SA SIYUDAD SANG ILOILO | Nobyembre 28
112.45 % 67.61 % sang populasyon nga nabakunahan batok sa COVID-19 suno sa Department of Health target nga 335,172.
Ang opisyal nga wall newspaper sang West Visayas State University
sang populasyon nga nabakunahan batok sa COVID-19 suno sa target sang lokal nga pamunuan nga 525,000.
Pagpangbakuna sa mga menor, nagsugod na sa siyudad sang Iloilo John Paul A. Daquin
KABATAAN PROTEKSYONAN.
Isa ka menor de edad ang nagbaton sang COVID-19 shot sa ginpatigayon nga pediatric vaccination roll-out sa University of San Agustin gymnasium
Photo Courtesy: PANAY NEWS
S-PaSS app ginlunsar para sa mahapos nga pagbiyahe sa tunga sang pandemya Maria Kayla T. Tingzon kag Angeline S. Acantilado Ginlunsar sang Department of Science and Technology (DOST) ang Safe, Swift, and Smart Passage (S-PaSS) travel management system application, Lunes, Oktubre 25. Ini para mapahapos ang pagproseso kag pagkuha sang mga pumuluyo sang ila mga dokumento nga kinahanglanon sa pagbiyahe apisar sang mga restriksyon bangod sang pandemya. Paagi sa S-PaSS, nangin mas madasig na sa mga biyahero ang pag-comply sang ila mga travel requirements bangod pwede na ini ma-access online kag indi na nagakinahanglan pa nga magkadto sa ila mga local government units. Ang proyekto ang gindihon sang DOST Western Visayas paagi sa paggamit sang grants-in-aid program kag ginapanginpuslan na sa karon sang 96 sa 121 probinsya kag highly-urbanized cities sa bilog nga pungsod. Halin sa nauna na nga alokasyon nga Php500,000, ginapangabay pa sang DOST ang dugang nga pondo para sa mga bag-o nga servers agod mas mapalapad ang pwede masakop sang proyekto.
Gin-umpisahan na sang lokal nga pamunuan sang siyudad sang Iloilo ang pagpangbakuna sa mga menor nga nagaedad 12 tubtob 17 anyos, Biyernes, Oktubre 29. Ini matapos nga gintugutan na sang Inter-Agency Task Force for the Management of Emerging Infectious Diseases ang pagpangbakuna sa mga kabataan sang siyudad sugod sang gin-apbruhan ang apelar ni Mayor Jerry Treñas para sa sini nga sahi sang lihok batok sa coronavirus disease. Nagapadayon sa karon ang registration sa mga kabataan nga luyag magpabakuna kung sa diin naglab-ot na sa masobra 25,000 ang inoculated sa una nga tatlo ka semana sang vaccination roll-out. Sarang makaparehistro ang mga kabataan sa bulig sang ila ginikanan pinaagi sa pagpalista sa health unit sang ila tagsa ka mga barangay. Mahimo man nga makaparehistro sila sa mga gindesignar nga registration sites sang siyudad kaangay na lang sa SM City Iloilo North Point, Festive Walk cyber area, kag mga Globe booths nga nahamtang sa tanan nga pampubliko nga plaza sang siyudad. Nagpasalig naman si Mayor Treñas nga bastante ang suplay sang bakuna sa siyudad kag nagalaum gid ini nga malab-ot ang target nga numero sang mga menor nga mabakunahan nga yara sa 50,000.
August - November 2021 Vol. IX | No.1
NEWS FEATURE
Iloilo River nga anay ginkabig ‘biologically-dead’, ginbanhaw ang katahum kag katinlo Sarah Rose M. Linas kag Jomer J. Ruego
PAGBUHI SANG SUBA.
Ang kaanyag sang Iloilo River nangin posible tungod sa rehabilitasyon nga ginpangunahan sang Iloilo-Batiano River Development Council Photo Courtesy: PHILIPPINE CENTER FOR INVESTIGATIVE JOURNALISM
Sulusobra na isa ka dekada ang nag-agi sang ginbansagan ‘biologically-dead’ ang Iloilo River tungod sa tuman ka higko sini nga wala na sang may nagakabuhi nga mga isda. Apang tungod sa pagtinguha sang pamunuan kag mga pribado nga sektor sa siyudad sang Iloilo, nangin palangabuhian na subong ang pagpangisda diri. Nagbukas ang una nga bahin sang Iloilo River Rehabilitation Project sang tuig 2012 kasunod ang 2004 restoration project sini. Parte sang tikang nga ini ang 10 kilometro nga Iloilo River Esplanade. Nangin madinuagon ang proyekto tungod sa pagatipan sa suba kag pagpahagan-hagan sang polusyon diri paagi sa solid waste detachments sang mayor nga alagyanan sang tubig. Ginpangunahan sang Iloilo-Batiano River Development Council ni anay alkalde sang siyudad Jed Patrick Mabilog ang ini nga proyekto kabulig ang Oton local government unit, Department of Environment and National Resources, Department of Public Works and Highways, kag nagkalainlain nga institusyon. Sa subong, makit-an na ang nanari-sari nga mga kasapatan nga yara sa suba. Suno sa isa ka species diversity survey nga ginpatigayon sang 2017, siyam ka nagkalainlain nga mga sahi sang bakhawan ang nagatubo sa palibot sang suba. Dugang diri, makita man ang amat-amat nga pagbalik sang mga migratory waterbirds.
7,000 informal settlers sa kilid sang Iloilo River halin sang 2010 ang nabuligan
4,000 kilos nga solid waste ang nabuhin
120,000 litro sang untreated waste water nga nagasulod sa suba kada adlaw ang nabuhin
Handa na bala ikaw magboto sa 2022? Yari ang mga dapat tandaan sa palaabuton nga piniliay: Kilalaha ang imo mga kandidato kag mangin kritikal sa pagpili. Usisa-a sang maayo ang ila mga binuhatan kag plataporma.
Magboto sang nagakadapat, indi lang suno sa imo konsensya kon indi pati man sa kaayuhan sang buwasdamlag sang aton pungsod.
Magkadto sa COMELEC para sa dugang nga ihibalo may angot sa Eleksyon 2022.