GAZTEENTZAKO INGELES IKASTAROAK Ohizko galderak: -
Beharrezkoa da dirua eramatea?
Gastu estretarako dirua soilik, beharrezko guztia prezioan barne dago eta. Kontuan izan beharreko gastu estrak hauek dira: garraiorako bonoa, normalean barne ez dagoelako (begiratu programa bakoitza), eta txango egunetarako janaria. -
Ikasle bakarra izango da edo gehiago egongo dira etxean?
Ingalaterran, Irlanda, Maltan eta Kanadan, normalean beste herrialde bateko ikasle bat edo gehiago bizi dira etxe berean eta askotan logela partekatuan, beti sexu berekoak. Horrela, herrialdeko kultura ezagutzeaz gain, beste herrialdeetako ohiturez ikasi ahal izango dute. Estatu Batuetan, familia gehienek ikasle bakarra hartzen dute. -
Ostatua egoitzan?
Egoitza batean erosoago sentitzen diren ikasleek hainbat norako aukera ditzakete. Ostatu bakoitzak ezaugarri desberdinak ditu (banakako logela, logela partekatua, komun partekatuak%). Egoitza bakoitzeko ezaugarriak (logela mota, janarietako errejimena %) programa bakoitzean azaltzen dira. Egoitzak fidantza bat eskatuko dio ikasleari bertara iristen denean. -
Nola funtzionatzen dute klaseak?
Lehenengo egunean, taldeak ahal den eta homogeneoak izan daitezen (Tutoretza programetan, Scarborough-n eta Biarritzen izan ezik, hauetan joan aurretik egiten da), gramatika testa egiten da. Hizkuntza ikastaroak daukaten programetan, aste bakoitzeko eskola orduak adieraziko dira (klaseen iraupena 45 eta 60 minutu artekoa izango da, eskolen arabera). Asistentzia derrigorrezkoa da. Jai egunak edo grebak direla eta ematen ez diren klaseak ez dira berreskuratuko eta ez da dirurik itzuliko. Eskolak testu liburuak utziko dizkie ikasleei eta ikastaro amaieran parte hartze ziurtagiria banatuko zaie. -
Benetan ikasten al da?
Bai. Kasu gehienetan ikasleen gramatika maila nahiko ona izaten da, baina hitz egiteko erraztasuna falta zaie. Horregatik, programa hauen lehentasuna ezagutzak horiek praktikan jartzea da, oinarriak finkatu eta hizkuntzan aurreratzea. Baina kontuan izateko beste puntu garrantzitsua bizitzaz ikastea da. Kanpora joatea eta beste herrialde batean bizitzea, bizitzeko hainbat modu daudela erakusten du eta desberdinak izateagatik ez direla hobeak edo txarragoak. Beste hizkuntza hitz egiten den hiri berri batean autonomoa izatea eta gurasoen laguntzarik gabe aurrera egitea oso aberasgarria da. -
Ze jarduera egiten dira?
Norako bakoitza bere kirol, gizarte eta kultural jarduerak programatzen ditu, prezioan barne daudenak. Jarduera horiek group leaderrarekin egiten dira. Asistentzia derrigorrezkoa da. Programan azaltzen denean, jolas eta jarduera kulturalak, kirolak eta jaiak barne egongo dira. Eskolek gaubelak prestatzen dituzte normalean. Programan dauden jardueretara eta txangoetara joatea derrigorrezkoa da. Ikasle batek gaubela batera joatea nahi ez baldin badu, aldez aurretik group leaderrari eta bere familiari esan beharko dio. Ikastaro bakoitzeko deskribapenean, prezioan barne dauden txango kopurua adierazten da. Hainbat arrazoi kontuan izanda (eguraldia adibidez), txangoak, jarduerak eta bisitak alda daitezke. Eskolek beste jarduera eta txangoak proposa ditzakete. -
Prezioan barne al daude jateko guztiak?
Eskainitako programa guztiak mantenu osoko errejimena dute barne, Estatu Batuetako txango egunetan izan ezik.
-
Nire semea/alaba oso gaztea da, nora bidaliko dut?
Edozein programan parte hartzeko, garrantzitsuena ikaslea animatuta egotea eta bere heldutasun maila egonaldiaz disfrutatzeko nahikoa izatea da. Talde guztiak group leader batekin joango dira eta honek bere laguntza eskaintzeaz gain, euren galdera guztiak (nahiz eta zentzugabekoa dirudi) erantzuteko prest egongo da. -
Zein da programa klasikoen, tutoretzen eta bizikidetzen arteko desberdintasuna?
Programa klasikoetan (Erresuma Batua, Irlanda, Malta eta Toronto), nazioarteko 15 ikasle inguru egongo dira klase bakoitzean, norakoa kontuan izanda. Tutoretzetan (Irlanda eta Erresuma Batua) irakasle bakoitzeko 4 edo 5 ikasleetako taldeak osatuko dira. Honi esker, klaseak intentsiboagoak izango dira eta arratsaldeetako jarduerak ere talde txikietan egingo dira. Gramatika testa bidaia baino lehen egingo da eta horrela taldeak mailakatuta egongo dira. Estatu Batuetako programetako helburua argi dago; ikasleek euren ingeles maila praktikatu eta hobetu ahal izango dute amerikar familiarekin. Herrialde honetako kultura eta ohiturak ikasteko aukera ere izango dute. Arrazoi horregatik, programa honetan, ikaslearen ingeles maila familiarekin hitz egiteko maila nahikoa izan beharko du. Ikaslearen heldutasuna familiaren bizi modura ohitzeko nahikoa izan beharko da.
-
Eta nire ostatuarekin zailtasunik baldin badut?
Group leaderrak bere laguntza eskainiko dio ikasleari. Edozein zailtasun ematen denean, group leaderrari esango dio lehendabizi, bertan dagoenez, bera delako lekuko erreala. Ostatua familiarekin denean, gaztelaniaz zein euskaraz hitz egiten duen ikasle bakarra izango da. Batzuetan ikaslea familia bat baino gehiagorekin biziko da programan zehar. Europako programetan, familiak herrialde desberdinetako ikasleak hartzen dituzte. Hala ere, ohiz kanpoko kasuetan, atzerriko erakundeak hizkuntza bereko bi ikasle familia berean kokatu ahal izango ditu. Familia anfitrioiak ez dute beti eredu tradizionala (bikotea semeekin) segitzen. Ohizkoa da familiak animaliak edukitzea, batez ere Estatu Batuetan.
-
Denbora librea dago asteburuetan? Txangoak egiten dira?
Hau programen arabera izango da, batzuk larunbatetan egiten dituzte egun osoko txangoak. Horrela ez bada, asteburua familiarekin egoteko momentua da, euren planetan parte hartzea da ingelesa praktikatzeko aukera onena. -
Ba al du aseguru medikoa? Nola funtzionatzen du?
Programa guztiak aseguru-poliza bat daukate, estaldura medikoa, istripuetarakoa, erantzukizun zibila, galdutako ekipajea% Aseguru-poliza horren kopia bat banatuko zaio ikasle bakoitzari. Edozein ezusteko gertatuko balitz, ikaslea zein familia anfitrioiari, group leaderrarekin jarriko dira kontaktuan, ikaslea medikuarengana eramateko, edo kasu larrietan, erabaki onena hartzen laguntzeko. Europako programa batean parte hartuko diren ikasleei, Osakidetzako Europar Osasun Txartela (TSE) eskatzea gomendatzen diegu. Oso garrantzitsua da estaldurak eta esklusioak irakurtzea, baita aseguruari buruzko informazio guztia. Horiek banatutako programako agirietan aurkituko dira. Ikasleak dira bere diru, objektu pertsonal eta jabetza guztien arduradunak. Aseguruaren erreklamazioa gertatuko balitz, parte hartzaileak (gurasoak edo tutore legalak) aseguruetxera joan beharko dira. -
Bidaia prezioaren barne dago?
Irteerak eta iritsierak Bilbotik eta Bilbora izango dira, kontrakoa adierazten ez bada. Atzerriko taldeko programetan, hegazkin bidaiak gehienetan hegaldi arruntetan egingo dira eta atzerriko herrialdean egindako joan-etorriak prezioan barne daude, eskolako edo/eta STEP-eko laguntza pertsonalarekin.