LAI KRAI GUM LOX TAT SON YUH KAING GAU LAI MAN HAOK HUAN
Daux kaung, daux veng hak tiex blon ting, daux tab, daux dah dee vawng khan kix. Gum lox tat daux bang kum: lum vawng 2003 num khix 10,25 ngaix , tix ngaix sax, hak tiex vax son sang pon laig ka daux kaing krax ot grawng : koe kawn pui daux Meung Man Mai: son pon jhi grawng mawh hak tiex vax mawh nang pa ting ceu tix dah daux meung man heue. Ex hoik mhaing ka a so yax hak tiex rob rom Meung Man. Son pon tang giex kaing: hak tiex cao tix, khaix an son pon bre rien giex kuang: caw kieh pui awn ju pa chix lai man pa chix lox man kieh koe heue. Ka daux pa deuh lai vax mawh num: gau lai daux hak tiex vax mai: yaog haok huan: khawm mawh nan kawx si toe tix gau lai man mai: kieh haok huan awx. Jao grawng in daux 2007 num khix 12 , yam yuh bang kum: bawg toe: son kaing jhaw plak gaux ngai: lai, daux vawng hoik bre tix keud mhawm mhiem mai: hoik si du rhawm ka khawm uik, kix tom baox plih gum lox lat son sang haok huan kaing gau ka lai man heue. Dau kaung , (sien) veng hak blon ting (theux chi) daux tab, dau lum ku dah cao kaing: glawk mawx glawk an caw tix krai pui 1
haoh pui hun mhong si dawng laing laing awx, keud son bawg yam khaix in sax, bre tix thai loh ka rhawm keud ngai: jhak tix awx. Can cawng gau lai ku dah ku dee plak kaing gau ka lai man yaog lhaong , kieh koe jum koe riang awx . Ka daux hak tiex khawm uik khawm leeing: dah dee giex kaing: ngai: lig lai, can cawng gau lai khan kix caw tix yuh gum lox tat in lih koe ceu koe grawng: heue. Gum lox tat son sang grum gau lai man mai: kieh haok huan. Pati rob rom meung vax. Kaw mi ti daux vawng 2003 num khix 10-28 ngaix.
2
3