LADRONAN DI FLATSCREEN A WORDO CAPUTRA
GRATIS POLIS cu actuacion relampago a logra detene 4 sospechoso di ladronicia na un cas na Jaburibari. E sospechosonan a drenta den un cas, unda nan a bay cu un flatscreen. Cu e.o. esaki den un auto, color di oro, nan a cuminsa busca benta p’e articulonan horta. Algun persona a señala e auto aki den Playa e.o. den Ranchostraat. Polis atento a sigui e auto y asina a logra detene e sospechosonan den J.G. Emanstraat. Awor nan mester bay duna cuenta di hechonan. Ni den dia, famia no por ta trankil mas. Esaki ta un forma nobo di modus operandi, ora cu no tin hende na cas, kibra drenta pa horta. Diahuebs 4 di Maart 2010 | Margrietstraat 3 | Tel: 583-1400 | Fax: 583-1444 | noticia@awemainta.com
ARUBA AIRLINES A DUNA UN BON BINI NA SU PROME AVION Ta trata aki di un Piper Chieftain
ORANJESTAD – Pa hopi tempo caba hende tabata puntra nan mes kico ta Aruba Airlines of ken ta Aruba Airlines. Finalmente e compania aki ta asina leu cu e por cuminsa revela su mes na e comunidad Arubano. Ayera tabata un dia grandi pa Aruba Airlines, ya cu a celebra yegada di nan prome avion. Aruba Airlines ta un compania local cu ta den pleno preparacion pa termina e proceso, pa logra nan Airline Operator Certificate(AOC). Cu yegada di e avion di Aruba Airlines, un Piper Chieftain cu capasidad di 7 pasahero y matricula PA 31350, e compania ta duna inicio na un etapa nobo den e proceso pa cuminsa cu nan operacion mas pronto cu ta posibel. Parti di e proceso pa haya e AOC ta
cu Aruba Airlines, mester percura pa haci cierto buelonan di prueba cu lo keda ehecuta dentro di poco, pa asina hunto cu Departamento di Aviacion civil, demostra cu Aruba Airlines por cumpli cu loke tin skibi den e manualnan. Na mes momento Aruba Airline ta terminando cu tur e entrenamento di e piloto nan. Na haltura di e proceso di entrenamento aki, ta necesario pa e avion ta na Aruba, pa por continua cu e seccionnan di ehercicio, pa asina sigui cumpli cu tur regla y rekisito di Departamento di Aviacion Civil ta exigi di un compania cu ta desea di ehecuta buelonan charter y regular. E obhetivo principal di e compania aki ta pa den futuro yega mucho mas leu cu solamente
buelo charter pa Punto Fijo y Antia Hulandes. “Awor cu e avion ta na Aruba, oficialmente por cuminsa plania riba e fecha di buelo inaugural di Aruba Airlines”, asina sr. Onno de Swart, CEO di Aruba Airlines a indica. Pa ehecuta e buelo inaugural, Aruba Airlines mester ricibi e AOC, cu lo keda entrega despues cu Aruba Airlines cumpli cu e rekisitonan di Departamento di Aviacion civil. Sr de Swart ta kere cu nan por logra esaki den un tempo record. Aruba Airlines ta un compania netamente priva, cu inversionistanan local y cu ta trahando pa asina mas pronto cu ta posibel cuminsa brinda su servicionan na e comunidad Arubano, Antiano y Venezolano.