sa 123 MSUans sumagot

ng hindi pabor sa panukalang P80 SSC fee

Kasunod ng salitang argumento ng dalawang estudyante mula CSSH at Supreme Student Council (SSC) sa naganap na Special General Assembly noong Mayo 17, nagsagawa ng sarbey ang Bagwis sa mga MSUan kung pabor bang itaas sa P80 mula P50 ang babayaring SSC Fee.

Lumabas sa naturang sarbey na mula sa 118 mag-aaral na sumagot, 58.5% o 72 na mag-aaral dito ang nagsasabing hindi sila pabor sa nasambit na panukala habang 41.5% o 51 namang mag-aaral ang pumabor.

Matatandaang kinuwestiyon nina Leonard Tucjayao at Ramzel Delloro ang laman ng bagong CBL lalo na ang Artikulo 5, Seksyon 7 dahil sa nakasaad na P80 na babayarang SSC fee.

“There are some factors why we opt to raise the fee. First, because of inflation since prices of materials and goods are now rising. Second, time value of money because if we still have the P50 collection then it is not enough to cover the costs in the future. Lastly, this is also to improve the quality services of SSC since having this budget cannot really suffice the events,” tugon pa ni Hon.

Randy C. Juaneza Jr.

Sagot naman ni Tucjayao na kung dahil sa inflation ay itataas nila ang singil, mas lalong dapat huwag na nilang itaas sa P80 at panatilihin nalang ito sa P50 sapagkat nakararanas din ng epekto ang mga estudyante ng inflation.

Idiniin pa rin ng mga opisyales na kinakailangan pa rin na P80 ang dapat na kokolektahin dahil sa malaking kakulangan ng badyet sa bawat aktibidad na ginagawa ng organisasyon lalo na at nangangailangan ito ng malalaking badyet upang maiparanas sa mga MSUan ang kalidad at masayang karanasan na inoorganisa ng SSC.

Pagkatapos ng salitan ng pagpapaliwanag, napagdesisyunan ng presiding officer na si Hon. Romeo

E. Tejada Jr., 2023 Constitutional Convention Chairperson na bumoto ang lahat kung itutuloy sa P80 ang SSC fee o ibabalik sa P50.

Ngunit, umalma ulit sina Delloro at Tucjayao dahil sa maliit na populasyon na nasa asembelya kagaya na lamang sa kanilang kolehiyo na 50 estudyante mula CSSH ang pumunta ngunit hindi ito kayang irepresenta ang damdamin ng 1300 estudyante sa naturang kolehiyo.

Giit ng mga commissioners at council, hinahamon daw ng dalawa ang nakalahad sa 2016 CBL dahil “quorum” ang naturang asembleya dahil nandoon ang lima sa pitong kolehiyo kahit maliit na lamang ang populasyon na dumalo sa bawat kolehiyo kaya sinabi pa ring mabisa ang pagdaraos ng botohan.

Sa huli, napagkasunduang sa susunod na sesyon ng General Assembly na lang magkakaroon ng botohan upang maraming MSUan ang makakadalo.

Hindi na rin natapos ang Special General Assembly dahil sa paliit na paliit nang bilang ng mga estudyante at kakulangan sa oras.

Ayon sa Facebook post ng SSC, magkakaroon pa ng ikalawang sesyon hinggil panukalang pag-amyenda sa CBL at ang pagkakaroon ng botohan kung saan malalaman kung sasangayon ang lahat dahil sa susunod na tatlo hanggang walong taon, ang iminungkahing CBL ay mamamahala sa lahat ng MSUans.

Isinagawa naman ang nasabing pagtitipon upang ihain sa mga estudyante ng Mindanao State University-General Santos City ang mga pagbabago sa Constitution and By-Laws (CBL) ng SSC na bunga ng tatlong araw na Constitutional Convention noong Abril 1, 15, 21 na kung saan sinuri ng SSC ang 2016 CBL at dinagdagan o mas pinatibay pa nito ang mga nakasaad.