1 amarabaiae@gmail.com uztaila 2014
amarabai-ren aldizkari elektronikoa Aldizkari honen bidez amarabai auzo elkarteak egiten duenaren berri plazaratu nahi dugu, hala nola gure auzoa, Donostia eta auzotarroi eragiten dizkiguten gai orori buruzko ausnarkak. Ez du aldizkakotasun jakin bat izango; hala ere, bi hilabeteetatik behin ale bat argitaratzeko asmoarekin jaio da aldizkari elektroniko hau. Udalari egindako eskaerak, honen erantzunak (aldekoak eta kontrakoak), jorratzen ari garen gaiak (San Bartolome muinoa, Bellas Artes eraikina, Easo Plazaren birmoldaketa...), martxan jarri nahi ditugun ikastaroak (sukaldaritza, objektuen berrerabilpena...); guzti hau azaldu nahi dizuegu era arin batean, baina azalakerian erori gabe. Honekin batera, krisiak gure inguru hurbilean, gure auzokideengan izan dituen eta dituen eragin bortitzak azalari nahi ditugu ez baitira banakako arazoak, denonak baizik, gu ez baikara izan krisi hau sortu dugunak. Hotsandiko asmoak, denon laguntza eta ekarpenak eskatzen dituzten asmoak. Hau dela eta, ezinbestez irekia, anitza, partehartzailea izango da, eta gure errealitate linguistikoa bere gain hartuko du aldizkari honek, beraz, euskaraz eta gazteleraz a r g i t a r a t u ko dugu. Honen konpromiso hartzen dugu.
Bellas Artes
Behin betirako erabakita?
Eusko Jaurlaritzak Bellas Artes eraikinari babesa ematea erabaki du, “onura kultural”-duna deklaratuz, 1990ko Euskal Ondare Kulturalaren legeak dionari lotuz; eraikina eraitsi ezingo delarik eta bertan behera utziz eraikinaren jabe den SADE enpresak bertan, eraikinean alegia, hotel bat egiteko zuen asmoa. Onura kulturalaren deklarazioaz gaia erabakita dagoela ikustarazi nahi digute, hemen ez dela ezer gertatzen. Baina zehazteke dago erikinak izango duen erabilera, eta nork kudeatuko duen bertan eman daitekeen jarduera (ezin dugu ahaztu jabetza pribatua izaten jarraituko duela eta honek ez duela jarduera ekonomiko defizitariorik burutuko). Era berean zehazteke geratzen da administrazio desberdinek (Udala, Foru Aldundia eta Eusko Jaurlaritza) egingo dituzten ekarpen ekonomikoak, hau da, donostiarrok eta enpresa jabeak eraikinaren mententze-lanetan.
Denboraz bideratuko diren gai hauek erreakzio bitxiak sortarazi ditu SADEri, enpresaren nahi eraikitzaileak babestuz, eraikinaren aurrealdea botatzeko eta eraldatzeko baimena eman zioten udal-taldeen aldetik. Horietako batzuk orain diote “aukera berri baten atarian aurkitzen” garela (Gasco jauna, PSOE-PSEren bozeramailea), lehen enpresa-interesekiko makurtzea baina ez zegoen ala?; beste batzuk “arazo” bat iragartzen digute eta Bellas Artesen etorkizunaren erantzukizuna “onura kulturala” bezala katalogatu dutenei luzatzen diete (Gomez jauna, PPren bozeramailea); EAJren bozeramaileak, Goia jaunak, PPrekin bat eginaz dio “erantzukizuna Bellas Artesek zuen babesa aldatu dutenena” dela, eta Bellas Artesen inguruan talde jeltzaleak susperturiko erabakia ezeztatu dituten Eusko Jaurlaritzako alderdikideei erantzukizuna luzatu die. Talde hauek ez dute eraikinaren erabilera eta etorkizuneko jabetzari buruzko adosturiko soluziobiderik proposatzen. Batzuk, ireki egin den ate
1