Bazen behin eskeleto atsegin bat. Gustuko zuen umeekin jolastea, itsasoko uretan bainatzea, auzoko loreak
usaintzea, txakurtxoekin jolastea...
Hezurtxo zuen izena. Oso jatorra zen eta beti zegoen besteei laguntzeko prest.
Arazo bakarra zuen: urtean behin bakarrik egin zezakeen hain gustukoa zuen hura guztia.
Imajina
dezakezue zein egunetan egin zitzakeen gauza horiek guztiak?
Ba, bai! Egun hori
Gau Beltza, Arimen Gaua... Egun horretan, Hezurtxok aukera zuen kalera lasai-lasai irteteko, ume guztiak mozorroa jantzita irteten zirelako. Inor ez zen beraren beldur.
Ume guztiek ganbarako arropa zaharrak hartu eta, mozorro beldurgarriekin, baserriz baserri ibiltzen ziren, atez ate, fruitu eta goxoki eske. Eguna ondo aprobetxatzen zuen eta ilundu orduko ateratzen zen lagun guztiekin gauaz gozatzera.
Inork ba al daki nortzuk ziren eskeletoaren lagunak, bera bezala egun horretan bakarrik irteten zirenak?
