Novembro de 2015 - Barrios

Entrevista a Espacio Matrioska, colectivo artístico radicado no concello dos Blancos TEMA DO MES Páx.2

VERÍN

Cinco municipios ourensáns apostan pola rehabilitación

Unha vila romana sae á luz no xacemento do Bouzadoiro

Páx.6

XINZO

Páx.12

Recollida de firmas a prol da segunda enfermeira pediátrica

ALLARIZ

Páx.14

O BNG aproba en solitario os orzamentos de 2016

[Páx. 8]

CELANOVA Páx. 16 Escolares de Celanova presentan unha curta no OUFF

Feiras de Outono en Allariz e Verín [Páx. 21]

A Feira de Allariz (esquerda) tivo lugar os días 7 e 8 de novembro; a de Verín (dereita) os días 14 e 15./P.LODEIRO e B.MARTÍNEZ.

Número: 19 - Ano: X - Novembro 2015 - Depósito Legal: OU 142-2014 - Periódico mensual de distribución gratuíta www.periodicobarrios.com - BARRIOS volve estar no seu buzón a mediados de decembro. Se quere anunciarse consulte no 685 800 190

BARRIOS Novembro de 2015

VERÍN E COMARCA

Verín, Allariz, Celanova, Vilar de Santos e Xunqueira de Ambía apostan pola rehabilitación 4 Os cinco municipios veñen de asinar convenios co Ministerio de Fomento para achegar axudas á rehabilitación de vivendas nas súas ARIs. Paula Lodeiro Impulsar a rexeneración e renovación urbanas é o obxectivo que está detrás dos convenios asinados a finais de outubro entre o Ministerio de Fomento e 38 municipios galegos, entre eles os ourensáns de Verín, Allariz, Celanova, Vilar de Santos e Xunqueira de Ambía.

En concreto, os convenios bilaterais entre Fomento e os concellos permitirán rehabilitar entre 2015 e 2016 22 vivendas en Celanova e Vilanova dos Infantes, cunha achega por parte do Ministerio de 98.340 euros.

Asemade, rehabilitaranse outras 22 vivendas no núcleo antigo de Vilar de Santos, onde Fomento achega 134.100 euros; e 18 vivendas no centro histórico de Verín e no barrio de San Lázaro, cunha contribución económica do Goberno central de 89.400 euros. O convenio tamén beneficia a Xunqueira de Ambía, onde a achega de 111.750 euros permitirá rehabilitar 14 casas e renovar outras catro no seu centro histórico, e finalmente a Allariz, onde se prevé a rehabilitación de cinco casas en Santa Mariña de Augas Santas grazas á financiación de 30.000 euros por parte do Ministerio.

En todos estes casos hai que sumar a achega do concello – habitualmente sufragando o persoal técnico da oficina de rehabilitación correspondente – e dos particulares, que asumen a meirande parte do custo da rehabilitación das súas vivendas (as axudas públicas chegan a un máximo do 35% do orzamento de cada obra).

As actuacións de renovación no casco histórico de Allariz tamén chegaron aos espazos públicos, como as rúas./ARQUIVO.

A rúa Colón está incluída na ARI da contorna do Mosteiro de Celanova./ARQUIVO.

Celanova poderá rehabilitar 22 vivendas, igual que Vilar de Santos; en Verín e Xunqueira de Ambía serán 18, e en Allariz outras cinco casas

As axudas de Fomento para a convocatoria 2015/2016 suman nestes cinco municipios un total de 463.590 euros

O caso de Allariz A maioría destes concellos xa teñen experiencia na xestión destas axudas, pois contan con Áreas de Rehabilitación Integral declaradas desde hai anos.

O máis veterano é o de Allariz, cunha ARI declarada en 1996, un ano despois da aprobación definitiva do PERI do seu casco histórico. En total, o investimento na zona antiga da vila alaricana foi, en 16 anos, de 12,5 millóns de euros, achegados por Fomento, o Concello de Allariz, a Xunta e os propietarios. Estes cartos permitiron tramitar 591 intervencións, incluíndo rehabilitación de vivendas, fachadas e locais comerciais.

Ademais, posibilitaron a realización dunha morea de actuacións en espazos públicos, como as melloras derúas, do contorno do convento de Santa Clara, a construción do Fogar dos Maiores e

O Concello de Celanova conta cunha oficina técnica situada nos baixos da casa consistorial que se dedica ao asesoramento e tramitación do expediente completo das axudas.

O alcalde de Verín, Gerardo Seoane, asinando o convenio coa ministra de Fomento, Ana Pastor, en presenza da conselleira Ethel Vázquez.

da noria de sangue do Portovello ou o plan de retirada das antenas dos tellados, salientan desde o Concello.

Na nova etapa 2015/2016, as actuacións trasládanse á ARI de Santa Mariña de Augas Santas.

A xestión das axudas levarase a cabo a través da oficina de Urbanismo de Allariz.

Dúas ARIs en Celanova Tamén ten experiencia abondo en xestión de rehabilitacións o municipio de Celanova, con dúas áreas de rehabilitación (a da contorna do Mosteiro de San Salvador e a do burgo medieval de Vilanova dos Infantes) desde 2001.

Desde aquela foron subvencionadas un total de 585 actuacións, informan desde o consistorio celanovés. Fundamentalmente, os propietarios solicitan as axudas para acondicionamento de cubertas, canos e baixantes, carpintaría exterior, ou interiores da vivienda “e durante un tempo tamén foron bastante demandadas axudas para rehabilitación integral”, explican fontes municipais.

Paralelamente, o Concello aproveitou estas subvencións para realizar intervencións en espazos públicos, “como o soterramento da rede de baixa tensión na praza Maior e rúa da Botica, a instalación de contedores soterados, no caso do entorno do Mosteiro, ou a urbanización e mellora de distintos viais do burgo medieval de Vilanova”

San Lázaro e casco antigo Tamén teñen unha longa traxectoria en rehabilitación en Verín, pois a ARI do “Centro Histórico do Barrio de San Lázaro e do Núcleo Antigo de Verín” foi declarada en 2006. Desde entón rehabilitáronse “188 vivendas pertenecentes a diferentes edificios, das cales 44 foron rehabilitacións integrais. Ademais tamén se executou un novo edificio cun total de 16 vivendas”, explican desde o Goberno local. A maior parte das actuacións consistiron en renovación de cubertas e obras interiores dos inmobles.

Coma en Celanova, o Concello aproveitou estas convocatorias regulares de axudas, tanto de Fomento como da Xunta de Galicia, para mellorar varias zonas peonís e comerciais no casco histórico da vila. “Acometéronse obras de pavimentación coa renovación dos distintos servizos de instalacións nas berirarruas da rúa de San Lázaro e na conexión do parque da Alameda co paseo do río. Tamén se procedeu á pavimentación das rúas e espazos públicos do barrio de San Lázaro mediante adoquín con pedra do país e o soterramento e canalización de instalacións de

electricidade, telecomunicacións, gas, saneamento e abastecemento de auga. Na zona do entronque á praza da Merced, acometéronse obras que modificaron a zona, para dotala dun carácter peonil,.

Propúxose unha solución similar á da rúa Lisa, respectando os niveis actuais da calzada e ampliando o espazo das beirarrúas”, enumeran.

De novo, a oficina de rehabilitación municipal xoga un papel fundamental, pois é quen asesora aos donos e tramita as axudas, quedando en mans do Instituto Galego de Vivenda e Solo a supervisión das actuacións.

Coa nova convocatoria, o alcalde, Gerardo Seoane, fixo un chamamento a todos os propietarios de inmobles na zona vella para que “se poñan máus á obra coa rehabilitación das súas vivendas”, para que “entre todos, saldemos a débeda histórica que temos co núcleo antigo de Verín nesta mesma lexislatura”.

Axudas para un núcleo rural Un caso aparte é o de Vilar de Santos, un dos poucos núcleos rurais que ten Área de Rehabilitación Integral concedida, xa desde 2012. “Vilar de Santos é un núcleo moi grande, con 370 habitantes, en el produciuse un proceso coma o dos cascos históricos, a poboación comezou a construir en vivendas unifamiliares e moitas casas quedaron abandonadas”, explica o seu rexedor,

VERÍN E COMARCA

Xan Jardón. Grazas ás axudas de anteriores convocatorias rehabilitáronse 13 vivendas, nas que se realizaron arranxos de fachadas e teitos, cambio de carpintarías ou reformas interiores.

O alcalde agarda que os veciños se animen a seguir rehabilitando, pois ademais de continuar na recuperación do núcleo antigo de Vilar de Santos, producen “unha dinamización económica do sector da construción, ao ser obras intensivas en man de obra”.

De maneira complementaria, o Concello de Vilar de Santos leva xa dous mandatos realizando obras de renovación e acondicionamento dos espazos públicos do municipio, financiadas con fondos propios. Aínda que nesta convocatoria non se prevén fondos para obras de urbanización, “aí agora agardamos que haxa inversión da Xunta”, apuntaba Jardón.

Desde a oficina municipal de rehabilitación “hai un asesoramento integral e unha vez dado o visto bo hai un seguimento”, indicaba o alcalde.

Completada a primeira fase de salubridade urbanística de Verín

Xunqueira de Ambía Xunqueira de Ambía estréase nesta convocatoria de axudas, declarando a súa ARI o pasado mes de setembro. O ámbito que se beneficiará destas subvencións á rehabilitación é todo aquel delimitado polo recentemente aprobado Plan especial do casco histórico, incluíndo tamén as edificacións da entrada do núcleo de Xunqueira.

Polo momento o Concello redacta unha ordenanza para regular a concesión das subvencións, que agardan ter lista antes de dous meses, informan fontes municipais. A previsión é que as axudas alcancen a 18 vivendas, para realizar obras de mantemento exteriores, como renovación de cubertas, cambio de canalóns e baixantes e carpintarías ou limpeza de fachadas de pedra. A oficina de rehabilitación municipal encargarase da tramitación.

Verín rehumanízase con máis de 200 árbores

BARRIOS Novembro de 2015

4 Realizáronse actuacións nas rúas Espido, Muralla e Travesía de Sousas.

Redacción As obras de derrube de tres inmobles ruinosos situados no tramo final da rúa Espido, a carón da estación de autobuses, marcan a fin da primeira fase das actuacións de salubridade urbanística iniciadas polo novo Goberno de Verín. Estas actuacións, desenvoltas en todos os casos de mutuo acordo cos pro-

O obxectivo é evitar riscos e mellorar o aspecto da vila

pietarios, teñen como obxectivo evitar os riscos implícitos nas ruínas, ampliar as rúas e mellorar o aspecto da vila.

A actuación sobre estes tres edificios consistiu na súa demolición e o saneamento da parcela, o que permitirá a continuación a ampliación da rúa e as demais actuacións necesarias para evitar riscos.

Segundo explicou o alcalde, Gerardo Seoane, “máis alá do cumprimento das normas de salubridade urbanística e de protección dos viandantes, con estas actuacións o Concello exe-

Na rúa Espido o Concello demoleu tres inmobles, o que permitirá a ampliación da calzada./CdV.

cuta o seu deber de manter unha imaxe limpa e moderna do casco urbano de Verín”.

Outras actuacións Entre estas actuacións de salubridade urbana tamén se teñen desenvolto nas últimas semanas melloras na confluencia da Travesía de Sousas coa rúa Hermanos Álvarez, onde foi demolido

outro edificio ruinoso que invadía a calzada, e que tamén supuña un risco para os peóns.

Así como no cruce da estrada de Vilela coa rúa da Muralla, onde se demoleu muro ruinoso e parte dun galpón. Neste caso, procedeuse á ampliación do dominio público con uso de calzada e beirarrúas máis anchas.

4 Estarán ubicadas nas tres rúas máis concorridas.

Redacción O Concello de Verín iniciou o 9 de novembro o Plan de Rehumanización das Rúas, que suporá o redeseño de numerosas beirarrúas da vila e a replantación de árbores en zonas que historicamente contaron con eles.

Segundo anunciou o alcalde, Gerardo Seoane, “temos unha débeda pendente coas rúas de Verín, moitas delas arboradas tradicionalmente, e que nos últimos anos viron como se

fora perdendo esta compoñente vexetal, e converténdose en elementos urbanos máis duros e sen vida”.

Por iso, o Concello vén de articular esta iniciativa que, grazas a fondos propios e a un convenio co INEM, comezará a plantación de árbores, mellora das beirarrúas e acondicionamento do entorno en tres das rúas máis concorridas da vila.

Canella Cega As obras comezaron pola rúa da Canella Cega, na que se ins-

A rúa Canella Cega antes de comezar as actuacións./CdV. talaron alcorques para os elementos vexetais, redefiníronse as prazas de aparcamento e a procedeuse á plantación das árbores.

A continuación, estenderanse ás rúas Irmáns Moreno e Deputación, contando cunha plantación, nesta primeira fase, de máis de 200 árbores.

BARRIOS Novembro de 2015

VERÍN E COMARCA

Os nenos do colexio Amaro Refojo xunto a Gerardo Seoane durante a visita./CdV.

Escolares do colexio Amaro Refojo visitan a depuradora de Verín 37 alumnos de 4º de primaria do colexio Amaro Refojo visitaron a depuradora de Verín acompañados do alcalde, Gerardo Seoane, e varios profesores do centro educativo.

Esta visita está coordinada polo Concello co entro de ensino e inclúe un percorrido guiado pola depuradora de augas residuais, para que os nenos coñezan o funcionamento das instalacións.

O dron envía imaxes en tempo real ao Posto de Mando Avanzado./RAMSÉS.

Simulacro de localización de persoas desaparecidas cun dron Nas xornadas ARIEM celebradas na Eurocidade, realizouse un simulacro de xestión de emerxencias transfronteirizas na Serra de Meda en Laza, consistente na busca de persoas desaparecidas nun entorno de difícil acceso. No simulacro empregáronse drons, que mandaban imaxes en tempo real ao Posto de Mando Avanzado, que á súa vez estaba en comunicación por videoconferencia co CAE 112 Galicia e co seu equivalene luso.

Imaxe das obras no túnel de Bolaños. /ADIF.

Adif inicia a perforación do túnel de Bolaños Adif iniciou a perforación da vía esquerda do túnel de Bolaños, pertencente ao subtramo Vilariño-Campobecerros da liña de alta velocidade Madrid-Galicia. Este túnel ten unha lonxitude de 6.769 metros e atópase situado nos termos municipais de Castrelo do Val e Vilariño de Conso. O subtramo no que se atopa este subtramo é o único que se constrúe con tuneladora. Adif xa rematou a construción da vía dereita deste túnel.

A construción de dita liña, ademais de contribuír á vertebración socioeconómica das comunidades autónomas de Castela e León e Galicia, reducirá notablemente o tempo de viaxe entre Madrid e a comunidade galega.Esta infraestrutura está a ser cofinanciada polo Fondo Europeo de Desenvolvemento Rexional (FEDER), a través do Programa Operativo de Galicia (2007-2013), cunha axuda estimada de 201,2 millóns de euros, e do Programa Operativo Fondo de Cohesión-FEDER (2007-2013), cunha axuda estimada de 159,3 millóns de euros.

VERÍN E COMARCA

BARRIOS Novembro de 2015

Potenciando as habilidades lectoras e a aprendizaxe do inglés no IES García Barbón O pasado luns 26 de outubro tivo lugar a primeira xuntanza dos clubs de lectura do Instituto García Barbón. Reuniuse o Club de Galego e despois da presentación e organización de horarios, os seus membros decidiron, como estaba preto o Samaín, facer o xogo do cadáver exquisito.

Conversa en inglés No mes de novembro dará comezo unha nova actividade promovida pola Biblioteca do centro e coa colaboración do Departamento de inglés.

Trátase dun grupo de conversa en inglés que está aberto a todos os membros da comunidade educativa do centro e que ten como obxectivo mellorar a fluidez e a comprensión oral do inglés, empregándoo, ao tempo que os participantes se divirten e fan amigos.

O grupo reunirase nun principio unha vez ao mes polas tardes, de novembro a xuño, e será coordinado polas profesoras de inglés do colexio

e a profesora de relixión, que conta coa experiencia de ter vivido en EE.UU durante un tempo.

Concurso de taxetas de Nadal O centro organiza para todos os seus alumnos o I Concruso de tarxetas de Nadal, no que se deben presentar felicitacións de cartolina, de 10x18 cm, decoradas con diversos materiais (acuarela, lápices de cores, algodón, goma eva, fotografías...).

As creacións deben incluir na parte dianteira unha frase orixinal de felicitación, e o nome, apelidos e grupo do autor na parte inferior.

Os estudantes poden entregar as súas tarxetas

4 Pertencen a 19 adegas.

A Guía Peñín 2016 recoñeceu con puntuacións superiores 85 puntos un total de 51 viños de 19 adegas da Denominación de Orixe Monterrei.

Estes resultados evidencian para Asunción Rodríguez Zarraquiños, presidenta da DO, “o bo facer dos viticultores e adegueiros de Monterrei, que cada ano producen viños de mellor calida-

Experiencia persoal Ademais, o día 21 de outubro ás 10.30 horas, o IES García Barbón acolleu a charla de Mercedes Rodríguez Quintas, antiga alumna do centro que achegou aos estudantes de 2º de Bacharelato a súa experiencia vital e académica. Os rapaces achegáronlle as súas preguntas e inquedanzas a Mercedes.

Os alumnos interesados en participar no concurso teñen que entregar as súas tarxetas en Conserxería antes do 30 de novembro.

51 viños de Monterrei superan os 85 puntos na Guía Peñín 2016 Redacción

ata o 30 de novembro en Conserxería. O gañador darase a coñecer o 3 de decembro no taboleiro de anuncios e na web do centro.

A tarxeta elexida será empregada polo instituto para felicitar o Nadal 2015 e levará o nome do creador.

de”.

Así, tal e como recoñeceu a presidenta, a DO “cumpre as súas expectativas” xa que as puntuacións da Guía Peñín 2016 melloran as obtidas o ano pasado, cando máis dunha trintena de viños de Monterrei obtiveron cualificacións por enriba dos 85 puntos.

Os mellor valorados Dous dos viños de Bodegas Gargalo (os brancos

Terra do Gargalo sobre Leas 2012 e Viña Verino 2012) obtiveron na Guía Peñín deste ano as máximas puntuacións de entre os viños cualificados en Monterrei, con 92 puntos cada un. A continuación sitúanse, con 91 puntos dous viños da adega Castro de Lobarzán (Lobarzán IS 2013 branco e Lobarzán IS 2013 tinto).

A propia Guía, ademais, refírese aos brancos de Monterrei como “frescos e agradables”, e dos tintos destaca que “posúen un bo carácter froiteiro” e que en boca “son lixeiros e afroitados”.

DO Monterrei A DO Monterrei está integrada por 24 adegas, de Verín, Monterrei, Vilardevós, Ríos, Oimbra e Castrelo do Val.

EN BREVE 4 Constituída a Mesa Xeral de Negociación do Concello de Verín Con 65 votos, tres candidatos da CIG veñen de ser elexidos para formar parte da Mesa Xeral de Negociación do Concello de Verín, no marco do proceso electoral sindical do persoal funcionario. Fronte aos propostos por CSIF e CCOO, que lograron 9 e 4 votos, respectivamente. “Non podemos máis que agradecer a todos os traballadores municipais a confianza depositada”, din dende o sindicato.

Así, engadindo o resultado das eleccións correspondente ao persoal laboral, finalmente a Mesa estará integrada por 6 representates da CIG e 2 de CSIF.

4 CCOO, coa xestión pública do aparcadoiro soterrado CCOO está de acordo coa recuperación do párking soterrado da praza do Concello de Verín.

Así, solicitoulle ao alcalde, Gerardo Seoane, que “adopte de urxencia as decisións políticas e administrativas precisas para recuperar a xestión directa e integral de carácter público do aparcadoiro soterrado” e proceda “á subrogación inmediata do persoal que prestaba os servizos de atención”. O Concello trata o rescate nun pleno este 19 de novembro.

4 As castañas de Vilardevós triunfan en Madrid Rematada a 31ª Feira Ecolóxica Biocultura en Madrid, a empresa Souto da Trabe, de Vilardevós, especialista no cultivo de castañas e boletus ecolóxicos, confirma o éxito dos seus produtos, especialmente das castañas en almíbar, a crema de castañas con boletus e a marmelada de castañas.

Esta empresa familiar, que conta cun ano de vida, cumpriu as súas expectativas, tanto en vendas, como en aceptación de consumidores e profesionais do sector.

BARRIOS Novembro de 2015

VERÍN E COMARCA

Unha vila romana inédita en Galicia sae á luz no xacemento do Bouzadoiro 4 Tralos traballos de escavación realizarase un rexistro topográfico e aéreo con dron.

Redacción O tenente de alcalde de Verín, Diego Lourenzo; a concelleira de Cultura, Emilia Somoza; o xerente de Puertas de Galicia, Ignacio Fernández; e o presidente da comunidade de montes de Cabreiroá, Pepe da Cruz, visitaron os traballos de limpeza e valoración arqueolóxica no xacemento romano do Bouzadoiro, en terreos da Comunidade de Montes de Cabreiroá, cuxos comuneiros deron autorización ao Concello de Verín para levar a cabo a actuación.

A mesma, que empezou o pasado 3 de novembro, está financiada por Puertas de Galicia e dirixida polos arqueólogos EduardoBreogán Nieto e Alberte Reboreda, ten como obxectivo o redescubrimento dos restos xa escavados por Taboada Chivite a finais da década de 1940 para o seu rexistro coas técnicas arqueolóxicas actuais e a reinterpretación do sitio, catalogado erroneamente coma un castro ata a revisión do PXOM polos mesmos arqueólogos en 2011.

Consultados varios expertos queda claro que no Bouzadoiro se atopa o único exemplo identificado ata hoxe dun singular tipo de vila romana presente tan só nas illas británicas e no arco atlántico, dife-

rente ás clásicas vilas mediterráneas ou ás nórdicas.

Este singular tipo de vila, chamado de tipo atlántico, componse de edificacións exentas ou anexas delimitadas por un recinto perimetral de forma cuadrangular, doadamente identificable coa axuda da fotografía aérea actual, o que despertou as primeiras sospeitas.

Historia ao descuberto A limpeza levada a cabo estes días deixou ao descuberto a planta completa do xacemento, duns 45 metros de lado e esquinas redondeadas, facéndose visibles en certos puntos as pedras que formarían o muro perimetral, así coma unha

posible entrada no lateral norte. Tamén quedaron ao descuberto as terreiras e a área escavada por Chivite, onde se estaban centrando os traballos de escavación, que se realizaron ata este 17 de novembro.

A continuación, realizarase un rexistro topográfico e aéreo con dron. Á espera da valoración dos restos e da planificación de posibles novas actuacións quedará instalado tamén un panel informativo que se incorporará á ruta do Pozo do Demo.

Quedou á vista a área escavada por Taboada Chivite en 1940

4 Inicio durante o goberno do PP Desde o grupo municipal do PP de Verín congratúlanse do fin das actuacións no xacemento arqueolóxico do Bouzadoiro.

Segundo lembran, estas foron iniciadas o 20 de abril (cando os populares se atopaban á fronte do goberno municipal) co fin de “mellorar este contorno natural de características excepcionais, continuar as actuacións realizadas nos obradoiros de emprego ‘Pozo do Demo I e II’, restaurar e ampliar as rutas de sendeirismo, e recuperar o camiño de acceso á Garganta do Pozo do Demo”.

Ademais, recalcan que se trata dun novo recurso turístico “que se suma a outras medidas realizadas durante o mandato popular, como unha ruta cicloturística -Vertixinosa volta ao Pozo do Demo- ou a ruta de Lagares Rupestres”.

Verín, contra a violencia de xénero 4 Organiza campañas de sensibilización e un taller de autodefensa persoal.

Redacción A área de Igualdade do Concello de Verín, en colaboración coa Federación Provincial de Mulleres Rurais de Ourense, organiza, baixo o lema “Todos somos el@s”, diversas accións informativas e sensibilizadoras con motivo do Día Internacional contra a violencia de xénero. A data do 25 novembro terá moi presentes en Verín ás vítimas mortais de violencia machista, María Isabel Fuentes e María

de Fátima Machado, Así, os días 21 e 22 organízanse as xornadas de fotografía “Miradas sen violencia”; e o 23 realizarase polas rúas e na feira da localidade unha campaña de sensibilización, así como un taller de autodefensa persoal para vítimas.

Xa o propio 25, desenvolverase pola vila a campaña #nosoloenosgolpes para concienciar dos diversos tipos de agresións que existen; e ás 20:30 horas terá lugar unha concentración diante da casa consistorial.

Rematadas as melloras do abastecemento das Vendas da Barreira 4 Contaron cun investimento de preto de 115.000 euros.

Redacción

Representantes do Concello de Verín, Puertas de Galicia e a comunidade de montes de Cabreiroá visitaron xunto aos arqueólogos o xacemento.

A Consellería de Medio Ambiente vén de entregar as obras de renovación da rede de abastecemento nas Vendas da Barreira, en Riós.

Augas de Galicia investiu preto de 115.000 euros nesta actuación, e agora será responsabi-

lidade da administración local o seu mantemento e conservación.

Os traballos remataron coa reposición dos firmes afectados por estas obras.

A partir de agora o Concello de Riós encargarase do seu mantemento

PUBLICIDADE

BARRIOS Novembro de 2015

BARRIOS Novembro de 2015

XINZO E COMARCA

entrevista a espacio matrioska

“Non era a primeira idea pero agora é clave estar no medio rural” 4 Este colectivo artístico cumpre un ano de estancia no concello dos Blancos.

M.Rejo/P. Lodeiro Fai algo máis dun ano, un grupo de mozos artistas instalábanse no concello dos Blancos e fundaban Espacio Matrioska. O edificio abandonado do novo consistorio da localidade converteuse neste tempo nun recinto aberto a todas as disciplinas artísticas, e eles, nuns veciños máis da Limia. Lucas Galván e Jesús García, membros deste colectivo, cóntannos a súa experiencia nun lugar do que se sinten namorados.

Como xorde Espacio Matrioska?

Lucas Galván: “Nós rematamos a carreira de Belas Artes de Madrid e buscamos un local onde seguir traballando. Un de nós era de por aquí e démonos conta de que hai mogollón de espazos que están abandonados, desaproveitados e que cabe a posibilidade de rehabilitar algo pola zona da Limia. Esta era unha das opcións e sen dúbida eu creo que a mellor”.

O medio rural converteuse nun motor do voso traballo?

L.G.: “Non era a primeira idea pero sen dúbida agora é clave estar no medio rural porque foi cando de verdade soubemos en que imos converter o que nos xuntou.

E ao estar aquí ves as posibilidades que vas atopando polo camiño e aprovéitalas. Non viñemos aquí cun obxectivo senón que o obxectivo vaise creando segundo avanza a nosa estancia aquí”.

Sorprendeuvos o que atopastes nos Blancos?

L.G.: “Non sabiamos que ía pasar pero aproveitamos ben o tempo xa que cun ano de historia fixemos proxectos bastante ‘tochos’ como o festival (Reina Loba), un certame de pintura mural... A xente confiou en nós e nós formamos un equipo e foron saíndo as cousas.

Fáloche de proxectos un pouco máis grandes pero non hai que esquecer que nós estamos aquí durante o ano e se cadra xa soamente merendar coas persoas do

pobo, como veciños, ou facer cinema, que xa é difícil ver unha película cos veciños nun pobo, é positivo”.

Naceron novas expectativas desde que estades aquí?

Jesús García: “Si, desde logo.

Matrioska é un proxecto moi ambiguo e é unha cousa que nos gusta, pero una das cousas que nos definiu o estar aquí é funcionar como xestores culturais e abrazar o medio rural, entendelo e aprender constantemente del.

Quixemos traer iniciativas aquí, que houbera dinamismoporque consideramos que a Baixa Limia está moi esquecida. (O que facemos) é unha cousa moi pequeniña pero é un toque de atención a nivel xeral”.

Existen experiencias similares á vosa?

L.G.: “Si, máis das que pensamos”.

J.G. “Hai moitos proxectos que vinculan a arte contemporánea, as disciplinas artísticas, no medio rural. Hai unha chea de espazos que tratan de romper a brecha entre campo e cidade”.

Quen conforma Espacio Matrioska? Por que ese nome?

L.G.: “Somos varias persoas que forman un colectivo, pero non se dedican á mesma disciplina. Entendémolo como unhas disciplinas dentro doutras que forman un mesmo proxecto”.

J.G.: “Todos achegamos maneiras de ver máis ou menos entendidas como culturais, pero tamén puntos de vista vitais que son diferentes, que se poden complementar ou xerar debate.

Axúdanos a situar o proxecto ou a seguir rodándoo”.

Sodes un colectivo pechado ou admitides máis xente?

J.G.: “A actividade de Espacio Matrioska é aberta; todo o que fixemos é gratuíto e na actividade que xeramos sempre facemos cousas con xente, interactuando connosco”.

No que é o colectivo é un grupo

De esquerda a dereita, Javier Carrera, Beatriz Benito, Jesús Garcia, Lucas Galván, Sara Ayala e Ignacio Nevado, integrantes de Espacio Matrioska, no local no que traballan nos Blancos./M.REJO.

“Tratáronnos estupendamente. (Co Concello) temos unha relación directa e amigable. Temos agora unha chea de amigos (nos Blancos)” “Quixemos traer iniciativas asquí, que houbera dinamismo porque consideramos que a Baixa Limia está moi esquecida”. de confianza, porque somos colegas que nos coñecemos na facultade. Hai xente que se incorpora e xente que marcha; varios compañeiros, Julia, Dani e Jorge tiveron que marchar a Madrid, vén xente nova, Sara, Bea, son xente que leva aquí menos dun mes”.

Como funcionan as residencias de artistas?

L.G.: “O tema das residencias artísticas é unha cousa moi demandada, ti saes da facultade e buscas un espazo onde desenvolver proxectos, que ademais sexan espazos diferentes que che poidan enriquecer. E agora que temos isto dixemos ‘imos facer as nosas propias residencias’”.

Xurdiu como unha necesidade?

L.G.: “Máis que como unha necesidade xurdiu como algo que cremos que é positivo. Creamos unha convocatoria, difundímola polas redes e diciamos algo así como ‘ven aquí a desenvolver o teu proxecto artístico durante unha semana e valoraremos especialmente que teña que ver cos valores de Espacio Matrioska, que interactúen coa comunidade’, e veu aquí xente durante tres meses a facer cousas interesantes.

En todo o verán viñeron 13 persoas”.

J.G.: “Xa sexas escritor tes campo para relaxarte e escribir,

como sexas pintor tes un local estupendo ou un campo con moita luz, con temperaturas agradables no verán, se es escultor tes un taller estupendo con ferramentas.

E á parte temos unha casa grande como en todos os pobos onde damos un espazo para durmir e cociñar”.

L.G.: “Adoitamos facer unha exposición de fin de residencia e pedímoslles que valoren isto para poder mellorar. E a verdade é fácil, é simplemente convivencia, que é do máis rico que teñen as residencias, traballo, opinión e axudar no caso de que necesiten”.

Como é a relación co Concello dos Blancos e cos veciños?

L.G.: “Tratáronnos estupendamente. Estaba completamente en bruto o espazo e puxéronnos luz, auga, e algunha ventá que non había para empezar a habitalo.

Cedéronnos as ferramentas que necesitamos, e bótannos unha man para calquera historia; están encantados. Temos unha relación directa e amigable”.

J.G.: “Na festa aniversario convidamos a dúas persoas do pobo a que dixesen libremente que foi para eles que durante un ano estivéramos aquí. E falou Sindo, que é un señor que ten 80 e pico anos e Elena a do bar e dixeron unha chea de cousas positivas. Temos agora unha chea de amigos”.

Ides repetir a experiencia do festival ou do certame de murais?

L.G: “Reina Loba seguro, e haberá melloras. Foi un festival gratuíto grazas a xente que nos axudou mediante unha campaña de crowfunding, e é algo que si queremos continuar, cun sentimento de autoxestión de infraestrutura artesanal e coidando o medio. É un proxecto que é fácil repetir no tempo porque é algo que sae de nós; non dependemos, como no certame de murais, de fachadas de edificio, e no que necesitas bastante máis diñeiro para realizalo; no festival comprométense artistas aos que lles gusta o proxecto e sae adiante” Como facedes para mantervos a nivel económico?

J.G.: “O edificio é unha cesión.

Vivimos nunha casa alugada, tiramos de aforros e de traballos que nos saen á parte. Os grandes proxectos, as residencias, formulámolas para que non nos custara diñeiro; o segundo, o certame de murais, tivo financiamento da Deputación; e o terceiro, o Festival Reina Loba, saíu por crowfunding e tamén con diñeiro do Concello.

Non estamos lucrándonos con isto até agora. Poida que nos plantexemos algo para manternos aquí dunha maneira máis autosuficiente”.

XINZO E COMARCA

En liberdade con cargos os detidos na Operación Vitela 4 A Garda Civil desarticula un grupo organizado dedicado ao roubo de gando.

Redacción A Garda Civil de Ourense vén de desarticular un grupo organizado dedicado ao roubo de gando na comarca da Limia.

No marco da denominada Operación Vitela, e en colaboración coa Policía Portuguesa, axentes da Garda Civil detiveron o pasado 2 de novembro a cinco persoas, dúas de nacionalidade portuguesa, con domicilio en Montealegre, e tres de nacionalidade española, con domicilio en Xinzo, todas eles como presuntos autores dun delito continuado de roubo con forza en explotacións gandeiras. Tras prestar declaración ante o xuíz, os cinco quedaron en liberdade con cargos.

Con posterioridade, e en relación a esta mesma operación, foron detidas outras tres persoas, de et-

nia xitana e veciñas de Xinzo, e imputada unha cuarta, veciña de Trasmiras, como presuntos autores dun delito continuado de roubo con forza. Os detidos foron postos en liberdade tras declarar no Cuartel de Xinzo.

Roubos en 2012 e 2013 Os roubos foran cometidos en varias explotacións de gando de Morgade, Vilariño, Damil, Gudes e Cualedro, entre finais de 2012 e maio de 2013. Daquela substraéranse 112 cabezas de gando, valoradas en 128.000 euros, xerando asemade unha gran alarma social entre os gandeiros e veciños da zona.

No marco desta operación foron analizados mais de 5.000 crotais, e realizáronse múltiples vixilancias e seguimentos en toda a zona afectada.

O Museo do Entroido de Xinzo convértese en realidade 4 O presidente da Xunta foi o encargado de inauguralo.

Redacción O 23 de outubro o presidente da Xunta, Alberto Núñez Feijoo, inauguraba o Museo Galego do Entroido en Xinzo de Limia. Culminábase así un proxecto cuxos primeiros pasos remóntanse a fai 18 anos, cando se acordou reutilizar o antigo edificio da Praza de Abastos como museo.

Logo de varias fases de obras, paralizacións, e un investimento na última etapa que ascendeu a 450.000 euros achegados entre Xunta e Deputación, o recinto museístico é por fin unha realidade.

Durante a súa inauguración, Feijóo resaltou que o Museo Galego do

Entroido permitirá mellorar a difusión e coñecemento dos entroidos galegos, e, en particular,

o de Xinzo de Limia, un dos poucos que conservou co paso do tempo todas as súas particularidades. Ade-

mais, destacou que con este novo edificio se superará a gran eiva do entroido, que é o seu marcado carácter estacional. “Este Museo fará posible algo histórico: que en Xinzo poida ser entroido todo o ano”.

Horarios O Museo de Entroido pode visitarse de mércores a domingo de 12 a 13.30 e de 17.30 a 20.30h.

O concelleiro de Turismo, Carlos Gómez, xunto ao presidente da Xunta, Alberto Núñez Feijoo, no Museo do Entroido de Xinzo./ANA VARELA.

A Deputación soluciona a problemática do Conservatorio 4 O alumnado sen praza recibirá clases na Casa da Cultura.

Redacción

Axente da Garda Civil nunha explotación afectadas./G.C.

BARRIOS Novembro de 2015

A Deputación de Ourense, por medio dun acordo da súa Xunta de Goberno, solucionou a problemática existente no Conservatorio de Música

de Xinzo de Limia, o que permitirá aos alumnos que quedaron fóra das prazas do conservatorio por motivos técnicos do propio concello recibir formación musical.

O acordo permite dis-

Reunión de responsables da Deputación con pais afectados pola problemática do Conservatorio./A.PAZ. poñer de profesorado e instrumentos para impartir oito especialidades musicais e tres asignaturas comúns a través da creación dunha Escola elemental de

música de Xinzo.

As clases deron inicio o 13 de novembro na Casa da Cultura de Xinzo de Limia e rematarán no mes de xuño.

10

BARRIOS Novembro de 2015

XINZO E COMARCA

Membros de Novas Xeracións de Xinzo cos tapóns recollidos./NN.XX.

Recollen 15.000 quilos de tapóns para financiar unha cadeira de rodas para un mozo da Limia Novas Xeracións de Xinzo de Limia recolleu 15.000 quilos de tapóns de plástico que terán como destino o financiamento dunha cadeira de rodas para un mozo limián. O presidente local de Novas Xeracións, José Antonio Parente, amosou a súa satisfacción polo resultado desta campaña, que principiaron no pasado mes de xuño e na que se involucraron dende un primeiro momento hostaleiros e veciños.

Parente quixo agradecer publicamente a colaboración amosada nesta campaña, apoio que tamén recibiron anteriores iniciativas solidarias da organización xuvenil do PP e que permitiron reunir preto de 5.000 quilos de produtos, entre alimentos, roupa e xoguetes, ademais de 1.500 libros e enciclopedias para a ONG Aldeas Infantiles. Para este Nadal, adiantou Parente, xa está prevista a organización do terceiro torneo de fútbol sala solidario e unha nova campaña de recollida de alimentos, roupa e xoguetes.

Asistentes ao magosto-aniversario do CDR O Viso, en Lodoselo, Sarreaus./CDR O VISO.

O CDR O Viso cumpre 25 anos Cunha xornada de portas abertas e un magosto, o Centro de Desenvolvemento Rural O Viso, con sede en Lodoselo (Sarreaus) celebrou o pasado 7 de novembro os seus 25 anos traballando no acompañamento á xente do medio rural e tratando de contribuír a unha mellora da súa calidade de vida.

Coa axuda dun espectacular día de outono, os asistentes á celebración pasaron unha xornada entrañable en Lodoselo, que comezou cun xantar, proseguiu cunha longa sobremesa amenizada coa música dos galos de Antioquía e as mozas de Cantaralai, e rematou cun concorrido magosto. Un dos momentos máis emotivos foi a proxección dun vídeo que lembraba o día a día do CDR O Viso ao longo destes anos. “Con algo de morriña e mesmo, por momentos, tristura porque nas moitas fotos que colgaban polo centro de inclusión e na escola había bastante xente que xa finou... Pero ao lado disto a vivencia gozosa de compartirmos estes anos e rir lembrando momentos aos que nos transportaban as fotos”, recordaban desde o CDR.

XINZO E COMARCA

BARRIOS Novembro de 2015

Denuncian vertedoiros ilegais na Serra do Larouco

EN BREVE 4 Axudas da Deputación A Xunta de Goberno da Deputación aprobou axudas para os concellos de Xinzo e de Vilar de Santos.

Así, concedeu 6.000 euros a favor do Concello de Xinzo para o peche acristalado do centro social, e 12.000 euros ao de Vilar de Santos para a adecuación dunha vía no seu polígono industrial.

4 Saíron á luz logo do incendio forestal de Cualedro.

Redacción Amigos da Terra, a Plataforma Rios Limpos e o Comité de Defensa do Monte Galego denuncian a presenza de vertedoiros ilegais na Serra do Larouco nos concellos de Cualedro e Xinzo de Limia. Os vertedoiros saíron a luz despois do incendio forestal producido o pasado mes de agosto que afectou á Serra do Larouco.

A asociación ecoloxista Amigos da Terra, a Plataforma Rios Limpos e o Comité de Defensa do Monte Galego, acaban de presentar ante a delegación provincial da Consellería de Medio Ambiente unha denuncia por vertedoiros incontrolados de lixo e refugallos no medio da Serra do Larouco, no lugar coñecido como “Cruceiro de Gudín”, parroquias de Lucenza e Gudín, pertencentes aos municipios de

Cualedro e Xinzo da Limia.

Tratase de vertedoiros ilegais de todo tipo de residuos, como plásticos, vidro, metais, ou refugallos de obras de construción, que ocupan unha superficie de 1.000 metros cadrados. Unha boa parte dos residuos foron calcinados no incendio forestal que o 30 de agosto arrasou máis de 3.200 hectáreas na Serra do Larouco.

Ademais da contaminación de todo tipo que xeran, que afectan tamén ás augas superficiais e subterráneas, estes vertedoiros constitúen un potencial foco de incendios. Por iso, estas tres entidades demandan ás autoridades competentes que os devanditos vertedoiros sexan retirados, “devolvendo ao seu estado orixinal a zona contaminada”.

Vertedoiro incontrolado na Sera do Larouco.

Obradoiros sobre discapacidade e dependencia Redacción A Escola de Saúde Rural da Limia organiza este mes novos obradoiros sobre discapacidade e dependencia.

As próximas citas son o 23 de novembro, cun taller sobre “Produtos de apoio

en persoas dependentes”; o día 28, sobre “Enfoque psicolóxico ante a discapacidade/depencia”, e o día 30, sobre “Seguridade, asistencia e prevención en discapacidade/dependencia”.

Os interesados en acudir deben inscribirse na aula 2 do segundo andar da Casa da Cultura de Xinzo, onde se desenvolverán todas as sesións.

11

A conselleira de Medio Rural, Ángeles Vázquez, co alumnado dos IES Lagoa de Antela e Cidade de Antioquía./RAMSÉS.

Alumnado de Xinzo aprende o valor do monte 4 A través dunha campaña de Confemadera e Medio Rural.

Redacción A conselleira do Medio Rural, Ángeles Vázquez, presentou en Xinzo de Limia a campaña “O Monte é a nosa Vida, axúdanos a coidalo” para o curso académico 2015-2016.

Esta iniciativa, promovida pola Confederación Galega de Empresarios da Madeira (Confemadera Galicia), en colaboración coa Xunta, ten como obxectivo sensibilizar á opinión pública galega e aos visitantes sobre a importancia do noso monte polo seu valor medioambiental, económico e social.

A titular de Medio Rural destacou a riqueza forestal de Galicia e animou aos alumnos asisten-

tes a este acto –e en xeral a todos os galegos– a difundir e protexer os valores do noso monte, así como a facer fronte á lacra dos incendios forestais. Ángeles Vázquez dirixiuse a uns 200 alumnos dos IES Lagoa de Antela e Cidade de Antioquía, ambos de Xinzo de Limia. Neste último impártense, precisamente, dous ciclos de Formación Profesional relacionados co monte e co medio natural.

A conselleira animou aos escolares a involucrarse na defensa do noso monte, de modo particular a través da actividade nas redes sociais, e a participar en iniciativas como esta, que buscan poñer en valor a riqueza forestal de Galicia.

Regadíos da Limia Preguntada sobre o proxecto de regadío na comarca da Limia, a conselleira reiterou o compromiso do seu departamento e explicou que haberá unha partida nos orzamentos de 2016, de un millón e medio de euros. “Sabemos que con iso non é suficiente pero tamén sabemos que hai un traballo importante antes de comezar as obras, co cal este ano van recibir un impulso importante os regadíos da Limia”, dixo Vázquez.

A conselleira de Medio Rural anunciou 1,5 millóns para os regadíos da Limia

Programa de educación infantil familiar Redacción

Primeiro obradoiro sobre discapacidade e dependencia.

O Centro de Desenvolvemento Rural O Viso incorpora un novo programa de educación infantil familiar ao seu proxecto de desenvolvemento integral na comarca da Limia.

4 Contedores soterrados O Concello de Xinzo vai pór en funcionamento os contedores soterrados da praza de San Roque.

Os contedores terán unha bomba sumerxible para evitar danos por inundación, mecanismo do que non estaban dotados os anteriores, que databan de 2002.

4 Incautados 300 litros de augardente A Garda Civil de Tráfico incautouse de 300 litros de augardente ocultos nun turismo, cando realizaba un control na autovía A-52 á altura de Sandiás.

Os axentes sospeitaron cando despois de realizarlle ao condutor a proba de alcoholemia, o resultado foi 0,0, a pesar de que do vehículo manaba un forte cheiro a alcol.

No maleteiro atoparon 20 garrafas de plástico de 15 litros cada unha, cheas de augardente branca.

En concreto trátase da posta en marcha de espazos de encontro educativos.

Encontros semanais ou quincenais que potencien una parentalidade positiva e nos que participarán as familias e as crianzas acompañadas dunha profesional do Viso. Os interesados poden informarse no centro que o CDR O Viso ten na praza Maior, nº 1, de Xinzo.

12

BARRIOS Novembro de 2015

XINZO E COMARCA / ALLARIZ E COMARCA

Reclaman que se manteñan dúas enfermeiras pediátricas no centro de saúde de Xinzo 4 En Maceda unha plataforma critica a atención por parte dunha pediatra.

P.L. Cargos socialistas veñen de presentar no rexistro do complexo hospitalario ourensán máis de 1.800 sinaturas para reclamar que se manteñan as dúas enfermeiras no servizo de Pediatría de Xinzo, unha por cada pediatra que atende no centro e saúde.

Recentemente a dirección da Area de Xestión Integrada de Ourense tomou a decisión de reorganizar o centro de saúde de Xinzo de Limia, trasladando unhas das enfermeiras que prestaba servizo en Pediatría para cubrir aos médicos de familia, por xubilación dunha das profesionais desta área.

Desde a Xerencia xustificaban o cambio para “adecuar os efectivos á actividade, destinando máis efectivos ás funcións con maior volume de consultas e poboación”. E é que o centro de saúde de Xinzo de Limia ten 10.493 tarxetas sanitarias, das cales un 25,6%, 2.696 son usuarios maiores de 65 anos, con maior demanda asistencial, especialmente de enfermaría.

Ademais, salientan que en todos os centros grandes da provincia hai unha enfermeira por cada dous pediatras, e recordan que a segunda enfermeira de pediatría que había en Xinzo repartía a xornada entre os

Particpantes no proxecto “Modern Shepherds II” en Allariz.

Mozos de seis países comparten experiencias en Allariz Concelleiras socialistas de Xinzo presentaron as firmas no rexistro do CHUO./PSdG. cativos e os adultos.

Malia as explicacións, os socialistas de Xinzo aseguran que continuarán na loita, “de forma belixerante ata que se restableza o servizo tal e como estaba”. A voceira na capital limiá e deputada provincial, Elvira Lama, afirma que seguirán animando aos usuarios, pais e nais, “a que presenten reclamacións no centro ou outro tipo de accións no mesmo sentido, para que, en ningún caso, se esqueza esta xusta reclamación”. Ademais das sinaturas, os socialistas apóianse na moción aprobada no Concello de Xinzo o 29 de outubro na que se “instaba a Consellería a manter as dúas enfermeiras no mencionado centro de saúde”.

Pediatra en Maceda Os socialistas tamén se fixeron econo das queixas dos integrantes da Plataforma Pediatría de Maceda, que entregaron máis de 900 sinaturas para poñer de relevo “deficiencias da atención da pediatra que consulta polas mañás no centro de saúde”.

O Sergas atribuiu as críticas a un “desencontro” de varios proxenitores coa profesional e salientou que non hai ningunha reclamación formal contra a médica.

A Xerencia xustifica o cambio para “adecuar os efectivos á actividade”

mozas procedentes de Galicia e de Malta, Croacia, Italia, Grecia e Portugal.

Desde o 3 ao 12 de novembro, compartiron un intercambio ao redor do emprendemento rural, cheo de experiencias, tradicións e costumes diferentes, baixo unha metodoloxía de educación non

formal.

Entre outras actividades, os participantes no proxecto visitaron Allariz, onde coñeceron a Feira de Outono coas diferentes propostas de negocios no rural. Asemade, participaron en charlas formativas para coñecer de primeira man múltiples iniciativas ligadas ao medio rural que teñen xurdido nestes últimos anos na Reserva da Biosfera da Área de Allariz. Tamén visitaron a granxa do Rexo onde coñeceron o funcionamente deste proxecto que une educación ambiental, gandeiría e produción de queixo.

Ademais, cada noite os participantes de cada país presentaban ao resto a súa cultura.

e obradoiros.

O día 23, ás 19:30 h., haberá unha charla coloquio sobre “ Alianza das mulleres para cambiar o mundo” no Fogar dos Maiores.

O día 25 ás 12 horas terá lugar o acto institucional, na praza do Concello, coa lectura dunha declaración institucional, do manifesto da Asociación de Mulleres Silvardeira e de frases contra a violencia. ÁS 19.30

horas presentarase o protocolo municipal de actuación en casos de violencia de xénero, e visionarase o audiovisual “Eu podo!” realizado polo Concello de Allariz coas mulleres do Programa Clara. Será no Fogar dos Maiores.

E finalmente o día 27, ás 16 horas, impartirase un obradoiro de autodefensa feminista, tamén no Fogar dos Maiores.

4 Grazas ao proxecto “Modern Sheperds II”.

Redacción A Fundación Ramón González Ferreiro de Allariz desenvolveu este mes o proxecto Erasmus+ “Modern Shepherds II”, organizado en colaboración coa Asociación Cultural Sende, no cal participaron 33 mozos e

Xornadas ao redor do 25N Redacción

O Concello de Allariz organiza, do 23 ao 27 de novembro, as Xornadas para a erradicación da violencia contra as mulleres. Incluirá conferencias, lecturas de declaracións institucional, proxección audiovisuais

PUBLICIDADE

BARRIOS Novembro de 2015

13

14

BARRIOS Novembro de 2015

ALLARIZ E COMARCA

Xunta e Concello de Baños de Molgas ultiman o Plan xeral 4 O documento urbanístico agarda pola aprobación inicial.

Redacción A Xunta colaborará co Concello de Baños de Molgas para que avance un paso máis cara á aprobación inicial do que vai ser o seu primeiro Plan xeral de ordenación municipal.

Así llo trasladou a secretaria xeral de Ordenación do Territorio e Urbanismo, Encarnación Rivas, ao alcalde de Baños de Molgas, Xaime Iglesias, co que mantivo un encontro de traballo xunto cos técnicos redactores do PXOM. Na reunión acordaron impulsar a coordinación institucional para axilizar ao máximo este documento de planeamento.

No encontro repasaron os axustes realizados polo equipo redactor respecto do documento previo sometido ao informe da Secretaría Xeral, que dan cumprimento aos requirimentos técnicos sinalados

Encarnación Rivas e Xaime Iglesias. nese informe, que fora emitido en xullo de 2012.

A secretaria xeral e o alcalde coincidiron na conveniencia en que o documento se someta á aprobación inicial por parte do pleno á maior brevidade, para poder seguir avanzando nos trámites estableci-

4Acusou ao alcalde de nacionalista de non concertar con eles as contas para 2016.

O BNG non conseguiu aprobar o orzamento de Baños de Molgas para 2016 ao non recibir o apoio socialista no pleno do 6 de novembro.

Segundo relatan nun comunicado os socialistas, que facilitaran en xuño o acceso de Xaime Iglesias á alcaldía, votaron en contra “por falta de concertación da proposta de orzamento e porque non era un or-

4 As contas para 2016 superan os seis millóns de euros.

P. L.

O PSOE dille non ao orzamento de Baños de Molgas

Redacción

O BNG aproba en solitario os orzamentos de Allariz

zamento de cambio, carecendo de ideas novas e estruturantes para o desenvolvemento do Concello”.

O voceiro do PSOE de Baños, Segundo Augusto González, solicitara xa en agosto, en reunión co alcalde e máis tarde por escrito, unha concertación para preparar o orzamento 2016. O rexedor nacionalista contestou entregándolle aos socialistas “a súa proposta cifrada de orzamento 2016, de forma

dos, para así dar resposta á necesidade de que Baños de Molgas conte cun documento que permita ordenar e planificar o seu desenvolvemento cara o futuro, coa precisa garantía xurídica, substituíndo ás normas subsidiarias provinciais.

tardía e sen unha explicación de motivos escrita”, o que, para González “demostra que lle falta un mínimo de intelixencia política”.

Os socialistas salientan que “non había vontade algunha de acordo por parte deste (o alcalde) sobre as demandas mínimas pero esenciais dos socialistas”. En concreto, financiación para actividades de dinamización social, de apoio á creación dunha asociación municipal que reagrupe as diversas asociacións de montes en man común e un maior apoio e transparencia nas axudas ás asociacións sen ánimo de lucro do Concello.

O PSOE de Baños de Molgas considera que a situación non é sostible e que é necesario un cambio de actitude radical por parte do alcalde do BNG.

O Concello de Allariz aprobou este luns 16 de novembro os orzamentos de 2016, co voto a favor do grupo de goberno do BNG e en contra do PP. A concelleira socialista non estivo presente na sesión.

As contas municipais para 2016 presentan un importe de 6,1 millóns de euros en ingresos e 5,6 millóns para gastos; unha diferenza positiva de 509.000 euros precisa para facer fronte ao remanente de tesouraría negativo do exercicio 2015.

As prioridades do Goberno municipal, enmarcadas na proposta orzamentaria, pasan pola creación de emprego e a mellora dos servizos. O alcalde, Francisco García, subliñou que as dúas grandes liñas que marcarán o vindeiro ano serán “fomentar o papel do Concello como locomotora da actividade económica en Allariz e o mantemento e mellora dos equipamentos e servizos públicos que fagan a vila atractiva ao tempo que se incrementa a calidade de vida dos veciños”.

A voceira popular, Luz Doporto, criticou no pleno que o Concello “non ten capacidade inversora real para acometer absolutamente nada” nestes orzamentos así como a maior recadación de impostos prevista, mentres que hai veciños do rural, dixo, que non reciben os servizos polos que pagan. “Deixe que os veciños se dinamicen e vostede xestione as

As contas presentan 6,1 millóns de ingresos e 5,6 millóns de gastos

O alcalde, Francisco García, e a voceira do PP, Luz Doporto, nun pleno deste mandato./ARQUIVO. contas do Concello de maneira que nos dea servizo a todos os veciños e non só a uns poucos”, espetoulle Doporto a García.

Ante as críticas do PP de facer “márketing” o rexedor nacionalista defendeu que “hai un proxecto municipal que ten, a través dos orzamentos, cambiado e mellorado Allariz”.

“Presumir do que temos non é facer autobombo”, recalcou.

Minuto de silencio O pleno rematou, a petición do PP, cunha declaración institucional en repulsa do terrorismo e solidariedade coas vítimas dos atentandos de París, e un minuto de silencio.

4 Rebaixa de tributos Nunha sesión plenaria anterior, a corporación alaricana aprobou por unanimidade unha rebaixa do 50% no imposto sobre construción, instalación e obras, ás empresas que en 2016 se instalen no polígono de Chorente. O obxectivo, segundo explicaba o alcalde Francisco García, é favorecer a ubicación de novas empresas no parque empresarial. A rebaixa non será de aplicación automática senón que cada empresario deberá solicitala e despois o pleno encargarase de ratificar a súa utilidade pública.

Os veciños de Allariz tamén verán rebaixadas as súas facturas de auga e saneamento, que pasa a

regularse polo IPC e terá unha rebaixa do 0,4%.

Ademais o pleno acordou unha modificación na taxa ás terrazas en vía pública para incluír a obrigatoriedade de estar ao corrente no pago das taxas para solicitar a licenza e aprobou a ordenanza reguladora da xestión da biomasa para promover a limpeza das parcelas.

Mocións aprobadas O BNG apoiou unha moción socialista para aumentar as partidas para as mulleres vítimas de violencia de xénero e o PSOE devolveu o apoio cando o grupo de goberno defendeu un texto de apoio ao sector lácteo.

PUBLICIDADE

BARRIOS Novembro de 2015

15

16

BARRIOS Novembro de 2015

CELANOVA E COMARCA

Bill Viola chega ao OUFF 4 A curtametraxe “Looking for Bill Viola”, creada por alumnos de plástica do IES de Celanova, estréase este 20 de novembro no festival de cine ourensán.

S. Nieto No curso 2014-2015 un grupo de alumnos do IES Celso Emilio Ferreiro de Celanova, de 1º e 3º da ESO, elaboraron unha curtametraxe sobre o videoartista norteamericano Bill Viola. Detrás deles atopábase o seu profesor de plástica, visual e audiovisual, José Rivela, que leva 15 anos plantexando ás novas xeracións unha forma distinta de aprender na súa materia.

Rivela busca espertar o interese dos rapaces a través da experiencia de recoñecidos artistas. Para iso, amósalles a súa obra aos alumnos, traballa sobre ela e móstralle o resultado ao propio profesional.

“Eu vía o temario moi aburrido, polo que empecei a contactar con xente para que colaborase con nós. De maneira que os rapaces teñan comunicación directa con persoas que se están dedicando profesionalmente a isto. E quedan todos

encantados”, explicounos Rivela. Desta forma “ven que traballando moito poden chegar a ter un oficio vencellado coa miña asignatura: fotografía, pintura, escultura e debuxo”, comenta.

A primeira artista coa que se puxo en contacto este mestre, alá polo ano 2000, foi coa escultora e pintora Louise Bourgeois, que daquela tiña ao redor de 90 anos. Traballou cos alumnos as súas primeiras pinturas, de cando Bourgeois tiña 15 ou 16 anos, e de seguido viaxou ata a súa casa para mostrarlle como os mozos abordaran a súa obra. “Ela emocionouse moito”, recorda.

Tras a francesa, os seus alumnos coñeceron e trataron con artistas nacionais e internacionais, uns 130 ao longo desta década e media.

No curso pasado foi o turno de Bill Viola. O videoartista americano, para algúns o Picasso do século XXI, non é das persoas

“Creo que se Bill Viola accedeu a falar con nós foi polos rapaces, debéulle chamar a atención que estiveran interesados nas súas creacións”, di Rivela

José Rivela é profesor de plástica, visual e audiovisual no IES Celso Emilio Ferreiro de Celanova./S.N. máis accesibles; non obstante, para Rivela foi moi sinxelo lograr a súa colaboración. “Mandeille un correo contándolle o que estaba facendo cos rapaces de 1º e 3º da ESO, e contestoume que nos axudaba no que fora, recomendo-

unos webs que visitar e establecemos conexión directa con el a través do email e o skipe, por se tiñamos algunha dúbida. Eu creo que se accedeu foi polos rapaces, debeulle chamar a atención que chavales de 13, 14 ou 15 anos estiveran

interesados nas súas creacións. Con nós foi magnífico”, explica o mestre.

Logo de traballar todo o curso sobre Viola (en paralelo ao temario que esixe Educación), alumnos e profesor decidiron montar unha peza audiovisual, e para iso contaron coa asesoría artística do recoñecido Eugenio Ampudia, e coa colaboración de profesionais vencellados a Celanova como Aser Álvarez, Óscar do Viso ou Rubén Méndez, no ámbito audivisual; o fontaneiro Óscar Cao que axudou a recrear as numerosas escenas nas que a protagonista é a auga; e Miguel Pérez no eido musical. “Gustaríame destacar a Mariana Romero, que se encargou da subdirección e traballou moi duro”, explica Rivela.

Tras a montaxe, un dos primeiros en visionar o resultado foi o propio Viola, que se mostrou “profundamente conmovido pola experiencia” e agradeceu “a homenaxe” que profesor e alumnos fixeron ao seu traballo, segundo o email de resposta do americano.

Repercusión Esta curta tivo unha gran repercusión. Medios galegos e nacionais, como El País, RNE, TVE 2 ou La Voz de Galicia fixéronse eco do traballo dos alumnos de Celanova, que chegou a proxectarse no Festival Cortocircuito de Santiago de Compostela.

Agora é o momento de

que ningún ourensán se perda esta creación, xa que se atopa incluída dentro do programa do XX Festival Internacional de Cine de Ourense (o 20 de novembro, ás 20:30 horas no Centro Cultural Marcos Valcárcel). A continuación, Rivela adiantounos que se están pechando outras proxeccións.

Unhas exhibicións públicas que fan que os rapaces vexan os froitos do esforzo. “Están moi contentos, porque ven que é unha cousa na que participaron e que agora é presentada oficialmente. Gustoulles moito a experiencia e déronse conta de que con traballo duro se pode conseguir. É unha maneira práctica de que aprendan ata onde se pode chegar”, relata o profesor.

Agora, nas clases de Rivela os protagonistas están a ser o pintor colombiano afincado en Londres Óscar Murillo, e a escultora portuguesa Yola Vasconcelos.

“Ao final elaboraremos un vídeo sobre as obras de ambos e tamén coas de Ampudia”, adiantounos.

E é que novos alumnos chegan cada ano á aula de plástica deste mestre, novas mentes ás que amosarlles o gran universo que se atopa detrás desta asignatura e nas que non sempre os libros conseguen espertar interese. O método de Rivela é, como el mesmo explica, “unha forma distinta de plantexar a educación que conecta co mundo”.

As infraccións penais na comarca de Celanova mantéñense á baixa 4 Os índices de esclarecemento soben levemente e as detencións fano de xeito notable.

Redacción O Concello de Celanova acolleu a finais de outubro unha reunión da Xunta Local de Seguridade, co-presidida polo subdelegado do Goberno en Ourense, Roberto Castro, e o alcalde de Celanova, José Luís

Ferro, e na que participaron membros dos Corpos e Forzas de Seguridade do Estado e da Policía Local.

Previa aprobación da acta da Xunta de Seguridade do 30 de maio de 2014, os representantes das diferentes Forzas e Corpos de Seguridade e Policía Local foron

dando conta dos informes en materia de seguridade cidadá e fixeron fincapé na importancia de colaboración entre ambos.

Na xuntanza analizáronse os datos relativos á delincuencia na comarca durante o 2014 e de xaneiro a setembro de 2015, e

Xunta Local de Seguridade celebrada no Concello de Celanova./R.L. que expresan unha tendencia constante á baixa na totalidade das infraccións penais, máis acusada no referente aos delitos. Os índices de esclarecemento soben levemente e o de detencións experimenta

unha notable subida.

Loubanza de Roberto Castro Ao remate, o subdelegado do Goberno, Roberto Castro, loubou o traballo desenvolvido polas For-

zas e Corpos de Seguridade que reflicte as cifras e agradeceulle ás mesmas “a súa permanente entrega e constancia ao benestar da cidadanía; xa que seguen a traballar sen esquecer nunca ningún caso aberto”.

CELANOVA E COMARCA

282 millóns para gasto social

No xantar celebrado en Celanova, o conselleiro de Política Social estivo acompañado da directora xeral de Familia, Amparo González; da delegada territorial da Xunta en Ourense, María Sol Díaz; e do alcalde da vila, José Luis Ferro./RAMSÉS

O conselleiro de Política Social, José Manuel Rey Varela, participou en Celanova nun xantar cos participantes da andaina de centros sociocomunitarios da provincia; onde destacou o traballo destes centros con actividades sobre novas tecnoloxías, coidado físico e mental, e lecer; así como o incremento de 282 millóns de euros en gasto social que fará a Xunta para 2016.

BARRIOS Novembro de 2015

17

O Concello asume o saneamento de Cartelle e Outomuro 4 Tras a concesión de Augas de Galicia.

Redacción A Consellería de Medio Ambiente e Ordenación do Territorio vén de entregar as obras de renovación do saneamento e abastecemento nos núcleos de Cartelle e Outomouro, no Concello de Cartelle. Augas de Galicia trasladoullo aos responsables da corporación municipal, toda vez que se comprobou o correcto funcionamento das mesmas; polo que a partir de agora será o Concello quen deba asumir as tarefas de conservación e mantemento.

Esta actuación hidráulica, na que Augas de Galicia investiu máis de 130.000 euros, beneficia-

rá a 3.000 veciños do Concello de Cartelle.

Nos dous núcleos, as redes presentaban fisuras e deficiencias, que provocaban filtracións. No caso de Cartelle, dispoñía dunha rede de abastecemento e dunha rede unitaria de saneamento, cunha estrutura ramificada e de formigón, principalmente. Tamén sucedía que dous dos eixes principais de ambas redes discorrían pola beirarrúa da Travesía de Cartelle, e ambos presentaban roturas que producían filtracións a semisotos e afundimentos nas beirarrúas.

Na mellora da rede investíronse 130.000 euros

Lete Lasa revisa as obras do campo de fútbol de Celanova 4 Contaron cun investimento de 250.000 euros.

Redacción O secretario xeral para o Deporte, José Ramón Lete Lasa, visitou recentemente as obras realizadas no campo de fútbol de Celanova, actuacións financiadas pola Xunta, a Deputación e o Concello. Na visita, Lete Lasa estivo acompañado pola delegada da Xunta en Ourense, Marisol Díaz Mouteira, polo deputado de Deportes, Juan Anta, e polo alcalde da localidade, José Luis Ferro.

A actuación supuxo un

Agora conta cunha base de céspede artificial

investimento de 250.000 euros e consistiu na substitución da base de terra por unha de céspede artificial, ampliándose tamén a súa superficie. Con ela mellórase a calidade e dimensións da dotación deportiva o que permitirá a súa utilización por un maior número de usuarios.

Lete Lasa manifestou a súa satisfacción por esta mellora, lembrando que é obriga da Administración poñer todos os medios posibles para mellorar as infraestruturas e os equipamentos deportivos da Comunidade Autónoma, como ferramenta ao servizo do deporte galego e do fomento do exercicio físico.

18

BARRIOS Novembro de 2015

DEPORTES

Iván Feijoo consolida o liderato 4 Na Copa de España de ciclocross.

Redacción O ciclista macedán, Iván Feijoo, consolida o seu liderato na Copa de España de ciclocross. Trala disputa de cinco carreiras (das oito que consta a Copa), o ourensán marcha líder con serias opcións a facerse co título júnior.

Nas cinco probas, Feijoo non se baixou do podio en ningunha delas. Venceu nas probas de Elorrio e Muskiz e foi terceiro en Ametzaga e Llodio. Na última disputada en terras catalanas -Les Franqueses- ocupou a segunda posición. Nesta carreira, o seu compañeiro, Román Saa, foi oitavo.

Exito verinés nos karts Redacción

O piloto de karts de Verín José Benito Diéguez,

JB Diéguez.

En cadetes, Carlos Canal rematou quinto e Antía Martínez, sexta. Pola súa banda, Xiana Conde, finalizou 13ª e segunda en sub 23.

Copa Galicia A pasada fin de semana Raúl González fixo terceiro en sub 23 en O Rosal e Abel Franco, tamén terceiro en júnior na proba de Santiago.

Iván Feijoo.

participou no 1º Trofeo Festas do Cristo disputado a finais de verán no circuíto pontevedrés GoKart Porriño.

Diéguez competiu na categoría raíña de KZ2, saíndo na segunda posición da grella. Durante as primeiras curvas foi quen de manter a posición, pero unha vez rematada a primeira volta caeu ata a quinta. Logrou escalar posición e rematou como terceiro, ocupando un lugar no podio.

Hassan Lekhili e Solange Pereira vencen na 39ª Carreira do San Martiño 4 A festa do deporte ourensán congregou miles de corredores nas rúas da cidade o domingo 15 de novembro.

P. Lodeiro Hassan Lekhili en categoría masculina e Solange Pereira na feminina foron os gañadores da 39ª edición da Carreira pedestre popular do San Martiño. O marroquí afincado en Ourense cubriu os 10 km de percorrido nun tempo de 30:52 mentres que a atleta de Cangas fíxoo en 34:48.

Ambos os dous xa foran os primeiros en cruzar o paso dos 5 km da mítica proba. Mentres Lekhili rompeu a carreira no quilómetro tres, Solange desprendeuse das súas rivais nos metros finais. Ás 11 horas dunha fría mañá de novembro deuse o pistoletazo de saída para os 5.366 inscritos na carreira absoluta, que estaban chamados a cubrir a distancia de 10.000 metros. Previamente gardá-

9.484 atletas cruzaron a liña de meta nesta edición

Hassan Lekhili no seu paso polo quilómetro cinco da San Martiño. /P.LODEIRO rase un minuto de silencio en recordo das vítimas dos atentados de París.

Lekhili dominou a proba desde o comezo, con Lolo Penas como gran rival, pero este acabou por retirarse por problemas físicos. Completaron o podio masculino Carlos Villamor e Víctor Riobó, e o feminino Joselyn Brea e Paula Mayobre.

Carreira escolar e de cativos Jesús Álvarez e Sara Lima foron os vencendores da carreira escolar, de 4,7 quilómetros de percorrido. Realizaron un tem-

po de 14:49 e 17:03 minutos, respectivamente.

A carreira dos escolares deu saída ás 12:30 horas e nela estaban inscritos 4.013 corredores.

Finalmente, despois das 13:15 horas saíron a correr os menores de 8 anos, un total de 2.337 inscritos, que deberon completar un circuito de 1.400 metros. Alex Sierpes (5:17) e Adriana Figueroa (5:50) foron os primeiros clasificados.

Sumando as tres probas, foron 9.484 atletas os que cruzaron a liña de meta nesta edición, todo un récord.

EN BREVE

4 Fútbol sala O CDR O Viso, Cruz Vermella e o Centro de Información á Muller de Xinzo, organizan un partido de fútbol sala a prol da igualdade. A cita deportiva será o próximo luns día 26 no pavillón de deportes da localidade a partir das 20 horas e nel xogarán grupos mixtos.

Calquera pode anotarse ata cubrir prazas no CIX da Limia, na praza Maior, chamando ao 988 46 15 71 ou enviando un correo electrónico a cixdalimia@cdroviso.org. As inscricións poden facerse ao longo desta semana ata formar dous equipos.

Esta actividade levarase a cabo para conmemorar o Día Internacional da Violencia contra a muller que ten lugar o 25 deste mes.

4 BTT O club BTT Verín organiza un paseo de fin de tempada. Os socios e futuros socios poderán participar no último evento que realizar o club nesta tempada. O día sinalado para esta actividade será o domingo 29 de novembro.

4 Verín C.F.

O Verín refórzase coa incorporación do dianteiro do Nogueira, Javi Ramos. O club toma esta decisión debido á praga de baixas que sofre neste comezo de tempada.

PUBLICIDADE

BARRIOS Novembro de 2015

19

20

BARRIOS Novembro de 2015

OURENSE PROVINCIA / OCIO E CULTURA

EN BREVE

Estudan o cambio de titularidade dun vial na Limia

4 Curso sobre discapacidade asistida con cans A fin de semana do 21 e 22 de novembro vaise celebrar no Centro Terapéutico, Cultural e Educativo “A Chaira de Amoroz” de Celanova o Curso de intervención en discapacidade física e mental asistida con cans.

Esta actividade estará impartida por Ana Villalobos, mestra de educación especial e licenciada en psicopedagoxía, que traballa no colexio María Montesori de Madrid, coa intervención dos seus cans con nenos con discapacidade.

Os interesados en recibir máis información poden dirixirse ao 637035764 ou a achairadeamoroz@gmail.com.

4 A vía entre Xinzo e Vilar de Barrio ten unha alta sinistralidade.

A delegada da Xunta en Ourense, Marisol Díaz Mouteira, cos escolares de Vilar de Barrio./A.F.

Escolares do CEIP de Vilar de Barrio aprenden hábitos de hixiene bucodental O CEIP de Vilar de Barrio acolleu o inicio do programa “Coidando a miña boca.

Unha boca sa para sempre” que forma parte das actividades de promoción da saúde que promove en Ourense a Consellería que dirixe Jesús Vázquez Almuíña e que se oferta aos centros escolares para fomentar os hábitos de hixiene bucodental entre o alumnado.

A delegada territorial da Xunta en Ourense, Marisol Díaz Mouteira, acompañada pola xefa territorial de Sanidade, María Villar, acudiu a esta actividade e animou aos 20 escolares que participaron nela a levar hábitos de vida axeitados, especialmente no referente á saúde bucodental, como o cepillado dental correcto, o consumo dunha dieta que evite a carie e a asistencia ás revisións dentais periódicas. A actividade dirixida ao estudantado de 6º de Primaria consistiu nunha charla teórica e un xogo chamado “Saber e gañar en saúde bucodental” con preguntas relacionadas coa charla.

Iris Justo.

4 Documental

sobre os cigarróns no 20 OUFF O 20º Festival de Cine Internacional de Ourense proxectará o documental “Zamarras negras”, que trata a figura do cigarrón, personaxe emblemático do Entroido de Verín.

O documental é obra da nova creadora Iris Justo, natural da vila do Támega, quen previamente xa tiña realizado algunha curta. “Zamarras negros” fora estreado previamente en Verín e no Festival das Artes Escénicas de Riós. A cita é o venres 20, ás 18 horas, no Centro Cultural Marcos Valcárcel da Deputación.

Celebración do Samaín na Biblioteca de Verín./CdV.

A RAE felicita á Biblioteca de Verín pola súa promoción á lectura A Biblioteca Pública Municipal de Verín recibiu unha carta de felicitación de Darío Villanueva, director da Real Academia da Lingua, na que manifesta a súa felicitación máis sincera e a súa gratitude polo “magnifico labor que a Biblioteca Pública Municipal de Verín vén realizando para a promoción da lectura e a actividade solidaria de voluntarios novos”. Villanueva recalcou a importancia deste tipo de proxectos para o achegamento das novas xeracións a “esta actividade formativa e enriquecedora que é a lectura”.

Coincidindo co IV Centenario da publicación da segunda parte do Quixote, o director da Real Academia da Lingua obsequiou á instalación municipal cos exemplares das dúas edicións con que a RAE fixo inmortal a novela: a popular e escolar a cargo de Arturo Pérez Reverte, e a crítica e erudita dirixida por Francisco Rico.

Redacción A Deputación de Ourense valora asumir a titularidade do vial que une Xinzo de Limia coa estrada OU-1102, Xinzo -Vilar de Barrio. O seu presidente, Manuel Baltar, analizou esa posibilidade co xefe provincial de Tráfico, David Llorente, e co xefe do Destacamento da Garda Civil en Verín, Juan Carlos Nogueiras, dado que a vía rexistra unha das maiores taxas de sinistralidade na provincia. En concreto, a estrada, que ten unha lonxitude de 10,3 quilómetros, rexistrou nun período de dez anos 13 sinistros con vítimas, co resultado de 5 persoas fa-

lecidas, 10 feridas graves e 12 feridas leves.

Dado que a titularidade da estrada está compartida por tres concellos: Xinzo de Limia, Sarreaus e Trasmiras, o presidente do Goberno provincial comprometeuse “a cooperar cos concellos e estudar con eles a posibilidade da cesión da estrada á Deputación para integrala na rede viaria provincial, como propoñen as autoridades de Tráfico, co fin de levar a cabo as obras de mellora necesarias en materia de seguridade”, explicou Manuel Baltar.

En 10 anos producíronse 13 sinistros

O FIXA amplía o prazo para o Concurso 2016

Adxudicada o centro de saúde de Pontedeva

Redacción

Redacción

O Festival Internacional de Xardíns de Allariz decidiu ampliar ata o 30 de novembro o prazo de entrega de propostas para o Concurso 2016.

A dirección do FIXA tomou esta decisión coa intención de flexibilizar a entrega dos proxectos e así atender a demanda dos participantes debido ás numerosas consultas que se recibiron.

Unha vez pechado o prazo, o xurado reunirase para decidir os deseños que formarán parte da sexta edición do festival, dedicada aos “Xardíns do Futuro”.

O Sergas vén de adxudicar á empresa Misturas, S.A., por un importe de 710.265 euros, a obra de construción do centro de saúde do Outeiro, no concello de Pontedeva.

Esta nova instalación contará cunha consulta de medicina xeral, unha de enfermaría, unha sala da muller, área administrativa con admisión e arquivos, e sala de estarbiblioteca, entre outras dependencias.

A superficie construída do centro será de preto de 420 metros cadrados, e a obra ten un prazo de execución de sete meses.

OCIO E CULTURA

BARRIOS Novembro de 2015

21

A I Feira de Outono de Verín supera as expectativas 4 A de Allariz celebrou o seu 20º aniversario.

P.L. Os verineses van ter que marcar no calendario anual de eventos da vila a Feira de Outono. Iso se desprende das palabras de Puri Caldelas, concelleira de Turismo e Comercio de Verín, que explicaba que a primeira edición desta feira, celebrada os días 14 e 15 de novembro na praza Maior, “superou as expectativas”.

“Houbo moita afluencia de público, a xente estaba encantada e as actividades complementarias e con nenos tiveron unha gran acollida; a valoración por parte dos expositores foi impresionante”, relataba.

Do mesmo xeito valoraban desde a empresa contratada para organizar a feira. “A afluencia de público foi grande e os expositores quedaron contentos, ningún dixo que non lle merecera a pena vir; pasamos unha enquisa e os resultados son sastifactorios”, opinaban. Nesta

primeira edición participaron 23 expositores de produtos de alimentación e artesanía, a maioría deles locais.

Segundo a edil de Turismo, esta iniciativa enmárcase na política do Goberno municipal de Verín de dinamizar o comercio, apostar polo rural e animar á poboación a dedicarse ao sector primario. “Pensamos incluso nalgún tipo de mercado mensual de produtos agrarios”, adiantábanos Caldelas, aínda que polo momento só se trata dunha idea que baralla o bipartito verinés.

De cara á campaña navideña, o departamento de Turismo e Comercio prepara un mercado de Nadal con actividades complementarias.

20 anos en Allariz O de organizar feiras non é novo en Allariz, onde a súa Feira do Outono leva xa 20 anos promocionando os produtos típicos da tempada outonal. Cogo-

melos, noces, castañas, froitas e verduras ou embutidos son unha pequena mostra do que se puideron atopar os que se achegaron ata o pavillón do instituto de Allariz os días 7 e 8 de novembro.

Trátase dunha cita xa consolidada, e aínda que non todos os expositores amosaban a mesma satisfacción co nivel de vendas, o certo é que o recinto feiral estivo moi concorrido durante as dúas xornadas.

Unha morea de actividades paralelas, como masterclass de cociñeiros e blogueiros, concursos de tapas (para amateurs e nos locais de hostalería), menús de outono nos restaurantes, unha exhibición de talla en madeira ou a exposición micolóxica conseguiron atraer un bo número de visitantes á vila alaricana nesa fin de semana.

En Verín contan con repetir a feira o ano que vén

Público visitando os stands da I Feira do Outono de Verín, instalada na praza Maior os días 14 e 15 de novembro./BORYS MARTÍNEZ.

Algún dos postos de rianxo levan acudindo á Feira do Outono de Allariz desde a súa primeira edición, hai 20 anos. /PAULA LODEIRO.

22

BARRIOS Novembro de 2015

4AXENDA Exposicións - Ata o 25 de novembro - Mostra fotográfica “Miradas II” - Sala de exposicións de Verín - Ata o 30 de novembro - “A Virxe do Cristal.

Unha reportaxe fotográfica do 1922” de Joaquín Pintos - Sala dos Arcos de Celanova - Ata decembro - Obra gráfica contemporánea na Galería Circular de Allariz.

- Do 2 ao 31 de decembro - Mostra colectiva “Extramuros” - Casa da Cultura de Xinzo - Do 2 ao 31 de decembro - Exposición “Horizontes” de Sarai Reza - A Arca da Noe, Vilar de Santos Conferencias - 20 de novembro - Conferencia “Ser zamorano e falar galego” a cargo de Felipe Lubián e o etnógrafo José Rodríguez Cruz - Biblioteca de Verín Música - 21 de novembro Concerto de Santa Icía - 18 h - Casa da Cultura de Verín - 22 de novembro - Concerto da Banda Unión Musical de Allariz & Banda Nova - 12:30 h. - Casa da Cultura de Allariz Cinema - 22 de novembro “Guillaume y los chicos, ¡a la mesa!” - 19 h - Casa da Cultura de Verín - 29 de novembro “Maimiño e o espello máxico” - 18 h - Casa da Cultura de Allariz Outros - 21 de novembro Roteiro vital e cultural polas Terras de Maceda: os lugares de Francisco Carballo - desde ás 11 h - Santuario dos Milagres - Ata o 22 de novembro - 20º Festival de Cine Internacional de Ourense www.periodicobarrios.com

OCIO E CULTURA / ARTIGOS

4DESDE O OUTRO LADO DA RAIA

Debémonos ocupar das nosas deficiencias nutricionais nós mesmos Toda a xente posúe deficiencias nutricionais, mais en graos diferenciados. Unha das fortes razóns débese aos procesos de cultivo e produción dos alimentos e consecuentemente con pouco valor nutricional.

Investigadores verificaron que os alimentos das nosas avoas tiñan un valor nutricional moi superior aos actuais e isto está relacionado con moitas doenzas.

“As persoas educadas e tolerantes viven máis anos”

Non creo que haxa probas verdadeiramente convincentes de que os vexetarianos son máis saudábeis ou vivan máis anos que dos que comen carne; no entanto as persoas saudábeis comen froitos e vexetais frescos biolóxicos e inxiren regularmente zumes naturais .

Coller sol estimula a enerxía do corpo todo e ten o poder do alcalinizar fortalecendo o sistema inmunitario. É tamén importante consumir mel e pole de abellas, sal mariño( mellor aínda o sal dos Himalaias) e un pouco de chocolate negro. Todo isto elimina toxinas, mais agora temos pola fronte o caos

electromagnético ou sexa o móbil, a televisión, o computador, o microondas etc. , sobre todo en uso excesivo..

Outro inimigo importante é o estrés que ten que ser combatido: escoitar música, rir frecuentemente, durmir oito horas, vivir co sentido de compartir actos impensados de xentileza , simpatía con quen nos rodea e sobre todo afastar a envexa e o fanatismo pola política, pola relixión e tamén polo fútbol. As persoas que non son envexosas, respeitadoras, educadas e tolerantes cos outros, viven máis anos.

João Damião

Cartelle creará a Fundación Carlos Velo

4 A neta do cineasta, Laura Gardós, asumirá a presidencia de honra.

P.L. A alcaldesa de Cartelle, Carmen Leyte, anunciou, no marco do 20º Festival de Cine Internacional de Ourense, a próxima creación da Fundación Carlos Velo, co obxectivo de “espallar” a obra do que denominou como “o cineasta galego máis recoñecido de todos os tempos”, nacido en Cartelle en 1909. A entidade estará apoiada polo Concello, a Deputación e a Xunta, asumindo a presidencia de honra a neta do cineasta, Laura Gardós.

No mesmo acto tamén se adiantou a creación do “Espazo Carlos Velo” dentro do OUFF; “quere-

Laura Gardós, Belén Iglesias, Carmen Leyte e Anxo Lorenzo, no 20 OUFF./P.LODEIRO. mos que sexa un proxecto anual, todos os anos cun contido específico, singular –dixo o secretario xeral de Cultura da Xunta, Anxo Lorenzo- que non só teña vida nos días do fetsival e na cidade senón ao longo

do ano e nos outros espazos ligados a Carlos Velo: Cartelle, Celanova e O Carballiño”. A idea é que en 2016 o proxecto xire a redor da obra “Torero”, película dirixida por Velo en 1956.

4DESDE A PONTE... A MONTERREI

A viaxe sen ida Xosé andaba daquela coa cachola tola, dándolle voltas ás cousas que ían suceder nun tempo non lonxano.

Alá por 1910 en Verín naceu Xosé, nuha familia numerosa e humilde, coma as de antes, ateigada de amor e cariño en abundancia. O seu pai, funcionario do Concello, gañaba un xornal xustiño para atender unha recua de cativos, que daquela requería un esforzo supremo.

Co paso dos anos, o protagonista desta historia formou unha familia nunha aldea ao carón de Verín, casando con Claudia, unha moza esvelta e fermosa coa que tivo dous fillos. Alí, na aldea, foron pasando os primeiros anos dunha parella ilusionada, lidiando coma puideron coas envestidas dos inicios dunha nova vida.

Claudia tiña irmáns en América, que anos atrás marcharan buscar un porveñir no outro lado do charco. Un día de inverno, cando as candeas alumeaban duro para esquecer a resaca dunha guerra civil atroz e absurda, chegou unha carta dos irmáns de Claudia, que daquela xa contaban con negocios prósperos, e invitaban a Xosé e á familia a coller o petate e liscar ao novo mundo, onde agardaba unha vida axeitada para acometer o futuro con garantía, e deixar de lado unha posguerra interminable.

Claudia estaba feliz, imaxinaba unha cidade incrible, onde ía ser unha muller afortunada. Xosé pensaba na proposta que viña de lonxe, pero tamén no que en pouco tempo ía deixar.

Aos poucos foron baleirando a casa e agasallando aos veciños cos

“A familia, a casiña, a vila, os amigos, todo quedaría acá”

enseres que tiñan, esas cousiñas que non ían cumprir alá.

Os baúis cheos de ilusión amontoábanse no patio, ao mesmo tempo que un temor amargo perseguía a Xosé.

A vila durmía na noite pecha, os sentimentos afloraban sen pausa e o corazón dun home batía na soidade.

A familia, a casiña, a vila, os amigos, todo quedaría acá. Os pensamentos inundaban a alma de Xosé, as lembranzas de cando era neno, os pais, os irmáns, o vivido, o soñado e o perdido. Galicia, terra meiga, que se pega e non te deixa, que te agocha e te enzarza, Verín chora, Xosé chora, e as bágoas apuraban aquel barco, alleo á dor e que cos funguidos das sireas estremecía as entrañas, entre a néboa, de miles de viaxeiros que agardaban subir nel.

Entre a multitude un home á deriva, sen sorriso e sen alma, ferido de morte no interior. Aquel monstruo de ferro esperaba sen compaixón engulir a melancolía e a morriña, nun día gris. “A morte chica”, como daquela chamaban o morrer de pena, pululou polo peirao.

Claudia percatouse de todo, e nun fermoso acto de xenerosidade e amor, fundiuse nunha aperta co seu home, esnaquizou os cartóns de embarque e lanzounos ao ceo.

Colleron aos cativos da man, deron volta cara á luz, cara á ledicia, cara á vida, cara ao mellor destino do mundo. Atraídos polo meigallo dunha terra única que enreda e que só algúns son quen de poder rachar un feitizo único.

Así foi a historia de Pepe e Claudia, os meus avós, que no derradeiro intre, coa forza do corazón, trocaron o rumbo e quedaron aquí, para enchernos de ledicia e amor, un patrimonio incalculable, que non esqueceremos xamais.

América pode esperar.

Miguel A. Prieto Chitín”

CLASIFICADOS

BARRIOS Novembro de 2015

23

BARRIOS. Edita: Letras a la Carta S.L. CIF: B-32.323.925. Depósito Legal: OU 142-2014. Redacción: r/ Bedoya,7, 1º Of. 6 - 32004 Ourense. Tel: 988 045 352. Correo-e: info@periodicobarrios.com.

Distribúe: Visual. Imprime: Publicaciones Tameiga. Directora: Paula Lodeiro. Director comercial: Miguel Rejo. Redacción: Paula Lodeiro, Ramsés Torres. Fotografía: Ramsés Torres, Paula Lodeiro.

Colaboracións: Joao Damiao, Borys Martínez, Miguel A. Prieto Sotelo, Silvia Nieto, Andrés Diz. Nº19 - Ano: X - Novembro 2015 - Difusión: 15.000 exemplares. Impreso en papel 100% reciclado.

A opinión do periódico exprésase só no editorial, os artigos e cartas ao director expoñen posturas persoais. Este periódico non pode ser reproducido nin total nin parcialmente, sen autorización previa da empresa editora Letras a la Carta S.L. Se ten algún problema co reparto, pregámoslle que nolo comunique no teléfono 988 045 352.

4TELÉFONOS DE INTERESE

4CLASIFICADOS

ALUGUER/VENDA Alugo habitación en Verín con dereito a cociña, cama de matrimonio, baño, salón e wifi. Tel. 626 78 09 24.

Alugo casa a 1 km de Allariz, 2 habitacións, amoblada, calefacción, bo prezo. Tel. 632 78 60 14.

Alúganse 2 naves de 422 e 454 m/2. Xuntas ou separadas en Polígono de Pereiro de Aguiar: parcela Nº 15 fronte a Codisoil. Telf.

639 677 432.

Alúgaese local comercial en Ourense, acondicionado, 60m cuadrados, c/ Fco. de Moure,(Plaza do Couto) . 375 € Tfno: 636.32.95.25 Alúgase bodega, serve para garaxe de moto ou ciclomotor.

Zona Praza do Couto, rúa Francisco de Moure. Prezo 20 euros.

Tel. 636 329 524.

Véndese pequeno soar en ruínas e 18 fincas rústicas no pobo de Reparada (Muiños). Prezo 2.000 euros. Tel. 636 329 524.

Alúgase habitación próxima aos novos xulgados do Couto (Ourense), con fiestra cara a rúa, cama de matrimonio, mobles, calefacción, televisión, Wi-Fi. Dispón de salón, cociña e baño.

Prezo: 180 euros/mes (gastos incluidos). Tel. 600 922 547 (WhatsApp).

Véndese casa de dúas plantas en León de Villamarín. Tel. 988 615 263 e 676 758 819.

Vendo edificio residencial próximo a Ourense, sen intermediarios. Tel. 690 795 379

VENDAS Vendo unha impresora, unha fotocopiadora, unha calefacción de gas cidade seminova e un sofá 3-2, todo a bo prezo. Tel. 637 00 59 10.

Vendo Renault 19 GTS diésel.

110.000 km.Tel. 627 608 758 e 671 921 854(con whatsapp) Vendo berce de madeira maciza nova, regalo colchón tamén novo. Tel. 988 04 52 74 e 666 84 10 29 Vendo coche sin carné Microcar en perfecto estado, elevalunas eléctrico, peche centralizado, motor de 500cc, 4.000 euros negociables. seminovo. Tel. 677 22 96 57 (José Luis) Vendo llantas de aluminio de 15”. Seminovas, para rodas de 195615. 180 euros negociables.

Tel. 639 984 043.

Véndese tractor hidráulico de segunda man. Completamente equipado. Tel. 695 690 945.

Vendo roupa de señora de moi boa calidade e de marca. En perfecto estado. Tamén telas, cortinas e algunha mantelería. Tel. 690 79 53 79 (Carmen).

Véndese leña de carballo para cheminea. 220 euros por tractor.

Tel. 630 521 448.

Vendo BMW 118D automático, 8 velocidades, ano 2103, 80.000 km, 18.300 € / Renault Laguna GT 2.0 DCI 177 cv ano 2009, 49.000 km, 13.200 € / Opel Astra 2.0 Turbo 200 cv, ano 2007, 116.000 km, 7.500 € / Volkswagen Golf IV 1.9 TDI 115 cv, 6 velocidades, ano 2002, 3.800 € / Volkswagen Passat Advance 2.0 TDI CR 140 cv, ano 2009, 125.000 km, 11.700 € / Citroen Berlingo 1.6 HDI 90 cv Kombi, 5 prazas, ano 2012, 89.000 km, 8.700 € máis IVE. Tel. 988 410 418 - 607 917 339.

Vendo liteira de aluminio, con soporte de seguridade e escaleira. 190 cm x 90 cm, bo prezo.

Tel 691 01 70 95.

EMPREGO Ofrécese mozo responsable, meticuloso, ledo, para traballar en departamento administrativo ou como dependente. Ampla experiencia. Tel. 629 154 995.

Señora de 48 anos ofrécese para traballar por horas, en limpeza na zona de Allariz. Tel. 652 783 897.

Ofrécese señora mediana idade, galega, para as tarefas do fogar, coidar persoas maiores ou calqueira tipo de traballo. Só media xornada. Tlf: 659 129 142 Ófrecese señor para traballar de pintor -con 40 anos de experiencia- . Disponibilidade inmediata. Tel. 647 640 620.

Licenciada en Traducción e Interpretación dá clases de inglés e francés, todos os niveis, individuais ou grupos reducidos. Tel. 664 59 06 04.

Danse clases particulares de pintura artística, óleo, acuarela, pastel, acrílico, todos os niveis, máis de 40 anos de experiencia.

Tel. 610 659 417.

Fanse desbroces con tractor e a man. Tel. 630 521 448.

Ofrécese señora para o coidado de persoas. Pode ser en casa ou no hospital. Con informes.

Tel. 669 434 330.

Danse clases de recuperación a domicilio, matemáticas e resto de materias curriculares. Todos os niveis. Con CAP, ampla experencia, económico. Info: clasesadomicilio2014@hotmail.com e tel. 610 382 589.

Danse clases particulares de piano, ideal para nenos e para iniciación. Tel. 667 985 171 (WhatsApp).

Moi económico, fanse reparacións en fogar e negocios, carpintaría, mobles, persianas, etc.

Tel. 656 782 460

CONTACTOS Ofrécese mozo de compañía para mulleres de 40 a 60 anos.

Danse masaxes eróticos a mulleres Prezo anticrise. Absterse de chamar homes. Tel. 697 79 59 28.

Comarca de Monterrei Concello de Verín Concello de Monterrei Concello de Oimbra Concello de Vilardevós Concello de Riós Concello de Castrelo de Val Concello de Laza Concello de Cualedro Comisaría de Policía Verín Policía Local Verín Bombeiro Verín Garda Civil Protección Civil Estación de autobuses Taxis - Parada Hospital Taxis - Parada Estación Autobuses Taxis - Parada Praza Merced Taxis - Parada Praza do Concello Ambulatorio Urxencias Ambulatorio Cita previa Hospital de Verín Cruz Vermella Correos e Telégrafos Rexistro Civil de Verín Rexistro da Propiedade Oficina de emprego Oficina da Seguridade Social Servizos Sociais Verín Cáritas Parroquial IES nº1 de Verín IES García Barbón I. Bacharelato X. Taboada Chivite CEIP Amaro Refoxo CEIP Princesa de España Comarca de A Limia Concello de Xinzo Concello de Porqueira Concello de Calvos de Randín Concello de Baltar Concello de Os Blancos Concello de Trasmiras Concello de Sarreaus Concello de Vilar de Barrio Concello de Sandiás Concello de Vilar de Santos Concello de Rairiz de Veiga Policía Local Xinzo Garda Civil Estación de autobuses Centro de saúde Xinzo Punto Atención Continuada Rexistro civil de Xinzo Rexistro da Propiedade Taxis - Parada Xinzo

988 410 001 988 418 002 988 426 160 988 417 004 988 425 032 988 419 002 988 422 002 988 424 004 988 414 123 988 411 612 988 590 206 988 410 005 988 412 121 988 413 516 988 414 342 988 411 812 988 410 385 988 411 113 988 410 800 988 413 460 988 413 636 988 411 600 988 411 038 988 410 387 988 410 737 988 410 703 988 410 253 988 414 776 988 410 679 988 411 212 988 410 379 988 410 041 988 411 425 988 410 128 988 550 111 988 466 102 988 434 000 988 466 503 988 467 506 988 445 000 988 454 002 988 449 001 988 465 001 988 465 883 988 465 552 988 462 425 988 462 361 988 460 309 988 462 200 988 462 456 988 46 0 188 988 460 209 988 460 309

Oficina de emprego Oficina da Seguridade Social Xulgado de 1ª Instancia Servizos Sociais Xinzo Cáritas Parroquial IES Lagoa de Antela IES Cidade de Antioquía CEIP Rosalía de Castro CEIP Carlos Casares Gardería Municipal Oficina Agraria Comarcal da Limia Comarca de Allariz-Maceda Concello de Allariz Concello de Baños de Molgas Concello de Maceda Concello de Paderne de Allariz Concello de Xunqueira de Ambía Concello de Xunqueira de Espadanedo Policía Local Allariz Garda Civil Allariz Centro de Saúde de Allariz Centro de Saúde de Baños de Molgas Centro de Saúde de Maceda Policia Local Maceda Garda Civil Maceda Parada taxis Maceda CEIP Padre Feixoo IES Allariz Gardería municipal Allariz Servicio Municipal de Augas Allariz Xulgado de Paz Allariz Comarca de Terras de Celanova Concello de Celanova Concello da Bola Concello de Cartelle Concello de Gomesende Concello da Merca Concello de Padrenda Concello de Pontedeva Concello de Quintela de Leirado Concello de Ramirás Concello de Verea Policía Local Celanova Centro de Saúde de Celanova IES Celanova CEIP Curros Enríquez Oficina Seguridade Social Celanova Xulgado 1ª Instancia Celanova Urxencias Sanitarias Cita previa Servizo Galego Saúde Teléfono maltratadas ITV Protección Civil Incendios forestais Fenosa (averías)

988 460 375 988 462 951 988 462 364 988 550 111 988 460 222 988 462 454 988 461 271 988 460 480 988 460 507 988 461 049 988 460 024 988 440 001 988 430 000 988 463 001 988 293 000 988 436 006 988 291 001 988 440 000 988 440 031 988 440 958 988 430 331 988 463 370 696 511 038 988 463 084 988 463 204 988 440 825 988 440 036 988 440 219 988 440 004 988 440 704 988 431 481 988 433 768 988 491 111 988 485 000 988 260 000 988 494 783 988 495 005 988 493 500 988 491 523 988 430 600 988 431 806 988 451 736 988 431 290 988 431 725 988 553 055 988 431 482 061 902 077 333 016 902 309 000 112 085 988 222 222

BARRIOS Novembro de 2015