Менъли-Ахмет аль-Ханафий
بسم اهلل الرمحن الرحيم
1 сорав: Иманнынъ рукынларын айт.
Явап: Аллага иман (ынанув), Онынъ маьлеклерине иман, Онынъ китапларына иман, Онынъ пайхамбарларына иман, ахирет куьнге иман, эм такдырга иман.
2 сорав: Пайхамбарымызга, салляЛлаhу алейhи ва саллям, биринше вахый (Алладын соьзлери) келгенде, неши яс эди?
Явап: Кырк.
3 сорав: «А» буква ман басланган сав затларданда бийик затты айт!
Явап: Алла, Субханаху ва Таала.
4 сорав: Эки туьрли коьзге яханнем (джаханнам) оты кагылмас айт !
Явап: Алладан коркып йылаган коьз, эм Алладынъ йолында уйкламаган саклав уьшин коьз.
5 сорав: Ер юзинде сакланган яхши ер кайда?
Явап: ол Мекке.
6 сорав: Исламнынъ рукынларды айт!
Явап: 1) Шаьхаьдет «Ля иляха илляЛла, МухаммадаррасулюЛла» (онынъ маьнеси – «Алладан баска кудай йок, Алладан эш кимге ибаьдет кылмага ярамайды, Мухаммад Онынъ пайхамбары»); 2) намаз кылув; 3) закат беруьв; 4) ураза тытув; 5) аьжиликке барув.
7 сорав: Атаклы сахабий Аби Хурайрадынъ тамам аты калай?
Явап: АбдурРахман Сахр улы Ад-Дауси, Алла ога разы болсын.
8 сорав: Макалдынъ ахыр соьзлерин айт: Аллах аьдемди…
Явап: …аьрувлердин аьруьв сувретинде эткен.
9 сорав: Мусылман ашап баслаганнан алдын кайдай соьз айтады?
Явап: «БисмиЛля» (Аллахтынъ атыман).
10 сорав: Курайшлар (Пайхамбардынс, салляЛлаhу алейhи ва саллям, тайпасы) кыста да язда да кайсы эки якларга даим сафар эткенлер?
Явап: Кыста - Йеменге, язда – Шамга.
11 сорав: Пайхамбарымыз, салляЛлаhу алейhи ва саллям, кайсы сахабийды, туьстен тургызды эм ога «Абу Тураб» деп кунья берди?
Явап: Али бин Абу Талиб, Алла ога разы болсын.
12 сорав: Сенде элли маьнет болган, солардан отыз бес маьнет ярлы аьдемге садака этип бердин, неши маьнет калды?
Явап: Он бес.
13 сорав: Мусылманлар неге даьрет аладылар?
Явап: Намаз кылмага.
14 сорав: Муъта согысында уьш атаклы сахабийлер шахид болып оьлдилер, кимлер?
Явап: Зайд Хариса улы, Абдуллах Раваха улы, Джафар Абу Талиб улы, Алла разы болсын оларга!
15 сорав: Кайдай амал сав амаллардан аьруьв?
Явап: Заманында окылган намаз.
16 сорав: Муса, алейhи салям, Фираунга даъватпан барганда ким ога коьмекши болган эди?
Явап: Харун, алейhи салям
17 сорав: Сав мусылманлар ораза туткан айды кайтып аталады?
Явап: Рамазан деп.
18 сорав: Пайхамбарымызга, салляЛлаhу алейhи ва саллям, Куран соьзлеримен туьскен маьлектинъ аты калай?
Явап: Джибриль маьлек, алеhи салям.
19 сорав: Алла мусылманларга ажал келген сонъ не зат береди, Алла буйуртса?
Явап: Яннет.
20 сорав: Алла йинлерди не заттан эткен?
Явап: Оттан
21 сорав: Фаджр (эртенги) намазында неши ракаат?
Явап: Эки ракаат.
22 сорав: Алла каьпирлерге ажал келген сонъ не зат береди?
Явап: Яханнем (Алла оннан сакласын!).
23 сорав: Мусылман оьзиннинъ балларын эм малын саклав уьшин кайдай соьз айтады?
Явап: «Маша Алла ля куввата илля биЛля».
24 сорав: Мусылманлар зуль-хиджа айында Меккеге не уьшин барадылар?
Явап: Аьжиликке.
25 сорав: Пайхамбардынъ, салляЛлаhу алейhи ва саллям, биринши хатынын аты калай?
Явап: Хадиджа Хувейлид кызы, Алла ога разы болсын.
26 сорав: Мединеде, Ислам келген заманда, кайдай ырувтукумлар яшаган?
Явап: Аус, Хазрадж, эм жувутлар (яхудлар).
27 сорав: Баьдир согысы кайсы айында болган, эм кимлер согысканлар?
Явап: Рамазан айында, мусылманлар мушрикларман согысканлар.
28 сорав: Пайхамбарымызга, салляЛлаhу алейhи ва саллям, биринши хатын-кызлардан ким иманга кирген?
Явап: Онынъ пишеси Хадиджа Хувейлид кызы, Алла ога разы болсын.
29 сорав: Ойла, туьски эм ясы фарз намазлар неше ракаат?
Явап: Доьрт ракаат.
30 сорав: Мусылман уьйкыдан турганда кайдай соьзлер айтады?
Явап: «АльхамдулиЛляhи аллязи ахья на баъда амата на ва иляйхи н-нушур»!
31 сорав: Пайхамбарымыз, салляЛлаhу алейhи ва саллям, хиджра кылган каладынъ аты калай?
Явап: Медине.
32 сорав: Фираун эм онынъ халкы, кайда яшаган эди?
Явап: Мысыр (Египет) еринде
33 сорав: Алла биринши не заты эткен?
Явап: Каьлемди эткен.
34 сорав: Исламда биринши муаззин (азаншы) ким эди?
Явап: Билял Рабах улы аль-Хабаши, Алла ога разы болсын.
35 сорав: Ким закаттан босаланады?
Явап: Ярлы аьдем, мухтаж аьдем, боршлы аьдем.
36 сорав: Ахсам намазы неши ракаат?
Явап: Уьш.
37 сорав: Медине каладынъ эски аты калай?
Явап: Ясриб.
38 сорав: Ислам акыдасынынъ шыганакларды айт!
Явап: Куран эм Суьннет.
39 сорав: Пайхамбарымыз, салляЛлаhу алейhи ва саллям, оьлген сонъ ким халиф болып калды?
Явап: Абу Бекер ас-Сиддик, Алла ога разы болсын.
40 сорав: Алладынъ эм Пайхамбардынъ, салляЛлаhу алейhи ва саллям, арслан аты кимге бериледи?
Явап: Хамза Абдул-Муталиб улы, Алла ога разы болсын.
41 сорав: Не уьшин филдинъ иелери Меккеге кельдилер?
Явап: Каабады бузбага.
42 сорав: Алладынъ бирлигин кайсы аят коьрсетеди?
Явап: «Ихляс» деген сурадынъ биринши айети («Куль Хува Ллаху Ахад» - «Айт: Ол Аллах Бир!»).
43 сорав: Пайхамбарымыздинъ, салляЛлаhу алейhи ва саллям, сирлердинъ иеси ким?
Явап: Хузайфа аль-Иаман улы (Алла разы болсын)
44 сорав: Фил иелерди Аллах кайтып оьлтирди?
Явап: Абабиль куслар таслар тасладылар.
45 сорав: Ярлыларга садака этувши аьдем юмарт яде кызганган аьдем болама?
Явап: Юмарт.
46 сорав: Йума намазында неши ракаат эм онынъ алдында незат болады?
Явап: Эки ракаат. Онынъ алдында хутба окыланады.
47 сорав: Пайхамбардынъ, салляЛлаhу алейhи ва саллям, йолласкан аьжилиги неге солай айтылган?
Явап: Неге десенде ол муслылманларыман сахабийлеримен йолласкады.
48 сорав: Мусылманлар намаз окыганда кайсы тарафка бурыладылар?
Явап: Меккеге.
49 сорав: "Фил йылда" кайдай уьйкен аьдем тувды?
Явап: Пайхамбарымыз, салляЛлаhу алейhи ва саллям, тувды.
50 сорав: Намазында сав ракаатларда кайдай сура окыйдылар?
Явап: «Фатиха» сурады.
51 сорав: Межигитте азан этувши аьдем кайтып аталады?
Явап: Муаззин деп.
52 сорав: Пайхамбарымыздынъ, салляЛлаhу алейhи ва саллям, кызлардынъ атлары калай?
Явап: Умм Кульсум, Фатыма, Зайнаб, Рукаййа (Алла оларга разы болсын)
53 сорав: Мусылман кайтип баска аьдемнинъ уьйге киреди?
Явап: Сорайды: «Кирмеге болама?», эм салам береди.
54 сорав: Медресединъ кайдай пайдасы бар? Явап: Билим алмага онда, эм ол аьдемлер тербиялады.
55 сорав: Ата сыз кайсы пайхамбар тувган?
Явап: Иса Марйам улы.
56 сорав: Куран суралардынъ ызыншы сурасы кайдай?
Явап: «ан-Нас» («Аьдемлер») сурасы.
57 сорав: «И» буква ман басланган эки соьз айт, динимиздинъ атлары:
Явап: Ислам эм Иман.
58 сорав: Пайхамбарымызга, салляЛлаhу алейhи ва саллям, биринши вахий (Алладынъ Соьзлери) кайсы тавда келди?
Явап: Меккединъ янында Хира тавда.
59 сорав: Пайхамбарымыздынъ, салляЛлаhу алейhи ва саллям, атасынынъ аты калай эди?
Явап: Абдулла Абдул-Муталлиб улы Курайш ырувдан.
60 сорав: Пайхамбарымыз, салляЛлаhу алейhи ва саллям, сахабийлеримен Меккеде кайсы уьйде йыналатаганэдилер?
Явап: Аль-Аркам Аль-Аркам улы уьйинде, Алла ога разы болсын.
61 сорав: Пайхамбарымыздынъ, салляЛлаhу алейhи ва саллям, замандагы сокыр муазиннынъ аты калай?
Явап: Абдулла Умм Мактум улы, Алла ога разы болсын.
62 сорав: Не зат ол Куран?
Явап: Куран Алла Тааладынъ соьзлери. Бизим Пайхамбарымызга, салляЛлаhу алейhи ва саллям, туьскен Джибрилман, алейhи салям.
63 сорав: Кайсы пайхамбарды балык йуткан?
Явап: Йунус Матта улы, алейhи салям.
64 сорав: Эр-эркеклерден ким биринши Исламга кирди?
Явап: Абу Бекер, Алла ога разы болсын.
65 сорав: Пайхамбарымыздынъ, салляЛлаhу алейhи ва саллям, анасыннынъ аты калай эди?
Явап: Амина Вахб кызы.
66 сорав: Усман бин Аффан, Алла ога разы болсын, неши йыл халиф болган?
Явап: Он эки йыл.
67 сорав: Халид Валид улы сахабийдынъ экинши аты калай?
Явап: Сейфулла (Алладынъ кылышы).
68 сорав: Намаз окыйтаган аьдем имамга карсы ерге турса да, онынъ намаз баьри бир, дурыс болып калады, сондай зат кайда болады?
Явап: Ол Меккеде, Каабадынъ янында болады.
69 сорав: Тувра халифлерден кайсы 63 ясында болган?
Явап: Абу Бекер, Умар эм Али, Алла оларга разы болсын.
70 сорав: Муса, алейhи салям, таякпан тасты сокканда неши сувлар шыкты?
Явап: Он эки сув, Исраил баллары ишсинлер деп шиккан.
71 сорав: Пайхамбарымыздынъ, салляЛлаhу алейhи ва саллям, суьт анасыннынъ аты калай?
Явап: Халима ас-Саъдия.
72 сорав: Мусылманлар намазга киргенде кайдай соьз айтадылар?
Явап: «Аллаhу Акбар» - деп айтадылар.
73 сорав: Халид Валид улы кайсы йылда Исламга кабыл этти?
Явап: Хиджра бойынша йетинши йылда, сулх-аьлхудайбиядан сонъ.
74 сорав: Абу Джахлды кайсы согыста оьлтиргенлер?
Явап: Баьдир согысында.
75 сорав: Пайхамбарымыздынъ, салляЛлаhу алейhи ва саллям, анасына ажал келгенде ога неши яс болган?
Явап: Алты.
76 сорав: Исламда биринши шаhид ким болган?
Явап: Сумайя Хуббат кызы, Алла ога разы болсын.
77 сорав: Мусылманлар намазды кайтып битиредилер?
Явап: "Ассаламу алейкум ва рахматуЛла" - деп.
78 сорав: Оьзин яшавында бир согыстада енъгилмеген сахабийдинъ аты калай?
Явап: Халид Валид улы, Алла разы болсын ога.
79 сорав: Абу Бекер эм Умар сахабийлер не ерде кабырланган?
Явап: Мединада, Пайхамбарымыздынъ, салляЛлаhу алейhи ва саллям, кабырыман янында.
80 сорав: Хиджра каьлендаьрман санап ким баслаган?
Явап: Умар, Алла ога разы болсын.
81 сорав: Хиджрадынъ айлары кайтып аталанадылар?
Явап: Мухаррам, Сафар, Рабиуль-авваль, Рабиус-сани, Джумада-авваль, Джумада-сани, Раджаб, Шаъбан, Рамазан, Шавваль, Зуль-каъда эм Зуль-хиджа.
82 сорав: Намаз окувшы руку эткенде не зат айтады?
Явап: «Субхана Раббияль-Азым» - дейди.
83 сорав: Мазхаблардагы доьрт имамлардынъ атларын айт!
Явап: Абу Ханифа, Малик, Аш-Шафиъи, Ахмад Ханбал улы, Алла оларга рахмет этсин.
84 сорав: Ислам сав яман затларга кайтып карайды?
Явап: Исламда ол харам затлар.
85 сорав: Пайхамбарымыздынъ, салляЛлаhу алейhи ва саллям, эки кызынынъ (Рукайя эм Умм Кульсум) куьйевдинъ аты калай? (бир кыз оьлген сонъ, Пайхамбар, ога экиншисин берди).
Явап: Усман Аффан улы, Алла ога разы болсын.
86 сорав: Сажда эткенде намаз окувшы кайдай соьз айтады?
Явап: «Субхана Раббияль-Аъля» дейди.
87 сорав: Азан эситкенде мусылманлар не зат айтадылар?
Явап: Муаззиннынъ артыннан кабатлайдылар эм сонъ дувалар окыйдылар.
88 сорав: Эртенги азан баска азанлардан немен айырылады?
Явап: Ога «ас-саляту хайрум-мин ан наум» (намаз уьйкыдан аьруьв) соьзлер коспага тарык.
89 сорав: Иван Доьртинши Казан ханлыкты Ресейге кайсы йылда коскан?
Явап: Бир муьнъ бес юз элли экинщи йылында.
90 сорав: Алла бизди не уьшин дуньяга шыгарды?
Явап: Тек Ога ибаьдет кылув уьшин.
91 сорав: Ай харфларды айт!
Явап: ء ب ج ح خ ع غ ف ق ك م ه و ي
92 сорав: Алла неге деп аьдемге тислер бердген?
Явап: Ашамага эм соьлемеге.
93 сорав: Кояс харфларды айт!
Явап: ت ث د ذ ر ز س ش ص ض ط ظ ل ن
94 сорав: Коранда неши пайхамбар эске алынган?
Явап: Йырма бес.
95 сорав: Фитр садака кайзаманда фарыз болган?
Явап: Хиджра бойынша экинши йылда, рамазан уразасы фарыз болганда.
96 сорав: Пайхамбарымызга, салляЛлаhу алейhи ва саллям, баллардан ким биринши Исламга кабыл этти?
Явап: Али, Алла ога разы болсын.
97 сорав: Пайхамбарымыздынъ, салляЛлаhу алейhи ва саллям, Исра акында айт, кайдан каякка болды?
Явап: Меккеден Кудыска (Иерусалимге), сонъ Алла Оьзине, коькке оны коьтерди.
98 сорав: Рамазан ай хиджри йыл бойынша нешинши болады?
Явап: Тогызыншы.
99 сорав: Не уьшин сахабийлер Меккеден Эфиопияга хиджрет кылдылар?
Явап: Мушриклердинъ яманлыгыннан, олар мусылманларга куьшли зарар эткен эдилер.
100 сорав: Пайхамбарымыздынъ, салляЛлаhу алейhи ва саллям, янында йолда, хиджра эткенде, ким болган?
Явап: Абу Бекер ас-Сиддик, Алла ога разы болсын.
101 сорав: Пайхамбарымыздынъ, салляЛлаhу алейhи ва саллям, заманында кайсы межигитлерден Исламда биринши межигит болды?
Явап: Куба.
Татар тилден таржамасы «Ногайлар Ислам динде»
1433 хиджри йыл, 2012 миляди йыл.