Meigas fóra!

San Xoán é unha noite máxica, unha xornada na que a comunidade galega se enche de folklore e tradición, das crenzas máis místicas que forman a nosa historia, da queimada, das sardiñas, do fume das cachelas... e como non podía ser doutra maneira, das meigas. Na Biblioteca Rego da Balsa rendemos homenaxe a estas figuras tan importantes para a nosa terra. Queredes ver cales están nos nosos libros? Botade unha ollada!

Meigas fóra!

UNHA GUÍA PARA SAN XOÁN

Gloria Cecilia Díaz. La bruja de la montaña. SM 4-7 anos/ Contos A bruxa Alina da montaña máis pequena acaba de romper outra vez a súa escoba. Xa está farta de chocarse contra as árbores, así que decide tallalos todos. Todos os animalitos asustados van falar coas outras bruxas para que non lle deixen facelo. Elas deciden que o mellor é ensinarlle a Alina a voar e a aterrar ben.

Ana María Fernández. Las bruxas esbrúxulas. Casals 4-7 anos/ Contos Menda quere ser bruxa, pero as malvadas Apática, Afónica e Apócema vanlle facer a vida imposible. Menos mal que para loitar contra elas conta coa axuda de Lola e o incrible Mascorrobot.

José Agustín Goytisolo. La bruja hermosa. Edebé 4-7 anos/ Contos Esta é a historia dunha rapariga alegre, intelixente e fermosa pero moi envexada. Por iso, decidiu disfrazarse de bruxa. Así, durante un tempo, librouse das maldades dalgunhas persoas do seu pobo.

Silvia Majoral. A bruxa Amorodo. Sotelo Branco 4-7 anos/ Contos Que divertida que é a bruxa Amorodo. É fantástica!

Encántalle vivir no campo e pasalo moi ben correndo polos camiños. É unha maneira como outra de facer deporte!

Tamén é unha bruxa larpeira, tanto que non pode resistirse aos bombóns de chocolate. Queres coñecela? Pois anímate e le a súa historia.

Carmen Martín Anguita. La bruja Chiripa y su pócima mágica. Pearson Educación 4-7 anos/ Contos Á bruxa Chiripa os esconxuros sáenlle ao revés e a súa escoba non a obedece. Téntao coas apócemas, pero estas póñeno todo patas para arriba e os resultados tampouco son os esperados. Con todo, Chiripa nunca se dá por vencida e cando algo non lle gusta, fai o posible por cambialo.

Herminia Mas. La bruja que no sabía reír Edebé 4-7 anos/ Contos Había unha vez, hai moito, moito tempo, un pobo rodeado de montañas. E xusto na cima dunha desas montañas, vivía unha bruxa moi mala.

Tina Meroto. A bruxa regañadentes. OQO 4-7 anos/ Contos Tres irmáns, desatendendo as advertencias da nai, intérnanse nun bosque escuro e misterioso. O pequeno, temeroso e consciente do perigo, trata de avisar os dous máis vellos, pero cando ten que tomar unha decisión acaba por acompañalos. Como non saben o camiño de volta, deciden entrar na casa da bruxa, onde cheira a comida…

Marta Gené Camps. Sopa de cola de lagarta. Rodeira N GEN sop. 7-12 anos Candela fixo doce anos. Ela non sabe por que, de cando en vez, ten unhas premonicións de cousas que aínda non ocorreron. Simplemente as visualiza na mente, e con toda a inocencia non pode evitar dicilo. Por desgraza, os veciños da vila comezan a sentir medo na súa presenza e axiña a acusan de ser bruxa.

Mª Carmen de la Bandera. Claudia, aprendiz de bruja. anaya N BAN cla. 7-9 anos/ Fantástica Claudia vive en Madrid. Co seu irmán de 12 anos non leva ben, e moitas veces os seus pais teñen que intervir cando discuten. En Leganés viven os seus avós, pero a súa avoa Pepa, a de Sevilla, é distinta a todos: ten o pelo azul e é bruxa. Dela quere aprender Claudia as súas artes de bruxería, por iso considérase a si mesma aprendiz de bruxa.

Antón Cortizas. A bruxa sen curuxa. SM N COR bru. 7-9 anos/ Fantástica De tódalas bruxas que coñecedes, esta é a máis bruxa de todas. É unha bruxa auténtica, coma as de sempre, e vive nunha casoupa no medio da fraga. ¿Sabiades que unha bruxa non é auténtica se non ten unha curuxa? Pois é certo, por iso a bruxa Catuxa anda desesperadamente á procura dunha delas.

Bianca Pitzorno. Pequena bruxa. Kalandraka N PIT peq. 7-9 anos/ Fantástica Un sorriso satisfeito rozaba os beizos de Asdrúbal Tirinanzi mentres que, tirado vulgarmente na cadeira de brazos do notario, escoitaba a lectura do testamento do seu tío avó Mengano, que pasara a mellor vida a semana anterior por unha fatal indixestión de peixe frito...

Carmen Posadas. Liliana bruja urbana. Fondo de cultura económica N POS lil. 7-9 anos/ Fantástica Liliana é unha bruxa urbana. É loura, usa jeans, escoita rock, vive nun departamento moderno e ten un gato chamado Gómez. Como é moderna e urbana, Liliana utiliza para as súas apócemas unhas pastillas de caldo que compra nun supermercado para magos e bruxas.

Ulf Stark. Unha bruxa na casa. SM N STA bru. 7-9 anos/ Fantástica María non pode ir ó colexio porque ten moita tose. Como os seus pais traballan, teñen que contratar unha muller que a coide. Seus pais contratan a Gerda como asistenta para que coide de María. María non entende por qué tiveron que contratar a... ¡Unha bruxa!

Anne Wilsdorf. Filomena. Destino 7-12 anos/Depósito Os nenos xa non xogaban no bosque porque alí vivía unha bruxa que convertía en ra a quen se achegaba. Pero Filomena non tiña medo a nada e foise a buscar á bruxa... Un divertido conto bellamente ilustrado que nos demostra que as bruxas non son invencibles, nin aínda que monten xigantescos monstros voadores.

Knister. Kika superbruja (colección de libros e DVD) 7-9 anos/ Fantástica/ Audiovisuais Kika é unha nena valente, intelixente e tremendamente vivaz. Un bo día atopa un libro de maxia. As disparatadas consecuencias dos feitizos que contén levarán á intrépida bruxiña a vivir, da man do seu irmán Dani, as máis emocionantes e divertidas aventuras rodeada de personaxes insólitos.

Mamá Cabra. A bruxa Discordia: cancións para a paz. Galaxia Infantil/ Audiovisuais Discordia é unha bruxa que é feliz destruíndo a paz, facendo que todos os animais, e os humanos, se leven mal.

E come olivas como unha tola... Con todo un día vai acontecer algo que cambiará o seu mundo, e o mundo enteiro, para sempre. Carmen Gil e Mamá Cabra únense para contar e cantar esta divertida historia.

Roald Dahl. As bruxas. Xerais N DAH bru. 10-12 anos/ Fantástica Historia dun rapaz e maila súa avoa que se enfrontan á terrible Asociación de Bruxas de Inglaterra, mentres estas, baixo a aparencia de mulleres correntes celebran a súa convención anual nun hotel… Ninguén cre nas bruxas, pero haber hainas. E estas das que fala Roald Dahl posuén podeorosísimos nenicidas.

Gnone, Elisabetta. Colección WITCH. Planeta Junior BD GNO wit. 10-12 anos/ Banda deseñada Cinco mozas adolescentes foron elixidas para ser as novas Gardiás de Kandrakar coa misión de protexer a muralla.

Para este propósito as mozas foron dotadas de poderes máxicos baseados nos catro elementos da natureza e o poder que as une, ao que se interpreta de varias formas: amor, enerxía ou confianza.

Otfried Preussler. La pequeña bruja. Noguer N PRE peq. 10-12 anos/ Fantástica Que pode facer unha bruxa pequena se as súas irmás maiores non a toman en serio? Nunca lle permiten facer nada. Tampouco asistir ao baile das bruxas! Pero agora acaba de tomar unha decisión: vai aprender bruxería pola súa conta. E vai plantarlles cara. Pero ai!, poderá unha bruxiña boa saírse coa súa fronte ás bruxas malas?

Virginia Boecker. Caza de brujas. Hidra Xuvenil/ Fantástica Pantasmas, piratas, curandeiros​ E, sobre todo, moitas bruxas. A moza Elizabeth Grey, a máis letal de entre todos os cazadores de bruxas do reino de Anglia, acaba ser acusada de bruxería. Para escapar da fogueira, os seus únicos aliados serán un grupo de magos e bruxas que descoñecen o seu pasado.

Maite Carranza. O clan da loba. Rodeira N CAR cla. Xuvenil/ Fantástica A guerra das bruxas, 1. Desde tempos inmemoriais, os clans das bruxas Omar viviron agochándose das sanguinarias bruxas Odish e agardando a chegada da elixida pola profecía.

Maite Carranza. O deserto de xeo. Rodeira N CAR bru. Xuvenil/ Fantástica A guerra das bruxas, 2. A profecía cumpriuse e os clans das bruxas Omar esperan que Anaíd, a elixida do cabelo de lume que posúe o cetro do poder, acabe coas sanguinarias bruxas Odish. Pero Anaíd ten quince anos, está namorada e é máis vulnerable ca nunca aos perigos que a axexan e que a obrigan a fuxir na compaña da súa nai.

Maite Carranza.A maldición de Odi. Rodeira N CAR mal. Xuvenil/ Fantástica A guerra das bruxas, 3. A guerra das bruxas está próxima e a elixida non pode pospoñer máis o momento de empuñar o cetro e destruír as temibles Odish. Pero Anaíd, que desexa o amor de Roc e do pai que nunca tivo, que confía en levar a paz definitiva para as Omar, terá que se enfrontar á traizón, ao rexeitamento dos seus e á soidade.

Tracy Mack. Sherlock Holmes y los irregulares de Baker Street: el misterio del espíritu invocado. Everest N MAC she. Xuvenil/ Intriga e misterio A cuadrilla de mozos que traballan ás ordes do detective Sherlock Holmes debe resolver o asasinato dun arqueólogo no Museo Británico mentres leva a cabo unha investigación secreta sobre a deusa Diana. Detrás de todo está o malvado profesor Moriarty, que secuestra ao doutor Watson.

María Solar. As meigas de Lupa. Xerais N SOL mei. Xuvenil/ Intriga e misterio María colleu un avión a Santiago de Compostela, onde a esperan vos seus curmáns Pablo e Martiño, para pasar unha semana de vacacións coa avoa Berta. Unha sorpresa agarda aos tres rapaces na casa de Santa Cruz de Ribadulla: deberán compartir a estancia con varias amigas dá avoa, que veñen participar nun congreso de meigas.

Kaye Umansky. Fedorenta, unha meiga porcallenta. Biblos clube de lectores N UMA fed. Xuvenil/ Fantástica Porcallenta é unha meiga algo porcalleira pero que fará as delicias da rapazada coas súas aventuras no aquelarre do que forma parte.

Anne Rice. La hora de las brujas I. Planeta de Agostini N RIC hor. Xuvenil/ Intriga e misterio Rowan Mayfair, unha bela neurocirurxiá consciente dos seus poderes especiais, atopa a un afogado na costa de California e consegue devolvelo á vida. Ambos se namoran ferozmente e establecen unha apaixonada alianza para desentrañar o misterio do pasado dela e dominar un don maligno que lle foi conferido a el tras o seu accidente.

Anne Rice.La hora de las brujas II. Planeta de Agostini N RIC hor. Xuvenil/Intriga e misterio Rowan Mayfair, a fermosa e brillante raíña do aquelarre, pretende escapar de Lasher, o atractivo demo cuxo enfeitizo ela atopa irresistible. Con todo, ambos os seres áchanse unidos por un vínculo que vai máis aló do desexo: concibiron unha criatura que «nacerá coa semente da sabedoría, capaz de andar e falar desde o primeiro día.

Feliz San Xoán!