Diahuebs 17 di April 2014 | Margrietstraat 3 | Tel: 583-1400 | Fax: 583-1444 | noticia@awemainta.com
“DEN E VISION TOTAL DI GOBIERNO SALUD DI NOS HENDENAN TA HUNGA UN ROL HOPI IMPORTANTE”
GRATIS
DESPUES di ceremonia di firmamento di e contract cu e contratista mayor OHL Arellano pa loke ta e proyecto grandi cu ta encera renobacion y ampliacion dr. Horacio Oduber Hospital, Prome Minister Mike Eman a bisa di ta masha contento cu e proyecto aki a wordo realisa cu un envolvimento amplio den nos comunidad. “Profesionalnan di AIB, di SOGA cu
a encamina e proceso di diseño y despues di escogencia di e contratistanan y di hospital mes tambe. A envolvi tur stakeholder di nos hospital pa duna nan aporte. Enfermeronan di HOH, sindicato, mediconan y tur otro cu ta haci uzo di hospital a duna nan contribucion. Nan a aporta cu nan pensamento riba e diseño y tur e facilidadnan cu mester bin den hospital
pa e bira e hospital cu nos kier pa e ta.” Eman a bisa cu loke pa gobierno ta importante ta cu den e vision total di pais Aruba nos a bisa semper cu nos kier un pais caminda no unicamente ta papia di crecemento economico, cu turismo ta bay bon, pero cu por traduci tur e impactonan economico tambe den un bienestar
general di un mehoracion social di comunidad di Aruba. “Ta p’esey gobierno a pone como meta pa mehora nos barionan, renoba nos scolnan, crea areanan publico manera Linear Park, mehora edificionan cu ta duna un aspecto estetico na Aruba, pero tambe nos identidad. Ora nos wak nos watertorennan restaura y caya grandi rebiba e ta duna nos un
sentido adicional di compromiso cu nos pais.” “Den e vision total aki salud di nos hendenan ta hunga un rol hopi importante”, Eman a subraya. “Pa hopi aña nos a biba cu un hospital cu no tin tur e facilidadnan cu nos ta desea y awe nos a firma pa nos tin un hospital cu ta bay tin e nivel cu nos ta desea pa nos hendenan.”