Presentacións orais, páx 1
COMO FACER UNHA PRESENTACIÓN ORAL Unha presentación oral é a explicación dun tema a un grupo de oíntes, a fin de transmitir coñecemento ou para fomentar unha discusión. 1. COMO ELABORAR UNHA BOA PRESENTACIÓN. 1.1. Elementos dunha presentación:
Portada: a primeira diapositiva debe ter o título do traballo e o nome do autor/a.
Introdución: Resumo global do tema que se vai a expoñer, cal é a súa importancia e como se vai organizar a exposición.
Desenvolvemento: Exposición da totalidade do tema de maneira resumida, clara e concisa.
Conclusión: Resumo das ideas máis importantes que se queren transmitir na exposición. Podemos rematar cunha invitación á reflexión ou á acción.
Fontes consultadas, bibliografía ou webgrafía: É necesario citar as fontes de información que consultamos para elaborar o traballo. As fontes deben ser fiables e verificables.
Peche: Un bo peche é importante. Pódese empregar unha cita ou unha imaxe que resuma toda a presentación. Finalizamos agradecendo a atención da audiencia e pasando á quenda de preguntas.
1.2 Consellos para elaborar unha presentación con diapositivas. En xeral, unha presentación debe ser simple, sen información superflua, e sen recargar con demasiada información as diapositivas.
Inclúe unha idea central por diapositiva. Se isto no é posible distribúe a información en varias diapositivas de forma lóxica.
As diapositivas non debe ter moito texto: introduce o mínimo de información pero ben organizada.
O texto debe ser dun tamaño aceptable, fácil de ler. É recomendable usar a mesma fonte e non empregar moitas cores nos textos ou nos fondos.
Non abuses das animacións ou efectos especiais nas transicións das diapositivas, se non melloran a exposición, non as utilices.
Emprega imaxes, gráficos, esquemas e fotografías que sirvan para clarificar e complementar a información que se da oralmente.
2. REALIZAR A EXPOSICIÓN. 2.1 Preparación previa A preparación é a clave para dar unha presentación eficaz e evitar o nerviosismo no momento de expoñer • Coñece ben o teu tema. Busca información e aprende o que podas sobre o tema. Non tes que ler todos os libros ou páxinas web que existan, pero tes que ser capaz de responder ás preguntas do o profesor ou compañeiros. Tes que ser o experto sobre o tema en clase. • Ten preparado o que vas dicir. Podes escribir un guión coas ideas principais, pero non os detalles. Escribe algunhas curiosidades, preguntas e outras actividades interactivas para compartir coa clase. • Non esquezas comprobar a ortografía . 1
Presentacións orais, páx 2
• Practica. Ensaia diante da túa familia ou amigos, ou fronte ao espello, traballando no que vas dicir e como o vas dicir. Se estás a traballar con outra persoa practicade os dous xuntos a lo menos unha vez antes da exposición. • Se é posible, asegúrate de que os materiais audiovisuais funcionan noutro ordenador. 2.2 Durante a exposición 2.2.1 Como falar • Fala con firmeza e confianza. Proxecta a túa voz. Non murmures e non te apresures. Usa un volume de son axeitado. • Emprega unha linguaxe dinámica, con frases curtas , vocabulario sinxelo e estrutura sintáctica simple. • Usa frases introdutorias e conectores: En primeiro lugar vou falar de… A continuación… De seguido… Para finalizar… • Fala, non leas. A ninguén lle gusta ver un orador escondendo a súa cara nunha folla, lendo un anaco de papel. • Tómate o teu tempo, non fales demasiado rápido. É bastante común acelerar o ritmo, pero lembra que o teu público está escoitando o tema por primeira vez. • Non dubides e procura non usar retrousos nen sons dubitativos (ou sexa…, pois…, vale…, bo…, entón.., eh…, hum...) • Se esqueces o que vén a continuación, repite a última cousa que dixeches para axudar a recordar o seguinte. • Se é necesario utilizar termos técnicos ou científicos difíciles, da exemplos. • Se conciso. Non sobrecargues cada frase con detalles insignificantes. • Non utilices palabras inadecuadas ou vulgares. 2.2 Linguaxe corporal • Mira para o público e mantén o contacto visual para obter feedback. • Vístete de maneira cómoda, non é necesario que uses roupa moi formal, pero tampouco des un aspecto desaliñado. • Atopa algo para facer coas mans, non debes meter as mans nos petos, podes suxeitar un lapis, que ademais pódeche servir para sinalar algúns aspectos da presentación que queiras resaltar. • Evita balancearte e procura suprimir os tics. • Reláxate e intenta sorrir. Pensa que estás preparado. Se traballaches o suficiente non tes nada que temer. Ti coñeces o teu tema mellor que ninguén na clase. Exemplo: http://www.youtube.com/watch?v=xh75h0FRXMU#t=10
2
Presentacións orais, páx 3
3. O PAPEL DA AUDIENCIA. As persoas ás que vai dirixida á presentación tamén deben colaborar no éxito da mesma. E para iso deben: • Escoitar educadamente • Establecer contacto visual ocasional co orador • Tomar notas ou anotar feitos interesantes • Evitar amosar indiferenza, aburrimento ou desgusto durante a exposición • Controlar o impulso de comprobar constantemente reloxo • Participar na quenda de preguntas e respostas se é posible. 4. CÓMO CITAR AS FONTES CONSULTADAS Existen moitas maneiras e estilos para citar bibliografía. Unhas normas sinxelas serían: a) Citar libros: APELIDO Do AUTOR. Inicial / es do nombre (ano de publicación). Título. Lugar de publicación: Editorial. Exemplo: GRIMAL, P. (1991). Las ciudades romanas. Barcelona: Oikos-tau. b) Artigo dunha enciclopedia Título do artigo. Título da enciclopedia. Lugar de publicación: Editorial, ano de publicación volume da enciclopedia, número da primeira páxina do artigo - número da última páxina do artigo. Magistrado. Enciclopedia Larousse, Barcelona: Larousse, 1990, vol. 9, pág. 3214. c) Artigo dunha revista APELIDO DO AUTOR, Inicial/es do nome. “Título do artigo”. Título da revista, ano de publicación, número da revista, número da primeira páxina do artigo - número da última páxina do artigo. Exemplo: JIMÉNEZ SALVADOR, J. L. “Programa monumental básico de una ciudad romana”. Cuadernos de arte español, 1992, nº 30, págs. 6 – 10. d) Páxina web: Título da páxina, Data de publicación ou revisión da páxina, se está dispoñible(Entre parénteses). Dirección URL, data de consulta (entre parénteses) Exemplos: Biblioteca Dr Miguel Salazar (2013) http://biblioms.dyndns.org/Libros/Normas%20ApaCitas%20bibliograficas/Como%20citar%20libros%20unico.pdf (consultada 5-10-2013) Wikipedia ten unha ferramenta para xenerar citas nun enlace chamado «Citar artículo». Enciclopedia electrónica Wikipedia. Consultada a 8 de marzo de 2011
España.
http://es.wikipedia.org/wiki/Bombardeo_de_Guernica.
3
Presentacións orais, páx 4
5. Criterios de avaliación. Os principais criterios para a avaliación dunha presentación oral son: 1. Presentación e introdución do tema. 2. Organización e desenvolvemento do contido. 3. Contido: Coñecemento sobre o tema. 4. Conclusións. 5. Vocabulario apropiado: termos adecuados e precisos 6. Entoación alta e clara , con modulación axeitada para captar a atención do público. 7. Fluidez: 8. A comunicación co público: formas de captar a atención e resolución das posibles preguntas. 9. Calidade dos materiais visuais.
4