Borgaansoek uitgestel

DIE beplande borgaansoek van ‘n werklose Sedgefield inwoner wat van verkragting aangekla word, is uitgestel sonder dat dit verlede week aangehoor is.

Die borgaansoek van die 25-jarige verdagte moes op Dinsdag 11 April aangehoor word maar is uitgestel omrede die aanklaer siek was. Die verdagte word in die Worcester gevangenis aangehou en moet weer op 21 April in die landdroshof verskyn op ‘n verkragtingsklag.

Soektog en ondersoek

Die man van Sedgefield is na ‘n soektog van 8 maande en goeie speurwerk weens ‘n 2022 verkragtingsvoorval in die Tankwa Karoo, vasgetrek.

Speurders van Ceres GKS het die manwat eers later geïdentifiseer kan word as hy gepleit het - op Sedgefield gearresteer en na Ceres gebring weens die verkragting van ‘n 20-jarige vrou van Houtbaai.

Die voorval het tussen 1 en 2 Mei 2022 tydens die AfricaBurn geleentheid plaasgevind.

Betroubaar word verneem die slagoffer het ‘n senu-ineenstorting na dié fees beleef en is sy in ‘n rehabilitasiekliniek vir behandeling opgeneem waar sy later die voorval by ‘n sielkundige aangemeld en dit onder die polisie se aandag gebring is.

Met die hulp van ‘n vriendin wat ‘n foto van die man gekry het en die organiseerders van die AfricaBurn waar feesgangers moet registreer, is die verdagte geïdentifiseer.

Een van die speurders het toe sosiale media gebruik om die verdagte, wat ‘n skaatsplank op Facebook te koop aangebied het, te kontak.

Kort na die ontmoeting het die polisie hom weens die voorval in hegtenis geneem.

Geldsakdief

‘n Geldsakdief wat onwettig in die land is, bly agter tralies weens ‘n roofpoging op Ceres.

Volgens die polisie het die voorval Maandag 30 Januarie in Voortrekkerstraat voor ‘n kafee plaasgevind.

‘n Vroue werknemer van ‘n kitskosonderneming op die dorp was met nagenoeg R27 000 kontantgeld op pad na Nedbank vir ‘n inbetaling.

Die verdagte, Atang Andries (27), het van agter gekom, die geldsak gegryp en na ‘n stoeiery met die vrou, het hy met die sak geld weggehardloop.

Toernooi 'n groot sukses

Alle Toyota Voertuig Eienaars

Urgent Recall Campaign

ALL RECALL REPAIRS WILL BE PERFORMED FREE OF CHARGE

Indien u een van die onderstaande voertuie het, skakel asb. ons diensafdeling om te hoor of u voertuig moet inkom om ‘n recall te doen

2007 - 2009 Corolla en RunX (lugsakke en vensterskakelaar)

Yaris Sedan en Yaris Hatchback (lugsakke en vensterskakelaar)

2007 - 2016 Hilux en Fortuner (lugsakke en spiral cable)

Twee wetstoepassers, Zane Farmer en Farren Nel, het vinnig opgetree en kort hierna vir Andries gearresteer en die geld teruggekry en aan die geskokte slagoffer oorhandig.

Atang Andries moet weer op 21 April in die Ceres landdroshof verskyn.

Hy bly in aanhouding. Die polisie vermoed hy is ‘n Lesotho-burger wat onwettig in die land is.

Dwelmsmous

Heinrich Olkers (41) van Bella Vista moet weer op 15 Mei in die Tulbagh landdroshof verskyn weens die besit van meer as 6 000 mandrax tablette.

Olkers se borg van R10 000 is verleng.

Olkers se voertuig is Maandag 13 Februarie op die R46 pad deur lede van misdaadvoorkoming vir deursoeking voorgekeer.

Mandrax pille, toegedraai in swart sakke, is binne die spaarwiel gevind.

Die polisie het op sesduisend en agt en negentig (6098) tablette beslag gelê ter waarde van ongeveer R300 000.