Diamars 29 di Maart 2011 | Margrietstraat 3 | Tel: 583-1400 | Fax: 583-1444 | noticia@awemainta.com
GRATIS
PROBLEMA NA WAF DILANTI DI TURISTANAN
DESPUES di tanto tempo cu tabata tin problema encuanto servicio di tour na entrada di waf a logra trece partidonan hunto y a yega na acuerdo cu mester bini cu reglamento. Tur partido a mustra cu nan ta dispuesto pa mehora e sistema y a bay di acuerdo cu un plan riba papel. Pero den practica nan a bin realisa cu esaki ta desventahoso pa esnan di tourbus chikito unda nan ta keda severamente perhudica. Entre e tour busnan mes nan a purba di regla algo pero D.O.P.V. a bay contra di esaki y e oficialnan di D.O.P.V. a pidi pa polis bin intermedia den e polemica aki. E tourbusnan a adkiri asistencia huridico por medio di abogado Mr. David Kock kende a reuni merdia cu e tourbusnan y a fiha pa manda un carta pa D.O.P.V. den cual ta pidi pa adapta e cambionan manera nan ta sugeri y a duna un lapso di un dia pa e departamento yega na un decicion sino lo presenta cu un caso sumario.