Diamars 24 di Januari 2012 | Margrietstraat 3 | Tel: 583-1400 | Fax: 583-1444 | noticia@awemainta.com
QUADRACERNAN NA CANDELA DEN CURA DI COMPANIA DI TOUR GRATIS
DIADOMINGO anochi a drenta un informe cu na Watapana Tours den Schotlandstraat tin un candela den cura di e compania di tour, a dirigi polis como bombero na e sitio. Na yegada di e patruya policial nan a bin topa cu dos quadracer full kima y un a cuminsa pega candela, na yegada di bombero nan a cuminsa combati e candela. Un rato despues nan logra paga e candela pero dos quadracer a kima por completo y un a haya basta da単o. No por bisa kico lo a e origen di e candela, investigacion lo dicidi esaki.
CHAUFFEUR A PERDE CONTROL Y BAI DAL UN MATA DI KWIHI Y A HERA DAL UN MUCHA CU A BULA NA TEMPO
Dialuna atardi a drenta informe di un accidente cu hende herida dilanti di Postkantoor na Oranjestad, a dirigi polis como ambulance na e sitio. Na yegada di e patruya policial a bin compronde cu e chauffeur di Nissan Almera bayendo zuid cu velocidad halto y a bay kita pa un auto cu a sali su dilanti, el a perde control hera bay dal e mucha riba acera y despues el a bay dal riba mata di kwihi. E mucha a bula hala y a bay dal su curpa haya un corta chikito mientras e chauffeur di e Nissan Almera tambe a resulta herida. Na yegada di ambulance nan a atende e victimanan y a transportanan pa hospital.