Diahuebs 2 di Februari 2012 | Margrietstraat 3 | Tel: 583-1400 | Fax: 583-1444 | noticia@awemainta.com
SERA CONOCI CUNE UN BIAHA MAS
ESAKI TA CHITO DIRKSZ, AUTOR DI AUMENTO DI KIEBRA Y LADRONICIA GRATIS Awe nos kier presenta na pueblo di Aruba, un di e responsabelnan cu ultimo tempo ta kibra y horta den negoshinan den Oranjestad. E yama Chito Dirksz, kende ta cay sera pa tanto biaha, pero unabes afo, e ta bolbe na su rutina pa kibra propiedad di otro. Aparentemente e castigo cu e ta haya, no ta suficiente. Pero di otro banda, como adicto na droga, ta pone horta pa cumpra su droga. Kico mester haci cu personanan manera Chito Dirksz y esnan cu ta cumpra e articulonan horta?
REDA GRANDI PEGA DEN LEMA PABOU DI NATURAL BRIDGE Diaranson den oranan di merdia a drenta un informe cu tin algo den lama pabou di Natural Bridge, Helicopter di polis a bay tira un bista, polis y tambe strandpolitie a bay ne sitio. For di costa por a tuma nota di 3 boei ta drief riba awa. Na prome instante a pensa cu un boto a bolter, despues cu lo ta bulto di droga. Durante un vuelo di control Helicopter a bolbe bula den bisindario y a ripara cu e dos boeinan ta mesun caminda y no ta move. Kustwacht a sali y a bay tira un bista. Den intento di personal di Kustwacht a purba saca un di e boeinan for di awa pero e lama tabata ranke duro bek, a bin ripara cu no ta niun boto, ni bulto di droga pero un reda basta grandi cu pa motibo di coriente fuerte lo a pega ey bou. Mirando cu esaki a pega na un luga cu no ta forma peliger pa trafico maritimo, a dicidi di continua y lage ey bou, te ora lama bira calmo piscadonan mes lo sake dje bou. Lama ta hopi bruto cu olanan basta halto y cu hopi cautela Kustwacht tabata operando.