dama di edad ta bibando den un situacion deplorable gratiS
Diamars atardi a drenta informacion cu tin un dama di edad bibando den un situacion deplorable na Seroe Pita. Mesora a manda polis como bombero n’e sitio. Na yegada di e instancianan menciona, nan a wak cu e situacion ta a-hygienico y a notifica Cruz Cora, mientrastanto e oficialnan di bombero a inicia cu full un limpiesa di e cas. Loke sigur a wordo aprecia. Diahuebs 18 di November 2009 | Margrietstraat 3 | Tel: 583-1400 | Fax: 583-1444 | noticia@awemainta.com
SETAR a aserca DTZ pa investigacion oficial Pa interferencia serio riba nan servicio di cable.
Mar Azul y The News declara bancarota
Huurcontract di edificionan cu MEP a huur ta contra Ley di Contabilidad
Cu intento di hort’e y hasta di kier a mat’e Algun choler a atraca un señora di 85 aña, kende a sa di bringa cu nan y salba su bida
Diamars prome cu merdia Central di Polis ta manda un patruya na un cas na Pos Chiquito caminda lo tabatin un atraco y cu lo tabatin hende herida. Na yegada polis a constata cu dos mucha muher, y un mucha homber, kendenan ta conoci como choler den e bario, a maltrata un señora di 85 aña cu intencion menos bon. Di acuerdo cu informacion cu nos a haya
ta, cu e hobennan aki a pidi e señora grandi aki awa. Ora cu el a bira lomba, e personanan aki a atak’e, a pone serbete na cara di e señora y a purba di stop e di hala rosea. Ora cu nan a kere di a logra nan meta, e atracadornan aki a dicidi di wak kico tin pa horta. Pero loke nan no a spera ta cu e señora balente aki, a lanta y cu tur su edad aki, el a sa di bringa cu nan y cuminsa grita.
Asina e malhechornan aki a cambia di opinion y a core bay, pero nan a ser reconoci. Asina cu polis a yega, a notifica ta kende e muchanan muher y e mucha homber tabata, y asina e partuya policial a core den e bario y na Sabana Basora a topa cu e malhechornan balente aki. Nan a wordo deteni mesora y awor mester bay duna cuenta di nan actuacion.
E señora grandi aki, nos conoce y maske e tin un edad halto, e ta conoci como un persona cu masha forza. E ta landa casi tur dia, teniendo su curpa den condicion. E tin un nieta polis y tin algun yiu homber, cu por dobla hero cu man. Si nan mester haya e malhechornan aki, sigur nan bingo lo a hunga.