A biblioteca do IES de Ponteceso, coa colaboración dos Departamentos Didácticos do centro, convoca un ano máis este CONCURSO co obxectivo de fomentar dun xeito divertido o uso dos nosos fondos e mellorar a busca de información tanto na sala como na rede.
BASES
Formaranse equipos de 2, 3 ou 4 alumnos/as que se teñen que inscribir na biblioteca. O equipo ten que ter un nome orixinal. Faranse 15 preguntas por semana . As respostas destas preguntas terán que buscarse na
biblioteca, cando leven este símbolo ou ben na internet cando leve estoutro . As preguntas daranse a coñecer todos os luns do seguinte xeito: Haberá copias no mostrador da biblioteca. Publicaranse na sección de “Novas Biblioteca” da nosa páxina web ou no noso blog : http://biblioaponte.blogspot.com/. Publicaranse no cortizo que hai ao lado da entrada da biblioteca. Todos os equipos terán ata o venres da mesma semana para entregar as súas respostas. As respostas pódense enviar ao noso correo : biblioaponte@gmail.com (dentro do prazo establecido) ou ben na biblioteca (antes das 2:20 do venres).
O concurso dará comezo o día 16 de abril e rematará o día 11 de maio. O prazo para a inscrición empeza o 26 de marzo.
PREMIOS 1º premio: Un vale de 100 € para comprar libros ou calquera material escolar máis outros 100 € en metálico.
2ª premio : Un vale de 50 € para material escolar e outros 50 € en metálico. 3º premio: Un vale de 50€ para material escolar ou libros.