3 Juli 2009 by AWEMainta

ACCIDENTE HORIBEL gratiS

Diahuebs mainta a drenta informacion cu un trekker a cay riba pia di un ciudadano na Butucu. Mesora a dirigi polis y ambulance n’e sitio. Na yegada di e patruya policial, a constata cu aki ta trata di un trekker “lowboy” cu tabata transportando un “Backhoe” y tabata haciendo un maniobra y na dado momento lo a pasa riba ambos pia di un ciudadano, lagando esaki den un estado completamente desforma.Ambulance a presenta n’e sitio y a lanta e victima y a hibe cu sumo urgencia pa hospital. D.T.I. a ser avisa pa bin haci investigacion. Diabierna 3 di Juli 2009 | Margrietstraat 3 | Tel: 583-1400 | Fax: 583-1444 | noticia@awemainta.com

INTENTO DI

asesinato A PASA AUTO RIBA PERSONA NA DAKOTA

Local

Diabierna 3 di Juli 2009

AWEMainta.com

Turista a cay na Morgan Island, heridando su mes Lamentable ta cu gerencia no a permiti prensa haci su trabao

Diahuebs mainta a drenta informcion cu un turista lo a cay na Morgan Island y ta herida. Na yegada di ambulance, el a drenta den e cura y asina busca e victima. Nos fotografo tambe a bay n’e sitio pero gerencia no a permiti pa prensa pasa y bay saca foto

n’e lugar y mester a bandona e sitio.Ta pesey mes nos no por duna mas informacion. Esey ta un regla cu nos ta respeta, y a haya nos mes obliga di bandona e sitio y asina mester a saca foto para pafo y usando un telelens. Mester menciona cu polis no a bay n’e sitio

Coredor di scooter sin rijbewijs, sin ningun papel, number falso, straño, cu pasahero sin helm y pa colmo ta dal riba un taxi

Turista Venezolano y Mericano a forma un pelea formal

Diahuebs atardi a drenta

Diahuebs merdia a drenta informacion di cu un scooter lo a ocasiona un accidente y a sigui core bay, pero e taxista cu e scooter a dal a logra pare. Comisario Trudy Hassel, kende tambe a wak kico a pasa a bay atende cu e coredor di scooter cu no tabatin su rijbewijs, cu no tabatin ningun papel di e vehiculo, number falso y straño, cu pasahero sin helm, y pa colmo ta dal riba un taxi y ta sigui core bay. Na yegada di un patruya di trafico a tuma e caso over y a confisca e scooter.

pa haci investigacion tampoco.Dicon Departamento Tecnico no a ser avisa, no ta conoci tampoco, pero ta na su lugar pa haci un investigacion pa evita cu Morgan Island haya mal nomber y consecuentemente Aruba.

informacion di un pelea formal na Subway na Seaportmarket Place. Na yegada di e diferente patruya policial, nan a constata cu tabatin un pelea entre un grupo di turista Venezolano y un otro turista Mericano. E pelea a cuminsa ora cu e turista Mericano cu tabatin hopi pura y kier a pasa dilanti di nan tur hende. E tata no a permiti esey y mesora e Mericano a dal’e un wanta, e mama a bula mey-mey di nan y tambe a haya un wanta y asina full e famia a join y e pelea bira un free for all, unda te hasta un borchi di propaganda a ser kibra. Polis a hiba nan tur na warda di polis, unda eynan nan por a papia e asunto y no laga un mahos bista n’e shopping mall.

AWEMainta.com

Local

Diabierna 3 di Juli 2009

Den caso di Lampe vs. Wever

Huez a tik fuertemente riba dede di Presidente di Parlamento Mervin Wyatt-Ras Ayera mainta a Huez a duna veredicto den e caso cu Rudy Lampe a entama contra Booshi Wever relaciona cu e acusacionnan di Wever contra Lampe di ta pedofiel. Rudy Lampe a gana su caso, caminda cu Booshi Wever mester rectifica e acusacion baho cu el a lanza den direccion di Lampe. Remarcabel di e caso aki ta cu e huez a tik fuertemente riba dede di Presidente di Parlamento, Mervin Wyatt-Ras dor di su falta di accion den su funcion relaciona cu e acusacionnan cu Wever a lanza contra Lampe. Mirando e video di e reunion di Parlamento di 1 di juni 2009 caminda cu Booshi Wever a acusa Rudy Lampe di pedofiel, huez por a tuma nota cu Wyatt-Ras unico cu el a haci ora esaki a wordo expresa ta bisa “Señor Wever” y nada mas, siendo cu despues di esaki e minister a sigui acusa

e parlamentario di RED di ta un pedofiel sin cu e presidente di Parlamento a haci algo pa pare.Mester menciona tambe cu a pesar cu ora ta trata di un reunion di Parlamento caminda cu Booshi Wever ta goza di inmunidad a base di leynan nacional, huez a pone esaki den balans cu e tratado Europeo riba derecho di personanan cu ta garantiza entre otro e derecho pa un proceso husto. Aki e ultimo a conta mas mirando e tipo di acusacionnan sin base cu Wever a lanza contra Lampe. Huez ta considera cu e acusacionnan di pedofiel ta perhudica Rudy Lampe extra pasobra e ta kibra e confianza cu e votadornan lo por tin den su persona y dor di esey e ta considera e expresionnan di Wever como un instrumento politico contra Lampe. Mester bisa cu despues cu e veredicto a wordo conoci, min-

ister Booshi Wever a expresa cu awor si no tin democracia mas na Aruba, mustrando asina con baho e por yega. Si huez no lo a tuma e decision ey, mañan den Parlamento tur hende por acusa otro di tur loke nan por imagina nan mes, sin cu nada por wordo haci, pasobra ta goza di inmunidad. Sorry, Sr. Wever, esey no ta falta di democracia, esey ta un decision basa precisamente riba e principionan democratico cu mester prevalece na un pais. No pasobra un persona ta minister of tin cierto posicion pa cual e ta kere cu e ta mas cu tur otro, e tin e derecho di insulta sin base un otro persona manera el a bin ta haciendo te cu awor. Den un sociedad democratico tur hendenan tin e mesun derechonan y obligacionnan, pero parse cu Booshi Wever a lubida esaki y tabatin mester di un huez pa recorde cu e

no tabiba na un republica di banana unda e ta haci y bisa loke e kier, sino riba Aruba, un isla democratico unda cu mester tin respet pa otro y unda tur hende tin e mesun derechonan.Awor Booshi Wever mester guli su palabranan y bay rectifica. Ohala e diferente otro personanan (incluyendo politiconan) cu ta wordo ataca of ta ataca sin fundamento tene bon na cuenta e decsion di e huez aki.Finalizando Mervin

Wyatt-Ras, como Presidente di Parlamento mester wak e declaracionnan di huez como un halamento di atencion pa e falta di control cu e tin den Parlamento, pero ta comprondibel tambe, pasobra loke e ta haci eyden ta sigui ordennan di su amonan cu ta den posicionnan di minister, dus e no por tuma un rol mas proactivo den e reunionnan den Parlamento y tuma e poder den su mannan manera debe ser.

Caso di intento di asesinato ayera tardi na Dakota

Ayera tardi, polis a haya informacion cu tin un problema familiar den Pampoenastraat na Dakota. Polis na caminda, a drenta informacion cu tin un persona herida, y cu un pick-up a pasa riba dje. Pero ora cu polis a yega, ta manera e colonia Hatiano a sali y declara, cu no tabata un simplemente accidente, pero cu pick-up intencionalmente a dal un paisano di nan y consecuentemente e chofer responsabel a dicidi pa pasa cu e pick-up tambe riba e persona

aki. Motibo cu e chofer a pasa su pick-up riba dje, ta pasobra un rato prome e victima a dal un dama un mokete. Y pesey, e chofer aki a pasa su pick-up riba dje, cu mal intencion. E paisanonan tabata reclama, cu ni cacho no ta trata asina. Awor, e chofer ta deteni y encarcela, pasobra el a intenta di mata di agresor di un señora. Ambulance a bay cu e victima mas e señora victima di agresion.

Local

Diabierna 3 di Juli 2009

AWEMainta.com

Parlamentario Otmar Oduber

E solucion pa desempleo y pobreza lo mester bin di turismo Ta MEP so no por of no kier wak e realidad aki

Nos pais ta den crisis. Un crisis cu ta afectando tur sector y tur aspecto di nos sociedad. Segun cifranan di Servicio di Impuesto den e promer 5 lunanan di 2009 BBO a genera Afl. 4,8 miyon (esta 6,8%) menos entrada pa gobierno compara cu e mesun periodo na 2008. Desde januari te cu mei 2009 entradanan di gobierno for di derechonan di

importacion (invoerrechten) a baha cu Afl. 9,3 miyon (cu ta 14,8%) compara cu e mesun periodo di aña pasa. Esaki ta mustra cu consumo interno na Aruba a baha durante 2009. Caida den consumo interno tin efectonan negativo pa crecemento economico y entradanan di tanto gobierno como tambe sector priva.

Pa loke ta trata turismo, mester menciona cu durante e prome 4 lunanan di 2009 nos pais a ricibi 5,1% menos turista (“stay-over visitors”) compara cu e periodo corespondiente di 2008. Pero mas preocupante ta cu nos turistanan a gasta menos placa tambe. Segun cifranan di Banco Central entradanan for di turismo (“real tourism receipts”) desde januari 2009 te cu april 2009 a baha cu 7,9% (Afl. 58,4 miyon) compara cu e mesun periodo di 2008. Si no bin cambio den maneho di gobierno, ta wordo pronostica cu e aña aki nos GDP lo baha cu entre 4 pa 5%. Mirando cu pa motibo di BBO (y su efecto cumulativo) e costonan di empresanan a subi drasticamente y teniendo cuenta tambe cu nan entrada a baha pa motibo di caida den consumo local y den turismo, e demanda pa trahador a baha sustancialmente. Cosecuentemente, e cantidad di personanan sin trabou a aumenta drasticamente. Si na fin di aña 2007, segun cifranan di Oficina Central di Estadistica, nos pais tabatin 3.100 desempleado, pa motibo di e efectonan di BBO y e circumstancianan economico

desfaborabel, e cifra aki a aumenta te na alrededor di 3.700 na fin di aña 2008 segun cifranan di Banco Central, y ta ser calcula cu e cantidad di hende sin trabou a sigui aumenta te na mas o menos 5.000 persona na e momentonan aki. Hecho ta cu entre desempleo y pobreza tin un corelacion fuerte, mirando cu un persona desemplea no por dispone di e medionan financiero pa e y su famia por biba dignamente. A base di esaki por conclui cu na e momentonan aki tin miles di persona cu ta bibando den pobreza extremo. Pues cifranan di tur instancia oficial aki na Aruba ta confirma cu nos pais ta confrontando su peor crisis socio-economico desde ciere di LAGO na 1985. Manera ta conoci, nos economia ta basa grandemente riba turismo. Actualmente alrededor di 40 pa 50% di nos forza laboral tin empleo den sector turistico of sectornan liga cu turismo. Segun calculonan di Banco Central, rond di 75% di nos entradanan coriente for di exterior (excluyendo sector petrolero y free zone) ta procedente for di turismo, mientras

cu directamente y indirectamente turismo ta genera ± 60% di nos GDP. E dependencia economico riba turismo ta nifica cu un recuperacion socio-economico lo ta posibel solamente si nos sector turistico recupera. Pa logra stimula nos turismo, esey lo rekeri inversionnan adicional cuantioso den promocion turistico y den mehoracion di e producto “Aruba” y e calidad di servicio. Pa motibonan politico partidista e gobierno di MEP no kier admiti cu nos ta confrontando un crisis socioeconomico profundo, pasobra den nan forma straño di pensa, esey lo ta igual na acepta cu nan a hiba un maneho economico desastroso. Mientras tanto partido MEP ta prefera di malgasta fondonan publico pa sigui beneficia “friends & family” y tambe den proyectonan cu nan ta kere por yuda nan cu algun voto, envez di duna prioridad na turismo. Pues atrobe MEP ta bolbe demostra cu nan propio interes ta mas importante cu interes di nos pais. E ta increible, pero nan ta laga nos pueblo keda sufri sin cu esaki ta necesario.

YourVision2009. Bo vision tambe ta conta

Dialuna awor di 8'or pa 9'or riba www.yourvision2009.com Elizette Wernet, Julio Andrews, Janiro Eisden y Izaira Fingal, cuatro hoben Arubiano cu interes den e futuro di nos isla a bin cu un idea hopi innovativo na Aruba: yourvision2009. Ta trata aki di un programa di 1 ora di duracion cu lo wordo transmiti live a traves di www.yourvision2009.com cuminsando dialuna awor, 6 di juli di 8’or pa 9’or di anochi. Ta trata aki di un programa caminda manera e nomber mes ta bisa, tur hende por trese nan vision padilanti caminda lo tin un politico lo ta contestando e diferente preguntanan, lo scucha comentarionan, dudanan,

sugerencianan, etc en bibo. Intencion ta pa pueblo en general por trese nan opinion dilanti riba diferente topiconan riba con nan no kier wak e futuro di nos isla. E programa lo ta uno hopi interactivo unda cu esnan interesa por yama, manda SMS, mail of via e chatroom di e site mes, tresiendo nan punto di bista dilanti, ningun pregunta of comentario lo wordo kita. Despues di e transmision en bibo, tur hende cu desea lo por wak e programa riba e website mes, caminda cu e chatroom lo keda activo. Elizette, Julio, Janiro y Izaira ta

hopi entusiasma cu e proyeto nobo aki pasobra e ta un forma pa pueblo eherce nan derecho di participacion, caminda nos hendenan sin importa edad por duna nan contribucion na loke Aruba mester bira despues di eleccion.

Nan ta indica cu contrario na loke hopi hende ta pensa, esta cu e hobennan no tin interes den politica. E programa aki ta un muestra y lo demostra cu nos hobennan tambe kier haya participacion activo den tur loke ta trata desaroyo di nos isla. E programa en bibo lo wordo

transmiti tur siman riba dialuna di 8’or pa 9’or di anochi riba www.yourvision2009.com y tur hende por participa. No

perde, laga bo opinion tambe conta y contribui asina na e mihor desaroyo pa nos dushi Aruba.

AWEMainta.com

Diabierna 3 di Juli 2009

Aiza Croes, candidato pa partido AVP

Mi tata Chibi a sostene un vision pa interes di pueblo y Ta e vision cu mi ta kere aden

Aiza Croes ta sigui pasonan di su tata, Chibi Croes den feliz memoria, kende a sostene y guia partido AVP den su temponan bon y malo. Como yiu di un lider politico, Aiza a lanta y a sostene y kere den e vision politico cu su tata semper a sostene y impone pa sirbi interes di e hendenan di Aruba. “Mi ta sintimi orguyoso di a ricibi mi educacion politico di un persona manera mi tata, kende semper a forma parti di e vision di partido AVP, cu ta un partido social cristian y semper a trata pa sirbi pueblo di Aruba.

Felicidad di nos hendenan, tabata e prioridad for di tempo mi tata a bira lider di partido AVP y awe esaki no a cambia ya cu nos partido berde, ta sigui sirbi e interes di un pueblo cu merece tur felicidad di mundo. Nos hendenan merece di biba trankil, di por lanta mainta sin precupacion, di por tin e siguranza cu nan bida lo bira mihor, cu cosnan lo cana manera nan ta spera, pa motibo cu tin un Gobierno cu ta determina pa cumpli cu su pueblo. Partido AVP ta kere den e vision aki, kere den bienestar total di tur riba e isla aki,

preocupa pa progreso familiar, y ta sostene e principionan social cu ta sirbi e interes di nos comunidad. ‘Plan di Rescate’ di Gabinete Eman I tabata cardinal pa e transformacion economico di pais Aruba na 1986, caminda un pais nobo a lanta despues di salida di multinacional ESSO for di e refineria na San Nicolas.Mi tata a forma parti di e vision aki, a traha como miembro di Parlamento dunando sosten pa e transformacion di nos pais y cu a sigui despues pa e Plan di Barrio y e Plan Social. Semper AVP a hiba un vision caminda bienestar di henter comunidad tabata esencial, sin lubida ningun hende, di e anciano pa pensionado, di mayornan trahador pa e muchanan studiando. Un vision dirigi pa hiba un maneho pa tur hende y pa proximo periodo di gobernacion e vision un biaha mas ta dirigi pa duna tur hende un bida digno, un bida di speranza y

un bida di trankilidad, totalmente diferente pa loke nos pueblo a conoce ultimo ocho añanan. Progreso mester ta pa tur hende, pa tur nivel di sociedad y no limita na solamente un grupo chikito di amigo y famianan y ta e vision social grandi aki, mi tata semper a sostene y a lucha hunto cu AVP te na su morto. Nos tin un pueblo sclamando pa ayudo, sclamando pa alivio di e presion financiero cu medidanan di Gobierno a impone riba nan bida social, nan bida di tur dia. Un pueblo cu ta sufriendo pa un mane-

ho cu a neglisha por completo e fundeshi social y financiero di nos hendenan. Cu firmeza mi kier sigui cu e vision di mi partido AVP, e vision cu mi tata Chibi semper a sostene y kere aden, pa den cierto forma sigui cu mesun determinacion cu el a siña nos tur, pa progresa y yuda otronan tambe haya e dicha y felicidad cu tur hende tin derecho ariba. Un vision cu for di chikito nos a siña conoce y sostene y na cual mi tata semper a keda fiel na dje y cual awe mi ta sigui cu firmeza den su pasonan.

Local

Diabierna 3 di Juli 2009

AWEMainta.com

Caminda muha ayera mainta tâ&#x20AC;&#x2122;e causa 2 Accidente tras di otro na mesun sitio na Catiri

Diahuebs mainta tempran a drenta informacion di un accidente cu hende herida na Catiri. Na yegada di polis, nan a bin constata cu aki ta trata di 2 accidente, unda esun prome a ser causa pa motibo cu e caminda tabata muha. Un chofer Hulandes cu tabata bayendo nort no por a controla e auto den un birada y a slip bay otro banda di e caminda, mientras e chofer di direccion contrario a wak e auto ta bin riba dje y a baha caminda na su man drechi, pero a yega te na transhi di cadushi y no por a kita mas y asina mes e otro auto a bin dal

casi frontal riba dje. Hunto cunâ&#x20AC;&#x2122;e den auto tabatin un dama cu tambe a resulta herida. E chofer Hulandes a haya un kap basta grandi na su cabez. Den e otro auto e chofer cu ta un hende cu ta sufri di curazon tabata keha di dolor na su nek, mientras e dama sinta na banda tambe tabata keha di dolor. E 2 autonan aki a keda para mey-mey di caminda, un otro auto maneha pa un dama a haye di ripiente cu e accidente dilanti di dje y a purba brake y desvia, pero e caminda muha a pone cu e auto no a para y a bay dal riba un palâ&#x20AC;&#x2122;i lus.

E dama chofer di e ultimo auto aki cu ta un persona cu ta sufri di curazon a haya sla y tabata keha dolor na su pia. Na yegada di e ambulance nan a atende tur e victimanan y a hiba e prome 3 personanan envolvi den e prome accidente pa hospital pa ricibi tratamento mas avanza y pa un control mas extenso. Mientras e dama chofer di e ultimo auto aki cu tambe ta un persona cu ta sufri di curazon tabata keha di dolor na su pianan a opta pa despues e mes bay dokter pa un control. Despues takelwagen a kita e autonan for di caminda.

Minister di Husticia no ta ripara cu prioridad pa pueblo ta combatimento di criminalidad

No aumento di multa pa exceso di velocidad Durante conferencia di prensa semanal di partido Democracia Real, Andin Bikker a comenta riba e prioridadnan cu nan lo pone pa ministerio di Husticia. E ta indica cu e siman aki Ministerio Publico a anuncia cu nan ta bay bin cu man duro, cu nan tin un maneho nobo pa loke ta trata multanan pa exceso di velocidad. E ta apluadi esaki, pero di biaha ta bisa cu mester para keto riba prioridad, pasobra prioridad ta cu polis no ta riba caya, no tin placa pa overtime, criminalidad ta aumentando. Mirando e situacion aki Bikker ta puntra su mes si minister di Husticia ta canando den pueblo, si e ta buscando kico ta e prioridadnan cu pueblo kier pa wordo atendi den e carteta di husticia. Si e haci esaki el lo por ripara cu e prioridad no ta exceso di velocidad, pero combatimento di criminalidad, adictonan ambulante y ladronicia. Biniendo riba e parti di exceso di velocidad, lider di PDR ta kere cu ta necesario pa cuminsa pone borchi atrobe cu ta anuncia te cuanto kilometer por core den e area, pasobra nan ta hopi schaars.

AWEMainta.com

Local

Diabierna 3 di Juli 2009

Candidato nobo di MEP kier pa tur bar na San Nicolas haya permiso pa strip tease Interesante pa haya sa reaccion di dr. Maikel Kelly y otro candidatonan di MEP riba esaki Recientemente por a scucha e candidato nobo di MEP pa San Nicolas, Big Daddy Chance (cu por cierto ta e yiu di Leo Chance cu a manda riot commando pa Betico Croes) declara cu tur bar na San Nicolas mester haya permiso pa strip tease, algo cu a cay den hopi mal tera cerca hopi hende, specialmente esnan di San Nicolas. Situacion di San Nicolas ta hopi malo, principalmente debi na e abandono di Gabinete Oduber pa e parti pariba di nos isla, pero tur hende sa tambe cu e barnan na San Nicolas a yuda na e situacion aki, caminda hopi hende ta

prefera di no bay eybandanan precisamente dor di e e barnan aki. Awor aki ta scucha for di boca di Big Daddy Chance cu tur bar eynan mester haya permiso pa strip tease! Ta kico e kier, core cu tur comerciante definitivamente for di San Nicolas? Esey ta e desaroyo cu e kier trese pa San Nicolas? Ta ki tipo di educacion nos muchanan ta ricibi for di algo asina? Con lo por crea un desaroyo economico y social pa San Nicolas si den su curazon mes tur bar ta conta cu permiso pa strip tease? Cu tur seguridad por bisa cu ningun comerciante cu un tiki tino lo bay inverti eynan

si nan sa cu banda di nan tin barnan caminda cu tin strip tease tumando lugar. Interesante di e declaracionnan aki ta pa scucha e reaccion di dr. Maike Kelly kende tambe recientemente a subi lista di partido MEP. Dicon dr. Kelly? Pasobra e ta un persona conoci di ta hopi involucra cu religion, caminda semper por a scucha cu e ta para pa norma y balornan. Ya caba el a haya un vraagteken grandi riba su nomber ora el a dicidi di subi lista di MEP siendo cu pa a単anan largo el a critica fuertemente e maneho di Booshi Wever

pa cu Salubridad Publico. A pesar cu el a nenga di a bisa cu e condicion pa subi lista di MEP ta si Booshi Wever no tey mas, toch tin hendenan cu ta sigui sostene cu esaki ta algo cu en berdad el a bisa. Si ta berdad of no, esey lo keda pa su consenshi! Pero awor, cu e declaracionnan di Chance tocante strip tease na tur bar na San Nicolas, kico dr. Kelly lo bisa? Ta con e por keda riba un lista politico cu un persona cu kier promove net lo contrario di loke e ta promulga? Un persona cu ta para pa norma y balornan sigur no lo haci esaki! Mescos lo ta bon pa scucha de-

claracionnan di Evelyn WeverCroes, kende for di su lanzamento den politica a indica cu el lo kier trese un cambio, pero sigur loke Chance ta haciendo no ta cuadra cu e cambio cu e dama prepara aki lo kier pa Aruba. Asina tambe e demas candidatonan, specialmente e candidatonan femenino di partido MEP lo mester duna nan reaccion riba esaki. Lo mihor cu e partido geel por haci ta laga Chance disculpa su mes pa e declaracionnan aki, de lo contrario e graf cu AWEMainta a pronostica cu e persona aki lo hinca MEP den dje, lo ta uno mas grandi di loke a spera!

Local

Ora caminda ta muha, e ta peligroso

Diabierna 3 di Juli 2009

AWEMainta.com

6 Auto envolvi den un accidente na Bushiri

Diahuebs mainta net ora cu fotografonan di prensa cu a caba di saca foto di un accidente n’e rotonde di Sasaki, a mira con un auto cu tabata biniendo zuid a slip subi rotonde, pero no a dal den ningun palo di borchi of lus. Despues di esaki e auto a reverse baha y sigui core bay. Chofernan paga tino ora caminda ta muha!

Accidente den cadena, unda chofernan a duna declaracion falso

Diarazon atardi a drenta informacion cu un accidente unda tin 6 auto envolvi, cu a tuma lugar na Bushiri. Na yegada di polis, nan a bin haya unicamente e 5 autonan kibra y un di e lusnan di e auto

cu a ocasiona e accidente y a core bay. Ta trata di un Nissan Sentra color di oro cu a bin di zuid bayendo nort cu velocidad halto y a bay dal tras di un vehiculo S.U.V. E impacto aki

tabata asina fuerte cu esaki a bay dal riba 4 otro cu tabata staciona. Afortunadamente ningun hende a resulta herida. Ademas e Nissan Sentra a core bay laga su luz di dilanti tambe n’e sitio.

Ora doño di auto a mira su auto accidenta, e tambe a bira malo

Diarazon birando anochi caba, nos fotografo a bin hay’e cu un accidente di cadena pabao di e rotonde di Ponton. Mesora el a baha y saca foto. Den e accidente aki e chofer di e pick-up a haya un kap chikito patras di su cabes, pero no tabata desea presencia di ambulance. Pero locual ta di lamenta ta con chofernan ta permiti otro hende “gaña, estafa y/of horta” un compania di seguro y ademas pone e otro chofernan tambe gaña. Esaki por pone tambe cu nan tur por bay sera pa a duna declaracion falso. Esaki nan a ser manipula pa declara ya cu esun na stuur no tin rijbewijs y a laga pasa cu supuestamente su casa cu si tin rijbewijs tabata na stuur. Esta un berguensa!! Esaki nan a haci’e p’e temor cu nan auto no ta ser drecha. Unda nos ta bay?

Diarazon atardi tabatin un accidente a tuma lugar na Neptunestraat dilanti di Colegio E.P.I. y a ser bisa cu tin hende herida. Na yegada di e patruya policial, a constata cu aki ta trata di un accidente unda un auto no a duna otro preferencia y nan a dal den otro. Debi n’e impacto, un dama

chofer a resulta herida. E doño di e auto envolvi den e accidente cu no tabata ne sitio, ora di e accidente y a presenta n’e sitio y e tabata rekeri intervencion medico urgente. E ambulance a yega net na tempo pa dune atencion medico, mientras a hiba e otro victima tambe pa hospital.

AWEMainta.com

Local

Diabierna 3 di Juli 2009

Chofer sin rijbewijs ta dal den trankera na Hato Diahuebs mainta a drenta informacion cu na Hato un auto a perde control y a dal den trankera. Na yegada di e patruya policial a constata cu enberdad un Toyota Yaris preto A-11230, cu tabata bayendo Noord a perde control y a dal den e trankera. E chofer no tin rijbewijs. Afortunadamente ningun persona a ser herida.

Otro auto ta dal den trankera na Hato, pero e biaha aki auto sin chofer Diahuebs atardi a drenta informacion cu na Hato un auto a dal riba un trankera, siendo cu den oranan di mainta tabatin un accidente similar caba. Na yegada di e patruya policial n’e sitio a constata cu aki ta trata di un Chevrolet Spark blanco number A-44310 cu a dal den trankera. Un testigo a declara cu e auto a bin for di E.P.B. straight bay dal den e trankera. E testigo a sigui conta cu el a baha bay check y no a haya ningun hende den e auto cual tabata completamente na lock y den neutral. Despues di un rato e doño di e auto a aparece y kier a bay cu e auto y a bisa cu e ta drecha e cura.

Autoridadnan a bolbe localiza damita Maria cu a bolbe huy Diahuebs mainta un patruya atento, coriendo den Jan Flemming ta descubri un mucha muher cu algun dia atras a huy atrobe for di cas na Noord. Mesora e agentenan a bira baha y papia cune y a bis’e p’e subi den auto pa compaña nan pa warda di polis na Noord. Eynan polis lo avisa e mayornan y despues di papia severamente cu e mucha, kende constantemente ta huy di su mayornan.

Atrobe anti-socialnan ta sigui destrui nos turismo cu ya caba ta den un situacion precario

Diaheubs mainta ta drenta informacion cu anti-social of ladronnan a horta 3 tire for di un auto di huur di un turista cu tabata staciona na Amsterdam Manor Beach Resort. Na yegada di e patruya policial n’e sitio a constata cu ladronnan a horta 3 wiel di un auto di huur, V-wagen y casi nan a logra horta e di 4 tambe. A pidi e Departamento Tecnico di Polis pa bin investiga e caso lamentable aki cual sigur lo percura pa daña nomber y imagen di pais Aruba den exterior. E experiencia amargo aki sigur lo ser conta bao di amistad y famianan di e turistanan victima.

10 Local

Diabierna 3 di Juli 2009

AWEMainta.com

Corte ta conclui cu Presidente di Staten no a para Minister Wever

Corte a bisa cu Minister no por haci acusasion infunda contra un politico contrincante Corte ayera a dicta un sentencia caminda cu ta mustra cu politiconan no ta completamente inmune den nan expresion y cu nan mester ta mas cauteloso. Ta trata di un caso sumario cu lider di partido RED, Rudy Lampe a cuminsa contra Minister Booshi Wever, pa expresionnan cu esaki a haci contra dje den Parlamento. E tratamento mes a tuma lugar luna pasa y unda enfasis a wordo poni riba e partido cu e Minister a menciona of a yama e politico di RED pa un pedofile. Abogado cu a representa Lampe den e caso aki tabata mr. Ronny Wix, kende a enfatisa cu e expresion ey no a keda señala solamente den Parlamento pero un declaracion di e mandatario publica den e corant Bon Dia Aruba di 13 di mei 2009, atrobe e Minister a yama e Parlamentario pa pedofile mustrando cu tin rumornan persistente den e direccion aki. E punto di abogado ta cu den Parlamento tanto Ministernan como Parlamentarionan ta goza di inmunidad. Pero a base di articulo 6 di EVRM (Derechonan Humano) Corte Europeo a cuestiona den un caso di in-

munidad cu e persona ta keda responsabel pa haci expresionnan ofensivo den direccion di un otro riba un asunto cu e momento ey no tabata wordo discuti. Durante tratamento di e caso, abogado di Minister drs. Booshi Wever, mr. Ruiz a mustra cu cada biaha e mandatario Wever tabata bisa di rumornan persistente y cu e ta haya cu loke a sosode den Parlamento, tanto e Ministernan como e Parlamentarionan ta gosa di inmunidad segun nos Constitucion. El a bisa tambe cu como politico, Parlamentario Lampe mester tin lomba hancho ya cu Lampe tambe cada vez ta yama Minister Booshi Wever pa corupto den e caso di proyecto di dump siendo cu tin investigacionnan y decision di Corte cu ta mustra claramente cu esaki no t’e caso. Ayera mainta den sala di Corte, Huez a bisa cu e ta rechaza e ponencia di parti di Minister Wever cu Lampe no tin motibo di urgencia den e caso aki. Huez ta haya cu e expresionnan haci den Parlamento y e publicacion di comentario den Bon Dia Aruba di mei 2009 ta recien y como tal tin motibo di

urgencia. Huez a mustra cu EVRM ta considera expresion liber importante y tambe den Parlamento. El a mustra cu segun Constitucion, tanto Minister como Parlamentarionan ta goza di inmunidad. E ta haya cu Huez no por bay atende loke ta wordo expresa den Parlamento hustamento debi n’e inmunidad Parlamentario. E ta haya cu ta Presidente di Parlamento mester vigila esaki y hala atencion di esnan cu ta bay mucho leu. Sinembargo Parlamentario Lampe ta cuestiona cu aki a viola articulo 6 di EVRM y a presenta un sentencia di Corte di Europa caminda ta mustra un ta importante pa den un debate politico tin libertad amplio di expresion y den caso excepcional por acudi serca Huez si un persona ta haya cu el a wordo ofendi. Den e caso aki, tabata atendiendo un punto den Parlamento y Minister Booshi Wever a cuminsa yama Rudy Lampe pa pedofile, cual no tin nada di haci cu e asunto cu e momento ey tabata wordo atendi. Huez a bisa cu e articulo en cuestion den ley tabata pa protege

e oradornan politiconan den Parlamento pa nan expresionnan riba e temanan cu ta wordo discuti y nada otro. Y den e caso aki e inmunidad no tin nada di haci cu loke Minister Wever a expresa di Parlamentario Lampe na juni 2009 den Parlamento. E tabata un expresion di su descontento personal pa cu Lampe. Corte a sigui señala cu articulo 6 di Reglamento di Orden pa Staten, ta autoriza e Presidente pa mantene orden den e reunionnan aki. Y despues di studia e momentonan aki riba video, Corte ta yega n’e conclusion cu e Presidente no a haci uso di e derecho aki, y solamente a expresa “sr. Wever”, un biaha. Y despues Wever a ripiti loke el a bisa. Huez ta haya cu Minister Booshi Wever a tacha e bon nomber di Parlamentario Rudy Lampe dor di yam’e pa pedofile siendo cu Minister Wever ta basa su mes riba rumornan no funda. Huez a bisa cu no por acepta expresionnan asina serio y pisa, ya cu den comunidad e lo tin su efectonan riba esun cu ta wordo yama p’e nomber aki. Pedofile ta un acusacion hopi serio y e ta considera esaki un ofensa

den direccion di Parlamentario Lampe. Ademas di e daño personal riba e nomber di e politico Rudy Lampe, e etiketa di “pedofil” ta kibra e cofianza cu electorado mester tin den politiconan prome cu nan por deposita nan voto riba nan. E expresionnan tendencioso ta tambe un instrumento politico. A base di esaki, Lampe tin motibo urgente pa haya un rectificacion den e caso aki. Corte a bisa cu e argumento cu e kier protege contra pedofilia, no ta algo cu ta cuadra cu e asunto. E meta ey no ta wordo logra door di acusa un politico contrincante den forma infunda pa pedofilia. Huez ta conclui cu Minister Booshi Wever a actua inhusto dor di yama Parlamentario Rudy Lampe pa pedofile y cu e mandatario periodicamente a mantene rumornan no funda bibo contra Lampe. Huez a ordena pa Minister Booshi Wever rectifica den e edicionnan di medionan di comunicacion pa dia 4 di juli 2009 y a fiha un daño per huicio di 5 mil florin pa cada dia cu Minister Wever keda sin cumpli cu e sentencia aki te na un maximo di 100 mil florin.

Auto di polis sin chofer, motor cendi a cay den Lagoon Diahuebs atardi a drenta informacion cu un auto a cay den Lagoon. Mesora a dirigi polis como tambe takelwagen n’e sitio. Ta trata aki di un auto di Cuerpo Policial cu a ser laga motor sendi y net den un bahada y pa descuido e auto a bay den awa. Takelwagen di polis mes a bin n’e sitio y a sake for di Lagoon.

AWEMainta.com

Local 11

Diabierna 3 di Juli 2009

Mirando un indisponibilidad di canidatonan nobo:

MEP haciendo ofertanan cu hole corupcion na candidatonan potencial pa subi lista Partido chikito cu a keda sin firma acuerdo di bon boluntad tambe ta haciendo promesnan inetico For di eleccion 2005, MEP a sinti

ta haciendo promesanan “inetico”

Kiko nos ta creando aki? For di ini-

y wordo coregi!

tra di ta mucho leu.

con pueblo a cuminsa castiganan

pa haya caranan nobo pa subi

cio di nan carera den politica, ya ta

No por ta asina cu partidonan

Di otro banda, candidatonan cu

pa nan maneho di gobernacion di

lista. Loke ta un desaroyo hopi

cla pa e politiconan aki cu “aqui se

manera AVP, MPA y RED ta atene

wordo aserca pa subi lista y haya

nos pais. For di 2005 te cu awe e

preocupante ta cu e lider di MEP

compra y se vende.” E politiconan

nan mes na reglanan y partido nan

un “regalo” en cambio cu ta wordo

situacion a bira hopi mas malo. Por

ta haciendo e promesanan aki un

aki ta cuminsa nan carera politico

merna MEP ta haci y deshaci. Tin

paga cu placa di pueblo, mester

pensa aki con MEP, bou liderazgo

realidad. Aki por pensa ariba e

corumpi. Aki algun tempo nos ta

informacionan cu otro partidonan

tene cuidou. Hulanda ta masha

di Nel Oduber, a impone BBO y e

ultimo candidata cu a subi lista di

haya nos pega cu algun politico

cu a keda sin firma e acuerdo di bon

preocupa e situacion di corupcion

canitad di escandalonan y posibel

MEP. Segun informenan cu nos ta

corumpi, pero den puestonan mas

boluntad tambe ta primintiendo

cu ta reinando den gabinete Odu-

corupcionan cu e partido a haya

dispone di dje, cu e candidata aki

y mas halto.

“ministerschap” pa ora cu nan

ber. Pa esaki un investigacion ta

su mes confronta cu ne. Pueblo ta

no tabata mira mucho positivo pa

A bira tempo pa “Comision di Bon

drenta den gobierno.

bay tuma lugar. E canidatona aki

mustrando di ta fada. For di fuent-

subi e lista geel te cu, segun nos a

Boluntad” haci un apelacion na

For di fuentenan bon na altura,

mester tene bon nan cuenta cu nan

enan fidedigno, nos tin comprondi

wordo informa, e la haya un “offer

partido MEP un biaha mas pa firma

tin un partido cu a nenga di firma

tambe por wordo investiga y e posi-

cu for di 2 aña atras caba Nel Odu-

she can’t refuse”.

e acuerdo di Bon Boluntad y caba

e acuerdo pa motibo cu MEP no a

bilidad tey cu nan integridad tambe

ber ta purbando di incentiva cara

Aparentemente e candidata, di fam

cu e tipo di cosnan aki. Pero segun

firma. E partido aki, cu eleccion

por wordo atacha, por ehempel den

nan fresco pa subi lista di MEP.

St. Jago, a haya un trabou na Econ-

informenan cu nos ta dispone di

pasa a keda sin haya un asiento

KIA. Corupcion ta un problema cu

Pero e intentonan tabata envano.

omische Zaken algun dia despues

dje, e comision nan man ta mara,

pa masha tiki voto, a priminti un

a lanta cabes di un manera masha

Majoria di e “bieunan” lo mester

cu e la wordo aserca pa subi lista di

pasobra nan kier “lobby” te ora cu

candidato cu lo wordo lanza e

fuerte e ultimo añanan aki y nos no

keda ariba lista. Di e bieunan cu a

MEP. Maske cu e ta cualifica of no,

nan haya MEP abordo di e comi-

siman aki, cu e lo haya puesto di

por permiti cu esaki bira mas pio.

bay, un famia ta tuma nan lugar.

e hecho aki no ta corecto. No tabata

sion. Awor aki nan no kier trapa

Minister, si en caso e subi lista. E

Mester corta e pianan di corupcion

Pero e idea pa caranan nobo pa e

tin un open solicitatie y aparente-

ariba dede di e lider di e partido

tipo di promesnan aki no ta bon.

awo, prome cu bira mucho lat y

partido no a resulta.

mente no tabata tin un vacatura.

pa asina e no “rabia” cu nan. E

Aunke cu e desaroyonan den MEP

nos tin un cantidad di politiconan

Informacionan ta drentando cu

E tipo di actonan aki ta cosnan cu

comision mester pone pia abou y

ta sumamente preocupanta y serio,

di e mentalidad di “se compra y se

pa desesperacion, lider di partido

pueblo no por tolera.

exigi cu e cosnan aki no pasa mas

esun di e partido chikito no ta mus-

vende” na gran escala!

AVP y MEP no lo haya mayoria y PDR ta bayendo pa 4 asiento caba AVP lo ta hisando bandera sin permiso di doño di cas Andin Bikker ta expresa na prensa cu e dos partidonan

El a agrega cu fin di siman pasa candidatonan di PDR a

Mas aleu e ta bisa cu e banderanan hopi biaha ta wordo poni

tradicional ta pretende cu nan lo haya mayoria den e proximo

bishita diferente cas y a tuma nota cu partido AVP ta pegando

na un manera cu e bisiñanan ta kere cu ta e otro bisiña a duna

eleccion y PDR kier sacanan for di e ilusion ey mirando

bandera sin puntra na casnan di hende. “Nos a haya hopi

permiso. Tambe cu tin hende a bisanan cu nan tin miedo di

e resultado di un sondeo recien cu nan a haci. Ni geel ni

reclamo riba esaki y nos ta haya e ora cu ta un hipocrecia di

bahe pa no haya problema.

berde lo haya mayoria. PDR na e momentonan aki ta para

partido AVP cu nan ta firma e convenio di comision di bon

Finalizando Andin Bikker ta bisa “bandera no ta vota, pero ta

cu 3 asiento bayendo pa 4 y esey kiermen cu e partido cora

boluntad y nan no ta cumpliendo cu e reglanan. Esey ta un

subraya si un tipo di comportacion di parti di un partido cu a

lo bay ta un balanza den e proximo eleccion, segun Bikker

reafirmacion pa nos cu e convenio di bon boluntad cu pa

firma un convenio y cu obviamente no ta respetand’e”.

ta duna di conoce.

noble cu e por ta, no ta traha”.

Internacional

Diabierna 3 di Juli 2009

AWEMainta.com

DEA ta uni na investigacion di morto di Michael Jackson E agencia antidroga Mericano conoci como DEA a uni na e investigacion di e morto di Michael Jackson. Asina un funcionario na Washington a informa. E fuente a bisa cu polis di Los Angeles a pidi DEA interveni, ya cu e agencia ey tin recurso y experiencia den investigacion di productonan di droga ilicito.

E agencia federal ta participa den investigacion di docternan, pa asina haya sa si nan tabata registra cu DEA pa receta droga. Asi tambe, e investigadornan lo trata di determina fuente di e droganan receta pa e doctornan na Jackson of na personanan cerca di dje, pa asina determina si tabatin un patronchi di trafico di droga. E plannan pa dera Michael

Jackson na su rancho Neverland mientras tanto a wordo descarta durante dia, loke a laga pregunta pa cu su entiero, aunke tabatin un misterio cu si a wordo aclarea: Su testament recien revela ta señala cu su mama mester haya cuido di e yiunan di e rey y dia e no por, e custodia lo pasa pa Diana Ross. E circumstancianan cu a cam-

AVISO Hefe di Registro Civil y Censo ta participa cu e ciere di e Registro di Votadornan lo tuma luga ariba diaranson 8 di juli 2009. Solamente votadornan cu ta aparece den dicho Registro ariba dicho fecha y cu tin nacionalidad Hulandes y dia di eleccion tin 18 aña pariba, por participa na e eleccion dia 25 di september 2009. Votadornan por registra nan mes te cu diaranson 8 di juli 2009 na Oficina di Registro Civil y Censo. Si bo a cambia di adres corda registra bo adres nobo p’asina bo carchi di voto por yega na e adres corecto. Tambe nos kier a recorda tur esnan cu no tin un identificacion valido, manera cedula, pa pasa na Censo pa haci un peticion na tempo mirando cu e proceso ta dura tres siman. Hefe di Registro Civil y Censo

bia pa loke ta e entiero a frustra hopi admirador di Jackson, cu a viaha bay na e rancho, den e montañanan cerca di Santa Bárbara, cu e speransa di asisti na un ceremonia publico. “Nos ta teriblemente decepciona”, segun Ida Barron, di 44 aña, cu a yega cu su casá Paul, di 56 aña, y kier a campa eynan pa varios dia. E testament di Michael Jackson, scirbi siete aña pasa y presenta diaranson den un corte na Los Angeles, ta pone tur su propiedadnan den man di un fundacion di e famia, pero ta exclui su ex señora Debbie Rowe. E testamento, fecha dia 7 de juli 2002, ta calcula su patrimonio na e momento ey na mas cu 500 miyon dolar. Tur cos ta keda den man di e fundacion familiar di Michael Jackson. E ta nombra su mama, Katherine Jackson, como un beneficiario di e fundacion y custodia di e tres yiunan di Jackson, cu tambe a wordo nombra den e testamento. Jackson, cu a muri diahuebs

Homenahe na Michael Jackson na ‘Walk of Fame’ na Hollywood

ultimo na edad di 50 aña, a laga tres yiu: Michael Joseph Jr., conoci como Prince Michael, di 12 aña; Paris Michael Katherine, di 11; y Prince Michael II, di siete. Rowe ta mama di e dos mayornan, un mucha homber y un mucha muher; e menor a wordo concebi pa medio di un mama cu nunca a wordo identifica. E testament ta nombra e cantante Ross como esun encarga cu e custodia den sucesion di e mama di Jackson den caso cu esaki ta necesario. Tambe e ta nombra e abogado di Jackson, John Branca, y John McClain, un ehecutivo musical y amigo di e famia, como ehecutornan di e testamento.

AWEMainta.com

Internacional 13

Diabierna 3 di Juli 2009

Forzanan di Merca y Afganistán ta lanza ofensiva riba taliban Mas cu 4.000 marinero y centenar di soldad Afgano a cuminsa un ofensiva riba fortificacionnan Taliban den e provincia Helmand, segun informacion di fuentenan militar. Washington – Efectivonan Mericano y Afgano a baha riba e region den helicopter y vehiculo blinda, nan a añadi. Bao di e nomber “Operación Khanjar” (Golpi di Spada), ta trata di e prome y mas impor-

tante operacion militar desde cu Merca a dicidi di reforza su strategia contra e rebeldia representa pa e talibannan.

Den e ofensiva a participa, ademas di e mas cu 4.000 miembronan di Cuerpo di Infante di Marina, alrededor di 650 soldad y polis Afgano. E obhetivo ta pa tin e zona di riu Helman totalmente liber prome cu e eleccionnan presidencial di dia 20 di augustua, segun e fuentenan. E operativo aki a wordo confirma den un declaracion di general di marina Larry Nicholson cu a bisa: “Caminda nos bay nos ta keda, y caminda nos keda nos ta traha pa transicion di tur responsabilidad pa forzanan Afgano”. E’la añadi cu e meta ta pa proteha e poblacion civil di e región y restablece servicionan esencial di gobierno en vez di cuminsa un caceria contra e Talibanan. “Nos ta haciendo esaki na un otro manera. Nos ta cu e hendenan”, e’la agrega. No ta conoci si e forzanan conhunto di marina y soldadnan Afgano a enfrenta algun resistencia.Segun e corant The Washington Post, e comandantenan militar Mericano a indica cu oposicion lo ta minimal, pero ta posibel cu e resistencia ta aumenta ora e tropanan drenta den e pueblonan y cuminsa patruya. E comandantenan a wordo adverti pa prepara pa atakenan suicido, emboscada y atake cu bom cant’i caminda, segun e corant.E’la añadi cu e strategia di Merca den e operativo aki ta basa riba e creencia cu mayoria di e residentenan di Helman ta rechaza e Talibanan y ta prefera ta bao control di Gobierno Afgano.

14 Internacional

Diabierna 3 di Juli 2009

AWEMainta.com

Arnold Schwarzenegger ta declara crisis fiscal na California Gobernador Arnold Schwarzenegger a declara crisis fiscal na California pa falta di un ley presupuestario, y a bisa cu e ta impone un di tres dia sin pago pa luna pa miles di trahador publico estatal. Sacramento – Casi dos ora despues di a rechasa e plannan pa cera e deficit presupuestario, e gobernador tambe a anuncia cu e deficit awor ta yega 26.300 miyon dolar, y cu no solamente e ta convoca un sesion extraordinario pa e cuerpo Legislativo resolve e problema, sino cu e no tin intencion di firma ningun proposision di ley cu no tin di haci directamente cu e presupuesto. E mandatario republicano a adverti cu e deficit por crece mas ainda. Lidernan democrata di nan banda a culpa e gobernador y republicanonan pa e faltadi un acuerdo. “Ta frustante pa mira cu cada intento a wordo obstaculiza sin motivo, y awor nos a perde solucionnan cu por a economiza miyones di dolar”, e líder di Senado Darrell Steinberg, a laga sa. Ainda no ta conoci kico ta e cambionan cu lo wordo haci dentro di e ley. Esnan afecta pa e falta di un presupuesto ta inclui

studiantenan cu tin un beca Cal Grant, anciano y invalidonan cu ta haya asistencia financiero di gobierno, como tambe miles di hende cu ta haya asistencia social den e programa CalWORKS. “Mi ta kere cu e compromisonan aki ta crea un ambiente di incertidumbre pa studiantenan y nan famia, cu kizas lo conduci nan na pospone nan estudio pasobra nan no sa si nan por paga pa nan”, segun Jonathan Brown, director ehecutivo di e Asociacion di Universidad y Colegio Independiente di California.

Senado di Arizona ta ratifica ley di arma

E compromiso pa e becanan di e programa Cal Grant ta di 159 miyon dolar. E problema cu e documentonan di compromiso ta cu varios institucion bancario por ta no ta acepta nan a cambio di efectivo. Scharzenegger a bisa cu, hunto cu e tesorero Bill Lockyer, e lo entabla conversacion cu banco y institucionnan di credito pa sigura cu e documentonan aki ta wordo acepta y cu California pronto lo por conta cu e recursonan pa respalda esakinan. “Importante ta awor pa aproba un ley presupuestario cu ta cera e deficit den su totalidad, cu ta implementa cambionan cu ta elimina gastamento di mas y fraude, y cu nos lo haci esaki sin triki, sin prestamo y sin impuesto”, Schwarzenegger a bisa. Entretanto, e orden ehecutivo di e gobernador cu e ta kita un dia adicional di trabao pa luna, sin pago, pa 235.000 empleado lo drenta na vigor diabierna dia 10 di juli. E dianan aki ta obligatorio pa tur departamento, cu excepcion di esunnan cu ta presta servicio di emergencia, por lo menos te juni 2010.

Jermaine Jackson: `Mi ta desea cu tabata t’ami’

Senado di Arizona a aproba un proyecto di ley cu ta permiti esnan cu ta carga arma scondi, pa drenta cu esaki den un local caminda bebida alcoholico ta wordo sirbi. Cu esaki e proyecto a pasa pa gobernadora Jan Brewer, cu no a bisa cu e lo sanciona e ley, pero semper tabata defensor di e derecho pa carga arma. E medida a enfrenta gruponan poderoso di presion, representantenan di e derecho pa arma contra doñonan di bar y a causa un debate riba e tema si arma y alcohol por mezcla sin dramamento di sanger. Esnan contra e ley ta bisa cu arma y alcohol ta forma un mezcla explosivo. Su partidarionan ta bisa cu nan mester por proteha nan mes incluso den un local caminda ta sirbi alcohol. E ley ta permiti un persona cu ta carga arma drenta den un local, pero e no ta permiti pa bebe alcohol. Asina tambe, un restaurant por nenga entrada na un portador di arma, loke mester ta publica den un aviso banda di e autorizacion di e local pa sirbi alcohol. 40 Estado mas a aproba leynan similar, segun National Rifle Association (NRA), e grupo di presion poderoso cu ta promove e libertad pa carga arma. Mas cu 127.000 residente di Arizona tin permiso pa carga arma scondi, pa cual nan mester pasa un curso di seguridad cu arma y un control di antecedente personal, segun Departamento di Seguridad Publico estatal.

Jermaine Jackson

Jermaine Jackson ta bisa cu e kier mira Rancho Neverland como e ultimo luhar di sosiego di su ruman Michael. Den un entrevista na e programa di NBC “Today”, Jermaine Jackson tambe a bisa cu e ta desea cu ta e a muri na lugar di su ruman menor, y cu Michael tabata “un regalo di Allah”. “E’la bay mucho tempran. Mi no sa con hendenan lo tuma esaki, pero mi ta desea cu tabata t’ami”, Jermaine Jackson a bisa. Ora a puntre di con e ta sinti asina, Jermaine Jackson a bisa cu semper e’la sinti cu e tabata e ‘weso di lomba’ di Michael. “Mi kier tabata t’ey p’e. Mi tabat’ey y e tabata manera un creacion. Cosnan cu e no por a bisa, ami a bisa nan. Durante e casonan, durante tur cos ...”Jermaine Jackson a bisa cu ora e’la bay UCLA Medical Center pura diahuebs ultimo, caminda e cantante di 50 aña a wordo pronun-

cia morto, “Mi kier a mira Michael, mi kier a mira mi ruman, mir’e eynan sin bida y sin rosea tabata hopi emocional pami, pero mi a contene mi mes, pasobra mi sa cu e ta sigui bibo”. “Su spirito ta bibo, y loke t’ey ta solamente un armadura, mi a dune un sunchi riba su frenta y m’a braz’e, y m’a mishi cune y m’a bisa, `Michael, nunca mi ta laga bo. Nunca lo bo laga mi’”. Diaranson ultimo, un vocero di famia Jackson, Ken Sunshine, a bisa cu un ceremonia publico ta wordo prepara, pero e lo no ta na Neverland. Un persona cu ta na altura di e situacion a bisa cu permiso pa dera den e propiedad na Santa Barbara, California, no por a wordo regla na tempo. Jermaine Jackson a bisa cu Neverland tabata cas di Michael. «E’la crea e lugar aki, pakico e no por t’aki ? Mi ta siti su presencia».

AWEMainta.com

Internacional 15

Diabierna 3 di Juli 2009

Piton a scapa y mata un mucha na Merca Un baby di dos aña a muri asfixia pa un colebra piton Birmano di 3,5 meter largo den un cas di Florida Central, autoridadnan a laga sa. E colebra tabata mascota di e famia. No tabata trata di un ehemplar salvahe, cu a aumenta di cantidad na un forma considerabel den sur di Florida. Agentenan a conta e corant Orlando Sentinel cu e colebra a scapa den anochi for di un haula di glas, a yega den camber di e baby (muher) y a ataca esaki. E doño a haya e animal lora rond di e cadaver di e victima y a clab’e un cuchiu mientras otro personanan a avisa servicionan di emergencia. E corant a agrega cu e colebra a logra scapa. Teniente Steve Binegar, di polis di condado Sumter, a bisa cu e colebra a mata e baby na Oxford cu ta keda 80

kilometer noorwest di Orlando. Paramediconan a bisa cu e baby ya tabata morto ora nan a yega y autoridadnan no a facilita identidad di e victima. Jorge Pino, un vocero di Comision di Pesca y Conservacion di Fauna di Florida, a bisa cu e piton no ta nativo di e peninsula y cu nan por crece fácilmente te na un largura di tres pa tres meter y mey. E’la agrega cu doñonan mester tin permiso pa tin un piton den e estado. Algun doño a laga pitonnan den libertad den zonanan di mondi y hopi a reproduci den un zona di muras cu yama Everglades. Científiconan ta sospecha cu varios piton Birmano a scapa na 1992 di tiendanan cu ta bende e animalnan aki, pa causa di orcan Andrew y for di e tempo ey nan a reproduci den sur di Florida.

Micheletti: ‘Nos no tin nada di negocia cu OEA’ E presidente designa pa Congreso Hondureño, Roberto Micheletti, a bisa den un entrevista cu su pais ‘no tin nada di negocia cu OEA’ pa restitui e presidente destitui Manuel Zelaya, pasobra esey “nunca lo bolbe na poder” na Honduras. “Nos no tin nada di negocia”, e’la bisa categor icamente despues di e ultimatum di 72 ora cu OEA a dune pa restitui Zelaya den presidencia di e pais of enfrenta e castigo di wordo expulsa di e club mericano di nacionnan democratico, algo cu no a pasa desde 1962, tempo Cuba a wordo expulsa. Pa loke ta e condena unanime di comunidad internacional y e decision di algun organismo financiero pa suspende entrega di fondo na Honduras, e’la conesta: “Nos tin compromiso cu nos pais, nos no tin nada di regla cu ningun otro”. “Si comunidad internacional ta kere cu nos a comete delito, algun eror, laga nan castiga nos y a caba. Esaki ta autodeterminacion di un pueblo”, e’la bisa prome cu e’la agrega cu 80 % di

e poblacion ta di acuerdo cu e decision pa destitui Zelaya. “Nos lo resolve e problema pa e pueblo manera nos por. No lubida cu e gobierno aki ta pa seis luna. Una vez nos elegi nos autoridadnan nobo, nan (comunidad internacional) lo tin e libertad pa duna espacio na e autoridadnan aki”. Micheletti a “garantiza” cu dia 29 di november lo tin eleccion general, manera ta programa den e calender electoral, y dia 27 di januari e lo entrega poder na esun cu resulta elegi. Zelaya “nunca lo bolbe na poder”, e’la bisa, y si e bolbe e pais manera e’la bisa cu e lo haci den fin di siman, “claro cu e lo wordo deteni” pa e responde na e 18 delitonan di cual e ta wordo acusa pa husticia Hondureño, cu diamars ultimo a emiti un orden di captura internacional contra dje. “Nos no por yega na un areglo pasobra ex presidente Zelaya aki tin orden di captura pa delitonan cu e’la comete estando den funcion”, Micheletti a bisa despues di un ceremonia den

cual e’la tuma huramento di funcionarionan nobo di su gabinete na sede di presidencia. E presidente destitui, segun Micheletti, “ya a wordo enhuicia y esey no ta permiti’e bolbe na poder”, e’la laga sa. Loke no kier men cu una vez cu e “regla su asuntonan cu husticia”, “e por tin aspiracion pa bira parlamentario den Congreso Nacional of alcalde di su pueblo”, ya cu e Constitucion actual no ta permiti reeleccion presidencial. Precisamente esey tabata su proyecto, pa cambia Constitución, y esaki a conduci na cu Zelaya a perde presidencia di e pais. Tanto poder legislativo como hudicial y otro institucionnan di e pais a opone e proyecto aki, motibo pa cual Zelaya a convoca un consulta popular (referendum), cu mester a tuma lugar diadomingo ultimo, pa pidi opinion di pueblo, a pesar cu esaki a wordo declara ilegal pa husticia. Un ora prome cu e urnanan a

habri, forzanan arma, cumpliendo cu un orden hudicial, a invadi su cas diadomingo marduga y a hibe Costa Rica. “Na e pais aki ningun hende por ta ariba ley. E’la comete asina hopi cos te cu a yega na e extremo aki”, e’la splica referiendo na e decision pa destituy’e, loke comunidad internacional a yama “golpi de Estado” y autoridadnan local ta yama “sucesion constitucional”. Ora a puntra Micheletti si nan no por a lanta un caso pa huzg’e na luga di saqu’e cu militar for di su cas na pijama, e’la bisa:

“Ami tabata parlamentario nacional y tabata Corte Supremo di Husticia cu a yega na e determinacion ey”. “Despues e’la pasa pa Ministerio Publico y despues e dos organismonan ey a presenta henter e asunto na Congreso”, e’la agrega. “Y Congreso a tuma un decision y a decidi di sutituy’e, pesey e yama sucesion constitucional y ami a wordo designa”, den calidad di presidente di Congreso pasobra asina Constitucion ta prescribi si no tin vicepresidente.

Local

Diabierna 3 di Juli 2009

AWEMainta.com

RCA Fatum Mini Baby y Baby na caminda pa campeon Diasabra awor ta na turno di Mini Baby y Baby pa hunga nan ultimo wega pa campeon. Mini Baby lo enfrenta e equipo di Estrella pa 10 or di mainta y Baby lo enfrenta e equipo di Britania pa 12 or di merdia. Division Lifida A lo hunga pa 1or di merdia y Lifida B lo hunga 3 or di atardi pa di 3 y 4 lugar.

Diasabra awor 4 juli RCA Mini Baby y Baby lo hunga nan

ultimo wega pa campeon den e campeonato regular di Lifida.

Despues cu tur division di RCA Lifida a clasifica pa playoff,

unda ya e division di Menor a titula campeon caba.

RCA ta invita tur fanaticada di RCA, famia y tur fanatico di futbol infantil pa bin apoya nos muchanan e proximo diasabra awor 4 di juli.

Exitoso Extreme H Games na Frans Figaroa na Noord

Diasabra ultimo, Richard

Visser Institute a tene otro exitoso Extreme H Games na Frans Figaroa nan Noord. Ya pa tres aña consecutivo e proyecto aki di Comunidad cu Vitalidad titula “Extreme H Games” ta haciendo un diferencia den nos hobennan cu a participa. RBTT, ENNIA y Interservice Clubs of Aruba a presenta otro Extreme H Games na Compleho Deportivo Frans Figaroa, cu yen di energia y dinamismo pa nos hobennan entre 6 pa 17 aña. E biaha aki Rose-Ann tabata invita pa duna ZUMBA n’e hobennan di Extreme H Games. Por a ripara cu nan a gusta esaki imensamente. Nan a goza e sesion cu e famoso pintor Elvis Tromp y presente pa instrui nan riba con pa biba saludabel, tabata dr. Richard Visser. Rene Wild a duna nan un work out cu hopi energia riba tereno y nan a baila despues riba ritmo di Danza Aruba cu juffrouw Yarzagaray.

E biaha aki nan a prepara un lunch saludabel cu yen di berdura y nan a wordo instrui pa chef Reynaldo Maldonado y Alex Adoptie. Nan a ricibi e acostumbrado sandwich saludabel di Subway y nan tur a bai cas cu un fruta pa tene e dokter leu. Pero prome cu esey nan tur a goza di e sesion di Capoeira bao direccion di Marlon Matthew. Esaki t’e parti cu e muchanan ta encanta masha hopi mes. Dos scol di Capoeira a uni hunto y nan a trese dilanti un bunita show diasabra ultimo durante di Extreme H Games.

E siguiente evento lo ta diasabra 25 di july na YMCA San Nicolaas for di 10’or di mainta te cu 1:30pm. E instituto aki di Richard Visser a bin ta haciendo y lo sigui haci actividadnan cu ta saludabel, cu ta brinda educacion y ta presenta e oportunidad pa mira alternativanan pa un persona biba un bida saludabel den tur sentido.

AWEMainta.com

Local 17

Diabierna 3 di Juli 2009

Aruba Airport Authority N.V. ta rindi homenahe na

Empleado cu a bai disfruta di su Pension. Recientemente Aruba Airport Authority N.V. tabata di fiesta, ya cu a despedi di un colega cu a bai disfruta di su Pension. Na anja 1992 Sr. Dominico Thiel a cuminsa traha na Directie Onderwijs como aankomend Vakman, na 1993 ela hanja overplaats na Kor-

rectie Instituut Aruba y na anja 1994 ela hanja overplaats di Kia na Luchthavendienst security den e ramo di adspirant-Bewakingsbeambte, mesun anja ela bira Bewakingsbeambte. Na anja 1996 ela wordu promove na Bewakingsbeambte 1ste klasse. Awor Sr. Dominico Thiel ta despedi di Aruba Airport Authority N.V. pa bai disfruta debidamente di su pension. Managing Director di AAA N.V., Sr. Peter Steinmetz a expresa palabranan y desea Sr. Dominico Thiel un bon pension.

Aruba Inter national Triathlon diadomingo awor Aruba Triathlon Association ta organisa, diadomingo, 5 di juli awor e Aruba International Triathlon 2009, cu participacion di atletanan local y internacional. Paisnan cu lo participa ta Aruba,Venezuela, Merca, Hulanda y Corsow. E evento ta cuminsa 6:30 di mainta n’e beach dilanti di Holiday Sunset Spree (Host Hotel) y nos ta calcula cu e ultimo participante lo termina pa 10:00 di mainta. Entregamento di premio ta sigui di biaha despues di e evento. E competencia ta den distancia Olympico manera landamento, bicicleta, core. Por participa den categoria masculino, femenimo, diferente edad.Awe nochi tin inscribcion den lobby di Holiday Inn Sunset Spree: for di 7 pa 9 or di anochi y diasabra for di 4 pa 6.30 di atardi.Pa mas informacion por tuma contacto cu: Sr. Nicolaas Robert cel # 594-0187 of Glenda Croes cel # 594-0067. ATA ta spera cu e atletanan local a prepara nan mes debidamente p’e evento grandi aki.

Local

Diabierna 3 di Juli 2009

Xpresa bo mes

AWEMainta.com

noticia@awemainta.com Tur comunicado o remetido cu ser manda pa AWEMainta mester inclui nomber, fam y number di telefon di e remitente. AWEMainta ta keda cu e derecho reduci of edita esakinan pa publicacion.

AVP/MEP a sigura na pensioen y a pone di bo na peliger Skirbi pa Mario Lopez di RED Democratico Mientras cu AVP/MEP (Nan) a: sigura Nan mes cu un pensioen di Afl 11.000 pa luna pa cada ministro cu a cumpli 45 aña di edad despues cu cumpli 4 aña di trabao y sin cu nunca a paga ningun cen na premie. sigura un pensioen di Afl. 8.000 pa luna pa parlamentario for di 50 aña di edad despues di 12 aña pa ta marioneta di partido enbes di ta funciona como representante di pueblo. percura pa Nan por acumula varios pensioen riba otro y asina por cobra mas pensioen cu salario mes. traha un ley pa Nan cobra overbruggingstoelage di mas di Afl 100.000 den un solo tiro na momento cu Nan retira for di parlamento of como minister.

Esaki ta keda aplica irespecto cu Nan lo keda cobra un salario mas halto . percura cu e ley di overbruggingstoelage repiti di nobo cada bes cu Nan bira minister of parlamentario y despues tin cu hala un banda pa e otro color goberna. Pues AVP/MEP den e forma aki na un manera aproba pa Nan mes, ta comete ‘estafa’ enrikeciendo Nan mes formalmente cu placa di pueblo. Na mes un momento AVP/MEP a haci politica cu nos pensioen y awor si nos no pone un paro na e mal maneho di Nan, nos lo keda dentro di 6 aña sin pensioen.: na 1992 Nan a baha e edad di pensioen di 62 pa 60 aña, apesar cu instancianan concerni a

Graduadonan di Juliana School 2009 Di e 81 candidato cu a pasa examen 62 graduado a pasa nan examen cu exito cu ta 77%. Darwin Rodgers ta e mihor graduado cu 47 punto y Siegfried Hart a slaag cu un 10 pa scheikunde. E graduadonan ta: Maria-Elizabeth Arends, Mysherla Bargues, Angelique Barros, Emely Becker, Ruanny van den Berg, Jonathan Berkley, Razilee Boekhoudt, Ruchennel Coffie, Ashmyl Croes, Claudia Croes, Rashid Croes, Noadiah Diaz, Esther Donato, Ester Fernandez, Alexsander Figaroa, Antoine Geerman, Thais Geerman, Andre Giel, Cindy Giel, Katerine Gonzalez, Mario Gonsalves, Alida Granados, Siegfried Hart, Kenna Hernandez, Elizabeth Ho, Victor Huamani, Ruthsella Imperator, Nick Jam, Heleny Jansen, Carlton Kelly, Awinash Khoenkhoen, Dwight Koolman, Raymbert de Kort, Sherelyn Lacle, Fransline Lamothe, Marelene van der Linde, Tara Mansur, Stephanie Matos, Jolina Morillo, Kowan de Palm, Susan Paredes,Luisa Parra, Jonathan Ponson, Abigael Rafaela, Marc-Anthony Ranis, Maggid Reategui, Raquelle Reeberg, Hillary Rey, Darwin Rodgers, Elisais Rodriques do Vale, Branden Silva, Gregory Sivo, Shekinah Snijders, Jacqueline Steward, Xavier Susanna, Marisella Tromp, Hildward Werleman, Nataly Wever, Rose-Ann Winterdal, Igner Wong, Huazan Ye, Minyi Ye. Directiva y personal di Juliana School kier a felicita e mayornan pa e sosten y dedicacion cu nan a demostra durante e periodo cu nan yiu tabata cerca nos. Nos kier a desea tur nos graduadonan hopi exito den futuro.

adverti Nan cu esaki lo hinca nos fondo di pensioen den peliger. Esaki puramente Nan a ehecuta en bista cu e eleccion cu tabata ‘den porta’. na 1993 Nan a aumenta e pensioen cu 40% neglisiando atrobe tur consehonan cu un bes mas a adverti Nan riba e peliger pa e fondo. na 1994 Nan a redobla e pensioen original y a subi e premie di 7.2 pa 11.5 %. Na e mes un aña aki S.V.B. y K.P.M.G. a pone na conocemento di Nan cu Nan iniciativanan lo conduci na bancarota di e fondo di pensioen. Sinembargo na 1998 pa haci politica y asabiendo cu Nan lo hinca e fondo di pensioen mas ainda den peliger, Nan a sigui aumenta pensioen, pa asina

tapa wowo di pueblo cu tabata dirigi riba Nan, pasobra na un manera hopi cuestionabel na augustus 1997 Nan a redobla contra tur conseho, Nan salario cu aprobacion unanimamente di tur parlamentario. Na 2005 Organisacion Internacional di Labor a investiga salud di nos fondo di pensioen y a adverti seriamente cu mester tuma accion riba varios tereno pa salbaguardia e fondo aki. A base di e raport aki un grupo di experto di Aruba a manda gobierno un lista cu varios recomendacion. Gobierno a neglisha mayoria di e recomendacionnan aki. Na 2008 a bira obvio pa experto cu e fondo ta core un peliger hopi grandi pa un bancarota dentro di 6 aña. E deficit di

SVB lo sigui subi di 9.000.000 florin na 2008 pa 100.000.000 na 2016. Mirando e deficit creciente di SVB, por calcula cu e fondo lo keda bashi na 2015. E entradanan di premie ya no ta cubri gran parti di pensioennan. (lesa pag. 2 di programa di RED) Awor bo ta bolbe pone bo confiansa den un sistema corumpi di hiba politica y goberna? of bo ta escohe pa un sistema inovativo cu ta garantisa integridad y honestidad di gobernacion cu pa medio di un control severo di parlamento lo no bay duna espacio mas na mal gobernacion? RED ta ofrece bo un gobierno di pueblo pa pueblo y no un gobierno pa grupo manera Nan ta duna.

Cultura Na Caminda pa 2025

E proyecto pa e Plan Nacional di Nos Aruba 2025 ta desaroyando activamente riba varios tereno importante di nos comunidad. Un di e actividadnan pa e siman aki ta e evento pa publico di e Comision Cultura. E Comision Cultura a cuminsa como un iniciativa di e NGO Aruba International Arts Foundation, despues di a nota cu e tereno cultural ainda no tabata representa debidamente den e Plan Nacional pa 2025. Na maart ultimo a forma un comision incluyendo NGOnan, gobierno, y miembronan individual cu hopi expertisio divergente riba tereno cultural na Aruba. For di e tempo ey un grupo nucleo ta trahando duro pa logra cumpli cu e exigencianan di e contenido di e plan pareu cu e otro comisionnan. Mester nota cu e tereno di cultura ta un tereno hopi amplio, cu ta forma un fundeshi y un dak riba hopi otro aspectonan di nos comunidad Arubano, manera p.e. aspectonan social,

educativo, recreativo, gubernamental, ambiental, etc.

Pa e evento aki, miembronan di e Comision Cultura ta poniendo tur nan expertisio y tempo liber disponibel pa asegura cu lo bin un bon plan pa desaroyo di cultura na Aruba. Meta di e plan aki ta pa nos comunidad cana e caminda pa un cultura sostenibel na un manera conciente, educa, organisa, y inspira.Parti di e plan aki ta pa analisa y defini kico cultura ta y cua ta e caracteristacanan specifico di ‘Cultura Arubano’. Tambe e plan lo delinea tur e tereno y stakeholdernan cu ta pertenece na cultura y con lo por tene cuenta cu tur den forma integra y sostenibel pa yega na un desaroyo optimal na beneficio di futuro generacionnan.Esaki ta ingredientenan di e plan cu e comision ta desea di presenta na e publico en general y na su stakeholdernan en particular, pa asina haya e feedback necesario pa continua cu e trabao importante pa nos

comunidad. Cultura ta toca nos tur. Pues tur miembro di e comunidad Arubano y tur miembro di e sector cultural (den e sentido mas amplio di e palabra) ta cordialmente invita pa ta presente den MUSA Cas di Artista, mañan, diasabra dia 4 di juli di 5 ‘or te 7’or, pa comparti y aporta na un momento importante den nos historia cultural. Entrada ta gratis, bin inspira pa forma e Aruba di futuro! Abo disidi awe, nos Aruba di mañan

AWEMainta.com

Local 19

Diabierna 3 di Juli 2009

Situacion economico di Aruba ta empeorando

Gobierno no ta tumando ningun paso pa mehora esaki Parlamentario di partido AVP, Andy Lee a comenta riba e situacion economico di Pais Aruba. Mirando cifranan disponibel pa loke ta trata economia di Aruba ta duna nan un preocupacion hopi grandi como partido AVP mirando e implicacion di e cifranan aki pa e situacion economico di nos pais. Cifranan di departamento di Belasting cu ta mustra pa luna e ingresonan ricibi for di empresanan, consumidornan, etc y esaki ta duna un bista di con economia ta canando, pero tambe por mira cifranan di hotel. Pa luna di mei pa loonbelasting por mira un caida di 23%, esta 4.7 miyon den un solo luna cu no a wordo genera den loonbelasting y esaki ta duna un bista cu tin caida den cupo di trabou na Aruba basta pisa. E caidanan aki den loonbelasting por wordo mira consistentemente for di januari bin ariba. Januari a cay cu 9%, februari cu 19%, maart cu 7%, april cu 2% y mei cu 23%. Promedio di e lunanan aki ta duna un caida di 13%. E cifranan aki ta cana consistentemente cu AOV cu tambe ta basa riba e suma di loon cu ta wordo paga y tambe ta cana consistentemente cu AZV cu tambe ta basa riba e suma di loon cu ta wordo apga tur luna. E mesun tipo di caidanan ta wordo mira

caminda cu AZV a cay cu 23% y AOV a cay cu 14%. Un otro preocupacion ta e caidanan den BBO, cual ta un indicacion di e consumo na Aruba. Aki por mira un caida di 13% den luna di mei loke ta significa 1.9 miyon florin. Si cohe di januari pa mei por wak un caida di casi 5 miyon florin, lo cual ta significa 7%. E mesun trend consistente por wordo mira cu invoerrechten cu ta un forma di entrada independiente di BBO. E caida aki ta di 23% na mei y un caida di 9.3 miyon di januari pa mei. E caida di BBO y invoerrechten ta indica un caida den consumo y tambe den export di servicionan turistico. Pa loke ta e area di hotel, Andy Lee ta indica cu e Revenue per available room (REVpar) den luna di maart a cay cu 17.9%. Loke e REVpar ta bisa ta cu si un camber normalmente ta trese un cierto cantidad di placa pa dia, sin importa cu e ta ocupa of no, y ora cu tin un caida di 18% esey kiermen cu nan ta ricibiendo 18% menos pa camber, cual ta un indicacion fuerte cu e benta di servicio turistico di e hotelnan no ta cana mesun bon y esaki ta un refleho di e situacion economico. E situacion aki ta indica cu lo por tin un recesion economico na Aruba, pero lamentablemente no tin cifranan disponibel cu ta indica esaki, pero e

downturn economico aki na Aruba tin diferente factornan, tanto interno como externo. Esunnan interno a cuminsa desde october caba y un di e componentenan importante ta e maneho presupuestario cu gobierno a bin ta hibando caminda ta crea deficit pa consumo di gobierno y no pa inversion di gobierno. E deficitnan aki mester wordo financia den un cierto forma, y esaki ta wordo haci pa entre otro aumento di invoerrechenten di dos a単a pasa, introduccion di BBO y esaki na su bes ta hisa e costo di operacion como negoshi. E maneho aki hiba pa gobierno no ta uno consistente cu ta concorda cu uno pa stimula economia. Un otro factor interno ta cu e maneho economico no ta den man di e minister di economia, pero mas bien ta ser dirigi pa e minister di infrastructura cu ta determina unda ta pone edificionan nobo, unda ta pone mallnan nobo cu ta duna indicacion di e direccion cu nos economia ta bay. Pesey Lee ta bisa cu e planificacion ta hopi malo y no tin ningun tipo di overleg cu stakeholders. E factornan externo ta reforza e situacion aki. E crisis economico mundial andando actualmente cu e posicion debilita di nos economia ta hit basta pisa, pero tambe aumentonan drastico di

e prijs di petroleo ta trese cune aumento den awa, coriente y gasolin y esaki na su bes ta haci cu costo di operacion ta sigui subi y entrada disponibel di hogarnan ta bira menos y esaki ta conduci cu e demanda ta cay. Pa colmo por mira cu gobierno no a bin ta haciendo nada pa stimula economia, ta laga tur cos para y no ta sinta cu gremionan. E placa di Plant NV a yega y solamente 18 miyon florin a bay pa stimula crecemento economico dor di inverti riba mercadeo pa turismo y no ta mira e rendimento di esaki mirando e caida den turismo. Parlamentario di AVP ta considera cu pa stimula economia lo mester cuminsa busca sosten di gremionan pasobra sin cu yega na un li単a cu gremionan comercial y sindical riba con ta bay atende e situacion economico aki, como gobierno lo bay ta hicando placa pa resolve kizas problemanan otro cu no ta esunnan economico pa genera crecemento y actividadnan economico. Ademas mester pone hopi atencion riba e export di servicionan turistico, mester bay inverti mas den mercadeo. Lo mester inverti tambe den mehoracion di producto Aruba (tene Aruba limpi, upgrade medio ambiente, haci Aruba mas netjes, inverti den servicio).

Un otro punto cu Andy Lee ta considera cu mester wordo haci ta tin control riba e situacion fianciero pa loke ta entrada y gastonan, caminda cu por mira cu di januari pa mei gobierno su entrada a cay cu 25 miyon florin y entradanan total a cay cu casi 40 miyon florin. Esakinan ta indicativo cu gobierno su presupuesto no ta den balanza y ta sigui crea deficit cu lo mester bay wordo financia dor di prestamonan cu ta haci cu e rente cu nos ta pagando ta subi. Mester bay mehora e clima di inversion y crea confianza economico atrobe. Maneho fiscal lo mester ta mas conforme produccion. Pero tur esaki lo depende den e situacion cu lo haya e caha di gobierno y esaki lo ta e sorpresa mas grandi ora drenta gobierno pasobra no sa realmente kico e situacion ta, Andy Lee a duna di conoce.

Local

AWEMainta.com

Diabierna 3 di Juli 2009

Rene ‘Baba’ Herdé (AVP)

Mudamento temporal di Maria College pa Washinton pa motibo di maneho

“Ta manera e studiantenan y maestronan di MARIA COLLEGA (mavo) no a pasa basta aña den un scol den e pio condicion cu Bo por imagina Bo. Pa hopi aña e scol aki ta riba lista di prioridad pa wordo renoba. Pero posponemento, dunamento di prioridad na otoro scolnan, falta di placa y falta di maneho y planeamento, a haci cu e situacion ta absolutamente insoportabel! Un berguensa pa tur hende cu tin di haci cu e scol y un dolor constant pa e esnan cu tin cu studia y traha den e scol. Si condicion di e edificio

ta influencia e calidad di enseñansa, anto MARIA COLLEGE ta un bon ehempel di esey! Na palabra ta Rene ‘ Baba’ Herdé papiando riba e mudamento di Maria College pa Washington. Despues di hopi aña di warda y solamente un reconstruccion parcial di e scol, ta bai drecha e scol awor. Ta bai tuma mas cu un aña pa haci e trabou aki. Mester muda e scol temporalmente. Como cu no a traha lugar pa e scol muda y na Aruba no tin lugar cu por usa pa scol, a dicidi di muda e scol pa Centro Wash-

ington na Noord. E alumnonan, nan majornan y maestronan di scol a wordo informa di esaki. Awor cu aña di scol ta bai sera, e malcontento cu e decision aki di minister di enseñansa, ta cuminsa sali. Tin majornan cu no sa unda nan bai pa entrega nan preocupacion. Algun major a purba pone nan jiu na otro scol, pero tur scolnan di mavo ta yen. Asina yen cu hasta alumnonan cu a caba scol basico no por haya luga na scolnan di mavo na Playa of Santa Cruz. E scol nobo cu minister a bisa cu ta bai traha, ta bini cla aki dos aña, si nan cuminsa awor aki! Otro majornan a accepta e decision ya cu no tin otro lugar pa bai. Tin maestronan cu no kier traha dos aña den un lugar cu no ta traha pa scol y cu lo haci studiamento y dunamento di les mas dificil. PROBLEMA & SOLUCION Rene ‘ Baba’ Herdé: “Cu no tin otro lugar pa pone e scol awo-

‘Baba’ Herdé; “Esey no por den ningun di e scolnan aki, pasobra no tin espacio pa traha mas klas. Una vez cu tur e scolnan aki ta cla e scol ‘temporal’ aki lo por bira un scol nobo y yuda haci e cantidad di alumno den un klas mas chikito, cu ta algo deseabel pa yuda drecha e calidad di enseñansa. E motibo pakico nada di esaki a sosode, ta simplemente falta di atencion pa enseñansa! Falta di duna prioridad na enseñansa! Falta di duna prioridad na drecha scolnan cu ta den masha mal estado, mientras si a duna atencion na cosnan di menos urgencia. Awe atrobe nos ta wak con mal maneho di enseñansa ta afecta nos muchanan seriamente! Awor e minister a laga sa cu ta bai traha un ‘masterplan’ pa edificionan di scol. Ta ken e minister kier tene pa kens? Despues cu a sinta ocho aña den gobierno, kier purba gaña nos net prome cu eleccion?”

raki ta berdad. Pero ta berdad tambe cu ta hopi aña caba cu tur esnan envolvi tabata sa cu e dia lo yega cu lo mester drecha e scol y cu lo mester muda pa haci esaki. Na 2001 a busca solucionnan pa mudamento temporal di MARIA COLLEGE. E construccion di un scol nobo den vecindario di Playa tabata e solucion. E motibo pa esaki ta cu no ta solamente Maria College mester wordo drecha, pero tambe La Salle College cu ta den un situacion casi mes malo. Juliana School, Beatrix School, Rosario College (cu tambe ta muda awor aki) y otro scolnan cu mester wordo drecha a corto plazo. Nan tambe mester muda pa Washington pa un aña of mas?” Un otro bentaha di traha un scol cu lo fungi como lugar temporal pa e scolnan aki, mientras cu nan edificio ta wordo drecha, ta cu mester crea espacio pa haci e klasnan mas chikito. Rene

SCHEDULE FOR WEEK OF JULY 2 - JULY 8 *matinee: saturday & sunday | late show: friday and saturday

AT RENAISSANCE - ORANJESTAD

ICE AGE: DAWN OF THE DINOSAURS

daily: matinee:

4:15 2:10

PUBLIC ENEMIES

daily: matinee:

12:00

TRANSFORMER 2

daily: matinee:

VISIT US ONLINE AT WWW.THECINEMAS.AW

12:00