Eskritor: Jurnadira Bes-Alberto Ilustradรณ: Indra Carolus
Eskritor: Jurnadira Bes-Alberto Copyright © 2015 Diseño gráfiko: Dajo Graphics Ilustradó: Indra Carolus Korekshon di teksto: Indra Carolus, Luisette Kraal, Dennis Rafael i Sylvia Varlack Publiká pa Ministerio Salbá pa Sirbi ISBN-13: 978-1515289067 ISBN-10: 1515289060
Dedikatorio
Mi ta dediká e buki aki na mi yu muhé ku ta representá tur mucha di Kòrsou i henter mundu.
Kome salĂş Tentamentu
Miesje gusta kome mangel. Su mama ta komplas’é tur ora bai. Dor ku e ta snup hopi su barika a bira grandi. Niun paña no tabata sirbié mas. Su mama a bai kumpra paña nobo p’e. Mama a bisa ku e no ta kumpra mangel mas pa Miesje. Pa e no sigui bira gordo i pasobra mangel no ta salú p’e tampoko.
Na skol muchanan a kuminsá ta tenta Miesje. Miesje a kambia di un mucha kontentu pa un mucha tristu. Un dia el a bai den kurá i a bai yora bou di un palu. Ora e tabata yora, el a tende un stèm bis’é: “Stòp di yora, Ami ta stima bo manera bo ta”. “Ken bo ta?” Miesje a puntra e stèm. “Ami ta Hesus, yu di Dios”. “Mi ta stima bo for di promé ku bo a nasé”. Miesje a hari ku Hesus.
7
Despues Hesus a bis’é: “Bo mester kome salú si”, no kome tantu mangel. For di e dia ei Miesje a haña un amigu di bèrdat! E no a wòri mas ku muchanan ta tent’é na skol, pasobra e sa ku e ta un mucha speshal pa Dios.
ObedesĂŠ
Kino a hasi aña i el a haña un baiskel di regalo. Un baiskel koló kòrá masha bunita mes. Komo Kino tin 6 aña so, e no a haña lès di tráfiko ainda na skol. Su mama a bis’é ku e no mag di kore riba kaya. Ta hopi peligroso pa mucha kore baiskel riba kaya.
Komo ku Kino su oreanan ta duru tur ora, Kino a subi kaya tòg. Ata mama ta buska Kino, e no por hañ’é niun kaminda.
Kino tabata kore trankil riba kaya i tabata grita su amigunan pa nan waké. Miéntras tantu un outo blou grandi a pasa i e la hera dal Kino basha abou.
11
Un angel di Dios a para dilanti di Kino i a salb’é’. Kino a spanta, pero ei mes el a sinti bon. Na e momentu ei Kino a sinti ku nada mas lo pas’é. El a subi su baiskel, bai kas i konta su mama loke a pasa. El a bisa su mama ku awor si e no ta bai kore riba kaya mas.
Miedu
Gloria su tanta ku ta biba na St. Maarten tabata bai kasa. Esaki tabata motibu pa Gloria i su famia kompleto bai Sint Maarten pa e fiesta grandi aki. Su mama a kumpra tres maleta. Un pa mama, un pa papa i un pa Gloria. E kosedĂł ku ta wela di Gloria, a pasa henter dia ta kose nan paĂąa di kasamentu. Nan a keda masha bunita mes!
Gloria tabata esun ku tabata bai karga e renchinan di kasamentu. Gloria tabata hopi kontentu pa bai biaha, pero tòg e tabatin miedu. E tabatin hopi miedu di biaha den avion. El a yega di mira un pelĂkula, kon un avion a kai den un laman masha grandi mes. E djadumingu promĂŠ ku nan a bai aeropuerto, nan a bai iglesia.
15
Gloria gusta tende E palabra di Dios, ku ta dun’é trankilidat. Pastor a prediká ku hende no mester tin miedu di nada, pasobra Hesus semper ta huntu kuné ora e ta biba manera Dios ke. Gloria a bira kontentu i a yama Dios danki.
Dos dia despues Gloria a drenta avion. El a hasi orashon pidi Dios pa stür e avion huntu ku e piloto. Asina el a sintié trankil.
Stimashon Honra bo mama i tata
Lili ku Lala ta dos hĂłben ohochi ku no parse otro na nada. Komo Lili ta parse e mama mas tantu, e mama ta stima Lili mas tantu ku Lala. E tata ta stima Lala pasobra Lala parse su wela defuntu masha hopi mes.
Lili i Lala sa ku mama ta stima Lili mas tantu i ku tata ta stima Lala mas tantu. E kos ei ta hasi Lili i Lala hopi tristu. Nan ke pa nan mayornan stima nan tur dos mes tantu. Un dia Lala a pensa pa nan dos bai fo’i kas pa spanta nan mayornan. Lili a haùa esaki un bon idea i a puntra Lala ta na unda nan lo bai.
19
20
Lala a skibi henter e plan riba un pida papel pa e no lubidá niun detaye. Un kos so e no a skibi den e plan esta ta unda nan ta bai. Riba esei Lili a puntr’é prekupá: “Na unda nos ta bai?”
“Unda ku ta, basta nos keda huntu si! ”Lala a respondé. Nan a bai kue un par di kos pa nan bai kuné. Pará na porta ku nan maletanan Lili a bisa Lala: “E kos akí no ta bon, laga nos hasi orashon i pidi Dios yuda nos”. Nan a bai den nan kamber pa hasi orashon, pasobra e ora ei nan a kòrda ku Dios ta skucha i yuda nan. Nan a pega soño hasiendo orashon den nan kamber.
Siguiente dia nan mayornan a topa e maletanan drechá i un papel kaminda tabatin skibi loke nan tabata bai hasi. Esaki a hasi e mayornan hopi tristu i nan a komprondé ku loke nan ta hasi no ta bon.
Nan a bai papia ku e muchanan i pidi nan masha pordon pa loke nan tabata hasi ku nan. I pa promĂŠ biaha papa ku mama tur dos a bisa ku nan ta stima nan tur dos.
Lili ku Lala a primintĂ ku nan lo bai papia mas ku nan mayornan speshalmente ora tin problema.
21
No hòrta
Deli ta gusta kou bals. Su sabor preferí ta di kané. E bals ta smak hopi dushi i e ta pika tambe. Ora Deli kansa di e bals e ta plak e unda ku ta. Su mama a bis’é hopi biaha kaba ku e mester benta e bals afó. Deli a primintí su mama ku e ta stòp di plak bals tur kaminda, pero tòg el a sigui hasié.
Tur mainta Deli su mama ta dun’é sén pa paga bùs i ku loke sobra, Deli ta kumpra bals na e kantina na skol. Atrobe e mama a topa bals pegá bou di stul i a disidí di duna Deli sèn nèt pa e paga bùs, ya e no por kumpra bals mas. Deli a rabia i a pensa un plan.“Mi mes ta bai kue sèn,” el a pensa.
23
24
Deli a warda su mama bai drumi, i a bai den tas di mama ku ta riba e mesa di komedor. Nèt ora Deli a bai kue su mama su pòtmòni el a tende un stèm bisé: “Mi yu, ta prohibí pa bo hòrta”. Deli a spanta!
Deli sa e 10 mandamentunan i e sa ku un di nan ta bisa pa bo no hòrta. Nunka di su bida e no a skucha un stèm asina. El a para pensa ta di unda e stèm ta bini. El a drei wak rònt i no a mira niun hende. E ora ei el a ripará ku e stèm ta sali fo’i su kurason. Ahan! Ta mi konsenshi… ta Dios ta papiando ku mi. Deli a pidi Dios pordon.
KompartĂ Egoismo
Djuni ta un mucha ku su mayornan tin negoshi ku ta drei hopi bon, p’esei e ta haña tur loke e pidi su mayornan. E tin tur sorto di wega di mas moderno ku tin. Tur ora e ta invitá su amigunan pa bin hunga serka dje, ya e por broma ku tur loke e tin. Djuni tin un primu ku yama Giovani. Nan ta topa otro tur siman na sirbishi. Giovani su mayornan su situashon finansiero no ta duna pa nan kumpra tur kos ku Giovani ta deseá. Giovani tin un bala so. Ku e bala aki Giovani ta hunga hinter ora.
Un dia Djuni tabatin un “sleepover night” i Giovani tambe a keda drumi serka dje. Su siguiente dia despues di kome, ora tur e otro muchanan a bai nan kas, Djuni a bisa Giovani pa bai hunga bala. Giovani no tabata kier a hunga bala, e ke a hunga ku un di e weganan ku Djuni tin riba su kòmpiuter. Djuni a prohibí Giovani di no mishi ku e kòmpiuter.
27
Giovani
a
bira
bisa
Djuni:
“Bo
no
ta
kòrda
riba
e
predikashi di djadumingu siman pasá?“
Djuni a para ketu i pensa. Giovani a sigui bisa: “Bo ta kòrda riba bo so i bo no ke kompartí loke bo tin ku otro hende” , no ta primu nos ta?”. Dios no ta kontentu ku bo. Djuni a haña hopi bèrgwensa i a laga Giovani skohe un wega. Nan dos a hunga e wega di outo di “drag race”, dushi asina, henter atardi.
Flohera GaĂąamentu
Marina ta un mucha masha floho. E no gusta siña na skol ni tampoko traha tarea di kas.Tur dia su mama ta splika Marina ku ta pa su mes bon e ta siña i e mester hinka tempu den su lèsnan. Marina no ta komprendé, e ta haña su mama ta kans’é.
Un dia Marina mester a traha tarea di kas di palabranan na Hulandes. E tarea aki ta hopi difísil pasobra e palabranan ta hopi kompliká. Ora el a yega kas, el a bai sinta wak televishon enbes di bai hasi su tarea. Ora su mama a puntr’é pa su tarea di skol, el a bisa ku el a trah’é fo’i na skol. Komo e mama tabata kansá, e no a bai kontrolá si ta bèrdat Marina ta papia.
Siguiente mainta ora yùfrou a kontrolá, el a dun’é Marina straf. Su yùfrou a bisé ku e mester stòp di ta floho, pasobra palabra di Dios ta bisa ku Dios ta haña flohera un 31
piká. Marina no tabata sa ku ta piká e tabata hasiendo. Mesora el a pensa i realisá tambe ku e no ta yuda su mama ku nada na kas. El a kòrda riba tur e biahanan ku su mama ta reklam’é esaki.
Di bèrgwensa Marina a kuminsá yora i a primintí Dios ku e lo bira un bon studiante i ku e lo bai usa su tempu bon manera Dios ke. For di e dia ei, Marina ta traha tur su tareanan di kas, sin ku su mama puntr’é i e mes ta duna mama su agènda pa kontrolá.
Diosnan falsu
Ramesh su yùfrou ta bai haña un beibi i un otro yùfrou ta bin duna lès. Na India for di kaminda Ramesh ta bin, hende ta kere den hopi sorto di dios. Kada un dios tin un forma i otro nòmber. Na Ramesh su kas tin un mesa pata pata di e diosnan falsu.
Ramesh ta hopi kontentu ku nan tin un yùfrou nobo. E yùfrou aki ta hopi lif, e ta trese kuminda pa e muchanan ku no tin. Nunka e yùfrou no ta rabia ku nan i semper bai e tin un bon palabra pa muchanan ku no ta komportá bon.
Ramesh ta puntra su mes: “Ta kiko e kos ku yùfrou tin ku e ta asina diferente for di otro hende?“. Un dia Ramesh a bai papia ku yùfrou. El a bisa yùfrou ku e ta haña ku yùfrou ta trata nan otro for di su mes yùfrou. E yùfrou a hari i bisa Ramesh: “Si bo laga Hesus bin biba den bo kurason, bo ta bira meskos 35
ku mi”. Hesus ta yu di E úniko Dios ku ta eksistí di bèrdat i ku Hesus a muri na e krus pa henter mundu.
Tambe el a konta ku Dios stima tur hende, i tur ku kere den djE lo mir’É. Ramesh a bira asina kontentu i e tambe ke laga Hesus bin biba den su kurason. For di e dia ei Ramesh no a bai na e mesa ku e diosnan falsu den su kas i el a konta su mama i tata dikon. Nan no a keda masha kontentu, pero despues ku nan a komprondé loke ku Ramesh a splika nan, nan tambe a laga Hesus bin biba den nan kurason.
Loke Beibel ta bisa: Kome salu Proverbionan 25:16 Si bo a topa algu di kome ku ta dushi, no kome di mas, p'e no repugná bo pone bo arohá.
Obedesé Kolosensenan 3:20 Muchanan, obedesé boso mayornan den tur kos, pasobra esei ta agradá Señor.
Miedu Proverbionan 1:33 Pero esnan ku ta tende di mi por biba trankil, nan no tin nodi di tin miedu ni sustu.
Honra bo mama i tata Efesionan 6:2-3 E mandamentu ku ta bisa: ‘Honra bo tata i mama, pasobra si bo hasi asina, lo bai bon ku bo i lo bo tin bida largu riba mundu’, ta e promé mandamentu ku tin un promesa mará n'e.
Hòrta Deuteronomio 5:19 No hòrta.
Kompartí Proverbionan 22:9 Hende ku ke otro hende bon lo ta bendishoná, pasobra e ta kompartí kuminda ku hende pober.
39
Flohera Proverbionan 10:4 Hende floho ta keda sin pariba sin pabou, hende trahadó ta bira riku.
Gañamentu Proverbionan 12:22 Hende ku ta gaña ta repugná SEÑOR, ma hende konfiabel ta agrad'É.
Diosnan falsu 2 Reinan 17:12 Nan a adorá imágen di diosnan falsu, loke SEÑOR a prohibí nan bon kla.
Jurnadira Bes-Alberto a nase na Kòrsou dia 9 di òktober 1975. E ta e yu di mas chikitu di un famia di 5 yu muhé. Jurna manera ta yamele pa kariño su profeshon ta partera. Jurna ta kasá ku Fred i nan tin un yu muhé di 3 aña. Jurna ta biba na hulanda.