Binder1 by Solo DI Pueblo

Minister Gerlien Croes ta ‘perde cara’ cu acusacion falso contra ex Minister di Finansa Xiomara Maduro durante tratamento di Presupuesto 2025:

Parlamentario Rocco Tjon:

Gabinete eman-3 a kita e cambio pa corta

8.5 miyon florin na e bureau di ministers

Ta scoge si pa corta den enseñansa, sector social y husticia

Algun siman pasa ora nos a trece pa dilanti cu Gabinete Eman 3 ta bay corta 10% den tur departamento, Prome Minister Eman y Minister Gerlien Croes a sali bisa cu esaki no ta berdad. Nan a indica cu e recorte ta referi na recorte na e bureau di Ministers so.

No ta bay corta 8.5 miyon na bureau di ministers aworaki Durante tratamento di presupuesto Minister Geoffrey Wever a presenta un nota di cambio caminda ta saca e recorte di 8.5 miyon florin na bureau di

ministers afor. A puntra mesora kico ta e motibo pa laga esaki afor awor, mirando cu nan mes a campaña cu esaki y cu nan a bisa cu e recorte no lo ta den departamentonan pero na e bureau di Minister. Minister Geoffrey Wever a contesta cu mester haci un mihor analisis.

Ta corta si den enseñansa, husticia y sector social Pa introduci un recorte mesora den husticia y e sector social cu 6.2 miyon florin no tawata tin mester di analisis. Pa corta 2.9 miyon florin den enseñansa no tawata

Partido MEP:

Nos Muchanan, Nos Prioridad!

luna

tin mester di analisis. Y tampoco tawata tin mester di analisis pa kita 20 miyon florin pa traha cas social y asina tambe baha huur pa esnan cu ta biba den cas di FCCA.

Pa conclui

Nos ta lamenta e excusanan cu ta wordo duna pa no inverti den e diferente sectornan. Si bo no sigui aloca fondo, manera nos a bin ta haci durante e ultimo Gabinetenan Wever-Croes, esaki lo causa mas problema pa futuro y conseceuntemente e lo costa mas placa tambe.

di april ta decreta como luna nacional di abuso contra nos mucHanan

ORANJESTAD – Luna di April a wordo decreta como luna nacional di conscientisacion pa loke ta abuso di mucha. Den conexion cu esaki, Parlamentario Evelyn Wever-Croes ta extende un invitacion na tur instituto, fundacion y instancianan gubernamental pa pone enfasis riba abuso di mucha y con por evita esaki.

Gabinete Wever-Croes

den gobernacion a tuma hopi paso pa purba limita y preveni abuso di mucha, y den caso tal cu e tuma luga pa por actua lihe. Na aña 2020, Gabinete Wever-Croes II a aumenta e ley di castigo di abuso sexual contra nos muchanan. Despues a fortifica e institutonan introduciendo e codigo di proteccion pa asina por detecta cualkier abuso contra nos muchanan di trempan y pa por actua lihe.

“Nos muchanan ta wak nos como adulto pa duna nan cariño, stimanan y protehanan.

P’esey ban haci e luna aki uno nacional na unda tur ciudadano di pais Aruba ta reconfirma nan compromiso pa duna nos muchanan e cariño, e amor y e proteccion cu nan merece” Parlamentario Wever-Croes a expresa.

ZONIDO DI AUTO Y BROMMER TA TERRORISA

BARIONAN: POLIS MAN CRUZA?

Habitantenan di Siribana, Sero Compa, Kadushi Largo y Cas Ariba ta expresa nan profundo preocupacion y frustracion pa cu e disturbio constante causa pa autonan y brommernan cu ta core cu sonido duro y explosivo, similar na pagara. E sonido aki ta causa miedo y ansiedad, specialmente pa personanan cu problema di curason, poniendo nan bida na peliger.

E habitantenan ta sinti cu nan no tin proteccion di polis, ya cu nan ta declara cu nan no por haci nada contra e abusadonan aki. Nan ta argumenta cu e malechornan tin mas derecho cu ciudadanonan cu salud delicado. E situacion a bira insoportabel, y e habitantenan ta pidi pa accion urgente di polis. Nan ta lamenta e falta di cooperacion ora nan pidi pa control den nan bario, y ta expresa nan desapunto specialmente den

bario di Kadushi Largo, unda un funcionario di polis ta biba sin cu e ta haci nada pa resolve e problema.

Señor agentenan Maduro y Croes, e habitantenan ta suplica boso pa sali for di oficina y bin presencia e situacion den barionan di Siribana y vecindario. Nan ta teme cu si no tuma medida, un di nan lo bira victima di un accidente of un atake di curason. Ta tempo pa actua prome cu ta laat.

Parlamentario Endy Croes: NO POR LUBIDA E MENTE CRIMINAL DI AVP Y

MIkE EMAN, BENNY SEVINgER Y PAUL CROES TA

EhEMPELNAN BIBO DI CORUPCION DEN DIA CLA

Di acuerdo cu Parlamentario Endy Croes pueblo no mester lubida mucho lihe e mente criminal di AVP y Mike Eman. Ta hustamente bou di liderazgo di Mike Eman entre añanan 2009 pa 2017 Aruba a pasa den su momento nan di mas malo. Tanto financieramente unda Mike Eman a percura pa crea e Mega Debe, como den casonan historico di corupcion den dia cla unda dos ex minister di AVP tanto Paul Croes (caso IBIS) y Benny Sevinger ( caso Avestruz) a wordo condena hunto pa mas cu 7 aña di prison. Asina grave e corupcionnan aki tabata ta cu (3) Hues den Hoger Beroep mester a aumenta nan castigo di prison. Mike Eman awe ta bolbe ricibi un chens cerca e pueblo di Aruba y nos lo bay percura pa ta monitoria tur desicion di cerca pa casonan di corucpion conoci pa politiconan di AVP no ripiti nunca mas.

Huesnan a puntra Benny dicon el a duna Sussebeek 28.000 m2 di tereno

Durante e caso Avestruz di ex minister di AVP Benny Sevinger

Hues a bati duro riba e dedenan largo di Benny Sevinger. Hues a hinca Benny den un caya sin salida momento el a puntra Benny dicon Benny a duna su “best friend” Sussebeek 28.000 m2 di tereno. Mientras e homber chikito y humilde tabata bringa pa haña un pida tereno di 300 of 400 m2 pa traha su cas, amigo di Benny a haya 28.000 m2 di tereno y a haci negoshi cu esakinan(patrimonio di pueblo).

Huesnan den nan veredicto a usa e sancion ‘verbeurklaring’, pues “kita” 2.4 miyon florin di e cuenta di Sussebeek na ORCO Bank na Corsou como cu tin suficiente prueba cu placanan aki a wordo gana door di negoshi corupto cu tereno. E corupcion di mas grandi den historia di Aruba di AVP y su gang!

Holiday Inn a paga 8000 US dollar pa fiesta di Benny su yui

Den mesun caso aki tambe a bin

dilanti na un manera sorpresivo cu Benny Sevinger a haci un fiesta pa su yui muh na Holiday inn. Durante e tratamento di e caso a bin compronde cu Holiday Inn a paga 8000 US dollar pa un fiesta grandi.

Pues Benny a regala e yui un fiesta y a invita friends and family bin bebe y come y doño di Hotel a paga e fiesta aki pa Benny su yui.

No ta desconoci cu dicho hotel tabata enbusca pa mas tereno pa amplia cu 600 kamber.

Nos no ta sigur si dicho fiesta tabata pa e mesun yui cu a bira Parlamentario recientemente pero kisas e mes por aclarea esaki. Parlamentario Croes ta splica cu e lo keda recorda pueblo riba AVP su fechorianan. Pueblo tin derecho di memorisa e ex ministernan di AVP, kendennan bou liderazgo di Mike Eman a comete e corupcionnan di mas grandi den historia di Aruba y a wordo condena den corte pa bay KIA.

Lo percura pa keda controla interes di pueblo pa e mala maya di partido AVP, e Universidad di Corupcion, no contagia e politiconan nobo cu a join AVP, cu talbes no conoce e historia scur y berdadero di nan propio partido.

Departamento Di Labor ta cera pa pubLico Diahuebs 3 Di apriL 2025

ORANJESTAD - Departamento di Labor y Investigacion kier ta participa na tur cliente cu riba diahuebs 3 di april 2025 nan lo ta cera henter dia pa publico en conexion cu trabaonan di mantencion grandi na e airconan unda cu piso 0 y piso 1 no lo ta accesibel.

Riba e diahuebs aki por tuma contacto cu e Departamento di Conflicto entre 8:00’or pa 11:00’or di mainta y di 1:00’or pa 3:00’or di atardi riba e siguiente numbernan:

 593-6934

 593-8549

 593-8024

 593-8316

Pa tur otro asunto por tuma contacto cu Departamento di Labor riba e number 593-2107.

Diabierna 4 di april 2025 nos oficina lo ta habri bek segun orario normal.Nos ta pidi disculpa si esaki por trece cualquier inconvenencia y nos ta yama pueblo danki p’e comprension.

poLis na aruba ta Laga nos bario sa cu nan no por hasi naDa contra e abusaDornan aKi

cu ta coriendo auto y brommer cuta pone e sonido cu ta CLAP duro y nota un clap pero awo eta mas duro y manera un pagara cu concecuencia. ya e por ta fatal pa personannan cuta sinti di curason y polis nan no por persigi e malechornan aki Pasobra nan por causa acidente y e malechora por sali herida.

Dus ami y hopi personanan cu tin un curason cuta funciona 45% of menos no tin derecho ya cu e malechornan ta pone nos bida na peliger.

Un malechor tin mas derecho cu un persona delicado di salud. SIRIBANA ANGOCHI,

SERO COMPA, KADUSHI LARGO, CAS ARIBA TA CANSA DI E DESORDO DI E PERSONA NAN AKI. Y ORA NOS PIDI PA POLIS CONTROLA DEN BARIO NOS NOTA HAJA COPERSHON. Y PIO DEN BARIO DI KADUSHI LARGO NA UNDA TIN 1

FUNCIONARIO DI POLIS TA BIBA Y NOTA HASI NADA CU E SITUACION AKI. SR AGENTE NAN MADURO Y CROES A JEGA MOMENTO DI SALI FOI OFICINA Y BIN BISHITA NOS DEN BARIO DI SIRIBANA Y BESINDARIO. OF ALGO MESTER PASA CU MAJAN UN DI NOS LOTA ESUN CUTA SALI PERGUDICA Y TA LAAT.

richarD DeLuvia recibienDo su Decreto gubernamentaL como gratituD Di nos

Directeur siegfrieD Dumfries

Awe dia 2 di april, Richard Deluvia a cumpli 35 aniversario trahando pa Pais Aruba. Richard a dedica su bida profesional como Audiovisueel Medewerker

na Departamento di Cultura Aruba (DCA), contribuyendo grandemente na preservacion y promocion di nos cultura.

Na e ocasion aki, director

di DCA, drs. Siegfried Dumfries, a entreg’e su Decreto Gubernamental como gratitud pa su dedicacion y trabou. Pabien Richard!

Partido MEP: PARTIDO MEP A ENTREGA E RELATO ANUAL FINANCIERO DI PARTIDO MANERA TA STIPULA

PA LEY PROME CU 1 DI APRIL

Ley ta stipula cu cada partido político mester entrega un relato anual financiero prome cu 1di April di e aña siguiente. Lider di partido Movimiento Electoral di Pueblo (MEP) Evelyn Wever-Croes a indica cu partido MEP, manera ley ta stipula, e entrega e relato anual di aña 2024, dia 31 di Maart 2025.

Lider di partido a splica cu e relato aki ta refleha no solamente e operacion di e partido pero tambe campaña electoral 2024. Entradanan di partido MEP ta consisti di contribucion di miembronan, di donacionnan y di e actividadnan di fundraising di cual tur a wordo declara na electorale

raad.

E gastonan di partido tabata mayoria operacional, mirando cu partido MEP a traha hopi riba e infrastructura di cede. Paden a wordo drecha y pafo comunidad completo por admira e bunita mural. Tambe partido MEP a inverti den e ultimo campaña cu tabata uno hopi intenso. Pa cu e gastonan, por nota den e relato anual cu a keda un debe chikito ainda na banco cu lo mester cumpli cun’e den e proximo simannan

“Mi kier gradici nos presidente señor Ricky Hoek, nos tesorero, y tur esnan cu a yuda nos traha riba e relato anual aki pa

asina partido MEP un biaha mas por cumpli cu ley manera ta stipula cu mester entregu’e prome cu

1 di April” Lider di partido a expresa.

CRUZ CORA TA FORTICA SU CAPACIDAD PA RESPONDE DEN CARIBE PA EVITA SEPARACION

DI FAMIA DEN SITUACION DI DESASTER

Kingston, Jamaica– Den luz di e consecuencianan humanitario di disaster natural den Caribe, e “Family Links Network (FLN) a cuminsa awe cu un reunion pa reforza “Restoring Family Links” (RFL), cu coordinacion, preparacion y respuesta na emergencia, incluyendo desaster. Den e reunion aki na Jamaica, ta participa 20 Sociedad Nacional di Cruz Cora di e region y e paisnan cu ta papia ingles y frances (Antigua y Barbuda, Aruba, Bahamas, Barbados, Belize, Bonaire, Curacao, Canada, Dominica, Grenada, Guyana, Haiti, Jamaica, St. Kitts y Nevis, Saint Lucia, Saint Vincent y Grenadines, Suriname, Trinidad y Tobago, Turks & Caicos y U.S.A),Federacion Internacional di Cruz Cora y Sociedadnan (IFRC) y Comision International di Cruz Cora (ICRC).

Enfoke di e meeting aki ta, entre otro: resforza e trabou y comunicacion,

pero tambe e coordinacion entre e sociedadnan nacional. Tambe nan lo tin oportunidad pa comparti experiencia, reto y practicanan den e field di RFL. Preparacion, respuesta den desaster, proteccion di data personal, prevencion di separacion y desaparacion bou e circunstancia di desaster. Fenomeno natural, ocasiona pa cambionan climatico y aumento di tormentanan y horcan den Sur Atlantico y Caribe ta causante significante di perdida di material, separacion di famianan, desaparicionan y morto tur aña. E situacion aki tin hopi impacto riba servicionan y comunicacion ta aumenta vulnerabilidad di comunidadnan, lagando nan den duda y ansioso pa cu e seguridad y paradero di nan sernan keri y ta disminui nan capacidad pa recover.

Internacional ta desplega su programa di Restoring Family rond mundo, pa yuda miles di persona mantene y reestablece contacto cu sernan keri, pero tambe pa localisa nan via e Family Links Network. Esaki ta wordo realiza cu coordinacion cu autoridadnan y por medio di varios servicio, manera: yamadanan telefonico, coneccion di internet (tin ora via sateliet),

cargamento di ekipo di comunicacion cu coriente, mensahenan skirbi di Cruz Cora, peticionnan di rastreo, buskeda etc.

E Movimento di Cruz Cora Internacional ta e red humanitario mas grandi di mundo, cu su mission ta pa preveni y alivia sufrimento humano den tur situacion; proteha bida y salud; y a sostene dignidad humano, particularmente

den situacion di conflict arma, violencia arma y otro emergencianan.E Movimento ta consisti di Federacion Internacional di Cruz Cora (IFRC), Comision Internacional di Cruz Cora (ICRC) y e 191 Sociedadnan Nacional, presente den casi tur pais na mundo.

Pa mas informacion: info@ redcrossaruba.com

Movimento di Cruz Cora

Parlamentario Shailiny Tromp-Lee: TraTamenTo di PresuPuesTo 2025 a demosTra falTa di comPromiso Pa bienesTar di Pais

Ta un hilaridad cu AVP a sugeri durante tratamento di presupuesto 2025 cu ta algo historico cu Gabinete Croes-Eman a atende e reunion pa trata presupuesto di pais Aruba direct despues di nan huramentacion. Manera cu ta algo grandi y “sobre humano”. P’ami sigur esaki no ta e caso.

Di dia 29 di augustus 2024 e presupuesto a keda entrega. Di dia 5 di februari nos a haya e Nota naar aanleiding van het verslag cual a haci e presupuesto cla pa trata, pero Presidente di Parlamento a dicidi pa yama e reunion pa atende cu Presupuesto di Pais Aruba te dia 7 di maart 2025. Pa nos sorpresa e reunion ta start habri cu un show politico orkestra pa Futuro y AVP, presentando un amienda y caminda e Presidente di Parlamento na un manera anti democratico ta dicidi pa manda e amienda pa conseho na instancianan concerni y djei ta schors e reunion sin tene cuenta cu parlamentarionan di oposicion. Asina un biaha mas ta alarga e proceso pa por yega na aprobacion di e Presupuesto di Gabinete Wever-Croes pa pais Aruba pa aña 2025.

Dia 17 di maart conseho di Caft a drenta na Parlamento y di RvA a drenta di dia 21

di maart. Dus di dialuna 24 di maart nos por a continua cu tratamento di presupuesto pero un biaha mas agenda di partido ta bay riba bienestar general y negosacionnan pa forma un gobierno ta mas importante.

Pa mi ta hopi duidelijk cu e situacion cu nos a haya nos aden pa loke ta trata presupuesto di Pais Aruba ta refleha e realidad cu despues di eleccion di dia 6 di december 2024 nos tur a experiencia. Esta a tuma tempo pa celebra Pasco y Aña nobo, djei a start cu negosacionnan, esakinan desde un principio no a cana smooth, djei hopi laat nan a inicia cu screening, cual tambe a tumanan hopi tempo pa keda cla y un eternidad pa nan a yega na nan plan di gobernacion y por a firma esaki. Durante reunion mi a indica cu ta nan propio decision di no laga Gabinete Wever-Croes mes defende nan presupuesto y djei huramenta. Ta nan decision y escogencianan ta loke a conduci cu a keda nos solamente dia 28 y 31 di maart pa trata e presupuesto pa aña 2025, mirando cu Gerlien no por perde cara y mester cumpli cu e fecha 31 di maart cu a keda “stipula” pa CAft y Rijksministerraad.

Nan decision sigur e debilita

nan propio fraccionnan cu casi no a haci pregunta y solamente por a felicita nan e ministernan cu nan nombracion, deseanan exito y elogianan cu ya e mesun dia nan mester a bin defende e presupuesto di Gobierno di MEPRaiz pa aña 2025. Mi persona sigur a keda hopi decepciona mirando cu hopi di e parlamentarionan nobo a indica cu nan meta ta pa eleva e debatenan den parlamento. Mirando cu presupuesto di Pais Aruba ta e ley mas importante cu nos ta trata como Parlamentario mi a spera hopi mas mirando cu ami nunca mas lo lubida nos prome reunion di presupuesto caminda a keda bisa cu nos tabata pio

cu oposicion. Mi ta spera cu nan lo sa di ta critico y pone bienestar di nos pais na prome lugar.

Parlamentario Evelyn Wever-Croes: Danki pa Duna nos henDenan cu autismo mas atencion y oportuniDaD

“Si bo husga un pisca, pasobra e no por subi un mata, e pisca lo pasa henter su bida pensando cu el a faya”.

Cada ser humano tin su habilidadnan cu e ta bon den dje. Hendenan cu autismo tambe.

Ban busca e bon den cada hende, y encurash’e pa e ta mihor den esey, hasta si e ta total diferente na otronan. Ban haci un oracion special pa e mayornan y maestronan di muchanan autista, cual bida a ofrece nan e oportunidad di yuda transforma y optimalisa e habilidadnan di nos muchanan.

Sigur, e no ta un encargo facil,

pero ora e ta duna su fruto e ta algo masha bunita pa experencia.

Sin e mayor, maestro y maestra dedica aki, e futuro di e mucha lo ta scur. Debi na e extra esfuerso y amor di e mayornan y maestronan, nos muchanan autista tin un oportunidad.

Ta tuma calidadnan hopi especial pa por cuida y guia muchanan special, ademas di hopi dedicacion y pasenshi, y mas cu tur cos: hopi amor. Di curason DANKI!

Minister Gerlien Croes ta ‘perde cara’ cu acusacion falso contra ex Minister di Finansa Xiomara Maduro durante tratamento di

Presupuesto 2025:

Cambio fisCal pa baha loonbelasting pa benefiCia pueblo ta legal

Den su discurso na final di e tratamento di Presupuesto 2025, Minister Gerlien Croes a lansa un acusacion falso contra ex Minister di Finansa y awo Parlamentario Xiomara Maduro. Segun Gerlien, e cambio fiscal cu ex Minister Maduro a haci pa baha loonbelasting tabata contra ley, y pesey e hecho cu Parlamento di Aruba ta aproba e Presupuesto 2025 na forma unanime, lo yuda pa ‘scapa Xiomara’, ya cu ta legalisa e desicion contra ley tuma pa e ex mandatario di finansa.

Pa contradeci e acusacion falso aki, Parlamentario y ex Minister di Finansa Xiomara Maduro den un punto di orden a splica cu e cambio fiscal haci ta legal. El a splica cu pa ley e Minister di Finansa via un Decreto Ministerial por haci cambio den

tarifa y esey ta locual corectamente el a haci tambe pa beneficia un gran parti di e Pueblo trahado cu ta paga belasting.

Parlamentario Xiomara ta haya lamentabel cu Minister Gerlien como un hurista di profecion, ta lansa acusacion infunda asina sin lesa y compronde kico ley ta stipula. Di e manera aki Gerlien como mandatario y hurista ta ‘perde cara’ como un profesional y ta mustra mas manera un hende no educa cu ta djis lansa mentira pa haya acohida.

Parlamentario Maduro ta di opinion cu si Minister Gerlien no tabata desea pa e clase media di Aruba haya un alivio fiscal, e mester a tuma e corahe di pidi su colega Wever di Finansa pa cambia e desicion. Algo cu cualkier mandatario na

tino no lo haci. Sinembargo tabata tristo si pa mira cu ningun di Gerlien su colega ministernan cu ta hurista, Wever, Eman y Dowers, no a purba sikiera pa scapa Gerlien di ‘perde cara’ lansando acusacion

sin base contra ex Minister di Finansa Maduro.

NA ESNAN CU TA KERE DEN

IMAGENNAN DI DIOSNAN FALSO, AMULETONAN Y TALISMANNAN

Tin hendenan conciente y inconciente, nan no sa loke ta di Dios y nan no sa loke ta bini di satanas den e creencianan di supersticion. Hendenan cu ta biba pa biba den pika, ta nan ta usa e sorto di creencianan den amuletonan y den talismannan ariba nan curpa y den nan cas. Hendenan sin fe ta usa tur sorto di amuletonan y talismannan den creencianan mistico, pa proteccion, pa suerte etc.. Nos mester comprende, cu den e culturanan bieuw, den Testament Bieuw e amuletonan y e talismannan tabata hopi usa den e pueblonan pagano. E hendenan den paganismo tabata usa e amuletonan, talismannan como “magic charms”. E hendenan pagano tabata usa talismannan grandi di satanas y tambe nan ta usa imahennan di diosnan falso den nan cas. Hendenan Cristian mester comprende bon, cu tur e sortonan di amuletonan y imahennan di diosnan falso ta bini di satanas, e.o imahen di dios falso di budda na cadena of na porta, imahen di olifant na muraya, imahen di dragon, creencia den spielnan na muraya of na porta, imagen di dios falso di inca's, di azteca's, di hindu, di egypcionan, creencia den colga aloe den cas of na porta, esnan cu ta pone furu diabolico den cas, creencia den suerte den hoef di cabay, esnan cu ta pone linja cora na man y na pia, creencia den boonchi como amuleto, amuleto den pata di konew, simbolo satanico den “devil horn”, e simbolo di pas satanico { crus boca abao kibra den circulo } riba t-shirt etc. etc.

Den Bijbel 2 Reynan 23: 24 ; “Rey Josias a keda conforme den tur e palabranan di e Ley scirbi den e buki, cu e sacerdote Hilkias a encontra den e tempel di Dios. Y tabata asina cu el a laga elemina tur esnan den spiritismo y na esnan den adivinonan, na esnan cu tin idolonan di diosnan falso den famianan y tur sorto di idolonan abominabel cu tabata ser haya den e pais di Huda y den Herusalem”. Nos mester comprende cu den e di Prome Mandamento di Dios Tata ta bisa: “ Di stima y adora bo Senjor y bo Dios di henter bo curason, di henter bo alma, di henter bo ser, di henter bo sintir y mas cu tur cos den mundo.”

Den e Mandamento di Dios Tata aki, ta prohibi hende di kere y di confia den tur e sorto di creencianan supersticionnan, di amuletonan, talismannan, imahen di diosnan falso etc. Hendenan cu tino mester comprende, cu ta den Dios so nos mester kere y confia nos destino

final, cu ta e Gloria Eterna. Y no den e creencianan den amuletonan, talismannan y simbolonan cu ta bin di satanas. Pasobra esnan cu tin e sorto di amuletonan y talismannan aki, e spiritonan diabolico ta keda rond di nan. Tur e creencianan paganonan aki, ta un pika grandi contra di Dios Su Prome Mandamento.

Den Bijbel Apocalipsis 21: 6 – 8, {Revelacion di Huan}: “Tambe E'l a bisa mi: Ta cumpli! Mi ta Alfa y Omega, Principio y Fin. Esun cu tin sed, pornada lo Mi dun'e bebe di e fuente di e awa di bida. Esun cu triunfa lo hereda esaki y lo Mi ta Su Dios y e'l lo ta Mi yiu. Ma e cobardenan, e infielnan, e perversonan, e matadornan di hende, e fornicadornan, e sirbidornan di diosnan falso y tur e sakadornan di mentira, nan lugar ta den e tanki cu ta kima di candela y zwafel. Esaki ta e di dos morto.”

Un mensahero di Dios.

FORTALEZA PA FAMIA

Scirbi

pa Pastor Marcel Balootje.

APRECIO Y GRATITUD TA TERAPIA DI DIOS

Aprecio ta algo bunita cu Dios ta pone den nos,pa nos por demostra un na otro.

Hopi biaha nos ta pensa cu nos forma di demostra aprecio, mester wordo demostra cu un regalo, pero no tin nada mas bunita cu expresion di un curason sincero,

Especialmente nos como mayor mester corda cu nos yui mester wordo aprecia, y nos ta prome persona yama pa haci esey. Nos mester aprecia nos hobennan pasobra esey ta demostra amor, y tur hende kier ta den un cas caminda aprecio ta wordo demostra na nan.

E problematica di hoben ta bay rond henter mundo, pero abo como mayor mester duna aprecio na henter bo famia.

Hopi biaha nos ta busca ayudo di dokter y psycologo pa nos yiu, pero ta ta un simpel aprecio e mucha mester cu ta sali directamente for di curazon di su tata.

No lubida con Dios Tata a aprecia Hesus despues di e bautiso den riu Jordan , Mateo capitulo 3 ta bisa nos cu e Spirito Santo a

baha manera un paloma y keda riba Hesus, y ata un bos for di e cielonan , bisando esaki ta Mi Yiu stima den kende mi tin goso.

No tin nada mas bunita ora un mayor ta papia bon di su yiunan, ora un mayor ta contento cu su yiunan, pasobra kico cu pasa bo yiu ta keda bo yiu, e ta keda bo sanger, nunca e por wordo cambia, pasobra yuinan ta regalo di Dios.

Ningun regalo digital , tampoco piedra precioso no por reemplasa e amor y aprecio di un mayor.

Aprecio di Mayor ta habri cielo riba bida di su yiu, ta duna curashi , y yuda forma karakter, ta aumenta stabilidad den e mucha, pa e crece solido den boluntad di Dios.

Aprecio ta bini di Dios directamente for di cielo, pasobra e diabel no tin apresio, tur locual e por causa ta desprecio, pasobra ora un hoben cay den su man, e tin hopi chens di despresia su propio bida ( Juan 10:10)

Hopi biaha bo ta haña cu muchanan ta busca amistad di hende grandi pasobra nan kier siniti nan mes aprecia, y na cas den un bida di violencia domestico, infieldad y inmoralidad, nan no ta ricibi esey.

Aki nos por mira kico ta e balor di Aprecio den Famia.

Mas cu tur cos nos mester ta agradesido na Dios pa tur locual cu E a haci pa nos. Nos curazon mester ta yena cu gratitud na nos Dios, pa asina nos por expresa gratitud na nos famia, y pa asina un por sostene otro

Duna gradicimento na Señor, pasobra E ta bon, pasobra Su misericordia ta pa semper.

Laga e pas di Cristo goberna den boso bida,Tur locual boso haci, haci boso trabao di curason como pa Señor y no pa hende. Sabiendo cu ta for di Señor boso lo ricibi e recompensa di e herencia. Ta Señor Cristo Hesus

ta Esun cu boso ta sirbi.(Colosensenan 3:23+24)

Gratitud na Dios ta demostra crecemento, madures Spiritual,pasobra nos ta realisa cu Dios ta doño di tur cos, y den tur cos e ta misericordioso, E ta libera, y ta duna oportunidad pa cuminsa di nobo, pasobra E ta pordona tur pica y ta duna bida nobo, cambia nos curason, pa asina nos por gosa di e plenitud di bida.

Laga tur hende realisa cu Aprecio y Gratitud ta un forma di biba cu ta bini solamente di Dios, cu nos mester expresa.

Sinceramente, Pastor Marcel Balootje.

7 alimento cu por mehora bo beis

E alimentonan cu bo ta come no solamente ta determina con bo ta zit eruit, sino cu tambe ta influi bo pensamento, emocion y accionnan.

Hopi ta e alimentonan cu por desahusta bo sistema nervioso, treciendo como consecuencia mal beis, cansancio, ansiedad y depresion.

Purba e siguiente alimentonan cu por mehora bo humor. P'esey, si bo a nota cu semper bo ta di mal humor of bo ta sinti un disgusto.

Ta un opcion mas saludabel, economico y simpel na luga di usa remedi.

Solamente tene na cuenta cu si bo emocionnan no ta stabilisa, ta un bon idea pa bishita un psicologo.

Algun biaha e problemanan cu no tin di haber cu loke nos ta come, sino cu e hendenan cu ta rond di nos y e situacionnan cu nos ta biba aden.

1. Cacao of chuculati puro

E prome di e alimentonan cu ta mehora bo humor, ta cacao. E tin un efecto stimulante di felicidad, debi na e teobromina. E kimico aki ta yuda na:

● Aumenta e nivelnan di serotonina y dopamina den e organismo

● Ta relaha e sistema nervioso

● Ta disminui e estadonan di ansiedad y depresion

Cacao tambe ta contene triptofano, un kimico cu ta fomenta e liberacion di serotonina. Pa tur su beneficionan, nos ta recomendabo come un pida repi di chuculati puro of cacao pa dia, pa asina mehora e estadonan di depresion y ansiedad. Lo unico cu bo mester vigila ta cu e chuculati scogi, ta di un contenido halto di cacao. Idealmente e mester ta riba 65%.

2. Noot of nechi

E di dos di e alimentonan cu ta mehora bo beis ta noot of nechi. E ta aporta na e organismo acidonan graso omega 3, cu esaki no ta produci door di su mes. Ora cu bo curpa no obtene suficiente omega 3, e por drenta den estadonan depresivo. Nootnan tambe ta contene triptofano, di cual ya nos a menciona caba.

● Nos ta recomenda consumi 5 noot pa dia pa asina mantene un beis mas stabil.

● Corda cu bo por añadi nan na bo batidonan, na bo desertnan of simplemente come nan como colacion.

3. Bacoba

Bacoba ta otro di e alimentonan cu ta mehora bo beis y cu bo tin cu inclui den bo dieta diario of por lo menos dos biaha pa siman.

Su beneficio na bo emocionnan ta debe na e contenido halto di vitamina B6. Esaki ta interveni den e proceso di transformacion di e compuestonan proteicos di serotonina. Ademas, door cu e ta contene acido folico, vitamina C y fibra vegetal, e ta mehora bo defensanan.

4. Simiya di sesamo E simiyanan aki ta un di e

● Ta recomendabel inclui por lo menos un porcion di e piscanan aki na bo dieta semanal.

● Si ta posibel, inclui nan tres biaha pa siman compaña pa berdura. Sigura cu e pisca cu bo cumpra ta di bon calidad y liber di contaminante. Esaki ta specialmente importante cu salmao, ya cu algun specimen obteni di criaderonan ta alimenta

alimentonan cu ta mehora bo beis pasobra e ta aporta na treonina. Esaki ta un aminoacido esencial cu e organismo no por produci y sintetisa di su mes di forma natural. Ora cu tin nivelnan abao di treonina, bo por experiment tristesa cronico.

● Pa obtene e nutriente aki, nos ta recomendabo inclui un telep di simiya di sesamo den bo saladanan of usa su azeta como parti di bo platonan.

5. Salmao y otro pisca

Otro di e alimentonan cu ta mehora bo beis pasobra nan ta rico den acidonan graso omega 3, ta salmao, tuna of sardin. Esakinan ta incidi directamente den e eficiencia di e movimento di algun neurotransmisor, cual deficiencia por provoca estadonan depresivo.

Ora cu bo ta sinti cu esaki ta sosodiendo, realisa un revision di glucose pa determina si esey ta e problema.

7. Carni cora magro

E ultiom di e alimentonan cu ta mehora bo beis ta carni magro. Esakinan ta rico den acido linoleico, un vet natural cu ta yuda combati stress y e acumulacion di vet den curpa.

E carninan aki tambe ta aporta na hero y omega 3 cu ta yuda mehora e salud celebral.

● Ademas, ta hopi recomendabel cu ora di cushina e carninan, haci'e cu e menor cantidad di salo y vet posibel. Asina, nos lo ta consumiendo e producto sin cosnan añadi y nos lo evita otro problemanan asocia. Manera por ehempel hipertension of aumento di peso.

cu kimico cu por afecta bo humor.

Si bo ta opta pa consumi tuna, percura pa eligi e opcionnan den pidanan natural. Aunke e ta hopi economico come tuna di bleki, esaki ta contene nivelnan halto di salo y di BPA, tambe conoci como bisfenol.

6. Alimentonan rico den fibra

Alimentonan rico den fibra soluble ta yudabo na cambia e estado di animo ora cu esaki ta debe na e alteracionnan den bo nivelnan di suco den sanger.

Si bo ta diabetico, controla bo nivelnan corespondiente. Corda cu e glucose eleva no solamente ta afecta e funcionamento di bo organonan interno: tambe lo ponebo experimenta diverso emocionnan negativo den cuestion di minuut.

Un batido pa mehora bo beis

Un opcion simpel di inclui e alimentonan cu ta mehora bo beis, ta atrabes di baticonan. Lo unico cu bo mester vigila, ta pa e no excede cu e cantidad ya cu ta hopi simpel pa experimenta cu pieknan di glucose.

Purba cu e opcion aki, lo bo descubri cu e ta dushi y hopi simpel. Prueba con esta opción, descubrirás que es deliciosa y muy sencilla. Ingrediente

● 1 cup di lechi sin vet (250 ml)

● ½ bacoba

● 5 noot

● 1 telep di cacao of un pida chuculati marga (5 g)

Preparacion

● Pone tur e ingredientenan aki den un blender y mesclanan te ora cu obtene un mescla homogeno y bebe di

Descubri alimeNtoNaN impresciNDibel cu No por falta DeN bo Dieta

Nos lo mustrabao algun alimento imprescindibel di cual propiedadnan nutricional ta haci nan necesario pa un dieta sano y balansa. Pa suerte, nan ta alimentonan habitualmente facil pa haya y pa inclui den cualkier plato.

Tomati

Un dieta balansa mester contene un poco di tur cos, pero nunca mester falta tomati. E tin antioxidante, cu ta yuda na e rehubenecimento celular, y vitaminanan A, C y E.

E tomati aprecia antes tabata wordo como un mata decorativo, te cu den siglo XVIII, a cuminsa consumi'e como alimento.

Ademas, tomati ta di puro awa, loke e ta bira ideal pa mantene e peso. E ta posee tambe un substancia fantastico pa e organismo, Licopeno, cu ta preveni e aparicion di cierto cancernan, manera di pulmon y di prostaat.

Awacati

E dushi awacati tin un espectro di beneficio cu ta yuda for di un muhe na estado, pa un homber adulto. E ta posee acido folico, necesario pa preveni malformacion den e fetus y su vetnan ta impedi e desaroyo di colesterol.

Knoflok

E alimento imprescindible, aromatico y fresco aki, ta un protector natural di e organismo. Ta miho consumi'e fresco, ya cu ta e forma cu e ta mantene tur su propiedadnan.

Ademas, e ta un excelente regulador di presion arterial y ta yuda e digestion.

Di un otro banda, hopi chef ta recomenda saca su parti interior berde, pasobra e por resulta pisa pa e digestion.

E resto di e djente di knoflok por wordo consumi completo. Ademas, como curiosidad, knoflok por tin cierto efectonan afrodisiaco.

Selder

Selder ta famoso pa stimula e potencia sexual. Ademas, su con-

sumo ta yuda mehora e problemanan chikito di memoria vincula cu edad. Selder tambe ta posee un porcentahe halto di hero, pesey e ta un aliimento imprescindible contra anemia.

Por ultimo, como curiosidad, e juice di selder ta yuda supera e trastornonan di soño.

Chuculati

Aunke ta acus'e di faborece e ganamento di peso, chuculati tin mas virtud cu defecto. E ta energetico, ya cu consumiendo un cntidad chikito ta gana hopi den

energia.

Ademas, solamente 100 gram di chuculati scur, ta posee 375 miligram di fosforus.

Di un otro banda, e polifenolnan cu e chuculati ta posee, ta convirti'e den un protector cardiaco y un agente preventivo di cancer.

Spinazie

Spinazie no solamente ta duna forza, sino cu ta yuda na mantene un bon bista. Ademas di ta un fuente basico di hero, spinazie ta asina bon of miho pa e bista cu un wortel, ya cu e ta concentra un bon cantidad di luteina, un substancia cu ta fortalece e retina.

Appel

Appel ta e fruta pa excelencia. E alimentonan imprescindibel aki

ta reduci e cantidad di proteina y lipido y ta posee un porcentahe halto di vitamina, awa y salo. Ademas, tambe ta actua contra e daño di celnan celebral.

Rasenchi

Ta berdad, rasenchi tin bastante concentracion di sucu, pero net esey ta hustamente loke ta convirti'e den un maraviyoso motor di energia pa mucha, adultonan mayor y deportista. Ademas, den su espacio reduci, e ta posee un balans casi perfecto di cinco importante mineral: calcium, magnesium, fosforus, hero y potasium.

Alimentonan imprescindibel: Salmao

Salmao, specialmente esun silvestre of salvahe, ta posee cantidad-

nan grandi di Omega-3, un substancia cu ta preveni malestarnan cardiaco. Lo mas recomendabel ta incorpora e pisca aki den e dieta infantil pa su fantastico aporte nutricional.

Yoghurt

Un yoghurt pa dia ta yuda cualkier adulto pa fortalece e calcium den e organismo y na mucha pa preveni infeccion.

Ademas, e ta un producto hopi recomendabel pa dietanan abao den caloria.

Vol of sin vet, yoghurt ta un producto perfecto pa bo alimentacion.

Brocoli

Brocoli ta un bon fuente di vitamina A (principalmente den forma di beta-karonteen), di vitamina C y di acido folico.

Esaki ta asina te na e punto cu un racion di 200 gram, ta aporta mas di tres biaha mas di e recomendacionnan diario di vitamina C y e mita di e ingesta recomenda di acido folico.

Berries

Nan ta wordo considera un fuente di vitamina C y K, ademas di su rikesa den manganeso. Berries ta alimentonan imprescindibel perfecto pa come nan so of como parti di un receta, por ehempel, cu yoghurt.

Ya sea di color cora, preto, no lage di purbe como acompañamento pa smoothies, tert of otro dessert.

Intel I genc I a DI Un

m U cha n O ta D epen D e DI SU n O tanan

Aunke cu nos sa cu e inteligencia di un mucha no ta depende di su notanan, manera con nos ta laga nos mes como mayor, impresiona cu e cualificacionnan!

Un excelente ta yena nos di orguyo, un onvoldoende of suspension, ta decepciona nos, manera cu e nota aki lo defini kende nos yiu ta y cualnan ta su capacidadnan.

E cualificacionnan escolar ta un forma di midi un conocimento. Sin embargo, no ta duna cuenta di e esfuerso y e dedicacion cu e mucha a inverti den e proceso di aprendisahe. Tampoco ta demostra si efectivamente e mucha a siña algo di forma consistente. Un mucha cu un bon memoria, kisas ta obtene bon punto.

Un mucha cu un inteligencia distinto den e materia den cual e ta wordo evalua, por haya onvoldoende. Sin embargo, den e materia vincula cu su tipo di inteligencia, seguramente e lo ta exitoso.

Inteligencia di e mucha

Si. Segun e psicologo y investigador Howard Gardner, den cda persona tin ocho tipo di inteligencia

of habilidadnan cognoscitivo. E teroaia di inteligencianan mulitple aki, ta reconoci den hopi ambito educativo.

Di acuerdo cu e planteamento di e profesor Mericano aki, no ta existi un unico inteligencia unico humano. Tin un diversidad di inteligencia, cu ta marca e potencialidad, fortalesa y debilidadnan cu cada individuo tin y cu lo marca su actuacion den distinto scenario. E teoria di inteligencianan multiple aki, ta permiti balora, compronde y stimula e potencialidadnan di cda mucha, mas leu di loke por midi un indice di conciente intelectual.

Bo yiu tin tur e tipo di inteligencianan aki, solamente cu uno ta mas preponderante cu otro.

E inteligencia di e mucha pa matematica, por yud'e tin bon resultado. Sin embargo, no lo ta igual si e inteligencia pa linguistica of pa deporte ta mas debil. Tur esaki ta pone den evidencia e berdda cu e notanan no ta representa e inteligencia di e mucha.

E tiponan di inteligencia

Inteligencia linguistico

SUDOKU

E muchanan cu e tipo di inteligencia aki ta siña skirbi, lesa, conta cuenta of haci crucigrama cu suma facilidad. Su lenguahe orral ta asina bon como esun skirbi. E tin facilidad pa siña idioma.

Inteligencia logicomatematica

Muchanan cu ta resolve cu facilidad problemanan aritmetico, problemanan di logica-matematica, weganan di strategia y experimento. Na esunnan cu e tipo di inteligencia aki ta resulta nan hopi facil resolve pruebanan di conciente intelectual. Inteligencia visual y espacial

Muchanan cu gusta dedica nan tempo liber pa pinta, gusta resolve puzzel of ta prefera weganan di construccion, tin e tipo di inteligencia aki. Nan ta pensa den imagen y dibuho.

Inteligencia musical

Ta muchanan cu ta disfruta, siña y aprecia e cancionnan y musica. Nan ta identifica cu facilidad sonidonan. Nan tin e facilidad pa siña toca un instrumento musical. Inteligencia corporal cinestesico

FORTALEZA PA FAMIA Scirbi pa Pastor Marcel Balootje.

NOS TUR LO BENEFICIA , ORA NOS UNI DEN ORACION

Atrobe Mi ta bisa boso,cu si riba tera,dos di boso bay di acuerdo tocante cualkier cos cu nan pidi, esaki ta wordo haci pa nan, door di Mi Tata cu ta den shelu. Pasobra caminda dos of tras reuni den Mi nomber ey Mi ta meymey di nan. ( Mateo 18:19-20).

Si nos kier mira algo sosode den nos bida, nos tin cu obedece palabra di Dios, hopi biaha hende kier ricibi pero nan no kier sigi e instruccion cu Dios ta duna, nan kier tur cos sin ningun esfuerso, pero Dios mes a duna e formula pa exito den nos bida, exito den nos cas, exito den nos Famia.

No ta pornada ta para scirbi : Si Mi pueblo cu ta wordo yama na Mi nomber: Humiya nan mes, y haci Oracion,y busca Mi cara,y bira for di nan mal camindanan, e ora ey lo Mi tende for di cielo, y pordona nan pica, y cura nan tera.

E enemigo ta haci tur cos , pa stroba oracion, pasobra e sa cu den esey tin forsa

y den esey tin victoria, pasobra caminda dos of tres reuni den nomber di Senjor tin victoria, kico lo pasa ora miles, y miles reuni den Su nomber, tambe E lo ta meymey di nan y cosnan grandi y milagernan lo sosode.

Pesey cada hogar riba nos isla mester ta un hogar di oracion, y no un hogar di pleito, rabia y discusion, pasobra den e cosnan ey no tin ningun clase di bendicion.

E oracion den famia ta sumamente necesario, si e famia kier bay dilanti, si e famia kier tin exito si e famia kier wordo libra di trampa di e enemigo. Pasobra e poder di oracion ta kibra bruheria y vicio, ta corre cu inmoralidad, perversidad, mal comportacion, inhusticia, y mas cu tur cos ta aumenta e presencia di Dios den nos Hogar.

Cristo Hesus kier pa nos reuni den Su nomber, pasobra Su nomber ta riba tur otro nomber, E a bisa cu tur locual nos bay

cielo lo hacie pa nos.

Tur cos cu ta den Su nomber ta den Su boluntad, nos no por haya nada for di Su boluntad, pasobra e oracion di nos Tata ta sinja nos pa Su reino bini y Su boluntad sosode tanto na tera como den cielo.

Ta solamente beneficio tin pa nos, ora nos obedece y haci oracion, y hopi biaha nos ta pasa den necesidad, pasobra nos no ta lesa e palabra di Dios, y obedece Dios, pa asina cambio grandi tuma lugar den nos bida, cambio grandi tuma lugar den nos curason, nos wowo lo habri y stop di pone atencion riba cos cu no ta cumbini, y busca cara di Dios, pa asina nos por ricibi locual nos tin mester.

di acuerdo cune den su nomber, su Tata cu ta den

Tin scritura cu ta papia di unidad den famia, cual ta hiba na unidad den oracion.

Salmo 133:1 ta bisa: Mira ki bon y ki bunita ta ora rumannan biba hunto den harmonia.

Colosensenan 3;13; Y boso soporta boso,y pordona otro, si un di boso, tin un keho contra otro, mescos cu Senjor a pordona boso, asina boso tambe mester haci. Ademas di tur e cosnan aki bisti amor, cual ta e laso perfecto di unidad.

1 Pedro 3:8 : Finalmente , boso tur sea di acuerdo cu otro, teniendo compasion cu otro, stimando manera ruman, y sea misericordioso y humilde den spirito .

Ta boluntad di Dios pa nos uni den oracion, pa asina nos mira su Gloria y bondad.

Sinceramente, Pastor Marcel Balootje.

Un feliz

dia yena di hopi fe y speransa den nos bon Dios

”…sino conta e generacion venidero: esta gloria di Señor, su poder, ye cosnan milagroso c’El a haci.” ( Salmo 78, 4bc) E Evangelio di awe ta cuadra, manera semper, tempo cu ami tabatamucha. Mi mayornan semper tabata educa mi tocante di Dios, CristoHesus y Spirito Santo. Y un Bijbel no tabata haci falta. Haci oracionta cos di tur dia. Y sin falta bishita e cas di Dios.

Awendia nos ta ripara e generacion di awo, no tin mucho balor pa cuDios. Pero anos a sigui conta nos yiunan tocante di Dios manera nosgrandinan a haci? Anos a siña e hubentud tocante e milagronan ysacrificio cu Cristo Hesus a haci? Of di e donnan cu Spirito Santo tinpa nos? Y anos a tene man di nos yiunan, hibando nan, tur siman, pacas di Dios pa scucha su Palabra? Ban sigui cu e bunita custumber cunos grandinan a haci. Ban sigui hiba e futuro generacion ariba ecaminda cu Cristo Hesus a traha pa nos. ”…pa nan tambe confia denSEÑOR, no lubida Dios su obranan grandi…”(Sal 78, 7) Oracion: Señor mi Dios motiva mi y guia mi, cu yudansa di SpiritoSanto, ariba mi responsabilidad pa conta y educa e generacion nobo di Bo Maraviya.

Y inspira nan pa nan sigui conta na e siguiente generacion. Amen.