SUNNFJORD

Jølstravatnet, Nasjonal Turistveg Gaularfjellet, Astrup, ferskvassfiske, fossar og kulturopplevingar er berre nokre av rettane på menyen Sunnfjord har å by på.

Jølstravatnet er kjent som eit av dei beste aurevatna i Europa og den vidgjetne Jølsterauren kan du fiske her. Vatnet er omgitt av fine turmål og toppar på alle kantar. Jølster er dermed eit fantastisk utgangspunkt for gode utandørsopplevingar for heile familien. Vil du utfordre deg sjølv er brevandring på Haugabreen i Stardalen eit godt alternativ. I Astruptunet på sørsida av Jølstravatnet kan du oppleve kunsten til og historia om Nikolai Astrup.

Langs Nasjonal Turistveg Gaularfjellet føl du det mektige Gaularvassdraget frå utspringet, og du får oppleve dei mange fossane og det fasinerande landskapet som omgir det 70 km lange vassdraget. Om du vil vandre langs vassdraget er Fossestien eit godt alternativ. Langs turistvegen finn du også installasjonar og spennande arkitektur.

Lakseelva Nausta har sitt utspring i Naustdal Gjengedal Landskapsvernområde og renn gjennom eit frodig landskap på sin veg til utløpet i Førdefjorden. Ved utløpet ligg badestranda og rekreasjonsområdet Sanden. Her kan du også sjå kunstverka Budeia av Kjartan Slettemark og «Kyra» av Oddvar Torsheim.

Det er enkelt å reise til regionen med ekspressbåt frå Bergen, ekspressbuss frå dei største byane i Norge, med Hurtigruten, fly til Florø eller Førde, eller med eigen bil. Sjå entur.no for rutetider for offentleg transport.

EKSPRESSBÅT, LOKALBÅT OG

FERJERUTER

Å reise med ekspressbåt langs kysten er ein komfortabel måte å reise gjennom det vakre kyst- og fjordlandskapet. Lokalbåtar og ferjer går langs FjordKysten & Sunnfjord til byar, tettstader – og til store og små øyer. Du kan enkelt kjøpe billett om bord i fartøyet. Sjå entur.no eller ring Visit Fjordkysten og Sunnfjord på 577 43 000 for meir informasjon.

BIL

FjordKysten og Sunnfjord er eit eldorado for deg som reiser med bil. Her er hundrevis av merka turløyper, idylliske bygder og småsamfunn, koselege byar og øyar, og spanande historiske stadar.

EKSPRESSBUSS / FJORDEKSPRESS MED

NOR-WAY

Å reise med NOR-WAY sin ekspressbuss er ei behageleg og god oppleving. Frå Bergen har du dagleg avgang til Førde. Det går buss frå Ålesund til Førde med Vy.

Til Regionen Med Hurtigruta

Hurtigruta har to stopp i FjordKysten og Sunnfjord regionen: Florø og Måløy. Dette er dei to første stoppa etter Bergen for nordgåande båt, og dei to siste stoppa før Bergen for sørgåande båt. På kvart stopp stoppar hurtigruta to gongar i døgnet. Ein gong på nord, og ein gong på sør.