09 jan 2015

Diabierna, 9 Januari 2015

ACUERDO PA INICIA CU CONSTRUCCION MFA PARADERA A KEDA FIRMA

GRATIS

FUNCIONARIONAN ENVOLVI CU KLM, A BISHITA PROME MINISTER EMAN

PG.3

AWEMainta.com

|

E-mail: noticia@awemainta.com |

www.facebook.com/Awemainta | Tel: 583-1400

2

AWEMainta Diabierna, 9 Januari 2015

Investigacion ariba e condicionnan di trabou door di gobierno di Aruba DEN e siguiente lunanan Deloitte Dutch Caribbean, su seccion di Human Capital Consultancy, Training & Assessments lo inicia cu un investigacion ariba e condicionnan di trabou na Aruba. E tarea aki ta wordo realisa ariba peticion di gobierno di Aruba. A base di e resultadonan di e investigacion menciona, gobierno di Aruba lo evalua su maneho y structura actual di salario y lo ahusta esaki si ta necesario.

E iniciativa aki hunto cu algun otro iniciativa di gobierno, tin como meta pa realisa un aparato gubernamental pro-activo, profesional y cu ta enfoca riba e cliente. Den e simannan cu ta bin lo haci un apelacion na e sector priva y e sector semipriva pa di e forma aki nos por inicia cu e sondeo di salario.

Organisacionnan rond Aruba por spera un solicitud pa forma parti di e investigacion concerni. Unabes esaki tuma luga e organisacionnan participante lo ricibi dos lista di pregunta cu por ser yena y manda bek pa Deloitte.

E prome formulario lo contene un lista di pregunta na unda e organisacion participante por yena informacion general tocante nan condicionnan di trabou. E di dos formulario ta trata preguntanan specifico relata na un asina yama “benchmark” di un variedad di funcionnan estableci. Organisacionnan cu forma parti di e investigacion aki lo ricibi un resumen anonimo di e resultado di e sondeo como intercambio pa nan cooperacion. Cu esaki un organisacion por evalua su propio pakete di condicionnan di trabou ariba un escala mas grandi, ariba e mercado di Aruba.

Land Aruba a yega na un palabracion cu Deloitte pa garantisa cu e informacion obteni lo keda anonimo y confidencial. E resultado di e investigacion lo ser trata anonimo y lo no contene ningun nomber di e organisacion of otro informacion di cual por deduci di cua organisacion e informacion ta bin.

Deloitte lo comparti unicamente resultado anonimo di e analisis cu Land Aruba.

Despues cu e analisis di e resultadonan termina, lo destrui tur e datonan compila pa asina aki finalmente cumpli cu e palabracion haci cu gobierno di Aruba. Deloitte lo informa gobierno di Aruba di e organisacionnan cu lo forma parti di e investigacion aki, pero lo no comparti datonan individual.

Cu participacion na e investigacion, organisacionnan participante lo contribui pa sigui profesionalisa e maneho di Departamento Recurso Humano dentro di e capa di sector publico di Aruba. Esaki finalmente lo mehora e servicionan cu gobierno ta brinda na comunidad y indirectamente lo garantisa un progreso positivo pa Land Aruba den su totalidad.

Pa mas informacion tocante e investigacion (y participacion na esaki) por tuma contacto libremente cu Sra. Esther Baaij of Sra. Maghalie van der Bunt- George via salarisonderzoek@ deloitte.com of via number di telefon 582 6235. Tambe por tuma contacto cu un representante di Departamento Recurso Humano, Sra. Christina Geerman via number di telefon 522 9999.

Sra. Daphne Cesareo Lejuez

lo dirigi directiva di KVK pa 2015 CAMARA di Comercio y Industria (KvK) a eligi den su reunion dia 7 di januari 2015 Presidente y Vice-Presidente pa aña 2015.

Sra. Daphne Agius Cesareo-Lejuez a keda eligi p’e demas miembronan di directiva como Presidente y sr. Robert Carrasquero como VicePresidente.

Pa di tres biaha den su historia di mas di 80 aña, Camara di Comercio por conta cu un persona femenino como Presidente. Anteriormente, sra. Janice Ho Kang You – Arends y recientemente sra. Sheila van Veen a ocupa e puesto aki.

Banda di e Presidente y Vice-Presidente, directiva di KvK ta conta cu e damanan Lindsey Wever, Julisa N. Arends-Hoevertsz y Sandy R. Odor y cu sres. Omar Tromp, Francisco L.M. de Mey, Ernst J.E. Mohamed y Oscar S. (Trey) Wyatt.

Na december ultimo sres. Robert E. Carrasquero y Frans L.M. de Mey a keda re-eligi y a yama e dama Sandy R. Odor bon-bini como miembro den directiva pa un periodo di tres aña (2015-2017) y sr. Satish D. Daryanani a termina su periodo como miembro di KvK. KvK ta extende un biaha mas palabranan di aprecio y gratitud pa su apor te n’e trabao di KvK.

E Presidente y Vice-Presidente, hunto cu e Secretario/Director Ehecutivo, sr. Leo Maduro, ta forma e directiva diario di Camara di Comercio.

Como Presidente suplente, den caso di ausencia di tanto Presidente como Vice-Presidente, a keda nombra segun stipulacion legal e persona di mas trayectoria sin interupcion den directiva di KvK, cu ta sr. Francisco de Mey. Directiva di KvK ta conta di por continua na aña 2015 di duna su ap������������������������ orte na bienestar di comercio y industria y di comunidad en general cu hopi energia y entusiasmo.

AWEMainta Diabierna, 9 Januari 2015

3

Funcionarionan envolvi cu KLM, a bishita Prome Minister Eman Pre-Clearance, Happy Flow y Turismo tabata temanan discuti DEN su despacho Prome Minister Mike Eman a ricibi mr. B.J. Swagerman y mr.

J.W.E. Storm van ‘s Gravezande. Banda di ta miembro di Eerste K a -

mer di Hulanda Swagerman ta tambe Vice Presidente di Servicio di Seguridad di KLM. Storm van ’s Gravezande a traha hopi aña cu KLM y awor ta un consultant riba tereno di aviacion y Vice Presidente di Bonaire International Airport NV (BIA). Nan bishita cerca Eman tabata primeramente como representante di e compania ey. Tambe a toca e tema di Pre-Clearance y Happy Flow.

Swagerman a bisa cu e combersacion cu Eman a bay hopi bon. “Como representante di Bonaire International Airport

NV nos kier yuda den formalisa e desaroyonan cu tin. Nos a constata cu e islanan ABC den e region Caribense mester sigui den coherencia cu otro.

Un di e temanan cu nos a papia riba dje ta con promove turismo riba e islanan Aruba, Bonaire y Corsou. Pa haci esaki hunto p’asina e economianan di e islanan por sigui crece. Den e contexto ey nos a papia riba e topico Pre-Clereance pa Aruba y e Happy Flow”.

Pa loke t’e topiconan interesante aki Swagerman a bisa cu

Pre-Clearance y Happy Flow mester haya nan forma den un cooperacion publico/priva.

Schiphol, KLM y Aruba como iniciador ta envolvi den e proyecto aki, pero tambe Ministerio di Seguridad y Husticia di Hulanda y Ministrio di Finanza ya cu Aduana ta bay hunga un rol grandi den e proceso aki.

“Aruba tin caba su Pre-Clearance Mericano y mescos cu p’esey a implementa un parti Mericano aki, lo mester haci cu Europa. Hulanda riba su mes no por dicidi pa translada su controlnan di frontera pa Aruba. Esey mester sosode cu permiso di Comision Europeo.

Eman y tur e miembronan di e stuurgroep ta trahando duro pa logra esaki p’asina Secretario di Estado Teeven bay cu e mision aki na Europa. Nos tin entendi cu Teeven ta sostene e proyecto aki completamente.”

Pa loke ta ‘Happy Flow’ Swagerman a splica cu esey tambe ta un topico cu a wordo discuti cu Prome Minister.

E parti di ‘Happy Flow’ cu ta ensera cu e forma di procesa pasaheronan ta bay mas liher, haciendo uso di biometria, ta bay start dentro di algun luna.

Storm van ‘s Gravezande a amplia un poco mas riba e desaroyonan na Aeropuerto di Bonaire. “Hunto cu e stuurgroep nos ta wak unda Bonaire Airport or hunga un rol den e desaroyo di aviacion y turismo den e region Caribense. Aki nos ta referi tambe na Aruba y Corsou pa wak pa haci’e interesante.”

Storm van ‘s Gravezande ta mira cu Pre-Clearance y Happy Flow ta pas den e contexto aki p’e turistanan di y pa Europa.

Ambos funcionario ta di opinion cu Aruba, Bonaire y Corsou por complimenta otro dor di ofrece un pakete na turistanan Europeo.

Turistanan cu ta haya sumamente interesante pa bishita e islanan. Asina nan por haya e oportunidad pa bin Aruba p’e beachnan bunita, bishita Corsou pa su historia cultural y Bonaire pa su trankilidad y naturaleza. “Cada isla riba su mes tin su caracteristica specifico y e idea ta pa mira e islanan ABC como un hub turistico. Cada aeropuerto tin su balor adicional p’e economia di e isla. E islanan por fortifica otro di e forma aki. ”

4

AWEMainta Diabierna, 9 Januari 2015

Otro baluarte di nos cultura

Don Ramon Krozendijk

a bay sosega Casonan penal cu Corte di Prome Instancia tin pa trata awe Casonan penal cu Corte di Prome Instancia tin pa trata awe Rol 9 di januari

Orario

Sospechoso

ActoCastigabel

08.15

J.A.O.

Pro forma. J.A.O. ta wordo acusa di, conhuntamente cu un otro of otronan, ladronicia den un sportsbar di un caha cu mas of menos 900 florin aden y/of boternan di bebida sterki y/of carchinan di telefon y/of cigariariba 15 september 2014.

08.15

A.A.T. E.J.M.L.

Pro forma. A.A.T. y E.J.M.L. ta wordo acusa di, conhuntamente cu un otro of otronan, ladronica den un joyeria di joyas di oro riba 11 di augustus 2014.

Nan ta wordo acusa di, conhuntamente cu un otro of otronan, ladronicia den un joyeria di joyas di oro y zilver y holoshi di man riba 18 di augustus 2014.

Nan ta wordo acusa di, conhuntamente cu un otro of otronan, ladronicia den un joyeria di holoshi di man den e periodo di 20 pa 21 di september 2014.

08.30

F.R.S.

F.R.S. ta wordo acusa di ladronicia cu violencia di auto di un persona riba 22 di februari 2014. E violencia a encera cu el a intencionalmente saca un cuchio grandi y mustra e chofer y a bise: “Bula na banda” y/of “Placa, placa!” y/of a pone e cuchio riba pecho di e chofer.

09.00

R.S.L.

11.00

C.M.M.F.

R.S.L. ta wordo acusa di, conhuntamente cu un otro of otronan, ladronicia cu violencia den un cas di un telefoncelular y/of joyas y/of rugzak(nan) di un y/of dos persona riba 30 di november 2013.

E violencia a encera cu a drenta kamber di e personanan cu arma di candela den man, a pone arma riba nan, a ranca e cadena for di garganta di esun persona y a grita“Where is money? Where is money? Money. Give me money”.

C.M.M.F. ta wordo acusa di a comete actonan sexual cu un persona menor di edad den e periodo entre 2007 y april 2013.

AYERA mainta, nos a haya informacion, cu e conocido personahe, y sigur un baluarte di nos cultura, esta Don Ramon Krozendijk a bay sosega den forma repentino.

Don Ramon Krozendijk a bira conoci, despues di su presentacion den un di e competencia di Festival di OTI, cu el a gana tambe.

Un persona cu un tremendo voz.

Despues Don Ramon a dedica hopi na composi-

cionnan di musica di Aruba, unda cu e cancion: Cunucu di Seit, a bira mas conoci ainda.

Ayera mainta, na momento cu Minister di Cultura, Otmar Oduber tabatin un actividad na Cas di Cultura, el a haci mencion di e perdida aki, ilustrando cu Aruba a perde otro baluarte di nos cultura, e di 3 den lapso di 3 siman. A tene un minut di silencio. Cu Don Ramon sosega na paz.

AWEMainta Diabierna, 9 Januari 2015

5

Conclusion di reunionnan di IPKO:

Gobernador tabatin tur motibo pa interveni DURANTE e reunionnan Interparlamentario di Parlamentonan di Aruba, Corsou, Sint Maarten y Hulanda, diarazon ultimo a trata e rol di Gobernadornan den e varios intervencionnan y KB. Hulanda a defende e decision tuma pa interveni den e maneho financiero di Aruba.

Mike Eman a haya sosten solamente di fraccion di AVP. Delegacionnan di demas pais Sint Maarten y Corsou no a sali na su defensa manera a ser spera, y Hulanda tabata masha cla den esaki: Gobierno di Reino a interveni pasobra nan a papia hopi aña caba cu Mike Eman pa

haci algo n›e crisis financiero, pero Eman no kier a scucha.

tin solucion, a hay›e obliga di intereveni».

Di acuerdo cu MEP, nan a alerta Mike Eman cu Aruba ta na borde di bancarota, pero Eman no kier a scucha.

Nan a haci palabracionnan cu Eman, pero Eman no kier a tene su mes na nan.

Sr. van Laar di PvdA a bisa: «Sr. Herde ta haci manera cos cu e KB a cay for di cielo, pero esey no ta berdad.

Gobierno di Reino a taha Gobierno di Aruba pa mas di dos aña, pero nada a wordo haci.

Y ora Aruba tabata bayendo den bancarota, y ora cu Gobierno di Reino a realisa cu no

Riba e palabranan aki ningun di esnan cu ta ataca Gobernador pa su intervencion, a tribi sigi cuestiona Gobernador den su decision.

Di parti di fraccion di MEP, lider di fraccion Evelyn WeverCroes a bisa cu mester duna un bista completo di e situacion, y Gobernador ta wordo hopi aprecia na Aruba p›e simple hecho cu el›a interveni, pasobra ta danki n›e intervencion aki tur hende ta realisa cu nos tin un problema financiero serio, y asina nos pais a cambia di rumbo.

Na opinion di MEP, AVP no a logra scapa cara di Mike Eman Lider di fraccion di MEP, Evelyn Wever-Croes a bisa cu enbes di discuti e formalidadnan, ban concentra riba e problema real: Con grandi e problema financiero ta realmente, y con nos ta solucion›e.

Dos pregunta cu porcierto Gobierno di Aruba no tin contesta p›e ainda.

Por conclui pues cu e sosten

pa Mike Eman pa su welga di hamber y p›e confrontacionnan cu e ta busca constantemente cu Hulanda, no a yud›e cu nada.

Ta n to C o r s o u c o m o S i n t Maarten a lag›e cay, y den cierto forma lider di fraccion di AVP, sr. Rene Herde tambe, cu no a contesta e palabranan duro, pero cla y raspa di sr. van Laar di PvdA, segun Evelyn Wever-Croes.

6

AWEMainta Diabierna, 9 Januari 2015

Parlamentario Marlon Sneek

Tristo cu como Parlamentario, lider di MEP no sa di proceso di screening GABINETE Mike Eman a ser someti na un proceso di screening di su Ministernan, caminda pa prome biaha den historia, e proceso aki tabata pa medio oficial di un “Decreto Gubernamental.”

P’e motibo aki tambe miembro di Parlamento di fraccion di AVP, sr. Marlon Sneek, ta haya declaracion y observacion haci pa lider di MEP, Evelyn Wever Croes, algo totalmente for di sla y un mentira flagrante.

“Mientras c’un aña nobo a inicia y tur hende ta spera un comienso positivo pa nos pais, un biaha mas lider di MEP ta demostra cu gañamento ta su formula di haci politica, caminda e ta kere cu ainda e por sigui manipula cu opinion di pueblo cu su mentiranan.

Mas ainda ora cu Evelyn kier papia di integridad di nos mandatarionan, ya cu mientras cu e ta pretende di lo kier pusha pa nos pais tin gobernantenan integro, su persona mes ainda ta ser liga cu asuntonan cu no ta cuadra den e nificacion di e palabra integro.

No solamente esey, pero aki pueblo por ripara cu e lider di MEP, kende ya tin cinco aña como miembro di Parlamento y di su partido MEP, no ta na altura di asuntonan cu ta regarda henter e asunto di proceso di screening, manera su persona a bay haci declaracion ariba.

Na 2009 na momento cu pueblo a castiga partido MEP formalmente pa 8 aña di mal gobernacion, e lider di MEP di e tempo ey, alabes Prome Minister Nel

Oduber, a dicidi di introduci un proceso di screening a base principalmente di recomendacionnan haci den e documento conoci como Raport Calidad di mr. Mito Croes.

Un proceso cu inicialmente pa medio di un desicion di Ministerraad di Gabinete Ouduber 4 y despues a bira un oficial pa medio di un “Landsbesluit” cu Gabinete Mike Eman a introduci.

Caminda pa prome biaha den historia, Ministernan di un Gabinete di Aruba, a ser someti na un investigacion oficial di parti di Departamento di Seguridad Nacional.

Mi persona ta encarga pa mi fraccion pa hasta di haci di e “Landsbesluit” un “Landsverordening”, segun Marlon Sneek.

Na momento cu scucha e lider di MEP pretende cu su persona y su fraccion ta presenta e idea aki durante di e reunionnan di IPKO, ta mescos cu Evelyn purba di inventa e wiel di nobo, haciendo buya pa demostra su falta di conocemento di loke mester ta su trabou como miembro di Parlamento.

No solamente Evelyn no ta na altura di loke mester ta su trabou como miembro di Parlamento y lider politico, tampoco e ta na altura cu e proceso actual di screening cu tin, lo por bira un problema grandi pa su persona pa diferente asunto den cual su persona y otronan yega na dje tabata envolvi den pasado.

Segun Sneek, hasta tin candidato riba lista di MEP, famia di e lider, cu lo confronta problema serio ora cu e proceso di screening aki tuma lugar cu cual Evelyn mes ta pretende

di lo kier inventa awor.

Awor e lider di MEP a lanta un tiki for di soño, a dicidi di busca informacion pa loke ta asuntonan di interes general pa nos pais, despues cu pa tanto aña el a atende asuntonan familiar y di amigonan, sin sa cu su propio partido mes a presenta e sistema di screening cu actualmente ta wordo uza den presentacion di Ministernan.

Aña pasa no a sera mucho bon pa Evelyn Wever Croes, kende ainda tin cosnan pa aclaria na pueblo, y tur cos ta mustra cu e lider di MEP a habri e aña nobo mal bruha y mal perdi den historia politico di nos pais y historia politico di su propio partido,Marlon Sneek a mustra.

AWEMainta Diabierna, 9 Januari 2015

7

Expansion di bo negoshi ta start na Business Plaza

STEP FORWARD!

E forma pa haya exito den cualkier negoshi ta dor extensivo, cuminsando di 1:00 pa 4:00 pm. di bon preparacion y organisacion. Y si expansion di bo negoshi ta na horizonte den 2015, e ora bo no por falta Business Plaza– Step Forward!

E prome workshop ta “Innovation to grow” di Rishi Ramsoondar, business coach, e idioma lo ta ingles.

Camara di Comercio y Industria Aruba (KvK) ta presenta e di tres edicion di Business Plaza – Step Forward! diasabra, 17 di januari, 2015, na Camara di Comercio, cuminsando for di 9’or di mainta. Entrada ta gratis.

E di dos workshop lo trata e tema di obligacion di deposita registro di accionista y cuenta anual, cu lo ser duna p’e Director di KvK, sr. Leo Maduro.

E workshop aki lo dura un ora, y lo ser duna cada bez na otro idioma, na Papiamento, Ingles y Spaño.

ELMAR TA SPONSOR DI BUSINESS PLAZA

Check www.arubachamber.com p’e programa detaya. Tene cuenta cu cupo ta limita, y KvK ta pidi interesadonan pa registra na tempo!

E aña aki, Elmar NV ta sponsor di e evento aki, cu lo ofrece un programa completo, unda e empresario lo recibi informacion balioso tocante varios aspecto cu ta trata maneho, structura y expansion di su negoshi.

Ademas Elmar lo duna un presentacion tocante business solutions cu e ta ofrece.

E programa ta ser inaugura pa Presidente di KvK y lo consisti atrobe di presentacion di expertonan riba tur tereno relevante, manera importancia di conoce ley di ketenaansprakelijkheid (Hernandez Angela Accounting & Tax Consultants), bon maneho ta bon negoshi (KPMG) y informacion tocante negoshi di franquicia (EQ3).

Challenge bo forma di pensa p’asina crea idea y strategia nobo cu ta funciona. Business Plaza ta e lugar ideal pa network cu otro empresario tocante “best practices” y otro recomendacion pa haya ideanan nobo y refrescante.

Representantenan di KvK, Departamento di Asunto Economico y Free Zone Aruba lo tey presente pa conseha y comparti informacion con pa tuma e paso pa expande y mehora bo negoshi.

ADMISION TA GRATIS IDIOMA DI E PRESENTACIONNAN TA PAPIAMENTO E aña aki atrobe, KvK ta opta pa duna presentacion mainta y workshops atardi, dunando tur participante e oportunidad pa atende workshops sin perde e presentacionnan.

KvK su meta ta keda pa duna e empresario e empuhe den direccion corecto pa expande y engrandece su negoshi.

PROGRAMA E presentacionnan ta cuminsa 9:00 di mainta den auditorio di KvK. Atardi lo tin dos workshop

Admision pa Business Plaza ta gratis, y ta inclui snacks y bebida. Registracion adelanta ta necesario y facil.

Tuma contacto cu KvK na 582.1566, ext.

30/27/42 of mail nos na businessinfo@arubachamber.com.

Pa mas informacion, like nos facebook page www.facebook.com/arubachamber of consulta nos website, www.arubachamber.com p’e programa di presentacion y workshops y tur otro desaroyo tocante Business Plaza. No perde e oportunidad aki!

8

Persona indesea den cas, a dicidi di corta doño di cas

AYERA merdia a sosode un caso masha lamentabel na Paradera. Un anti-social, cu a resulta di ta un ladron no a keda satisfecho cu e no a logra horta nada, a opta pa corta e victima na su braza.

Polis a haya nan mes ta presenta cu urgencia na Paradera # 63-A pa un caso di ladronicia cu herido.

Ey Polis a compronde for di e habitantenan di e cas cu un mama y su yiu muher tabata na cas ora cu di ripiente un homber straño a drenta e cas.

Ora a gar’e eyden, el a pidi pa dun’e placa. E mama a splik’e cu nan niun tin placa den cas, pa cual e ladron a rabia y bira masha nervioso.

E yiu muher a cuminsa grita, pidiendo pa ayudo di bisiñanan. E ladron a saca un cuchiu y a corta e yiu muher na su braza pa despues a sali na careda bay for di e cas.

Di acuerdo cu discripcion di testigonan, e ladron tabatin un rugtas color preto riba su lomba, tabata bisti cu un paña color preto y e mes ta di cuerdo color scur.

El a huy for di e sitio na pia, coriendo den direccion nort. Polis a solicita presencia di Departamento Forensico (TOD), pa por a check posibel pruebanan den e cas.

Polis a sigui busca den henter e area pa por yega n’e ladron aki, pero te awor sin resultado.

AWEMainta Diabierna, 9 Januari 2015

Andin Bikker

Aruba no mester keda atras, cu aplicacion di medicinanan nobo, como experimento ANDIN Bikker, lider di PDR a splica cu su partido tin diferente aña caba ta haciendo investigacion profundo pa sa con por introduci mas posibilidad di sistema pa yuda cura esnan cu tin malesa cu por bira incurable, manera cancer. Unda e pacientenan aki por haya un mihor servicio pa busca nan cura.

For di basta tempo caba PDR a bin ta propone cu Aruba mester di un centro di oncologia. Pakico pasobra PDR a bin ta ripata cu mas y mas persona di edad productivo ta muriendo di cancer.

For di e estudionan haci, Democracia Real recientemente a tuma nota cu na 4 estado na Merca, cu a adopta leynan di uso di medicinanan alternativo y/of experimental.

Segun Andin Bikker, na Merca nan ta boga pa ora cu FDA, pasa e prome fase di aprobacion, cu e pacientenan cu a keda declara di tin malesa incurable, nan lo por usa e medicinanan aki.

Pasobra e pacientenan aki no tin otro opcion tog.

Tin mas estado Mericano awor cu ta bogando p›e ley aki tambe.

Pesey Democracia Real ta preparando un cantidad di pregunta, pa haci na Minister di Salubridad Publico, dr. Alex Schwengle, kende semper ta papia di crea medical tourism, cu esaki por ta un posibilidad pa habri e mercado aki, pero mester por duna esnan cu ta malo, un tratamento alternativa y busca un posibel cura.

Ta tuma entre 8 pa 10 aña, prome cu un producto cu ta prometedor wordo aplica na un paciente. Pero si un paciente ser bisa cu e tin menos aña di bida, dicho persona ey sigur lo duna apertura pa aplica e leynan ak tambe na Aruba, mescos cu na Merca, segun Andin Bikker.

AWEMainta Diabierna, 9 Januari 2015

9

Awor si ta birando di mas

Ta horta auto, plum’e pa despues pegu’e na candela

AYERA mainta, algun persona cu tin custumber di bishita Kapel di Alto Vista, a tuma nota cu tin un auto para aya tras y ta kima. A notifica polis di inmediato.

Loke ta masha fastioso y sigur condenable, cu e auto a wordo horta pa despues di desmantel’e ta wordo kima.

E auto di ayera mainta ta un Nissan Sentra cu a ser full kima y laga atras.

Ya no por papia di joyriding, pero di ladronicia ni auto pa desmantela pa haya pieza.

Pero awor ta comete actonan criminal, dor di kima esaki pa purba despista autoridad dor di elimina e pruebanan.

Ministerio Publico a laga sa caba cu lo demanda castigo mas pisa ora di haya e ladronnan aki den Corte di Husticia.

10

AWEMainta Diabierna, 9 Januari 2015

E studiantenan di IPA a cuminsa cu e estudio

movecion y salud

DIALUNA ultimo un total di 24 studiante a cuminsa cu e estudio Movecion y Salud na Instituto Pedagogico Arubano (IPA). Ta trata aki di un estudio cu ta forma maestro cu ta cualifica pa duna les riba tereno di movecion y salud na scol primario. Alabes e estudio ta prepara maestro pa promove movecion y salud den nos comunidad. E estudio tin un duracion di 4 aña.

E programa di siman di introduccion pa e studiantenan aki a inicia cu un discurso di directora adhunto drs. Marilyn Richardson.

El a yama e studiantenan bonbini y alabes desea tur presente un aña exitoso. Den su discurso el a enfatisa e importancia di e profesion di maestro. El a splica cu un maestro tin un rol grandi den e desaroyo y formacion di nos muchanan. El a pidi e studiantenan pa nan ta hopi dedica na nan estudio y pa nan haci nan maximo esfuerso pa bira un maestro extraordinario cual ta necesario pa

hisa e calidad di nos enseñansa y e desaroyo di nos muchanan.

Siguientemente a introduci e team di docente. A clausura e parti oficial cu un wega pa studiante cera conoci cu otro na un forma recreativo. Despues di esaki e studiantenan a sigui cu nan mentor cu un programa di introduccion special. E siman di introduccion ta finalisa cu e asina yama IPA-Kamp cu ya a bira un tradicion den e prome siman na IPA. Esaki lo tuma luga diaranson, diahuebs y diabierna. Durante e actividad lo trata diferente aspecto relevante cu tin di haber cu e profesion di maestro di movecion y salud.

IPA ta desea e studiantenan di Movecion y Salud hopi sabiduria, bon motivacion, gran perseverancia y un creatividad y inspiracion sobresali p’asina 2015-2016 ta un aña escolar exitoso. Alabes IPA ta desea henter e comunidad di Aruba, specialmente tur maestro y tur nos muchanan den nos enseñansa na Aruba un bon aña 2015!

AWEMainta Diabierna, 9 Januari 2015

Osling Boekhoudt a splica pakico sistema di hedging ta pa proteha e consumidor Di aumento di prijs di combustible

11 ING. Osling Boekhoudt Director di WEB Aruba N.V. a mustra cu tin algun preocupacion relaciona cu e prijs di crudo cu ta bahando, pero ta ser cuestiona cu prijs di awa y coriente na Aruba no ta bahando. Di acuerdo cu ing. Osling Boekhoudt, mester tene cuenta cu e hedging pa proteha e mercado of e prijs.

E preocupacion a bay riba hedging tabata pa evita cu aumento di fuel oil y consecuentamente lo mester aumenta e tarifa di produccion di coriente y awa.

Den e caso aki e bentaha awor di no tey, pasobra diripente e prijs di crudo a baha.

Ora bo cumpra, un seguro bo ta cumpra y den e caso aki e prijs di fuel oil ta mara aworaki na cierto prijs pa WEB. Si bo kier un seguro pa protehe bahada mester paga mas. Un hedging bo ta paga pa bari pa proteccion, segun Osling Boekhoudt.

E prijs di bari awe ta menos cu 50 dolar, pero debi n’e hedge e prijs ta riba 80 dolar. E prijs aki ta protega pa no pasa 80 dolar.

Otro issuenan cu tin banda di hedging te handling fee. E prijs a cuminsa baha di crudo a cuminsa baha den e ultimo kwartaal.

Ningun experto a premira esaki. Tin un guera pa mira cua pais productor mundialmente ta wanta riba e tereno di petroleo.

Ningun experto por predici unda nos ta bayendo. Lo sigui monitor e situacion, pero di acuerdo cu Director di WEB Aruba N.V. Osling Boekhoudt e prijs actual sigur lo no keda asina pa largo.

Tur tempo hedging a beneficia Aruba y evita cu tarifa di awa y coriente a subi.

Den filosofia cu tin ta pa evita aumento y no a spera e caida. Na 5 ocasion a acerca Valero y a analisa e costonan.

Si laga Valero of cu otro compania haci’e, e costonan lo keda mescos. No tin subsidio y cada ken mester carga su gastonan.

Ora tin refineria ta den operacion, Aruba tin su preferencia, pero awor aki e refineria no tey mas.

Mester sigui e desaroyo di prijs. Un prijs cu ta fluctua y subi baha e ta causa un inflacion artificial di tur costo na Aruba. Ora prijs di coriente subi e hendenan ta subi prijs, pero ora prijs baha e hendenan no ta baha nan prijs bek, ing Oslin Boekhoudt a señala.

Ta hopi productor ta sufri cu e caida aki den prijs di bari di crudo.

Osling Boekhoudt Director di WEB Aruba N.V. a splica cu nan a baha e consumo di fuel oil cu 40% trahando mas coriente.

Awendia WEB ta menos vulnerable pa fuel oil, pero lo sigui traha pa usa menos fuel oil.

Asina mes tin e discusion di un parke di Molina adicional si e lo beneficia nos. Director di WEB Aruba N.V. a splica cu bo mester keda protega bo mes. Loke ta pasando awe ta un momento y mester mira pa futuro tambe.

12

NO POR!!!

ATENCION D.O.W, Departamento di Wegendienst Prome cu cambio di aña chauffeurnan iresponsable a hala e baricada aki cu t’e bakinan di mata, plus e otro baricadanan pa por haci un short-cut pa drenta Caya Grandi via e caminda di Burger-King.

Autonan particular NO por pasa aki, e pida caminda ey a wordu crea unicamente pa salida di autonan cu ta yega e bentana di Burger King.

Asina mes bo sali di parkinglot di Burger-King bo ta wordo obliga bay nort, despues bay abou. Aworaki monton di auto ta haci shortcut pa bay Caya Grandi, pero bay unda?

Conseho, traha un situacion mescos cu banda di Mido Restaurant pa pone un fin n’e situacion crea aki, pa chauffernan iresponsable..

La Salle College kier coregi informacion incorecto PA medio di esaki La Salle College kier a corregi un informacion incorecto cu ta circulandio via sms.

Algo pasa di 2or di diahueps 8 di Januari 2015 ta drenta informacion via SMS di un number 1100 cu ta indica cu lo a bati un alumno di La Salle College y cu ambulance lo a atende esaki. La Salle College ta desmenti e informacion aki.

Ta berdad cu ambulance a bin scol dia 8 di januari 2015 pero tabata pa atende un alumno cu a bira malo. Ningun momento tabatin pelea.

La Salle College ta lamenta cu no a yama scol pa asina por haya informacion correcto.

AWEMainta Diabierna, 9 Januari 2015

AWEMainta Diabierna, 9 Januari 2015

13

MEP na Melvin Tromp:

Porco sushi ta busca muraya limpi pa frega su curpa na dje

Tromp, den forma unanime, pa representa henter Parlamento di Aruba den Comision di Reino di Integridad.

Ta hende integro so por wordo apunta den e comision ey, y pesey lider di MEP a keda apunta na forma unanime.

Y tin veredicto di Hues cu ta substancia esaki!

PARLAMENTARIO di AVP,

Cu e decision aki Evelyn WeverCroes pues ta representa Melvin Tromp tambe den e Comision

Melvin Tromp , alias “Donkey” ta duna contenido real n’e dicho ‘porco sushi ta busca muraya limpi pa frega su curpa’! Aki MEP ta referi na su atakenan contra su lider, Evelyn WeverCroes.

Melvin Tromp no ta cansa di papia coy loco, djis pa tapa su propio berdad, pesey laga nos record’e su propio berdad.

Evelyn Wever-Croes, líder di MEP, a wordo apunta pa henter Parlamento, inclusivo pa Melvin

Pero ya cu e kier punta dede riba hende drechi, ta bon pa Melvin Tromp bin dilanti y contesta algun pregunta: Ken t’e Parlamentario cu ta ofrece damitanan cocaina pa sali dal un trip cu nan? Cu ki intencion ta duna damitanan cocaina?

Ken t’e parlamentario cu ta abusa fisicamente di hende muher? Ken t’e Parlamentario cu ta bebe burachi tur fin di siman na Tanki Leendert?

Ken t’e Parlamentario cu a wordo kita di Valero, pasobra nan a haya arma den su poder?

Esakinan ta apenas algun pregunta pa awor, ainda falta mas pregunta, pero nos ta laga esey pa un siguiente ocasion.

Siguiente biaha cu Melvin Tromp kier punta dede riba nos lider, contesta e preguntanan aki prome, MEP a conclui su reaccion.

Splica ken ta ofrece damita cocaina pa sali cu nan? di Reino.

Si Melvin Tromp realmente tabatin prueba di actonan fraudulento di Evelyn Wever-Croes, con e mes por a vota pa apunta Evelyn como su representante?

Pues aki un y tur por mira, cu Melvin Tromp ta nada mas cu un oportunista patetico.

14

AWEMainta Diabierna, 9 Januari 2015

NAGICO ta patrocina Empire Carnival Group D

E

N E ceremonia di firmamento di acuerdo

presencia di e ekipo completo di empleadonan dinamico di Nagico Insurances, e compania di seguro mas grandi den Caribe Hulandes a firma e acuerdo di sponsorship cu Empire Carnival Group. Drs. Detlef Hooyboer a firma pa Nagico Insurances mientras cu Glendeline Maduro a firma pa Empire Carnival Group. Cu esey e compania di seguro ta aporta directamente na engrandece carnaval di Aruba.

Esaki ta prome aña cu Empire Carnival Group ta participa den carnaval. Nan lo cuminsa desde diasabra awor den Fakkeloptocht y despues parada di luz na San Nicolas, parada di luz na Oranjestad, parada grandi di San Nicolas y e parada grandi di Oranjestad.

Tin un entusiasmo grandi bou di carnavalistanan, debi cu e grupo aki a sigura dos banda masha conoci, Buleria y Upgrade Music, sin lubida presentacion di NutzBeatz.

a sosode den e edificio nobo di Nagico Insurances situa den Caya Milio Croes na Dakota.

E compania di seguro ta masha ocupa den e dianan aki, specialmente awor cu automobilistanan mester renoba nan seguronan di auto, pa por cumpra nan number di auto pa aña 2015. Mayoria automobilista ta scogiendo pa Nagico, specialmente pasobra nan ta pioneronan den ofrece servicio di “Road Services” na Aruba yamando e number 191 y pa presenta y atende casonan di accidente na e sitio mes.

A funda Nagico Insurances na aña 1982 na Sint Maarten y a sa di crece y penetra den no menos di 19 mercado. Nan ta e compania di seguro mas grandi den Caribe Hulandes cu mas di US$ 133 miyon na prima y ofreciendo e miho seguro di catastrofe den

BNA cu su prome actividad cultural 2015 cu

Presentacion di obra literario di Olga Orman y homenahe/tributo na Lio Booi BIBLIOTECA Nacional di Aruba, Instituto Pedagogico Arubano y gestor cultural Mirto Lacle ta desea di invita pueblo en general pa ta presente dia 15 awor pa 7.30 di anochi na Biblioteca Nacional Aruba, na Oranjestad p’e prome actividad cultural di aña 2015.

Lo ta un anochi multidisciplinario cu presentacion di diferente grupo cu declamacion, musica, canto y documentario.

Grupo Melange bao di guia di Maybelline Arends-Croes lo deleita publico cu cancionnan compone pa Lio Booi cu musica di Mabybellin Arends-Croes.

Den cuadro di conmemoracion di e di 5 siglo di expulsion di e poblacion autoctono di Aruba pa Hispañola BNA y IPA lo tin un anochi cultural den cual lo presenta e obra literario Cas di Biento scirbi pa Olga Orman y edia pa “In de Knipscheer”, Hulanda y tambe pa rindi tributo/homenahe na Huberto Obdulio (Lio) Booi (1919 2014).

Grupo ‘69 Amor di Kibaima bao di liderazgo di Roy Sneek lo interpreta algun cancion di e obra di teatro (musica) relaciona cu Bonaire y Lio Booi.

Grupo Dande di Vicente y Nelson Tromp lo tey pa ofrece nan Dande y desea tur presenta un Prospero 2015.

Pa mas informacion adicional por tuma contacto cu Mirto Lacle cel. 7402044.

henter e region. Internacionalmente e organisacion AM Best a “rate” Nagico masha halto mes. E compania di seguro a sigui crece, dor di adkiri British American Insurance Company y awor ta ofrece seguro di bida y medico via nan departamento di Nagico Life.

AWEMainta Diabierna, 9 Januari 2015

15

2.4 florin E premio di Mega Plus awe ta

MIYON

E PREMIO di Mini Mega combina cu Mega Plus a yega e suma extra miyonario di 2.4 MIYON florin. E sorteo ta tuma luga awe nochi, pa 9or di anochi na Telearuba, Canal 13. Mini Mega ta costa solamente cinco florin y ta paga un prome premio di 1.650.000 florin. Añadi 2 florin na Mini Mega pa combin’e cu su Mega Plus y bo ta gana 750 mil florin extra na e prome premio pa e suma multimiyonario di 2.4 miyon florin.

E jackpot di Mini Mega y Mega Plus a yega 2 miyon florin na januari di 2014 y e ultimo biaha prome cu esey cu un jackpot di Mini Mega a surpasa 2.4 miyon florin, tabata na januari 2010. Lotto ta contento di por ofrece e premio aki na nos pueblo awe nochi, cu ta contribui pa medio di nan compra di Lotto na deporte di Aruba y cu esaki tambe na e desaroyo y bienestar di nos hobennan.

Lotto ta premira un dia sumamente druka awe. Como tal, E Loteria di Aruba y tur su rebendedonan ta invita

bo pa cumpra nan numbernan di Mini Mega y Mega Plus trempan caba pa asina evita para den rijnan largo den oranan di mas atardi. No keda for di e sorteo mas grandi aki na Aruba. Bishita bo rebendedo trempan. Oficina di Lotto na Oranjestad y San Nicolaas ta habri

EPB San Nicolaas

A celebra comienzo di aña EPB San Nicolas Unit Startjaar a celebra e comienso di un aña nobo. Tur studiante, management y docente a uni riba e mainta di 6 di januari 2014 pa asina brinda pa un 2015 yena cu exito y logro.

Un 2015 fructifero, progresivo y feliz ta e deseo di Unit Startjaar San Nicolas pa pueblo di Aruba.

tambe di trempan. Nos ta warda bo y ta desea bo tur suerte cu tin awe nochi.

Lotto, e loteria di Aruba tin 8 diferente wega, Catochi, Big 4, Zodiac, Wega di number di Corsou di Lotto, Lotto di dia, Lotto 5, Mini Mega y weganan di

Raspa y Gana. Cumprando Lotto bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.

16

Un total di 20 pais lo participa Aruba lo ta sede di e prome “Men World Softball Classic Tournament”

AWEMainta Diabierna, 9 Januari 2015

PA prome bes Aruba lo ta

e centro di e “First Annual Men World Softball Classic Tournament”, na unda 20 pais lo bin hunto pa midi forsa y asina yega na e ganado absoluto di e torneo. Esaki ta prome bes cu ta organisa un evento asina na Aruba y den henter Caribe.Tambe e ta un di e prome torneo na Aruba unda lo tin un “cash prize”.

E prestigioso organisacion a keda funda na november 2014 cu e vision pa promove e deporte di Softball na Aruba y trece mas tanto paisnan posibel pa conoce Aruba. “Pa Aruba esaki ta nifica un boost grandi pa economia, un aumento di entrada na momento cu tur e bishitantenan lo haci uzo di diferente atraccionnan e.o. restaurant, shopping malls, haci uzo di transporte publico y otronan”, asina Austin Helliger, organisado di e torneo a afirma.

E teamnan participante lo ta yegando Aruba riba 25 di juni proximo unda lo tin un recepcion pa yama nan bonbini. E torneo mes lo start dia 26 di juni cu un parada unda lo tin desfile di tur e atletanan. Na final di e torneo, riba 5 di Juli lo tin e ceremonia

di clausura y e entrega di trofeonan.

E First Annual Men World Softball Classic Tournament lo ta sede di e miho hungadonan di Softball di henter mundo.

Mas di 20 pais lo participa, uniendo forsa, competiendo pa e titulo di campeon. E asina yama “Junior All Star Team Aruba” lo ta conforma pa atletanan entre edad di 16-21 aña.

Inscripcion pa participacion lo cera dia 1 maart proximo y interes ta hopi halto. Un danki sigur ya caba ta bay na Tropicana Resort, Camacuri Residence, Talk of the Town Beach Club y Dream Team Promotions pa nan sosten.

E evento lo tuma luga na Aruba den e siman di juni 26 y lo termina dia 5 di juli, 2015.

Pa mas informacion por bishita facebook MWSC Aruba of tuma contacto via telefon 567-0846, menworldsoftballclassic@ gmail.com. Banda di esaki ta bay tin e lansamento di e website www. menworldsoftballclassic. com na februari 2015. Tambe dia 18 di maart proximo lo tuma luga e prome evento pa recauda fondo den cuadro di e evento aki.

Lot a ser tira y secuencia ta conoci MAYAN diasabra pa 8or di anochi for di LG Smith Boulevard,

na altura di ex-oficina di DOW, e parada di flambue, conoci como Fakkel Optocht lo ranca sali cu bastante participante. E parada lo termina dilanti di Banco di Caribe. Diahuebs anochi tabatin tiramento di lot y asina e secuencia di e gruponan a bira conoci.

01.Dushi Carnival Group, cu a haya e honor p’asina Carnavalistanan duna honor n’e fayecido Hilward Croes.

02.Champagne Carnival Group; 03.Los Laga Bai; 04.Majestic Carnival Group; 05.Di Nos Carnival Group; 06.Extreme Carnival Group; 07.Empire Carnival Group; 08.Pleasers and Teasers; 09.OPC Carnival Group; 10. Royal Carnival Group.

AWEMainta Diabierna, 9 Januari 2015

17

Buscando nan CLASIFICACION pa Weganan Olimpico Rio 2016

E ATLETANAN Nicole van der Velden y Thijs Visser ta den pleno preparacion pa

loke ta nan clasificacion p’e Weganan Olimpico di Rio de Janeiro 2016. Despues di a competi den Weganan Centro Americano y del Caribe na Veracruz, Mexico, e duo conoci tambe como “The Fyling Arubies”, a biaha tres siman pa Rio de Janeiro, unda nan a competi y alabes prepara nan mes pa loke t’e diferente competencianan di 2015, entre nan e campeonato mundial den luna di juli na Dinamarca cual tambe lo sirbi como calificacion p’e Weganan Olimpico di otro aña. Den un combersacion sosteni cu Nicole van der Velden el a conta nos cu e competencia na Rio de Janeiro a bay basta bon, nan a sufri poco contratiempo cu e catamaran cu originalmente no tabata di nan. Asina mes nan a logra un bon resultado. Tambe nan a entrena hunto cu e ekipo number uno di New Zeeland pa un siman. Segun Nicole van der Velden nan a siña masha hopi mes sigur den e parti tecnico, caminda nan a haya hopi tips con pa haci e cosnan mihor. Otro siman e duo di Aruba lo ta den un competencia na Miami, Florida, pa despues bolbe Hulanda unda nan lo sigui cu nan preparacion. Unabes na Europa, Nicole van der Velden y Thijs Visser lo competi den cinco competencia di nivel mundial, prome cu e campeonato mundial mes den luna di juli na Dinamarca. Mas cu claro e meta ta pa clasifica p’e Weganan Olimpico di Rio 2016 unda cu tres ekipo lo logra nan clasificacion.

Manera Nicole a comenta cu nan chens ta grandi, pero nan tin cu traha duro pa logra esaki pa Aruba.

Time: 09.00 am - 4.00 pm Place: Aruba Chamber Admission: Free

18

AWEMainta Diabierna, 9 Januari 2015

Por cumpra rifa di cas di Aruba Lions

A

Het Land Aruba is voornemens om in het openbaar aan te besteden, het middels de Stichting Fondo Desaroyo Aruba (FDA) te financieren project: “Volwasseneneducatie - vernieuwen materialen Openbare Avondleergangen – Commercial Refrigeration Trainer” Korte omschrijving van het werk: Het project behelst de vernieuwing van educatief materiaal voor Openbare Avondleergangen Aruba (OAA), specifiek voor het opleidingsprogramma Koeltechniek. De Commercial Refrigeration Trainer is een geavanceerde unit die gebruikt wordt om studenten op een veilige wijze te trainen op het gebied van air conditioning systemen en commercial refrigeration. Het gaat in dit project om het het leveren, installeren en uittesten van een commercial refrigeration trainer.

De Terms of Reference (ToR) is vanaf 12 januari 2015 verkrijgbaar bij Directie Onderwijs, tegen betaling van Afl. 50,-. De betaling dient contant te worden voldaan bij Directie Onderwijs te Frankrijkstraat 3.

Inlichtingen worden verstrekt op vrijdag 23 januari 2015 om 10.00 uur voormiddag bij Directie Onderwijs De nota van inlichtingen is vanaf vrijdag 6 februari 2015 verkrijgbaar bij Directie Onderwijs te Frankrijkstraat 3.

De openbare aanbesteding vindt plaats op maandag 20 februari 2015 om 10.00 uur bij Directie Onderwijs te Frankrijkstraat 3.

Bij dit project zijn de UAR 1986 en UAV 1989 van toepassing. De directievoering is in handen van Directie Onderwijs. De gestanddoeningstermijn is negentig dagen.

De inschrijver moet bij zijn inschrijving de volgende documenten overleggen: 1.

Bewijs van inschrijving bij de Kamer van Koophandel (niet ouder dan 6 maanden).

2.

Bereidheidverklaring van een erkende lokale bank of van een erkende lokale financiële borginstelling tot het afgeven van een bankgarantie van 10% van de inschrijfsom bij gunning van het project.

3. andere vereisten zoals opgenomen in de ToR. Contactpersoon:

Marian Abath-Nieskens Tel. 5823360 (ma, wo, vr) Email. Marian.nieskens@ea.aw

PETICION di nos comunidad Aruba Lions lo brinda un extra servicio na unda comunidad Arubano pa por cumpra den weekend ticket di rifa di nos 58 cas situa na tanki Leendert Residence modelo Cayena na nos oficina conoci como Lions Den na Engelandstraat 11 durante weekend diasabra y diadomingo di 10 or pa 1 or di atardi pa solamente f 25,--.

Por acerca cualkier di nos

miembronan tambe o rebendernan pa compra di tickets na telefoon 7332734.

Cu cada compra di un ticket bo lo yuda Aruba Lions Club sigui brinda nos comunidad servicio riba diferente forma na esnan den necesidad y algun organisacion/instancia cu mester di nos ayudo.

Nos lema ta: habrie ana 2015 y sera carnival 2015 den bo propio cas cu Aruba Lions Club.

Ministernan ta den un retreat awe PROME Minister mr. Mike Eman, na tur principio di aña ta organisa un asina “Retreat”, cu participacion di tur Minister di su Gabinete.

E Retreat aki lo tuma lugar na Bestuurskantoor mes, unda den un ambiente, sin presion di ningun hende, y den un ambiente mas priva, lo evalua e aña cu a pasa, pero mas importante ainda, unda cada Minister ta spera di ehecuta e aña aki.

No ningun yamada lo ser pasa pa nan, y sigur ningun hende, incluso ningun coordinador lo por strobe nan respectivo Minister.

Cuanto ora nan lo keda den e Retreat aki, ta depende di cada Minister, pero unabes afo, lo ta cu un mente mas positivo.

AWEMainta Diabierna, 9 Januari 2015

19

Stichting Musica ta informa cu

“TUR” cos ta cla pa inscripcion pa Aruba su Caiso & Soca Monarch 2015 STICHTING Musica kier a anuncia cu

diadomingo 11 di Januari, cu e inscripcion pa Aruba Caiso & Soca Monarch 2015 lo tuma lugar den D2I Club cu ta situa den Crijnsenstraat #8 cu ta keda net banda di Winter Garden y pariba di Astoria na SanNicolas.

E inscripcion ta programa pa cuminsa 5’or di atardi y ta clausura 8’or di anochi. Despues di clausura e inscripcion, lo anuncia cuanto banda y participante lo tin, y alaves lo informa cuanto anochi di pre-final lo tin definitivamente pa e Aruba Caiso & Soca Monarch 2015.

Stichting Musica ta pidi pa cada Banda of participante, por fabor download e formulario riba facebook di Stichting Musica pa asina cada participante ta bon informa y alaves pa sa kico ta e documento nan necesario cu nan lo mester presenta na momento cu nan bin inscribi.

E anochi sigur por conta cu transmision di varios radio y television cu lo ta presenta pa informa pueblo completo con e inscripcion ta bayendo.

Ambiente y e popular mamamento di gay entre e participantenan sigur no por keda afo diadomingo awo.

Te ainda e anochi nan di Pre-Final ta programa pa tuma lugar Januari 27, 28, 29, y e final lo ta diasabra 31 di januari, 2015.

No lubida cu Diadomingo awo, Stichting Musica ta invita cada Banda, Participante pa presenta na D2I Club pa asina nos pasa un rato ameno y agradabel cu otro durante e inscripcion di Aruba su Caiso & Soca Monarch 2015.

Entrada pa e Festival y punto nan di benta, Stichting Musica lo anuncia despues manera cu tur cos ta cla.

REGERING VAN ARUBA De Minister van Onderwijs en Gezin, als bevoegd gezag van de Openbare Scholen roept sollicitanten op voor de vacature van: >

2 leerkrachten voor het basisonderwijs: volledige bevoegdheid met specialisatie 6-12 jaar (volledige betrekking).

Van de sollicitant wordt verwacht dat hij/zij: de Nederlandse nationaliteit bezit; bereid is tegemoet te komen aan de specifieke behoeften van de leerling; bereid is zich continue bij te scholen.

Sollicitaties, voorzien van een curriculum vitae en kopieën diploma’s, kunnen binnen één week ná het verschijnen van deze advertentie worden gericht aan de minister van Onderwijs en Gezin, d.t.k.v. Hoofd Dienst Publieke Scholen, dhr. Kenneth S. Jong, Cumana 69, Oranjestad, Fax: 583-1522.

Curso

“Pensa positivo” CU sumo placer Brahma con nos por libera nos mes

Kumaris Aruba ta organisa un curso di Pensa positivo.

E curso aki ta tuma luga diasabra y diadomingo awor, 10 y 11 Januari den sentro di Brama Kumaris cu ta keda na St. Cruz 113, banda di Kenro Jewelers.

Orario: 5.30-8.30 pm E curso ta consisti di 5 diferente topiconan cu lo keda reparti riba e 2 dianan.

E topiconan cu lo ser trata durante di e curso ta: Kiko ta pensamentonan y di unda nan ta bini? Con personalidad ta ser crea?

Con habitonan ta ser crea y

di mal habitonan? E balanse den nos mes y e 8 podernan mental.

Tur e diferente topiconan lo ser brinda den un forma interactivo por medio di tareanan.

Pensa positivo ta un di e diferente cursonan cu Brama Kumaris World Spiritual organisation sa organisa pa comunidad.

Tur curso di Brama Kumaris ta liber di costo.

Pa mas información por yama Cel# 5643106;www. brahmakumaris.org; www. learnmeditationonline.org

20

AWEMainta Diabierna, 9 Januari 2015

Colegio San Nicolas ta tene su

Anochi di informacion pa mayornan AÑA 2015 a caba di cuminsa y Colegio San Nicolas ta den full swing pa mantene su mayornan bon informa pa loke ta trata e desaroyo di nan yiu n›e unico scol publico pa HAVO-VWO situa na San Nicolas.

Awe diabierna, 9 di januari 2015, ta tuma luga e anochi informativo pa mayornan, caminda cu e mayornan ta topa cu e docentenan di e diferente materianan. Esaki lo ta di 6 or di atardi pa 8or y mei di anochi.

Tur mayor por a bay busca e prome raport di nan yiu den luna di december di aña pasa. E mayornan mes a indica cu cua docente nan ta desea di tene un combersacion pa elabora riba e desaroyo di nan yiu den un of mas materia specifico.

Tur mayor a ricibi un carta di invitacion cu ta informa nan riba cua ora nan por pasa cerca e docente cu nan a indica.

Tambe Colegio San Nicolas a saca un invitacion na algun mayor, cu no a bin busca e raport di nan yiu luna pasa.

P›e mayornan aki tambe a traha cita riba awe diabierna 9 di januari 2015 cu e docentenan di e materia cu e alumno ta score menos bon. E mayornan aki por tuma e foyeto di informacion cerca nan propio yiu.

Colegio San Nicolas ta contento cu su cuerpo di docente, demas personal y alumnonan a cuminsa aña 2015 yen di animo y entusiasmo pa haci loke ta necesario pa score bon.

Ta nos pensamento cu un hoben cu ta haci su best, lo logra bunita resultado y cu esey ta dun’e e motivacion pa sigui haci loke ta necesario p›e sigui score bon y logra su meta: Bay over.

DeJa-Kids presents

“Disney Fantasy” DEJA-KIDS, e grupo cu ta conoci

como esun cu ta jump cu disfraz nan simpel y comodo, pero cu semper a hasi un impacto durante Carnaval di Mucha, lo bay cu e tema di “DeJa-Kids presents Disney Fantasy” na unda e muchanan lo bay baila, bula y goza den nos Carnaval 61.

DeJa-Kids lo participa tanto na e parada di San Nicolaas como esun na Playa y tambe lo participa na e Parada di Blaas.

Manera semper cu ayudo di

patronisador, ta pidi un contribucion di Af. 90,= pa e mucha por participa na e parada di San Nicolaas y na Playa . Si inscribi dos mucha of mas na mesun momento e lo costa Af.80,= pa cada uno. Esaki ta inclui e disfraz completo, tur snacks, refreshment y musica di banda. Na momento di inscribi pa e paradanan di San Nicolaas y na Playa nos ta pidi Af.

25,=, cual lo worde desconta di e suma total.

Tambe lo por inscribi pa Parada di Blaas na San Nicolaas pa solamente Af. 15.00 Por inscribi bo yiu na e sigiuente sitionan: Despues di 5:00 San Nicolaas : Isaac Wagemakerstraat 55(schuin

tegenover di Club Boneiriano) 5600842 / 737-0106 Oranjestad : Por jama 592-2815, 5690455 of 568-0885 Tambe por tuma contacto cu DJteam via: email na : djkids@live.com Facebook: Deja kids carnival group

AWEMainta Diabierna, 9 Januari 2015

Office Systems Aruba y PWC ta uni

Pa duna back na comunidad DEN transcurso di fin di aña contribuidor di YMCA y kier a

pasa gerente di Office Systems Aruba y PwC Aruba a bishita YMCA Dakota pa asina wak e resultado di nan colaboracion pa verf e edificio di YMCA Dakota.

“Na Office Systems Aruba YMCA tin un lugar special den nos curazon. E pashion di Nathaly Harms, director di YMCA, claro ta un motibo mas cu nos kier aporta pa esnan cu ta haciendo asina un bon trabow pa nos communidad.

YMCA Dakota a expresa nan necesidad pa un facelift, y nos a pensa mesora cu nos por yuda”: Sr. Carlos Maduro Director di Office Systems Aruba a cuminsa ta bisa, “Nos ta contento di por duna di nos parti y asina duna back na comunidad, anto mira e resultado bunita asina.” Office Systems Aruba a probecha di cada oportunidad cu nan por a haya pa manda nan personal verf na YMCA Dakota. PwC Aruba tambe ta un gran

aporta na e projecto bunita aki tambe y a dicidi di take care di tur e material cu mester a usa pa e projecto aki. “Nos di PwC ta sumamente orguyoso di por a forma parti di e colaboracion aki”, Sr. Ruben Goedhoop a bisa. Pa hopi aña caba PwC Aruba ta contribui cu servicionan administrativo pa YMCA y awor aki tambe cu material pa verf. Awor despues di un par di siman YMCA Dakota ta conta cu un makeover di verf cu ta haci un diferencia enorme.

Directiva di YMCA Dakota ta masha gradici y contento cu e trabow haci. Como gradicimento Directiva di YMCA Dakota a entrega un plakaat na Sr. Ruben Goedhoop di PwC Aruba y na Sr. Carlos Maduro di Office Systems Aruba pa e bon trabow haci. Ariba e potretnan por mira momento cu ambos a bishita YMCA pa e momento special aki.

21

22

AWEMainta Diabierna, 9 Januari 2015

Trash by Ronchi ta presenta

Moda pa temporada di carnaval 61!

Short, jeans, day dresses y tops repleto di color y personalidad ja caba ta den boutique.

FUERA di creatividad, music y alegria tambe Carnaval61 ta conta cu moda impactante. E coleccion di primavera 2015 di TRASH BY RONCHI ja caba ta den boutique. Un versatilidad sin igual ta wordo presenta den e diferente piezanan di moda cu e coleccion aki ta trece cune. Colornan dinamico ta fungi como e plataforma primordial pa e temporada di moda Spring2015. Tononan fuerte manera electric blue, royal, violet y lilac, tangerine y blueberry ta algun di e colornan mas remarcable di e temporada. Tops y day dresses cu estampadonan atractivo ta un otro “fashion highlight” pa e season aki. E “native-american print” sigur ta un tendencia di moda sumamente dominante y ta trece cune un aspecto multi-cultural cu ta transcende fronteranan internacional. TRASH BY RONCHI ta contento di por ta e prome “multi-brand store” na Aruba pa lanza Spring2015. E coleccion aki ta uno cu ta presenta piezanan pa tur gusto. Pa e hende muher cu kier ta mas audaz y contemporaneo te na e requisitonan mas classico por hanja items di moda na TRASH BY RONCHI. Fotografo Jason Margarita a realisa e prome Spring2015 shoot cu KOMA MODELS Kathe Narvaez, Maxime Kaan, Kaylan Cooper, Perla Guerrero, Vivian Chow, Nicole Van Tellingen y Kiara Arends pa TRASH BY RONCHI. Pa mira mas di e coleccion por LIKE e pagina di TRASH

BY RONCHI ariba Facebook. E boutique ta habri di Dialuna pa Diasabra di 10’or di mainta pa 7’or di atardi non-stop y ta situa na Sibelius Straat # 8. Pa mas informacion por yama 582-6632.

AWEMainta Diabierna, 9 Januari 2015

23

24

Pa cera e temporada di fin di aña riba Plasa Daniel Leo Comunidad a gosa di un evento festivo cu Digicel E COMPANIA cu e red mas grandi, mas miho y mas lihe na Aruba,

esta Digicel, diaranson anochi tabata anfitrion di un fabuloso evento pa paga e luznan di e Kerstboom espectacular y a cende e mecha di Carnaval riba Plasa Daniel Leo.

Durante e anochi aki ATV Canal 15 tabata presente hunto cu Ruben Garcia den Riba Bou y e ambiente tabata simplemente tremendo. Ademas di ofrece bon musica cu un Brassband, Buleria y Miniteca Mige, Digicel a tene un tremendo “sales event” cu oferta y descuentonan extraordinario riba diferente telefon celular.

Durante henter aña Digicel ta gradici e comunidad di Aruba pa nan sosten cu diferente evento y oferta, como tambe sponsorship di diferente causa.

Cerando aña 2014 por ehempel e compania a decora Plasa Daniel Leo cu un Kerstboom gigantesco y hopi bunita y a combina esaki cu un “selfie campaign” a lansa diferente oferta y evento di benta.

Naturalmente no tabata falta e parti di regalonan di curason cu ta haci un diferencia, unda cu gerencia y empleadonan di e compania a expresa nan sentimentonan profundo di ta parti di un comunidad cu bishitanan na famianan menos fortuna pa trece e ambiente di Pasco den nan cas.

Cu e temporada aki tras di lomba, Digicel ta gradici un y tur pa un tremendo aña 2014 y ta desea Aruba henter un Bon Aña 2015 yen di felicidad, alegria y positivismo.

Digicel ta cla pa e temporada dushi di Carnaval y ta invita pueblo di Aruba pa keda pendiente pa anuncionan di diferente actividad y campañanan extraordinario cu nan tin den tapara pa aña 2015.

AWEMainta Diabierna, 9 Januari 2015

AWEMainta Diabierna, 9 Januari 2015

25

Ata ki boso Triple D; Dushi, Diki y Totally Diva...

Esaki tabata e slogan cu a hasie mi experencia di Sra. Carnaval 2014 ainda mas tremendo y cu a inspira hopi hende di stima nan mes mas.

Cu hopi alegria na mi curason, cu hopi momento nan inolvidabel y recuerdo nan super amabel mi kier a gradici tur e persona nan cu a confia den mi y a support mi pa mi por a bira Sra. Carnaval di Aruba su 60 anniversario y SAC su di 20 Sra. Carnaval.

Un danki super special na META Social Club cu a escohemi pa mi por respresenta nan den Carnaval 2014 y cu a pone tur nan confiansa den mi di lo hasie un bon papel den nomber di e grupo. Un Danki di curason pa tur bon consehonan y support di Jon Jon Flemming y Jose. Un Danki inmenso na Elisabeth Bikker y Ryan pa a hasimi luci mas radiante y spectacular y tambe na Studio 212. Un danki grandi na tur mi coleganan di ATCO Concrete, ATCO Aruba y Ecotech cu a traha duro pa nos por a logra e titulo maximo.

Especialmente na e Bomboshi Crew cu a plan y plot na Hofi Ly pa make things happen. Sin lubida tur mi otro coleganan di META corporation.

Tambe un danki na mi sponser nan Taxi 171, Sextacy, Chichi's Snack & Catering Services, Trendy Home Builder, ATCO Concrete Products, Ecotech, Crystal Casino, The Cinemas, Balashi y tur e otro nan cu a juda di un of otro manera. Y naturalmente tur mi friends & fans.

Un danki na mi famia chikito pero balente cu a para mi tras sin pensa dos biaha, specialmente mi prima Joyce y sin lubida un danki super grandi na mi dushi Orlando cu mi a duna basta sleepless nights pa cu tur e preparashon nan durante e temporada y pa su apoyo inmenso ariba e anochi di eleccion. Sin falta un danki na Prensa completo cu a potrait mi beautifully na tur evenemento.

Y finalmente un danki na SAC cu a duna mi e oportunidad di a carga e Carnaval 60 cu hopi honor, orguyo, color y alegria hunto cu tur e otro reina nan. Sin tur e positivismo y energia di tur hende rond dimi mi no lo a logra gana e titulo maximo y asina representa Aruba den Carnaval 2014 como e di 20 sra. Carnaval di SAC. Mi anja di reinado tabata uno sumamente alegre, cu bunita recuerdo nan, pero lastimamente un tiki mas cortico di locual mi a desea. Durante anja 2014 e atenshon cu mi a haja y duna bek tabata sumamente bunita. Na Augustus mi a esta bai enjoy Carnival di West Indies na New York, proudly bisti cu mi T-shirt di Aruba y nos bandera y mi sherp di Sra. Carnaval Aruba 2014. Y a logra sali den varios programma di Television den caribe y asina pone nos isla chikito pero cu un Curason grandi un biaha mas ariba mapa Carnavalesco.

Mi amor pa Carnaval lo sigui crece y mi ta desea e organisashon nobo SMAK hopi forsa, inspirashon, animo, sabiduria y energia pa por hasie nos Carnaval di Aruba uno mas grandi ainda di locual e ta. Danki mi dushi Aruba pa a aceptami como boso Sra. Carnaval 60. Y pa locual ta Carnaval 2015 , ban disfruta sanamente y mustra mundo henter cu ta nos ta Carnaval.

Un brasa fuerte y un sunchi grandi pa boso tur,

Boso Sra. Carnaval 2014,

LYNETTE BERNADINA y no lubida.... boso "DDD" !

26

AWEMainta Diabierna, 9 Januari 2015

Banda di turismo,

Aruba mester otro pilar economico ARUBA mester di un otro pilar economico, Mientrastanto Rudy Geerman, Presidente

despues cu e refineria a sera su portanan.

Expertonan ta duna di conoce, cu e refineria den e condicion cu e ta actualmente no ta factible mas. Maske eyfo tin algun profeta di disaster, cu si ta kere cu tin interesado cu lo por habri e refineria di nobo. Pa habri e refineria atrobe, mester sigur como 600 miyon dolar pa inverti.

Ningun di e gruponan cu ta ser menciona, no ta interesa den esaki.

di FTA ta kere cu e aña aki, Gobierno mester sigui traha pa Aruba tin un otro pilar economico. No por keda depende riba turismo so, cu ta keda un industria masha vulnerable.

Mester fortifica turismo mas ainda, segun e sindicalista. Hopi biaha e turistanan ta bin Aruba, pa su seguridad y p’e hospitalidad.

Pesey mester percura pa mehora seguridad di Aruba, segun Rudy Geerman.

A fayece

‘Don Ramon’ Krozendijk, un compositor y musico hopi stima den nos comunidad DIARANSON

mainta Minister Otmar Oduber a ricibi e tristo noticia cu un otro baluarte di Aruba su Cultura a bay laga nos, Sr. Pedro Ramon Krozendijk ‘Don Ramon’, na edad di 64 aña.

Sr. Ramon Krozendijk tabata un compositor y musico hopi stima den nos comunidad. E tabata un compositor di piesanan clasico na Papiamento, manera e tan conocido “Cunuco di Seit”, contribuyendo na e nivel halto na nos herencia cultural y folklore.

Conoci como un persona recto y humilde, cu un amor grandi pa su patria Aruba, el a percura semper pa su composicionnan honra nos herencia, recordando e Arubiano pa ta orguyoso di nos raisnan y pa semper percura pa esaki no bay perdi.

Durante su hornada artistico ‘Don Ramon’ Krozendijk a compone varios cancion, a graba LP cu Tino Ruiz, a graba CD y a escohe su mes ken ta esnan cu lo canta su cancionnan, manera entre otro Debbie Werleman y Edjean Semeleer.

Aruba a perde un pionero riba tereno cultural folklorico.

Minister Otmar Oduber ta expresa palabra di condolencia na e yiunan, famia, amigonan y henter Aruba cu e fayecimento di Ramon Krozendijk. Cu ‘Don Ramon’ sosega na paz.

Scirbi pa: Remigio A. R. (Mimi) Wever

Tin un solucion...... y e solucion ey ta hopi cerca!!

DIAMARS ultimo, dia 6 di januari 2015 e lucha riba Aruba pa un Gobierno drechi y decente, a inicia!!

“Nos ta Aruba” a exigi retiro di Gobierno di Mike Eman 2, y un investigacion dor di Reino riba tur e casonan di fraude y di corupcion riba Aruba.

E demanda a wordo manda pa Gobierno di Reino, MinisterPresident Rutte, Minister Plasterk y Gobernador, y a wordo entrega tambe n’e Parlamentarionan Hulandes Bosman y Recourt, y n’e demas miembronan di e 1ste y 2de Kamer Hulandes, kendenan actualmente ta na Aruba.

“Nos ta Aruba” ta un asociacion boluntario di e gruponan den comunidad CAN, Ta Basta, Grupo 7, Nos Pais Aruba, y e sindicatonan TOPA, STA y SCC.A. “Nos ta Aruba” ta informa Pueblo di Aruba di e metanan cu nos kier logra pa Aruba, esta:

1. Un gobernacion drechi y decente riba Aruba; 2. E retiro di Gobierno Mike Eman 2; 3. Un investigacion riba tur e casonan di fraude y corupcion, ehecuta dor di un Comision Investigacion di Reino, institui mediante un Koninklijk Besluit (KB); 4.

Un solucion p’e problemanan financiero di Aruba, sin cu medidanan ta ser tuma contra e Pueblo of contra Comercio; 5. E cancelacion di tur e proyectonan PPP (cu excepcion di e asina yama Ringweg cu ta conduci p’e hotelnan) y e cancelacion di e parke di molina na Urirama; 6. No desmantela e refineria, pero duna un oportunidad

na tur e ofertanan cu ta haci posibel P’e refineria keda habri; 7. Envolvi y nombra p’e gobernacion di Pais Aruba e mihor profesionalnan riba cada tereno y den cada materia, kendenan – fuera di ta specialisa riba nan tereno di expertio ta tambe integro, y tin un mision y un vision pa nan Pais; 8. Investigacionnan riba integridad pa tur Minister, Parlamentario y Directornan di departamento/hefenan di servicio; elimina tur inmunidad; 9.

Regularizacion di donacionnan na partidonan politico, y eliminacion di obligacionnan na patrocinadornan; 10. Asociacion na partidonan politico den oposicion, cu den lineanan grandi lo kier sera un acuerdo di maneho cu “Nos ta Aruba”, pa asegura cu un cambio di un partido den Gobierno no unicamente ta un cambio di un color politico, pero principalmente un cambio pa un gobernacion drechi y decente, na fabor di e bienestar y prosperidad di un y tur, y di e interes general.

Ora e asociacion aki cu e partido(nan) politico ey ser realisa, “Nos ta Aruba” lo ta representa mas di 50% di e comunidad di Aruba.

Expresa bo simpatia pa “Nos ta Aruba” via: Jan de Ruijter, Nos Pais Aruba; janderuijter@ yahoo.com; Rene Bernabela, TOPA; topaaruba@gmail. com; Mike Williams, Grupo 7; mac2902@hotmail.com; Mimi Rossel, Ta Basta; mimiross@ gmail.com; Jose Giron, SCCA; scca-aruba@hotmail.com y Hendrik Tevreden, C.A.N.; salon_101@hotmail.com.

AWEMainta Diabierna, 9 Januari 2015

27

Reglanan pa eleccion Reina di Scol Aruba 2015 1. EDAD pa candidata cu por participa na e eleccion E.

Reina di scol Aruba 2015: Reina Infantil: Mester tin 6 aña 1 di januari 2015 y no mag di cumpli 10 prome cu 1 di april 2015. Reina Pre-Teen: Mester tin 10 aña 1 di januari 2015 y no mag di cumpli 13 prome cu 1 di april 2015. Reina Hubenil: Mester tin 13 aña 1 di januari 2015 y no mag di cumpli 17 prome cu 1 di april 2015. Reina Grandi: Mester tin 17 aña 1 januari 2015 y no mag di cumpli 25 aña prome cu 1 di april 2015.

2. Candidata mester entrega permiso di scol. E candidata mester ta un studiante y scol mester duna permiso na e studiante pa por representa e scol.

3. Candidata por tin otro nacionalidad cu no ta Hulandes.

4. Candidata mester ta naci femenino.

5. E candidata mester manda 1 potret digital y e logo di scol digital na reina-di-scol@hotmail.com ora di inscribi.

6. Inscripcion pa scolnan basico ta sera dia 27 di Januari 2015 y pa scolnan secundario dia 3 di Februari 2015. Riba e mesun fechanan aki lo tin reunion cu tur participante y nan representantenan.

7. Dia di eleccion candidata mester ta na e lugar di e eleccion un ora prome cu eleccion cuminsa. ( E motibo di esaki ta si por acaso e candidata lubida algo, ainda tin tempo pa bay busce y pa e candidatanan ta un poco relaha.) NOS TA EXIGI PA CU SHOW CUMINSA NA ORA CU FALTA CANDIDATA OF NO. 8. Candidata mester tin pa e anochi di eleccion; A. Grabacion di musica pa presentacion nr. 2 (speech/ show den costume) y nr. 3 (show den trahe di

gala). Pa nr. 2 no tin obligacion.

B. Un speech: Inf/Pre-Teen: maximo 1 minuut.

Hub/Grandi: maximo 2 minuut. Speech mester

contene un mensahe educativo y mester tin idioma Papiamento aden.

C. Un trahe canavalesco: Trahe mester ta traha di material Papel y/of Carton.

D. E trahe carnavalesco no mag di tin pluma, stenchi, of payet.

Un trahe di gala/gala canavalesco (reina infantil, pre-teen y hubenil mester ta un cocktail dress riba rudia. Pa Reina grandi e shimis mester ta largo) F. Riba e trahe di gala/gala carnavalesco si mag di usa tur material pa adorno.

G. Un grupo cu lo acompaña durante su presentacion den trahe di gala cual no por surpasa e cantidad di 8, cual presentacion no mag di surpasa 6 minuut incluyendo e presentacion di e candidata. E acompanjantenan/bailadornan mester bisti uniform di nan scol, pero mag di haci uso di props den man durante e show. ( tene bon cuenta cu hurado lo tene cuenta cu tur e puntonan menciona na #8 y pa cu esaki ta bay tin un timer y sanccion lo wordo aplica den caso di violacion di un of mas di e reglanan aki. Cada 5 seconde cu pasa lo perde un cantidad di punto. E sanccion ta aplicabel pa tur e categoria pa cada sanccion) 9.

Na candidata of su representante lo otorga; A. 8 banchi pa e acompañantenan/bailarin(a) nan cu lo compaña e candidata riba stage pa su show official B. Un (1) all around pass pa yuda e candidata cu costume, cos di come y di bebe pa e grupo.

C. Un (1) banchi pa estilista. ( Ta pidi pa tur reina bin drecha caba, pa asina por facilita e trabou backstage.)

10. Banchinan lo mester wordo busca na miembronan di comishon R.D.S. 2 dia prome cu eleccion. Ningun banchi ta wordo entrega na porta e anochi di eleccion.

11. Camber pa e candidatanan y camber pa e acompañantenan/ Bailarin(a)nan: A. Den e cambernan aki ta prohibi pa huma, bebe bebida alcoholico.

B. Ta prohibi pa uza palabra insolente of vulgar.

C. Ta prohibi pa candidata, estilista of cualkier miembro di di otro grupo touch cos di otro candidata. ( Si algo asina mester sosode lo mester bandona e sitio.)

12. Ta prohibi pa: A. Uza fireworks, pyro, awa, candela of talco/

puiro B. Animal bibo (e puntunan aki ta conta pa tanto ariba escenario como den publico) C. Uza obheto peligroso p.e. background cu ta baha di laira, subi di abou of di banda etc.

D. Uza obheto ariba escenario.

E. Uza di cancion cu expesion vulgar durante presentacion.

F. Mishi cu prodiedad di otro.

G. Candidatanan Infantil y Pre-Teen usa makeup. (violacion di un of mas di e reglanan aki lo perde punto.)

- No ta permiti pa trece blaas, DJ, sound system, brass band, banner/spandoek, noisemakers of poster grandi pa apoya.

- No ta perminti pa haci uzo di NINGUN efecto adicional y NINGUN otro compania ta permiti pa pone nada extra riba e escenario pa cu e eleccion.

- Tur Candidata ta haña 35 ticket cu ta obligatorio pa bende. (si ta desea mas carchi, mester trese placa prome serca un di e miembro di comision pa asina ricibi e otro ticketnan. E ticket extra no ta obligatorio pa bende tur, pero si ta pidi pa tur placa wordo intrega 24 ora prome cu eleccion.)

- Finalistanan: pa cada categoria lo eligi 3 finalista: un 2nd runner-up, 1st runner-up y e reina maximo.

- Reina cu keda eligi mag di bay competi na eleccion di Aruba su Carnaval 2016.

- Coordinadornan general di Reina di Scol Aruba pa e anochi ta Endy Croes (5923222) y Carl Quant (7496191).

Eleccion pa scohe Reina Infantil di Scol Aruba 2015 y Reina Pre-Teen di Scol Aruba 2015 lo tuma lugar dia 7 di Februari 2015 den Club Caiquetio y lo cuminsa 10:00 am.

Eleccion pa scohe Reina Hubenil di Scol Aruba 2015 y Reina Grandi di Scol Aruba 2015 lo tuma lugar dia 13 di Februari 2015 den Club Caiquetio y lo cuminsa 8:00 pm.

28

“Rescate di abeha” completamente gratis via Santa Rosa

MANERA ya ta conocir e abeha ta hunga un papel importante

den e sobrevivencia di e flora y fauna rond di mundo como tambe pa cu e reproduccion di un cantidad grandi di frutanan y berduranan cu ta wordo consumi diariamente manera ta tomati, maishi, awakati y apel.

Mirando con importante e insectonan aki ta Departamento di Agricultura, Cria y Pesca tin como tarea e proteccion di e insectonan aki riba nos isla pa cual motibo a crea e seccion di Apicultura di Santa Rosa unda cu ta rescata y realoca abehanan cu ta den peliger y cu ta forma un molester pa cuidadanonan.

Den e seccion aki e specialista di aheha di Santa Rosa ta cuida y produci honing local cual ta wordo bendi y como tambe usa pa cu produccion di binja local traha di honing. Tambe e seccion di Apicultura ta wordo usa grandemente como centro di informacion na alumnonan di scol unda cu un casita special a wordo traha pa asina studiantenan por observa e comportacion y tarea di abeha den un area protehi.

Pa por cumpli cu e tarea aki Santa Rosa ta ofrece servicio unda cu ta recohe abehanan cu ta forma un molester pa habitantenan cual servicio ta completamente gratis. Aki specialistanan di Santa Rosa ta usa tactica y conocimento pa recohe y realoca e insectonan aki den un forma structura cu no ta causa danjo ni trauma na e abehanan.

Departamento di Agricultura, Cria y Pesca ta segura cu e servicio di recohemento di abeha ta completamente gratis unda cu e Apicultornan di Santa Rosa por wordo reconoci na e logo di Santa Rosa riba nan uniform.

Durante e ultimo simanan Santa Rosa a ricibi differente yamada indicando cu personanan no authoriza ta haci uso di e nomber di Santa Rosa pa recohe abeha y cobra pa cu e trabou aki pa cual motibo kier pidi pueblo pa tuma contacto cu e Departamento na 5858102 si acaso algun persona haci uso di e nomber di Santa Rosa pa collecta abeha y cobra pa cu e trabou aki.

“BAN SOSTENE NOS CULTURA , PRACTICA CRIA, PESCA Y AGRICULTURA”

AWEMainta Diabierna, 9 Januari 2015

AWEMainta Diabierna, 9 Januari 2015

29

Servicio pa Comunidad

“Laga tur kos ta spera mi ta bunita, laga tur locual cu mi encontra na caminda ta bunita, laga tur locual cumi laga atrás keda bunita y laga esakinan termina den tur buniteza”.

AGRADECIMIENTO Na nomber di famia di nos difunto stima

Cu hopi tristeza pero conforme cu boluntad di Dios, nos ta participa fayecimento di :

Gonzalo M. Cuesta C. 01/05/1935 - 12/12/2014

Ethel S. Hodge

Mihor conoci como: “Ethel of Wewi” *18-041949 †28-12-2014 Na nomber di su: Yiunan: Rafael Lambourghini na Corsow Demetri Hodge Julissa Arends Nietonan:

Chevonne Ruiz, Cheqion Arends y Shahaira Perez, Cheimmillion Tromp

Rumannan:

†Ruby Wilson †Violet Spencer †Carlos Maxwell †Ostin Hodge Bernard Maxwell y famia Telma Maxwell y famia John Maxwell y famia Lilian Busby y famia Beatrix Hodge y famia

Ta extende palabranan di agradecimiento na tur amigo y conocirnan cu a sostene nos na e momentonan difícil di pérdida di nos ser keri.

Na famianan Vega, Guzmán, Lejuez, Carraha, Vis, Saponara, Frank, Holman, Villasmil, Moreta, na grupo di oración di Hesus Misericordioso di Parokia di San Franciso, danki.

Un agradecimiento especial na staff y personal di unidad di dialyse di Centro Médico San Nicolas (Imsan), na Dr. Haime Falconi, Dr. García y personal di unidad di transporte di Lite Life, pa nan añanan di atención y cuido.

Na Dr. Romeo Kock, personal di acute dialyse y enfermero(a)nan di Hospital H.O. Sin lubida ningún, na tur cu a extende nan palabranan di apoyo, Danki pa boso presencia.

Emergencia Brandweer: Polis: Polis Oranjestad: Polis San Nicolas: Polis Santa Cruz: Polis Shaba: Polis TipLine:

911 100 102 104 105 107 11141

Ambulance San Nicolas: Ambulance Sasaki: Ambulance Wayaca:

584-5050 582-5573 582-1234

Hospital: Centro Medico San Nicolas: SVB (AO-Ziekmelding):

527-4000 524-8833 527-2782

Botica na warda Pabou di Brug: Paradera N.V. Pariba di Brug: Aloe N.V.

Dokter na warda Pabou di Brug: Pariba di Brug: Ramautar

Servicionan ELMAR Storingdienst: SETAR Storingdienst: Digicel: WEB Storingdienst: Reina Beatrix Int’l Airport: Serlimar: Arugas: Guarda Costa:

523-7127 117 145 525-4600 524-2424 584-5080 585-1198 913

Funeraria AD Patres: Aurora: The Olive Tree:

5842299 5886699 5820000

Fundacion

Sobrino y sobrinanan, primo y primanan, amigonan, bisiñanan y conocirnan Demas famia: Hodge, Arends, Lambourghini, Ruiz, Tromp, van Putten, Wilson, Maxwell, Busby, Spencer, Holliger, Every, Martina, Nieuwton, Hughes, Denny, De Meza, Lynch, Vries, Fingal, Charles y demas famia na Aruba, Corsow y Hulanda.

A bay sosega den brasa di Señor tirando un bista riba su cunucu di Seit y mirando e luna scondi trai Hooiberg ademas lagando bunita recuerdo atras

Cas Editorial

Ta invita pa e acto di despedida cu lo tuma lugar dialuna 12 di januari 2015 di 2’or pa 4’or na Aurora Funeral Home.

Lo bay tin un box pa donacion pa un bon causa

The Media Group

Magrietstraat #3 Oranjestad, Aruba Tel: 583-1400 fax: 583-1444

Pedro Ramon Krosendijk “Don Ramon” *31-01-1950 - †07-01-2015

Acto di despedida di “Don Ramon” ta dialuna 12 januari 2015 na Aurora Funeral Home & Crematory, for di 2’or pa 4’or di atardi.

Lo tin un box disponibel pa un donacion pa un bon causa.

Cuenta di banco: CMB #22982600

E-mail Redaccion: noticia@awemainta.com Aviso: aviso@awemainta.com

Director:

Victor “Toko”Winklaar Victor R. Winklaar

30

AWEMainta Diabierna, 9 Januari 2015

Departamento di Salud Publico ta desmenti cu

Homber haya morto na Paradijswijk no a muri di Chinkungunya DEPARTAMENTO di Salud Publico ta informa cu a haci un investigacion profundo di un caso di fayecimento cu diferente medio di comunicacion a publica cu segun rumornan esaki ta a consecuencia di malesa Chikungunya.

E siman aki a ser haya un curpa sin bida na Paradijswijk drumi den un hamaca y diferente medio di comunicacion a publica cu e persona a fayece a consecuencia di e malesa Chikungunya.

Tambe a keda publica cu esaki ta debi cu e malesa ta contagioso.

Malesa Chikungunya ta cay den e categoria di malesa contagioso, pasobra e malesa ta wordo transmiti p’e sangura Aedes aegypti.

Sin sangura Aedes Aegypti no por tin ni Chikungunya ni Dengue.

Den e caso aki dokternan tin e deber di raporta cualkier caso sospechoso di Chikungunya of Dengue.

Malesa Chikungunya no ta conoci pa su riesgo halto te pa muri di dje. Solamente den caso extremo esaki por ta posibel, pero n’e momento ey e persona mester ta den un estado di salud hopi malo caba.

Dengue al contrario si ta ocasiona sangramento hemoragico, cu por causa morto si esaki no wordo trata na tempo y debidamente.

Na momento cu Departamento di Salud Publico a wordo informa di e caso aki na prome instante a tuma tur medida di precaucion n’e adres di e fayecido.

Como medida di prevencion Gele Koorts en Muskietenbestrijding (GKMB) a pasa directamente n’e cas pa controla riba criadero.

N’e cas y becindario a fumiga pa mata e sanguranan adulto.

E dokter cu a constata morto a laga sa cu e condicion di salud di e fayecido tabata mustra normal y cu no tabatin ningun

Señor ta mi wardador, mi’n tin falta di nada, den cunucu di yerba berde. E ta pone mi sosega.

E ta hiba mi na awa trankil, pa mi bolbe haya forza.

Salmo:23.1 Cu inmenso tristeza na nos curazon nos ta participa fayecimento di:

Carline Pierre

Mihor conoci como “Tica” *22-10-1979 - †02-01-2015 Acto di Entiero lo wordo anuncia despues

complicacion medico cu ta mustra cu e persona aki a fayece a base di Chikungunya of un otro malesa contagioso.

Tur indicacion ta mustra cu e persona a fayece debi na un

atake di curason. P’e motibo aki no tabata necesario pa tuma e curpa den beslag pa haci autopsia.

Departamento di Salud Publico kier extende profundo condolencia na famia di e fayecido.

Cu dolor profundo, pero conforme cu Dios Su boluntad ta anuncia fayecimento Cristian di

Pedro Cirilo Guanipa Guadarrama 09 juli 1967 - 07 januari 2015

Cariñosamente yama Pedrito y Mo Dito E ta laga atras su Señora: Marina Blanco Yiunan: Dennis Guanipa y señora Juliana Elizabeth Guanipa y Clint Wijshijer Mama: Isolina de Guanipa Guadarrama Nietonan: Delano Koster na Hulanda Bryan, Julianne y Brandon Guanipa Kailey Campos y Roger Prieto Rumannan na Venezuela: Julio Guanipa (dfm) y famia Maritza Guanipa y yiu Magaly Guanipa y famia Mirna de Jimenez y famia Daisy de Gil y famia Rafael Guanipa y famia Martha Elena Guanipa y famia Nohemy de Palao y famia Douglas Guanipa y famia Mariela Guanipa Swa y Cuñanan na Aruba: Armando Blanco y famia Vicente Blanco y famia Juan Blanco y famia Nicolas Blanco y famia Ana Blanco y famia Servio Blanco y famia Carmen Blanco y famia Rolando Blanco y famia Jorge Blanco y famia Subrina y subrinonan, prima y primonan, ex coleganan di Albo Aruba N.V., Manchebo Aruba Beach Resort y DOW. Famianan Guanipa, Blanco, Guadarrama, Chavez, Wijshijer, Jimenez, Gil, Palao, Arends, Arenas, Marchena, Lopez, Vrolijk, Tromp, Kelly y Prieto.

Restonan mortal ta reposa na Capilla Los Claveles y entiero ta tuma luga na santana Jardines Santa Ana na Punto Fijo, Venezuela.

Di antemano, disculpa si por a lubida un hende den nos dolor.

AWEMainta Diabierna, 9 Januari 2015

31

TIPO DI CAMBIO OFICIAL Valido pa 9 Januari 2015t’e 11or mainta Placa Extranhero

Bank Papieren

Wisselen, Cheque Reis Cheque en Over Boekingen

Benta na Publico

US Dollar

1.77

1.78

1.80

CAN Dollar

1.48

1.50

1.52

Engelse Pond Sterling

2.62

2.67

2.73

Zwitserse Frank per CHF. 100 Ned.Ant. Gulden per ANG. 100

174.27 98.00

174.99

175.79

biljetten 100.20 chq./overboeking 100.00

100.00

Japanse yen per JPY. 10.000

147.30

148.65

150.14

Euro per XEU. 100

207.70

209.59

211.70

Señor ta mi wardador, mi’n tin falta di nada, den cunucu di yerba berde. E ta pone mi sosega.

E ta hiba mi na awa trankil, pa mi bolbe haya forza.

Salmo:23.1 Cu inmenso tristeza na nos curazon nos ta participa fayecimento di nos defunto stima:

Provision di Devisa 1.3%

Segun articulo 12 di Afkondigingsblad di Aruba 1991 nr.GT 32.

Banco Central di Aruba ta defini e tipo di cambio oficial pa e cambionan di placa extranhero.

BANCO DI CARIBE Alfonso Kelly

Mihor conoci como” Ale” *30-10-1953 - †07-01-2015 Na nomber di su casa stima: Sira Kelly- Tromp Yuinan: Alexandro (Alex) Kelly & Sheila Holsman Giselle & Ivan Flanegin Nigel Fuentes Nietonan:

Axel Kelly Jayden Kelly †Ivan Jr. Flanegin Givan Flanegin

Nietanan:

Ixsell Flanegin †Shandee Flanegin Shanea Kelly

Rumannan:

†Mai & Mani Kelly y yuinan Cadan & Casilda Kelly y yuinan Johan & †Irena Kelly y yui Chin & Reina Kelly y yuinan Bea & Franklin Kock y yuinan Lena & Felo Rodriquez y yuinan Betty Kelly & Emilio Loefstop y yuinan Victor & maria Tromp Mirla Tromp y yuinan Jeanette & Eric Tromp y yuinan Lisandro Wouter †Antonio Tromp y yuinan

Suegro y suegra: Cuñanan: Swanan: Su trahadornan:

Calvin Kelly Leo Kelly Su subrino y subrinanan, primo y primanan, ihanan, amiganan y amigonan, amigonan di Aruba Domino Bond, su team nan di curason Ayo, Noord Stars, Boegoeroei Atletic y Grasshoppers Base Ball Organization y bisiñanan.

Demas famia: Kelly, Tromp, Flanegin, Holsman, Fuentes, Croes, Dirksen, Boekhoudt, Kock, Rodriquez, Loefstop, Wouter, De Mey, Bremo.

Ta invita pa acto di entiero cu lo tuma lugar diasabra 10 januari 2015 pa 4’or di atardi na Aurora Funeral Home. Nos defunto stima lo ta reposa for di 2'or di merdia den Aurora Funeral Home y despues lo sali pa Santana Pastoor Kranwinkel na Paradera.

Adres pa condolencia: Aurora Funeral Home, diabierne 9 januari 2015 for di 7’or pa 9’or di anochi.

Despensa nos si den tristeza nos a lubida un of mas famia, nos ta lamenta cu despues di entiero nos no ta ricibi bishita di condolencia na cas.

Famia ta pidi pa bin bisti na color alegre.

32

AWEMainta Diabierna, 9 Januari 2015

Acuerdo pa inicia cu construccion MFA Paradera a keda firma Minister President Eman “Inovacion, cohesion y trece comunidad hunto ta importante pa nos” DIAHUEBS mainta e acuerdo pa por cuminsa cu of otro familiar.”

construccion di MFA Paradera a keda firma. Esaki a sosode door di Presidente di SOGA sr.John Hodgson, Jessey Simon di AIB/SOGA, Minister Sevinger y Prome Minister Mike Eman. Presente na e occasion special aki tabata tambe di parti di e MFA’nan Omar Harms y Anky Vrolijk, contratista Anthony Thiel, artitecto Joel Croes, miembronan di Infra-team di Ministerio di Infrastructura y invitado.

Na e ocasion aki Prome Minister Eman a bisa cu esaki ta un mision cu su Gabinete a pone su dilanti pa optimalisa e servicionan cu gobierno ta brinda den barionan. Den un forma mas organisa, mas eficiente e MFA’nan lo ofrece e servicionan aki pa ciudadanonan.

Asina por cumpli tambe cu e necesidadnan cu comunidad tin mester di nan, ya cu e MFA’nan lo brinda mucho mas cu unicamente e servicionan di gobierno. Servicionan ta wordo amplia y e ta bay bira un punto caminda ciudadanonan por topa cu otro den forma agradabel, hobennan di bario por haya les y haci uzo di lokaalnan pa haci huiswerk, les di baile, musica y otro actividadnan cultural. “Inovacion pa nos ta importante, trece comunidad hunto, crea circumstancianan caminda amigonan por topa otro, caminda famianan por cumpli cu nan debernan y nan por haci uso di e facilidad ora di warda cu nan yiunan

Construccion di MFA Paradera, un bunita edificio cu a wordo diseña pa e hoben arkitecto Joel Croes ta den cuminsa. Eman tabatin hopi palabra di elogio pa Joel Croes, kende a bin cu ideanan creativo y a aplica nan den diseño di MFA Paradera. Banda di e servicionan cu tin caba den e hulpbestuurskantoornan ta bay bin den e MFA’nan servicio di AZV, di Asuntonan Social y tambe tin varios empresa, banco y otronan cu ta mustra interes pa pone nan servicionan disponibel den e edificionan di MFA. Banda di e servicionan adicional di gobierno manera un biblioteca, un espacio di computer, e ambiente ta bay ta hopi agradabel y positivo pa ciudadanonan den e barionan. Lo ta bay tin espacio tambe pa esnan di mas edad topa cu otro, bebe koffie y combersa riba cosnan di tur dia. Eman: “E MFA’nan ta cumpli cu e meta cu gobierno tin pa tin mas union, mas cohesion den comunidad. P’esey mi kier a gradici SOGA masha tanto mes, pasobra sin e construccion financiero aki lo no tabata posibel pa gobierno por a haci un inversion y cumpli cu renobacion di nos pais manera nos ta haciendo den ciudad y barionan.” E obligacionnan pa por cumpli cu e parti financiero den e añanan cu ta bin a wordo haci factibel pa asina pais Aruba por renoba y innova y tog reparti e responsabilidad y e peso cu esaki ta trece cu

ne den un termino mas largo. Prome Minister Eman: “SOGA ta un di e vehiculonan di financiamento cu ta haci esaki posibel. AIB ta haci e trabou di busca financiamento pa asina SOGA por ofrece e servicio aki.” Eman a gradici tambe su colega Sevinger cu su Infra-team cu a percura pa e trabounan haci. Eman a conta cu e empleadonan di e hulpbestuurskantoornan y otronan cu ta bay traha den e MFA’nan ta hayando curso pa asina ora nan habri, nan ta bon prepara.

Lo bay duna participacion na grupo y fundacionnan social cu ta activo den e barionan. Awor aki ta inventarisando nan pa mira con nan lo por haci uso di e acomodacionnan di MFA. “Tur e trabou aki ta tuma luga bou coordinacion di sr. Omar Harms y sra. Anky Vrolijk. Mi kier a gradici nan pa nan trabou.’

Pa loke ta e proceso di ‘bidding’, compania ‘BIC’ a gana esaki y a haya e contract pa construi MFA Paradera. Pa BIC tambe Eman tabatin palabranan di gradicimento. Sr. Thiel di BIC a bisa cu construccion ta bay tuma 240 dia di trabou. Loke nifica cu na inicio di 2016 MFA Paradera ta habri pa publico. Despues di a gradici miembro di Infrateam Junior Tromp pa su disponibilidad semper, Eman a bisa cu e siguiente MFA cu ta bay wordo construi ta esun di Savaneta, sigui pa Sta.Cruz y di San Nicolas cu ta bay wordo renoba completamente.