y sona dër bun: Ćiastel dal Onter, Porta Scredapa, Plan Redánt, Variàtes, Pre Tinàl, Plan de 531

LA PLI

Pert dla mapa co tol ete i toponîms sora Frena.

Frapes, ez.. Le laur i è spo gnü sorandé al Istitut Cultural Ladin a San Martin de Tor co laurarà scientificamonter lassora y publicarà spo incé con l’aiüt de sü laurs belo fać te cösta direziun na cherta de döt le comune. La scolina en pü’ desco na familia

fà esperionzes co i acompagnëia por la vita. Inće dertan cösc ann de scolina ti èl endô gnü pité ai mituns y ales mitans de vigne sort de jüć y ativitês tai ćiamps desvalis (movimont, espresciun grafica, lingaz, preparaziun ala scora, ćianté,...). Na gran emportanza ti vëgnel dé ales

Tal ann de scora 2004/2005 èl sté 19 mituns y mitans che à frecuenté la scolina. Ai è gnüs acompagnês dala maestra Annelies Planatscher, dala assistënta Daniela Vallazza y dala socodiënta Roswitha Castlunger (plü tert Anna Pedevilla). La scolina è en post olache i mituns y les mitans à la poscibilité da sté en compagnia, da emparé da conësce compagns nös, da fà la blëita y se divertì, mo inće da emparé trepes cosses nees y da

La turta por la oma è garatada.

532

LA PLI

Jita dla scolina ćina sön Börz y aurela cörta con Emma y Milio.

festes religioses ia por l’ann (S.Martin, S.Mocherà, Nadé y Pasca). Danter i dis plü particolars ia por l’ann alda dessogü les jites da d’invern y de mà. A fà la jita da d’invern è i mituns y les mitans dla scolina jüs sön Börz, enlò ài albü la poscibilité da slisoré con i taîs y da passé en bel dé en compagnia. Emma y Milio ti à arjigné na bona marëna. De mà canche döt florësc èl bel da jì sö por munt, Prades è sté le post co è gnü chirì fora por jì a fà la jita de mà; atlò à i mituns y les mitans passé en bel dé alaleria fajenn corëtes y saltenn anentoronn. La cöga Maria à praté de bones liagnes. Inće les omes à na gran ligrëza sce ares vën datrai enviades tla scolina, la festa dla mama è la dërta ocajiun por les envié. I mituns y les mitans dla scolina ti à arjigné val’ de bun da domisdé, à emparé ćianćes y fat na bela scincunda por

ti fà na ligrëza a söes mames. Inće por l’ann 2005/2006 èl endô sté en bel numer de mituns y mitans scrić ete ala scolina, 19 endöt. An vëga che le numer dai mituns y dles mitans co frecuentëia la scolina è jü sö dassënn ti ultimi agn, i geniturs à entres deplü odü ete l’ütl de cösta istituziun tan emportanta. Le monn dla scora elementara Sön proposta dal maester de religiun Erich Frenademetz à düć i scolari y ensegnanć ćiaré da i dé gran pëis y emportanza al salüdé y al ringrazié. Al n’è pa nia plü tan saurì che i mituns salüdi y ringraziëii de söa bona. Deache cösc è val’ d’emportant tla vita da vigne dé proa la scora da ti al mëter a cör a vigne möt por podëi vire deboriada con plü ligrëza. 533

LA PLI

Emparé da nodé è na leziun por la vita.

Do les beles vacanzes da Nadé è i 54 scolari y sü ensegnanć endô gnüs a scora con bona orenté y gran vëia y coriosité da fà esperionzes nees.

Ai 24 de iener èl gnü Max Castlunger a porté ennant le proiet belo motü man da d’altonn. Al à en gröm de strumonć a percusciun da lascé odëi y da lascé proé da soné. I scolari à emparé da soné i tamperli, i tambürli, les pauches,... Al i à salpü dër bel ai mituns da i mostré ai geniturs dertan la festa da Carlascé ći che ai à emparé. Ai s’à iestì sö da mori, indians, cowboys... por che le conzert gareti miù. Düć i scolari à endô podü jì val’ iadi danmisdé a Al Plan te nodadoia. Ai à albü l’ocajiun da emparé da nodé o da gnì mius - sce ai sâ belo - y ëi à ensciö podü se divertì tal grup. Ensciö ti èl endô en iade gnü dé gran emportanza a cösc sport t’ega tan sann co ne vën magari nia tan pratiché da mituns co n’à nia na no-

Simon Kostner à salpü da tignì na leziun co à dër plajü.

534

LA PLI

dadoia te so paisc. Ai 14 de forà èl gnü döes referëntes dal “Volksmusikerkreis” te scora a i mostré ai mituns de vigne sort de strumonć desco la zitra, l’arpa, l’ocarina, de plü sorts de fablôs,... I mituns à inće podü proé da i soné y önn o l’ater à spo dessogü ciafé enteres y ligrëza da emparé da soné val’ strumont nia tan conesciü. Ai 15 de forà è düć jüs sön Börz por mëter da jì le dé dla nëi. Düć s’à divertì da jì con la lösa y da śoghé con la nëi, inće deache al dédancö ne s’abina i mituns tles viles nia plü tan a jì deboriada con la lösa. Al è inće entres plü rio da ciafé dlungia ćiasa en bel tru dla lösa nia prigorus. Dër da rì èl sté ai 4 de merz da ascuté sö y da tó pert ativamonter ala storia che Simon Kostner da Corvara è gnü a cunté con gran sëi. La sabeda, ai 5 de merz, à la Musiga d’La Pli envié i scolari de 4a y 5a tlassa tal local dles proes por odëi i musicontri y i strumonć che chisc sona. I mituns à spo podü ascuté sö toć de musiga, spiegaziuns y dedô sambën inće proé enstësc da manajé val’ strumont por se fà spo en ponsier sön ći strumont che ai ô spo soné te val’ agn. Dër garaté è inće le quiz motü dant da Gregor Pedevilla por odëi spo tan che i mituns à emparé cösc dé. La dietista Silvia Pitscheider d’Al Plan è gnüda ai 10 de merz a cunté tan emportant che al è da mangé sann y da fà movimont. Le plü bel èl sté por i scolari de pröma, secunda y terza da arjigné ca por düć le danmisdé sann. Al è gnü fat macedonia, spremuta, sones de pan fosch con ćiajó da erbes da straihé sö,... De merz y aurì èl gnü plü iadi Roberto Pallestrong de Badia a ensigné i scolari

da lauré con creativité la rejila y da deponje spo i laurs. Al è gnü fat plü grups por che vigne möt pòi gnì acompagné y daidé plü saurì. I mituns ti à spo scinché i laurs fać con impegn y bona orenté ales omes en le dé dla oma. Śën èl belo oramai tradiziun che i scolari fej la sabeda dan la Domëgna dal Orì les granares con orì, minai, granetëis, rames de ciöf dal tonn y de beles vëtes da corusc. Do che ares vën benedides la domëgna les porta i mituns con ligrëza a ćiasa, deache ares porta fortüna y benedisciun te ćiasa, stala y majun. I verdabosc d’Al Plan è gnüs plü iadi te cuarta y cuinta tlassa a cunté y a mostré ai scolari desche nosta natöra se müda tles cater sajuns. A düć ti àl salpü dër bel da ascuté sö esperć te cösc ćiamp y da odëi che ai sâ da respogne te na maniera sciompla a vigne domanda. Döes ensegnantes de talian dles scores todësces de Puster è gnüdes a i mostré ai scolari d’La Pli desche ares fej da ensegné sü scolari da baié y da se divertì emparenn le lingaz foresto. I scolari de terza, cuarta y cuinta à albü l’ocajiun da tó pert por trëi domisdês (merz y aurì) a en proiet da lì tignì da Licia Dragotto. Trec à tut pert y à desmostré ligrëza y enteres por la letöra. En bun liber è entres en bun compagn por nos, y cösc mëss i mituns belo emparé adora, cis al dédancö che al è tan de poscibilitês da passé le tomp lëde. Ai 10 de mà èl sté la festa dai lëns sö sora Biëi Daete. Le tomp n’è nia sté bun: al à ploü y al è sté dër frëit. Empò à vignönn podü sonté so lën y ascuté sö i verdabosc co entres bogn da i trasmëter ai mituns enteres y ligrëza da osservé y da respeté la natöra. 535

LA PLI

Gran festa inće tla aurela cörta fora dai cater mürs de scora.

Ai 31 de mà à düć i scolari podü fà le iade de mà a Toblach. An è jüs a ćiaré desche al vën fat ćiajó al dédancö. Dedô èl sté dër bel da spaziré jö dal parch salvare (“Wildpark”) a ćiaré ai tiers co vir te chël gran velin. Trec mituns odea por le pröm iade en porcel salvare, de vigne sort de vicì,... vis y tan damprò. Plü ienn foss valch stês enlò ćina da sëra tert, mo al ea pö ćiamó da jì a Niederdorf te chël bel parch dai jüć y a mangé le dlacin. Dertan en ann de scora ćiara les ensignantes de pröma da tignì en bun contat con i mituns dla scolina y i mituns s’encunta plü gonot te scora o te scolina a fà val’ deboriada. I dis che al è domisdé scora s’encunta inće i mituns a fà deboriada la palsa. De mà y de jügn è gnüs por plü jöbies 536

domisdé Lois Kastlunger da La Ila y Eveline Vinatzer de Gherdëna a ensigné ete ai mituns bai popolars. Chisc bai è spo gnüs portês dant ai geniturs ai 11 de jügn en ocajiun dla festa de conclujiun dal ann de scora. En chël dé èl inće gnü mostré diapositives co documentâ l’ativité dal ann de scora 2004/2005. I scolari de terza â inće arjigné ca y lascé tó pert geniturs a na “show dai miliuns” (por todësch “Millionenshow”) dër enteressanta. I pesć por i mius da stomé è stês laurs fać a man dai scolari enstësc. Ai 16 de jügn s’à spo la scora roé por düć, deache cösc ea le pröm iade che al ne vën nia plü tignì l’ejam de cuinta tlassa. Set scolari è spo passês ala scora mesana, mo denant s’enconfortâ düć ales vacanzes meritades da d’isté.

LA PLI

D’altonn pëiun endô ia con bona orenté Do les beles vacanzes da d’isté à i 57 scolari con sü ensegnanć endô motü man l’ann de scora, ann con de vigne sort de novitês por la reforma dla scora. Na bela ocajiun por i scolari da podëi fà plü intesivamonter ativitês co i plej pordërt a düć, pita les ores opzionales dla jöbia domisdé. Atlò po i mituns fà jüć y movimont te palestra y alaleria, ćianté, balé y fà teater, pastlené, dessegné y deponje y fà de vigne sort de laurs söle computer. Cöstes materies n’è nia obligatores, empò èl oramai düć i mituns co tol pert con gran ligrëza y diligënza. D’otober è i scolari jüs ala gran mostra söla Europa tal Ćiastel da Bornech,

olache al è gnü spieghé con jüć y mesi interatifs la storia y l’unificaziun dla Europa d’al dédancö. Amez otober à la scora fat en iade d’altonn sön Ares de Lüchesc sön Prades. Do na spazirada fora por bosch y na bona griliada, à le post plajor y le tomp ćialdin da d’altonn dé la poscibilité da osservé y capì cotan de morvëies te bosch y te pre. Laprò s’à düć divertì a en gröm de modes tal lëde dla natöra. En te’ dé ensëgna endô en iade che l’emparé ne sozeda nia ma danter i banć de scora, mo valiade cotan deplü te tan de situaziuns lesieres y spensierades dla vita deboriada alaleria. Na festa co è oramai gnüda üsanza por i mituns de nosc paisc è le dé de San Martin. Adöm ai pici scolari dla scolina con söes ensegnantes, a trec geniturs, lâs y

I teatri dai scolari da Nadé tira dagnora adalerch en gröm de publich.

537

LA PLI

neni roês adalerch, ànse tut pert a na picia funziun te dlijia, olache Signor ploan Heinrich Perathoner à baié sön le lominus y le ćialt dla flama dla linterna. Al à spo cherdé jö la benedisciun de Chël Bel Dio sön les linternes y sön düć chi co à bona orenté da porté löm y amur fora por le monn. Do na roda fora por paisc s’ànse düć endüné tal porte de scora pa en bun bufet arjigné ca con generosité da en grup de geniturs. Le dé do, ai 12 de novëmber, s’aspetâ belo endô na gran emoziun: la proa d’evacuaziun dla scora coi stödafüs. Zonza che i scolari s’al aspetass èl gnü simulé en médefü con föm tai pôrti y te d’atri locai dla scora. Val’ tlassa à podü lascé la ćiasa dla scora por les portes d’emergënza, i atri à mossü aspeté l’intervont dai stödafüs, co i à “salvês” con la gran litra o con le ro da slisoré al sogü. Dedô à ćiamó düć podü i ćiaré al magazinn dai stödafüs, ales pumpes vedles, ales mascinns nees y ai guanć da laur. Dër bel te scora è dagnora le tomp d’Advënt con la vijita de San Mocherà y la preparaziun dla festa da Nadé. Plü gonot à le picio cor dla scora abelì i rorate con ćianćes y meditaziuns. Düć i scolari s’à spo dër proé da emparé ćianćes, rimes y teatri, da scrì envić, da pastlené por enfornì i locai y arjigné costüms y scenars por la raprejentaziun. Tradiziun lungia à la raprejentaziun en San Stefo domisdé olache döta la jont dal paisc vëgn enviada. Chisc ultimi agn röel adalerch plü jont inće da foradecà por amiré i pici jobleri y i premié con en aplaus de cör y val’ monëda de bona man. Dër bënodüda è spo la picia marëna ofrida dal grup dal teater d’La Pli. 538

Al è gnü dé sön nosc paisc con na bela CD de musiga Grana è stada la ligrëza dandadöt por le maester Ludwig Rindler y i dodesc mituns co è da aldì söla CD nea, le dé dla prejentaziun, la domënia ai 3 d’aurì, tal salf dles manifestaziun a La Pli de Mareo. Canche le früt po gnì coü y mostré, sont düć plajëi por l’emoziun y l’euforia che mituns à daite te na fantasia y te na creativité co po crësce y florì te familia, te scora y te paisc. La tlassa elementara co à podü tó pert a cösc proiet n’è nia gnüda ćiornüda con na aziun de fortüna, mo è stada la “causa prima” de döt le proiet - desche le maester Ludwig Rindler à dit. Ensigné te na scora elementara n’è nia dagnora plajor y enteressant, al po inće ester sfadius y demotivant. Tal cajo dla ex-cuinta tlassa dla scora d’La Pli (d’aisciöda dal 2005 ea mitans y mituns tla pröma tlassa dla mesana a Al Plan) èl dagnora sté da ciafé la creativité y la vëia da cherié y fà, tan che an à podü mëter da jì deplü de bi proieć artistics, musicai y teatrai. Cösta CD è nasciüda fora dal enteres y dla ligrëza da lauré deboriada, ensciö è Ludwig Rindler sté bun da motivé y trà fora dal cör y dl’ispiraziun dai mituns inće i tesć por söa idea da fà na CD. I tesć è da ciafé tal sfëi dla CD y è scrić originariamonter por ladin. Les melodies è indöt ot y corespogn ala secuënza liturigica dla mëssa, con intro-gloria-aleluia-yee., y le ritm dess sotrissé l’atmosfera desvalia dles seziuns eucaristiches. Les notes dles melodies è gnüdes scrites dal maester Ludwig Rindler, co è strumentalist y inće componist. Ares è sciomples y dër melodioses, ći co

LA PLI

I dodesc mituns protagonisć dla CD con le maester Ludwig Rindler, iniziadù dal proiet y componist dles melodies.

è dessigü na gran atraziun y inzitaziun por düć i mituns y i maestri co oress les adoré por abelì la mëssa dla pröma santa comegnun te so paisc. “Bel por cösc fin èl inće da ciafé söla CD, dlungia ales ćianćes dai mituns d’La Pli, les bases strumentales y les traduziuns dai tesć tal lingaz todësch” - à dit l’iniziadù dal proiet Ludwig Rindler. La festa a La Pli è stada grana. I mituns à ringrazié sü geniturs, i maestri y düć i sostegnidus dal proiet dla CD, y à mostré söa gran ligrëza y inće comoziun por ći co è garaté. Y che al è garaté àn belo podü odëi atira dal vì, i mituns à ćianté deplü perts y dé na ćerćia de so laur fat tles proes y spo tal stüde de registraziun (Studio Elch-Music de Erich Feichter). Trep tomp àn mossü dé ca, inće deache an sa che les beles cosses - de carater artistich/musical - se damana söa dediziun y inće disciplina. “Canche i tolun tla man cösta CD, ne podunse nia se desmonćé döt l’impëgn co sta doìa” - à dit la direturia de scora Rosmarie

Crazzolara Dejaco. Ëra i à inće cunté ala jont te salf dal spirit co ea da ciafé te cösta tlassa d’La Pli, y dla motivaziun che mitans y mituns â da fà y cherié. Ma dal grup y dal tignì adöm èra jüda da roé

Le coertl dla CD, abelì dai mituns enstësc.

539

LA PLI

ćina a cösta CD co restarà por dio te nostes ploanies y sön döt le tru dla vita dai mituns protagonisć. I complimonć por le proiet garaté è inće gnüs da Iaco Rigo, le presidënt dal’EPL-Ert por i Ladins, co à alzé fora le merit dai maestri co è stês bogn da motivé creativamënter y culturalmonter la schira de scolari. Inće le publich, motü adöm dandadöt da familiars y geniturs dai scolars d’La Pli protagonisć dla manifestaziun, è gnü trat ete tla prejentaziun dla CD: i mituns à envié da ćianté para deplü refrains de söes ćianćes y da bater les mans. Bel è sté tal program dal domisdé l’enserimont dles usc de solisć dal vì, dër naturales y inće talentades. La registraziun è gnüda fata da düć i mituns dla excuinta tlassa dla scora elementara d’La Pli, tla formaziun dal cor. Cater è stês i solisć, en Maester Ludwig: “Al è bel da motivé i mituns, canche ai se möt y trëi lascia motivé! Da cösc grup mitans. Le sprìnzel fora energia y ligrëza.” piano è gnü soné sö dal maester Ludwig Rindler enstës, les chitares da Marco Gardini da Balsan. Nia presënć n’ea a La Pli i raprejentanć dla istituziun dla scora ladina a livel provinzial, mo vignönn co ciafa l’ocajiun da aldì la CD dijarà che en te’ proiet se merita döta l’atenziun y döt le sostëgn. Al è musiga y tesć co s’à cherié te na scora y 540

tres na tlassa con na gran creativité, sëns de ligrëza y faszinaziun por le grup, por les festes, por l’ert y la cultura de döta la comunité dal paisc. Ligherzin è le picio sfëi co à da ciafé tla vaìna dla CD “Al è gnü dé”. La grafica è de Lidia Cerbaro. I dessëgns è gnüs fora dles mans dai mituns enstësc, le coêrtl reporta en grup de sonadus dlungia a en cor, sot a de gran pizes de crëp y sorëdl co lea. Cô dij na ćianćia da aldì söla CD? “T’as cherié le monn, la dé y la net, t’es le creatur de düć i crëp. Piz da Peres ćina Crëp dla Crusc. Tö sas döt scinché, Signur.” Le rëgn dla musiga afascinëia Pa ći grup de strumonć alda pa le fabló de travers? Con ći màzun pa sön les pauches? Domandes bindebò ries? Nia por i scolari dla 3a, 4a y 5a elementara Jepele Frontull a La Pli de Mareo co à con gran entusiasm tut pert al dé dla porta daverta gnü organisé dala Musiga d‘La Pli. Presidënt Martin Rigo, verdajogn Gregor Pedevilla y trec musicontri s’à con ligrëza dé jö con i pici, mostrenn y spieghenn la natöra y l’ert da soné vigne strumont componont dla musiga, denn gran emportanza soradöt ai tlarineć y ai strumonć de pel. Do na entroduziun cörta tla storia dla uniun èl sté por i scolari spo sambëgn le plü bel da podëi proé fora entësc tan brai che ai è da soflé te na trumbëta o da soné i taîs. Daidês da en picio sfëi sön i strumonć gnü partì fora, èl ennultima gnü fat en quiz a pesć. Belo la garatada dal proiet “Gran Bracun” dal 2004 à mostré che con na bona colaboraziun danter scora y musiga

LA PLI

I musicontri à cunté sön i singui strumonć.

èl mitl da endespré tai mituns l’enteres por le monn dai sonns, i denn la poscibilité da tó en strumont tla man y proé, por podëi magari en bel dé i ascuté desco pert de na musiga jona y dinamica. La Schira Jonila La Schira Jonila è en grup scialdi atif co po mostré sö ala fin dal 2005 n’ativité valgamia ampla y desvalia. Ara se trata de grups de mituns y de mitans danter i ot y i catordesc agn che s’encunta por passé deboriada le tomp lëde, fora de scora y destachês dla familia. Te nosta valada èl al dédancö oramai te vigni ploania en grup dIa Schira jonila. La Schira Jonila mët man l’ann d’ativité d’otober, canche la scora à da püch motü man, y se röa de jügn dal ann do. Le local olache le grup s’encunta è chël dai jogn tla Ćiasa dles Uniuns. Danlò vëgnel fat de vigne sort de jüć, mituns y mitans se divertësc, ćianta, cunta y scuta pro, pastelnëia, bala. Tles discusciuns sàltel fora de vigne sort de minunghes; ara se trata da emparé da respeté vigne möta con söa idea y minunga. Le grup s’encunta vigne domëgna. I pröms dis dal ann 2004 è cater grups

de mituns, iestis sö da Trëi Resc, jüs fora por les ćiases. I dijun n bel iolan ai ciafers co s’à tut la bria da jì döt le dé con i mituns. Canche ai à albü roé ài podü se pascionté con na bona pizza. Por la festa dal pere - en Sant Ojep - i èl gnü fat na picia scincunda ai peri. Da Pasca èl gnü arjigné ca na coa. Por la festa dla oma à mitans y mituns fat fora de na parota en corf por taché sö les tles. Dertan le mëns de mà à i mituns chirì y scrit oraziuns da dì da doman, da misdé y da sera. Con cöstes oraziuns èson por fà en te’ picio liber. De iuli èl gnü tignì a San Martin te chi Pinîs la festa dai mituns. Gragn y pici à fat para. Ai 19 de novëmber, en ocajiun dal ”De internazional dai mituns” è la Schira Jonila jüda da sera a mëssa por recordé i mituns co n’à degügn dërć y co vir te na gran meseria. Te cösta ocajiun ài vonü les ćianderes dal “telefono azzurro”. Ai 30 y 31 de novëmber è le grup d’La Pli jü con i atri grups dla Schira jonila dla Val Badia al Gardaland. A düć ti àl salpü dër bel y düć s’à dër divertì. Vignann èl inće en rorate aposta por la Schira Jonila, ensciö èl inće sté dal 2005, olache i mituns à lit la letöra y à arjigné ca les oraziuns. Da Nadé à spo la Schira Jonila fat en marćé. Düć s’à dër proé da pastelné de beles cosses. I jogn à desco vigne ann endô fat na festa por la jont atompada (ai pröms de iener dal 2006) y i mituns dla Schira Jonila à arjigné ca en te’ picio teater da Nadé. Organisé les ores de Schira Jonila n’è nia dagnora tan saurì, al ô ester trepa motivaziun y bona orenté, mo sce an vëga ći ligrëza che en per de mituns à y che ai se divertesc, spo è döt plü saurì.

541

LA PLI

La Jonëza d’La Pli I jogn d’La ’’La Pli con en consëi nö Le consëi dai jogn d’La Pli sot ala direziun de Oskar Feichter y sü colaboradus Annemarie Mühlmann, Oswald Ellecosta, Manuela Rigo, Gabriel Erlacher, Barbara Muhlmann, Erich Feichter, Natalia Ellecosta, Günther Erlacher, Annelies Feichter, Markus Rigo, Sabine Pezzei y Christian Ellecosta, à dé jö tal mëterman dal ann 2005 do trëi agn söa enćiaria y ti à lascé lerch al consëi nö che è gnü motü adöm ai 10 d’aurì dertan la reuniun generala. Le consëi nö è formé da Oswald Ellecosta, Alex Feichter, Oskar Feichter, Natalia Ellecosta, Manuela Rigo, Susanne Winkler, Erich Fei-

chter, Felix Pedevilla, Gabriel Erlacher, Alfons Facchini, Elmar Feichter, Patrick Complojer, Annelies Feichter y Manuela Ploner. Al s’à endüné por le pröm iade ai 17 d’aurì por la pröma reuniun, y a presidënt èl gnü lité Oswald Ellecosta. I campiuns dal palè ““al jore” Ai 19 de novëmber, en ocajun dla festa dai 20 agn dal Sorvisc ai Jogn, à döes scuadres d’La Pli tut pert al turnier de Völkerball a La Val. La scuadra d’La Pli I à batü tla finala la scuadra de Badia y à ensciö davagné na bona picia marëna sön Fanes. Ćianćes da Nadé Le Cor dai Jogn d’La Pli sot ala direziun de Christian Ellecosta da Tai-

Le consëi dai jogn d’La Pli dimiscionar ai pröms de iener 2005.

542

LA PLI

Gran festa ples jones y pai jogn d’La Pli por ester gnüs pröms al turnier a La Val.

bun/Frena à porté dant ai 22 de dezëmber ćianćes da Nadé al Badia-Pub. Por le cor, formé da dejesset ćiantarines y ćiantadus, èl sté le pröm iade che al à ćianté t’en ambiont profann, al è sté na bela esperionza nea. La Festa da Nadé al

Ćianćes da Nadé al Badia-Pub.

Badia-Pub è gnüda motüda da jì sön iniziativa dal patrun dal local Egon Clara y en colaboraziun con l’autur Iaco Rigo, co à lit dant enstës dertan la festa na söa storia da Nadé y na söa poesia sön Madoìnes. Festa sön chi prês Inće en cösc ann èra endô garatada! Nos jogn d’La Pli àn organisé la festa sön chi prês, plü avisa sön Costaćia (sora Biëi sö), ai 7 d’agost. Da doman parêl prësc che i messàsson la dé sö a gauja dal bor’ tomp, mo sön misdé èl inće sté sorëdl co à ćiaré docà. Les 12.00 èl sté la santa mëssa, co è gnüda zelebrada da nosc ploan Si543

LA PLI

Con i strumonć d’La Pli y d’La Val èl gnü abelì la santa mëssa.

gnor Heinrich. I jogn dla Musiga d’La Pli y da La Val à acompagné la santa mëssa. La Böhmische d’La Pli, co ne podea nia manćé, à tignì en picio conzert. Dedô èra jüda ennant con la griliada, co lasciâ belo da lunc sontì en bun tof. Do che düć à mangé assà, ànse sambën arjigné ca jüć por gragn y pici. Le trà la

corta ne podea gnanca manćé, por che an podess se moseré önn/öna con l’ater/atra. Le dé jea bel plan a piz, mo denant co jì a ćiasa êl da ćiarcé ćiamó en goto o l’ater de de bona ega de vita... I rengraziun dër bel chi co s’à lascé i prês, Signor Heinrich por la santa mëssa, i musicontri por so bel soné, y sambën düć chi co à tut pert.

Trepa jont è roada adalerch ala santa mëssa dla domëgna y ala festa y aorela cörta domisdé. Por misdé s’à le ci por fortüna daurì y al à lascé da plöëi por la ligrëza dla Jonëza co â envié.

544

LA PLI

Ćiastegnada dai jogn d’La Pli.

(Consëi dai Jogn d‘La Pli) Ćiastegnada dla jonëza La sabeda, ai 29 d’otober 2005, encër les 20.00, èl sté en tlap de jogn co s’à encunté ala ćiastegnada tradizionala tla ostaria da Peraforada De Sora. Le “carè sciömié” con capüc y soni ti à dër plajü a düć y sambën inće les ćiastegnes co alda laprò pa na te’ serada. Canche düć ea spo pasciüs, àn podü passé ćiamó en per de beles ores en compagnia, dlun ćiantenn, sonenn y balenn.

Rigo; te consëi èl ćiamò Thomas Ploner y Anna Palfrader. Dal 2005 èl gnü motü da jì endô de vigne sort danter aurela cörta y formaziun. Motü man à l’ativité ai 30 d’aurì 2005 con na serada tiroleja, en “Tiroler Abend” con musiga y bal. Por la festa da preo de Signor Tone Fiung à la

La Jonëza da Paur Dal consëi dla Jonëza da Paur d’La Pli fej pert dal ann 2004 encà Simon Ellecosta desco presidënt y Sarah Peslalz desco sorastanta dal paisc. Vizepresidënt è David Frontull y rapresentanta dla sorastanta Claudia Pedevilla; scrivana è Beatrix Terrabona, cassier Markus

De bi pesć ales gares da d’invern foran Puster.

545

LA PLI

Les sëres da bal con Lois Kastlunger à albü en gran suzes de publich.

Jonëza da Paur arjigné la porta trionfala, d’isté èl endô gnü organisé le turnier de palè söles plazes da saurun ta Ćiamaor (ćiara articul a pert sot a cösta cronica d’La Pli). A na griliada èl inće gnü ponsé tla sajun plü ćialda, trepes jones y trec jogn s’à tut dlaurela da jì a sté adöm a fà festa. En gran suzes à albü le curs da balé con Lois Kastlunger da Pliscia, bën vintecinch è stês i pers co à tut pert a cöstes trëi sëres da bal. La Jonëõa da Paur d’La Pli à albü dal 2005 78 mëmbri, y al è inće gnü tut pert con gran entusiam a manifestaziuns sportives y de tomp lëde foradecà, y cösc tles competiziuns sportives con de bogn resultać. Por Nadé èl spo inće gnü ponsé endô al lën te plaza (ćiara articul a pert plü ennant te cösta cronica). Le KVW, la federaziun catolica dai lauranć de Südtirol Inće l’ann 2005 à le K.V.W. d’La Pli organisé deplü cosses, ensciö èl sté ai 28 de forà Heinrich Gufler dla scora agrara 546

da Dietenheim co à porté dant les gran virtus dla mi: desco spëisa y desco medejina, y ala fin à la trepa jont co à tut pert con enteres podü ćiamó ćiarćé de vigne sort de mi. Ai 24 d’aurì èl endô gnü organisé en marćé dai pöresc, olache trec à porté patüc che ai â dessorora, y cösc è gnü vonü. Con ći co è gnü ete àn podü fà na bona opera. Le medemo dé èl inće gnü envié adalerch le mobil dla zentrala dai consumadus, olache jont podea tó enformaziuns, proé fora l’eletrosmogh dai telefonins, proé fora vidlês da sorëdl, yee.. Dui dis dô èl spo gnü le geopatologh Armin Sparer da Balsan a baié plü avisa söl’eletrosmogh: con aparac y documentars èl sté bun da spieghé ći efeć che cösc po avëi sön la porsona. L’enteres è sté dër gran y le reladù è sté 4 ores a respogne ala jont. Ai 8 de jügn èl spo gnü l’assistënt spiritual dal KVW Josef Stricker a baié söl’emportanza dandadöt inće por i jogn da mëter man adora da ponsé ala ponsion y al’assistonza por canche an n’è nia plü bogn. Desche la situaziun è śën y desche an vëga danfora saral entres plü rio da ciafé na ponsiun por podëi vire desche al alda y ensciö fóssel dër dërt, sce dandadöt I jogn toless pert al Laborfonds por se garantì en secundo pilaster por la ponsiun. Le KVW d’La Pli à colaboré con le consëi de ploania da organisé la festa por la jont da foradecà en Segra dal rosare, 2 d’otober, olache 400 porsones d’La Pli co vir śën foradecà è gnüdes enviades y trepes à inće tut pert. L’ultimo referat sön program è sté ai 3 de novëmber, olache le dr. Giuseppe di

LA PLI

Marino à baié sön les gaujes y les conseguënzes dles alergies y desche cöstes po gnì varides con l’omeopatia y con la agupuntöra. I Stödafüs dagnora arjignês La junta dai Stödafüs è roada adöm nö iadi fora por l’ann 2005 por fà fora cosses desvalies por le bun funzionamont dal corp y dl’ativité. Endöt èl sté cin’ intervonć de prescia dal 2005: le fü t’en ćiamin a Frena, en inzidont sön strada tles vijinanzes dal Hotel Monte Sella a Al Plan, l’alarm por na esplojiun al Sauter a Al Plan, n’archirida de na porsona danter La Pli y Al Plan y en medefü sön lescia a Furćia. Chisc intervonć s’à damané 93 ores. D’atri intervonć è gnüs fać por despifé na sala da tët y na condüta dles eghes pazes, laé deplü iadi la plaza y la strada, arcunćé ia i auti y regolé le trafich - dertan les prozesciuns fora Brach, en ocajiun dla Festa dai Scìzeri ta Furćia, pla gara dles rodes Transalp, en ocajiun dla festa por la jont d’La Pli co vir foradecà - dui dis de sorvisc d’assistënza pla festa dla Musiga a Longega, dui iadi mené ega söla Üćia Picio Pré y dui iadi mené strumonć da soné dai musicontri sön chi prês. Endöt amunta cösc sorvisc a 147 ores. Inće le sorvisc de verda cuntra le medefü è endô gnü tignì, endöt cin’ iadi por le teater a La Pli, por le conzert d’aisciöda dla Musiga, en ocajiun dla Festa dai Scìzeri ta Furćia, por le bal dai jogn y por la festa dla jont d’La Pli co vir foradecà. Chisc intervonć s’à damané 89 ores. D’isté èl gnü tignì sorvisc d’aspetanza por ot domëgnes. Düć i omi è stês dër lezitonć por chisc sorvisc. Da dì èl

che por fortüna n’èl nia sozedü desgrazies. D’aisciöda èl gnü tignì diesc proes plü öna de net, d’altonn cater. Emplü èl gnü motü da jì na proa de evacuaziun tla scora. Tut pert à i Stödafüs d’La Pli a trëi proes coletives: a Longiarü, La Val y fora Mantëna Todëscia t’en tonel dla strada nea. Na proa èl inće gnü fat por tó jö jont dal lift. Le grup con les mascheres antigas à fat regolarmonter na proa al mëns, emplü döes proes coletives con i grups de döta la bassa Val Badia. Na eserzitaziun èl inće gnü tignì t’en tonel defora da Longega. Endöt èl gnü desfiré 96 ores por le grup dles mascheres antigas. Les proes por le radio - fùncher - è stades öna na interna y döes con la bassa Val Badia. I Stödafüs è inće endô stês presënć ples gran festes de dlijia desco San Florian, Les Antles y la Festa dal Cör de Gejù. Tut pert à delegaziuns ala sontada generala dai Stödafüs d’Al Plan, da Rina y dla Crusc Blanćia, desco inće al Dé dal Distret, a Longiarü por la benedisciun dal magazinn, ala Festa dal consorz dai Stödafüs provinzial y a na sopoltöra dal colegh gnü a manćé Nato Agreiter d’Alnëi. I cursc por i jogn è de gran emportanza por la bona formaziun dai stödafüs. L’ann 2005 è Egon Trebo y Bruno Pedevilla jüs a dui cursc por la scoraziun de basa por le medefü y l’adestramont tecnich, Gustl Trebo è jü a fà en curs d’en domisdé de elaboraziun dać söle computer. Organisé èl gnü en curs de pröm aiüt co à döré döes sëres: Otto Graffonara dla Crusc Blanćia de Mareo s’à motü a desposiziun, le curs à dër plajü. Le magazinn dai stödafüs è gnü sblancogné danö. 547

LA PLI

I Stödafüs do la proa d’evacuaziun tla scora. En cajo de medefü mëss i Stödafüs sëi ći strumonć che al è da tó ca y ći che al è da fà.

Endöt à i omi dai Stöadafüs fat 1.037 ores de sorvisc l’ann 2005. I Stödafüs à inće tut pert a manifestaziuns sportives por se tignì fisicamonter en forma. Deplü è jüs a gara dai schii tal raiun Speikboden y spo ala gara dla lösa ete Lappach. Elmar Winkler è gnü pröm pla gara dla lösa te söa categoria; pla gara dai schii è Jep d’Ombolt gnü secundo te söa categoria y Elmar Winkler inće secundo te so grup. I Stödafüs à inće tut pert al turnier dal palê dles uniuns d’La Pli. Dal 2005 è Alfred d’Alnëi jü demez dai Stödafüs por jì pa chi d’Al Plan, Jep Ellecosta dal Stifler co è sté por 20 agn comandant à inće mossü lascé ativamonter i Stödafüs por l’eté. 548

LA PLI

Teater a La Pli: se mëter tal će la maratia dla vita Dan da en salamont plën de jont à le Teater d’La Pli daurì söa sajun de jüch da d’aisciöda. Le toch “L’amaré sann” è na versciun dla comedia de Molière “Le malade imaginaire”, co trata la storia d’en ël en ponsiun co se mët ma tal će da ester püre y nia bun da jì. Le personaje al zënter dal jüch teatral è Lipo Sfratacin, maester da moradù en ponsiun. Ël è püre - aràtel y dîjel, y porchël adórel medejines y assistonza. Ma n’ôl nia jì da en dotur, te spitol o te na ćiasa de cura. Al dà la parüda da ester con so comportamont paranoich ćinamai rio y arogant, tan che al se chëi sö l’antipatia y le sënn da chëres co ti è le plü dlungia dé por dé, dandadöt söa fancela Zita y söa fia Rosvita. Tla trama röa ete dandadöt la furbizia y la falsité, döes cualitês umanes co condüj te trepes zircostanzes dla vita a val’ soluziun aodada, mo datrai inće al

travert nia aspeté y rodus. Molière à orü raprejenté le protagonist dër enteressant y regeneré te söes reaziuns, dandadöt canche al i dà inće a cösc l’iluminaziun da ester furbo. Ensciö ponsa Lipo Sftratacin spo da se maridé con na ëra vëdoa y da avëi l’assistonza y inće l’afet, y da ne messëi nia plü se lascé traté mal da söa fancela y söes fies. Cösc rampin mëna ennant la storia de trep cuntra la soluziun, co è chëra che Lipo è sann, ma sce al ne se mët nia tal će che al è püre. Te cösc toch de teater èl inće da odëi fora le contrast generazional te familia (le “generation gap”, ensciö tlamé dala psicologia), le pere ne döra nia che öna de söes fies ài en chesćian y se marìdi tosc, les fies ne dëida nia le pere te söa “fissaziun” y maratia. D’atri personaji, desco le medo (gnü fat da Paul Pedevilla), le notar (gnü raprejenté da Paul Palfrader), l’eletrizist (gnü joblené da Elmar Winkler) y la “maga” (gnüda fata da Zilia Daverda Agreiter) porta varieté tal jüch,

Le grup co à mostré Molière a La Pli, con le regist Franz Rigo (sest da man ciampa) y la soufleusse Manuela Rigo (terza da man dërta): Paul Palfrader, Elmar Winkler, Zilia Daverda Agreiter, Tone Palfrader, Sabine Facchini, Susanne Winkler, Maria Mühlmann Complojer, Erich Feichter, Paul Pedevilla.

549

LA PLI

y al è sté en plajëi da odëi a La Pli che ai s’à comporté propio bun. Chisc inserimonć cörć è dër emportanć por le jüch, deache ai è tla funziun dinamics. Na bela parüda à fat Tone Palfrader de Col tla figöra dal “amaré” Lipo Sfratacin, y spo inće “söa fancela” Zilia Daverda Agreiter. Bel à dé fora i details tal jüch, por ejëmpl müses, enLa fancela y les fies de Lipo ne sa nia plü cô fora... Ares chërda ada- tonaziun dla usc, lerch le dotur. co à sambën inće gnüs dês dant y arvonüs dal regist Franz Rigo. Te cösc teater a La Pli à fat para en bel grup de jones y jogn: Sabine Facchini, Susanne Winkler, Erich Feichter y Elmar Winkler. I cater à dé na bona ćerćia de so jüch y inće dal sëi. Inće la pert de Berbora Ciafêrt, la vëdoa che oress tal toch arpè Lipo, è gnüda bun tocada y trasmotüda, da pert Inće la “sensitiva” röa adalerch con le parpanticul por i fà jì sö na löm de Maria Mühla Lipo Sfratacin. mann Complojer. 550

LA PLI

Dal toch a La Pli àn podü odëi tan rio che al è da mostré en toch tlassich. “Le amaré” de Moliére n’è nia na comedia popolara desco chëres che an à podü odëi i medemi agn gonot te nosc raiun y te Puster, emportades dal raiun cultural todësch. En toch tlassich se desfarenziëia da en toch popolar por les finëzes che al contën. Sbordené sora les finëzes artistiches dal autur fora comporta che le toch teatral ne vën nia trasmotü te söa complessité y dimensciun. Nia desmonćé ne pon che le teater de Molière à dagnora nuances popolares, è pö dötes les porsones enzai zacó medemes, mo che al vën fora de na cultura de vita y de comizité döt desvalia dala nosta. Porchël sozedel che al va debojëgn da adaté Molière a nostes zircostanzes, zonza endere che an ti tôli le fi y la consistonza tla continuité dla trama. Con de bogn jobleri pon la vaighé, y le resultat àn podü odëi a La Pli. Molière à la “marora” s’à salvé por ći che al è, na comedia sön la porsona, anfat olache ara è, y è inće sté bun da divertì. Iadô èl sambën sté en gröm de laur, por l’adatamont dal toch, le lingaz ladin, la regia y les proes. An ne dess mai minè che i jobleri de comedies ài en laur plü saurì da fà co i jobleri de tragedies y de toć dramatics. Düć sa che da s’la rì ne vàra nia dagnora, y che da fà rì i atri èl dër rio. “Rì” y “rio” n’è nia dui elemonć protagonisć dal teater, ai sta sotete y soraìa. Na comedia ne po nia gnì valütada por le rì y por le rio, mo bën por le contegnü. Cösc divertësc sce al à en carater y en comportamënt. A La Pli s’à salvé le carater de “Molière”, deache al s’à comporté desco en pü’ düć nos se comporta tla vita da vigne dé.

En iade fora por la Ruscia Al n’en manćiâ ma önn su por ne ester nia 50, tan grana n’è la Musiga d’La Pli de Mareo mai stada te söa storia. Ensciö àra orü se prejenté en cösc ann al Conzert de Pasca de Mà tla Ćiasa dles Uniuns a La Pli. Dan da en publich enteressè da döta la Val Badia y da Puster ete. Le repertore ofizial à tut ete ot toć, danter chisc composiziuns empegnatives de livel alt por orchestra da fle. La prejentadëssa dal program, Angela Palfrader da Iun, à salpü da enstradé tal ladin y todësch bun y scemplamonter tles tematiches laurades sö dai componisć y cunté söi componisć enstësc. Y chisc à trec bele albü en referimont pai ascutadus, se tratâra danter l’ater de Jan van der Roost, Karl-Wilhelm Brandt, Jaroslav Zeman, Gert Buitenhuis y Peter I. Tschaikovsky. Le conzert è gnü daurì con le marsc Arsenal de Jan van der Roost, en toch ritmich y melodius che la Musiga sot ala direziun de Andrea Daverda à dé con gran spirit y coraje. Spo i àra toché ai dui toć con i protagoniśc solisć: le Concert f-moll-op-11 (de Brandt) por trumbëta y musiga da fle y le Concertino (de Ernst Sachse) por possauna y orchestra da fle. Söla trumbëta èl sté da aldì Markus Erlacher y söla possauna Gregor Pedevilla. Entrami s’à belo lascé aldì te plü ocajiuns y trami à podü chëie adöm reconoscimonć por le bun sonè a livel inće foradecà. Le pröm toch por trumbëta è en toch plü tecnich, le Concertino plü melodius con nuances de musiga inće popolara. Pedevilla è sté bun da ti sorandé la saù dër morjela, ći che le publich à salpü da aprijé con le gran aplaus 551

LA PLI

Gran bela schira, feter cincanta.

do la prejentaziun dal toch. Do la palsa èsera jüda ennant con la Louisa-Polka de Jaroslav Zeman, spo con le toch Stockholm de Luigi di Ghisallo (che è en pseudonîm dal componist Kees Vlak), na overtöra con ritms rock, na composiziun de carater dër jonila y plajora inće por les orëdles manco pop y rock. Iadô sta l’osservaziun de na ciüté scandinava y rica de sonns con l’ega protagonista. En toch dër aprijé dala jënt è sté spo la “Russian Dance Suite” de Kees Vlak, le componist olandesc, che è toché dales stories y cultures de döt le monn y ensciö inće dala musiga popolara russa. Te cater secuënzes èl sté da aldì fora le sentimont por la patria russa, con i sonns y les fantasies dai jobleri dla curt y de strada (“Petruschka”) y la cuarta compononta dal “trepak”. 552

Gert D. Buitenhuis à spo inće albü l’onur da ester con söa musiga ala pert de cösc bel conzert de mà, desco ultim dal repertore: la Musiga d’La Pli à soné le “Prinses Amalia Mars”, scrit dal componist olandesc por la prinzëssa Amalia dla Corona dai Paisc Basc. Buitenhuis i à scinché cösc marsc ala Musiga d’La Pli, do söes vijites tla Val Badia y en ocajiun de sü cursc de formaziun che al à tignì por i dirigënć dles Musighes dla Val Badia. Do le bel program, rich de novitês por la cultura y tradiziun dla musiga da fle a La Pli y tla Val Badia, n’à la Musiga nia podü se lascé sciampé l’ocajiun da soné ćiamó en bis y spo ćiamó önn. Con les marces Mars de’ Medici y Tiroler Landsturm à le publich podü pié do le dinamism y le sentimënt de interpretaziun plü lesier y asvelt.

LA PLI

Onoranzes a musicontri Tla ocajiun dal Conzert de Pasca de Mà à le presidënt dla Musiga Martin Rigo, le sorastant dla Uniun Musighes Val Badia Carlo Castlunger y le sorastant dal comprensore puster/badiot dla Uniun Musighes de Südtirol Helmut Pescolderung partì fora döes tofles por i chinesc agn de partezipaziun a Erich Pedevilla y a Herbert Frontull. Prejenté èl gnü por la ligrëza de döt le publich i trëi jogn co à albü so debut pa cösc conzert: Iulian Rigo, Erika Pedevilla y David Ellecosta. Le presidënt dla Musiga d’La Pli i à inće prejenté al publich i musicontri che è passês al ejam dla Medaia de merit por le bun sonn, con le livel de brom Franz Agreiter, Jan Agreiter, Erika Pedevilla

Önn dai diploms por i chinesc agn d’ativité i è jü inće a Erich Pedevilla.

Trëi à podü fà la pröma compariziun dan dal gran publich: Julian Rigo, Erika Pedevilla y David Ellecosta.

553

LA PLI

y Claudia Pedevilla, anunzienn inće le bun resultat al concurs tirolesc “Prima La Musica” dla musicontra jona Marlies Agreiter. Pa en bufet è la serada gnüda sonada fora, mo la musiga ne se röa mai con n conzert, ara passa da en grup y da en comples al ater, y inće la Musiga d’La Pli à tut ca i toć emparês ete con trepes proes fora por l’aisciöda, tai conzerć d’isté tles plazes desvalies. Desco i vicì te chi bosc Na bela schira de jones y jogn dla Musiga d’La Pli de Mareo y d’La Val à tut pert a trëi dis de scora de musiga con acampamont tai Tamersc daete d’Al Plan de Mareo. Cösta è stada na bela ini-

La proa generala con l’assistënza dai maestri.

554

ziativa, da mëte da jì por isté cursc de musiga por trëi dis (dala jöbia ai 28, ala sabeda ai 30 de iuli) tai Tamersc, por mitans y mituns co empara i pröms agn en strumont y à empormó ćiarćé te püćes ocajiuns (dandadöt proes generales) döt le grup de na musiga da fle. La Musiga d’La Pli y chëra d’La Val è con cösc esperimont stades bones da motivé endöt encër 25 jones y jogn da tó pert a chisc cursc. Sambën röa jones y jogn al dédaincö inće al’edema dai cursc por la jonëza, che l’Uniun Musighes de Südtirol mët da jì, dagnora fora por l’isté. Enlò vëgnel pité le soné te grups y tla orchestra y inće en bel program creatif y divertënt por le tomp lëde. Le curs tai Tamersc de plü dis por jones y jogn dla Musiga tla

LA PLI

Festa dai Scizeri ta Furćia

I jogn è belo al’altëza da soné melodies dal’Irlanda.

Val Badia à dessogü inće salpü da ensigné, mo dandadöt inće da formè unité danter la jonëza de na medema valada. Unité ô dì armonia, y tla musiga vàl debojügn de na gran armonia. Tai Tamersc él roé adöm sön idea dai verdajogn dla Musiga da La Val y d’La Pli Barbara Deval respetivamonter Gregor Pedevilla en grup de 25 jones y jogn d’La Val y d’La Pli. Cösta ediziun à porté de bogn früć y à inće motivé jones y jogn da soné ennant y da roé adöm plü gonot. Les döes Musighes co à tut pert à inće fistidié por i ensegnanć: sambën ne podea nia manćé i dui dirigënć dles Musighes Andrea Daverda respetivamonter Florian Tavella, dlungia ai atri insegnanć, organisadus y chi y chëres co à ćiaré söi mituns. Düć à albü na gran ligrëza da passé chisc dis con i “beniaminns”.

Le tomp à daidé fà festa y gnü èl inće cotan de jont: compagnies dai scizeri, bandires, musighes y prominonza politica y culturala. Da Signor ploan ai reladus plü profanns à düć toché le tema di valurs, dal se sontì daćiasa y dles tradiziuns. Do la festa motüda man belo la sabeda domisdé y da sëra tal tendun a Furćia à defilé la domëgna da doman na bela carovana de trohts y corusc ćina tal areal dal pre sot le “Furćia Center” y nia dalunc dala staziun a val dal lift Pre da Peres. I protagonisć ea sambën i Scizeri, nia ma la compagnia iubilara d’La Pli de Mareo, mo inće i colegs gnüs da foradecà, da Gherdëna, da Fascia, da Ampëz y Fodom, y da Puster ete, con la compagnia d’onur da San Laurënz. Danfora èl inće sté da odëi y aldì la Musiga d’La Pli de Mareo sot ala bachëta de Andrea Daverda, y inće na delegaziun dla bandira dai Stödafüs d’La Pli. Cotan de jont dandadöt dla Val Badia y de Puster à orü anüzé l’ocajiun por jì a mëssa sön cösc bel vërt alaleria, t’en bel dé de mez isté y amesa la bela natöra de munt. La moderaziun dan dal microfonn è gnüda condüta dal comandant dai scizeri iubilars Silvester Ellecosta da Taibun/Frena. La Musiga d’La Pli à abelì la santa mëssa, zelebrada da Signor ploan Heinrich Perathoner. Trepes è stades les autoritês da odëi söi banć nia dalunc da alté, danter cöstes: le vizepresidënt dai Scizeri de Südtirol Luis Zingerle, le major di Scizeri dal distret de Puster Heinrich Seyr, le vizeombolt de Mareo Paul Vallazza, l’assessur provinzial por la cultura y scora ladina Florian Mussner, i dui acon555

LA PLI

Odüda söle areal dla mëssa.

siadus provinziai de Südtirol Eva Klotz y Pius Leitner, le ghest d’onur da Tirol ete Altlandeshauptmann Wendelin Weingartner, le ploan d’La Pli da dandaìa Signor Merch Graffonara, deplü aconsiadus dal Comun de Mareo, l’ombolt d’La Val Franz Complojer. Tla pordica, tignida por la maiù pert tal lingaz ladin, à Signor Heinrich recordé i valurs cristiagn de nosta tera, chi co è da defëne entres ćiamó, inće sce nia plü por fortüna con i slops y la vera. Al è nosc compit da tignì sön nostes raisc, da conservé ći co à formé nostes families laota, fora de chëres che i àn ierpé nosta richëza materiala y spirituala. Signor Heinrich è inće jü ete söle valur che i scizeri tomês te vera mëss avëi por nos al dédancö. La storia ne podunse nia desmenćé, ara fej pert de nos. Signor Heinrich à inće dit che vignönn de nos à le compit da defëne i valurs de söa ćiasa, söa familia y so bënester spiritual y fisich. 556

L’onur dla trata dles salves tla mëssa à albü la compagnia dai Scizeri Michelsburg da San Laurënz, i ijins plü damprò d’La Pli cuntra nord. Enteressantes è stades les relaziuns dai raprejentanć politics y dal ghest onorar Weingartner. Le raprejentant dl’aministraziun de comun marora Vallazza à dit che al dédancö messunse dandadöt defëne la familia y i jogn da de vigni sort de prighi. Sce i jogn è al prigo spo è döta la familia y la sozieté al prigo. I nemisc ne vën nia adalerch al dédancö con les ermes, ai n’è gnanca dagnora da odëi. L’assessur Florian Mussner à alzé fora la valüta comunitara che i Scizeri à, ài po inće cherié unité, desco danter i ladins. A Furćia èl pö rové adalerch deplü compagnies de Scizeri de Gherdëna (de Sëlva y Urtijëi), Scizeri da Moena (Fascia) y da Fodom y l’uniun nöia di Sizar d’Ampëz. Luis Zingerle y Heinrich Seyr dla

LA PLI

Lia di Scizeri à ringrazié i iniziadus dla refondaziun dai Scizeri d’La Pli, co è entres ćiamó la sora tla Val Badia. En apel i è jü ai atri paisc dla valada, y inće al ombolt d’La Val prejënt Franz Complojer, por che al mëni do y sostëgni da mëter sö en grup de Scizeri te so comun y paisc. Plajü à le discurs de Wendelin Weingartner, co s’à prejenté desco amich dla Val Badia y amant dai ladins. “La Ladinia è le ćiantun plü bel dal Tirol Storich”, àl dit, y i ladins à dagnora salpü da tignì sön Tirol, nia ma canche ara se tratâ da defëne i confins austro-ungarics söle frunt dolomitich, mo inće con conservé les usanzes. Wendelin Weingartner à dit che i valurs de Tirol va ma da tignì sö t’en contest de döt le Tirol, deache ai s’à svilupé te n contest geografich-storich

Wendelin Weingartner i surandà al comandant dai Scizeri d’La Pli Silvester Ellecosta la tofla dal documont storich.

Signor Heinrich à dit la santa mëssa.

557

LA PLI

unitar. Weingartner i à scinché ai Scizeri d’La Pli por le iubileum na mapa geografica dal “Militärgeografisches Institut” dal 1894-1915 con i paisc, les viles yi posć dla Val Badia y de Soramunt, i Scizeri d’La Pli i à dé a Weingartner na tofla deponta con odüda sön le paisc d’La Pli. La festa è jüda ennant ćina mesanet tla tënda con le conzert dla Musiga d’La Val y d’La Pli, y spo con musiga da bal dal grup conesciü Brandig de Bayern. Chël monumont co à ennom “nosta storia” Les festivitês por i 25 agn dla refondaziun dai Scizeri d’La Pli è roades la sabeda, ai 3 de setëmber, a söa colma: a Pederü èl gnü benedì le monumont renové ai tomês dla Pröma Vera y tignì la prejentaziun dal liber söle bataliun dai scizeri de Mareo. Personalitês dal monn politich y cultural ladin y da foradecà à orü tó pert ales zerimonies, co à inće albü lerch por na funziun liturgica con le ploan d’La Pli de Mareo y Al Plan Signor Heinrich Perathoner. Les delegaziuns dles bandires da plü ćiantuns dla Ladinia y da Puster, desco inće la Musiga Catarina Lanz d’Al Plan, à defilé deboriada con la compagnia onorara dai Scizeri d’La Pli y les personalitês desco l’Altlandeshauptmann de Tirol Wendelin Weingartner, l’Ombolt de Mareo Fortunato Ferdigg y le referënt provinzial ladin Florian Mussner. Sambën ne podea nia manćé l’autur dal liber nö söi Standschützen d’La Pli y söla Pröma Vera tles Dolomites Günther Obwegs. Inće la Lia provinziala di Scizeri (“Südtiroler Schützenbund”) ea raprejentada, con l’aministradù Elmar 558

Thaler. La festa è gnüda tignida do la defilada tla pastöra dlungia la plaza dai auti da Pederü, olache al à ciafé śën na bela lerch, meritada, le monumont renové dai tomês, assighé ete con na si de lën por i dé cornisc, respet y sconanza dai tiers. Le monumont è sciompl y è motü adöm da en sochel de pera y lassora en ermo blanch ziplé fat do al originar, con al intern la crusc de vera. Söla falzada dant èl scrit sö: “Erinnerung an die Kriegsjahre 1914-18”, y bascà na picia scrita de metal co recorda che la compagnia dai Scizeri d‘La Pli à fistidié dal renovamont cösc ann 2005. Söle spiné dal monumont èl da ciafé la scrita “Errichtet von der K. u. K. Fest Tel. Abt. Plätzwiese III. Zug”, la divijiun co â êrt sö dal 1916 le monumont a sü colegs tomês. Dlungia ales delegaziuns dles bandires dles comagnies dai scizeri da foradecà s’à motü sö da öna na pert la Musiga Catarina Lanz d’Al Plan y dal’atra pert i Scizeri d’La Pli. La Musiga à fistidié por l’abelimont musical, i Scizeri d’La Pli por les salves co à rondenì dui iadi sö por i parëis dolomitics da Pederü. Söi banć d’onur èl sté da odëi dlungia ala prominonza dai Scizeri y dla politica y cultura de Mareo y de Südtirol y Wendelin Weingartner, i ëi co è gnüs dala vera, la Secunda Gran Vera dal Monn, i “Frontkämpfer” dla Val Badia con i sorastanć de seziun Angelo Ties, Sciandro Trebo y Hermann Pescolderung. Dlungia ai raprejentanć de comun con l’aconsiadù Marco Pizzinini co â albü l’idea da dortoré sö le monumont a Pederü, èl inće sté da odëi Signor Merch Graffonara, l’assistont spiritual dai Scizeri de Puster Siegfried Volgger, le stori-

LA PLI

ch de Tirol y dla Ladinia Lois Trebo y la tota dla bandira dla compagnia d’La Pli de Mareo Emmi Schett. Gnü ćina a Pederü è inće l’aiutant dal comandant dai scizeri provinzial Efrem Oberlechner y le colaboradù Günther Ploner. Danter les delegaziuns èl inće sté chëra dai Standschützen, la compagnia co tin sö le recort ai scizeri da laota, con la mandura y bandira storica y i scizeri sportifs d’Al Plan. En amonimont ala pêsc “Aratëise che i scizeri sii jüs ienn laota te vera, empede sté a ćiasa a lauré so lü y sté pa söa familia?”, cösta è stada öna dles trepes domandes retoriches co è stades da aldì fora dla boćia dai reladus. L’onorifiziënza ai tomês à le major de

Puster Heinrich Seyr tignì. Inće Signor Heinrich à albü parores dessorora por recordé y onoré i tomês dles veres te nüsc raiuns. “Al dédancö dess les mandures, i stlops y i monumonć recordé tan borta che la vera è y tan de dolur che ara po porté”, àn aldì dala catedra. L’assessur provinzial ladin Florian Mussner à dit che i scizeri defenea söa valada, deboriada, y che i ladins è stês deboriada söles munts por defëne söes valades y söa cultura. Cösc dess ester de ejëmpl. Le bataliun de Mareo ea pö önn dai maius de Tirol, y tolea ete la Val Badia, Ampëz/Fodom/Col y ćinamai le distret da Bornech (con laprò Bornech, Mantëna Todëscia, Ognes, San Laurënz, Falzes, Perha y Raiscia). Le salüde dla lia dai scizeri è gnü da Elmar Thaler. L’ombolt

La benedisciun dal monumont fat sö danö.

559

LA PLI

de Mareo Fortunato Ferdigg à porté le salüde dal comun a comunité y scizeri, y i à inće dit iolan ai Scizeri d’La Pli por so engajamont cultural y sozial. “Laota jêra da defëne la valada y la familia da invasurs foresć, al dédancö sunse düć cherdês da tignì sö nüsc valurs dla porsona, dla familia y dla dignité dla porsona”, à dit Ferdigg. Ai pîsc dal monumont benedì da Signor Heinrich èl gnü deponü spo inće les gherlandes da pert dai Scizeri de Mareo y dai frontkämpfer. La Musiga d’Al Plan à soné atlò “Ich hatt’ einen Kameraden”, na melodia co va dagnora a cör. Le liber söle bataliun de Mareo T’en format ampl èl sté da ciafé en cösc dé sön 242 plates la informaziun scrita y fotografica esenziala dal bataliun dai standschützen de Mareo, empegné dandadöt sön Col de Lana dal 1915 al 1917. A chi tomps gnêl belo fat fotografies y cöstes è bën le testimone plü

leretus co cunta la realté dla vera. L’autur dal liber Günther Obwegs (so pere è d’Al Plan) à dit te söa relaziun cörta por la prejentaziun a Pederü: “I n’à nia iu scrit cösc liber, al è gnü fat Le coêrtl dal liber dé fora dai Scizeri d’La dai standschützen marei enstësc y da Pli. so destin sfadius y cröde. Ći che i ladins ne dess mai se desmonćé è che la Ladinia è Tirol y Tirol è la Ladinia.” Inće sce i tomps müda ne désson mai se desmonćé dla storia, chëra co à costé trepes vites y dolur, deache ara se damanâ cösc. Al dédancö nes recorda ma plü les cortines dai soldas, i monumonć y la documentaziun cöstes ombries dla storia dla umanité. Y cösc liber è n te’ recort.

Odüda söles autoritês dal monn politich y sozial y söi trec scizeri da foradecà.

560

LA PLI

Sot les stëres gheles L’isté 2004 è l’idea tomada por le pröm iade, te na sëra ćialdina da d’isté, y an po dì che al è sté en bun impuls, na iniziativa co à salpü da ralegré musicanć y trep publich da döta la Val Badia y inće ghesć de Mareo. Soné y ćianté à sön le paiun davert danter scora, Gran Ćiasa, calogna y dlijia a La Pli: i fredesc Hubert y Lucia Frontull; Jan Daniel con Phil Mer, Christian Pescosta, Max Castlunger y Carmelo Leotta; Iaco Rigo con Ludwig Rindler, Georg Rigo, Arcangelo Obwegs y Goerg Mussner. L’UCL-Uniun Ćiantauturs Ladins à coü sö l’idea y l’à realisada, sambën en colaboraziun con d’atri ënć y d’atres uniuns desco l’Assoziaziun Turistica d’Al Plan de Mareo y i Jogn d’La Pli, inće deache le sostën adora düć. A La Pli èl sté cösta sabeda, ai 30 de iuli, dales 21.00 ennant, le pröm conzert de “musiga ladina te plaza”, en proiet co è roé inće en Santa Maria dal Ciüf (feragost)

Gran sugestiun söla Gran Plaza a La Pli de Mareo.

da sëra sön plaza de dlijia d’Al Plan con na costelaziun de musizisć desvalia. A La Pli àn podü ascuté sö tres la moderaziun de Georg Cristofolini sot a en ci sarënch de stëres les composiziuns country ladines de Hubert Frontull, daidé tal ćianté da söa só Lucia. Hubert à te söa secunda pert de performance lascé aldì inće na ćerćia de söa CD nea en preperaziun por l’ann 2006. Jan Daniel co ea roé adalerch con na gama de registri

Jan Daniel con so grup söle scenar emporvisé dan scora.

561

LA PLI

completa por la musiga jazz-blues-pop moderna à porté dant söes ćianćes con test ladin y ingleje te na bona porziun de intonaziun y unité de grup. Bel chisc dis ea i musizisć con le jonn ćiantautur da La Ila te stüde de musiga a Pedraces por tó sö les ćianćes dla produziun “Löm”, gnüda spo presentada al publich de dezëmber dal medemo ann. Iaco Rigo à prejenté tla pröma pert de so intervont les cater ćianćes nees “Dit adascusc”, “La mama”, “En chël dé” y “Tàchete al tram!”. Cöstes composiziuns dai mënsc d’aisciöda dal 2005 è roades dlungia a d’atres söla CD nea, gnüda fora de mà dal 2006. Impresciun y plajëi sön döta la plaza à fat la ćianća “Les trëi sajuns”, portada dant con döt le grup de strumonć, le cor y le suport vocal de Davide Brandlechner y Alfons Facchini. La ćianća è da ciafé söla CD de Iaco Rigo “Ombries de löna”. Te so final à spo Iaco porté dant con le sonn dal tlavier de Georg Mussner söes ćianćes co è nasciüdes tla natöra y tles sajuns de cösc bel paisc d’La Pli, olache al è ćiamó da ciafé le fle dla storia y dla cultura ladina. Trepa jont à lascé cösta sëra La Pli con gran sodesfaziun tal cör, inće deache la musiga à salpü da fà bun le rest; les precondiziuns dla atmosfera ea belo danlò con la bela plaza, le ćialdin dla sëra y les aries nëtes y les saus dai prês encërìa. Le sentimont musical d’en paisc La festa en onur de Santa Zezilia, la patrona dla musiga, è la “segra” por les uniuns musicales dal paisc y inće en pü’ la colma dla ativité fora por l’ann. A La Pli vën la festa de Santa Zezilia tignida 562

da zacan encà alangrana, y la gran mëssa y i espi sa da solenité, lalt a Dio, sentimont de vita y rengraziamont. Do le domisdé dai espi tla Dlijia de Santa Maria à en salf plën de jont podü ascuté sö les uniuns musicales dal paisc: le Cor de Dlijia, la Musiga, le Cor dai Jogn y le duo de musiga classica Angela y Renzo. Al è sté en conzert scrit con les lëteres “con” maiuscoles, deache “deboriada” è le motif y la fondamonta de na uniun, dai musicanć y dla vita soziala de döt le paisc. L’unité y l’armonia è les döes sorus de na uniun desco la musiga y le cor, y les usc sona bun te na entonaziun nia ma tecnich-fisica, mo dandadöt “emotiva”. Ensciö àra orü ester a La Pli che la violinista Angela Palfrader de Col y le pianist Renzo Huber d’Al Plan à daurì en conzert co à empormotü danfora da ne ester dessogü nia da stüfé jö. Franz Rigo da Matlogn à mené fora por le conzert con bravöra y comizité, ći co alisirëia la tenjiun sön paiun y inće les palses danter cösc toch y l’ater ete. Le Cor dai Jogn à inće dé söa bela pert sot ala direziun dal maester dal Cor de Dlijia Christian Ellecosta da Taibun y l’acompagnamont de plü strumonć desco la bataria, la chitara y le tlavier. Le Cor de Dlijia à lascé aldì en gran pert ćianćes todësces che an n’alda nia gonot te nüsc raiuns ladins, le Cor à orü desmostré söa ligrëza por la festa y inće festejé le iubileum de 125 agn. Georg Rigo, le presidënt dal Cor de Dlijia, à cunté söles aodanzes che pater Urban dla Lia dai ćiantadus de Südtirol à menè, spo àl podü premié deplü usc por agn torogn de ativité. Signor ploan Heinrich Perathoner à ringrazié inće te chësta pert profana dla festa l’engajamont dal cor y

LA PLI

Le Cor de Dlijia, con le moderadù dal domisdé Franz Rigo y le dirighënt dal Cor Christian Ellecosta.

Le Cor dai Jogn. Inće la ćianćia “So weit weit weg von dir...” de Hubert von Goisern àn podü endô ascuté sö.

dai singui ćiantarins che ne se tëm nia dai agn d’ativité co vën entres deplü. Denanche la Musiga d’La Pli dauriss söa pert èl gnü entoné deplü ćianćes popolares ladines te salf, düć à podü ćianté para y se renfreschè les beles melodies ladines (Os sotusc, Les cater sajuns).

La Musiga d’La Pli à salüdé le publich y Martin Rigo, le presidënt, à cunté dla ativité dla musiga fora por cösc ann co jea oramai a piz. Le musiconter Christian Ploner à spo podü pié do le diplom por i 15 agn de ativité, y le dirighënt Andrea Daverda da Corterëi desco raprejentant 563

LA PLI

I premiês dal Cor de Dlijia. Da man ciampa: Angela Palfrader (10 agn), Gabriela Willeit (10 agn), Robert Willeit (10 agn), Anna Palfrader Willeit (40 agn) y Iustina Willeit (55 agn). Iadô odunse le presidënt dal Cor Goerg Rigo.

mëna-jogn dal compresore de Puster dla Uniun Musighes de Südtirol à podü premié la musicanta Manuela Ploner con la medaia de valütaziun d’arjont. Do le conzert co à dër plajü è i interpreć gnüs enviês a söa cëna tradizionala de Santa Zezilia ta Furćia. Deboriada sön tru

La medaia d’arjont i vën tacada sö a Manuela Ploner.

564

Vëndres dla Segra 2005. Cösta ocajiun è gnüda tuta ca da Karl-Theo Stammer por prejenté söa ultima documentaziun de fotografies y impresciuns, inće scrites y registrades, söla prozesciun de Jenn.

LA PLI

Les registraziuns de oraziuns y ćianćes à le fotograf orü dé fora deboriada con le liber sön na CD. Tal liber èl da ciafé retrać dles anades 1997-2000-2003 dla prozesciun dai “mile” dla Val Badia, söla CD testimonianzes rezitades y ćiantades dai pelegrins söl tru por Jenn. Al à orü ester trep tomp y trepes mans co dëidi, por realisé cösta ultima publicaziun sön Jenn, co arichësc śën d’en liber y na CD-audio emplü la storia söla prozesciun de Jenn. Al n’è nia le pröm liber de retrać sön cösta prozesciun, mo bonamënter le plü popolar, dandadöt dal punt d’odüda d’La Pli enfora. Le fotograf Karl-Theo Stammer è jü trëi iadi para con chi d’La Pli en Jenn, y cösc condizionëia y “sozialisëia” sambën le

material fotografich y les atres impresciuns tutes sö. Le liber tol ete chës 270 plates te trëi lingac (ladin, todësch y talian), con les introduziuns de siur Degan Franz Sottara, de sr. Maria Ancilla Hohenegger - la badëssa dal 1996 encà dal convont de Jenn y de sr. Marcellina Pustet la badëssa dal 1970 al 1996. Söla storia dla gran prozesciun cunta le dr. Lois Trebo. Le fotograf Stammer à spo enstës scrit jö söes impresciuns cörtes y sontides söle iade con crusc ćina sön Jenn. Le liber se resservëia na dedica söles prömes plates, chëra dal autur Stammer a Signor Merch Graffonara - zitat: “Al stimé ploan de La Pli de Mareo Signor Merch Graffonara desco sëgno de reco-

Fora dla zerimonia de prejentaziun: l’autur Karl-Theo Stammer i sorandà a Signor Merch Graffonara en ejemplar dla publicaziun nea. Dlungia èl da odëi Paul Vallazza, Florian Mussner y Jep Agreiter.

565

LA PLI

Le grup de musicantes co à abelì tan bel la festa.

noscimont por le fistide y i gran mirić che al s’à fat por la prozesciun de Jenn”. Söla CD audio èl da ciafé registraziuns dal iade por sanć en Jenn. Ares è gnüdes tutes sö dal autur dal liber Stammer dertan la prozesciun dai agn 2000 y 2003. Les oraziuns dai pelegrins, les ćianćes, i vari dai ćiavai, le soné dles ćiampanes y d’atres veres encëria - döt adöm porta pro a en documont autentich de cösta prozesciun tradizionala. Karl-Theo Stammer à orü dé fora le liber y la CD a mez ann dla prozesciun en Jenn dai jogn y omi dla Val Badia, co vën motüda da jì vigne trëi agn. La Segra d’La Pli è la segra de düć y La Pli è la Dlijia oma dla valada. Le salüde ofizial por la prejentaziun dal liber tal pôrte dla Gran Ćiasa a La Pli è gnü da Jep Agreiter, presidënt dal consëi de ploania d‘La Pli, y la cornisc musicala, popolara y eleganta, è gnüda dal grup feminil en troht “Die Puschtra Vielsaitigen”. Karl-Theo Stammer à cunté söle liber y cô che cösc è gnü a s’al dé. Al à ringrazié düć i mezenać y 566

i sponsors, y dandadöt i compagns co l’à motivé da mëter adöm cösta documentaziun. Presënć ala zerimonia ea inće le vizeombolt de Mareo Paul Vallazza, l’assessur provinzial y regional de Südtirol Florian Mussner co à inće onoré le liber y l’autur Stammer con parores de complimonć. Le pôrte dla Gran Ćiasa è sté emplì fora da trepa jënt dandadöt dal paisc d’La Pli. Karl-Theo Stammer è da diesc agn önn dai mius ghesć a La Pli, mo “ghest” è dit en pü’ püch, deache ël se sont da ćiasa te cösc picio paisc, dlungia a Colonia/Köln y Bornech. En liber da cujiné d’La Pli por döt Tirol Wendelin Weingartner, sté dal 1993 al 2002 Landeshauptmann de Tirol, à tignì en bel discurs a Furćia en la festa dai 25 agn dai Scìzeri d’La Pli. Al à dër laldé i ladins. Püć sa che le dr. Weingartner y sü familiars à plüdadio gonot tignì söes vacanzes tla Val Badia, dandadöt a Longiarü. Dertan marëna ésun gnüs a baié de na cöga, nasciüda a La Pli, co à fat so bun laur trec agn alalungia te calogna da Sanćiana, pal propst y degan ladin Signor Luije Soplà da San Ćiascian (+ 1923). la cöga Creszenzia Trebo ea na só dal poet Angelo Trebo (+ 1888), amich de Jepele Frontull, y à motü adöm o scrit nia en pice liber todësch “Tiroler Kochbuch”, stampé a Porsenù dal 1900 con 230 plates y à albü suzes con plü ediziuns. Le liber è dër enteressant y porta en grömun de rezepise por le cujiné. Zenzele Trebo è nasciüda sö Biei, ai 22 de mà dal 1853 y è stada dio a San Martin pa sü fredesc y pa söes sorus en

LA PLI

dla Val Badia i à ćiaré con desplajëi y encorsciomun ala destruziun dla ćiasa en ur de strada y dla Gran Ega, y önn o l’ater s’à inće fat sü ponsiers sön Peraforada de Sot, söa storia y söa jont, y söla spariziun de na ćiasa, de na vita y d’en post. I publicun la poesia dal dotur Lois Ellecosta de Colac, che al à orü scrì canche al à aldì che cösta ćiasa vedla gnea trata jö. Peraforada Ćiasa grija bel sön strada, baluard de nosc ladin, pur en seco este stada nosta pera de cunfin.

Le coertl y la pröma plata interna dal liber da cujiné dla cöga Creszenzia Trebo d’La Pli de Mareo, te söa terza ediziun.

Can ch’ an jea ia y fora con l’cör che legremâ, tüa ê l’ultima parora che ćiamó nes cunsulâ.

pert inće cöghes dal curat da laota Signor Pire Trebo co à albü desco capolan le Sant da Oies. Plü tert èsera roada a Porsenù, olache ara è spo morta ai 26 de iener dal 1931. Weingartner cunta ienn che al adorâ dër dassënn le liber dla Trebo da se cujiné enstës canche al stüdiâ a Vìena. (articul de Signor Merch Graffonara)

Mo sc’an gnê spo sënza püde cuntra ćiasa ndô danü, tò ê ntres l’prüm salüde, dla valada l’bëngnü.

Peraforada de Sot y la strada nea da Longega

Dër tirënt passâ surëdl surafora inć’’ d’istè, y la lüna chësc post vedl ralegrâ bëgn ma dainrè.

Ai pröms de dezëmber èl gnü trat jö la vedla ćiasa y ostaria da Peraforada de Sot defora da Longega. Al ea l’ultima ćiasa dal comun de Mareo y dla Ladinia dal vers de Puster, na sort de “pera” da termo por i marei y i ladins. Trepa jënt

De ladin n’êl bëgn plö nia te che jënt ch’ ailò abitâ, mo impò la Val Badia sciöche termo t’aprijâ.

Tan de vita y ligrëza inć’’ regnè à te chi scürs, sonn alegher de junëza resonâ inant’r i mürs. 567

LA PLI

Olà che n iade ringhinia te chi porti jonn cighè, n’él t’un iade śëgn plö nia, düt è gnü arbandunè. Ćiasa vera y tralasciada, plö degügn ne t’vëgn ti pisc, dlungiaìa va inć’’ la strada y tü mürs vëgn tres plö grisc. Śëgn defata mësst’’ la zeder, vedla ćiasa do chël rü, prësc t’dijunse aruveder, chël defata y dessigü. Sterscia pera, chësta tera di ladins ast’’ tö scunè belo dan la prüma vera, śëgn indêre ast’’ ruvè. Inć’’ pur te è śëgn ruvada l’ora crüdia dl destin, aruveder, Peraforada, baluard dl monn ladin!

La ćiasa à dé sö söa vita por merit - o por colpa - dla strada nea.

568

L’ann 2000 êl gnü dé ia i laurs por le ressanamont dla strada dla Val Badia danter Mantëna Todëscia y Longega, y dan da en salamont plën de jont a Al Plan â la Provinzia con sü colaboradus y i ombolć dla Val Badia enformé sön le handicap che i zitadins y i ghesć dla valada ess albü dertan i laurs foss piês ia. Da enlò encà â la jont porté la situaziun con rassegnaziun, inće tai momonć che la strada ea daldöt slüta por la gauja de esplojiuns de crëpes y inće por colpa de döes de gran roes. Ćiamó da Nadé dal 2004 â l’assessur provinzial ai laurs publics y ala cultura ladina Florian Mussner empormotü che la strada dla Val Badia foss gnüda daurida por Nadé dal 2005, y püć dis dan Nadé de cösc ann à jont d’atlò y i ghesć podü passé ete y fora por gran pert dla trassa ressanada, tres düć cinch i tonì y söle gran viadut. Ma le punt nö da Mantëna Todëscia romagnea ćiamó da gnì fat. Al è sté agn de laurs y de dificoltês, cinch endöt, por ajunjer cösc pröm vare, tan aspeté dala jont. Al è sté inće agn de variantes al proiet original, liades ales forzes maius por plöêres y eghes. Al è sté inće agn de trepa pazionza da pert dla jont dla Val Badia, dandadöt tai tomps de noêres sön les döes strades panoramiches da Pliscia/Sares y Ognes/Grones. Al è inće sté tomps de gran desponibilité y colaboraziun da pert dai patruns dai grunć y paurs sön i versanć da Grones y La Pli/Pliscia, chi co à azeté l’atraversamont de düć i auti dla Val Badia por sajuns plü lunges. La sodesfaziun por le pröm vare arjunt i ea scrita a en gröm sön le müs y nia ma al proietist y diretur dai laurs Fulvio Pisetta, ai tecnics dles

LA PLI

Festa emprovisada te önn dai tonì por la daurida dla strada nea. Al baia l’assessur provinzial Mussner, y an vëga tan gran che l’enteres dai fotografs y dai cameramen è.

dites dal consorz talian co à fat y apalté ennant les operes, ai lauranć, con laprò i minadus co è stês inće de dé al scür por perforé i tonì. La Provinzia à orü fà festa dan les festivitês de Sant Ambroje propio tal pröm tonel da gnì da Puster ete. Baiè à en cösc dé inće le presidënt dla Junta provinziala Luis Durnwalder y l’assessur ai laurs publics y ala cultura y scora ladina Florian Mussner. Ćiamó denanche al gness daurì i tonì y le viadut defora da Longega à la Provinzia de Südtirol aproé la soluziun dal trafich da Longega, con la costruziun dal gran rondel defora da Longega. Aministraziun de comun La domëgna, ai 8 de mà èl sté lites de comun, önn en iade por renové le consëi de comun y l’ater iade por mëter l’ombolt nö. L’ombolt da denant, Albert Pal-

frader, l’assessuria dai agn 1995-2005 Teresa Palfrader Willeit y l’aconsiadù de comun ti agn 1995-2000 y assessur de comun i agn 1990-1995 Jep Agreiter ne s’à nia plü motü a desposiziun dla lita. A La Pli èl sté inće en cösc iade döes listes, chëra zitadina con le sëgn dal ćiampanin y chëra dla SVP. La lista zivica à pié dui mandać con 259 usc, roês ete èl Davide Brandlechner de Sotrù con endöt 198 usc, y Jep Ellecosta dla Costa con 134 usc. La lista dla SVP à ciafé en cösc iade trëi mandać, con 266 usc, roé te comun èl Richard Erlacher de Plaza con 175 usc, Felix Ploner con 167 usc y Johnson Complojer de Lex con 76 usc. Ombolt de Mareo è gnü Fortunato Ferdigg, mo a La Pli à so contraënt Stachio Erlacher abiné deplü usc, bën 200 (Fortunato n‘à ciafé a La Pli 161). L’Ombolt Fortunato Ferdigg à orü cherdé te söa junta Richard Erlacher desco assessur. Richard à ciafé l’assessorat ales munts y ai paurs. 569

LA PLI

Le fabriché sozial “Pinćia de Calogna” crësc. L’ann 2005 à na familia motü man da se fà sö söa ćiasa tal grunt alisiré cumpré dal comun defora dla zona “Pinćia de Calogna” esistonta, y à ensciö dé löm vërda ai laurs por deplü ćiases nees y al completamont inće de cösta zona. Le comun à te cösta ocajiun inće ponsé da arjigné ca la strada de liam por Brach, almanco por en toch, ćina al’altëza dles costruziuns proietades tal raiun de espnajiun alisiré. I laurs dal comun è gnüs fać dertan d’isté. I cin’ omi dal paisc d’La Pli roês tal consëi de comun ćina al ann 2010.

Ai 12 de jügn è gnüs cherdês i zitadins taliagn a cater referendums. Te Mareo, olache 2.095 è gnüs cherdês ala lita à ma 171 lité. De chisc à la maiù pert dè jö en “poa”. Mo düć cater i referendums co tratâ le tema dla procreaziun manipolada scientificamonter è tomês a livel nazional y n’à porchël armet nia a livel iuridich.

La Pinćia scarzada sö.

Tan de rofodam che al è inće a La Pli

I cumpëda-usc tla seziun dla scora elementara a La Pli à albü bën püch da fà en gaujiun dai referendums.

570

Le comun à endô motü da jì d’aisciöda la “gran puzenada”, con chëie adöm le rofodam gro fora por chës ćiases. Önn dai posć de racoiüda è endô sté le zënter d’La Pli. Por plü dis à la jont podü porté, gratoné y mené adalerch le rofodam, o dit miù “les cosses co ne vën nia plü adorades” te chës ćiases, tai urć, tles majuns y tai ćiampoprês. Al è endô en iade sté da se fà demorvëia tan de patüc che al è dessorora inće a La Pli. Por merit dal comun po cösc patüc gnì desgort ann por ann, al è en bel sorvisc por döta la popolaziun.

LA PLI

La gran pira de rofodam gro y posoch tal zënter d’La Pli.

Le proiet Tras(se) Nord-Süd Danter la Val Badia y Ahrntal èl gnü motü da jì dai 20 de mà ai 5 de jügn le proiet ampl “Tras(se) Nord-Süd” (porté

dales döes assoziaziuns culturales EPLErt por i Ladins y KUNSTMYST), co è sté dandadöt en s’encunté sozialmonter, y se baraté fora culturalmonter y creativamonter. I artisć dla KUNSTMYST y chi dal’EPL à motü inće döes mostres, tal Museum Ladin respetivamonter a Steinhaus te deplü locai dal zënter. Atlò à inće motü fora l’artist d’La Pli de Mareo Franz Kehrer. Na manifestaziun concreta èl gnü motü da jì spo la jöbia, ai 26 de mà, tla Ostaria Sotrù a La Pli. Al è sté na serada de musiga dessogü straordinara por La Pli y la Val Badia, y daldöt sperimentala por la composiziun: en grup jazz y en cuartet de ćiant popolar che s’à baraté jö. An à podü odëi tan desvalis che i dui stils de musiga (y de vita) è, mo inće che la musiga se ajunta zonza alergies te vigne söa dimensciun y so carater. Jont è gnüda a ascuté sö le SQUARTET, motü adöm da Hannes Mayr, Pe-

Le grup jazz SQUARTETT a La Pli de Mareo.

571

LA PLI

ter Paul Hofmann, Luis Zöschg y Berni Brugger, y d’atri è gnüs por aldì l’atra formaziun, le cuartet maschil a usc con Christian Unterhofer co manajëia na gran pert dal scenar dla musiga popolara t’Ahrntal. Inće te nüsc paisc n’è la musiga jazz nia de nö, a La Pli n’èsera endere ćina tlo nia stada da aldì dër gonot. L’atmosfera danter i ascutadus, danter chisc en bel tlap de jones y jogn d’La Pli y de d’atri paisc dlungia, è stada lesiera, spontana y divertonta, y an à podü odëi desche les ćianćes popolares todësces, inće conesciüdes en gran pert tles valades ladines, è bones da atrà vigne atenziun. Te chisc agn pòn baié d’en renascimont por les raisc culturales y ensciö inće por la ćianćia popolara ladin-tiroleja. Dal ater vers è al dédancö - por merit dla comunicaziun globala - la musiga de d’atri continënć y de d’atres cultures conesciüdes, an ne mëss nia plü s’les temëi y an po les sorantó y les proé fora zonza de gran complesc. La serada a La Pli à podü desmostré propio cösc: che la musiga po se manifesté te trepes variantes, che le ritm po se desferonzié, mo che musiga è dandadöt melodia y che cösta po soné bun endlunch. Olache la musiga à endere le cör lëite, y olache an po aldì fora dandadöt l’amur y la pasciun por la cultura de ćiasa y les tradiziuns nostranes, èl le cör co rospogn y ćianta para. La musiga co vën sonada y ćiantada con le cör y è bona da se sonté ete t’en cör co naina para è öna dles plü beles ones dla vita. Y enlò èl spo saurì da sté sora la cuotidianeité ia y sora döt ći co ardurba dé por dé la mont. La musiga sta sora vigne fistide ia y po gnì fata y portada dant da düć, y al è bel da odëi che inće y dandadöt le ćianté po572

polar tirolesc sa entres endô da divertì, inće i jogn. Enteressant a La Pli èl sté da odëi le tontatif da enserì le ritm jazz tal iodler tirolesc: aboć garatâ la combinaziun, aboć sciampâ önn en stil dal ater, mo ala fin se gnea düć, inće i ćiantarins y strumentalisć. Jazz y ćiant popolar è stês cösta sëra dui jomelins, mo nia en unicat, y önn po tó dal ater, ći co va bun y s’enjunta, dandadöt melodies, mo mai y nia carater y anima.

Le laur de Franz Kehrer da Costamesana tla mostra coletiva dal’EPL a Steinhaus.

Notes de nostes munts “En abrac de cör” è sté le motto, sot chël che le fotograf Hans Pescoller à porté dant söa conferënza de diapositives por le proiet “Tras(se) Nord-Süd” al Spanglwirt a Sand de Türesc. La chêrscia söla torta de cösta bela serada à motü la Tanzmusig d’La Pli de Mareo sot la di-

LA PLI

La Tanzmusig d’La Pli de Mareo à soné ta Türesc.

reziun de Hermann Trebo con sü bàisli. La Tanzmusig d’La Pli è gnüda motüda sö l’ann 2004 por renfresché y manifesté endô na musiga co parea dan da agn tal morì fora con les tendënzes da balé emportades da vigne piz dal monn ćina te nostes stöes y te nostes festes y segres. La Tanzmusig d’La Pli sona bel fin y con en bun ritm, y sce l’ocajiun è n’atra y nia na proieziun de diapositives sön les munts alpines, spo s’armer ienn les iames por se rodé t’en bal co liëia nostes generaziuns a chëres dan da nos. Ensciö vëgnel porté ennant na cultura co à tignì bot a na globalisaziun che massa gonot è ma na moda y nia en sentimont. Renfresché la ćianćia popolara Passa vint ea ma belo i ćiantarins, les ćiantarines y i jobleri roês le lönesc sëra,

ai 30 de mà, tla Ostaria Al Cargà a Rina por entoné les ćianćes y animé le publich a ćianté para. I grups ea le Tauernquartett, i Gollsänger, la Pietra Feiramusik - chisc düć da Ahrntal y da Türesc fora, spo le Cuartet Göma, le terzet faminil “A per sorëdl” con Monica Konrater da Biëi Defora y Lois Kastlunger dal Mone da Pliscia söi orghi da man. La jont enteressada al program de cösta sëra è stada trepa, nia döta n’à albü lerch tal salf dal restorant y tal bar. Salüdé à Karin Huber y Iaco Rigo por l’organisaziun dla serada, che fajea pert dla Tras(se) Nord-Süd, recordenn che musiga liëia popui y valades, y che la jont dla Val Badia y de Ahrntal à trepes de medemes ćianćes, dandadöt les todësces. I ladins à en gran repertore de ćianćes popolares emportades dai raiuns de cultura todëscia, ensciö dal Tirol 573

LA PLI

Le grup de jones “A per sorëdl”.

Todësch y dala Carenćia adalerch. Les ćianćes popolares y le ćianté popolar vir te nüsc tomps en renascimënt, inće jones y jogn mët endô man da tó ca les ćianćes de sü nenesc y peresc por les ćianté, sii tal privat co tles ostaries. “Olache al vën ćianté, enlò storj pro”, dij en dit, y desche an sa delibrëia le ćianté la mont da ponsiers y da fistidi. I tomps da jì a vila y dles gran families è morć fora, porchël se damana la jont entres deplü ocajiuns da ćianté y balé deboriada. Inće a Rina àn podü sontì para le sentimont y la ligrëza por le ćiant popolar co ne se desfarenziëia nia danter i pustri da Türesc, i Ahrner y i ladins. Ma canche le “Cuartet Göma” y le terzet “A per sorëdl” à entoné ćianćes popolares dal test ladin, àn odü che na particolarité à la Val Badia empò, so lingaz. Bel èl sté 574

da aldì desche düć i ghesć da Puster ete ćiantâ para les ćianćes ladines, gnüdes partides fora da Iarone Chizzali inće con notes söles mëses. I ćiantauturs sora i confins A Steinhaus èl gnü ponsé tla cornisc dal proiet cultural y barat sozial “Tras(se) Nord-Süd” danter l’Ahrntal y la Val Badia a na serada de ćiantauturs ladins dla Val Badia. I dui fredesc Hubert y Lucia Frontull à daurì la serada con söes melodies ritmiches sciomples y plënes de flair tradizional, moscedades con i tesć (de Hubert) co descrì belëzes y sensaziuns naturales. Hubert y Lucia è önn dai duos plü ascutês tla Ladinia, inće deache söes usc vën fora d’en ressservar de sentimont nët y

LA PLI

y balades ladines melodies desco “Les stries dla net” y “I termi dla vita”. Do so bel conzert da ćiantautur ladin àl ćiamó soné ennant, ćina dio do mesanet, composiziuns conesciüdes a livel internazional, te deplü lingac. Leteratöra da n buncher fora tal monn

I fredesc ćiantarins d’La Pli de Mareo Hubert y Lucia.

sonzier. Da aldì èl inće sté les ćianćes “Dolomit” y “Salvans”. Dedô i àra toché a Philipp Mersa da Corvara, in arte “Phil Mer”, co à acompagné Jean Daniel söle tlavier por deplü ćianćes desco “The space-man” y “Löm”. Jean Daniel à ćina tlo componü deplü toć ladins y inglesc. Söa rezëta è da ciafé tal lauré con acorć co se despartësc y va adöm de tlavier y chitares, püch agressifs, con na usc sensibla. Ël enstës sona la chitara acustica con gran maestria y finëza. Phil Mer à spo inće acompagné söle tlavier Iaco Rigo co à porté dant les trëi ćianćes dla CD “Ombries de löna”: Relaziun, Tö y Franzislao. Danterete y dedô à Phil Mer lit dant deplü poesies “sonores” tal lingaz talian, datrai inće dër ironiches y assurdes. Dedô èl gnü le momont de Alexander Mutschlechner alias Alexander Dal Plan, con sü compagns Roman Ties, Arcangelo Obwegs y Andrea Federa. Alexander à scialdé ete le publich con söes ćianćes

A Sares èl gnü motü da jì la serada de poesia y prosa dles scrituries y dai scriturs de Ahrntal y dla Val Badia, y cösc tai trëi lingac ladin, todësch y talian. A Sares, al confin dla Ladinia, y t’en punt zentral dla trassa Ahrntal-Val Badia èl gnü ciafé en fabricat storich por les letöres de nö scrituries y scriturs: Roberta Dapunt, Maria Margareth Pedevilla, Giuvani Pescollderungg, Armin Mutschlechner, Christian Ferdigg, Iaco Rigo, Wolfgang Nöckler, Tone Kastlunger y Heinrich Gruber. Sis de chisc è gnüs dla Val Badia, mo scri tai lingac desvalis danter le todësch, talian y ladin.

Maria Margareth Pedevilla li dant tal buncher da Sares.

575

LA PLI

Pesć leterars roês a La Pli En pest “haiku “ ” por Elfriede Kehrer Otantesset scriturs da döt Tirol y danter chisc en cösc iade trec da Südtirol - à mené ete söes poesies haiku al’ediziun 2004 dal Pest Zanon a Lienz. Davagné à - desco belo tles ediziuns 1996 y 2000 - Christopoh Ebner dal post. En pest tai pröms à inće pié do Elfriede Kehrer d’La Pli de Mareo. Ć’è pa en ponsier haiku? I reportun l’ejompl co è gnü araté al Pest de Lienz le plü atoché de düć: “erinnerungen - dunkel licht des mondes - gleich schneckenspuren” (por ladin: recordanzes - scöra manifestëia la löm la löna - le medemo co fostüs de sgnech). Le ponsier è dal poet Ebner. Al se vëga da ćiasa tal haiku. Mo da olà vën pa cösta sort de poesia spidiciada? Al va zoruch te söes raisc ala lirica iaponeja tal 9ejim seco y coea tal 17ejim seco söa pröma gran flu. Al è na sort de leteratöra y lirica co se tin a desposiziuns rigoroses de forma y comntegnü. Al dédancö è da encunté le haiku feter te vigne leteratöra dal monn. A Elfride Thonabauer, fomena dal artist Franz Kehrer, i va i complimonc dal paisc d’La Pli. Ara po mëter cösc ultim pest dlungia ai atri dui gragn internazionai che ara à davagné i ultims agn. Chertes sön scrituries y scriturs Dla cuarta ediziun dles cartolines dla SAV (uniun auturs de Südtirol) è inće stada Elfriede Kehrer ala pert. Tla biblioteca Claudia Augusta a Balsan èl gnü prejenté la cuarta seria dles cartolines dla “Südtiroler Autorenvereinigung” SAV, y laprò èl inće sté en cösc iade Joseph Zoderer, Herbert Rosendor576

fer, Maria E. Brunner, Joseph Torggler, Klaus Menapace, Stefan Walder, Elfriede Kehrer d’La Pli de Mareo y Roberta Dapunt de Badia. Le conzet dles chertes dedicades ales scrituries y ai scriturs de Südtirol, anfat te ći lingaz che ai scri, è de Sabine Gruber, öna dles auturies plü conesciüdes dla provinzia, y de KarlHeinz Ströhle.

La cartolina dedicada al’autura d’La Pli Elfriede Kehrer.

Les morvëies de nostes munts Con la motivaziun por le test de na “raprejentaziun concreta y simbolica d’en mît arcaich, simbiosa de umanité y natöra en versciun linguistica de espresciun poetica a livel alt” y con la motivaziun por les ilustraziuns de “sëgns delicać y linears che sön en funz cuaji monocrom cunta poeticamonter y con convinziun na storia plëna de misters y

LA PLI

simboi” i à la juria dal concurs internazional “Le montagne incantate: leggende ed immagini - Verzauberte Berge: Sagen und Bilder” con sonta a Balsan assegné ai dui jogn dla Val Badia Iaco Rigo d’La Pli de Mareo y Maria Pezzedi de Casciano da San Ćiascian le secundo pest assolut. Por Iaco d’Alnëi èl le terzo iade che al po pié do en bel pest ARGEALP (do le secundo pest tal 1997 y le pröm tal 1999), por Maria Pezzedi en n’atra desmostraziun do i pesć nazionai por i comics che ara alda pro i talënć da cunté stories y personaji tres lignes fines y sëgns y corusc concreć. Pal concurs se tràtera de na proa da scrì y ilustré daurida vigne dui agn dal Comun da Balsan, dal 1997 encà, ai residënć dai raiuns ARGE-ALP, con la-

prò da plü agn encà les comunitês de laur dles Ciütês dles Alpes. Da trëi ediziuns encà vën i laurs menês ete valutês desco “unicum” tal scrit y tla ilustraziun. A cösta ediziun 2005 èl gnü mené ete 149 laurs endöt. 215 è stês i auturs y les auturies de scrić o ilustraziuns (149 ëres y 66 ëi). I lingac dles cunties è stês metüs adöm ensciö: 37 de todësc, 2 de ladins y 109 de taliagn. I laurs è gnüs en pü’ da döt le raiun ARGE-ALP, ensciö da Südtirol (endöt 51), dal Trentin (endöt 9), dala Lombardia (endöt 21), dal Venet (endöt 6), dala regiun Friûl Aunejia Iulia (12), dal Piemont (19), dala Val d’Aosta (2), dala Liguria (12), da Bayern (1), da Baden-Württemberg (2), dal Tirol (6), dal Vorarlberg (3), dal Ćiantun Grijun (1) y dal Tessinn (endöt 4).

I premiês con la juria sot ala presidonza dla scrituria Brunamaria Dal Lago Veneri.

577

LA PLI

Teater “Die Rechtfertigung” de Iaco Rigo a Bornech Le “Stadttheater” a Bornech à raprejenté ai pröms de jügn le toch de teater por todësch “Die Rechtfertigung” de Iaco Rigo. La rejia dal toch è gnüda sorantuta da Mateo Taibon dal Bas a La Pli co vir a Balsan. Cinch è stades les raprejentanziuns y trepa è stada la jont, dandadöt dala Val Badia, co è jüda ćina a Bornech por ti ćiaré a cösc toch original co cunta a na maniera dramatica y assurda la storia d’en ël atompé co à so habitat te na ćiasa de palsa y vën confronté por l’ultimo iade da söes trëi ex-fomenes. Sport y tomp lëde Gara dai schii: le miù tomp è roé a Longega De bones condiziuns de nëi y de tomp à endô lascé garaté la gara dai schii y dla brëia dal paisc d’La Pli. Bën 57 s’â lascé scrì ete y 55 è inće spo piês ia. L’organisaziun è stada inće cösta aisciöda endô tles mans de Emma de Mareo y Johnson de Lex da Longega, co à ciafé la colaboraziun dala sozieté dai lifć d’Al Plan por la pista de Pre da Peres ta Furćia. Sce an ponsa che cösta ediziun è stada la 33ejima tla storia dal paisc, spo è belo cösc le bel resultat che an po mostré sö. I tomps passa ennant, desco vigne storia dal paisc y dles generaziuns, y i jogn vën docà, tan che dal 2005 è belo jüs a gara i nasciüs l’ann 2000. Ensciö è stada Melanie Trebo la plü jona te cösta gara. Le concorënt manco jonn è sté Carlo Ploner da Corterëi, nasciü dal 1937 y entres ćiamó en forma, tan che al à batü sü aversars de categoria nasciüs i agn ćina al 1945. Cösta gara à inće endô fat roé adöm jont dal 578

paisc co se vëga zonza ia por l’ann püch y à vëia da s’la cunté en püch. Tlassifica Mitans ćina 6 agn 1. Melanie Trebo, ann 2000, 4:39.05 Mituns da 7 y 8 agn 1. Andreas Ellecosta, ann 1997, 1:01.29 2. Michael Elliscases, 1997, 1:14.03 3. Samuel Trebo, 1998, 1:36.75 Scolari da 9 a 11 agn 1. Manuel Palfrader, ann 1995, 50.67 2. Samuel Frontull, 1995, 54.94 3. Alan Erlacher, 1994, 58.45 4. Elias Hochwieser, 1994, 1:07.44 5. Denis Erlacher, 1996, 1:07.77 6. Josef Willeit, 1994, 1:08.09 7. Marco Comploj, 1995, 1:40.83 Scolares da 11 a 14 agn 1. Katrin Ellecosta, 1993, 47.90 2. Raffaella Fiung, 1992, 52.18 3. Lucia Kehrer, 1992, 53.89 Scolari da 11 a 14 agn 1. Matthias Frontull, 1991, 43.29 2. Michael Palfrader, 1992, 43.85 3. David Ellecosta, 1992, 49.01 4. Matio Palfrader, 1991, 49.77 5. David Palfrader, 1993, 53.20 6. Felipe Kahrer, 1993, 1:08.37 Jones da 15 a 24 agn 1. Mara Complojer, 1990, 49.92 Ëres da 25 a 34 agn 1. Marta Trebo, 1975, 50.19 2. Silvia Rigo, 1977, 55.81 Ëres da 35 agn ennant 1. Cristine Ellecosta, 1963, 51.14

LA PLI

2. Margaret Daverda, 1968, 52.75 3. Veronica Peslalz, 1965, 56.74 4. Rita Erlacher, 1960, 1:03.42 Ëi veteranns da 60 agn ennant 1. Carlo Ploner, 1937, 1:00.37 2. Tone Ploner, 1945, 1:03.23 3. Pasquale Pedevilla, 1942, 1:13.11 Ëi veteranns da 50 a 59 agn 1. Giovanni Complojer, 1950, 1:00.09 Ëi amaturs da 40 a 49 agn 1. Tone Palfrader, 1959, 46.17 2. Jep Ellecosta, 1961, 50.11 3. Alfred Ellecosta, 1958, 50.76 Ëi seniors da 30 a 39 agn 1. Elmar Winkler, 1974, 42.54 2. Gustl Trebo, 1971, 46.30

4. Gabriel Ellecosta, 1981, 47.92 5. Cristian Ellecosta, 1981, 50.80 Jogn da 15 a 20 agn 1. Andrea Ellecosta, 1986, 40.54 2. Ivan Ellecosta, 1990, 43.00 3. Patrick Complojer, 1986, 44.94 4. Fabian Agreiter, 1989, 48.00 5. Manuel Kehrer, 1986, 52.17 6. Diego Kehrer, 1987, 52.36 7. Werner Pedevilla, 1988, 1:00.41 Maestri dai schii veteranns da 40 agn inant 1. Hubert Frontull Mareo, 1963, 44.48 Maestri dai schii seniors ćina 39 agn 1. Michael Ploner, 1980, 45.31

Jogn da 20 a 29 agn 1. David Frontull, 1985, 42.96 2. Thomas Ploner, 1983, 45.54 3. Gabriel Palfrader, 1982, 47.53

La categoria dai old-stars con Carlo (1^), Tone (2^) y Pasquale (3^).

La plü jona sön pista: Melanie Trebo.

I organisadus Johnson y Emma con i bogn atleć Patrick Complojer, Andrea Ellecosta y Ivan Ellecosta.

579

LA PLI

I concorënć plü jogn.

Chi da Longega tira düć t’ega Do l’ann 2004, olache al ea gnü motü da jì dala Jonëza da Paur por le pröm iade le turnier de palè söle pice ćiamp da saurun Ćiamaor a Al Plan de Mareo s’à en cösc ann encunté diesc scuadres de almanco sis śogadësses o śogadus. Da alzé fora atira: le tomp è sté a scüsa, danter na ona de ćialt piziosa söle saurun y val’ splijina frësca, y dandadöt i pici śogadus à lascé so fostü te tlassifica, ensciö inće Roman Palfrader co è gnü re dai goi con bën sis punć. Les diesc scuadres è gnüdes partides ete te dui grups, cinch cuntra cinch, olache vigne scuadra â da śoghé cuntra vignöna te na partida sora de diesc minuć. Tles cater partides gnêl spo fora le resultat co dauria le tru ales semifinales o ales partides por i posć dal cuint al diejim. La partida plü aspetada pa cösta sort de 580

turniers è sambën dagnora la gran finala, y cösta è gnüda portada fora danter i Jogn da Longega y Dal Segno al Coda (i musicontri) te dui tomps de diesc minuć porom. Tal Grup A êl: Jogn da Curt, Jogn dla Colma, Jogn dla Scora Mesana, Scizeri, Jones dla Musiga. Tal Grup B: Stödafüs, Jonëza da Paur, Cor, Dal Segno al Coda, Jogn da Longega. I resultać: Jogn da Curt-Jogn dla Colma 5-3, Stödafüs-Jonëza da Paur 3-2, Jogn dla Mesana-Scizeri 1-0, Cor-Dal Segno al Coda 0-3, Jones dla Musiga-Jogn da Curt 0-1, Jogn da Longega-Stödafüs 3-0, Jogn dla Colma-Scizeri 0-1, Jonëza da Paur-Dal Segno al Coda 0-1, Jogn dla Mesana-Jones dla Musiga 6-0, Cor-Jogn da Longea 0-1, Jogn da Curt-Scizeri 0-0, Stödafüs-Dal Segno al Coda 0-2, Jogn dla Colma-Jones dla Musiga 2-0, Jonëza da Paur-Jogn da Longega 0-3, Jogn dla

LA PLI

Bela aziun tla finala dan la porta dai musicontri con le portier Günther Feichter co n’à lascé ete ćina ai set-metri dezisifs degün gol.

La scuadra dles jones dla musiga co s’à batü ćina ennultima con gran coraje.

Le re dai goi Roman, dla scuadra dla scora mesana.

Mesana-Jogn da Curt 0-2, Cor-Stödafüs 0-2, Scizeri-Jones dla Musiga 3-0, Dal Segno al Coda-Jogn da Longega 0-0, Jogn dla Colma-Jogn dla Mesana 3-0, Cor-Jonëza da Paur 0-2. Semifinales: Jogn da Curt-Dal segno al Coda 0-5; Scizeri-Jogn da Longega 1-2. Por le 9. post: Jones dla Musiga-Cor

0-1. Por le 7. post: Jogn dla MesanaJonëza da Paur 2-1. Por le 5. post: Jogn dla Colma-Stödafüs 2-0. Finala por le 3. post: Jogn da Curt-Scizeri 5-0. Finala por le 1. post: Jogn da Longega-Dal Segno al Coda 5-4 (do le 0-0 dal tomp regolar).

581

LA PLI

La scuadra co à davagné le turnier, chi da Longega.

Inće en secundo post po dé contentëza. La scuadra di musicontri.

582

LA PLI

La gara plü sfadiosa danter munts y mêr 1.044 ziclisć da 27 naziuns à tut pert ala ediziun 2005 dla Transalp söla roda munt. 28 è stês i pers taliagn y cater les categories: ëi, ëres, masters (de dui 80 agn) y moscedês. I paisc atraversês è stês trëi: Germania, Austria y Talia. 19 è stês i jus despassês. Inće endô Al Plan à ospité na etapa, valütada da tres la plü plajora. I dui concorënć dla Val Badia ala Transalp, Thomas Feichter y Gregor Pedevilla, dal team “San Vigilio”, à garejé por la categoria “ëi”. Ai s’à plazé ala fin al 144ejim post (sön 280 dla categoria roês al travert), con le tomp de 49 ores, 27 minuć y 42 secunć. I dui marei l’à ciafada nù do les prömes etapes, slütes jö al 250ejim y 209ejim post, y ai è gnüs entres mius

I dui concorënć marei Thomas y Gregor denanco pié ia ala sesta etapa d’Al Plan ćina a Alie/Alleghe.

ćina ala fin. Thomas y Gregor à tut pert ala Transalp desco ziclisć ambasciadus dl’Assoziaziun Turistica d’Al Plan, co à albü en bonn desco organisadëssa de na etapa. Baldi s’à otedé dan cösta bela gara Franz Feichter dal Cramer fat mé sön roda, ël ea belo scrit ete ala gara y alené ala miù por afronté cösta maratona de etapes sfadioses söla roda con Thomas. So post à mossü gnì tut ete in-extremis da Gregor Pedevilla. Curiositês Le fle dla tera Do le iade de sis edemes fora por l’America dal Süd à Iaco Rigo d’Alnëi y Albert Mellauner da Bornech prejenté tla Ostaria Sotrù deplü sëres de informaziun. “Le fle dla tera” è sté en proiet artistich-figuratif, motü adöm en iade da na mostra de cadri de Mellauner y spo da na proieziun video digitala de Rigo. Trepa è stada la jont co è gnüda a ti ćiaré ales impresciuns dai dui artisć, y trepes è stades les informaziuns y les impresciuns che la jont à podü se tó a ćiasa.

Albert Mellauner dertan che al spiega söa mostra.

583

LA PLI

Le Re de Fanes D’isté dal 2005 èl gnü tut sö le film “Le Rëgn de Fanes” da Hanspeter Karbon de Gherdëna con la regia de Roland Verra y Susy Rottonara. La pert de önn dai protagonisć, le Re de Fanes, è gnüda joblenada da Tone Palfrader de Col a La Pli. Por ël èl sté na gran sodisfaziun, y tal film à nosc joblere salpü da desfiré söa pert desco re plën de avarizia, gait y prepotënza. Le film è gnü fora tal produt original por ladin, inće con les usc originales.

Iaco Rigo tal florì de sorëdl söl’Ijola de Pasca tla Polinesia. L’ijola de Pasca à l’ijola abitada plü “isolada” dal monn, y an po ma l’arjunjer da Santiago del Chile demez.

Le Re de Fanes i mët sö la corona a söa fia Dolasila.

584

En inn por döes “stëres “ ” Por la maiù novité y pointe dla festa dal Fanclub Mölgg tal Bus-Pub a Al Plan amez aurì à fistidié la musiga. Le Fanclub Mölgg con so presidënt Luca Complojer da Runcac i â albü sorandé a Eugen Verra de Gherdëna l’enćiaria da lauré fora en inn y la musiga de cornisc por les gares y i suzesc de Manuela y Manfred Mölgg. “Mani go go, Manu go go”, l’inn ofizial dal fanclub, y dandadöt öna na ćianćia, dal titul “döes stëres”, à na musiga ritmica desco basa y forma, y la usc lominosa y espressiva dla jona ćiantarina Daniela Willeit da Ćianoré.

Le componist Eugen Verra con la ćiantarina Daniela Willeit.

LA PLI

Ala ćiacia de olps Gran festa por le jonn Filippo Erlacher dal Ombolt por les bën trëdesc olps che al à slopeté l’ann 2005. De cöstes n’êl de jones y de manco jones, y ćinamai öna tan na vedla che ara n’â gnanca plü i donz. Filippo, nasciü l’ann 1984, è gnü iagher l’ann 2003 y è sté ensciö le iagher plü jonn de Südtirol por plü agn. L’ann 2004 i èl belo sté do valgamia ales olps te chi bosc da Frena y Fordora, zonza endere derzé fora val’. La ćiacia ala olp è da fà da doman a bonora encër i pröms de iuli. Le iagher à da ester valgamia frësch y snel y ne po nia bazilé ala gran odüda dla olp. Por apaissé ala olp ôl ester pazionza y förtl. Filippo po ester brau de so numer de olps brincades, al è en rècord, deache mai denant n’ess en iagher abiné tan de olps te na sajun de ćiacia. L’ann 2005 èl gnü copé tal revier de Mareo encër sessanta olps, prësc tantes desco rehli. Chisc agn jarà ete tla storia desco agn rić de olps.

Filippo con öna de söes trofêes da ćiacia.

En granel de somonza Andrea Lanzi da Brescia va volontariamonter fora por le monn por daidé i atri y i paurs. I l’àn endüné a Pliscia da Berto dal Mone, olache al è endô sté por val’ edemes a dé na man. Al è ćiamó jont che ponsa ai atri, y nosc monn à debojügn de cösta jont. Gonot laora cösta jont tal ascognü, degün tram-tram ne se roda encër ëra ia. An baia tal contest de volontariat sozial, y Andrea Lanzi da Brescia è en te’ volontar. Al è jonn, à slüt jö i stüdi de geografia al’université y à inće dagnora orü vire la geografia te na esperionza con les popolaziuns, tles cultures y tai teritori desvalis. Al dà, mo ester èl en ciafé - desche ël dij, deache al empara trepes cosses, po tó pert ala vita familiara con laur y mituns, y ćerćia datrai inće situaziuns y problems co le fej sterch personalmonter. I sun stês a baié con Andrea Lanzi, a Pliscia te Mareo, t’en domisdé frëit dai pröms dis de merz dal 2005, alaleria, pa na siëia itineranta söla strada co porta a Sares, olache le paur Berto dal Mone da Pliscia laorâ sö legnan y taiâ brëies fora dles taies. Ël à perié Andrea, sce al ess podü sté por plü dis da ël, deache al foss roé adalerch le sigat con la siëia. I jogn volontars desco Andrea vën coordinês dal’Uniun dai Paurs de Südtirol enfora (dal “Bauernbund”), enlò röa inće adöm les domandes do aiüt da pert dai paurs. Berto â ćina al 2005 belo da feter set agn encà volontars che daidâ ël y söa familia, dandadöt d’isté canche al ea da fà fëgn. Inće en grup de todësc jogn à belo plü iadi passé söa vacanza daidenn söle lü da Pliscia. Berto y Patrizia i à inće arjigné fora en cuatier tal sotletët dla 585

LA PLI

Le volontar Andrea Lanzi y so patrun Berto da Pliscia, al laur por arcuncé les brëies gnüdes siades mefodër dal sigat.

ćiasa ai volontars, ensciö po chisc dormì y palsé a desman dla familia, mo zonza ester taiês fora. Patrizia à cunté che ciafé volontars te ćiasa è en gran aiüt, nia ma por la manodopera che ai desfira, mo por le contat sozial: “I vëghi che nüsc mituns s’à daurì sö tres chisc ghesć, che le monn è gnü maiù por ëi, che i mituns à emparé da conësce inće lingac foresć y che döt i alza en pü’ fora dla vita isolada de cöstes viles y de nüsc paisc; trec volontars co röa adalerch empara inće da conësce en monn nö, na vita dër desferonta dala söa, ai crësc tla esperionza y tal carater; nos ospitun inće volontars co à problems personai y soziai, chisc ne mëss nia gnì ma con le fin da stracé...” Le volontariat è donca plü en barat co en daidé te öna 586

na direziun. Andrea Lanzi à cunté inće dal dé y dal ciafé y por nes mostré söes esperionzes y impresciuns söi lüsc da paur de Südtirol, söi Muthöfe, a Hafling y inće tla Val Badia, àl motü adöm en film. Al à fat denfora na dvd, co è da ciafé da ël inće tla versciun ladina. I àn orü s’la cunté con ël sön söa esperionza y söes vijiuns dla vita. Olà este pa roé endlunch sön to tru da volontar? Andrea Lanzi: “ “I sun sté ćina śën por la maiù pert te Südtirol, mo spo inće tla Palestina y tla Sardegna.” Ći porta pa n jonn a fà volontariat propio pai paurs? “I à stüdié geografia y cösta è inće mia “ pasciun. I oress en dé vire dal fà repor-

LA PLI

tajes y documentars de mi iadi fora por le monn, dagnora tigninn cunt dla jont, dal laur y dles cultures. Motü man ài cösc mio hobby con jì a fà volontariat.” T’es roé pa situaziuns estremes de vita. “Poa, estrema è dandadöt la vita de val’ “ paurs tles vals altes sora Maran, olache al n’è gnanca na strada co porta pormez al lü. Mo estrema è tambën la situaziun de chi paurs de Südtirol co la tira ennant ma con le laur söle lü. An vëga che da nia ne vën nia, y che an mëss se paré ete les magnes por podëi la trà ennant.” Ći impresciun aste pa de Südtirol? “Al è en bel teritore, plën de storia y “ üsanzes. La jont è dër reconescionta dal aiüt che an dà.” Mo le plü bel te sàl dagnora a Pliscia, ćiodi pa? “Al è en n’atra cultura tlo, pala jont la“ dina se stàn saurì.” Ćiodi pa? “I arati che i ladins ài salpü da crësce “ con söa storia y so svilup economich. Cösc ô dì che ai à inće salpü da tó en ütl sii dai todësc co dai taliagn.” Mo tlo da nos à la cultura da paur pordü söa funziun economica y soziala? “Al è vëi che i paurs n’è en gran pert nia “ plü ći che ai ea dan da caranta/cincanta agn, mo ai podess endô recuperé trep.” Cô végheste pa tö la situaziun? “I vëghi che trec paurs à dé sö l’auto“ nomia y pluricultura da en tomp y siëia ma plü i prês por les vaćes da lat. Mo i vëghi inće che Berto, mio patrun, à entres ćiamó soni, siara, de vigni sort de ortam, y che mangé fora dles mans dla tera è en privilegh al dédancö, olache i àn da sćiampì con spëisa manipolada geneticamonter, conservada aritifizialmonter, ez.”

Tö es sté te plü posć a daidé y as odü situaziuns desvalies. Mo te trec punć pòn dì che döt le monn è paisc, no pa? “Te val’’ aspet è döt le monn paisc, an vëga inće che le lauré la tera è en laur sfadius y che trec sciampa dales campagnes. Mo i sun inće roé te posć, olache la vita è plü ria, deache i ijins ne se vën nia, se fej de tort, se aroba fora, ez. Al è bort sce an mëss vire t’en post, olache önn anüza l’ater y olache al n’è degüna comprenjiun y degün altruism.” “La vita ne mëss nia dagnora avëi da fà con le profit!”

Emparé da fà sîs zonza agüs La sì, an la vëga en ur de strada, ara fej da verda a nüsc grunć, ara definësc la spersa de nüsc parcs, ara encertlëia nosc urt. Cösc enjin à da vedlamonter encà cotan de funziuns. Bonamonter ne se fêjun gnanca plü co en tan de ponsiers, canche an passa dlungia ia. Magari sön desche ara vën fata, ći legnan co vën adoré, ći tecniches che al è. Poh ći oraràl mo mai ester? Coni, brëies y agüs. D’atri ponsiers s’à fat en grup de ëi d’La Pli, co à tut pert a en curs da fà sis vedles, zonza l’aiüt de agüs. Önn dai fins prinzipai de chisc cursc è chël da nia lascé jì a perde cösta üsanza y sce an ô dì insciö, cösta tecnica de costruziun de sis. Nüsc antenać ea aüsês, por nia dì sforzês, da 587

LA PLI

fà sis zonza agüs, y nes à ierpé ennant en sëi co manacia al dédancö da jì a perde. Si da speltes: por fà na sì da speltes vëgnel sfonü fora brëies angostes da na bóra con la manara. Les speltes vën spizades con le manarin y entreciades con rames de poció. Sce les rames vën scialdades a fü, spo se làsceres bel storje dal vers che an ô. En iade che ares s’à desfridé fora, tëgneres bel adöm la sì. Si incrujada: por fà na sì encrujada vëgnel mazé coni te tera, co tignarà spo sö la sì enstëssa. Ròc de rames de poció tën adöm coni y speltes. Zacotan de parores sön le lignan enstës: aldefora dles rames mëss le lignan ester de lersc. Por che le lën se làsci sfëne mëssel ester rodunt y avëi la vëta trata. Miù èl sce le lignan vën taié da picia löna, deache al tën deplü y è plü sconè dai chefri. Sce le lën

è ma frat tamez encër le miol ia, spo vàl inće ćiamó bun, deache al se lascia sfëne dër saurì. Le frat tamez toma pö demez. Canche le lignan vën taié, spo pòl gnì lascé tla scorza ćina che an le sfënn. Segra dai rati La Dlijia da Pliscia è consacrada a dui sanć, a San Iorz y a Sant André: önn vën zelebré ai 23 d’aurì y l’ater ai 30 de novëmber. Inće l’ann 2005, plü avisa la sabeda ai 3 de dezëmber, àn orü tignì la Segra de Sant André, con la zelebraziun de na santa mëssa tla picera dlijia baroca sora Longega. La Segra de Sant André è inće conesciüda desco Segra dai rati, por merit d’en früt co madorësc te cösta sajun. Ara se trata d’en ré dal corù rance y dla saù ducejina.

I cin’ omi co à tut pert al curs tignì a La Pli. Deplü sorts de sis zonza agüs. Cöstes è da odëi tai prês sora Rara y Miscì. Na bela sì da speltes.

588

LA PLI

La santa mëssa è gnüda zelebrada da Signor Heinrich Perathoner y abelida dal Curatet Göma da San Martin de Tor. Le mone da Pliscia Berto y sü familiars à arjigné ca la dlijia ala festa y à inće envié a mëssa con le sonn dles ćiampanes che ai ne lascia mai jì fora. Nia dër trepa n’è stada en cösc dé la jont, massa bort ea le tomp: da nëi, dlacia y ćiarü. Do mëssa à la familia dal mone partì fora dan dlijia i rati che ne po mai manćé. Y dedô s’à spo düć motü sön tru cuntra ćiasa, por se sontì dër bun do furn.

La statua de Sant André sön önn dai dui altês laterai tla Dlijia da Pliscia.

Cripeles ziplades Le tomp d’Advont è por trepa jont le tomp de preparaziun ala festa da Nadé. Te nostes ćiases vëgnel entres ćiamó - y cösc è en sëgn che an tin söla tradiziun - enfornì le piz de stöa con en alté de tofles y con la cripela

Dertan la santa mëssa, con Signor ploan Heinrich Perathoner y le Cuartet Göma.

589

LA PLI

La cripela de Pasquale dal Mone.

Inće tla stöa de Pasquale dal Mone a Pliscia ànse ciafé le tomp da Nadé na bela cripela fata a man. Belo edemes dan Nadé mëtel man da lauré y da arjigné ca so Nadé tla cripela, co barata vignann müs y vën vignann plü grana. En paesaje natural con zacotan de ćiases da paur y mandli ziplês a man vën fat sö, vignann en pü’ atramonter. La botanica dla cripela è metüda adöm da plantes vërdes y da plü sorts de müstl y erbes co mëss gnì bagnades vigne dé. Sambën rogórel inće ega via jö por en picio rü, pa vestì,... döt por fà plü realistich le post de na storia co afascinëia da plü co duimile agn gragn y pici. Aladô dai evonć dertan le tomp da Nadé vëgn les figöres spostades sön le scenar dla cripela. Al vën raprejenté le iade a Betlehem, la chirida dal alberch, la nasciüda dal Bambin y le iade dai resc... Pasquale dij che avisa cösc è le bel de söa criepela, da podëi vigne dé 590

lauré lassora, vire empara les tapes dla storia dal Nadé de Gejù, baraté, sposté, mëter ete ponsiers y sentimonć nös, dé por dé. La cripela è le punt zentral dla stöa y inće dla familia dertan cösc tomp, döt se roda encër ëra ia. En bel lën por Nadé La Jonëza da Paur d’La Pli à fistidié inće por le Nadé dal 2005 che al vëgni êrt sö le lën da Nadé söla Gran Plaza. Le lën è gnü condüt adalerch con en tomp da d’invern döt ater co morjel y è spo gnü motü en pè por la morvëia de döta la jont co passâ. Ala fin èl ćiamó gnü trat sora le lën jö la morona de piers lominusc, y ensciö àl podü s’empié vigne sëra tal tomp da Nadé, ćina do Santa Bogna. I jogn è endô stês brâi por so bel lën y ma por so merit ciafa inće le zënter d’La Pli vigne ann endô la sugestiun na Nadé che al se merita.

LA PLI

I jogn é brai do avëi avërt sö le lëgn.

Nosta la Segra! Na bela üsanza dla Segra d’La Pli è le slafé. I ultimi agn èl endô sté i jogn co à ćiaré da renfresché cösta tradiziun secolara. La vistla mëss ester bela lungia, unta ete con larié y döra, por che ara gráci bën eteissö por chës tomples. Le slafamont sona bun dan la Segra, al è desco na ćiampana co chërda ala festa. Les ćianćés popolares ladines Sön iniziativa dal Cor de dlijia d’La Pli èl gnü motü da jì tla Ostaria Sotrù döes sëres por emparé ete y renfresché les ćianćes popolares ladines da en iade. Sot ala direziun de Christian Ellecosta da Taibun y con le suport strumental dai orghi da man de Robert Willeit de Soratrù y dla chitara de Georg Rigo d’Alnëi èl gnü proé jö y ćianté plü iadi ćianćes conesciüdes tal paisc da passa cion’ agn encà. Con les dërtes notes y les dërtes

Norbert d’Arot slafa fora Alnëi. I boć rondenësc da Ćiaseles sö, ia Brach y da Biëi iaissö.

591

LA PLI

parores tla man vàra datrai plü saurì. Bel fóssel sce la jont s’ess endô entres deplü da ćianté les ćianćes de sü antenać. Con tignì proes davertes a düć pol gnì fat belo trep y a La Pli àn motü man da i dé vita nea al tomp passé.

Christian dà le tach por ćianté les beles ćianćes popolares ladines.

592

LITES COMUNALES 2005

593

LITES COMUNALES 2005 Lites Comunales 2005 - Cunsëi LISTA Nr. Denominaziun

Comun

Umbolt y mëmbri dl Cunsuei

Paîsc

lad.

tal. tod. laur. 20-50 51-65

SVP

Corvara

Düć adöm

Calfosch

40,8

CORVARA

13 2

38,6

eté 35,3

Lista ziv.

Badia

41,1

Lista ziv.

La Ila

45,7

Paisc S.C.

San Ciascian

44,4

BADIA

16 4

43,3

Dlijia 3

LA VAL

12 3

42,8

Ćiastel

San Martin

40,8

Ćiampani

Lungiarü

37,3

SVP

Lungiarü

Pütia

Antermueia

42,5

SAN MARTIN

13 2

38,8

51,8

Al Plan

Deboriada

Al Plan

SVP

La Pli

Rina

MAREO

Val Badia

69 11

5 5

LISTES

% 12 ZIV. + 3 SVP

594

86 14 97,5

43 1

42,7 39

43,7

45,5

41,9

2,5

82,5

17,5

LITES COMUNALES 2005 Lista - Paisc Nr

COMUN

Agricoltöra

Artejanat

Sorvisc desval.

I 1

Düć adöm

-1

SVP

CORVARA

1 (1)

Badia

1 (1)

La Ila

San Ćiascian

BADIA

2 (1)

LA VAL

-1

San Martin

Lungiarü

SVP (Lungiarü)

Pütia (Antermëia) SAN MARTIN

d’alberch y comerz

2(2) 1 2(2)

2 2 (2)

Al Plan

Deboriada

SVP (La Pli)

La Pli

1 (1)

Rina

1 (1)

MAREO

3 (2)

VAL BADIA

8 (6)

2 1

1 15

8 54

1 21

595

LITES COMUNALES 2005 C

COMUN Candidać a ombolt

Usc de preferënza Lista

Sez.

Com.

Indöt

CORVARA

Pedratscher Francesco

Düc adüm

425

Rottonara Roberto

SVP

367

792

Zetoles var. C

BADIA

Dorigo Ugo

Ciastel La Ila

305

489

369

1163

Irsara Elmar

Badia

476

122

662

781

611

433

1825

Zetoles var. C

LA VAL

Complojer Franz

La Val

507

Moling Francesco

La Val

222

729

Zetoles var. C

SAN MARTIN

Dejaco Francesco

MAREO

Ciastel de Tor

345

209

130

684

Ferdigg Fortunato

Al Plan

465

161

240

866

Erlacher Eustachius

Deboriada

373

200

629

Ploner Felix

SVP

113

167

877

474

311

1662

Zetoles var.

596

LITES COMUNALES 2005

Nr. Comun Paîsc / Sez. 1

CORVARA

Preferënzes Nr. Candidat

Litadus

Zetoles var.

Usc

1 Pedratscher Franz

425

53,7

2 Rottonara Roberto

367

46,3

792

100

Tot.

893

BADIA

1 Dorigo Ugo

1163

63,7

2 Irsara Elmar

662

36,3

1825

100

2071

792

Tot.

1825

LA VAL

1 Complojer Franz

507

69,5

2 Moling Franz

222

30,5

Zetules bl.

nules

146

100

Tot.

861

729

100

SAN MARTIN

1 Dejaco Francesco

1093

684

100

299

110

MAREO

1 Ferdigg Fortunato

866

52,2

2 Erlacher Eustachius

629

37,8

3 Ploner Felix

167

1662

100

101

Tot.

1827

1662

597

LITES COMUNALES 2005

Comun Nr.

Part.

Zetules

pot.

efet.

bl.

anul.

var.

1043

893

85,6

843

CORVARA

1043

893

85,6

843

Badia

995

864

86,8

790

La Ila

836

698

83,5

619

San Ćiascian

608

509

83,7

481

Tot.

BADIA

2439

2071

84,9

101

1890

Tot.

LA VAL

966

861

89,1

782

San Martin

626

520

83,1

451

Lungiarü

433

375

86,6

318

Antermëia

244

198

81,1

165

SAN MARTIN

1293

1093

84,5

934

Al Plan

1145

962

882

La Pli

611

523

85,6

488

Rina

392

342

87,2

315

MAREO

2148

1827

85,1

1685

7889

6745

85,5

290

321

6134

1 2 Tot.

Tot.

Paîsc / Sez.

Litadus

Corvara Calfosch

TOT. VAL BADIA

598

LITES COMUNALES 2005

Comun Nr.

Paîsc

Zetoles var

Lista

SVP

Düc adöm

tot.

Corvara Calfosch

843

329

514

CORVARA

843

329

514

LZB

PSC

CLI

Badia

790

752

La Ila

619

543

San Ćiascian

481

429

Tot

BADIA

1890

850

462

578

Tot

LA VAL

782

782 Pütia

Lungiarü

SVP

CSM

San Martin

451

388

Lungiarü

318

156

149

Antermëia

165

128

SAN MARTIN

934

139

185

199

411

Al Plan

SVP

Deboriada

La Pli

Rina

Tot.

Al Plan

882

556

245

La Pli

488

203

230

Rina

315

280

MAREO

1685

589

266

284

259

287

6134

2689

1427

1061

670

287

Tot

TOT. VAL BADIA

599

LITES COMUNALES 2005

Comun

CORVARA

Ombolt

Pedratscher Francësch

Usc de preferënza Lista

Sez.

Sez. Comun

Nr.

Aconsiadus

Pedratscher Franz

Düć adöm

425

Costabiei Othmar

Düć adöm

231

Adang Roland

Düć adöm

191

Pezzei Christian

Düć adöm

186

Kostner Andreas

Düć adöm

137

De Lazzer Nadia

Düć adöm

121

Castlunger Bruno

Düć adöm

120

Alfreider Oscar

Düć adöm

116

Clara Paolo

Düć adöm

Rottonara Alberto

SVP

367

Costner Hubert

SVP

164

Thaler Helmut J.

SVP

138

Alfreider Harald

SVP

102

Kostner Siglinde

SVP

Costa Werner

SVP

600

LITES COMUNALES 2005 Comun BADIA Ombolt Dorigo Ugo

Usc de preferënza Lista

Sez.

Comun

Nr.

Aconsiadûs

Irsara Elmar

Badia

476

122

662

Frenademetz Giacomo Badia

277

298

Pedratscher Emerich

Badia

226

270

Canins Susanna

Badia

215

225

Irsara Hubert

Badia

187

214

Castlunger Klaus

Badia

187

208

Pescosta Werner

Badia

192

208

Dapoz Edith

Badia

186

195

Irsara Raimund

Badia

146

154

Dorigo Ugo

Ćiastel La Ila

305

489

369

1163

Castlunger Elmar

Ćiastel La Ila

173

180

Canins Egger Claudia

Ćiastel La Ila

159

170

Pizzinini Renato

Ćiastel La Ila

159

167

Rinna Mell. Roberta

Ćiastel La Ila

152

157

Comploj Roberto

Ćiastel La Ila

142

Vittur Sivestro

193

203

191

200

182

194

179

190

151

156

17 18 19 20

Paîsc San Ćiascian Paîsc San Declara Raffaele Ćiascian Paîsc San Pescollderung Thomas Ćiascian Paîsc San Rudiferia Paolo Ćiascian Paîsc San Pertot Andrea Ćiascian

144

601

LITES COMUNALES 2005

Comun

LA VAL

Ombolt

Complojer Franz

Usc de prefer毛nza Lista

Sez.

Sez. Comun

Nr.

602

Aconsiad没s

Complojer Franz

La Val

507

Schuen Jakob

La Val

291

Ploner Edith

La Val

247

Frenes Giovanni

La Val

245

Moling Francesco

La Val

222

Campei Markus

La Val

166

Frenes Davide

La Val

163

Miribung Sepl

La Val

158

Ploner Pio

La Val

141

FerdiggMoling marlene

La Val

139

Nagler Amadeo Gottlieb

La Val

137

Moling Gottlieb

La Val

131

Deval Alberto

La Val

120

Moling Otmar

La Val

120

Moling Wilma

La Val

LITES COMUNALES 2005

Comun

SAN MARTIN

Ombolt

Dejaco Francesco

Usc de preferënza Lista

Sez.

Sez. Comun

Nr.

Aconsiadûs

Dejaco Pepi

Ćiastel

345

209

130

684

Videsott Heinrich

Ćiastel

174

180

Conrater Arturo

Ćiastel

154

158

Zingerle Irene Maria

Ćiastel

143

149

Graffonara Felix

Ćiastel

112

118

Costabiei Giorgio

Ćiastel

106

113

Videsott Josef Paul

Ćiastel

105

113

Mischi Giovanni

Lungiarü

106

128

Clara Martino

Lungiarü

Clara Claudia

Lungiarü

Nagler Riccardo

SVP

103

Mischi Dolorico

SVP

Dapoz Roland

SVP

Erlacher Davide

Pütia

Castlunger Alfred

Pütia

603

LITES COMUNALES 2005

Comun

MAREO

Ombolt

Ferdigg Fortunato

Usc de preferĂŤnza Lista

Sez.

Sez. Comun

Nr.

604

Aconsiadus

Ferdigg Fortunato

Al Plan

465

161

240

866

Pizzinini Marco

Al Plan

236

246

Maneschg Anton

Al Plan

143

150

Ties Walter

Al Plan

133

144

Valazza Paolo

Al Plan

138

Erlacher Eustachius

Deboriada

373

200

629

Alberti Nicol

Deboriada

105

116

Erlacher Richard

SVP

160

175

Ploner felix

SVP

113

167

Complojer Giovanni

SVP

Brandlechner David

La Pli

183

198

Ellecosta Giuseppe

La Pli

119

134

Winkler Alfonso

Rina

193

198

Ferdigg Florino

Rina

120

152

Craffonara Floriano

Rina

123

125

141

LITES COMUNALES 2005

605

LITES COMUNALES 2005

606

LITES COMUNALES 2005

607

LITES COMUNALES 2005

608

www.madem.it

Dagnora liês a nosta tera. Dagnora liês a nosta jënt. Dagnora chilò por nos.

�� www.valbadiaonline.it