AIDSSH takim me FES në kuadër të projektit të përbashkët Mendimi politik i së majtës

AIDSSH, takim me FES në kuadër të projektit të përbashkët “Mendimi politik i së majtës”

Më 17 shtator 2020 Kryetarja e AIDSSH znj. Gentiana Sula, priti në takim përfaqësues të FES në Shqipëri, znj. Stine Klapper dhe znj. Jonida Smaja, në kuadër të projektit të përbashkët “#Mendimi_politik_i_së_majtës” .

115

AIDSSH në takimin rajonal "Drejt paqes pozitive: Kundër gjuhës së urrejtjes"

Më 21 shtator 2020, në Ditën Ndërkombëtare të Paqes, u zhvillua takimi rajonal “Drejt paqes pozitive: Kundër gjuhës së urrejtjes" bashkëpunim i shoqatës "Udhëtimi i Lirë", dhe organizatës "Youth for Peace" . Kryetarja e AIDSSH znj. Gentiana Sula, mbajti fjalën në takim, mbi gjuhën e urrejtjes dhe përpjekjet aktive për paqe duke theksuar se intoleranca, dhuna dhe urrejtja nuk janë mjetet e duhura për ndryshime pozitive.

Znj. Sula theksoi se urrejtja, e shfaqur në forma të ndryshme si: propagandë, censurë, përndjekje, terror, izolim gjithmonë i ka përçarë njerëzit dhe është bërë ‘motor’ inkurajimi për krimet politike përmes së cilit synohej kontrolli total i shoqërisë. Ndaj, politikat e miratuara për njohjen me padrejtësitë e së kaluarës që sollën izolimin e mendimit dhe shoqërisë, do të sjellin rezultate pozitive dhe një shoqëri të qetë e pa dhunë.

Në vijim kryetarja Sula iu referua situatës në rajon, duke vlerësuar si veprim të domosdoshëm hapjen e dokumenteve sekrete të ish-Jugosllavisë, pasi ky veprim do të nxisë debat konstruktiv dhe do të zbusë gjuhën e urrejtjes mes vendeve të ndryshme të Ballkanit, duke bërë të mundur bashkëpunimin dhe krijimin e dialogut pozitiv mes tyre.

Në përfundim, të gjitha politikat e ndryshme, dialogu dhe çdo përpjekje tjetër për të shmangur gjuhën e urrejtjes, nuk janë gjë tjetër, veçse pohim i shprehjes së Gandit se "paqja nuk është destinacioni, por e gjithë rruga që ne bëjmë për të arritur deri atje" .

116