Dialuna 4 di Juni 2012 | Margrietstraat 3 | Tel: 583-1400 | Fax: 583-1444 | noticia@awemainta.com
GRATIS
Aruba ta conoce su di 10 morto den trafico 5966 cliente cu ainda no a paga nan plachi di number di auto pa 2012
MERVELY Romano di Servicio di Impuesto
Aruba a tira un bista riba locual ta e pagonan di plachi di number di auto pa 2012 ya nos ta na mita di aña y a comenta cu tin casi 6mil cliente no a paga nan plachi di 2012 ainda. Awor cu nos ta den luna di Juni y 30 di Juni ta e di tres kwartaal di aña 2012 ta caduca, y por a conta caba pa cu e categoria pa cu e plachi number A tin 2562 auto ainda cu no a paga pa loke ta 2012 cu ningun pago registra y ta suma un. 3404 cu si a paga e prome kwartaal pero no tabatin mas pago ainda y nan ta cay den e
categoria di incumplimento unda awor aki e clientenan mester tin por lo menos mita aña di e belasting paga y esaki ta representa 11% di e plachinan registra. Pa aña 2011 e tabata 9 % y na 2010 e tabata 11 % tambe y esaki toch ta halto pa e aña aki y ta suma un 5966 cliente cu no a paga ainda. Den practica a concentra cu tin un grupo di cliente cu si a paga e belasting pero no a busca e plachi di number pa motibo cu SIAD ta kere cu nan seguro no ta na ordo y esaki ta causa cu un cliente asina lo ta coriendo cu su plachi bieu di 2011 ainda.