22 Aug 2009

Page 1

Errol Cova y Rudy Croes ta malcomporta cu turistanan gratiS

Ayera merdia, a surgi un situacion masha lamentable, cu sigur no ta haci Aruba nada bon como destinacion turistico. T’asina, según otro coleganan di prensa, cu Minister di Husticia, Rudy Croes, a convoca un conferencia di prensa n’e bar na El Gaucho Restuarant den presencia di e ex sindicalista y politico di Corsow, Errol Cova. Un conferencia di prensa, cu Rudy Croes ta invita solamente su periodistanan comprometi. Diasabra 22 di Augustus 2009 | Margrietstraat 3 | Tel: 583-1400 | Fax: 583-1444 | noticia@awemainta.com

gobierno ta Ministerio Publico mester gana caso contra astec persegui Booshi Wever Hof a rechaza ponencia di PG

Interesante y exitoso forum “Lucha Contra Cancer”

Di Partido Democracia Real

Manera nos tur sa, cancer ta cobrando demasiado bida, demasiado trempan. Diahuebs anochi a tuma lugar e forum “ Lucha contra Cancer” di Partido Democracia Real. Diferente experto a wordo invita pa bin elabora riba e topico di cancer y duna splicacion con importante ta pa haci testnan regularmente pa discubri posibel cancer na tempo.Lider di Democracia Real, señor Andin Bikker tambe a hiba palabra. El a splica con Democracia Real lo bay introduci un Centro di Oncologia pa Aruba ora cu su partido drenta e proximo gobernacion. Partido Democracia Real lo bay facilita e profesionalnan medico na Aruba cu equiponan necesario pa lucha contra cancer aki mes na Aruba. Esaki ta un parti di e Masterplan pa Salubridad Publico cu e partido tin den e programa di gobernacion p’e periodo 2009-2013.Tambe a celebra e hecho cu diahuebs ultimo, mr. Andin Bikker a haci aña y asina tambe Democracia Real a celebra su di prome lustro.

Diamars awor den Corte di Husticia

Caso sumario di Mike de Meza vs Solo di Pueblo Mike de Meza, politico di AVP, a dicidi di hiba Solo di Pueblo Corte di Husticia, pa nan constante insinuacion baho y vil, alegando cu su persona a yuda na regla Ralph Sanchez un cantidad di placa, sin cu nunca e proyecto di Racetrack a keda

ehecuta. E tempo aya, Mike de Meza tabata consehero di Glenbert Croes, awe sostenedor di MEP y ambos mester a presenta den Corte di Husticia na Miami, den e caso cu Ralph Sanchez a logra gana pa cual Gobierno mester a

pagu’e un suma cuantioso. Solo di Pueblo, medio liga na MEP, awor ta culpa Mike de Meza di ta un di e autornan cu lo a yuda Ralph Sanchez. E politico di AVP a fada y a bisa cu mester pone un paro n’e insinuacionnan baho aki.

“E hendenan aki, no tin curashi di bin bisami e cosnan aki den mi cara, pero na un forma cobarde ta sconde tras di nan pen”, según de Meza. Momento a yega pa para e hendenan aki y evita cu nos sigui degenera y bira mescos cu paisnan rond di

nos. Pesey el a dicidi di entama un caso sumario contra esnan responsabel di Solo di Pueblo y lo demanda un rectificacion y sigur un dwangsom. E caso aki lo tuma lugar diamars awor den Corte di Husticia.


Turn static files into dynamic content formats.

Create a flipbook
Issuu converts static files into: digital portfolios, online yearbooks, online catalogs, digital photo albums and more. Sign up and create your flipbook.