13 mei 2015

Diaranson, 13 Mei 2015

AEROPUERTO DI ARUBA A YAMA

BON-BINI N’E PARTICIPANTENAN DI E

GRATIS

“ACI WORLD SAFETY &

TECHNICAL COMMITTEE MEETING”

PG.02 Aruba Airport Authority N.V. (AAA) a yama bon-bini na tur participante cu e siman aki ta participando n’e “Airports Council International (ACI) World Safety & Technical Committee Meetings” cu lo tuma lugar na Aruba fors di 12 pa 15 di mei 2015.

E reunionnan anual aki cada aña ta wordo teni na un pais diferente y e aña aki Aeropuerto di Aruba tin e placer di ta anfitrion p’e 42 Aeropuertonan miembro riba nos isla. E participantenan participando den e reunionnan aki ta procedente di varios Aeropuerto reconoci, manera Aeropuertonan di Dubai, Brussels, Israel, Brisbane, Roma, Sur Africa, Toronto y Panama, djis pa menciona algun.

AWEMainta.com |

E-mail: noticia@awemainta.com |

www.facebook.com/Awemainta | Tel: 583-1400

2

AWEMainta Diaranson, 13 Mei 2015

Cu participacion di partnernan di e industria for di rond mundo:

Aeropuerto di Aruba a yama bon-bini n’e participantenan di e “ACI World Safety & Technical Committee Meeting”

ARUBA Airport Authority N.V. (AAA) a yama bon-bini na tur participante cu e siman aki ta participando n’e “Airports Council International (ACI) World Safety & Technical Committee Meetings” cu lo tuma lugar na Aruba for di 12 pa 15 di mei 2015.

E reunionnan anual aki cada aña ta wordo teni na un pais diferente y e aña aki Aeropuerto di Aruba tin e placer di ta anfitrion p’e 42 Aeropuertonan miembro riba nos isla.

E participantenan participando den e reunionnan aki ta procedente di varios Aeropuerto reconoci, manera Aeropuertonan di Dubai, Brussels, Israel, Brisbane, Roma, Sur Africa, Toronto y Panama, djis pa menciona algun.

E miembronan di e comision cu ta profesionalnan den safety y operations di e diferente Aeropuertonan lo trata

diferente topico di importancia cu ta relevante p’e promocion di safety na cada Aeropuerto cu ta participa.

Topiconan manera Apron Safety Handbook, Safety Management Systems Handbook y Wildlife Management y mas lo wordo trata a base di e experiencia di cada Aeropuerto cu ta participa.

E conocimento y experiencia cu lo wordo comparti ta djis un di e hopi beneficionan pa cada Aeropuerto participando y ta usa e oportunidad unico aki pa trata tambe e problemanan cu nan ta encontra y na mes momento comparti experiencianan exitoso pa crea manualnan di bon practica cu lo wordo usa pa Aeropuertonan rond mundo.

ACI ta constantemente activo e.o. riba e tereno di safety den aviacion p’asina garantiza operacionnan safe di Aeropuertonan rond mundo dor di imple-

menta standard y proceduranan comun y traha cu e miembronan bou guia di e ACI World Safety and Technical Committee y oficinanan regional di ACI, pa sigura cu problemanan di safety actual ta wordo trata entre e Aeropuertonan rond mundo cu ta miembro di ACI. E observacionnan di ACI despues ta wordo presenta na miembronan importante den e industria manera ICAO y IATA como parti di ACI su rol.

Aeropuerto di Aruba su COO y miembro di ACI World dr. Jurgen Benschop a expresa cu Aeropuerto di Aruba ta orguyoso di e oportunidad pa por ta anfitrion di e reunion anual aki. Como un Aeropuerto chikito nos por beneficia di e experiencianan comparti dor di e Aeropuertonan mas grandi cu tambe ta trata cu e mesun asuntonan di safety.

Aunke Aeropuerto di Aruba ta un aero-

puerto chikito compara cu p.e. Aeropuerto di Toronto of China, e negoshi principal ta keda mescos y e aspecto di safety ta di suma importancia pa un Aeropuerto su operacion diario mirando cu e consecuencianan di un incidente of accidente lo tin un impacto directo riba e economia di turismo p’e isla, mirando cu e t’e unico Aeropuerto di e isla.

E dedicacion na operacionnan safe ta wordo mira den full e industria rond mundo y den diferente forma, incluyendo adopta proceduranan standard di operacion, e introduccion di metodonan y tecnologianan nobo y por lo general sigura cu safety ta principal den tur operacion di Aeropuerto. E topiconan aki sigur lo wordo trata e siman ki.

E potretnan ta ilustra e ceremonia di apertura cu presencia di Minister di Turismo, sr. Otmar Oduber.

AWEMainta Diaranson, 13 Mei 2015

3

Nelson English a trece speransa sin futuro p’e refineria NOS conoce un dicho masha popular den Papiamento, cu ta bisa: “Yambo bieu a bolbe na weya,” y ta loke nos a pensa riba ora cu analisa tur loke e experto petrolero Nelson English, a trece dilanti den sala di reunion di Parlamento y durante di otro presentacion na Camara di Comercio.

Un grupo local cu ainda ta kere den e refineria e posibilidad cu e lo por nifica algo grandi pa economia di nos pais, a invita sr. Nelson English ya cu politicamente nan ta mira balor ainda den cualkier intento pa habri e refineria.

Nos ta pone enfasis aki riba e “balor politico” ya cu realmente e “balor economico” ya no ta existi p’e refineria di Aruba, cu tabatin un posibilidad un 6 aña atras ora cu Valero kier a inverti miyones den un ‘hydro cracker’ cu lo a duna bida nobo n’e refineria, pero aki Gobierno di Nelson Oduber di MEP, no kier a duna Valero ‘tax holiday’ den e acuerdo aki, loke a conduci cu no a keda otro opcion di baha e planta y despues dal esaki sera por completo.

Sinembargo ora cu analisa ambos reunion informativo cu a tuma lugar, ta sigui e gran duda riba e posibilidad pa sigui cu e refineria, mirando no solamente e situacion di prijs di crudo riba mercado mundial, pero e situacion di e planta mes cu ta bayendo atras cada dia cu e ta for di operacion.

Sr. English a papia di varios aspecto cu mester wordo haci cu e refineria di Aruba p’e bira uno efectivo cu lo gana placa pa esnan cu cumpra esaki, pero pa pone n’e nivel aki, ta rekeri inversionnan cu lo alcansa entre 100 pa 400 Miyon dolar y esey ta solamente pa pone traha sin inclui ainda e prijs di compra y otro gastonan adicional.

Esnan cu a pone nan speransa politico den e conocemento di sr. English, no a logra si saca e bentaha aki cu tanto nan a kere cu nan lo a haya for di su bishita, ya cu realmente ni sikiera sr.

Nelson English no por a brinda e seguransa concreto cu un po-

sibilidad concreto y sigur pa habri e refineria.

Pa colmo ta mas cu claro cu sr. English no por a duna e seguransa aki, ya cu den e caso aki a rekeri un cumprador cu tin hopi pero hopi placa, cu por logra crudo riba prijs excepcional riba mercado mundial loke por ser haya solamente cerca un compania grandi y di renombre mundial, kendenan sigur no ta sperando riba e refineria di Aruba pa haci negoshi y gana placa.

Den e caso di Aruba ya caba ta un compania di renombra mundial, cu ta Valero, ta doño di e facilidad aki y cual compania no ta mira ningun beneficio mas pa sigui cu operacion di e refineria aki, pa cual motibo a dicidi di sera esaki por completo.

Interesante t’e hecho cu lider di Democracia Real, sr. Andin Bikker a declara cu sr.Nelson English ta “dispuesto pa forma parti di un comision pa explora posibilidad pa habri e refineria,” loke riba su mes caba ta un pensamento for di proporcion, ya cu n’e momentonan aki, no tin tempo mas pa comision of pa explora e posibilidad aki, ya cu cantidad di posibilidad a wordo atendi caba sin cu a yega na algo concreto.

Gobierno di MEP den pasado a bishita China caminda a papia cu PetroChina, a bishita Brasil y otro paisnan, pero no a haya ningun hende interesa, mientras cu Gobierno di AVP bou di Minister President Mike Eman y Minister Mike de Meza, a bishita Brasil, a papia cu varios compania grandi, a bishita Venezuela cu sosten di oficialnan halto di Gobierno Hulandes, a ricibi bishita di PetroChina y tambe a bishita Colombia pa mira riba cualkier grupo interesa cu suficiente capacidad pa habri e refineria, pero ningun a mustra e interes aki.

PEDEVESA hasta a manda un delegacion pa inspecciona e refineria pa varios siman, pero tampoco a bira algo concreto y asina por sigui menciona un lista largo di varios posibilidad cu a wordo purba.

Den loke partidonan di oposicion kier haci n’e momentonan aki, ta mustra cu nan kier pa Gobierno asumi cierto responsabilidad pa sigui explora algun opcion ta por ser considera masha “minimal” pa no bisa cu nan no ta existi mes.

A spera cu sr. Nelson English lo a duna Parlamento mas informacion riba e capacidad financiero di e compania cu e ta representa y cu tin interes pa cumpra e refineria, pero ora cu ta papia di cualkier otro “maniobra” mester tin hende- of companianan cu ta para responsabel pa cualkier obligacion financiero cu por keda for di e esfuerso extra aki, ya cu Gobierno di Aruba no por carga ningun pero ningun responsabilidad mas den e proceso aki.

Gobierno a haci tur cos y si partidonan di oposicion kier carga responsabilidad pa cualkier gasto adicional cu mester wordo haci, nan bin dilanti y bisa esaki pa despues nos pais no keda cu otro debe pa motibo cu politiconan cu ainda no kier compronde decision di pueblo den eleccion di 2013, y kier pretende di tin un responsabilidad cu pueblo no a duna nan.

Mescos cu mi a cuminsa cu afamado dicho, mi ta ser’e un otro. Shakespeare a yega di bisa: “Who is fooling who”, of esaki ta mihor ainda: “To be or not to be, that is the question”.

4

AWEMainta Diaranson, 13 Mei 2015

Ta crea speransa falso

Oposicon kier habri refineria riba suposicionnan

SIMAN pasa diferente mocion a wordo haci pa realisa tog un ultimo intento pa habri e refineria di Valero. A pesar cu den un situacion asina pais Aruba mes por haci masha poco tanten cu e do単o mes no expresa di ta dispuesto pa bende.

Partidonan di oposicion den Parlamento, MEP y PDR a cuminsa hunga politikeria cu e tema aki, lubidando cu ta creando speransa falso cerca un parti di e comunidad.

Dialuna mainta e ex ehecutivo di Coastal Aruba Refinery, Nelson English tabata den Parlamento, riba invitacion di un comision presidi pa lider di PDR, mr. Andin Bikker, pa papia riba e posibilidadnan di un reapertura.

Rol 13 di mei >>

AweCorte di Prome Instancia lo Trata pro-forma un caso di secuestro

Awe Corte di Prome Instancia lo Trata pro-forma un caso di secuestro

Horario

Sospechoso

ActoCastigabel

08.15

M.W.l.G. D.N.J.L. I.H.G.M. C.R.J. G.O.M. A.R.D. M.A.C. R.J.d.l.C. S.D.M.R.

Uitspraak

08.15

08.30

10.00

J.R.S.J. J.J.S.J. C.G.A.S. A.F.M.

10.45

E.L.J.S.

Pro forma. R. ta wordo acusa di den e periodo di 5 di april 2013 na Aruba, Curacao of Hulanda, conhuntamente cu un otro of otronan, a intencionalmente kita un mucha bao 12 a単a di edad for di bao di e persona cu tin autoridad legal riba dje, dor di a tene na algun lugar na Curacao y siguientemente na algun lugar na Hulanda of Europa.

E ta wordo acusa di den e periodo di 5 di april 2013 na Aruba, Curacao of Hulanda, o sea Europa of mundo, a intencionalmente sconde e mucha en cuestion, cu a wordo kita for di bao di e persona cu tin autoridad legal riba dje, pa husticia y polis no haye, dor di, conhuntamente cu un otro of otronan, pone e mucha na adresnan desconoci pafor di Aruba.

E ta wordo acusa di, den e periodo di 15 di februari 2014 pa 9 di januari 2015, a intencionalmente kita e mucha for di e persona cu tin autoridad legal riba dje, dor di, conhuntamente cu un otro of otronan, tene e mucha na algun lugar na Hulanda of Europa of na un lugar desconoci na e persona cu tin e autoridad.

S.J. y S.J. y A.S. ta wordoacusa di ladronicia cu violenciaribaprome di december 2014.

M. ta wordoacusa di aintencionalmentecende un candela riba 27 di november 2014.

S. ta wordoacusa di menaza, posesion di arma di candela y maltrato entre 18 di februari 2014 y 3 di februari 2015.

AWEMainta Diaranson, 13 Mei 2015

Resultado di e encuentro aki tabata decepcionante pa hopi hende, pasobra loke English a trece dilanti, cualkier persona den mundo di refinamento di petro y cu kier haci un negoshi lo a expresa tambe.

Nelson English simplemente a trece dilanti con e como experto ta mira e situacion di e refineria, kico lo mester wordo haci, esta

modernisa e instalacion, p’e ta mas factibel. Esaki ta algo cu varios compania interesa pa cumpra a expresa caba.

Esta cu e refineria di Aruba awor por procesa solamente e fuel pisa cu ta wordo exporta despues pa exterior.

Berdad cu tin demanda p’e tipo di instalacionnan aki, pero

5

pa nan por haci e trabou aki, mester di e crudo pisa pa wordo procesa. E compania cu ta bay opera e refineria mester e contactonan aki pa no keda na caya sin producto.

Ora cu e hendenan a spera cu Nelson English lo presenta den Parlamento cu un lista di candidato, di companianan di renombre mundial cu tin

e potencial y poder pa opera un refineria, tabata parce mas bien cu e ehcutivo aki tabata en busca di un trabou.

Solamente el a presenta cual ta e posibilidadnan p’e habri e refineria pero bisando na mesun momento cu lo mester surpasa basta reto.

Y cu tur cos ta depende con

Gobierno ta posiciona su mes.

Tabata parce cu Nelson English cu no ta na altura con e Gobierno di Gabinete Mike Eman I a haci demasiado concesion caba na Valero cu e por a wanta su portanan habri pa algun tempo.

Pa bay mas leu cu esey, en comparacion di loke LO POR logra, ta manera baha carson demasiado. Nelson English no a presenta ningun potencial candidato, pero si e tin varios contacto, kisas cobrando su “fee” di intermediario.

Y cu e ta dispuesto pa forma parti di un comision di experto local como internacional (Red: Mas gasto pa Gobierno) cu lo mester sondea e posibilidadnan y con pa habri e refineria cu algun di e gruponan interesa.

Pues niun hende spera cu English e siman aki ainda ta trece un grupo Aruba y cu tin un cuenta bancario cu biyones y por habri e refineria sin problema. E Milagro aki cu a pinta bon di e pueblo lo no sosode.

Ta lamentable pasobra e indicacion cu a haya tabata otro.

A crea speransa falso bou di e pueblo. Ademas, ta parce cu e lider di PDR, Andin Bikker ta lubida cu no ta pais Aruba ta doño di e refineria sino Valero.

Si nan kier kita di e dolor di cabez, nan ta simplemente desmantela. Si logra un compania tuma over, ta un riesgo grandi p’e mesun compania, ya cu ta hopi obligacionnan e lo tuma cu aworaki ta obligacion di Valero, p.e. laga e area limpi atras dia cu nan dicidi di sera nan portanan.

Y asina tin hopi cos mas. E conclusion di e reunion aki tabata un decepcion, pasobra tur cos ta asunto a draai rond di suposicionnan.

6

AWEMainta Diaranson, 13 Mei 2015

Polis a tira riba un choler dialuna anochi WILLEMSTAD – Dialuna anochi na altura di St Domingoweg Polis K.... (Rio Canario) ey su bisiña (Choler + Loco) a bin cu Machete dilanti e homber su porta di cas. Esaki a pone cu e colega a los tiro di advertencia den laira y e bisiña Choler a kore bay. TOD ta sigi cu e investigaccion.

Avenida Milo J.Croes # 118 – A Tel: 5883948, fax: 5883945, Dilanti Flora Market na Dakota, E-mail: doorhandle @ setarnet.aw

KASHI SPECIAL PA WARDA JABI (30 JABI) 20 % DISCUENTO, POR INSTALLA TAMBE

AWEMainta Diaranson, 13 Mei 2015

7

Minister Angel Bermudez:

“Funcionarionan di DRH, DF, MOT, CAD, DAD, DIMP lo huramenta e luna aki” DIABIERNA mainta 42 profesional di diferente departamento manera, Departamento di Recurso Humano (DRH), Melding Ongebruikelijke Transacties (MOT) y Centrale Accounting Dienst (CAD) a huramenta oficialmente como ‘ambtenaar’ den presencia di Minister di Finanza, Angel Bermudez y demas Director di e departamentonan respectivo.

YEARS

Durante ultimo añanan por a tuma nota cu en berdad e proceso aki unda cu oficialmente ta huramenta e profesionalnan como empleado di Gobierno ta un trayecto cu basta retraso, pues e mandatario a haci enfasis riba e huramentacion aki y cu importancia p’esnan cu ta labora den Gobierno.

“E huramentacion cu bo lo mantene grado halto di integridad den servicio di Gobierno eigenlijk mester sosode ora bo ta drenta den servicio, pero pa diferente motibo di burocracia esaki a ta tarda masha hopi mes cerca nos na Aruba.

Mi ta contento si cu nos a cuminsa cu e prome grupo aki p’asina e procedura aki ta completo y den e simannan benidero nos por sigui cu e otro gruponan di e otro departamentonan”, asina e mandatario di finanza a expresa.

Na mes momento Minister Angel Bermudez como tambe e Directora di DRH, sra. Omayra Lares ta spera di por finalisa cu e 200 huramentacionnan di e funcionario di Ministerio di Finanza y Organisacion Gubernamental cu ainda mester tuma lugar.

Minister Bermudez ta desea tur funcionario di DRH, MOT y CAD cu a huramenta diabierna ultimo tur clase di exito de nan funcion y pa nan sigui eherce nan trabou cu sano huicio, integridad y cu un consenshi profesional.

8

AWEMainta Diaranson, 13 Mei 2015

Polis y DTP ta uni pa control grandi riba autobus

A tuma accion contra varios autobus sin seguro y keuringskaart

DI e 39 autobusnan cu a wordo controla, 7 no tabatin e documentonan necesario na ordo, pues a subi takelwagen y Polis a duna 12 proces-verbaal pa diferente delito n’e chauffeurnan di varios autobus, asina Hoofdagent Robert Vos a resumi.

Esaki tabata resultado di un control grandi cu a tuma lugar entre 6or y 10or di mainta y tabata un accion combina entre Cuerpo di Polis y DTP, Departamento di Transporte Publico.

Hoofdagent Vos, kende ta Polis di Bario di Playa, a encabesa e accion cu tabatin “resultado positivo�. A subraya serca e chauffeurnan di autobus tanto nan responsabilidad pa cu seguridad di nan clientenan como nan obligacion pa tin tur documento na ordo.

A haya chauffeurnan cu no tabatin keuringskaart, seguro, prueba di pago di belasting (nummerplaat) y tampoco nan rijbewijs na ordo, pero tampoco no tabatin nan rijvergunning ni exploitatievergunning cu nan. >>

AWEMainta Diaranson, 13 Mei 2015 Polis a bisa enfaticamente cu ta esencial pa tur documento ta na ordo, pero mas ainda p’e autonan ta den bon condicion, incluyendo un taira di spare y cu e chauffeurnan mester ta decentemente bisti pasobra ta un servicio nan ta duna y e ultimo aki tambe ta parti di e servicio.

Valerie Figaroa, waarnemend ploegleider di DTP, kende tambe a participa n’e accion a conclui cu esaki tabata hopi fructifero.

Tur atencion tabata dirigi riba seguridad riba caminda, lo tin “follow up” riba e controlnan aki pa sigura cu tur chauffeur tin nan papelnan na ordo y nan vehiculo ta sigur pa core riba caminda.

Johnny Henriquez di Cuerpo Policial Aruba a añadi cu loke Polis a haci ta reforsa DTP, unda cu nan a controla pa e permisonan necesario y Polis a controla e otro documentonan.

E cliente cu subi autobus mester tin e confiansa cu tur cos ta na ordo. Pero Polis y DTP a keda sorprendi cu tabatin algun autobus riba caya cu hasta no tabatin seguro valido y esaki ta algo di lamenta, el a agrega.

Tin chauffeur cu no ta contento cu e controlnan, pero tin cu pone cosnan “straight” y e chauffeurnan mester carga nan responsabilidad, Henriquez a comenta.

Cuerpo di Polis a prepara p’e eventualidad cu tabatin

9 muchanan di scol den e autobusnan y a percura pa nan wordo hiba scol di biaha pa nan no wordo perhudica. Esaki tabata e prome control, pero lo sigui cu mas di e tipo di control nan asina riba medionan di transporte publico, incluyendo taxi y V-wagen tur rond di Aruba.

Ta spera cu tur esnan responsabel tuma bon nota di e documento y condicionnan menciona y cumpli tambe cu nan!

10

AWEMainta Diaranson, 13 Mei 2015

Director di DOW, ing. Marlon Croes:

“Tur proyecto por sufri retraso, pero ora bo caba ta yega na nivel mas halto y positivo pa tur hende” TRABOUNAN di

em-

beyecemento di cayanan mas chikito na Playa ta forma parti di e renobacion di henter centro di ciudad di parti di Gabinete Mike Eman I y II p’asina revitalisa e areanan urbano. Tambe pa incentiva e actividad comercial y contacto social.

E proyecto aki ta uno cu Departamento di Obranan Publico, DOW ta ehecuta banda di otronan simultaneamente.

Manera a keda anuncia, Hendrikstraat t’e prome ‘zijstraat’ cu a keda cla, apesar di un poco retraso.

E Director a splica cu ya nan ta tumando e pasonan necesario pa elimina e retraso y evita cu esaki por afecta e proximo cayanan pa haya nan embeyecimento.

Actualmente, e preparacion p’e trabounan na Oude Schoolstraat y e parti mas pariba di Middenweg ta cla wardando e fondonan pa cuminsa su ehecucion.

E proyecto ta uno cu Gabinete Mike Eman II ta considera im-

portante despues di e cambio grandi y positivo cu a haci cu Caya G.F. Betico Croes. No por t’asina cu local y turistanan ta cana den caya y ora nan bira wak den direccion di un di e cayanan na banda, ta mira un diferencia ‘di dia pa anochi’, Director di DOW a bisa.

“Pesey Gobierno a dicidi cu ta bay drecha e cayanan patras di caya grandi pa nan ta mas safe pa peaton, sigur y bunita.

E plan aki ta inclui tur caya entre Wilhelminastraat, Emanstraat, L.G. Smith Boulevard y Weststraat.

Previo n’e trabounan aki, ya DOW a pasa tur e tubonan di riolering y canal pa awa di yobida y a pone tubonan nobo.

Ora cu a cuminsa 14 di januari ultimo cu renobacion di cayanan, Carnaval tambe a cuminsa y e rol di DOW den e temporada ey, a afecta e schema di trabou.

Gobierno ta prefera di warda y laga DOW mes atende cu ambos trabou y no bay den gastonan inecesario.

Mescos a sosode mas recien, ora cu e progreso den Middenweg a baha dor di e actividadnan relaciona cu bishita di Rey. “Mi ta kere cu na caminda nos ta bay saca e retraso aki y caba cune na tempo p’asina pone pavers necesario y bakinan di mata cu mester bin,” Director ing. Marlon Croes a duna di conoce.

Adicional na tur esaki, Departamento di Obranan Publico ta coordina cu Elmar N.V. e parti di luz publico.

Tur luz ta cambia pa LED y ta pone puntonan extra p’asina sigura cu e cayanan ta bon ilumina. “Tur proyecto por sufri retraso y tin molester, pero ora bo caba bo ta yega na un nivel mas halto y ta positivo pa tur hende. Nos tin comprension y mi ta spera nos tin comprension di e comerciantenan cu promesa cu nos ta haci nos empeño, no p’e comerciantenan so, pero e comunidad en general,” asina Director di DOW, ing. Marlon Croes a finalisa bisando.

TIPO DI CAMBIO OFICIAL Valido pa 13 May 2015 Placa Extranhero

t’e 11or mainta Bank Papieren Wisselen, Cheque Reis Cheque en Over Boekingen

Benta na Publico

US Dollar

1.77

1.78

1.80

CAN Dollar

1.46

1.48

1.50

Engelse Pond Sterling

2.73

2.78

2.84

Zwitserse Frank per CHF. 100 Ned.Ant. Gulden per ANG. 100

192.39 98.00

193.11

193.91

biljetten 100.20 chq./overboeking 100.00

100.00

Japanse yen per JPY. 10.000

147.10

148.44

149.93

Euro per XEU. 100

198.36

200.17

202.18

Provision di Devisa 1.3%

Segun articulo 12 di Afkondigingsblad di Aruba 1991 nr.GT 32.

Banco Central di Aruba ta defini e tipo di cambio oficial pa e cambionan di placa extranhero.

BANCO DI CARIBE

AWEMainta Diaranson, 13 Mei 2015

11

Servicio pa Comunidad

Strategic Workforce Planning:

Logra strategianan realisabel, invertiendo den recursonan humano disponibel DURANTE e dos seminarionan di Strategic Workforce Planning di PwC Dutch Caribbean lo tin diferente orador cu lo bin na palabra.

E orador principal ta Linda Vos, kende ta un senior consultant na PwC Hulanda specialisa riba e tema di Strategic Workforce Planning. Tambe lo hiba palabra Jan-Huug Lobrecht kende ta un socio di PwC Hulanda specialisa riba e tema di pensioen y personeel.

‘Strategic Workforce Planning’ ta un metodo cu hopi bes ta wordo implementa den organisacionnan p’asina yuda nan determina nan strategianan pa futuro encuanto e aspecto di forsa laboral.

Strategic Workforce Planning por wordo implementa den tanto sector priva como sector publico. Strategic Workforce Planning ta yuda companianan reconoce problematicanan manera e.o. embehecimento of aumento di edad di pensioen y nan efecto riba e sector laboral, pero tambe por ta aplicabel den momentonan cu un compania mester dicidi si e ta bay economisa riba e forza laboral of no.

Strategic Workforce Planning seguramente ta aplicabel den e mercado laboral na Aruba tambe. Como ehempel por menciona cu recientemente e edad di pensioen a wordo aumenta y esaki ta trece cune cu organ-

Emergencia

isacionnan mester bay determina kico esaki ta nifica pa nan empleadonan y e strategianan cu nan mester bay aplica den futuro.

Tambe por aplica e metodo aki pa determina si un isla manera Aruba p.e.���������� tin ����� suficiente personal den e sector medico p’asina keda mantene cierto nivel di cuido.

Alabes por uza e metodo aki tambe den sectornan unda cu e forza laboral no tin hopi dinamismo ni crecemento den e sentido cu no por tuma mas hende na trabou, pero no por kita hende for di trabou tampoco, mientras cu e organisacion ta sinti e necesidad pa bin cu talentonan y desaroyonan nobo.

Brandweer: Polis: Polis Oranjestad: Polis San Nicolas: Polis Santa Cruz: Polis Shaba: Polis TipLine:

911 100 102 104 105 107 11141

Ambulance San Nicolas: Ambulance Sasaki: Ambulance Wayaca:

584-5050 582-5573 582-1234

Hospital: Centro Medico San Nicolas: SVB (AO-Ziekmelding):

527-4000 524-8833 527-2782

Botica na warda Pabou di Brug: Pueblo N.V. Pariba di Brug: San Nicolas N.V.

Aruba ta un isla chikito y mester por tin formanan pa trece un sinergia entre e diferente sectornan pa asina crea un balansa den e mercado laboral.

Durante e seminario lo enfoca riba kico ta Strategic Workforce Planning, unda por aplica esaki y lo duna ehempelnan di con e metodo aki a funciona na otro paisnan y con e por ta beneficioso pa organisacionnan na Aruba.

E seminarionan aki ta importante tambe pa profesionalnan cu kier keda refresca y optimalisa nan conocimento. Cada seminario ta bal 2 P.E. punten pues si sigui tur dos seminario lo haya 4 P.E punten en total.

E seminarionan lo tuma lugar dia 18 di mei 2015 na Aruba Surfside Marina. E seminario ‘Compliance & Asset Manage-

Dokter na warda Pabou di Brug: Pariba di Brug: Giel

Servicionan

ment’ lo ta di 8am te cu 12or di merdia y despues lo sigui cu e seminario ‘Strategic Workforce Planning’ di 1.30pm te cu 5pm.

Pa mas informacion of registracion por tuma contacto cu Shanine Oduber via email shanine.i.oduber@an.pwc.com of por yama 522-1647.

ELMAR Storingdienst: SETAR Storingdienst: Digicel: WEB Storingdienst: Reina Beatrix Int’l Airport: Serlimar: Arugas: Guarda Costa:

523-7147 117 145 525-4600 524-2424 584-5080 585-1198 913

Funeraria AD Patres: Aurora: The Olive Tree:

5842299 5886699 5820000

Fundacion

Cas Editorial

The Media Group

Magrietstraat #3 Oranjestad, Aruba Tel: 583-1400 fax: 583-1444

Cuenta di banco: CMB #22982600

E-mail Redaccion: noticia@awemainta.com Aviso: aviso@awemainta.com

Director:

Victor “Toko”Winklaar Victor R. Winklaar

12

AWEMainta Diaranson, 13 Mei 2015

Minister Paul Croes a felicita directiva,

Pero tambe e hobennan boluntario, responsabel den Cruz Cora

DIABIERNA ultimo Cruz Cora Aruba tabatin Minister Paul Croes tambe tabatey presente dos celebracion den uno, e celebracion di 8 di Mei cu ta Dia Internacional di boluntarionan di Cruz Cora y tambe a pone e prome piedra di expansion di nan propio warehouse.

Un dia na unda a pone atención riba e boluntarionan di Cruz Cora na Aruba cu ta semper cla pa yuda y nan ta serio den na trabao.

Un total di 140 boluntario nos tin na Aruba y na aña 2017 Cruz Cora lo ta celebrando 60 aña na Aruba.

Tin un cantidad di programa cu Cruz Cora lo bay introduci na Aruba cu lo ta na beneficio di nos comunidad y nan ta bay wordo duna dor di e boluntarionan. Programa manera curso p’e detenidonan na Kia p’asina nan por yuda otro den e institucion y tambe pa nan ta mihor prepara ora cu nan sali for di e institución, nan por yuda atrobe nos comunidad.

p’asina felicita tur e boluntarionan y specialmente e hobennan cu ta den Cruz Cora pa nan trabao cu nan ta desplega.

“Nos ta sinti nos hopi contento di tin hobennan positivo cu ta haci e diferencia den nos comunidad, sigi cu e trabao importante aki cu boso ta eherce, nos ta hopi orguyoso di cada un di boso.

Como hoben boso ta duna e imagen positivo den boluntarismo, boso sa cu den cualkier evento unda cu boso ta, nos ta sinti mas safe cu tin hendenan responsabel manera bosonan presente y cu boso tin amplio conocemento den boso trabao. Danki na cada un di boso y na directiva y tur miembro di Cruz Cora” tabata palabranan di Minister Croes.

Despues di e pone e prome piedra hunto cu Minister President, Mike Eman tur hende a tuma un brindis na honor di e boluntarionan.

AWEMainta Diaranson, 13 Mei 2015

13

Chris Romero di MEP:

Energia alternativo di Gabinete Eman 2 lo por causa Aruba miyones!

PROME Minister Eman keto bay ta papiando di 100% energia alternativo. Esaki no solamente no ta viable pa Aruba mucho menos recomendabel.

Ademas ora abo kier papia di 100% energia alternativo bo mester tin e fondonan corespondiente pa haci esaki. Mester enfatisa riba e hecho cu te dia di awe Gobierno mes no a realisa ningun proyecto “berde” cu ta contribui na un forma positivo na comunidad.

Na palabra Chr is Romero di MEP. “Nos a expresa nos opinion relaciona c u e Balashi 76, Aruba | T. 525 4200 | F. 585 2000 E. info@webaruba.com | www.webaruba.com

proyecto di Urirama y cu mester para esaki debi na caida di prijs di crudo.

Hecho ta cu ningun proyecto alternativo actual di Gobierno por beneficia Aruba. Nos a puntra Minister Mike de Meza tambe si e proyecto lo bay dor.

E contesta tabata cu cueste loke cueste e lo wordo realisa.

E motibo cu mi a haci e pregunta ta, pasobra cu molinanan di biento tambe por wordo considera como un tipo di hedging, pasobra bo ta mara na hopi aña y esaki lo por tin como consecuencia posibel perdidanan grandi.

Mescos ta conta tambe cu e proyecto di panel s o l a r na Air-

port”, segun Chris Romero.

Informacionnan adicional cu MEP a ricibi ta cu Elmar lo bay ahusta tarifanan administrativo di ‘late fee’ entrante prome di juli 2015. Ehempel di esakinan ta cu 2,50 florin ta bira 25 florin si paga laat y si esaki mester wordo reconecta e ta cambia di 50 pa 75 florin.

Den caso cu e meter wordo corta e penalisacion lo bira 175 florin. Riba un pregunta cu nos a haci na Minister relaciona cu esaki, Minister de Meza a admiti cu e mes a duna ordo pa aplica esakinan, pero cu e lo bay retene por lo pronto.

“Nos di oposicion ta spera enbista cu esaki a wordo treci publicamente cu e lo bay cumpli cu su palabranan y asina retene e aumentonan por lo pronto”, Chris Romero a splica.

EMPLOYMENT OPPORTUNITY! General Air Services N.V. is established in Aruba for over 42 years and operates as a major airline ground handling company at the Queen Beatrix Intl Airport. We proud ourselves as a dynamic, progressive and caring organization where working is fun.

We are now accepting applications for the position of an

Electrical Mechanic Helper.

The main functions are to maintain, troubleshoot, inspect and service electrical machines and different other tasks in the Technical Service Department. You will be working in a team servicing one of our well-known international airlines.

Job Requirements - A minimum of EPI Degree – Electric level - Should be able to work with Diesel Engines - Should be able to do Electric Troubleshooting - Should be at least 30 years old - Able to work during week days / weekends and holidays - Able to work under all weather conditions - Should be responsible, self-determined, representable, and Dynamic - Knowledge of the English language in word and in grammar is an advantage.

We Offer: - A friendly working team and atmosphere - Possibility to grow in airline business with airliners benefits.

- Employee benefits according to the labor law.

What do you have to do if you are interested?

Interested candidates, please send your resume and motivation letter to Mrs. Elizabeth Maduro at: e.maduro@genairaruba.com, Tel 582 3192 before Friday May 15, 2015.

Asesino di Sharlon Juan Martis a dicidi di entrega su mes WILLEMSTAD - Dialuna 11 di mei 2015, alrededor di 9.05’or di mainta, Polis a detene un homber sospechoso na Warda di Recherche relaciona cu asesinato.

Dialuna den oranan di mainta e homber M.J.M. a presenta na Warda y a entrega su mes como sospechoso den un caso di asesinato cu a tuma lugar dia 3 di mei 2015 na Den Helderstraat.

Riba e dia en cuestion e victima Sharlon Juan Martis a perde su bida despues di a ricibi herida di bala n’e banda robes di su pecho.

Polis a detene M.J.M. naci na Corsou, di 46 aña di edad, como sospechoso den e caso di asesinato ariba menciona.

A presenta e sospechoso dilanti di un Fiscal Auxiliar kende a ordena su encarcelamento pa mas investigacion.

14

AWEMainta Diaranson, 13 Mei 2015

Parlamentario sra. Lorna C.Jansen-Varlack

Departamentonan social mester ta prepara pa carga cualkier situacion cu por presenta su mes den futuro DURANTE e tratamento di presupuesto di Ministerio di Asunto Social, Hubentud y Labor diferente pregunta a wordo haci na Mminister Paul Croes pa cu su maneho riba e tereno social actual y pa den futuro.

Loke a bin dilanti tambe t’e preocupacionnan cu varios

Parlamentario a trece dilanti e peticion di ciudadano. Algun di preguntanan cu a bin dilanti tabata e maneho di “bijstandtrekkers” y e proyecto di Ban Traha, e retonan cu nos hobennan ta topa den nan bida y diferente punto tocante asuntonan di labor.

E tratamento di presupuesto ta bay tocante e gastonan, entradanan y e maneho di e Ministerionan unda cada Parlamentario por haci pregunta critico, bin cu sugerencia y trece solucionnan dilanti na bienestar di pueblo.

Durante e reunionnan aki tambe diferente mocion y amienda ta wordo entrega si ta necesario. E palabra pobresa a bin dilanti na varios ocasion durante e tratamento di e Ministerio aki pa cu e motibo cu hopi di e departamentonan cu ta cay bou di e Ministerio aki tin di haber cu e necesidadnan di pueblo, necesidadnan di pueblo riba diferente nivel, segun Lorna Jansen-Varlack Hopi biaha ora nos papia di pobresa hende ta pensa cu e ta dirigi riba e aspecto financiero so, pero pobresa tin su origin. E origin di pobresa tambe mester di atencion pa cu e motibo cu e ta conduci na pobresa financiero.

Mester atende probesa di enseñansa di nos hobennan, pobresa di ambicion, pobresa di scohe

prioridad, pobresa di presupuesta e entrada di cas, pobresa di structura di bida, pobresa di balor y norma y asina por menciona un lista largo cu mester di atencion.

Pa bo por cura un herida mester atende e herida na su rais. Si nos sigui cu e maneho di yuda sin trata e origin e problema lo sigui crece y realmente nos no a logra nada.

E ayudo financiero mester bay man den man cu programanan pa eleva y alivia nos hendenan di nan situacion financiero, segun Lorna Jansen Varlack. Di e manera aki Minister a yuda nos hendenan berdaderamente.

Nos ta keda pendiente pa wak si Minister lo bin cu curso y programanan di conscientisacion duradero.

KORSOW TA HUUR APARTAMENTO 2 kamber pa vakantiegangers completamente muebla, tin Airco, Directv, wifi, Buurt: Sta Catharina Tin prijs pa siman of pa luna Pa mas Info.: 5999 6651313

AWEMainta Diaranson, 13 Mei 2015

Notificacion importante pa clientenan di Post Aruba N.V.

15

GERENCIA di Post Aruba N.V. ta anuncia cu diahuebs 14 y diabierna 15 Mei, 2015 e oficina principal na Oranjestad como tambe su filial na Sta. Cruz, Palm Beach Plaza Mall y San Nicolas lo ta sera.

Mester señala si cu diasabra 16 mei, 2015 e oficina di Post Aruba N.V. na Palm Beach Plaza Mall lo ta habri brindando e servicionan regular manera e.o. “Western Union, manda carta, paki, y cumpra stampia”.

E notificacion aki ta p’asina pone tur cliente na altura cu e dos dia nan señala Post Aruba N.V. lo ta sera.

Post Aruba N.V. den su vision pa sigui mehora su multiservicio ta haci uso di e oportunidad aki p’asina duna di conoce cu dialuna 18 mei, 2015 Post Aruba N.V. ta habri bek na su orario normal. Di antemano nos disculpa pa cualkier inconviniencia y masha danki pa e comprencion.

16

AWEMainta Diaranson, 13 Mei 2015

In Memoriam

Dominico Guzman Croes DIA 9 di mei 2015 Domi- Geerman. N’e edad hoben di 23 nico Guzman Croes a sera su wowonan pa semper. Guzman, manera e tabata wordo yama, tabata un baluarte, un pilar solido di partido AVP, un persona cu un carera politico impresionante y inigualabel.

Te cu su ultimo rosea el a keda fiel na su partido AVP. Guzman a nace dia 2 di juli 1924 na Aruba. Yiu homber di Pablo Porfirio Croes y Maria Croes-

aña Guzman a afilia su mes na partido AVP y dos aña despues a subi lista di partido na 1949.

Esaki riba peticion di Henny Eman Sr. kende tabata un luchador ferviente di nos Status Aparte. Un lucha cu hunto cu yiu di Henny, Shon A Eman, Guzman a continua. Un lucha cu a dura hopi aña y tabatin un meta comun, pa ta baas den nos mes cas. Un lucha cu a cuminsa

na comienso di siglo pasa, un lucha cu Guzman a kere firmemente den dje.

Hunto cu su tata y tres ruman homber, Guzman orguyosamente a pone su firma bou di e peticion cu Shon A Eman a hiba Hulanda na Mesa Rondo y entrega dia 18 di maart 1948.

Un peticion cu a bira e fundamento di e nos Status Aparte y e fecha 18 di maart p’e motibo aki a desemboca den nos Dia

Nacional.

Guzman a para na cuna di nos Monumento 18 di maart, unda nomber di 2147 firmante ta graba pa semper. Na 1955 Guzman a bira miembro di Conseho Insular di Aruba (Eilandsraad) cu a keda funda na 1951.

Na 1967 Guzman tabata diputado di Aruba y na 1971 el a huramenta como Minister di Asunto Economico. Despues di morto di Shon A Eman na 1967, Guzman a lidera partido AVP cu tabata pasa den periodonan turbulento.

Na 1973 tabatin tres partido cu a bay eleccion, AVP, PPA y MEP, cada un encabesa pa un Croes, Guzman Croes, Osvaldo Croes y Betico Croes. Na 2006 Guzman Croes a keda nombra oficialmente como un ‘veterano di guera’. Pa mas cu 17 aña Guzman tabata un miembro di Eilandsraad y 9 aña di Staten di Antiyas.

Semper el a wordo eligi cu votonan preferencial y durante su carera politico tabata nr. 2 riba lista te ora el a tuma rienda di partido na 1967 y a bay eleccion pa prome biaha como lider di partido na 1969.

Guzman tabata conoci pa su discursonan elocuente durante reunionnan publico na unda e tabata tene su audiencia den su gara cu su bos duro, firme, yamativo y su mensahenan al caso. E tabata un hende cu semper a destaca, un persona no-nonsense y directo. Un bon

casa y bon tata pa su yiunan, pero bida tabata duro cu Guzman. El a perde su prome casa y mama di su 4 yiunan, Nicolina, na edad hoben. Su di dos casa Gladys tambe a fayece na edad hoben. Dos yiu di Guzman, Oscar y Richi a muri a consecuencia di accidente di auto.

Un sla duro.

E meritonan di Guzman a wordo honra cu varios condecoracion.

Medaya pa Servicio Militar den Segundo Guera Mundial.

Su Mahestad Reina Juliana a condecor’e cu e medaya di Officier in de Orde van Oranje Nassau y prome cu esaki el a haya e condecoracion di Ridder in de Orde van Oranje Nassau.

Dr. Rafael Caldera di Republica di Venezuela a otorg’e e medaya di Orden di Francisco de Miranda Primera Clase y el a ricibi e Yabi Simbolico di e alcalde di Lima, Peru.

Guzman, un persona humilde cu no tabata gusta fanfaria, a biba un bida bon, largo y rico na experencia. E ta laga atras su señora Yuwaya y dos yiu muher, Lupina y Mislin, nieto y nietanan, sobrino y sobrinanan cu semper a stim’e sin condicion. Partido AVP ta perde un di su hendenan di prome ora, un pilar fuerte, un mata grandi.

Ayera a hib’e na su ultimo lugar di sosiego. Dominico Guzman Croes, sosega na paz.

Partido di Pueblo Arubano AVP

AWEMainta Diaranson, 13 Mei 2015

Amsterdam Manor Beach Resort

Cu su prome

10K

RUN

RECIENTEMENTE a tene un rueda di prensa tocante e prome 10K run di Amsterdam Manor Beach Resort. Amsterdam Manor Beach Resort ta den celebracion e aña aki door cu nan ta celebrando 25 aña di existencia.

En coneccion cu esaki Amsterdam Manor Beach Resort ta organizando varios actividad pa nan huespednan, staff y tambe e comunidad di Aruba durante e aña aki. Asina e resort ta duna danki na pueblo, huespednan cu ta bin tur aña y tambe na nan staff pa nan tremendo trabou.

Pesey mes a dicidi di organiza un 10k run conhuntamente cu IBISA . E costo p’e 10k run lo ta 25 florin y tambe lo ricibi un bunita dry fit t shirt. Tur partipante lo ricibi un medaya na final después cu nan completa e 10k y naturalmente lo saca e ganadornan cu lo ricibi nan trofeo na final.

E ruta lo ta cuminsando di Amsterdam Manor Beach Resort bay direccion Divi Phoenix, bay bek direccion Amsterdam Manor Beach Resort bek, sigui riba e routa di Eagle Beach te na Alhambra Casino bay bek Divi Phoenix y bin bek e mesun ruta bay Alhambra Casino.

N’e cruzada ta lora bay y caba na MVC Eagle Beach (cu tambe ta cay bou di e maneho di Amsterdam Manor Beach Resort) cu t’e finish line.

Pa participa por yena un formulario na IBISA y inscripcion ta cuminsa dia 18 di mei.

Por fax e bek na 583-6478 of contact Juni Dake na 582-4987, tambe por email: juan.dake@aruba.gov.aw of ibisa.aruba@ gmail.com no mas tarda cu 28 di mei 2015.

Tambe por download e formulario riba facebook page di Amsterdam Manor Beach Resort: www.facebook.com/ AMBRARUBA of bishita e page di IBISA ARUBA: www.facebook. com/ IBISAARUBA.

17

18

AWEMainta Diaranson, 13 Mei 2015

Brazil Taekwondo Stichting tabatin un reunion hopi tenso SIMAN pasa Brazil Taekwondo Stichting a reuni p’asina atende 19 punto di agenda cual punto 8 tabata esnan di mas cayente. E gastonan di e bus pa busca e muchanan a baha un tiki y mester recauda mas fondo p’asina cubri tur e gastonan cu tin habri.

E contribucion tambe ta algo cu no tur atleta ta pagando y esaki ta pone cu mester bin cu un alternativa rapido.

Durante di e reunion a sali afo cu e mayornan cu ta haya e carta pa reunion y no ta ni mustra interes y ta pone cu

mester sigui cu e plan di accion.

Un di e cosnan cu tin awor na Brazil Taekwondo Stichting ta cu tin varios mucha chikito cu tin hopi talento, esaki tambe tabata scirbi den e relato di Clifford Rasmijn.

Clifford Rasmijn a presenta su team p’e di 6 Gold Coast Taekwondo Cup. Su meta ta pa gana e Copa aki tambe.

E cifranan ta algo cu mester ta na ordo

Bon actuación di

Joel Kuiperi

den Campeonato Panamericano Juvenil di hisamento di peso na Cartagena, Colombia FOR di 4 pa 10 mei 2015 a tuma Ganadornan den e categoria aki a lugar na Cartagena, Colombia e Campeonato Panamericano Juvenil di Hisamento di Peso.

Pa Aruba a bay e atleta Joel Kuiperi y como coach Adolfo Gallego. Joel cu a bay bon prepara a competi den categoria di 105kg. den e categoria aki tabatin 7 atleta y tur tin un meta pa gana un di e medayanan Panamericano.

Joel Kuiperi a logra den su hisada 117 kg den snatch y den clean & jerk 145kg pa un total di 262 Kg. Cu e resultado aki Joel ta termina na di 5 lugar y tambe ta logra di kibra dos record Juvenil di Aruba den snatch cu 2kg y den total cu 2kg. Joel Kuiperi kende ta un atleta hoben y apenas ta practica e deporte aki pa un aña y mey, nos lo bay tende mas di e hoben aki.

resulta na di prome lugar medaya di Oro pa Johan Rodriquez di Colombia cu 315kg total, Medaya di Plata a bay pa Miguel Rodriquez di Mexico cu 297kg y Brons pa Sergio Cantos di Ecuador cu 285kg total.

Trofeo pa paisnan na prome lugar Colombia cu 221 punto total, segundo lugar a bay pa Mexico cu 182 punto total y tercer lugar pa Ecuador cu 177 punto total.

Aruba Amateur Weightlifting Association ta super proud di Joel Kuiperi y tambe su entrenador Adolfo Gallego Salas pa nan tremendo representacion n’e maximo evento aki. Tambe AAWA kier a gradici Sport Subsidie Commissie y Lotto pa Deporte cu a haci e biahe posibel.

na tur reunion di Brazil Taekwondo Stichting p’asina tur hende por sa kico ta drenta y kico ta wordo paga. Jeritza Arends a demonstra esaki tambe den su relatonan di luna y di e carwashnan cu tabatin.

Awor a laga print 300 carchi di car wash, pero a pidi pa print 100 mas, mirando cu hopi auto ta bou di stof den e dianan aki.

Alberto Klabér Brazil Taekwondo Stichting

AWEMainta Diaranson, 13 Mei 2015

CAREDANAN

NOBATO na Bushiri Karting ta creciendo den popularidad

CAREDANAN di nobato ta hayando mas popularidad entre esnan cu a inicia nan carera den e mundo di Karting.

Caredanan di nobato entre un grupo grandi di esnan cu ta haya e caredanan di Karting excitante y ta sigui train pa supera nan mes y conoce e pista debidamente. Tambe conoce nan contrincantenan y ta destaca entre hobennan e ultimo lunanan. E grupo a crece rapidamente cu varios talentonan nobo.

Durante e ultimo careda na Aruba Karting na Bushiri e grupo aki a laga e esnan cu a bin presencia e caredanan asombra cu anotacionnan clave y impresionante.

Na prome lugar a keda e rookie RubĂŠn Jacobs; Na di dos lugar: Julie Julie Mercedes Bisslikand y na di tres lugar: Christopher Kraaijenveld.

Ganadoranan den e grupo di Shifters ta: Prome lugar Matti Paesch; Segundo lugar Christopher Arends y Tercer lugar: Aaron Martinus. Entre e veteranonan cu a sobresali den caredanan TAG , cu porcierto tabata e caredanan mas sobresaliente di dia, na unda calidad y

velocidad a sa di sobresali.

A keda na prome lugar: Myron Tromp na di 3 lugar; Bryan Wong na di 2 lugar y e gran ganador Donovan Ashby , alias Jackson 5.

TAG Masters a keda como ganador: Edwin Arends Jr., merecedor pa su velocidad. Na di dos lugar Jonathan Alvarez den un solo careda y na di tres lugar Juan Jose Koeijers.

Pa loke ta trata e categoria nobo, LO206, cu ta ensera un motor nobo di excelente rendimento, fugaz y rapido a keda como ganador Jojair Alvarez y di dos puesto a bay pa Juan Jose Koeijers!!!

Den Careda 4 STROKEs a keda na di 3 lugar Frank Benita, segundo lugar Alf Cabrera y e ganador principal David Maduro.

Y e caredanan mas espera sigur tabata e “Grandinan� e careda categoria Baby cu a wordo gana dor di CJ Semeleer y GC Cabrera!!! Bushiri Karting ta den ful preparacion tanto riba su pista como luznan y ta hayando un facelift completo den anticipacion di e proximo caredanan grandi di TAG Aruba Karting.

19

20

AWEMainta Diaranson, 13 Mei 2015

DEMOCRACIA

IDEAL Y REALIDAD

DEN cada campaña electoral ta haci un apelashon urgente riba ciudadano pa bay vota bou di e pretexto cu ‘Cada voz ta conta’! Asina ta crea e impreshon cu e votador realmente tin influencia riba maneho di gobierno.

Consecuentemente esnan cu no ta vota no tin derecho di papia (mas).

Den practica tin duda si e votador di berdad tin asina hopi influencia riba maneho di nos pais.

Pa cuminsa no tin diferencia cla entre ideologia di e partidonan. En realidad mayoria di partido a nace despues di conflicto interno personal dentro di e partido original. Pesey tambe casi no tin diferencia entre e programanan electoral, ademas di ta excela den vaguedad y un grado halto di deseo. Consecuentemente votashon no ta tuma lugar tanto a base di un programa atractivo, pero mas bien, pa motibo di e escala chikito, a base di lazo directo cu y popularidad di politico. Despues di votashon, mayoria di biaha no tin mucho posibilidad mas pa influencia maneho. Sinembargo, specialmente e (partido) politiconan ta probecha di un percentahe halto di votashon.

Pa nan e ta nifica un stempel di aprobashon y un derecho moral pa goberna a base di e deseo di ‘mayoria di pueblo’.

Pero…por papia di un ‘mayoria di pueblo’? Den e caso aki ‘e mayoria’ ta consisti di e mayoria di votador, locual ta exclui automaticamente un gran parti di ‘pueblo’. Por ehempel, adolescente ta forma un parti grandi di ‘e pueblo’, pero nan no por vota pasobra comunidad ainda ta considera nan como ‘no apto’. Kier men cu mayoria di votador ta bin dicidi tambe riba ‘minoria’ (?) di ‘pueblo’.

Teoricamente mayoria ta manda riba minoria.

Den practica sa resulta cu politico sa tuma decishon, aki aya tras di cortina, cu no ta mucho na interes di ‘pueblo’ of asta nan votador, pero mas bien di comerciante of grupo di interes.

E ora ey ta trata di un minoria hopi chikito di ‘pueblo’ cu tin un influencia grandi riba maneho.

Sa parce cu e interesnan financiero di e grupito chikito di esnan concerni ta mas importante cu e interesnan di ‘pueblo’.

Pero ‘pueblo’ tampoco ta asina uniforme manera ta parce. En realidad, na Aruba e ta consisti di mas di 100.000 individuo cu mes hopi deseo, opinion y interes. E escala chikito ya menshona ta permiti hopi di nan pa probecha directamente di e lazonan estrecho cu politico.

Di e manera aki e clientilismo, o sea e principio

di ‘rasga mi lomba pa mi rasgo esun di bo’ cu a causa un desaster financiero na Grecia, por a lanta asina hopi. Na Aruba e clientilismo aki ta mihor conoci como ‘patronahe politico’.

E ex-prome minister di Antia Hulandes Miguel Pourier, durante e simposio di Reino ‘Bon gobernashon den pais chikito’ pa conmemora 40 aña di existencia di Statuut na 1995, no a haci ningun esfuerso pa tapa e problema principal di e politica local. El a indica cu entre otro pa motibo di e escala chikito di nos islanan, patronahe politico a bira un parti integral di nos cultura politico. Asina politica a bira ‘un negoshi di cambio na unda politico ta ofrece e votador bentaha material en cambio pa poder politico’. Segun Pourier patronahe politico pa hopi hende ta e unido manera pa bay dilanti den bida. Asta e ta plantea cu “patronahe politico sin ningun duda tawatin un influencia hopi malo riba calidad di gobernashon di nos islanan y den cierto sentido asta riba mentalidad di nos hendenan como cu nan no tawata mira mas e conecshon entre nan propio esfuerso y desaroyo personal. Nombrashon politico di amigo incapacita te den posishon di maneho a mina calidad di e aparato gubernamental. E votador na su turno a haya mas interes pa promesa politico cu pa intenshon di maneho real di e partidonan. Na su turno esaki a trece hende na poder cu no tawatin ningun problema pa haci uzo di tal practica y cu den hopi caso no tawata apto of asta totalmente incapacita pa e tarea di gobernante’.

Esaki ta crea e impreshon fuerte cu e forma actual di democracia, inevitablemente ta conduci na corupshon. Pasobra den practica ta resulta cu politico ta manipula e sistema pa logra bentaha pa nan mes (es ta di ser elegi pa por manda nos pais), haciendo uzo di ‘e medionan publico’. No ta nan propio medionan, pues nan no tin ningun necesidad pa maneha e placa ey cautelosamente. Al contrario, gastando e placa (asta locual no tin presente mes) riba escala grandi y priminti e votadornan montaña di oro, nan tin mas chens pa keda elegi. Aparentemente pa nan esey ta hopi mas importante cu e interes di pais riba termino largo.

E drispidimento di politico di un banda ta conduci di un banda na parasitismo di esnan cu ta ricibi privilegio, y di otro banda na ineficiencia den e aparato di gobierno. E consecuencianan inevitabel ta crecemento di fayo presupuestal mientras e debe nashonal ta crece sin control.

Al fin y al cabo ta esnan di ‘pueblo’ cu ta gana placa cu mester produci e medionan pa paga tur e cuentanan. E pregunta ta si esnan cu a crea e sistema democratico originalmente, tawatin esaki na bista.

21

AWEMainta Diaranson, 13 Mei 2015

Ganadornan di

“Project Techniek 2015” di Colegio EPI Unidad Ciencia y Tecnologia

Dia 28, 29 y 30 di april ultimo a tuma lugar “Project Techniek 2015” na Unidad Ciencia y Tecnologia di Colegio EPI. “Project Techniek” di Colegio EPI unidad Ciencia & Tecnologia ta un competencia entre studiantenan di segundo aña cu ta duna nan chens pa demostra nan conocemento tecnico riba tereno teoretico y practico.

E participantenan a presenta nan proyecto na expertonan tecnico, studiantenan y publico.

A base di e conocemento di expertonan tecnico y e votacion di e publico presente a saca e siguiente premiacion: Prome premio: “Hand Controlled Tank Robot” (un tanki controla via un handschoen); studiantenan Albert Bislick y Sinaigel Lacle; Segundo premio: “Ninja Saki” (un bais traha full di palo); studiantenan Jacob van der Biezen y Oneal Vrutaal y di 3 premio;

“Levitatie water” (efecto con pa laga e awa drupel bay ariba); studiantenan Andric Feliciana, Darrel Koolman y Emanuel Garcia Gonzales; Premio popular: “Wooden Lowrider” (custom bike traha full di palo); studiantenan Mourit van Dinter, Wai Lok Raven y Jamie-Lee Dijkhoff.

Premio AVO student: Emanuel Dilano, escogi dor di docente di Hulandes y Computer; Premio motivacion: Rodney Irausquin, escogi dor di coleganan studiante.

Un danki ta bay na SETAR, Caribbean Fasteners, Integrated Security Services y ALNO Kitchen cu a percura pa tur e premionan otorga na nos studiantenan. Un danki tambe na ETIOB, DOW, WEB, PMEC, VALERO, Arubaanse Wegenbouw, DTZ y Kelly Contractor cu a coopera cu nan expertonan den oranan di trabao pa por evalua tur proyecto riba contenido tecnico.

Grupo di 15 studiante di B&P/ Interface a gradua p’e curso

“How to Deal with Difficult People, Situations and Conflict Resolution” RECIENTEMENTE un grupo di 15 studiante for di sector priva y sector publico, a sigui e curso di B&P/ Interface Aruba N.V. tocante “Con pa Anda cu Conflicto y Hende Dificil y con pa Soluciona Problema”.

E obhetivo di e curso intensivo aki tabata pa adkeri conocimento y pa ricibi e herment necesario con pa anda cu conflicto y hende dificil. Tambe con pa soluciona problema.

Durante e curso a ser trata e siguiente topico nan: Siña con pa trata cu hende y situacion nan dificil: Siña kico bo resposabilidad nan ta como supervisor of manager; A siña kico comportacionnan no productivo ta con pa reconoce nan y kico bo por haci pa mehora.

Kico ta nifica un conflict; e nificacion di resolve problema y con pa crea solucionnan cu por ta beneficioso pa ambos partido.

E curso a wordo presenta pa sra. drs. Ina Croes. Esnan cu a gradua ta: Chely Donner, Fransisca v/d Biezen-Simileer, Arthur Kelly, Isenia Croes, Magda Janga Dirksz, Ernesto Kross, Angelo Leonardo, Edwin de Weever, Ester CroesKelly, Janet Kelly-Kelly, Tania Croes, Manuel Castro, Gianno Werleman y Marlon Clemencia. Un palabera di felicitacion ta bay na tur esnan cu a gradua.

22

AWEMainta Diaranson, 13 Mei 2015

4

Kiwanis Club of Young Professionals Aruba ta instala

miembro

NOBO

RECIENTEMENTE Kiwanis Club of Young Professionals Aruba (KYPA) a celebra e hecho cu a instala cuatro miembro nobo.

Kiwanis Club of Young Professionals Aruba, mihor conoci como KYPA, ta un club cu ta consisti di profesionalnan cu curason grandi pa duna bek na nos comunidad.

Cu un energia positivo y determinacion grandi, e grupo aki di boluntario ta encabesa diferente proyecto grandi y chikito cu ta na bienestar di nos comunidad di Aruba.

KYPA ta consisti actual di 31 miembro di diferente funcion den area profesional. KYPA ta dedica hopi na nos muchanan, no ta yuda solamente den forma di donacion efectivo, pero ta enfatisa tambe riba otro balornan cu ta necesario den nos comunidad, cual t’e atencion, trabou, guia, amor y tempo pa diferente grupo mas vulnerable den nos comunidad.

Durante un ceremonia di instalacion a yama Bon Bini na 4 miembro nobo na nos famia di Kiwanis, cual ta Marjanne ‘Jentje’ Vrolijk, Tahirah van Cleef, Ron Martis y Derrick Quant. Tur ta profesionalnan den diferente area y a sa di demostra den un corto tempo nan dedicacion y amor pa trabounan boluntario.

Pa mas informacion tocante nos club y proyecto, por bishita nos website www.kyparuba.org of por sigui nos riba Facebook KiwanisYPAruba.

23

AWEMainta Diaranson, 13 Mei 2015

Studiantenan di Universidad di Aruba cu Presentacion

‘ABUSO di Hende Grandi’

na S.A.B.A

DOS studiante di Universidad di Aruba di e facultad di ‘Arts and Science’, Departamento di ‘Social Work and Development’, Tanya Kirchner y Lisbel Abreu cu ta haciendo nan pasantia na Stichting Algemene Bejaardenzorg Aruba (S.A.B.A.), a organisa un presentacion tocante abuso di hende grandi pa tur e trahadornan di S.A.B.A Dianan 21, 22 y 24 di april 2015 a tuma lugar un presentacion na Huize Maristella, Centro di Cuido y San Pedro di Verona tocante abuso di hende grandi.

Meta di e presentacion aki tabata pa conscientisa e trahadornan kico ta abuso di hende grandi.

Tambe con pa reconoce e 7 diferente tipo di abusonan cu tin.

Na final di e presentacion cada cas tabatin e oportunidad pa scirbi un mensahe positivo pa preveni y tambe pa duna sosten contra abuso di hende. E presentacion aki tabata uno exitoso caminda cu e trahadornan a participa activamente, a ricibi informacion nobo y sigur a wordo conscientisa.

Studiantenan Tanya Kirchner y Lisbel Abreu kier a gradici tur trahado y stagaire pa nan participacion y contribucion como tambe na stagebegeleiders Sabrina Sonensein y Lisette Does pa nan sosten pa cu e presentacion.

24

AWEMainta Diaranson, 13 Mei 2015

E incansabel Mirto Lacle y esposa Jenny cu mas actividad

Chencho

KELLY cu 40 aña den farandula

A PASA varios siman caba, desde un di e hopi Chencho tin actualmente su grupo “Zjilea” cu bunita actividadnan cu Mirto Lacle y su kerida y distinguida esposa Jenny Boezem a organisa un biaha mas den Biblioteca Nacional. Y ya tin otro actividad bunita na caminda dia 24 di mei cu Sazon Cubano den Cas di Cultura cu un dushi concierto di son, salsa y mas!

Pero laga nos bay bek un rato riba e bunita anochi cu a canta Happy Birthday pa Padu, como pre- celebracion di su cumpleanos cu tabata dia 26 di april ultimo.

Un par di dia prome cu Padu a cumpli su di 95 cumpleano den e sala di Biblioteca Nacional completamente yen di amantenan di literatura cu a ser comparti atrabes di un interesante charla relaciona cu lazonan di amistad entre Aruba y Sto. Domingo, cu musica, baile, canto y poesia recita pa Lady Ruth, titula “E pen”,como cu a duna bunita atencion y reconocimento tambe n’e escritornan riba nan dia e anochi ey den BNA situa den George Madurostraat.

Corda Lady Ruth su estilo di skirbi ta simpel y dushi, no detayadamente tur ora cu tur e nombernan di tur e artistanan cu sa participa den e dushi y bunita actividadnan na BNA. E kjer djies laga boso sinti un crenchi atrabes di e potretnan y algun comentario positivo si di e actividadnan, pero esaki no ta un “resenya” pero mas bien un bunita impresion di e ambiente y desaroyo di e anochi cu a hasta crea un pista di baile riba e dushi tononan y melodianan alegre di e banda “Combo Café” cu e.o. Robert Maduro y Chencho Kelly.

E temanan pa cu e cultura y e.o. tambe e lenguanan crioyo den Caribe cu a resalta den e charla di Pedro Urena Rib. Pabien Chencho Kelly cu 40 aña den farandula E mesun anochi aki por a admira e exposicion di e musico cantante Chencho Kelly cu su 40 añanan den farandula. Un exposicion sumamente bunita hinca den otro, profeshonalmente cu curason.

Trofeo, plakaat y hopi imagennan fotografico di Chencho con el a cuminsa como hoben tocando varios instrumento hunto cu su ruman homber grandi Vicente Kelly te cu su giranan musical den exterior.

integrantenan di Biblioteca Nacional mes como cantantenan, nos dushi hendenan cu talento.

Lady Ruth a yega di canta cu nan den su presentacionnan den casnan di nos grandinan un of ta dos aña pasa, tempo cu el a canta y recita poesia pa nos grandinan, un di e bunita proyectonan di Quota Int. Aruba.

Pabien cu concierto bunita cu amor pa nos mama.

Papiando di Quota, ta corda riba earplugs. Anto ta corda riba e tremendo concierto “Cu amor pa nos Mama” den Occidental Ballroom, pero un tiki mucho duro di mas....cantantenan no mester competi cu otro wak ken ta canta mas duro pasobra e ta sali manera gritonan di alegria, si, pero e hi-lite di e anochi mas gusta pa Lady Ruth tabata e duo Faritah Luidens y su mama Carola, esta yiu y mama cu a canta twee stemmig un cantica na Spaño masha masha bunita mes cu a duna kippevel! Esey ta cantamento !!!!

No pa wak ken ta zona mas duro of den e picthnan mas halto mas skerpi. Y please, otro biaha ora cantante pidi pa luz den sala, pa sende e luznan den sala na plafond y no haci e luznan blanco riba stage mas fel y skerpi cu a duna varios hende molester na wowo, specialmente ora bo ta bisti bril.

Just un of dos critica constructivo. Algo un tiki fastioso tambe, cu tabatin dos carchi cu e mesun number ganador di un di e bunita doorprizenan, despues di e show mi a comprende cu nan a splike prome cu a saca e number cu ta un number di e mesanan di VIP e tabata, pero mi wowonan tabata un tiki cansa di e luznan fel di e stage cu mi no a scucha e info ey .

Jammer p’e sra.bunita sinta banda di Lady Ruth cu tabatin e mesun number riba su carchi general, pero no a gana nada.. . Pero.....PABIEN n’e comision organisador cu nan concierto: “Cu amor pa nos Mama” - Lady Ruth a goza mas di e Mariachi y Rocco Franken!!!

Esta bunita talento !! Danki pa lesa y te un otro oportunidad. God bless!! P.S.Y berdad lo ta leuk pa ripiti e concierto “Cu amor pa mama” p’esnan cu si ta gusta bochincha alegre di hopi alegria.

Mi tambe sa ta un party animal, pero lo hiba earplugs next time! Tin cu cuida nos oido sigur.

25

AWEMainta Diaranson, 13 Mei 2015

Zona Economico di San Nicolas ancra den ley e aña aki

Ya caba e prome certificadonan a wordo otorga a base di trato preferencial

DURANTE tratamento di presupuesto 2015 den Parlamento, Minister ing. Mike de Meza encarga cu Asunto Economico, Comunicacion, Energia y Medio Ambiente, a duna un splicacion riba e zonanan di incentivo fiscal cu a wordo estableci p’asina facilita e diversificacion di nos economia.

“Ya caba a tuma e prome pasonan pa modernisacion di nos freezone, como tambe ta finalisando e proceso di

legislacion di e asina yama begunstigend beleid cu ta haci e Zona Economico di San Nicolas posible”, Minister de Meza a informa Parlamento durante su disertacion.

Na 2013 Minister de Meza, a anuncia un trato fiscal preferencial facilitando asina e diversificacion di nos economia unda Aruba lo posiciona su mes como hub pa region.

Minister de Meza a informa Parlamento cu Departamento di Legislacion y Asunto Huridico ta den e fase pa completa e proyecto di ley cu tur e ahustacionnan cu a wordo presenta riba leynan y maneho existente por medio di e begunstigend beleid.

“Asina kier haci e area di San Nicolas mas beneficioso pa inversionistanan y pa actividadnan economico nobo.

Como cu e Zona Economico di San Nicolas ta consisti di varios aspecto fiscal, colega Minister di Finansa, Angel Bermudez, ta duna su input riba esaki.

Na momento cu e concepto final di e proyecto di ley wordo finalisa, Gobierno di Aruba lo ricibi esaki for di Departamento di Legislacion y Asunto Huridico. Despues e proyecto di ley lo pasa den e proceso pa bay na Gobernador di Aruba via Raad van Advies pa finalmente wordo proponi na Parlamento di Aruba pa tratamento den un reunion publico.

Minister de Meza a splica cu den liña cu diversificacion di e actividadnan economico na Aruba a traha ampliamente riba tres zona cu ta sirbi

como instrumento fiscal.

“Na prome lugar a flexibilisa e zona liber. Na di dos lugar a establece e Zona Economico di San Nicolas y por ultimo lo establece e Green Zone, cu lo ta un zona franca destina pa actividadnan sostenible y lo ta situa n’e parti pabou banda di e area Dr. Eduard Cheung Center for Innovation”, Minister de Meza a splica.

E prome certificacion na companianan cu a aplica pa cada un di e zona nan aki a wordo otorga “Aruba ta bira mas atractivo pa inversionistanan cu kier haci inversionnan na Aruba y kier haci uzo di e zonanan aki. Ya caba e resultadonan positivo di e tres incentivonan fiscal nobo aki ta visible”.

Minister de Meza a conclui den e parti aki di su disertacion na Parlamento.

Muher ta manda mundo, awor tambe riba Insel Air

Un crew consistiendo di solamente di hende muher riba buelo di InselAir W I L L E M S T A D Diadomingo dia 10 di mei ultimo, un suceso sumamente unico a tuma lugar den historia di InselAir y aviacion na Corsou en general.

Pa prome biaha un crew consistiendo di solamente hende muher (piloto, co-piloto y cabin attendant) a wordo geschedule pa opera un buelo di Corsou pa Aruba y Boneiru. Ta trata aki di Capitan Rolanda van EikemaHommes, First Officer CarolRose Palm y Cabin Attendant Annaly Hernandez.

Un biaha mas, Insel Air ta confirma cu hende muher ta manda mundo.

26

AWEMainta Diaranson, 13 Mei 2015

Entrante awe

AUMENTO

di prijs di gasolin

Minister Michelle Hooyboer ta anuncia

“Shoco sa

spel”

ENTRANTE awe 13 di mei 2015 mei 2015. E prijs di benta pa comercio e prijsnan di benta di productonan petrolero lo cambia. Esaki ta conta pa gasolin, diesel y kerosin. Minister di Asunto Economico, Comunicacion, Energia y Ambiental ta informa cu a surgi un cambio den prijs di productonan petrolero entrante 13 di

MINISTER di Enseñansa Michelle Hooyboer-Winklaar a anuncia hunto cu e partner principal den e proyecto nacional nobo, esta Fundacion Bon Nochi Drumi Dushi, cu na october Aruba lo conoce su prome “spelling bee” oficial.

E evento aki ta hiba e nomber di “Shoco sa spel”, e lo wordo presenta den tres idioma y ta invitando tur scol basico pa participa. Minister HooyboerWinklaar a splica cu lo tin un proyecto piloto tumando lugar dia 22 di juni na e auditorio di EPI cu 10 participante di 6de klas di tres diferente scol, Pieter Boer Basisschool, Colegio Cristo Rey y Scol Basico Washington. E “test” aki ta na Papiamento, pero p’e competencia nacional na october lo tin haci uzo di tres idioma, Papiamento, Hulandes y Ingles p’asina duna e oportunidad pa participantenan di diferente scol y ofrece participantenan escogencia di e idioma cu nan ta mas comodo cune.

E mandatario a splica cu e proyecto aki ta wordo financia cu e fondonan cu Aruba ta ricibiendo proximamente for di Union Europeo. E legislacion pa cu e fondonan aki ta casi cla y e placa ta wordo inverti den proyectonan specifico pa cu tin efecto riba e

por menor ta como lo siguiente: Gasoline unleaded-premium: 189,4 cent pa liter (aumento di 8,5 cent); Diesel LS: 153,1 cent pa liter (aumento di 2,7 cent) y Kerosin: 140,1 cent pa liter (aumento di 3,3 cent) E prijsnan ariba menciona ta inclui BBO/AZV

calidad di enseñansa, prestacionnan den enseñansa y topiconan cu ta eleva e calidad di enseñansa, el a agrega. Cu “Shoco ta Spel” un inversion ta wordo haci riba nivel nacional, unda cu tur scol basico ta wordo invita pa participa. E intencion ta pa e.o. promove e uzo corecto di idiomanan y lanta interes pa deletra palabranan corecto entre nos muchanan. Cu e spelling bee ta busca pa capta nan atencion, pa motiva nan pa explora y siña mas palabra, pa traha hunto na siña palabranan nobo, y principalmente p’e hobennan diverti y disfruta di competencia sano practicando uzo di idioma y palabra.

Lesamento y uzo di idioma corecto ta importante den tur aspecto di siñamento, hasta matematica y ciencia, y ta esencial pa nos hobennan por lesa bon p’asina por studia cu mas facilidad y tambe funciona mihor ora cu cuminsa traha of asumi un funcion cu cualkier organisacion den nos comunidad. Shoco ta Spel lo tin e mesun formato cu spelling bee-nan internacional. Un moderador ta duna e mucha un palabra cu e mester spel, e mucha ta ripiti e palabra y spel e. E mucha por pidi e moderador pa un descripcion di e palabra y tambe por pidi pa su uzo den un frase. Despues di pidi e descripcion y/of e uzo e hoben mester ripiti e palabra y spel e. E ta haya un cierto cantidad di tempo pa spel e palabra.

Fundacion Bon Nochi Drumi Dushi ta considera un competencia manera “Shoco ta Spel” un extension natural di su actividadnan. E fundacion su vision, esta pa promove e placer di lesamento, ta wordo realisa pa medio di lesamento cu muchanan na nan cas, lesamento pa muchanan na

fiesta y diferente ocasion unda e fundacion ta wordo invita, y actividadnan manera nan feria di fin di aña, bus trip special y e quiz di lesamento.

Presidente di e fundacion, Olga Buckley como tambe colaboradornan di e fundacion Angele Mac-Janet y Alida Kock tambe a hiba palabra n’e conferencia di prensa anunciando e proyecto nobo.

Alida Kock ta e trekker di Shoco sa Spel di parti di Bon Nochi Drumi Dushi.

Shoco ta Spel lo tin efectonan pa cu pensamento di e hobennan y nan dominio di idioma y na mes momento ta presenta un actividad leuk unda nan ta competi contra otro, segun Minister HooyboerWinklaar.Cu e programa piloto na juni lo probecha pa midi e uzo di e idioma Papiamento entre nos hobennan y tambe lo uza sesion aki pa hisa conscientisacion pa uzo di Papiamento.

Uzando mas idioma durante di e competencia na october ta amplia e base p’e hobennan pidi p’e idioma cu nan ta confortabel cune, pero tambe ta fungi como un showcase p’e talento y facilidad cu nos hobennan tin pa cu uzo di idioma.

Minister Hooyboer-Winklaar a bisa cu ta introduci un otro angulo di enseñansa y ta brinda un otro oportunidad pa presenta e parti di enseñansa y siñamento pafo di scol, ta lanta e interes, cende e candela p’e hobennan desaroya nan lesamento, spelling y idioma.

Olga Buckley a splica cu den e shete añanan di existencia, Fundacion Bon Nochi Drumi Dushi a conoce diferente oportunidad pa diversificacion y Shoco ta spel ta un proyecto cu pas den nan vision y nan ta hopi contento di por ta parti di e proyecto aki.

27

AWEMainta Diaranson, 13 Mei 2015

! ! o o o o g r a l d n Weeke o Famia yiu! b u c i h s u D . . . . ..

Huur 6 DVD Paga pa 5

DVD

100% ORIGINAL

A D U L D D V D S A L E F10

DVD for Sale

Pal un!

DVD Original Cuminsando na

5 Florin!

Probecha!

Santa Cruz 585-0250 • Bubali 587-1699

28

AWEMainta Diaranson, 13 Mei 2015

Charla riba nos desendencia

MEGAPLEX 8

caribbeancinemas.com/aruba

LIKE OUR NEW FACEBOOK PAGE Caribbean Cinemas Aruba

MAY 14 - 20 TOM HARDY | CHARLIZE THERON

“Mi no tabata sa cu mi ta Indjan; semper mi a kere cu mi ta Hulandes-Europeo”.

“Segun mi mama e ta di desendencia Italiano. Nos famia ta bin for di Spaña. Mi bisawela ta di origen Africano”.

NEW THIS WEEK!

3D VERSION

MON-THURS 5:45 | 8:20 FRI 5:45 | 8:20 | 10:55 SAT 3:10 | 5:45 | 8:20 | 10:55 SUN & HOL 3:10 | 5:45 | 8:20 | 10:55 2D VERSION

ON TWO SCREENS

MON-THURS 4:20 | 6:55 | 9:30 FRI 4:20 | 6:55 | 9:30 | 12:05 SAT 1:50 | 4:20 | 6:55 | 9:30 | 12:05 SUN & HOL 1:50 | 4:20 | 6:55 | 9:30 ANNA KENDRICK | REBEL WILSON

MON-THURS 4:15 | 6:45 | 9:15 FRI 4:15 | 6:45 | 9:15 | 11:30 SAT 1:50 | 4:15 | 6:45 | 9:15 | 11:30 SUN & HOL 1:50 | 4:15 | 6:45 | 9:15 DANIEL SARCOS | FAUSTO MATA

SPANISH

MON-THURS 4:45 | 7:00 | 9:15 FRI 4:45 | 7:00 | 9:15 | 11:30 SAT 2:30 | 4:45 | 7:00 | 9:15 | 11:30 SUN & HOL 2:30 | 4:45 | 7:00 | 9:15

ALSO SHOWING!

ROBERT DOWNEY JR. | CHRIS EVANS

3D VERSION

MON-THURS 5:00 | 8:05 FRI 5:00 | 8:05 | 11:10 SAT 2:00 | 5:00 | 8:05 | 11:10 SUN & HOL 2:00 | 5:00 | 8:05

ON TWO SCREENS

2D VERSION

MON-FRI 6:00 | 9:00 SAT, SUN & HOL 3:00 | 6:00 | 9:00

HEATHER SOSSAMAN | MATTHEW BOHRER

KEVIN JAMES | RAINI RODRIGUEZ

MON-THURS 5:35 | 7:35 | 9:35 FRI 5:35 | 7:35 | 9:35 | 11:35 SAT 3:35 | 5:35 | 7:35 | 9:35 | 11:35 SUN & HOL 3:35 | 5:35 | 7:35 | 9:35

MON-THURS 4:40 | 6:50 | 9:10 FRI 4:40 | 6:50 | 9:10 | 11:20 SAT 2:30 | 4:40 | 6:50 | 9:10 | 11:20 SUN & HOL 2:30 | 4:40 | 6:50 | 9:10

WITH SPANISH SUBTITLES

S T A R T I N G N E X T W E E K | TOMORROW LAND P O LT E R G E I S T • H O T P U R S U I T Download our NEW APP Palm Beach Plaza | Aruba | 586-0074

Asina algun persona a reacciona riba e investigacion di dr. Oswald Raymond Wever y cu a keda publica exactamente un aña pasa den e buki: ‘...Structura genetico di e poblacion Arubiano: Tres origen’. Y tabatin otronan cu a sinti nan mes orguyoso di e resultado.

Loke nos nunca a realisa nos mes bon ta e impacto cu e storia di ‘Conkista’ a haci riba nos desendencia y herencia.

Pues, ora e conkistado Europeo a zarpa pa nos teritorio, tabatin solamente hende homber na bordo di e barconan. Pisando tera n’e continente a keda e conkistado un solo alternativa: Procrea cu e hende muher Indjan cu el a topa eynan. Y t’asina e poblacion di Aruba a bay ta formando.

E historiado Hulandes Johan Hartog ta confirma den su buki Aruba zoals het was zoals het werd cu foi aña 1795 e pueblo Arubiano a keda forma entre e Indjan cu tabata biba n’e isla y e colonisado Europeo.

Probablemente y segun historia oral durante epoca di sclavitud algun homber Arubiano lo a busca nan pareha di bida serca e muhernan Africano y lo a procrea cu nan. Pues den e diversidad genetico di e investigacion a wordo haya tambe marcanan Africano modera cerca e poblacion Arubiano (31.4%).

Conhuntamente cu un instituto renombra na Caracas (Venezuela) y Universidad di Puerto Rico nos investigado di populaciongenetico aki na Aruba – dr. Oswald Wever – a studia e structura di nos poblacion y nan tres a comproba den ki forma nos organismo a traspasa nan caracternan etnico p’e siguiente generacion Arubiano.

Segun profesor dr. Ashley Duits (medico inmunologo) e balor adicional di e investigacion aki ta: Cu a keda scientificamente proba cu ta existi lazo estrecho entre e descendencia etnico di e poblacion Arubiano y esun di pueblonan Indjan cu ta biba na costa di Venezuela y Colombia.

Na aña 2011 e investigacion a comproba cu e rastro Indjan ainda tabata sobrefuerte cerca e poblacion Arubiano den un cantidad di 53.3%.

Despues di e prome presentacion di su buki na Aruba Surfside Marina, dr. Oswald Wever a hiba e charla na diferente otro institucion manera Archivo Nacional Aruba, Instituto Pedagogico Aruba, Biblioteca Nacional Aruba den e Departamento ‘Arubiana’ y tambe pa nos grandinan di Club Kibrahacha.

E reaccionnan tabata diverso: Educativo, instructivo, inovativo, inspirativo, discutible, pero tog hopi bon.

Fundacion Herencia Historico di Aruba cu sosten di UNOCA ta organisa diadomingo 17 di mei proximo, di 10:00 di mainta pa 12:00 di merdia na Club Don Bosco Noord un charla informativo y educativo den nos idioma Papiamento riba e resultadonan di e investigacion cu nos investigador di populacion-genetico dr. Oswald Wever a haci tocante e desendencia di e poblacion Arubiano. Entrada ta gratis.

Durante e mainta aki lo tin algo di bebe y di come crioyo di Aruba. Tur hende ta Bon-bini, especialmente e pueblo di Noord. Un boca bisa otro.

Bin scucha kiko ta e descendencia di e poblacion di Aruba.

29

AWEMainta Diaranson, 13 Mei 2015

Fiesta di

Pentecoste

den Iglesia Catolico

DIA 24 di mei 2015 Iglesia Catolico Universal ta celebra e fiesta di Pentecoste.

Aki na Aruba tambe e fielnan Catolico ta celebra e fiesta.

Kico ta nifica e palabra Pentecoste?

E palabra Pentecoste ta bin di Griego y ta nifica e di quincagesimo dia, mihor bisa e di 50 dia. Riba diadomingo di Pentecoste ta yega un fin na tempo di Pasco di Resureccion.

Kico nos ta celebra?

Durante Pentecoste ta celebra e bahamento di Spirito Santo y e comienso di e actividadnan di iglesia. P’esey tambe Pentecoste ta conoci como e celebracion di Spirito Santo. Segun e liturgia Catolico e t’e fiesta mas importante despues di Pasco di Resureccion y Pasco di Nacemento.

E fiesta aki ta netamente Catolico?

E base historico den e celebracion t’e fiesta semanal Hudiu yama Shavuot, durante cual ta celebra e 50 dianan di e aparicion di Dios riba sero di Sinai. Ora cu Dios a entrega e 10 mandamentonan n’e Pueblo di Israel.

E prome Cristiannan tabata Hudiu nan tabata reuni riba e dia ey di e Pentecoste Hudiu ora cu Spirito Santo a baha riba nan.

E biblia ta conta den e buki di Echonan di Apostelnan asina aki; “Ora fiesta di Pentecoste a yega, tur e siguidornan di Hesus tabata hunto n’e mesun lugar.

Diripiente un zonido manera un biento fuerte a bin for di shelo y yena henter e cas caminda nan tabata.

Algo manera candela a aparece y parti na lenga di candela cu a bay para riba cada un. Nan tur a keda yena cu Spirito Santo y cuminsa papia na otro lenga, segun Spirito Santo tabata inspira nan.”Echonan 2; 1-4.

Kico t’e significativo di e fiesta aki?

Pentecoste ta e fiesta Pascual y Fiesta di Spirito Santo. Iglesia sabi cu e ta nace den Resureccion di Cristo, y ta confirma cu e benida di Spirito Santo.

T’e ora ey numa e apostelnan a bin comprende pakico nan a wordo convoca pa Hesus; pakico nan a wordo prepara durante e 3 añanan di convivencia intimo cu su persona.

E Fiesta di Pentecoste ta manera e aniversario di Iglesia. Spirito Santo ta baha riba e comunidad naciente y

temeroso aki, infundiendo riba dje su shete donnan, dunando nan e balor cu nan tin necesidad pa anuncia e Bon Noticia Nobo di Hesus; pa preserva nan den e berdad, manera Hesus a priminti (Huan 14,15); pa dispone nan pa ta testigonan; pa sali, batisa y duna enseñansa na tur nacionnan.

Durante e fiesta aki ta uza e color cora p’e altar y bistinan di e sacerdote; cu ta simbolisa e candela di Spirito Santo.

Y solamente Spirito Santo ta duna 7 donnan?

E catisashi ta bisa den number 1831: E shete donnan di Spirito Santo ta; sabiduria, inteligencia, conseho, fortalesa, ciencia, piedad y temor di Dios.

Nan ta pertenece den nan plenitud na Cristo, Yiu di David (Cf Is 11, 1-2). Nan ta completa y perfecciona e virtudnan di esunnan cu ta ricibi nan.

Nan ta haci e fielnan manso y dispuesto pa di biaha obedece e inspiracionnan divino.

Pero e 7 donnan di Spirito Santo cu ta aparece den Isaias 11 no ta e uniconan.

Spirito Santo tin cantidad di donnan incontabel y no solamente 7. Corda cu 7 den e Biblia ta nifica plenitud.

Den catisashi 1832 ta para: Frutanan di Spirito Santo ta perfeccionnan cu Spirito Santo ta forma den nos como e prome frutanan di gloria eterno.

Tradicion di Iglesia ta registra diesdos di nan: ‘Caridad, hubilo, paz, pasenshi, amabilidad, bondad, generosidad, suavidad, fieldad, modestia, dominio propio y castidad”.

Pa celebra e hechonan aki Pastoor Santiago di Parokia Santa Anna, Noord ta invita tur parokiano y Catoliconan di Aruba y e pueblo en general pa bin celebra Fiesta di Pentecoste cu un nobena di Spirito Santo cu ta cuminsa diabierna 15 di mei 2015 pa 5.30 di atardi y cu ta culmina cu un Santo Sacrificio di Misa riba diadomingo 24 di mei pa 6ór di atardi.

E fechanan p’e otro dianan di nobena ta: Diasabra 16 di mei pa 6ór, diadomingo 17 di mei pa 5ór, dialuna 18 di mei pa 5.30ór , diamars 19 di mei pa 6ór, diarazon 20 di mei, diahuebs 21 di mei y diabierna 22 di mei pa 5.30ór y diasabra 23 di mei pa 6ór di atardi. Despues di e Santo Rosario tin oportunidad pa ricibi Santo Eucaristia.

Recordatorio y invitashon Pa medio di esaki famia ta invita tur amigo y conocirnan pa asisti na un santo sacrificio di misa pa recorda 6 aña di fayecimento di

Norma Henricus Na misa Fatima na Dakota, diabierna 15 di mei 2015 pa 7'or di anochi.

Boso precensia lo ta altamente aprecia.

30

AWEMainta Diaranson, 13 Mei 2015

“Senjor ta mi wardador, mi’n tin falta di nada. Den cunucu di yerba berde e ta ponemi sosega. E ta hibami na awa trankil, Pa mi bolbe haña forza” Salmo 23

Nos a stime hopi, pero Dios a stime mas…

A fayece cristianamente

Cu honda pena nos ta anuncia fayecimento di:

“Dios ta amor ……. y amor ta Dios, maske mi no tan a e mundo aki, tur dia lo mi ta banda di boso Curazon, mi por stens di loke Señor ta hasi” Salmo 33 Cu profundo tristeza na nos curazon, nos ta anuncia fayecimento di:

Catharina Faro-Giel *26-04-1926 - †12-05-2015

Acto di entiero lo wordo anunca despues

Tito Rafael Mata *12-2-1939 - 7-5-2015

“Señor ta mi wardador, mi’n tin falta di nada Den cunucu di yerba berde e ta ponemi sosega.

E ta hibami na awa trankil, Pa mi bolbe haña forsa”.

Salmo: 23 Cu hopi tristeza pero conforme cu boluntad di Dios Nos ta participa fayecimento di:

Luis Leopold Leonardo *31-01-1935 - †11-05-2015

Na nomber di su: Casa stima: Sofia Leonardo-Monart Yiunan stima: Robert y Elisabeth Ras Jeffrey Su nieto, preti wowo: Matheuw Leonardo y Genesis Nieta stima: Jasmine Leonardo Unico ruman cu a stime: Lionel Leonardo y famia na Corsow Sobrina stima: Bianca Leonardo Cuñanan: Prisca Kock y famia Bea Marques y famia Su bon amigonan, bisiña, conocirnan y ex-coleganan di LAGO. Adres pa condolencia: Aurora Funeral Home, diaranson 13 di mei 2015 di 7’or pa 9’or di anochi.

No ta ricibi bishita di condolencia na cas.

Na nomber di su rumannan

Rosalina, Osbaldo Croes y famia Addis Mata y famia Claudio Mata y famia Nelly Mata y famia Lila Mata, Colo Jacobs y famia Jaime Mata, Ariette Camara y famia Miriam, Marcantonio Wix y famia Nolita Mata y famia Mariksa, Roy Lacle y famia Nouris Mata Glenda Cardoze y Henry van Grieken Tony Buntin y famia Albert Buntin y famia

Sobrino y Sobrinanan:Dwayne Croes y Siham Messaoudi Darysse Croes y Darwin Dubero Johaddis, Edirik Jong y famia Vanessa y Vinsley Arambatzis Claudio Mata Liliana y Leonid Arends Dwight, Jayme y Ken Mata Ludy-June Wix Nigel y Stephanie Wix Luigi Wix Eduard Wix Ruby y Bryan Dania y famia Marlee, Mariëlle, Royson Lacle Sobre-sobrinonan Jaylee Farro, Lainy de Windt, Nathan v/d Lende, Rayna, EJ y Kyra Jong, Donna Fortin, Haydee y Karen van der Kuyp, Joan van Eer, Glenda Reiziger, Denise Yacelga Tur su amigo-, primo- y primanan, na Aruba y Venezuela, tanta y omo na Venezuela.

Jose Ygnacio Batista Bonseñor Mihor conoci como Nacho *20-07-1955 † 05-05-2015

Na nomber di su Yiunan: Julio A. Batista y yiunan (sto.Domingo) Mariolis R. Batista Ariel J. Batista Compañera di bida:Isabel Dicent y yiunan Victor Dicent (Aruba) Judith Altagracia (España) Luis M. Dicent y famia Rumannan na sto.Domingo:Odulia Batista y famia Jose Batista y famia Altagracia Batista y famia Theodoro Batista y famia Aurora Batista y famia Trinidad Howell y famia (USA) Elena Navoro y famia Cuñanan Aruba: Ana Dicent y famia Ana Josephina Werleman y famia Pedro Dicent y famia Maria Elena Dicent y famia Maria Del Carmen Dicent y famia Anna Deli Dicent y famia Jose Dicent y famia (USA) Su mihor amigonan:George y Glenda Bislip y famia Tony Fernadez Coisy Koolman y famia Carlito Orman Patricio Jacobs Tonito Werleman Su mihor amiganan:Susana, Mariana, Patricio, Rosa y famia Tur su coleganan: ATCO Garage, Ecotech, ATCO Concrete, Meta Corporation, Eco Gas, New York Laundry Nieto y nietanan, primo y primananna Sto.Domingo, USA, Spañe.

Su bon bisiñanan.

Oprtunidad pa condoleer dialuna 11 mei 2015 for di 7’or pa 9’or di anochi na Aurora Funeral Home.

Adres pa condolencia: Aurora Funeral Home, diaranson 13 di mei 2015 di 7.00-9.00 pm

Acto di despedida lo tuma lugar diabierna 15 mei 2015 for di 2’or pa 4’or di atardi, sigi pa cremashon den seno familiar.

Nos ta pidi nos disculpa cu nos no por ricibi bishita di condolencia na cas.

Nos ta pidi nos disculpa cu despues di entiero nos no ta ricibi bishita di condolencia na cas.

31

AWEMainta Diaranson, 13 Mei 2015

“Laga tur kos ta spera mi ta bunita, laga tur locual cu mi encontra na caminda ta bunita, laga tur locual cumi laga atrás keda bunita y laga esakinan termina den tur buniteza”.

“Señor ta mi wardador, mi’n tin falta di nada Den cunucu di yerba berde e ta ponemi sosega.

E ta hibami na awa trankil, Pa mi bolbe haña forsa”.

Salmo: 23

“Senjor ta mi wardador, mi’n tin falta di nada. Den cunucu di yerba berde e ta ponemi sosega. E ta hibami na awa trankil, Pa mi bolbe haña forza” Salmo 23

Gradicimento

Cu profundo tristeza na nos curazon nos ta anuncia cu a fayecimento di :

Cu hopi tristesa pero conforme cu boluntad di Dios nos ta pariticipa fayesimento di

Celestino Quandus Nelson Walton Olive miho conoci como “Nel” * 02-06-1945 † 04-05-2015

Na nomber di su: Mama: Tata: Yiunan:

†Senovia Olive “Mama Nene” †Benjamin Olive McKay “Papa” Herbert Olive “ Hobby” Miloushka Olive “Uka” Su Casa: Sra. Yolanda Geerman - Olive Nieta: Sabina Olive Su 14 Rumanan: Ethelina Lacle- Olive †Harold Henry Olive †Gwendelin Florencia Olive Beryl Annie Olive †Herbert Bernard Olive †Henry Christopher Olive Mirna Adelina Ras- Olive Violet Margareth Olive Magda Filomena Olive Elaine Dorothy Olive Erine Enid Geerman- Olive Franklin Emanuel Olive Roy Luisito Rudolph Olive Gervas Olive na Iglatera Swa y Cunanan: Cheppi Ras Cresencio Florencia Donny Geerman Ex swa y famia Roberto Tromp Mariana Tromp - Olive Nidia Duran-Olive Dionisia Dolson †Micheal Geerman Subrino Subrina y nan Famia Na Alemania Yoselyn Ranes-Steenhuizen Na Hulanda Irene Florencia, Sherin Sambo Florencia, Sandra Ranes, Yoycelyn Steenhuizen Ranes, Charles Ranes, Rudmilla Timmerman Florencia, Na Corsow: Iris Maduro, Marlene Florencia, Franklin Florencia, Na Aruba: Careen Lacle, †Marlon Lacle, Harold Ranes Micheal Ranes, Marlin Ras, Meredith Pabon, Marileen Tromp Indira tromp, Sharitza Jacobs, Joanne Geerman,Desiree Geerman, Ener Duran, Vanessa Olive, Luimar Olive.

Su prima: Vilma Tromp Maduro. Delma Bernet Famianan : Croes, Geerman , Richard,Dijkhoff, Habibe, Wix,Mesce, Adelina y Fuad Ibrahim y amiga, Offerman na Curacoa Invitashon special na : Ex trahadornan di Lago, E Loods nan cu e prepara pa hasi staats examen di diesel motoren, docente nan di Martin Luther King School, John F Kennedy School, EPB, Ir Cesare terzano MTS , EPI, Examen comissie, onderwijszaken, Simar, su alumno nan cu e a duna les na skol den dia y Avond Opleiding, y su utimo trabownan diesel monteur opleiding HVAC technicians, motorcycle technicians y studiantenan di Mavo, Havo y VWO cu ta bin bijles na su cas.

Nos disculpa si nos por a lubida algun famia .

Despues di entiero lo no ta ricibi bishita di condolencia na cas Danki.

Ta invita pa e acto di entiero cu lo tuma lugar diasabra 16 di mei 2015 na Aurora Funeral Home di 9’or pa 11’or di mainta despues lo Sali pa Santana central na Sabana Basora.

Adres pa condolencia: Aurora Funeral Home, diabierna 15 di mei 2015 di 7’or pa 9’or di anochi.

Felis Emiliano Geerman *29-07-1943 † 07-05-2015

Na nomber di: Mayornan:

†Nicolasa (Cachi) & †Aloisio (Wichi) Geerman Esposa: †Rosaria Magdalena Geerman-Quandus Yuinan: Mildred & Nel Holsman Sharine & Roland Thode Maurits & Yolanda Britten Shajaira Geerman Mescos cu yiu: Jayden Kock Rumannan: Vdo. Lucas Geerman y famia Jose & Olga Geerman y famia Vdo . Obdulio (Doei) Geerman y famia †Josefina & †Jacinto Werleman y famia †Carnacion (Shonné) & Ada Geerman y famia Efrain (Frein) Geerman & Bertha Caraballo y famia Adelaida (Aida) & TitoTromp y famia na Hulanda Angela Geerman & Freddy Hernandis y famia Magaly Brito & Ramon Guerero y famia Lamberto (Tico) Werleman Irene & Orlando Kock y famia Nietonan: Rowald y Roderick Thode Igor Holsman Swanan: Frans Quandus y famia †Jose Quandus y famia Suegro: Nady Thode Mama di su yiunan:Flavia Kock Subrino(a)nan na Aruba, Hulanda y Canada, primo(a)nan, tanta y omonan, comer y compernan, bisiña y conocirnan.

Su Team di voetbal Atlantico Deportivo & demas teamnan, Coleganan di Solo di Pueblo y ex-coleganan di Duane.

Demas famia: Geerman, Quandus, Angela, Maduro, Valdes, Jacobs, Oduber, Croes, Franken, Werleman, Kock, Lee, Koolman, Wernet, Brito, Tromp, Caraballo, Thode, Holsman, Thiel, Simon, Lamper, Dirksz, Gomes, Flemming, Alvarado, Giron, Florentino, Rasmijn Ta invita pa e acto di entiero cual lo tuma lugar diaranzon 13 mei 2015 di 2’or pa 4’or di atardi na Misa Inmaculada Conception , despues saliendo pa Santana Catolico “De Vries” na Sta. Cruz. For di 2’or di atardi e restonan mortal di nos difunto stima lo ta reposa den misa.

Adres pa condolencia: Aurora Funeral Home, diamars 12 mei 2015 for di 7’or pa 9’or di anochi Disculpa nos si den nos tristeza por a lubida un of mas famia.

Despues di entiero nos no por risibi bishita di condolencia na cas.

Mihor conosi como Chatin

Nos ta desea di gradici tur persona pa e cariňo , respect y aprecio demonstra na bida y e atenshon duna na ora di fayecimento y entiero di nos defunto stima. Un gradicimento na tur esun nan cu a hasi yamada y na Randell Croes pa su bunita cancionnan den misa. Na tur cu tawata presente na e momento doloroso y dificiel.

Alaves nos ta invita pa companja nos na misa di Noord dia 13 y 15 mei 2015 18.30. Dia 17 mei 2015 18.00 . Despues di ultimo misa lo tin un Rosario na cas Tanki flip 3.

Boso presencia ta altamente aprecia.

Gradicimento / Invitashon Na nomber di su mama y demás famia Petrocchi-Donata-Brete nos kier a manda gradici tur hende cu a asisti na condolencia y acto di despedida di nos “Buchi” stima

Rolando Martines Petrocchi “Buchi”

Danki na tur cu a manda palabranan pa sostene nos den e momento mas difícil den nos vida. Un danki grandi ta bai pa tur esnan cu a hasi nan best pa Buchi por a haja su despedida cu e a merece. Danki pa tur cu a dune atención na vida y lage sinti special. Danki na su rumannan ku semper a stime y tabata para kla pa juda cu cualkier cos. Danki tambe na Lila, Lenny, Tante Aurita, Richard, Deta, Marlon y Rudy. Un danki na Edmund Harms Foundation, specialmente na Nadiushka Shraier y Francis Odor. Boso presencia y medeleven tabata un gran consuelo pa nos tur pa mira con stima Buchi tabata serka tur hende.

Alavez famia ta invita pa 3 Santo Sacrificio di misa diaranzon 13 mei pa 7’or di anochi, diahuebs 14 mei pa 10’or di mainta y diabierna 15 mei pa 7’or di anochi na Misa Pro Catedral San Fransisco na Playa.

32

AWEMainta Diaranson, 13 Mei 2015

Cuerpo di Polis ta conoce 24 “Hoofd Agent” nobo “Un decreto ta mas cu un promocion, e ta un estimulo pa supera y proteha” RECIENTEMENTE a tuma lugar un celebracion special na Centro di Husticia na Macuarima, unda cu Alto Comisario di Polis, mr. Adolfo “Dolfi” Richardson a entrega decreto di promocion na Polis cu a pasa di un rango pa otro.

“Mi ta contento di mira cu tin miembronan di famia presente, ya cu famia t’e anker den nos bida y ta loke nos ta cay bek riba dje despues di un dia di trabao duro y largo. No lubida cu t’e amor pa boso famia ta loke t’e forsa cu lo sigui pusha boso den bon direccion”.

Alto Comisario Richardson a comparti su palabranan di apoyo, animo y determinacion y cu e mihor deseonan pa sigui padilanti den nan carera den Cuerpo Policial.

Lloyd Wever a ricibi su Decreto Gubernamental como “Hoofdagent 1”.

P’e rango di “Brigadier” (klas 2009) a ricibi nan promocion Jim Geerman, Remyart Giel, Frankllin Fernandes Pedra, Indira Jansen, Charlene Tromp, Jessica Texeira, Marcelino Kock, Tino Ruiz, Sandrick Albus, Carlos Kock, Jonathan Ras, Alicia Oduber y Raymond Rasmijn.

Di e klas di 2010 a ricibi e rango di “Brigadier”, e Polisnan Ahira Ignacia, Olando Nicastia, Rene Nicholson, Dayton Phillip, Nixel Scholten, Jarisson Koolman, Richinel Maduro, Alexander Richardson, Jeneida Whithfield y Dailey Renfrum.

Alto Comisario Richardson a entrega e Landsbesluit p’e rango di “Agent” klas 2013 na Chenry Abdul, Alvin Bayubay, Michel Bislip, Derek de Castro, Darwin Escobar Romero, Michael Geerman, Chantee Halley, Nicole Illidge, Eron Jacobs, Lyndrick, Kelly, Litmar Lacle, Marshall Ras, Leroy Stuart, Rashella Thiel, Simon van Eenennaam, Alexander Wernet, Waldrick Willems y Gregory Wouters.

Tambe Alto Comisario Richardson a entrega promocion como “hoofdagent” na un grupo basta grandi cu ya pa basta tempo ta activo den Polis.

“For di 64 agente cu ta haya nan promocion awe, 24 ta pertenece n’e grupo di Hoofdagenten. Y aunke nos cuerpo ta hoben, ta di boso nos ta depende pa guia e hobennan pa nan ta integro, pa nan mantene e sentido di pertenece na un comunidad cu mester di nan y pa semper nan sigui haci nan maximo esfuersonan pa mantene Aruba un lugar sigur pa un y tur”.

Esnan cu awor lo carga e titulo di Hoofd Agent ta Hanskoemar Mohan, Rudy G.L. Jansen, Esteban A. Kelly, Ryan F. Anthony, Jair M. Oduber, Ryanne R.D. Kock, Eduardo R. Bremo, Rivelino B. Sabajo, San Antonio St. Jacoba, Deonisio R. Henriquez, Mike A. Goeloe, Johny M. Erasmus, Edison R. Correa, Juan D. Bislip, Jelitza G. Croes, Dinaira R. Boekhoudt-Dijkhoff, Elias E.D.

Halabi, Alix Geerman, Marcelino A.G. Ras, Angelo G. Anthony, Robert M. Vos, Elisa M. van Loon, Michael R. Croes, Giovanni C. Heyliger, Jason S W. Ridderstaat, Norberto Tromp, Bidjaikoemar Mohan, Jonathan P. Orman, Joaquin A.M. Pieters, Josephus A.H. Reuters, Rolando G.E. Maduro, Robert J.B. Kock, Alvin G. Lacle,

Marlon I. Pieters, Julaika D. Rosel, Eric A. Nicolaas, Joshua A. Campbell, Jeanette M. Maduro, Jane L. Werleman, Edgar F.A. Maduro, Ewald J.A. Lacle y Omar G.R. Werleman.

Cuerpo Policial ta felicita e Polisnan cu nan decreto gubernamental cu ta trece mas responsabilidad pa por sigui sirbi e pais aki.